#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

#ويبقى_الحسين




نزال للاكبر ع


سمه بسم الله 00 من شهر سيفه
-------------------
بيه روعة وجه جده وماخذ امن ارسومه
علي الاكبر جنه حيدر لو دخل للحومه
الهاشمي الاول تقدم بالطف اعله اخصومه
صال صولة حيدريه خيبريه ابيومه
نزّل اعله الجيش 00 قارعه ابسيفه
--------------------------
كل كتيبه امن الكتايب تصرخ اتعنانه
كل فرد بالجيش ناده هذا هذا اهنانه
شاهدت طيفه العساكر واصبحت حيرانه
جسّد الهم موت الاحمر من عزم ايمانه
احتارت العدوان 00 علي لو طيفه
-----------------------------
وارث الكرار هوّ بالحرب يتبسم
حين رد الجيش خطوه هوّ خطوه اتقدم
اكباله سبعين الف خافت و وحده بس ما يهتم
وبكر ابن غانم اجاله رده سابح بالدم
سيطر اعله الجيش 00 وصولته ابكيفه
--------------------------------
منين ما طب عالعساكر اتفرقت كدامه
القارعه خزرت اعيونه الزلزله ابصمصامه
اصبحت عميه العساكر من لميض احسامه
ذكّر العدوان كلها بحيدره وايامه
صال والصولات 00 بيها اخذ حيفه
------------------------------------
مقتضى القدره وحكمها من السمه يتقرر
الباري شاء ايشوف الاكبر بالحرب يتطبر
ودمه فوك الكاع ينزف وبالثره يتعفر
هوّ لو ما حكم ربنه جا فناها الاكبر
جا فنه العدوان 00 ومحد ايعيفه
--------------------------
حسين لمن راح يمه وشاف دمه السايح
وشاهده مطبور راسه وعالارض ظل طايح
شاله بين اجفوفه ابوه وللخيم بي رايح
وبالخيم ليله عالاكبر تختنك بالصايح
-----------------------------------------
خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

#ويبقى_الحسين





علي الاكبر ع

من حومرت عين الشمس ناديتك
تأخرت عني تره استبطيتك

متعوّده ابشوفك يرد حيلي
واغفه اعله صوتك ياكمر ليلي
----------------------------
من حومرت عين الشمس والظلمه ذبت ليلي
امك يبعد امك تره اغيابك يموّت حيلي
اوحيد انته تدري وعزوتي من رحت شمخليلي
بس ذكرياتك باقيه من فركتك تشكيلي
متعوّده يمه اعله نغمة صوتك ارجعلي لتطوّل ييمه امروتك
اترد يمه روحي لمن اتجيلي واغفه اعله صوتك ياكمر ليلي
----------------------------
ماعودتني اعله البعد وما حسّبت لغيابك
يا يمه رد امروتك فرّح دليل احبابك
يا يمه شنهو العطلك سمعني يبني اجوابك
يا يمه ذابحني خبر سيف النوايب صابك
يا يمه اريدنك تجي اتكر عيني لسنينك انذرت البديل اسنيني
ردلي اعله طولك فصلت حيلي واغفه اعله صوتك ياكمر ليلي
----------------------------
كل ساعه بغيابك جرح كل لحظه شيبه ابراسي
كل دمعه تنزل عالوجن ينزفها جرح احساسي
يالعايش ابكلبي نبض يالمشترك بانفاسي
بفكرة غيابك كل حزن عالكلب اصبح راسي
الهم والمصايب والحزن يلفيني يا يمه جمر النايبه ايجويني
حسبتك انته الجمر تطفيلي واغفه اعله صوتك ياكمر ليلي
----------------------------
جنت اسمع اصياح العده شو هسه لا ما اسمع
ولو صحت وينك يا علي عيوني تفيض ابمدمع
امن انظر قناديل السمه نزلت تطوف المصرع
بساعتها يبني اتيقنت لمك بعد ما ترجع
حسرة شبابك كطّعت دلالي يمه ورحيلك كطع خيط آمالي
ابجي اعله حالك حالي يبجيلي واغفه اعله صوتك ياكمر ليلي
----------------------------
من جل ظلام النايبه وهبّت عواصف حزني
ومن حركوا اخيامي صحت الحك على امك يبني
مامش جواب ولا خبر بس الصدى ايرد باذني
اتأكدت ذبحوك العده الهالسبب ما تسمعني
مذبوح يمه وتنذبح احلامي ومن شفت راسك عالرمح كدامي
كتلك ييمه ابجاهك ادعيلي واغفه اعله صوتك ياكمر ليلي
----------------------------
خادم اهل البيت عليهم السلام
عمار العيساوي الكربلائي




#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed1


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_القاسم_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ
لاترف لاترف ياجــــــــــــــفن الآلام
خله يرجعلي سالم ابنـــــــي جسام
كَلبي ممرود على ابني كَلبي ممرود
كَلبي ممرود على ابني كَلبي ممرود
*
واجفه أباب المخيم تربــي عيــــــــــــــني
انظر وبلكت اشوفن جاســم ابـــــــــــــني
طايره اذهاني وانوح وعالـــــــــــــي وني
على أوليدي شيبت والظهر محــــــــــــني
أبلا وعي ابجي ووأوكَع عالوطيه وساعه اكَومن واعصر بس بديه
ليمت ايعود دليلـــــــي ليمت ايعـود
كَلبي ممرود على ابني كَلبي ممرود
*
اشلون بيه اتلاهبت جمــــــــرة جـــروحي
وظاكَت الدنيــــــه وغدة مهمومـــه روحي
أسم الله ليش من الحزن مافكَنــــــي نوحي
وجن احس حيلي هوى وطاحت صروحي
جن احس بيتي واكَع والعمد طاح وجن احس روحي ميته والعمر راح
عمري مفكَود احسه عمري مفكَود
كَلبي ممرود على ابني كَلبي ممرود
****
ليش شو ظلمه المعاره ولبســـت اسود
ليش مابيها ضوه وكَلبـــــــــــــي تمرد
كَمت ادك اعله الوجه وألطم على الخد
آخ ياجاســــــــــــــــــــم ييمه الله ولحد
خافي نورك عليــــــــه آخ يبني ياكَمر ليلي كَلبي شو لجمني
دمعي الخدود حفرهــا دمعي الخدود
كَلبي ممرود على ابني كَلــبي ممرود
****
ضاعت اخبار الولـــــــــــــد يارب عليه
ابلا شعور أومـــــــــي وأشـــــر له بديه
وعشره عشره ادموعي من جمر العزيه
وناكَعه الشيله ابكثر عينـــــــــي الجريه
مايرد مايرد خافن حبيــــــــــــبي هذا تعبي وسهر ليلي ونحيــــــبي
بالي ميهود وألوجــــن بالـي ميهود
كَلبي ممرود على ابني كَلبي ممرود
****

ابد مايصلح ترف ياجفني هســــــــــه
اسم الله ابني بشده شو طايح أحســــه
وكَلب جاسم منجرح ملجوم نَفســــــه
وشو احسن بالهوى ضاك اعله نِفسه
شو اشوفنه طايح عالترايــــب دارة اعليه يويلي هالكتايـــــــــــب
خيل وجنـود كتايـــــب خيل وجنود
كَلبي ممرود على ابني كَلبي ممرود
*

اعليه فجئه بالكدر مهيولــــــه الآلام
وجن احسن بالغدر جم طبره عالهام
وغدت تتراشك عليه ارمـاح وسهام
وجني اشوفنه سبح بدمومه جســـام
من بُعد من بُعد اصرخ وانادي عود اعلـــيه مايحمــــــــــل فؤادي
اسكن ألحود وامـــــوتن اسكن ألحود
كَلبي ممرود على ابني كَلبي ممرود
***



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


دهري شيبني يا علي يبني
ها يالأكبر ها يالأكبر
*************************
اذكر سنين وربه ايامي
ما أنام أله تجي بحلامي
عيد عندي من تمر جدامي
يمه ما ترحم دليلي الضامي
بكربلة تذبني يا علي يبني
**************************
شكثر مهدك يالولد حاچيته
خدك ترد روحي اذا شميته
وين چا ذاك الربة الربيته
شكثر عرسك يا علي تانيته
تالي عذبني يا علي يبني
**************************
شكثر يا يمه السهر أذاني
كون بعدك الله لا خلاني
خيمت يمه علية احزاني
ليش منك كل خبر ما جاني
ما تجاوبني يا علي يبني
**************************
ضحكتك چانت تزيل همومي
من اشوفك ما احس بيومي
يمة طيفك ما يفاركَ نومي
من القهر شيبت حتى رسومي
خاف متحبني يا علي يبني
**************************
مو كَلت هاي امي ما وافيها
هاي روحي بروحي ما جازيها
ليش أمك يالولد ناسيها
مو بچت حتى البواچي عليها
بكَلبي صوبني يا علي يبني
**************************
آني لو ترجع هذيچ سنيني
أنطي روحي وعمري وصبي عيني
الموت ألمن بعدك مخليني
ياخذ الغالي وقهر ينطيني
بيش طالبني يا علي يبني
**************************
الدنيا بغيابك فرح ما بيها
چان وجهك يمه المحليها
شوفتك يوليدي اموت عليها
عيوني هم تدري البچي عاميها
حيل تعبني يا علي يبني
**************************
حيدر حسين الكرعاوي

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


يحله البجي اعليك عطشان احس بيك

جروحك اشو وجه وكفه ميت واحاجيك

****************************



سمعني صوتك ياعلي حاجيني بس احجايه

شو بيضه صارت شفتك وجروح بيك اهوايه



من ياكتر تنشال ومنين اللزمك

كلك جرح تنشاف كلشي يلجمك



بعدك علي شاب مو مالت اتراب

وظلوع بيك امخسفه ومنين اداويك

**************************





عالكاع طايح عالوجه اومن النزف متغير

من صدرك الظهرك كبل براحه السهم ظل يعبر



صدرك خشب متروس من كثر الاسهام

من ياوكت عالكاع متعود اتنام



خلي ايدي جواك واتمدد اوياك

جفنك عله الرمله غفه ماريد اخليك

************************************

اختك رقيه فكدتك الاكبر تكول يحبني

يوميه جان ابهل الوكت شايلني ويلاعبني

ياخذني يم الماي ويكلي اشربي

بسمه امنكله ايكول يا بعد كلبي



ودوني يمه خلوني اشمه

من عيني شو فجئه اختفه شكلك وطاريك

وياك عندي اشكد حجي بس الحجي مو وكته

هسه الشماته كيفو كالو علي فاركته



والله وكت ظهري حانيته شمات

كتلك علي امنتروح اكظيهه صفنات



كوم امشي وياي لتشمت اعداي

بعدك عله الدنيه العفه يالروحي اسميك

*****************************

ذيج امك اباب الخيم بس انتبه توميلك

يذبحهه هجرك لو رحت ردلهه بويه ادخيلك

ولخيمت ابني اتكول لا مااطبهه

لو شافتك مذبوح يوكف كلبهه



بخدهه الدمع طاش وفرشتلك افراش

ادثرك تريد ابعاطفه امك تغطيك



بجبدك اخذ حصه الرمح وحافر خنكهه انفاسك

والسيف هد حيلي وشفت نصين جاسم راسك



كل هذا صاير بيك جي انته غالي

شيب علي ابفركاك حته خيالي



لو جرحك ايطيب جا ما طلع شيب

راسي اشتعل شيب وطفه خليني اراويك

**************************

تمت ____ علاء الزيدي

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

قصائد شهر محرم 1440...ليلة الاكبر

ابرز على الحومه يحسيني خليني
تذبح طبك بيهم كل خزره من عيني
                    //////////////////
اسمحلي يحسين ارد اصولن بالفقار
كشخة علي ارد اكشخ ابهذا المسار
الطبرة علي وضلع الزجيه اطلبها ثار
اليوم ارد اجيبه واعلن الثاري انتصار

والكل يعرفوني تسطرهم ايميني
وتذبح طبك بيهم كل خزره من عيني
                   //////////////////
لا بكر ابن غانم ولا غيره من اصول
يبقاله كدامي عزم لو يبقى طول
راح احجي والسبعين الف تسمع شكول
وااا اكص راسه اليغث ابن البتول

 والراد اكص راسه خليه يلاكيني
تذبح طبك بيهم كل خزره من عيني
                  //////////////////
ارعب كتايبهم انا وااا من افوت
والزلمه منهم بس اصد اعليه يموت
من احجي كل الطف يعم بيه السكوت
 وبس للمرادم يضل يابويه صوت

دين وعلي هذا وارد اوفي ابديني
تذبح طبك بيهم كل خزره من عيني
                  //////////////////
 يابويه آنا الاكبر ايعرفوني زين
مثل الصميده اضرب اشمال ويمين
فقاري بيدي وراح ارد بدر وحنين
ماتوصل اجيوش العدى اخيام الحسين

   فقاري بيميني ومحد يلاويني
تذبح طبك بيهم كل خزره من عيني
                  //////////////////
يابويه آنا البلحرب  تربات اديك
ما اكدر اتحمل بعد وانظر عليك
لا سامح ااا والعدى باجر تجيك
وانت وحيد وخايف ايغدرون بيك

    خيل الالك تكرب كلش تأذيني
وتذبح طبك بيهم كل خزره من عيني
                  //////////////////
يابويه وكت العركه حان ويومي حان
واليوم اريد اسحك شوارب كل جبان
رفت شوارب هاشمي وماكو امان
واعليهم اطلع كالبرق من كل مكان

السبعين الف كلها وماضنها تكفيني
تذبح طبك بيهم كل خزره من عيني
                  //////////////////

خادمكم فراس موحان الساعدي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

10☆ يمه جيتك يالولد تانيتها --- بكثر كل نسمة هوى اشتميتها
يمه يانسمه هوه --- ايفارك اعيوني الضوه
روحي بالغربه اذا خليتها
~~~------------------------------------------------~~~
1 - أمنيتي ترجع يالعفتني ---- اوتوكف انته اكبالي
حتى يتشابك ييمه ------- اخيالك اويه اخيالي
جانت أمنيتي انتلاكه --- او غالي يحجي الغالي
وانظر ابلهفه اعله حالك ------ وانته تنظر حالي
* ابغيبتك روحي اشكثر بجيتها ------- كلي عنها اشعطلك ماجيتها
روحي والجمره سوه --- ايفارك اعيوني الضوه
روحي بالغربه ا ذا خليتها
~~~--------------------------------------------------~~~
2 - اتلملمت والدنيه دارت -------- كلي وين امسافر
ابغير عينك شرد اسوي ------- اوحدي اظلن باجر
ياعلي اشسويت بيه ------ وبالخيم مو حاضر
يبني شو طول غيابك ----------- والله يمه الساتر
* ياعلي اوداعت جمال اعيونك ---------- روحي تذبل لو تغير لونك
وكلبي بعدك ماروه --- ايفارك اعيوني الضوه
روحي بالغربه اذا خليتها
~~~---------------------------------------------------~~~
3- ياعلي ابساعه وداعك ------- روحي شمعه اوذابت
ويمه تحسبلك ثواني ------ او أدري بيها اشتاكت
تنتظر باخر محطه ------- وكلشي بعدك عافت
عافت الدنيه بكبرها ---------- اوجن احسن غابت
* بروحي جم قصه اسولف بيها -------- أمنيتي يالاكبر الك احجيها
والله لو كالو هوه --- ايفارك اعيوني الضوه
روحي بالغربه اذا خليتها
~~~----------------------------------------------------~~~
4 - انته عاشك للمنيه ------ مو مثل كل عاشك
شايل الروح اعله ايدك --- يلي دومك سابك
شويه ريض يالعفتني --- وعالسفر مو لاحك
كلبي متعلم يوافي --- وصعبه يمه ايفارك
* يمه كل شهكه سهم تدريها -------- وشلي بنفاسي اذا مو بيها
الراوي لو عنك روه --- ايفارك اعيوني الضوه
روحي بالغربه اذا خليتها
~~~---------------------------------------------------~~~
5- كمت ادك الشوف يبني --- وبلكي اشوف اخيالك
حتى اصيرن خيمه يبني ---- امن الشمس وبرالك
أمنيتي ما خلي ضواها ----- اوحرها يقسي بحالك
ابالي عايش يالعفتني -------- اوانه عشت ابالك
* يمه كل نسمه التمر حاجيتها ---------- اوروحي ويها الك وديتها
خدي بدموعي انجوه --- ايفارك اعيوني الضوه
روحي بالغربه اذا خليتها
~~~-------------------------------------------------~~~ .

* شاعر اهل البيت ابو احمد المجراوي
قصيدة الأكبر

07805007942


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_القاسم_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ
بسم الله الرحمن الرحيم
ياشمس اوتشع ماأعلـﮔ شـمع راح اهمل دمع ياروح الحسن
بارض الغاضريه أدِّب آل امــــيه
ياروح الحسن
*
يبني بالدنيه مواقــــف تعــــكس افــعال البشر
والزلم حتماً يجاسم تنعرف وكــت الخـــــطـر
وانته دارس كل فضيله ابجامعة فـارس مضر
اتخرجت فارس يجاسم حــايز اوســــام الفخر
نبراس الزلم جــــاسم ياشهم منك والِــــنعم ياروح الحسن
ابغيره هاشميه أدِب آل امــــيه
ياروح الحسن
*



عمك حسين الإمـــــام ونـــصبه الرب المجيد
نصرته واجب يجاسم واجـــب اتحارب يزيد
للظلم ماتخضع أدري والدعــي نخضع يريد
أحنه احرار البريه ساده مــانصــــــــبح عبيد
منــــك طلبتي ترفع هامتي وتُعرف غايتي ياروح الحسن
ويّه ابن الزݘيه أدِب آل امــــيه
ياروح الحسن
*
لاتحسّب يُمه بيـّه أنزل الســـــــوح الحــــرب
كون مــثل الأسد غاضب حين يــوليـدي تطب
اتـﮔرعيوني اليوم اريدك ياشهم بارض الغرب
جاسم اوصيك ابوصيّه عالدرع خلي الــــﮔلـب
أقره البسمله وســــوي زلزله ابوادي كربله ياروح الحسن
يبني والوصيّه أِدب آل امــــيه
ياروح الحسن
*
هذا يـــــومك يارجائي ومــــــا أريــــدنك تعود
يسوه عمرك من تقدمه وعمرك ابعمر الورود
قدمه ويصبح جـــزائك يبني جنــــــات الخلود
ماتعِز نفسك أعـــــــــرفك بيهه لحسينك تجود
عمك يالهمام صارابنص لئام وبيمينك حُسام ياروح الحسن
قــــــدملي هديه أدِب آل امــــيه
ياروح الحسن
*
عمك السلطان يبني والــــــــﮔمرلاشــك وزير
يبني والأكبر رتبته ابكــــــــــربله رتبت أمير
وجندي عد عمك أريدك يبني ياجــاسم تصير
وبالشهاده اختم حياتك والشهاده اعظم مصير
ضحي ابمهجتك حانت ساعتك أمك نذرتك ياروح الحسن
لجل اعظم قضيه أدِب آل امــــيه
ياروح الحسن
*


ضَحه جـــــــاسم بالمــعاره وقدم الدينه النفس
غاب عن أمه الحزينه وأشرق ابعين الشمـس
شاب للشبان أصـــــــبح للشرف أعظـم درس
صفحته ابنهج البلاغه منهه مـــــوقف نقـتبس
موقـــف للوفه منهج معرفه ذخرالمصطفى ياروح الحسن
خَط دم المنيه أدِب آل امــــيه
ياروح الحسن
***
تمت بعون الله تبارك وتعالى وفضله وإحسانه وتسديه
والحمد لله رب العالمين وصلى الله على محمدٍوآله الطاهرين
وعَجلَ الله فرجهم وسهل مخرجهم
اللهُمَ صلِّ على محمدٍوآل محمد
حيدركريم جارالله الكربلائي
@haiderkarem



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_القاسم_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ
القاسم القصيده
نورابن الحسن من كترالخيام
هلهلواالجسام بدرابن التمام
شمعتك علكوهه
حنتك عجنوههه
ءؤؤؤؤءءءءءءء

هذه ساعه رمله تنظرمن سنين
نثرت الياس وكطردمع الحنين
شموع ظوت لاجن بحسره وانينين
ابكربلاءزفتك يمن مالك معين
خيمتك نصبوهه
شمعتك علكوهه
هلهلوالجسام يابدرالتمام
ءءءءءءءءءءء
هذه شمعه الليله بس تكطر الم
انت نوروشعشع ابين الخيم
اه يجاسم كون اشوفنك حلم
سكنهه الك زفوهه
شمعتك علكوهه
هلهلوالجاسم بدرابن التمام
ءءءءءءءءءءءءء
عجنواالحنه وبدت زهره شباب
ولبسوجاسم بعدبيض الثياب
عمتهه امهنه تكله ويه الرباب
خيمتك فرشوهه
شمعتك علكوهه
هلهلوالجاسم بدرابن التمام
ءءءءءءؤؤءءءؤءؤ
عمت الفرحه وبدت حنهه الجفوف
ينظرالعمه وبدت عينه اشتشوف
كل كترحاطت خيمهم باالالوف
ثارويطلبوهه
شمعتك علكوهه
هلهلوالجاسم يابدرابن التمام
ءءءءءءءءءءءءءءءءء
زفت العريس لاجن ياعرس
حمره صارت حنتهه ابشهكت نفس
للخيم رجعوابجاسم جالشمس
رمله وتعنوهه
شمعتك علكوهه
هلهلوالجاسم يابدرابن التمام
ءءءءءءءءءءء
لمست اجفوفه وعليه شافت دمه
تشوف بحرالجوديمه صارمه
بيه جم طبرهه وسيوف تخذمه
جثتهه وذروهه
شمعته علكوهه
هلهلوالجاسم بدرابن التمام
ءءءءءءءء



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


21★ بين الصفوف -- ازرع الخوف -- اوعينج اتشوف -- انه الاكبر
*******************************************

1) انه الاكبر والعزم بمتوني
ومن اكبر فنهم ايلاكوني
وين ما يرحون هم يلكوني
كلي غيره والغضب بعيوني
★ الخاطر ارباي -- شوفي يمناي -- تهزم اعداي -- انه الاكبر
----------------------------------------------------
2) الا اذكرها العدى ابماضيها
وبيدي من هاي الحياة امحيها
جفوفي هاي اومحد ايلاويها
اوشوفي صولاتي الكبل ردتيها
★ بيه تدرين -- اربات الحسين -- اوجفي ميلين -- انه الاكبر
------------------------------------------------------
3) راح اخلي الماسمع بفعالي
مثل وركه بريح يهوه اكبالي
يمه شوفي اشراح يروي الغالي
الجيش يرجف من يشوف اخيالي
★ ساكت ايموت -- ابلا حجي اوصوت -- ابصفه لو فوت - انه الا كبر
-------------------------------------------------------
4) بالحرب يمه الفتح اقراها
وبالنزال الغيره كبلي الكاها
تسطر الفكر يمر بسماها
اوهيج ابوي اعله العزم رباها
★ بهاي المتون -- الترهب الكون -- المعضله اتهون -- انه الاكبر
----------------------------------------------------
5) يمه اريد ابعينج اتشوفيني
ومن ارد ابدمي تتلكيني
يمه يم عمتي ابعجل وديني
حتى اشوفنها ييمه ابعيني
★ ذبلت اوراك -- عمري وشتاك -- بعد الفراك -- انه الاكبر
----------------------------------------------------
6 ) دركه صدري اعله الخدرسويته
اوجم سهم من العدى اتلكيته
يمه كليلي الربه وفيته
ودمي لجلج عالارض خطيته
★ كل الجروح -- فدوه والروح -- لجلج اتروح -- انه الاكبر

***************************************
لخادم اهل البيت ع ★ ابو احمد المجراوي. 07805007942
قصيدة علي الاكبر


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

رقيه وعلي الاكبر ع
البس اكليبي درع خويه اعله صدرك
اسم الله خويه وريت من عمري اعله عمرك
راح اضوي شموع عيني .. وأكدت اتنطر تجيني
.........................

صرخه من ذاك المخيم دوت بارض الغاضريه
من مشه من الخيمه الاكبر وطلعت اتودعه رقيه
اتكله يالاكبر تمهل والتفت لحظه عليه
رايح أخذ وياك روحي لو وعد ترجع اليه

اترد عليه يا علي لو ما تردلي
عندي امل لو ايس ابيا حاله كلي
ولو كلتلي ودعيني .. وأكدت اتنطر تجيني
.........................

رد عليها علي الاكبر مختنك صوته بعبرته
يمسح ادموع العزيزه وهيّه هم تمسح دمعته
ايكلها امر الله واجب وهالامر اني امتثلته
كام الاكبر من رقيه ودنك وحب راس اخته

اتكله روح وهاك أخذ روحي ودليلي
يا شبيه المصطفى ويا نور ليلي
اشينفع اخلافك ونيني .. وأكدت اتنطر تجيني
.........................

خويه أخذ وياك روحي انه مو حمل انتظارك
والوداع اصعب عليه خويه رسيني بقرارك
ترحل وتاخذ فرحتي وآنه اعيش ابين نارك
شمعة الدار الضويه وبعدك اتضل ظلمه دارك

عاينلها ودمعته بطارف عيونه
ايكلها يختي طالع النصرت ابونه
اتكله الك ينبض حنيني .. وأكدت اتنطر تجيني
.........................

راح الاكبر عن رقيه وبقت ملهوفه وتناطر
تنتظر يرجع عليها وجيته اتسر النواظر
ارتاب كلب اخته بغيابه وما بعد تكدر تكابر
انكسر خاطرها اعله اخوها شكد كلف كسر الخواطر

يا علي تنادي وصداها ايرد عليها
كامت اتسولفله واليشرح بجيها
اتكله خويه امجتفيني .. وأكدت اتنطر تجيني
.........................

اتكله لمن فاركتني حركوا اعداكم خيمنه
وعكب ما فرينه بالبر زجر يتوله ابظربنه
فرهدوا كلشي نملكه اتفننوا حتى ابسلبنه
بجمر الخيام انجوينه اطفال بس شنهو ذنبنه

خويه من هجموا علينه وسلبونه
السوط يظرب والعده ايشتمون ابونه
ابسوط خويه ظاربيني .. وأكدت اتنطر تجيني
.........................
خادم أهل البيت عليهم السلام
عمار العيساوي الكربلائي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

▪18▪ يمه هله - ياعلي أبصولاتك ☆ يمه هله - اوفدوه لحجاياتك
يلي رجفت الزلم ☆ يبني الأكبر والنعم --- يمه هله - يمه هله
--------------------------------------------------------------------------

1 ) يمه أنزل عالعدى ابطف كربله
وأنه اصيحن ياهله او مية هله
يمه اريدن بيهم اتحل زلزله
اومن تطب عالجيش يرجف حرمله
يابو الوفه - تعرف اشوصيتك ☆ يابو الوفه - بالخيم تانيتك
كلها منك تنهزم ☆ يبني الأكبر والنعم --- يمه هله - يمه هله
--------------------------------------------------------------------------

2 ) يمه أريد ابعيني اشوفن وكفتك
اوروحي تتباها تريد ابغيرتك
عمتك ابطف كربله أمن اتنختك
صحت راويها اشتسوي يمنتك
ابوجه العدى - يبني يابو الغيره ☆ ابوجه العدى - خل اشوف الحيره
ابصحوه مرهم وبحلم - يبني الأكبر والنعم --- يمه هله - يمه هله
--------------------------------------------------------------------------
___________________________________
3 ) كبل لا سألك اشوفنك جواب
يلي كلك صار لو هب العذاب
الهذا ماعاتب ولا احملك عتاب
يمه راوي اعداك طعنات الحراب
هذا الهوه - من يمر بحساسك ☆ هذا الهوه - بيه اشم انفاسك
ابدمعي وجهك يرسم - يبني الأكبر والنعم --- يمه هله - يمه هله
---------------------------------------------------------------------------



4 ) يلي بجفوفك يهون المستحيل
والنهار اعله العدى سويته ليل
يلي مأخذ غيرتك من الكفيل
خلي يايمه العدى ايشد الرحيل
ابسوح الحرب - انته منطي احجايه ☆ ابسوح الحرب - لهلك الوفايه
عمر خصمك ينختم - يبني الأكبر والنعم - يمه هله - يمه هله
-------------------------------------------------------------------------




5 ) يمه من تفزع تهد حيل الجبال
وادري من زغرك تحب سوح القتال
عاليمين الجيش فر او عالشمال
من صحت عالموت منتظرك تعال
يبني علي - هذا المتانيته ☆ يبني علي - والربه وفيته
اوشنهو اريدن تفتهم - يبني الأكبر والنعم - يمه هله - يمه هله


--------------------------------------------------------------------------

6 ) أنه يم سوح الحرب روحي تطوف
اوشفت تتخير زلم من الصفوف
أنه أمنيتي كبل بعيوني اشوف
شلون تستعرض علي ابيوم الطفوف
بأرض الغرب - يمه عيني اتشوفك ☆ بأرض الغرب - خل اشوف اجفوفك
اوبالحرب من تبتسم - يبني الأكبر والنعم - يمه هله - يمه هله
--------------------------------------------------------------------------
لخادم أهل البيت - أبو أحمد المجراوي 07805007942
قصيدة (الإمام علي الأكبر


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

21★ بين الصفوف -- ازرع الخوف -- اوعينج اتشوف -- انه الاكبر
*******************************************

1) انه الاكبر والعزم بمتوني
ومن اكبر فنهم ايلاكوني
وين ما يرحون هم يلكوني
كلي غيره والغضب بعيوني
★ الخاطر ارباي -- شوفي يمناي -- تهزم اعداي -- انه الاكبر
----------------------------------------------------
2) الا اذكرها العدى ابماضيها
وبيدي من هاي الحياة امحيها
جفوفي هاي اومحد ايلاويها
اوشوفي صولاتي الكبل ردتيها
★ بيه تدرين -- اربات الحسين -- اوجفي ميلين -- انه الاكبر
------------------------------------------------------
3) راح اخلي الماسمع بفعالي
مثل وركه بريح يهوه اكبالي
يمه شوفي اشراح يروي الغالي
الجيش يرجف من يشوف اخيالي
★ ساكت ايموت -- ابلا حجي اوصوت -- ابصفه لو فوت - انه الا كبر
-------------------------------------------------------
4) بالحرب يمه الفتح اقراها
وبالنزال الغيره كبلي الكاها
تسطر الفكر يمر بسماها
اوهيج ابوي اعله العزم رباها
★ بهاي المتون -- الترهب الكون -- المعضله اتهون -- انه الاكبر
----------------------------------------------------
5) يمه اريد ابعينج اتشوفيني
ومن ارد ابدمي تتلكيني
يمه يم عمتي ابعجل وديني
حتى اشوفنها ييمه ابعيني
★ ذبلت اوراك -- عمري وشتاك -- بعد الفراك -- انه الاكبر
----------------------------------------------------
6 ) دركه صدري اعله الخدرسويته
اوجم سهم من العدى اتلكيته
يمه كليلي الربه وفيته
ودمي لجلج عالارض خطيته
★ كل الجروح -- فدوه والروح -- لجلج اتروح -- انه الاكبر

***************************************
لخادم اهل البيت ع ★ ابو احمد المجراوي. 07805007942
قصيدة علي الاكبر


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

منهاج محرم الحرام ١٤٤٠ هجري

ليلة سيدي ومولاي علي الأكبر عليه السلام

نور اللّه شع من جـبــْهــِتـه

خــيــّال يعــرف حومِــتــه

صاحت هلا من شافِــتــه

هذا الأكبر
………………………………………………………………………………………

برز تربات أبوه وچنّه فرقد

علي وجدّه علي ويشبه محمد

اختنگ حتى الهوه بالحومه من صد

ارتجز شبل الحسين بزوده ردد

آني الهمام العلوي

إبنَ الحسين ابنَ علي

بزوده المصاعب تنجلي

هذا الأكبر
………………………………………………………………………………………

ما طوّل وباوع هيّه نظره

هدوء المعركه ينتظر أمره

شهر سيفه وگلب يمنه اعله يسره

شجاع ومن علي ماخذ الشمره

خلاهه كلهه اتراجِفت

واتحالفت واتخالفت

طشّر شملهه وما صُفَت

هذا الأكبر
………………………………………………………………………………………

طاعون الحرب واشلون طاعون

خلّه صفوف أُميه بي يحيرون

منهم کام يسمع صك السنون

يلتمون .. يگصدهم .. يطشون

من حادهم حود الغنم

والشرد من عدهم سلم

والما فهم هسّه فهم

هذا الأكبر
………………………………………………………………………………………

من ياخذ نِفس تخمد الأنفاس

على كثرت عددهم گال لا باس

دگ ظهره اعله ظهر الگمر عباس

علي بس بعلي بالحومه ينقاس

عباس گلّه والنعم

منك يصگّار الزلم

مَـتْـهـمـّه السيوف المهم

هذا الأكبر
………………………………………………………………………………………

خلاهه العده تشبع مهانه

وبرز بكر ابن غانم من مكانه

علي گلّه رحيلك حان آوانه

إذا إنته إبن غانم ، آنه آنه

ليث اعله صيده بعزمه شَد

من فصل راسه امن الجسد

شحچيلكم عنّه بعد ؟؟؟

هذا الأكبر
………………………………………………………………………………………

غيور وفاهم افنون الميادين

شجاع ويگلب بلحظه الموازين

نشمي وهيبته هيبة سلاطين

ناذر عمره كله الخدمة الدين

خزراته عالعسكر غضب

ميدانه بفنونه إنگلب

للنار سواهم حطب

هذا الأكبر
………………………………………………………………………………………

سلام اللّه على عمره وشبابه

شبيه المصطفى وفعله جوابه

أسد لو يصبح الميدان غابه

فارس والزلم كلهه تهابه

غصبن عليهم هالأمر

والما يعجبه ينشطر

بصمصام إبن فارس بدر

هذا الأكبر
………………………………………………………………………………………

خادم الإمام الحسين عليه السلام

عمار هليل الواسطي

محرم الحرام / ١٤٤٠ هجري


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


منهاج محرم الحرام ١٤٤٠ هجري

ليلة سيدي ومولاي علي الأكبر عليه السلام

قصيدة (( نزلة ))

طب علي الأكبر وصاحت كربله

هله بالخــــيّـــال يا مــيـــــّة هله

………………………………………………………………………………………

سكتت الأنفاس مذعوره صفت

صفوف أميه باوعت واتراجفت

شد عليهم علي والحومه إنچفت

حلّت إعله اعداه أكبر معضله

………………………………………………………………………………………

صاحله العباس منك والنعم

إبن إخوي وخوش طشرت الزلم

جاوبه الأكبر وثغره يبتسم

والنعم منك يبن عقد الوله

………………………………………………………………………………………

سيفه چن عصّات موسى عالرگاب

كربله صاحت هله بزين الشباب

عجّت الحومه وعلا ذاري التراب

علي من الجثث ميدانه إمتله

………………………………………………………………………………………

وين تشرد من علي أشباه الرجال

فارس وفاهمهن افنون القتال

واليگصده هذا ميت لا محال

واليشوف الموت ما يتعنّه إله

………………………………………………………………………………………

كبّر ومن صاح يا جدّي مدد

مثل إعصار وعلى اخصومه گصد

الطاح منهم طاح والمنهم شرد

شارد بروحه ويخاف الزلزله

………………………………………………………………………………………

إتبسّم العباس من صولة علي

رجّع بكربله صولات الولي

خلهه جلي الليل بالضي تنجلي

إعداك وأمر الموت سيفك رتّله

………………………………………………………………………………………

هذا الأكبر طشر بزوده الصفوف

شهدت الحومه إله بيوم الطفوف

ما يهمّه إعداه تنعد بالألوف

خل جثثهم قافله تجر قافله

………………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


ليله اتصيح يبني الاكـبـر
شلون اطيح وسط العسكر

صاحت ليله وتشب بگلبها الــنــار
وينك يبني وينك والفكر محــتــــار
حاچيني يالاكبر گلي شنهي الصار
بيه الدنيه گامت يــالــولــد تــنـدار
تريد اتگوم بس ماتگدر
شلون اطيح وسط العسكر

گلبي اعليك خايف يابـعــد عـيـــني
وشنـهي الحال بينك يمه مابــيــني
تـــدري انته ييمه وزيــن تــدريني
زهره انته بحياتي وشمعة اسنيني
يبني اعليك گلبي اتحير
شلون اطيح وسط العسكر

جاب حسين ابنها الخيمة العـيـله
مذبوح وتشوفه تنادي يــاويــلـه
گعدت يمه گعدت حتى تشكـيـلـــه
شتسولف بعد مابقت أي حــيــلـه
وهيه تشوف بدمه امعفر
شلون اطيح وسط العسكر



تبچي اعله الولد ليله وتهل دمعـــــه
نبعه الولد راح اشمحله هـالنبــعــــه
وزينب يمها زينب گعــدت وتنـعــــه
بعد متشوف طوله وصوته متسمعه
جابه حسين جسمه اموذر
شلون اطيح وسط العسكر

مثل الاكبر اشچم شاب ودعــنــاه
من اجل العقيده بشرف وادفــنـاه
هالليله بشباب الاكبـر اعـرفــنــاه
وهذا الحشد هــذا والگلب ذكــراه
لجل حسين ضحو منحر
شلون اطيح وسط العسكر

چم شاب بوطنــه ضحـــو و دونه
كل الناس والعالــم يعــرفــونـــــه
اهل الحشد احنــه وتاج يدرونـــه
منعوف الحسين وخل يفجــرونـه
كلنه انصيح ما تاخر
شلون اطيح وسط العسكر






الشاعر السيد رياض الرسل الجابري

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


من ابجي وتعمه عيوني
عـالاكـبــر لـتـلوموني


على اوليدي انوح واسچب العبره
راح اوليدي راح وبالگلب حسـره
علي الاكبر رحل وعيوني منتظره
نــاره بگلبي ظلت ناره مستـعــره
ابچي بدم لو شفتوني
عــالاكــبـر لتلوموني


حگي مــن انــوح و لوني يتغـيــر
شلون اگدر اصبر روحي واتصبـر
مثل الشمعه ابني وحگي من افخر
على الشبان زينتهم علي الاكــبــر
ابچي و اون خلوني
عـالاكبـر لتلوموني





راح الچان سلوه وكل حلم دنـيــاي
انذبح بالحومه ابني ومابـقـه وياي
حگي لـــو بچـيـت وتاه مني الراي
لان مذبوح ابني وسلوتي وسلواي
اني الام اتعرفوني
عالاكبر لتلوموني


انوح اعله الولد والدمعه سچابه
حيل اوليدي حيل ايعــذب غـيابـه
راح اصرخ واصيح بنار لهابـــه
من كل گلبي آه يحسين ومصابه
لو كلكم اتسمعوني
عالاكبر لتلوموني


هــذا اخــر وداع البينك وبـيـنـي
ياشمعت حياتي وزهرة اسنيـني
عليك ابقه يالاكبر وانته تدريني
راح ابقه انوح ودمعتي بعـيـني
ام الــولــد سموني
عالاكبر لتلوموني





الشاعر السيد رياض الرسل الجابري

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


نزله علي الاكبر
ياعلي اعله كيفك لاتجرده سيفك
انته بس صوتك عليهم زايد
*
ياعلي ماداعي سيفك للحرب
انته روح ابلايه لامه وهيجي طب
انته ابن من حتى اكولن تنغلب؟
بوكفتك حتى الهوه ماله درب
هذا زودك انته والهوه خنكته
تحكم بكيفك اكيد اشرايد
انته بس صوتك عليهم زايد
*
انته جفك جف علي فارس بدر
من تمدها النسمه ماتكدر تمر!
جا عليمن سيف حاربهم سطر!!
بيك طبع الحمزه واضح هل الامر
ومن علي وطباعه وارث الشجاعه
علي جدك والحسين الوالد
انته بس صوتك عليهم زايد
*
الشجاعه البيك مو صدفه اجت
مثل طفله هيه بحظانك ربت!!
من مشيت الكاع جنها تحركت
والشمش خجلانه منك دكنت
حارت ابجمالك سجدت لخيالك
والضوه يقبل اجدامك رايد
انته بس صوتك عليهم زايد
*
لون نفرض شلت سيفك ياشهم
غير كون تحاربك تلكه زلم!!
ياعلي الاكبر اضن عندك علم
همه بيهم خوفه من طاري الاسم!!
بسمك العجايب يرهب الكتايب
هل الاسم لاتظن ينساه واحد
انته بس صوتك عليهم زايد
*
جيشهم من خوفه بيناته احتدم
هاي وانته واكف اباب الخيم!
شلون لو طبيت وبجفك علم
وهوست باالمعركه يابو الشيم
كلها تلتجيلك ياعلي دخيلك
بين يتوسل وبين الشارد
انته بس سيفك عليهم زايد
*
شكد قليله لو كلت عنك كلف
من كلت هل الجيش بس 70 الف؟؟
الشجاعه البيك كلش تختلف
الكاع من تسحكها تتحول خسف
لو شلت حسامك تنحني امامك
كلها تهوه الجندي وي القائد
انته بس صوتك عليهم زايد
***
سعد العبودي

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ
قصيدة لسان حال ام الشهيد وما تعانيه عند فراق ولدها مع ذكر مصاب ام الأكبر عليها السلام


ما تسمع الصوت
ريّحـنـي يامـوت
راح الأعز من مهجتي
شلّي بحياتي ودنيتي
ريّحني ياموت 2
........................

بس هذا عندي بدنيتي ابني وحبيبي
يامـوت ليـش بياعـذر تاخـذ نصيبي
خليّت جرحي بلا دوه وماخذ طبيبي
شيّبت من كثر القهر مو وكته شيبي
ما ينفع النوح
للگلبه مجروح
يم ابني تدري راحتي
شلّي بحياتي ودنيتي
ريّحني ياموت 2
.............................

ام الشهيد آنه الرخص روحه وحياته
خـاطـر يعيشـن بالأمـن امّـه وخواته
ياموت حس گلبي ورجف ساعة وفاته
يسعدني راد بدنيته ويسعد بناته
ياموتي چا ليش ؟
ما تـقـبـل يعيش
منهو الينشّف دمعتي
شلّي بحياتي ودنيتي
ريّحني ياموت 2
...............................

گد ما رحت للمگبره عرفتني الاموات
گبر ابني غرّگته بـدمـع وشكيله آهات
ياموت اخذ روحي متت مشتاگه للمات
ما بيّه اصبر ونتظر مو كافي حسرات
ما احمل فراگ
لوليدي اشتاگ
ابني وتركني بحيرتي
شلّي بحياتي ودنيتي
ريّحني ياموت 2
...............................

تحت الترب ابني اندفن عذّبني فرگاه
كل يوم اجي لگبره واون وتناغه ويّاه
لا ميته وحضه بشوفته ولا اگدر انساه
يامـوت أخـذنـي مروّتك ودفنّي بحذاه
من عكب الاتعاب
تحت الترب غاب
ظلّيـت اونّ بغـربتـي
شلّي بحياتي ودنيتي
ريّحني ياموت 2
................................

اذكر گمت كلما اون ليله امّ الاكبر
شافت ابنها بلا ذنب گطعوله منحر
سيوف آل اميّه ذبحته ويلي وتوذّر
وجهه مثل وجه النبي بالدم تعفّر
تنظرله مذبوح
يتنازف جروح
محنتها فاقت محنتي
شلّي بحياتي ودنيتي
ريّحني ياموت
.............................

الله يســاعـد ليله من شـافـت ولدها
مذبوح نحره وشبگتــه لا غيره عدها
من حگها تلطم عالوجه فگدت رشدها
امّ وابنـها بطيحـتـــــــه گـطّـع چبـدها
والفارگت شاب
يكتلـها المصاب
ونّـتـها تـشـبـه ونّتـي
شلّي بحياتي ودنيتي
ريّحني ياموت 2

سيد زيد الفحام
___________________________



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

الولده:
قصيدة أساس ليلة 9 محرم

أشهر سيفك يبني الأكبر بالميدان
خلي الطف منك يتحذر بالميدان
يبني أتحداها العسكر يل جدك فارس خيبر
لاترحمهم يالأكبر

يازهرة عمري وياروحــي وأحلى سنيني
نظراتـــك يـــــم جـــدي المختـار اتوديني
سميتك قلبي وإحســاسي وقُـــــرت عيني
شفتــــك رافـــــع ذو الفقــارك واتجازيني

تطلب حكي وحك إسلامك يافراس والظــــالم يركــــع جدامك يافراس
جن الموقف يتكرار يل جدك فارس خيبر
لاترحمهم يالأكبر



2
سلمتـــــك درعك يولــيـدي وسيف وراية
أعرفهــــــا اجفوفـــك يبني الأكبر عطايه
يبني أتــوكــل وطينـي بهـل ليلة احجايه
وتحـذر خـــاف أيصوبــك سهـــم الرماية

أفعالك يبهـــــــا توافينه ياوفاي
جنك راعي الشدة بعينه ياوفاي
يمزلزل كل العسكر يل جدك فارس خيبر لاترحمهم يالأكبر
3
صوت الحق يلفت أنظاره من كــل مصدر
ولـــن الصــوت اليطلـــع هــذا مـن الأكبر
عد أمـــرك نادالي وليـــدي وطــر العسكـر
غــــــزوة صفيـــن وخيبـــر أقسـم تتكرار
صاح أبشر يحسين الليلة بهل موضوع
جيش الشر بتــاري أيميله بهل موضوع
صح شفتك مثل محور يل جدك فارس خيبر لاترحمهم يالأكبر

4
رف بيده الراية من أتوسط وسط الساحة
وعطر المختار من اثيابــه أمست فواحه
ظلو يرمونــه بكــــل قـــوة ومحـــد لاحه
صنديد وظل أيصـــد جيش الشر برماحه
من عل خيل ودار عليهم بالبتار
ظل ايطشر ويلــــــم بيهم بالبتار
وبتارك نــــار توجـــر يل جدك فارس خيبر لاترحمهم يالأكبر
5
ردلي بفرحـة قلبــه وليـــدي ورافــع راسي
وظل يشرحلي شلون أستخدم سيفه القاسي
حسيتــــه أيريـــــد المــــاي الأكبـر بحساسي
ضميتــه وخليــت أنفـــاسـه فــــوك أنفاسي
عطشـان ورد الميدانـه شال السيف
ظل ايدافع عن صيوانه شال السيف
وعلظالم سيفك كبر يل جدك فارس خيبر لاترحمهم يالأكبر


6
ظــــل يتلفتلـــي وحسيتـــه مـــن عيونه
كلت الأكبر لابـــد هليـــــــوم أيصـوبونه
مثـل الكــــرار بذيــج الساعــة ايغدرونه
ويمثلون بجثتــه ولــيدي مــن ايذبحونـه
وتشوفه أمه بذيج الساعة أتدوسه الخيل
ليش الكون وزود أشراعه أتدوسه الخيل
ماظنيتــــــك تتوذر يل جدك فارس خيبر لاترحمهم يالأكبر

بغداد
امجد صاحب ألشطري


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

قصيدة ( وداع الاكبر )

هاك اخذ روحي وياك .. يمه يا علي
تدري يجرح فـركــاك .. يمه يا علي
لحظة الهجر ينتهي العمر يمه يا علي
*
يمه مـــن تبعد علية يعني تلفيني المنية لا تســـافر
ارحم اشواكي ودليلي ينهدم يا يمة حيلي تدري باجر
امك واذكر رباهــا يا املها ويا رجاها جفني ساهر
انتظر دمعة أعله دمعة جسمي جفينك تشيعه للمـــقابر

صعبة وشلون انساك .. يمه يا علي
تدري يجرح فركاك .. يمه يا علي
يكفي يا صبر ينتهي العمر يمه يا علي

*

ينصدم گلبي بلهيبه من اظل بعدك غريبة يا كياني
ورده واسگيتك دمعتي شفتك بدربي شمعتي والاماني
يكبر وليدي واشوفه يا نفس وشلون اعوفة ابقه اعاني
انلچم لو عني تبعد گلبي عنك يبقه ينشد كل ثواني

آيـــة اللـــه بمعـناك .. يمه يا علي
تدري يجرح فرگاك .. يمه يا علي
روحي تنقهر ينتهي العمر يمه يا علي

*

يا شمس عمري وحياتي اسـتعد لـنايباتي وبچي وانعي
يمه احلفك بالعقيلة لاتشب كلبي بعويله وحني ضلعي
عيني تتأمل طيوفك بالمخيم ما اشــــوفك شمعه طبعي
ينجبر ما ظنه كسري لو رحت يالغالي تدري جمرة دمعي

دنـــيا وحشــه بلياك .. يمه يا علي
تدري يجرح فركاك .. يمه يا علي
شوفتك بدر ينتهي العمر يمه يا علي

*

يمه يا ليلة افرحــي باجر تشوفينة جرحي وكت الوداع
دمي للغالــي نذرته والعمر بالطف دفعته وي الاسباع
حسين لو نادني افزع فدوه اذا جسمي تكطع وحظن الكاع
ابنج وتاريخه حافل صار عنوان المراجل ضد الاطماع

كلــبي يلهج طرواك .. يمه يا علي
تدري يجرح فرگاك .. يمه يا علي
حيرة هالامر ينتهي العمر يمه يا علي

*

يمه ساعات السعادة لو نلت اني الشهادة ويـ الاحرار
اكتب بدمـــي قضـية يالــــثارات الزجــية وثـار الاطهار
يمه اريد تودعـــيني بهل الهتاف تجعيني هاي يمغوار
ما اظن ارجع واشوفج خــل قبلهن جفــــوفج احله تذكـــار

ادعي شـر مـا يدناك .. يمه يا علي
تدري يجرح فركاك .. يمه يا علي
ابقه انتظر ينتهي العمر يمه يا علي

*

شافــته ودع خــــواته واعتنه لعمته بصفاته الحيدرية
جن رسول الله بمشيته لاجــن اتعــــنه لمنيته بهل المسية
گلها يا عمه بخدمتج اكلب الدنيا لدمعـــتج يالـــرضية
تخفي أنتها وحزنها صعبة التودع ابنها للمـــــنية

گلـــبي بالهــم ناداك .. يمه يا علي
تدري يجرح فركاك .. يمه يا علي
يالجنت ذخر ينتهي العمر يمه يا علي

***

ودعه حسين ويراقب يا بدر بين الكواكب اغله الاحباب
ساعة ويشوف ابنه دامي مني الك بوية سلامي يبن الاطياب
شاله ولخيمتها جابة ويلي من شافت خضابة هاج الصواب
حنت جفوفه بدمعها يمه اكعد ما سمعها والكلب شاب

مـــــا توقعت انعاك .. يمه يا علي
تدري يجرح فركاك .. يمه يا علي
تالي لليسر ينتهي العمر يمه يا علي

مهند المياحي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA