شمّي نحري الينجرح ساعة ويحين الذبح
وبرگبتچ ضعني يا زينب أمانة
_______________________________

راح اودعچ يالعقيلة وأگصد لطف الممات
وآنة تاركلچ أمانة هالعليل وهـالبنات
هاية لحظات الموادع آخر انفاس الحياة
انذبح بيهة بلهيبي وعيني تنضر للفرات
ادري لموادع صعب ادري يحفر بالگلب
امتحنّة الباري يا محلة امتحانه
**********




وسـدّت بالطف بنيني نامـوا أبحر الشموس
لكبر وقاسم عفتهم بيهم الحافر يدوس
وانگطع منحر رضيعي ولوعة صارت بالنفوس
والكفيل بدمه طايح چان ايحارب من جلوس
يختي وصاني الگمر تعتنيلة اعلة النهر
الگمر بچفوفه تاركلچ حنانه
**********
الشمر يالحرة واگف ينتظر اطلع واطيح
حتة يبدي بحز رگبتي وبيهة يهدة ويستريح
آنة لينادوني چانوا من زغر سني الذبيح
هسة يوصلچ ونيني بساعة المنحر اصيح
ارد احلفچ بالضلع لا تجيني بهالوضع
خايف الكاتل يجرحچ بالاهانة
**********

جسمي لتشوفينه سـالم هسة يتلگة العذاب
والثياب البيهة اطلع تنسلب مني الثياب
طعنة فوگ الطعنة احمل والخضاب اعلة الخضاب
وابقى بيامي الثلاثة ابلا چفن فوگ التراب
عينـي ما تنضر ضوه ويلچم اجروحي الهوه
ومن اصابيعي صبع ماهو بمكانه
**********
انتي يازينب عزيزة واغلى من مـاي العيون
دمعة اعيونچ تهزني وتنذرف لا ما يهون
قوّي عزمچ للسباية وصيري يم ايتامي عون
انتي تربات الهواشم ما تخيبين الضنون
انتي ياهيبة علي حامي غيرچ ما ألي
كفلي ايتامي ترة بچفچ لـوانة
**********
سجاد الاسدي
🌺غير مسموح بازالة الرابط🌺

🌹منبريون .للقصائد.للنشر.للمقامات
.للالحان.تجدون.الروابط.في.الاسفل🌹👇👇👇👇👇👇👇👇

للإشتراك. ...
منبروبن للقصائد 1
1.@alziwat
منبروين للمقامات
2.@alziwartttttt
گروب منبروين للألحان 2
3.@alziwattt
🤗الرابط الخاص بالواساب🤗👇👇👇
https://goo.gl/pqwfeJ
🖓🖓🖓🖓🖓🖓🖓🖓🖓
منبروين للقصائد 2👇
https://telegram.me/alziwatt

اخذي من اتراب گبري بوسه لحسين
هذي يــــا عمتي أمــــانة من ترحلين
عمه اوصّيـچ بوصية
سولفي اشصار برقيّة
من ترحلين
ــــــــــــــــــــــــــــــــــــــــــ
عمه يا زينب صحت يا أم المصايب عمه چنـّــچ راحله وعفتي الخرايب
وين گصدچ بالسفر؟؟..
لهفتچ لهفة امســـــافر للحبــــــايب عمه چنچ گاصدة اگبــور الأطايب؟؟
للحـــــسين وللگمــر...
•••
يلي عفتيني وحيدة بخربة الشــام
أدري روحچ يالغريبة شتحمل آلام؟؟!!
لو گصدتي الغاضرية
سولفي اشصار برقيّة
من ترحلين
**********************
أخذي من اتراب گبري وياچ أمانه
بلكي ياخذ شوگ دلالي وحنــــانه
للبگو حسرة إلي ...
بلكي بالطف هالتراب ايصيـــر آنه
وگبري يــم گبر الأبو يصبح مكانه
هيچ واصبح يم هلي؟!!..
•••
صيحي وصتني رقيّه بهذا التراب
ريتني اوياچ واشاهد رد الجواب
طبـعــاً يسألچ عليّه !
سولفي اشصار برقيّة
من ترحلين
**********************
ثوبي للعباس اريدچ تاخذينه
بس أثر سوط وحرگ لا تشوّفينه
وانشريه فوگ الگبر ...
شوگ يعگوب آنا ادري بگلبه لينه
بلكي مثل اثيـــاب يوسف ترد عينه
والترب گبره يطر ..
•••
لو تصل يمّه ضعونچ بعد الغياب
ردي من يسأل عليه بهذا الجواب:
گولي وافتهه المنية
سولفي اشصار برقيّة
من ترحلين
**********************
حسين راح ايصد منو اليم گبره گاعد
والحبيبة روحه طبعـاً مـا يشـاهد !
هالسؤال ايعذبه ...
جاوبيه عنــك ابنيتك مـــا تبـــاعد
مـاتت وياك وعليهه الراس شاهد
خلّي راسه ايجاوبه ...
•••
خلي يرويله رقيه شچانت تريد
اشافت بذاك المنام وعملة ايزيد
شصار ذالك اليوم بيّه
سولفي اشصار برقيّة
من ترحلين
**********************
حسين لو شاهدتي گبره وصرتي عنده
اوصيّة اريدنچ تهمسيهه وي لحده
من الطفل بوسه ردت...
اربعين ايام وآنا امضيعه خده
بعده ما ناسي حبيب ارقيّه بعده؟؟
لو نساني من ابعدت؟؟
•••
سولفي لعبد الله عني شلون بجفاه !
شلون بس نبچي لغيابه وما نسيناه
خاف مني يريد جيّه
سولفي اشصار برقيّة
من ترحلين
**********************
للمدينه الضعن من ينوي برحيله
اهناك تتلگاكم الطفلة العليلة
بالوجوه اتضل تصد ...
تنتظر من بعد هالغيبة الطويله
آنا لو عبد الله ياهو التشتكيله
محّد اعليهه يرد !!!...
•••
خل تسولف لچ ألمهه وطول الغياب
هوني يا عمه عليهه امصاب الاحباب
لو غدت تعتب عليه
سولفي اشصار برقيّة
من ترحلين
ــــــــــــــــــــــــــــــــــــــــــــــــــ
مازن الزبيدي

🌺غير مسموح بازالة الرابط🌺

🌹منبريون .للقصائد.للنشر.للمقامات
.للالحان.تجدون.الروابط.في.الاسفل🌹👇👇👇👇👇👇👇👇

للإشتراك. ...
منبروبن للقصائد 1
1.@alziwat
منبروين للمقامات
2.@alziwartttttt
گروب منبروين للألحان 2
3.@alziwattt
🤗الرابط الخاص بالواساب🤗👇👇👇
https://goo.gl/pqwfeJ
🖓🖓🖓🖓🖓🖓🖓🖓🖓
منبروين للقصائد 2👇
https://telegram.me/alziwatt

قصيده بحق زيد الشهيد (ع)
---------------------
مگـطـوع الراس ومصلوب
وعالنخلـه امعلگ مگلوب
---------------------
دفـنـوا زيـد ومــن ذبحــوه
ومن دفـنوه ردوا طـلـعــوه
عالنخله الـزيــد وعـلگــوه
عـلگـوه والاحـباب اتـلـوب
-------------------------
شلون احـبـابـه بـيـا حـالـه
بــدمـعــه وتنـظــر هـمــاله
زيـد مگـطـعــيـن اوصـالــه
ومــقــدر هــذا ومـكــتــوب
-----------------------
احـبـابــه تـحـن وتـنــحــب
وتنـظــر جـثـتــه وتـتعـذب
مـحـــد مـــا يگــدر يگـرب
ومثل الشمعه الروح تذوب
----------------------
طول صلبه اعـلـه النخـلـه
ومحــد مــاخــبــر اهـلــــه
مصـلــوب ومحــد مـثــلــه
ولثـيـاب مجــرد مسـلــوب
-----------------------
اربـع اعـــوام المـنــظـــــر
تشوفــه النـاس ويـتـكـــرر
لـكــن مــحـــد مــايــگـــدر
يحچي ينطرون المحجوب
-------------------
يظـهـر والسـيــف بـايــــده
وكـل هــذا الشــر أيـبـيـــده
و زيــد بـثـاره وتــســديـده
عالمهـدي مسجل محسوب
الشاعر رياض الرسل
الناشر عباس التميمي
🌺غير مسموح بازالة الرابط🌺

🌹منبريون .للقصائد.للنشر.للمقامات
.للالحان.تجدون.الروابط.في.الاسفل🌹👇👇👇👇👇👇👇👇

للإشتراك. ...
منبروبن للقصائد 1
1.@alziwat
منبروين للمقامات
2.@alziwartttttt
گروب منبروين للألحان 2
3.@alziwattt
🤗الرابط الخاص بالواساب🤗👇👇👇
https://goo.gl/pqwfeJ
🖓🖓🖓🖓🖓🖓🖓🖓🖓
منبروين للقصائد 2👇
https://telegram.me/alziwatt

بونتي الخفيه .. ودعت رقيه
..
عمه لا تبچين عذبتي الگلب
فگد ابوج اعليج واعليه صعب
عينج وعيني يتانن عالدرب
اه من الدنيه اه من الغرب
حانت المنيه .. ودعت رقيه
..
من تناشد تترك بگلبي جرح
تكسر الخاطر مدامعها التسح
شرد اكول وانت راس اعله الرمح
من الگفه يحسين عفتك منذبح
بحسرتي الشجيه ودعت رقيه
..
بنتك بذيج الخرابه هايمه
عالترب يحسين جانت نايمه
شفت اديها من الحبل تنزف دمه
من السياط امتونها متورمه
شافت الرزيه ودعت رقيه
..
شافتك بالطيف وانت بياوضع
فزت من النوم بس تجري الدمع
خويه جابو ليها راسك منگطع
اتقبّل بخدك ومحنية ظلع
جمره تدوي بيه ودعت رقيه
..
نحرك المگطوع لمن شافته
صاحت بصوت ووجهه لطمته
جيت اواوسيها وشفتها ساكته
شاهدت بنتك رقيه مَيّته
بحسرتي الشجيه ودعت رقيه




كرار حسين
🌺غير مسموح بازالة الرابط🌺

🌹منبريون .للقصائد.للنشر.للمقامات
.للالحان.تجدون.الروابط.في.الاسفل🌹👇👇👇👇👇👇👇👇

للإشتراك. ...
منبروبن للقصائد 1
1.@alziwat
منبروين للمقامات
2.@alziwartttttt
گروب منبروين للألحان 2
3.@alziwattt
🤗الرابط الخاص بالواساب🤗👇👇👇
https://goo.gl/pqwfeJ
🖓🖓🖓🖓🖓🖓🖓🖓🖓
منبروين للقصائد 2👇
https://telegram.me/alziwatt

🍁ام البنين ع🍁

عندي وصيتين....مكتوبه بدموع الألم
أولها لحسين...والثانيه لراعي العلم
قبل الرحيل لكربله....تسمعني خلها العايله
عندي وصيتين.....عندي وصيتين
.......................................
أول وصيه اكتبها لابن الزهره
مرسومه بدموع الحزن والعبره
ولدي اربعتهم قدمتهم بأمره
وتحضروا للعاشر وللنصره
كلهم يضحون....لو صارت الطف بالدمه
ولو ما يوفون....انه اعتذر من فاطمه
وبهل الوصيه الكامله...تسمعني خلها العايله
عندي وصيتين...عندي وصيتين
....................................
واخر وصيه بدمعتي محنايه
توصل لبو الغيره البديه الرايه
لازم اذا زار الفرات ومايه
شاهد يخلي جفوفه فوك الثايه
حته من الجفوف....يوليدي احس ماقصرت
ماهزك الخوف...وعله المنايه تقدمت
ومن يعله صوت المرجله...تسمعني خلها العايله
عندي وصيتين.....عندي وصيتين
.............. ......... .........
وانتم بعد ياولدي ما وصيكم
يامن علي لطف كربله مخليكم
يوم القيامه اتباها اريدن بيكم
وطه النبي من الكوثر يرويكم
لازم ترسمون....لوحة عشك بالمشرعه
والكل ينادون...ام البنين الاربعه
ضحت للحسين وهله....تسمعني خلها العايله
عندي وصيتين...عندي وصيتين
....................................
رد الحسين بعبرته وكاللها
هاي الوصايه لفاطمه نوصلها
وكال الكمر زينب منو اليوصلها
مادام ابو الغيره الشهم كافلها
يايمه عباس.....مايخلف بيوم الوعد
وبدمع الاحساس...خطت يميني عله المهد
زينب تظل مدلله...تسمعني خلها العايله
عندي وصيتين....عندي وصيتين
.................
كل وحده من هاي الوصايه الطاهره
بعطر الوفه وبيت النبوه معطره
كتبتهن جفوف الشهامه عله الثره
وبالدم رسم توقيعه سبع الكنطره
مضرب للامثال...صارن على مر الدهر
وبكل الاحوال...صوت الوفاء عله النهر
يحدي بشموخه القافله...وتسمعني خلها العايله
عندي وصيتين....عندي وصيتين
...............
☘خادم اهل البيت ع
احمد هاشم العربي نسألكم الدعاء إلى إدارة منبريون للالحان
🌳🌳غير مسموح بأزاله الرابط🌳🌳

🌷منــبـريـون* *للـقـصـا ئـد🌷
@alziwat


🤗الرابط الخاص بالواساب🤗👇👇👇

https://goo.gl/pqwfeJ

🌷🌷🌷
اكبر اكروب لتلحين القصائد
https://telegram.me/joinchat/Dw92Dj9pmsoQwwYUt6OxQg
🌷🌷🌷🌷
((منبـريـون للالحــان 1))
https://telegram.me/alziwattt