قصيدة نزلة إستنهاضية للإمام المنتظر عج
ضمن منهاج محرم الحرام ١٤٣٨ هجرية

يا غيرة الله المنتظر نادينه
بحماك شيعة علي يا مهدينه
******************************
بحماك يا آية شعظمهه الآية
وامحبتك يبن الأطايب غاية
بيدك يبو صالح ترف الراية
وكل احنه عد عيناك ياغالينه
******************************
عونك نصيح ومن يهل اهلالك
تلگانه سيف بيمنتك وارجالك
متخيب يبن العسكري آمالك
أشر بأصبعك عالشدد ودينه
******************************
أشر بأصبعك تنتفض انصارك
وامجرب بيوم الوغى بتارك
وياك حد ما بيدك ترد ثارك
احرارك بهذا الفخر نادينه
******************************
نادينه يربات الفخر والنوماس
نوفي الوعد إي وحق هوه العباس
حشمنه يالمحجوب يا تاج الراس
خلينه رهن إشارتك خلينه
******************************
لابد يزول الجور لمن تظهر
الدين نصرك نصره بسمك يفخر
ترجع أيام البطل قالع خيبر
والنعم منك يا نسل والينه
******************************
والنعم منك يا إبن ليث الغاب
يا سيف الله اليگطع بحده ارگاب
مظلومه هالشيعه وتعرف الاسباب
وانته بوجودك انته التنجينه
*****************************
تنجينه من تزيح هاي الغمه
وشمسك تشع وتزول كل الظلمه
يا رحمة الله العالي واعظم رحمه
يا نعمة من رب العرش بارينه
******************************
يا نعمة الله ويسبحان المعبود
بحماك نادينه ونعرفك موجود
من تظهر بأذن الله كل حق يعود
وحاشاك يبن الطهر ما ناسينه
******************************
حي ويهنيال اليشوف ويلگاك
وياك حد گطع النفس نبقه اوياك
وعيونه تراقب متى تشوف الواك
يا حجة الله وكم سنة تانينه
*****************************
شگد ننتظر واسنين نحسب مرت
طال الغياب وكم علامه الظهرت
آمال عدنه وويا وعدك كبرت
وافينه يا نبع الفخر وافينه
******************************
بحماك يالغايب ننادي بكل يوم
وسيفك يرجع ثار كلمن مظلوم
ارواحنه الشوفتك يالمهدي اتحوم
بيا كتر تحصل شوفتك دلينه
******************************

قصيده بحق الانصار

-----------------

نفدي الاعمار
احنه الانصار
لحسين وماغيره انعاهد احنه ونختـار
---------------
على ادروب المنايه ارسمنه لوحتنه
حتى بكـل شــــرف تعـله كـرامتـنـــه
انصـار الحسـيـن الـدنـيـه سمـتــنـــه
والــزهــراء خـتـمـتـهـا الهـويـتــنــه
قدمنه انحـور
احنه بعاشور
چنه بظلمه بغير حسين وياه شفنه النور
---------------------
بذلـنـه الغالي لجله ونشعـر بحسره
اذا قصرنه بـيـش انـواجه الـزهـره
لأن لحسـيـن كلمن ما اجــه ينصره
باچـر بالحشر الــزهــره مـتـعــذره
قـدمـنه الروح
من شفنه اتلوح
لسيوف الرادت تشربها ادموم المذبوح
------------------------
عـرفناها الحـقـيـقه وكلنا بـايعـنـاه
لذلك كل عـزيــز وغالي قــدمــنـاه
رخصناله بعـمرنه من مشينه وياه
و لاخـفـنـه المنايه وكلنا عاهــدناه
لجله مضحين
ولهذا الدين
نرخص كل ادمانه ونشعر احنه مقصرين
------------------------

مشينه بكل عـزمنه الـثـابت بأيمان
ندافع عـن حقوق و ذات كل انسان
المايمشي بنهج دين النبي خسران
يعـني مايـوالـي العـتـره والـقــرآن
واحنه بكل زود
صرناله جنود
ودمانه النرخصها بحبه تصير النه شهود
----------------------
تركنا اعيالنه وصحنه بعلات الصوت
لجل حسين نمشي وعالمنايه نـفــوت
شلناها المحـبـتـــه وبالگلـب منحوت
لذلك مايهـمـنـه ونفتخــر بــالمــــوت
اصبح عـنـــوان
حب العطشان
حسين الخله بدمه الطاح تموج الاكـوان
----------------------

قصيده بحق الامام الحسين ع

--------------------

انظر دمعتي وطبرتي الي براسي
تكتبلك حسيني لأخـر انـفـاسي
--------------------
تكـتـبـلـك حسـيـني الـدمـعـه والطـبـره
ومـوكـل عـلـيـهــــا امـــــك الــزهــره
كل عـمـري اخـلـصه بـدمـعـه وبعـبره
و ابحـر الخــدامــه ثــابــت و راســي
-----------------------
دمـعـاتـي الاصبـهـا تـرجـمـة معـنــاك
يحسـيـن واضـل لـلـمـوت مــا انـسـاك
اشيـنـفـعـنـي وجـودي بـدنـيـتي لولاك
اذا مــاحـسك انـتـه مـالـك احـسـاسي
------------------------
كل دمـعـه الالـك تـنـزل احـس بيـهـــا
تـدفـعـــنـي الــك اكـثـــر وابـچـيــهـــا
لـلـدمـعـه ذخــر يحـسـيـن اخـلـيـهــــا
ولـهـذا بـخـدمـتـك مــاضعــف بـاسـي
--------------------------
مـقـيـاسـي الـدمع والـلـطـم عالخـديـن
من اذكر مصابـك وابچـي آه يحسـيـن
ذنـي بـرگـبـتــي واجـب احـس وديــن
يـا اغـلـه واعـز كـل دنـيـتـي ونـاسـي
------------------------
تـكـتـبـلـك حـسـيـنـي دمـعـة عـيـونـي
وعـنـك لا ابـــد لـتـظـن يـغـيــرونـــي
ابـقـه بخـدمـتـــك لامـا يـمـنـعــونـــي
رغـم درب المشيـتـه ادري بي قاسي
-------------------------


اكـتـبـلــك بـــدم الـــراس عــنـوانــي
من طـبـرتي البيها تـشـوف ايمـانـي
حـاشه بالحـشـر يحـسـيـن تـنـسانـي
ولـهــذا بمحـبــتــك ثـابــت بـساسـي
---------------------------
الدمـعـه والجـرح من تنـزل احسبهـا
بـاچـر بالحشـر من عـنـدك اطـلـبـهـا
واريــد الـزهـره كـون بسجل تكتبهـا
بـاچـر بالحـشـر بـس هـي مقـيـاسي
-----------------------

قصيده بحق الامام الحسين ع

-----------------------


امعاهدك يحسيـن لو ذبحوني
خادم ابقه و ابد مـيمنـعوني
------------------
خـل تگـول الـنـاس عـنـي طـائـفي
انـتــه ديـنـي وانـتـه عـزة شـرفـي
اســـأل الله ان اكـــون انــي وفــي
بخـدمـتــك خـاطــر تگــر عـيـونـي
---------------------
انـتـه قـرآنـي وصــلاتي والاصـول
وانته حجـه لكل عمل وانته القبـول
خل تگـول الناس عني شما تگــول
وخـلـهـم شـمــا رادوا يـسـمــونــي
------------------------
مايهـمـونـي الـنـواصب لـو حـچـوا
مـن المهــد حـبـك يـغــذيـنــي دورا
اشگد ضماير همه باعـوا وأشتروا
لچـن مــاگــدروا أبـــد يـشــروني
--------------------------
رادوا يـمـنـعــونـي عــن زيـارتــك
وكل خميس انه اطـوف بحضرتـك
شـفـافــي متعـوده تقـبـل عـتـبـتـك
وابچـي يـم شـبـاچــك يشـوفــوني
----------------------
الـف مـوتـه لــو امــوت وانـذبــح
ما اعـوفـك يـا أعـز واعـظـم ربح
بحـبـك اتـوشحـت من شلته جـرح
بخـاطـري وعايش يضل بضنـوني
-----------------------



ادري درب التضحـيـه دربك يصيـر
عــن قـناعه بهل درب لمن اسـيــر
مو مثـل من بـاع روحـه والآجـيــر
ذولـه كلهـم ابــــد مـيـخــوفــونــي
----------------------
هـذا عهـد الموت الك بـاقـي ويضل
حسـيـن يـارمـز الـكــرامـه والامــل
كـلـمـــن الـعـاداك بــالــذل و رحــل
بصوت اصـيـح وخلهـم يسمعـونـي
------------------------
هذا عـهـد التضحـيـه وعهـد الولاء
الـك يــامـظـلـوم اخـطـه بـالــدمــاء
عـلـمـتـني شلـون امشي بكـبـريــاء
وحگـهـم العــذال لــو حـسـدونـــي
-------------------

عندما عاد ركب السبايا الى المدينه حوار بين ام البنين و بشر

-------------------------


بشر صاح ويـروي حـال الـواقـعـه
ويحچي لام عبـاس ويهل مدمـعـه
--------------------
اتـقـدمـت يـمـه وتعـــدتـهـا الجـــمـوع
اتـلگـتـه ام عـبـاس وبفـيـض الدموع
بـالگـلـب عـبـرتهــا تبچـيـهـا وتـلـوع
اتگـلـه احچـيـلـي الگـلـب لـتـلــوعـــه
--------------------
يابـشر احـچـي اخـتـصـرلـي بـالكــلام
لاتهـيـج نــاري مــو كـافـي حــــــرام
راح اسـألـك انـي عـن ابـنـي الامـــام
وگلـبـي مـاريــد بغـصـص لتجـرعــه
--------------------------
صــاح بـشـــر وگـلهـا يـم الـفــاگـــده
اربـع ابـنـيـنـچ احچـيـلـي اشـرايـــده
ايساعـد الله بـهـاي گـلـب الــوالــــده
شـلـون تتحـمـلـيـن فـگــد الاربـعـــه
-------------------------
افگدتي عون وجعفر وعبد الله طاح
هـناك بين اسـيـوف أمـيـه والـرماح
جروح ولـدچ صارن بجـيدچ وشاح
عـظـم الله أجـرچ بـهـاي الـفـاجـعــه
---------------------
يـابـشـر ارحـمـنـي وارحــم حـالـتـي
مـا سألـتـك عـن بنـيـنـي بــدمعـتــي
گلبي يسأل عـن حسيـن ومهـجـتــي
يـابـشـر جــاوب الگـلـبـي واقـنـعــه
------------------------



راح اخـبـرچ صاح وبـهــذا الخــبــــر
طاح عـبـاس الگـمـر فـوگ الـنـهــــر
وطاحن اعله النهـر چـفـيـن الـگـمــر
وجـثـت ابنچ ضلت اعـله المشـرعـه
---------------------------
صاحت بصوت ودمـعـهـا مـن دمـــه
ليـش يـابـشـر الـدلـيـلـي اتــألـمـــــه
اني اسألك ويـن مهـجـة فـاطــمـــــه
ويــابـشــر ردت الجـوابـك اسمـعـــه
-----------------------
يـلا خـبـرنـي واريــد اسـمع جـــواب
و ريـح گـلـيـبـي بعـد هــذا العــــذاب
كافي مو گلبي خلص بالحـسـره ذاب
بهـيـده وي گـلـبـي بـعــد لتـصــدعـه
----------------------
اهـنـا بـشـر صاح بـألـم يـم البـنـيــن
زيـدي من بچـاچ زيــدي والـونـيــن
بـعــد عـن حسـيـن بـالـچ تـسـألـيــن
مات بـس مـن مـات مـحــد شـيـعــه
---------------------
مات ضامي حـسيـن مـابـيـن الـعــده
عـالـتـرب ضل والثـيــاب امجـــــرده
ويـلـي ثـلـث أيــام ضـل الــوحــــــده
هــذا ابـنـچ حـالـه هــذا ومـصـرعـه
-----------------------
الخيل سحگت صدره والراس انفصل
مــات الحـسـيــن وبعــد مـاضـل امـل
وهــاي زيـنب رجـعــت ابـلايـه اهــل
بـفگـد اهـلـهـا وبـالحـزن متگـبـعــه

زینب سبوها وین ابن ابوها
یحدی ابضعنها چتال اخوها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شرداجاوب للنشدنی وین اخوتچ
تنتخین ومحدایلبی نخوتچ
مایصح بیهم عدل یسمع الصوتچ
گاعدایتانیچ وسط الحومه موتچ
والکافل اردود ماظنتی ایعود
ایتامک اتموت من یضربوها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شایله ابگلبی الم درب السبایه
والیتامه ملت ابدرب المنایه
انه امشی وروسکم تمشی ورایه
صوت اسمع خلی عینچ عالعبایه
ولدللونه چنهم نسونه
عگب الهواشم زینب ولوها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
راعی خدری خله یدری عن حیاتی
سیفه یرسم عالترایب ذکریاتی
عالشریعه ضاعت احله امنیاتی
خوفی ینظرکافلی احترگت عباتی
انه الودیعه شفت الفجیعه
واثنین ایدیه خویه اچتفوها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یاکفیلی انهض وشوف العقیله
اتکفلتنی من علی وهسه الکفیله
بالیتامه والدمع من دم اسیله
گلبی خایف مافترونه وعویله
تبچی رقیه ظلت سبیه
والخیمه بعدک خویه احرگوها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یاهل الحمیه ماسمعتومن صحتکم
بالخیم سکنه ابمدامعه نختکم
لحظه والحادی مشه وما ودعتکم
عالترب کلکم ضحایه من عفتکم
یاخویه صعبه تحرسنی غربه
مسبیه لشام اختک خذوها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لخادم سیده زینب
سیدوسام الهاشمی

الشاعر سيدناصرالموسوي:
في شجاعة مسلم ابن عقيل عليه السلام
—----------------
طوعه صاحت ياهله ومية هله
يبن اخو الكرار راعي المرجله
—---------------
يبن اخو الكرار راعي المفخره
گوم هاي الگوم اجتك غايره
اليوم اريد اتصول صولة حيدره
وصارمك بيهه ابعزيمه اتنزله
—---------------
گلهه عد عيناچ يا بنت الاصول
آنه عمي حيدره فحل الفحول
اليوم اذكرهم ابحيدر من اصول
اليوم انزل برض كوفه زلزله
—------------—
اليوم يومي وآنه فنان الضرب
آنه تلميذ الصميده بلحرب
طلع للجيمان واگلبهه گلب
وبيهه قانون الحرايب بدله
—------------—
بدل القانون و اهوه منفرد
والفرد لازم يحارب وي فرد
لچن مسلم الف ياخذهم طرد
شبه ليث الغاص بخشوف الفله
—------------—
غاص ابو طاهر ابعرصات الوغه
وضيگ اعله الگوم ساحات الفضه
الهرب منه ابراس رمحه علگه
والوگف عل گاع سيفه ايجندله
—------------—
ايجندل الابطال واغليهه يدوس
چنه غزرائيل يحصد بلنفوس
مسلم العريس والحومه العروس
انزف عليهه وهلهلت لمهلهله
—---------—
هلهلت لمهلهله والطرب طاب
وهوه يحصد روس بيهه ومايهاب
لچن گلبه ايفكر ابسيد الشباب
ولجل حال احسين دمعه يهمله
—---------------
لجل ابو اليمه دمع عينه همل
اشلون يگصد هلديار اويه الاهل
شنهو يجري اعليه لوبيهه نزل
من تحيطه الخاينه ابطف كربله
—---------------
ايريد يرسل خبر لحسين الشهيد
ايگله خانت بيك كوفه ياعميد
لچن مسلم ما اله امعين او وحيد
كلهه ضده صايره ومحد اله
—------------—
كلهه ضده وحاطته من كل كتر
كوفه معروفه ابمكرهه والغدر
ريت ابوفاضل ابهل ساعه ايحظر
ايعين ابن عمه ويكف عنه البله
—------------—
لچن وسفه مسلم ابعيده اخوته
لايجيبو و لا يسمعو النخوته
ياهظيمه طاح مرمي ابغربته
ولا اكو واحد حظرله من هله
—------------------------------------------------
سيد ناصرالموسوي

🍁هل محرم🍁


هَــل مـحـرم يــاعلـي بــاحزَانـه
البي ﮔضـت كل عَــيلِتك عطشانه
******
ريـت ماهَــل وظهَـر عــالعتره
إنفجَـع بي ﮔلب النبـي والـزهره
عَشـره من عنده إجَت ياعَـشره
بـﭽّـت افــلَاك السِـــمه وأكوَانـه
******
بهالشـهر ضَــيم العِـدَه اتـوَلّاهه
وشَــح عَليهه المَاي عتـرة طه
وثِـلـث تيـّــام العــطــش أذّاهــه
حَــرم واطفـــال اِلتِــوِن ذَبـلانـه
******
إنذبـَـح قاسم غَـدر بي والأكبَر
وطفِل الحسين الرَضيع الأصغَـر
وﮔـَـلب رَمله والربَـاب اتفطـّــر
ولِـيلَه مَفجوعه غِـدَت حزنـانه
******
والمصــيبه الأَشَـد بي والأفضَع
ﮔمر هــاشم عالشريعه اتـﮔطـّـع
وجسمه مابيـن الهَـنَادي اتوَزّع
ابدَفِــن جِثتـه احتَـارَت الدفـّـانه
******
والحسين اوحِـيد من بَعدَه صفَه
لا مُعين ولا نَـاصر الّي ينصفـَـه
وانذبَح ياحيف تالي امن القـَـفه
امصاب بـﭽّـه العـَـــالم وبـﭽّـانه
******
وبَعـد مَـصـرع إبن بت الهَــادي
دَاسَـــت اعليـه خَـيلهُـم بالوَادي
وزينـب بحِـرﮔَـَه تِـوِن وتنـَـادي
خـُـويه خِـدري تلتِــهب نيرانــه
******
وبمُــحرم زينب الحـرّه انسِــبَت
واليزيد الطاغي مَـﮔيوده مشَـت
عالهِزل والنـاس بيهه اتشمّـتت
شــلون دِنيــه ياعلـــي خَــوّانه
,,,,,,,,,,,,,,,,,
☘خادم أهل البيت // لقمان البدران

موشح
----------
أستشهاد سفير الحُسين
الأمام مسلم أبن عقيل عليه السلام
------------------
أنه مسلم خاف متعرفوني
أنطي لحسين العزيز أعيوني
--------------
أنطي لحسين العزيز أنفاسي
مايهمني أبسيفكم كص راسي
أمي جابتني أوحُسيني أحساسي
أوثابت أبحب الحُسين أجنوني
----------------
ثابت أبحب الحُسين أيماني
الكوفه أغركها أبدمه شرياني
ونصر أحسين أبعزم ذرعاني
الموت راحه أوبيه متخوفوني
------------------
الموت راحه والشهاده أبالي
يـا ألـف مـية ألـف هـنيالي
للسبط أبن الصميده الغالي
روحي قربان أوصنت مظموني
-----------------
روحي قربان أبشواهد ماثله
أنه أول غيث عملة كربله
أستحقها أبزود هاي المنزله
جنة الفردوس أسما أظنوني
-----------------
جنة الفردوس حلمي الأزلي
أبعمتي الزهراء وبعمي علي
ألتقي وحضه أبشفاعتهم ألي
هذا غاية مطمعي أومكنوني
-----------------
هذا غاية ما أريد أبدنيتي
اليوم أروايكم فعايل يمنتي
ثوره للأخلاق ضدكم ثورتي
والسفاره أنجوم فوك أمتوني
----------------
السفاره أتلوكلي أوهذا فخر
أويايزيد اليوم أشبعنك قهر
جسمي لو بحبالكم يصبح وذر
عن أميري أحسين ماتثنوني
----------------
عن أميري ياأهل كوفانها
اليوم أجندل راجله أوفرسانها
مسلم الكوفه خبص ميدانها
شيعتي أبكل واعيه أيذكروني
----------------
خادم أهل البيت
الشاعر : أسماعيل الجوراني
الجمعه : 9/9/2016

نزلة لدفن الأجساد الطاهرة .. ١٣ محرم

نزلت أملاك السمه وَيْ فاطمه
تدفن أجساد الخضيبه بالدمه
••••......••••
نزلت الأملاك بعد الفاجعه
وكل مَلَك يجري على الخد مدمعه
وشافت الـمظلوم هوّه ومصرعه
شافته امغسّل يويلي امن الدمه
••••......••••
شافت الـمظلوم بس مرمي جسد
حيث راسه اعلى رماح الشر بعد
وكل مَلَك عند الجسد خرّ وسجد
سجدة الأملاك ذكر وهمهمه
••••......••••
شافت الأجساد كِلْها اجزّره
كِلْها چنّها انجوم تسطع عالثرى
وعالنهر مطروح سبع القنطره
وصرخة الأملاك وصلت للسمه
••••......••••
شافت العبّاس جنب الـمشرعه
منّه الچفّين وسفه امقطّعه
وناحت ابضجّه يويلي لـمصرعه
وقامت اتعزّي ابمصابه فاطمه
••••......••••
شافت ابدور الهواشم عالأرض
وخرّت اعلى القاع ابهذا الفرض
بالظلم مذبوحه هذي نفترض
ليش ظلّت عالترايب بالدمه
••••......••••
شافت الأملاك بو محمد علي
أعني السجّاد بن أشرف ولي
يدفن الأجساد قلبه يصطلي
والخدود امن الدموع اموسّمه
••••......••••
نادت الأملاك يا نسل الولا
جينه نحمل والدك عن هالفلا
وندفنه وتحظى ابجلاله كربلا
واحنه تحت أمرك يبن حامي الحمى
••••......••••
يا نسل بنت النبوّه الطاهره
جينه ندفن هالجنايز بالثرى
لكن اضلوع الشهيد امكسّره
خلّت الأملاك لجله لاطمه
••••......••••
كيف ندفن جثّة احسين ابترب
وجسمه كلّه اجروح من طعن وضرب
وصار دمع الساجد ابحسره يصب
كل وصال احسين ويلي امهشّمه
••••......••••
ودفنوا الأجساد كلها ابلا غسل
واندفن بدماه بن سيْد الرسل
ودمعة الأملاك بالحسره تهل
وزينة العبّاد دمعه من دمه
••••......••••
أبو فاطمة الأحسائي
١٤٣٧/١٢/٥هـ

⚫✦قناة عـشّـاق ألـحسّـيـن﴿ع﴾✦⚫:
عگيلي في حق مسلم بن عقيل.
----------------
يامسلم ضحيت اسنينك
----------------
بيدك رفت راية ثوره
اول واحد قدم نحره
بعمرك فديت ابن الزهره
كاتب يحسين اعله جبينك
---------------
وحسين ابهل نهضه اختارك
تضوي الدنيه ابنور افكارك
واهل الكوفه اتصير انصارك
وتعنيت ابأمر حسينك
----------------
لاچن من طبيت الكوفه
الكل صاحت لا منعوفه
مسلم قائد وحنه سيوفه
امر نتگطع عد عينك
---------------
لاچن اخرهه ايغدرونك
وبس هاني اليگطع دونك
وتفايض دم سيل اعيونك
غربه وحسره ومنهو ايعينك
------------------
ساعه البيهه الگوم اتلزمك
ظلمه الدنيه بلوعت همك
ريت الكافل حاضر يمك
ويحط سيفه ابچف ايمينك
---------------
لاچن من توگع بالحفره
حيدر عمك يبچي ابگبره
مسلم خلص بالعز عمره
ودمك يجري العزت دينك
----------------
صوتك ناده ابذبح الرگبه
ضامي الطف جنني ابحبه
حسين الوالي امشي بدربه
بالغربه وگيدو چفينك
-----------------
راسك حين الي ايگطعونه
جسمك عالگاع ايسحونه
وحسين اتهل دم اعيونه
حر انته وافيت ابدينك
------------------
✍سيدرضاالبوشوكة

الناشر احمد الزوار:
الناشر احمد الزوار: نسألكم الدعاء إلى إدارة منبريون للالحان
🌳🌳غير مسموح بأزاله الرابط🌳🌳

🌷منــبـريـون* *للـقـصـا ئـد🌷
@alziwat


🤗الرابط الخاص بالواساب🤗👇👇👇

https://goo.gl/pqwfeJ

🌷🌷🌷
كروب.(( منبـريـون،،،،للالحــان))

https://telegram.me/joinchat/Dw92Dj9pmsoQwwYUt6OxQg
🌷🌷🌷🌷
https://telegram.me/alziwar00

اعگیلی
فی حق مسلم ابن عقیل ع
🍀🍀🍀🍀🍀🍀
تحچیلک عن زوده الکوفه
مسلم ما ثنّه ابمعروفه
🍀🍀🍀🍀🍀🍀
ما ثنّه ابزوده و احسانه
حب حیدر مالک وجدانه
بچاها الکوفه ابمیدانه
خلها اتحن و ملهوفه
🍀🍀🍀🍀🍀🍀
من جرد بالملعب سیفه
شرع وسط الحومه امضیفه
مایخطی و ایتابع حیفه
خلها ابحیره ومچتوفه
🍀🍀🍀🍀🍀🍀
ضل یکرم ضیفه ابکل حیله
حاشه ایرد بالحومه ادخیله
یکرم بالسیف الیدنیله
طشرها و لمها امن اصفوفه
🍀🍀🍀🍀🍀🍀
صاح آنه ابن القالع خیبر
حیدر عمی وبی اتبختر
اقلعها الکوفه ابچف حیدر
اذبح مرحبکم من خوفه
🍀🍀🍀🍀🍀🍀
غیرت حیدر تجری ابدمی
امشی اعله الموت ابکل عزمی
مسلم عنوانی وهذه اسمی
والعایل گصیت اچفوفه
🍀🍀🍀🍀🍀🍀
مایبرد دمی ابشریانی
عدنانی وحشّم عدنانی
آنه ابن الزهره سلطانی
ماینشف نهری امن اجروفه
🍀🍀🍀🍀🍀🍀
مادام الکوفه ابچفینی
ما اتنازل عن تعیینی
اهتف بالکوفه آنه احسینی
وحسین الجننی ابشوفه
🍀🍀🍀🍀🍀🍀
ک：خادم الحسین ع
عبدالامیرالناصری

عن أرض الطف اقول:
حگها و الله و تفتخر برجالها
يوم طبّّوا بيها حَل زازالها

حين دارت معركة و صار النزال
و شبّت بجمر الغضب نار القتال
بانت الأشباه بالطف و الرجال
سيوف عطشانة الحرب سلسالها

من عجاج الخيل يتناثر رعب
و المنايا نزرعت بطول الدرب
صار ساحة الموت و المُهرة الحرب
و تنتظر هالمُهرة بس خيّالها

هناك ناس بلا ديانة و لا ضمير
باعوا الدين بثمن قرص الشعير
گبالهم نخبة،الحُسين لهم امير
ياهو التريده الحرب يبرالها

و الله لو هالگاع تنطق بالكلام
چان لعنت گوم ابن هند اللئام
و چان صاحت يا حسين انت الإمام
و طهِّرَت من رجس اميّة رمالها

ذولة انصار الحسين بكربلاء
رفعوا سيوف الإبى بچف الوفاء
بدمهم الطاهر رووا ثغر الإباء
و بيهم العزّة تغيّر حالها

هاي نخبة تغذّت بخبز الحلال
و گالوا لهالدنيا نركع لچ مُحال
احنا حب حسين عيّشنا بدلال
و گطّعوا للدنيا اقوى حبالها

هناك ناس تغذّت بخبز الحرام
و صار مبدأها الحقد و الإنتقام
رادوا الطاغي يزيز لهم إمام
بيعة شرعية ليزبد اببالها

و بعصرنا الحاضر نشوف المزيد
نشوف يوميّة شمر طالع جديد
يرفض الحق،ياخذ البيعة ليزيد
و يلگه مَـن يتبع فكرته الـ گالها

لكن احنا نعاهد حسين الشهيد
و حگ نحرك عن طريقك ما نحيد
باچر اويه المهدي حرب الطف نعيد
تشوف چفنا لراية العز شالها
#مرتضى_الشمري

حسين رحمة الله بي مكنونه
وينه كلي الفاد روحه بدونه
......
بـلايه اسمه حسين مخنوك الهوه
وظلمه من غيره النهار بلا ضوه
الماي عطشان ومن شفافه ارتوه
الجـنة وي حـسيـن مولـوده سوه
وصار للمجـروح بس هوه الدوه
ياهو يكدر يعرف بمضمونه
......
تدري خله الباري بي سر الخلق
والله لـوما حسيـن جا ماكـو نطق
مـن عطـائة صار مكفـول الرزق
حـسيـن نـون وطه توحـيـد وفلق
العـصر والطـور والحـج والعـلق
فرض واجب بصلاة تقرونه
.......
الما يوالي حسيـن هذه مو بشر
شماربح من غيره معـناها خسر
وينه هسه يـزيـد شو ما اله اثر
حسين سر حسيـن فلسفة النظر
باقي ذكـره بكـل زمن هوه نصر
الشجاعة اباسمة بس مقرونه
......
حسين هوه الغيث ينزل بالهطول
حـسيـن قـران انـولـد مـن البتـول
حسين ابن حيدرعلي فحل الفحول
حسين تكملت الرساله ويالـرسول
حسين داست صدره الاف الخيول
ريت يمه بكربله تشوفونه
.......
حسين عايش للابد والموت مات
وسـال دمه من اجـل تبقى الحياة
حسيـن سجـده هل اتى والعاديات
الـنـور والـفرقـان صاد الـذاريات
حسين تفسير الحمد وكت الصلاة
بكل فرض واجب ان تذكرونه
......
الشاعر
اياد الفرح التميمي

حيو ابو طاهر سفير الكوفه
بحر جودة ويغرك بمعروفه
......
بايعـته الكوفه مـن طب ليـهه
وكالـو المـسلم تـضـل واليهه
وجيت حسين الولي متـانيهه
نـريـد سبـط الـنـبي وهـاديهه
ومثل حيـدرعـلي يحـكـم بيهه
واحـنه كـلـنه ويـاه لامنعـوفه
.......
بايعو مسلم عـددهم بالالـوف
بالعهد يفـدونه كالو بالسيوف
مايعوفونه وحيد بكل ضروف
لو يشوفـون المنية والحتوف
عاهـدو مسلم ابد لا ما نعوف
وبالكلافة انصير كلنه صفوفه
......
انتشر بالـكـوفة سمعو بالامر
شيعة حسيـن القدومة تنتضر
وصل لبن زياد طارش بالخبر
وال امية سلـو سـيوف الغـدر
مسلم من الكوفة لازم ينحضر
يموت كلمن سالمه من خوفه
.......
يشـوفهم اوغـاد ما بيهم نفع
غدرو وهذه الغـدر بيهم طبع
خافو بصوت الحقيقة تنسمع
اتفرق الجان ويمسلم ينجـمع
بيهه ما يتغير الكوفه الوضع
تغـدر بهاذه الغـدر موصـوفه
........
هـذه مـسلـم وانتـم تعـرفونه
من عـلي الكـرار هاي فنونه
جاب امر حسين بين عيـونه
وأبـكـتبـكـم جـنـتـو اطـلـبونه
يـحـكـم بـديـن العـدل تردونه
وجه مسلم الحسين انـشوفه
.......
يـذكـر حـسيـن وتهل دموعه
داست رماح وخيول ضلوعه
سمعـت بحـاله ولكـته طوعه
ياحـميـدة الونه ما مسموعه
واليتيمه تـلـوع اهـ يا لـوعه
على فكدة عيونهه المذروفه
......
مسلم عله اعداه جرد سيفه
بركـاب يصيـر حـد تـنظيـفه
سيفه ما يحتاج اي تعـريفه
يقبض الارواح صار بكيـفه
من بني سفيان ياخـذ حيـفه
ضربته ضربت علي مألوفه
......
دارت عله مسلم اشباه الزلم
ضنهم يخوفونه منهم ينهزم
شافو جيوش التجيله تنعـدم
مادرو مسلم مثـل حيدر رقم
وغيـرته العباس شيال العلم
وسيفه بالاكوان مثل سيوفه
......

ابو طـاهر بالحـرب اول بطل
سوة بيهم سيل ما صاير كبل
والزلم خـلاهه بكلـوب النخـل
صـورة الارواح خطه بالوجل
رسم بيهم مـوت لونهه الاجل
ويا بصر ليشوف لن مخطوفه
.......
وانـته يم ميثـم يخبـرك هاني
شلون جيش ابأكمله ويعـاني
مسلم يـشـوفونه حيـدر ثـاني
الشجـاعة العنـدة شي رباني
سيدي انه ارجوك لا تنساني
وحاجتي ابابك تضل مجتوفه
......
الشاعر
اياد الفرح التميمي

موشح
----------
أستشهاد سفير الحُسين
الأمام مسلم أبن عقيل عليه السلام
------------------
أنه مسلم خاف متعرفوني
أنطي لحسين العزيز أعيوني
--------------
أنطي لحسين العزيز أنفاسي
مايهمني أبسيفكم كص راسي
أمي جابتني أوحُسيني أحساسي
أوثابت أبحب الحُسين أجنوني
----------------
ثابت أبحب الحُسين أيماني
الكوفه أغركها أبدمه شرياني
ونصر أحسين أبعزم ذرعاني
الموت راحه أوبيه متخوفوني
------------------
الموت راحه والشهاده أبالي
يـا ألـف مـية ألـف هـنيالي
للسبط أبن الصميده الغالي
روحي قربان أوصنت مظموني
-----------------
روحي قربان أبشواهد ماثله
أنه أول غيث عملة كربله
أستحقها أبزود هاي المنزله
جنة الفردوس أسما أظنوني
-----------------
جنة الفردوس حلمي الأزلي
أبعمتي الزهراء وبعمي علي
ألتقي وحضه أبشفاعتهم ألي
هذا غاية مطمعي أومكنوني
-----------------
هذا غاية ما أريد أبدنيتي
اليوم أروايكم فعايل يمنتي
ثوره للأخلاق ضدكم ثورتي
والسفاره أنجوم فوك أمتوني
----------------
السفاره أتلوكلي أوهذا فخر
أويايزيد اليوم أشبعنك قهر
جسمي لو بحبالكم يصبح وذر
عن أميري أحسين ماتثنوني
----------------
عن أميري ياأهل كوفانها
اليوم أجندل راجله أوفرسانها
مسلم الكوفه خبص ميدانها
شيعتي أبكل واعيه أيذكروني
----------------
خادم أهل البيت
الشاعر : أسماعيل الجوراني
الجمعه : 9/9/2016

شــوف ياليث النزل للحومة
ابجفه أجـــال الكفرمحتومة
.......
غضب صال وزلزل بوادي الطفوف
عيـــونه عالحسين وبسيفه يشــوف
كبـــال ســيفه دنكــت كــل الــسيوف
يقسم أبعبـــاس مكطـــوع الجفـــوف
الـــيوم يسكي كـــربلة مـن دمـــومة
......
كـــلهـم انـــه القــاسم ونجل الحسن
وانه ابن حـــيدر عــلي الرد الزمــن
مــا تهمني خيـــولــكم خــلهن يـجـن
انـــه مــن عمي تـــرى مـــأخــذ إذن
تنعــرف ضــربــاتي لـــن مختــــومة
.....
مــــا يهــمه الجيــش كــله والشسع
اعـــزل يقــــاتـل ومـــا لابـــس درع
ومــثــل الأكـــبربالحرب مــا ينجرع
أي وحـق حــيدر علي وكسـر الضلع
لــــوحه بيـــده كربــلة ومــرســـومة
......
صاح بيهم قـــاســم وعنده الجـــواب
هــاي ساعة من الــزمن قبل المصاب
بيــدي اراويـكـم انـه فــنــون العــذاب
أيسح دمكم عـالـثرة يرفـــضه التـراب
وانـــه قـــاســم سيـفي هــاذه يـــومة
......
صفــرت الــدنية ونــزل بيهه الظلام
أبعمر جاسم هــاي لحظــات الخــتام
ونـــت ونـــاحت على جسمه الحمام
صاح يـــا عــمـي ألك مــني الــسلام
والوصية من الحسن مضمومة
.....
الشاعر
أياد الفرح التميمي

عـبد الله الـولد ليك الورد ينعه
أنت الماي يبجيلك يصب دمعه
.......
عبد الله الولد يا فتشة عيوني
ريـت بنبـلتـك يمه يـصوبوني
وريـت بكـربـله يمـك يخلوني
انه اتاملك بس خابت ضنوني
ميته وياك كون انه ويدفنوني
يا بزر الامل يالماكبر زرعة
.......
من غيرك بعد بس همي يبرالي
ونوحي واللطـم عبد الله يحلالي
يمه شكـد عـزيز بزغرك الغالي
ريتـك يالـولد لو شاهـدت حالي
أللـولي بالمهد بس المهد خالي
وكبالي تذوب رويحتك شمعة
......
فـاركتـك ييـمه وفـركتـك كـوه
عـذبـني زمـاني بعـدك أسـوه
عـبد الله حبيـبي يابو المـروه
وفـدوة نومتك ينومتـك حلوه
شلي بالعـمر بعـدك فلا يسوه
صبري يالولد ما اكدر أجرعه
........
يمه بالعطش يومين ما ترضع
بعيونك شفت حتى الدمع يدمع
ابوك حسين يبني كاعد ويسمع
بلكي بشـوفـته تـتروه لو تشبع
رايح يالولد من عندي لو ترجع
مذبـوح بنبل اوليدي شيـرجعه
.........
انـه ام الـولـد خـلـوني يـم ابني
فـراكـك يالـولد عبد الله عـذبني
جـنت مدللـه هسه الـوكت ذبني
عليك الموت يمه شلون طالبني
حـاربني زماني هـواي حاربني
ما ريد الزمان اليغـدر بطبعه
........
الشاعر
اياد الفرح التميمي

نزله على الانصار

كوموا يهل الغيره وي غريب الديره
حسين وحده بكربله وبس احنه الانصار
________________—
كوموا لحسين الغريب امشونه
وبعد بلكافل نمر خلونــــــــــه
رخصه نطلب بلجن يرخصونه
نريد ابو اليمه نقاتل دونــــــــه
احنه احنه انصاره احنه باول غاره
حسين وحده بكربله وبس احنه االانصار
______________________________
واكف يحشم غريب اوطانها
كوموا هدوا الخيل من اعنانها
كوموا كلبوا كربلاء بوديانها
كبل مايذبحون كل رضعانها
شنعتذر هلمره تدري بينه الزهره
حسين وحده بكربله وبس احنه االانصار
____________________________
كوموا خلنوصل لعد ام الخدر
نكله احنه احبابج واحنه الستر
نقسم بضلع امج الي المنكسر
مايصل يازينب خيامج شمر
سيوف سليناها ارواحنه وبعناها
حسين وحده بكربله وبس احنه االانصار
____________________________
كوموا شدوا الحيل شدوها الحزم
خلوا غيرتكم على اجتاف العزم
كوموا للحومه نطبها يازلـــم
من اهل كوفان كوموا ننتقم
اليوم كلمن زوده والركاب شهوده
حسين وحده بكربله وبس احنه االانصار
___________________________
كوموا ومشونه لحبيب القائد
الرايه زمها وخلنروح انجاهد
كوموا شدوا الساعد اعله الساعد
مانريد اليبقه بلطف كاعد
هذا يوم المرجله والنصر بارض العلا
حسين وحده بكربله وبس احنه االانصار
_______________________________
كوموا خلندك الحديد عله الحديد
غيمه صيروا وساعقه وبرق ورعيد
كوموا خلوا اعلومكم توصل يزيـــــــد
روسهم دزوها للشام البريــــــــــــــد
والبريد اعلومكم يانشامه ويومكم
حسين وحده بكربله وبس احنه االانصار
_________________________
السيد كريم دانه الاعرجي

شجاعة القاسم

آه ياجسام ياسبط الحسن

هذا من حيدر علي ومن فاطمة
هذا ابو الكلفات راعي الموزمه
يشبه العباس لوسل صارمه
وفزعة العباس يعرفها الزمن

شاب من هاشم اخذ كل غيرته
امه صاحت ياعلي من جابتة
من علي الكرار دارس حكمته
ومن صبر فاطم شرب ويه اللبن

بدار فاطم هالسبط كلبه ارتوه
وهوه يوم الصار بالباب انجوه
شاف يم الباب مذبوح الضوه
ناده يازهراء بگماطه ويون

درس من عباس زود ومفخره
سوه طف حسين مثل الآخره
تعب ملك الموت طبك دفتره
ظلت عله الكاع موته بلاجفن

من برز جسام بالطف ارتجل
آنه ابن سبط النبي وخير العمل
عنده هذا الكون جن شسع النعل
يله ياعماته بالطف هلهلن

علي طعمة البطاط