أن تنهمِر علينا السعادات مثل انهمار المطر 🌧

يناديك الجفا وأنتِ عليك من السما جلباب
‏يمر الغيم : فوق أربع جهاتك كل ما جيتي ..

يوم غابت ليلة الميعاد و أقفت كل نجمه
‏جيت أدوّر في عَتيْم الليل عن ضحكة سراجك

أَمنحُ عُمري كله..
‏لِمن يشعرني بأنني أنا فقط
‏مهما كَثُرتْ عليه الخيارات

أيّام مالها وصف إلا "أنا الوحيد وقومي أكثر من الرّوم / وفي لمّة العربان .. كنّي خلاوي"

‏تعوّدت الرحيل و ماعليّ خْلاف
‏أنا في كل نفس الله موزّعني

‏تخاف الفقد يوجعني ؟ أنا ماخاف
‏أنا أخاف الحنين اللي يرجّعني ..

مشينا الدرب هذا من طهارة سكّته حافين
‏تمادينا عليه وكل مايرضيك .. يسعدني

‏معك استطعم الدنيا ومقبولة معك وتزين
‏ومن قبلك وسيعات الأراضي ، ما تناسبني

لا هب الهوا ليته على صدري المخنوق
‏أشعر أني فاقدٍ لي فرحةٍ كيف أبلقاها

‏أنا و الرجا مثل البدو يتبعون بروق
‏ورى غيمةٍ غابت ولا حصّلوا ماها

‏تلاعب بنا الأيام وأثر العمر مسروق
‏طردنا ورا الدنيا ولا جابت أقصاها

‏نجي من تحتها وانتهايّق لها من فوق
‏نقول نعرفها .. و أثرنا ما عرفناها !

‏مروعني الوقت لو ياخذ طموحاتي
‏وتروعني الناس في صدمة مباديها

بليدة شعور، ‏ولا شي.. يلفت انتباهي
‏تمرني أشياء ما تمشي و أمشيّها

‏" مسكرة أذني.. و مقلله علاقاتي "
‏تتساقط الناس من عيني و أخليها

كيف أقنع دماغي يوقف تفكير ويسمح لعيوني تبحر في عالم الأحلام؟ ‏- أرق كل الليالي .

ودنا بالطيب بس الدهر جحاد طيب
‏كل ما تخلص مع الناس كنك تغشها :)

يا عالم الغيب، يا سامع دبيب النمل
‏يا منبت الحب، يا محصيه، يا فالقه،

‏يارب تمهل لنا.. لين الدموع تهمل
‏من خشيتك يا كريمٍ رحمته سابقه

‏ويارب تجعل خواتمنا صلاح العمل
‏ندعوك و نفوسنا بـ ذنوبها غارقه

‏ويا ربنا لا تحملنا.. مالا نحتمل
‏ما دايم الا أنت لا ضاقت بنا الضايقه

عدنا من جديد 🧚🏻‍♂️

‏الوداعه، و السماحه، و اللطافه،
‏هذه أصدق ما زرعته خلف سوري

‏و السكوت إن حمّل ضلوعي كلافه
‏بيض الله وجهه بـ غيبة حضوري .

‏ما نصيتك بـ الجموع اللي لها جيّه و روحه
‏أطرح النيشان في الميدان من عيني و كفي

‏- شليويح المطيري

على كثر الجروح في صدري مَا عرفت أعتاد
‏يجينيّ الجرح ما كن له دروب بـ داخلي رحبه
و على كثر المفارق في الزمان بـ خاطري ما فاد
‏أنا للحين فيني من الموادع و الحزن رهبه
‏إلين الحين و دموعي تهامَل و الألم يزداد
‏ولا أستاهل لو إن الحظ يقصر و الحلا وِهبَه
لعل الله أودع في جوانب روحي الأضدَاد
‏أحبّ أبعد عن الغالي مخافة و أحتري قربه
‏أخاف من الجدل و من الزعل و من الكلام الحاد
يغربنيّ قسى الغالين دايم و أشعر بـ غربه
‏بـ صدري تعشب الفرحه ولا تاخذ كَلف و جهاد
‏بسيطه لكن بـ صدريّ أمل و بـ داخلي رغبه

‏عنوان الليلة:
أجي فيني عتب يجرح حنيني و السنين عجاف
‏و أروح و ما معي غير الوله في رحلة الظلمه :)