#قصائد_القاسم_ع



بالأحزان والدمــــع  تتــرك المدينه

والجروح لجمــــت روحـك الحنينه

يلي عشــــــت وي محنتك   تحني الجبال امصيبتك

آيالغريب بمــــــــوتتك

يقاسم   يقاسم

****

امنين نبدي بيا مصيبه وياظلامه

آه يبن السلبو منــــــــــه العمامه

آه يبن الحركو اعلـه اهله خيامه

انته من بيت الفلا شاف السلامه

الآلام والجــــرح يورث المصيبه     والعيون ماتجف بالحزن نحيبه

جدك غريب ابلا دفن   وانوبه ابوك البالسجن

وانته اعله خطهم مرتهن

يقاسم   يقاسم

*

عفت بيتك واطلعت تبجي اعله بيتك

وحتى بخلافك بقــــــت تنحب ثنيتك

كوه تمشي وبانت الهظمـــه بمشيتك

تسمع امك تنعــــــه يالمــــاودعيتك

تناديك يالولد عجل برجعتك   يالحنين كالجمر عالكلب فركتك

غصبن مشيت بهالامر     وتدري يطـَول هالهجر

وبالغربه خاتمته العمر

يقاسم   يقاسم

*

ابعيد عن بيتك ســــــكنت ابغــير ديره

الدنيه وسعه لاجن بعيــــــــنك زغيره

امن المصيبه جن تحس روحك اسيره

عالمدينه والنظـــــــــــــر كلسـا تديره

الدموع لوجرت تشـــــــــــــــــبه المآســـي

تون آه مـــــــــــــــن تون تنهد الرواســــي

عايش غريب بهالوضع    باليل اذا يجري الدمع

ونك خفــــي وماينسمع

يقاسم    يقاسم

*

رغم ماجنت انته تخفـي اعليهم اهلك

وماتجاوب للذي منــــــــــــهم يسألك

ناس طيبه عاشرت لاجــــــن تجهلك

يالغريـــــــــب الوادم اتنادي و تكلك

بهالبلاد والنعـــــــــــــــــــم شافو إلتزامك

وعلى الناس يالولـــــــي تفرض احترامك

صح والنعم من هالبلد      صارو كهف صارو سند

لاجن دليـــــلك مابرد

يقاسم  يقاسم

*

اضيك نفسك من تحــــل المغربيه

اتكوم تبجي وتنعه وعيونك جريه

يامسيت العافيه اعله اهل الحمـيه

اشلونه امي وعيلتي بهاي المسيه

يالبعيد لاتضن التقــــــــي اوي اهلنـــه

فلا اشوف عن قرب ارجــــع الوطنــــه

حزني ابد ماضـــــن يفض      وخلص احس دك النبض

وموتي ودفنتي بهالارض

يقاسم   يقاسم

****

أبو علي الركابي

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_القاسم_ع



الحد مماتك تنعه لمصاب النــــــحر

ساعه تذكر زينب وساعه الكَـــــمر

*

اه يالعمرك كظـــــه وعينك تصب

خلصت اسنـــــينك يقاســم بالغرب

امكدر ويتواكَــــــــــــد بنار الكَلب

ماتعرف النوم عبرات وســـــــهر



ماتعرف النوم لحـــــظات و خفيف

اليل تكَظيه تنتحب وســـط المظيف

ولوجرى دمعك يصب مثل النزيف

للطفوف اتشاهد بعينك صــــــــور

**

للطفوف اتشاهد بعينك جـــــروح

لعد ذيج المعركه روحك تـــروح

اتكوم تنظر والدمع منك يفــــوح

تنسى همك والمعاناه والكـــــــدر

****

تنسى همك والظليمه والبـــــــلاء

اتكوم بالك ينظر الحال النســـــاء

الكاع حمره من كثر سيل الدمـاء

اجسوم اهلهن صارت اشلاء وذر

****

اجسوم اهلهن طاحت وماظل أمل

لاحسين ولاعلــــــي وراح الكفل

عالشريعه صاحــب الرايه انجتل

امكَطع الجفـــــــــين نايم عالنهر

****

امكَطع الجفين شــــــــــيال العلم

وانته يالقاســـــــــــم تعاين للخيم

اتشوف عمتك شابج اعليهه الألم

تبجي عبره وانحنـى منهه الظهر

****

تبجي عبره وشايل بروحك محن

اشلون تنسى يا امامي الي انسبن

فاطميات وســـــــــــــافه اتجتفن

تقره ألهن تعزيه طــــــول الدهر

****

تقره الهن تعزيه لا خــــر نفـــس

اتكول ريته صدري بسهام انترس

ودون الحسين الجسم مني انرفس

وبجبهتني دونه صاباني الحــــجر

****


أبو علي الركابي

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_القاسم_ع



اِمام المعالي وأمير الكرامه

سليل الهواشم حفيد الامامه

جينــه ابمصابه        ننعه اعله بابه

سليل الهواشم حفيد الامامه

****

بلطمنه وألمـنه حضرنه واِجــينه

بمصابه ننـادي بجمرنه اِعتنــينه

يباب العطـايه ابمدامـــــع نعــينه

نسلم علــيه ورفعنـــــــــــه اِدينه 

يبن النـــجابه            ننعه اعله بابه

سليل الهواشـــم حفيد الامــــامه

**** 


اجينه بعزانه اعتنينه الحضـــرته

نشوف الملائك تطوف اعله كَبته

بجينه الرزيته وانينــــــه ومحنته

وذكرنه بحزنه عذابــــه وغربته

نذكر عــــذابه             ننعه اعله بابه

سليل الهواشم حفــــــــيد الامامه

****

سليل الهواشم حفـــــــيد الولايه

كريم ورحيم وحميد الســــــجايه

جواد اعله بابه تصلي الــــبرايه

امام المعالي وامير العطـــــــايه

نبجي الشبابه              ننعه اعله بابه

سليل الهواشـــــــم حفيد الامامه

**** 


وصلنه الضريحـه وهتفنه بندانه

نريد اليواســـــي يشارك عزانه

تره الزهره حضرت يقيناً معانه

تعزي وتواسي وتون البـــــجانه


تبجـــي الغيابه         ننعه اعله بابه

سليل الهواشــــــم حفيد الامامه

*


اعله بابه لطمنه بمدامع جــريه

ننادي تقبل يربنــــــــــه العزيه

بجاه الغريب وبجــــــاه الزجيه

بأسمهه انجمعنه وقرينه الرزيه


نقره ابمصابه          ننعه اعله بابه

سليل الهواشــــم  حفيد الامامه

 


اعله عتبة ضريحه تحادر دمعـنه

يجف العطايه نعينـــــــــه وهتفنه

جثيره الحوائــــــج دعينه وطلبنه

ايتقبل عزانه ورجانه ولطمـــــنه


نطلب ثــــوابه             ننعه اعله بابه

سليل الهواشــــــــم حفيد الامامه

**

أبو علي الركابي

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_القاسم_ع



(طفلة القاسم ) ع 

بويه لوَعـــــتني    من وكت عفتني 

طفله مابيه بواجي   وانتــه فاركتني

* 


يلي كلبك منترس عطــــــف وحنان

يلي وجهك منرســـــم في كل مكان

ليش عايفنـــــي وحــــيده بهالزمان

بويه يالقاســـــم وأنه بعــازت أمان

الفرح جفاني                    يا أمل زماني

خيمتي طاحت عليه          وانته ضيعتني

* 


امن الزغر يالقاسم انعه اوي الجروح

ليش محنيه ظهر من هســــــــه انوح

ما اضنن بعدك بجســــــمي انه روح

شكَد صحت يم الكَبـــــــر لا لاتروح

ماترد علــــــيه                  ودمعتي جريه

صحت يم كربك يغالي          بويه عذبتني

**** 


ليش من زغري ألبست ثوب السواد

وفتشت عيني علـــــــــى ايام الحداد

وسفه مني اتروح  يا خــــــير العباد

حيف يالجفك ســـخي وينطي المراد

ساكن المكـــــابر           ياضوه النواظر

غيبتك تصعب يبويه         والله مرمرتني

****

عجب ماشي يا لأبو وبعـــدك شباب

ويندفن وجهك وسف حــــدر التراب

توني شفتك وابــــــتده اوياي الغياب

اميتمه وفاولنـي بأحزانــــه المصاب

اشــــــتم بثيابك            وانحب المصابك

بغيبتك عني احسهه       طعنـــه جرحتني

***

ادري بالراحــــــــــو بعد لامايجون

لو تشيب اعليهم وتعمـــــــه العيون

لاجن احـــــــــــــاه يالأبو آيالحنون

تجري وحدهه وتصـب دم الجفـون

بقصتي حزينه                 امشي للمدينه

وارجع البيت المواجع      بويه جي ردتني


أبو علي الركابي

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_القاسم_ع



أحمدك رب الســــماء             وفقتنــي الهالعـــــزاء

وأخدمت باب العــطاء            وي هـــاي المؤمنــــين

*

ربي خصنــــي بهالفضيله   وغركَاني بهالكــرم

وأنعــــم اعليه وشــــملنـي   بأشرف وأطهر نعم

أتلطف بجــوده وجلالــــه   وصرت خادم للخدم

أشــــكروأحمد ألهـــــــــي   ابكثر ماهب النســم

وألطم وأقره الرثــــاء            وفقتنــي الهالعـــــــــزاء

وأخدمت باب العطـاء            وي هــاي المؤمنــــــين

 


صوتي ولساني وشعوري   سجدن الفضلك شكر

بكل عزه أحظر واشـارك   وألطم وأحيـي الأمـر

أدري كل خطوه بعزائــي   وادري كل دكَة صدر

وادري كل دمعة عزيــــه   ينكتب ليه الأجـــــــر

عن يقيني بهالـــــولاء          وفقتني الهالعـــــــــزاء

وأخدمت باب العطــاء         وي هـاي المؤمنــــــين

* 


ياكبر حظي واشــــــارك   بمأتم أمصاب الغريب

ما أصدك آنــــــــي يمه   واحظرت كَبر الحبيب

وانظر ابعيني الظريحـه   والكَلب بالهم لهـــــيب

واجب ادموعي بحظرته   يصبح بجمره النحـيب

ادعي وادموعي دمــاء           وفقتني الهالعـــــــزاء

واخدمت باب العطــاء            وي هاي المؤمنـــين

هيج هم جف أني عندي   يلطم وي الاطمـــــين

أثني عالباري واحمــده   شاركت هالمؤمنـــــين

واهتف وياهم وأنـــادي   بالمدامع والأنــــــــين

آه يالقاســــــــم مصابك   بجه كل الحاظــــرين

خاطبك جف الرجـاء          وفقتني الهالعـــــــــزاء

واخدمت باب العطاء          وي هاي المؤمنـــــين

**** 

حيــــــــل جا دكَن يديــــــه   جي وصلت الهالمجان

               نزلت اتصلـــــــي الملائك    للعـــــــزه وآن الأوان

               جني اشوف الزهره هاذي    وابو صالـــح هالزمان

حظرو بهاي الرزيــــــــه    وللدمع صـــــاح الأذان

للطم صاح النـــــــداء                    وفقتني الهالعــــــــزاء

واخدمت باب العطـاء                    وي هاي المؤمنـــــين

* 

عالمصاب انزل يدمعــي     وجرح وياك الجفــن

بلكي اواسي بهذا ونــــي    فاطمـــــــه أم الحزن

ماتفارك كل عزيـــــــــه    بجمره وبعبره تـــون

هـــذا من دمهه ولحمهه    تنعه بمصاب الأبــــن 

ونتي بجرح البكـــــاء                   وفقتني الهالعـــــــزاء

واخدمت باب العطاء                   وي هــاي المؤمنـــين

* 

بجاه قاسم هالعطايـــــه    ارد أقدم دعوتـــــــي

ربي لاتسلب ولائـــــي   وسر وجود امحبتـــي

ارد اظل اعله الخدامه   وما أفارك دمعتــــــي

وكون اموت بهالمآتــم   واندفن وي خدمتـــــي

من كَلب هذا الدعـــاء        وفقتني  الهالعــــــزاء

واخدمت باب العطــاء      وي هــاي المؤمنــــين

*** 




أبو علي الركابي

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_القاسم_ع



غريبه وبت غريب اسم الطفلتين
بنت القاسم اهنه وبنت الاحسين
غريبه ويم غريبه
يحچنها المصيبه
+++++++++++
بنات آل النبي واهل الكرامات
اميرات الخلگ صارن غريبات
بت الضامي گلبه وكله طعنات
والضامي اعله شوفة اهله من مات

بين السلبوها وخدها مسطور
وبين الطفله ضل خاطرها مكسور
سوالفهن عجيبه
يحجنها المصيبه
++++++++++
ابوي القاسم آنه العايش اسنين
غريب وينجرح من كلمة امنين
من يوم اعله ابويه فتحت عين
امير وشغله ساقي بالدواويين

لا ام لا ابـو لا يمـه خوان
اشگد يبچي عليكم والدي چان
دمع عينه ونحيبه
يحچنها المصيبه
++++++++
رقيه آنه الابوها توه مذبوح
ويضربوها اذا تبجيله وتنوح
مو بس اذني خدي كله مجروح
يسطرني اعله خدي اليجي ويروح

يبت القاسم الماشافت احبال
عليه اسياطهم ماخلت احوال
دمعات السليبه
يحچنها المصيبه
+++++++
عذابچ يارقيه اسمعته ذكـراه
مثلچ اسمي فاطم عودي سماه
يسولفلي اعله جدي امن اگعد وياه
وموتچ بالحزن انتي اعله فرگاه

اگله منين هاي وياهو ابوها
عمتي البالخـرابـه شيعـوها
تراجيها الحبيبه
تحجيها المصيبه
++++++++++
منـو المثلي بعمرها شافت آلام
من ساعة ركضتي بحرگ الاخيام
اشلون احضن ابوي ومملي بسهام
احط عيني اعله خنصر چفه وتنام

يحچيها ابونين ايگطع الحيل
بعدي عني خاف اتسحگج الخيل
وشيباته الخضيبه
تحجيها المصيبه
+++++++++++
يبنت المات جسمه ساتره اثياب
صح مات بغربته بحسرة احباب
لكن ما بقـى عاري اعـله لتراب
ولا راسه اعله رمحه بديرة اجناب

امغسل والدچ وكت الدفن چان
لا نام بحصيره ابـلايه اچـفـان
اوصاله التريبه
يحچنها المصيبه

ثائر الربيعي

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_القاسم_ع



ياهالغريب ارد اسألك… شو چنك امضيع هَــلك


طول سؤالي….. وانته اعله بالي

ياغريب ياغريب

★★★★★★★


منين اجيت وكل مسافه راســـم اجروح

وألمـــن ابممـــشاك بــــلله رايــــد اتــروح

ساكت اوتبچي اعله حالك طيرت الدوح

الدمعه من تخفيها عينك بالسمــه اتلــوح


تبچي الك هاي السمه.. . ماتـــدري أمك فاطمه


دمعك يلالي….. وانته اعله باالي

ياغريب. ياغريب

★★★★★★★


چن اشوف ابوسط عينك دمعة ايـــــتام

وهـــذا البوجهك اظن دخــــــان الاخيام

لا اهل عندك اشــــو لا عــــــندك اعـــمام

الدنيا ظلمه وديره غربـــه عدمن اتـــــنام


يالگاعد ابنص الدرب…. ومتحــير ابديــرة غـــرب


محد حچالي….. وانته اعله بالي

ياغريب ياغريب
★★★★★★★


راســــم ابعينك مصيبه واهلك ابعاد

الزمن شالع باب گلبك مــــــنك اشراد

حيره البوجهك احسها امفــارگ ابـلاد

اشعندك ابهليل تفــتر يــــبن الاجـــواد


يالغازَل اعيونك دَمـع…. وطولك مثل طول الشَمع


اتذوبه اليالي.. … وانته اعله بالي


ياغريب ياغريب
★★★★★★★


حيرتك چن ذكرتـنـــــي ابحيرة حسين

يوم ظل وحده وأخوه گطعوله چفين

اخيامــه محترگه اويتامه تشرد امنين

والزلـــم والخيل حاطت بيها صوبــين


متخوصر حسين اوبچه... ونــــاده يعباس اوحچه


وينك يغالي…… وانته اعله بالي


ياغريب. ياغريب
★★★★★★★


الخيل من فزعة عليهم سحگت اطفال

ودم ابـــو اليمـه تبـده وعالترب ســال

زينــــب ابنـــص المعارة اتلـــم بالعيال

ابسوط كل ساعه ابمتنها ايطگها خيال


تركض تجي ابدمعه اتهمل….واتكظ طفل يشرد طفل


ماعدها والي…….. وانته اعله ابالي


ياغريب. ياغريب
★★★★★★★


يامن ايخبر ابوك الكاظم ايروح

وخل يگله القاسم ابنك ظل بلا روح

المات بالغربه يظل تابوته مطروح

ومحد من اهله اعله نعشه يبچي وينوح



بالغربه كل عمرك گظه…. ومانشفن ادموع الرضا


ظل دمعه هالي…… وانت اعله بالي





ــــــــــــــــــــــــــــــــــــ
ماجد حبيب الخيكاني
2021/1/6ونسألكم الدعاء

1. قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

2.قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

3.كروب الالحان(1)
https://t.me/joinchat/Dw92Dj9pmspR5uHfACGjlA
4.كروب الالحان(2)
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ


يالمرتضى عندي الك اخر وصيه
بالمغتسل غسلني بثياب العـــليه
لتشاهد الوضع          من كسرت الضلع
°°°°°°°°
ياعلي ابثــــــوبي تغسلني اريدك
وهيّد اعله الضلع من اتخلي ايدك
ذابله والعين حمره      وهاذي فوگ اجفوني سطره
هــــــا يدفان الورد       ضلــــعي بالك لا تڪــسره
ڪلشي عليه يبچي ياسبع الهواشم
لمن عله الدار اهجموا ذوله الضوالم
  بابك يهل دمع          من كسرت الضلع
°°°°°°°°
وقصة المحسن تضل قصه اليمه
ياعلي لوليله فـــــوگ ايديه نيمه
اصغير بعده اوعمره ورده     ولسه ماشم هوه بعده
وابهــــــــــــــــداوه لا يفــز      بالگـــبر لمن توسده
ياحيدره ابقــربي اريدنك تدفنه
لمن يفز لبني الوليله واحضنه
وابطفلي انفجع          من كسرت الضلع
°°°°°°°°
ياعلي عيــنك على بنتي العقيله
هاذي ام الحزن والمحنه الثگيله
بنتي بعــــدي ايسلبوها     وتحترگ خيمات اخوها
ابليله ضلمه ابلا حرس     اويه اليتــامه ايچتفــوها
شفت المآسي من ضلم حكم الخليفه
واولادي يوصلهم حقد اهل السقيفه
خَلَّوني انفزع          من كسرت الضلع
°°°°°°°°
ياعلي جثــماني شيعة ابليله ظلمه
وگبري عن الناس يابو الغيره ضمه
اخفي يابو الحسن گبري     وما اريد الصحبه تدري
همـــه ڪسرولي الضلع     وابسببهم دمعي يجــري
ساعتــها صــاح المرتضى ها يامحمد
ابهـاي الوصيه اتگيدت والباري يشهد
انفاسي تنگطع           من كسرت الضلع
°°°°°°°° 
يا أبو بيتي ونفس صدري وهوايه
خلي يومي ايصـير اكثر من روايه
كلمن اسود ليه لابس     اله اسجله ويّه عابس
اتلث روايات انذڪر    خلي تكثرلي المجالس
كل دمعه ترجعله نهر كلمن بچالي
ويوم الحشر اتذكــره الهذا الموالي
احزانه ترتفع          من كسرت الضلع
°°°°°°°°
 
ياعلي وآخر سلف يبنيلي حضره
ها هنا يكتب قبر فـــاطمه الزهره
گبه يبنيلي ومــــناره    وتعتني الگبري الغياره
والخلگ جوه الگبب    توگــف اتصلي الزياره
يابو تراب امنيتي للمهـــدي عفتها
انظر ضريحي وگبتي اچفوفه بنتها
ابگبري يوج شمع     من كسرت الضلع
°°°°°°°°°°°°°°°°°°°°°°°°°°°°°°°°°°°°
وليد المندلاوي

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ


بين مولاتي زينب وفاطمة سلام الله عليها


لو رحتي اروحن كربلة
وما راح اضل مدللة
وتضيع الاحلام
وتضيع الاحلام


@@@@@@@@


من رسمج علي غاب
كمت اشتم بالتراب
ياخذني العطر ليج
واغفى بحضن الكبور

مات الضوة البلبيت
يا يمة الج حنيت
راحت ذيج الايام
احترگن مثل البخور

يا يمة فكدج مو سهل
لو رحتي اروحن ع هزل
مسبية للشام

ضلعج وضلع المنذبح
يلچمني كل فزة صبح
وتزيد الالام

شيصبره اليفارك هلة
لو رحتي اروحن كربلة

@@@@@@@@@@@

طبع الفاكد يصيح
وتحمل ونته الريح
عمري تبدة دمعات
بلكي يردج الموت

ما جانت على البال
وحدي بطرگ الخيال
خنگة ومظلم البيت
وسفه وما الج صوت

كون ادفن وياج البچن
وگليبي يمه خاف احن
ولحضنج اشتاگ

الراحو اهلة بلا خبر
يشبع بچي ويشبع سفر
واحلامه تنباگ

يمة الحزن عگبچ حلة
لو رحتي اروحن كربلة

@@@@@@@@@@@@

حزني اعله الگلب داس
وحشة الديره والناس
كلشي بروحي تعبان
ذبلت حتى الهدوم


حزنج باقي بالروح
وبية مچلبة الاجروح
رسمچ تارس العين
وباقي بگلبي للدوم

اتخيلج يمي وضلع
يا يمه منج منشلع
ويشبگة بسمار

كلما اريد انسه المحن
اتذكر عيونچ بچن
من شعلو النار

ضلعج الخالق رتلة
لو رحتي اروحن كربلة

@@@@@@@@@

كون الرايح يعود
ونطش فوكه الورود
بشوفه نكحل الشوف
وتشبع منه هالعين

هيج الله وتردين
وبنصنة تكعدين
ونلتم حدرج ايتام
ونچلب بالايدين


يلتدفن امي بهيدة هاي
بالعطش جانت هية ماي
من زغري وصباي

المن اضل اشتم هوة
ادفني وياها سوة
عطشانة للماي

يمعدلة وكلچ هلة
لو رحتي اروحن كربلة



@@@@@@@@@@@@@

مهند الشاكر

يا امنا الزهراء تقبليها

لطلب اللحن
مراسلتي ع تلي ٠٧٨٠٥٨٣٧٨٦٠

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ


ثكيل
السيدة فاطمة الزهراء ع


يا بوية الله يعينك
حرفو مبادىء دينك

كسرولي ضلعي ودفعو الباب
ذولة الأسهم جان الاصحاب

يا بوية الله يعينك

*********************

يفززني ضلعي ويلچم لو شفت الحسين
يبچي اعله حالي ومنكسر ومحومرة العين
الكسرولي ضلعي بنينوى يكسروله ضلعين
ونيرانهم تحرگ خيم والعطش صوبين

ما كالو حسين امن الاحباب
ذولة الأسهم چان الاصحاب

يا بوية الله يعينك
يا بوية الله يعينك


******************


بسمارهم حدر الضلع شابگ الرية
دفعو الباب بكل حقد واني الزجية
هدو فرد هدة اجو كلهم علية
كل حيلي راح بروحتك ضكت المنية

خلو جرح ليهسة ما طاب
ذولة الأسهم چان الاصحاب

يا بوية الله يعينك
يا بوية الله يعينك

******************

يا بوية طكوني بحقد سطرولي عيني
الاذاني من بعد الضلع طايح جنيني
اتنطرك هلبت ترد عطرك يجيني
وتمسحلي دمعي بوجنتي وتكف ونيني

خلو يبوية بگلبي عطاب
ذولة الأسهم چان الاصحاب

يا بوية الله يعينك
يا بوية الله يعينك

*******************

راح افكد احباب شكثر غالي ويغالي
أمر الله هذا وانكتب علية الجرالي
شلون اكضي ايام الهجر والحمل عالي
تاليها وحشة ووحدي انة وخيالي

خنگو عطر من الله اجه هاب
ذولة الأسهم جان الاصحاب

يا بوية الله يعينك
يا بوية الله يعينك

******************


مهند الشاكر

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

المستهل


شكاياهم صبح ونّي
ولا چنّهم سبب حزني
ولا همهُم قتل ابني مصابي


اجو يشكوني يم حيدر
الليل انّامه ما نكدر
واحدهم ولا قدر. مصابي


اجو مني اشتكو. كسر ضلعي نسو
مصابي


النص الاول


انا الزهرة انا الكسروا ضلعها
لمن بابي النذل بيده دفعها
بلا رحمة رغم ونّتي سمعها


انا بعد النبي صارت محنتي
على الحايط صفن موتي وعصرتي
انا ابعمر الورد طفوا شمعتي


يريدوني اكُف نوحي
و اسكّن أنّة اجروحي
و اعوفن لوعتي بروحي. عجيبة


اجر أنفاسي بالقوة
ابد ما عدهم امروة
عليّه قدمو شكوة . عجيبة


عجيبة اتجاهلو كسر ضلعي نسو

مصابي
__________________________
النص الثاني

انا قُنفذ ضرب بالسوط إديّه
ضربني بقوته واغمى عليّه
و احس زينب اجت تركض اليّه

خفت لا تنچوي بنار المصيبة
بعد عيني تظل بنتي غريبة
يتيمة من الزغر تبقه الحبيبة


لهيب النار ذكرني
بسبي الحرة وذبح ابني
لون سلبوهه تذكرني تنادي


وكع عباس يالزهرة
عزيزچ منقطع نحره
وخيول مرضرضه بصدره. تنادي



يتامة اتشردو. كسر ضلعي نسو

مصابي

__________________________

النص الثالث



الشكوا حزني ابد ما قدروني
انا بنت النبي من ينسبوني
بعذابي ومحنتي ما صبّروني

انا وي والدي اندفنت ضحكتي
بعد موته صفت ظلمة دنيتي
بقيت ابعازة احچاية يبنتي


على الدنيا العفى بعده
ابد ما ينحمل بُعده
الأبو لا مو سهل فقده يعالم

على احزاني يلوموني
و أنا الظنّي يواسوني
أنا بيا حالة يدروني يعالم




شكثر عني حچو. كسر ضلعي نسو

مصابي

_'_________'______'_________

النص الرابع

انا أُم وطبع كل أُم حنينه
لمن محسن وكع اسمع انينه
جنيني ما وصل حتى سنينه

چنت متلهفة يمته اسمع ضحكته
ويكلي لو كبر يمه انتظرته
بحرق داري حلم عمري خسرته


جنيني چم شهر عمره
فقدته بساعة العصره
طلعت منه چم حسره. حبيبي

ما لحكت اشوفنّه
و اشم عطره و احضنّنه
ومن يبچي اشيلنّنه حبيبي



حلم عمري خذو. كسر ضلعي نسو

مصابي

__________________________

النص الخامس

انا للمنتظر ارفع شكوتي
اكله عالرضه تنزل دمعتي
الغصب حقي وعلى السبب اذيتي

ابو صالح لمن يظهر اكيدة
يرد حقي اليّ وحق الصميدة
وينادي فاطمة ماتت شهيدة



الطالت غيبته اعليّه
ادعي لأمره يوميّه
و انطر جيته ليليّه واشوفه

باچر خاطري ايجبره
ايطلع الطكني من قبره
ويصلبه على شجره واشوفه


مصابي ما رعو كسر ضلعي نسو

مصابي



علي كاظم المياحي ✍️


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ


يا ام الحسن يافاطمة
يا ام الحسن يافاطمة
*************
انتي بت ادم محيرة ادم
نزل من الله علمودج خادم
هامت بيوسف زليخه والله گال
أنت بس حيدر بحبج هايم

ياجبيره دخيلج
حيدر مكفيلج
********
أنتي خلفتي الحسن وزياده
وأنتي خلفتي جبير الساده
انتي موبس احنه ننخاج بدعاء
أبليس هم منج يريد مراده

ياحنينه بگدج
أبليس ساجد لجلج
********
الدنية تگضي وماتخلص علومج
وأنت نيشان الشرف من يومج
عمر نوح بخدمتج ينعد قليل
حيدر تشوفه الخلگ برسومج

أنتي الله ختارج
المهدي ياخذ ثارج
**********
تايه بروحي ولگيتج حضره
شيريد من الله التحضره الزهره
حوه صاحت فاطمه والله ستجاب
من عدهه وادم ماگرب للشجره

الدنية تنحط بيدج
والكرم تعوديج
**********
يكبر المحسن وياخذ ثارج
ويمض حد ضلوعهم بسمارج
ويوگف المهدي عله درب الله ويصيح
هلا بالزهره وهلا بزوارج

زوارج وخدامج
كلهه حدر جدامج
***********
يارقيه
        علي الشامي

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

فاطمه يافاطمه يافاطمه
أنصب أعليها العزاء      
نادي وأرفع هالنداء  
فاطمه يافاطمه يافاطمه
* * * * * * *
أبدي حزنك يالموالي وخلها تتجاره الدموع
وخل دليلك من ونينك ينشغ اليوم ويلـــــوع
طفوا هاي الليله شمعه بيها تتباها الشمـــوع
أستشهدت أم الايمه ومشت مهشومه الظلوع
نايبه ويلآه من هالنايبــــــه    
ماتت الزهره شهيده امعذبه
مرمروها الادعياء      
نادي وأرفع هالنداء  
فاطمه يافاطمه يافاطمه
* * * * * * *
الزهره خلف الباب لاذت طاهره تريد الستر
وعلى الحايط لن عصرها الطاغي ترباة الغدر
أتجاسر أعليها وسطرها اليحمل أحقاد الكفر
أنشلت أيمينه عساها ولاسطر خد الطهــــر
والحقد بعد النبي بان وبده
يتموا ولد الوصي أهل الرده
أستشهدت خير النساء    
نادي وأرفع هالنداء  
فاطمه يافاطمه يافاطمه
* * * * * * *
طاحت الزهره الزجيه والظلوع مرضرضه
حين أول هجمه صارت على دار المرتضه
وكعوا منها طفلها وضجت أملاك الفضــه
فاطمه الصوب ظلعها بالنبي أصوابه مضه
أشكبر فعلة ذاك أول ناصبي
الصال وأتجاسر على آل النبي
وقتل نسل الانبيـــاء      
نادي وأرفع هالنداء  
فاطمه يافاطمه يافاطمه
* * * * * * *
أنحب أنحب يالموالي وعزي أبوالزهره البتول
اليوم بمصيبة بضعته شارك أحزان الرســول
صوّر بذهنك ظلعها وكسره والدم الهطـول
وأللي ظلمت بت نبينه باجر الربها شتكول
يوم يعرض غدر أصحاب الغدر
وشعذرهم للنبي يوم الحشــــر
بمحكمة يوم الجزاء      
نادي وأرفع هالنداء  
فاطمه يافاطمه يافاطمه
* * * * * * *
أحظر أبمأتم الزهره بكلب ملجوم وحزيـــن
وعزي أبوالحسنين حيدر ذاك أميرالمؤمنين
أشما تون ياشيعي لتظن راح يشفيك الونين
لمن يظهر أبوصالح ياخذ بثار الجنيـــــــــن
بسيفه ينهي كل فتن أهل الفتن
وكبر يبني الفاطمه أم الحســن
وكبه توصل للسماء      
نادي وأرفع هالنداء  
فاطمه يافاطمه يافاطمه
* * * * * * *
                                  ســلام المشــعل



▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

الی الوالده
┉═❈❥•ًً❀(«💔»)❀ ❥•❈═┉
اریـدچ دوم احذالی و یمای
یل چفی الـچ عالی ویومای
اصیح ابدارچ احنینه ویمای
شلون بفرگتچ تصعب علیه
┉═❈❥•ًً❀(«💔»)❀ ❥•❈═┉
ڪ...السید محمد الفاضلی


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

الی السیده فاطمه الزهرا (س)
┉❈❥•ًً❀(«💔»)❀ ❥•❈┉
بین الباب و الحایط کسر حط بیها
حته السمه اویه الگاع تبچی اعلیها
┉❈❥•ًً❀(«💔»)❀ ❥•❈┉
*ڪ...السید محمد الفاضلی*


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ


روحي طلعت حين فاطم غسلتها
حمره عين الزهره يافضه شفتها
والحجي هواي. يلجم الماي
غسلتها غسلتها
==========
بالمغيسل غسلت زهرة حياتي
تلملمن كلهن يفضه نايباتي
حَسَبْت كبل الزجيه تحل وفاتي
بسمتي جانتلي هيه وامنياتي

فضه حين الغسلتها عيني شافت
ظلع متهشم اصد والزهره ماتت
تايه الراي. يلجم الماي
==========
ايدي مرت عالظلع من غسلتها
اخ صاحت فاطمه واني اسمعتها
هيه ميته وتنلجم ماحسبتها
روحي ماحملت ابد واني اشبكتها

هو منهو المثلي يدفن روحه بيده
منهو قبلي ام بيته دافنها شهيده
محد اوياي. يلجم الماي
==========
ظلمه ليلي وماشفت دربي يفضه
هسه ظلع الزهره لو ظهري أكضه
ازغيره لكن هالكبر لازم اعرضه
تلجم خاف ام حسن مرضوضه رَضّهْ

ظلع مرضوض وخفت الجمها مَرَه
عيشتي بعد ام حسن يافضه مُرَهْ
نجمة إسماي يلجم الماي
==========
نزلتها بالكبر وعيوني تجري
فركت الزهره تره كسرتلي ظهري
ريت يم الزهره حافر بيدي كبري
بيدي دافن فاطمه جاشنهو صبري

والله لو يعكوب مثلي هيجي حزنه
جان مات ليوسفه ونه اعله ونه
ترجف اعضاي يلجم الماي
==========
فضه مو سهله شفت ذيج المصيبه
دم كسر ظلع الطُهر بوجه الحبيبه
من بعد عين النبي صارت غريبه
وسفه تنطك بت محمد ياعجيبه

وصلوا لداري الامس حركولي داري
مدري اسلن سيف لو اسل اصطباري
بعزم يمناي يلجم الماي
==========
حيل ماظل بيه يافضه تراني
بسطرة الزهره تره الظالم عماني
دارت ايامي بمثل دورت زماني
لموتي بعد الزهره يافضه اتاني

شوكت اموت والتقي بيها الحبيبه
الضيع ادواه إشبعد ينفع طبيبه ؟
ضايع ادواي. يلجم الماي
==========
تمت ولله الحمد/ المقصر مع الحسين
✍ علي النائلي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

نعي
مفجع

چلچل الليل وينچ يزهره چلچل الليل
هدم الحيل يكتل وداعچ هدم الحيل
والمدمع ايسيل اذّكرچ والمدمع ايسيل


وشتم بالهدوم افرش گمت وشتم بالهدوم
ماضلت ارسوم من البچي ماضلت ارسوم
ما ادري يايوم نلتم سوه ما ادري يايوم


من نضرت الباب گلبي انكسر من نضرت الباب
ينزف ولا طاب جرحه بألم ينزف ولا طاب
وياه ألي اعتاب چي ألمّچ وياه ألي اعتاب

*------------*-----------*
✍بقلم خادم الزهراء ع
الشاعر رعد الجريخي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الزهراء_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ


. . أغـفـه ويـفـززنـي الـريـح
چـن هاتف بإذني ايصيح

راحـوا بـنـيـنـچ ... لا تـغـفـه عـينچ

*---------------*---------------*

أتغمض عيوني ثواني .. وتنچوي بنسمة حنين
أگـعـد ودمعاتي تجري .. ضـيـعـت تعب السنين
والـده وفـگـدت رباهه .. سـلـوه صارالي الونين
أصـبـر شـلـون وأكـابر .. وفـارگـت أربــع بـنـيـن

أتـمـنـه يـلفـينـي الـمـوت
يـومـيـه اسـمـع هالصوت

ضـلـي بحنـينـچ

*---------------*---------------*

بدمعتي خذت استخاره .. وعـرفـت مـن الـكـتـاب
صعـبـه ترجعلي الغوالي .. هـذا مـضـمـون الجواب
يـخـلـص الليل وظـلامه .. ويـبـتـدي يـومي بعذاب
ضـيـعـت كلشي بحياتي .. ضـاعوا أولادي الشـبـاب

مـاتـنـفـع الروحي اعـذار
گـلـتـلـهـه واشــعــر بـنـار

زيـدي بـونـيـنـچ

*---------------*---------------*

عـايش بعيني ضـواهـم .. أربــعــه مـثـل الـشـمـوع
راحـوا وخـلـولـي ذكـره .. حـسرتي وجاري الدموع
أنـحـب بـكـل مـغـربـيـه .. وتـنـحـنـي مـني الضلوع
تـجـرح الـغـربـه شعوري .. وأنـتـظـر مـنـهـم رجـوع

أدري الـجـزع مـامسموح
أصـفـن واسـولـف للروح

الله يــعــيــنــچ

*---------------*---------------*

أتـسّـاون الليل ونـهـاري .. والـعـمــر كـلـه أنـتـظـار
حـفـرت الدمعـه بجفنهه .. وبـالـوجــه بــان الصفّار
لـوحـدّي أحـسـب ليالـي .. ياخـلـگ والـفــرگــه نـار
موحشه بعيني المـدينـه .. ومـظـلـمــه بـعِـز النـهـار

أتـنـطـرت ولـــدي اتـعـود
والـهـاتـف بـلـيـلـي ايـزود

يـالـحـره ويـنـچ

*---------------*---------------*

الفـارگـت شـمـل الاحبـه .. يـاصـبـر إلــهــه اليـفـيـد
السكنوا بكلبي وخـيـالي .. ســافـروا عــنــي بـعـيـد
كـلـمـة الـيُـمـه خــذوهـه .. الـچـانـت لـروحـي نشيد
شـلي بـالـدنـيـه وألـمـهـه .. مــوتــي يـاربـــي أريـــد

أمكـابر جـبـتـهـه ومـافـاد
يـادنـيــه حـزنـچ يــنـعــاد

تـجـرح سـنيـنچ

*---------------*---------------*

✍بقلم خادم ام البنين ع
الشاعر رعد الجريخي

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg