#لحن_الحاج_باسم_الكربلائي
#الرادود_احمد_الزوار
#قصائد_محرم1440
#لحن جرح المدينه


بالغاضريه. رحت من اديه


امك يالاكبر ياعلي ياسلوتي بدنياي
ربيتك بحجري وصرت يبني بتعب حيلاي
حسّبتك تظلّي ذخر يبني وتعيش وياي
ما حسّبت دامي النحر وتشاهدك عيناي
بحجر المنيه. رحت من اديه



ليل السهر ذاك الگضه يبني ومضه وياك
ما نامت عيوني وغفت ومساهره برباك
لا لا تظن يبني علي اگدر بعد انساك
لوّع دليلي وگطعه يبني علي فرگاك
بهاي المسيه. رحت من اديه



لو ادري يبني بكربله من بين اديه تروح
ما چنّت اجيبك ياعلي ولا انظرك مذبوح
عگب الربه وذاك التعب متوذّر ومطروح
اتمنّه دمي اللي جره مو دمك المسفوح
اعظم رزيه. رحت من اديه



شلّي بحياتي ودنيتي بعدك ينور العين
ريت الگطع نحرك گطع نحري واخذني البين
گلبي انگطع لمن شفت يبني ابوك حسين
بطولك تمدد ياعلي يجري دموع العين
هونك عليّه. رحت من اديه



شفتك جسد يبني علي متوذر ومخضوب
زين الگلب شافك صبر من مصرعك ميّذوب
مكتوب اشوفك ياعلي دامي النحر مكتوب
وگلبي يالاكبر منفجع بنارك يظل ملهوب
شفت الاذيه. رحت من اديه

لحن القصيدة ملا باسم الكربلائي
جرح المدينه

خادم علي الأكبر عليه السلام
سيد زيد الفحام
________________________

https://telegram.me/ahmed_alziwar

#لحن_الحاج_باسم_الكربلائي
#الرادود_احمد_الزوار
#قصائد_محرم1440
#لحن شالو نعشها وينه عباس



سيفي بيميني آنه الاكبر
..........

يا آل اميّه سمعوا هالصوت
سيفي بيميني جاكم الموت
آنـه بعلي الـكـرّار منعوت
ابن الحسين وجدي حيدر
..............

وين المفر يا آل اميّه
عازم أذبّحكم بديه
قوّة علي الكرار بيّه
وينه اليواجه سيفي بالكر
...............

آنه علي الأكبر تسمعون
واليوم يومي وگلب الكون
سبعين الف وشما تكثرون
اهزمكم آني وحدي اكدر
..................

هذا الحسين الغالي شوفوه
اگطع اديكم لو تمسّوه
والماي اشربه وماتمنعوه
وعبدالله يروه گلبه ينسر
................

صوّل عليهم والضرب صار
خيل وزلم خلاها طشّار
ضعفين اخذ من عدهم الثار
ابن الحسين بسيفه سيطر
..............

من علي الأكبر شردت الناس
ظلّت جثث فوگ الجثث داس
الاكبر شبيه بعمّه عباس
بكثرت عددهم ما تأثّـر

لحن ملا باسم الكربلائي
شالوا نعشها وينه عباس

خادم علي الأكبر عليه السلام
سيد زيد الفحام
_________________________

https://telegram.me/ahmed_alziwar

#قصائد_محرم1440
#الرادود_احمد_الزوار
#قصائد_الاكبر_ ع
#نعي

(نعي للاكبر ع لسان حال امه ع)

ٲجر حسرات وعيوني يهلن
على فراگك يالاكبر ما يملن
جلماتك ضحكاتك اشسون
خناجر شوگ وسط الگلب خلن
عگب طولك ييمه ٳلمن يصدن ...

الولد ويه النفس يصعد وينزل
واصيرله جنت من الشمس ظل
اعز من الهوه ويا اغلى من الكل
عيوني مساهره لا جنت ولا تمل
تعال ورد ييمه فرگتك تكتل ...

(ابو ذية)
يمر حسين من يمي يمر هام * شفته وبالگلب اصبح يمر هام
عله الاكبر همت انشدنه يمر هام * شبيه المصطفى ما رد اليه ...
ليالي الضيم من بعدك دوني * بنار الهجر يا يمة دوني
الاكبر راح يا ليلى دوني * وانعي عله الولد صبح ومسيه ...

الخادم سيد عبدالله المڰصوصي

https://telegram.me/ahmed_alziwar

#قصائد_محرم1440
#الرادود_احمد_الزوار
#قصائد_الاكبر_ع
#رئيسية

متشابگين .. وهـــاي اخر شبــگه صارت بينهم
متشـابگين .. ودرب مابي رجعه رسمت عينهم
انكتب اخـر سفر
انكسر گلب وضهر

متشابگين

* ********

شاب… ويـشتم ابـ شيـبات لون الگـمره
وداع … .وشـبگه راح اتصــير اخر مره
حرام… گلب الحسين انكسر وي ضهـره

هوه ايوادع هــــوه
ضوه يفــــارگ ضوه
الولد بـــوداع ابــوه
جـــرح زاعـــل دوه




متفارگين .. و علي الاكبــر يجمــع ابخطواتــه
متفارگين .. وطفن اخدود الشمـــــس دمــعاته

ظهر كلشي انكــسر
انكتـــــب اخـر سفر

متشـابگين
********************

عيون… حمره صـارت من كثر ما باچيــه
ادموع .. عن وداع ابن وابو شگد حاچيه
ظلام .. غربت شمس الصباح و ماشيه

اب أبو الاكـبر جرح
اشــــــد من الذبح
علي بيـوم المـــشه
شمس عافت صبح



متواعدين .. ويم رسول الله القاء الاخر
متواعدين .. وهي كل خطوه تكسره الخاطر


جرف عايف نهر
انكتـــــب اخـر سفر

********
رحيل .. حــسين اخـذ من ابنه اخر شمه
حزين .. يعـــينه الله حــــسين فـارگ زلمه
بحيث .. بگلــب ابو الســجاد ضلت لچمه

لثم نـحره ويشـــم
سمه وشبگت نجم
شكبر جــرح الگلب
اذا فـــــارگ زلــــم




متباعدين .. ابو الاكـــبر عنــه باعد حيله
متباعدين .. گمر تام ومبـــتعـــد عن ليله

رحل ضي الگمر
انكتـــــب اخـر سفر

************

بگفاه .. انرسمت ايدين اشكثر توميلــــه
التراب .. اضن كل خــــطوت بعد يبچــيله
خيام .. اشچـــم تعال وبالدمــع تحـــجيله

انكـــسر طول الخيم
الـــم يتـــــــبع الــــم
علـــي الاكبـــر رحـل
وبعد كلشــــي انهدم

دمعت عين .. الدنيا تبجي شما يهم خطواته
دمعت عين .. يكسرن الخاطر صدگ عماتـــه

جرح زينب كبر
انكتـــــب اخـر سفر

************

سكوت .. كلشي ساكت من نگل خطواته
هـــدوء .. خافگ الحسيــن العلـــن دگاته
جروح .. وگلب ليله الماهدن دعواتـــه

دعـــت ربــــها اشكثر
يرد تعــــــب الـــــعمر
حلم كل ام ولد
يجي بوكت الگبر


تگر العين .. ام الاكبـــر كــون يرجــع ليهــا
تگر العين .. دعت بالدمـــعه ورجـت باريها

تنتظر يرجع خبر
انكتـب اخـــر سفر

خالد البديري
https://telegram.me/ahmed_alziwar

#قصائد_محرم1440
#الرادود_احمد_الزوار
#قصائد_الاكبر_ع
#نزلة


گامت العده .. اتناديله واتباوع
هذه يابدر .. من الخيم طالع
بالنهار اشهالبدر . طالع ابهذه الظهر
هذه يابدر . هذه يابدر

من طلع اللهُ اكبر صاحت الوادم
هذه يابدر الأجانه من بني هاشم
هذه لو حيدر يعالم لو ابو القاسم
يشبه العباس چنه او يشبه القاسم

هذه چن علي .. الأكبر يصيحوله
منه أستحوا .. كلما يصدوله
يا جمالة اشگد خطر . طالع ابهذه الظهر
هذه يابدر . هذه يابدر
_
طلع البدرُ علينا صاحوا ابحرگه
من ثنيات الخيام او شعروا ابخنگه
الكربله اشجابه محمد نادوا ابشهگه
عنده حگ او هالأجانه ايطالب ابحگه

طلع البدر .. وابخده چن شامه
الدنيا تنگلب .. لو حرك ابهامه
واليشوفه ينبهر . طالع ابهذه الظهر
هذه يابدر . هذه يابدر
_
اختفت شمس الله بالطف من طلع لاكبر
او ماتت الدنيا او ضواها او وجها بس نَور
طشر الجيش ابخزرته او چن برز حيدر
من سحب سيفه الأكبر شردت العسكر

شردت الزلم .. لمن سحب سيفه
كلها كربله .. چن صارت ابكيفه
والهوى لا مايمر . طالع ابهذه الظهر
هذه يابدر . هذه يابدر
_
قل اعوذوا گامت امه بالخيم تقره
ابهالظهر خوفي يحسده كلمن اينظره
بخرت خيمتها واهيه اتنادي يالزهره
ابجاهچ الله ايرد الاكبر للخيم مره

تقره فاتحه .. لم الگمر گامت
رد علي بجاه .. ام الگمر صاحت
ربي لا ماظل صبر . طالع ابهذه الظهر
هذه يابدر . هذه يابدر
_
هذه ابن إحسين گالوا للحرب قادم
منهو يبرزله نظنه ما يرد سالم
لمه رد او بيده منحر گلها الچ خادم
گومي ياليلى جبتلچ راس ابن غانم

گلها هلهلي .. هالجبت الچ راسه
آنا اگطعه .. ما صدگوا ناسه
اتهلهليلي انتظر .طالع ابهذه الظهر
هذه يابدر . هذه يابدر
__
اصبح الجيش ابچفوفه بالحرب سبحة
ايلمهم ابكيفه او يطشر لاكبر ابرمحه
مو مقاتل چنه بالطف عايش ابفرحه
مبتسم والسيف يرسم صولته ابلوحه

لوحه بالوغه .. ترسمهن افعاله
عالرسم شهد .. بالحومه چتاله
يشهد اعليه المهر . طالع ابهذه الظهر
هذه يابدر . هذه يابدر

حيدر الحلفي

تابعونا على قناتنا بالتلگرام على الرابط 👇
قناة الشاعر حيدر الحلفي

https://telegram.me/ahmed_alziwar

#قصائد_محرم1440
#الرادود_احمد_الزوار
#قصائد_الاكبر_ع
#رئيسية

يمخلي مدمع حيرتي ارحم يالاكبر غربتي
روحي عليك امهدمه وعيوني تنزفلك دمه
-----------------
يالعايف امك للمحن ناديتك ابحيرة كلب
ارحم يالاكبر غربتي دمعي دمه يمه يصب
كلبي رجف رجفت ألام خايفه وليدي ينسلب
ارجع يغلة من الهوه روحي الك ماي العذب

كلبك ترف وجهك كمر
بحر الشمس ليش انسمر

حسراتي ظلت قائمه
وعيوني تنزفلك دمه
------------------
يا يمه ابوك الينكسر وايصيح عالدنيه العفه
كل جرح تترك بالكلب يموتني ضيم وما شفه
والزهره تنصب تعزيه والقارى بيهه المصطفه
وامك وابوك تعذبوا يالغالي من بدرك طفه

يالعايف ايام الحزن
واليل خيم عالجفن

يالشيبت وجه السمه
وعيوني تنزفلك دمه
-----------------
ليش العطش طر جبدتك ولسانك تفطر ضمه
يبني الحزن ماينكضي يلجرحك ابكلب السمه
من راسي والحد الجدم يبني عليك امهدمه
يالتارس اعيوني فرح من عكبك انترسن دمه

شريان كلبي يضطرب
عكبك اروحن للغرب

جبدي جمر يمه حمه
وعيوني تنزفلك دمه
-----------------
يالرحت راح الفرح وما يرجع اله ابشوفتك
الله اليعين امك علي لمن اتشاهد جثتك
لا تبجي يغله مناالهوه فدوه اروح الدمعتك
يالاكبر انته دنيتي يالغالي واني دنيتك

لسانك واسف صاير خشب
يل النضرتك الامك ذهب

من هظمتي شوفي نعمه
وعيوني تنزفلك دمه
-----------------
يمك اجه شفت النبي وياه مره اتكض بالضلع
عمك اجه يون الحسن روحه الك تزف شمع
يم الجسم ونوو سوه ويتجاره نيران الدمع
يعزو ابوك ابقتلك وكل كلب منهم منوجع

وجهك طفه وراح انسبي
ما انسه جرحك يالأبي

للنوح روحي محزمه
وعيوني تنزفلك دمه
------------------
تمت بعون اسد الله الغالب
الشاعر علي الكعبي

https://telegram.me/ahmed_alziwar

#قصائد_محرم1440
#الرادود_احمد_الزوار
#قصائد_الاكبر_ع
#نزلة

زلـــــزال… حملت علي الاكبر
من صال… صـوت النصر كبر
**** * ***
هذا ليث الموزمه.. سوه بالطف ملحمه.. سيفه ضل يگطر دمه
امن ادماهم
ضجه صارت نينوه.. ارماد طشهم بالهوه .. أظلمت وبــلا ضوه
خلاهــــــم
يبس ارياگ الزلم ... بيهم ايطش ويلم ... منــه مـا واحـد سلم
ذلاهـــــــم

بالسيف… خلص رگبـهم كر
زلـــزال… حملت علي الاكبر
*****************
ريح صرصر فزعته... نار كبره ابخزرته ... موت أحمر ضربته
ياويلهم
كل معسكرهم شرد… ماثبت منهم احد ... وگفته وگفت اسد
مابينهم
اگبالهم تاه المفر ... من درو سيفه انشهر … سوه من دمهم بحر
هد حيلهم

والجيش… من فزعته اتحير
زلـــــزال… حملت علي الاكبر
******************
عل جحافل من يشد.. بروسهم يحصد حصد.. ذكر الگوم بأحد..
وبخيبر
بي مراجل حيدره.. وعمه سبع الگنطره.. اسد وگت الزمجره
ويتبختر
عاصفة نار ويهب.. سيفه ضل يلهب لهب.. منه كلمن يقترب
يتحــير

سجيل… يمطر على العسكر
زلــزال… حملت علـي الاكبر
**************
فارس وحيد وكلف.. گابل السبعين ألف.. سوه بحر امن النزف
بطفوفه
ضهضب وهد ابزعل .. صاعقه الاكبر نزل ..موت موسيف انحمل
بچفوفه
ابينهم ضل يرتجز.. چن رعد صوته ويهز.. بكر ابـن غانـــم يفـز
من خوفه

ويگوم… مثل الاســـد يزئر
زلــزال… حملت علـي الاكبر
*****************
لو كشخ بمذهبه .. يبتســــم للنايبه .. يخسه جيش الناصبه
ايهز طوله
فرهه فر المسبحه.. لاچهم لوچ الرحه.. سوه بالطف مذبحه
وشهدوله
مايهم بكبر عدد.. اجموعهم صارت بدد.. يطلب امن الله لمدد
وينــوله

كـرار… وكت الحرب مافر
زلزال… حملت علـي الاكبر
******************

الخادم
كامل السعيدي 2018
محرم 1440 هـ
هاتف 07808221948
https://telegram.me/ahmed_alziwar