.
ﻣﻌﻨﺎﺗﻪ ﻫﻮ ﻣﻮﺟﻮﺩ ﺩﺍﺧﻞ ..
ﺃﺧﺬ ﻧﻔﺲ ﻋﻤﻴﻖ ﺣﺘﻰ ﻳﺴﻴﻄﺮ ﻋﻠﻰ ﺃﻋﺼﺎﺑﻪ ﻭﻣﺎ ﻳﻨﻔﻠﺖ ﺑﻮﺟﻬﻪ ..
ﺗﻘﺪﻡ ﻟﺒﺎﺏ ﺍﻟﺤﻮﺵ ﺍﻟﻤﻘﻔﻞ ﻭﺩﻕ ﺍﻟﺠﺮﺱ ..
ﺣﺘﻰ ﻣﺎ ﻳﺪﺭﻱ ﺇﻥ ﻛﺎﻥ ﺻﺎﻟﺢ ﺃﻭ ﻻ .. ﻭﻣﺎ ﻳﺪﺭﻱ ﺇﻥ ﻛﺎﻥ ﻳﻮﺻﻞ ﻟﻠﺒﻴﺖ ﻭﻻ ﻻﺯﻡ ﻳﺪﺧﻞ ﺍﻟﺤﻮﺵ ﻭﻳﺪﻕ ﺑﺎﺏ ﺍﻟﺒﻴﺖ ..
ﺷﻮﻱ ﺇﻧﻔﺘﺢ ﺍﻟﺒﺎﺏ ﻭﻃﻠﻊ ﺷﺎﺏ ﻓﻲ ﺑﺪﺍﻳﺔ ﺍﻟﻌﺸﺮﻳﻦ ﻣﻦ ﻋﻤﺮﻩ ..
ﺣﺎﻁ ﺇﻳﺪﻩ ﻓﻮﻕ ﻋﻴﻮﻧﻪ ﻳﺤﻤﻴﻬﺎ ﻣﻦ ﺷﻤﺲ ﺍﻟﻈﻬﺮ ﻭﻗﺎﻝ : ﻫﻼ ﺃﺧﻮﻱ .. ﺃﻱ ﺧﺪﻣﻪ .. ؟ !
ﺣُﺴﺎﻡ : ﺑﻐﻴﺖ ﺃﻗﺎﺑﻞ ﻣﺎﺟﺪ .. ﻭﻳﻨﻪ .. ؟ !
ﻋﻘﺪ ﺍﻟﺸﺎﺏ ﺣﻮﺍﺟﺒﻪ ﻳﻘﻮﻝ : ﺃﺧﻮﻱ .. ؟ ! ﻟﻴﻪ ﺗﻌﺮﻓﻪ .. ؟ !
ﺑﻐﻰ ﺣُﺴﺎﻡ ﻳﻘﻮﻝ ﺇﻧﻪ ﺃﺧﻮ ﻃﻠﻴﻘﺘﻪ ﺑﺲ ﺧﺎﻑ ﺇﻧﻪ ﻳﺮﻓﺾ ﻳﻘﺎﺑﻠﻪ ﻓﻜﺬﺏ ﻭﻗﺎﻝ : ﺃﻧﺎ ﻭﺍﺣﺪ ﻣﻦ ﻃﻼﺑﻪ ..
ﺍﻟﺸﺎﺏ : ﺃﻫﺎ .. ﺑﺲ ﺃﺧﻮﻱ ﻟﺴﻰ ﻣﺎ ﺭﺟﻊ ﻣﻦ ﺍﻟﻤﺪﺭﺳﻪ ..
ﺭﻓﻊ ﺣُﺴﺎ ﺣﺎﺟﺒﻪ ﻭﺃِﺭ ﻋﺎﻟﺴﻴﺎﺭﻩ ﻭﻗﺎﻝ : ﺑﺲ ﺫﻱ ﻣﻮ ﺳﻴﺎﺭﺗﻪ .. ؟ !
ﺍﻟﺸﺎﺏ : ﻛﺎﻧﺖ ﻟﻪ .. ﺑﺲ ﻟﻤﺎ ﺇﺷﺘﺮﻯ ﻭﺣﺪﻩ ﺟﺪﻳﺪﻩ ﺃﻋﻄﺎﻧﻲ ﻫﺬﻩ ..
ﺣﺴﺎﻡ : ﻃﻴﺐ ﻣﺘﻰ ﻳﺮﺟﻊ .. ؟ !
ﺍﻟﺸﺎﺏ : ﻣﺪﺭﻱ .. ﻣﺎ ﺃﺿﻤﻦ ﻟﻚ ﺇﻧﻪ ﻳﺮﺟﻊ ﻟﻬﻨﺎ .. ﻣُﻤﻜﻦ ﻳﺮﻭﺡ ﻟﺒﻴﺘﻪ ..
ﺣُﺴﺎﻡ : ﺑﻴﺘﻪ .. ؟ !
ﺑﻌﺪﻫﺎ ﺇﺑﺘﺴﻢ ﺑﺈﺳﺘﻬﺰﺍﺀ .. ﻻ ﻭﺗﺰﻭﺝ ﺣﻀﺮﺗﻪ ﻛﻤﺎﻥ !!..
ﺣُﺴﺎﻡ : ﺃﻭﻛﻲ ﻣﺸﻜﻮﺭ ..
ﺍﻟﺸﺎﺏ : ﺍﻟﻌﻔﻮ .. ﺑﺲ ﻣﺎ ﺗﺒﻐﺎﻧﻲ ﺃﻭﺻﻞ ﻟﻪ ﺇﻧﻚ ﺟﻴﺖ ﺗﺰﻭﺭﻩ .. ؟ !
ﺇﺗﺠﻪ ﺣُﺴﺎﻡ ﻟﻠﺴﻴﺎﺭﻩ ﻳﻘﻮﻝ : ﻻ ..
ﺭﻛﺐ ﻭﺣﺮﻛﻬﺎ ﻭﻫﻮ ﻏﺎﺭﻕ ﺑﺘﻔﻜﻴﺮﻩ ..
ﺗﻨﻬﺪ ﻭﻗﺎﻝ ﺑﻬﺪﻭﺀ : ﺭﻏﺪ .. ﻛﻴﻒ ﺗﺰﻭﺟﺘﻲ ﻭﺍﺣﺪ ﻣﺜﻠﻪ .. ؟ ! ﻛﻴﻒ ﻛﺎﻥ ﻃﻴﺐ ﺑﻨﻈﺮﻙ .. ؟ !
ﺳﻜﺖ ﺷﻮﻱ ﺑﻌﺪﻫﺎ ﻗﺎﻝ ﺑﻬﺪﻭﺀ : ﻭﻛﻴﻒ ﺃﻧﺎ ﺑﻌﺪ ﻛﻨﺖ ﺃﺷﻮﻓﻪ ﻃﻴﺐ .. ؟ ! ﻣﻌﻘﻮﻟﻪ ﺍﻟﻨﺎﺱ ﺗﺘﻐﻴﺮ ﻟﻬﺎﻟﺪﺭﺟﻪ .. ؟ ! ﻓﻲ ﻫﺎﻟﺪﻧﻴﺎ ﻣﺤﺪ ﻋﺎﺭﻑ
ﻳﺜﻖ ﻓﻲ ﻣﻴﻦ .. ﺍﻹﻧﺴﺎﻥ ﻣﺤﺪ ﺑﻴﻨﻔﻌﻪ ﺇﻻ ﻧﻔﺴﻪ ..
ﺃﺳﺮﻉ ﺑﺎﻟﺴﻴﺎﺭﻩ ﺷﻮﻱ ﻭﺑﻌﺪ ﻧﺺ ﺳﺎﻋﻪ ﻭﺻﻞ ﻟﺒﻴﺖ ﺃﻡ ﺑﺪﺭ ..
ﺍﻟﺒﻴﺖ ﺍﻟﻠﻲ ﻣﺎﺕ ﻓﻴﻪ ﺃﺑﻮ ﺑﺪﺭ ﻭﺇﻧﺴﺠﻨﺖ ﺃﺧﺘﻪ ﺑﺴﺒﺐ ﻫﺬﺍ ..
ﻧﺰﻝ ﻣﻦ ﺍﻟﺴﻴﺎﺭﻩ ﻭﺷﺎﻑ ﺇﻥ ﺳﻴﺎﺭﺓ ﺑﺪﺭ ﻣﻮﺟﻮﺩﻩ ..
ﺇﺗﺠﻪ ﻟﺒﺎﺏ ﺍﻟﺒﻴﺖ ﻭﺩﻗﻪ ﻭﻫﻮ ﻳﺘﻤﻨﻰ ﺇﻥ ﺍﻟﻠﻲ ﻳﻄﻠﻊ ﻟﻪ ﻫﻮ ﺑﺪﺭ ﻣﻮ ﺃﻣﻪ ..
ﻟﺪﺭﺟﺔ ﺇﻧﻪ ﺃﺧﺘﺎﺭ ﻳﺪﻕ ﺍﻟﺒﺎﺏ ﺑﺪﻝ ﺍﻟﺠﺮﺱ ..
ﺷﻮﻱ ﺇﻧﻔﺘﺢ ﺍﻟﺒﺎﺏ ﻭﻣﺜﻞ ﻣﺎ ﺗﻤﻨﻰ ﻃﻠﻊ ﻟﻪ ﺑﺪﺭ ..
ﻛﺎﻥ ﻣﻐﻄﻲ ﻋﻴﻮﻧﻪ ﺑﺈﻳﺪﻩ ﺑﺴﺒﺐ ﺃﺷﻌﺔ ﺍﻟﺸﻤﺲ ﻭﻣﺎ ﻗﺪﺭ ﻳﻤﻴﺰ ﺣُﺴﺎﻡ ﻓﺴﺄﻝ : ﻫﻼ .. ﻣﻴﻦ .. ؟ !
ﺣُﺴﺎﻡ ﻭﺑﺪﻭﻥ ﻣُﻘﺪﻣﺎﺕ : ﻛﻢ ﺍﻟﺪﻳﻪ ﺍﻟﻠﻲ ﺗﺒﻮﻧﻬﺎ .. ؟ ! ﻣﺴﺘﻌﺪ ﺃﺩﻓﻊ ﺍﻟﻤﺒﻠﻎ ﺍﻟﻠﻲ ﺗﺒﻐﻮﻩ ﺑﺲ ﺗﻐﻴﺮﻭﺍ ﺍﻟﺤﻜﻢ ﻣﻦ ﺍﻟﻘﺼﺎﺹ ﺍﻟﻰ ﻃﻠﺐ ﺩﻳﻪ ..
ﻋﻘﺪ ﺑﺪﺭ ﺣﻮﺍﺟﺒﻪ ﻭﺑﻌﺪﻫﺎ ﻗﺪﺭ ﻳﻤﻴﺰ ﺣُﺴﺎﻡ ﻭﻇﻬﺮﺕ ﺍﻟﻀﻴﻘﻪ ﻋﻠﻰ ﻭﺟﻬﻪ ..
ﺑﻌّﺪ ﺇﻳﺪﻩ ﻋﻦ ﻋﻴﻮﻧﻪ ﻳﻘﻮﻝ : ﻭ ﺍﻟﺪّﻳﻪ ﺑﺘﺮّﺟﻊ ﺃﺑﻮﻱ .. ؟ !
ﺣُﺴﺎﻡ : ﺣﺘﻰ ﺍﻟﻘﺼﺎﺹ ﻣﺎ ﺑﻴﺮﺟﻌﻪ ..
ﺑﺪﺭ : ﺑﺲ ﻭﻗﺘﻬﺎ ﻗﻠﻮﺑﻨﺎ ﺑﺘﺮﺗﺎﺡ ﻟﻤﺎ ﻳﺄﺧﺬ ﻗﺎﺗﻞ ﺃﺑﻮﻱ ﺟﺰﺍﺋﻪ ..
ﺣُﺴﺎﻡ : ﻭﺃﺑﻮﻙ ﺑﻴﻜﻮﻥ ﺭﺍﺿﻲ ﺑﻘﺘﻞ ﺣﺮﻣﻪ ﻟﻬﺎ ﺑﻨﺖ ﻟﺴﻰ ﻣﺎ ﺷﺎﻓﺖ ﻣﻦ ﺍﻟﺪﻧﻴﺎ ﺷﻲﺀ .. ؟ !
ﺑﺪﺭ : ﺍﻟﻤﻬﻢ ﺇﻧﻪ ﺑﻴﺮﺗﺎﺡ ﻓﻲ ﻗﺒﺮﻩ ..
ﺣُﺴﺎﻡ : ﻣﺎﻓﻲ ﺃﺏ ﺑﻴﺮﺗﺎﺡ ﻟﻤﺎ ﺗﺘﻴﺘﻢ ﻃﻔﻠﻪ ﺻﻐﻴﺮﻩ .. ﻫﻮ ﺃﺏ ﻭﻳﻔﻬﻢ ﺷﻌﻮﺭ ﺍﻷﺑﻮﻩ ﺯﻳﻦ ..
ﺑﺪﺭ : ﺍﻟﻌﻴﻦ ﺑﺎﻟﻌﻴﻦ ﻭﺍﻟﺴﻦ ﺑﺎﻟﺴﻦ ﻳﺎ ﺣُﺴﺎﻡ ..
ﺣُﺴﺎﻡ : ﻭﺇﻥ ﺗﻌﻔﻮﺍ ﻭﺗﺼﻔﺤﻮﺍ ﻓﻬﻮ ﺧﻴﺮ ﻟﻜﻢ ..
ﺻﻚ ﺑﺪﺭ ﻋﻠﻰ ﺃﺳﻨﺎﻧﻪ ﻭﻗﺎﻝ : ﺗﻨﺎﺯﻝ ﻣﺎﻧﻲ ﻣﺘﻨﺎﺯﻝ ﻓﻼ ﺗﺤﺎﻭﻝ ﻣﻌﻲ ..
ﺣُﺴﺎﻡ : ﻗﻠﺖ ﻟﻚ ﻣُﺴﺘﻌﺪ ﺃﻭﻓﺮ ﺍﻟﻤﺒﻠﻎ ﺍﻟﻠﻲ ﺗﻄﻠﺒﻮﻩ ..
ﺑﺪﺭ ﺑﺤﺪﻩ : ﻭﻗﻠﺖ ﻟﻚ ﻣﻦ ﻗﺒﻞ ﺇﻥ ﺍﻟﻔﻠﻮﺱ ﻣﺎ ﺑﺘﺮﺟﻊ ﺃﺑﻮﻱ ..
ﺣُﺴﺎﻡ : ﻻ ﺗﻜﻮﻥ ﺃﻧﺎﻧﻲ ..
ﺑﺪﺭ : ﺍﻟﻠﻲ ﻳﻄﺎﻟﺐ ﺑﺎﻟﺤﻖ ﻣﺎﻫﻮ ﺃﻧﺎﻧﻲ ..
ﺣُﺴﺎﻡ : ﻭﺍﻟﻠﻲ ﻳﻴﺘﻢ ﻃﻔﻠﻪ ﻭﺵ ﻳﺘﺴﻤﻰ .. ؟ !
ﺑﺪﺭ : ﺭﺩ ﺩﻳﻦ ﻟﻠﻲ ﺻﻠﺤﺘﻪ ﺃﻣﻬﺎ ﺑﻮﺍﺣﺪ ﻏﻴﺮﻫﺎ ..
ﺣُﺴﺎﻡ : ﻻ ﺗﻄﺎﻟﻊ ﻓﻲ ﺍﻟﻤﻮﺿﻮﻉ ﻣﻦ ﺟﺎﻧﺐ ﻣﻠﺘﻮﻱ ..
ﺑﺪﺭ : ﺍﻟﻄُﺮﻕ ﺍﻟﻤﻠﺘﻮﻳﻪ ﻣﻮﻫﺒﺔ ﺃُﺧﺘﻚ ..
ﺻﻚ ﺣُﺴﺎﻡ ﻋﻠﻰ ﺃﺳﻨﺎﻧﻪ ﺑﻘﻬﺮ ﻭﻭﺩﻩ ﻳﺒﺮﺩ ﺣﺮﺗﻪ ﻟﻜﻨﻪ ﻳﺤﺎﻭﻝ ﻳﺘﻤﺎﺳﻚ ﻗﺪ ﻣﺎ ﻳﻘﺪﺭ ..
ﺃﻫﻢ ﺷﻲﺀ ﻳﺤﻞ ﺍﻟﻤﻮﺿﻮﻉ ﺑﺎﻟﺘﻔﺎﻫﻢ ﻷﻥ ﺍﻟﻬﻮﺍﺵ ﻣﺎ ﺭﺍﺡ ﻳﻔﻴﺪﻩ ﺃﺑﺪ ..
ﺣُﺴﺎﻡ : ﺑﺪﺭ .. ﻣﺎ ﺭﺍﺡ ﺃﺿﻐﻂ ﻋﻠﻴﻚ ﻟﻜﻦ ﺃﺑﻐﺎﻙ ﺗﺠﻠﺲ ﻣﻊ ﻧﻔﺴﻚ ﻭﺗﻔﻜﺮ ﺑﺎﻟﻤﻮﺿﻮﻉ ﻋﺪﻝ .. ﺇﻧﻬﺎﺀ ﺣﻴﺎﺓ ﺇﻧﺴﺎﻥ ﻣﺎﻫﻲ ﺑﺴﻴﻄﻪ ﻟﻬﺎﻟﺪﺭﺟﻪ
.. ﻓﻜﺮ ﻣﻠﻴﻮﻥ ﻣﺮﻩ ﺑﻤﻮﺿﻮﻉ ﺍﻟﺘﻨﺎﺯﻝ .. ﻟﻮ ﺗﻨﺎﺯﻟﺖ ﻓﺮﺍﺡ ﺗﻜﺒﺮ ﺑﻌﻴﻦ ﻧﻔﺴﻚ ﻭﻋﻴﻦ ﺃﻫﻠﻚ ﻭﺗﻜﺒﺮ ﻣﻨﺰﻟﺘﻚ ﻋﻨﺪ ﺭﺑﻚ ..
ﺑﺪﺭ ﺑﻘﻬﺮ : ﻷﻧﻬــﺎ ﺃُﺧﺘﻚ ﺗﺼﻠﺢ ﺍﻟﻤُﺴﺘﺤﻴﻞ ﻋﺸﺎﻥ ﺗﻄﻠﻌﻬﺎ !!.. ﺩﻡ ﺃﺑﻮﻱ ﻣﻮ ﻣﺎﻱ ﻋﺸﺎﻥ ﺃﺗﻨﺎﺯﻝ .. ﻭﺃﻧﺎ ﻣﺎ ﻃﻠﺒﺖ ﺷﻲﺀ ﻏﻠﻂ .. ﻫﺬﺍ
ﺣــﻘـــﻲ !!.. ﺍﻟﺤﻖ ﺑﺼﻔﻲ ﻓﻼ ﺗﺤﺎﻭﻝ ..
ﺳﻜﺖ ﺷﻮﻱ ﺑﻌﺪﻫﺎ ﻗﺎﻝ : ﺍﻟﻠﻪ ﻣﻌﻚ ..
ﻭﻗﻔﻞ ﺍﻟﺒﺎﺏ ..
ﺗﻨﻬﺪ ﺣُﺴﺎﻡ ﻭﻗﻞ ﻟﻨﻔﺴﻪ : ﻣﺎﻓﻲ ﻓﺎﻳﺪﻩ .. ﻭﺍﺿﺢ ﺍﻹﺻﺮﺍﺭ ﺑﻌﻴﻮﻧﻪ .. ﺃﻣﻪ ﻣﺎ ﺭﺿﺖ .. ﻭﺍﻟﻮﻟﺪ ﻛﻤﺎﻥ ﻣﻮ ﺭﺍﺿﻲ .. ﻣﻴﻦ ﺑﺎﻗﻲ ﺃﻗﻨﻌﻪ .. ؟ !
ﻟﻒ ﻭﺇﺗﺠﻪ ﻟﻠﺴﻴﺎﺭﻩ .. ﺭﻛﺒﻬﺎ ﻭﺑﻌﺪﻫﺎ ﺷﻐﻞ ﺍﻟﻤُﻜﻴﻒ ﻭﺇﺳﺘﺮﺧﻰ ﺑﺠﻠﺴﺘﻪ ..
ﻭﻣﻊ ﻋُﻤﻖ ﺍﻟﺘﻔﻜﻴﺮ ﻭﺇﺭﻫﺎﻕ ﺍﻟﻴﻮﻡ ﺍﻟﺪﺭﺍﺳﻲ .. ﻧﺎﻡ ..
▓▒ •✖× ×✖•◄︿︿︿︿︿︿︿︿︿︿︿︿► ▒▓
ﺍﻟﺴﺎﻋﻪ ﺧﻤﺴﻪ ﺍﻟﻌﺼﺮ ..
ﻭﻓﻲ ﻗﺼﺮ ﺃﻡ ﺃُﺳﺎﻣﻪ ..
ﻛﺎﻥ ﺃُﺳﺎﻣﻪ ﻣﺴﺘﺮﺧﻲ ﻋﺎﻟﻜﻨﺒﻪ ﻭﺑﺈﻳﺪﻩ ﺍﻵﻳﺒﺎﺩ ﺣﻘﻪ ﻳﻘﻠﺐ ﻓﻴﻪ ..
ﻳﻘﻠﺐ ﻓﻲ ﺣﺴﺎﺑﺎﺗﻪ .. ﺣﺴﺎﺑﺎﺕ ﺛﺎﻧﻴﻪ ﺷﺪﺗﻪ ﻭﻣﺎ ﺇﻟﻰ ﺫﻟﻚ ..
ﺗﻨﻬﺪ ﻟﻤﺎ ﻃﺎﺣﺖ ﻋﺒﻮﻧﻪ ﻋﻠﻰ ﺣﺴﺎﺏ ﺗﺮﻑ .. ﺫﻱ ﺍﻟﺒﻨﺖ ﻣﺎ ﺃﻇﻬﺮﺕ ﺃﻱ ﺭﺩﺕ ﻓﻌﻞ ..
ﻓﺘﺢ ﺣﺴﺎﺑﻬﺎ ﺍﻟﻠﻲ ﺑﺎﻹﻧﺴﺘﺎ ﻭﻗﻠﺐ ﻓﻲ ﺍﻟﺼﻮﺭ ﻭﻫﻮ ﻳﻘﻮﻝ : ﻣﻌﻘﻮﻟﻪ ﺗﻜﻮﻥ ﻣﻮ ﻋﺎﺭﻓﻪ .. ؟ ! ﻣﺮ ﻛﻢ ﻳﻮﻡ ﻋﻠﻰ ﺗﻬﻜﻴﺮﻱ ﻟﻪ ..
ﻋﻘﺪ ﺣﻮﺍﺟﺒﻪ ﻭﻫﻮ ﻳﺸﻮﻑ ﺁﺧﺮ ﺗﺤﺪﻳﺚ ﻟﻬﺎ .. ﻛﺎﻧﺖ ﺍﻟﺼﻮﺭﻩ ﻏﺮﻳﺒﻪ ﻭﺍﻷﻏﺮﺏ ﻫﻮ ﺍﻟﻤﻮﻗﻊ ﺍﻟﺠُﻐﺮﺍﻓﻲ ﻟﻠﺼﻮﺭﻩ ..
ﺇﻧﺪﻧﻮﺳﻴﺎ .. ﺑﺎﻧﺪﻭﻧﻖ !!..
ﺭﺍﺡ ﻟﻠﺼﻮﺭ ﺍﻟﻠﻲ ﻗﺒﻠﻬﺎ ﻓﺤﺼّﻞ ﺳﺒﻊ ﺻﻮﺭ ﻛﻠﻬﺎ ﻟﻬﺎ ﻧﻔﺲ ﺍﻟﻤﻮﻗﻊ ﺗﻘﺮﻳﺒﺎً ..
ﻛﻠﻬﺎ ﺑﺈﻧﺪﻧﻮﺳﻴﺎ ﺑﻴﻨﻤﺎ ﺍﻟﺼﻮﺭ ﺍﻟﻲ ﻗﺒﻠﻬﺎ ﻛﺎﻧﺖ ﺑﺄﻣﺎﻛﻦ ﻣُﺘﻔﺮﻗﻪ ﻣﻦ ﺟﺪﻩ ..
ﺭﻓﻊ ﺣﺎﺟﺒﻪ ﻳﻘﻮﻝ : ﺍﻟﺒﻨﺖ ﻣﺴﺎﻓﺮﻩ ﺇﻧﺪﻧﻮﺳﻴﺎ .. ﻣﻌﻨﺎﺗﻪ ﺍﻟﻠﻲ ﺭﺩﺕ ﻋﻠﻲّ ﺁﺧﺮ ﻣﺮﻩ ﻫﻲ ﻭﺣﺪﻩ ﺗﻌﺮﻓﻬﺎ ﺑﺈﻧﺪﻧﻮﺳﻴﺎ .. ﻋﺸﺎﻥ ﻛِﺬﺍ ﻣﺎ ﻗﺪﺭﺕ
ﺃﻓﻬﻢ ﻟﻐﺘﻬﺎ ..
ﺇﺑﺘﺴﻢ ﻳﻘﻮﻝ : ﺇﻧﺪﻧﻮﺳﻴﺎ !!.. ﺑﺎ

ﻳﻦ ﺇﻧﻬﺎ ﺭﺍﻋﻴﺔ ﺳﻔﺮﺍﺕ ..
ﻋﻘﺪ ﺣﻮﺍﺟﺒﻪ ﻭﻛﻤﻞ : ﺃﻭ ﻳﻤﻜﻦ ﺗﺰﻭﺟﺖ ﻭﺳﻔﺮﻫﺎ ﺯﻭﺟﻬﺎ ﻹﻧﺪﻧﻮﺳﻴﺎ .. ﺑﺲ ﻣﺎ ﺃﺿﻦ .. ﺣﺴﺐ ﺍﻟﺼﻮﺭ ﺍﻟﻠﻲ ﺃﺷﻮﻓﻬﺎ ﻓﻬﻲ ﺗﻨﺰﻝ ﻛﻞ ﺷﻲﺀ
ﻳﺼﻴﺮ ﻣﻌﻬﺎ .. ﻟﻮ ﺗﺰﻭﺟﺖ ﻛﺎﻥ ﻋﺮﻓﺖ ..
ﻗﻔﻞ ﺍﻟﺤﺴﺎﺏ ﻭﺗﺮﻙ ﺍﻵﻳﺒﺎﺩ ﺟﻨﺒﻪ ﻭﺗﻨﻬﺪ ﻭﻫﻮ ﺣﺎﺱ ﺑﻤﻠﻞ ..
ﺇﺗﺴﻢ ﻟﻤﺎ ﺷﺎﻑ ﺃﻣﻪ ﺟﺎﻳﻪ ﻟﻨﺎﺣﻴﺘﻪ ﻓﻘﺎﻝ : ﻳﺎ ﻫﻼ ﺑﺄﻡ ﺃُﺳﺎﻣﻪ ..
ﺟﻠﺴﺖ ﺃﻣﻪ ﺟﻨﺒﻪ ﺗﻘﻮﻝ ﺑﻘﻠﻖ : ﺃُﺳﺎﻣﻪ ﺣﺒﻴﺒﻲ ﺭﻭﺡ ﺩﻭﺭ ﻋﻠﻰ ﺃﺧﻮﻙ .. ﻣﻦ ﺃﻣﺲ ﻭﻫﻮ ﺑﺮﻯ ﺍﻟﺒﻴﺖ .. ﻗﻠﺒﻲ ﺣﺎﺭﻗﻨﻲ ﻋﻠﻴﻪ ..
ﻣﻴﻞ ﺃُﺳﺎﻣﻪ ﺷﻔﺘﻪ ﻳﻘﻮﻝ : ﻭﻳﻦ ﺑﻴﻜﻮﻥ ﻳﻌﻨﻲ .. ﺃﻛﻴﺪ ﻋﻨﺪ ﺻﺎﺣﺒﻪ ..
ﺍﻷﻡ : ﺣﺘﻰ ﻟﻮ ﻛﺎﻥ ﻋﻨﺪ ﺻﺎﺣﺒﻪ ﻓﻬﻮ ﻋﻤﺮﻩ ﻣﺎ ﻗﻔﻞ ﺍﻟﺠﻮﺍﻝ ﻭﺧﺼﻮﺻﺎً ﻟﻮ ﻛﺎﻥ ﺑﻴﻄﻮﻝ ﻋﻨﺪﻩ .. ﺣﺒﻴﺒﻲ ﺃُﺳﺎﻣﻪ ﺭﻭﺡ ﺩﻭﺭ ﻋﻨﻪ .. ﻫﺎﻟﻤﺮﻩ
ﺃﺧﺬ ﺍﻟﺴﻴﺎﺭﻩ .. ﺃﺧﺎﻑ ﻳﺼﻠﺢ ﺣﺎﺩﺙ ﻣﺜﻞ ﺃﺧﺮ ﻣﺮﻩ .. ﺃﻧﺖ ﺗﺪﺭﻱ ﺇﻥ ﻧﻈﺮﻩ ﺿﻌﻴﻒ ﺑﺎﻟﻠﻴﻞ ..
ﺃﺧﺬ ﺃُﺳﺎﻣﻪ ﺍﻵﻳﺒﺎﺩ ﺣﻘﻪ ﻳﻘﻮﻝ : ﺃﻣﻲ ﺫﺑﺤﺘﻴﻨﻲ ﺑﺬﺍ ﺍﻟﻜِﺮﺍﺭ .. ﺧﻮﻓﻚ ﻋﻠﻴﻪ ﺯﺍﻳﺪ ﻋﻦ ﺣﺪﻩ .. ﺃُﺳﺎﻣﻪ ﺩﻭﺭ ﻋﻠﻰ ﺗﺆﺍﻣﻪ !.. ﺃُﺳﺎﻣﻪ ﺃﻧﺎ ﺧﺎﻳﻔﻪ
ﻋﻠﻴﻪ !.. ﺃُﺳﺎﻣﻪ ﻗﻢ ﺩﻭﺭ ﻋﻨﻪ !.. ﺻﺮﺕ ﺍﻟﺒﻮﺭﺩﻱ ﻗﺎﺭﺩ ﺣﻘﻪ ..
ﻋﻘﺪﺕ ﺃﻣﻪ ﺣﺎﺟﺒﻬﺎ ﺗﻘﻮﻝ : ﺃﺿﻦ ﺇﻧﻪ ﺃﺧﻮﻙ ﺍﻟﺼﻐﻴﺮ .. ﻭﺍﻟﻤﻔﺮﻭﺽ ﻣﻦ ﻏﻴﺮ ﻻ ﺃﻗﻮﻟﻚ ﺃﻧﺖ ﺑﻨﻔﺴﻚ ﺗﺘﺤﺮﻙ ﺗﺸﻮﻑ ﻟﻤﻮﺿﻮﻋﻪ .. ﻋﻠﻰ
ﺍﻟﻌﻤﻮﻡ ﻣﻮﺿﻮﻉ ﺗﺆﺍﻣﻪ ﺇﻧﺴﺎﻩ .. ﺧﺎﻟﻚ ﻗﺎﻝ ﺇﻧﻪ ﺑﻴﺘﺼﺮﻑ .. ﻭﺍﻟﻠﺤﻴﻦ ﺩﻭﺭ ﻋﻠﻰ ﺃﺧﻮﻙ ..
ﺭﻓﻊ ﻋﻴﻮﻧﻪ ﻣﻦ ﺍﻵﻳﺒﺎﺩ ﻳﻘﻮﻝ : ﻣﻦ ﺟﺪﻙ ﺗﺘﻜﻠﻤﻲ .. ؟ ! ﻭﺷﻮ ﺍﻟﻠﻲ ﺩﻭﺭ ﻋﻠﻴﻪ .. ؟ ! ﻋﻠﻰ ﺃﺳﺎﺱ ﺇﻧﻨﺎ ﻋﺎﻳﺸﻴﻦ ﺑﻤﻨﻄﻘﻪ ﺻﻐﻴﺮﻩ !!.. ﻫﺬﻩ ﺟِﺪﻩ
ﻳﺎ ﺃﻣﻲ .. ﻭﺇﻧﺘﻲ ﻋﺎﺭﻓﻪ ﻗﺪ ﺇﻳﺶ ﺟِﺪﻩ ﻛﺒﻴﺮﻩ .. ﺗﺒﻐﻴﻨﻲ ﺃﻟﻔﻠﻒ ﺍﻟﺸﻮﺍﺭﻉ ﺃﻧﺎﺩﻱ ﻋﻠﻴﻪ .. ؟ ! ﺗﻤﺰﻳﺤﻴـــــﻦ !!..
ﺍﻷﻡ : ﻋﻠﻰ ﺍﻷﻗﻞ ﺭﻭﺡ ﺩﻭﺭ ﻋﻠﻴﻪ ﺑﺒﻴﺖ ﺻﺎﺣﺒﻪ ..
ﺃُﺳﺎﻣﻪ : ﺇﺫﺍ ﺇﻧﺘﻲ ﺍﻟﻤُﻬﺘﻤﻪ ﺑﻜِﺮﺍﺭ ﻣﻮ ﻋﺎﺭﻓﻪ ﻭﻳﻦ ﺑﻴﺖ ﺻﺎﺣﺒﻪ ﻓﻜﻴﻒ ﺃﻧﺎ ﺃﻋﺮﻑ !!.. ﺗﺮﻯ ﺣﺪﻧﺎ ﻧﻌﺮﻑ ﺇﻥ ﺃﺳﻤﻪ ﺳﺎﻣﺮ ..
ﻃﺎﻟﻌﺖ ﺍﻷﻡ ﻓﻴﻪ ﻟﻔﺘﺮﻩ ﺑﻌﺪﻫﺎ ﻗﺎﻣﺖ ﻭﺭﺍﺣﺖ ﻓﺮﻓﻊ ﺻﻮﺗﻪ ﻳﻘﻮﻝ : ﺃﻡ ﺃُﺳﺎﻣﻪ ﻻ ﺗﺸﻴﻠﻲ ﺑﺨﺎﻃﺮﻙ ﻋﻠﻲّ .. ﻛﻠﻤﺘﻚ ﺑﺎﻟﺸﻲﺀ ﺍﻟﻤﻨﻄﻘﻲ ..
ﺇﺗﺠﻬﺖ ﻟﻠﺪﺭﺝ ﻭﻃﻠﻌﺘﻪ ﻭﻟﻤﺎ ﻟﻔﺖ ﺑﺘﺮﻭﺡ ﻟﺠﻨﺎﺣﻬﺎ ﺷﺎﻓﺖ ﺁﻧﺠﻲ ﻣﺎﺷﻴﻪ ﻭﻫﻲ ﻻﺑﺴﻪ ﻋﺒﺎﺗﻬﺎ ﻭﻣﺘﻜﺸﺨﻪ ..
ﺍﻷﻡ : ﺁﻧﺠﻲ .. ﻋﻠﻰ ﻭﻳﻦ .. ؟ !
ﺁﻧﺠﻲ : ﺁﻩ ﺭﺍﻳﺤﻪ ﻟﻌﺰﺍ ﻭﺣﺪﻩ ﻣﻦ ﻗﺮﺍﻳﺐ ﺩﻳﻠﻲ ..
ﻋﻘﺪﺕ ﺍﻷﻡ ﺣﺎﺑﻬﺎ ﺗﻘﻮﻝ : ﺻﺎﻳﺮﻩ ﻫﺎﻷﻳﺎﻡ ﺗﺮﻭﺣﻲ ﻟﻤُﻨﺎﺳﺒﺎﺕ ﺯﻣﻴﻠﺘﻚ ﻛﺜﻴﺮ .. ﺣﺘﻰ ﺍﻟﻌﺰﺍ ﻛﻤﺎﻥ ..
ﺁﻧﺠﻲ ﺑﻬﺪﻭﺀ : ﺃﻧﺎ ﻗﻠﺖ ﻟﻬﺎ ﺃﻱ ﻣُﻨﺎﺳﺒﻪ ﻋﻨﺪﻛﻢ ﺇﻋﺰﻣﻴﻨﻲ ﻋﻠﻴﻬﺎ ..
ﺇﺳﺘﻐﺮﺑﺖ ﺍﻷﻡ ﻣﻦ ﻛﻼﻡ ﺑﻨﺘﻬﺎ .. ﻣﻦ ﻣﺘﻰ ﺁﻧﺠﻲ ﺗﺮﻣﻲ ﻧﻔﺴﻬﺎ ﻋﺎﻟﻤُﻨﺎﺳﺒﺎﺕ ﻛِﺬﺍ .. ؟ !
ﺑﺎﻟﻌﺎﺩﻩ ﻣﺎ ﺗﺮﻭﺡ ﺇﻻ ﺑﺪﻋﻮﻩ ﺧﺎﺻﻪ ﺃﻭ ﺑﻌﺪ ﻛﻢ ﻣﺮﻩ ﺭﻓﺾ ..
ﺇﺗﺠﻬﺖ ﺁﻧﺠﻲ ﻟﻠﻤﺼﻌﺪ ﺗﻨﺰﻝ ﻣﻨﻪ ﺑﺲ ﻭﻗﻔﺖ ﻓﺘﺮﻩ ﺑﻤﻜﺎﻧﻬﺎ ﻭﻟﻔﺖ ﻋﻠﻰ ﺃﻣﻬﺎ ﺗﻘﻮﻝ : ﻣﺎﻡ ..
ﺍﻷﻡ : ﻫﻼ ..
ﺁﻧﺠﻲ : ﺷﻔﺘﻚ ﻗﺒﻞ ﺷﻮﻱ ﻭﺇﻧﺘﻲ ﻃﺎﻟﻌﻪ ﻣﻦ ﺍﻟﺪﺭﺝ .. ﺃﻣﻨﻴﺘﻲ ﺃﺷﻮﻓﻚ ﻣﺮﻩ ﻃﺎﻟﻌﻪ ﻣﻦ ﺍﻟﻤﺼﻌﺪ .. ﺗﺮﺍﻩ ﻣﻮ ﻣﻮﺟﻮﺩ ﻓﻲ ﺑﻴﺘﻨﺎ ﻛﺰﻳﻨﻪ ..
ﺇﺑﺘﺴﻤﺖ ﺃﻣﻬﺎ ﺗﻘﻮﻝ : ﺗﻌﻮﺩﺕ ..
ﻇﻬﺮ ﺍﻹﻧﺰﻋﺎﺝ ﻋﻠﻰ ﻭﺟﻪ ﺁﻧﺠﻲ ﻭﺇﺗﺠﻬﺖ ﻟﻠﻤﺼﻌﺪ ﻭﻫﻲ ﺗﻘﻮﻝ : ﺗﻌﻮﺩﺗﻲ ﺑﺴﺒﺐ ﻣﻴﻦ .. ؟ ! ﺑﺴﺒﺐ ﺫﺍﻙ ﺍﻟﻤﺪﻟﻊ ﺍﻟﻠﻲ ﻣﺎ ﺯﺍﻝ ﻳﻌﺎﻧﻲ ﺭﻫﺎﺏ
ﺍﻟﻤﺼﺎﻋﺪ ..
ﺇﻛﺘﻔﺖ ﺍﻷﻡ ﺑﺎﻹﺑﺘﺴﺎﻣﻪ ﻭﺁﻧﺠﻲ ﻧﺰﻟﺖ ﻟﺘﺤﺖ ﻭﻃﻠﻌﺖ ﻣﻦ ﺍﻟﻘﺼﺮ ..
ﻟﻔﺖ ﺑﻌﻴﻮﻧﻬﺎ ﻭﺇﻧﺰﻋﺠﺖ ﻟﻤﺎ ﻣﺎ ﺷﺎﻓﺖ ﺳﻴﺎﺭﺓ ﺍﻟﺴﻮﺍﻕ ﺣﻘﻬﺎ .. ﻭﻳﻦ ﺭﺍﺡ .. ؟ !
ﻋﻘﺪﺕ ﺣﺎﺟﺒﻬﺎ ﻭﻫﻲ ﺗﺸﻮﻑ ﺍﻟﺴﻌﻮﺩﻱ ﺍﻟﻤﻨﺘﻒ ﻭﺍﻗﻒ ﺑﻨﺺ ﺍﻟﺤﺪﻳﻘﺔ ﻭﺭﺍﻓﻊ ﺭﺍﺳﻪ ﻳﻄﺎﻟﻊ ﻓﻲ ﺍﻟﻘﺼﺮ ..
ﺗﻘﺪﻣﺖ ﺣﺘﻰ ﻭﺻﻠﺖ ﻟﻠﺤﺎﺟﺰ ﺍﻟﻔﺎﺻﻞ ﻭﻗﺎﻟﺖ : ﻫﻴﻪ ﺇﻧﺖ !!..
ﻟﻒ ﻗُﺼﻲ ﻋﻠﻴﻬﺎ ﻭﻣﻴﻞ ﺷﻔﺘﻪ ﻟﻤﺎ ﺷﺎﻑ ﺇﻧﻬﺎ ﺫﻳﻚ ﺍﻟﺒﻨﺖ ﺍﻟﻤﻐﺮﻭﺭﻩ ..
ﺗﻨﻬﺪ ﻭﻗﺎﻝ : ﻧﻌﻢ ..
ﺁﻧﺠﻲ ﻭﺑﻨﺒﺮﺓ ﻗﺮﻑ : ﺭﻭﺡ ﻧﺎﺩ ﻟﻲ ﺍﻟﺴﻮﺍﻕ ﻣﺤﻤﺪ .. > ﺳﻮﺍﻕ ﻣﻦ ﺃﺻﻮﻝ ﺑﻨﻘﻼﺩﻳﺸﻴﻪ ﺃﺳﻠﻢ ﻭﻏﻴﺮ ﺃﺳﻤﻪ <
ﺭﻓﻊ ﺣﺎﺟﺒﻪ ﻣﻦ ﻧﺒﺮﺗﻬﺎ ﺑﻌﺪﻫﺎ ﻟﻒ ﻳﻜﻤﻞ ﺷﻐﻠﻪ ﻳﻘﻮﻝ : ﺃﻧﺎ ﻫﻨﺎ ﻣُﺰﺍﺭﻉ ﻣﻮ ﺧﺪﺍﻡ ﺗﺤﺖ ﺇﻳﺪﻙ ..
ﺇﺗﺴﻌﺖ ﻋﻴﻨﻬﺎ ﺑﺪﻫﺸﻪ ﺗﻘﻮﻝ : ﺷﻒ ﺷﻒ ﺫﺍ ﺷﻴﻘﻮﻝ .. ؟ ! ﻫﻴــﻪ ﺇﻧﺖ .. ؟ ! ﺇﺣﻨﺎ ﻧﻌﻄﻴﻚ ﺭﺍﺗﺐ ﻋﻠﻰ ﺇﻳﺶ .. ؟ ! ﺑﺴﺮﻋﻪ ﺭﻭﺡ ﻧﺎﺩﻩ ﻟﻲ ..
ﺗﺤﺮﻙ ..
ﻭﻗﻒ ﻗﺼﻲ ﺷﻐﻠﻪ ﻭﻫﻮ ﻳﻔﻜﺮ .. ﺇﺑﺘﺴﻢ ﻟﻤﺎ ﻗﺮﺭ ﻳﻠﻌﺐ ﻣﻌﻬﺎ ﺷﻮﻱ ..
ﻟﻒ ﻋﻠﻴﻬﺎ ﻳﻘﻮﻝ : ﺃﻧﺎﺩﻱ ﻣﺤﻤﺪ ..
ﺁﻧﺠﻲ ﺑﺈﺳﺘﻬﺰﺍﺀ : ﻻ ﺭﺍﺟﺎ ..
ﻗُﺼﻲ : ﺭﺍﺟﺎ ﻃﻠﻊ ﻣﻦ ﺳﺎﻋﻪ ..
ﻣﻄﺖ ﺷﻔﺘﻬﺎ ﺗﻘﻮﻝ : ﻻ ﺗﺴﺘﻬﺒﻞ !!.. ﺭﻭﺡ ﻧﺎﺩ ﻟﻲ ﻣﺤﻤﺪ ﺑﺴﺮﻋﻪ .. ﻣﻮ ﻓﺎﺿﻴﻪ ﻟﻚ ..
ﻗُﺼﻲ : ﻃﻴﺐ .. ﺑﺲ ﺍﻟﻠﻲ ﺃﻋﺮﻓﻪ ﺇﻥ ﻣﺤﻤﺪ ﺧﺎﺹ ﻟﺘﻮﺻﻴﻞ ﺃُﻣﻚ ﻭﻛِﺮﺍﺭ ﻭﺣﻼ .. ﺇﺫﺍ ﺍﻟﺴﻮﺍﻕ ﺍﻟﺨﺎﺹ ﻓﻴﻚ ﻣﻮ ﻣﻮﺟﻮﺩ ﺇﻧﺘﻈﺮﻳﻪ ..
ﺗﻨﺮﻓﺰﺕ ﺁﻧﺠﻲ ﻭﻗﺎﻟﺖ ﺑﺤﺪﻩ : ﻗﻠﺖ ﻟﻚ ﺭﻭﺡ ﻧﺎﺩﻩ ﻭﺇﻧﺖ ﻣﻨﻜﺘﻢ .. ﺗﺤﺮﻙ ..
ﺭﻓﻊ ﺣﺎﺟﺒﻪ .. ﻓﻌﻼً ﺍﻟﺒﻨﺖ ﻭﻗﺤﻪ ﻟﺪﺭﺟﻪ ﻛﺒﻴﺮ ..
ﺧﻼﺹ .. ﺑﻄﻞ ﻳﺴﺘﻬﺒﻞ ..
ﻟﻒ ﻭﻛﻤﻞ ﺷﻐﻠﻪ ﻭﻃﻨﺸﻬﺎ ..
ﻓﺘﺤﺖ ﻋﻴﻮﻧﻬﺎ ﺑﺪﻫﺸﻪ ﻭﻗﺎﻟﺖ : ﺇﻧﺖ ﻫﻴﻪ !!.. ﺃﻧﺎ ﺷﻘﻠﺖ ﻟﻚ .. ؟ !
ﻗﺼﻲ ﺑﻼ ﻣُﺒﺎﻻﻩ : ﻋﻨﺪﻙ ﺭﺟﻞ ..
ﻋﻀﺖ ﻋﻠﻰ ﺷﻔﺘﻬﺎ ﺑﻌﺪﻫﺎ ﻗﺎﻟﺖ : ﻣﺎﺷﻲ .. ﺣﺄﻋﺮﻑ ﻛﻴﻒ ﺃﻃﺮﺩﻙ ﻣﻦ ﻫﻨﺎ ﺑﻄﺮﻳﻘﺘﻲ .. ﻭﺩﻉ ﺍﻟﻤﻜﺎﻥ ﻳﺎ ﺑﺎﺑﺎ ﻣﺎﺷﻲ ..
ﺑﻌﺪﻫﺎ ﻟﻔﺖ ﻭﻃﻠﻌﺖ ﺑﺮﻯ ﺍﻟﻘﺼﺮ ﻛﻠﻪ ﺗﺄﺧﺬ ﻟﻬﺎ ﺗﺎﻛﺴﻲ ..
ﺭﻓﻊ ﺣﺎﺟﺒﻪ ﻭﻗﺎﻝ : ﻳﺎ ﺫﻱ ﺍﻟﻌﻴﻠﻪ ﻋﻠﻴﻬﻢ ﻏﺮﻭﺭ ﻣﻮ ﻃﺒﻴﻌﻲ .. ﺷﻒ ﺣﺘﻰ ﻗﺮﺭﺕ ﺗﺮﻭﺡ ﺑﺘﺎﻛﺴﻲ ﻭﻻ ﺇﻧﻬﺎ ﺗﺮﻭﺡ ﺗﻨﺎﺩﻱ ﺍﻟﺴﻮﺍﻕ ﺑﻨﻔﺴﻬﺎ ..
ﺗﻨﻬﺪ ﻭﻛﻤﻞ ﺷﻐﻠﻪ ﻳﻘﻮﻝ : ﺗﻘﻮﻝ ﺇﻧﻬﺎ ﺑﺘﻄﺮﺩﻧﻲ .. ﻣﺪﺭﻱ ﺇﻥ ﻛﺎﻧﺖ ﺟﺎﺩﻩ ﻭﻻ ﻻ .. ﻗﺒﻞ ﻛِﺬﺍ ﻗﺎﻟﺖ ﺑﺘﻄﺮﺩﻧﻲ ﻭﻣﺎ ﺷﻔﺖ ﺷﻲﺀ .. ﺍﻟﻤﻬﻢ
ﺃﺗﻤﻨﻰ ﻣﺎ ﺗﻜﻮﻥ ﺟﺎﺩﻩ

📚__💜__(♻️)__💜__📚
@ahgeel #عالم_القصص_والروايات
@hkauat #الارشيـــف
📚___💜____💜___📚

ﺍﻟﺴﺎﻋﻪ 8 ﺍﻟﻌﺸﺎﺀ ..
ﺗﻨﻬﺪ ﺑﺘﻌﺐ ﺃﻭﻝ ﻣﺎ ﻭﺻﻞ ﻟﻠﺸﻘﻪ ﺍﻟﻤﺘﻮﺍﺟﺪﻩ ﻓﻲ ﺍﻟﺪﻭﺭ ﺍﻟﺨﺎﻣﺲ ..
ﻟﻮ ﺍﻟﻤﺼﻌﺪ ﺣﻖ ﺍﻟﻌﻤﺎﺭﻩ ﻣﻮ ﺧﺮﺑﺎﻥ ﻛﺎﻥ ﻣﺎ ﺇﺳﺘﻬﻠﻚ ﻛﻞ ﻫﺬﺍ ﺍﻟﺠﻬﺪ ﻓﻲ ﻃﻠﻮﻉ ﺍﻟﺪﺭﺝ ..
ﺩﻕ ﺟﺮﺱ ﺍﻟﺸﻘﻪ ﻭﺑﻌﺪ ﺛﻮﺍﻧﻲ ﺟﺎﻩ ﺻﻮﺕ ﺑﻨﺖ ﺗﻘﻮﻝ : ﻣﻴﻦ

.. ؟ !
ﺣﺲ ﺑﺎﻟﻀﻴﻘﻪ .. ﻛﺎﻥ ﻭﺍﺿﺢ ﺇﻥ ﺍﻟﺒﻨﺖ ﻣﻨﻌﻤﻪ ﺻﻮﺗﻬﺎ ﺑﺎﻟﻌﻤﺪ ﻓﻘﺎﻝ : ﻣﻮﺻﻞ ﻃﻠﺒﺎﺕ ..
ﻓﺘﺤﺖ ﺷﻮﻱ ﻣﻦ ﺍﻟﺒﺎﺏ ﻓﻄﻠﻌﺖ ﻟﻪ ﺭﻳﺤﺔ ﺍﻟﻌﻄﺮ ﺍﻟﻠﻲ ﺻﺮﻋﺘﻪ ﻭﺃﻭﻝ ﻣﺎ ﻛﺎﻥ ﺑﻴﺘﻜﻠﻢ ﺳﻤﻌﻬﺎ ﺗﻘﻮﻝ : ﺑﻨﺎﺕ ﺑﻨﺎﺕ ﺍﻟﻌﺸﺎﺀ ﻭﺻﻞ ﻭﺻﻞ ..
ﻭﺑﻌﺪﻫﺎ ﺗﻌﺎﻟﺖ ﺃﺻﻮﺍﺕ ﺻﺮﺍﺥ ﺍﻟﺒﻨﺎﺕ ﻣﻦ ﺩﺍﺧﻞ ﻭﺃﻧﻮﺍﻉ ﺍﻟﻬﺒﻞ ﻭﺍﻟﻬﺠﻮﻡ ﻭﺍﻟﻀﺤﻚ ..
ﻛﺎﻥ ﻭﺍﺿﺢ ﺇﻧﻬﺎ ﺟﻤﻌﺔ ﺻﺪﻳﻘﺎﺕ ..
ﺑﻌﺪ ﻛﻢ ﺧﻄﻮﻩ ﻋﻦ ﺍﻟﺒﺎﺏ ﻭﻫﻮ ﻻﻑ ﻭﺟﻬﻪ ﻭﻳﺴﺘﻐﻔﺮ ..
ﻣﺪﺕ ﺍﻟﺒﻨﺖ ﺇﻳﺪﻫﺎ ﺗﻘﻮﻝ : ﻣﻴﺮﺳﻲ .. ﻫﺎﺕ ﺍﻟﻄﻠﺒﺎﺕ ..
ﻣﻮﺻﻞ ﺍﻟﻄﻠﺒﺎﺕ ﻭﺍﻟﻠﻲ ﻛﺎﻥ ﻧﻔﺴﻪ ﺟﻬﺎﺩ ﻗﺎﻝ ﻣﻦ ﺩﻭﻥ ﻻ ﻳﻠﻒ : ﺍﻟﻔﻠﻮﺱ ﺃﻭﻝ ﺷﻲﺀ ..
ﻣﻴﻠﺖ ﻓﻤﻬﺎ ﺑﻌﺪﻫﺎ ﻟﻔﺖ ﻋﻠﻰ ﺻﺎﺣﺒﺎﺗﻬﺎ ﺍﻟﺨﻤﺲ ﺗﻘﻮﻝ : ﺑﻨﺎﺕ ﻳﺎﻟﻼ ﻭﻳﻦ ﻗﻄﺘﻜﻢ .. ؟ !
ﻭﺣﺪﻩ ﻣﻦ ﺍﻟﺒﻨﺎﺕ : ﻫﻴﻪ ﻫﻴﻪ ﺳﻤﻌﺘﻮﺍ ﺍﻟﺼﻮﺕ .. ؟ ! ﺷﻜﻠﻪ ﺳﻌﻮﺩﻱ ..
ﺑﻨﺖ ﺛﺎﻧﻴﻪ : ﺃﻭﻭﻭﻩ ﺟﺪ .. ﺧﻠﻮﻧﺎ ﻧﺸﻮﻓﻪ ..
ﺍﻟﺜﺎﻟﺜﻪ : ﻃﻔﻲ ﻃﻔﻲ ﺍﻟﻠﻤﺒﻪ ﻋﺸﺎﻥ ﻻ ﻳﺸﻮﻓﻨﺎ ..
ﻭﺑﻌﺪﻫﺎ ﺳﻤﻊ ﺻﻮﺕ ﺍﻟﺒﺎﺏ ﻳﻨﻔﺘﺢ ﺷﻮﻱ ..
ﻭﺣﺪﻩ ﻣﻦ ﺍﻟﺒﻨﺎﺕ : ﺧﻒ ﻋﻠﻴﻨﺎ ﻳﺎ ﺣﻠﻮ .. ﻃﻴﺐ ﻟﻒ ﻋﺸﺎﻥ ﻧﺸﻮﻑ ﺍﻟﺨﺸﻪ ..
ﺍﻟﺜﺎﻧﻴﻪ : ﻳﺎ ﺣﻠﻴﻠﻪ .. ﻻ ﻳﻜﻮﻥ ﻣﺴﺘﺤﻲ .. ؟ !
ﺍﻟﺜﺎﻟﺜﻪ : ﺳﻌﻮﺩﻱ ﻭﻳﺴﺘﺤﻲ .. ؟ ! ﻛﺜﺮﻱ ﻣﻨﻬﺎ ..
ﺍﻟﺮﺍﺑﻌﻪ : ﻫﻬﻬﻬﻬﻬﻬﻬﻬﻬﻬﻬﻬﻪ ﻃﻴﺐ ﺧﻠﻮﻧﺎ ﻧﻘﻂ ﻣُﻤﻜﻦ ﺣﻀﺮﺓ ﺻﺎﺣﺐ ﺍﻟﺴﻤﻮ ﻳﻠﻒ ﻭﻳﺪﻳﻨﺎ ﻭﺟﻪ ..
ﺍﻟﺨﺎﻣﺴﻪ : ﺃﻭﻛﻲ ﺟﻤﻌﻮﺍ ﻓﻠﻮﺳﻜﻢ ..
ﻭﺑﺪﺃ ﻳﺴﻤﻌﻬﻢ ﻭﻫﻢ ﻳﺠﻤﻌﻮﺍ ﻭﻫﻮ ﻳﺤﺎﻭﻝ ﻗﺪ ﻣﺎ ﻳﻘﺪﺭ ﻳﻤﺴﻚ ﺃﻋﺼﺎﺑﻪ ..
ﻧﺮﻓﺰﻭﻩ ﺍﻟﺒﻨﺎﺕ ﺑﺸﻜﻞ ﻛﺒﻴﺮ ..
ﻭﻗﺤﺎﺕ ﻭﻳﺘﻤﻨﻰ ﺑﻬﺎﻟﻠﺤﻀﻪ ﻳﻜﻮﻥ ﻭﻟﻲ ﺃﻣﺮﻫﻢ ﺑﺲ ﻋﺸﺎﻥ ﻳﻘﺪﺭ ﻳﺄﺩﺑﻬﻢ ﻭﺣﺪﻩ ﻭﺭﻯ ﺍﻟﺜﺎﻧﻴﻪ ..
ﻃﻮﻝ ﻓﺘﺮﺓ ﺷﻐﻠﻪ ﻭﻫﻮ ﻳﻘﺎﺑﻞ ﻳﻮﻣﻴﺎً ﺃﺷﻜﺎﻝ ﻭﺃﻧﻮﺍﻉ ﻣﻦ ﺍﻟﺒﺸﺮ .. ﻟﻜﻦ ﻫﺎﻟﻤﺮﻩ ﺍﻟﻤُﻮﺿﻮﻉ ﻣُﺴﺘﻔﺰ ﺑﺸﻜﻞ ﻛﺒﻴﺮ ..
ﻭﺣﺪﻩ ﻣﻦ ﺍﻟﺒﻨﺎﺕ ﺑﺈﺑﺘﺴﺎﻣﻪ ﺑﻌﺪ ﻣﺎ ﻗﻔﻠﺖ ﺷﻮﻱ ﻣﻦ ﺍﻟﺒﺎﺏ : ﻳﺎ ﻋﺎﻣﻞ ﺍﻟﺘﻮﺻﻴﻞ .. ﺧﺬ ﻓﻠﻮﺳﻚ ..
ﺍﻟﺜﺎﻧﻴﻪ ﺑﻬﻤﺲ : ﺍﻟﻠﺤﻴﻦ ﺑﻴﻠﻒ ..
ﺍﻟﺜﺎﺛﻠﻪ : ﻭﺃﺧﻴﺮﺍً ..
ﺗﻨﻬﺪ ﺟﻬﺎﺩ ﻭﻟﻒ ﻋﻠﻴﻬﻢ .. ﻛﺎﻥ ﺍﻟﺒﺎﺏ ﻣﻔﺘﻮﺡ ﺷﻮﻱ ﻭﺍﻟﻠﻤﺒﺎﺕ ﻃﺎﻓﻴﻪ .. ﻣﺎ ﻳﻘﺪﺭ ﻳﺸﻮﻑ ﻏﻴﺮ ﻳﺪ ﺍﻟﺒﻨﺖ ﺍﻟﻤﻤﺪﻭﺩﻩ ..
ﻭﺣﺪﻩ ﻣﻦ ﺍﻟﺒﻨﺎﺕ : ﺇﻛﺸﺦ .. ﻭﺍﻟﻠﻪ ﻭﻃﻠﻊ ﻣُﺰ ..
ﺍﻟﺜﺎﻧﻴﻪ : ﻳﻮﻭﻩ ﻣﻦ ﺣﻘﻪ ﺃﺟﻞ ﻳﺸﻮﻑ ﻧﻔﺴﻪ ..
ﺍﻟﺜﺎﻟﻪ : ﺑﺲ ﺑﺲ ﺇﻧﺘﻲ ﻭﻳﺎﻫﺎ .. ﺗﺮﺍﻩ ﻓﻲ ﺍﻟﻨﻬﺎﻳﻪ ﺳﻌﻮﺩﻱ .. ﻻ ﺗﻤﺪﺣﻮﻩ ﻭﻳﺎﺧﺬ ﻣﻘﻠﺐ ﻓﻲ ﻧﻔﺴﻪ ..
ﺍﻟﺒﻨﺖ ﺻﺎﺣﺒﺔ ﺍﻟﻴﺪ ﺍﻟﻤﻤﺪﻭﺩﻩ : ﻫﺬﺍ ﻫﻮ ﺍﻟﺤﺴﺎﺏ .. ﺇﺫﺍ ﻧﺎﻗﺺ ﺃﻋﻄﻨﻲ ﺧﺒﺮ ..
ﺃﺑﻌﺪ ﺟﻬﺎﺩ ﻧﻈﺮﻩ ﻋﻦ ﺍﻟﺒﺎﺏ ﻳﻘﻮﻝ : ﺃﻭﻻً ﺭﻳﺤﺔ ﺍﻟﻌﻄﺮ ﺍﻟﻔﺎﻳﺤﻪ ﻫﺬﻩ ﻭﺍﻟﻠﻲ ﺩﺧﻠﺖ ﺑﻤﺨﻲ ﻣﻦ ﻗﻮﺗﻬﺎ ﺗﺨﻠﻴﻜﻢ ﺑﻮﺿﻴﻌﺔ ﺍﻟﻤﺮﺃﻩ ﺍﻟﺰﺍﻧﻴﻪ .. ﺛﺎﻧﻴﺎً
ﺟﺴﻢ ﺍﻟﻤﺮﺃﻩ ﻛﻠﻪ ﻋﻮﺭﻩ .. ﻭﺃﺗﻮﻗﻊ ﺍﻟﻴﺪ ﺍﻟﻠﻲ ﻣﺎ ﺃﺷﻮﻑ ﻟﻬﺎ ﺃﻱ ﻛﻢ ﻛﻤﺎﻥ ﻋﻮﺭﻩ .. ﺃﺻﻮﺍﺗﻜﻢ ﻭﺿﺤﻜﻜﻢ ﺍﻟﻌﺎﻟﻲ ﻭﺍﻟﺒﺎﻳﺦ ﻣﺎﻟﻪ ﺩﺍﻋﻲ ﺗﺴﻤﻌﻮﻩ
ﻟﻠﺮﺟﺎﻝ .. ﺗﺮﺍﻫﺎ ﻣﻮ ﻓﻠﻪ ﻣﺜﻞ ﻣﺎ ﺗﺘﻮﻗﻌﻮﺍ .. ﺇﻟﺒﺴﻲ ﻟﻚ ﺷﻲﺀ ﻋﻠﻰ ﻳﺪﻙ ﻭﻭﻗﺘﻬﺎ ﺭﺍﺡ ﺁﺧﺬ ﺍﻟﻔﻠﻮﺱ ..
ﻇﻞ ﺍﻟﻮﺿﻊ ﻫﺎﺩﻱ ﻣﻦ ﺑﻌﺪ ﻣﺎ ﺗﻜﻠﻢ ﺑﻌﺪﻫﺎ ﻗﺎﻟﺖ ﻭﺣﺪﻩ ﻣﻨﻬﻢ ﺑﺈﺳﺘﻨﻜﺎﺭ : ﺷﻒ ﺷﻒ ﺫﺍ ﺍﻟﻤﻄﻮﻉ ﻭﺵ ﻳﻘﻮﻝ !!..
ﺍﻟﺜﺎﻧﻴﻪ : ﻳﺎ ﺭﺑﻴﻴﻴﻪ ﻣﻦ ﻫﺎﻟﻨﻮﻋﻴﻪ ﻣﻦ ﺍﻟﺴﻌﻮﺩﻳﻴﻦ .. ﻳﺸﻤﻮﺍ ﺍﻟﻌﻄﺮ ﻭﻳﻤﺨﻤﺨﻮﺍ ﻭﻟﻤﺎ ﻳﺸﺒﻌﻮﺍ ﻳﻘﻮﻟﻮﺍ ﺃﻭﻩ ﻫﺬﺍ ﺣﺮﺍﻡ .. ﺗﺮﻯ ﺇﻧﺖ ﺍﻟﻠﻲ ﺟﺎﻱ
ﻟﻠﺒﻴﺖ .. ﺣﺘﻰ ﺑﺎﻟﺒﻴﺖ ﻣﻤﻨﻮﻉ ﻧﺘﻌﻄﺮ ﺃﻓﻔﻒ ..
ﺍﻟﺜﺎﻟﺜﻪ : ﺃﻗﻮﻝ ﺇﻧﺖ .. ﺗﺮﺍﻙ ﻣﻮ ﺃﺑﻮﻱ ﺃﻭ ﺃﻣﻲ ﻋﺸﺎﻥ ﺗﺘﻜﻠﻢ ﺑﺎﻟﻄﺮﻳﻘﻪ ﺫﻱ ..
ﺍﻟﺮﺍﺑﻌﻪ : ﺣﺪﻙ ﺩﻳﻠﻴﻔﺮﻱ ﺗﻨﺠﺰ ﺷﻐﻠﻚ ﻣﻦ ﻏﻴﺮ ﻣﺎ ﺗﺘﺪﺧﻞ ﻓﻲ ﺧﺼﻮﺻﻴﺎﺕ ﺯﺑﺎﻳﻨﻚ ..
ﺍﻟﺨﺎﻣﺴﻪ : ﻭﻛﻤﺎﻥ ﻣﻮ ﻓﻠﻪ ﺇﻧﻚ ﺗﺴﻮﻱ ﻓﻴﻬﺎ ﺍﻟﻮﺍﺍﻭ ﻭﺍﻟﻠﻲ ﻟﻲ ﻛﻠﻤﺘﻲ ﻭﻣﺎ ﺭﺍﺡ ﻳﻤﺸﻲ ﺇﻻ ﻫﻲ .. ﺧﺬ ﺍﻟﻔﻠﻮﺱ ﻭﺃﻋﻄﻨﺎ ﺍﻷﻛﻞ ﻭﺗﻮﻛﻞ ﻋﻠﻰ
ﺷﻐﻠﻚ ..
ﺟﻬﺎﺩ : ﻛﻼﻣﻲ ﻭﺍﺿﺢ ﻭﻣﺎ ﺭﺍﺡ ﺃﻋﻴﺪﻩ .. ﺩﻗﻴﻘﺘﻴﻦ ﻟﻮ ﻣﺎ ﺗﻠﺒﺴﻲ ﻟﻚ ﺷﻲﺀ ﻋﻠﻰ ﺇﻳﺪﻙ ﻓﺮﺍﺡ ﺃﺭﻭﺡ ﻟﺸﻐﻠﻲ ..
ﻭﺣﺪﻩ ﺑﻘﻬﺮ : ﻫﻴﻪ ﺇﻧﺖ .. ﺷﻐﻞ ﺍﻟﻬﻴﺌﻪ ﻫﺬﺍ ﻣﺎ ﻧﺒﻴﻪ .. ﻫﺎﺕ ﺍﻷﻛﻞ ﻭﺇﻧﻘﻠﻊ ..
ﺍﻟﺜﺎﻧﻴﻪ : ﺃﻓﻔﻔﻒ ﺗﺮﺍﻙ ﺯﻭﺩﺗﻬﺎ ﺑﺰﻳﺎﺩﻩ .. ﺃﻧﺖ ﺷﻌﻠﻴﻚ ..
ﺭﻣﺖ ﺍﻟﺒﻨﺖ ﺍﻟﻔﻠﻮﺱ ﺗﻘﻮﻝ : ﺧﺬﻫﺎ ﻭﻫﺎﺕ ﺍﻷﻛﻞ .. ﻳﺎﻟﻼ ..
ﻧﺰّﻝ ﺟﻬﺎﺩ ﻧﻈﺮﻩ ﻟﻠﻔﻠﻮﺱ ﺍﻟﻠﻲ ﺑﺎﻷﺭﺽ ﺑﻌﺪﻫﺎ ﻗﺎﻝ : ﺍﻟﻔﻠﻮﺱ ﻧﻌﻤﻪ ﻓﻼ ﺗﺮﻣﻴﻬﺎ ﻛِﺬﺍ .. ﻋﻠﻰ ﺍﻟﻌﻤﻮﻡ ﻣﺴﺘﺤﻴﻞ ﻛﻠﻜﻢ ﻣﺎ ﺗﻌﺮﻓﻮﺍ ﺗﻄﺒﺨﻮﺍ ..
ﻭﺣﺪﻩ ﻓﻴﻜﻢ ﺗﺪﺑﺮ ﻟﻜﻢ ﺍﻟﻌﺸﺎﺀ ..
ﻟﻒ ﻭﺭﺍﺡ ﻟﻠﺪﺭﺝ ﺗﺤﺖ ﺻﺪﻣﺔ ﺍﻟﺒﻨﺎﺕ ﻣﻦ ﺗﺼﺮﻓﻪ ..
ﺑﺪﺃﻭﺍ ﻳﺼﺎﺭﺧﻮﺍ ﻭﻳﺘﻮﻋﺪﻭﺍ ﻭﻳﻬﺪﺩﻭﺍ ﻭﻫﻮ ﻧﺰﻝ ﻭﻻ ﺇﻟﺘﻔﺖ ﻟﻬﻢ ..
ﺭﻛﺐ ﺍﻟﺴﻴﺎﺭﻩ ﻭﺣﺮﻛﻬﺎ ﺑﻘﻮﻩ ﻣﻦ ﺍﻟﻘﻬﺮ ﺍﻟﻠﻲ ﺣﺎﺱ ﻓﻴﻪ ..
ﻳﺘﻤﻨﻰ ﻳﻜﻮﻥ ﺗﺼﺮﻓﻪ ﻫﺬﺍ ﺗﺄﺩﻳﺐ ﻟﻬﻢ ﻋﺸﺎﻥ ﺍﻟﻤﺮﻩ ﺍﻟﺠﺎﻳﻪ ﻋﻠﻰ ﺍﻷﻗﻞ ﻳﻜﻮﻧﻮﺍ ﻣﺤﺘﺮﻣﻴﻦ ..
ﻭﻗﻒ ﺍﻟﺴﻴﺎﺭﻩ ﺃﻭﻝ ﻣﺎ ﻭﺻﻞ ﺍﻟﻤﻄﻌﻢ ..
ﻧﺰﻝ ﻭﻫﻮ ﺷﺎﻳﻞ ﺑﺈﻳﺪﻩ ﺃﻛﻴﺎﺱ ﺍﻷﻛﻞ .. ﻛﺎﻧﺖ ﺗﻜﻔﻲ ﻟﺴﺖ ﺃﺷﺨﺎﺹ ..
ﻃﻠﻊ ﺍﻟﺪﺭﺝ ﻭﻟﻤﺎ ﻛﺎﻥ ﺑﻴﻔﺘﺢ ﺍﻟﺒﺎﺏ ﻻﺣﻆ ﻭﻟﺪ ﻭﺍﻗﻒ ﻭﺑﺈﻳﺪﻩ ﺷﺎﻳﻞ ﻛﻴﺲ ﻓﻴﻪ ﻃﻤﺎﻃﻢ ﻭﺧﺒﺰ ﺗﻮﺳﺖ ..
ﻫﺎﻟﻮﻟﺪ ﺻﺎﺭ ﻳﺸﻮﻓﻪ ﺃﻛﺜﺮ ﻣﻦ ﻣﺮﻩ ..
ﺷﻜﻞ ﻫﺎﻟﻤﻄﻌﻢ ﻣﻜﺎﻧﻪ ﺑﻴﻦ ﻣﻜﺎﻥ ﺍﻟﺴﻮﺑﺮ ﻣﺎﺭﻛﺖ ﻭﺑﻴﺘﻪ ﺑﻤﺎ ﺇﻧﻪ ﺩﺍﻳﻢ ﻳﻤﺮ ﻣﻦ ﻫﻨﺎ ..
ﻟﻜﻦ ﺍﻟﻠﻲ ﻻﺣﻈﻪ ﻫﻮ ﺇﻧﻪ ﻣﺴﺘﺤﻴﻞ ﻳﻤﺮ ﻣﻦ ﺩﻭﻥ ﻻ ﻳﻮﻗﻒ ﻳﻄﺎﻟﻊ ﻓﻲ ﺍﻟﻤﻄﻌﻢ ﻟﺪﻗﻴﻘﺘﻴﻦ ﺃﻭ ﺧﻤﺲ ..
ﺗﻘﺪﻡ ﻣﻨﻪ ﻭﻫﻮ ﻳﻘﻮﻝ : ﻣﺴﺎﺀ ﺍﻟﺨﻴﺮ ..
ﺇﻧﻔﺠﻊ ﺍﻟﻮﻟﺪ ﻭﻟﻒ ﻋﻠﻴﻪ .. ﻛﺎﻥ ﺗﻘﺮﻳﺒﺎً ﻓﻲ ﺍﻟﺘﺎﺳﻌﻪ ﻣﻦ ﻋﻤﺮﻩ ..
ﺟﻬﺎﺩ : ﺇﻳﺶ ﺇﺳﻤﻚ .. ؟ !
ﻇﻞ ﺍﻟﻮﻟﺪ ﻳﻄﺎﻟﻊ ﻓﻴﻪ ﻟﻔﺘﺮﻩ ﺑﻌﺪﻫﺎ ﻗﺎﻝ ﺑﺘﺮﺩﺩ : ﻋﺒـ ـﺪ ﺍﻟﻬـ ـﺎﺩﻱ ..
ﻃﺎﻟﻊ ﺟﻬﺎﺩ ﻓﻴﻪ ﻣﻦ ﻓﻮﻕ ﻟﺘﺤﺖ .. ﻣﻼﺑﺴﻪ ﺷﻮﻱ ﻗﺪﻳﻤﻪ ..
ﻭﻣﻊ ﻫﺬﺍ ﻓﻴﻮﻣﻴﺎً ﻳﻤﺮ ﻳﺸﺘﺮﻱ ﺃﻏﺮﺽ ﻟﻠﺒﻴﺖ ..
ﻳﻌﻨﻲ ﻋﻠﻰ ﺣﺴﺐ ﺗﻘﺪﻳﺮﻩ ﻓﻬﻢ ﻓﻘﺮﺍﺀ ﺑﺲ ﻣﺴﺘﻮﺭﻳﻦ ..
ﺇﺑﺘﺴﻢ ﺟﻬﺎﺩ ﻳﻘﻮﻝ : ﺇﻳﺶ ﺑﻴﻜﻮﻥ ﻋﺸﺎﻛﻢ ﺍﻟﻠﻴﻠﻪ .. ؟ !
ﺍﻟﻮﻟﺪ ﺑﻨﻔﺲ ﺍﻟﺘﺮﺩﺩ : ﻣـ ﻣﺎ ﺃﻋﺮﻑ .. ﻳﻤﻜـ ـﻦ ﺳﻴﻨﺪﻭﻳﺸﺘـ ـﺎﺕ ﺑﺎﻟﻜﺸﻨﻪ ..
ﻋﻘﺪ ﺟﻬﺎﺩ ﺣﺎﺟﺒﻪ .. ﺍﻟﻌﺸﺎﺀ ﺑﺎﻟﻤﺮﻩ ﺑﺴﻴﻂ ..
ﺟﻬﺎﺩ : ﻛﻢ ﻋﺪﺩ ﺃﻓﺮﺍﺩ ﻋﺎﺋﻠﺘﻚ .. ؟ !
ﺳﻜﺖ ﺍﻟﻮﻟﺪ ﻟﻔﺘﺮﻩ ﺑﻌﺪﻫﺎ ﻗﺎﻝ : ﺇﺣﻨﺎ ﺃﺭﺑﻊ ﻣﻊ ﺃﻣﻲ ..
ﺟﻬﺎﺩ : ﻭﺃﺑﻮﻙ .. ؟ !
ﺍﻟﻮﻟﺪ : ﻣﻴﺖ ..
ﻇﻬﺮ ﺍﻟﺤﺰﻥ ﻋﻠﻰ ﻭ

ﺟﻪ ﺟﻬﺎﺩ ﺑﻌﺪﻫﺎ ﺇﺑﺘﺴﻢ ﻭﻗﺪﻡ ﻟﻪ ﻛﻴﺲ ﺍﻷﻛﻞ ﻳﻘﻮﻝ : ﺷﺮﺍﻳﻚ ﻋﺸﺎﻛﻢ ﺍﻟﻴﻮﻡ ﻳﻜﻮﻥ ﻫﺬﺍ .. ؟ !
ﻓﺘﺢ ﺍﻟﻮﻟﺪ ﻋﻴﻨﻪ ﺑﺼﺪﻣﻪ ﻭﻻ ﺇﻳﺮﺍﺩﻳﺎً ﺇﺑﺘﺴﻢ ﻭﻣﺪ ﺇﻳﺪﻩ ﺑﺲ ﺗﺪﺍﺭﻙ ﺍﻷﻣﺮ ﺑﺴﺮﻋﻪ ﻭﺭﺟﻊ ﺇﻳﺪﻩ ﻳﻘﻮﻝ : ﻫﺎ .. ﻻ ﻻ ﺷﻜﺮﺍً ..
ﺟﻬﺎﺩ ﺑﺈﺑﺘﺴﺎﻣﻪ : ﻣﺎ ﻋﻠﻴﻚ .. ﺃﻧﺎ ﺑﺄﺩﻓﻊ ﻟﻚ ﺛﻤﻦ ﺍﻷﻛﻞ .. ﺃﺻﻼً ﺍﻟﻔﻠﻮﺱ ﻛﺜﻴﺮﻩ ﻭﻣﺪﺭﻱ ﻭﻳﻦ ﺃﻭﺩﻳﻬﺎ .. ﺧﺬﻫﺎ ﻭﺗﻌﺸﻮﺍ ﺑﻬﺎ ﺍﻟﻠﻴﻠﻪ .. ﻋﺎﺩﻱ ..
ﻇﻠﺖ ﻋﻴﻮﻥ ﺍﻟﻮﻟﺪ ﻣﻌﻠﻘﻪ ﺑﺎﻟﻜﻴﺲ ﻭﺭﻳﺤﺔ ﺍﻷﻛﻞ ﻭﺍﺻﻠﺘﻪ ﺑﻘﻮﻩ ..
ﻳﺸﺘﻬﻴﻬﺎ .. ﻳﺸﺘﻬﻲ ﻫﺎﻷﻛﻞ ..
ﻛﻞ ﻣﺎ ﻣﺮ ﻣﻦ ﺍﻟﻤﻄﻌﻢ ﻳﺸﻢ ﺭﻳﺤﺘﻪ ﻭﻳﺸﺘﻬﻴﻪ ﻛﺜﻴﺮ ..
ﺑﺪﺃﺕ ﺩﻣﻮﻋﻪ ﺗﻨﺰﻝ ﻭﻫﻮ ﻳﻘﻮﻝ ﺑﻬﻤﺲ : ﺷﻜﺮﺍً .. ﺷﻜﺮﺍً ..
ﺑﻌﺪﻫﺎ ﻣﺪ ﺇﻳﺪﻩ ﻭﺃﺧﺬﻩ ..
ﺟﻬﺎﺩ : ﻭﻛﻞ ﻣﺎ ﺑﻐﻴﺖ ﺷﻲﺀ ﺗﻌﺎﻝ ﻟﻲ .. ﺇﻋﺘﺒﺮﻧﻲ ﺯﻱ ﺃﺧﻮﻙ ﺍﻟﻜﺒﻴﺮ .. ﺧﻼﺹ .. ؟ !
ﻣﺴﺢ ﺩﻣﻮﻋﻪ ﺑﻜﻔﻪ ﻭﻫﻮ ﻳﻘﻮﻝ : ﺧﻼﺹ ..
ﻣﺴﺢ ﺟﻬﺎﺩ ﻋﻠﻰ ﺷﻌﺮﻩ ﺑﻌﺪﻫﺎ ﺩﺧﻞ ﻟﻠﻤﻄﻌﻢ ..
ﺗﻨﻬﺪ ﺑﻌﺪ ﻣﺎ ﺇﻧﻘﻔﻞ ﺍﻟﺒﺎﺏ ﻭﻗﺎﻝ ﺑﻬﺪﻭﺀ : ﺃﻳﺘﺎﻡ .. ﺍﻟﻠﻪ ﻳﻜﻮﻥ ﺑﻌﻮﻧﻬﻢ ..
ﺇﺗﺠﻪ ﻟﻌﻨﺪ ﺍﻟﻜﺎﺷﻴﺮ ﻭﻫﻮ ﻳﻘﻮﻝ : ﺃﻫﻠﻴﻦ ﺃﺣﻤﺪ ..
ﻟﻒ ﺃﺣﻢ ﻋﻠﻴﻪ ﻭﻗﺎﻝ : ﻫﺎ ﺧﻠﺼﺖ ﺗﻮﺻﻴﻞ .. ؟ !
ﻃﻠﻊ ﺟﻬﺎﺩ ﺍﻟﻔﻠﻮﺱ ﻭﺯﺍﺩ ﻣﻦ ﻋﻨﺪﻩ ﻓﻠﻮﺱ ﺍﻟﺴﺖ ﻭﺟﺒﺎﺕ ﻭﻫﻮ ﻳﻘﻮﻝ : ﻫﺬﻩ ..
ﺃﺧﺬﻫﺎ ﻭﺑﺪﺃ ﻳﻮﺯﻋﻬﺎ ﻓﻘﺎﻝ ﺟﻬﺎﺩ : ﺁﺧﺮ ﺑﻴﺖ ﻣﺎ ﺃﻋﻄﻴﺘﻬﻢ ﺍﻟﻄﻠﺒﻴﻪ ..
ﻋﻘﺪ ﺃﺣﻤﺪ ﺣﺎﺟﺒﻪ ﻭﻟﻒ ﻋﻠﻴﻪ ﻳﻘﻮﻝ : ﺷﻮ ﺗﻘﺼﺪ .. ؟ !
ﺟﻬﺎﺩ : ﺇﺳﺘﻔﺰﻭﻧﻲ ﺷﻮﻱ ﻭﺭﺣﺖ ﻗﺒﻞ ﻻ ﺃﻋﻄﻴﻬﻢ ﺍﻟﻄﻠﺒﺎﺕ .. ﻣﺎ ﻋﻠﻴﻚ ﺩﻓﻌﺖ ﺍﻟﻔﻠﻮﺱ ﻣﻦ ﻋﻨﺪﻱ ..
ﺃﺣﻤﺪ ﺑﺼﺪﻣﻪ : ﻟﻚ ﺷﻮ ﻫﺎﺩ ﺍﻟﻠﻲ ﻋﻤﻠﺘﻪ .. ؟ !!! ﺇﻧﺖ ﻣﺎ ﺗﺪﺭﻱ ﺇﻧﻮ ﻫﺎﺩ ﺑﻴﺴﻲﺀ ﻟﺴُﻤﻌﺔ ﺍﻟﻤﻄﻌﻢ .. ؟ !! ﺍﻟﻤﺎﻟﻚ ﻟﻮ ﻭﺻﻞ ﻟﻪ ﻫﺎﺩ ﺍﻟﺨﺒﺮ ﻓـ ... ﻻ
ﻻ ﺃﺻﻠﻮ ﺃﻛﻴﺪ ﺭﺍﺡ ﻳﺘﺼﻠﻮﺍ ﻳﺸﺘﻜﻮ ﻋﻠﻰ ﺍﻟﻤﻌﺎﻣﻠﻪ ﻭﺭﺍﺡ ﺗﻔﻞ ﻣﻦ ﻫﻨﺎ ﺃﻛﻴﺪ ..
ﺟﻬﺎﺩ : ﺃﻋﺮﻑ .. ﺇﺳﻤﻊ ﻗﻮﻝ ﻟﻠﺪﻳﻠﻴﻔﺮﻱ ﺍﻟﺜﺎﻧﻲ ﻳﻮﺩﻱ ﻟﻬﻢ ﺍﻷﻛﻞ .. ﺻﺪﻗﻨﻲ ﻣﺎ ﻗﺪﺭﺕ ﺃﻋﻄﻴﻬﻢ ..
ﺃﺣﻤﺪ : ﺟﻬﺎﺩ ﺇﻧﺖ ﻋﻢ ﺗﺠﻨﻨﻲ ..
ﺟﻬﺎﺩ : ﻫﻬﻬﻬﻬﻬﻬﻬﻬﻪ ﻣﻌﻠﻴﻪ ﻣﺸﻬﺎ ﻟﻲ ﻫﺎﻟﻤﺮﻩ .. ﻳﺎﻟﻼ ﻗﺒﻞ ﻻ ﻳﺘﺼﻠﻮﺍ ﻭﺗﻜﺒﺮ ﺍﻟﻤﺸﻜﻠﻪ ..
ﻫﺰ ﺃﺣﻤﺪ ﺭﺍﺳﻪ ﺑﻌﺪﻫﺎ ﻗﺎﻝ : ﻣﺎﺷﻲ .. ﺭﺍﺡ ﺗﻤﺮﺅ ﻫﺎﻟﻤﺮﻩ ﺑﺲ ﻣﺎ ﺑﻮﻋﺪﻙ ﺗﻤﺮﺅ ﺍﻟﻤﺮﻩ ﺍﻟﺠﺎﻳﻪ ..
ﺟﻬﺎﺩ : ﺭﺑﻲ ﻳﺴﻌﺪﻙ ﻳﺎ ﺷﻴﺦ ..
ﻭﺑﻌﺪ ﻛﻠﻤﺘﻪ ﺫﻱ ﺗﻮﻩ ﺟﺎﺀ ﺍﻟﺪﻳﻠﻴﻔﺮﻱ ﺍﻟﺜﺎﻧﻲ ﻓﺄﻋﻄﺎﻩ ﺟﻬﺎﺩ ﺍﻟﻌﻨﻮﺍﻥ ﻭﺃﻋﻄﺎﻩ ﺃﺣﻤﺪ ﺍﻟﻄﻠﺒﺎﺕ ..
ﻭﺑﻜﺬﺍ .. ﺗﺼﺮﻑ ﺟﻬﺎﺩ ﻫﺎﻟﻤﺮﻩ ﻋﺪﻯ ﻋﻠﻰ ﺧﻴﺮ ﻭﻣﺎ ﻋﺮﻓﺖ ﺍﻹﺩﺍﺭﻩ ﻓﻴﻪ ..
ﺑﺲ ﻭﺍﺣﺪ ﻣﺜﻞ ﺷﺨﺼﻴﺘﻪ ﻣﺎ ﺃﺿﻦ ﺑﺄﻧﻬﺎ ﺗﻜﻮﻥ ﺍﻟﻤﺸﻜﻠﻪ ﺍﻷﺧﻴﺮﻩ ﻟﻪ ..
▓▒ •✖× ×✖•◄︿︿︿︿︿︿︿︿︿︿︿︿► ▒▓
ﺍﻟﺴﺎﻋﻪ 11 ﻭﻧﺺ ﺍﻟﻠﻴﻠﻪ ..
ﻭﻗﻒ ﺍﻟﺴﻴﺎﺭﻩ ﻗﺪﺍﻡ ﺑﺎﺏ ﻓﻠﺘﻬﻢ ﺑﻌﺪﻫﺎ ﻟﻒ ﻋﻠﻴﻬﺎ ﻳﻘﻮﻝ : ﻫﻴﻪ .. ﺍﻟﻬﻨﻮﻑ .. ﻳﺎﻟﻼ ﻭﺻﻠﻨﺎ ..
ﻋﻘﺪﺕ ﺍﻟﻬﻨﻮﻑ ﺣﻮﺍﺟﺒﻬﺎ ﺑﻌﺪﻫﺎ ﻓﺘﺤﺖ ﻋﻴﻨﻬﺎ .. ﺇﻋﺘﺪﻟﺖ ﺑﺠﻠﺴﺘﻬﺎ ﺗﺘﻠﻔﺖ ﺣﻮﻟﻬﺎ ..
ﺗﺜﺎﺋﺒﺖ ﻭﻫﻲ ﺗﻘﻮﻝ : ﺃﺧﻴﺮﺍً ..
ﻓﻚ ﻧﺎﺩﺭ ﺣﺰﺍﻡ ﺍﻷﻣﺎﻥ ﻭﻫﻮ ﻳﻘﻮﻝ : ﻭﺷﻮ ﺍﻟﻠﻲ ﺃﺧﻴﺮﺍً .. ﻧﺎﻳﻤﻪ ﻃﻮﻝ ﺍﻟﻄﺮﻳﻖ ﻭﻣﺎ ﺣﺴﻴﺘﻲ ﺃﺑﺪ ﺑﺎﻟﻮﻗﺖ .. ﺩﺏ ﻗﻄﺒﻲ ﻣﻮ ﺑﻨﺖ ..
ﻋﻀﺖ ﻋﻠﻰ ﺷﻔﺘﻬﺎ ﻭﺑﻐﺖ ﺗﺪﺍﻓﻊ ﻋﻦ ﻧﻔﺴﻬﺎ ﺑﺲ ﻭﻗﻔﺖ ﻟﻤﺎ ﻣﺮ ﺑﺒﺎﻟﻬﺎ ﺟﻤﻠﺘﻪ * ﻣﻮ ﺑﻨﺖ * ..
ﻫﺬﻩ ﻧﻔﺲ ﺟﻤﻠﺔ ﺃﺧﻮﻩ * ﺣﺴﺒﺘﻬﺎ ﺑﻨﺖ * ..
ﺣﺴﺖ ﻧﻔﺴﻬﺎ ﺑﺘﺒﻜﻲ .. ﻫﺎﻟﻌﻴﻠﻪ ﺑﻴﺠﻴﺒﻮﺍ ﻟﻬﺎ ﺍﻟﺠﻠﻄﻪ ..
ﻧﺰﻝ ﻧﺎﺩﺭ ﻳﻘﻮﻝ : ﻭﺵ ﺗﻨﺘﻈﺮﻱ .. ؟ !
ﻧﺰﻟﺖ ﺍﻟﻬﻨﻮﻑ ﻭﻫﻲ ﺗﺤﺲ ﺣﺎﻟﻬﺎ ﻫﻠﻜﺎﻧﻪ ..
ﺃﻣﺲ ﺍﻟﻠﻴﻞ ﺗﻌﺸﻮﺍ ﻋﻨﺪ ﺃﻫﻠﻬﺎ ﻭﺑﻌﺪﻫﺎ ﺇﺳﺘﺄﺟﺮ ﻟﻬﺎ ﺷﻘﻪ ﻳﻨﺎﻣﻮﺍ ﻓﻴﻬﺎ ﻭﻫﻲ ﻣﻮ ﻋﺎﺭﻓﻪ ﺍﻷﺳﺒﺎﺏ ﻭﺑﺎﻟﺼﺒﺎﺡ ﺧﻼﻫﺎ ﺗﺮﻭﺡ ﻣﺪﺭﺳﺘﻬﺎ ﺗﺴﺤﺐ
ﺃﻭﺭﺍﻗﻬﺎ ﻭﻣﻦ ﺑﻌﺪﻫﺎ ﻭﻫﻢ ﺑﺎﻷﺳﻮﺍﻕ ﺗﺸﺘﺮﻱ ﻟﻬﺎ ﻣﻼﺑﺲ ﻭﻫﻮ ﻳﺸﺘﺮﻱ ﻟﻨﻔﺴﻪ ﺃﺷﻴﺎﺋﻪ ﺍﻟﻨﺎﻗﺼﻪ ..
ﻭﻏﻴﺮ ﻛِﺬﺍ ﻓﺼﻠﻮﺍ ﺑﻌﺾ ﺍﻷﺛﺎﺙ ﺍﻟﻨﺎﻗﺺ ﻓﻲ ﺟﻨﺎﺣﻬﻢ ﻭﻣﺎ ﺇﻟﻰ ﺫﻟﻚ .. ﻭﺗﻮﻫﻢ ﻳﺮﺟﻌﻮﺍ ..
ﻓﺘﺢ ﺍﻟﺒﺎﺏ ﻭﺩﺧﻠﻮﺍ ..
ﻋﻘﺪﺕ ﺍﻟﻬﻨﻮﻑ ﺣﺎﺟﺒﻬﺎ ﻟﻤﺎ ﺷﺎﻓﺖ ﺍﻷﻡ ﻣﻊ ﺑﻨﺘﻬﺎ ﻣﻨﺎﺭ ﻳﻄﺎﻟﻌﻮﺍ ﺑﺎﻟﺘﻠﻔﺰﻳﻮﻥ ..
ﻗﺎﻣﺖ ﺍﻷﻡ ﺃﻭﻝ ﻣﺎ ﺩﺧﻠﻮﺍ ﻭﺗﻘﺪﻣﺖ ﻣﻨﻬﻢ ﺗﻘﻮﻝ : ﺃﻫﻠﻴﻦ ﺑﻮﻟﺪﻱ ..
ﻧﺎﺩﺭ ﺑﻬﻤﺲ : ﻟﻴﺶ ﻣﺎ ﻧﺎﻣﻮﺍ .. ؟ !
ﻃﺎﻟﻌﺖ ﺍﻟﻬﻨﻮﻑ ﻓﻴﻪ ﺑﺈﺳﺘﻐﺮﺍﺏ ﻓﻘﺎﻟﺖ ﺍﻷﻡ : ﻣﺎ ﺷﺎﺀ ﺍﻟﻠﻪ .. ﺣﺒﻴﺒﻲ ﺻﺎﺭ ﺟﻮﺍﻟﻪ ﻳﻨﻘﻔﻞ ﻟﻤﺪﺓ ﻳﻮﻡ ﻛﺎﻣﻞ ..
ﺟﺖ ﻣﻨﺎﺭ ﻭﻭﻗﻔﺖ ﺟﻨﺐ ﺃﻣﻬﺎ ﺗﻄﺎﻟﻊ ﻓﻲ ﺍﻟﻬﻨﻮﻑ ..
ﺗﻨﻬﺪ ﻧﺎﺩﺭ ﺑﻌﺪﻫﺎ ﻗﺎﻝ : ﺧﻠﺺ ﺷﺤﻨﻪ ..
ﻟﻔﺖ ﺍﻟﻬﻨﻮﻑ ﻋﻠﻴﻪ ﺗﻘﻮﻝ ﺑﺈﺳﺘﻐﺮﺍﺏ : ﺑﺲ ﻗﺒﻞ ﺷﻮﻱ ﺷﻐﻠﺘَﻪ ﻭﺩﻗﻴﺖ ﻋﻠﻰ ﺍﻟﻠﻲ ﺃﺳﻤﻪ ﻓﺮﺍﺱ ..
ﺣﻂ ﻧﺎﺩﺭ ﺇﻳﺪﻩ ﻋﻠﻰ ﻭﺟﻬﻪ .. ﻫﺬﻩ ﻣﺎ ﺗﻔﻬﻢ ..
ﻣﻨﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﺎ ﺭُﺑﺎﺍﺍﺍﺍﻩ ﻣﻮ ﻣﻌﻘﻮﻝ !!..
ﻟﻔﺖ ﺍﻷﻡ ﻋﻠﻰ ﺍﻟﻬﻨﻮﻑ ﻭﻗﺎﻟﺖ : ﺇﻳﺶ ﺇﺳﻤﻚ .. ؟ !
ﻓﺘﺤﺖ ﺍﻟﻬﻨﻮﻑ ﻓﻤﻬﺎ ﺑﺘﺘﻜﻠﻢ ﺑﺲ ﻗﺎﻃﻌﻬﺎ ﻧﺎﺩﺭ ﻳﻘﻮﻝ : ﺍﻟﻬﻨﻮﻑ .. ﺇﺳﻤﻬﺎ ﺍﻟﻬﻨﻮﻑ ..
ﺍﻷﻡ : ﻭﻋﻤﺮﻫﺎ .. ؟ !
ﻧﺎﺩﺭ : 17 ﺳﻨﻪ ..
ﻣﻨﺎﺭ : ﻳﺎ ﺣﻴﺎﺗﻲ .. ﻟﺴﻰ ﺻﻐﻴﺮﻩ ..
ﺿﺎﻗﺖ ﻋﻴﻮﻥ ﺍﻷﻡ ﻭﻗﺎﻟﺖ ﻟﻨﺎﺩﺭ : ﺍﻟﺒﻨﺖ ﻟﺴﻰ ﺻﻐﻴﺮﻩ ..
ﻧﺎﺩﺭ : ﺍﻟﺰﻭﺍﺝ ﻣﺎ ﻛﺎﻥ ﺑﺎﻟﻐﺼﺐ .. ﻟﻮ ﺭﻓﻀﺖ ﺭﺍﺡ ﺃﺣﺘﺮﻡ ﺭﺍﻳﻬﺎ ﻭﺃﺩﻭﺭ ﻏﻴﺮﻫﺎ ..
ﺍﻷﻡ ﺑﻬﺪﻭﺀ : ﻃﻠﻘﻬﺎ ..
ﺇﺗﺴﻌﺖ ﻋﻴﻮﻥ ﺍﻟﻬﻨﻮﻑ ﻣﻦ ﺍﻟﺼﺪﻣﻪ ﻓﻲ ﺣﻴﻦ ﻋﺾ ﻧﺎﺩﺭ ﻋﻠﻰ ﺷﻔﺘﻪ ﻭﻗﺎﻝ : ﺃﻧﺎ ﻣﺎ ﺗﺰﻭﺟﺖ ﻋﺸﺎﻥ ﺃﻃﻠﻖ .. ﻣﺎﻧﻲ ﻣﻄﻠﻘﻬﺎ ..
ﺍﻷﻡ ﻭﺑﻨﻔﺲ ﺍﻟﻨﺒﺮﻩ : ﻗﻠﺖ ﻟﻚ ﻃﻠﻘﻬﺎ ..
ﻇﻠﺖ ﺍﻟﻬﻨﻮﻑ ﺗﻄﺎﻟﻊ ﻓﻲ ﺍﻷﻡ ﺑﺼﺪﻣﻪ ..
ﻭﺷﻮ ﻫﺬﻩ ﺍﻟﻠﻲ ﻃﻠﻘﻬﺎ .. ؟ ! ﻃﻴﺐ ﻟﻴﺶ .. ؟ !
ﻫﻲ ﻣﺎ ﺁﺫﺗﻬﻢ ﺑﺸﻲﺀ ﺃﺑﺪﺍً ..
ﻃﺎﻟﻊ ﻧﺎﺩﺭ ﻓﻲ ﺃﻣﻪ ﻓﺘﺮﻩ ﺑﻌﺪﻫﺎ ﻟﻒ ﻋﻠﻰ ﺍﻟﻬﻨﻮﻑ ﻳﻘﻮﻝ : ﺗﺒﻴﻨﻲ ﺃﻃﻠﻘﻚ .. ؟ !
ﺇﻧﺼﺪﻣﺖ ﻣﻦ ﺳﺆﺍﻟﻪ ﻓﺴﺄﻟﻬﺎ ﻣﺮﻩ ﺛﺎﻧﻴﻪ : ﺟﺎﻭﺑﻴﻨﻲ .. ؟ !! ﺗﺒﻴﻨﻲ ﺃﻃﻠﻘﻚ .. ؟ !
ﻣﺎ ﻓﻬﻤﺖ .. ﻭﻻ ﻫﻲ ﻓﺎﻫﻤﻪ ﺷﻲﺀ ..
ﻟﻔﺖ ﺑﻌﻴﻮﻧﻬﺎ ﻋﻠﻰ ﺃﻣﻪ ﻓﻠﻒ ﻭﺟﻬﻬﺎ ﻋﻠﻴﻪ ﻳﻘﻮﻝ : ﻃﺎﻟﻌﻲ ﻓﻴﻨﻲ ﺃﻧﺎ ﻭﺑﺲ .. ﺗﺒﻴﻨﻲ ﺃﻃﻠﻘﻚ .. ؟ ! ﺟﺎﻭﺑﻲ ﺍﻟﻠﺤﻴﻦ .. ؟ !
ﺣﺴﺖ ﺑﺠﺴﻤﻬﺎ ﻳﺮﺟﻒ ﻣﻦ ﺍﻟﻤﻮﻗﻒ ﺍﻟﻠﻲ ﻣﺎ ﺗﻮﻗﻌﺘﻪ ﻭﻣﻦ ﺍﻷﺣﺪﺍﺙ ﺍﻟﻠﻲ ﺗﺼﻴﺮ ..
ﻣﺎﻫﻲ ﻋﺎﺭﻓﻪ .. ﻣﻮ ﻋﺎﺭﻓﻪ ﺷﻲﺀ ..
ﻧﺎﺩﺭ ﻭﺑﺼﻮﺕ ﺣﺎﺩ : ﺍﻟﻬﻨﻮﻑ !!!..
ﺧﺎﻓﺖ ﻭﻗﺎﻟﺖ ﺑﺴﺮﻋﻪ : ﻣﺪﺭﻱ ﻣﺪﺭﻱ ..
ﺻﻚ ﻋﻠﻰ ﺃﺳﻨﺎﻧﻪ ﻭﻗﺎﻝ : ﻣﺎ ﺃﺑ

ﻐﻰ ﻣﺪﺭﻱ .. ﺃﺑﻐﻰ ﺟﻮﺍﺏ ﻳﺎ ﺑﻼ ﺃﻭ ﺇﻳﻪ ..
ﺑﻠﻌﺖ ﺭﻳﻘﻬﺎ ﻭﺑﻌّﺪﺕ ﻋﻴﻨﻬﺎ ﻋﻦ ﻋﻴﻨﻪ ﻭﺑﻬﺪﻭﺀ ﻭﺇﺭﺗﺒﺎﻙ ﻫﺰﺕ ﺭﺍﺳﻬﺎ ﺑﻼ ..
ﺇﺑﺘﺴﻢ ﻭﻟﻒ ﻋﻠﻰ ﺃﻣﻪ ﻳﻘﻮﻝ : ﺷﺎﻳﻔﻪ ﺑﻨﻔﺴﻚ .. ﺣﺘﻰ ﻫﻲ ﺭﺍﻓﻀﻪ ﺳﺎﻟﻔﺔ ﺍﻟﻄﻼﻕ ﻭﺭﺍﺿﻴﻪ ﻓﻴﻨﻲ ﺯﻱ ﻣﺎ ﺃﻧﺎ ﺭﺍﺿﻲ ﻓﻴﻬﺎ .. ﺇﺫﺍ ﺇﺣﻨﺎ ﺭﺍﺿﻴﻦ
ﻓﺨﻼﺹ ﺍﻟﻤﻮﺿﻮﻉ ﻣﻨﺘﻬﻲ ..
ﻃﺎﻟﻌﺖ ﺍﻷﻡ ﻓﻴﻪ ﺑﻬﺪﻭﺀ ﻭﻗﺎﻟﺖ : ﺭﺍﺿﻴﻪ ﻓﻴﻚ !!.. ﻳﻌﻨﻲ ﻫﻲ ﻋﺎﺭﻓﻪ ﻛﻞ ﺻﻐﻴﺮﻩ ﻭﻛﺒﻴﺮﻩ ﻋﻨﻚ .. ؟ !
ﻇﻬﺮ ﺍﻹﻧﺰﻋﺎﺝ ﻟﻠﺤﻀﺎﺕ ﻋﻠﻰ ﻣﻼﻣﺤﻪ ﻓﻠﻔﺖ ﺍﻷﻡ ﻋﻠﻰ ﺍﻟﻬﻨﻮﻑ ﺗﻘﻮﻝ : ﻋﻠﻰ ﺃﻱ ﺃﺳﺎﺱ ﺭﺍﺿﻴﻪ ﻓﻴﻪ .. ؟ ! ﻳﻌﻨﻲ ﻣﺎ ﺳﻤﻌﺘﻲ ﻋﻨﻪ .. ؟ ! ﻣﺎ
ﺳﻤﻌﺘﻲ ﺇﻧﻪ .....
ﺿﻤﻬﺎ ﻧﺎﺩﺭ ﻟﺼﺪﺭﻩ ﻭﻫﻮ ﺣﺎﻁ ﺇﻳﺪﻩ ﻋﻠﻰ ﺇﺫﻧﻬﺎ ﻭﻗﺎﻝ ﺑﺤِﺪﻩ : ﻳﻤﻪ ﻳﻜﻔﻲ !!.. ﻫﺬﻩ ﺣﻴﺎﺗﻲ ﻭﺃﻧﺎ ﺣُﺮ ﻓﻴﻬﺎ .. ﻻ ﺗﻬﺪﻣﻴﻬﺎ ..
ﻭﺑﻌﺪﻫﺎ ﺿﻐﻂ ﺃﻛﺜﺮ ﻋﻠﻰ ﺇﺫﻧﻬﺎ ﺣﺘﻰ ﻻ ﻳﻮﺻﻞ ﻟﻤﺴﺎﻣﻌﻬﺎ ﺃﻱ ﺷﻲﺀ ..
ﻛﻞ ﺷﻲﺀ ﻳﺼﻴﺮ ﺣﻮﻟﻬﺎ ﻏﺮﻳﺐ .. ﻏﺮﻳﺐ ﻋﻠﻴﻬﺎ ﻛﺜﻴﺮ ..
ﺭﺍﺳﻬﺎ ﻟﺼﺪﺭﻩ ﻭﻣﺎ ﺗﺸﻮﻑ ﻏﻴﺮ ﺍﻟﺴﻮﺍﺩ ..
ﺍﻟﺠﻮ ﻣﻦ ﺣﻮﻟﻬﺎ ﻣﻠﻴﺎﻥ ﺃﺻﻮﺍﺕ ﺑﺲ ﺧﺎﻓﺘﻪ ﻭﻻ ﺗﻘﺪﺭ ﺗﻤﻴﺰ ﻭﺵ ﻳﻨﻘﺎﻝ ﺑﺴﺒﺐ ﻫﺎﻟﻀﻐﻂ ﺍﻟﻠﻲ ﻋﻠﻰ ﺇﺫﻧﻬﺎ ..
ﻫﻲ ﻋﺎﺭﻓﻪ .. ﺟﺎﻟﺴﻴﻦ ﻳﺘﺠﺎﺩﻟﻮﻥ .. ﻣﻮ ﻗﺎﺩﺭﻩ ﺗﻔﻬﻢ ﻏﻴﺮ ﺑﻌﺾ ﺍﻟﻜﻠﻤﺎﺕ ﺍﻟﻠﻲ ﻳﻘﻮﻟﻬﺎ ﻧﺎﺩﺭ ..
ﻛﺎﻧﺖ ﻧﺒﺮﺗﻪ ﺣﺎﺩﻩ .. ﻭﺗﺤﺲ ﺑﺪﻗﺎﺕ ﻗﻠﺒﻪ ﺍﻟﺴﺮﻳﻌﻪ ..
ﻫﻮ ﻣﺘﻮﺗﺮ .. ﻭﻛﺄﻧﻪ ﻓﺎﻗﺪ ﻷﻋﺼﺎﺑﻪ ..
ﻣﻌﻘﻮﻟﻪ ﻟﻬﺎﻟﺪﺭﺟﻪ ﺍﻟﻤﻮﺿﻮﻉ ﻛﺒﻴﺮ .. ؟ !
ﻣﺎ ﺗﺪﺭﻱ ﻟﻴﻪ ﺣﺎﺳﻪ ﻧﻔﺴﻬﺎ ﺑﺘﺒﻜﻲ ..
ﻭﺩﻫﺎ ﺗﺼﺮﺥ ﻭﺗﻘﻮﻝ ﻛــﺎﻓــــﻲ !!..
ﻣﺎ ﺗﺤﺐ ﺍﻟﻤﺸﺎﻛﻞ .. ﻣﺎ ﺗﺤﺒﻬﺎ ﺃﺑﺪﺍً .. ﺗﺨﺎﻑ ﻣﻨﻬﺎ ..
ﺣﺘﻰ ﺑﺎﻟﺒﻴﺖ ﻟﻮ ﺑﺘﺼﻴﺮ ﻣﺸﻜﻠﻪ ﻋﻠﻰ ﻃﻮﻝ ﺗﺮﻭﺡ ﺗﻌﺰﻝ ﻧﻔﺴﻬﺎ ﺑﺄﻱ ﻣﻜﺎﻥ ..
ﻳﺎ ﺍﻟﻤﻄﺒﺦ .. ﺃﻭ ﺍﻟﺴﻄﺢ .. ﺃﻭ ﺣﺘﻰ ﺍﻟﺤﻤﺎﻡ ..
ﺯﻣﺖ ﻋﻠﻰ ﺷﻔﺘﻬﺎ ﻭﺭﻓﻌﺖ ﺇﻳﺪﻫﺎ ﺗﻤﺴﻚ ﺑﺒﻠﻮﺯﺗﻪ ..
ﻣﺎ ﺯﺍﻟﺖ ﺗﺤﺲ ﺑﺘﻮﺗﺮﻩ ﻭﺑﺈﻧﻔﻼﺕ ﺃﻋﺼﺎﺑﻪ ..
ﺍﻟﺘﺠﺎﺩﻝ ﺷﻜﻠﻪ ﻛﺒﻴﺮ .. ﻛﺒﻴﺮ ﻛﺜﻴﺮ ..
ﺷﺪﺕ ﻋﻠﻰ ﺑﻠﻮﺯﺗﻪ ﻭﻗﺎﻟﺖ ﺑﻬﻤﺲ : ﻧﺎﺩﺭ ﺧﻼﺹ .. ﺃﻣﺎﻧﻪ ﺧﻼﺹ ..
ﻭﻗﻒ ﻧﺎﺩﺭ ﻋﻦ ﺍﻟﻜﻼﻡ ﺃﻭﻝ ﻣﺎ ﺣﺲ ﺑﻬﻤﺴﻬﺎ ..
ﻣﺎ ﺩﺭﻯ ﻭﺵ ﻗﺎﻟﺖ .. ﺑﺲ ﻋﺮﻑ ﺇﻧﻬﺎ ﻗﺎﻟﺖ ﺷﻲﺀ ..
ﺃﺧﺬ ﻧﻔﺲ ﻋﻤﻴﻖ ﺑﻌﺪﻫﺎ ﺃﺑﻌﺪ ﺇﻳﺪﻩ ﻋﻦ ﺇﺫﻧﻬﺎ ﻭﻣﺴﻚ ﺑﻴﺪﻫﺎ ﻭﺳﺤﺒﻬﺎ ﻭﺭﺍﻩ ﻟﻔﻮﻕ ..
ﺍﻷﻡ ﺑﺤِﺪﻩ : ﻧﺎﺩﺭ ﻭﻗﻒ !!!..
ﺗﺠﺎﻫﻠﻬﺎ ﻭﻛﻤﻞ ﻃﻠﻮﻉ ﻟﻔﻮﻕ ..
ﺣﻄﺖ ﺍﻷﻡ ﺇﻳﺪﻫﺎ ﻋﻠﻰ ﻭﺣﺪﻩ ﻣﻦ ﻋﻴﻮﻧﻬﺎ ﻭﻫﻲ ﺣﺎﺳﻪ ﺑﺼﺪﺍﻉ ﺷﺪﻳﺪ ..
ﺇﻧﻔﻠﺘﺖ ﺃﻋﺼﺎﺑﻬﺎ ﻫﺎﻟﻤﺮﻩ ﻛﺜﻴﺮ ..
ﻫﺎﻟﻮﻟﺪ ﺟﻨﻨﻬﺎ .. ﻛﻴﻒ ﻳﺘﺠﺮﺃ ﻳﺘﺰﻭﺝ ﻣﻦ ﻭﺭﺍﻫﺎ ..
ﻭﻛﻴﻒ ﻳﺘﺠﺮﺃ ﻳﺮﻓﺾ ﺍﻟﻄﻼﻕ .. ؟ !!
ﻻﺯﻡ ﺗﺤﻂ ﺣﺪ ﻟﻤﻮﺿﻮﻉ ﺯﻭﺍﺟﻪ ﻭﺑﺴﺮﻋﻪ ..
ﺟﻠﺲ ﻧﺎﺩﺭ ﻋﻠﻰ ﺍﻟﺴﺮﻳﺮ ﻭﻇﻞ ﻳﻄﺎﻟﻊ ﻓﻲ ﺍﻷﺭﺽ ﺑﻬﺪﻭﺀ ..
ﻭﺍﻟﻬﻨﻮﻑ ﻣﺎ ﺯﺍﻟﺖ ﻭﺍﻗﻔﻪ ﻋﻨﺪ ﺑﺎﺏ ﺍﻟﻐﺮﻓﻪ ﻣﺤﻞ ﻣﺎ ﺗﺮﻙ ﻧﺎﺩﺭ ﺇﻳﺪﻫﺎ ﻭﻟﺤﺪ ﺍﻟﻠﺤﻴﻦ ﻣﺸﻮﺷﻪ ..
ﻭﺍﺿﺢ ﻣﻦ ﺍﻟﺒﺪﺍﻳﻪ ﺇﻥ ﺭﻓﺾ ﺍﻷﻡ ﻭﺭﺍﻩ ﺳﺒﺐ ..
ﺑﺲ ﻫﺎﻟﺴﺒﺐ ﺍﻟﻠﺤﻴﻦ ﺻﺎﺭ ﻭﺍﺿﺢ ﺇﻧﻪ ﻗﻮﻱ ..
ﻣﺎ ﻳﻬﻤﻬﺎ ﺗﻌﺮﻑ ﺍﻟﺴﺒﺐ ﻗﺪ ﻣﺎ ﻳﻬﻤﻬﺎ ﺗﻌﺮﻑ ﻣﻴﻦ ﻣﻨﻬﻢ ﻋﻠﻰ ﺣﻖ ..
ﺍﻷﻡ .. ﻭﻻ ﻧﺎﺩﺭ .. ؟ !
ﺍﻹﺟﺎﺑﻪ ﻋﻠﻰ ﻫﺬﺍ ﺍﻟﺴﺆﺍﻝ ﺑﺲ ... ﺭﺍﺡ ﻳﺮﻳﺤﻬﺎ ﻛﺜﻴﺮ ..
ﺗﻘﺪﻣﺖ ﻛﻢ ﺧﻄﻮﻩ ﻓﺠﺎﻫﺎ ﺻﻮﺕ ﻧﺎﺩﺭ ﻳﻘﻮﻝ ﺑﻬﺪﻭﺀ : ﺍﻟﻬﻨﻮﻑ .... ﻣﺘﺄﻛﺪﻩ ﺇﻧﻚ ﻣﻮ ﻧﺪﻣﺎﻧﻪ .. ؟ !
ﻭﻗﻔﺖ ﻭﻃﺎﻟﻌﺖ ﻓﻴﻪ ﻭﻫﻮ ﻣﺎ ﻳﺰﺍﻝ ﻧﻈﺮﻩ ﻋﻠﻰ ﺍﻷﺭﺽ ..
ﺍﻟﻬﻨﻮﻑ : ﻣﺎ ﻓﻬﻤﺖ ..
ﻧﺎﺩﺭ ﺑﻨﻔﺲ ﺍﻟﻬﺪﻭﺀ : ﺃﻗﺼﺪ .. ﻣﻮ ﻧﺪﻣﺎﻧﻪ ﻋﻠﻰ ﺍﻟﺰﻭﺍﺝ ﻣﻨﻲ .. ؟ ! ﻋﻠﻰ ﻣﻮﺍﻓﻘﺘﻚ ﻟﻠﺰﻭﺍﺝ .. ؟ !
ﻣﺎ ﺗﺪﺭﻱ .. ﻣﺎ ﺗﺪﺭﻱ ﺑﺈﻳﺶ ﺗﺠﺎﻭﺏ ..
ﻫﻲ .. ﻣﻮ ﻧﺪﻣﺎﻧﻪ .. ﺑﺲ ﺗﺨﺎﻑ ﺑﻌﺪﻳﻦ ﺗﻨﺪﻡ ..
ﻓـ ... ﻣﻮ ﻋﺎﺭﻓﻪ ﺑﺈﻳﺶ ﺗﺠﺎﻭﺏ ..
ﻇﻞ ﺍﻟﻮﺿﻊ ﻫﺎﺩﻱ ﻟﺨﻤﺲ ﺩﻗﺎﻳﻖ ﻭﻟﻤﺎ ﺷﺎﻓﺖ ﺳﻜﻮﺗﻪ ﻋﺮﻓﺖ ﺇﻧﻪ ﻳﻨﺘﻈﺮ ﺟﻮﺍﺑﻬﺎ ..
ﻋﻠﻰ ﺍﻟﻌﻤﻮﻡ .. ﻭﺵ ﺍﻟﻠﻲ ﻣُﻤﻜﻦ ﺗﻨﺪﻡ ﻋﻠﻴﻪ .. ؟ !
ﻫﻲ ... ﺗﺤﺲ ﺇﻧﻬﺎ ﻣﺮﺗﺎﺣﻪ ﻣﻌﺎﻩ .. ﻣﺮﺗﺎﺣﻪ ﻛﺜﻴﺮ ..
ﺗﻘﺪﻣﺖ ﺷﻮﻱ ﻭﺑﻌﺪﻫﺎ ﻗﺎﻟﺖ : ﻻ ..
ﺇﺑﺘﺴﻢ ﺑﻌﺪﻫﺎ ﺭﻓﻊ ﺭﺍﺳﻪ ﻟﻬﺎ ﻳﻘﻮﻝ : ﻃﻴﺐ ﺇﺳﻤﻌﻲ .. ﺑﻜﺮﻩ ﺭﺍﺡ ﺃﺭﻭﺡ ﻟﻠﺸﻐﻞ ﻭﺑﺂﺧﺬ ﺃﻭﺭﺍﻗﻚ ﺃﺧﻠﻲ ﺃﻣﻴﺮﻩ ﺗﺴﺠﻠﻚ ﺑﺎﻟﻤﺪﺭﺳﻪ ﺍﻟﻠﻲ ﺗﺪﺭّﺱ
ﻓﻴﻬﺎ .. ﻭﺇﻧﺘﻲ ﺧﻠﻴﻚ ﺑﺎﻟﻐﺮﻓﻪ ﻭﻻ ﺗﻔﺘﺤﻲ ﻷﻱ ﻛﺎﺋﻦ ﺣﻲ .. ﻭﺇﺷﻐﻠﻲ ﻭﻗﺘﻚ .. ﺧﺬﻱ ﻟﻚ ﻭﺭﻗﻪ ﻭﺃﻛﺘﺒﻲ ﺍﻷﻣﺎﻛﻦ ﺍﻟﻠﻲ ﻭﺩﻙ ﺗﺰﻭﺭﻳﻬﺎ ﻭﺃﻭﻝ
ﻣﺎ ﺃﺭﺟﻊ ﻧﺮﻭﺡ ﻧﺰﻭﺭﻫﺎ .. ﺧﻼﺹ .. ؟ !
ﻇﻬﺮ ﺍﻟﺤﻤﺎﺱ ﺗﺪﺭﻳﺠﻴﺎً ﻋﻠﻰ ﻣﻼﻣﺤﻬﺎ ﻭﻫﻲ ﺗﻘﻮﻝ : ﺟﺪ .. ؟ !!!
ﻫﺰ ﺭﺍﺳﻪ ﻳﻘﻮﻝ : ﺇﻳﻪ ..
ﺇﺳﺘﺎﻧﺴﺖ .. ﺣﺴﺖ ﺑﻔﺮﺣﻪ ﻛﺒﻴﺮﻩ ..
ﻓﺮﺣﻪ ﻣُﻤﻜﻦ ﺗﺨﻠﻴﻬﺎ ﺗﺒﻜﻲ ﻣﻦ ﺷﺪﺗﻬﺎ ..
ﻫﻮ ﻃﻴﺐ .. ﺗﺤﺒﻪ ﻛﺜﻴﺮ ..
ﻻ .. ﺧﻼﺹ ﺗﺄﻛﺪﺕ ﺑﺄﻧﻬﺎ ﻣﻮ ﻧﺪﻣﺎﻧﻪ ..
ﻭﻻ ﺭﺍﺡ ﺗﻨﺪﻡ
📚__💜__(♻️)__💜__📚
@ahgeel #عالم_القصص_والروايات
@hkauat #الارشيـــف
📚___💜____💜___📚

ﺍﻟﺴﺎﻋﻪ ﻭﺣﺪﻩ ﺑﻌﺪ ﻣﻨﺘﺼﻒ ﺍﻟﻠﻴﻞ ..
ﻭﻗﻒ ﺍﻟﺴﻴﺎﺭﻩ ﺃﻭﻝ ﻣﺎ ﻭﺻﻞ ﻟﻠﻤﻜﺎﻥ ..
ﻗﻔﻠﻬﺎ ﻭﻫﻮ ﻳﻘﻮﻝ ﻟﻠﻄﺮﻑ ﺍﻟﺜﺎﻧﻲ ﺍﻟﻠﻲ ﻳﻜﻠﻤﻪ : ﻣﺪﺭﻱ .. ﻣﻦ ﺍﻟﺘﻌﺐ ﻧﻤﺖ ﺑﺎﻟﺴﻴﺎﺭﻩ ﻭﻣﺎ ﺻﺤﻴﺖ ﺇﻻ ﺑﺎﻟﻌﺸﺎﺀ ﻣﻦ ﺍﻟﺤﺮ .. ﻓﺮﻳﻮﻥ ﺍﻟﺴﻴﺎﺭﻩ
ﺷﻜﻠﻪ ﺧﻠﺺ .. ﺗﻌﺸﻴﺖ ﺑﻤﻄﻌﻢ ﻭﺷﻮﻱ ﻭﺃﺟﻲ ..
ﺍﻟﻄﺮﻑ ﺍﻟﺜﺎﻧﻲ : ﺗﻌﺸﻴﺖ ﻭﺷﻮﻱ ﺗﺠﻲ .. ؟ ! ﺣُﺴﺎﻡ ﺗﺒﻲ ﺗﻘﻨﻌﻨﻲ ﺇﻧﻚ ﻣﻦ ﺍﻟﻌِﺸﺎﺀ ﻭﺇﻧﺖ ﺗﺘﻌﺸﻰ ﻟﻨﺺ ﺍﻟﻠﻴﻞ !!..
ﻧﺰﻝ ﺣُﺴﺎﻡ ﻣﻦ ﺍﻟﺴﻴﺎﺭﻩ ﻭﺭﻓﻊ ﻧﻈﺮﻩ ﻟﻠﻘﺼﺮ ﻭﻫﻮ ﻳﻘﻮﻝ : ﻻ ﺑﻌﺪ ﻣﺎ ﺗﻌﺸﻴﺖ ﺭﺣﺖ ﺃﺯﻭﺭ ﻣﺎﻳﺎ ﻭﻇﻠﻴﺖ ﻋﻨﺪﻫﺎ ﻟﻴﻦ ﺇﻧﺘﻬﺎﺀ ﻭﻗﺖ ﺍﻟﺰﻳﺎﺭﻩ ..
ﺧﻼﺹ ﻧﺺ ﺳﺎﻋﻪ ﺃﻭ ﺳﺎﻋﻪ ﺑﺎﻟﻜﺜﻴﺮ ﻭﺃﻛﻮﻥ ﻋﻨﺪﻙ ..
ﺑﻌﺪﻫﺎ ﻛﻤﻞ ﻭﻫﻮ ﻳﻀﺤﻚ : ﻟﻬﺎﻟﺪﺭﺟﻪ ﻭﺍﺣﺸﺘﻚ ﺳﻴﺎﺭﺗﻚ ﻳﺎ ﺟﻮﺩ !!..
ﺗﻨﻬﺪ ﺟﻮﺍﺩ ﻳﻘﻮﻝ : ﻣﺎ ﻋﻠﻲّ ﻣﻦ ﺍﻟﺴﻴﺎﺭﻩ .. ﺧﻔﺖ ﺗﻜﻮﻥ ﻧﺎﻭﻱ ﺗﺮﻭﺡ ﻟﻠﻘﺼﺮ ﺗﺮﺟﻊ ﻣﺤﻔﻀﺘﻚ ﻣﻦ ﺩﻭﻥ ﻻ ﺗﻘﻮﻝ ﻟﻲ ..
ﺇﺗﺠﻪ ﺣُﺴﺎﻡ ﻟﺴﻮﺭ ﺍﻟﻘﺼﺮ ﻭﻫﻮ ﻳﻘﻮﻝ : ﻭﺇﺫﺍ ﻛﻨﺖ ﺑﺮﻭﺡ ﺷﻔﻴﻬﺎ .. ؟ !
ﺟﻮﺍﺩ ﺑﺤِﺪﻩ : ﻓﻴﻬﺎ ﻛﺜﻴﺮ !!.. ﺍﻟﺘﻬﻮﺭ ﻣﺎ ﺃﺣﺒﻪ .. ﻛﻞ ﺷﻲﺀ ﺗﺴﻮﻳﻪ ﻻﺯﻡ ﺗﺨﻄﻂ ﻟﻪ ﻣﻦ ﺍﻟﺒﺪﺍﻳﻪ .. ﻻ ﺗﻨﺴﻰ ﺇﻥ ﺗﻬﻮﺭﻙ ﻫﻮ ﺍﻟﻠﻲ ﻭﺭﻁ ﺭﻏﺪ
ﺑﺎﻟﻤﻮﺿﻮﻉ .. ﻓﻼ ﺗﻔﻜﺮ ﺗﺮﻭﺡ .. ﺃﻧﺎ ﺑﺄﺷﻮﻑ ﻟﻠﻤﻮﺿﻮﻉ ﻭﺃﺷﻮﻑ ﺃﻓﻀﻞ ﻓﺮﺻﻪ ﻭﺃﺭﻭﺡ ..
ﺣُﺴﺎﻡ : ﻣﺪﺭﻱ ﻟﻴﺶ ﻟﻠﺤﻴﻦ ﺗﺸﻮﻓﻨﻲ ﻃﻔﻞ .. ؟ !
ﺟﻮﺍﺩ : ﻣﻮ ﻃﻔﻞ .

. ﺑﺲ ﺗﻬﻮﺭﻙ ﺗﻬﻮﺭ ﺃﻃﻔﺎﻝ ..
ﺣُﺴﺎﻡ : ﻣﺎﺷﻲ .. ﻗﺮﻳﺐ ﺑﺘﻌﺮﻑ ﺇﻥ ﻫﺎﻟﻄﻔﻞ ﻛﺒﺮ ﻳﺎ ﺟﻮﺩ .. ﻳﺎﻟﻼ ﻣﻊ ﺍﻟﺴﻼﻣﻪ ..
ﺟﻮﺍﺩ : ﻻ ﺗﺘﺄﺧﺮ ..
ﻗﻔﻞ ﺣُﺴﺎﻡ ﺍﻟﺠﻮﺍﻝ ﻭﺣﻄﻪ ﺑﺠﻴﺒﻪ ﻭﻫﻮ ﻳﻘﻮﻝ : ﻣﺎ ﺃﺣﺐ ﻃﺮﻳﻘﺔ ﺗﺼﺮﻓﻪ ﻣﻌﻲ .. ﻟﻲ ﺳﻨﻮﺍﺕ ﻋﺎﻳﺶ ﻟﻮﺣﺪﻱ ﻭﻣﺘﺤﻤﻞ ﻣﺴﺆﻭﻟﻴﺔ ﻣﺎﻳﺎ ..
ﻣﻮ ﺑﻌﺪ ﻛﻞ ﻫﺬﺍ ﻳﻘﻮﻝ ﻋﻨﻲ ﻃﻔﻞ .. ﺃﻗﺪﺭ ﺃﺗﺤﻤﻞ ﻣﺴﺆﻟﻴﺔ ﻧﻔﺴﻲ ﻭﻣﺴﺆﻟﻴﺔ ﺃﻏﻼﻃﻲ ..
ﻭﻗﻒ ﺑﻤﻜﺎﻧﻪ ﻭﻛﻤﻞ ﺑﻬﺪﻭﺀ : ﻳﻜﻔﻲ ﺍﻟﻤﺮﻩ ﺍﻟﻠﻲ ﻓﺎﺗﺖ ﺗﺤﻤﻠﺖ ﺭﻏﺪ ﻣﺴﺆﻟﻴﺔ ﺃﻏﻼﻃﻲ .. ﻣﺎ ﺃﺑﻐﻰ ﺍﻟﻤﻮﺿﻮﻉ ﻳﺘﻜﺮﺭ ..
ﺭﻓﻊ ﺭﺍﺳﻪ ﻳﻄﺎﻟﻊ ﺑﺎﻟﺴﻮﺭ ﺑﻌﺪﻫﺎ ﺭﻣﻰ ﺍﻟﺤﺒﻞ ﻭﻫﻮ ﻳﻘﻮﻝ : ﻭﻛﻤﺎﻥ ﻟﻴﻪ ﻣﺎﺧﺬ ﺍﻟﻤﻮﺿﻮﻉ ﺃﻛﺒﺮ ﻣﻦ ﺣﺠﻤﻪ .. ؟ ! ﺃﺻﺤﺎﺏ ﺍﻟﺒﻴﺖ ﺃﻛﻴﺪ ﻣﺴﺎﻓﺮﻳﻦ
.. ﺍﻟﺪﺧﻮﻝ ﺑﻴﻜﻮﻥ ﺳﻬﻞ ﻣﺜﻞ ﺍﻟﻤﺮﻩ ﺍﻷﻭﻟﻰ .. ﺑﺎﻟﻌﻜﺲ ﺑﻴﻜﻮﻥ ﺃﺳﻬﻞ ﺑﻤﺎ ﺇﻧﻲ ﺃﻋﺮﻑ ﺍﻟﻠﺤﻴﻦ ﻛﻞ ﺷﻲﺀ ..
ﻧﻂ ﻣﻦ ﻓﻮﻕ ﺍﻟﺴﻮﺭ .. ﻣﻦ ﺍﻟﺠﻬﻪ ﺍﻟﻠﻲ ﻧﻂ ﻣﻨﻬﺎ ﻫﻮ ﻭﺧﺎﻟﻪ ﺁﺧﺮ ﻣﺮﻩ ..
ﺳﻤﻊ ﻣﻦ ﺧﺎﻟﻪ ﻭﻗﺘﻬﺎ ﻋﻦ ﻣﻮﺿﻮﻉ ﺍﻟﻜﺎﻣﻴﺮﺍﺕ ﻓﻌﺸﺎﻥ ﻛِﺬﺍ ﺑﻴﻤﺸﻲ ﻣﻦ ﻧﻔﺲ ﺍﻟﻄﺮﻳﻖ ﻋﺸﺎﻥ ﻳﺘﺠﻨﺒﻬﺎ ..
ﺗﻘﺪﻡ ﺑﻬﺪﻭﺀ ﺑﺈﺗﺠﺎﻩ ﺍﻟﺒﺎﺏ ﺍﻟﺠﺎﻧﺒﻲ ﻭﺍﻟﻤﻜﺎﻥ ﻣﻦ ﺣﻮﻟﻪ ﻫﺎﺩﻱﺀ ﺗﻤﺎﻣﺎً ﻣﺜﻞ ﺁﺧﺮ ﻣﺮﻩ ..
ﻓﻌﻼً ﺟﻮﺍﺩ ﻣﻌﻄﻲ ﺍﻟﻤﻮﺿﻮﻉ ﺃﻛﺒﺮ ﻣﻦ ﺣﺠﻤﻪ ..
ﺟﻠﺲ ﻗﺪﺍﻡ ﺍﻟﺒﺎﺏ ﺃﻭﻝ ﻣﺎ ﻭﺻﻞ ﻟﻪ .. ﺷﻐّﻞ ﺍﻟﻜﺸﺎﻑ ﻭﺛﺒﺘﻪ ﺑﻔﻤﻪ ﻭﺑﺪﺃ ﻳﺤﺎﻭﻝ ﻳﻔﺘﺢ ﻗﻔﻞ ﺍﻟﺒﺎﺏ ﺑﺎﻟﺤﺪﻳﺪﺗﻴﻦ ﺍﻟﻲ ﺃﺧﺬﻫﺎ ﻣﻦ ﻋﻠﺒﺔ ﺃﻧﺼﺎﻝ
ﺍﻟﻜﻮﻟﻢ ﺍﻟﻤﻮﺟﻮﺩﻩ ﺑﺎﻟﺴﻴﺎﺭﻩ ..
ﺃﺧﺬ ﻓﺘﺤﻪ ﻣﻨﻪ ﻭﻗﺖ ﺃﻃﻮﻝ ﻣﻦ ﺍﻟﻮﻗﺖ ﺍﻟﻠﻲ ﻳﺎﺧﺬﻩ ﺟﻮﺍﺩ ..
ﻣﺎ ﻳﻬﻢ .. ﺃﻫﻢ ﺷﻲﺀ ﻗﺪﺭ ﻳﻔﺘﺤﻪ ..
ﺩﺧﻞ ﻣﻦ ﺍﻟﺒﺎﺏ ﻭﺛﺒﺖ ﺍﻟﻜﺎﺏ ﻋﻠﻰ ﺭﺍﺳﻪ ﻋِﺪﻝ ﻭﺧﺮﺝ ﻣﻦ ﺍﻟﻐﺮﻓﻪ ﺑﻬﺪﻭﺀ ..
ﻟﻒ ﺑﻨﻈﺮﻩ ﺑﺎﻟﺼﺎﻟﻪ ﻓﺸﺎﻓﻬﺎ ﻣﻈﻠﻤﻪ ﻭﺑﺤﺎﻟﺔ ﻫﺪﻭﺀ ﻛﺒﻴﺮﻩ ..
ﺇﺑﺘﺴﻢ ﻭﺇﺗﺠﻪ ﻹﺣﺪﻯ ﺍﻷﻗﺴﺎﻡ ﻭﺑﻌﺪﻫﺎ ﺇﺗﺠﻪ ﻟﻐﺮﻓﺔ ﺍﻟﻤﻜﺘﺐ ..
ﻟﻒ ﻣﻘﺒﺾ ﺍﻟﺒﺎﺏ ﻓﺈﻧﻔﺘﺢ ﻣﻌﻪ ..
ﺩﺧﻞ ﻭﻗﻔﻠﻪ ﻭﺭﺍﻩ ﺑﻬﺪﻭﺀ ..
ﺇﺗﺠﻪ ﻟﻠﻤﻜﺘﺐ ﻭﺷﻐﻞ ﻧﻮﺭ ﺍﻷﺑﺎﺟﻮﺭﻩ ..
ﺷﺪ ﺍﻟﻘﻔﺎﺯﺍﺕ ﺍﻟﺴﻮﺩﺍﺀ ﻋﻠﻰ ﻳﺪﻩ ﻭﺑﻌﺪﻫﺎ ﺑﺪﺃ ﻳﻘﻠﺐ ﺑﺎﻷﻏﺮﺍﺽ ﺍﻟﻠﻲ ﻓﻮﻕ ﺍﻟﻤﻜﺘﺐ ..
ﻋﻘﺪ ﺣﺎﺟﺒﻪ ﻟﻤﺎ ﻣﺎ ﺷﺎﻑ ﺃﻱ ﺃﺛﺮ ﻟﻤﺤﻔﻀﺘﻪ ..
ﻟﻴﻪ .. ؟ ! ﻭﻳﻨﻬﺎ .. ﺍﻟﻤﻔﺮﻭﺽ ﺗﻜﻮﻥ ﻓﻮﻕ ﺍﻟﻤﻜﺘﺐ .. ؟ !
ﻫﻮ ﻣﺘﺄﻛﺪ ﺑﺈﻧﻪ ﺗﺮﻛﻬﺎ ﻫﻨﺎ ..
ﺇﺫﺍ ﻛﺎﻥ ﺗﺮﻛﻬﺎ ﻫﻨﺎ ﺇﺫﺍً ﻭﻳﻦ ﺭﺍﺣﺖ .. ؟ !
ﻣﺴﺘﺤﻴﻞ ﺗﺘﺤﺮﻙ ﻣﻦ ﻣﻜﺎﻧﻬﺎ ﺇﻻ ﺇﺫﺍ ...
ﻋﻘﺪ ﺣﻮﺍﺟﺒﻪ ﺑﻌﺪﻫﺎ ﻓﺘﺢ ﻋﻴﻮﻧﻪ ﺑﺼﺪﻣﻪ ..
ﻣﻌﻘﻮﻟﻪ !!..
ﺇﻧﻔﺘﺢ ﺍﻟﺒﺎﺏ ﻓﻲ ﻫﺬﺍ ﺍﻟﻮﻗﺖ ﻓﺈﻟﺘﻔﺖ ﺣُﺴﺎﻡ ﺑﺴﺮﻋﻪ ﻟﻠﺒﺎﺏ ﺑﺼﺪﻣﻪ ..
ﺇﺷﺘﻐﻠﺖ ﺍﻟﻠﻤﺒﺎﺕ ﻭﻇﻬﺮ ﻟﻪ ﺷﻜﻞ ﺭﺟﺎﻝ ﻓﻲ ﺍﻟﺨﻤﺴﻴﻨﺎﺕ ﻣﻦ ﻋﻤﺮﻩ ..
ﺇﺑﺘﺴﻢ ﺍﻟﺮﺟﺎﻝ ﻭﻫﻮ ﻳﻘﻮﻝ : ﻛﻨﺖ ﻣﺘﻮﻗﻊ ﺇﻧﻚ ﺑﺘﺮﺟﻊ ﻓﻲ ﺃﻱ ﻟﺤﻀﻪ ..
ﻗﻔﻞ ﺍﻟﺮﺟﺎﻝ ﺍﻟﺒﺎﺏ ﺧﻠﻔﻪ ﻳﻘﻮﻝ : ﻭﺍﻟﺴﺒﺐ ﻫﻮ ﺇﻛﺘﺸﺎﻓﻲ ﺑﻜﻤﻴﺔ ﺍﻟﻐﺒﺎﺀ ﺍﻟﻤﺘﺠﺴﺪﻩ ﻓﻴﻚ ﻳﺎ ﺃُﺳﺘﺎﺫ ﺣُﺴﺎﻡ !!..
ﺗﺴﺎﺭﻋﺖ ﺿﺮﺑﺎﺕ ﻗﻠﺒﻪ ﻣﻦ ﺍﻟﺼﺪﻣﻪ ﻭﻫﻮ ﺣﺎﺱ ﺑﺈﻧﻪ ﺩﺧّﻞ ﻧﻔﺴﻪ ﺑﻤﺸﻜﻠﻪ ﻣﻮ ﺳﻬﻠﻪ ..
ﺻﻚ ﻋﻠﻰ ﺃﺳﻨﺎﻧﻪ .. ﻫﻮ ﺑﻮﺭﻃﻪ ..
ﺑﻮﺭﻃﻪ ﻛﺒﻴﺮﻩ
*✋ #نهاية_الفصل🔄*
*💜 #Followed ⬇💜*

💛💜💛💜💛💜💛ا
💜💛💜💛💜💛💜ا
💛 💛💜💛 💛ا
💜الفصل. الــ9⃣1⃣💛
💛 💛💜💛 💛ا
💜💛💜💛💜💛💜ا
💛💜💛💜💛💜💛ا

*📚عـ(القصص)ـالـ(والـروايـآت)ــم📚*

#رواية_بعنوان
*👹 #شظايا_شيطانية 👿*
*💜 #Chapter 1⃣9⃣💜*

ﺇﺗﺴﻌﺖ ﻋﻴﻮﻥ ﺣُﺴﺎﻡ ﻣﻦ ﺍﻟﺼﺪﻣﻪ ﻭﻫﻮ ﻳﻄﺎﻟﻊ ﻓﻲ ﻫﺬﺍ ﺍﻟﺮﺟﺎﻝ ﺍﻟﻐﺮﻳﺐ ﺍﻟﻠﻲ ﺇﻗﺘﺤﻢ ﺍﻟﻤﻜﺘﺐ ..
ﻟﻴﻪ .. ؟ !
ﻣﻮ ﺍﻟﻤﻔﺮﻭﺽ ﺍﻟﻘﺼﺮ ﻳﻜﻮﻥ ﻓﺎﺿﻲ .. ؟ !
ﻣﻮ ﺍﻟﻤﻔﺮﻭﺽ ﺗﻜﻮﻥ ﺍﻟﻤﺤﻔﻀﻪ ﺑﻤﻜﺎﻧﻬﺎ .. ؟ !
ﻟﻴﻪ ﻛﻞ ﺷﻲﺀ ﺟﺎﺀ ﻋﻜﺲ ﺗﻮﻗﻌﺎﺗﻪ .. ؟ !
ﻋﺾ ﻋﻠﻰ ﺷﻔﺘﻪ ﻭﻫﻮ ﻳﻄﺎﻟﻊ ﻓﻲ ﺣﺠﻢ ﺍﻟﻮﺭﻃﻪ ﺍﻟﻠﻲ ﻃﺎﺡ ﻓﻴﻬﺎ ..
ﻫﺎﻟﺮﺟﺎﻝ .. ﺷﻜﻠﻪ ﺃﺑﺪﺍً ﻣﻮ ﻋﺎﺩﻱ ..
ﻋﻠﻰ ﺇﻧﻪ ﻻﺑﺲ ﺑﻴﺠﺎﻣﺔ ﻧﻮﻡ ﻛﺤﻠﻲ ﺇﻻ ﺇﻥ ﺷﻜﻠﻪ ﻳﻌﻄﻲ ﻫﻴﺒﻪ ..
ﺗﻘﺎﺳﻴﻢ ﻣﻼﻣﺤﻪ ﺍﻟﺤﺎﺩﻩ ﺗﺨﻠﻴﻚ ﺗﻌﺮﻑ ﺇﻧﻪ ﻣﻮ ﻋﺎﺩﻱ ..
ﻭﻻ ﺇﻳﺮﺍﺩﻳﺎً ﺭﻓﻊ ﺣُﺴﺎﻡ ﺇﻳﺪﻩ ﻟﻠﻜﺎﺏ ﻭﻧﺰﻟﻪ ﺷﻮﻱ ﻋﺸﺎﻥ ﻳﺨﻔﻲ ﻣﻼﻣﺤﻪ ..
ﻣﻮ ﻋﺎﺭﻑ ﻟﻴﻪ ﺗﺼﺮﻑ ﻛِﺬﺍ ..
ﻭﻣﻮ ﻋﺎﺭﻑ ﺧﻄﻮﺗﻪ ﺍﻟﺠﺎﻳﻪ ﺇﻳﺶ ﺑﺘﻜﻮﻥ ..
ﻣﺎ ﺣﺴﺐ ﺣﺴﺎﺏ ﻟﻤﺜﻞ ﻫﺎﻟﺸﻲﺀ ..
ﻣﺎ ﺧﻄﻂ ﻷ ﺷﻲﺀ .. ﻭﻻ ﻷﻱ ﺷﻲﺀ ..
ﻃﺎﻟﻊ ﺍﻟﺮﺟﺎﻝ ﺍﻟﻠﻲ ﻣﺎ ﻛﺎﻥ ﻏﻴﺮ ﺃﺑﻮ ﺃﺻﻴﻞ ﻓﻲ ﺣُﺴﺎﻡ ﻟﻔﺘﺮﻩ ..
ﻧﻘﻞ ﻧﻈﺮﻩ ﻟﻪ .. ﻻﺑﺲ ﺑﻨﻄﻠﻮﻥ ﺃﺳﻮﺩ ﻋﻠﻰ ﺗﻴﺸﻴﺮﺕ ﻛﺤﻠﻲ .. ﻛﺎﺏ ﺃﺳﻮﺩ ﻭﻗﻔﺎﺯﺍﺕ ﺳﻮﺩﺍﺀ ﻛﻤﺎﻥ ..
ﺷﻜﻠﻪ ﺍﻟﻌﺎﻡ ﻭﻃﻮﻟﻪ ﻳﺒﻴﻦ ﺇﻧﻪ ﻧﻔﺴﻪ ﺣُﺴﺎﻡ ﺻﺎﺣﺐ ﺍﻟـ 18 ﺳﻨﻪ ..
ﻣﻊ ﺇﻧﻪ ﻣﺎ ﻻﺣﻆ ﻣﻼﻣﺤﻪ ﻋﺪﻝ .. ﻭﻣﻮ ﻋﺎﺭﻑ ﺳﺒﺐ ﺇﺧﻔﺎﺋﻪ ﻟﻤﻼﻣﺤﻪ ﺑﻌﺪ ﻣﺎ ﺇﻧﻜﺸﻒ ..
ﺇﺑﺘﺴﻢ ﻳﻘﻮﻝ : ﺇﻧﺖ ﺣُﺴﺎﻡ ﺻﺤﻴﺢ .. ؟ !
ﻋﺾ ﺣُﺴﺎﻡ ﻋﻠﻰ ﺷﻔﺘﻪ .. ﺃﻛﻴﺪ ﻛﺎﻥ ﻳﻨﺘﻈﺮﻩ ﻣﻦ ﺃﻭﻝ ..
ﺃﺑﻮ ﺃﺻﻴﻞ : ﻛﻨﺖ ﺃﻧﺘﻈﺮﻙ ﻣﻦ ﺯﻣﺎﻥ ..
ﻓﻌﻼً .. ﻣﺜﻞ ﻣﺎ ﻛﺎﻥ ﻣﺘﻮﻗﻊ ..
ﺃﺑﻮ ﺃﺻﻴﻞ : ﺑﺲ ﺻﺪﻣﺘﻨﻲ ﺑﺼﺮﺍﺣﻪ .. ﻣُﺮﺍﻫﻖ ﺗﻮﻩ ﻳﺪﺧﻞ ﺍﻟـ 18 ﻳﺴﺮﻕ ﻫﺎﻟﻤﺒﻠﻎ ﻛﻠﻪ !!.. ﻃﻴﺐ ﻭﺍﻷﺳﺒﺎﺏ .. ؟ ! ﻓﻴﻪ ﺃﺷﻴﺎﺀ ﻋﺠﺰﺕ ﺃﻓﻬﻤﻬﺎ
.. ﺗﺨﻄﻲ ﻛﻤﻴﺮﺍﺕ ﺍﻟﻤُﺮﺍﻗﺒﻪ ﺍﻟﻠﻲ ﺑﺮﻯ .. ﻓﺘﺢ ﺍﻟﺨﺰﺍﻧﻪ ﺑﻬﺬﺍ ﺍﻟﺸﻜﻞ ﺍﻟﻤُﺤﺘﺮﻑ ﻳﺒﻴﻦ ﺇﻥ ﺍﻟﻠﻲ ﺳﺮﻕ ﺷﺨﺺ ﻣُﺤﺘﺮﻑ ﻭﻟﻪ ﺧﺒﺮﻩ .. ﻟﻜﻦ
ﺑﻌﺪﻫﺎ ﺃﻻﻗﻲ ﺍﻟﻤﺤﻔﻀﻪ ﻧﺎﺳﻴﻬﺎ ﻭﻳﻄﻠﻊ ﺻﺎﺣﺒﻬﺎ ﺗﻮﻩ ﻭﻟﺪ ﻣُﺮﺍﻫﻖ .. ﺍﻟﺘﻨﺎﻗﺾ ﻛﺒﻴﺮ ..
ﺷﺘﺖ ﺣُﺴﺎﻡ ﻧﻈﺮﻩ ﻓﻲ ﺃﺭﺟﺎﺀ ﺍﻟﻤﻜﺘﺐ ﻭﻫﻮ ﻋﺎﺽ ﻋﻠﻰ ﺷﻔﺘﻪ ﻳﻔﻜﺮ ﺑﻄﺮﻳﻘﻪ ﻳﻄﻠّﻊ ﻧﻔﺴﻪ ﻓﻴﻬﺎ ﻣﻦ ﻫﺎﻟﻮﺭﻃﻪ ..
ﺃﺑﻮ ﺃﺻﻴﻞ : ﺑﻤﺎ ﺇﻥ ﺍﻟﻤﺤﻔﻀﻪ ﺗﺤﻮﻱ ﻋﻠﻰ ﺑﻄﺎﻗﺔ ﺷﺨﺼﻴﻪ ﻓﺄﻛﻴﺪ ﺻﺎﺣﺒﻬﺎ ﺭﺍﺡ ﻳﻨﺘﺒﻪ ﺇﻧﻬﺎ ﺿﺎﻋﺖ ﻗﺮﻳﺐ ﻭﺑﻜِﺬﺍ ﻋﺮﻓﺖ ﺇﻥ ﺍﻟﺴﺮﻗﻪ ﺣﺼﻠﺖ
ﻗﺮﻳﺐ ﺟﺪﺍً .. ﻭﺍﻟﺒﻄﺎﻗﻪ ﺍﻟﺸﺨﺼﻴﻪ ﻣُﻬﻤﻪ ﻭﺻﺎﺣﺒﻬﺎ ﺃﻛﻴﺪ ﻳﺤﺘﺎﺟﻬﺎ ﻭﺑﻴﻔﻜﺮ ﻳﺴﺘﺮﺟﻌﻬﺎ .. ﻭﺑﻜِﺬﺍ ﻣﻦ ﺑﻌﺪ ﺍﻟﺴﺎﻋﻪ 12 ﻟﻤﺒﺎﺕ ﺍﻟﺒﻴﺖ ﻛﻠﻬﺎ
ﺧﻠﻴﺘﻬﺎ ﺗﻄﻔﻲ ﻭﺍﻟﻜُﻞ ﻣﻦ ﺩﻭﻥ ﺇﺳﺘﺜﻨﺎﺀ ﻳﻨﺎﻡ .. ﻭﺃﻧﺎ ... ﺃﻇﻞ ﺃﻧﺘﻈﺮ ﻫﺬﺍ ﺍﻟﺴﺎﺭﻕ .. ﺇﻥ ﻛﺎﻥ ﻣُﺤﺘﺮﻑ ﻓﺮﺍﺡ ﻳﻌﺮﻑ ﻣﻦ ﺍﻟﺒﺪﺍﻳﻪ ﺑﺈﻧﻨﺎ ﺭﺟﻌﻨﺎ
ﻣﻦ ﺍﻟﺴﻔﺮ ﺑﺲ ﺃﻛﻴﺪ ﻣﺎ ﺭﺍﺡ ﻳﺘﺮﺍﺟﻊ ﺑﻤﺎ ﺇﻥ ﺍﻟﻤﺤﻔﻀﻪ ﻣُﻬﻤﻪ .. ﺭﺍﺡ ﻳﻔﻜﺮ ﺑﺨﻄﻪ ﻣُﺤﻜﻤﻪ ﻟﻠﺪﺧﻮﻝ ﻭﻳﺰﻭﺭ ﺍﻟﻘﺼﺮ ﺃﻛﺜﺮ ﻣﻦ ﻣﺮﻩ ﻋﺸﺎﻥ
ﻳﺪﺭﺱ ﺍﻟﻮﺿﻊ ﻭﻳﺨﺘﺎﺭ ﺍﻟﻮﻗﺖ ﺍﻟﻤُﻨﺎﺳﺐ .. ﻋﻠﻰ ﺍﻟﻌﻤﻮﻡ ﺣﺘﻰ ﻟﻮ ﻓﻜﺮ ﻓﺮﺍﺡ ﻳﻼﻗﻨﻲ ﺑﺈﻧﺘﻈﺎﺭﻩ ﺑﻤﺎ ﺇﻧﻲ ﻋﻴﻨﺘﻜﻢ ﺷﺨﺺ ﻳﺮﺍﻗﺒﻮﺍ ﺍﻟﻘﺼﺮ ..
ﻭﻟﻸﺳﻒ ﺇﻧﺖ ﻣﺎ ﻛﻨﺖ ﺷﺨﺺ ﻣُﺤﺘﺮﻑ .. ﺟﻴﺖ ﺑﺲ ﻣﺮﻩ ﻭﺣﺪﻩ ﻭﺑﺎﻟﻠﻴﻞ ﻋﻠﻰ ﺃﺳﺎﺱ ﺇﻧﻚ ﺣﺎﻁ ﺑﺒﺎﻟﻚ ﺇﻥ ﺃﻫﻞ ﺍﻟﻘﺼﺮ ﻏﺎﻳﺒﻴﻦ ﻓﺘﺮﻩ
ﻃﻮﻳﻠﻪ ﻋﻨﻪ ﻭﺃﻛﻴﺪ ﻣﻮ ﻣﻮﺟﻮﺩﻳﻦ .. ﺩﺧﻠﺖ ﺑﻄﺮﻳﻘﻪ ﺗﻘﻠﻴﺪﻳﻪ ﺟﺪﺍً .. ﺣﺘﻰ ﺇﻧﻚ ﻛﻨﺖ ﺗﻜﻠﻢ ﺑﺎﻟﺠﻮﺍﻝ ﻃﻮﻝ ﻣﺸﻴﻚ ﻣﻦ ﺳﻴﺎﺭﺗﻚ ﻟﻠﺴﻮﺭ ﻷﻧﻚ
ﻭﺍﺛﻖ ﺇﻧﻪ ﻣﺎﻓﻲ ﺃﺣﺪ .. ﺛﻘﺘﻚ ﻛﺎﻧﺖ ﻋﻤﻴﺎﺀ ..
ﺻﻚ ﺣُﺴﺎﻡ ﻋﻠﻰ ﺃﺳﻨﺎﻧﻪ .. ﻳﻌﻨﻲ ﻛِﺬﺍ ﻭﻻ ﻛِﺬﺍ ﻛﺎﻥ ﺭﺍﺡ ﻳﻨﻤﺴﻚ ..
ﺃﺑﻮ ﺃﺻﻴﻞ : ﻛﻨﺖ ﻧﺎﻭﻱ ﺃﺧﺒﺮ ﺍﻟﺸﺮﻃﻪ ﺃﻭﻝ ﻣﺎ ﺣﺼﻠﺖ ﻣﺤﻔﻀﺘﻚ .. ﺑﺲ ﺭﺍﺡ ﻳﻨﺘﻬﻲ ﺍﻟﻤﻮﺿﻮﻉ ﺑﺴﺒﺐ ﻧﻘﺼﺎﻥ ﺍﻷﺩﻟﻪ .. ﺍﻟﺨﺰﻧﻪ ﻣﺎﻓﻲ ﺃﺛﺮ
ﻟﻔﺘﺤﻬﺎ ﺑﺎﻟﻘﻮﻩ .. ﻣﺎﻓﻲ ﺗﺴﺠﻴﻞ ﻟﻠﺴﺎﺭﻕ .. ﻣﺎﻓﻲ ﻏﻴﺮ ﻣﺤﻔﻀﻪ ﻭﻟﻮ ﻋﻴﻨﺖ ﻟﻚ ﻣُﺤﺎﻣﻲ ﻓﺒﺘﻘﺪﺭ ﺗﻄﻠﻊ ﻣﻦ ﺍﻟﻘﻀﻴﻪ ﺑﺴﻬﻮﻟﻪ .. ﻭﺃﻧﺎ ﻣﺎ ﺭﺍﺡ
ﺃﻛﺴﺐ ﻏﻴﺮ ﺳﻤﻌﻪ ﻓﺎﺳﺪﻩ .. ﻟﻜﻦ ﺍﻟﻘﺒﺾ ﻋﻠﻴﻚ ﻓﻲ ﻣﺴﺮﺡ ﺍﻟﺠﺮﻳﻤﻪ !!.. ﺗﻀﻦ ﺗﻘﺪﺭ ﺗﻄﻠﻊ ﻣﻨﻬﺎ .. ؟ !
ﺷﺘﺖ ﺣُﺴﺎﻡ ﻧﻈﺮﻩ ﺑﻴﻦ ﺍﻷﻭﺭﺍﻕ ﻭﺍﻷﻗﻼﻡ ﺍﻟﻤﻮﺟﻮﺩﻩ ﻋﻠﻰ ﺍﻟﻤﻜﺘﺐ ﻭﻫﻮ ﻳﺤﺎﻭﻝ ﻳﻌﺼﺮ ﻣُﺨﻪ ﻳﺪﻭﺭ ﻟﻪ ﻃﺮﻳﻘﻪ ﻳﻄﻠﻊ ﻣﻨﻬﺎ ..
ﺑﺲ ﻣﺎﻓﻲ .. ﻫﻮ ﻣُﺤﺎﺻﺮ ﻣﻦ ﻛﻞ ﺍﻟﺠﻬﺎﺕ ..
ﻣﻌﻘﻮﻟﻪ ﺗﻜﻮﻥ ﻧﻬﺎﻳﺘﻪ ﺍﻟﺴﺠﻦ .. ؟ !
ﺗﻘﺪﻡ ﺃﺑﻮ ﺃﺻﻴﻞ ﺷﻮﻱ ﻭﻗﺎﻝ : ﻟﻜﻦ ﻗﺒﻞ ﻻ ﺃﺑﻠﻎ ﺃﺑﻐﻰ ﺃﺳﺄﻟﻚ ﺳﺆﺍﻝ ..
ﺿﺎﻗﺖ ﻋﻴﻮﻥ ﺣُﺴﺎﻡ .. ﺳﺆﺍﻝ .. ؟ !
ﻟﻴﻪ .. ؟ ! ﻭﺇﻳﺶ ﻫﻮ .. ؟ !
ﺃﺑﻮ ﺃﺻﻴﻞ : ﺃُﻣﻚ ﺇﻧﺪﻧﻮﺳﻴﺔ ﺍﻷﺻﻞ .. ؟ !
ﻋﻘﺪ ﺣُﺴﺎﻡ ﺣﺎﺟﺒﻪ ﺑﺘﻌﺠﺐ ﻣﻦ ﻫﺎﻟﺴﺆﺍﻝ ..
ﺳﺆﺍﻟﻪ .. ﻏﺮﻳﺐ ... ﻭﻳﺤﺲ ﻣﺎﻟﻪ ﻫﺪﻑ ..
ﻣﺎ ﺭﺩ ﻋﻠﻴﻪ .. ﻣﺎ ﻳﺪﺭﻱ ﺑﺲ .. ﺑﺲ ﻋﻠﻰ ﺍﻷﻗﻞ ﻣﺎ ﻳﺒﻐﻰ ﺻﻮﺗﻪ ﻳﻄﻠﻊ ..
ﻳﺨﺎﻑ ﻳﻜﻮﻥ ﻣﻌﻪ ﻣﺴﺠﻞ ﻳﺴﺠﻞ ﺻﻮﺗﻪ ﻋﺸﺎﻥ ﻳﺜﺒّﺖ ﺍﻟﺘُﻬﻤﻪ ﻋﻠﻴﻪ ..
ﺇﺑﺘﺴﻢ ﺑﺈﺳﺘﻬﺰﺍﺀ .. ﻟﺤﺪ ﺍﻟﻠﺤﻴﻦ ﻋﻨﺪﻩ ﺃﻣﻞ ﻳﻄﻠﻊ ﻣﻨﻬﺎ ..
ﺃﺑﻮ ﺃﺻﻴﻞ : ﻣﺎﻓﻲ ﻛﺎﻣﻴﺮﺍﺕ ﻓﻼ ﺗﺨﻔﻲ ﻭﺟﻬﻚ ﻭﺻﻮﺗﻚ ﻋﻨﻲ .. ﺟﺎﻭﺑﻨﻲ ..
ﺣُﺴﺎﻡ ﻓﻲ ﻧﻔﺴﻪ : "ﺃﺩﺭﻱ ﻣﺎﻓﻲ ﻛﺎﻣﻴﺮﺍﺕ .. ﺑﺲ ﺃﻛﻴﺪ ﻣﻌﻚ ﻣﺴﺠﻞ " ..
ﻫﺰ ﺭﺍﺳﻪ ﺑﻼ ﻭﻣﺎ ﻳﺰﺍﻝ ﻧﻈﺮﻩ ﻟﺘﺤﺖ ﻋﻠﻰ ﺍﻟﻤﻜﺘﺐ ﻭﻛﻞ ﺷﻮﻱ ﻳﻌﺪﻝ ﺍﻟﻜﺎﺏ ﻳﻐﻄﻲ ﻭﺟﻬﻪ ﺃﻛﺜﺮ ..
ﺃﺑﻮ ﺃﺻﻴﻞ : ﻃﻴﺐ ﺃُﻣﻚ ﻣﻦ ﺃﻫﺎﻟﻲ ﺍﻟﻤﻨﻄﻘﻪ ﺍﻟﺸﺮﻗﻴﻪ .. ؟ !
ﻋﻘﺪ ﺣُﺴﺎﻡ ﺣﻮﺍﺟﺒﻪ ﺃﻛﺜﺮ .. ﺷﻔﻴﻪ ﻫﺬﺍ ﻳﺴﺄﻝ ﻋﻦ ﺍﻷﻡ .. ؟ !
ﻫﺰ ﺭﺍﺳﻪ ﺑﻼ ..
ﺃﺑﻮ ﺃﺻﻴﻞ ﻓﻲ ﻧﻔﺴﻪ : "ﻣﻌﻨﺎﺗﻪ ﻣُﺠﺮﺩ ﺗﺸﺎﺑﻪ .. ﻋﺰﺍﻡ ﻣﺘﺰﻭﺝ ﻗﺒﻞ ﻣﻠﻚ ﺛﻨﺘﻴﻦ .. ﺍﻷﻭﻟﻰ ﻣﻦ ﺃﻫﻞ ﺍﻟﺸﺮﻗﻴﻪ .. ﻭﺍﻟﺜﺎﻧﻴﻪ ﺇﻧﺪﻧﻮﺳﻴﻪ ..
ﻭﺣﺴﺐ ﺍﻟﻲ ﺃﻋﺮﻓﻪ ﻓﻤﺎﻟﻪ ﻏﻴﺮ ﻭﻟﺪﻳﻦ ﻭﺍﺣﺪ ﺃﻛﺒﺮ ﻣﻦ ﻫﺬﺍ ﺑﻜﺜﻴﺮ ﻭﺍﻟﺜﺎﻧﻲ ﻛﻤﺎﻥ ﺃﺻﻐﺮ ﻣﻨﻪ ﺑﻜﺜﻴﺮ .. ﻭﻫﻮ ﺃﻛّﺪ ﻟﻲ ﺇﻧﻪ ﻣﻮ ﺃﻭﻻﺩﻫﻢ ..
ﻣﻌﻨﺎﺗﻪ ﻣﻮ ﻭﻟﺪ ﻋﺰﺍﻡ ﺍﻟﻠﻲ ﻧﻌﺮﻓﻪ " ..
ﻇﻞ ﺳﺎﻛﺖ ﻟﻔﺘﺮﻩ ﻭﻣﻮﺿﻮﻉ ﺍﻟﺘﺸﺎﺑﻪ ﻣﻮ ﺭﺍﺿﻲ ﻳﺪﺧﻞ ﺑﻤﺰﺍﺟﻪ ..
ﻋﻘﺪ ﺣﻮﺍﺟﺒﻪ ﻟﻔﺘﺮﻩ .. ﻣﻌﻘﻮﻟﻪ ﻳﻜﻮﻥ ﻋﺰﺍﻡ ﺗﺰﻭﺝ ﺑﻌﺪ ﻣﻠﻚ ﺑﻮﺣﺪﻩ ﺭﺍﺑﻌﻪ .. ؟ !!
ﻻ ﻫﺬﺍ ﻣُﺴﺘﺤﻴﻞ .. ﻫﻮ ﻭﻋﺪﻫﺎ ﺇﻧﻪ ﻣﺎ ﺑﻴﺘﺰﻭﺝ ..
ﻫﻲ ﻫﺪﺩﺗﻪ ﺇﻥ ﺗﺰﻭﺝ ﻓﺮﺍﺡ ﺗﻄﺎﻟﺐ ﺑﺎﻟﺨُﻠﻊ ..
ﻭﺇﻧﻬﺎ ﺑﺘﺴﻮﺩ ﻋﻴﺸﺘﻪ ﻭﻋﻴﺸﺔ ﺯﻭﺟﺘﻪ ﺍﻟﺮﺍ

ﺑﻌﻪ ..
ﻋﺰﺍﻡ ﻭﻗﺘﻬﺎ ﻛﺎﻥ ﺟﺎﺩ ﻟﻤﺎ ﻭﻋﺪﻫﺎ ﺇﻧﻪ ﻣﺎ ﺑﻴﺘﺰﻭﺝ ..
ﺇﺫﺍً .. ﻫﺬﺍ ﻓﻌﻼً ﺗﺸﺎﺑﻪ ..
ﻣﻊ ﺇﻧﻪ ﺗﺸﺎﺑﻪ ﻣُﺮﻳﺐ ﻟﻜﻦ ﻣﺎﻓﻲ ﺗﻔﺴﻴﺮ ﻏﻴﺮ ﺇﻧﻪ ﻣُﺠﺮﺩ ﺗﺸﺎﺑﻪ ﺃﺳﻤﺎﺀ ..
ﺿﺎﻗﺖ ﻋﻴﻮﻧﻪ ﻟﻤﺎ ﻻﺣﻆ ﺣُﺴﺎﻡ ﻳﺮﺟﻊ ﺑﻬﺪﻭﺀ ﻟﻮﺭﻯ ..
ﺃﺑﻮ ﺃﺻﻴﻞ : ﻭﻳﻦ ﺗﻀﻦ ﻧﻔﺴﻚ ﺭﺍﻳﺢ .. ؟ !
ﺭﺟﻊ ﺣُﺴﺎﻡ ﻟﻮﺭﻯ ﺃﻛﺜﺮ ﻳﻘﻮﻝ ﻓﻲ ﻧﻔﺴﻪ : " ﺭﺍﺡ ﺃﻗﺪﺭ ﻋﻠﻴﻪ .. ﺃﺿﻦ ﻟﻮ ﺇﻧﻲ ﻫﺎﺟﻤﺘﻪ ﺑﺴﺮﻋﻪ ﻭﻫﺮﺑﺖ ﻓﺮﺍﺡ ﺃﻗﺪﺭ ﻋﻠﻴﻪ " ..
ﻭﺻﻞ ﻟﻤﻜﺘﺒﺔ ﺍﻟﻜُﺘﺐ .. ﺑﻴﻨﻪ ﻭﺑﻴﻦ ﺃﺑﻮ ﺃﺻﻴﻞ ﺣﻮﻝ ﺍﻷﺭﺑﻌﻪ ﻣﺘﺮ .. ﻭﺑﻴﻦ ﺃﺑﻮ ﺃﺻﻴﻞ ﻭﺍﻟﺒﺎﺏ ﺛﻼﺙ ﻣﺘﺮ ..
ﺃﺑﻮ ﺃﺻﻴﻞ : ﺇﻥ ﻛﻨﺖ ﺗﺨﻄﻂ ﺗﻬﺮﺏ ﻣﻦ ﺍﻟﺸﺒﺎﻙ ﻓﻼﺯﻡ ﺗﻌﺮﻑ ﺇﻧﻪ ﻣﺎﻓﻲ ﺷﺒﺎﻙ ﺑﺎﻟﺒﻴﺖ ﻣﺎﻓﻴﻪ ﺣﺪﺍﻳﺪ .. ﻭ ....
ﺿﺎﻗﺖ ﻋﻴﻮﻧﻪ ﻟﻤﺎ ﺗﻘﺪﻡ ﺣُﺴﺎﻡ ﺑﺸﻜﻞ ﻣُﻔﺎﺟﺊ ﻭﺳﺮﻳﻊ ..
ﺳﺤﺐ ﺣُﺴﺎﻡ ﺍﻟﺘﻘﻮﻳﻢ ﺍﻟﺜﻘﻴﻞ ﻣﻦ ﻓﻮﻕ ﺍﻟﻤﻜﺘﺐ ﻭﺭﻣﺎﻩ ﺑﻘﻮﻩ ﺑﻮﺟﻪ ﺃﺑﻮ ﺃﺻﻴﻞ ..
ﺭﻓﻊ ﺃﺑﻮ ﺃﺻﻴﻞ ﻳﺪﻩ ﺑﺴﺮﻋﻪ ﻗﺪﺍﻡ ﻭﺟﻬﻪ ﻳﺤﻤﻲ ﻧﻔﺴﻪ ﻓﺄﺳﺘﻐﻞ ﺣُﺴﺎﻡ ﺍﻟﻔُﺮﺻﻪ ﻭﻫﺠﻢ ﻋﻠﻴﻪ ..
ﺃﻭﻝ ﻣﺎ ﺿﺮﺏ ﺍﻟﺘﻘﻮﻳﻢ ﺑﺈﻳﺪ ﺃﺑﻮ ﺃﺻﻴﻞ ﻛﺎﻥ ﺣُﺴﺎﻡ ﺗﻮﻩ ﻣﺮ ﻣﻦ ﺟﻨﺒﻪ ﺑﺴﺮﻋﻪ ..
ﻣﺪ ﺇﻳﺪﻩ ﻭﺿﺮﺑﻪ ﺑﺤﺮﻛﺔ ﺍﻟﺴﻜﻴﻦ ﻋﻠﻰ ﺭﻗﺒﺘﻪ ﻣﻦ ﻭﺭﻯ ..
ﻋﺾ ﺃﺑﻮ ﺃﺻﻴﻞ ﺷﻔﺘﻪ ﻟﻤﺎ ﺣﺲ ﺑﺄﻟﻢ ﻭﻫﻨﺎ ﺇﺳﺘﻐﻞ ﺣُﺴﺎﻡ ﺍﻟﻔُﺮﺻﻪ ﻭﺧﺮﺝ ﻣﻦ ﺍﻟﺒﺎﺏ ﻭﻫﻮ ﻋﺎﺭﻑ ﺇﻥ ﺿﺮﺑﺘﻪ ﻣﺎ ﺭﺍﺡ ﺗﺨﻠﻲ ﻫﺎﻟﺮﺟﺎﻝ ﻳُﻐﻤﻰ
ﻋﻠﻴﻪ ﻷﻥ ﺍﻟﻤُﻌﻄﻴﺎﺕ ﻣﺎ ﻛﺎﻧﺖ ﻛﺎﻓﻴﻪ ﻋﺸﺎﻥ ﺗﻜﻮﻥ ﺿﺮﺑﺘﻪ ﺃﻗﻮﻯ ﻣﻦ ﻛِﺬﺍ ..
ﻟﻒ ﺃﺑﻮ ﺃﺻﻴﻞ ﻟﻠﺒﺎﺏ ﻭﺷﺎﻑ ﺣُﺴﺎﻡ ﻳﻬﺮﺏ ﻣﻨﻪ ﻓﻘﺎﻝ ﺑﻬﺪﻭﺀ : ﻣﺎﻓﻲ ﻏﻴﺮ ﺛﻼﺙ ﺃﺑﻮﺍﺏ ﺗﺪﺧﻠﻚ ﺍﻟﻘﺼﺮ .. ﻭﻛﻠﻬﺎ ﻣﻘﻔﻠﻪ ﻓﻮﻳﻦ ﺗﻀﻦ ﻧﻔﺴﻚ
ﻫﺎﺭﺏ .. ؟ !
ﺧﺮﺝ ﺣُﺴﺎﻡ ﻣﻦ ﻏﺮﻓﺔ ﺍﻟﻤﻜﺘﺐ ﻭﻫﻮ ﻋﺎﺽ ﻋﻠﻰ ﺷﻔﺘﻪ ..
ﺑﺪﺃ ﻳﺘﻠﻔﺖ ﺣﻮﻟﻪ ﺑﺘﻮﺗﺮ .. ﻣﻌﻘﻮﻟﻪ ﻳﻜﻮﻥ ﺻﺢ ﺍﻟﻜﻼﻡ ﺍﻟﻠﻲ ﻗﺎﻟﻪ .. ؟ !
ﻻ .. ﻣﻮ ﺻﺤﻴﺢ .. ﻫﻮ ﺑﺲ ﻳﺒﻐﻰ ﻳﺨﻮﻓﻪ ..
ﺭﺍﺡ ﻳﻬﺮﺏ ﻗﺒﻞ ﻻ ﻳﻤﺪﻳﻪ ﻳﻘﻔﻞ ﺃﻱ ﺑﺎﺏ ..
ﺇﺗﺠﻪ ﺑﺴﺮﻋﻪ ﻟﻠﺠﻬﻪ ﺍﻟﻠﻲ ﻓﻴﻬﺎ ﺍﻟﺒﺎﺏ ﺍﻟﻠﻲ ﺩﺧﻞ ﻣﻨﻪ ..
ﺩﺧﻞ ﺍﻟﻘﺴﻢ .. ﻭﺑﻌﺪﻫﺎ ﺩﺧﻞ ﺍﻟﻐﺮﻓﻪ ﻭﺭﺍﺡ ﻟﻠﺒﺎﺏ ﺑﺴﺮﻋﻪ ..
ﻣﺴﻚ ﺍﻟﻤﻘﺒﺾ .. ﻓﺘﺢ ﻋﻴﻮﻧﻪ ﺑﺼﺪﻣﻪ ﻟﻤﺎ ﺷﺎﻓﻪ ﻣﺎ ﻓﺘﺢ ﻣﻌﻪ ..
ﺩﺧﻞ ﺇﻳﺪﻩ ﺑﺠﻴﺒﻪ ﻭﻃﻠﻊ ﺍﻷﻧﺼﺎﻝ ﺣﺘﻰ ﻳﻔﺘﺢ ﺍﻟﻘﻔﻞ ﺑﻨﻔﺴﻪ ..
ﺷﻐﻞ ﺍﻟﻜﺸﺎﻑ ﺑﺴﺮﻋﻪ ﻭﺗﻮﺗﺮ .. ﺃﻭﻝ ﻣﺎ ﺣﺎﻭﻝ ﻳﻔﺘﺢ ﻭﻗﻒ ﻟﻤﺎ ﻻﺣﻆ ﺇﻥ ﻗﻔﻞ ﺍﻟﺒﺎﺏ ﻣﻔﺘﻮﺡ ..
ﻫﺬﺍ ... ﻫﺬﺍ ﻳﻌﻨﻲ ﺇﻧﻪ ﻣﻘﻔﻞ ﻣﻦ ﺑﺮﻯ ﺑﻘﻔﻞ ﺧﺎﺭﺟﻲ !!..
ﻣُﺴﺘﺤﻴﻞ !!..
ﻗﻔﻞ ﺍﻟﻜﺸﺎﻑ ﺑﺴﺮﻋﻪ ﻭﺑﺪﺃ ﻳﺸﺘﺖ ﻧﻈﺮﻩ ﻓﻲ ﺍﻟﻤﻜﺎﻥ ﺍﻟﻤُﻈﻠﻢ ﺑﺘﻮﺗﺮ ..
ﺇﻳﺶ ﻫﺬﺍ .. ؟ !! ﺇﻳﺶ ﻫﺬﻩ ﺍﻟﻮﺭﻃﻪ ﺍﻟﻠﻲ ﺭﻣﻰ ﻧﻔﺴﻪ ﻓﻴﻬﺎ .. ؟ !
ﺃﺧﺬ ﻧﻔﺲ ﻋﻤﻴﻖ ﻳﻘﻮﻝ ﻟﻨﻔﺴﻪ : " ﺣُﺴﺎﻡ ﺇﻫﺪﺃ .. ﺇﻫﺪﺃ ﻋﺸﺎﻥ ﺗﻘﺪﺭ ﺗﻔﻜﺮ .. ﺧﻠﻚ ﻫﺎﺩﻱ ﻭﺑﻄّﻞ ﺗﻮﺗﺮ " ..
ﻓﺘﺢ ﺑﺎﺏ ﺍﻟﻐﺮﻓﻪ ﻭﺧﺮﺝ ﺑﻬﺪﻭﺀ ..
ﻣﺸﻲ ﺑﺎﻟﻤﻤﺮ ﻭﻟﻤﺎ ﻓﺘﺢ ﺑﺎﺏ ﺍﻟﻘﺴﻢ ﺷﺎﻑ ﺍﻟﺮﺟﺎﻝ ﺑﻮﺳﻂ ﺍﻟﺼﺎﻟﻪ ﻳﺘﻜﻠﻢ ﺑﺎﻟﺠﻮﺍﻝ ..
ﻋﺾ ﻋﻠﻰ ﺷﻔﺘﻪ ﻭﺭﺟﻊ ﻳﻘﻔﻞ ﺍﻟﺒﺎﺏ .. ﻟﻒ ﻧﻈﺮﻩ ﺑﺎﻟﻤﻤﺮ .. ﻻﺯﻡ ﻳﻼﻗﻲ ﻟﻪ ﻃﺮﻳﻘﻪ ﻳﻬﺮﺏ ﻓﻴﻬﺎ ..
ﺃﻭ ﻋﻠﻰ ﺍﻷﻗﻞ .. ﻳﻼﻗﻲ ﻣﻜﺎﻥ ﻣﻨﺎﺳﺐ ﻳﺨﺘﺒﻲﺀ ﻓﻴﻪ ﻟﺤﺪ ﻣﺎ ﺗﺠﻲ ﺍﻟﻔُﺮﺻﻪ ﺍﻟﻤُﻨﺎﺳﺒﻪ ..
ﺑﺪﺃ ﻳﻤﺸﻲ ﺑﺎﻟﻤﻤﺮ ﺍﻟﻤُﻈﻠﻢ ﺑﻬﺪﻭﺀ ﺣﺘﻰ ﻻﺣﻆ ﺑﺎﺏ ﻋﻠﻰ ﺍﻟﺠﺎﻧﺐ ..
ﻓﺘﺢ ﻓﻠﻘﻰ ﺯﻱ ﺍﻟﺴﻴﺐ ﺍﻟﺼﻐﻴﺮ ﻓﻴﻪ ﺑﺎﺑﻴﻦ ..
ﻓﺘﺢ ﻭﺍﺣﺪ ﻣﻨﻬﺎ ﻃﻠﻊ ﺣﻤﺎﻡ .. ﻓﺘﺢ ﺍﻟﺜﺎﻧﻲ ﻓﺤﺲ ﺑﻬﻮﺍﺀ ﺑﺎﺭﺩ ..
ﺷﻐﻞ ﺍﻟﻜﺸﺎﻑ ﻓﺈﻧﺼﺪﻡ ﻟﻤﺎ ﺷﺎﻓﻬﺎ ﻏُﺮﻓﺔ ﺍﻟﺨﺪﺍﻣﺎﺕ ..
ﻋﻠﻰ ﻃﻮﻝ ﻗﻔﻞ ﺍﻟﻐﺮﻓﻪ ﻭﺧﺮﺝ ..
ﻭﺻﻞ ﻟﻨﻬﺎﻳﺔ ﺍﻟﻤﻤﺮ ﻓﺤﺼّﻞ ﺑﺎﺏ ﻣﻘﻔﻞ ﺑﺎﻟﻤُﻔﺘﺎﺡ ..
ﺭﺟﻊ ﻣﺮﻩ ﺛﺎﻧﻴﻪ ﻣﻦ ﻣﺤﻞ ﻣﺎ ﺟﺎﺀ ﻭﺇﺗﺠﻪ ﻳﻤﺸﻲ ﺑﺎﻟﺠﻬﻪ ﺍﻟﺜﺎﻧﻴﻪ ..
ﻟﻘﻰ ﻣﻄﺒﺦ .. ﻏﺮﻓﺔ ﺗﻨﺎﻭﻝ ﻃﻌﺎﻡ ﻟﻠﺨﺪﻡ .. ﻏﺮﻓﺔ ﺃﺩﻭﺍﺕ ﺍﻟﺘﻨﻈﻴﻒ ..
ﺷﻜﻞ ﺍﻟﻘﺴﻢ ﻫﺬﺍ ﻛﻠﻪ ﻋﻦ ﺍﻟﺨﺪﻡ ﻭﺗﻮﺍﺑﻌﻬﻢ ..
ﺭﺟﻊ ﻟﻠﺒﺎﺏ ﺍﻟﻠﻲ ﻳﻔﺘﺢ ﻟﻠﺼﺎﻟﻪ ﻭﺍﻟﺘﻮﺗﺮ ﺍﻟﻠﻲ ﻓﻴﻪ ﺑﺪﺃ ﻳﺰﻳﺪ ..
ﻭﺑﺪﺃ ﺍﻟﻠﺤﻴﻦ ﻳﻠﻮﻡ ﻧﻔﺴﻪ .. ﻟﻮ ﺃﻧﻪ ﺳﻤﻊ ﻛﻼﻡ ﺧﺎﻟﻪ ﻛﺎﻥ ﻣﺎ ﺻﺎﺭ ﺍﻟﻠﻲ ﺻﺎﺭ ..
ﻭﺩﺍﻳﺮﻛﺖ ﺑﺪﺃ ﻋﻘﻠﻪ ﻳﺘﺨﻴﻞ ﻧﻔﺴﻪ ﻳﻨﻤﺴﻚ ﻭﻳﻨﺴﺠﻦ ..
ﻋﺾ ﻋﻠﻰ ﺷﻔﺘﻪ ﻭﺭﺟﻊ ﻳﻔﺘﺢ ﺍﻟﺒﺎﺏ ﺑﻬﺪﻭﺀ ..
ﻣﺎ ﺷﺎﻑ ﺃﺣﺪ ﺑﺎﻟﺼﺎﻟﻪ .. ﻣﻌﻨﺎﺗﻪ ﺭﺍﺡ ﻟﻤﻜﺎﻥ ﺛﺎﻧﻲ ..
ﻣﻴﻦ ﻛﺎﻥ ﻳﻜﻠﻢ .. ؟ ! ﺍﻟﺸُﺮﻃﻪ .. ؟ !
ﻋﺾ ﻋﻠﻰ ﺷﻔﺘﻪ ﺑﻌﺪﻫﺎ ﺧﺮﺝ ﺑﻬﺪﻭﺀ ﻭﺇﺗﺠﻪ ﻟﻠﺠﺎﻧﺐ ﺍﻷﻳﺴﺮ ﻟﻠﺪﺭﺝ ..
ﻭﺻﻞ ﻭﺑﺪﺃ ﻳﺘﺤﺴﺲ ﺍﻟﺠﺪﺍﺭ ﺍﻟﺠﺎﻧﻲ ﻟﻠﺪﺭﺝ ﻭﻳﻤﺸﻲ ﻣﻌﻪ ﺣﺘﻰ ﻭﺻﻞ ﻟﻨﻬﺎﻳﺔ ﺍﻟﺪﺭﺝ ..
ﻭﻫﻨﺎﻙ ﺣﺼّﻞ ﺩﺭﺝ ﺻﻐﻴﺮ ﻳﻨﺰﻝ ﻟﻘﺒﻮ ﺍﻟﻘﺼﺮ ..
ﺇﺑﺘﺴﻢ .. ﻣﺜﻞ ﻣﺎ ﺗﻮﻗﻊ ﻓﻴﻪ ﻗﺒﻮ ..
ﺷﺎﻑ ﺯﻱ ﻛﺬﺍ ﻛﺜﻴﺮ ﻓﻲ ﺍﻟﻤﺴﻠﺴﻼﺕ ..
ﻧﺰﻝ ﻣﻦ ﺍﻟﺪﺭﺝ ﺣﺘﻰ ﻭﺻﻞ ﻟﺘﺤﺖ ..
ﺷﻐّﻞ ﺍﻟﻜﺸﺎﻑ ﻭﺩﺍﺭ ﻓﻴﻪ ﺑﺎﻟﻤﻜﺎﻥ .. ﻛﺎﻥ ﻣُﺒﻬﺮ ﻓﻌﻼً ..
ﻃﻨﺶ ﺍﻟﻤﻮﺿﻮﻉ .. ﻫﺬﺍ ﻣﻮ ﻭﻗﺖ ﺍﻹﻧﺒﻬﺎﺭ ..
ﺇﺗﺠﻪ ﻟﻮﺣﺪﻩ ﻣﻦ ﺍﻷﺑﻮﺍﺏ ﻭﻓﺘﺤﻬﺎ .. ﺩﺍﺭ ﺑﺎﻟﻜﺸﺎﻑ ﻓﻜﺎﻥ ﺍﻟﻤﻜﺎﻥ ﻭﺍﺳﻊ ﻭﻣﻠﻴﺎﻥ ﻟﻮﺣﺎﺕ ﺑﺸﻜﻞ ﻛﺒﻴﺮ ..
ﺣُﺴﺎﻡ : ﺷﻜﻠﻪ ﻣﺮﺳﻢ ﻟﻮﺍﺣﺪ ﻣﻦ ﺃﻓﺮﺍﺩ ﺍﻟﻌﺎﻳﻠﻪ ..
ﻭﺑﺪﺃ ﻳﻤﺸﻲ ﻭﻳﻜّﺸﻒ ﻋﻠﻰ ﺍﻟﻠﻮﺣﺎﺕ ﻳﻄﺎﻟﻊ ﻓﻲ ﺍﻟﺮﺳﻮﻣﺎﺕ ..
ﻃﻨﺶ ﺍﻟﻤﻮﺿﻮﻉ ﻛﻠﻪ ﻭﻟﻒ ﻋﻠﻰ ﺍﻟﺠﺪﺭﺍﻥ ﻓﺸﺎﻑ ﺑﺎﺏ ﺛﺎﻧﻲ ..
ﺣﺎﻭﻝ ﻳﻔﺘﺤﻪ ﺑﺲ ﻟﻘﺎﻩ ﻣُﻐﻠﻖ ..
ﺟﻠﺲ ﻭﻣﺴﻚ ﺍﻟﻜﺸﺎﻑ ﺑﻔﻤﻪ ﻭﺑﺪﺃ ﻳﻔﺘﺢ ﺍﻟﻘﻔﻞ ﺑﻨﻔﺴﻪ ..
ﺇﻧﻔﺘﺢ ﻣﻌﺎﻩ ﻓﺪﺧﻞ ﻟﺪﺍﺧﻞ ﻭﻗﻔﻞ ﺍﻟﺒﺎﺏ ﻭﺭﺍﻩ ..
ﺷﻐﻞ ﺍﻟﻠﻤﺒﻪ ﻓﻜﺎﻧﺖ ﻏﺮﻓﻪ ﺻﻐﻴﺮﻩ ﻣﻠﻴﺎﻧﻪ ﻟﻮﺣﺎﺕ ﻣُﺴﺘﻌﻤﻠﻪ ﻭﻟﻮﺣﺎﺕ ﻣﻜﺴﻮﺭﻩ ﻭﺑﻌﺾ ﻋﻠﺐ ﺍﻷﻟﻮﺍﻥ ﺍﻟﻤُﺴﺘﻌﻤﻠﻪ ..
ﺷﻜﻠﻬﻢ ﻫﻨﺎ ﻳﺤﻄﻮﺍ ﺑﻘﺎﻳﺎ ﺍﻟﺮﺳﻢ ﻭﻏﻴﺮﻩ ..
ﺣﺲ ﺑﺎﻟﻐﺒﺎﺭ ﻣﻮﺟﻮﺩ ﻓﻲ ﺍﻟﻤﻜﺎﻥ .. ﻫﺬﺍ ﻳﻌﻨﻲ ﺇﻧﻪ ﻣﻦ ﺯﻣﺎﻥ ﻣﺤﺪ ﺩﺧﻞ ﺣﺘﻰ ﻳﻨﻀﻒ ..
ﺑﺪﺃ ﻳﻌﺾ ﺃﻇﻔﺮﻩ ﻭﻫﻮ ﻳﻄﺎﻟﻊ ﻓﻲ ﺍﻟﻤﻜﺎﻥ ..
ﺗﻘﺮﻳﺒﺎً ﺍﻟﻤﻜﺎﻥ ﻣُﻨﺎﺳﺐ ﻳﺨﺘﺒﺊ ﻓﻴﻪ ﺷﻮﻱ ﻟﻴﻦ ﻳﻄﻔﺶ ﺍﻟﺮﺟﺎﻝ ﻭﻳﺤﺴﺒﻪ ﻫﺮﺏ ﺑﻄﺮﻳﻘﺘﻪ ..
ﺣﺘﻰ ﺇﻧﻪ ﻓﻴﻪ ﺻﻨﺪﻭﻕ ﻳﻘﺪﺭ ﻳﺨﺘﺒﺊ ﻓﻴﻪ ﻟﻮ ﺃﺣﺪ ﻓﺘﺢ ﺍﻟﻤﻜﺎﻥ ﻣﻊ ﺇﻥ ﺍﻟﻤﻮﺿﻮﻉ ﺷﺒﻪ ﻣُﺴﺘﺤﻴﻞ ..
ﺭﺍﺡ ﻟﻸﺩﺭﺍﺝ ﻭﺑﺪﺃ ﻳﻘﻠﺐ ﻓﻴﻬﺎ ﻟﻴﻦ ﺣﺼّﻞ ﻣُﻔﺘﺎﺡ ﺇﺣﺘﻴﺎﻃﻲ ﻟﻠﺒﺎﺏ ..
ﺭﺍﺡ ﻟﻠﺒﺎﺏ ﻭﻗﻔﻠﻪ ﻣﻦ ﺩﺍﺧﻞ ﻭﺑﻌﺪﻫﺎ ﻃﻒ ﺍﻟﻠﻤﺒﻪ ﻭﺟﻠﺲ ﺑﻬﺪﻭﺀ ﻳﻔﻜﺮ ﺑﺎﻟﺸﻲﺀ ﺍﻟﻠﻲ ﺭﻣﻰ ﻧﻔﺴﻪ ﻓﻴﻪ ﺑﺘﻬﻮﺭ ..
▓▒ •✖× ×✖•◄︿︿︿︿︿︿︿︿︿︿︿︿► ▒▓
ﻓﻲ ﺻﺒﺎﺡ ﻳﻮﻡ ﺍﻟﺠُﻤﻌﻪ ..
ﺍﻟﺴﺎﻋﻪ ﻋﺸﺮﻩ ﻭﻧ

ﺺ .. ﺑﺎﻟﻤُﺴﺘﺸﻔﻰ ..
ﺟﻠﺴﺖ ﻋﻠﻰ ﺍﻟﻜُﺮﺳﻲ ﺍﻟﻤُﻘﺎﺑﻞ ﻟﺼﺎﺣﺒﺘﻬﺎ ﺑﺎﻟﻜﺎﻓﺘﻴﺮﻳﺎ ﻭﻫﻲ ﺗﻘﻮﻝ : ﺁﺧﺦ ﻳﺎ ﺭﺑﻲ .. ﻭﺃﺧﻴﺮﺍً ﺑﺮﻳﻚ ..
ﺃﻣﺠﺎﺩ : ﻭﺭﺑﻲ ﻣﻌﺎﻙ ﺣﻖ .. ﻳﺎ ﺩﻭﺏ ﻟﻘﻴﻨﺎ ﻭﻗﺖ ﻓﺎﺿﻲ .. ﺍﻟﻴﻮﻡ ﺍﻟﺸﻐﻞ ﻛﺎﻥ ﺛﻘﻴﻞ ﺑﻘﻮﻩ ..
ﺑﺪﺃﺕ ﺑِﻨﺎﻥ ﺗﺎﻛﻞ ﻭﻫﻲ ﺗﻘﻮﻝ : ﺃﻗﻮﻝ ﺃﻣﺠﺎﺩ ﺳﺎﻣﻌﻪ ﺁﺧﺮ ﺧﺒﺮ .. ؟ ! ﺍﻟﺪﻛﺘﻮﺭ ﺟﺎﺳﻢ .. ﺭﺋﻴﺲ ﻗﺴﻤﻨﺎ .. ﻣﻮ ﻗﺎﻝ ﺇﻧﻪ ﺭﺍﺡ ﻳﺴﺘﻘﻴﻞ .. ؟ !
ﻳﻘﻮﻟﻮﺍ ﺇﻧﻪ ﺣﺎﻟﻴﺎً ﻳﺪﻭﺭ ﺃﻓﻀﻞ ﺩﻛﺘﻮﺭ ﻳﻜﻮﻥ ﺭﺋﻴﺲ ﺍﻟﻘﺴﻢ ﺑﻌﺪ ﺇﺳﺘﻘﺎﻟﺘﻪ ..
ﺃﻣﺠﺎﺩ ﺑﺘﻔﻜﻴﺮ : ﻣﻴﻦ ﻫﻢ ﺍﻟﺪﻛﺎﺗﺮﻩ ﺍﻟﻤُﻤﻴﺰﻳﻦ ﺑﻘﺴﻤﻨﺎ .. ؟ !
ﺑِﻨﺎﻥ : ﻓﻴﻪ ﺳﻤﻴﺮﻩ .. ﻭﻣﺮﻭﺍﻥ .. ﻭﻛﻤﺎﻥ ﻓﻴﻪ ﺍﻟﺪﻛﺘﻮﺭﻩ ﻣﻀﺎﻭﻱ ﻭﻛﻤﺎﻥ ﻋﺒﺪ ﺍﻟﻤﻠﻚ ﻭﻳﻮﺳﻒ ..
ﺃﻣﺠﺎﺩ : ﺣﺘﻰ ﺍﻟﺪﻛﺘﻮﺭ ﺍﻟﺠﺪﻳﺪ ﻭﻟﻴﺪ ﻳﻘﻮﻟﻮﺍ ﺇﻧﻪ ﺟﺪﺍً ﻣﻮﻫﻮﺏ ..
ﺑِﻨﺎﻥ : ﻳﺐ ﺳﻤﻌﺖ .. ﻫﻬﻬﻬﻬﻬﻬﻪ ﻭﺑﻌﺪﻳﻦ ﺧﻼﺹ ﻫﻮ ﺻﺎﺭ ﻟﻪ ﻓﺘﺮﻩ ﻫﻨﺎ ﻭﺇﻧﺘﻲ ﻟﺴﻰ ﺗﻘﻮﻟﻲ ﺍﻟﺪﻛﺘﻮﺭ ﺍﻟﺠﺪﻳﺪ !!..
ﺃﻣﺠﺎﺩ : ﻫﻬﻬﻬﻬﻬﻬﻬﻬﻬﻬﻬﻪ ﺗﻌﻮﺩﺕ .. ﺍﻟﺰﺑﺪﻩ ﻣﻴﻦ ﻭﺩﻙ ﻳﻜﻮﻥ ﺭﺋﻴﺲ ﺍﻟﻘﺴﻢ .. ؟ !
ﺑِﻨﺎﻥ : ﻣﺪﺭﻱ .. ﻣﺎﻓﻲ ﺑﺒﺎﻟﻲ ﺃﺣﺪ .. ﺑﺲ ﺃﺗﻤﻨﻰ ﻣﺎ ﻳﻼﻗﻲ .. ﺍﻟﺪﻛﺘﻮﺭ ﺟﺎﺳﻢ ﺃﺷﺮﻑ ﻋﻠﻰ ﺗﺪﺭﻳﺒﻨﺎ ﻭﻫﻮ ﺩﻛﺘﻮﺭﻧﺎ ﻗﺒﻞ ﻻ ﻳﻜﻮﻥ ﺭﺋﻴﺲ ﺍﻟﻘﺴﻢ
.. ﻣﺎ ﺃﺗﻤﻨﺎﻩ ﻳﺴﺘﻘﻴﻞ ..
ﺃﻣﺠﺎﺩ : ﻧﻔﺲ ﺷﻌﻮﺭﻙ ﺑﺲ ﺧﻼﺹ ﺍﻟﻤﻮﺿﻮﻉ ﺻﺎﺭ ﻣﻨﺘﺸﺮ ﻭﻫﻮ ﺣﻂ ﻗﺮﺍﺭﻩ .. ﻣﺎﻓﻲ ﺭﺟﻌﻪ .. ﺍﻟﺰﺑﺪﻩ ﻭﺩﻱ ﺑﺎﻟﺪﻛﺘﻮﺭ ﻳﻮﺳﻒ .. ﺗﺨﻴﻠﻲ
ﻗﺒﻞ ﻓﺘﺮﻩ ﺩﺧﻠﺖ ﻣﻌﺎﻩ ﺑﻌﻤﻠﻴﻪ .. ﺃﺧﻄﺄﺕ ﺑﺨﻄﺄ ﻭﺗﻮﺗﺮﺕ ﻭﺑﺪﻝ ﻣﺎ ﻳﻬﺎﻭﺷﻨﻲ ﺟﺎﻟﺲ ﻳﻬﺪﺉ ﻣﻦ ﺗﻮﺗﺮﻱ ﻭﻳﻌﻄﻴﻨﻲ ﺛﻘﻪ ﺑﻨﻔﺴﻲ ﺃﻛﺜﺮ .. ﻣﺮﺭﻩ
ﺣﺴﻴﺘﻪ ﻃﻴﻮﺏ ﺑﺎﻟﺘﻌﺎﻣﻞ ﻣﻊ ﺍﻟﺒﻘﻴﻪ ﻭﻣﺘﻔﻬﻢ ..
ﺑِﻨﺎﻥ : ﺍﻟﺪﻛﺘﻮﺭ ﻳﻮﺳﻒ !.. ﻣﺎ ﺃﻋﺮﻑ ﻋﻨﻪ ﻛﺜﻴﺮ ..
ﻋﻘﺪﺕ ﺣﺎﺟﺒﻬﺎ ﻭﻟﻔﺖ ﻭﺭﻯ ﻟﻤﺎ ﺳﻤﻌﺖ ﺻﻮﺗﻪ ..
ﻣﻴﻠﺖ ﺷﻔﺘﻬﺎ ﻭﻫﻲ ﺗﺸﻮﻑ ﻫﺎﻟﺪﻛﺘﻮﺭ ﺍﻟﻤُﺤﺘﺮﻡ ﺩﺍﺧﻞ ﺍﻟﻜﺎﻓﺘﻴﺮﻳﺎ ﻣﻊ ﺑﻌﺾ ﺍﻷﻃﺒﺎﺀ ﺍﻟﻠﻲ ﺩﺍﻳﻢ ﺣﻮﻟﻪ ..
ﺃﻣﺠﺎﺩ : ﻫﻬﻬﻬﻬﻬﻬﻬﻬﻬﻬﻪ ﺷﻔﻴﻚ .. ؟ ! ﻟﻠﺤﻴﻦ ﺷﺎﻳﻠﻪ ﺑﺨﺎﻃﺮﻙ ﻣﻦ ﻣﻮﺿﻮﻉ ﺍﻟﻤﺮﻳﺾ ﺍﻟﻠﻲ ﻋﺎﻟﺠﻪ ﺑﺪﻝ ﻋﻨﻚ .. ؟ !
ﻟﻔﺖ ﺑِﻨﺎﻥ ﻋﻠﻴﻬﺎ ﺗﻘﻮﻝ : ﺍﻟﻠﻲ ﻳﻘﻬﺮ ﺑﺎﻟﻤﻮﺿﻮﻉ ﺇﻧﻪ ﻣﺎ ﻋﺮﺿﻮﻩ ﻟﻠﺠﻠﺴﻪ ﺍﻟﺘﺄﺩﻳﺒﻴﻪ ﺑﺤﻜﻢ ﺇﻧﻪ ﻟﺴﻰ ﻣﺎ ﺻﺎﺭ ﻣﺮﻳﻀﻲ ﺑﺸﻜﻞ ﺭﺳﻤﻲ .. ﺃﺧﺬ ﻟﻪ
ﻣﻬﺎﻭﺷﻪ ﻭﻋﻘﺎﺏ ﻋﺎﺩﻱ ..
ﺃﻣﺠﺎﺩ : ﻫﻬﻬﻬﻬﻬﻬﻬﻬﻪ ﻃﻴﺐ ﺧﻼﺹ ﺇﻧﺴﻲ ﺍﻟﻤﻮﺿﻮﻉ .. ﻣﻮ ﻛﻞ ﻣﺎ ﻣﺮ ﻃﺎﻟﻌﺘﻲ ﻓﻴﻪ ﺑﻌﻴﻮﻥ ﺗﺨﻮﻑ ..
ﺑِﻨﺎﻥ : ﻫﻬﻬﻬﻬﻬﻬﻬﻬﻬﻬﻪ ﺣﺮﺍﻡ ﻋﻠﻴﻚ ﻣﻮ ﻟﻬﺎﻟﺪﺭﺟﻪ ..
ﻟﻔﺖ ﻟﻤﺎ ﺳﻤﻌﺖ ﺻﻮﺗﻪ ﻗﺮﻳﺐ ﻓﺸﺎﻓﺘﻪ ﺟﻠﺲ ﺑﺎﻟﻄﺎﻭﻟﻪ ﺍﻟﻘﺮﻳﺒﻪ ﻣﻨﻬﻢ ﻫﻮ ﻭﺍﻟﻠﻲ ﻣﻌﻪ ﻭﻛﻞ ﻭﺍﺣﺪ ﻣﻌﺎﻩ ﻓﻄﻮﺭﻩ ..
ﺃﻣﺠﺎﺩ : ﺷﻒ ﺷﻒ ﻛﻴﻒ ﻋﻴﻮﻧﻚ ﺍﻟﻠﺤﻴﻦ .. ؟ !
ﻟﻔﺖ ﺑِﻨﺎﻥ ﻋﻠﻴﻬﺎ ﺗﻘﻮﻝ : ﻫﻬﻬﻪ ﺧﻼﺹ ﺃﻣﺠﺎﺩ ﺷﻔﻴﻚ .. ؟ !
ﺃﻣﺠﺎﺩ : ﻫﻬﻬﻬﻬﻬﻬﻬﻪ ﺍﻟﻤﻬﻢ ﻣﺘﻰ ﺑﻴﺮﺟﻊ ﺃﺧﻮﻙ ﻭﺯﻭﺟﺘﻪ ﻣﻦ ﺍﻟﺴﻔﺮ .. ؟ !
ﻫﺰﺕ ﺑِﻨﺎﻥ ﻛﺘﻔﻬﺎ ﺗﻘﻮﻝ : ﻣﺪﺭﻱ .. ﺇﺗﺼﻞ ﺃﻣﺲ ﻭﻗﺎﻝ ﻗﺮﻳﺐ .. ﺑﺲ ﺑﻴﺨﻠﺺ ﻛﻢ ﻣﻮﺿﻮﻉ ﻭﺑﻴﺮﺟﻊ .. ﻫﻬﻬﻬﻬﻬﻪ ﻭﺑﻴﺴﺤﺐ ﺗﺮﻑ ﻣﻌﻪ .. ﻣﺎ
ﺃﻧﻜﺮ ﻟﻮ ﻗﻠﺖ ﻣﺎ ﻭﺣﺸﺘﻨﻲ ﺗﺼﺮﻓﺎﺗﻬﺎ ﺍﻟﻤﺘﻮﺣﺸﻪ ..
ﺃﻣﺠﺎﺩ : ﺁﺁﺁﺧﺦ ﺫﻛﺮﺗﻴﻨﻲ ﺑﺄُﺧﺘﻲ ﺍﻟﻤﺘﺰﻭﺟﻪ ﻣﻦ ﺯﻣﺎﻥ ﻣﺎ ﺯﺍﺭﺗﻨﺎ ..
ﺑِﻨﺎﻥ : ﻭﺣﺸﺘﻚ ﻫﺎ .. ؟ !
ﺃﻣﺠﺎﺩ : ﺃ ‏[ ﺩ .. ﻭﺣﺸﺘﻨﻲ ﺑﻨﺘﻬﺎ ﺍﻟﺼﻐﻴﺮﻩ ..
ﺑِﻨﺎﻥ : ﻫﻬﻬﻬﻬﻬﻬﻬﻬﻬﻬﻪ ﻗﻮﻳﻪ ﻳﺎ ﺃﻣﺠﺎﺩ .. ﺣﺮﺍﻡ ﻋﻠﻴﻚ ﺫﻱ ﺃُﺧﺘﻚ ..
ﺃﻣﺠﺎﺩ : ﺃﻱ ﺃُﺧﺖ !!.. ﻣﻦ ﻭﺃﻧﺎ ﺻﻐﻴﺮﻩ ﻭﻫﻲ ﺗﻀﺮﺏ ﻓﻴﻨﻲ ﻭﺗﺴﺮﻕ ﺃﻟﻌﺎﺑﻲ ﻭﺗﻜﺬﺏ ﻋﻠﻰ ﺃﻣﻲ ﻭﺃﺑﻮﻱ ﻭﻫﻢ ﻳﺼﺪﻗﻮﻫﺎ .. ﺇﺿﻄﻬﺪﺗﻨﻲ
ﻭﺗﻘﻮﻟﻲ ﺃُﺧﺘﻚ !!..
ﻓﺘﺤﺖ ﺑِﻨﺎﻥ ﻓﻤﻬﺎ ﺑﺘﻌﻠﻖ ﺑﺲ ﺳﻜﺘﺖ ﻟﻤﺎ ﺳﻤﻌﺖ ﻣﺸﺎﻋﻞ ﺍﻟﻤُﺘﺪﺭﺑﻪ ﺗﺤﺖ ﺇﻳﺪ ﺍﻟﺪﻛﺘﻮﺭ ﺛﺎﻣﺮ ﺗﻘﻮﻝ : ﺇﻳﻮﻩ ﺩﻛﺘﻮﺭ ﻭﺵ ﺑﺘﺴﻮﻱ ﺑﺤﻜﺎﻳﺔ
ﺍﻟﻤﺮﻳﻀﻪ ﻣﻨﺎﻫﻞ .. ؟ ! ﺗﺮﻯ ﻟﻠﺤﻴﻦ ﻣﺎﻟﻬﺎ ﺳﺠﻞ ﻃﺒﻲ ﺭﺳﻤﻲ ﺑﺎﻟﻤُﺴﺘﺸﻔﻰ ﻭﻣُﻤﻜﻦ ﺑﺄﻱ ﻟﺤﻀﻪ ﻳﺪﺭﻭﺍ ﺍﻟﻤﺴﺆﻭﻟﻴﻦ ﺃﻭ ﺭﺋﻴﺲ ﻗﺴﻤﻚ
ﺑﺎﻟﻤﻮﺿﻮﻉ .. ﻣﺎ ﺭﺍﺡ ﺗﻄﻠﻊ ﻣﻨﻬﺎ ..
ﺭﺍﺋﺪ : ﺩﻛﺘﻮﺭ ﻣﺸﺎﻋﻞ ﻣﻌﻬﺎ ﺣﻖ .. ﻳﻮﻣﻬﺎ ﺣﻆ ﻟﻤﺎ ﻛﺎﻧﺖ ﻏُﺮﻓﺔ ﺍﻟﻌﻤﻠﻴﺎﺕ ﻓﺎﺿﻴﻪ ﻭﻣﺎ ﺣﻮﻟﻬﺎ ﺃﺣﺪ .. ﻟﻮ ﺃﺣﺪ ﻛﺸﻔﻚ ﺑﺘﺮﻭﺡ ﻓﻴﻬﺎ ..
ﺩ . ﺛﺎﻣﺮ ﻭﻫﻮ ﻳﺎﻛﻞ : ﻻ ﺗﺸﻴﻠﻮﺍ ﻫﻢ .. ﺍﻟﻴﻮﻡ ﺻﺤﻴﺖ ﻭﻗﺪﺭﺕ ﺁﺧﺬ ﻣﻨﻬﺎ ﺭﻗﻢ ﺯﻭﺟﻬﺎ .. ﺭﺍﺡ ﺃﺗﻔﺎﻫﻢ ﻣﻌﺎﻩ ﺣﺘﻰ ﻻ ﺃﺳﺒﺐ ﺑﻤﺸﻜﻠﻪ ﺑﻴﻨﻬﺎ ﻫﻲ
ﻭﻳﺎﻩ ..
ﺭﺍﺋﺪ : ﺩﻛﺘﻮﺭ !!!.. ﺇﻧﺖ ﻫﻤﻚ ﺣﻴﺎﺗﻬﺎ ﺍﻹﺟﺘﻤﺎﻋﻴﻪ .. ؟ !! ﻃﻴﺐ ﻭﺣﻴﺎﺗﻚ ﺍﻟﻤﻬﻨﻴﻪ ﺷﻮﻑ ﻟﻬﺎ ﺷﻮﻱ .. ﻗﺮﻳﺐ ﺑﺘﺤﺼﻞ ﺩﻭﺭﻳﻪ ﻋﻠﻰ ﺍﻟﻤُﺴﺘﺸﻔﻰ
.. ﻟﻮ ﺩﺧﻠﻮﺍ ﻟﻠﻐﺮﻓﻪ ﻭﻣﺎﻟﻘﻮﺍ ﻟﻬﺎ ﺃﻭﺭﺍﻕ ﺇﻧﺖ ﺍﻟﻠﻲ ﺑﺘﺘﻌﺎﻗﺐ ..
ﺗﻨﻬﺪ ﺍﻟﺪﻛﺘﻮﺭ ﺛﺎﻣﺮ ﻳﻘﻮﻝ : ﻣﺪﺭﻱ ﻟﻴﻪ ﺩﻣﻜﻢ ﺣﺎﺭ ﻛِﺬﺍ .. ؟ ! ﺧﺬﻭﺍ ﺍﻷﻣﺮ ﺑﻬﺪﻭﺀ ﻭﺭﻭﻗﺎﻥ .. ﻗﻞ ﻟﻜﻢ ﺑﺄﺣﻞ ﺍﻟﻤﻮﺿﻮﻉ ﻓﻼ ﺗﺸﻴﻠﻮﺍ ﻫﻢ ..
ﻭﺣﺘﻰ ﻟﻮ ﺇﻧﻜﺸﻔﺖ ﻓﺮﺍﺡ ﺃﻃﻠﻌﻜﻢ ﻣﻨﻬﺎ ﻭﺃﻗﻮﻝ ﺇﻧﻲ ﺃﺟﺒﺮﺗﻜﻢ ﺗﻌﻤﻠﻮﺍ ﺍﻟﻌﻤﻠﻴﻪ ﻣﻌﻲ ..
ﺳﻤﺎﻫﺮ : ﺩﻛﺘﻮﺭ !!.. ﻃﻴﺐ ﻋﻠﻰ ﺍﻷﻗﻞ ﺭﻳﺤﻨﺎ ﻭﻗﻮﻝ ﻭﺵ ﺍﻟﺸﻲﺀ ﺍﻟﻠﻲ ﺑﺘﺴﻮﻳﻪ ﻋﺸﺎﻥ ﺗﻄﻠﻊ ﻧﻔﺴﻚ ﻣﻦ ﺍﻟﻤﻮﺿﻮﻉ .. ؟ ! ﺭﻳﺤﻨﺎ ﺷﻮﻱ ..
ﻭﻗﻒ ﺍﻟﺪﻛﺘﻮﺭ ﻋﻦ ﺍﻷﻛﻞ ﻭﻃﺎﻟﻊ ﻓﻴﻬﻢ ﺑﻌﺪﻫﺎ ﺗﻨﻬﺪ ﻭﻗﺎﻝ : ﻟﺴﻰ ﻣﺎ ﻓﻜﺮﺕ ..
ﻋﺎﺩﻝ ﺑﺼﺪﻣﻪ : ﺩﻛﺘﻮﺭ !!..
ﺭﺍﺋﺪ : ﻭﺷﻮ ﺍﻟﻠﻲ ﻟﺴﻰ ﻣﺎ ﻓﻜﺮﺕ .. ؟ !!
ﻛﻤﻞ ﺍﻟﺪﻛﺘﻮﺭ ﻳﺎﻛﻞ ﻭﻫﻮ ﻳﻘﻮﻝ : ﺭﻳﺤﻮﻧﻲ ﻭﺧﻠﻮﻧﻲ ﺃﻋﺮﻑ ﺁﻛﻞ ﻋﺪﻝ ..
ﻋﺎﺩﻝ : ﺩﻛﺘﻮﺭ ﻭﺵ ﺗﻘﺼﺪ ﺑﻤﺎ ﻓﻜﺮﺕ .. ؟ ! ﺍﻟﻮﻗﺖ ﺍﻟﻠﻲ ﺭﺍﺡ ﻓﺈﻳﺶ ﻛﻨﺖ ﺗﻔﻜﺮ .. ؟ ! ﻣﻮ ﺍﻟﻤﻔﺮﻭﺽ ﺗﻔﻜﺮ ﺑﺎﻟﻤﺸﻜﻠﻪ ﺍﻟﻠﻲ ﻃﻴﺤﺖ ﻧﻔﺴﻚ ﻓﻴﻬﺎ
!!..
ﻫﺰ ﺍﻟﺪﻛﺘﻮﺭ ﺛﺎﻣﺮ ﺭﺍﺳﻪ ﻳﻘﻮﻝ : ﺇﻳﻪ ﻓﻜﺮﺕ ﻓﻴﻬﺎ .. ﻓﻲ ﺍﻟﻤﺸﻜﻠﻪ ﻫﺬﻩ ﻭﻗﺪﺭﺕ ﺃﺭﺗﺐ ﺍﻟﻜﻼﻡ ﺑﺮﺍﺳﻲ .. ﺑﺲ ﺃﻧﺘﻈﺮ ﺃﺧﻠﺺ ﻓﻄﻮﺭﻱ ﻭﺑﻌﺪﻫﺎ
ﺃﺗﺼﻞ ﻋﻠﻰ ﺯﻭﺟﻬﺎ ﻭﺃﻓﻬﻤﻪ ..
ﺣﻂ ﺭﺍﺋﺪ ﺇﻳﺪﻩ ﻋﻠﻰ ﻭﺟﻬﻪ ﻳﻘﻮﻝ : ﻳﺎ ﺭﺑﻲ ﻳﺎ ﺩﻛﺘﻮﺭ !!.. ﺇﻧﺖ ﻓﻲ ﺇﻳﺶ ﻭﺇﺣﻨﺎ ﻓﻲ ﺇﻳﺶ !!.. ﻫﺬﺍ ﻫﻮ ﺍﻟﻤُﻬﻢ ﺑﺎﻟﻨﺴﺒﻪ ﻟﻚ .. ؟ !!
ﻭﻗﻒ ﺍﻟﺪﻛﺘﻮﺭ ﻋﻦ ﺍﻷﻛﻞ ﻭﻗﺎﻝ : ﺇﻳﻪ ﻫﺬﺍ ﺍﻷﻫﻢ .. ﻷﻧﻲ ﺃﻧﺎ ﺻﻠﺤﺖ ﻟﻬﺎ ﻫﺎﻟﻤُﺸﻜﻠﻪ ﻭﻻﺯﻡ ﺃﺣﻠﻬﺎ ﺑﻨﻔﺴﻲ .. ﻣﺎ ﺃﻫﺘﻢ ﺑﻨﻔﺴﻲ ﻭﺃﻧﺎ ﻣﻮﺭﻁ
ﻏﻴﺮﻱ .. ﻭﺍﻟﻠﺤﻴﻦ ﻣﺎﺭ ﺍﺡ ﺗﺘﺮﻛﻮﻧﻲ ﺁﻛﻞ .. ؟ !
ﺗﻨﻬﺪ ﻣﺸﺎﻋﻞ ﻭﻗﺎﻝ : ﺧﻼﺹ ﻛُﻞ ﻭﺧﻠﻮﻧﺎ ﻧﺴﻜﺮ ﺍﻟﺴﺎﻟﻔﻪ ﻻ ﻳﺴﻤﻌﻬﺎ ﺃﺣﺪ ..
ﺭﺟﻌﺖ ﺑِﻨ

ﺎﻥ ﺗﻄﺎﻟﻊ ﻓﻲ ﺃﻛﻠﻬﺎ ﻭﻫﻲ ﺗﻔﻜﺮ ﺑﺎﻟﻜﻼﻡ ﺍﻟﻠﻲ ﺳﻤﻌﺘﻪ ..
ﻣﻨﺎﻫﻞ !!.. ﻣﻴﻦ ﻫﺎﻟﻤﺮﻳﻀﻪ .. ؟ !
ﻳﻤﻜﻦ ﺗﻜﻮﻥ ﻫﻲ ﻧﻔﺴﻬﺎ ﺍﻟﻠﻲ ﻗﻔﻞ ﺍﻟﺪﻛﺘﻮﺭ ﺛﺎﻣﺮ ﻋﻠﻴﻪ ﻫﻮ ﻭﻳﺎﻫﺎ ﺍﻟﻐﺮﻓﻪ ..
ﻣﻦ ﺧﺮﺝ ﻭﻫﻲ ﺣﺎﺳﻪ ﺑﺸﻲﺀ ﻏﺮﻳﺐ ..
ﺷﻜﻠﻬﺎ ﻛﺎﻧﺖ ﻇﺎﻟﻤﺘﻪ .. ﻭﻗﺘﻬﺎ ﺃﻛﻴﺪ ﻛﺎﻥ ﻳﺠﺒﺮﻫﺎ ﺗﺼﻠﺢ ﺍﻟﻌﻤﻠﻴﻪ ..
ﺑﺲ ﻫﺬﺍ ﺍﻟﺸﻲ ﻣﺎ ﻳﺸﻔﻊ ﻟﻪ ﻛﻞ ﺗﺼﺮﻓﺎﺗﻪ ﺍﻟﻠﻲ ﺭﺍﺣﺖ ..
ﻭﻏﻴﺮ ﻛِﺬﺍ ﻭﺷﻮ ﻳﻌﻨﻲ ﺃﺟﺒﺮﻫﺎ .. ؟ !
ﻫﻲ ﺭﺍﻓﻀﻪ ﻓﻠﻴﺶ ﻳﺠﺒﺮﻫﺎ .. ؟ !
ﻭﻛﻤﺎﻥ ﺻﻠﺢ ﻟﻬﺎ ﻋﻤﻠﻴﻪ ﺑﺪﻭﻥ ﺇﺫﻥ ﺭﺳﻤﻲ !!..
ﻫﺬﻩ ﺟﺮﻳﻤﻪ .. ﻭﺭﺍﺡ ﻳﺘﻌﺮﺽ ﻟﻠﻔﺼﻞ ﻟﻮ ﺇﻧﻜﺸﻒ ..
ﻫﺬﻩ ﺍﻟﺘﺼﺮﻓﺎﺕ ﻣﺎﻫﻲ ﺗﺼﺮﻓﺎﺕ ﺩﻛﺘﻮﺭ ﻋﺎﻗﻞ ..
ﻫﺬﻩ ﺗﺼﺮﻓﺎﺕ ﺑﺰﺭ ﻃﺎﻳﺶ ..
ﺗﻨﻬﺪﺕ ﺑﻌﺪﻫﺎ ﻟﻔﺖ ﻋﻠﻴﻬﻢ ﺗﻘﻮﻝ : ﺃﻭﻭﻭﻩ ﻋﻤﻠﻴﻪ ﺑﺪﻭﻥ ﺇﺫﻥ ﺭﺳﻤﻲ !!.. ﻫﺬﻩ ﺟُﺮﺃﻩ ﻏﻴﺮ ﻣُﺘﻮﻗﻌﻪ ..
ﻟﻔﻮﺍ ﻛﻠﻬﻢ ﻋﻠﻴﻬﺎ ﺑﺪﻫﺸﻪ ..
ﺳﻤﻌﺘﻬﻢ !!.. ﻣﻌﻘﻮﻝ .. ؟ !
ﺗﻨﻬﺪ ﺍﻟﺪﻛﺘﻮﺭ ﻭﻟﻒ ﻋﻠﻴﻬﺎ ﻳﻘﻮﻝ : ﻋِﻨﺪﻙ ﺩﻟﻴﻞ .. ؟ !
ﻋﻘﺪﺕ ﺣﺎﺟﺒﻬﺎ ﺑﺈﻧﺰﻋﺎﺝ .. ﻫﺬﺍ ﺍﻟﺪﻛﺘﻮﺭ ﻳﺤﺐ ﺍﻷﺩﻟﻪ ﺑﺸﻜﻞ ﻓﻀﻴﻊ ..
ﺑِﻨﺎﻥ : ﺍﻟﺪﻟﻴﻞ ﺑﺴﻬﻮﻟﻪ ﺍﻟﻮﺍﺣﺪ ﻳﻄﻠﻌﻪ .. ﻛﻞ ﺍﻟﻠﻲ ﻋﻠﻲّ ﺃﺭﻭﺡ ﻟﺮﺋﻴﺲ ﻗﺴﻤﻚ ﺃﺧﺒﺮﻩ ﻋﻠﻰ ﺍﻟﻤﻮﺿﻮﻉ ﻭﻫﻮ ﺑﻨﻔﺴﻪ ﻳﻘﺪﺭ ﻳﻜﺸﻔﻚ .. ﺭُﺧﺼﺔ
ﺍﻟﻄﺐ ﺭﺍﺡ ﺗﻨﺴﺤﺐ ﻣﻨﻚ ﻳﺎ ﺍﻟﺪﻛﺘﻮﺭ ﺍﻟﻤُﺤﺘﺮﻡ ..
ﺇﺑﺘﺴﻢ ﻳﻘﻮﻝ : ﻃﻴﺐ ﺭﻭﺣﻲ ﺧﺒﺮﻳﻪ .. ﻋﺎﺩﻱ ..
ﻃﺎﻟﻌﻮﺍ ﻓﻴﻪ ﺍﻟﻠﻲ ﻣﻌﻪ ﺑﺼﺪﻣﻪ !!..
ﻇﻬﺮ ﺍﻹﻧﺰﻋﺎﺝ ﻋﻠﻰ ﻣﻼﻣﺢ ﺑِﻨﺎﻥ .. ﻫﺬﺍ ﺟﺎﻟﺲ ﻳﺴﺘﻔﺰﻫﺎ ﺑﺸﻜﻞ ﻳﻘﻬﺮ ..
ﻛﻤﻞ ﻳﺎﻛﻞ ﺃﻛﻠﻪ ﺑﺸﻜﻞ ﻃﺒﻴﻌﻲ ﺟﺪﺍً ..
ﻋﻀﺖ ﻋﻠﻰ ﺷﻔﺘﻬﺎ ﺑﻘﻬﺮ ﺑﻌﺪﻫﺎ ﻗﺎﻟﺖ : ﻣﺎﺷﻲ .. ﻻ ﺗﻀﻦ ﺇﻧﻲ ﻣﻦ ﺍﻟﻨﻮﻉ ﺍﻟﻠﻲ ﻳﺴﺤﺐ ﻛﻼﻣﻪ ..
ﻫﺰ ﺭﺍﺳﻪ ﺑﺒﺮﻭﺩ ﻭﻫﻮ ﻳﺎﻛﻞ ..
ﻟﻒ ﺑِﻨﺎﻥ ﻋﻠﻰ ﺃﻣﺠﺎﺩ ﻭﻗﺎﻟﺖ : ﺗﻌﺎﻟﻲ ﻣﻌﻲ ..
ﻃﺎﻟﻌﺖ ﺃﻣﺠﺎﺩ ﻓﻴﻬﺎ ﺑﻌﺪﻫﺎ ﻗﺎﻣﺖ ﻣﻌﻬﺎ ..
ﻣﺸﺎﻋﻞ : ﺩﻛﺘﻮﺭ !!..
ﺭﺍﻗﺒﻬﺎ ﺍﻟﺪﻛﺘﻮﺭ ﻟﺤﺪ ﻣﺎ ﻃﻠﻌﺖ ﻣﻦ ﺍﻟﻜﺎﻓﺘﻴﺮﻳﺎ ﺑﻌﺪﻫﺎ ﻋﺾ ﻋﻠﻰ ﺷﻔﺘﻪ ﻭﺑﻌﺪﻫﺎ ﻟﻒ ﻋﻠﻰ ﻣﺸﺎﻋﻞ ﻭﺳﻤﺎﻫﺮ ﻳﻘﻮﻝ : ﺭﻭﺣﻮﺍ ﺑﺴﺮﻋﻪ ﻗﺒﻠﻬﻢ
ﻟﻌﻨﺪ ﺇﺳﺘﻘﺒﺎﻝ ﺍﻟﻘﺴﻢ .. ﺻﻠﺤﻮﺍ ﺑﻴﻨﻜﻢ ﺣﻮﺍﺭ ﻭﻫﻤﻲ ﻋﻦ ﺃﻭﺭﺍﻕ ﻣﻨﺎﻫﻞ ﺍﻟﺮﺳﻤﻴﻪ ﻭﻋﻠﻰ ﺃﺳﺎﺱ ﺇﻧﻬﺎ ﻣﻮﺟﻮﺩﻩ ﻋﺸﺎﻥ ﺗﺸﻚ ﺑﻨﻔﺴﻬﺎ ﻭﺗﺒﻄﻞ
ﺗﺒﻠﻎ .. ﺃﻧﺎ ﻣﺘﺄﻛﺪ ﺇﻧﻬﺎ ﺃﻭﻝ ﺷﻲﺀ ﺑﺘﺮﻭﺡ ﺗﺘﺄﻛﺪ ﺇﻥ ﻛﺎﻥ ﻓﻴﻪ ﺃﻭﺭﺍﻕ ﺃﻭ ﻻ ﺑﻤﺎ ﺇﻧﻲ ﺷﻜﻜﺘﻬﺎ ﺑﻨﻔﺴﻬﺎ ..
ﻣﺸﺎﻋﻞ : ﺃﻭﻛﻲ ..
ﻭﻗﺎﻣﺖ ﻫﻲ ﻭﺳﻤﺎﻫﺮ ﻭﺭﺍﺣﻮﺍ ﺑﺴﺮﻋﻪ ..
ﺭﺍﺋﺪ : ﺍﻭﻭﻭﻩ ﻛﻮﻳﺲ ﻧﺸﻮﻓﻚ ﺑﻴﻦ ﻓﺘﺮﻩ ﻭﻓﺘﺮﻩ ﻣﺘﻮﺗﺮ .. ﺗﻌﻮﺩﻧﺎ ﻋﻠﻰ ﺍﻟﻼ ﻣُﺒﺎﻻﻩ ..
ﻋﻘﺪ ﺣﻮﺍﺟﺒﻪ ﻳﻘﻮﻝ : ﺭﺍﺋﺪ ﻣﻮ ﻭﻗﺘﻚ ..
ﺭﺍﺋﺪ : ﻫﻬﻬﻬﻬﻬﻬﻪ ﻃﻴﺐ ﻃﻴﺐ ..
ﻣﺸﻴﺖ ﺑِﻨﺎﻥ ﺑﺎﻟﻤﻤﺮ ﺗﻘﻮﻝ : ﻣﺪﺭﻱ ﻟﻴﻪ ﺃﺣﺲ ﺗﺼﺮﻓﻲ ﻃﻔﻮﻟﻲ ..
ﺃﻣﺠﺎﺩ : ﺑﺘﺮﻭﺣﻲ ﺗﺒﻠﻐﻲ .. ؟ !
ﻭﻗﻔﺖ ﺑِﻨﺎﻥ ﺗﻘﻮﻝ : ﺷﻔﺘﻲ ﻛﻴﻒ ﺃﺳﻠﻮﺑﻪ .. ؟ ! ﻛﺄﻧﻪ ﻳﺴﺘﻬﺰﺉ ﻋﻠﻲ .. ﻛﺎﻥ ﻭﺍﺿﺢ ﺇﻧﻪ ﻭﺍﺛﻖ ﺑﻨﻔﺴﻪ ﺇﻧﻪ ﻣﺎ ﺻﻠﺢ ﺷﻲﺀ ﻏﻠﻂ .. ﺃﺣﺲ ﺭﺍﺡ
ﺃﻃﻠﻊ ﻏﺒﻴﻪ ﻟﻤﺎ ﺃﺭﻭﺡ ﺃﺑﻠﻎ ﻭﻓﻲ ﺍﻟﻨﻬﺎﻳﻪ ﺗﻜﻮﻥ ﻫﺎﻟﻤﻨﺎﻫﻞ ﻋﺒﺎﺭﻩ ﻋﻦ ﻛِﺬﺑﻪ ..
ﺃﻣﺠﺎﺩ : ﻃﻴﺐ ﺭﻭﺣﻲ ﺗﺄﻛﺪﻱ ﻗﺒﻞ ﻻ ﺗﺒﻠﻐﻲ ..
ﺇﺑﺘﺴﻤﺖ ﺑِﻨﺎﻥ ﺗﻘﻮﻝ : ﻻ .. ﺗﺼﺮﻓﺎﺗﻲ ﻣﺎﻫﻲ ﻃﻔﻮﻟﻴﻪ ﺇﻟﻰ ﻫﺬﻩ ﺍﻟﺪﺭﺟﻪ .. ﻣﺎ ﺭﺍﺡ ﺃﺑﻠﻎ ﻭﻻ ﺣﺘﻰ ﺃﺳﺄﻝ .. ﻟﻮ ﻛﺎﻥ ﻓﻌﻼً ﻏﻠﻄﺎﻥ ﺭﺍﺡ ﻳﻌﻴﺶ
ﺑﻘﻠﻖ ﻭﺧﺼﻮﺻﺎً ﺇﻧﻲ ﻟﺤﺪ ﺍﻟﺤﻴﻦ ﻣﺎ ﺻﻠﺤﺖ ﺷﻲﺀ .. ﻭﻟﻮ ﻣﺎ ﻃﻠﻊ ﻏﻠﻄﺎﻥ ﻓﻌﻠﻰ ﺍﻷﻗﻞ ﻣﺎ ﺃﻃﻠﻊ ﺑﺰﺭﻩ ﺑﺎﻟﻨﺴﺒﻪ ﻟﻪ ﻫﻮ ﻭﺍﻟﻠﻲ ﻣﻌﻪ ..
ﺃﻣﺠﺎﺩ : ﺃﻭﻭﻭﻩ ﻣﺎ ﺗﻮﻗﻌﺖ ﻣﻨﻚ ﻫﺎﻟﺘﻔﻜﻴﺮ ..
ﺑِﻨﺎﻥ : ﺍﻟﻤﻬﻢ ﻭﻗﺖ ﺍﻟﺒﺮﻳﻚ ﺧﻠﺺ .. ﺧﻠﻴﻨﺎ ﻧﺮﺟﻊ ﻟﺸﻐﻠﻨﺎ ..
ﺃﻣﺠﺎﺩ : ﺃﻭﻛﻲ ..
▓▒ •✖× ×✖•◄︿︿︿︿︿︿︿︿︿︿︿︿► ▒▓
ﺍﻟﺴﺎﻋﻪ ﺇﺛﻨﻴﻦ ﺍﻟﻈﻬﺮ ..
ﻭﺧﻠﻒ ﻗﻀﺒﺎﻥ ﺍﻟﺴﺠﻮﻥ ..
ﺟﺎﻟﺴﻪ ﺑﻬﺪﻭﺀ ﺗﺮﺍﻗﺐ ﻫﻮﺍﺵ ﻫﺪﻳﻞ ﻭﻧﺠﻮﺩ ﺍﻟﻠﻲ ﻣﺎ ﻳﺨﻠﺺ ..
ﻣﺴﺘﺤﻴﻞ ﻳﻤﺮ ﻳﻮﻡ ﻣﺎ ﻳﺘﻬﺎﻭﺷﻮﺍ ﻓﻴﻪ ..
ﺗﻨﻬﺪﺕ ﻓﺴﻤﻌﺖ ﻫﻮﺍﺯﻥ ﻛﺎﻟﻌﺎﺩﻩ ﺗﻘﻮﻝ : ﺑﻨﺎﺕ ﺧﻼﺹ ﺑﻄﻠﻮﺍ ﻫﻮﺍﺵ .. ﻣﻨﺘﻮﺍ ﺑﺰﺍﺭﻳﻦ !!..
ﻫﺪﻳﻞ : ﻭﻗﺴﻢ ﻣﺎ ﺃﺳﻜﺖ ﻟﻬﺎ ﻫﺎﻟﺴﺎﻟﻔﻪ !!..
ﻧﺠﻮﺩ : ﺃﻗﻮﻝ ﺑﺲ ﺑﺲ ﻻ ﺗﺴﻤﻌﻴﻨﻲ ﺻﻮﺗﻚ .. ﻳﺎ ﺷﻴﺨﻪ ﻣﺘﻰ ﺑﺲ ﺗﻄﻠﻌﻲ ﻭﺗﻔﻜﻴﻨﻲ !!..
ﻫﺪﻳﻞ : ﺇﻧﺘﻲ ﺍﻟﻠﻲ ﻣﺘﻰ ﺗﻄﻠﻌﻲ ﻭﺗﻔﻜﻴﻨﻲ !!..
ﺗﺪﺧﻠﺖ ﺇﺳﺮﺍﺀ ﺗﻘﻮﻝ ﺑﺒﺮﻭﺩ : ﻭﻧﻌﻢ ﺍﻟﺼﺎﺣﺒﺎﺕ .. ﻛﻞ ﻭﺣﺪﻩ ﺗﺪﻋﻲ ﻟﻠﺜﺎﻧﻪ ﺑﺎﻟﻔﺮﺝ .. ﺇﺳﺘﻤﺮﻭﺍ ..
ﻋﻘﺪﺕ ﻧﺠﻮﺩ ﺣﺎﺟﺒﻬﺎ ﺑﻌﺪﻫﺎ ﻗﺎﻟﺖ : ﺃﻗﺼﺪ ﻣﺘﻰ ﺃﻃﻠﻊ ﺃﻧﺎ ﻭﺃﻓﺘﻚ ﻣﻦ ﻭﺟﻬﻚ ..
ﻫﺪﻳﻞ : ﺃﻧﺎ ﻭﻗﺴﻢ ﺍﻟﻠﻲ ﺑﺄﻓﺘﻚ ﻣﻦ ﻭﺟﻬﻚ ..
ﻫﻮﺍﺯﻥ : ﺑﻨﺎﺕ ﻭﺑﻌﺪﻳﻦ ﻣﻌﻜﻢ !!.. ﺇﻫﺠﺪﻭﺍ ﺷﻮﻱ ..
ﺭﻏﺪ : ﻣﻌﻬﺎ ﺣﻖ .. ﻃﻔﺸﺘﻮﻧﺎ ﻣﻦ ﻫﻮﺍﺷﻜﻢ ﺍﻟﻠﻲ ﻣﺎ ﻳﺨﻠﺺ ..
ﻫﺪﻳﻞ : ﺇﻧﻪ ﻫﻲ ﺍﻟﻠﻲ ﺩﺍﻳﻢ ﺗﺒﺪﺃ ..
ﺗﻨﻬﺪ ﺭﻏﺪ ﺑﻌﺪﻫﺎ ﻃﻨﺸﺘﻬﻢ ﻭﺃﺳﻨﺪﺕ ﺭﺍﺳﻬﺎ ﻟﻠﺠﺪﺍﺭ ﺗﻄﺎﻟﻊ ﻓﻲ ﺍﻟﻔﺮﺍﻍ ﺑﻬﺪﻭﺀ ..
ﻭﻳﻨﻪ ﺣُﺴﺎﻡ .. ؟ !
ﺗﺄﺧﺮ ﻛﺜﻴﺮ ..
ﻣﻦ ﺯﻣﺎﻥ ﻣﺎ ﺷﺎﻓﺘﻪ .. ﻫﻮ ﻭﻋﺪﻫﺎ ﻳﺠﻲ ..
ﻭﻋﺪﻫﺎ ﻳﺠﺐ ﺻﻮﺭﻩ ﻟﺒﻨﺘﻬﺎ ﺗﻄﺎﻟﻊ ﻓﻴﻬﺎ ..
ﺑﺲ ﻣﺎ ﺟﺎﺀ .. ﺑﺪﺃﺕ ﺗﺨﺎﻑ ﻣﻦ ﻫﺬﺍ ﺍﻟﺘﺄﺧﺮ ..
ﺗﺨﺎﻑ ﻳﻜﻮﻥ ﺻﺎﺭ ﻟﻪ ﺷﻲﺀ ..
ﻫﻮ ﻋﺎﻳﺶ ﻟﻮﺣﺪﻩ ﻣﻊ ﺍﻟﺒﻨﺖ ..
ﺃﺧﺬﺕ ﻧﻔﺲ ﻋﻤﻴﻖ ﺗﻘﻮﻝ ﺑﻬﻤﺲ : ﺭﺑﻲ ﺑﻴﺤﻔﻀﻬﻢ .. ﺃﻧﺎ ﺇﺳﺘﻮﺩﻋﺘﻚ ﺃﻫﻠﻲ ﻳﺎ ﺭﺏ ﻓﺄﺣﻔﻈﻬﻢ ..
ﺟﺎﺀ ﺻﻮﺕ ﺟﻬﻮﺭﻱ ﻳﻘﻮﻝ : ﺭﻏﺪ ﻋﺰﺍﻡ ﺍﻟﻮﺍﺻﻠﻲ .. ﺯﻳﺎﺭﻩ ..
ﺇﺑﺘﺴﻤﺖ ﺭﻏﺪ ﻭﻟﻔﺖ ﻋﻠﻰ ﺍﻟﻤﻮﺿﻔﻪ ﺗﻘﻮﻝ : ﺃﻧﺎ ﻫﻲ ..
ﻓﺘﺤﺖ ﺍﻟﻤﻮﺿﻔﻪ ﺍﻟﺒﺎﺏ ﻓﻄﻠﻌﺖ ﺭﻏﺪ ﻭﻫﻲ ﺣﺎﺳﻪ ﺑﻔﺮﺡ ﻛﺒﻴﺮ ..
ﻛﻞ ﺍﻟﻘﻠﻖ ﺍﻟﻠﻲ ﻛﺎﻧﺖ ﺣﺎﺳﻪ ﻓﻴﻪ ﺭﺍﺡ ..
ﺭﺍﺡ ﻭﺑﻘﻮﻩ ..
ﻣﺸﻴﺖ ﺑﺎﻟﻤﻤﺮ ﻣﺘﺠﻬﻪ ﻟﻤﻜﺎﻥ ﺍﻟﺰﻳﺎﺭﻩ ﻭﻫﻲ ﺗﻔﻜﺮ ﺑﺤﺴﺎﻡ ..
ﻳﺎﺍﺍﻩ ﻭﻗﺴﻢ ﻭﺍﺣﺸﻬﺎ ﺑﺸﻜﻞ ﻛﺒﻴﺮ ..
ﺗﺘﻤﻨﻰ ﻳﻜﻮﻥ ﺟﺎﺏ ﻣﺎﻳﺎ ﺃﻭ ﺻﻮﺭﺗﻬﺎ ﻋﻠﻰ ﺍﻷﻗﻞ ..
ﺩﺧﻠﺖ ﻟﻠﻐﺮﻓﻪ ﻓﻌﻘﺪﺕ ﺣﺎﺟﺒﻬﺎ ﺑﺘﻌﺠﺐ ﻭﻫﻲ ﺗﻄﺎﻟﻊ ﻓﻲ ﻫﺬﺍ ﺍﻟﺰﺍﺋﺮ ﺍﻟﻠﻲ ﻣﺎ ﻛﺎﻥ ﺃﺧﻮﻫﺎ ﺃﺑﺪﺍ ..
ﻭﺑﻌﺪﻫﺎ ﺇﺗﺴﻌﺖ ﻋﻴﻮﻧﻬﺎ ﻭﻫﻲ ﺗﻘﻮﻝ ﺑﺼﺪﻣﻪ : ﻣُﺴﺘﺤﻴﻞ !!!..
ﻭﻫﺬﻩ ﺍﻟﺰﻳﺎﺭﻩ .. ﻫﻲ ﺁﺧﺮ ﺯﻳﺎﺭﻩ ﻛﺎﻧﺖ ﺗﺘﻮﻗﻌﻬﺎ ﺑﺤﻴﺎﺗﻬﺎ ..
//
ﻭﺑﺪﺍﺧﻞ ﺍﻟﺰﻧﺰﺍﻧﻪ ..
ﻫﺪﻳﻞ ﺑﺈﺳﺘﻐﺮﺍﺏ : ﻣﻮ ﻛﺄﻥ ﺍﻟﺰﻳﺎﺭﻩ ﻃﻮﻟﺖ ﺷﻮﻱ ..
ﻧﺠﻮﺩ : ﺧﻠﻴﻬﺎ ﺗﺴﺘﺎﻧﺲ .. ﺣﺘﻰ ﻋﺎﻟﺰﻳﺎﺭﺍﺕ ﺗﺤﺴﺪﻳﻦ ﺍﻟﻨﺎﺱ .. ﺣﺴﻮﺩﻩ ..
ﻫﺪﻳﻞ : ﺃﻗﻮﻝ ﻣﺤﺪ ﻛﻠﻤﻚ ﺇﻧﺘﻲ ﻳﺎ ......
ﻭﻛﻤﻠﻮﺍ ﺳﻠﺴﻠﺔ ﻫﻮﺍﺷﻬﻢ ..
ﻏﻤﻀﺖ ﺇﺳﺮﺍﺀ

ﻋﻴﻨﻬﺎ ﻭﻏﺎﺻﺖ ﺗﻔﻜﺮ ﺑﺤﺎﻟﺘﻬﺎ ..
ﻋﻘﺪﺕ ﺣﺎﺟﺒﻬﺎ ﻭﻓﺘﺤﺖ ﻋﻴﻨﻬﺎ ﻟﻤﺎ ﺳﻤﻌﺖ ﺻﻮﺕ ﺍﻟﺰﻧﺰﺍﻧﻪ ﺗﻨﻔﺘﺢ ..
ﺩﺧﻠﺖ ﺭﻏﺪ ﺑﻬﺪﻭﺀ ﻭﺑﻌﺪﻫﺎ ﺇﺗﺠﻬﺖ ﻟﻠﺴﺮﻳﺮ ﻭﺇﻧﺴﺪﺣﺖ ﻋﻠﻴﻪ ..
ﻭﺟﻬﻬﺎ ﻟﻠﺠﺪﺍﺭ ﻭﻇﻬﺮﻫﺎ ﻟﻬﻢ ..
ﻃﺎﻟﻌﻮﺍ ﺑﺒﻌﺾ ﺑﺈﺳﺘﻐﺮﺍﺏ ﻓﻘﺎﻟﺖ ﻫﻮﺍﺯﻥ ﺑﺼﻮﺕ ﻣﻨﺨﻔﺾ : ﺷﻜﻠﻪ ﻣﻮ ﺃﺧﻮﻫﺎ ..
ﻫﺪﻳﻞ ﺑﻨﻔﺲ ﺍﻟﻬﻤﺲ : ﺗﺘﻮﻗﻌﻮﺍ ﻳﻜﻮﻥ ﻃﻠﻴﻘﻬﺎ !!..
ﻃﺎﻟﻌﺖ ﺇﺳﺮﺍﺀ ﻓﻴﻬﻢ ﺑﻌﺪﻫﺎ ﻟﻔﺖ ﺑﻌﻴﻮﻧﻬﺎ ﺗﻄﺎﻟﻊ ﻓﻲ ﺭﻏﺪ ..
ﺿﺎﻗﺖ ﻋﻴﻨﻬﺎ ﻟﻤﺎ ﻻﺣﻈﺖ ﺃﻛﺘﺎﻓﻬﺎ ﺗﻬﺘﺰ ﺑﻬﺪﻭﺀ ﺩﻟﻴﻞ ﺍﻟﺒﻜﺎﺀ ..
ﻛﺎﻥ ﻭﺍﺿﺢ ﺇﻥ ﺍﻟﺰﻳﺎﺭﻩ .. ﺯﻳﺎﺭﻩ ﺻﻌﺒﻪ ﻋﻠﻴﻬﺎ

📚__💜__(♻️)__💜__📚
@ahgeel #عالم_القصص_والروايات
@hkauat #الارشيـــف
📚___💜____💜___📚

ﺍﻟﺴﺎﻋﻪ ﺳﺒﻌﻪ ﺍﻟﻤﻐﺮﺏ ..
ﻭﻋﻠﻰ ﻏﻴﺮ ﺍﻟﻌﺎﺩﻩ ﺍﻟﻜُﻞ ﻣﺘﺠﻤﻊ ﻓﻲ ﻫﺬﻩ ﺍﻟﻐﺮﻓﻪ ﺍﻟﺼﻐﻴﺮﻩ ..
ﻫﺎﻟﻤﺮﻩ ﺷﻐﻠﻬﻢ ﻛﺎﻥ ﺑﺲ ﻟﻴﻦ ﺃﺫﺍﻥ ﺍﻟﻤﻐﺮﺏ ﻭﺑﻌﺪﻫﺎ ﺭﺟﻌﻮﺍ ﻟﻤﻜﺎﻧﻬﻢ ..
ﺍﻟﻜﻞ ﺑﻼ ﺇﺳﺘﺜﻨﺎﺀ ﻳﺤﺲ ﺑﺘﻌﺐ ﻛﺒﻴﺮ ..
ﺣﺘﻰ ﺑﻄﻠﻨﺎ ﺍﻟﺼﻐﻴﺮ ﻳﺤﺲ ﻧﻔﺴﻪ ﻫﻠﻜﺎﻥ ﻭﺑﻘﻮﻩ .. ﻃﻮﻝ ﺍﻟﻔﺘﺮﻩ ﺍﻟﻠﻲ ﺭﺍﺣﺖ ﻭﻫﻮ ﻳﺸﺘﻐﻞ ﻣﻦ ﺍﻟﺼﺒﺢ ﻭﺣﺘﻰ ﺍﻟﻠﻴﻞ ..
ﻃﺎﻗﺘﻪ ﺍﻟﺠﺴﺪﻳﻪ ﻛﻠﻬﺎ ﺭﺍﺣﺖ ﻭﺻﺎﺭ ﻳﺤﺲ ﺑﺂﻻﻡ ﺷﺪ ﻋﻀﻠﻲ ﻓﻲ ﺭﺟﻠﻪ ﻭﺃﻛﺘﺎﻓﻪ ﻣﻦ ﻛﺜﺮﺓ ﺍﻟﻮﻗﻮﻑ ﻭﺍﻟﺸﻐﻞ ..
ﻟﻜﻦ ﻫﺎﻟﻤﺮﻩ ﺍﻷﻟﻢ ﻳﻬﻮﻥ ..
ﻷﻥ ﻫﺬﺍ ﺍﻟﻴﻮﻡ ﻫﻮ ﺍﻟﻴﻮﻡ ﺍﻟﻠﻲ ﺭﺍﺡ ﻳﻬﺮﺏ ﻓﻴﻪ ﻣﻦ ﻫﺬﻩ ﺍﻟﻘﺬﺍﺭﻩ ﺍﻟﻠﻲ ﻳﻌﻴﺶ ﻓﻴﻬﺎ ..
ﻛﺎﻥ ﻣﻨﺴﺪﺡ ﻋﻠﻰ ﺍﻷﺭﺽ ﻭﻣﻐﻤﺾ ﻋﻴﻮﻧﻪ ﻓﺠﺎﻩ ﺻﻮﺕ ﻋﺒﺎﺩﻱ ﻳﻘﻮﻝ : ﻫﻴﻪ ﺇﻧﺖ ..
ﻓﺘﺢ ﻋﻴﻨﻪ ﻓﺸﺎﻑ ﻋﺒﺎﺩﻱ ﻭﺍﻗﻒ ﻗﺪﺍﻣﻪ ..
ﺟﻠﺲ ﻭﻗﺎﻝ : ﻧﻌﻢ ..
ﻋﺒﺎﺩﻱ : ﻗﻢ .. ﺭﺍﺡ ﻧﻬﺮﺏ ﺍﻟﻠﺤﻴﻦ ..
ﻋﻘﺪ ﺛﺎﺋﺮ ﺣﺎﺟﺒﻪ ﻳﻘﻮﻝ : ﺑﺲ ﻣﺎ ﻣﺮﺕ ﺳﺎﻋﻪ !!..
ﻋﺒﺎﺩﻱ : ﻛﺎﻥ ﻗﻠﺖ ﻟﻲ ﻣﻦ ﺃﻭﻝ ﺇﻧﻚ ﻣﺎ ﺑﺘﺠﻲ ..
ﺛﺎﺋﺮ ﺑﺴﺮﻋﻪ : ﻻ ﻻ ﺟﺎﻱ ..
ﻟﻒ ﻋﺒﺎﺩﻱ ﻋﻠﻰ ﺍﻟﺒﻘﻴﻪ ﻭﻗﺎﻝ : ﺇﻧﺘﻢ ﺑﺘﻐﻄﻮﻥ ﻋﻠﻴﻨﺎ .. ﻭﺇﺣﻨﺎ ﻋﻠﻰ ﻃﻮﻝ ﺑﻨﻬﺮﺏ ﻟﻠﺸﺮﻃﻪ ﻧﺒﻠﻎ ﻋﻨﻜﻢ ﻭﺑﻴﺠﻮﻥ ﻋﻠﻰ ﻃﻮﻝ ﻳﺴﺎﻋﺪﻭﻛﻢ ..
ﺟﻮﺍﻥ ﺑﺨﻮﻑ : ﻋﺒﺎﺩﻱ ﻟﻮ ﻳﻤﺴﻜﻮﻙ ﺭﺍﺡ ﻳﻀﺮﺑﻮﻙ ..
ﻋﻤﺮ : ﻫﻬﻬﻬﻬﻬﻬﻬﻬﻬﻬﻪ ﻻ ﻻ ﺃﻧﺎ ﻣﺘﻔﺎﺋﻞ ﻫﺎﻟﻤﺮﻩ ﺇﻧﻪ ﻣﺎ ﺑﻴﻨﺠﻠﺪ .. ﻳﻤﻜﻦ ﻳﻘﺪﺭ ﻳﻬﺮﺏ .. ﻭﻋﺎﺩﻱ ﻟﻮ ﺇﻧﺠﻠﺪ ﻣﺎ ﺑﻴﻜﻮﻥ ﻟﻮﺣﺪﻩ ..
ﻃﺎﻟﻊ ﻋﺒﺎﺩﻱ ﻓﻴﻪ ﺑﺤﺪﻩ ﻓﺴﻜﺖ ﻋﻤﺮ ﻭﺑﻠﻊ ﺍﻟﻌﺎﻓﻴﻪ ..
ﻣﻄﻠﻖ : ﻋﺒﺎﺩﻱ ﺑﻄﻞ ﻋﺒﺎﻃﻪ .. ﻻ ﺗﻮﺭﻁ ﺍﻟﻮﻟﺪ ﻣﻌﻚ ..
ﻋﺒﺎﺩﻱ : ﻣﺎ ﻭﺭﻃﺖ ﺃﺣﺪ .. ﻫﻮ ﺍﻟﻠﻲ ﻭﺍﻓﻖ ﺑﺪﻭﻥ ﻻ ﺃﺟﺒﺮﻩ .. ﻭﺑﻌﺪﻳﻦ ﻟﻴﺶ ﻛِﺬﺍ ﺷﺎﻳﻔﻴﻦ ﺇﻧﻲ ﺭﺍﺡ ﺃﻧﻤﺴﻚ ﺑﻌﺪ .. ؟ !! ﻋﻠﻴﻜﻢ ﺗﺸﺎﺋﻢ ﻳﺤﺒﻂ
ﺍﻟﻮﺍﺣﺪ ..
ﻣﻄﻠﻖ ﺑﻬﺪﻭﺀ : ﻷﻧﻪ ﻣُﺴﺘﺤﻴﻞ .. ﻣﺎﻟﻨﺎ ﻏﻴﺮ ﻧﺴﺘﺴﻠﻢ ..
ﻋﺒﺎﺩﻱ : ﻫﺬﺍ ﺇﻧﺖ ﻣﻮ ﺃﻧﺎ ..
ﻟﻒ ﻋﻠﻰ ﺛﺎﺋﺮ ﻳﻘﻮﻝ : ﻫﺎ ﻣﻮﺍﻓﻖ ﺗﺠﻲ ﻭﻻ ﻻ .. ؟ !
ﻭﻗﻒ ﺛﺎﺋﺮ ﻳﻘﻮﻝ : ﺇﻻ ﺇﻻ ﺑﺄﺟﻲ ..
ﻋﺒﺎﺩﻱ : ﺗﺮﻯ ﻟﻮ ﺇﻧﻤﺴﻜﺖ ﻓﺮﺍﺡ ﺗﺘﻌﺎﻗﺐ ﻣﺎﺷﻲ !!.. ﺗﻮﻗﻊ ﺷﻲﺀ ﺯﻱ ﻛِﺬﺍ ﻣﻮ ﺗﻨﺼﺪﻡ ﻭﺗﺤﻂ ﺍﻟﻠﻮﻡ ﻋﻠﻲّ ..
ﻫﺰ ﺛﺎﺋﺮ ﺭﺍﺳﻪ ..
ﻟﻒ ﻋﺒﺎﺩﻱ ﻋﻠﻰ ﻣﻄﻠﻖ ﻭﻗﺎﻝ : ﺷﻴﻞ ﺟﻮﺍﻥ ﻋﻠﻰ ﻇﻬﺮﻙ ﻋﺸﺎﻥ ﺗﺨﺶ ﻣﻦ ﺍﻟﻔﺘﺤﻪ ﻭﺗﻨﺰﻝ ﻟﻨﺎ ﺗﻔﺘﺢ ﺍﻟﺒﺎﺏ ..
ﻣﻄﻠﻖ : ﻣﻮ ﺧﺎﻳﻒ ﻳﻜﻮﻥ ﻓﻴﻪ ﺃﺣﺪ ﺑﺮﻯ ﻭﺗﺘﻮﺭﻁ ﺍﻟﺒﻨﺖ .. ؟ !
ﺟﻮﺍﻥ ﺑﺼﻮﺗﻬﺎ ﺍﻟﻬﺎﺩﻱ : ﻻ ﻋﺎﺩﻱ .. ﻟﻮ ﻗﺪﺭﻭﺍ ﻳﻬﺮﺑﻮﺍ ﻓﺮﺍﺡ ﻧﻄﻠﻊ ﻭﺃﻗﺪﺭ ﺃﺭﺟﻊ ﻟﻤﺎﻣﺎ ..
ﻋﺒﺎﺩﻱ : ﻳﺎﺧﻲ ﻣﻮ ﺻﺎﻳﺮ ﺇﻻ ﻛﻞ ﺧﻴﺮ .. ﺑﺘﺠﻠﻄﻮﻧﻲ ﺑﺘﺸﺎﺅﻣﻜﻢ ﺍﻟﺰﺍﻳﺪ ..
ﺗﻨﻬﺪ ﻣﻄﻠﻖ ﻭﺟﻠﺲ ﻋﺸﺎﻥ ﺗﺮﻛﺐ ﺟﻮﺍﻥ ﻋﻠﻰ ﺃﻛﺘﺎﻓﻪ ﺑﻤﺎ ﺇﻧﻬﺎ ﺻﻐﻴﺮﻩ ﻋﻜﺲ ﺟﺴﻤﻪ ﺍﻟﻤُﻤﺘﻠﺊ ﻭﺍﻟﻜﺒﻴﺮ ..
ﻭﻗﻒ ﻭﺭﺍﺡ ﻟﺰﺍﻭﻳﺔ ﺍﻟﻐﺮﻓﻪ ﻓﺒﺪﺃﺕ ﺟﻮﺍﻥ ﺑﺎﻟﻘﻮﻩ ﺗﺪﺧﻞ ﻣﻦ ﺍﻟﻔﺘﺤﻪ ﺍﻟﺼﻐﻴﺮﻩ ﻓﻘﺎﻝ ﻋﺒﺎﺩﻱ : ﺟﻮﺍﻥ ﺇﻧﺘﺒﻬﻲ .. ﻟﻮ ﺣﺴﻴﺘﻲ ﺑﺄﻱ ﺣﺮﻛﻪ ﻋﻠﻰ
ﻃﻮﻝ ﺇﺭﺟﻌﻲ .. ﻓﺎﻫﻤﻪ .. ؟ !
ﺟﻮﺍﻥ : ﻓﺎﻫﻤﻪ ..
ﻭﺑﻌﺪﻩ ﺩﺧﻠﺖ ﺑﺎﻟﻘﻮﻩ ﻭﺇﺧﺘﻔﺖ ﻋﻦ ﺃﻧﻈﺎﺭﻫﻢ ..
ﻇﻠﻮﺍ ﻓﺘﺮﻩ ﻫﺎﺩﻳﻦ ﻳﻨﺘﻈﺮﻭﻫﺎ ﺗﺠﻲ ..
ﺗﻨﻬﺪ ﺛﺎﺋﺮ ﻳﻘﻮﻝ ﻓﻲ ﻧﻔﺴﻪ : " ﺭﺍﺡ ﺃﻗﺪﺭ ﺃﻫﺮﺏ ﻭﻻ ﻻ .. ؟ ! ﺭﺍﺡ ﺃﻗﺪﺭ ﺃﺷﻮﻑ ﺃﻣﻲ ﻣﺮﻩ ﺛﺎﻧﻴﻪ ﻭﻻ ﻻ .. ؟ "!
ﺑﺪﺃ ﻳﺨﺎﻑ .. ﻳﺨﺎﻑ ﻳﻨﻤﺴﻚ ﻭﺗﺘﺒﺨﺮ ﺁﻣﺎﻟﻪ ..
ﻟﻮ ﺇﻧﻤﺴﻚ ﺭﺍﺡ ﻳﻨﺤﺒﻂ .. ﻭﻳﺒﺪﺃ ﻳﻘﻞ ﺗﻔﺎﺅﻟﻪ ﺑﺎﻟﻬﺮﺏ ..
ﻟﻒ ﻋﻠﻰ ﺟﻬﺔ ﺍﻟﺒﺎﺏ ﻟﻤﺎ ﺳﻤﻊ ﺻﻮﺕ ﺃﺣﺪ ﻳﻠﻒ ﺍﻟﻤﻔﺘﺎﺡ ..
ﻋﺒﺎﺩﻱ ﺑﺈﺑﺘﺴﺎﻣﻪ : ﻭﺍﻟﻠﻪ ﻭﻗﺪﺭﺕ ﺟﻮﺍﻥ ..
ﻇﻞ ﺍﻟﻤُﻔﺘﺎﺡ ﻳﻠﻒ ﻭﻛﺄﻥ ﺍﻟﻠﻲ ﻳﻔﺘﺤﻪ ﻣﻮ ﻋﺎﺭﻑ ﻛﻴﻒ ﻭﻓﻲ ﺍﻷﺧﻴﺮ ﻣﺴﻚ ﻣﻌﻬﺎ ﻭﻓﺘﺢ ..
ﻋﺒﺎﺩﻱ : ﺣﻠﻮ ..
ﻟﻒ ﻋﻠﻰ ﺛﺎﺋﺮ ﻳﻘﻮﻝ : ﺇﻣﺶ ..
ﺟﻮﺍﻥ ﺑﺨﻮﻑ : ﺇﻧﺘﺒﻬﻮﺍ .. ﺳﻤﻌﺖ ﻣﻦ ﺍﻟﺸﺒﺎﻙ ﺻﻮﺕ ﻋﺎﻣﻞ .. ﺷﻜﻠﻪ ﻳﺮﺍﻗﺐ ﺍﻟﻤﻜﺎﻥ ﻣﻦ ﺑﺮﻯ ..
ﻋﺒﺎﺩﻱ : ﻫﺬﺍ ﻃﺒﻴﻌﻲ .. ﻣﺎ ﻋﻠﻴﻚ ﺑﻨﻘﺪﺭ ﻧﺘﺼﺮﻑ .. ﻣﺎ ﻋﻨﺪﻧﺎ ﻏﻴﺮ ﻫﺎﻟﻔﺮﺻﻪ ﺑﻤﺎ ﺇﻥ ﺯﻭﺝ ﺍﻟﺒﻄﻴﺦ ﺭﺍﺣﻮﺍ ﻟﺸﻐﻠﻬﻢ ﺍﻟﻠﻲ ﺃﻛﻴﺪ ﻣﺜﻞ ﻭﺟﻬﻬﻢ ..
ﺧﺮﺝ ﻓﺨﺮﺝ ﺛﺎﺋﺮ ﻭﺭﺍﻩ .. ﻭﺑﻌﺪﻫﺎ ﻗﻔﻞ ﻋﺒﺎﺩﻱ ﺍﻟﺒﺎﺏ ﻋﻠﻴﻬﻢ ﻭﺧﻠﻰ ﺍﻟﻤﻔﺘﺎﺡ ﺑﺎﻟﺒﺎﺏ ﻣﺜﻞ ﻣﺎ ﻛﺎﻥ ﺃﻭﻝ ..
ﺇﺗﺠﻬﻮﺍ ﻟﻠﺪﺭﺝ ﻭﻃﻠﻌﻮﺍ ﻣﻨﻪ ﺑﻬﺪﻭﺀ ﻭﺑﺨﻄﻮﺍﺕ ﺧﻔﻴﻔﻪ ..
ﺧﺮﺟﻮﺍ ﻓﻔﺘﺤﻮﺍ ﺍﻟﺴﺘﺎﺭﻩ ﺍﻟﻠﻲ ﺗﻐﻄﻲ ﺍﻟﺪﺭﺝ ﺑﻬﺪﻭﺀ ﻓﻤﺎ ﺣﺼﻠﻮﺍ ﺃﺣﺪ ..
ﺗﻘﺪﻡ ﻋﺒﺎﺩﻱ ﺑﻬﺪﻭﺀ ﻟﻠﺒﺎﺏ ﻭﺛﺎﺋﺮ ﻭﺭﺍﻩ ..
ﺣﻂ ﺇﺫﻧﻪ ﻋﻠﻰ ﺍﻟﺒﺎﺏ ﻓﺴﻤﻊ ﻫﻤﺲ ﻋﺎﻣﻠﻴﻦ ﻳﺘﻜﻠﻤﻮﺍ ﻣﻊ ﺑﻌﺾ ..
ﻋﺒﺎﺩﻱ : ﺧﻠﻨﺎ ﻧﺮﻭﺡ ﻣﻦ ﺟﻬﻪ ﺛﺎﻧﻴﻪ .. ﻓﻴﻪ ﻫﻨﺎ ﻋُﻤﺎﻝ ..
ﻫﺰ ﺛﺎﺋﺮ ﺭﺍﺳﻪ ﻭﺑﺪﺃ ﻳﺘﺒﻌﻪ ..
ﺑﺪﺃﻭﺍ ﻳﺪﻭﺭﻭﺍ ﺑﺎﻟﺒﻴﺖ ﺑﺲ ﻣﺎ ﺣﺼﻠﻮﺍ ﺃﻱ ﺑﺎﺏ ﺛﺎﻧﻲ ﻏﻴﺮ ﺫﺍﻙ ﺍﻟﺒﺎﺏ ﻭﺛﻼﺙ ﺷﺒﺎﺑﻴﻚ ..
ﻭﺣﺪﻩ ﺗﻔﺘﺢ ﻋﻠﻰ ﻣُﻘﺪﻣﺔ ﺍﻟﺒﻴﺖ ﻋﻦ ﺍﻟﻌُﻤﺎﻝ .. ﻭﺛﻨﺘﻴﻦ ﻋﻠﻰ ﺍﻟﺨﻠﻒ ..
ﻓﺘﺢ ﻋﺒﺎﺩﻱ ﻭﺣﺪﻩ ﻣﻨﻬﺎ ﻓﺈﺑﺘﺴﻢ ﻟﻤﺎ ﻣﺎ ﺣﺼّﻞ ﺣﺪﺍﻳﺪ ..
ﻋﺒﺎﺩﻱ : ﻣﺎﺧﺬﻳﻦ ﺭﺍﺣﺘﻢ ﻭﻻ ﺿﻨﻮﺍ ﺇﻧﻨﺎ ﻣُﻤﻜﻦ ﻧﻘﺪﺭ ﻧﻔﺘﺢ ﺍﻟﺒﺎﺏ ﻭﻧﻬﺮﺏ ..
ﺛﺎﺋﺮ : ﺇﻧﺖ ﻣُﺘﺄﻛﺪ ﺇﻧﻪ ﻣﺎﻓﻲ ﺃﺣﺪ .. ؟ !
ﻋﺒﺎﺩﻱ : ﻣﺎ ﺃﺳﻤﻊ ﺻﻮﺕ ﺃﺣﺪ .. ﺍﻟﻤُﻬﻢ ﻳﺎﻟﻼ ﻧﻨﻂ ..
ﻇﻞ ﺛﺎﺋﺮ ﻳﻄﺎﻟﻊ ﻓﻲ ﺍﻟﻤﻜﺎﻥ ﺑﺮﻯ .. ﻣﻌﻘﻮﻟﻪ ﺭﺍﺡ ﻳﻘﺪﺭ ﻳﻬﺮﺏ .. ؟ !
ﻣﺎ ﻳﺪﺭﻱ ﻟﻴﺶ ﻫﺎﻹﺣﺒﺎﻁ ﺍﻟﻤُﺴﻴﻄﺮ ﻋﻠﻴﻪ ..
ﻭﺩﻩ ﻳﻔﺮﺡ ﺑﺲ ﻳﺨﺎﻑ ﻣﻦ ﺍﻟﻮﺍﻗﻊ ..
ﻧﻂ ﻋﺒﺎﺩﻱ ﻭﻗﺎﻝ : ﺑﺴﺮﻋﻪ ﻧﻂ ..
ﺣﻂ ﺛﺎﺋﺮ ﺭﺟﻠﻪ ﻋﻠﻰ ﺍﻟﺸﺒﺎﻙ ﻓﺴﻤﻊ ﺻﻮﺕ ﻭﺭﺍﻩ ﻳﻘﻮﻝ ﺑﺼﺪﻣﻪ : ﺇﻧﺘﺎ ﺇﻳﺲ ﻳﺴﻮﻱ ..
ﻓﺘﺢ ﻋﺒﺎﺩﻱ ﻋﻴﻮﻧﻪ ﺑﺼﺪﻣﻪ ﻭﻫﻮ ﻳﺸﻮﻑ ﺍﻟﻌﺎﻣﻞ ﺩﺧﻞ ﻟﻠﻐﺮﻓﻪ ..
ﻋﺒﺎﺩﻱ ﺑﺼﺮﺍﺥ : ﺛﺎﺋﺮ

ﺑﺴﺮﻋﻪ ﺑﺴﺮﻋﻪ ﻧﻂ !!!..
ﺣﺲ ﺛﺎﺋﺮ ﺑﺨﻮﻑ ﻛﺒﻴﺮ ﻭﺑﺪﻭﻥ ﺗﻔﻜﻴﺮ ﻧﻂ ﻋﻠﻰ ﻃﻮﻝ ﻓﻤﺴﻚ ﻋﺒﺎﺩﻱ ﺑﺈﻳﺪﻩ ﻭﺇﻧﻄﻠﻘﻮﺍ ﻳﺠﺮﻭﻥ ..
ﺻﺮﺥ ﺍﻟﻌﺎﻣﻞ ﻋﻠﻴﻬﻢ ﺑﻌﺒﺎﺭﺍﺕ ﺗﻬﺪﻳﺪ ﻭﺑﻌﺪﻫﺎ ﻧﺎﺩﻯ ﻋﻠﻰ ﺻﺎﺣﺒﻪ ﺍﻟﻠﻲ ﻟﺴﻰ ﺟﺎﻟﺲ ﺑﺮﻯ ﻭﺃﺳﺮﻋﻮﺍ ﻳﻠﺤﻘﻮﺍ ﻓﻴﻬﻢ ..
ﻋﺾ ﻋﺒﺎﺩﻱ ﻋﻠﻰ ﺷﻔﺘﻪ ﻭﻫﻮ ﻳﻘﻮﻝ ﺑﺼﻮﺕ ﻣﺘﻘﻄﻊ ﻣﻦ ﺍﻟﺠﺮﻱ : ﺍﻟﻮﺳﺨﻴـ ـﻦ ﺫﻭﻝ ﻭﺵ ﺟﺎﺑﻬـ ـﻢ ﻓﻲ ﻫﺬﺍ ﺍﻟﻮﻗـ ـﺖ !!..
ﺃﻣﺎ ﺛﺎﺋﺮ ﻓﻜﺎﻥ ﻳﺠﺮﻱ ﻭﻫﻮ ﺑﻴﻦ ﻓﺘﺮﻩ ﻭﻓﺘﺮﻩ ﻳﻠﻒ ﻭﺭﻯ ﻳﻄﺎﻟﻊ ﻓﻲ ﺍﻟﻌﺎﻣﻞ ﺍﻟﻠﻲ ﻳﻠﺤﻘﻬﻢ ..
ﺛﺎﺋﺮ ﺑﺨﻮﻑ : ﻋﺒﺎﺩﻱ ﺑﻴﻮﺻﻞ ﻟﻨﺎ ..
ﻋﺒﺎﺩﻱ : ﻻ ﺗﻄﺎﻟﻊ ﻭﺭﻯ ﻭﺇﺟﺮﻱ ﺑﺲ ..
ﺛﺎﺋﺮ : ﺑﺲ ﺻﺎﺣﺒﻪ ﻣﻮ ﻣﻌﻪ .. ﻳﻤﻜﻦ ﺑﻴﺠﻲ ﻟﻨﺎ ﻣﻦ ﻗﺪﺍﻡ ﻳﺤﺎﺻﺮﻧﺎ .. ﻫﺎﻟﺤﺮﻛﻪ ﺩﺍﻳﻢ ﺗﺼﻴﺮ ﺑﺎﻷﻓﻼﻡ ..
ﻋﺒﺎﺩﻱ ﺑﺼﺮﺍﺥ : ﻻ ﺗﻔﻜﺮ ﻛﺜﻴﺮ ﻭﺇﺟﺮﻱ ﺑﺴﺮﻋﻪ ﻭﺑﺲ !!!..
ﻋﺾ ﺛﺎﺋﺮ ﻋﻠﻰ ﺷﻔﺘﻪ ﻭﻛﻤﻞ ﻳﺠﺮﻱ ﺑﺴﺮﻋﻪ ﻭﻫﻮ ﻳﻄﺎﻟﻊ ﺣﻮﻟﻪ ﻓﻲ ﻫﺎﻟﺒﻴﻮﺕ ﺍﻟﻘﺪﻳﻤﻪ ﻭﺍﻟﺸﺒﻪ ﻣﻬﺠﻮﺭﻩ ..
ﻫﻢ ﻓﻲ ﺃﻱ ﻣﻨﻄﻘﻪ ﺑﺎﻟﻀﺒﻂ .. ﺣﺘﻰ ﺇﻧﻪ ﻣﻮ ﻗﺎﺩﺭ ﻳﻼﻗﻲ ﺑﻄﺮﻳﻘﻪ ﺃﻱ ﺭﺟﺎﻝ ﻛﺒﻴﺮ ﻳﺴﺘﻨﺠﺪﻭﺍ ﻓﻴﻪ ..
ﻣﺎ ﻗﺪﺭ ﻣﺮﻭﺍ ﺑﺠﺮﻳﻬﻢ ﻏﻴﺮ ﻣﻦ ﺟﻨﺐ ﺃﻃﻔﺎﻝ ﻳﻠﻌﺒﻮﺍ ﺃﻭ ﺣﺮﻳﻢ ﻳﺴﻴﺮﻭﺍ ﻋﻠﻰ ﺑﻌﺾ ..
ﺍﻟﻄُﺮﻕ ﺿﻴﻘﻪ .. ﺣﺘﻰ ﺍﻟﺴﻴﺎﺭﺍﺕ ﻣﺎ ﺗﺪﺧﻞ ﺇﻻ ﻟﻮ ﻛﺎﻧﺖ ﺻﻐﻴﺮﻩ ..
ﺑﺪﺃﻳﻔﻘﺪ ﺍﻷﻣﻞ .. ﺑﺪﺃ ﻳﺴﺘﺴﻠﻢ ..
ﻣﺎ ﺭﺍﺡ ﻳﻘﺪﺭﻭﺍ ﻳﻬﺮﺑﻮﺍ .. ﺭﺍﺡ ﻳﻨﻤﺴﻜﻮﺍ ﻭﻳﻨﻀﺮﺑﻮﺍ ﺿﺮﺏ ﻣﻮ ﻋﺎﺩﻱ ..
ﺭﺍﺡ ﻳﺘﻌﺎﻗﺒﻮﺍ .. ﺭﺍﺡ ﻳﻨﺪﻡ .. ﻭﺁﻻﻑ ﺍﻷﻓﻜﺎﺭ ﺍﻟﺴﻮﺩﺍﺀ ﺗﻐﺰﻭﺍ ﺭﺍﺳﻪ ﺑﺸﻜﻞ ﻣﺘﻮﺍﺻﻞ ..
ﻋﺒﺎﺩﻱ ﺑﻨﺒﺮﺓ ﻓﺮﺡ : ﺛﺎﺋﺮ ﺷﻮﻑ ﻗﺪﺍﻣﻨﺎ ﻓﻴﻪ ﺭﺟﺎﻝ .. ﻓﻴﻪ ﺭﺟﺎﻝ ﻃﺎﻟﻊ ﻣﻦ ﺑﻴﺘﻪ ..
ﻃﺎﻟﻊ ﺛﺎﺋﺮ ﻟﻘﺪﺍﻡ ﻓﻼﺣﻆ ﻣﻦ ﺑﻌﻴﺪ ﺭﺟﺎﻝ ﻃﺎﻟﻊ ﻣﻦ ﺑﻴﺘﻪ ﻭﻫﻮ ﺷﺎﻳﻞ ﻛﻴﺲ ﺍﻟﺰﺑﺎﻟﻪ ﻳﺮﻣﻴﻪ ﺑﺎﻟﺤﺎﻭﻳﻪ ﺍﻟﻜﺒﻴﺮﻩ ﺍﻟﻠﻲ ﺑﺤﺎﺭﺗﻬﻢ ..
ﻓﺘﺢ ﻋﻴﻮﻧﻪ ﺑﺼﺪﻣﻪ ﻭﺣﺲ ﺗﻨﻔﺴﻪ ﺇﻧﻘﻄﻊ ﻟﻠﺤﻀﺎﺕ ..
ﺷﺪ ﺍﻟﻌﺎﻣﻞ ﺑﻘﻮﻩ ﻋﻠﻰ ﺑﻠﻮﺯﺓ ﺛﺎﺋﺮ ﺍﻟﻠﻲ ﺑﺎﻟﻘﻮﻩ ﻗﺪﺭ ﻳﻤﺴﻜﻬﺎ ﻭﺳﺤﺒﻪ ﻓﺘﺸﻘﻠﺐ ﺛﺎﺋﺮ ﻭﻃﺎﺡ ﻋﻠﻰ ﺍﻷﺭﺽ ﻭﺃﻃﻠﻖ ﺻﺮﺧﺔ ﺃﻟﻢ ..
ﻟﻒ ﻋﺒﺎﺩﻱ ﻋﻠﻴﻪ ﻳﻘﻮﻝ ﺑﺴﺮﻋﻪ : ﺛﺎﺋﺮ !!..
ﺟﻠﺲ ﺍﻟﻌﺎﻣﻞ ﺑﺴﺮﻋﻪ ﻋﻠﻰ ﺛﺎﺋﺮ ﻳﻤﻨﻌﻪ ﻣﻦ ﺍﻟﺤﺮﻛﻪ ﻭﺻﺮﺥ ﻓﻲ ﻭﺟﻪ ﻋﺒﺎﺩﻱ : ﺇﻧﺘﺎ ﺗﻌﺎﻝ ﻫﻨﺎ ﻳﺎﻟﻼ ..
ﻓﺘﺢ ﻋﺒﺎﺩﻱ ﻋﻴﻮﻧﻪ ﺑﺼﺪﻣﻪ ﺑﻌﺪﻫﺎ ﻟﻒ ﻳﺤﻂ ﺭﺟﻠﻪ ﻳﺴﺘﻨﺠﺪ ﺑﺬﺍﻙ ﺍﻟﺮﺟﺎﻝ ﺑﺲ ﻭﻗﻒ ﺑﻤﻜﺎﻧﻪ ﻣﺼﺪﻭﻡ ﻟﻤﺎ ﺷﺎﻑ ﺍﻟﺜﺎﻧﻲ ﻭﺍﻗﻒ ﻗﺪﺍﻣﻪ ..
ﻣﺜﻞ ﻣﺎ ﻗﺎﻝ ﺛﺎﺋﺮ .. ﺟﺎﺀ ﺍﻟﺜﺎﻧﻲ ﻥ ﻗﺪﺍﻡ ﻋﺸﺎﻥ ﻳﺼﻴﺪﻫﻢ ..
ﻋﺾ ﻋﻠﻰ ﺷﻔﺘﻪ ﻋﺪﻫﺎ ﺻﺮﺥ ﺑﺼﻮﺕ ﻋﺎﻟﻲ : ﺳــــﺎﻋــﺪﻭﻧــــــــــــــــﺎ !!!!!
ﻓﺘﺢ ﺍﻟﻌﺎﻣﻞ ﺍﻟﺜﺎﻧﻲ ﻋﻴﻨﻪ ﺑﺼﺪﻣﻪ ﻭﻣﺪ ﺇ‏] ﺩﻩ ﺑﻴﻤﺴﻚ ﻋﺒﺎﺩﻱ ﺑﺲ ﺑﻌّﺪ ﻣﻦ ﻗﺪﺍﻣﻪ ﻭﺻﺮﺥ ﻣﺮﻩ ﺛﺎﻧﻴﻪ ﻭﻫﻨﺎ ﻗﺪﺭ ﺍﻟﻌﺎﻣﻞ ﻳﻤﺴﻜﻪ ﻭﺣﺎﻭﻝ ﻗﺪ
ﻣﺎ ﻳﻘﺪﺭ ﻳﺴﻴﻄﺮ ﻋﻠﻰ ﺣﺮﻛﺔ ﻋﺒﺎﺩﻱ ﺍﻟﻜﺜﻴﺮﻩ ..
ﺍﻟﻌﺎﻣﻞ ﺍﻷﻭﻝ ﺑﻌﺼﺒﻴﻪ ﻭﻫﻤﺲ : ﺧﻠﻮ ﻳﺴﻜﺖ .. ﺳﻜﻮﺕ ..
ﻭﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺭﻣﻰ ﺍﻟﺮﺟﺎﻝ ﺍﻟﻜﻴﺲ ﻭﺑﻌﺪﻫﺎ ﻟﻒ ﺑﺈﺗﺠﺎﻩ ﺍﻟﺼﺮﺍﺥ ﺍﻟﻠﻲ ﻃﻠﻊ ﻗﺒﻞ ﺷﻮﻱ ..
ﻻﺣﻆ ﻣﻦ ﺑﻌﻴﺪ ﻋﺎﻣﻠﻴﻦ ﻭﺍﺣﺪ ﺟﺎﻟﺲ ﻭﺍﻟﺜﺎﻧﻲ ﻭﺍﻗﻒ ﻭﻣﻌﻄﻴﻪ ﻇﻬﺮﻩ ..
ﺿﺎﻗﺖ ﻋﻴﻮﻧﻪ ﻟﻤﺎ ﻻﺣﻆ ﻛﺎﻥ ﻗﺪﺍﻡ ﺍﻟﻌﺎﻣﻞ ﺍﻟﺜﺎﻧﻲ ﻃﻔﻞ ..
ﻣﻴﻞ ﺷﻔﺘﻪ ﻳﻘﻮﻝ : ﺷﺤﻜﺎﻳﺘﻬﻢ ﺫﻭﻻ .. ؟ !
ﺇﺗﺠﻪ ﻟﻠﺒﻴﺖ ﻳﻘﻮﻝ ﺑﻼ ﻣُﺒﺎﻻﻩ : ﻭﺃﻧﺎ ﺷﻌﻠﻲ .. ﻣﺎ ﺑﺪﺧﻞ ﺑﻤﺸﺎﻛﻞ ﻣﻊ ﺫﻭﻝ ﺍﻟﻌﻤﺎﻝ .. ﺃﻧﺎ ﺑﻐﻨﻰ ﻋﻦ ﺃﻱ ﻣُﺸﻜﻠﻪ .. ﺧﻠﻮﻧﻲ ﺑﺲ ﺃﺭﺟﻊ ﺃﺭﻳّﺢ ..
ﻭﻣﺎ ﺃﻫﺘﻢ ﺑﺎﻟﻠﻲ ﻳﺼﻴﺮ .. ﺣﺎﻟﻪ ﺣﺎﻝ ﻧﻔﺴﻪ ﻭﻳﺤﺎﻭﻝ ﻗﺪ ﻣﺎ ﻳﻘﺪﺭ ﻳﺒﻌﺪ ﻋﻦ ﺍﻟﻤﺸﺎﻛﻞ ..
ﺍﻟﻌﻤﺎﻝ ﻛﺜﻴﺮ ﺑﺤﺎﺭﺗﻬﻢ .. ﻭﻛﻤﺎﻥ ﻭﺿﻊ ﺍﻟﻌﻤﺎﻝ ﻣﺸﻜﻮﻙ ﻓﻴﻪ ﻓﻴﺒﻌﺪ ﻋﻦ ﺍﻟﻤﺸﺎﻛﻞ ﺃﺣﺴﻦ ﻟﻪ ..
ﺃﻛﻴﺪ ﻛﺎﻧﻮﺍ ﻳﺴﺮﻗﻮﺍ ﻣﻦ ﺍﻟﻮﻟﺪ ﺃﻭ ﺍﻟﻮﻟﺪ ﻏﻠﻂ ﻋﻠﻴﻬﻢ ﻭﺑﻴﺎﺧﺬﻭﺍ ﺣﻘﻬﻢ ..
ﻣﺸﻜﻠﻪ ﻭﺑﺘﻨﺘﻬﻲ ..
ﺩﺧﻞ ﻭﻗﻔﻞ ﺍﻟﺒﺎﺏ ﻭﺭﺍﻩ ..
ﻓﺘﺢ ﺛﺎﺋﺮ ﻋﻴﻨﻪ ﺑﺼﺪﻣﻪ ﻭﻫﻮ ﻳﺸﻮﻑ ﺍﻟﺮﺟﺎﻝ ﺍﻟﻠﻲ ﺗﺠﺎﻫﻠﻬﻢ ﻭﺭﺍﺡ !!..
ﻟﻴﻪ .. ؟ ! ﻟﻴﻪ ﻣﺎ ﺗﺤﺮﻙ .. ؟ !
ﻟﻴﻪ ﻣﺎ ﻋﻠﻰ ﺍﻷﻗﻞ ﺷﺎﻑ ﻭﺵ ﺍﻟﻮﺿﻊ .. ؟ !
ﻟﻴﻪ ﺍﻟﺒﺮﻭﺩ ﻫﺬﺍ !!..
ﻣﻌﻘﻮﻟﻪ ﻓﻴﻪ ﻧﺎﺱ ﻛِﺬﺍ !!..
ﺣﺲ ﺣﺎﻟﻪ ﺭﺍﺡ ﻳﺒﻜﻲ ..
ﺗﺬﻛﺮ ﺟِﻬﺎﺩ .. ﻭﻗﺴﻢ ﻟﻮ ﺷﺎﻑ ﺷﻲﺀ ﺯﻱ ﻛِﺬﺍ ﻣﺎ ﻳﻄﻨﺶ ﻭﺭﺍﺡ ﻳﺘﺪﺧﻞ ..
ﻭِﺳﺎﻡ ﻟﻮ ﺷﺎﻑ ﻓﺮﺍﺡ ﻳﺘﺪﺧﻞ ﻭﻳﺤﻞ ﺍﻟﻤﻮﺿﻮﻉ ﺑﻄﺮﻳﻘﺘﻪ ..
ﺍﻹﻣﺎﻡ ﻟﻮ ﺷﺎﻑ ﺯﻱ ﻛِﺬﺍ ﻓﻤﺎ ﺭﺍﺡ ﻳﺘﺠﺎﻫﻞ ﺍﻟﻤﻮﺿﻮﻉ !..
ﻃﻴﺐ ﻟﻴﻪ ﻫﺬﺍ ﻣﺎ ﻛﺎﻥ ﻣﺜﻠﻬﻢ .. ؟ !!
ﻟﻴﻪ ﻣﺎ ﻳﻜﻮﻧﻮﺍ ﻛﻞ ﺍﻟﺮﺟﺎﻝ ﻣﺜﻞ ﺍﻟﺮﺟﺎﻝ ﺍﻟﻠﻲ ﻳﻌﺮﻓﻬﻢ ﺑﺤﺎﺭﺗﻪ .. ؟ !
ﻗﺎﻡ ﺍﻟﻌﺎﻣﻞ ﻣﻦ ﻓﻮﻗﻪ ﻭﺷﺪﻩ ﻣﻦ ﺇﻳﺪﻩ ﺑﻘﻮﻩ ..
ﺻﻔﻘﻪ ﺑﻘﻮﻩ ﻋﻠﻰ ﻭﺟﻬﻪ ﻭﺑﺪﺃ ﻳﻠﻘﻲ ﺑﻮﺍﺑﻞ ﻣﻦ ﻛﻠﻤﺎﺕ ﺍﻟﺘﻬﺪﻳﺪ ﻭﺍﻟﻬﻮﺍﺵ ﻭﺍﻟﻜﺜﻴﺮ ﺍﻟﻜﺜﻴﺮ ﻣﻦ ﺍﻟﻜﻠﻤﺎﺕ ﺍﻟﻠﻲ ﻣﺎ ﺳﻤﻊ ﺛﺎﺋﺮ ﻣﻨﻬﺎ ﺷﻲﺀ ..
ﻛﺎﻧﺖ ﻋﻴﻮﻧﻪ ﻟﺴﻰ ﻋﻠﻰ ﺫﺍﻙ ﺍﻟﺒﻴﺖ ..
ﻭﻟﻮﻫﻠﻪ ﺗﺬﻛﺮ ﺍﻟﺮﺟﺎﻝ ﺍﻟﻠﻲ ﻛﻠﻤﻪ ﻗﺒﻞ ﻓﺘﺮﻩ ﺑﺎﻟﺴﻴﺎﺭﻩ ..
ﻛﺎﻥ ﻭﺍﺿﺢ ﺇﻧﻪ ﻣﺜﻞ ﺍﻹﻣﺎﻡ .. ﻃﻴﺐ ﻭﻣﺘﻔﺎﻫﻢ ..
ﻟﻮ ﻛﺎﻥ ﻫﺬﺍ ﺍﻟﺮﺟﺎﻝ ﻣﺜﻠﻪ !!..
ﻟﻮ ..
ﺳﺤﺒﻪ ﺍﻟﻌﺎﻣﻞ ﻣﻦ ﺇﻳﺪﻩ ﺑﻘﻮﻩ ﻓﻤﺸﻲ ﺛﺎﺋﺮ ﻭﺭﺍﻩ ﻭﻫﻮ ﻳﻄﺎﻟﻊ ﻓﻲ ﺍﻟﻔﺮﺍﻍ ﺑﻬﺪﻭﺀ ..
ﻳﺴﻤﻊ ﻭﺭﺍﻩ ﺻﺮﺍﺥ ﻋﺒﺎﺩﻱ ﻭﺍﻟﻌﺎﻣﻞ ﺍﻟﺜﺎﻧﻲ ..
ﺑﺮﺿﻮﺍ ﻣﻮ ﻋﺎﺭﻑ ﻭﺵ ﻳﻘﻮﻟﻮﻥ ..
ﺣﺎﺱ ... ﺑﻔﻘﺪﺍﻥ ﺍﻷﻣﻞ ..
ﻣُﺴﺘﺤﻴﻞ ..
ﺍﻟﻬﺮﺏ ﻣﻦ ﻫﻨﺎ .. ﻫﻮ ﻭﺍﺣﺪ ﻣﻦ ﺍﻟﻤُﺴﺘﺤﻴﻼﺕ ﺍﻟﺴﺒﻌﻪ ..
ﺗﺠﻤﻌﺖ ﺍﻟﺪﻣﻮﻉ ﺑﻌﻴﻮﻧﻪ ..
ﻭﺩﻩ ﻳﺒﻜﻲ .. ﺇﺷﺘﺎﻕ ﻷﻣﻪ .. ﻷﺧﻮﺍﺗﻪ .. ﻷﻫﻠﻪ ..
ﻭﻳﻨﻬﻢ .. ؟ ! ﻳﺒﻐﺎﻫﻢ ..
ﻛﺮﻩ ﻧﻔﺴﻪ .. ﻛﺮﻩ ﺣﻴﺎﺗﻪ ﻫﺬﻩ ..
ﻳﺒﻐﻰ ﻳﺮﺟﻊ .. ﺑﺲ ﺍﻟﺮﺟﻮﻉ ﻣُﺴﺘﺤﻴﻞ ..
ﻛﻞ ﺍﻟﻠﻲ ﻳﻨﺘﻈﺮﻩ ﻫﻮ ﻋﻘﺎﺏ ﻭﺿﺮﺏ ﻭﻣﺰﻳﺪ ﻣﻦ ﺍﻷﺷﻐﺎﻝ ﻛﻞ ﻳﻮﻡ ..
▓▒ •✖× ×✖•◄︿︿︿︿︿︿︿︿︿︿︿︿► ▒▓
ﺑﻨﻔﺲ ﻫﺬﺍ ﺍﻟﻮﻗﺖ ..
ﺩﻗﺖ ﺟﺮﺱ ﺍﻟﺒﺎﺏ ﺑﻬﺪﻭﺀ ﻓﻔﺘﺤﺖ ﻟﻬﺎ ﺑﻨﺖ ﺧﺎﻟﺘﻬﺎ ﻭﻫﻲ ﺗﻘﻮﻝ : ﺃﻭﻩ ﺣﻮﺭ .. ﺟﻴﺘﻲ ﺑﺪﺭﻱ ..
ﻫﺰﺕ ﺣﻮﺭ ﺭﺍﺳﻬﺎ ﻭﺩﺧﻠﺖ ﻟﻠﺒﻴﺖ ﻭﻗﻔﻠﺖ ﺍﻟﺒﺎﺏ ﻭﺭﺍﻫﺎ ..
ﺭﺍﺣﺖ ﻟﻠﻐﺮﻓﻪ ﻭﺭﻣﺖ ﺑﺠﺴﻤﻬﺎ ﻋﻠﻯﻰ ﻓﺮﺍﺷﻬﺎ ﺍﻟﻤﻠﻤﻮﻡ ..
ﻃﺎﻟﻌﺖ ﻓﻲ ﺍﻟﺴﻘﻒ ﺑﺴﺮﺣﺎﻥ ﻓﺪﺧﻠﺖ ﻃﻴﻒ ﻭﺭﺍﻫﺎ ﺗﻘﻮﻝ ﺑﺈﺳﺘﻐﺮﺍﺏ : ﺣﻮﺭ ﺷﻔﻴﻚ .. ؟ !
ﺣﻮﺭ ﺑﻬﺪﻭﺀ : ﺇﺷﺘﻘﺖ ﻟﻪ .. ﻟﺜﺎﺋﺮ ..
ﺗﻨﻬﺪﺕ ﻃﻴﻒ ﺑﻌﺪﻫﺎ ﻗﺎﻟﺖ : ﺍﻟﻤﻬﻢ ﻣﺎ ﻋﻨﺪﻙ ﻃﺮﻳﻘﻪ ﻋﺸﺎﺀ ﺟﺪﻳﺪﻩ ﺯﻱ ﺩﺍﻳﻢ .. ؟ !
ﺣﻮﺭ ﺑﻬﺪﻭﺀ : ﻻ ..
ﻋﺮﻓﺖ ﻃﻴﻒ ﺇﻧﻬﺎ ﻣﺎ ﺭﺍﺡ ﺗﻘﺪﺭ

ﺗﻐﻴﺮ ﻣﺰﺍﺟﻬﺎ ﻓﻔﻀﻠﺖ ﺗﺮﻛﻬﺎ ﺑﺤﺎﻟﻬﺎ ..
ﺗﻨﻬﺪﺕ ﺣﻮﺭ ﺑﻌﻤﻖ ﻭﻏﻤﺾ ﻋﻴﻮﻧﻬﺎ ﻭﻫﻲ ﺗﺘﺬﻛﺮ ﺛﺎﺋﺮ ..
ﺻﻮﺗﻪ .. ﺳﻮﺍﻟﻔﻪ .. ﻭﻣﺸﺎﻛﻠﻪ ﺍﻟﻠﻲ ﻣﺎ ﺗﺨﻠﺺ ..
ﻭﺣﺸﻬﺎ .. ﻭﺣﺸﻬﺎ ﻛﺜﻴﺮ .. ﺗﺒﻐﺎﻩ ﻳﺮﺟﻊ ﻭﺭﺍﺡ ﺗﺤﻄﻪ ﺑﻮﺳﻂ ﻋﻴﻮﻧﻬﺎ ..
ﻣﺎ ﺭﺍﺡ ﺗﻘﺼﺮ ﻣﻌﺎﻩ ﺑﺄﻱ ﺷﻲﺀ .. ﺭﺍﺡ ﺗﻮﻗﻒ ﺩﺍﻳﻢ ﺑﺼﻔﻪ ﺣﺘﻰ ﻟﻮ ﻛﺎﻥ ﻏﻠﻄﺎﻥ ..
ﺇﺑﺘﺴﻤﺖ ﻭﻫﻲ ﺗﺘﺬﻛﺮ ﺟﻤﻠﻪ ﻗﺎﻟﻬﺎ ﻟﻬﺎ ﺍﻟﺴﻨﻪ ﺍﻟﻠﻲ ﺭﺍﺣﺖ ..
* ﺣﻮﺭ ﺗﺨﻴﻠﻲ ﻭﺵ ﺻﺎﺭ ﺍﻟﻴﻮﻡ .. ؟ ! ﻭﺃﻧﺎ ﺭﺍﺟﻊ ﻣﻦ ﺍﻟﻤﺪﺭﺳﻪ ﺷﻔﺖ ﺍﻟﺤﻴﻮﺍﻥ ﻏﺎﺯﻱ ﻣﺎﺷﻲ ﻓﺸﺖ ﺣﺠﺮﻩ ﻛﺒﻴﺮﻩ ﺑﻘﻮﻩ ﻋﻠﻴﻪ .. ﺻﻜﺖ
ﺑﻮﺟﻬﻪ ﺻﻜﻪ ﻗﻮﻳﻪ ﻭﻧﺰﻝ ﺍﻟﺪﻡ ﻭﻋﺼﺐ ﻭﻫﺮﺑﺖ ﻭﻭِﺳﺎﻡ ﺳﺎﻋﺪﻧﻲ .. ﺣﻮﺭ ﺃﺧﺬﺕ ﺑﺤﻘﻚ ﻣﻨﻪ .. ﻭﺃﻗﺪﺭ ﺃﺿﺮﺑﻪ ﻛﻞ ﻳﻮﻡ ﻟﻮ ﺗﺒﻐﻴﻦ *
ﻓﺘﺤﺖ ﻋﻴﻮﻧﻬﺎ ﺗﻄﺎﻟﻊ ﻓﻲ ﺍﻟﺴﻘﻒ ..
ﺍﻟﺸﻲﺀ ﺍﻟﻠﻲ ﻛﺎﻥ ﻳﺒﺮﺩ ﻗﻠﺒﻬﺎ ﻣﻦ ﺍﻟﻠﻲ ﺳﻮﺍﻩ ﻏﺎﺯﻱ ﻫﻮ ﺳﻮﺍﻟﻒ ﺃﺧﻮﻫﺎ ﻋﻦ ﺿﺮﺑﻪ ﻭﺭﻣﻴﻪ ﻟﻪ ﺑﺎﻟﺤﺠﺎﺭ ﺑﻴﻦ ﻭﻗﺖ ﻭﻭﻗﺖ ..
ﺻﺤﻴﺢ ﻛﺎﻧﺖ ﺗﻬﺎﻭﺷﻪ .. ﺑﺲ ﻣﻦ ﺩﺍﺧﻠﻬﺎ ﻓﺮﺣﺎﻧﻪ ﻛﺜﻴﺮ ﻷﻧﻪ ﺻﻠﺢ ﻛِﺬﺍ ﻋﺸﺎﻧﻬﺎ ..
ﻏﻤﺾ ﻋﻴﻮﻧﻬﺎ .. ﺍﻟﻠﺤﻴﻦ ﻭﺵ ﻫﺎﻟﻄﺎﺭﻱ .. ؟ !!
ﻋﻜﺮ ﻣﺰﺍﺟﻪ ﺩﺧﻮﻝ ﻏﺎﺯﻱ ﻷﻓﻜﺎﺭﻫﺎ ..
ﻫﺬﺍ ﺍﻟﻮﺍﻃﻲ ﻣﺎ ﻳﺴﺘﺤﻖ ﺃﺻﻼً ﺇﻧﻬﺎ ﺗﻔﻜﺮ ﻓﻴﻪ ..
ﻭﺍﻃﻲ .. ﻭﺍﻃﻲ .. ﻭﻣﺎﻓﻲ ﺃﻭﻃﻰ ﻣﻨﻪ ..
ﻭﺩﻫﺎ ﺣﺎﻟﻴﺎً ﻳﺠﻲ ﺛﺎﺋﺮ ﻳﻘﻮﻝ ﻟﻬﺎ ﺿﺮﺑﺖ ﻏﺎﺯﻱ ﺍﻟﻴﻮﻡ ﻭﻫﺮﺑﺖ ..
ﻭﺩﻫﺎ ﺗﺴﻤﻊ ﻫﺎﻟﺠﻤﻠﻪ ﻣﺮﻩ ﺛﺎﻧﻴﻪ ﻋﺸﺎﻥ ﻳﺒﺮﺩ ﻗﻠﺒﻬﺎ ..
ﻣﻄﺖ ﺷﻔﺘﻬﺎ ﻭﺫﻛﺮﻳﺎﺕ ﺍﻟﻠﻲ ﺳﻮﺍﻩ ﻓﻴﻬﺎ ﻫﺎﻟﻮﺍﻃﻲ ﺗﺪﻭﺭ ﺑﺒﺎﻟﻬﺎ ..
ﻗﺎﻣﺖ ﻣﻦ ﻣﻜﺎﻧﻬﺎ ﺗﻨﺴﻰ ﺍﻟﻠﻲ ﺻﺎﺭ ﻭﺗﻨﺴﻰ ﺟﻤﻠﺘﻪ ﺍﻟﻮﺍﻃﻴﻪ ﺫﻳﻚ ..
* ﺣﻮﺭ ﻭﻗﺴﻢ ﻟﻮ ﻣﺎ ﻓﺘﺤﺘﻲ ﺭﺍﺡ ﺗﻨﺪﻣﻲ .. ﺑﺴﺮﻋﻪ ﺇﻓﺘﺤﻲ *
ﻃﻠﻌﺖ ﺑﺮﻯ ﺍﻟﻐﺮﻓﻪ ﻭﺭﺍﺣﺖ ﻟﻠﺼﺎﻟﻪ ﻋﻨﺪ ﻃﻴﻒ ﺗﺴﻮﻟﻒ ﻣﻌﻬﺎ ﺣﺘﻰ ﺗﺘﻨﺎﺳﻰ ﻛﻞ ﺷﻲﺀ ﻳﺘﻌﻠﻖ ﺑﻮﺍﻃﻲ ﻣﺜﻞ ﻏﺎﺯﻱ ..
ﺇﺑﺘﺴﻤﺖ ﻃﻴﻒ ﺃﻭﻝ ﻣﺎ ﺷﺎﻓﺘﻬﺎ ﻭﻗﺎﻟﺖ ﺑﺸﺎﻋﺮﻳﻪ : ﺗﻘﺒﻞ ﻋﻠﻰ ﻟﻮﻥ ﺍﻟﻤﺴﺎ ﻻﺟﺎﺕ ﻣﻔﺘﻮﻟﻪ ﺟﺪﻳﻞ .. ﻏﺼﺒﻦ ﻋﻦ ﻋﻴﻮﻥ ﺍﻟﻨﺴﺎ ﻣﺎﻳﺮﻣﺸﻦ ﺇﻟﻴﺎ
ﻗﺒﻠﺖ ..
ﻋﻘﺪﺕ ﺣﻮﺭ ﺣﺎﺟﺒﻬﺎ ﺑﻌﺪﻫﺎ ﺗﻨﻬﺪﺕ ﺗﻘﻮﻝ : ﺣﺎﻣﺪ ﺯﻳﺪ ﺑﻌﺪ !!..
ﻃﻴﻒ : ﻫﻬﻬﻬﻪ ﻳﺎ ﺑﻨﺖ ﺟﺎﻟﺴﻪ ﺃﺗﻐﺰﻝ ﻓﻴﻚ .. ﺃﻗﻠﻬﺎ ﻗﻮﻟﻲ ﻣﻴﺮﺳﻲ ..
ﺣﻮﺭ : ﻫﻬﻬﻬﻬﻬﻬﻪ ﻭﻻ ﺗﺰﻋﻠﻲ .. ﻣﻴﺮﺳﻲ ﺣﺒﻴﺒﺘﻲ ..
ﺿﺤﻜﺖ ﻃﻴﻒ ﺑﻌﺪﻫﺎ ﺑﺪﺃﻭﺍ ﻳﺴﻮﻟﻔﻮﺍ ﺑﻤﻮﺍﺿﻴﻊ ﻣﺘﻨﻮﻋﻪ

📚__💜__(♻️)__💜__📚
@ahgeel #عالم_القصص_والروايات
@hkauat #الارشيـــف
📚___💜____💜___📚
ﺭﻓﻊ ﺭﺍﺳﻪ ﺑﺘﻌﺐ ﻭﻣﺴﺢ ﺍﻟﻌﺮﻕ ﺍﻟﻠﻲ ﺑﺮﻗﺒﺘﻪ ..
ﺣﺮ .. ﺍﻟﺠﻮ ﻛﺘﻤﻪ ﻫﺎﻟﻤﺮﻩ ﺑﻘﻮﻩ ..
ﺃﺧﺬ ﻟﻪ ﻧﻔﺲ ﻋﻤﻴﻖ ﻭﻃﺎﻟﻊ ﺑﺴﺎﻋﺘﻪ .. ﺑﺎﻗﻲ ﺗﻘﺮﻳﺒﺎً ﺳﺎﻋﻪ ﻋﻠﻰ ﻣﻮﻋﺪ ﺇﻧﺘﻬﺎﺀ ﺷﻐﻠﻪ ..
ﺑﺼﺮﺍﺣﻪ ﻣﺎ ﻛﺎﻥ ﻳﻀﻦ ﺇﻥ ﺍﻟﺸﻐﻞ ﻛﻤُﺰﺍﺭﻉ ﻣُﺘﻌﺐ ﻟﻬﺬﻩ ﺍﻟﺪﺭﺟﻪ ..
ﺍﻟﺤﺪﻳﻘﻪ ﻛﺒﻴﺮﻩ ﺟﺪﺍً ﻭﺍﻹﻫﺘﻤﺎﻡ ﻓﻴﻬﺎ ﻣﻮ ﺳﻬﻞ ﺃﺑﺪﺍً ..
ﺻﺤﻴﺢ ﻛﺎﻥ ﻳﺸﺘﻐﻞ ﺳﺎﺑﻘﺎً ﺑﻤﺰﺭﻋﺔ ﺃﺑﻮﻩ ﻟﻜﻦ ﺣﺠﻤﻬﺎ ﻭﻻ ﺷﻲﺀ ﻗﺪﺍﻡ ﺣﺠﻢ ﻫﺎﻟﺤﺪﻳﻘﻪ ..
ﻟﻒ ﻭﺭﻯ ﺃﻭﻝ ﻣﺎ ﺳﻤﻊ ﺻﻮﺕ ﺳﻴﺎﺭﻩ ..
ﻋﻘﺪ ﺣﻮﺍﺟﺒﻪ ﻟﻤﺎ ﺷﺎﻑ ﺃﺧﻮ ﻣﻠﻚ ﻳﻨﺰﻝ ﻣﻦ ﺍﻟﺴﻴﺎﺭﻩ ﻫﻮ ﻭﺯﻭﺟﺘﻪ ﻭﻣﻌﻬﻢ ﺑﻨﺘﻪ ..
ﻏﺮﻳﺒﻪ ﻭﺵ ﺑﻴﺠﻴﺒﻬﻢ .. ؟ ! ﺑﺎﻟﻌﺎﺩﻩ ﻗﺒﻞ ﻻ ﻳﺠﻲ ﺃﺣﺪ ﻳﻜﻮﻥ ﻋﻨﺪﻫﻢ ﺧﺒﺮ ..
ﺟﻴﺘﻪ ﻫﺎﻟﻤﺮﻩ ﻣُﻔﺎﺟﺌﻪ ..
ﺿﺎﻗﺖ ﻋﻴﻮﻧﻪ ﻭﺃﻧﻈﺎﺭﻩ ﻣﻌﻠﻘﻪ ﻋﻠﻰ ﺃﺑﻮ ﺃﺻﻴﻞ ﻭﻫﻮ ﻳﺘﻜﻠﻢ ﻣﻊ ﺯﻭﺟﺘﻪ ..
ﻇﻬﺮ ﺍﻟﺤﻘﺪ ﺑﻨﻈﺮﺍﺗﻪ ..
ﻫﺬﺍ ﺍﻹﻧﺴﺎﻥ .. ﻳﻜﺮﻫﻪ ..
ﻳﻜﺮﻫﻪ ﺃﻛﺜﺮ ﻣﻦ ﻛﺮﻫﻪ ﻟﺼﺎﺣﺒﺔ ﺍﻟﺒﻴﺖ ﻣﻠﻚ ..
ﻭﺩﻩ ﻳﺸﻮﻑ ﻓﻴﻪ ﻳﻮﻡ ..
ﺑﺲ ﻭﺍﺣﺪ ﻣﺜﻞ ﺃﺑﻮ ﺃﺻﻴﻞ ﺻﻌﺐ ﺍﻟﻠﻌﺐ ﻣﻌﻪ ..
ﺫﻛﻲ ﺑﺸﻜﻞ ﻛﺒﻴﺮ ﻭﻳﻤﻠﻚ ﺩﻫﺎﺀ ﻭﺧﺒﺚ ﻣﻮ ﻋﺎﺩﻱ ..
ﺑﻌّﺪ ﺃﻧﻈﺎﺭﻩ ﻋﻨﻪ ﻭﻫﻮ ﺣﺎﺱ ﺑﻀﻴﻘﻪ ..
ﺍﻟﺤﺎﻟﻪ ﺍﻟﺴﻴﺌﻪ ﺍﻟﻠﻲ ﻫﻮ ﻋﺎﻳﺶ ﻓﻴﻬﺎ ﺳﺒﺒﻬﺎ ﺍﻟﺮﺋﻴﺴﻲ ﻫﻮ ﻫﺬﺍ ﺍﻹﻧﺴﺎﻥ ﻭﺃﺧﺘﻪ ..
ﻋﺾ ﻋﻠﻰ ﺷﻔﺘﻪ .. ﻣﺎ ﺭﺍﺡ ﻳﺨﻠﻴﻬﻢ ﺑﺮﺍﺣﺘﻬﻢ ..
ﻣﺎ ﺑﻴﺮﺗﺎﺡ ﺇﻟّﺎ ﻟﻤﺎ ﻳﻨﺘﻘﻢ ﻣﻨﻬﻢ .. ﻟﻤﺎ ﻳﺴﺘﺮﺟﻊ ﺣﻖ ﻭﺳُﻤﻌﺔ ﺃﺑﻮﻩ ..
ﻟﻤﺎ ﻳﺴﺘﻌﻴﺪ ﺣﻴﺎﺗﻬﻢ ﺍﻟﻤُﺪﻣﺮﻩ ﺑﺴﺒﺐ ﺧﺒﺎﺛﺔ ﻫﺎﻟﻌﻴﻠﻪ ﺍﻟﻠﻲ ﻳﻜﺮﻫﻬﺎ ﺑﺸﻜﻞ ﻛﺒﻴﺮ ..
ﺿﺎﻗﺖ ﻋﻴﻮﻧﻪ .. ﺃﻫﻢ ﺷﻲﺀ ﻭﺃﻭﻟﻰ ﺷﻲﺀ ﻫﻮ ﺇﻧﻪ ﻳﻼﻗﻲ ﺍﻷﻭﺭﺍﻕ ﺍﻟﻠﻲ ﺍﻟﻤﻔﺮﻭﺽ ﺗﻜﻮﻥ ﺑﺒﻴﺖ ﻣﻠﻚ ..
ﻟﻤﺎ ﻳﻠﻘﺎﻫﺎ ﺑﻌﺪﻫﺎ ﺭﺍﺡ ﻳﻮﺭﻳﻬﻢ ﻣﻴﻦ ﻫﻮ ﻗُﺼﻲ ﻭﻟﺪ ﻧﺎﻳﻒ ﺍﻟـ **** ..
ﻟﻒ ﻭﺟﻬﻪ ﻭﻛﻤﻞ ﺷﻐﻠﻪ ﺑﻬﺪﻭﺀ ﺗﺎﻡ ..
ﺩﺧﻠﺖ ﺃﻡ ﺃﺻﻴﻞ ﻭﺑﻨﺘﻬﺎ ﻟﻠﺒﻴﺖ ﻭﺃﺑﻮ ﺃﺻﻴﻞ ﻳﻄﺎﻟﻊ ﻓﻴﻬﻢ ﻟﻤﺎ ﺩﺧﻠﻮﺍ ..
ﺭﻛﺐ ﺍﻟﺴﻴﺎﺭﻩ ﻣﻦ ﺟﺪﻳﺪ ﻭﻗﺎﻝ ﺑﻬﺪﻭﺀ ﻟﻠﺴﻮﺍﻕ : ﺇﺭﺟﻊ ﻟﻠﺒﻴﺖ ..
ﻫﺰ ﺍﻟﺴﻮﺍﻕ ﺭﺍﺳﻪ ﻳﻘﻮﻝ : ﺣﺎﺩﺭ ..
ﺑﻌﺪﻫﺎ ﺣﺮﻙ ﺍﻟﺴﻴﺎﺭﻩ ﻭﻃﻠﻊ ﻣﻦ ﺍﻟﻤﻜﺎﻥ

📚__💜__(♻️)__💜__📚
@ahgeel #عالم_القصص_والروايات
@hkauat #الارشيـــف
📚___💜____💜___📚

ﻭﺑﻌﺪ ﻣﻨﺘﺼﻒ ﺍﻟﻠﻴﻞ ..
ﺍﻟﺴﺎﻋﻪ ﻭﺣﺪﻩ ﻭﻧﺺ ..
ﻛﺎﻧﺖ ﻣﺴﺘﺮﺧﻴﻪ ﻋﻠﻰ ﺳﺮﻳﺮﻫﺎ ﺗﺤﺎﻭﻝ ﺗﻨﺎﻡ ﺑﺲ ﺧﻼﺹ ﺗﻌﻮﺩﺕ ﺗﻨﺎﻡ ﻣﺘﺄﺧﺮ ..
ﻓﻜِﺬﺍ ﻭﻛﺎﻟﻌﺎﺩﻩ ﺗﻔﻜﺮ ﺑﺄﻣﻮﺭ ﻛﺜﻴﺮ ﻗﺒﻞ ﻻ ﺗﻨﺎﻡ ..
ﻟﻜﻦ ﻫﺎﻟﻤﺮﻩ ﻣﺎ ﺗﻔﻜﺮ ﺑﺄﻣﻮﺭ ﻛﺜﻴﺮﻩ .. ﻛﻞ ﺍﻟﻠﻲ ﺗﻔﻜﺮ ﻓﻴﻪ ﻫﻮ ﺷﻲﺀ ﻭﺍﺣﺪ ..
ﻫﻮ ﺑﺤﻜﺎﻳﺔ ﺍﻟﺒﻨﺖ ﺍﻟﻠﻲ ﻧﺎﻳﻤﻪ ﺑﺎﻟﺴﺮﻳﺮ ﺍﻟﻠﻲ ﺗﺤﺖ ﺳﺮﻳﺮﻫﺎ ..
ﺗﻨﻬﺪﺕ ﻭﻗﺎﻟﺖ ﺑﺼﻮﺕ ﻣﻨﺨﻔﺾ : ﺭﻏﺪ .... ﺃﻋﺮﻑ ﺇﻧﻚ ﺻﺎﺣﻴﻪ ..
ﻣﺎ ﺟﺎﻫﺎ ﺃﻱ ﺻﻮﺕ ﻓﻘﺎﻟﺖ : ﻣﻮ ﻋﺎﺭﻓﻪ ﻣﻴﻦ ﺯﺍﺭﻙ .. ﺑﺲ ﻭﺿﻌﻚ ﻣﻦ ﺭﺟﻌﺘﻲ ﻣﻦ ﺍﻟﺰﻳﺎﺭﻩ ﻭﻫﻮ ﺻﻌﺐ .. ﺇﺭﺣﻤﻲ ﻧﻔﺴﻚ ﺷﻮﻱ ﻣﻦ ﺍﻟﺒﻜﻲ
..
ﻭﺑﺮﺿﻮﺍ ﻣﺎﻓﻲ ﺭﺩ ..
ﻇﻞ ﺍﻟﻮﺿﻊ ﻫﺎﺩﻱ ﺷﻮﻱ ﺑﻌﺪﻫﺎ ﻗﺎﻟﺖ ﺇﺳﺮﺍﺀ ﺑﻬﻤﺲ : ﻓﻴﻪ ﺃﺣﺪ ﻣﻦ ﺃﻫﻠﻚ ﻣﺎﺕ .. ؟ !
ﻭﻟﻤﺎ ﻣﺎ ﺳﻤﻌﺖ ﺭﺩ ﻗﺎﻟﺖ : ﻃﻴﺐ ﺃﻫﻠﻚ ﺻﺎﺭ ﻓﻴﻬﻢ ﺷﻲﺀ .. ؟ !
ﺗﻨﻬﺪﺕ ﻣﺮﻩ ﺛﺎﻧﻴﻪ ﻭﻏﻤﻀﺖ ﻋﻴﻮﻧﻬﺎ ﻟﻤﺎ ﻋﺮﻓﺖ ﺇﻥ ﺍﻟﺒﻨﺖ ﻣُﺴﺘﺤﻴﻞ ﺗﺘﻜﻠﻢ ..
ﺃﻣﺎ ﺭﻏﺪ ﻓﻜﺎﻧﺖ ﻻﻓﻪ ﻭﺟﻬﻬﺎ ﻟﻠﺠﺪﺍﺭ ﻭﺷﺎﺩّﻩ ﺍﻟﻠﺤﺎﻑ ﻋﻠﻰ ﺟﺴﻤﻬﺎ ﺗﺤﺎﻭﻝ ﺗﻮﻗﻒ ﺇﺭﺗﺠﺎﻓﻪ ﻣﻦ ﺷﺪﺓ ﺑﻜﻴﻬﺎ ﺍﻟﺼﺎﻣﺖ ..
ﻣﻮ ﻗﺎﺩﺭﻩ ﺗﻮﻗﻒ ﺑﻜﻲ ..
ﻣﻮ ﻗﺎﺩﺭﻩ ..
ﻭﻻ ﺑﻨﺴﺒﻪ ﻭﺍﺣﺪ ﺑﺎﻟﻤﻴﻪ ﺗﻮﻗﻌﺖ ﺗﺸﻮﻓﻪ ..
ﻣﻮ ﻣﺼﺪﻗﻪ ﺍﻟﻠﻲ ﺻﺎﺭ ..
ﻣﺎ ﻛﺎﻥ ﺣُﺴﺎﻡ ﻣﺜﻞ ﻣﺎ ﺗﻮﻗﻌﺖ ﻭﺗﻤﻨﺖ ..
ﻋﻀﺖ ﻋﻠﻰ ﺷﻔﺘﻬﺎ ﺗﻤﻨﻊ ﺷﻬﻘﺘﻬﺎ ﺇﻧﻬﺎ ﺗﻄﻠﻊ ..
ﺻﻮﺗﻪ .. ﻛﻼﻣﻪ .. ﻭﺣﺘﻰ ﻟﻤﺴﺎﺗﻪ ..
ﺇﻓﺘﻘﺪﺗﻬﺎ ﻣﻦ ﺯﻣﺎﻥ .. ﻣﻦ ﺯﻣــــــــﺎﻥ ..
ﻣﺎ ﺿﻨﺖ ﺇﻧﻪ ﺑﻴﺮﺟﻊ ﻳﻜﻠﻤﻬﺎ ﻣﻦ ﺟﺪﻳﺪ ..
ﻣﺎ ﺗﻮﻗ

ﻌﺖ ﺑﺘﻘﺪﺭ ﺗﻼﻗﻴﻪ ﻣﻦ ﺟﺪﻳﺪ ..
ﻭﻣﻦ ﺷﺪﺓ ﺻﺪﻣﺘﻬﺎ .. ﻣﺎ ﻗﺪﺭﺕ ﺗﻘﻮﻝ ﻛﻞ ﺍﻟﻜﻼﻡ ﺍﻟﻠﻲ ﻛﺎﻧﺖ ﺗﺒﻐﻰ ﺗﻘﻮﻟﻪ ..
ﻓﺘﺤﺖ ﻓﻤﻬﺎ ﺗﻘﻮﻝ ﺑﺈﺭﺗﺠﺎﻑ ﻭﻫﻤﺲ ﻟﻨﻔﺴﻬﺎ : ﻃﻴـ ـﺐ .. ﻟﻴـ ـﻪ .. ؟ ! ﻟﻴـ ـﻪ ﺳﻮﻳﺖ ﻓﻴﻨـ ـﺎ ﻛِﺬﺍ .. ؟ !
ﺑﻜﺖ ﻣﻦ ﺟﺪﻳﺪ ﻭﻛﻤﻠﺖ ﺑﻬﻤﺲ : ﻣﺎ ﺗﻮﻗﻌﺖ ﺃﺷﻮﻓﻚ .. ﺑﻌﺪ ﻛﻞ ﻫﺬﻩ ﺍﻟﺴﻨﻴﻦ ..
ﺷﻬﻘﺖ ﻭﻛﻤﻠﺖ : ﺇﻓﺘﻘﺪﺗﻚ ﻛﺜﻴﺮ .. ﻳﺎ ﺃُﺑـ ـﻮﻱ ..
ﻭﻫﻨﺎ ﻧﻨﻬﻲ #الفصل_الـ9⃣1⃣
*✋ #نهاية_الفصل🔄*
*💜 #Followed ⬇💜*

💛💜💛💜💛💜💛ا
💜💛💜💛💜💛💜ا
💛 💛💜💛 💛ا
💜الفصل. الــ0⃣2⃣💛
💛 💛💜💛 💛ا
💜💛💜💛💜💛💜ا
💛💜💛💜💛💜💛ا

*📚عـ(القصص)ـالـ(والـروايـآت)ــم📚*

#رواية_بعنوان
*👹 #شظايا_شيطانية 👿*
*💜 #Chapter 2⃣0⃣💜*

ﻟﺴﺎﻋﻪ ﻋﺸﺮ ﻣﻦ ﺻﺒﺎﺡ ﻳﻮﻡ ﺍﻟﺴﺒﺖ ..
ﻛﺎﻥ ﻭﺍﻗﻒ ﺑﺎﻟﻤﻄﺒﺦ ﻣﺎﺳﻚ ﺑﺈﻳﺪﻩ ﻛﻮﺏ ﻭﺑﺎﻹﻳﺪ ﺍﻟﺜﺎﻧﻴﻪ ﻳﻔﺘﺢ ﻛﻴﺲ ﻧﺴﻜﺎﻓﻴﻪ ﻳﻔﺮﻏﻪ ﺑﺎﻟﻜﻮﺏ ..
ﺭﻣﻰ ﺍﻟﻜﻴﺲ ﺟﻨﺒﻪ ﻭﻃﺎﻟﻊ ﻓﻲ ﺍﻟﻜﻮﺏ ﺷﻮﻱ ﻭﻫﻮ ﻳﻘﻮﻝ : ﻫﻲ ﺩﺍﻳﻢ ﺗﺄﺧﺬ ﻛﻴﺲ ﻭﻻ ﺇﺛﻨﻴﻦ .. ؟ ! ﻗﺪ ﺷﻔﺘﻬﺎ ﺗﺄﺧﺬ ﻭﺍﺣﺪ ﻭﻣﺮﻩ ﺃﺧﺬﺕ ﺇﺛﻨﻴﻦ
.. ﻳﻤﻜﻦ ﻋﻠﻰ ﺣﺴﺐ ﺍﻟﻤﺰﺍﺝ ..
ﻟﻒ ﻋﻠﻰ ﻋﻠﺒﺔ ﺃﻛﻴﺎﺱ ﺍﻟﺴﻜﺮ ﻳﻘﻮﻝ : ﻭﻫﺬﺍ ﺩﺍﻳﻢ ﺗﺤﻂ ﺛﻼﺛﻪ .. ﻣﻊ ﺇﻧﻪ ﺃﺷﻮﻑ ﺇﻥ ﻭﺍﺣﺪ ﻳﻜﻔﻲ .. ﻣﺎ ﺃﺣﺐ ﺍﻟﻨﺴﻜﺎﻓﻴﻪ ﺍﻟﺤُﻠﻮﻩ ..
ﻓﻚ ﺛﻼﺙ ﺃﻛﻴﺎﺱ ﺳﻜﺮ ﻓﻲ ﺍﻟﻜﻮﺏ ﺑﻌﺪﻫﺎ ﻟﻒ ﻋﺎﻟﺴﺨﺎﻥ ﻭﺳﻜﺐ ﺍﻟﺤﻠﻴﺐ ﺑﺎﻟﻜﻮﺏ ﻭﺑﻌﺪﻫﺎ ﺣﻂ ﺍﻟﻤﻠﻌﻘﻪ ﺍﻟﺨﺎﺻﻪ ﺑﺎﻟﻜﻮﺏ ﻭﺻﺎﺭ ﻛﻞ ﺷﻲﺀ
ﺗﻤﺎﻡ ..
ﺇﺑﺘﺴﻢ ﻳﻘﻮﻝ : ﻫﺎﻟﻤﺮﻩ ﺃﻧﺎ ﺍﻟﻠﻲ ﺃﺳﻮﻱ ﻟﻬﺎ ﻧﺴﻜﺎﻓﻴﻪ ﻣﻮ ﻫﻲ ..
ﺃﺧﺬ ﺍﻟﻜﻮﺏ ﻭﺧﺮﺝ ﻣﻦ ﺍﻟﻤﻄﺒﺦ ..
ﻟﻒ ﻋﻴﻮﻧﻪ ﺑﺎﻟﻤﻜﺎﻥ ﻓﻤﺎ ﺣﺼﻠﻬﺎ ﻭﻋﺮﻑ ﺇﻧﻬﺎ ﺑﻐﺮﻓﺘﻬﺎ ..
ﺇﺗﺠﻪ ﻟﻐﺮﻓﺘﻪ ﻭﻓﺘﺢ ﺍﻟﺒﺎﺏ ﻭﻫﻮ ﻳﻘﻮﻝ : ﺃﺣﻠﻰ ﺻﺒﺎﺡ ﻷﺣﻠﻰ ﺃُﺧﺖ ..
ﺗﻨﻬﺪ ﻟﻤﺎ ﻣﺎ ﺭﺩﺕ ﻋﻠﻴﻪ .. ﺩﺧﻞ ﻭﻗﻔﻞ ﺍﻟﺒﺎﺏ ﻭﺭﺍﻩ ﻭﻭﻗﻒ ﻳﻄﺎﻟﻌﻬﺎ ﻟﻔﺘﺮﻩ ..
ﻛﺎﻧﺖ ﺟﺎﻟﺴﻪ ﻋﺎﻟﻜﺮﺳﻲ ﺣﻘﻬﺎ ﻭﺳﺮﺣﺎﻧﻪ ﺗﻄﺎﻟﻊ ﻓﻲ ﺍﻟﺸﺒﺎﻙ ﺍﻟﻤﻔﺘﻮﺡ ..
ﺳﺤﺐ ﻛﺮﺳﻲ ﻭﺣﻄﻪ ﻗﺪﺍﻣﻬﺎ ..
ﺟﻠﺲ ﻋﻠﻴﻪ ﻭﻫﻮ ﻳﻘﻮﻝ ﺑﺈﺑﺘﺴﺎﻣﻪ : ﻓﻲ ﺷﻨﻮ ﺍﻟﻘﻤﺮ ﺳﺮﺣﺎﻥ .. ؟ !
ﻟﻔﺖ ﺑﻌﻴﻮﻧﻬﺎ ﻋﻠﻴﻪ ﻭﻗﺎﻟﺖ ﺑﻬﺪﻭﺀ : ﻭﻻ ﺷﻲﺀ ..
ﺇﺧﺘﻔﺖ ﺇﺑﺘﺴﺎﻣﺘﻪ .. ﻻ ﻫﺬﻩ ﻣﻮ ﺃﺧﺘﻪ ﺍﻟﻠﻲ ﻳﻌﺮﻓﻬﺎ ..
ﻣﻮ ﺃﺧﺘﻪ ﺍﻟﻠﻲ ﺩﺍﻳﻢ ﺗﻀﺤﻚ ﻭﺗﺴﺘﻬﺒﻞ ﻣﻌﻪ ..
ﺭﻭﺣﻬﺎ ﺍﻟﻌﻔﻮﻳﻪ ﺍﻟﻤﺮﺣﻪ ﺇﺧﺘﻔﺖ ..
ﺭﺟﻊ ﻳﺒﺘﺴﻢ ﻣﻦ ﺟﺪﻳﺪ ﻭﻗﺪﻡ ﻟﻬﺎ ﺍﻟﻜﻮﺏ ﻳﻘﻮﻝ : ﺧﺬﻱ .. ﺗﺤﺒﻲ ﺍﻟﻨﺴﻜﺎﻓﻪ ﺻﺤﻴﺢ .. ؟ !
ﻃﺎﻟﻌﺖ ﻓﻲ ﺍﻟﻜﻮﺏ ﺑﻌﺪﻫﺎ ﺩﻓﺘﻪ ﻋﻨﻬﺎ ﺑﻬﺪﻭﺀ ﺗﻘﻮﻝ : ﻣﺎﺑﻲ ..
ﺭﺳﻢ ﻣﻼﻣﺢ ﺣﺰﻳﻨﻪ ﻋﻠﻰ ﻭﺟﻬﻪ ﻳﻘﻮﻝ : ﺃﻓﺎ !!.. ﺗﺮﺩﻳﻨﻲ .. ؟ ! ﺗﺮﺩﻱ ﺣﺒﻴﺐ ﻗﻠﺒﺞ ﻣﺆﻳﺪ .. ؟ !
ﺿﺤﻚ ﻭﻛﻤﻞ : ﻫﻬﻬﻬﻬﻬﻬﻬﻬﻬﻬﻬﻪ ﺃﺩﺭﻱ ﺑﺘﻘﻮﻟﻲ ﺷﻨﻮ ﻫﺎﻟﺜﻘﻪ ﺍﻟﺰﺍﻳﺪﻩ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺣﻂ ﺍﻟﻤﻮﺏ ﻋﺎﻟﻜﻮﻣﺪﻳﻨﻪ ﺍﻟﺼﻐﻴﺮﻩ ﺍﻟﻠﻲ ﺟﻨﺒﻪ ﺑﻌﺪﻫﺎ ﺳﺤﺐ ﻛﺮﺳﻴﻬﺎ ﺣﺘﻰ ﺻﺎﺭﺕ ﻗﺪﺍﻣﻪ ﺗﻤﺎﻣﺎً ﻭﻗﺎﻝ : ﻧﻮﺭﻩ ﺣﺒﻴﺒﺘﻲ ﺳﻤﻌﻴﻨﻲ .. ﺻﺪﻗﻴﻨﻲ
ﺍﻟﻮﺍﻃﻲ ﺍﻟﻠﻲ ﻋﻤﻞ ﻓﻴﺞ ﺟﺬﻱ ﺭﺍﺡ ﻳﺘﺤﺎﺳﺐ ﻭﺫﻳﺎﺏ ﺭﺍﺡ ﻳﺎﺧﺬ ﺣﻘﺞ ﻣﻨﻪ .. ﻫﻮ ﺣﺎﻟﻒ ﻣﺎ ﻳﺮﺟﻊ ﻟﻠﻜﻮﻳﺖ ﺇﻻ ﻟﻤﺎ ﻳﺘﺤﺎﺳﺐ ﻭﻟﻮﻻ ﺍﻟﺨﻮﻑ
ﻣﻦ ﺍﻟﻠﻪ ﻛﺎﻥ ﺫﺑﺤﻪ ﻭﺭﻣﺎﻩ ﻟﻠﺠﻼﺏ ..
ﺗﻘﻮﺳﺖ ﺷﻔﺘﻬﺎ ﻭﺑﺪﺃﺕ ﺗﺘﺠﻤﻊ ﺍﻟﺪﻣﻮﻉ ﺑﻌﻴﻮﻧﻬﺎ ..
ﻧﺰﻟﺖ ﺭﺍﺳﻬﺎ ﻭﺑﺪﺃﺕ ﺗﺸﻬﻖ ﻭﺗﺒﻜﻲ ﺑﺼﻤﺖ ..
ﺣﻂ ﺇﻳﺪﻩ ﻋﻠﻰ ﻛﺘﻔﻬﺎ ﻳﻘﻮﻝ ﺑﺨﻮﻑ : ﻧﻮﺭﻩ ﺧﻼﺹ ﺍﻟﻠﻪ ﻳﻌﺎﻓﻴﺞ ﻻ ﺗﺒﺠﻲ .. ﺇﻧﺴﻲ ﺍﻟﻠﻲ ﺻﺎﺭ ﻭﺇﺣﺘﺴﺒﻲ ﺍﻷﺟﺮ .. ﻧﻮﺭﻩ ﻭﻗﺴﻢ ﻣﺎ ﺗﺴﺘﻔﻴﺪﻱ
ﻟﻤﺎ ﺗﻀﺎﻳﻘﻲ ﺭﻭﺣﺞ ﺟﺬﻱ .. ﺇﺭﺟﻌﻲ ﻧﻮﺍﺭﻩ ﺍﻟﻠﻲ ﻧﻌﺮﻓﻬﺎ .. ﻧﻮﺍﺭﻩ ﺍﻟﻠﻲ ﺗﺤﺎﺷﺮﻧﻲ ﺑﻜﻞ ﺷﻲﺀ .. ﻧﻮﺍﺭﻩ ﺍﻟﻠﻲ ﺃﻧﺎ ﻭﻫﻲ ﻳﻮﻣﻴﺎً ﻓﻲ ﻃﻘﺎﻕ
ﻭﻧﻬﺎﻳﺘﻨﺎ ﻧﺘﻬﺰﺃ ﻣﻦ ﺫﻳﺎﺏ ﻭﺃﻣﻲ .. ﻧﻮﺍﺭﻩ ﺍﻟﻠﻲ ﺗﻌﺸﻖ ﺍﻟﻨﺴﻜﺎﻓﻴﻪ ﺍﻟﺤﻠﻮﻩ .. ﺍﻟﻠﻲ ﻣﺎ ﺗﺮﺗﺎﺡ ﺇﻻ ﻟﻤﺎ ﺗﻜﺜﺮ ﻣﻦ ﺍﻟﺴﻜﺮ ..
ﻣﺎ ﺭﺩﺕ ﻋﻠﻴﻪ ﻧﻮﺭﻩ ﻭﻛﻤﻠﺖ ﺑﻜﻲ ﻓﺒﺪﺃ ﻳﻤﺴﺢ ﻋﻠﻰ ﻛﺘﻔﻬﺎ ﻭﻫﻮ ﻣﻦ ﺩﺍﺧﻞ ﻣﻘﻬﻮﺭ ﺑﺸﻜﻞ ﻛﺒﻴﺮ ..
ﺫﺍﻙ ﺍﻟﻮﺍﻃﻲ ﺻﺎﺭ ﻳﻌﺮﻓﻪ ﺑﺲ ﻣﺎ ﻋﺎﺩ ﻗﺎﺩﺭ ﻳﻼﻗﻲ ﻟﻪ ﺃﺛﺮ ..
ﻟﻮ ﻳﻤﺴﻜﻪ ﻣﺮﻩ ﺛﺎﻧﻴﻪ ﻓﺮﺍﺡ ﻳﻀﺮﺑﻪ ﻭﻳﻀﺮﺑﻪ ﺣﺘﻰ ﻳﻄﻠﻊ ﻛﻞ ﺣﺮﺗﻪ ..
ﻛﻞ ﺣﺮﺗﻪ !!..
ﻣﺴﺘﺤﻴﻞ ﺗﻄﻠﻊ ﻛﻠﻬﺎ ﻣﻦ ﺍﻟﻀﺮﺏ ﻭﺑﺲ ..
ﺭﻓﻊ ﺭﺍﺳﻪ ﻟﻠﺒﺎﺏ ﻓﺸﺎﻑ ﺃﺧﻮﻩ ﺍﻟﻜﺒﻴﺮ ﺫﻳﺎﺏ ﻭﺍﻗﻒ ..
ﻣﺆﻳﺪ : ﺫﻳﺎﺏ .. ؟ !
ﺑﻠﻌﺖ ﻧﻮﺭﻩ ﺭﻳﻘﻬﺎ ﻭﺑﺪﺃﺕ ﺗﻤﺴﺢ ﺩﻣﻮﻋﻬﺎ ..
ﻣﻮ ﻣﺘﻌﻮﺩﻩ ﺗﺒﻜﻲ ﻗﺪﺍﻡ ﺃﺧﻮﻫﺎ ﺍﻟﻜﺒﻴﺮ .. ﺗﻌﺮﻑ ﺃﺧﻮﻫﺎ ﻗﺪ ﺇﻳﺶ ﻣﻬﺘﻢ ﻓﻴﻬﻢ ﻭﻳﻌﺰﻫﻢ ﻭﺇﺫﺍ ﺷﺎﻓﻬﺎ ﺗﺒﻜﻲ ﺃﻛﻴﺪ ﺑﺘﺰﻳﺪ ﻋﺼﺒﻴﺘﻪ ﻭﻫﻲ ﻣﺎ
ﺗﺤﺐ ﺗﺸﻮﻓﻪ ﻣﻌﺼﺐ ﻋﺸﺎﻧﻬﺎ .. ﻣﺎ ﺗﺒﻴﻪ ﻳﺘﻀﺎﻳﻖ ﻋﺸﺎﻧﻬﺎ ..
ﺗﻘﺪﻡ ﺫﻳﺎﺏ ﻭﻭﻗﻒ ﻗﺮﻳﺐ ﻣﻨﻬﻢ ﻭﻗﺎﻝ : ﻛﻴﻔﺞ ﻧﻮﺭﻩ .. ؟ !
ﺑﻠﻌﺖ ﻧﻮﺭﻩ ﺭﻳﻘﻬﺎ ﻣﺮﻩ ﺛﺎﻧﻴﻪ ﻭﻗﺎﻟﺖ : ﺍﻟﺤﻤﺪ ﻟﻠﻪ ..
ﻃﺎﻟﻊ ﻓﻴﻬﺎ ﻟﻔﺘﺮﻩ ﺑﻌﺪﻫﺎ ﻟﻒ ﻋﻠﻰ ﻣﺆﻳﺪ ﻳﻘﻮﻝ : ﻭﻳﻦ ﻛﻨﺖ ﺍﻟﻔﺠﺮ .. ؟ ! ﺩﺧﻠﺖ ﻟﺤﺠﺮﺗﻚ ﻭﻣﺎ ﻟﻘﻴﺘﻚ .. ؟ !
ﺷﺘﺖ ﻣﺆﻳﺪ ﻧﻈﺮﻩ ﻭﻫﻮ ﻳﻘﻮﻝ ﺑﺘﻮﺗﺮ : ﺍﺍ ﻛﻨﺖ .. ﺇﻳﻪ ﻛﻨﺖ ﺁﺧﺬ ﻟﻲ ﺩﺵ ..
ﺿﺎﻗﺖ ﻋﻴﻮﻥ ﺫﻳﺎﺏ ﺑﺸﻚ ﺑﻌﺪﻫﺎ ﻗﺎﻝ : ﻣﻦ ﺍﻟﻔﺠﺮ ﺭﺍﻳﺢ ﺗﺪﻭﺭ ﻋﻠﻴﻪ .. ؟ !
ﺗﻨﻬﺪ ﻣﺆﻳﺪ .. ﺃﺧﻮﻩ ﻣﺤﺪ ﻳﻜﺬﺏ ﻋﻠﻴﻪ ﻓﻘﺎﻝ : ﺇﻳﻪ .. ﻗﻠﺖ ﻣﻤﻜﻦ ﻳﻈﻬﺮ ﻓﻲ ﺍﻟﻔﺠﺮ ﺑﻤﺎ ﺇﻥ ﻫﺎﻟﻔﺘﺮﻩ ﻧﺎﺩﺭ ﺃﺣﺪ ﻳﻤﺸﻲ ﻓﻴﻬﺎ ﺑﺲ ﻣﺎﺵ ..
ﺫﻳﺎﺏ ﺑﺤِﺪﻩ : ﻣﻮ ﻗﻠﺖ ﻟﻚ ﻣﺎ ﺗﺘﺤﺮﻙ ﻣﻦ ﺍﻟﻤﻜﺎﻥ .. ؟ !!
ﻣﺆﻳﺪ ﻓﻲ ﻧﻔﺴﻪ : " ﻳﺎ ﺍﻟﻠﻪ .. ﺭﺍﺡ ﻳﺒﺪﺃ ﻳﻬﺎﻭﺷﻨﻲ ﺍﻟﻠﺤﻴﻦ .. ﻳﺎ ﺭﺏ ﺗﺼﻴﺮ ﻣﻌﺠﺰﻩ ﻭﻳﺘﻮﻗﻒ ﻫﺎﻟﻬﻮﺍﺵ " ..
ﻭﺃﻭﻝ ﻣﺎ ﺇﻧﺘﻬﻰ ﻣﻦ ﺗﻔﻜﻴﺮﻩ ﺩﻕ ﺟﺮﺱ ﺍﻟﺸﻘﻪ ﻓﻘﺎﻝ ﻣﺆﻳﺪ ﺑﺪﻫﺸﻪ : ﻳﺖ ﺍﻟﻤﻌﺠﺰﻩ ﺑﺴﺮﻋﻪ !!..
ﺫﻳﺎﺏ ﺑﺘﻌﺠﺐ : ﺷﻨﻮ ﺗﻘﺼﺪ .. ؟ !
ﻗﺎﻡ ﻣﺆﻳﺪ ﻳﻘﻮﻝ : ﻻ ﻻ ﻣﺎﺷﻲ ﺷﻲ .. ﺑﺮﻭﺡ ﺃﺷﻮﻑ ﻣﻦ ﻋﺎﻟﺒﺎﺏ ..
ﻭﻗﺎﻡ ﺑﺴﺮﻋﻪ ﻟﺒﺮﻯ ﺍﻟﻐﺮﻓﻪ ..
ﻓﺘﺢ ﺍﻟﺒﺎﺏ ﻓﻌﻘﺪ ﺣﻮﺍﺟﺒﻪ ﻭﻫﻮ ﻳﺸﻮﻑ ﺷﺎﺏ ﻏﺮﻳﺐ ﺃﻭﻝ ﻣﺮﻩ ﻳﺸﻮﻓﻪ ﺑﺲ ﺑﺎﻳﻦ ﺇﻧﻪ ﻋﺮﺑﻲ ..
ﺍﻟﺸﺎﺏ ﺑﺈﺑﺘﺴﺎﻣﻪ : ﻫﺬﻩ ﻏﺮﻓﺔ ﺫﻳﺎﺏ ﺍﻟـ ** .. ؟ !
ﻫﺰ ﻣﺆﻳﺪ ﺭﺍﺳﻪ ﻓﻘﺎﻝ ﺍﻟﺸﺎﺏ : ﻣﻌﻨﺎﺗﻪ ﺇﻧﺖ ﻣﺆﻳﺪ .. ؟ !
ﻣﺆﻳﺪ : ﺇﻳﻪ ﺑﺲ ﻣﻨﻮ ﺇﻧﺖ .. ؟ !
ﺍﻟﺸﺎﺏ : ﺃﻧﺎ ﻳﺤﻴﻰ ﺍﻟﻮﺍﺻﻠﻲ .. ﻧﺎﺩ ﻟﻲ ﺃﺧﻮﻙ ﺍﻟﻠﻪ ﻻ ﻳﻬﻴﻨﻚ ..
ﻃﺎﻟﻊ ﻣﺆﻳﺪ ﻓﻴﻪ ﻟﻔﺘﺮﻩ ﺑﻌﺪﻫﺎ ﻗﺎﻝ : ﻃﻴﺐ ﺩﻗﻴﻘﻪ ..
ﺩﺧﻞ ﻓﻈﻞ ﻳﺤﻴﻰ ﻭﺍﻗﻒ ﻋﻨﺪ ﺍﻟﺒﺎﺏ ﻟﻔﺘﺮﻩ ﺣﺘﻰ ﺧﺮﺝ ﻟﻪ ﺫﻳﺎﺏ ﻳﻘﻮﻝ : ﻫﻼ ﺳﻢ ﺃﺧﻮﻱ ..
ﻳﺤﻴﻰ : ﺳﻢ ﺍﻟﻠﻪ ﻋﺪﻭﻙ .. ﺇﻧﺖ ﺫﻳﺎﺏ ﺻﺤﻴﺢ .. ؟ !
ﺫﻳﺎﺏ : ﺇﻳﻪ ﺫﻳﺎﺏ .. ﺑﻐﻴﺖ ﺷﻲﺀ .. ؟ !
ﺣﺲ ﻳﺤﻴﻰ ﺑﺎﻹﻧﺤﺮﺍﺝ ﻟﻔﺘﺮﻩ ﻭﻫﻮ ﻳﻘﻮﻝ : ﻭﺍﻟﻠﻪ ﻣﺪﺭﻱ ﺇﻳﺶ ﺃﻗﻮﻝ .. ﺳﺎﺯ ﺍﻟﻠﻲ ﺗﺪﻭﺭ ﻋﻠﻴﻪ ﻳﻄﻠﻊ ﺧﺎﻟﻲ .. ﺟﺎﻱ ﺃﻋﺘﺬﺭ ﻋﻦ ﺍﻟﻠﻲ ﺳﻮﺍﻩ ﻭ
....
ﺇﻧﺪﻓﻊ ﻣﺆﻳﺪ ﻳﻘﻮﻝ ﺑﺤِﻘﺪ : ﺇﻧﺖ ﻗﺮﻳﺐ ﺫﺍﻙ ﺍﻟﻮﺍﻃﻲ ﺍﻟﺠﻠﺐ .. ؟ !!
ﺫﻳﺎﺏ ﺑﺤِﺪﻩ : ﻣﺆﻳﺪ !!!.. ﻣﻮ ﻗﻠﺖ ﻟﻚ ﺧﻠﻚ ﺩﺍﺧﻞ .. ؟ !!
ﻣﺆﻳﺪ ﺑﻘﻬﺮ : ﺫﻳﺎﺏ ﻫﺬﺍ ....
ﻗﺎﻃﻌﻪ ﺫﻳﺎﺏ : ﺇﺭﺟﻊ !!!..
ﺻﻚ ﻣﺆﻳﺪ ﻋﻠﻰ ﺃﺳﻨﺎﻧﻪ ﺑﻘﻬﺮ ﻭﻳﺤﻴﻰ ﻳﻄﺎﻟﻊ ﻓﻴﻪ ﺑﻬﺪﻭﺀ ﺑﻌﺪﻫﺎ

ﻗﺎﻝ : ﻓﺎﻫﻤﻚ ﻋﺪﻝ ﻭﻋﺎﺭﻑ ﺇﻥ ﺍﻟﻠﻲ ﺃﻓﺴﺪﻩ ﻣﺎ ﻳﺘﺼﻠﺢ ﻻ ﺑﺈﻋﺘﺬﺍﺭ ﻭﻻ
ﺣﺘﻰ ﺑﻘﺼﺎﺹ .. ﺍﻟﻠﻲ ﺻﻠﺤﻪ ﺧﻄﺄ ﻭﺧﻄﺄ ﻛﺒﻴﺮ ﺟﺪﺍً .. ﺃﻧﺎ ﻣﺎ ﺭﺍﺡ ﺃﺗﺪﺧﻞ ﺑﺎﻟﻤﻮﺿﻮﻉ ﺃﺑﺪﺍً .. ﻛﻞ ﺍﻟﻠﻲ ﺳﻮﻳﺘﻪ ﻫﻮ ﺇﻧﻲ ﺣﺠﺰﺗﻪ ﻟﻜﻢ ﻋﻨﺪ
ﺍﻟﺸﺮﻃﻪ ﻭﺟﻴﺖ ﺃﻗﻮﻟﻜﻢ ﻋﻦ ﻣﻜﺎﻧﻪ ﺗﺘﺼﺮﻓﻮﺍ ﻣﻌﺎﻩ ﻗﺒﻞ ﻻ ﺃﺳﺎﻓﺮ ﺑﻜﺮﻩ .. ﻫﻮ ﻣﺤﺠﻮﺯ ﻓﻲ ﻗﺴﻢ ***** ﺑﺤﻲ ******* ﺗﺤﺖ
ﻗﻀﻴﺔ ﺗﺤﺮﺵ .. ﺇﻋﺘﺮﻑ ﻟﻲ ﻋﻦ ﻣﻮﺿﻮﻉ ﺑﻨﺘﻜﻢ ﻓﻠﻮ ﺇﺷﺘﻜﻴﺘﻢ ﻋﻠﻴﻪ ﻣﺎ ﺭﺍﺡ ﻳﻨﻜﺮ ﻭﻟﻮ ﺃﻧﻜﺮ .....
ﻃﻠﻊ ﻭﺭﻗﻪ ﻭﻗﺪﻣﻬﺎ ﻟﻬﻢ ﻭﻛﻤﻞ : ﺇﺗﺼﻞ ﻋﻠﻲّ ﺃﺭﺳﻞ ﻟﻚ ﻣﻘﻄﻊ ﺻﻮﺕ ﻟﻪ ﺳﺠﻠﺘﻪ ﻟﻤﺎ ﺇﻋﺘﺮﻑ ..
ﻃﺎﻟﻊ ﺫﻳﺎﺏ ﻓﻲ ﺍﻟﻮﺭﻗﻪ ﺑﻌﺪﻫﺎ ﺃﺧﺬﻫﺎ ﻭﻫﻮ ﻳﻘﻮﻝ : ﺟﺰﺍﻙ ﺍﻟﻠﻪ ﺧﻴﺮ ﺃﺧﻮﻱ ﻣﺎ ﺗﻘﺼﺮ .. ﻣﺸﻜﻮﺭ ﻋﺬﺑﺖ ﻧﻔﺴﻚ ﺑﻤﺸﺎﻛﻞ ﻣﺎﻟﻚ ﺧﺺ ﻓﻴﻬﺎ ..
ﻳﺤﻴﻰ : ﻻ ﺗﺸﻜﺮﻧﻲ ﻭﻻ ﺷﻲﺀ .. ﺑﻤﺎ ﺇﻧﻲ ﻓﺮﺩ ﻣﻦ ﻧﻔﺲ ﺍﻟﻌﺎﺋﻠﻪ ﻭﺍﺟﺒﻲ ﺃﺻﺤﺢ ﺃﻏﻼﻃﻬﺎ .. ﻳﺎﻟﻼ ﺃﻋﺘﺬﺭ ﻭﺭﺍﻱ ﻣﺸﻮﺍﺭ ..
ﺫﻳﺎﺏ : ﺍﻟﻠﻪ ﻣﻌﺎﻙ ..
ﺭﺍﺡ ﻳﺤﻴﻰ ﻓﻘﻔﻞ ﺫﻳﺎﺏ ﺍﻟﺒﺎﺏ ﻭﻃﺎﻟﻊ ﻓﻲ ﺍﻟﻮﺭﻗﻪ ..
ﻣﺆﻳﺪ ﺑﺈﺳﺘﻨﻜﺎﺭ : ﺑﺲ !!..
ﺫﻳﺎﺏ ﻭﻣﻦ ﺩﻭﻥ ﻻ ﻳﺸﻴﻞ ﻧﻈﺮﻩ ﻋﻦ ﺍﻟﻮﺭﻗﻪ : ﻭﺵ ﺗﺒﻲ ﻧﺴﺎﻭﻱ .. ؟ ! ﻧﻀﺮﺑﻪ ﻭﻧﻬﺎﻭﺷﻪ ﻷﻧﻪ ﻳﻘﺮﺏ ﻟﺬﺍﻙ ﺍﻟﻠﻲ ﻣﺎ ﻳﺘﺴﻤﻰ .. ؟ ! ﻧﻌﺎﻗﺐ
ﺍﻟﻌﺎﺋﻠﻪ ﻛﻠﻬﺎ ﻟﺨﻄﺄ ﻭﺍﺣﺪ ﻓﻴﻬﻢ .. ؟ ! ﺇﻋﻘﻞ ﻭﻓﻜﺮ ﺑﻌﻘﻼﻧﻴﻪ ..
ﻟﻒ ﻣﺆﻳﺪ ﺭﺍﺳﻪ ﻭﻫﻮ ﻣﻮ ﺭﺍﺿﻲ ..
ﺫﻳﺎﺏ ﺑﺈﺳﺘﻐﺮﺍﺏ : ﻳﺤﻴﻰ ﻋﺰﺍﻡ ﺍﻟﻮﺍﺻﻠﻲ .. ؟ !
ﻃﺎﻟﻊ ﻓﻴﻪ ﻣﺆﻳﺪ ﻭﻗﺎﻝ : ﺷﻔﻴﻪ .. ؟ !
ﻗﻔﻞ ﺫﻳﺎﺏ ﺍﻟﻮﺭﻗﻪ ﻳﻘﻮﻝ : ﻻ ﺑﺲ ﺃﺣﺲ ﺇﺳﻢ ﻋﺰﺍﻡ ﺍﻟﻮﺍﺻﻠﻲ ﻣﻮ ﻏﺮﻳﺐ ..
ﺇﺗﺠﻪ ﻟﻠﻄﺎﻭﻟﻪ ﻭﺃﺧﺬ ﻣﻔﺎﺗﻴﺤﻪ ﻭﻣﺤﻔﻀﺘﻪ ﻓﻘﺎﻝ ﻣﺆﻳﺪ : ﻟﺤﻀﻪ ﺑﺮﻭﺡ ﻣﻌﻚ ..
ﺫﻳﺎﺏ : ﺇﻃﻠﻊ ﻭﺷﻮﻑ ﺷﻨﻮ ﺑﻴﺼﻴﺮ ﻟﻚ ..
ﻭﻗﻔﻞ ﺍﻟﺒﺎﺏ ﻭﺭﺍﻩ ﻓﻀﺮﺏ ﻣﺆﻳﺪ ﺍﻟﻄﺎﻭﻟﻪ ﺑﺮﺟﻠﻪ ﻣﻦ ﺍﻟﻘﻬﺮ ..
▓▒ •✖× ×✖•◄︿︿︿︿︿︿︿︿︿︿︿︿► ▒▓
ﺍﻟﺠﻮ ﺣﺎﺭ .. ﻣﻜﺘﻮﻡ ..
ﻳﺤﺲ ﻧﻔﺴﻪ ﺟﺎﻟﺲ ﺑﻔﺮﻥ ﻣﻘﻔﻞ ﻣﻦ ﻛﻞ ﺍﻟﺠﻬﺎﺕ ..
ﻣﻘﻔﻞ ﻣﻦ ﻛﻞ ﺍﻟﺠﻬﺎﺕ .. ؟ !
ﻫﺰ ﺭﺍﺳﻪ ﻋﻠﻰ ﺍﻟﺘﺸﺒﻴﻪ ﺍﻟﻐﺒﻲ .. ﻃﺒﻴﻌﻲ ﺍﻟﻔﺮﻥ ﻳﺘﻘﻔﻞ ﻣﻦ ﻛﻞ ﺍﻟﺠﻬﺎﺕ ..
ﺗﻨﻬﺪ ﻭﻟﻒ ﺑﻨﻈﺮﻩ ﻓﻲ ﺍﻟﻤﻜﺎﻥ ﺍﻟﻤﻈﻠﻢ ﻭﺍﻟﻤﻜﺘﻮﻡ ..
ﺣﺘﻰ ﺇﻥ ﺇﻳﺪﻩ ﺗﻜﺴﺮﺕ ﻣﻦ ﻛﺜﺮ ﻣﺎ ﻳﻬﻮﻱ ﻧﻔﺴﻪ ﺑﺎﻟﻜﺎﺏ ﺍﻟﻠﻲ ﻳﺎ ﺩﻭﺏ ﻳﻄﻠﻊ ﻛﻢ ﻧﺴﻤﺔ ﻫﻮﺍ ..
ﻭﻣﺎ ﻳﺰﺍﻝ ﺟﺎﻟﺲ ﺑﻤﻜﺎﻧﻪ ﻣﺴﺘﻨﺪ ﻋﻠﻰ ﺍﻟﻜﺮﺗﻮﻥ ﺍﻟﻤﻤﺘﻠﺊ ﺑﺄﺷﻴﺎﺀ ﻣﺎ ﻳﻌﺮﻓﻬﺎ ..
ﺭﻓﻊ ﺇﻳﺪﻩ ﻟﻤﺴﺘﻮﻯ ﻋﻴﻨﻪ ﺑﺲ ﻣﻦ ﺍﻟﻈﻼﻡ ﻣﻮ ﻗﺎﺩﺭ ﻳﺸﻮﻑ ﻛﻢ ﺍﻟﺴﺎﻋﻪ .. ﻣﻌﻨﺎﺗﻪ ﻻﺯﻡ ﻳﻘﻮﻡ ﻳﺸﻐﻞ ﺍﻟﻠﻤﺒﻪ ..
ﻭﻗﻒ ﻭﺗﻘﺪﻡ ﻳﺘﺤﺴﺲ ﺍﻟﺠﺪﺍﺭ ﺣﺘﻰ ﻭﺻﻞ ﻟﻠﻤﺒﻪ .. ﺷﻐﻞ ﻭﺣﺪﻩ ﻣﻦ ﺍﻷﺯﺭﺍﺭ ﻭﺷﺎﻑ ﺍﻟﺴﺎﻋﻪ ﻛﻢ ..
ﻋﺸﺮﻩ ﻭﻋﺸﺮ ﺩﻗﺎﻳﻖ ﺍﻟﺼﺒﺎﺡ ..
ﺭﻓﻊ ﺭﺍﺳﻪ ﻟﻠﺴﻘﻒ .. ﻛﻞ ﻣﺎ ﻓﻜﺮ ﻳﻄﻠﻊ ﻳﻬﺮﺏ ﻣﻦ ﻫﺬﺍ ﺍﻟﻤﻜﺎﻥ ﻳﺘﺮﺩﺩ ..
ﻣﻦ ﻟﻴﻠﻪ ﻗﺒﻞ ﺃﻣﺲ ﻭﻫﻮ ﻫﻨﺎ ﻫﺎﺭﺏ ﻣﻦ ﺻﺎﺣﺐ ﺍﻟﺒﻴﺖ ..
ﻓﻜﺮ ﺃﻣﺲ ﻳﻬﺮﺏ ﻟﻜﻦ ﺗﺮﺍﺟﻊ ﺑﻌﺪ ﻣﺎ ﺣﺲ ﺑﺼﻮﺕ ﺟﺎﻱ ﻣﻦ ﺍﻟﺴﻘﻒ .. ﻭﺑﺎﻟﻤﻐﺮﺏ ﻓﻜﺮﻩ ﻳﻬﺮﺏ ﺑﺲ ﺗﺮﺩﺩ .. ﻟﻴﻠﺔ ﺇﻣﺲ ﻓﺘﺢ ﺍﻟﺒﺎﺏ ﺑﻴﻬﺮﺏ
ﺑﺲ ﺳﻤﻊ ﺻﻮﺕ ﺟﺎﻱ ﻣﻦ ﺍﻟﺪﺭﺝ ..
ﻭﺣﺘﻰ ﻓﺠﺮ ﺍﻟﻴﻮﻡ ﺳﻤﻊ ﺻﻮﺕ ﻣﻦ ﺍﻟﺴﻘﻒ .. ﻣﻮ ﻋﺎﺭﻑ ﺇﻟﻰ ﻣﺘﻰ ﺭﺍﺡ ﻳﻈﻞ ﻫﻨﺎ .. ﺣﺎﺱ ﺑﺠﻮﻉ ﻓﻀﻴﻊ ﻭﻫﻮ ﻣﻮﺟﻮﺩ ﺑﻬﺎﻟﻤﻜﺎﻥ ﺍﻟﻤﻜﺘﻮﻡ
ﻭﺍﻟﻠﻲ ﻛﻠﻪ ﺭﻳﺤﺔ ﺃﺻﺒﺎﻍ ﻭﺃﻟﻮﺍﻥ ﻋﺼﺎﺭ ..
ﻧﺰّﻝ ﺟﺎﻛﻴﺘﻪ ﺍﻟﺠِﻠﺪ ﻭﺭﻣﺎﻩ ﻋﻠﻰ ﻭﺣﺪﻩ ﻣﻦ ﺍﻟﻜﺮﺍﺗﻴﻦ ﺑﻌﺪ ﻣﺎ ﻧﻔﻀﻬﺎ ﻣﻦ ﺍﻟﻐﺒﺎﺭ ﻭﺣﻂ ﺍﻟﻜﺎﺏ ﺣﻘﻪ ﺟﻨﺒﻪ ..
ﻣﺎﻫﻮ ﻧﺎﻗﺺ ﺣﺮ ﺯﻳﺎﺩﻩ ..
ﻓﺘﺢ ﺍﻟﺒﺎﺏ ﺑﻬﺪﻭﺀ ﺑﻌﺪ ﻣﺎ ﻃﻔﻰ ﺍﻟﻠﻤﺒﻪ ﻭﺧﺮﺝ ..
ﺭﺍﺡ ﻟﻠﺤﻤﺎﻡ ﻳﻐﺴﻞ ﺷﻌﺮﻩ ﻳﺒﻌﺪ ﻋﻨﻪ ﻫﺎﻟﺤﺮ ﻭﺑﻌﺪﻫﺎ ﺧﺮﺝ ﻳﻠﻒ ﻓﻲ ﺍﻟﻤﻜﺎﻥ ..
ﻗﺮّﺏ ﻣﻦ ﺍﻟﺪﺭﺝ ﺍﻟﻠﻲ ﻳﻄﻠﻊ ﻟﻔﻮﻕ ﻭﻇﻞ ﻭﺍﻗﻒ ﻳﺤﺎﻭﻝ ﻳﺴﻤﻊ ﺇﻥ ﻛﺎﻥ ﻓﻴﻪ ﺣﺮﻛﻪ ﻭﻻ ﻻ ..
ﺗﻨﻬﺪ ﻭﺇﺳﺘﻨﺪ ﻋﻠﻰ ﺍﻟﺠﺪﺍﺭ ﻳﻘﻮﻝ : ﺣﺴﺎﻡ ﻭﻗﺴﻢ ﻭﺭﻃﺖ ﻧﻔﺴﻚ ﺑﺸﻜﻞ ﻛﺒﻴﺮ .. ﻟﻮ ﺳﻤﻌﺖ ﻟﻜﻼﻡ ﺟﻮﺩ ﻛﺎﻥ ﻣﺎ ﻭﺻﻠﺖ ﻟﻬﺎﻟﺤﺎﻟﻪ ..
ﺩﺧّﻞ ﺇﻳﺪﻩ ﺑﺠﻴﺒﻪ ﻭﺭﻓﻊ ﺭﺍﺳﻪ ﺳﺮﺣﺎﻥ ..
ﺷﺪ ﻋﻠﻰ ﺃﺳﻨﺎﻧﻪ ﺑﻌﺪ ﻣﺎ ﺗﺬﻛﺮ ﻣﺎﻳﺎ .. ﺍﻟﻠﺤﻴﻦ ﻭﺵ ﻣﺴﻮﻳﻪ .. ؟ !
ﺑﺎﻟﻌﺎﺩﻩ ﻳﺰﻭﺭﻫﺎ ﻳﻮﻣﻴﺎً ﻓﺄﻛﻴﺪ ﻗﻠﻘﺎﻧﻪ ﻋﻠﻴﻪ ﻭﻣﻤﻜﻦ ﺗﺒﻜﻲ ﻛﻤﺎﻥ ..
ﻫﺬﺍ ﻏﻴﺮ ﻋﻦ ﺃﺑﻮﻫﺎ ﺍﻟﻠﻲ ﻣﺎ ﻳﺘﺴﻤﻰ ..
ﻛﻼﻡ ﺫﻳﻚ ﺍﻟﻄﺒﻴﺒﻪ ﺻﺤﻴﺢ .. ﺗﺄﺧﺮﻩ ﺭﺍﺡ ﻳﺄﺫﻳﻬﺎ ﻓﻼﺯﻡ ﻳﻼﻗﻲ ﺃﺑﻮﻫﺎ ﺣﺘﻰ ﻳﺴﺠﻞ ﻣﻮﺍﻓﻘﺘﻪ ﻋﺎﻟﻌﻤﻠﻴﻪ ..
ﻣﻌﻨﺎﺗﻪ ﺍﻟﻤﻔﺮﻭﺽ ﻣﺎ ﻳﺘﺄﺧﺮ ﻫﻨﺎ ﺃﻛﺜﺮ .. ﺷﻜﻠﻪ ﺧﻼﺹ ﺻﺎﺣﺐ ﺍﻟﺒﻴﺖ ﺗﺄﻛﺪ ﺇﻧﻪ ﻣﻮ ﻣﻮﺟﻮﺩ ﺩﺍﺧﻞ ..
ﻋﻘﺪ ﺣﺎﺟﺒﻪ ﻟﻤﺎ ﺳﻤﻊ ﺻﻮﺕ ﺟﺎﻱ ﻣﻦ ﻓﻮﻕ ﺑﺈﺗﺠﺎﻩ ﺍﻟﺪﺭﺝ ..
ﺇﻋﺘﺪﻝ ﻓﻲ ﻭﻗﻔﺘﻪ ﻭﺭﺟﻊ ﺑﻬﺪﻭﺀ ﻟﻠﻐﺮﻓﻪ ..
ﻗﻔﻞ ﺍﻟﺒﺎﺏ ﺑﺎﻟﻤﻔﺘﺎﺡ ﻣﺜﻞ ﺃﻭﻝ ﻭﺭﺟّﻊ ﺍﻟﻤﻔﺘﺎﺡ ﻣﻜﺎﻧﻪ ﺑﻌﺪﻫﺎ ﺇﺧﺘﺒﺊ ﺑﻴﻦ ﻛﻤﻴﺔ ﻛﺮﺍﺗﻴﻦ ﻓﺎﺿﻴﻪ ..
ﺣﺲ ﺑﺈﻧﺰﻋﺎﺝ ﻟﻤﺎ ﺑﺪﺃ ﺷﻌﻮﺭ ﺍﻟﺤﺮ ﻭﺍﻟﻜﺘﻤﻪ ﻳﺮﺟﻊ ﻟﻪ ..
ﺿﺎﻗﺖ ﻋﻴﻮﻧﻪ ﻟﻤﺎ ﻃﻠﻊ ﻧﻮﺭ ﻣﻦ ﺗﺤﺖ ﺍﻟﺒﺎﺏ ..
ﺣﺴﺎﻡ ﻓﻲ ﻧﻔﺴﻪ : " ﻧﺰﻝ .. ﻣﻦ ﺃﻣﺲ ﻣﺤﺪ ﻃﺐ ﻫﺎﻟﻤﻜﺎﻥ .. ﺇﻥ ﺷﺎﺀ ﺍﻟﻠﻪ ﻣﺎ ﻳﻔﻜﺮﻭﺍ ﻳﺠﻮﺍ ﻫﻨﺎ " ..
ﺑﺪﺃﺕ ﺩﻗﺎﺕ ﻗﻠﺒﻪ ﺗﺰﻳﺪ ﻭﻫﻮ ﻳﺴﻤﻊ ﺑﺮﻯ ﺃﺻﻮﺍﺕ .. ﻟﻮ ﺇﻧﻤﺴﻚ ﻓﺮﺍﺡ ﻳﺮﻭﺡ ﻓﻴﻬﺎ ﻭﻧﻬﺎﻳﺘﻪ ﺑﺘﻜﻮﻥ ﺍﻟﺴﺠﻦ ..
ﻻ .. ﻻ ﻣﺎ ﻳﺒﻐﻰ ﻳﻨﺴﺠﻦ ﻗﺒﻞ ﻻ ﻳﺘﺄﻛﺪ ﻣﻦ ﻋِﻼﺝ ﻣﺎﻳﺎ ..
ﻣﺎ ﻳﺒﻐﻰ ﻳﻨﺴﺠﻦ ﻗﺒﻞ ﻻ ﻳﺘﺄﻛﺪ ﻣﻦ ﺧﺮﻭﺝ ﺃﺧﺘﻪ ﺑﻌﻔﻮ ..
ﻣﺎ ﻳﺒﻐﻰ ﻳﻨﺴﺠﻦ ﻗﺒﻞ ..... ﻗﺒﻞ ﻻ ﻳﺸﻮﻑ ﺃﺑﻮﻩ ﻭﻳﺴﺄﻟﻪ ﻋﻦ ﻛﻞ ﺷﻲﺀ ﻣﻜﺒﻮﺕ ﺑﻘﻠﺒﻪ ..
ﺷﺪ ﺍﻟﻜﺮﺍﺗﻴﻦ ﻭﻏﻄﻰ ﻋﻠﻰ ﻧﻔﺴﻪ ﺗﻤﺎﻣﺎً ..
ﺯﺍﺩﺕ ﻧﺒﻀﺎﺕ ﻗﻠﺒﻪ ﻟﻤﺎ ﺳﻤﻊ ﺻﻮﺕ ﺍﻟﻤﻔﺘﺎﺡ ﻳﺪﺧﻞ ﺑﺎﻟﺒﺎﺏ ..
ﺇﻧﻔﺘﺤﺖ ﺍﻟﻐﺮﻓﻪ ﻭﺇﺷﺘﻐﻠﺖ ﺍﻷﻧﻮﺍﺭ ..
ﻇﻞ ﺳﺎﻛﻦ ﺑﻤﻜﺎﻧﻪ ﻭﻫﻮ ﻳﺴﻤﻊ ﺧﻄﻮﺍﺕ ﺷﺨﺺ ﺗﺘﺠﻪ ﻟﻠﻤﻜﺎﻥ ﺍﻟﻤﻌﺎﻛﺲ ﻟﻪ ..
ﻭﻗﻒ ﺻﻮﺕ ﺍﻟﺨﻄﻮﺍﺕ ﻟﻔﺘﺮﻩ ﻓﺰﺍﺩﺕ ﻧﺴﺒﺔ ﺍﻟﺘﻮﺗﺮ ﻋﻨﺪ ﺣﺴﺎﻡ ..
ﺛﻮﺍﻧﻲ ﺑﻌﺪﻫﺎ ﺗﻐﻴﺮ ﺇﺗﺠﺎﻩ ﺍﻟﺨﻄﻮﺍﺕ ﻟﺠﻬﻪ ﺛﺎﻧﻴﻪ ﻭﻭﻗﻔﺖ ﺑﻌﺪ ﻓﺘﺮﻩ ..
ﺷﻮﻱ ﺟﺎﻩ ﺻﻮﺕ ﻭﺍﺣﺪ ﻳﻘﻮﻝ : ﺃﻭﻭﻭﻩ ﺇﻧﺖ ﻫﻨﺎ ﻭﺃﺑﻮﻱ ﻗﺎﻟﺐ ﺍﻟﻤﻜﺎﻥ ﻋﻠﻴﻚ ..
ﻓﺘﺢ ﺣُﺴﺎﻡ ﻋﻴﻮﻧﻪ ﺑﺼﺪﻣﻪ ..
ﻫﺬﺍ ... ﻫﺬﺍ ﻳﻘﺼﺪﻩ !!!..
ﺇﻧﻜﺸﻒ .. ؟ !! ﻣﻌﻘﻮﻝ !!.....
ﺷﺪ ﻋﻠﻰ ﺃﺳﻨﺎﻧﻪ ﻭﻫﻮ ﺣﺎﺱ ﺑﻮﺭﻃﻪ ﻣﻮ ﻃﺒﻴﻌﻴﻪ ..
ﻛﻴﻒ .. ؟ ! ﻛﻴﻒ ﻋﺮﻑ ﻋﻨﻪ .. ؟ !
ﻫﻮ ﺣﺘﻰ ﻣﺎ ﻗﺮّﺏ ﻣﻦ ﺍﻟﺠﻬﻪ ﺍﻟﻠﻲ ﻫﻮ ﻣﺨﺘﺒﻲ ﻓﻴﻬﺎ !!..
ﺟﺎﻩ ﺻﻮﺕ ﺍﻟﺸﺎﺏ ﻳﻘﻮﻝ : ﻃﻴﺐ ﺑﺘﺨﺘﺒﻲ ﻋﻠﻰ ﺍﻷﻗ

ﻞ ﺧﺬ ﺟﺎﻛﻴﺘﻚ ﻣﻌﺎﻙ ..
ﺟﺎﻛﻴﺖ .. ؟ !!
ﺧﻠﺨﻞ ﺃﺻﺎﺑﻌﻪ ﺑﺸﻌﺮﻩ ..
ﻏﺒﻲ .. ﻏﺒﻲ ﻏﺒﻲ ..
ﻛﻴﻒ ﻧﺴﻰ ﻫﺎﻟﺸﻲﺀ ﺍﻟﻤﻬﻢ .. ؟ ! ﻭﻳﻦ ﻋﻘﻠﻪ .. ؟ !
ﻏﺒﻲ !!..
ﺗﻨﻬﺪ ﺍﻟﺸﺎﺏ ﺍﻟﻠﻲ ﻣﺎ ﻛﺎﻥ ﻏﻴﺮ ﺃﺻﻴﻞ ﻭﻗﺎﻝ : ﺗﺒﻴﻨﻲ ﺃﺩﻭﺭ ﻋﻠﻴﻚ ﺑﻨﻔﺴﻲ .. ﻳﺎ ﺷﻴﺦ ﺗﺮﻯ ....
ﻭﻗﻒ ﻋﻦ ﺍﻟﻜﻼﻡ ﻭﻟﻒ ﻋﻠﻰ ﺍﻟﺰﺍﻭﻳﻪ ﺑﻌﺪ ﻣﺎ ﺗﺤﺮﻛﺖ ﺍﻟﻜﺮﺍﺗﻴﻦ ..
ﻃﻠﻊ ﺣُﺴﺎﻡ ﻣﻦ ﺑﻴﻨﻬﺎ ﻭﻃﺎﻟﻊ ﻓﻲ ﺃﺻﻴﻞ ﻭﻫﻮ ﻳﻘﻮﻝ ﻓﻲ ﻧﻔﺴﻪ : " ﺷﻜﻠﻪ ﻭﻟﺪﻩ .. ﻟﻮ ﺍﻟﻤﻮﺿﻮﻉ ﻳﻌﺘﻤﺪ ﻋﺎﻟﻘﻮﻩ ﻳﻤﻜﻦ ﺃﻗﺪﺭ ﻋﻠﻴﻪ ﻣﻊ ﺇﻥ
ﺟﺴﻤﻪ ﺃﻛﺒﺮ ﻣﻦ ﺟﺴﻤﻲ .. ﺷﻜﻠﻪ ﻓﻮﻕ ﺍﻟﻌﺸﺮﻳﻦ ﻣﻦ ﻋﻤﺮﻩ .. ﻣﺎ ﻋﻠﻴﻪ .. ﻗﺪﺭﺕ ﻋﻠﻰ ﺯﻳﺎﺩ ﻭﻋﻠﻰ ﺍﻟﻜﺜﻴﺮ ﻓﺮﺍﺡ ﺃﻗﺪﺭ ﻋﻠﻴﻪ " ..
ﺭﻓﻊ ﺃﺻﻴﻞ ﺣﺎﺟﺒﻪ ﺑﻌﺪﻫﺎ ﺇﺑﺘﺴﻢ ﻳﻘﻮﻝ : ﺃﻭﻭﻭﻩ .. ﻣﺎ ﺗﻮﻗﻌﺖ ﺍﻟﺴﺎﺭﻕ ﺑﺰﺭ !..
ﺗﻘﺪﻡ ﻣﻨﻪ ﻭﻛﻤﻞ ﺑﺈﺳﺘﻬﺰﺍﺀ : ﻛﻢ ﻋﻤﺮﻙ .. ؟ ! ﺻﻒ ﻛﻢ ﻳﺎ ﺣﺒﻴﺒﻲ .. ؟ !
ﺣﺲ ﺣﺴﺎﻡ ﺑﺎﻟﻘﻬﺮ .. ﺑﺲ ﺭﺍﺡ ﻳﺨﻠﻴﻪ ﻳﻘﺮﺏ ﺃﻛﺜﺮ ﻭﺑﻌﺪﻫﺎ ﺭﺍﺡ ﻳﺒﺎﻏﺘﻪ ﻭﻳﻔﻘﺪﻩ ﻟﻮﻋﻴﻪ ﻣﻊ ﺇﻥ ﺟﺴﻤﻪ ﺿﻌﻴﻒ .. ﻟﻪ ﻳﻮﻡ ﻛﺎﻣﻞ ﻣﺎ ﺃﻛﻞ
ﺷﻲﺀ ..
ﺇﺑﺘﺴﻢ ﺑﺴﺨﺮﻳﻪ ﻭﺟﺎﻭﺑﻪ : ﺑﺎﻹﺑﺘﺪﺍﺋﻲ ..
ﺇﻧﺪﻫﺶ ﺃﺻﻴﻞ ﺑﻌﺪﻫﺎ ﺿﺤﻚ ﻭﻫﻮ ﻳﻘﻮﻝ : ﻫﻬﻬﻬﻬﻬﻬﻬﻬﻪ ﺳﺎﺭﻕ ﻛﻮﻣﻴﺪﻱ ﺑﺼﺮﺍﺣﻪ .. ﺃﻋﺠﺒﺘﻨﻲ ﻫﻬﻬﻬﻬﻬﻪ ..
ﻟﻒ ﺣﺴﺎﻡ ﺑﻨﻈﺮﻩ ﻟﻠﺒﺎﺏ ﻓﺸﺎﻑ ﺇﻥ ﻣﺤﺪ ﻓﻴﻪ ﺑﺮﻯ ..
ﻣﻌﻨﺎﺗﻪ ﺑﺲ ﻫﺎﻟﺸﺎﺏ ﻧﺰﻝ ..
ﺃﺻﻴﻞ : ﻫﻬﻬﻬﻪ ﻃﻴﺐ ﻣﺎ ﻗﻠﺖ ﻟﻲ ﻭﺵ ﺇﺳﻤﻚ .. ؟ !
ﻟﻒ ﺣﺴﺎﻡ ﻧﻈﺮﻩ ﻟﻪ ﻭﻫﻮ ﻳﻘﻮﻝ ﻓﻲ ﻧﻔﺴﻪ : " ﻣﺎ ﻳﻌﺮﻑ ﺇﺳﻤﻲ .. ؟ ! ﻣﻌﻨﺎﺗﻪ ﻛﻞ ﺍﻟﻠﻲ ﻳﻌﺮﻓﻪ ﺇﻧﻪ ﻓﻲ ﺳﺎﺭﻕ ﻣﺨﺘﺒﻲ ﺑﺎﻟﺒﻴﺖ .. ﺑﺄﺣﺎﻭﻝ
ﺃﺳﺤﺐ ﻣﻨﻪ ﻛﻼﻡ ﻭﺃﻋﺮﻑ ﺇﻥ ﻛﺎﻥ ﻓﻴﻪ ﺃﺣﺪ ﺑﺎﻟﺒﻴﺖ ﻭﻻ ﻻ " ..
ﻓﺘﺢ ﻓﻤﻪ ﺑﻴﺴﺄﻟﻪ ﻟﻜﻦ ﺳﺒﻘﻪ ﺃﺻﻴﻞ ﻳﻘﻮﻝ ﺑﺨﺒﺚ : ﺃﻟّﺎ ﻣﺎ ﻗﻠﺖ ﻟﻲ .. ﺇﻳﺶ ﻧﻮﻋﻚ .. ؟ !
ﻋﻘﺪ ﺣﺴﺎﻡ ﺣﺎﺟﺒﻪ ﻭﻫﻮ ﻣﻮ ﻓﺎﻫﻢ ﻭﺵ ﻳﻘﺼﺪ ..
ﺗﻘﺪﻡ ﺃﺻﻴﻞ ﺃﻛﺜﺮ ﻳﻘﻮﻝ : ﺧﻠﻨﺎ ﻧﺘﻔﺎﻫﻢ ﻭﻭﻗﺘﻬﺎ ﺃﻃﻠﻌﻚ ﻣﻦ ﺍﻟﻮﺭﻃﻪ ﺫﻱ .. ﺭﺍﺡ ﺃﻫﺮﺑﻚ ﻭﺃﺿﻤﻦ ﻟﻚ ﺇﻥ ﻣﺼﻴﺮﻙ ﻣﺎ ﻳﻜﻮﻥ ﺍﻟﺴﺠﻦ ..
ﻭﻗﻒ ﻗﺪﺍﻡ ﺣﺴﺎﻡ ﻭﺗﻜﻰ ﺑﺈﻳﺪﻩ ﻋﺎﻟﺠﺪﺍﺭ ﺍﻟﻠﻰ ﻭﺭﻯ ﺣُﺴﺎﻡ ﻭﻫﻮ ﻳﻘﻮﻝ ﺑﻬﻤﺲ ﻭﺑﺈﺑﺘﺴﺎﻣﻪ ﻏﺮﻳﺒﻪ : ﺃﻧﺎ ﺳﺎﻟﺐ .. ﺑﻨﺘﻔﻖ ﻛﺜﻴﺮ ﻟﻮ ﻛِﻨﺖ ﺍﻟﻌﻜﺲ
..
ﻇﻞ ﺣُﺴﺎﻡ ﻋﺎﻗﺪ ﺣﺎﺟﺒﻪ ﺩﻟﻴﻞ ﻋﺪﻡ ﺍﻟﻔﻬﻢ ..
ﻟﻜﻦ ... ﻟﺤﻀﻪ !!...
ﻓﺘﺢ ﻋﻴﻮﻧﻪ ﺑﺼﺪﻣﻪ ﺑﻌﺪ ﻣﺎ ﻓﻬﻢ ﻗﺼﺪﻩ ..
ﻫﺬﺍ ﺍﻟﺸﺎﺏ .... ﻫﺬﺍ ﺍﻟﺸﺎﺏ ...
ﺷﺎﺫ !!!..
ﻭﺑﺪﻭﻥ ﺗﻔﻜﻴﺮ ﺭﻓﻊ ﺇﻳﺪﻩ ﻭﺿﺮﺏ ﺃﺻﻴﻞ ﺑﻘﻮﻩ ﺑﺤﺮﻛﺔ ﺍﻟﺴﻜﻴﻦ ﻓﻲ ﺭﻗﺒﺘﻪ ﻓﺘﺄﻟﻢ ﺃﺻﻴﻞ ﻭﻣﺴﻚ ﺭﻗﺒﺘﻪ ﻭﺗﺮﺍﺟﻊ ﻟﻮﺭﻯ ﻭﻫﻮ ﻳﺤﺲ ﺑﺄﻟﻢ ﻓﻀﻴﻊ
..
ﺻﻚ ﺣُﺴﺎﻡ ﻋﻠﻰ ﺃﺳﻨﺎﻧﻪ ﺑﻘﻬﺮ .. ﻛﺎﻥ ﻫﺎﻟﺸﺎﺏ ﻗﺮﻳﺐ ﺟﺪﺍً ﻓﻤﺎ ﻗﺪﺭ ﻳﻀﺮﺏ ﺑﺸﻜﻞ ﺃﺩﻕ ﻭﺃﻗﻮﻯ ..
ﺇﺑﺘﻌﺪ ﻋﻨﻪ ﺑﺴﺮﻋﻪ ﻭﺳﺤﺐ ﺟﺎﻛﻴﺘﻪ ﻭﺍﻟﻜﺎﺏ ﻭﺧﺮﺝ ﺑﺮﻯ ﺍﻟﻐﺮﻓﻪ ..
ﻗﻔﻞ ﺍﻟﺒﺎﺏ ﻭﺇﻧﻘﻬﺮ ﻟﻤﺎ ﻣﺎ ﻟﻘﻰ ﺍﻟﻤﻔﺘﺎﺡ ﻣﻮﺟﻮﺩ ﺑﺎﻟﺒﺎﺏ ..
ﻟﺒﺲ ﺍﻟﻜﺎﺏ ﺣﻘﻪ ﻭﻇﻞ ﻣﺎﺳﻚ ﻣﻘﺒﺾ ﺍﻟﺒﺎﺏ ﻭﻫﻮ ﻳﻠﻒ ﺑﻨﻈﺮﻩ ﻓﻲ ﺍﻟﻤﻜﺎﻥ ﻳﺸﻮﻑ ﺇﻥ ﻛﺎﻥ ﻓﻴﻪ ﺃﺣﺪ ﻏﻴﺮﻩ ..
ﻻﺣﻆ ﻟﻮﺣﻪ ﻣﻨﺰﻭﻉ ﺍﻟﻐﻼﻑ ﻋﻨﻬﺎ .. ﻣﻌﻘﻮﻟﻪ ﻫﺎﻟﺸﺎﺏ ﺭﺳﺎﻡ ﻭﻛﺎﻥ ﻧﺎﻭﻱ ﻳﺮﺳﻢ .. ؟ !
ﻗﻄﻊ ﺗﻔﻜﻴﺮﻩ ﺷﺪ ﻋﺎﻟﺒﺎﺏ ﻓﻤﺴﻚ ﺍﻟﻤﻘﺒﺾ ﺑﻘﻮﻩ ﻭﻫﻮ ﻳﻔﻜﺮ ﻛﻴﻒ ﻳﺤﺠﺰﻩ ﺩﺍﺧﻞ ﻋﺸﺎﻥ ﻳﻘﺪﺭ ﻳﻬﺮﺏ ﻣﻦ ﺍﻟﻘﺼﺮ ﺑﻬﺪﻭﺀ ﻭﻣﻦ ﺩﻭﻥ ﻻ ﻳﺤﺲ
ﻋﻠﻴﻪ ﺃﺣﺪ ﻣﻦ ﺍﻟﺒﻴﺖ ..
ﻟﻮ ﻃﻠﻊ ﻓﺮﺍﺡ ﻳﻔﻀﺤﻪ ﻓﻲ ﺍﻟﻤﻜﺎﻥ ﻭﻧﻬﺎﻳﺘﻪ ﻳﻨﻤﺴﻚ ..
ﺳﻤﻊ ﺿﺤﻜﺔ ﺃﺻﻴﻞ ﻣﻦ ﻭﺭﻯ ﺍﻟﺒﺎﺏ ﻳﻘﻮﻝ : ﺍﻟﻤﻔﺘﺎﺡ ﻣﻌﻲ .. ﻣﺼﻴﺮﻙ ﺗﺘﺮﻙ ﺍﻟﻤﻘﺒﺾ ..
ﺑﻌﺪﻫﺎ ﺳﻤﻊ ﺻﻮﺕ ﺇﺳﺘﻨﺎﺩﻩ ﻋﻠﻰ ﺍﻟﺒﺎﺏ ..
ﺣﺴﺎﻡ ﻓﻲ ﻧﻔﺴﻪ : " ﻛﻴﻒ ﺃﺗﺼﺮﻑ .. ؟ ! ﻣﺎ ﺭﺍﺡ ﺃﻇﻞ ﻃﻮﻝ ﺍﻟﻮﻗﺖ ﻛِﺬﺍ .. ﺃﺧﺎﻑ ﻳﻨﺰﻝ ﺃﺣﺪ ﺍﻟﻠﺤﻴﻦ " ..
ﺟﺎﻩ ﺻﻮﺕ ﺃﺻﻴﻞ ﻳﻘﻮﻝ : ﺃﻟّﺎ ﻣﺎ ﻗﻠﺖ ﻟﻲ ﻛﻢ ﻋﻤﺮﻙ .. ؟ !
ﺣﺴﺎﻡ ﻓﻲ ﻧﻔﺴﻪ : " ﻟﺤﻀﻪ .. ﻟﻮ ﺣﻄﻴﺖ ﺧﺸﺒﻪ ﺗﺤﺖ ﺍﻟﻤﻘﺒﺾ ﻋﺸﺎﻥ ﺗﺜﺒﺘﻪ ﻓﺮﺍﺡ ﻳﻜﻮﻥ ﻋﻨﺪﻱ ﻭﻗﺖ ﺃﻫﺮﺏ .. ﺑﺲ ﺃﺧﺎﻑ ﺃﺗﺮﻙ ﺍﻟﻤﻘﺒﺾ
ﻓﻴﻄﻠﻊ ﺑﺴﺮﻋﻪ .. ﺑﺲ ﻟﺤﻀﻪ .. ﺗﻮﻩ ﺇﺗﻜﻰ ﻋﻠﻰ ﺍﻟﺒﺎﺏ ﻣﻌﻨﺎﺗﻪ ﻣﻮ ﻣﺎﺳﻚ ﺍﻟﻤﻘﺒﺾ .. ﺷﻜﻠﻪ ﻭﺍﺛﻖ ﺑﺄﻧﻲ ﻣﺎ ﺭﺍﺡ ﺃﻗﺪﺭ ﺃﺗﺤﺮﻙ .. ﻟﻮ ﻓﻜﻴﺘﻪ
ﺛﻮﺍﻧﻲ ﻓﻤﺎ ﺭﺍﺡ ﻳﺤﺲ ﺻﺢ " ..
ﺑﺪﺃ ﺑﻬﺪﻭﺀ ﻳﺮﺧﻲ ﻣﺴﻜﺘﻪ ﻋﺎﻟﻤﻘﺒﺾ .. ﺃﻭﻝ ﻣﺎ ﺃﺭﺧﺎﻩ ﻧﺰﻝ ﺍﻟﻤﻘﺒﺾ ﺑﺴﺮﻋﻪ ﻓﺈﻧﺼﺪﻡ ﺣﺴﺎﻡ ﻭﻣﺴﻜﻪ ﻣﻦ ﺟﺪﻳﺪ ﻗﺒﻞ ﻻ ﻳﻨﻔﺘﺢ ﺍﻟﺒﺎﺏ ..
ﺿﺤﻚ ﺃﺻﻴﻞ ﻳﻘﻮﻝ : ﺇﻳﻪ ﻣﺘﻜﻲ ﻋﺎﻟﺒﺎﺏ ﺑﺲ ﺗﺮﻯ ﺇﻳﺪﻱ ﻣﺘﻜﻴﻪ ﻋﻠﻰ ﺍﻟﻤﻘﺒﺾ ﻓﺮﺍﺡ ﺃﻋﺮﻑ ﺇﺫﺍ ﺗﺮﻛﺘﻪ ..
ﺻﻚ ﺣﺴﺎﻡ ﻋﻠﻰ ﺃﺳﻨﺎﻧﻪ ﺑﻘﻬﺮ ﻓﻘﺎﻝ ﺃﺻﻴﻞ : ﻣﺎ ﺷﺎﺀ ﺍﻟﻠﻪ ﻋﻠﻴﻚ .. ﻣﻦ ﺳﻤﻌﺖ ﺃﺑﻮﻱ ﻳﺘﻜﻠﻢ ﻋﻦ ﻭﺍﺣﺪ ﺳﺮﻕ ﺧﺰﻧﺘﻪ ﺗﻮﻗﻌﺖ ﺑﻴﻜﻮﻥ ﺍﻟﺴﺎﺭﻕ
ﻓﻲ ﺍﻟﺜﻼﺛﻴﻦ ﻋﻠﻰ ﺃﻗﻞ ﺗﻘﺪﻳﺮ .. ﻟﻜﻦ ﺑﺰﺭ ﻣﺜﻠﻚ ﻓﺘﺢ ﺍﻟﺨﺰﻧﻪ !!.. ﺃﻫﻨﻴﻚ ﻋﻠﻰ ﻣﻮﻫﺒﺘﻚ .. ﺃﻛﻴﺪ ﻭﺭﺍﻙ ﻣﺪﺭﺏ .. ﻣﻴﻦ .. ؟ !
ﻣﺴﻚ ﺣﺴﺎﻡ ﺍﻟﻤﻘﺒﺾ ﺑﺈﻳﺪ ﻭﺑﺈﻳﺪﻩ ﺍﻟﺜﺎﻧﻴﻪ ﺣﺎﻭﻝ ﻳﻤﺴﻚ ﺍﻟﻠﻮﺣﻪ ﺍﻟﻤﻌﻠﻘﻪ ﻋﺎﻟﺠﺪﺍﺭ ﺟﻨﺐ ﺍﻟﺒﺎﺏ ..
ﻧﺰّﻝ ﺍﻟﻠﻮﺣﻪ ﻓﺈﺑﺘﺴﻢ ﻟﻤﺎ ﺣﺼّﻞ ﻣﺴﻤﺎﺭ ﻃﺎﻟﻊ ﺟﺰﺀ ﻣﻨﻪ ﻣﻦ ﺍﻟﺠِﺪﺍﺭ ..
ﺃﺧﺬ ﺍﻟﺠﺎﻛﻴﺖ ﺣﻘﻪ ﺍﻟﻠﻲ ﻟﺴﻰ ﻣﺎ ﻟﺒﺴﻪ ﻭﺩﺧّﻞ ﺍﻟﻜﻢ ﻓﻲ ﻣﻘﺒﺾ ﺍﻟﺒﺎﺏ ﻭﻟﺴﻰ ﺇﻳﺪﻩ ﺍﻟﻴﻤﻴﻦ ﺷﺎﺩﻩ ﻋﺎﻟﻤﻘﺒﺾ ..
ﻭﺑﺈﻳﺪﻩ ﺍﻟﺜﺎﻧﻴﻪ ﺷﺪ ﺍﻟﺠﺎﻛﻴﺖ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺣﺘﻰ ﻳﻠﺤﻖ ﻳﺜﺒﺘﻬﺎ ﻋﻠﻰ ﺍﻟﻤﺴﻤﺎﺭ .. ﻟﻮ ﺛﺒﺘﻬﺎ ﻓﺒﻴﻜﻮﻥ ﺍﻟﺸﺪ ﻗﻮﻱ ﻭﻣﺎ ﺭﺍﺡ ﻳﻨﺰﻝ ﻣﻘﺒﺾ
ﺍﻟﺒﺎﺏ ﺑﺴﻬﻮﻟﻪ ﺇﻻ ﺇﺫﺍ ﻧﺰﻟﻪ ﺑﻘﻮﻩ ﻟﺪﺭﺟﺔ ﺇﻧﻘﻄﺎﻉ ﺍﻟﺠﺎﻛﻴﺖ ..
ﺭﻓﻊ ﺭﺟﻠﻪ ﻳﺤﺎﻭﻝ ﻳﻮﺻﻞ ﻃﺮﻑ ﺍﻟﻜﻢ ﻟﻠﻤﺴﻤﺎﺭ .. ﻛﺎﻥ ﺍﻟﻤﺴﻤﺎﺭ ﺑﻌﻴﺪ ﺷﻮﻱ ﻓﻤﺎ ﻗﺪﺭ ﻳﻮﺻﻞ ﻃﺮﻑ ﺍﻟﻜﻢ ﻟﻪ ..
ﺣﺎﻭﻝ ﻣﻦ ﺟﺪﻳﺪ ﻭﻫﻮ ﺣﺎﺱ ﺑﺈﺭﻫﺎﻕ ﻛﺒﻴﺮ ..
ﺟﻮﻋﺎﻥ .. ﺟﻮﻋﺎﻥ ﺑﻘﻮﻩ ..
ﺷﺪ ﺍﻟﻄﺮﻑ ﺃﻛﺜﺮ ﻭﻫﻮ ﻣﻨﺰﻋﺞ ﻣﻦ ﺛﺮﺛﺮﺓ ﺍﻟﺸﺎﺏ ﺍﻟﻠﻲ ﺩﺍﺧﻞ ﻭﺍﻟﻠﻲ ﺑﺪﺃ ﻳﺘﻜﻠﻢ ﺑﺄﻣﻮﺭ ﻣﺎ ﻳﺤﺐ ﻳﺴﻤﻌﻬﺎ ﺇﻟّﺎ ﺃﻣﺜﺎﻟﻪ ..
ﻇﻬﺮﺕ ﺍﻟﺮﺍﺣﻪ ﻋﻠﻰ ﻭﺟﻬﻪ ﺃﻭﻝ ﻣﺎ ﺛﺒﺖ ﻃﺮﻑ ﺍﻟﺠﺎﻛﻴﺖ ﺑﺎﻟﻤﺴﻤﺎﺭ ..
ﺗﺮﻙ ﺍﻟﻤﻘﺒﺾ ﻓﺈﺑﺘﺴﻢ ﻟﻤﺎ ﻣﺎ ﻧﺰﻝ ..
ﺇﺗﺠﻪ ﻟﻠﺪﺭﺝ ﻭﺑﺪﺃ ﻳﻄﻠﻌﻪ ﺑﻬﺪﻭﺀ .. ﻭﻟﻤﺎ ﻗﺮﺏ ﻣﻦ ﺍﻟﺪﻭﺭ ﻟﻒ ﺑﻌﻴﻮﻧﻪ ﻓﻲ ﺍﻟﻤﻜﺎﻥ ﻭﺣﺲ ﺑﻬﺪﻭﺀ ﻓﻀﻴﻊ ﻣﺴﻴﻄﺮ ..
ﻃﺎﻟﻊ ﻓﻲ ﺍﻟﺴﺎﻋﻪ ﻭﺷﺎﻓﻬﺎ ﻗﺮﺏ ١١ .. ﻟﺴﻰ ﻣﺎ ﺟﺎﺀ ﺍﻟﻈﻬﺮ ..
ﻫﺬﺍ ﺍﻟﻮﻗﺖ ﻭﻗﺖ ﻋﻤﻞ ﺍﻟﺨﺪﺍﻣﺎﺕ ﻓﺨﺎﻑ ﻳﺼﺎﺩﻑ ﻭﺣﺪﻩ ﻣﻨﻬﻢ ﻭﺗﻔﻀﺤﻪ ..
ﺑﺲ ﻟﺤﻀﻪ .. ﻟﻮ ﻣﺸﻲ ﺑﺜﻘﻪ ﻭﻛﺄﻧﻪ ﻣﻦ ﺃﺻ