✅ إلى دوزتي فترة معينة فالعمل كتولي تلقائيا مرسم!
مثلا عندك فترة تدريب ديال 3أشهر قابلة للتجديد (الحق فتجديد مرة وحدة) والمشغل باقي ممقتانعش بيك باش يرسمك ممكن أنذاك يمدد ليك 3أشهر أخرى، وإلى داز نهار واحد على ديك 6أشهر كتولي مرسم بقوة القانون إذن ماشي المشغل لي كيقرر ولكن بالمدة والقانون، أما بالنسبة للشركات ليكيديرو العقد على عام قابل للتجديد، هاد القضية كاينة فجوج حالات إستتنائية
👈🏼 شركة طرحت منتوج جديد فالسوق ومعرفاتش واش هاد المنتوج ممكن ينجح ولا لا
👈🏼 مقاولة جديدة عاد فتحات الأبواب ديالها
⛔️ يعني تخدم نهار واحد بعد هاد السنتين لي تم التمديد ديالها كتولي مرسم بقوة القانون
⚠️ بعض الشركات كيديرو عقد CDD لمدة x وكحد أقصى سنتين ومني كتسالي كيديرو عقد CTT وموراها CDD وموراها CTT وكتبقا هكذا إلى ما لا نهاية وكاينا فئة أخرى لي كيخرجوك مباشرة مني تسالي CDD باش متوليش مرسم، كيقولو ليك سير شهر تقريبا ورجع باش الصلاحية ديالك مع الشركة تنتهي، ومني كترجع كيديرو معاك عقد CDD عوتاني، كاين لي كيبقا +10سنوات غيل بCDD مكررة بحجة أنه ملقاش عمل وعندو مصاريف وشركات كبار كيستاغلو هادشي ومفهمتش علاش الدولة ممأطراش هاد التغرة 💔

🧟‍♂ فبعض الأحيان كتلاقا مع شركات إستغلالية ومدراء من الطراز القديم لي فغالب الأحوال مكيشوفوش الموهبة لي عندك، المجهود لي كدير، الأرباح لي كتجيب ليهم أو بالأحرى منظورهم منحصر.
✅ نصيحة، مني تشوف بأنه عندك الكفاءة طلب قيمتك ويلا ملقيتيهاش صنعها ودير شي حاجة ديالك نتا مهتم بيها وعطي فيها ومتخليهمش يستغلو المهارة ديالك بمقابل زهيد حيتاش نهار غتمرض مغيعقلوش عليك، ومتبقاش تعطي أعذار (أنا عندي مسؤولية ومصاريف…) تفكر بلي الله تعالى هو الرزاق وكيفما رزقك فالبداية غيرزقك فالنهاية غيل خود بالأسباب وبحث مزيان وتهلى فصحتك.
🤖 ومتنساش تواكب التطور التكنولوجي وتنمي مهاراتك فالمجال.
☺️ هادشي ماشي غيل فالصالح ديالك وإنما فصالح المجتمع كامل…
⛔️ لأن الطغات لا يصنعون العبيد وإنما العبيد من يصنعون الطغات!
👈🏼 قانون الشغل كبير ومبغيتش نطول عليكم، كنت لحت عقد عمل جمعت فيه معضم البنود الخاصة بالشركات، إلا بغيتو تعرفو كثر سيرو قراوه وبحثو فيه
t.me/aji_nt3awno/961?single
❤️ نتمنى تكونو ستافدو، حاولت نوضح الفكرة شوية على cnss وبعض بنود قانون الشغل والحقوق ديالك والواجبات لي عليك والفقرة المقبلة غنشوفو شركات التأمين بإذن الله.

مؤسسة ACAPS هي هيئة مراقبة التأمينات و الإحتياطات الإجتماعية، قامت بتقسيم أنواع التأمينات لصنفين أساسيين ذلك حسب موضوع التأمين و نطاقه، فالتأمين على الأضرار يتضمن :
⁦👈🏼⁩ التأمين على الأشخاص الذاتيين (المسؤولية) :
ويضمن العواقب المالية للمسؤولية المدنية التي قد تقع على عاتق المؤمن له نتيجة أضرار جسدية أو مادية أو غير مادية طالت الغير، (كالتأمين عن الحياة والرسملة "السندات/الأقساط"، التأمين عن الأمومة…).
⁦👈🏼⁩ التأمين على الممتلكات :
ويشمل التعويض على ضرر لحق بالمؤمن له نتيجة خسائر أو أضرار طالت ممتلكاته، (كالتأمين على السكن أو السيارة أو مقر الشركة أو المتعلق بالبناء والعقارات المنقولة…).

أنواع التأمين assurance قسمناهم سابقا لنوعين أساسين، وكل نوع كاينين فيه بزاف الخدمات، ودابا غنركزو على خدمة تأمين السيارات حيتاش هو الأكثر إستعمالا وكاين فيه 3أصناف، التأمين العادي والتأمين على المخاطر والتأمين الشامل :
‌👈🏼⁩ تأمين الحماية المدنية (العادي) : هذا هو الرخيص فيهم وكتأمن على جوج حوايج.
✅ في حالة كنتي الضحية بمعنى ضربك شخص بالسيارة من الخلف أو شخص كان متجاوز إشارة المرور أو علامة قف أو كان على اليسار ديالك… فهاد الحالة التأمين العادي كيعوض لك الخسائر المادية لي لحقات بالسيارة.
✅ في حالة كانو خسائر بشرية يعني جرح أو ألم أو كسر أو وفات صاحب التأمين أو شي شخص راكب معاه (التأمين كيعوضك حسب درجة الخطورة والتعويض هنا كيكون بالملايين).
‌#️⃣⁩ الفرق فقط في المدة ديال التعويض والإجراءات، في حالة كانو الخسائر مادية عند الطرفين لي تسببو فالحادث، كيجي المراقب constateur ديال التأمين كيعمر ليكم كوسطا وكتدفعها لشركة التأمين ديالك وكيقيمو لك الخسائر وحتى هما كيحطوك فشي 3 الإختيارات :
1⃣ الإختيار الأول : تعطيهم السيارة يدخلوها للكاراج ديال التأمين حتى تصاوب وترجع تجيبها (فهادي منصحكش حيتاش ممكن تبقى تسنى شهر)
2⃣ الاختيار الثاني : تمشي تصلحها بوحدك وتكلف بوحدك بالمصاريف ومن بعد كتجيب ليهم Facture وكيعوضوك على شحال خسرتي، وهادشي كياخد من 15يوم حتى شهر أو أكثر حسب السرعة ديالك فالإصلاح والإدلاء بالفاتورة والدوڤي.
3⃣ الاختيار الثالت والرائع عند سهام : كتحصل الحادثة فالصباح كتمشي لعند (شيك أوطو) كتدخل طوموبيل كيديرو تقييم ديالهم للخسائر وكيعطيوك شيك فالعشية وغالبا كيكون أكبر من الثمن باش غتصلح فالواقع.
‌👈🏼⁩ التأمين على المخاطر Damage et collision :
ويعني أن التأمين غيعوضك سواءا كنتي ضحية أو لا، الفرق فقط فأنك إذا كنتي أنت مرتكب الخطأ أتخلص 20% من الثمن لي خلصتي عليه التأمين النهار اللول (يعني في حالة خلصتي التأمين ب5000درهم ودرتي حادثة من بعد ونتا المخطئ غيزيدو عليك 1000درهم ديال pénalité وهادشي كينطابق حتى على التأمين الأول لي تكلمنا عليه الفوق، لا كنتي ماشي فوتيف مكتخلص تا حاجة).
‌👈🏼⁩ التأمين شامل المخاطر tout risque :
وتعتبر هي الأفضل ولكن غالية (زيد الماء زيد الدقيق) وتعني أنك سواءا كنتي مرتكب الخطأ أو ضحية غادي تتعوض على الخسائر كاملة، غتقول لي شنو الفرق بينها وبين التأمين رقم 2، الفرق هو أنك تقدر تنعس فالليل وفالصباح تلقى السيارة مضروبة… هنا مكتحتاجش تلقى الطرف لي ضربك، كتديها للتأمين ويعوضك على الخسائر العكس ديال Damage لي كيخص ضروري الطرف الثاني باش تأخد التعويض.
وهنا غتجي شركة التأمين RMA لي دايراه إبتداءا من 7دراهم لليوم…
‌👁️⁩ فهاد الأنواع كاملين تقدر تزيد خيارات أخرين des options مثلا غدير التأمين العادي رقم1 وتزيد التأمين على الزجاج في حالة لقيتي شي مجهول هرسو ولا على الحريق ولا على السرقة وهاد الخيارات كلما زدتي حاجة كتخلص أكثر.
😇 نصائح عامة :
‌🤚🏼⁩ دير كاميرا فالسيارة كتحميك من ولاد الحرام لي كيسمسرو فالتأمينات.
‌🤚🏼⁩ ضربتي شي واحد ونتا مرتكب خطأ ضرب حسابك، شوف الضربة لي عندو وفي حالة كان متفاهم تافق معاه بشي ثمن لي قل من داكشي لي أتزيد عليك شركة التأمين… مثلا نتا كتخلص 5000 درهم غتزيد عليك 20% لي هيا 1000درهم وهو عندو غير قمشة خاصها شي 400درهم عطيها ليه وتهنا، هادشي في حالة كان عندك التأمين العادي أما إلا كان عندك Damage ولا tout risque قيد معاه وكملو الإجراءات.
‌🤚🏼⁩ ضربتي شي شخص وتقصح وشفتي بلي غيل كيمثل حاول تسلك معاه على أساس تديرو كوسطا عادية… لأنه إلا بقا كيمثل عليك أتضطر تعيط البوليس هما لي يديرو الكوسطا وفهاد الحالة كياخدو لك الوراق ديال السيارة وكتبقى مجرجر وهو غير كيمثل… ولكن لا بان لك بلي بصح يقدر يكون تقصح دير معاه الاجراءات اللازمة باش ياخد تعويضات ديالو تاهوا.
‌🤚🏼⁩ فاش تكون سايق دائما رد البال مع الدراجات الهوائية والنارية أكثر، لأنه فحالة ضربتيه غادي يكونو خسائر بدنية… وفي حالة قالك (المسامح كريم) دير عليه الشهود ولا دير معاه شي ورقة ديال التنازل حيت تقدر غير تمشي ويتنادم معاه الحال ويدير بيك شكاية بلي ضربتيه وهربتي وهادي كتشكل خطورة أكثر (دكشي علاش دائما دير كاميرا فالسيارة).

✅ حماية حقوق الضحية في ظل غياب الضمانات اللازمة 🤔 واش عارف هاد المعلومة القانونية ؟
👈🏼 في حالة وقوع حادثة سير بأي وسيلة نقل (ما عدا السكك الحديدية) وبقا مرتكب الحادثة مجهول ماعرفتيش الماتركيل ديالو أو ضربك شي واحد لكن معندوش التأمين…
👈🏼 لك الحق تابع واحد المؤسسة هي لي غتعوضك بقوة القانون إسمها "الصندوق الوطني لضمان حوادث السير" هاد المؤسسة كتحل مكان شركات التأمين بالمغرب، كترفع دعوة قضائية عليها وهي غادة تخرج ليك رزقك بحال أي assurance العادي.
👈🏼 أحدِثَث هذه المؤسسة للتعويض وللحفاظ على حقوق المواطن عند غياب التأمين سواءاً ضربك مجهول أو لي ضربك مامخلصش لاسيرونس...
⛔️ وحسب المادة 148، ينبغي على الضحية أو ذوي حقوقه توجيه طلب بالتعويض عن الأضرار التي لحقتهم إلى صندوق ضمان حوادث السير في أجل 3 سنوات منذ تاريخ وقوع الحادثة
⚠️ المصدر حسب مقتضيات القانون 99-17 المتعلق بمدونة التأمينات 👇🏼
http://www.sgg.gov.ma/arabe/CodesTextesLois/codeassurances.aspx
⁉️ الإطار القانوني : بمقتضى القانون 08/08 ف 13 فبراير 2008 المتعلق بمجلة التأمين نصت عليه الفصول 172 إلى176

✅ وكالة كراء السيارات، الحوادت والتأمين :
👈🏼 بالنسبة للناس لي كيكريو السيارة وكيحطو شيك ضمانة، للتذكير داك الشيك ضمانة ماشي قانوني، جريمة عقوبتها السجن لكلا الطرفين (جنحة حيازة شيك على سبيل الضمانة)، لكن كيفاش تحمي راسك 💁🏻‍♂
👈🏼 ضروري تسول صاحب الوكالة شمن نوع من التأمين داير واش "tous risques" ولا عادي، في حالة مكانش "tous risques" حاول متكريش من عندو حيت غادي تولي فمشاكل أنت في غِنا عنها.
👈🏼 متكريش سيارات غالية ولا لي عاطية للعين أو جديدة لأنها ماشي في صالحك، كيفاش؟ حيت فاش غدير حادثة ولو بسيطة غتقام غالية فالإصلاح يعني نتا غتخلص أكثر.

👈🏼 فاش كدير حادثة، صاحب وكالة كراء السيارات راه داير تأمين على السيارة إذن غتعوضو الشركة، لكن لا يعني أنك مغتخلص والو، لأن التأمين مغيعوضوش %100، نتا غتخلص تقريبا الفرق لي هو 10% أو 5% لي باقي كيتسما "Franchise" باش صاحب الوكالة يرجع لو رزقو كامل لي خسر عليها باش تصايبات ميمكنش يتعوض بـ90% مثلا و10% يخلصها من جيبو لأنه كراها ليك ونتا لي درتي الحادثة.
🚗 وكالة كراء السيارات آش كيديرو ؟
👈🏼 كاين واحد النوع نصاب إلى لقاوك معارفش القانون كينصب عليك، مثلا الخسائر كاملة 4مليون سنتيم، كتعوضو شركة التأمين بـ 3مليون سنتيم (سقف التعويض) وكيقولك تانتا خلص ليا 3 ديال المليون تعويض على الخسائر، وهكذا كيجمع 6مليون سنتيم والخسائر أصلا كلها قيمتها غير 4 ديال المليون، صدق مصاوب السيارة كيما كانت وربح 2مليون (نصب).
👈🏼 في حالة مبغيتيش تخلصها كيكتب فالشيك لي عندو خاوي 3مليون سنتيم وكيدير فيه التاريخ ونتا ديجا سانيه وكيدفعو للبنكة، في حالة كان عندك الرصيد كيتقطع ليك، ماكانش كتقيد عليك إصدار شيك بدون رصيد وتمشي للمحكمة وكتحكم عليك بالحبس وغرامة (تهمة إصدار شيك بدون رصيد)، كتولي المشكيلة مع المخزن ماشي الوكالة…
👈🏼 صاحب الوكالة غيستفزك بالشيك لأنه غالبا مكيدفعوش حيت لا دفعو نتا ممكن دوز الحبس وتخلص غرامة للمحكمة وهو ما يربح والو معاك!
⛔️ دائما خصك تعرف شركة التأمين واش عوضات الوكالة وشحال عوضات باش نتا تخلص فقط الفرق لي غيكون قليل لي هو تقريبا %10 من الخسائر…
🚸 متنساش! الخسائر كيقيمها خبير ماشي ميكانيسان عندو كراج هو لي كيديك عندو حيتاش صديق ديالو وكيعرفو، إلا شفتي دكشي مبالغ فيه قوليه نجيبو خبير.
🤔 درت حادثة! مرحبا شحال ديال الخسائر، شحال عوضاتك شركة التأمين، شحال جا فحقي نعطيهلك والسلام عليكم. إلا قريتي هادشي راه عمرك ينصب عليك شي واحد
😇 هنا غنكون عطيتكم فكرة مبدئية على شركات التأمين وكيفاش كيخدمو
ركزت ليكم بالخصوص على تأمين السيارات حيتاش هو الأكثر إستعمالا وخصوصا فميدان الشغل 💔
👈🏼 بالنسبة لتأمين المنازل فراه حتا هو فيه 3 أنواع :
👈🏾 تأمين السكن متعدد المخاطر multirisque habitation
👈🏾 تأمين الإقامة tarif économique pour protèger votre logement
👈🏾 تأمين المباني multirisque immeuble
وكاينين خدمات تأمين أخرى مثل :
👈🏼 تأمين على الوفات والمالية… prévoyance
👈🏼 تأمين الدراجات moto
👈🏼 تأمين على القوارب والأسفار… loisirs
👈🏼 تأمين المدخرات كالتقاعد والتعليم… épargne
👈🏼 وبزافت تأمينات بحال نقل البضائع والحرائق وزيد وزيد…
⁉️ كل تأمين فيه عدة أنواع وكل نوع عندو مميزات وخواص ديالو بوحدو وكل شركة تأمين كتحاول تقدم مميزات على المنافسين ديالها…
😫 وهادشي كثير لذلك حاولت مندويش عليهم وخليت ليكم رأس الخيط لي بغا يزيد يبحث راه البنود ديالهم واضحين بدون تعقيد غنوضع ليكم فالأسفل بعض مواقع ديال شركات التأمين بحيث يمكن ليكم تزيدو تبحثو فيهم (خانة الخدمات) لمن يهمه الأمر :
www.axa.ma
www.sahamassurance.ma
www.wafaassurance.ma
www.atlantasanad.ma

#إحذر ❤️
👈🏼 أي مؤسسة صحية أو مصحة خاصة، مشيتي ليها باش يقدمو ليك أي خدمات طبية سواءا مراتك حاملة أو مريض…، وطالبوك تعطيهم شيك ضمان، فراه معليك غيل تربط الإتصال بالرقم الذي وضعته وزارة الصحة رهن إشارة المرضى و عائلاتهم للتبليغ عن المصحات المخالفة للقانون...
☎ 05 37 76 10 25
👈🏼 طبقا للمادة 42 من النظام الداخلي للمسشفيات.
👈🏼 وقانونيا فإن "شيك ضمان" مخالف للقانون ويعتبر جريمة وفي حالة إثبات أو توتيق هذه المخالفة على المصحة (صور، شهود، تسجيل…) فكن متأكد أن المصحة ستتعرض لعقوبات قاسية.

#إحذر ❤️
⛑ تعرضتي للإبتزاز من طرف شي شخص معروف أو مجهول، مثلا شخص خدا تصاورك وعدلهم بطريقة مخلة بالحياء وبدا كيهدد فك بلي غينشرهم فصفحات مشهورين أو يرسلهم للعائلة… أولا عطيتيه معلومات ديالك ولقيتيه كيبيع فيهم اولا نصب علك فمبلغ مالي… 💁🏻‍♂
معليك غيل تسجل الرسائل لي جاوك وتواصل مع رقم مكافحة الابتزاز الالكتروني :
👈🏽 الرقم 19 من داخل المغرب
👈🏽 الرقم 117 من المناطق الأرياف الرقم
👈🏽 الرقم 112 للإتصال من الموبايل
👈🏽 الإتصال برقم 533 أو131 التابع لجهاز الأمن الوطني مديرية الجرائم الإلكترونية
👈🏽 بالنسبة للشخص لي خارج المغرب ماعليه غيل يمشي لأقرب سفارة تابع ليها و هيا غتكلف
✅ شنو خاصك دير فهاد الحالة :
👈🏼 أولا متحاولش تجاوب شخص لي كيهددك نهائيا يعني واخا يرسل لك ولا يصوني علك وفي حالة جاوبتيه سجل دكشي كامل
👈🏼 ثانيا متحاولش تمسح داك المحتوى لي رسل لك لأنه هو الدليل لي عندك
👈🏼 ثالتا بلوكي داك الشخص من المواقع لي كتشك فيه كياخد منهم المصادر باش كيهددك و حتا من البلاصة لي كيدوي معاك فيها
👈🏼 رابعا متحاولش ترسل ليه مبلغ مالي
👈🏼 خامسا بلغ بيه الشرطة فالقسم الخاص بالجرائم الإلكترونية

#إحذر ❤️
⛔️ الأرقام المخصصة للحالات الطارئة.
🤲🏼 الله يحفظ الجميع إن شاء الله.

#الصحة #إحذر ❤️
📸 الصورة توضح الفرق بين عضام اليد لطفل بين 10أشهر، 3سنوات، 8سنوات إلى 18سنة.
👈🏼 يتضح بها أن نمو عضام يد الأطفال لا يبدأ إلا بعد عمر 6-7سنوات فهي قبل ذلك تكون فقط غضاريف لينة، وفي حالة ما لوحظ أن الطفل لديه مشاكل نمو أو إعوجاج بالعضام… يتم إجراء صورة أشعة لتحديد مدى نضوجهم العظمي بالنسبة لأعمارهم…
✅ لا تجبروا أطفالكم على الكتابة في سن مبكر ولا تنتقدوا خطهم ! فهناك طرق كثيرة للتعليم والتوعية غير الكتابة…

#مواقع_مفيدة ❤️
موقع جميل كيسمح لك تزيد تعرف على جسمك وكيفية العمل ديالو بشكل ثلاثي الأبعاد :
www.innerbody.com/htm/body.html

#التصميم و #التسويق بالتعبئة أو التغليف ❤️
☺️ الفكرة ذكية، ولكنها إحتاجت لمصمم أذكى
🥳 تستخدم التعبئة والتغليف، كوسيلة للتواصل مع الزبناء من خلال رسوميات سواءا على شكل عناصر لفظية (نصية) أوغير لفظية (لون، شكل وملمس) بهدف إيصال رسالة إلى المستهلكين أو لجدب إنتباه فئة معينة (كالأطفال مثلا)…
🎁 فالتغليف يعتبر هو الرسالة، بحيث تقدم شرح للمنتج في لمح البصر.
👀 الهدف من هذه الإستراتيجية التسويقية هو إثارة دهشة المشترين وتحفيز فضولهم وإقناعهم بإختيار منتجك على المنتج منافس، وهذا ما يسمى بـ:
Marketing Packaging

#مواقع_مفيدة #الإسلام ❤️
هذا الموقع يتوفر على جوامع دعاء النبي محمد ﷺ، قرابة 50دعاء مجتمعة بشكل جميل وثلاتي الأبعاد ومجاني
online.pubhtml5.com/kjnc/ivrg/#p=38
الملف بالأسفل بصيغة pdf لنفس محتوى الموقع 😅

#مواقع_مفيدة #التصميم ❤️
👈🏼 هذه مجموعة من المواقع التي توفر نمادج templates بصيغة word جاهزة للتعديل، كأغلفة البحوث وكتب وتصاميم…، نتمنى أن تفيدكم:
1⃣ الموقع الأول:
template.wps.com/templates/category/word/
2⃣ الموقع الثاني:
poweredtemplate.com/graphic-templates/free/license=free;type=word
3⃣ الموقع الثالث:
templates.office.com/fr-fr
4⃣ الموقع الرابع:
www.template.net/editable/word
5⃣ الموقع الخامس:
schoolflyer.blogspot.com/?m=1
⛔️ الرسالة قابلة للتعديل مستقبلا… كلما وجدت موقع جديد سأضيفه إن شاء الله.

#رسائل_هادفة ❤️
👈🏼 هناك شخص قرر نزع نصيبه "بالعدل" من وجهة نظره الشخصية، فأفسد على الأخرين نصيبهم.
✋🏼 وسيقول لك أنه أخد حقه فقط وبشكل عادل تماماً!

#مواقع_مفيدة ❤️
✅ هذا الموقع مخصص للأسئلة والأجوبة، طاح في بالك شي تساؤل و مالقيتيش الجواب دخل هاد الموقع طرح عليهم السؤال وغا يجاوبوك.
👈🏼 كما يتم تعديل الأجوبة وتنظيمها بواسطة مستخدمي الموقع.
👈🏼 اللغات المتاحة: اللغة العربية، الغة الإنجليزية، الغة الفرنسية، اللغة الألمانية، المزيد…
www.quora.com