المحتوى واحد فى اى حتة لكن لو حد معين استخدم نفس المحتوى الواحد فى كل حتة دا ، هنطلع نقول عليه سارق المحتوى

أما خطة بنت ذكية بصحيح

عقولنا لا تتحمل غباء الناس اللى ماشية وراه بشكل أعمى و لسا مش مدركة أنه بيلف و يحور لمهاجمة ناس معينة ولا يعنيه دقة المحتوى ولا انت اصلا تهمه فى اى حاجة ، و حتى دور الأم الحنون اللى خايفة على مصلحة المجال مش لايق عليه خالص ، حتى لو بدأ يعمل فيديوهات هادفة بغرض التمويه

دا كومنت عشوائي لقيته على فيديو عشوائي جالى فى الفيديوهات المرشحة ، ما بالك لو مسكنا المحتوى بتاعه غسيل و مكوى هتلاقى كمية تناقض قد ايه ؟

دا إنسان بيغير المعلومة عشان يثبت إن البعض غلط ، ف ازاى تاخد منه معلومة اصلا و انت مش فاهم هى دى المعلومة الصح ولا دى المعلومة اللى هو غيرها للغلط عشان يطلع شخص أنه مخطئ ؟

بجد هتحسبها ازاى ؟ دا مش سم فى العسل ، دا سم و انت اللى عسل لو مفكره عسل

Top React.js Interview Questions
https://www.linkedin.com/posts/ahmed0saber_top-reactjs-interview-questions-activity-7196912707751575552-dp8e?utm_source=share&utm_medium=member_android

ردى النهائي فى مسألة أستاذ ابراهيم عادل و مِشرف و إن محتواهم الاتنين فيه أخطاء ، بصراحة و بشكل مُنصِف

للتوضيح - انا مش متأكد إذا الأمر محتاج توضيح أكتر من كدا - لكن الموقع بيقول أنك تقدر تجرب الموديل دلوقت و هو بيقدر يتحدث (speaks) بلغات أكتر ، و مجابش اى سيرة عن إنه لسا لل text فقط ، ف اى حد هيشوفه هيفكره هو دا الجديد

ف دى برضو تعتبر خدعة تسويقية من open ai أو بمعنى أصح "كذبة" عشان تجذب الناس لاستخدام الشات الصوتي ظنا منهم إن هو دا الجديد

س/ طب ما sam اتكلم و قال ؟
ج/ ايوا ، بعد ايه ؟ بعد ما الناس عملت ضجة و نالوا غايتهم من الأمر ؟

قررت أوقف كتابة بوستات و مقالات و تسجيل فيديوهات على قناة اليوتيوب !
https://www.linkedin.com/posts/ahmed0saber_%D8%A7%D9%86%D8%A7-%D9%84%D9%8A%D8%A7-%D9%81%D8%AA%D8%B1%D8%A9-%D9%81%D9%8A-%D8%A7%D9%84%D9%85%D8%AC%D8%A7%D9%84-4-%D8%A7%D9%88-5-%D8%B3%D9%86%D9%8A%D9%86-activity-7197942630909935617-EnZ4?utm_source=share&utm_medium=member_android

البوست الأخير مش للهزار أو التريقة على صاحبة البوست ، اللى فهمه للتريقة كان متوقع يشوف تريقة فلما لقا البوست مجاش معاه غير أنه يفهمه كدا

دا حصل لأننا فى الفترة الأخيرة بقينا نشوف الناس كلها بتتريق على بعض

لكن لو بصيت للبوست بتاعى كمان مرة بعقلك و تفكيرك أنت بدون تأثر بأى شخصية هتلاقى إنى أخدت بالنصيحة بتاعها اللى هى بتقدمها للناس و باشرت فى تطبيق النصيحة ، ف المفروض هى تدخل تشكرنى حتى

لا ، دخلت اتهمتنى بالتحريف

طب انا لو اتفقت معاكم ابقى وحش و لو اختلفت ابقى وحش برضو ؟
- ايوا بالظبط كدا ، هو دا اللى وصلناله حاليا ، انت هتتفهم غلط فى كل الحالات لأن المجتمع التقني غلبت فيه القذارة

طيب ايه الهدف من البوست ؟
- بوضح فيه عواقب أفعال و أقوال الناس ، و إن الكلمة البسيطة اللى انت بتنقلها عن شخص معين دون مراجعة ممكن تخلى شخص يبطل يفيد الناس ، ممكن تخلى غيره يبطل يتعلم اصلا ، ممكن تخلى غيرهم يشتم فى الناس و مفكر نفسه على حق

الكلمة اللى انت بتنقلها مسئولية كبيرة لازم تتحرى دقة الكلمة دى و تراجعها قبل ما تقولها للناس ، و إلا هيحصل أمور انت نفسك مش عامل حسابها

طب بالنسبة للمحتوى ، هل فى محتوى الفترة الجاية ولا كدا خلاص ؟
- أكيد انا مش صغير عشان ابطل أعمل حاجة بسبب كلام الناس 😅

النقطة الأخيرة اللى كنت حابب أوضحها من البوست هى إن الباشمهندسة متأثرة بكلام مِشرف - رغم أنها نفيت الموضوع دا - و دا تقدر تتأكد منه لما تشوف مِشرف داخل بنفسه يغلط الناس اللى بتغلط كلامها

ف الملخص ، المجتمع التقني مش نضيف خالص حاليا

جربت ترجع لمنشور قديم ليا و لقيت صعوبة فى الأمر قبل كدا ؟
https://www.linkedin.com/posts/ahmed0saber_ahmed0saber-activity-7198668487181889536-o11I?utm_source=share&utm_medium=member_android

ليه اتعلم عن قواعد البيانات لو انا مش شغال backend developer أو database administrator ؟
https://www.linkedin.com/posts/ahmed0saber_essential-database-concepts-every-software-activity-7199433336988000257-BTwY?utm_source=share&utm_medium=member_android

من ٢١١ دولار شهريا على الأقل إلى صفر !

مؤخرا كنت شغال على ويبسايت محتاج ما لا يقل عن ٢١١ دولار شهريا من service provider معين (يعنى ما يُعادل ١٠,٠٠٠ جنيه مصري تقريبا لويبسايت بسيط أوى ، ف بجد ميستاهلش) ، و بtrick بسيطة جدا فى ال system design تم تخفيض تكاليفها إلى صفر (ايوا صفر بدون مبالغة)

من الأمور اللى بقالى فترة مهتم بيها بشكل كبير هى ال system design ، رغم أنى من سنتين ، كلمة system design كانت كلمة ضبابية بالنسبة لى و مكانش فى بالى أنها مهمة للدرجة اللى لامسها حاليا

تخيل تبقى بتبدأ startup و لسا مش عارف هتكسب ولا لا ، و تلاقى نفسك بتدفع أرقام كبيرة ف تحتاج تبحث عن مستثمرين أو تقفل ال startup ، و انت حرفيا بعيد بخطوة صغيرة جدا فى الديزاين بتاعك ممكن توفر عليك نسبة ضخمة من التكاليف

أخطاء ال system design فعلا أخطاء كارثية

ف ليه بجد نوصف أخطاء ال data types بأنها كارثية ؟ انتم مش مكسوفين و انتو بتقولو الكلام دا ؟ مش حاسس ب أى حاجة غلط و انت سايب الدنيا كلها و ماسك فى تعريف ال data types ؟

مش ب ابرر موقف اى شخص ، بل بالعكس اللى يعرف ال data types بشكل خاطئ هو مُخطِئ ، لكن ياريت نحط كل حاجة فى مكانها الصحيح و نديها حجمها الحقيقي بدون أفورة

+ هاعمل فيديو قريبا إن شاء الله على قناة اليوتيوب بخصوص الويبسايت المذكور ، و هيكون جزء من ال playlist اللى بشارك فيها خبرات مختلفة من مشاريع متنوعة

هل ال playlist دى كانت مفيدة ليك ب أى شكل ؟ أحيانا بحسها غريبة و غير مألوفة ، ف لو بتفيدك وصلى الفيدباك بتاعك ب أى شكل حتى لو عن طريق حمام زاجل ، عشان أستمر فيها عوضاً عن أنى أحط مجهود أقل فيها و أشوف غيرها

ال playlist
https://youtube.com/playlist?list=PLNknCqb-phEj8e-U0bFIOHYHMljlqW_Ye&si=U40nOTQl12njsaFa

حاليا فى فيديوهات بتتكلم عن تحسين أداء المواقع و ال accessibility و ال user experience و التعامل مع المواقع متعددة اللغات ، و أمور متعلقة بال open-source و ال code review

هى حرفيا mix خبرات مختلفة فى مشاريع مختلفة يمكن مشاركتها ، لأن فى مشاريع مينفعش تتشارك بالشكل دا

من ٢١١+ دولار شهريا إلى صفر ، تفتكر ايه دور ال caching و ال web hooks فى الموضوع دا ؟
https://www.linkedin.com/posts/ahmed0saber_scalability-hacking-ssg-static-json-generation-activity-7200123642725167104-VTcS?utm_source=share&utm_medium=member_android

متلازمة استخدام التكنولوجيز الجديدة 🆕
https://www.linkedin.com/posts/ahmed0saber_ahmed0saber-activity-7200490224383098880-TMom?utm_source=share&utm_medium=member_android

سمعت عن ال ai tool اللى بتوفر عليك ٨٠٪ من شغلك ؟

انا جربتها بدالك و ضيعت ٨٠٪ من وقتى

فكرة تحويل ديزاين إلى كود أصعب بكتير من كتابة كود ل api أو functionality معينة

ال ai tools لغاية دلوقت ضعيفة جدا فى الحاجات المرئية بالأخص اللى فيها نصوص ، لكن جامدة جدا لو هتكتب لك فانكشن بتعمل submit ل form على هيئة formdata أو تكتب لك endpoint بترجع منتجات على حسب filters معينة

بس احنا بعيد أوى عن تحويل design إلى كود ، النتائج بجد رديئة جدا و غير مقبولة ، و لو شخص بقاله أسبوعين بيتعلم html و css هيطلع نتائج أفضل

للتوضيح : ال tools دى ممكن تطلع نتائج كويسة لو الديزاين معمول بشكل مناسب أنها تفهمه ، لكن مش كل ال design ولا أغلبها هيكون كدا ، ف الموضوع ممكن يكون وارد لكن مش عملي و صعب تعتمد عليه

مش هنبطل نقاشة بقا ؟ تعالا أقولك على سر خطير متقولهوش لحد 🤫
https://www.linkedin.com/posts/ahmed0saber_ahmed0saber-activity-7202695373277085697--os_?utm_source=share&utm_medium=member_android

استكمالاً للبوست الماضي وتحسينا لوسائل النقاشة المتاحة ، إياك و ال position absolute !
https://www.linkedin.com/posts/ahmed0saber_ahmed0saber-activity-7204483735835062272-EUM-?utm_source=share&utm_medium=member_android