#قصائد_محرم
#الرادود_احمد_الزوار




الچان كل مجلس نشوفه اويانه
وسفه شو هالعام خالي امچانه
الچان كل مجلس يحضره بالگلب خلاله حسره

@@@@@@@@@@@@@

بالمجالس ملتزم والنحسبه من الخدم الچان بالواهس حسيني وخادم
المايفارگ مجلسه الدوم اسود ملبسه ودوم يلطم ويه هاي الوادم

الچان كل همه المجالس والعزاء
ودوم يندب يا مصيبة كربلاء

فارگانه وخله بينه اصوابه ودوم لفراگه تنوح احبابه
ودوم بالمجلس نذكره بالگلب خلاله حسره

@@@@@@@@@@

ياحسين بغربتك الما نساها امصيبتك ندري ماتنساه بيوم ايريدك
ندري بالغربه إله انت كل ناسه وهله وانت تأخذ ايده دوم ابايدك

الفارگانه وخله ذكره بكل مكان
ندري يمك عايش بعز وأمان

ما نسيناه ويضل ويانه بكل مكان انگول جان اهنانه
بكل ضرف خلاله ذكره بگل كلب خلاله حسره

@@@@@@@@@@@@

لوعه خلو بالگلب حقها لو عيني تصب غير اخوي من المجالس غايب
هالمجالس للبكاء منها نتعلم وفاء ونذكر الخدام بهين واجب

اليخدم حسين بوفه ينطي اجر
ايصير واجب بالمجالس ينذكر

يصير دمعه تجري من نشتاگله خادم حسين ومنوه ايعادله
البالخدامه يعله قدره بكل گلب خلاله حسره

@@@@@@@@@@@@

الخله ذكراه بجرح ويه ذكر المنذبح وبالمجالس افنه كل اسنينه
هيجي الله مواعده وهايه صارت قاعده الغالي ربنه الغيبته ايبجينه

هو مو ياهو اليجي يسوه الدمع
لكن الخادم عزيز ويرتفع

اليسوه دمعه ياهو غير الغالي الخادم القدره جليل وعالي
الفگده بالدلال جمره بكل گلب خلاله حسره

@@@@@@@@@@@@

من نگلب بالصور نذكر ونشبع قهر وسفه ضلت بس صور ذكراهم
اه يا جرح الآخو شنهو اليعوضه ومنو ريت اخذنه الموت كون اوياهم

الفارگونه خلو العله تزيد
وثوب الأسود صار ملبسنه الجديد

مانزعنه الأسود ابفرگاهم صرنه كل دمعة حزن نلگاهم
الغالي ذكره يصير عبره بكل گلب خلاله حسره

تمت بعون الله
خادم الحسين موسى الجيداوي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

#قصائد_محرم
#الرادود_احمد_الزوار



لسان حال السيده زينب بعد مصرع الحسين عليه السلام وبعد حرق الخيام

***

اجيتك تايــــــــهه او مندل يالحسين

مكسور الكلـــــــب ومغوركه العين

دخان وحـــــــرك يبن أمـي جاوين

جثيره اعله الرمل خويه المطاعين

***

اسحك عالرمل والكــــــــاع حمره

جثث واسيوف والله و نار جمـــره

ادور وين طايـــــــــح على الغبره

واشمن من بعـــــــد ريحة الزهره

***

حافي الجدم واتخطـــــى المجاتيل

واصدلي  الجسـد من غير تغسيل

من نحره الدمـــــــوم اتنبع اتسيل

التوه كلبي واحســــن ميت الحيل

***

اعاين للجســد بالحـــــــجر مدفون

واصدله واشوف الصـدر مطحون

وبخاصرته اشوفن رمــح مطعون

والحافر اضنه امــــــرد  المــتون

***

وصلته وطحت يمه فــوك التراب

ارجف وابجي واتفكـــر للمصاب

دخن جمـــر كلبي وطلــع عطاب

مكلوب اعله وجهه نسل الاطياب

***

ميت وانكطــــــع راســـه واصبعه

طايح بيدي شــــلته اشلون ارجعه

جرح كله انوح اعلــــــــــيه وانعه

النحر مكطوع ويلي اشلون كطعه

***

ذاري الرمل ويلـــــي ترس نحره

وكمت بالشيله امسح جرح صدره

وامسح بالتراب  العلــــــى ظهره

اصدلـــــــــــــه توذر وذره وذره

***

كأنما الحسين عليه السلام كلمها من نحره الشريف

***

وبعد ماحبتهه بعظمـــة المنحـــر

وبعد مازاد ونهه والدمـــع خـــر

وكلبهه امن الحــزن والله تفطـر

ومنهه البال مشـــــــــدوه وتحير

***

من النحر جن حاجاهه الحســين

كللهه يزينــــــــــب الله المعـــين

كافي امن البجي يم كلب الحنين

بطلي النوح كومي نشفي العـين

اريدج يالاخت هســــــه تكومين

ولخيامي خيتــــي الساع ترحين

تتناج اليتامــــــــــــه والنسواين

****

خلصت يالأخت بالطف حياتي

يخيتي بكربله اصـــــبح مماتي

وسلبو صايتي خويـــه وعباتي

عريان وذبح صــــارت وفاتي

يخيتي اوصـيج بعـيالي وبناتي

باريلي اليتامــــه وكـل خواتي

***

عينج بالاخص يختي الرقــيه

خافن تفكد الوالـــــــد خطــيه

وتنشدج يالعقيلــه بهالمســـيه

تريد اتشوفني ابكـــل مغربيه

حنينه وتشبه الزهره الزجـيه

لتخـــــــبرينــهه بهاي المنيه




ابو علي الركابي



1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

#قصائد_محرم
#الرادود_احمد_الزوار



أ

لا تهل                              
ــــــــــــ                          

لا تـهـل يـهـلال عـاشـور              
اخوتــي نامــوا بالاكـبور              
لاتـــــهــــل                      

ما غمـضت جفنـي ابد من ذاك عاشور         
ليهـسه اذكر عل الهـزل وياي الابدور         
والحـادي مشـانا غصب والدمع منـثور         
يهلال حزني ولا سكت واقليبي مجمور         

من شفت كدامي الانحور                 
اخوتــي نامــوا بالاكـبور                
لاتـــــهــــل                       

كالمــاي عالـرمل انجـفه دم الاجــاويد          
مشتوله روحي بدمعتي وجفوفي بالگيد          
حرگـوا خيمـنا ابلا رحـم والـصار ميهـيد          
والزمـن مايرحــم ابد كلما تـجي ايــزيد          

شمعـتي ماتت والابخـور     
             
اخوتــي نامــوا بالاكـبور                 
لاتـــــهــــل                        

من گعد شمر اعله الصدر متربع ايريد           
يذبح اخوي من الگـفه والسيف بالاٴيـد           
اثنعش طبره اعله النحر واتمزگ الجـيد           
عبـاس نايـم عل الـنهر مارد الاعضـيد           

والدمـه اعله الـكاع منثور                 
اخوتــي نامــوا بالاكـبور                
لاتـــــهــــل                         

من طاحت الجربه غـفل من ٲيـد عـباس          
من سهم البعينـه اجه والـضربه بالراس          
كطعو اجفوفه اعله النهر بالغدر هالناس          
متبـدي ماي وي الدمه من يم الاحساس          

رايتـــه ملتــفه مـعـذور                 
اخوتــي نامــوا بالاكـبور                 
لاتـــــهــــل                         

لمن مشى الاكبر رجع عطشان ويلوب          
يابويه صاح من العطش ماضلت اگلوب          
اسگيني لو گطره دمع واقليبي معطوب         
راح ارجع اني من الحرب يابويه مصيوب         

من العطش ضل گلبه مكسور               
اخوتــي نامــوا بالاكـبـــور               
لاتـــــهــــل                         


يهلال واگماط الطفل من سهمه مفتوح          
عطــشان يبست شفته واقليـبه مجروح          
يهلال عمـره ست اشـر مايعـرف النوح          
فرفرح اقليبه من السهم من فاضت الروح          

عبالـه ماي الدم الايـفور                  
اخوتــي نامــوا بالاكـبور                 
لاتـــــهــــل                          

من يبست الحنه ومشى ما ضلت ادموع          
مهيئه مراسيم الفرح امه وي الاشموع           
لمن رجع من الحرب رد شسعه مقطوع           
من ضربه السيف ووگع عالغبره مصروع          

عريـس مات وياه الابدور                  
اخوتــي نامــوا بالاكـبور                 
لاتـــــهــــل                       
ــــــــــــــــــــــــــــــــــــ         
الشاعر زين العابدين الشمري



1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

#قصائد_محرم
#الرادود_احمد_الزوار




نداءُ الرحيل .. دموعُ العويل
وصوتُ الأنين .. لأمِ البنين
_
1/
كانَ في الدنيا شموسٌ ونُجوم
وصفاءٌ   وضياءٌ   لا غيوم
ونعىٰ القلبُ ونادى بالرحيل
حالُ دُنيانا مُحالٌ لا يدوم
سِهامُ الغياب
أذانُ العذاب
صدى الحائرين .. لأمِ البنين
____
2/
نَفَسٌ كانوا لنا قبلَ الهواء
إنَّهم في ظلمةِ الدُنيا ضياء
طلّقوا الدنيا وراحوا للإله
عطشٌ نارٌ وهم للِماءِ ماء
نِداءُ السماء
إلى كربلاء
بصوتٍ حزين .. لأمِ البنين
___
3/
قُربُهُم أجملُ شئٍ في الحياة
بُعدُهم أوّلُ سهمٍ  للممات
صارَ لونُ الكونِ في عيني سواد
وسِنيُّ العُمرِ في الصحرا حُفاة
بِركبِ البُدور
نِداءُ النُحور
حسينٌ حسين .. لأمِ البنين
_
4/
رَحلوا صمتاً إلى دُنيا الضجيج
نورُهُم يسعى كما يسعى الحَجيج
ليتَ شِعري أينَ حَلّو في العراق
والتِفافُ الموتِ لا زالَ وشيج
نِداءُ المسير
الامَ المصير
وصوتُ الوتين .. لأمِ البنين
_
5/
رحلوا عني حناناً وحنان
وبكى القرآنُ في وقتِ الأذان
أيتَموني  سلّموني  للبُكاء
ومعي قد أيتموا كُلَ الزمان
بصوتٍ جريح
دموعي تَصيح
وصوتُ الحنين .. لأمِ البنين
__
6/
غسَقٌ عُمري وقد كانوا صَباح
إنّهم ريحُ الصبا عكسَ الرياح
قطعوا قلبي ولي كانوا الحياة
ورَموني بسِهامٍ  ورِماح
مشوا للحتوف
وضربِ السيوف
وموتٌ يقين .. لأمِ البنين
____
علي صابر السراي
نسألكم الدعاء


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

#قصائد_محرم
#الرادود_احمد_الزوار



الليله العاشر    والطف باچر
عن عيوني    كلها اتسافر
__
الليله كلها الدنيا تسكت      واليظل صوت العطش
والضمه مثل الضواري     ينهش بگلبي نهش
يوسف اليعگوب واحد    چان واولاده اهدعش
وانه باچر عالوطيه    تنذبحلي اسبعطعش
تموت آمالي      ويه شچم غالي
وعن ضنوني      كلها تسافر
__
انه الحسين ويسولف    هظمي گلبي المنكسر
من العطش مثل السواجي    صاير بگلبي فَطر
باچر تروح الغوالي    واليظل بس المهر
وماي حتى الكبش يشرب    وانه عطشان انّحر
ويّه العيله    بس الليله
وايذبحوني   وكلها تسافر
__
أصعب حچايه يعالم    چلمة الراح انذبِح
ومن يطيح بگلب واحد    يهدم گلوب الرمح
السيف من يطبرله منحر    چنه جربه وتنفتح
ويختلف جرح الحوافر      ينعد بمية جرح
وصوت الخيمه      يطش بالهيمه
وما تلگوني      وكلها تسافر
__
واحد گبالي يسافر    يرحل بدرب الأجل
وانه يتركني بعذابي    ويترك بغربه الأهل
او واحد يسافر مصيبه    وينذبح بيه الأمل
باچر جروحي قصيده    والبواچي مستهل
موت احبابي    شكبره مصابي
وايخلوني    كلها تسافر
__
او واحد اتحنّيه دماءه    وبالطف يزفّه النبل
او واحد ترسمه البواتر    واليسافر ينچتل
الماي ما يحصل لچنه    المات بالدم ينغسل
وبالهجير تموت كلها    والرمح يبقه عدل
تموت اطفالي    اتضيع اعيالي
وايدوروني      وكلها تسافر
____
والأمَر واصعب يعالم    الواحد يشوف اخوته
هذا مطبور اعله نحره    وذاكه طاحت رايته
وهذا مطعون اعله صدره    وذاكه طبروا  هامته
وباچر اصعبهن عليّه   ألكفيل وغيرته
دمعي الهامل   يا بو فاضل
وايعذبوني    وكلها تسافر
__
علي صابر السراي
(اسالكم الدعاء )



1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

#قصائد_محرم
#الرادود_احمد_الزوار



فوق التـُرابِ مـُخضبَ وجه الله
صلـى الله عليــك يا أبا عبد الله


*



صلى الله و الأمــلاك ناحتــلك
صلى الله و الأفلاك سجدتــلك
ولب الكاع اسود صار جزعتلك
والسمه دم عز الصيف مطرتلك



أدريـسُ ناح وعيسىَ روح الله
صلى الله عليك يا أبا عبد الله



*



صلى الله عـ الأخوان وافت لك
صلى الله عـ الشبـان فزعتــلك
أكبـر عـون وجســام كل أهــلك
رخصـوا دمهـم وأرواح لأجــلك



عبـاسُ عثمان جعفـر عبد الله
صلى الله عليك يا أبا عبد الله



****



صلى الله والزهــراء گصدتـلك
من الگــبر للمصــرع اتعنتـــلك
آآه يحسين يا مذبوح صاحتلك
بلا دفــان ولا اكفــان رهمتــلك




اليـومُ مات محمد حبيب الله
صلى الله عليك يا أبا عبد الله



****


زينــب وسـط الحومـــه وصدتــلك
ابـــلا راي و بــلا شــوف ركضتــلك
خوية حسين خوية حسين أشرتلك
كـــوم الخيــل يا عينــاي وصـلتــلك




زينـب تنـوحُ وصاحت يا أمااه
صلى الله عليك يا أبا عبد الله



***


صلى الله على السجاد يبچيــلك
حز الگيـد وميل النوكـ يحجيبك
راسـك فــوك والأطفال تومي الك
هذا حسين هذا حسين وتشكيلك



ب الأســرِ سـار عليــاً ولي الله
صلى الله عليك يا أبا عبد الله


*


{{ مــرتضــى الخــزعلـــي }}



1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

#قصائد_محرم
#الرادود_احمد_الزوار




نزله حماسيه في حق ابا عبدالله الحسين ع

جديد 1444

من صال الحسين وشافت اخياله
عافت خيلها وشردت الخياله
؛؛؛؛؛؛؛؛؛؛؛؛،؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طبلها الحسين وصارت اترابه
والطف مال لمن شنج اعصابه
شيخ وعنده وي العالت اطلابه

وعتابه الثكيل الموت ماشاله
؛؛؛؛؛؛؛؛؛؛،؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ماتركوله حل وناوي يفنيهم
جلجل ليلها وضاع الدرب بيهم
ياستار صاحو جنه سابيهم

واليعثر يلحكه ايدوسه بنعاله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تاويها الثكيل وغاير اعليها
ومن الخوف خلها اتموت رجليها
ماخذ راحته ويلعب لعب بيها

والطف من فزع هدل فلا شاله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خله الدم بحر والغاص بيه يغرك
طافح فوكها وفقاره شكهم شك
ضاع الهوى اعليها وبل نفس تشرك

سالب حيلها وماضلت اوشاله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نوح وبل سيفه اليوم يتبختر
بأحر بيها طرهم مانفس ينجر
من فات الأوان ونوحهم كبر

جل طوفان اجاهم عكروو باله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛،،،،؛؛؛؛؛؛؛؛؛؛؛؛؛؛؛؛؛؛؛؛

زعلان ويدور اعليها من شردت
مرهوبه الزلم تحت الترب لبدت
بعيون الصكر شايفها ماسلمت

والميت الميت راح تجاله
؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حارك كاعها ودخانها مكبر
ياويله وسواد بحضه من يعبر
مثل الواهليه بيهم ايشمر

والبيهم شجاع ولاتدناله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سايكهم وخذهم للنهر سكته
يطلب ثار ماينطي بكفيل اخته
ورجعهم زحف واليوكف ايعته

ملج الموت محد يوكف اعداله
؛؛؛؛؛؛؛؛؛؛؛؛؛؛؛؛؛؛،،،؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي




1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar

نزال للامام الحسين ع

#قصائد_محرم
#الرادود_احمد_الزوار



محـــتاره زينب ياعلي الليله
ماعدها والي اليحرس العيله
ــ⊱☆☆❀☆☆⊰ــ

محتاره ضلت عگب واليهه
بيمن تلوذ وياهـو يحمــيهه
جمر المخيم چاوي رجليهه
وغير المـدامع مابقت حيله
ــ⊱☆☆❀☆☆⊰ــ

دمعتها تشرح عظم بلواها
سوط المتن يوجع واذاها
راح الكفيل البــيده جابها
ماضل اخو امن الضيم تشكيله
ــ⊱☆☆❀☆☆⊰ــ

اطفال عدها ونســـــوه مرعوبه
بطرگ العبي من كلشي مسلوبه
يا علـي بنـــتك حيل متــــعوبه
اگبال الشــــماته المدمع اتسيله
ــ⊱☆☆❀☆☆⊰ــ

عگـب الدلال وذيــچه عزتهه
كتال اخوها اليحــدي ناگتهه
ياعلي اتهز اجــبال حسـرتهه
وحسين من دم غدت تبچيله
ــ⊱☆☆❀☆☆⊰ــ

ياوســـفه اديها ابحبل مچتوفه
وعالرمح راس احسينهه تشوفه
طبت سبــــــــيه البلدت الكوفه
وي العليل المنـــــــــــهدم حيله
ــ⊱☆☆❀☆☆⊰ــ

✍الخادم
كامل السعيدي



1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar