موشح
----------
أستشهاد سفير الحُسين
الأمام مسلم أبن عقيل عليه السلام
------------------
أنه مسلم خاف متعرفوني
أنطي لحسين العزيز أعيوني
--------------
أنطي لحسين العزيز أنفاسي
مايهمني أبسيفكم كص راسي
أمي جابتني أوحُسيني أحساسي
أوثابت أبحب الحُسين أجنوني
----------------
ثابت أبحب الحُسين أيماني
الكوفه أغركها أبدمه شرياني
ونصر أحسين أبعزم ذرعاني
الموت راحه أوبيه متخوفوني
------------------
الموت راحه والشهاده أبالي
يـا ألـف مـية ألـف هـنيالي
للسبط أبن الصميده الغالي
روحي قربان أوصنت مظموني
-----------------
روحي قربان أبشواهد ماثله
أنه أول غيث عملة كربله
أستحقها أبزود هاي المنزله
جنة الفردوس أسما أظنوني
-----------------
جنة الفردوس حلمي الأزلي
أبعمتي الزهراء وبعمي علي
ألتقي وحضه أبشفاعتهم ألي
هذا غاية مطمعي أومكنوني
-----------------
هذا غاية ما أريد أبدنيتي
اليوم أروايكم فعايل يمنتي
ثوره للأخلاق ضدكم ثورتي
والسفاره أنجوم فوك أمتوني
----------------
السفاره أتلوكلي أوهذا فخر
أويايزيد اليوم أشبعنك قهر
جسمي لو بحبالكم يصبح وذر
عن أميري أحسين ماتثنوني
----------------
عن أميري ياأهل كوفانها
اليوم أجندل راجله أوفرسانها
مسلم الكوفه خبص ميدانها
شيعتي أبكل واعيه أيذكروني
----------------
خادم أهل البيت
الشاعر : أسماعيل الجوراني
الجمعه : 9/9/2016

نزلة لدفن الأجساد الطاهرة .. ١٣ محرم

نزلت أملاك السمه وَيْ فاطمه
تدفن أجساد الخضيبه بالدمه
••••......••••
نزلت الأملاك بعد الفاجعه
وكل مَلَك يجري على الخد مدمعه
وشافت الـمظلوم هوّه ومصرعه
شافته امغسّل يويلي امن الدمه
••••......••••
شافت الـمظلوم بس مرمي جسد
حيث راسه اعلى رماح الشر بعد
وكل مَلَك عند الجسد خرّ وسجد
سجدة الأملاك ذكر وهمهمه
••••......••••
شافت الأجساد كِلْها اجزّره
كِلْها چنّها انجوم تسطع عالثرى
وعالنهر مطروح سبع القنطره
وصرخة الأملاك وصلت للسمه
••••......••••
شافت العبّاس جنب الـمشرعه
منّه الچفّين وسفه امقطّعه
وناحت ابضجّه يويلي لـمصرعه
وقامت اتعزّي ابمصابه فاطمه
••••......••••
شافت ابدور الهواشم عالأرض
وخرّت اعلى القاع ابهذا الفرض
بالظلم مذبوحه هذي نفترض
ليش ظلّت عالترايب بالدمه
••••......••••
شافت الأملاك بو محمد علي
أعني السجّاد بن أشرف ولي
يدفن الأجساد قلبه يصطلي
والخدود امن الدموع اموسّمه
••••......••••
نادت الأملاك يا نسل الولا
جينه نحمل والدك عن هالفلا
وندفنه وتحظى ابجلاله كربلا
واحنه تحت أمرك يبن حامي الحمى
••••......••••
يا نسل بنت النبوّه الطاهره
جينه ندفن هالجنايز بالثرى
لكن اضلوع الشهيد امكسّره
خلّت الأملاك لجله لاطمه
••••......••••
كيف ندفن جثّة احسين ابترب
وجسمه كلّه اجروح من طعن وضرب
وصار دمع الساجد ابحسره يصب
كل وصال احسين ويلي امهشّمه
••••......••••
ودفنوا الأجساد كلها ابلا غسل
واندفن بدماه بن سيْد الرسل
ودمعة الأملاك بالحسره تهل
وزينة العبّاد دمعه من دمه
••••......••••
أبو فاطمة الأحسائي
١٤٣٧/١٢/٥هـ

⚫✦قناة عـشّـاق ألـحسّـيـن﴿ع﴾✦⚫:
عگيلي في حق مسلم بن عقيل.
----------------
يامسلم ضحيت اسنينك
----------------
بيدك رفت راية ثوره
اول واحد قدم نحره
بعمرك فديت ابن الزهره
كاتب يحسين اعله جبينك
---------------
وحسين ابهل نهضه اختارك
تضوي الدنيه ابنور افكارك
واهل الكوفه اتصير انصارك
وتعنيت ابأمر حسينك
----------------
لاچن من طبيت الكوفه
الكل صاحت لا منعوفه
مسلم قائد وحنه سيوفه
امر نتگطع عد عينك
---------------
لاچن اخرهه ايغدرونك
وبس هاني اليگطع دونك
وتفايض دم سيل اعيونك
غربه وحسره ومنهو ايعينك
------------------
ساعه البيهه الگوم اتلزمك
ظلمه الدنيه بلوعت همك
ريت الكافل حاضر يمك
ويحط سيفه ابچف ايمينك
---------------
لاچن من توگع بالحفره
حيدر عمك يبچي ابگبره
مسلم خلص بالعز عمره
ودمك يجري العزت دينك
----------------
صوتك ناده ابذبح الرگبه
ضامي الطف جنني ابحبه
حسين الوالي امشي بدربه
بالغربه وگيدو چفينك
-----------------
راسك حين الي ايگطعونه
جسمك عالگاع ايسحونه
وحسين اتهل دم اعيونه
حر انته وافيت ابدينك
------------------
✍سيدرضاالبوشوكة

الناشر احمد الزوار:
الناشر احمد الزوار: نسألكم الدعاء إلى إدارة منبريون للالحان
🌳🌳غير مسموح بأزاله الرابط🌳🌳

🌷منــبـريـون* *للـقـصـا ئـد🌷
@alziwat


🤗الرابط الخاص بالواساب🤗👇👇👇

https://goo.gl/pqwfeJ

🌷🌷🌷
كروب.(( منبـريـون،،،،للالحــان))

https://telegram.me/joinchat/Dw92Dj9pmsoQwwYUt6OxQg
🌷🌷🌷🌷
https://telegram.me/alziwar00

اعگیلی
فی حق مسلم ابن عقیل ع
🍀🍀🍀🍀🍀🍀
تحچیلک عن زوده الکوفه
مسلم ما ثنّه ابمعروفه
🍀🍀🍀🍀🍀🍀
ما ثنّه ابزوده و احسانه
حب حیدر مالک وجدانه
بچاها الکوفه ابمیدانه
خلها اتحن و ملهوفه
🍀🍀🍀🍀🍀🍀
من جرد بالملعب سیفه
شرع وسط الحومه امضیفه
مایخطی و ایتابع حیفه
خلها ابحیره ومچتوفه
🍀🍀🍀🍀🍀🍀
ضل یکرم ضیفه ابکل حیله
حاشه ایرد بالحومه ادخیله
یکرم بالسیف الیدنیله
طشرها و لمها امن اصفوفه
🍀🍀🍀🍀🍀🍀
صاح آنه ابن القالع خیبر
حیدر عمی وبی اتبختر
اقلعها الکوفه ابچف حیدر
اذبح مرحبکم من خوفه
🍀🍀🍀🍀🍀🍀
غیرت حیدر تجری ابدمی
امشی اعله الموت ابکل عزمی
مسلم عنوانی وهذه اسمی
والعایل گصیت اچفوفه
🍀🍀🍀🍀🍀🍀
مایبرد دمی ابشریانی
عدنانی وحشّم عدنانی
آنه ابن الزهره سلطانی
ماینشف نهری امن اجروفه
🍀🍀🍀🍀🍀🍀
مادام الکوفه ابچفینی
ما اتنازل عن تعیینی
اهتف بالکوفه آنه احسینی
وحسین الجننی ابشوفه
🍀🍀🍀🍀🍀🍀
ک：خادم الحسین ع
عبدالامیرالناصری

عن أرض الطف اقول:
حگها و الله و تفتخر برجالها
يوم طبّّوا بيها حَل زازالها

حين دارت معركة و صار النزال
و شبّت بجمر الغضب نار القتال
بانت الأشباه بالطف و الرجال
سيوف عطشانة الحرب سلسالها

من عجاج الخيل يتناثر رعب
و المنايا نزرعت بطول الدرب
صار ساحة الموت و المُهرة الحرب
و تنتظر هالمُهرة بس خيّالها

هناك ناس بلا ديانة و لا ضمير
باعوا الدين بثمن قرص الشعير
گبالهم نخبة،الحُسين لهم امير
ياهو التريده الحرب يبرالها

و الله لو هالگاع تنطق بالكلام
چان لعنت گوم ابن هند اللئام
و چان صاحت يا حسين انت الإمام
و طهِّرَت من رجس اميّة رمالها

ذولة انصار الحسين بكربلاء
رفعوا سيوف الإبى بچف الوفاء
بدمهم الطاهر رووا ثغر الإباء
و بيهم العزّة تغيّر حالها

هاي نخبة تغذّت بخبز الحلال
و گالوا لهالدنيا نركع لچ مُحال
احنا حب حسين عيّشنا بدلال
و گطّعوا للدنيا اقوى حبالها

هناك ناس تغذّت بخبز الحرام
و صار مبدأها الحقد و الإنتقام
رادوا الطاغي يزيز لهم إمام
بيعة شرعية ليزبد اببالها

و بعصرنا الحاضر نشوف المزيد
نشوف يوميّة شمر طالع جديد
يرفض الحق،ياخذ البيعة ليزيد
و يلگه مَـن يتبع فكرته الـ گالها

لكن احنا نعاهد حسين الشهيد
و حگ نحرك عن طريقك ما نحيد
باچر اويه المهدي حرب الطف نعيد
تشوف چفنا لراية العز شالها
#مرتضى_الشمري

حسين رحمة الله بي مكنونه
وينه كلي الفاد روحه بدونه
......
بـلايه اسمه حسين مخنوك الهوه
وظلمه من غيره النهار بلا ضوه
الماي عطشان ومن شفافه ارتوه
الجـنة وي حـسيـن مولـوده سوه
وصار للمجـروح بس هوه الدوه
ياهو يكدر يعرف بمضمونه
......
تدري خله الباري بي سر الخلق
والله لـوما حسيـن جا ماكـو نطق
مـن عطـائة صار مكفـول الرزق
حـسيـن نـون وطه توحـيـد وفلق
العـصر والطـور والحـج والعـلق
فرض واجب بصلاة تقرونه
.......
الما يوالي حسيـن هذه مو بشر
شماربح من غيره معـناها خسر
وينه هسه يـزيـد شو ما اله اثر
حسين سر حسيـن فلسفة النظر
باقي ذكـره بكـل زمن هوه نصر
الشجاعة اباسمة بس مقرونه
......
حسين هوه الغيث ينزل بالهطول
حـسيـن قـران انـولـد مـن البتـول
حسين ابن حيدرعلي فحل الفحول
حسين تكملت الرساله ويالـرسول
حسين داست صدره الاف الخيول
ريت يمه بكربله تشوفونه
.......
حسين عايش للابد والموت مات
وسـال دمه من اجـل تبقى الحياة
حسيـن سجـده هل اتى والعاديات
الـنـور والـفرقـان صاد الـذاريات
حسين تفسير الحمد وكت الصلاة
بكل فرض واجب ان تذكرونه
......
الشاعر
اياد الفرح التميمي

حيو ابو طاهر سفير الكوفه
بحر جودة ويغرك بمعروفه
......
بايعـته الكوفه مـن طب ليـهه
وكالـو المـسلم تـضـل واليهه
وجيت حسين الولي متـانيهه
نـريـد سبـط الـنـبي وهـاديهه
ومثل حيـدرعـلي يحـكـم بيهه
واحـنه كـلـنه ويـاه لامنعـوفه
.......
بايعو مسلم عـددهم بالالـوف
بالعهد يفـدونه كالو بالسيوف
مايعوفونه وحيد بكل ضروف
لو يشوفـون المنية والحتوف
عاهـدو مسلم ابد لا ما نعوف
وبالكلافة انصير كلنه صفوفه
......
انتشر بالـكـوفة سمعو بالامر
شيعة حسيـن القدومة تنتضر
وصل لبن زياد طارش بالخبر
وال امية سلـو سـيوف الغـدر
مسلم من الكوفة لازم ينحضر
يموت كلمن سالمه من خوفه
.......
يشـوفهم اوغـاد ما بيهم نفع
غدرو وهذه الغـدر بيهم طبع
خافو بصوت الحقيقة تنسمع
اتفرق الجان ويمسلم ينجـمع
بيهه ما يتغير الكوفه الوضع
تغـدر بهاذه الغـدر موصـوفه
........
هـذه مـسلـم وانتـم تعـرفونه
من عـلي الكـرار هاي فنونه
جاب امر حسين بين عيـونه
وأبـكـتبـكـم جـنـتـو اطـلـبونه
يـحـكـم بـديـن العـدل تردونه
وجه مسلم الحسين انـشوفه
.......
يـذكـر حـسيـن وتهل دموعه
داست رماح وخيول ضلوعه
سمعـت بحـاله ولكـته طوعه
ياحـميـدة الونه ما مسموعه
واليتيمه تـلـوع اهـ يا لـوعه
على فكدة عيونهه المذروفه
......
مسلم عله اعداه جرد سيفه
بركـاب يصيـر حـد تـنظيـفه
سيفه ما يحتاج اي تعـريفه
يقبض الارواح صار بكيـفه
من بني سفيان ياخـذ حيـفه
ضربته ضربت علي مألوفه
......
دارت عله مسلم اشباه الزلم
ضنهم يخوفونه منهم ينهزم
شافو جيوش التجيله تنعـدم
مادرو مسلم مثـل حيدر رقم
وغيـرته العباس شيال العلم
وسيفه بالاكوان مثل سيوفه
......

ابو طـاهر بالحـرب اول بطل
سوة بيهم سيل ما صاير كبل
والزلم خـلاهه بكلـوب النخـل
صـورة الارواح خطه بالوجل
رسم بيهم مـوت لونهه الاجل
ويا بصر ليشوف لن مخطوفه
.......
وانـته يم ميثـم يخبـرك هاني
شلون جيش ابأكمله ويعـاني
مسلم يـشـوفونه حيـدر ثـاني
الشجـاعة العنـدة شي رباني
سيدي انه ارجوك لا تنساني
وحاجتي ابابك تضل مجتوفه
......
الشاعر
اياد الفرح التميمي

موشح
----------
أستشهاد سفير الحُسين
الأمام مسلم أبن عقيل عليه السلام
------------------
أنه مسلم خاف متعرفوني
أنطي لحسين العزيز أعيوني
--------------
أنطي لحسين العزيز أنفاسي
مايهمني أبسيفكم كص راسي
أمي جابتني أوحُسيني أحساسي
أوثابت أبحب الحُسين أجنوني
----------------
ثابت أبحب الحُسين أيماني
الكوفه أغركها أبدمه شرياني
ونصر أحسين أبعزم ذرعاني
الموت راحه أوبيه متخوفوني
------------------
الموت راحه والشهاده أبالي
يـا ألـف مـية ألـف هـنيالي
للسبط أبن الصميده الغالي
روحي قربان أوصنت مظموني
-----------------
روحي قربان أبشواهد ماثله
أنه أول غيث عملة كربله
أستحقها أبزود هاي المنزله
جنة الفردوس أسما أظنوني
-----------------
جنة الفردوس حلمي الأزلي
أبعمتي الزهراء وبعمي علي
ألتقي وحضه أبشفاعتهم ألي
هذا غاية مطمعي أومكنوني
-----------------
هذا غاية ما أريد أبدنيتي
اليوم أروايكم فعايل يمنتي
ثوره للأخلاق ضدكم ثورتي
والسفاره أنجوم فوك أمتوني
----------------
السفاره أتلوكلي أوهذا فخر
أويايزيد اليوم أشبعنك قهر
جسمي لو بحبالكم يصبح وذر
عن أميري أحسين ماتثنوني
----------------
عن أميري ياأهل كوفانها
اليوم أجندل راجله أوفرسانها
مسلم الكوفه خبص ميدانها
شيعتي أبكل واعيه أيذكروني
----------------
خادم أهل البيت
الشاعر : أسماعيل الجوراني
الجمعه : 9/9/2016

شــوف ياليث النزل للحومة
ابجفه أجـــال الكفرمحتومة
.......
غضب صال وزلزل بوادي الطفوف
عيـــونه عالحسين وبسيفه يشــوف
كبـــال ســيفه دنكــت كــل الــسيوف
يقسم أبعبـــاس مكطـــوع الجفـــوف
الـــيوم يسكي كـــربلة مـن دمـــومة
......
كـــلهـم انـــه القــاسم ونجل الحسن
وانه ابن حـــيدر عــلي الرد الزمــن
مــا تهمني خيـــولــكم خــلهن يـجـن
انـــه مــن عمي تـــرى مـــأخــذ إذن
تنعــرف ضــربــاتي لـــن مختــــومة
.....
مــــا يهــمه الجيــش كــله والشسع
اعـــزل يقــــاتـل ومـــا لابـــس درع
ومــثــل الأكـــبربالحرب مــا ينجرع
أي وحـق حــيدر علي وكسـر الضلع
لــــوحه بيـــده كربــلة ومــرســـومة
......
صاح بيهم قـــاســم وعنده الجـــواب
هــاي ساعة من الــزمن قبل المصاب
بيــدي اراويـكـم انـه فــنــون العــذاب
أيسح دمكم عـالـثرة يرفـــضه التـراب
وانـــه قـــاســم سيـفي هــاذه يـــومة
......
صفــرت الــدنية ونــزل بيهه الظلام
أبعمر جاسم هــاي لحظــات الخــتام
ونـــت ونـــاحت على جسمه الحمام
صاح يـــا عــمـي ألك مــني الــسلام
والوصية من الحسن مضمومة
.....
الشاعر
أياد الفرح التميمي

عـبد الله الـولد ليك الورد ينعه
أنت الماي يبجيلك يصب دمعه
.......
عبد الله الولد يا فتشة عيوني
ريـت بنبـلتـك يمه يـصوبوني
وريـت بكـربـله يمـك يخلوني
انه اتاملك بس خابت ضنوني
ميته وياك كون انه ويدفنوني
يا بزر الامل يالماكبر زرعة
.......
من غيرك بعد بس همي يبرالي
ونوحي واللطـم عبد الله يحلالي
يمه شكـد عـزيز بزغرك الغالي
ريتـك يالـولد لو شاهـدت حالي
أللـولي بالمهد بس المهد خالي
وكبالي تذوب رويحتك شمعة
......
فـاركتـك ييـمه وفـركتـك كـوه
عـذبـني زمـاني بعـدك أسـوه
عـبد الله حبيـبي يابو المـروه
وفـدوة نومتك ينومتـك حلوه
شلي بالعـمر بعـدك فلا يسوه
صبري يالولد ما اكدر أجرعه
........
يمه بالعطش يومين ما ترضع
بعيونك شفت حتى الدمع يدمع
ابوك حسين يبني كاعد ويسمع
بلكي بشـوفـته تـتروه لو تشبع
رايح يالولد من عندي لو ترجع
مذبـوح بنبل اوليدي شيـرجعه
.........
انـه ام الـولـد خـلـوني يـم ابني
فـراكـك يالـولد عبد الله عـذبني
جـنت مدللـه هسه الـوكت ذبني
عليك الموت يمه شلون طالبني
حـاربني زماني هـواي حاربني
ما ريد الزمان اليغـدر بطبعه
........
الشاعر
اياد الفرح التميمي

نزله على الانصار

كوموا يهل الغيره وي غريب الديره
حسين وحده بكربله وبس احنه الانصار
________________—
كوموا لحسين الغريب امشونه
وبعد بلكافل نمر خلونــــــــــه
رخصه نطلب بلجن يرخصونه
نريد ابو اليمه نقاتل دونــــــــه
احنه احنه انصاره احنه باول غاره
حسين وحده بكربله وبس احنه االانصار
______________________________
واكف يحشم غريب اوطانها
كوموا هدوا الخيل من اعنانها
كوموا كلبوا كربلاء بوديانها
كبل مايذبحون كل رضعانها
شنعتذر هلمره تدري بينه الزهره
حسين وحده بكربله وبس احنه االانصار
____________________________
كوموا خلنوصل لعد ام الخدر
نكله احنه احبابج واحنه الستر
نقسم بضلع امج الي المنكسر
مايصل يازينب خيامج شمر
سيوف سليناها ارواحنه وبعناها
حسين وحده بكربله وبس احنه االانصار
____________________________
كوموا شدوا الحيل شدوها الحزم
خلوا غيرتكم على اجتاف العزم
كوموا للحومه نطبها يازلـــم
من اهل كوفان كوموا ننتقم
اليوم كلمن زوده والركاب شهوده
حسين وحده بكربله وبس احنه االانصار
___________________________
كوموا ومشونه لحبيب القائد
الرايه زمها وخلنروح انجاهد
كوموا شدوا الساعد اعله الساعد
مانريد اليبقه بلطف كاعد
هذا يوم المرجله والنصر بارض العلا
حسين وحده بكربله وبس احنه االانصار
_______________________________
كوموا خلندك الحديد عله الحديد
غيمه صيروا وساعقه وبرق ورعيد
كوموا خلوا اعلومكم توصل يزيـــــــد
روسهم دزوها للشام البريــــــــــــــد
والبريد اعلومكم يانشامه ويومكم
حسين وحده بكربله وبس احنه االانصار
_________________________
السيد كريم دانه الاعرجي

شجاعة القاسم

آه ياجسام ياسبط الحسن

هذا من حيدر علي ومن فاطمة
هذا ابو الكلفات راعي الموزمه
يشبه العباس لوسل صارمه
وفزعة العباس يعرفها الزمن

شاب من هاشم اخذ كل غيرته
امه صاحت ياعلي من جابتة
من علي الكرار دارس حكمته
ومن صبر فاطم شرب ويه اللبن

بدار فاطم هالسبط كلبه ارتوه
وهوه يوم الصار بالباب انجوه
شاف يم الباب مذبوح الضوه
ناده يازهراء بگماطه ويون

درس من عباس زود ومفخره
سوه طف حسين مثل الآخره
تعب ملك الموت طبك دفتره
ظلت عله الكاع موته بلاجفن

من برز جسام بالطف ارتجل
آنه ابن سبط النبي وخير العمل
عنده هذا الكون جن شسع النعل
يله ياعماته بالطف هلهلن

علي طعمة البطاط

قصائد حماسية إلى أيام محرم👆👆👆👆

نزلة : لمسلم بن عقيل ع :

نـكـس الرايات مــن طب الحرب
دنكت واستحت من سيفه الرگب
بسيفة طشرهم
بعلي ذكرهم
            ••••••••••••••••••••••
هلهلت طوعة لسفير الغيرة
خـلـي عدوانك تكله بحيرة
اليوم سويه الطلابة جبيرة
شلون بيك تخون هاي الديرة
سهل عندك يبو طاهر كل صعب
دنكت واستحت من سيفه الرگب
بسيفة طشرهم
بعلي ذكرهم
            ••••••••••••••••••••••
كلهه عــد عيناج يــا ام الــوفــة
اليوم جيش يزيد بالحومة اخسفة
الــيــوم اخلي الزلــم كلهه مجتفه
انــي راعــي الــزود راعــي المعرفه
السيف اخلي بروسهم يلعب لعب
دنكت واستحت مـن سيفه الرگب
بسيفة طشرهمبعلي ذكرهم
             ••••••••••••••••••••••
والــنعــم مـنـك تكـلـه يـا شـهـم
صـول وتـنـخه بـعـلي راعي العزم
فـوك روس الجيش خيرف الـعـلـم
وارض كـوفـان اللـعـينه اسكيهه دم
بـكـلـب هـاي الحاقدين ادخل رعب
دنكت واستحت مــن سيفه الــرگب
بسيفة طشرهم
بعلي ذكرهم
             ••••••••••••••••••••••
صـال بيهم رافـع الـواء الـمـجـد
بشمرة ايمينة العساكر تـرتعـد
بــلا راس اليكرب السيفة يــرد
كـامـت الفرسان مـنـه تـبـتـعد
عــلــي كالو هــذا قتال العرب
دنكت واستحت من سيفه الرگب
بسيفة طشرهم
بعلي ذكرهم
           ••••••••••••••••••••••
حيلة غير الغدر ما عدهم محال
كـفـو مـاكـو بيهم الـهــذا النزال
بحفرة ذبو ويلي بن سيد الرجال
وكـيـدو مسلم الثائـر بــالحبال
للقصر لمن خــذو دمــه يصب
دنكت واستحت من سيفه الرگب
بسيفة طشرهمبعلي ذكرهم
           ••••••••••••••••••••••
دخل ما سلم على الطاغي اللعين
وقــررو جتل البطل هالكافرين
صعدو فـوك القصر تهمل العين
بيه خانو يصرخ ارجع يا حسين
راي اهــل الكوفه يحسين انكلب
دنكت واستحت من سيفه الرگب
بسيفة طشرهمبعلي ذكرهم
           ••••••••••••••••••••••

خادم مسلم السفير  ع : الشاعر محمد الهاشمي

نزله للاكبر عليه السلام

طب الأكبر وسط الحومه

* * *
وسط الحومه شد وزمجر
چنه الأنزع فارس خيبر
سيفه يرعب كل العسكر
وبالطف خط لوحه مرسومه
* * *
ابصولة مجده وضّح رسمه
واثبت للگوم شدة عزمه
اوحارب للعدوان ابهمه
ولقنهم چم درس ابيومه
* * *
جيش الغادر فرّ جدامه
ارهبهم خوف ابصمصامه
ما هاب الموت وايامه
تلمع عند الگوم انجومه
* * *
عالفجار شن كل حملاته
وارعب هالجيش ابصرخاته
وسَر گلب الوالي ابضرباته
وامه ولهانه لقدومه

* * *
أُمه ليلى اعليه اتنادي
يوليدي ياشبه الهادي
ياثمرة عمري واسنادي
دَمعاتي عگبك مسجومه

* * *
اتنادي يوليدي جدامي
تطلع بس تحرگ احلامي
من توگع يوليدي دامي
راح ابگىكه بعدك مهمومه

* * *
واتودعه تالي واتضمه
مره اتقبله اومره اتشمه
بوداعه راحت هالبسمه
اومهجتها ويلي ملچومه

* * *
تالي استأذن من الغالي
وجرد سيفه وصوته عالي
گلهم آنه ابن الوالي
واحروبي كلها معلومه

* * *
حاربهم لاچن ياوسفه
عدوانه حوله مِسّطفه
يمهم طاح وزايد نزفه
واعظامه كلها مهشومه
* * *

بواليمه من شافه امطبر
اوخده عالتربان امعفر
صاح اتغيّب عني الأكبر
واركاني ابفگده مهدومه


لخادم أهل البيت "ع:"
عادل العبد الله

نزله ... فی شجاعة علی الاکبر علیه السلام
—-------
ای وحگ ضلع البتول
بویه آمرنی اشتگول
لو ما یفنی الجیش ابنک ما یرد
یاخذ العسکر طرد
—------
بویه آمرنی ابأشاره ماکو حاجه للکلام
خلّی بس صبعک علیهم یعنی ابرز للآَمام
من امس سیفی ابیمینی مارضت عینی تنام
انتظر منک اجازه حتی احصّل هالوسام
تِعرِف ابنک یاعمید
یحسب الملزومه عید
آنه ضنوة من شطر عبدابنَ وِد
یاخذ العسکر طرد
—-------
ارتجت الگاع ابزلمهه من علی لکبر برز
ابصوت صاح الموت اجاکم رعد بیهه وارتجز
مادخلهه ادخول عادی الاکبر اعلیهه قفز
وابگلب جیش آل امیه حافر احصانه ارتکز
بالحرب ماخذ دروس
سیفه یخطف بالنفوس
فاجَئ الحومه گبل لاتستعد
یاخذ العسکر طرد
—-------
ناده عزرائیل وینک لیش عنی اتأخرت
امشان تختار اعلی کیفک معرض ارواح افتحت
الجندی بس طبره اطبره لأن ماعندی وکت
وانته عجّل اخذ روحه یمّی اریدک لوصحت
خلّی جنحانک وایدیک
تلم لا تکثر علیک
یشتغل بالجمله سیفی مو فرد
یاخذ العسکر طرد
—---—
احتار عزرائیل بامره وطلب عونه من السحاب
وظل یدز ارواح بیهه للجحیم ابلاحساب
طلب راحه من الاکبر بس علی مایستجاب
ملتهی ایوزع جماجم سیفه وایطیّر رقاب
ابعزمه وشّح کربلاء
ابثوب من لون الدماء
واظلم الجوّ ابعجاج امن اللکد
یاخذ العسکر طرد
—------
—------—
نزعت ارواح العساکر وارتدت ثوب الأجل
ظَنّته الصوّل علیهه حیدره خیر العمل
غدت ترجف خوف منه ذاک من هذا سأل
ندری بالکرار میّت یعنی من گبره عِدل؟
یلله خل ناخذ قرار
ماهو للصد، للفرار
لو نرید ارواحنه خل نبتعد
یاخذ العسکر طرد
—------—
اهوه ظامی وسیفه ظامی وارتوو بالطف سوه
سیفه من دمهه تروّه واهوه بالثار ارتوه
من فِنه نص العساکر یشد عالکوفه انتوه
خاف یزعل خلّه نصهه العمّه شیّال اللوه
یدری ابعمّه الکفیل
لو لگا العسکر قلیل
شهم طبعه یستحی اعلیهم یهد
یاخذ العسکر طرد
—------
لخادم اهل البیت سید ناصر الموسوی

الشاعر تحسين الخفاجي:
نزله
صولة الاكبر // هزت العسكر
ضيك الثامه // وبالجمع كبر
***************
ضهضب وعصب الموت بغيرته
وال اميه اتعجبت من شافته
اتكول حيدر طب عليها بهيبته
ويله يا ويله العرضله بسجته
شاعت اعلومه // وصاحت الحومه
هذا لو حمزه // لو اسد خيبر
*************
نفخت اسرافيل بالعسكر نفخ
وخله سيف الموت بدماهم كشخ
صرخ العباس بالحومه صرخ
اتوسط الميدان والهم ما رضخ
بسيفه طب ليها // وغيم عليها
مثل ابو فاضل // بالحرب يزئر
*************
نزل للبيده وكلب هاي اعله هاي
وصاح لازم تطلب الدنيه رجاي
راح اخليها الجثث تسحل وراي
الحومه صاحت وينك وكتلها جاي
راح اجندلها // وما اذل الها
انشر الرايه // وبالوغه اتبختر
*******************

نزل شد اعله الحرب شد الغفير
الجيش فر وصار الاول بالاخير
خزر سيفه وروسهم كامت تطير
حكه ملك الموت بالاكبر يحير
صاحت الفرسان // تيهو الميدان
هالشبل واجب // منه نتحذر
****************
اترجل وسوح الوغه تعناها
وكربله انجوم الضهر راواها
خبط صافيها وكطع منواها
والزلم فوك الزلم خلاها
هوس بسيفه // ومنها اخذ حيفه
ويستحق كلمة // الفارس الاجدر
**************
كام الاكبر يهتف بسوح القتال
فارس وما يخشه حملات الرجال
ارتجز والكوم داخت بالنزال
زلزلاها وسوه بالطف المحال
ورجع لخيامه // ومرتفع هامه
وراس ابن غانم // جابه للخدر
****************
تمت

#تحسين_الخفاجي

مسلم من هجم صاحوا ابابيل
طير يوصفونـه وسيفه سجيل
~~~~~~~~~~~~~~~~~~~~1
مسلم من هجم شب الحرب نـار
يتـمـرجـل عـلـيــهم ابـن الابــرار
صاح افني بيميني كل الاشرار
والكــوفـه بهجومه دخلو انـذار

رجف كـــل زلمهم رجـــف الخيل
طير يوصفونـه وسيفه سجيل
~~~~~~~~~~~~~~~~~~~~2
من حسو شجاع وطبعه ميهاب
نـادولـــه دخليـك يـــبن الاطيـاب
مو مســـلم نشوفك داحي الباب
تشبه صولته بصولات الاحزاب


وبعمـــه افتخـــر راواهم الويل
طير يوصفونـه وسيفه سجيل
~~~~~~~~~~~~~~~~~~~~3
من شافو شراسه تفوق الحدود
ضنو شبـــل حيـدر ردهـــم ردود
كالــوا مـــو لمســـلم هاي الزنود
سبع الكنطره بالكوفـــه موجود

محتــارين بينـه وبـــين الكفيل
طير يوصفونـه وسيفه سجيل
~~~~~~~~~~~~~~~~~~~~4
وكف مثل الجبل ومعلي الراس
صاح اعله الجيوش وفاجئ الناس
لا انـــه علـــي ولا انـــه عبـــاس
مسلم انـــه واليبرزلي ينــداس

خـلاهـا المناحر بـالدمــه تسيل
طير يوصفونـه وسيفه سجيل
~~~~~~~~~~~~~~~~~~~~5
مـثـل طـيـر النعـام بنـص التراب
ضموها اعله مسلم ذيج الاركـاب
ضنوها القيامه وصـار الحساب
من كثـــر الذعـــر ذبوهـــا الثياب

ما تسمع فقط بس صرخه وعويل
طير يــوصفونـه وسيفـــه سجيل
~~~~~~~~~~~~~~~~~~~~~~
حيدر نوري الاسدي

نزله للقاسم ع 1348
تجليبه
.
.
.


العـمه ايصير ابـو فاضل بـعـد شـيريد
مـثل عـمـك يجاسم كـون تطـلع حـيد

--------------------------

مـن حقـها تحسدك يمـه هــاي الناس
مـنو العــمـه يـشابــه عمــك الـعـباس
اريــدك مثـله ابــدن مـاتـطـخ الـراس
اذا للحومـه تـدخل كـون عنـدك عـيد

--------------------------

الحــرب عـيدك اريــد بيـوم تدخلـها
والسبــعـين الــف وحــدك تــزلـزلــها
الحــومه ابشـاربــك بـالـــك تـزعلـها
مهرها ارگاب وانـته گـدها ياصنديد

--------------------------

گــدهـا وماتـنــزل راســـك الـــواحد
اذا عــمـك الــقائــد انــته هــم قــائد
هـذا جيــش امـيـه شـوفــه وشـرايد
اذا ماعنــده شـغـله خـل يروح ابعيد

--------------------------

كــون الجـيش عمـتك يـمه متــشوفه
واذا للكــوفـه تگــدر وصــله للــكـوفه
ابصيحه وحده مـنك تـوگــع اسيوفه
خلــيهم ابحـيره وأيــد تصــفـج بـــيد

--------------------------

خلــي الينــجه مــنــك يــذكـــر الأيـــام
ويجفل لو سمع مــر طاري اسم جـسام
اليــشــرد يمــه مــنك حقــه مــاينـــلام
چيـه صولات ابـوك الحسن راح اتــعيد

--------------------------

صولات الحسن لـو عالجـيوش اتحـين
بالــك يــمــه گلــبك بالمــعـاره ايــلــين
اريــدك مـثل ابـوك ابيـوم طـب صفين
طـشرها الجـيوش ولمـهـا مـن اجــديد

--------------------------

مــن اتـلمــهــا لاتــتـــرك أثــر بـالــگــاع
وثـارك ادري بـي يـبن الحسـن مـاضـاع
سـبع واهلـك ابـزود اسباع ولــد اسباع
الشـجاعه الـها أهلها وهـيه هــم تـعويد

--------------------------

نعــم عـنده شجاعه الـي رخــص دمـــه
المــثل حســين عــمـه يستــحق عـمـــه
ييــمــه مــن تنــصــره يــنفــرج هــمـــه
واذا لاســمامـح الله تــره هــمــه ايـزيد

--------------------------
تمت والحمد لله في ٢٨/ ٩ / ٢٠١٦
حيدر تركي الكربلائي

نزله لمسلم س 1438

بأمكانكم تغيير كلمه (الكوفه) في المستهل الى كلمه (الحومه)
.
.
.


ذكرهم ابحامي الحـمه .. يامسلم
والـكـوفـه رويـهـا دمـه .. يامسلم
______________________________

يالله سيفك جـَرده . وعلي عمك جـَسده . الظربته ابروس العده
موصوفه
الناس خلها تفتهم . هـذا مـو واقع حلم . وخـل تجي ليك الزلم
مچتوفه
غربل اجيوش الكفر . بيهم انته اشتنتظر . شـي طبيعي تنتصر
عالكوفه
امـن الـخريطه الغـيها . الناســيه ماضـيها . السيـف يحكـم بـيها
ومعروفه

مـبعوث مـن رب السمه .. يامسلم
والـكـوفـه رويـهـا دمـه .. يامسلم

______________________________

الجــمع خــلي ينــبهر .ليلــهم سويه ظـهر . الرايــده منــك تــفر
خليـــها
ابشـرط تسمـع مايلـي .البچي صوته يعتـلي . حـقـها تتذكر علي
امبچيها
البالشجاعه اتضاهرت . وللنزال اتحظرت . الفاتحه اعليها انقرت
تاليـــها
الله ساتر صاحت . انغـمه اعليها وطاحت . ارواح كثره الراحت
تدريــها

تـدريبك انتـه الخـاتمه .. يامسلم
والـكـوفـه رويـهـا دمـه .. يامسلم

______________________________

من تشيل الرايه . اعليهم احچي احچايه . گلــهم اموصايه
لـَيميني
گلهــم اتــحداكم . اگــدر المــلـگاكـم . جـيـبو جيش اوياكم
يكفيني
اني صح بس واحـد . لكــن الله الـشاهد . فنــه جيش وقائد
يلويني
احسب احچاياتكم . ولو سمعت اصواتكم . اعتقد هاماتكم
تدريني

مخـلوق لجـل الموزمه .. يامسلم
والـكـوفـه رويـهـا دمـه .. يامسلم

______________________________

تره من حـقه النشد . علــي حلال الشدد . يمـته مــن گبره گعد
خبرونه
الكوفه عمك ذكرته . شلون تنـسه شمرته . بيـك شافت صورته
وعيونه
حقها لو سجدت الك . الماسجد يعني هلك . چفك السيف امتلك
يدرونه
الملگه وي حيدر صعب . شايفـينه بالحرب . للمـفر ماكــو درب
يلگونه

خـلي سمـاهم مظــلمه .. يامسلم
والـكـوفـه رويـهـا دمـه .. يامسلم

______________________________

الكوفه من بيها تهد . كل منافذها تسـد . حـتمــاً الشردت ترد
مكسوره
گلهم ارد انه انتقم . وماكو نـيه للسـلم . الزلـم يــمـك تنصـدم
مذعوره
ايصير يوم الاخره . من تحاصرهم وره . عاد يــبدي القسوره
وبدوره
لا تسامح كل احد . بيدك السيف انوجد . تــره من حقه اللبد
مخطوره

اچفوفك الـهاي امعلمه .. يامسلم
والـكـوفـه رويـهـا دمـه .. يامسلم

______________________________

الجيـش مايگدر ابـد . الك يالچـنك اسـد . انـته يالمـنطي وعـد
لحسينك
الكوفه احـذرها تـره . هـيه غـدرت حيدره . خلي سيفك تنظره
ابچفينك
اعليك والله اتحملت . هواي قاده اتجندلت . اتردلك اهيه فكرت
من دينك
تملك اسـلوب الغـدر . وصـعبه لـمن تنـكسر . تنشمر مـن القـصر
هـا وينك

خو ما سهم بيك انـرمه .. يامسلم
والـكـوفـه رويـهـا دمــه .. يامسلم
______________________________
تمت والحمد لله في ٢٠/ ٩ / ٢٠١٦
حيدر تركي الكربلائي