#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:0⃣4⃣

شيخه حضنت ابوها وقالت :من تشتتي وبعدك عني سكتت شوي وكملت يبه انا مالوم سالم على الي سواه انت اهنته قدام ربعه بطلبك وحطيته بموقف محرج لان ان رفض بيقولون عنه جبان فما كان قدامه الا انه يوافق وينتقم مني بسبب تصرفك
ابوهاسكت ماعرف شيرد لان فعلا كلامها صح هو الي فرضها على سالم بدون مايشاور احد فيهم
قال :عموما انا اسف على غلطتي وهالسالم قولي له ان ابوي اعترف بغلطته ويبي يصحح غلطته فياليت يطلق ونفتك وخلاها وراح
شيخه من جاب ابوها طاري الطلاق انتفضت حست بحركه قويه بطنها كأن الي بداخله حس بعظم هالكلمه هي كانت مصره على الطلاق قبل لكن من اعرفت بحملها تنازلت عن هالقرار لانها تخاف عقب تطلق يطلبها احد لزواج ويغصبها ابوها عليه فقالت اعيش بعيد عن سالم وانا على ذمته احسن عشان اعيالي

((بعد شهرين))

سالم عقب كلام عمه ماتجرأ يواجهه خاف من صده وتعقد الامور خصوصا انه حاسوبرضا شيخه عنه وانها مافتحت معاه موضوع الطلاق من طلعت

شيخه داخله شهرها وتجهز هي ودلال الاغراض لعيالها
ابو شيخه في صراع داخلي مع نفسه انه اشلون يرد كرامت بنته الي هدرها سالم وامه
\\الساعه سبع الصبح//
صحت شيخه على العوار الي تحس فيه قامت ماقدرت تحمل العوار صرخت
تنادي الخدامه :ســــــــــــــــــــــــــــــالي
الخدامه جت ركض :يس مدام
شيخه بصراخ :نادي ابوي بسرعه قالت الخدامه لابوشيخه وراح طلب الاسعاف بسرعه لصعوبة حالة شيخه
بعد مده ولدت شيخه وجابت لها ((احلى بنت واحلى ولد كانوملاكين على وجه الارض))
سالم كان نايم لان ماعنده شغل اليوم ماصحاه الاصوت تلفونه المزعج قام شافه حمد انقهر ورد بدون نفس :الو خير
حمد بضحكه داري انه ازعجه
قال :للحين نايم وين عزيمتك لي
سالم أي عزيمه متى عزمته
قال :انا عزمتك متى شكلي ناسي
حمد بضحكه :ايه اجل يجيك تؤم يالظالم وماتعزمني
سالم نقز من فراشه وقال :حمد شيخه ولدت صح
حمد بابتسامه :ايه ومبروك ماجاك ياسالم
سالم الدنيا مو سايعته من الفرحه
قال :شيخه طمني عنها ان شالله بخير
حمد حس بشدة اهتمام سالم بشيخه
قال :لاالحمدلله زينه وانا بودي دلال لها شوي
سالم بضحكه :حمدترى حلاوتك عندي
حمد :اصلا موبرضاك غصب عنك تعطيني حلاوة التؤم ياسالم ياله مع السلامه ومبروك مره ثانيه
سالم سكر من حمد وراح ركض من دون أي شعور انه بفنيله وسروال نزل لامه ركض يزف لها الخبر
سالم بصوت عالي :يمه يمه
امه بخوف :اشفيك تصارخ خير
سالم بابتسامه :شيخه ولدت وجابت بنت وولد
امه من فرحتها بجت اخيرا بتشوف عيال ولدها الوحيد كان يوم المنى عندها شوفة عيال سالم خصوصا انه كان دايم ياجل موضوع زواجه
قالت :مبروك يمه الله يجعلهم من الذريه الصالحه ان شاالله
سالم باس راس امه وقال :قرت عينج يمه بشوفت احفادج
امه بفرحه :قوم يمه بروح اشوفهم موقادره اصبر
سالم بضحكه :ان شالله يمه بس الحين ماقدر اخذج معاي لاني بروح اطمن اول على امهم
امه تذكرت انها نست تسأل عن شيخه قالت :ايه صدج هي وشلونها ان شالله بخير
سالم :بخير بس بروح لها عشان اكون اول واحد يتحمد لها بالسلامه ضحك وراح يلبس عشان يروح لشيخه
شيخه توها صحت من التعب طالعت تشوف وين الممرضه عشان تسأل عن ابوها جت بطق الجرس بس وقفت لما سمعت الباب ينفتح
سالم دخل ومعاه باقة ورد كبيره
شيخه يوم شافته جلست
سالم تقدم منها وباس جبينها
وقال :الحمدلله على السلامه بس لايكون سبقني احد فيها
شيخه ببتسامه :الله يسلمك وتطمن محد سبقق فيها
سالم جاب له كرسي وجلس جنبها
وقال :الحمد لله عبالي بعد
شيخه بتنهد :سالم ماشفت ابوي وانت جاي
سالم :لا ليش تحاتين تلاقينه تعب ورجع للبيت
شيخه بضيق :من بيرده اتوقع اخذ تاكسي ورد
سالم :مادري الاماقلتي لي اشلون صحتج ان شالله زينه.......

🙋إنتظرونافي الحلقة القادمة........

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:1⃣4⃣

شيخه ياعمري ياسالم ماسألت عن اعيالك وسألت عني اول قلت:حمدلله بخير مارحت تشوفهم
سالم ببتسامه :قلت اول اتطمن على امهم بعدين هم
شيخه :تسلم ماتقصر بس ودي اشوفهم ليش للحين ماجابوهم
سالم مسك ايدها وحطها عند فمه يبوسها
قال :اللحين بروح اشوفهم وخليهم يجيبونهم لج ياقلبي وقف وباس راسها ودخل ابو شيخه طالع في وضع سالم مع بنته تنحنح التفت له سالم وهو منحرج كل ماشافه عمه بوضع محرج شبيقول عنه مشفوح
ابو شيخه قال :سلام عليكم
سالم وشيخه يتمنون لارض تنشق وتبلعهم من الفشله
قالوا :وعليكم السلام
قرب خالد من بنته وسلم عليها وتحمد لها بالسلامه
سالم استأذن وراح يشوف عياله اول ماشافهم حس بحساس غريب لاول مره يحسه احساس ابوه ومسوؤليه شافهم اشلون يتشابهون حط خشمه على خد بنته يتحسس نعومته قال فديت الخدود مثل خدود امها وراح صوب الولد بوسه وقال حتى انت لك اخدود ياحياتي راح للممرضه وقال لها تودي العيال لامهم مشى صوب غرفة شيخه شاف عمه واقف وكأنه ينطره دعى ربه انه يصبره وقف عند الباب بيدخل ناداه عمه
وقال :سالم متىبتخلص موضوع شيخه ماعندك عذر الحين تقدر تطلق بعد ماولدت
سالم لاتكفى ياعمي الاهالشي
قلت :عمي انت ناسي ان بيننا عيال محتاجين لنا شذنبهم يعيشون بين ابوين منفصلين
عمه :ذنبهم انك ابوهم وعيالك لاتخاف اصبر لين يكبرون شوي وانا بنفسي بجيبهم يعيشون عندك لان بنتي مو مستعده تضيع شبابها بتربية عيالك
سالم انقهر من كلامه قرر بكيفه وربطني ببنته ويوم تعلقت فيها قرر ياخذها
قلت :شيخه هي الي قالت لك هالكلام
عمه بنرفزه :من غير لاتقول انا قررت وهي مابترفض
سالم بتنهد :مثل ماقررت تزوجها لي بدون ماتاخذ راينا حنا الاثنين ويوم حصل ورضينا بهالزواج جيت اتقول تفرقوا لالا ياعمي انا وافقت لك بالاولى فانسى اني اوافق لك بالثانيه وشيخه لوتم طول عمرها عندك مراح اطلقها تسمع مراح اطلقها قرر يروح لان كلام عمه سد نفسه على انه يدخل عند شيخه وقفه كلام عمه يوم
قال :اسمع لااشوف رقعة وجهك لا انت ولا امك فاهم سالم طلع ولااهتم لكلامه ركب سيارته وهو معصب حده كان يبي يكلم احد ويفضفض له عن الي في قلبه قام ودق على حمد
حمد رد عليه بضحكه :الوهلاوالله بابو حمد
سالم بستغراب :من ابو حمد
حمد :انت ولا ماستاهل تسمي علي
سالم :محشوم ياخوي بس تدري للحين مافكرنا لهم بأسامي
حمد حس بضيق سالم :سالم فيك شي شكلك متضايق
سالم :متضايق الاواصل حدي بعد ياحمد
حمد :سالم انت وين عشان اجيك
سالم :شوف لنا مكان ونتواعد فيه
(تواعدوفي الكافيه)
حمد يهدي سالم :هونها ياخوي
سالم :قهرني ياحمد اكرهه من قبل والحين زاد كرهي له اكثر
حمد :سالم انت ماعليك من كلام عمك المهم مرتك شرايها بكلام ابوها للحين مصره على الطلاق
سالم بتنهد :مادري عن رايها اذا كانت مصره اولا بس هي ماكانت عندنا يوم قال ابوها هالكلام
حمد يحاول انه يزرع بقلب سالم امل ولوبسيط قال :يعني ماردت وفتحت معاك موضوع الطلاق مره ثانيه
سالم :لا مافتحته بس ياخوفي تفتحه عقب ولدت ذيك الساعه بموت
حمد باهتمام :تصدق احسها معاد تبي الطلاق
سالم استغرب من كلامه
قال :ليش شنو الي خلاك تحس هالاحساس هي يومها ماطلبت لانها حامل وماتطلق الا بعدماتولد
حمد :مادري احساسي يقول انها مراح تطلب عالاقل عشان العيال الي بينكم
سالم بنرفزه :ياخوفي تطيع ابوهاويجبرها تخلى عن ضناها
حمد :مايقدر وبعدين مافي ام تتخلى عن ضناها حتى لو تكره ابوهم
(( في المستشفى))
كانت بوادي ثاني بس قاعده وتتأمل في عيالها وتبوسهم تذكرت سالم انه قال لها بيخليهم يجيبون العيال ويجي بس ماجا معاهم كان ودها انه يكون معاها وهي تشوفهم عشان يقول رايه فيهم حلوين والال
((عند سالم))
حمد الي بيمتص غضب رفيقه
قال بضحكه :إلاجد سالم اشلون قدرت بدال لا تحط لشيخه تذكار واحد حطيت لها اثنين علمني وانا اخوك
سالم يوم استوعب حمد شيقصد قام وراح له ومسكه مع غولته
قال :قول ماشالله حسبي الله عليك بتنضلني الله يخسك
حمد وهو ميت من الضحك
قال :ماشالله بس ترى عيني بارده
تركه سالم وضحك على شكله لانه بهذله قال :اذا صار بعيالي او بامهم شي مايفك غير الموت
حمد بضحكه :ياخوي قل امهم ولا العيال بدالهم عيال وانت ماشاهلل ماتجيب الاتؤم واخذ شماغه ونحاش
لحقه سالم وهو ميت من القهر منه انه يتمصخر عليه
(( الساعه خمس العصر))
سالم بعدما قعد مع حمد وتغدوا حس براحه لان حمد قدر يمتص غضبه بسهوله دخل لقى امه جالسه تنتظره حز بخاطره امه متولهه علىشوفة عياله وعمه بيمنعها تشوفهم قال :سلام عليكم
امه بعصبيه :وعليكم السلام هذا الي بيجي ياخذني اشوف عياله من الصبح واناناقعه مع ماري المسكينه من درت وهي م

لزمه تروح لها
سالم شقول يمه عمي مايبي يشوف رقعة وجيهنا :ان شالله بتروحين
قال بخاطره الحين لطلعت لبيتهم ماتقدر تشوفهم فخل اوديها لهم بالليل عشان اتاكد من عدم وجود عمي
امه :متى بتوديني
سالم :بعد المغرب بوديج
امه باهتمام :ترى ماري بتروح زين
سالم تذكر حب شيخه لماري وحس بالغيره قال:شحقى تروح
امه :لاحرام متعلقه بشيخه وترا حتى شيخه تحبها بعد
سالم هاذا الي ذابحني حب شيخه لها قلت :خلاص موافق انه تروح.......

((تتوقعون))

//هل ابوشيخه بينفذ قراره ويخلي سالم يطلق؟
//وشيخه شنو بيصير فيها لما تدري بقرار ابوها بتوافقه وتترك سالم؟
سالم شراح يكون مصيره بعد ماينحرم
من عياله ؟

هذاما سنواجهه في الحلقات القادمه......

🙋إنتظرونافي الحلقة القادمة........

اعزائنا المتابعين لرواية((يابنت قلبي وين مثله تلاقين)) لقد تم تعديل الروايه من 60 بارت الى47 بارت والان اليكم الحلقات الى 45 وقبل الاخيروالاخير سيتم ارسالها غدآ بإذن الله

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:2⃣4⃣

((الساعه سبع))
طلعت عنها الممرضه واخذت العيال معاها بعدما ناموا عشان تخلي شيخه ترتاح انسدحت شيخه وكانت فرحتها ماتوصف فجاءه ويدق تيلفونها وكانت دلال
شيخه :الوو
دلال :هلابأم أالصدج مافكرتي باسامي لهم
شيخه اشلون افكر وانا مادري عن راي سالم قالت :لابعد مافكرت
دلال بتعجب :معقوله حتى سالم مافكر ك المفروض من تعرفون جنس الطفل تكونون محظرين له اسم
شيخه بضيق :المفروض لكن حنا غير تعرفين كل واحد عايش بروحه
دلاحست انها فتحت جرح شيخه قالت :اسفه شيخه ماكان قصدي اضايقج
شيخه بتنهد :لا عادي
دلال :شيخه نسيت اسألج سالم جالج اليوم
شيخه :ايه هو اول من تحمد لي بالسلامه قالتها وهي تحس بالفرحه
دلال حست فيها :فرحانه انه اول واحد يجيج
شيخه ماتدري شترد فقالت :مادري يمكن ايه ويمكن لا
دلال :اشلون ماتدرين اصلاباين من صوتج انج فرحانه ألاطايره من الفرحه بعد
شيخه معقوله فرحتي ياشيخه بدخلته عليج وبان انج بديتي تحبين
سالم اي بديت اصلاهوقدر يفرض حبه من اول ماتحسنت معاملته معي
قلت بتردد :صدج
دلال بضحكه:ألاصدج ياله بروح اقول لحمد يبشر سالم عشان تكبرحلاوته الاولى لانه بشره بولادتج
والحين فرحتج بشوفته اتوقع سالم بيعطي حمد الي يبيه على هالخبر
شيخه حمر وجهها من كلام دلا
بعد ماسكرت من دلا ردت انسدحت وهي تقول معقوله فضحت عمري وبين حبي لسالم
بعد فتره سمعت صوت الباب ينفتح تفاجأت لما شافت سالم وامه وراهم ماري الي راحت لشيخه ركض باستهاوحضنتها
سالم اذا بسفرهالماري لحد يلومني اشلون تحضنها قدامي تبي تقهرني بس
قال :اشلونج الحين
شيخه التفتت له :بخير الحمدلله
ام سالم والفرحه بعيونها
قالت :مبروك يمه ماجبتي والحمدلله على السلامه
شيخه بذهول ماتوقعت ان ام سالم تزورها وتحمد لها بالسلامه بعد
قالت بتردد: الله يبا رك فيج
استاذنت ام سالم وراحت تشوف العيال ولحقتها ماري
سالم جاب له كرسي وجلس جنب شيخه قال بفرحه :هاه شرايج بعيالنا موحلوين وابتسم وكمل اكيد حلوين دام ابوهم مزيون و
قاطعته شيخه :هد اعصابك يامغرور لايطلع لك عرق
سالم جلس يعدل شماغه ويرز جسمه
قال بضحكه :افا شاكه بجمالي ياقلبي عموما اناوبكل فخر محطم اقلوب نص بنات الديره
شيخه ضحكت على كلامه وحبت تقهره
قالت :وع صدج ماعندهن ذوق مالقن غيرك
سالم وانا مابي غيرج :مشكلة الحاسدين شكلها مالحقتني منج ومن حمد والله يستر اذا درت ام ناصر
شيخه خافت من ذكر ام ناصر
قالت :اذا درت بشنو
سالم حس بخوفها قرب منها وصار مقابل وجهها قال :اذا درت بعيالي شكلي بروح لمطوع وقرأعلي وعلى عيالي اذا تبين تقرين انتي مافي مشكله
شيخه بخوف :ياويلي اسم الله علىعيالي مسكت يد سالم وهي موداريه من الخوف وقالت :تكفى سالم لحد يقولها هي من نظره حرقتني
سالم قرب يدها من فمه وباسها وهو يضحك :ههههههههههه
شيخه استحت منه وقامت تطالع الباب لايدخل احد وسحبت يدها منه
وقالت بنرفزه :احر ماعندي ابرد ماعندك لو انت المحترق جان ماقلت هالكلام
سالم ضحك وتذكرحرقها واشلون كانت مستحيه من شوفته للحرق
قال :بس الحمدال الحرق كان بسيط لاني انا تاكدت منه بنفسي ولو كان قوي او مسبب لج تشوه لاسمح الله جان مافك ام ناصر مني غير الموت
شيخه انصبغ وجهها يوم ذكر شوفته للحرق الي بفخذها حبت تغير الموضوع قالت :سالم
سالم انتبه لخجلها وقال بتنهد وهويبحلق عيونه فيها :اعيونه وقلبه
شيخه شكله ناوي علي :شبنسمي العيال
سالم اي والله ناسي من فرحتي بشوفت امهم ماذكرتهم :الي يعجبج ياحياتي بس مابي اسم ولدي من الاسامي المايعه ابيه رجال
شيخه ابتسمت :والبنت
سالم داخ من ابتسامتها واخذ يدها وحطها على خده قال :لا ابيها دلوعه مثل امها بالضبط
شيخه استحت منه قالت :المهم ابي اسامي على وزن واحد
سالم ومازال يمسح خده بيدها كأنه يتحسس نعومة يدها :اشلون
شيخه سحبت يدها
وقالت :يعني مثل فهد وشهد او راكان ورازان
سالم عجبته الاسامي خصوصا انه كان متوقع ان شيخه بتسمي على ابوها بس حمد ربه انها ماسمت لان لو بتسمي مراح يقدر يمنعها وهو مايطيقه :حلوين شوفي الي يعجبج ونسميهم.......

🙋إنتظرونافي الحلقة القادمة........

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:3⃣4⃣

شيخه بفرح :خلاص راكان ورازان اشرايك
سالم :توكلنا على الله دق عليه حمد في هالحظه سالم بضحكه
قال :الوو شتبي ترا ازعجتني
:حمد
سالم طالع بشيخه وقال بفرح :احلف
:حمد
سالم وعينه مانزلت من شيخه وهي مستغربه منه
قال :ابشربالحلاوه لاواكبر حلاوه بعد وسكر من حمد وابتسم لها ابتسامه خبيثه قال :صج الي سمعته
شيخه برتباك سوتهادلال انا عبالي تضحك مسرع مانشرت
قلت :شنو الي سمعته
قرب لها وهمس باذنها :فرحتي بدخلتي عليج اول واحد كان يبي
يبوسها ولا تدخل ماري
سالم اخ يالقهر ياكرهي لذي الخدامه ليتني ماجبتها من الاول
شيخه حمدت ربها بجية ماري الي انقذت الموقف لانها هي عاجزه عن مقاومة سالم تضعف بس تشوفه
سالم بعصبيه :خيروين امي ليش جايه ومخليتهابروحها
ماري بخوف ماتدري ليش معصب
قالت :الحين يجي
شيخه ببتسامه :شخبارج ماري مشتاقه لج حيل
سالم بنرفزه :لاوالله وانا مالي رب كل الشوق لماري
شيخه انحرجت قالت :اعتقد انك عارف بغلات ماري عندي فماله داعي اشرح لك سبب هالغلا
سالم همس لها :علميني ومستعد اصير لج ماري ثانيه
شيخه ضحكت من كلامه
سالم فديت هالضحكه :تصدقين اني احسدها عمري ماحسدت احد كثرها
شيخه بتعجب :منو
سالم بنرفزه :ماري بعد منو
شيخه ماتت من الضحك وختفت ضحكتها بدخول ام سالم
ام سالم :ياقلبي عليهم شكلي بخذهم معي ماقدر اصبر عنهم
شيخه ياويلي بتاخذ ضناي
سالم الي الحظ انقالب حال شيخه من دخلت امه
قال :هاه يمه شرايج فيهم حلو انتاجنا وطالع في شيخه وغمزلها
شيخه الي انصبغ وجهها من الحيا ياربي شفيه هذاا ناوي يذبحني كافي خوفي من امه الحين يطري هالسالفه قبالها اكيد بتجامل وتقول حلو بس لاتعيدها مره
ثانيه ياربي شقاعده اخربط انا ماانتبهت ألا يوم ام سالم تسلم عليها
وتودعها :ياله مع السلامه وان شالله بتنورين بيتج قريب
شيخه منصدمه :مع السلامه
طلعوا كلهم ماعدا سالم وقف شيخه حست انه بيسوي شي
قالت :سالم روح لنادي ماري وكانت بتنادي
سالم بخيبة امل قال :اخص يالتهديد مردوده ياشيخه هين
طلعوا عنها وجلست تفكر في وضع سالم و امه الي تغير بين يوم ولليله جلست توهم نفسها يمكن عشان لااحرمهم من عيالهم يعاملوني هالمعامله..
((بعد اسبوع))
بعد ماطلعت شيخه من المستشفى حاول سالم يزورها في بيتها بس حصل تهديد قوي من عمه وطرده من دون لاتعرف شيخه انقهر سالم منه وهدده بانه بيطالبه بالمحاكم بس بعدين قال مو سالم الي يجررعمه بالمحاكم
وبعد عشان شيخه مايبي يفقدها وهي راضيه عليه حاليا قال احسن شي ابعد وتطمن عليها عن طريق اخت حمد بس المشكله امي من بيفهمها هالكلام

((بعد اربع اشهور))

بدات الدوامات وشيخه الحين سنه ثالثه درت من دلال بالي صار بين ابوها وسالم حاولت تفهم ابوها ان مايصير نحرمهم من عيالهم عصب عليها وقال تنازلي عنهم وديهم لهم عرفت ان مافيه فايده ولتزمت الصمت
(في الجامعه)
شيخه بتنهد :حاولت يادلال بس مافيه فايده وبعدين ابوي صاير يعصب وهو معاه القلب واخاف يصير فيه شي
دلال :خلاص بس انتي وافقي تكلمينه عالاقل يتطمن على عياله منج كل يوم
شيخه :خلاص بكلمه خلي حمد يعطيني رقمه
دالل بتنهد :اخيرا طفرتيني
(الساعه 12بالليل)
تطمنت على عيالها انهم ناموا ترددت انها تدق على سالم اول واخر شي قررت تدق
سالم الي كان منسدح على سريره ويبي النوم دق تلفونه شافه رقم غريب ردببرود :الوو
شيخه يوه شكلي ازعجته
قلت بخوف :هلا
سالم سمع صوت البنت ماعرفه قال يمكن غلطانه او وحده فاضيه
قال بنرفزه :خير اختي بغيتي شي
شيخه الي مرت عليها ذكرى سالم الاولي القاسي
قالت بعصبيه :ايه بغيت اطمنك على عيالك وقولك انهم بخير واسفه على الازعاج
سالم تفاجئ ماتوقع انها شيخه
قال بسرعه :شيخه
شيخه بستعباط :لا مندوبه عنها
سالم بضحكه :صدج عاد ترا ماعرفتج عبالي وحده فاضيه
شيخه بعصبيه :والفاضيه مالقت غيرك تفش خلقها فيه
سالم ضحك من كلامها
وقال :ياحلو الي يغارون والله
شيخه صدق عمره اغار :لاعيوني ماغار بس شفت اسلوبك الحلو في التعامل مع الجنس الناعم
سالم بضحكه :صدج حبيبتي اسلوبي حلو مع الجنس الناعم يعني اي وحده اغازلها بتعطيني وجهه
شيخه حبت تقهره لانه يبيها تغار
قالت ببرود :هذا يعتمد علىمظهرك واسلوبك خلك حنون وشوف اشلون تحذف عليك البنات.........

🙋إنتظرونافي الحلقة القادمة....

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:4⃣4⃣

سالم بقهر :افا لهدرجه مرخصتني لهم ترا بتندمين ماراح تحصلين واحد مزيون مثلي وجاف مع كل البشر الامع وحده يصير غير
شيخه لاوالله مو مرخصتك حبت تغير الموضوع قالت :سالم انا اسفه على الي صار مع ابوي فارجوك لاتزعل منه
سالم بضيق :انا فعلا زعلان ابوج حتى عيالي حارمني منهم شيخه صارلي اربع اشهور ماشفتهم بس اجي اوصل لهم الغرض عند الباب وارد ولهت عليهم حيل وامي كاسره خاطري كان يوم المنى عندها شوفة عيالي ويوم صار انحرمت منهم غصب
شيخه تضايقت من كلامه وقامت تبجي ماقدرت تكلم
سالم بضيق :شيخه حبيبتي لا تبجين ادري مالج ذنب بكل الي سواه
عمي ادموعج غاليه علي فلاتبجين ارجوج
شيخه بين شهقاتها :سالم انا موراضيه بتصرف ابوي وواجهته بس طلب مني اني اتخلى عن عيالي وانا ماقدر اسوي جذي
سالم :ادري ياقلبي صعبه عليج وانا بعد مرضاها لج
شيخه :سالم اذا بتشوفهم باجر انا مستعده اقول لابوي اني بروح لدلال وتعال هناك اتشوفهم
سالم بفرح :صدج واللهمتولهه على شوفتهم خلاص بجيج انا وامي بيت دلال وناخذج انتي والعيال
شيخه :انا شكو خذ عيالك وانا بتم عند دلال لين تخلص وتجيبهم
سالم ماعجبه كلامها :لاوالله لازم تجين لاني مشتاق لامهم اكثر
شيخه استحت وقالت :ياله تصبح على خير شكل راكان صحى
سالم :مع السلامه وبوسي لي خدودالعيال وخدودج بعد
شيخه ماتت من الحيا :ياله بسكر قبل لا تقول كلام اعظم وسكرت
(اليوم الثاني)
جهزت العيال وجت بتطلع سألها ابوها وين بتروح قالت له لدلال
وجاها سالم هناك وبالموت وافقت انها تروح معاه بعد الحاح من سالم وامه في المطعم حجز لهم طاوله وراح يشوف الطلب
جلست هي وام سالم ينتظرونه ام سالم انا لازم اكلمها ماقدر اشوف ولدي بهالحاله واسكت
قالت بتردد :شيخه بكلمج بموضوع وارجوج تفهميني
شيخه خافت هي اول مره تفتح معاها موضوع دايم اوامر وبصراخ بعد
قالت بخوف :تفضلي
ام سالم :شيخه انا موراضيه علىهالعيشه الي عايشتها انتي وسالم ولدي يحبج ومتمسك فيج لابعد الحدودوانتي ولامعبرته و
شيخه قاطعتها :شنو تبوني اسوي اتخلى عن ابوي عشانه وبعدين انا ماطلبت منه يحبني هو الي جاب هالشي لنفسه
ام سالم بحزن :ليش ياشيخه لهدرجه قلبج قسى
شيخه بصراخ :قلبي قسى ياخالتي (واشرت على قلبها)ومن علم هالقلب القساوه غيرج انتي ولدج الحين تقولين لاتقسين وين كانت هالكلمه عنج يوم كنت عندكم والا القساوه حلال علي وحرام عليكم(كانت تبجي)وين هالكلمه يوم كان سالم يطقني وانتي عاجبج الوضع وين كانت يوم شغلتوني خدامه لكم انا مابي منكم شي خلاص ابوي اعترف بذنبه انه ظلمني بزواجي من سالم وحب يصحح هالغلطه بطلاقي بس انارفضت تدرين ليش عشان هذول(واشرت على عيالها)ضمت يدينها وجلست تبجي دخل سالم وشاف هالوضع انصدم
شيخه وقفت ومسحت دموعها
وقالت :ممكن ترجعني عند دلال بسرعه
سالم بخوف:شيخه شفيج شصاير تحجي
شيخه بصراخ :مافيني شي بتردني والا اخذ لي تاكسي
سالم طالع امه وكانت هي الثانيه تبجي قال :يمه تحجي شفيكم ليش موراضين تقولون لي شصار امه ماقدرت تكلم
شيخه بين شهقاتها :سالم شوف انسى اني اتخلى عن ابوي عشانك ابوي الي نطرت طلعته سنتين عشان ينقذني من جحيمك انت وامك مشت صوب دراجة العيال
وقالت :انا برا بنطرك عشان توصلني وطلعت
وخلت سالم مذهول من تغيرها المفاجئ التفت لامه الي كانت تشاهق
قال :ياله يمه خلينا نمشي
وصلت شيخه عند دلال وقبل لاتنزل
قالت :اذا اشتقت لعيالك وتبي تشوفهم تعال للبيت وانا بنفسي بخليك تاخذهم ونزلت
رجع سالم للبيت هووامه حاول يفتح معاها الموضوع وانصدم من
كلامها قالت له انسى شيخه ورح اشتك عليهم عشان يخلونك تشوف عيالك غصب
سالم بصراخ :اشلون اشتكي عليهم انتي ماسمعتي شيخه بنفسج تقول اذا ابيهم اجي اخذهم عصب من كلامها وطلع

((بعد مرورسنه من االحداث))

شيخه مثل ماوعدت سالم انه اذا اشتاق لعياله يجي ياخذهم وسالم محترم قرارها وراضي بنصيبه لويعيش طول عمره جذي بس مايبي احد بعد شيخه
ابو شيخه اعترض على قرار بنته ان سالم يجي ياخذ عياله بالاول وبعد اصرار من شيخه وافق ام سالم محتاره من عيشة ولدها وحاولت فيه انه يرد لغاده بس هو رافض هالشي
(في بيت سالم)
كانوا عياله عنده وام سالم فرحانه بشوفتهم كانت جالسه ومعاها رازان وتبوسها وتلاعبها
قالت :حياتي فديتج رزون فجأه ودخل سالم
سلم على امه وقرب منها وشال رازان وقعد يلعبهاوقطع اخدودها بالبوس
ام سالم :سالم ذبحت البنت بس الحين بتصيح
سالم يضحك رازان
قال :فديت روحها تعرف اني احبها فما تبجي ودفن خشمه بخدودها بعدين نزلها
وقال :الاوين راكان ماشوفه
ام سالم :طفرني بصراخه وكال يطق هالمسكينه واخيرا نام.........

🙋إنتظرونافي الحلقة القادمة.....

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:5⃣4⃣

سالم ضحك راكان بتصرفاته في العنف طالع عليه والشكل كلهم على امهم في الجمال والبياض حتى الخدود على قولته بس رازان ماخذه طبعها بالهدوء والرقه
سالم بضحكه :ليش نام الحين بتزعل شيخه تقول يسهر عليها بالليل
امه :لاوالله الولد تعبان وبيرتاح امنعه عشان راحة شيخه
سالم بصوت عالي :(سالي)خدامة العيال قومي راكان
امه بعصبيه :خله ينام حرام عليك
سالم باهتمام :خل يقوم شيخه بتجي تاخذهم الحين هي داقه علي وقايله خل الخدامه تجهزهم باخذهم
امه :ليش جان جلسوا والله ماشبعت منهم
سالم :شسوي تقول ماتقدر ودق تلفونه ونادى الخدامه تطلع العيال
وطلع هو لشيخه
شيخه كانت جايه مع السايق بروحها وخايفه من سالم
سالم استغرب منها اول مره تسويها خصوصا انه محذرها
قال بعصبيه: ماتعلميني ليش جايه مع السايق بروحج
شيخه ياربي شقوله الحين
قالت :اسفه سالم بس ماقدرت اخلي ابوي بروحه لانه تعبان وخليت خدامة البيت عنده وبعدين المسافه قريبه
سالم بنرفزه :حتى لو متر ماتروحين معه بروحج فاهمه
شيخه بخوف :ان شالله
جت الخدامه ومعاها العيال وكان راكان مبين عليه النوم
شيخه صرخت :لا كان نايم
سالم :ماقدرت عليه امي ونام غصب عنيد هالولد مادري من طالع عليه وطالعها
شيخه ببرود :اذا عنيد فهو عليك
سالم :صادقه راكان بس اخذ تصرفاتي لكن الجمال والعيون والخدود من عليه علميني
شيخه ماتت من الفشيله وتسارعت الموقف وقالت :مع السلامه وركبت السياره
سالم ياحلوها لما تستحي :مع السلامه
(اليوم الثاني)
قامت شيخه على صراخ الخدامه تقول لها ان ابوها تعبان حيل راحت له ركض ودته للمستشفى بسرعه ودخلوه العنايه خافت على عيالها بروحهم بالبيت مع الخدم دقت على سالم تصيح
سالم استغرب اتصال شيخه بهالوقت رد :الوو
شيخه بصياح :سالم الحقني ابوي تعبان وهو بالعنايه
سالم :انا جاي بالطريق
شيخه :تكفى خل امك تروح لعيالي بروحهم مع الخدم
سالم :زين وسكر وطلع ركض ينادي امه بعد ماوصل امه لبيت شيخه وراح لها بالمستشفى دخل لقى شيخه جالسه عند باب العنايه واول ماشافته راحت له ركض وحضنته تصيح كأنها حاسه بفقدان ابوها فماتبي تفقد سالم بعد
سالم تجمد من ضمته شيخه وحوطها بيدينه مايبي يفقدها
قال :شيخه اذكري الله ان شالله مافيه الل العافيه
شبخه بصياح :ابوي تعبان صارله سنين يعاني من القلب وشكله هالمره مايطمن
سالم جلسها على الكرسي وجلس جنبها
وقال :لا تقولين جذي الحين يطلع الدكتور يطمنا عليه
بعد فتره طلع الدكتور وسأل عن سالم استغرب سالم من سواله وحس بالخوف قال له الدكتور ان المريض يبي يقابلك خاف ودعى بقلبه الله يستر اكيد شي جايد دخل على عمه وقلبه اطبول من الخوف
قال :ماتشوف شر ياعمي ان شالله تقوم بالسلامه حب راسه لاول مره وشم فيه ريحة ابوه الي فقده من عشرين سنه وهو ابو حدعشرسنه ومن فقد ابوه وهو حاس بالمسؤليه تجاه امه فكان مايختلط بعمه ولايقرب صوبه بنا على طلب امه وكرهها له تامل سالم عمه كان فيه ملامح من ابوه سمعه يدوب يتكلم قال : سالم
سالم :سم ياعمي
عمه :سالم اوعدني ياسالم وصيتك شيخه لاتضايقها او تضربها ترى مابقى لها حد غيرك اذا تبيني ارضى عليك ياولد اخوي
سالم بضيق :اوعدك ياعمي في الي تطلبه بس هد نفسك موزين لصحتك
عمه كمل بصعوبه :سالم مابي مثل وعدك لي بالاول الي خنته ابي وعد رجال
سالم ضاق صدره من كالامه ونزلت دمعه قال :وعد ياعمي اني راح احفظها ومازعلها
عمه :اعرف ياسالم شيخه طيبه وبسرعه تنسى جروحها بالكلمه الحلوه فلاتقسى عليها اذا مو عشاني عشان عيالك الي هي امهم
سالم وهويمسح دموعه :عمي هد روحك ارجوك سمع الجهاز ودخلت عليه الممرضه وطلعته
سالم طلع وجته شيخه بسرعه
قالت بخوف :سالم طمني اشلون ابوي
سالم شاف بعيونها الخوف مسك ايدينها يحسسها بالامان وقال :ادعي له ياشيخه يقوم بالسلامه ماكمل كلمته الا ويطلع الدكتور ويخبرهم بوفاة عمه شيخه من الصدمه طاحت غشيانه بين يدين سالم

لك العهد لوطال بعدك وفرقاك
ماأنساك انا مادام هالروح حيه

بعد شهر على وفاة ابوها كانت في غرفتها تحوس بافكارها من مات ابوها وهي حابسه نفسها بغرفته حاول فيها سالم انه يطلعها من هالحزن بس ماقدر كانت
ماتنام الا بعد نوبة بكاء كبيره
لدرجة انها ماقامت تهتم بعيالها بعد تفكير قامت ودخلت الحمام تاخذ لها شاور بعد ماخلصت........

🙋إنتظرونافي الحلقة القادمة......

احسنت اخي حسن

ا🌹🌹🌹🌹🌹
سنكمل قصتنا غدا ان شاء الله ..
رواية #يابنت_قلبي_وين_مثلة_تلاقين_قلبا_عطاك_الحب_ماقال_هاتية
انتظرونا غدا في الحلقة الاخيـــرة
ا💜💜💜💜💜

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:6⃣4⃣ [[قبل الاخير]]


""التقينا بعد ما"""""""""""طول غيابك""
""واجتمعنا وعودت""""""""احلى الليالي""
""هي ليالي الحب""""""مع حضرة جنابك""
""بالسعاده والهنا"""""""""""دايم قبالي""

شافت شكلها اشلون تغيرت وصارت ضعيفه حيل وجهها شاحب من قلة الاكل والارهاق حست باشتياق لعيالها ونادت الخدامه تجيبهم لهاجت ماري ومعهاالعيال وأكل لشيخه
شيخه من شافت عيالها ضمتهم لصدرها تحظنهم لانهم الباقي لها بهالدنيا عقب الله
ماري :مدام انا يجيب اكل لازم ياكل زين عشان بيبي يبي ياكل سوسوا انتي
شيخه تطالع في ماري الي ماتخلت عنها وكانت هي الوحيده الي ماتقدر ترفض لها طلب لانها ياما وقفت معها قبل
قالت :ليش مااكلوا وين سالي عنهم
ماري :ليش سالي انا يشوف بيبي
شيخه عرفت ان ماري تغار من سالي لانها تهتم بالعيال
قالت :اجل ليش ماوكلتيهم دامج بتشوفينهم
ماري :الحين ياكل سواسوا ماما
شيخه :بس انا ماشتهي
ماري :لالازم ياكل
شيخه اكلت عشان خاطرماري ولان نفسها انفتحت بشوفة عيالها
سالم جا من الدوام تعبان من كثر الشغل في الدوام وبنيان بيتهم استغل قعدته هو وامه في بيت شيخه وحب يبني له هو وشيخه احلى جناح في بيته
دخل وسأل امه عن شيخه وطمنته امه انها اكلت مع عيالها فرح وراح يشوفها طق باب الغرفه
شيخه الي كانت تقرا قران وقفت
وقالت :تفضل
سالم دخل ويوم شافها
قال :تقبل الله
شيخه ببتسامه :منا ومنكم
سالم بفرحه :افا ياشيخه الحين كل ماحاول فيج تاكلين ترديني وماري ماتردينها
شيخه شسالفه الغيره ماري تغار من سالي وسالم يغار من ماري
ضحكت وقالت :مو عشان ماري كليت
سالم بتنهد :اشوا عبالي بس عشان منوا
شيخه بضحكه :عشان عيالي وبعدين ليش ماتطيق ماري شسوت لك
سالم جاوجلس قبالها
وقال :لانها سراقه
شيخه بضيق :حرام عليك تظلمها ماري ماعمرها مدت يدها لشي مولها
سالم باهتمام :انتي وش عرفج هي سارقه شي ثمين بعد
شيخه صدقت :وليش ماوجهتها بالشي الثمين دامك متاكد
سالم حب يطول السالفه
قال :خلاص بروح اناديهاوواجهها عشان اتاكد دامج موجوده
شيخه بخوف :وانا شكو لايكون بتشركني معها بالبوقه بعد
سالم بضحكه :لالان الشي الي انسرق منج
شيخه :مني انا
سالم مديده واشر على قلبها
وقال :اسرقت هذا الي المفروض يكون
لي ماتبيني اكرها
شيخه انحرجت منه ونزلت راسها
سالم ياربي ودي تحبني مثل مااحبها قال :هااناديها
شيخه بتنهد :ماله داعي لان مو مهم
سالم بنرفزه :لاوالله من قال مومهم الا هذا اهم شي عندي سكت شوي وكمل شيخه قومي خل نسهر لنا على فلم وبعدين ترى انا جوعان والكل نام فابي احد يحط لي اكل
شيخه ببتسامه :خلاص روح وانا جايه وراك
طلعت شيخه وجهزت لسالم الاكل وجابته له حطت الاكل واشر لها سالم تجلس يمه جلست وهي مفتشله
سالم ببتسامه :اي نوع فلم تحبين رعب فكاهي رومانسي وترى الرومانسي افضل
شيخه ببرود :ليش
سالم مسك يدها وباسها :عشان اتعلم منه واطبق عليج ياحياتي
شيخه ودها تقهره
قالت :لاوالله شقالوا لك فار تجارب تطبق علي
سالم ضحك من كلامها وغصبها تاكل معاه وكلت وجلسوا ضحك وغشمره وسالم مايخلي موقف يمر من الفلم ألاويعلق وشيخه ميته ضحك

((بعد خمس اشهور))

تحسنت حالة شيخه وقدر سالم ينسيها حزنها بحبه وحنانه
سالم الي حاس بالسعاده وان الله حقق له الي تمناه انتقل مع عايلته الصغيره الى بيتهم بعد ماخلص من تجديده
ام سالم الى فرحانه بتحسن عيشة ولدها ورجوع شيخه له
(يوم تخرج شيخه)
تخرجت بتقدير جيدجدا ماقدرت تحصل على الامتياز بسبب مسؤولية عيالها وزوجها
شيخه صحت على همسه باذنها فتحت عيونها شافت سالم جالس جنبهابالسرير
ابتسمت له وقعدت
قال لها :صباح الخير ياغناتي
شيخه بفرحه :صباح النور حبيبي
سالم تنح ياحلوها بفمها
قال :شنو عيدي الاخيره
شيخه تدري انه مراح يخليها عقب الي قالته قامت وراحت صوب الحمام
وقالت :قلت حبيبي وقلبي وبوعيالي بعد
دخلت الحمام وسكرت الباب بسرعه بعد ماشافت سالم نط منمكانه وجاي صوبها
سالم بضحكه :شيخه حبي فكي مراح اسوي لج شي
شيخه :جذاب عبالك ماعرف حركاتك
سالم بمكر :خلاص شيخه بروح بس تجهزي عشان اوديج الصالون.....

🙋‍♂إنتظرونا في الحلقه القادمه.......

#قصص1وروايات1وحكايات

*((يابنت قلبي وين مثله تلاقين قلبا عطاك الحب ماقال هاتيه ))*
روايه : شقاوة انثى👩‍🦰
الكاتبة:الهودج (عاشقة السراب )
////////////////////////////////////

البارت>>:7⃣4⃣ [[الأخيييييره]]

شيخه صدقت الحمدلله :زين
سالم :بس ترا م
شيخه قاطعته :ادري مردوده ياكثر ماتنتقم ياسالم
سالم ضحك عليها وجلس ينطرها خذت شاور وطلعت ماشافته ارتاحت ومشت صوب التسريحه ماحست إلا بالي شايلها ويدور فيها
شيخه بخوف :سالم تكفى وراي حفله
سالم :عيدي وانزلج
شيخه بهمس :احبك
سالم :شكثر
شيخه :كثر ماتحبني ياله نزلني
سالم نزلها وباسها وقال :تصدقين كنت انطرهالكلمه من زمان واخيرا حصلت عليها
شيخه :ياقلبي انت زرعت حبك غصب عني في قلبي من تغيرت معاملتك لي
سالم قرب يمها دزته شيخه
وقالت :سالم بتاخر
(في الحفله)
كانت لابسه نفنوف احمر فاقع كات وقصير لي نص الساق وشعرها كانت قاصته مدرجات وصابغته كان شكلها ملاك
دلال بفرحه :ماصدق شيخه تعترف لي بحب سالم وعشقها له ماصدق
شيخه بضحكه :الا صدقي وكتبيها بمذكراتج بعد جلسوا ضحك وسوالف وبعد فتره بقت شيخه عيونها صوب الشخص الي جاي صوبها كانت غاده جايه لها وكان باين عليها انها حامل استغربت
سلمت عليها وباركت لها بالتخرج
وقالت بفرح :الا وين عيالج ودي اشوفهم الي ماكلين قلب خالتي
شيخه بضحكه :ان شالله بجيبهم وعقبال ماياكل الي في بطنج قلب امج
غاده ضحكت وقالت :تسلمين ياقلبي
شافت غاده عيال سالم اشلون يشبهون شيخه بالجمال غاده :الله يخليهم لج ان شالله
شيخه :تسلمين ياحياتي راحت غاده بعد مارسمت على شفايفها ابتسامه رضى لشيخه وانها ماتحمل لها اي كره
شيخةشافت ام ناصرداخله خافت مسكت عيالها بسرعه ودخلتهم وقالت لسالي لاتطلعهم قرات على نفسها وطلعت
(بالليل)
كانت بغرفة عيالها تنومهم بعد ماناموا طلعت ولقت سالم جاي وقاعد على التلفزيون حبت تسوي له مفاجئه عشان يشوف كشختها لانه ماشافها نزلت الكعب ومشت بشويش صوبه وقفت وراه وغطت عيونه بيدينها
سالم ضحك عارف من صاحبة هاليدين
قال :حبي ترى حتى لو مااشوفج اقدر اعرفج من بين الف شخص سحب يدينها ولف يشوفها يوم شافها تنحنح
وقال :ياويلي يالاحمر ناويه علي انتي
شيخه قربت منه ومسكت يده وقالت :اسم الله عليك ياقلبي وبعدين
دارت بدلع وقالت :شرايك فيني
سالم ذاب فيها وقال :راي بشنو انتي كلج على بعضج قمر
شيخه بضحكه :ياي يحظي
سالم بستغراب :ياحظج بشنو
شيخه بستعباط :زوجي يتغزل فيني وضحكت
سالم بضحكه :توج حياتي ماجاج شي الحين اوريج الغزل على اصوله ناداها تجلس جنبه جلست وسألهاعن الحفله وقالت له عن كل المعازيم وقالت له عن غاده وزعلت ليش ماقال لها عن زواج غاده
سالم يتوسل لها ويبوس ايدها
وقال :صدقيني وقت زواجها كنا نمر
بظروف صعبه ترى حتى امي
ماحضرته
شيخه بعدم مبااله :ليش شنو هالظروف الي خلت امك تترك زواج بنت اختها
سالم مايبي يقول عشان مايذكرها بحزنها بس هي مصره
قال :وفاة عمي حلوه تروح عرس وحماها توه ميت ماصارله شهر
شيخه كرهت نفسها لانها اصرت تعرف وماتوقعت ان خالتها تترك عرس بنت اختها عشان ابوها الي كانت تكرهه
سالم حب يغير السالفه
قال :حبي عندي لج مفاجئه
شيخه ياقلبي طول عمرك مغرقني بمفاجاتك
قالت :شنو قول
سالم :باجر بنسافر
شيخه استغربت :انسافر وين وليش
سالم :وين جنيف وليش تقدرين تقولين هدية تخرجج او اعتبريه شهر عسل متاخر
شيخه طالعت فيه
وقالت :مشكور سالم الله لايحرمني منك وحضنته
سالم مسح راسها فرح بتغيير شيخه من كرهها له وتسميته بالوحش الى حبها وعشقها له وتسميته بحبيبي ضحك على شكله يوم تذكر انه اشلون احرق مذكرة شيخه الي كانت تحكي فيها عن عذابها
معاه ..........

الــــــــــــــــــــــنهــــــــــــــــايـــــــــه
مع تـــــــــــــحياتـــــــــــــي.
عــــــــــــــــاشــــــــــقة
الســــــــــــراب
((الــــــــــــهــــــــــــودج))

انتهت الروايه الى روايه جديده انشاء الله....

انتهت قصتنا من رواية #يابنت_قلبي_وين_مثلة_تلاقين_قلبا_عطاك_الحب_ماقال_هاتية
ان شاء الله اعجبتكم القصة ..
شاركونا ارآكم على المعرف
@ahgeelbot
#قصص1وروايات1وحكايات

#قصص1وروايات1وحكايات
الرواية التاسعة والثلاثون
ا💜💜💜💜💜
جديدنا....

منتصف_الليل_12:33 🔞

اجزاءها :- ٤ اجزاء
نوعها :- رعب
اللهجة :- فصحى

نبذه
هل توقفت ساعه الزمن ام ماذا حدث بعد سقوط بطلنا وسماعه ذالك الصوت الغريب!

انتظرونا الليلة


اتمنى لكم قراءة ممتعة
وحياكم بقناتنا 💕
ا💜💜💜💜
https://t.me/ahgeel