#قصائد_ ام البنين ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ
خدمة ابن الزهراء **** تسوه كل اسنيني
ــــــــــــــــــــــــــــــــــــــــــــــــــ
آنه أم الأربعـــــــــه...ياخلگ سمعوني
خدمة حسين او هله...هيه نور اعيوني
لبو اليمه خادمـــــه...أفخر اتسمونــــي
آيه مكتوبه ابشرف...بالعزاء إقرونـــي
عمري كله إهـــداء....للحبيب احسينـــــــي
ــــــــــــــــــــــــــــــــــــــــــــــــــ
اشويه ربيت اربعه....وارخصت غاليهم
والله لو عنـدي ألف...كلهم افـــــزع بيهم
ولدي واحدهم علي...عالوفـــــه امربيهم
كربله احتاجت زلـم...وآنه عينـي اعليهم
الفاطمه ابعاشوراء....ردت اوفي ابدينـــــي
ــــــــــــــــــــــــــــــــــــــــــــــــــ
صاح عباس الگمـر...يمه لتوصينـــــــــه
چلمه گلناهه العلـــي...مانعوف احسينـــه
آني واخواني نــــذر...الزينب انذرتينــــه
واحنه عد عينچ تره...ورفعي راسچ بينه
وانتي صيحي البيداء....تشهد اعله ابنينــــي
ــــــــــــــــــــــــــــــــــــــــــــــــــ
ابخدمة ابن الطاهره...حققت آمالـــــــــــي
حسين يعنيلي الهـوه...واغله من كل غالي
ليلـــي ونهاري فلا ...غيره شاغل بالــــي
راح عني بس احس...يمـــي يتراوالــــــي
كل وكت روحي اوياه....وصورته ابنص عيني
ــــــــــــــــــــــــــــــــــــــــــــــــــ
خدمة حسين الشرف...والفخر تاليهــه
الما يخدمه ابدنيتــه...شله عايش بيهـه
الميته روحه يعتني...المجلسه يحييهـه
والنفوس الظاميــه...خدمته ترويهـــه
مجلســــــــه اليتعناه....فعلا ايواسينـــــــي
****
سيد علي الموسوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

#قصائد_ ام البنين ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ


بالمسافات...يمتـه نقـره مـن هنا أم البنين
والندائات...بالصحن ينقام مجلس عالحسين
بالدموع الهاملـــه * خطوه خطوه امسجله
بالمسافات
ــــــــــــــــــــــــــــــــــــــــــــــــــــــــــــــــــــــــ

حسره بيه...خل اســولف...هذا حلمي وامنياتــــي
يم البنين...والركعتين...تسوه كل عمري وحياتي
الياوكت يگضي العمر شـوگ وجراحات
كون اجيچ وتربتــــــچ أترسهــــه دمعات
ارد اطوفــــــــــچ بالنعـــــي عالفاطميات
واقره تعقيب الصلاه عـــــن زينب ابيات

أعتنيلچ...يشبه الشمعات حالي اعله الگبر
من اجيلچ...بيه من عباس وحسينـچ عطر
معتني من كربله...خطوه خطوه امسجله
بالمسافات

ــــــــــــــــــــــــــــــــــــــــــــــــــــــــــــــــــــــــ



يم البنين...حاير آنـــي...يمكـــــن ابيــــوم الأجيلچ
نص أدور...عله الزهره...واركض ابنـص اعتنيلچ
ماأسولفلچ بعـــد عالغاضريـــه
أرد اسولفلچ سوالف نار بيــــه
راح اسألچ هم تمر بيچ الزچيه
والنواعي عالنحر لو عالسبيــه

تلطم الراس...عالعزيزات وغصب يسبوهن
عگب عباس...الديرة الشام ابهظم مشوهن
اجروح سبي العايله...خطوه خطوه امسجله
بالمسافات
ــــــــــــــــــــــــــــــــــــــــــــــــــــــــــــــــــــــــ
شحچي يمچ...عن جروحي...يمچ ايضيعن جروحي
بس اگلـــچ...للــزياره...هاكثـــر مشتاگـــه روحـــي
آه يم الراحـــــــو وظلت وحدهــــــه
ماحضر واحــد ينزلهــــــه ابلحدهــــه
من اجيچ الروح كومـه اهموم عدهـه
اوياي اجيب اعلوگ لكن وين اشدهه

گاع هيمه...حتى من ولدچ فلا يمچ أحــد
والهظيمه...انتي مو أم واحد ام أربع ولد
كلهه عنچ راحله....خطوه خطوه امسجله
بالمسافات
ــــــــــــــــــــــــــــــــــــــــــــــــــــــــــــــــــــــــ

هذا اني...وذيچه إنتي...بس احســچ مـــو بعيـده
بالمشاعر...والقوافــي...وكمت اشوفچ بالقصيده
يلــــي أسستــــي المجالس والمــآتم
إنتي علمتي الشباب اتصيـــر جاسم
إي وحگ راعي العلم بدر الهواشم
الما تعلم خدمتچ ميصيــــــــر خادم

خل يفاخر...خادم حسينچ حگه يفتخـــر
عالمنابر...كل نفس بانفاسه يتسجل أجر
والحضر مجلس إله...خطوه خطوه امسجله
بالمسافات
ــــــــــــــــــــــــــــــــــــــــــــــــــــــــــــــــــــــــ
يالأميـــــره...من اذكــــرچ...تنتهي كل المآسي
اهواي إنتي...اشويه يمچ...كل عناوين الجناسي
تنحني اگبالچ يمولاتي المواقف
الماتمسك بيچ شتفيـده المعارف
ياجبل ماهزتچ كل العواصـــف
الما يخدمچ هذا مو يم السوالف

الليله ننخاچ...الخدمتچ ياسيده وفقينـه
كلنه بحماچ...واليحب حسين متعوفينه
ندري بيچ امعدله...خطوه خطوه امسجله
بالمسافات
****
سيد علي الموسوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

#قصائد_ ام البنين ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ
قصيدة لمولاتي ام البنين عليها السلام
#برنامج _محرم_1440

16
شريكه بالمصايب
هاي ام النــوايب
تظل متروعـه
الفگدت اربعه
هاي ام النـــوايب
✿✿✿✿✿《 1 》✿✿✿✿✿
هاي ام النوايب حامله احساس
وغــــذت باللــبن ابنــها عــباس
بالحــاجات الــها تگــصد الناس
بقت لتضحيه مفخره ونومـاس
التقــــدم ولـــــدها
شگد اخلاص عدها
ابد ماجازعــه
الفگدت اربعه
هاي ام النـــوايب
✿✿✿✿✿《 2 》✿✿✿✿✿
ياام البنيــن شگــد اصيلــــه
شخصها منوجد والله مثيلـه
اختاراها علي هاي الجليلــه
تگول حسين مايحصل بديله
ياولــدي بأمرتـــه
تضحون النصرته
بيكــم قانعــه
الفگدت اربعه
هاي ام النـــوايب
✿✿✿✿✿《 3 》✿✿✿✿✿
كل الكون محتــار بأمـرها
خاسر دنيته الناكر قدرها
لحد الأن مامعروف سرها
باب الحاجه بس هدمو گبرها
لويگصـدها طالـب
يرد للحاجه كاسب
الناداها ودعـه
الفگدت اربعـه
هاي ام النـــوايب
✿✿✿✿✿《 4 》✿✿✿✿✿
ام عباس والله ام الكرامــه
ضحت للحسين اربع نشامه
گالت فوزكم يــوم القيامــه
عيشه بلا هدف والله ندامه
بالجنــه جزاتـــه
اليضحي بحياته
قسم بالقارعـه
الفگدت اربعه
هاي ام النـــوايب
✿✿✿✿✿《 5 》✿✿✿✿✿
بأســم ام البنين شـما دعينــه
بالحاجـات تترس والله ادينـه
ابن حذلم وصل ارض المدينه
خبر الاربعه عنــدي يالحنينـه
سمعني خبــر زيــن
ولدي فدوه لحسين
حصل مصرعـه
الفگدت اربعـه
هاي ام النـــوايب

✏خادم العتره
الَشُاعٌر الَحًسِيِنِيِ فُرحًانِ الَبًزٍوٌني



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

#قصائد_ ام البنين ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ


قصیدة(بلنایحه امگبعه)


بلنایحــة امگبّعـه
حلّت الـي الفاجعه
خیـّم علیّـه الحزن
وآنه الفگدْت اربعه
🍂🍂🍂🍂🍂🍂🍂

مشو عني والنوح صفالي وحِلالي
حیاتي افگدتهه ابفگد هل غوالي
علیهــم تعبـتْ و سهـرت الیالـي
یربــي اریــدن تگــرب ْ ارتحالي

کـل ما اشوفـن اثر
تنزل دموعـي مطر
لیلـي ونهـاري اون
وآنه الفگدتْ اربعه
🍂🍂🍂🍂🍂🍂🍂🍂
دیـار الأحبــــه مکــِدره وألیمــه
اطب وانعي بیهـه وعزاهم اجیمه
اون اوصیـح الهظیمـه الهظیمـه
صفت مني الروح علیهم سقیمـه

ما ظــل الیّـه بخــت
من عندي کلهه مشت
بس ظل یکت الجفن
وآنـه الفگــدت اربعه
🍂🍂🍂🍂🍂🍂🍂🍂
انه ولیلي اسولف سوالف تهد الحیل
یليلي دَ ون لـي وون لـک بلعویــل
سهــرت واغـذي محنتـي بلکفیـل
اگلّــبْ حنینــي ویگلبنــي اللیــل

گلبي یحیط ابمرض
قـدرُ وعلیّـه انفرض
لآخــر انفاسي احن
وآنه الفگدت اربعـه
🍂🍂🍂🍂🍂🍂🍂🍂
علی البال یجینـي ذچرهـم وکابـر
اعـدّ السوالــف وگلّــب الخواطـر
بخت ما اشوفن علی الجیه اناطر
تون روحي اونحـب وصبّر وصابـر

طفحت عیوني دمه
واظلَـم علیّـه السمـه
ماظـل عگبهـم امِـن
وآنه الفگـدْت اربعـه
🍂🍂🍂🍂🍂🍂🍂🍂
علـی بابـي اناطــر گمت کل مسیه
اتانــي ابلهفتــي یعـــودون علیـه
احـس ابحیاتــي اوصلـت للمنیـه
زمانــي بعــد ما یـردهـــم الیــه

ریــت اللیالي تــرد
وبعیني اشوف الولِد
اتخضر دموع الوجن
وآنه الفگـدْت اربعـه
🍂🍂🍂🍂🍂🍂🍂🍂

✍حمید خنفري
#الفاطمیه


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

#قصائد_ ام البنين ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ
جان اسمي ام البنين – وهسه صرت ام الونين
بالبقيع اكبور ارسم اربعه - وكبر خامس للحسين ومشرعه
,,,,,,,,,,,,,,,,,,,,,,,,,,,,,,,,,,,,1
بالفرات– كون ابات – ارد ازور وليدي – كبره امسحه بايدي - دمعي سال
عالرمال – ظهري مال – اربعتهم راحوا- بكربله من طاحوا –عالرمال

اكبورهم ارسمهه بيدي وابجي يمهم
اولادي ويسمعون كل ونات امهم
صدك ظلوا عالترب محد رحمهم
صدك مكطوعات جفينه كمرهم

الكمر مارد للخيام – جسمه تارسته السهام
تشوف بالحسره جفوف مكطعه - وكبر خامس للحسين ومشرعه
,,,,,,,,,,,,,,,,,,,,,,,,,,,,,,,,,,,,2
ماتجون – تلتقون – بحالي ماسمعتوا – ليه ما رجعتوا- كلبي ذاب
بالمصاب- راسي شاب – ماترد لمتكم – ينصب مأتمكم – بالمصاب

رحتوا خمستكم سوه من بين اديه
ابيش تطلبني سبتني الغاضريه
كربله بلكت كبر عندج اليه
اتمنه كبري يصير يم ابن الزجيه

بغير الحسين الحياة – احله من عدهه الممات
اتصورت اجساد كلهه موزعه- وكبر خامس للحسين ومشرعه


,,,,,,,,,,,,,,,,,,,,,,,,,,,,,,,,,,,,3
شلون انام–بالظلام–ابلاكمر عمري اصبح – بعيني اشوف المذبح- والعمود
مايعود – ابلازنود – من تبده جوده – والتطيح زنوده – مايعود

شلون يتلكه الارض وجفوفه طاحت
خاف طاح اعله الوجه وخدوده راحت
وحده من عيونه صوب الخيم لاحت
ينظر الزينب اخيته شلون صاحت

يابو فاضل من تصيح - هالسمه رادت تطيح
منين ماتلتفت تنظر فاجعة - وكبر خامس للحسين ومشرعه
,,,,,,,,,,,,,,,,,,,,,,,,,,,,,,,,,,,,4
بعيني اشوف– الجفوف– جفوف بيد الزهره – يمي تبجي بعبره - صحت وين
بالونين – الحسين – انكسر ظهره ويبجي- ويه زينب يحجي- بالونين

الزهره يوميه تجيني وتبجي يمي
شايله جفوف الكمر وتكلي شمي
ذني جفين الوفه بيدج الزمي
اتكلي يم عباس منهن كله همي

اعله الجفوف اتكلي اه – هالكمر طفوا ضواه
انظر اعيون الزجيه الدامعه- وكبر خامس للحسين ومشرعه
,,,,,,,,,,,,,,,,,,,,,,,,,,,,,,,,,,,,5
ظل سليب – الغريب – جسمه عاري مكطع- بالسيوف موزع-الرمل حار
فراشه صار- العطش نار- ماكو ماي انشربه – الشمس تجوي بكلبه–العطش نار

ثلث تيام الشمس تجوي بحبيبي
واني يوميه اكلهه بساعه غيبي
ابجي اظل للموت ما اكطع نحيبي
بكربله مذبوح ومسلب طبيبي

جان اسمي ام الشموع – هسه صرت ام الدموع
بكلبي موكب نوح يقره وفاجعة- وكبر خامس للحسين ومشرعه
...........................................................................................
الخادم\حيدرموسى الرميثي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA