🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#زهـــرة_ضــاميــة🥀

🌱 #بدايـة_الجزء_الــ⓪⓵🌱
😍ــــــــــــــــــــــــــــــــــــــــــ😍
10


:يا ام امجد فينك يااأمي يا مهجه يا فتو
اقبلت امه وهي متعكزه على عصايتها : ايوه ياولدي اش بك
امجد بملامح حلوه والبسمه تطل من عيونه : فينك يا موهجه
جات مهجه ومعاها بنتها فتو : خير خير اش اللي حصل
امجد رفع مفاتيح السياره وقال : بكره من الصبح تكونو جاهزين حنسافر لمكه
ام امجد اهتزت بفرحه : من جدك يا ولدي
موهجه لمعت عيونها بفرحه كبيره
الوحيده اللي تحركت فتو
: بابا حنروح عند عمه مريم يا حبيبي يا ابويا ..
امجد ضم بنته على صدره وقال : امي ابشرك ولدك اشترى سياره وصار عندي ورشه
ام امجد ناظرت بمهجه نظره ارتحتي دحينا ..
ابتسمت ام امجد : بالبركه يا ولدي
مهجه بندم واعتذار :مبروك حبيبي وسامحني على شكي فيك
امجد تبسم وقرب منها : عارفك يا موهجه من خوفك عليا انا عاهدت ربي وعاهدتكم اني ابتعد وانسى ما كان ..
موهجه دمعت عيونها :ربنا يخليك لنا ويفرحنا بدخلتك علينا كل يوم
ام امجد بفرحه كبيره : هيا بمناسبة السياره الجديده حاعملكم احلى شاي منعنش
امجد بمزاج :ياسيدي ام امجد حتعمل الشاي المنعنش
قربت موهجه من امجد وباست راسه بوسة اعتذار
: سامحني
امجد ضمها من كتوفها : لو ماشكيتي ما كنت سامحتك حسستيني اني مهم عندك
موهجه بنبره حلوه ومن قلبها : انت اهم واحد في حياتي انت ابو بزورتي
امجد بضحكه خفيفه : بس
موهجه بدأ يتلون وجهها خجل : وكمان نور عيني اللي بشوف بيها .

..

يمه ابيك بسالفه وانتي بعد يا شريفه
ام ناصر خير يا ولدي وش عندك
شريفه جلست وبدون اهتمام
ناصر بكل صراحه ومن دون مقدمات
: يمه تراني تزوجت
شريفه فزت واقفه : نعم ..
ناصر : تزوجت ولي سنه متزوج
ام ناصر بهدوء شديد وكاتمه غيضها من ولدها : لك سنه متزوج وامك ومرتك اخر من يدري اجل لا ملامه على ولدك كانه ماشي بدرب ابوه
شريفه بصوت عالي :شلون تزوجت علي شلون ..
ناصر حط رجل على رجل : مثل كل الناس
ام ناصر بزعل : ومن هي اللي اخذتها على ام عيالك؟؟
ناصر : احم تزوجت خالة زوجة خالد السوريه
شهقت شريفه من كل قلبها واغمى عليها
ام ناصر : حسبي الله ونعم الوكيل الحق مرتك ياناصر ..
..

تكررت طلعاتي في الحاره وكنت اختار الاوقات اللي يكون خالي نايم والا غير موجود وكل مره كنت اشوف صياح
وكل مره كان هو يحاسب عني
صياح نساني اهانة فيصل لي
في يوم اسود رحت لأمه هو اللي فتح لي الباب ..
قالي بخلق ضيق :الاهل ماهم فيه
قلت له بدلع : عادي استناهم
استغفر فيصل و كتم غيضه من قليلة الادب : يا حرمه خافي الله وانلمي في بيتكم وارحمي حال خالك المستور لا تفضحينه بسواياك
قلت له : نعم وش تقول انت ؟؟
فيصل بنرفزه واضحه : اقول توكلي على الله وان شفتك جيتي هنا رجلك حشيتها وعلمت احمد ماهو خالك يلللله ..
وصك الباب في وجهي بعنف
اما صياح
من كم يوم وتلفون البيت ما سكت
يرن باوقات خالي يكون برى
كنت عارفه انه صياح بس ما كنت اعطيه وجه ومره وانا راجعه على البيت لحقني
كان الشارع فاضي مافيه احد وهذا شي طبيعي عز الظهر من يطلع الا اللي له حاجه والا يبي يصيع ويدشر
لحقني وقبل لا ادخل البيت مسك يدي
وقال ارحميني يا غزال
سحبت يدي منه ودخلت البيت بس تركت الباب مفتوح
دخل وراي بكل جراءه وانا وقفت معاه قلت له
: يامجنون خالي هنا
قال :مجنون مجنون ردي على التلفون والا بجلس هنا
ضحكت بنعومه قلت له :طيب اطلع خلاص ارد عليك
وفجأه
اختفى صياح وطلع برى البيت ..
..

نمت مثل كل يوم ارجع منهد حيلي واتغدى من الغدا اللي اشتريه وانام بعد ما اوصي هدى
تصحيني قبل الصلاه
اليوم قمت قبل بوقت وقمت اتوضأ طلعت للحوش
وشفت اللي ذبحني نحرني نحر
مسكت الهوز ( خرطوم المويه) و سحبته من الحنفيه بقوه وركضت ابي الحقه
واختفى في ثواني
ومن غيضي منها جريتها للغرفه
وصكيت الباب
وبقوة عشر رجال حسيتها كانت فيني
ضربتها ضربتها وهي تصيح وتصارخ وتطلب الرحمه والسماح وانا ازيد وناري تستعر
الكلبه
ضربتها وكأني بضربي لها ابيها تموت
يا الكلبه البلا كله منك واتهمتي زهره البريه زهره الشريفه العفيفه تحشرج صوتي من قهري فضحتني الله يفضحها
و اظلمت الدنيا وواختفت معالمها
واخر ماقلت : الله ينتقم منك ..
من ساعه و حنا واقفين هنا ولا احد راضي يطمنا
واقفه مع زوجي
وبالي مدري وين أركزه عند خالي اللي مدري عن حاله ووش صار عليه
والا عند هدى اللي اتصلت علي وهي تشاهم ومتنكده وتقولي ألحقي
علي خالي ناصر مات
بسرعه لقطت عباتي وصحيت زوجي اللي كان توه غفى يارب رحمتك والا عند اللي مدري زهره وينها عن خالي؟؟؟!!!
ليه طالعه من بيتها أكيد هدى مهججتها الله يستر
هدى يوم جينا و أخذنا خالي للمستشفى ما أعجبني شكلها صاير شي وشي كبير اللي طيح خالي.
وعفس حال و شكل هدى وانا لازم اعرف
طلع الدكتور. من الغرفه. وقال للاسف سكته دماغيه ومضطرين ندخله غرفة العمليات الان ..
.

بعد ساعات من الانتظار

طمنا الدكتور هو الان في العنايه المركزه وان شاء الله اول ما يفوق
نعرف ونحدد قد ايش الضرر
يارب ألطف فيه يارب قعدت ارددها ومن قلب صادق ..
..

اآآآه يا جسمي يلطمني
استاهل كل اللي جاني ليش ما احترمت نفسي وقفلت الباب وراي
ياربي وش السواة الحين
تذكرت خالي و نظرته لي اول ماشاف اللي صار
وهجومه السريع. علي
تلمست ذراعي اكثر شي انضرب كنت ارد عن نفسي بيدي
وخالي اهتاش وصار يرغي ويزبد ضربني لين طاح
كأن روحه انسحبت منه
لاا لااالا لا
والله خفت اكون ذبحته
قربت بسرعه منه وانا ما اشعر بأي ألم
فزعت والله من شكله
اتذكر اني ركضت للتلفون وباصابع مرتجفه اتصلت على هيا
*خالي مات. خالي مات
وجلست اصيح منهاره
وهيا تناديني.

بعدها بوقت قصير.
جت هيا وزوجها و اخذت خالي الله يستر لا يموت واكون انا السبب ..
..

مكتوم ومخنوق ومربط.
هذا احساسي احس اني
اتنفس من خرم ابره.
واني محشور في اضيق مكان عيوني ثقيله. بفتحها ما قدرت اسمع اصوات حولي بس بعيده
ابي اتحرك بس مربط ابي اتكلم ماقدرت لساني ما يطاوعني وصوتي مو مساعدني
سمعت صوت هدى اي هذا صوت هدى
آخ آخ ودي اصرخ فيها ودي اقوم اذبحها ودي اكتم حسها قليلة الادب
ياحر جوفي حرااااه
ياحر جوفي حرااااه
وبدت تتلاشى الاصوات وتختفي ..
.

تعالي هنا وش اللي صاير لك
نفضت يدها من على كتفي وقلت : مالك دخل
هيا بعصبيه اكبر :هدى وش اللي صار وليش جسمك فيه كدمات ومزرق
هدى بلعت ريقها تبي عذر تبي سبب يسكت هيا عنها: طحت وتعورت
هيا بعصبيه :يا كذابه والله هذي اثار ضرب
وبصرخه :خالي. ضاربك !!!!
هدى بصراخ اعلى : اوههو قلت لك طحت صدقتي كان بها ما صدقتي كيفك ؟
هيا :يا بنت اللذين وش انتي مسويه؟؟وش اللي خلى خالي الحليم الهادي يمد يده عليك ؟؟
قولي؟؟
دخلت هدى الحمام وقفلت على نفسها
وهيا: طيب يا هدى بتشوفين انا لك ..
..

من بعد اللي صار طلعت من الحاره او بالأصح هربت اختفيت يومين
وكنت متأكد ان ابو ناصر عرفني
ياليت من يقولي وش صار
رجعت للحاره وانا اتسحب لين وقفت قدام بيت خلف رفيق العازه اللي لا بغيت انسى همي جيته
عشان اسكر معاه
دفيت الباب برجلي ودخلت لقيت خلف نايم وقارورتين طايحات جنبه مع باكتات دخان فاضيه
مليت كاسه ماء من الحنفيه
وصبيتها فوق راسه
ماصحي الا لمن هزيته بقوه :خلف خلف خلف قم قامت قيامتك
فتح عيونه الحمرا وبالغصيبه تكلم : صياح !! وينك يارجال؟
فز قلبي : ليه وش فيه؟
جلس ونكش شعره وفرك خشمه بكمه : ابد بس ولدك بدر ازعجني
كل شوي يسأل عنك
فز قلبي ورجف من الخوف : لا يكون امي صار فيها شي؟
قمت اركض. للبيت
وتركت خلف وراي يحك شعره
دخلت البيت ولقيت ام بدر جالسه مع بنتي بدور قلت لها: امي فيها شي ..
ضحكت ام بدر. : ههههه لا ماشاء لله
مثل ما هي واحسن
دخلت على امي لقيتها تصلي
امي مره كبيره ومن زمان
ما تقدر تصلي الا وهي جالسه جيت جلست جنبها
انتظرتها تخلص صلاتها
سلمت وعدلت برقعها على وجهها
وناظرتني بعيونها الصغار
وبكل حزم قالت :صياح وين كنت ؟
تلعثمت وكذبت مثل دايم
:كان عندي شغل وسافرت له
ام صياح بنبره :أي هين مثل سفراتك دايم
جسلت عند رجولها النحاف وحبيتها وهمزتها
قالت لي: صياح اترك عنك هالدرب وانتبه لنفسك وصن بيتك وعيالك

تنحنحت وكالعاده
امي تحسسني باني غلطان بس هي.
ماتدري انا وش مسوي
ياويلي لو تدري عز الله بتسود عيشتي
سكت مارديت عليها
وهي بدت تسبح وتستغفر
وانا مددت جسمي جنبها ورحت في سابع نومه ..

..

العنود متأثره ودموعها بعيونها : يمه تكفين كلي معي هاللقمه
شريفه : مالي فيه يا حبيبتي
عنوده :يمه لازم شوفي وجهك شلون صار
شريفه : خلاص خليه هنا شوي باكل
عنودة :يمه تكلمي فضفضي قولي اللي بقلبك
شريفه : وش اقول وليش اقول اقول ليه تزوجت ؟.والا بأيش قصرت معاك
الحمد لله عيال وجبت لك وبيتك وضيوفك قايمه فيهم والا اقول انا مقصره في كل شي شفت نفسي عليكم وتكبرت
اغتنيت وتجبرت ..
بضحكه فيها مراره : الله يرحم ايام اول يوم ما ألقى من يعبرني والا ياخذ بحسي كنت ذليله مع اخوي لو ما حرمته مدحتني عند ام ناصر
واعجبتها كان الله اعلم بحالي مع اخوي اللي ما صدق وزوجني
جدتك كانت طيبه معي من البدايه بس ما حبيتها ودي ان ناصر لي انا خاص فيني ولو على كيفي ما يناظر امه ابي حبه لي انا وعطفه علي
انا وغلاه لي انا ونظراته لي انا وشوره مني انا بس ماكان دايم على هواي
ام ناصر ما قدرت الغي وجودها لانها بشخصيه قويه
حولت على زهره من هي طفله ما حبيتها كانت تذكرني بنفسي يتيمه وضعيفه بس فرقي عنها انا عشت مع اخوي القاسي وهي عاشت معانا
وام ناصر كانت تحبها كنها بنتها وانا محد حبني كأني بنته والا اخته
دورت المحبه فيكم ياعيالي انتي وخالد
زاد غروري وجفافي مع اللي حولي لمن تكبرت عليه وجفيته ونسيت انه اكيد بيدور غيري وحب غيري ..
..

وش اللي صار وش فيه خالي تعبان وليه ما علمتوني وكمل بعصبيه :
له اسبوعين تعبان ولا احد علمني ليه ليه ؟؟
هيا:يا ابن الحلال هي بشرى نبشر فيها وانت برى وش بتسوي الله يعين بس
احمد :طيب متى ا

لزياره ؟
هيا بهدوء :الزياره ممنوعه كل ما زرناه تعب
احمد :طيب هو وعى عليكم تكلم ؟
هيا: لايا قلبي عليه بس شكله يحس فينا
احمد :طيب انا بروح له هالحين واشوف وش حالته
هيا: اصبر بجي معاك
احمد بعجله : لا بروح لحالي
هيا بتردد: احمد زوجته ما تدري عن تعبه ..
احمد. : ايش وليش ما تدري ؟!؟!؟
هيا هزت كتوفها : الظاهر انها على خلاف معاه وهي الحين عند ام ناصر
احمد باستهجان: على خلاف وهم بها العمر الا قولي رايحه توسع
خاطرها مع العجيز الثانيه خلاص انا امر بيت ابو خالد وابلغها ..
..

ام ناصر:زهره يمه ألبسي عباتك
زهره كانت حاسه بملل فضيع : ليه يا عمه
ام ناصر :مدري بس ابو خالد يقول ان احمد بالمجلس يبي يكلمك
لبست عباتي وانا اقول الله يستر وش ممكن يجيبه معقول
ابو ناصر مرسله يبيه يقنعني ارجع
بلا سخافه وش دخله هو ووجهه
وقفت عند باب المجلس وسلمت
رد ابو خالد وقال:هذا احمد ال.... جاي يبي يكلمك
سلم احمد وقال شلونك يا خاله
رديت بنرفزه: بخير
قال احمد.:يا خاله خالي ابو ناصر تعب علينا
وهو الحين بالمستشفى
شهقت بفزع : وشو بالمستشفى وش فيه؟
احمد :يعني ما عندك خبر
""هذا وش يخربط
ابو ناصر بالمستشفى طايح وانا اعرف وما اكون جنبه وش يقصد؟؟
رد ابو خالد :والله ما عندنا خبر ليه هو من متى تعب ؟
احمد: له اسبوعين
زهره مغتاضه وبصوت باكي : له اسبوعين ولا تعلموني حرام عليكم
احمد بجمود : انا رايح كان بتروحين معي يالله
زهره بعصبيه :شكرا بروح مع سواق عمتي أم ناصر
احمد بقلبه " عمتي ام ناصر وانتي كبرها الحمد لله والشكر
رد بحده لها ماله داعي: انا هالحين ماشي استناك بالسياره
واستأذن من ابو خالد وطلع
وانا رحت اركض لأ م ناصر وعلمتها
واخذت شنطنتي وطلعت له وركبت ورى.
وهو على طول مشى طول الطريق وانا قلبي يرقع
من الخوف على ابو ناصر
لقيت نفسي اسأل هالبارد
: ليه توكم تعلموني حرام عليكم لا يكون تعبان مره
قال هو بمنتهى الجلافه : انتي اللي ليه ما سألتي عنه اسبوعين معقول ما شكيتي انه تعبان فيه شي ما فقدتيه ؟؟؟
رديت عليه بعصبيه :مهما كان لابد انكم تعلموني
احمد " اخص يالعجيز لابد ومهما كان بعد.!!!!!
رديت عليها وانا زهقان منها مالها عذر وتحط اللوم علينا : انا يا خاله اليوم جيت وعلمتني هيا
وهي اللي قالت انك يمكن ما تعرفين وجيت وهذاك عرفتي

""وبقلبي قلت ليه هدى ما علمتكم عن اللي سوته فيني وكان سبب طلعتي من بيتي حسبي الله عليها حسبي الله عليها

وصلنا للمستشفى
وتوجهنا للعنايه المركزه
وطبعا منعونا من الدخول
الدكتور :ممنوع لان المريض يتأثر كل مره من زواره
قال احمد. معليش دكتور هذي زوجته بتتطمن عليه ومن دون كلام ..
زهره بصوت باكي : والله يا دكتور
ولا حرف بس اشوفه بس
قال الدكتور: طيب خمس دقايق بس
دخلت وانا ارجف وجت عيني على السرير الابيض هبط قلبي من منظره
يالله هذا ابو ناصر
وين ابو ناصر !!!
السرير كأنه فاضي
ما فيه. شخص نايم جيت يمه
حاولت اتماسك
ومسكت يده وضميتها بقوه لصدري
وهمست : ابو ناصر
وانتظرت منه يرد علي
بإلحاح: ابوناصر تكفى لا تخليني من لي بعدك ..
وإصرار ودموع :ابو ناصر رد علي شفني جيتك وجنبك تكفى رد علي ..
حسيت باحد وراي
ما اهتميت : ابو ناصر الله يخليك رد رد لا تتركني بها الدنيا لحالي
وانهرت اصيح
سمعت احمد يقولي : ياخاله ماهو كذا سمعتي الدكتور وش قال اطلعي خلاص
قلت له برجاء باكي : لاا تكفى خلني هنا الله يرحم والدينك والله ولا حرف ولا كلمه
وحطيت يدي على فمي
اكتم انفاسي ..
احمد : لا حول ولا قوة الا بالله شوي بس بعدها تطلعين والا الدكتور بيطلعك
وقرب من خاله وحب راسه وطلع
حطيت يدي على راس ابو ناصر
وبصوت مهتز حزين قريت عليه
وقبل لا اطلع مسكت يده ورفعتها لشفايفي وبستها
وهو شد على يدي بوهن ..
بكل لهفه ناديته : ابو ناصر تسمعني
رجع رص على يدي بضعف
وبدت عيونه تتحرك يحاول يفتحها
ركضت لبرى وصرخت على احمد : ناااد الدكتور بسرعه تكفى ..
ورجعت بسرعه عنده
دقيقه ودخل الدكتور وهو يلهث : خير في ايه
: حس فيني يادكتور والله حس فيني
قرب احمد من ابو ناصر.
وكلمه :خالي خالي تسمعني.
ابو ناصر واضح عليه انه يسمع من حركات جفونه وضغط على يدي اكثر وكانت الدقايق كنها سنين وانا انتظره يفوق ويفتح عيونه دعيت ربي ان يخليه لي لاني محتاجته كثير ما ابي اتخيل الدنيا بدونه ما ابي ما ابي ..

فتح عيونه ابو ناصر بصعوبه
ناظرني وعيونه تدمع
وانا من فرحتي بشوفته واعي طحت على صدره اصيح
: ياربي لك الحمد
تنحنح احمد وبإاحراج :ياخاله وخري شوي خلي الدكتور يشوفه
تحركت من جنبه لان الدكتور يبي يفحصه
وطلعت من الغرفه بكبرها ورحت للمصلى صليت ركعتين شكر لله ..
..

: جده اتصلت ام فيصل هي وام حسين بيجن بعد صلاة العصر
ام صياح :الله يحييهم علمي امك
بدور بإحراج : جده امي تعبانه وبغرفتها انادي لك مرة ابوي
ام صياح : تعبانه!! نادي لي الثانيه ولا تقولين لها ان الحريم بيجون اخاف تتعب بعد الثانيه مثل امك ..
بدور :جده ماعليك منهن انا عندك واقوم بك وبضيوفك انا افدى

هالعيون الوساع ..
ام صياح بضحكه خفيفه : الخلا يابنت بنت صياح لا تحسدين عويناتي تراي يالله اشوف بهن
بدور بضحكه حلوة: هههههه يلوموني بغلاتك ياجده بروح انادي مرت ابوي واجي ارتب لك غرفتك ..
ام صياح : ترتبين غرفتي و الا تفتشينها تبين من الحلاو اللي انتي خابره
بدور: هههه دايم كاشفتني عندك من هالحلاو والا خلص ؟
ام صياح:مدري انتي تعالي رتبي وفتشي وان لقيتي شي خذيه
بدور راحت ونادت مرت ابوها.
ام بندر :هلا يا خاله امريني.
ام صياح: بيجوني جارتي اليوم وابيك تقابلينهن وتقهوينهن
ام بندر بتهرب كالعاده : اااا ياخاله بندر تعيبان عليه قل صح ورى ماتقابلكن ام بدر
ام صياح عصبت وبحده :انا اخت اخوي بندر من اليوم وهو عندي يلعب.وماشفته تعبان ولاشي.وضرتك مثلك رديه كل وحدتن منكن تحذفني على الثانيه ما اقول الا الله يغنيني عن خششكن انقلعي الله لا يشكر فضلك ..
طلعت ام بندر تحلطم
ودخلت بدور. :جده هذاني جيتك وامريني.
ام صياح: يا بنيتي قولي امين.
بدور من قلب :امين
الجده : يا عساني افرح فيك عروس
بدور : جده توني صغيره وش هالدعوه
ام صياح : مصيرك بتعرسين ويارب اكون حاضره يا بنيتي
بدور : الله يكتب لك طولة العمر ياجده وتزوجين عيال عيالي ..
.

ام حسين تمد فنجال القهوه على ام صياح :
وينهن حريم ولدك
ام صياح متفشله من جاراتها : قطع يقطعهن كلن مخنز بغرفته
ام حسين بسخريه : وراهن مخبيات عرايس والا يستحن !!
ام فيصل تغطي فمها بطرحتها من الضحك
ام حسين بضحكه : وانا صادقه كل ما جيناك الا وهن مندسات مايبن الناس والا وش سالفتهن ؟
ام صياح :لا والله ما يبني يستثقلن خدمتي وشوفة عينكن لولا الله
ثم هالبنيه الله يخليها لي كان محد عبرني
ام فيصل وام حسين : الله يخليها لك ويوفقها
ام فيصل حبت تغير السالفه : مرتني البارح هيا بنت اخت ابو ناصر تعلمني عن خالها الضعيف مرقد بالمسشفى وصار مشلول .
ام حسين لوت فمها بقرف : ما ابي احلف بس ما جلطه وشله غير بنت اخته العقربه
هديهد
ام صياح : وش سالفتها هالحرمه
ام حسين : وحدة شايفه نفسها ومستقويه على مرة خالها الاجوديه لمن هججتها من بيتها واللي مافيها خوف الله تمشي بين الناس تكذب عليها ..
ام صياح : كره وجه والله ..
ام حسين : يالله يارب ان تاخذ لها واحدن يدق خشمها دق وان يكرها عيشتها مثل ما كرهت زهره بعيشتها
ام صياح : وزهره وينها هالحين
ام فيصل : الضعيفه واقفتن على راس رجلها بالمستشفى تعلمني هيا انها ترجتها ترجع ترتاح حلفت ما تطلع منه الا وهو معاها ..
ام صياح : الله يخليه لها هذي الحرمه الاصيله مو البقرتين اللي عندي الله يصلحهن والا يقلعهن
ضحكن على ام صياح وكناينها واستمرت الجلسه الحلوه بين الجارات
وقبل صلاة المغرب راحن لبيوتهن ..

..

واقفه من يومين على حيلي
رحت اتوضا واصلي رجعت لغرفة ابو ناصر لقيت هدى توها واصله واحمد معاها
دخلها الغرفه وطلع
ترددت ادخل الغرفه وهي فيه بس
فكرت انها بتنكد على ابو ناصر وتتعبه
دخلت وسلمت
وهدى واقفه مثل الصنم ما تحركت
ابو ناصر ناظرها وتغيرت ملامحه
واسود وجهه وصد عنها
جيت جنبها وقلت : اطلعي لا تتعبينه ..
قالت هدى بكل غل : كله منك كله منك يا وجه البوم
شهقت من كل قلبي : انا انا السبب حسبي الله عليك اطلعي برى اطلعي ..
طلعت هدى
ورجعت جنب سرير ابو ناصر
سبحان الله خلق وفرق هيا وهدى
جت هيا قبل يومين وحاولت تقنعني ارجع معاها للبيت عشان ارتاح بس انا رفضت
شلون ارتاح واهتني بنومي وابو ناصر تعبان
وهدى يوم جت رجعت تبلاني حسبي الله عليها
الله ينتقم لي منها
ابو ناصر قاطع قلبي كل مارفع عينه لي تدمع قربت الكرسي من سريره ومسكت يده وقلت له : الا دموعك يا ابوناصر ما اتحملها تكفى انسى خلاص وكن اللي صار ماصار ولا حصل ..
تحولت دموعه لبكى يقطع القلب
كان يحاول يتكلم معي بس لسانه ثقيل ومافهمت منه الا انتي بريئه ..
حبيت راسه : يكفيني اني بريئه بعيونك وان شكك فيني وزعلك علي ماهو سبب تعبك اللي انت في
ونزلت راسي على السرير اصيح
فزيت على صوت نحنه وراي عدلت عباتي التفت وشفت احمد وجهه احمر وعيونه تقدح شرار
طنشته وابعدت كرسيي وقمت واقفه
عشان هو يجي مكاني جنب خاله
قالي احمد بجفاف :يا خاله لو تطلعين للمصلى هالحين عشان في رجال بيزورون خالي
قلت : طيب وطلعت ..

..

ضاقت نفسي من الكلام اللي سمعته مرت خالي تطرد هدى من غرفة خالي فيه شي صاير بينهم وشي كبير
اجلت التفكير الى ما بعد زيارة خالي
دخلو الرجال يسلمون على خالي
وتطمنو عليه وجلسو خمس دقايق
ابو فيصل : سلامات يا ابوناصر ما تشوف شر ..
فيصل :لاباس طهور ان شاء الله
امجد: سلامتك سلامتك يا ابويا ما على قلبك شر ..
حسين :الف لاباس عليك يا عم
وحنا جالسين
دخل علينا شخص اول مره اشوفه بملامح جاده ونظاره شمسيه وهندام مرتب
سلم وقرب من خالي وسلم على راسه وجلس من دون كلام
خالي قلب وجهه احمر وانتفض وبدى يضيق
الرجال شافوه كذا استأذنو
: نستأذن نخلي ابو ناصر يرتاح
وطلعو
وقام الرجال واللي عرفت
انه جار لخالي و ساكن بأخر الحاره ق

ام بيروح من عند خالي مع الرجال ..
تكلم خالي بصعوبه شديده وكان غير واضح

:اق ع د يا ص ي اح ابي ك
كان يبذل جهد غير طبيعي
قال صياح بتردد غريب : حاضر يا ابو ناصر تأمر ..
قلت لخالي :انا بروح شوي وراجع
طلعت ومشيت خطوتين
تذكرت مفتاح السياره على الطاوله اللي في الغرفه ورجعت وقفت بيني وبينهم الستاره وسمعت واللي انقال ..

..

من بعد ما طلعو الجيران من ابو ناصر
حبيت راسه قلت له :يا ابوناصر ترى انا غلطان واللي تامر فيه يجيك
قالي وعيونه زاد حمارها وبدى يتنافض بقوه
وبكل صعوبه
:ك ل ب ت ك ت اخ ذه ا ب ك ره
(كلبتك تاخذها بكره )
فاجأني يوم قالي ذا الكلام
كمل ابو ناصر بحروف مقطعه : تملك عليها بكره سامعني
صياح : الليله لو بغيت يا ابو ناصر بس ارتاح الله يخليك
صد عني وقال : انقلع برى
طلعت منه ولقيت احمد في وجهي وشكله سمع الي انقال لانه مسكني من ثوبي وقال
: وش انت مسوي ومخلي خالي يتعب بهالشكل ومن هي اللي تملك عليها بكره من هي ؟؟
بلعت ريقي من الخوف : وقلت تعوذ من الشيطان واهدى انا اعلمك
تركني وقال بدخل اجيب مفاتيحي ويا ويلك تحرك من هنا
رجعلي بثواني وطلعنا من المستشفى
ووقف يستناني اتكلم
قلت له : خطبت من عند خالك
قال احمد : من خطبت ؟
تلعثمت مدري من هي اللي خطبتها
قلت له: ما اعرف من هي بس كنت اشوفها
ما امداني اكمل كلامي الا وهو راصني على السياره وماسكني من حلقي : وين كنت تشوفها يالكلب وين ؟؟
قلت له : بالحاره وين يعني بشوفها
تركني وراح بعد ما ناظرني بقرف : قال
والله والله لو ادري ان لك يد بطيحة خالي ومرضه محد يفكك مني سمعت وتركني بقوه وراح ..

..

يا ويلي يا ويلي
احمد شكله عرف يا ويلي ويلاه
دخل السياره وهو بيشب من الزعل
قالي :انتي وش انتي مسويه
بلعت ريقي الجاف وقلت : ما سويت شي
احمد :ياااا وسكت
وقال :هدى انا للحين ماسك اعصابي وش انتي مسويه قولي
رفعت صوتي واهتز : وش انت سامع ها قلي وش سويت احدن كاذبن علي عندك اكيد انها زهره الله لا يوفقها ..
صرخ فيني وقال : اص ولا كلمه الحين تأكدت انك مسويه شي وشين كبير محد قالي بس انا بعيوني شفت وباذني سمعت
زهره ليه طردتك من غرفة خالي وانتي بكل غرابه سكتي لها ليه ليه ؟ ومن هو صياح وش انتي مسويه اللي خالي قاله يملك عليك بكره ..
هدى طارت عيونها واهتز كيانها وردت بانكار :مدري عنها انت شفت انها طردتني وسكت لها ومادري من هو صياح مدري من هو ..
احمد : هو يقول انه خطب من خالي بس خالي هو اللي قاله يملك من يقصد يعني ..
رديت : مدري يمكن يقصد زهره
احمد بصرخه وعصبيه : زهره زوجة خالك ..
هدى بخبث :أي وإذا يمكن انه يقصدها
: انتي وش تخربطين صياح يقول انه كان يشوفها بالحاره
هدى بوسوسه مثل ابليس : أي هي اصلا ما تقر دايم برا ..
😍ــــــــــــــــــــــــــــــــــــــــــ😍
#الـى_هنا_ينتهي_الجزء_الـ⓪⓵
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼

🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#زهـــرة_ضــاميــة🥀

🌱 #بدايـة_الجزء_الــ⓵⓵🌱
😍ــــــــــــــــــــــــــــــــــــــــــ😍
11


سكت وانا اغلي من الغيظ
الله ياكبر قهرك ياخال وش اللي صايرن معك وهد حيلك
وصلت هدى ورحت لهيا
هيا هي اللي بتعلمني وسألتها : من متى ومرة خالي طالعه من بيتها ..
هيا : من زمان لها كم شهر ..
احمد : وليه وش اللي صار ؟
هيا : مدري والله بس اكيد ان هدى هججتها من البيت اختي واعرفها ..
احمد : هيا يوم اخذتو خالي ووديتوه للمستشفى هدى وش سوت
هيا تنهدت : وقتها ما انتبهت بس يوم رجعت لها اليوم الثاني الا شكلها مكفخه وعلى يدها كدمه وجسمها يعورها يوم سألتها قالت لي طحت وتعورت بس ماصدقتها انا اشك انها سبب طيحة خالي
فزيت من مكاني واخذت مفاتيحي وقفتني هيا عند الباب

اصبر وين انت رايح

: ابي اروح اشوف هالكلبه شكلها موطيتن روسنا ..
..

دخلت عليها و انا الشرر يتطاير من عيوني ناظرتني والخوف يطل من عيونها المذنبه
قالت بخوف : خير احمد وش فيك ؟
قلت :تعالي وراي
ولحقتني
:كلمه وحده يا هدى وش انتي مسويه مع صياح الكلب
بلعت ريقها و حطت يدها على رقبتها : ما سويت شي
صرخت عليها : هدى ولعنه تلعن أبليس و اعوانه ليش خالي قاله يملك بك بكره وصياح يتعذر منه ليش ليش ؟
فزت واقفه وقالت :وانا وش دراني لا ترمون بلاوي زهره علي هي تصيع وانا اللي آكلها
سكتها بكف من يدي لف وجهها لف
مسكت يدها بقوه ولويتها ورى ظهرها : اص ولا كلمه يا حيوانه مرت خالك المره العفيفه العاقله تحطين بلاك عليها
وصرخت عليها بحده :يله قولي وش انتي مسويه وليش خالي ضربك وش اللي شافه وخلاه ينجلط ..
ناظرتني منبهته : وش دراك أن خالي ضربني ؟
هو تكلم قال شي ؟
قلت لها: أي يا الكلبه تكلم وقال عن سواد وجهك
قالت: والله مالي دخل هو اللي لحقني ودخل البيت وراي
""انا رميت كلامي كذا ما توقعتها تعترف
نزلت عقالي و ضربتها الين تكومت قدامي
انا يا هدي تندسين شرفي وسمعتي
رفستها برجلي وطلعت شبه اركض
لبيت صياح اول ما وصلت
رجفت الباب بقوه الى ان فتح لي وشكله تفاجأ فيني
قالي: تفضل
قربت منه وانا اغلي : اسمع كلمه ما اثنيها بكره الصباح نروح للمحكمة وتملك و تاخذها ولا عاد اشوفها ابد سمعت والله ثم والله ان تأخرت والا بس فكرت انك ما تجي ان اشرب من دمك
وتفلت عليه وطلعت

ركبت سيارتي ورحت للبر ابي اتنفس من ضيقتي حسيت البيوت تطبق علي
وصلت للبر وقفت السياره بقوه.
ونزلت اركض باستفرغ
الحيوانه ما قدرت عمرها وانها ام عيال ولا خافت من الله في نفسها وفي مرة خالي يوم تتهمها
انسدحت على التراب وانا منهد حيلي ابي شي يبرد خاطري
فكيت ازارير ثوبي ابي اتنفس
ودي ارجع وأضربها بعد يمكن يطيب خاطري مقهور الله يقهرها
..

دفيت الباب المفتوح ودخلت بيت خالي ورحت للغرفه اللي تنام فيها هدى
لقيتها تون وتتأوه
قربت منها الا وجسمها كله كدمات واثار العقال باينه
حتى وجهها موسم فيه قلت لها وش صار
جيت بجلسها صرخت من الوجع ااااه
: احمد ذبحني يا هيا الله يكسر ايدينه الحيوان
هيا :لا تدعين عليه حرام عليك
هدى ببكا وغيض :الا بدعي عليه شوفي حالتي .
قامت تصيح وتدعي على احمد
"مدري وش اسوي بها
حالها يبكي بس تأن
الله يصلحها هذا جنايتها على نفسها


دخل علينا احمد بعد ساعات وحذف علي كيس فيه فكس خليها تدهن فيه عساها الموت
بكره بتروح مع زوجها ..
هيا بفرحه : عبد الهادي رجعها ..
احمد بإستحقار كامل : هه طبعا لا بكره بتكون حرم الداشر صياح ابو الحريم الثنتين واختك بتكون الثالثه ..
زاد صياح هدى : ما اخذه لو تنطبق السما على الارض
احمد قرب منها ولوى يدها بقوه : تاخذينه وانتي ما تشوفين مالك قعده هنا
هدى بعويل : ما ابي مابيه
احمد: اختاري صياح والا القبر لاني بموتك لو شفتك مره ثانيه
هيا: احمد الله يهداك وش السالفه
احمد بصوت عالي : اختك المره العاقله مدخله رجال غريب في بيت خالي وخالي شافها والله اعلم من متى تواعده وكم مره خانتنا ..
هدى ببكى: ما دخلته هو اللي لحقني.
احمد وهو يصرخ فيها :انكتمي انكتمي لا اجي اسد فمك

جريت احمد بالقوه برى الغرفه
وصكيت الباب
قلت له :احمد صدق بتزوجها بكره
احمد يمسد راسه بعصبيه : خالي اتفق مع الكلب صياح يملك وياخذها.
هيا بصدمه :كذا لا عشى لا عزيمه على الاقل تعلنون للناس
احمد يغمض عيونه تعبااان : ما تستاهل وارجوك خلاص انسي ان لك اخت اسمها هدى وانا تراني نسيت ..

..

وش اللي جبرك تزوج وش معنى هالحرمه بالذات!!
صياح : يمه مافي شي جبرني انا خطبتها وخالها واخوها زوجوني ..
ام صياح : انت خابر يا صياح اني من زمان رافعتن يدي من امور زواجك سوي اللي تبي بس من الحين اقولها لك
مرتك كلبه مثل ما سمعت ان قربت صوبي والله ان تطلع انت وذرك برى بيتي ..
صياح يحضن امه ويحب راسها : يمه انتي المبداه وهي ان راحت والا جت بنت الناس وان غلطت عليك ما انا براحمها انتي بس قولي لي
ام صياح بسخريه : بشرت حريمك بزواجك المدري كم
صي

اح :بقوم اعلمهن الله ياخذ ازوالهن
وطلع منها
..

صباح اليوم التالي

طلعنا برى المحكمه واحمد اشر لي ألحقه
وصلنا عند سيارته فتحها
وسحب هدى من يدها ودفها ب قرف علي
:استلم مرتك
ومن دون كلام ركب سيارته ومشى وخلانا
مسكت يد هدى وقلت لها : اخيرا يا غزالتي
سحبت يدها بقوه من يدي
وقالت ببكى وصوت مخنوق : انقلع الله ياخذك انت السبب
قلت لها وانا اضحك : على قلبي مثل العسل
وسحبتها من يدها وركبتها السياره
وتوجهت لبيتي

دخلنا البيت من باب خلفي لغرفه دايم لا تزوجت جبت عروسي فيها
دخلنا وقفلت الباب متشوق اشوف غزالتي
نزلت نظارتي وقربت منها
قلت لها نزلي غطاك ..
ردت علي بحده : تخسى انزل غطاي لك
ضحكت الى ان بانت ضروسي : ههههه نزلتيه قبل وبتنزلينه هالحين يله بلا حركات مالغه
ومديت يدي لغطاها ودفت يدي
قلت لها : بالطيب يا هدى احسن تراني مالي صبر ولا طولة بال
وسحبت غطاها عن وجهها طارت عيوني : وش فيه وجهك ليه كذا من ضاربك
صاحت بقهر :الله يكسر يده احمد وانت السبب الله ياخذك
وقامت تصيح وتندب حظها
نرفزتني ما في وحده من حريمي تجرأت تدعي علي قدامي وف وجهي شديتها من شعرها وقربتها مني : لا تكلمتي معي تكلمي بأدب سمعتي
ودفيتها عني الى ان طاحت بالارض خلها تعلم الادب
قلت لها : اقعدي هنا ويا ويلك تكلمين مع احد او يطلع لك حس
وطلعت وقفلت الباب وراي بالمفتاح ..
..

طحت على الارض اصيح وادعي عليه الله ياخذه الله يا خذك يا احمد انت اللي رميتني عنده
من البارح وانا اصيح جسمي كله يعورني وراسي بينفجر من الصداع
وهذا الوصخ المروح كمل علي
مديت يدي لشعري امسد مكان ماشده الا خصل طلعت لي
احمد وصياح نتفو شعري
انا شلون بعيش مع هالشين
يمه يوم نزل النظاره ليته قعد لابسها اقبح عيون شفتها صغيره ومحاجره سودا
والا فرته يوم ضحك كنه فتح فرن اسود الله يقرفه المعفن ..
..

منيرة : يا عمه ودي تكلمين زهره وتقولين لها اني حولتها منازل عشانها ما داومت
ولا يوم وعارفه انها حابه تدرس
ام فيصل : الله يجزاك بالخير ضعيفه على قد ما كانت متحمسه ترجع تدرس الا ان الظروف عاكستها
منيره :بالله يا عمه نبهيها باقي على الاختبارات فتره بسيطه خليها تشوف نفسها
ام فيصل : مدري اخاف انها تبدي ابو ناصر على الدراسه
منيره:قولي لها تدرس احسن شي محد بنافعها هالشايب بيروح ويخليها وهي وش بتسوي له ما درى عنها فيصل يقول
يوعى ساعة ويغيب ايام ..
ام فيصل بحزن على حال زهره : ايه الله يعين على هالدنيا محدن مستريح ان شاء الله اقولها وتطيع الشور ..
..

انتي وش تبين ؟
فريزا : ما بدي شي بس جايه شوف شيري اشتقتلآ
خالد زفر بعصبيه وفتح الباب : تفضلي
جلست وانا جدا موجوعه من اسلوب خالد معي شو عملت انا كفرت يعني لما اتجوزت ابوه !!
عدلت تنورتي الطويله الفضفاضه
وجلست انتظر شيري
طلت علي بعد دقايق وهي خجلانه : شو بتخحلي مني شيري انا خالتو فريزا
ومديت ايدي وسحبتا لحضني
:يالله شو مشتاقه إلك يا قلبي
شيري بعفويه وبراءه : خالتو شو عامله بنفسك
فريزا : ما عملت شي
مدت شيري يدها لحجاب فريزا : شو هاد
فريزا بضحكه: هاد حجاب وان شاء الله لما تكبري بتلبسيه متلي
شيري بفخر طفولي : انا لما اكبر بدي ألبس العبايه واغطي وشي متل خالتو سلمى
فريزا بضحكه حلوه : ماشا الله حلو هيك احسن كمان
وسألتها وتمنيت تكون اجابه ترضيني : مبسوطه شيري وانتي هون مع بابا وخالتو سلمى ..
شيري شعت عيونها بالسعاده : كتير كتير انا بحب خالتو سلمى اكتر اشي يا ريتا هيا ماما عن جد
فريزا: حبيبتي انتي خلاص قولي إلها انو بدك تناديها ماما ..
دخلت سلمى ومعاها صينيه فيها العصير :اهلا اهلا حيا الله من زارنا ..
نزلت الصينيه وسلمت علي بحراره سلامها كان حار وفيه موده
وترحيب على عكس خالد اللي حاقد علي ..
جلست سلمى بعد ما ضيفتني كاسة عصير
نطت شيري في حضنها
وسلمى لمتها بيدينها.
تبسمت وقلت : شيري بتحبك كتير
سلمى قرصت خد شيري بخفه : وانا احبها بعد هذي صديقتي
شيري ضحكت. : اي اي احنا صديقات
دخل خالد وجلس معنا ولو كان بيده يخنقني كان عملها
سلمى بنت بمنتهى الادب و اللطافه كانت تحاول تخلي الجو لطيف
لكن خالد ماكان يسمح بهذا الشي
قلت لخالد : بدي اخد شيري عندي كمن يوم ..
خالد بكل رفض : لا
وحاولت اكون بارده : ليش لا مشتاقه إلها ومحمود كمان بدو يشوفا ..
خالد ببرود اكثر : كل ما اشتقتي لها تعالي ومحمود نفس الكلام يجي الله يحييه ..
سلمى حاولت تغير الموضوع بلطافه : شيري هاتي ألبوم الصور اللي
اخذناها من اسبوعين عشان تشوفها خاله فريزا ..
قمت من مكاني وقلت لسلمى : لا تعي هون شيري بوسيني بدي روح ..
سلمى : لا خليكي معانا على العشا
ناظرت خالد وقلت : شكرا يا قلبي ما بقدر اتأخر مره تانيه ان شاء الله ..
بوست شيري شكرت سلمى على حسن الضيافه والاستقبال
وطلعت و انا مقرره ما برجع هون ابدا طالما خالد هيك بدو يتعامل معي ..
..

انفتح الباب بقوه وفزيت من نومي المتقطع
: هلا بالعروس !!!

وقفت بسرعه وانا ارتب شكلي :من انتن ؟؟
:هههههه حنا خواتك قص

دي ضرايرك ...
ام بندر تناظر ام بدر : انتي شايفه ذوق الشيخ صياح شلون تغير
ام بدر بسخريه : اي شايفه صار ذوقه زباله بالله هذا شكل والا هذا زول مره
ام بدر ههههه : تصدقين من تشبه
ام بندر : من يا حظي ؟
ام بدر بضحكه :تشبه نعيمه الصغير اللي كنها ساحره
ام بندر :بهذي صدقتي وقربت من هدى
: مبروك عليك صياح عز الله بتنبسطين بهالزواجه وحنا بعد بنرتاح شوي من خشته الوذره ..
وطلعن وانا ما نطقت ولا حرف ماني قادره اتكلم معقول انا يصير فيني كذا الله ياخذك يا احمد ..

..

قمت مفزوعه

والتفت على ابو ناصر لقيته ينازع عيونه شاخصه ونفسه متقطع ركضت برى للممرضات
: الحقوني زوجي شكله مره تعبان
دخلو الغرفه وراي
حاولت الممرضه تسعفه
واستدعت الدكتور
بدقايق كان موجود شافه وقالي : الله اعلم بس الوالد بيحتضر ادعي لو

شهقت : لاا لااا لاااا ابو ناصر تكفى خلك معي لا تخليني مالي من عقبك احد يا ربي لا تفجعني فيه ياربي سندي في هالحياه من دونه بضيـــــــع
من دونه بضيــــــــــع
واغمى علي
..

صحيت مفزوع على صوت التلفون
ياربي سترك
كلموني من المستشفى
تعال بسرعه خالك جدا تعبان
وصلت وانا ألهث قبل لا ادخل الغرفه وقفني الدكتور
وقال عظم الله اجرك
مسحت عيوني بقوه ما ابي دموعي تبان
وقلت: لا اله الا الله لا اله الا الله اللهم آجرني في مصيتي واخلفني خيرا منها
دخلت على خالي الله يرحمه وسلمت على راسه البارد
وبكيت عجزت اتمالك نفسي هاللي ماات ماهو خالي بس كان ابوي اللي ربانا واهتم فينا من حنا صغار
حزين ان ابوي مات اليوم ..

..

وعيت على نفسي وانا بحضن هيا حبت راسي ودموعها تسيل
تصبري يا زهره تصبري رجعت لواقعي المر
سألتها :وش صار لا ابوناصر ؟
عجزت تنطق هيا وقفت الكلمه بحلقها بصعوبه همست : الله يرحمه توفى
ابو ناصر ماااااات وتركني وحيده
دعيت. من كل قلبي
يارب الثبات يارب الثبات
ودفنت وجهي في صدر هيا دقايق وانا اصيح
ما حسيت الا وانا انسحب من حضن هيا
والقى عمتي ام ناصر تلمني لحضنها
ارتفع صوتي بالبكا يوم شفتها : ياعمتي مات ابو ناصر وخلاني وحيده مات وخلاني بلا سند ..
ام ناصر تضمها بقوة : اشششش بس يا يمه اذكري الله انا معاك ولك وربي ما يخليك وابو ناصر ربي رحمه
تراه كان يابنتي يعاني الموت له رحمه

" وانا ابي ارتاح تعبت اكون وحيده تعبت اكون عاله على غيري استغفر الله واتوب اليه "
..

ظلام
احس الدنيا مظلمه كل شي بعدك يا ابو ناصر
مظلم وكئيب وباهت
اليوم ثالث يوم في العزا
استقبلت المعزين في بيتي
حاولت عمتي ام ناصر تخليني عندها واخذ عزاه عندهم بس انا رفضت اصلا عمتي استماتت عشان اقضي حدادي عندها بس انا رفضت وبشده
هيا الله يسعدها معي طول الوقت
وعمتي ام ناصر تجيني الضحى
وتروح من عندي الساعه عشر والجيران كانو معي وحواليني ما خلوني ابدا واحمد اخذ عزاه في بيته وما قصر ابد تكفل بكل شي الله يجزاه خير

بعد صلاة المغرب
دخلت علي هيا : زهره احمد يقول اجمعي ملابس واغراض خالي الله يرحمه حتى يتصدق بهن
رفعت راسي لهيا ودمعت عيني : من جده اخوك
و الا ما عنده احساس لها الدرجه
هيا متعجبه من زهره :ليه تقولين كذا يا قلبي
قلت: توه متوفي خالك وانا للحين ما وعيت من صدمتي بوفاته يجي اخوك ويبي يحرمني حتى من اغراضه وريحته ..
هيا بحنيه وهدوء :زهره حبيبتي وش بتستفيدين منها خليها تنفعه في مماته
قعدت اصيح :معليش استنو علي شوي مو كل شي بسرعه بسرعه
هيا : طيب حبيبتي انا بقول لاحمد وانتي هدي اعصابك ..

طلعت هيا وانا رحت افتح دولابه تأملت ثيابه القليله تلمست بشته الصوف وسحبته من علاقته وقعدت اشمه اه راح راعيك وخلاك وخلاني رجعت اجلس على فراش ابو ناصر اللي بطرف الغرفه وانسدحت عليه
وتلحفت ببشته حسيت تحت راسي شي مديت يدي وسحبته طلع مصحفه مصحف ابوناصر
ومغطى بقماشه قطيفه حمرا
فتحت المصحف وفاحت منه احلى ريحه عوده
تذكرت يوم اراجع مع ابوناصر حفظه
وكان دايم حافظ ولا مره رديته في آيه
بديت اقرأ ودموعي تهل
قريت الى ان حسيت بالراحه و تطمنت نفسي ..
مريت اخذت هيا لبيتها
: ها كيف حالها مرة خالي؟
هيا بحزن ورحمه : حزينه الله يصبرها
احمد: قلتي لها تجمع اغراض خالي عشان نصدقها
سكتت هيا وبعدين قالت : اصبر شوي يا احمد
احمد بهدوء: ليه!؟
هيا.: زهره ما تبي يوم قلت لها قالت انتم ما عندكم احساس حتى ريحته بتحرموني منها ..
ناظر احمد متعجب من كلام زهره : قالت هالكلام عنا
هيا بضحكه خفيفه :الصراحه قالته عنك انت تقول اخوك احمد ما عنده احساس ..
عم الصمت دقايق واحمد يفكر بزهره وكلامها عنه ..
هيا:على فكره زهره عندها اختبارات
احمد ما فهم :اختبارات ايش
هيا بتوضيح : مرتنا اليوم ام فيصل وزوجته اللي هي مديرة المدرسه اللي سجلت فيها زهره
وعطتها كتب المدرسه
بس زهره رفضت تروح
وقالت انه ما يجوز الان هي بالعده
احمد :اها فهمت الحين
والله ماشاء الله عليها مرت خالك بها العمر وعندها طموح
هيا : ما فيها شي خلها تدرس والله اتمنى اكون مثلها واخلي طموحي يقودني وارجع ادرس
ضحك احمد هههههه : ت

كفين كملي وصفي جنب مرة خالك العجيز وين رايحات للمدرسه ومنين جايات من المدرسه
هيا:اشوفك تتمسخر بتشوف يا احمد هالعجيز وش بتسوي
احمد كمل ضحكه وبعدين سأل :لا خلينا جادين شوي الحين مرة خالي ودها تدخل الامتحانات؟
هيا : مدري ما سألتها بس يا ليت يمكن يخف حزنها على خالي
احمد. :ابي اسأل لها شيخ و اشوف وش بيقول ؟
..

تعالي تعالي يا قلبي
يمه شوفيني جبتها لك
قربي سلمي على امي
: اهلين خالتي كيفك كتير حبيتك يا خالتو
ناصر زعلانه منك كتير كتير
عندك ام هيك متل السكر وهلأ بتعرفني عليها
ومنو هي واشرت علي
ناصر بعدم مبالاه : لا هذي ولا احد.
جيت بتكلم واقول لناصر : انا ولا احد انا!!
انا شريفه انا ام خالد وام العنود انا رفيقة دربك انا اللي معك على الحلوه والمره
انا اللي اعزك اللي اغليك
بس وقف الحكي بحلقي وانكتم صوتي
اشوف ناصر يضمها ويضحك معاها وانا احترق بناري بغيرتي وعمتي ساكته واشوف الوضع ما عجبها قامت عمتي ضمتني وقالت : هذي شريفه الغاليه ابعدت عنا صحيح واتركتنا
بس صدقني راجعه راجعه
شريفه اللي حبيتها زمان وكانت لي بنت اما انت خذ اللي معاك ولا تقهر بنتي لا تقهرها
ناصر : يمه شريفه لايمكن تغير
ركضت لعمتي وجلست اصيح بصوت عالي عندها : سامحيني سامحيني
. . .


يمااه قومي
قمت وانا اتنافض ومستغربه وجود العنود عندي انتبهت لعنوده تكلمني
:وش فيك يمه ليه دموعك بعيونك
قلت لها : حلم شين اعوذ بالله من الشيطان الرجيم ..
..

ابوي يقولك تعالي
بنفس خايسه :وين اجي
بندر. : هو جالس بالصاله مع جدتي روحي له هناك
دخلت عليه الصاله وشفته جالس تقريبا بحضن امه
""ياربي انا كنت عميا يوم أني كنت اشوفه مزيون وع والله انه شين
ما شافت عيني مثل شين خشته
وجلست في طرف الصاله
مره قرفانه منه ومن بيته
اعتدل صياح تعالي يا هدى سلمي على امي
قمت وقربت من العجوز اللي عيونها كنها عيون ولدها ومديت يدي لها بقرف
ناظر يدي وبعدها نترني
أنزلي حبي راس امي
يامال الحب اللي يملى وجهك

" نزلت وحبيت راس العجوز بكل غرور
صياح : تعالي جنبي
رحت بكل دلع جلست جنبه
امه ساكته وبنته جالسه تقهوي جدتها
قالي : دريتي ان خالك توفى ..
شهقت من كل قلبي: وشو
متى ؟
صياح :من اسبوع
قمت على حيلي وصرخت وليه ماعلمتني يامال المرض
فز على حيله وصفقني كف طير الحلق اللي بأذني
وصرخ :ومرض يشيلك كم مره قلت لك لا ترفعين صوتك ولاتقلين ادبك معي ..
صرخت فيه : الله يكسر يدك يا الحيوان
امه.: والله ماحيوان غيرك
صياح ظف مرتك وادبها ولاعاد اسمع لها حس هنا ..
جرني من عضدي ورماني بالغرفه وضربني بالخيزرانه
وانا اصيح : ياكلب ياحيوان الله ياخذك
صرخ علي : الحين انا ضاربتس عشان تأدبين
وتقصين لسانس ما تبتي
صرخت فيه بكل. قهر:. تفو عليك يا زفت الله يقلعك
ورجع يضربني وانا فضحته بصراخي
دخل علينا ولده بدر : يبه خلاص الله يهديك ذبحتها
صياح : تستاهل قليلة الاادب
بدر سحب ابوه وتركوني طايحه بالغرفه ابكي من حرارة الضرب والمهانه ..

..

هيا رجعت بيتها وصارت تزورني كل عصريه وعمتي باتت عندي 3 ايام واليوم حلفت عليها تروح تنام في بيتها شكلها تعبانه وقعدت لحالي وحيده من اذن المغرب وانا مخنوقه قبل شوي
صليت المغرب وجلست على سجادتي
فتحت مصحف ابو ناصر وقريت فيه لمن غمضت عيوني ..
..

يمه جنان وش رايك تروحين معي عند زهره
جنان :أي والله ودي اطلع مخنوقه من المذاكره
ام فيصل : نستنى منيره اول ما تجي بنروح لزهره ..


بعد نص ساعه
جالسين مع زهره في حوش بيتها وكنا مجتمعين كلنا بدون ميعاد
ام حسين وجايبه قهوتها
وام امجد ومهجه وبنتها فتو وجايبه كيكه
و انا و امي و منيره و جايبين العشا ما انسى فرحة زهره فينا جينا اول الناس
اول ما شافتنا دمعت عيونها
وضمت امي وقعدت تصيح
وامي تضمها وبدل لا تسكتها قامت تصيح معها
قلت : يمه وش عندك حنا جاين نتونس
معاها مو نقلبها بكاء ودموع
منيره بضحكه خفيفه : زهره وعرفنا ليه تبكي فرحانه اكيد بوجودنا بس انتي ياعمه ليه ..
ام فيصل تمسح دموعها بطرحتها : مالكن دخل
وكملت تضحك لزهره :ابي اجسر زهره اجل اخليها تصيح بحالها ضحكنا على امي ودموعها القريبه
وبعدها جت ام حسين و ام امجد ومهجه وفتو
اجتمعنا من بعد العشا
منيره كانت جايبه جدول اختبارات زهره لها
منيره : ياله يا زهره شدي حيلك ما بقي شي على الاختبارات
زهره اخذت الورقه منها وابتسمت ابتسامه باهته
: ما اظن اني باختبر
مهجه دخلت في الموضوع : وي وليه ان شاء الله ما حتدخلي الاختبارات
زهره : انا الان في العده وما اظن يجوز اطلع ..
منيره : الا يجوز للضروره
زهره: ما ابي ولا لي خلق ومزاج
ام حسين تمسك يد زهره وتضغط عليها : اسمعي انا امك ترى ما ينفعك الا شهادتك وخلي عنك الخبال
ام فيصل : أي يا بنتي لازم تهتمين وتنتبهين لعمرك ادخلي الاختبارات واللي تبين تساعدك فيه منيره وجنان
مهجه: حتى انا اذا بتحبي اذاكر لك
جنان. : زهوره يالله وافقي الكل متحمس لرجعتك للمدرسه
زهره : مدري وش اقول بس ما اظن ان نفسي تطيعني
مهجه : سيبك من الهرجه الل

ي لا تودي ولا. تجيب حتدخلي الاختبار يعني حتدخلي
منيره : خلاص حكمت مهجه عليك ..
..

خالد شف شف وش زينه بسم الله عليه ودي اكله ..
ناظرت ناحية ما اشرت سلمى شفت طفل صغير عمره ايام في حضن امه قربت
من الام قلت لها : طفل جميل
الام : ابتسمت
سألتها: كم عمره ؟
ردت الام : اسبوع
خالد : هل استطيع ان احمله ؟
الام بلطافه : طبعا ومدته لي
واخذته وقربته لسلمى :شوفي ابي بنتي احسن من هالاشقر ابيها نسخه منك
ضحكت سلمى : لا انا ابي ولدي يشبه لك نسخه منك في كل شي
شالته سلمى وكانت مره مبسوطه فيه
فتح عيونه وناظر سلمى وابتسم صرخت سلمى بحماس :ضحك لي شفت والله ضحك لي يا ذين النونو ذيناه
هوستني يوم تكلمت كذا كنها طفله
اخذت البيبي منها ورجعته لامه وشكرتها
اخذت يد سلمى وتأبطتها وقلت لها : لا عاد تكلمين بهذي الطريقه
قالت: ليه
قلت : اخاف احد يشوفك غيري وينهبل عليك مثل ما صار لي قبل شوي
هي صارت حمرا من خجلها
وكملنا مشي لمدرسة شيري ..
😍ــــــــــــــــــــــــــــــــــــــــــ😍
#الـى_هنا_ينتهي_الجزء_الـ⓵⓵
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼

🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#زهـــرة_ضــاميــة🥀

🌱 #بدايـة_الجزء_الــ②⓵🌱
😍ــــــــــــــــــــــــــــــــــــــــــ😍
12


آه ياحر جوفي حراااه
بنت الفقر صكت التلفون في وجهي
طلعت من غرفة ام صياح بسرعه من دون احد ما يشوفني
الله ياخذه صياح محرم علي مسكة التلفون و الطلعه من البيت حتى هيا يوم جتني قالي تراها اخر مره لا عاد تجي
يوم جتني هيا نكدت علي غير ما انا منكد علي صياح النكد
علمتني ان خالي الغبي كتب نص املاكه بين زهرة واحمد وترك لي انا وهيا كل وحده بيت مؤجر واجاره لنا
بصراحه ما قصر عز و رز بنت الفقر وانا رماني عند صياح الكلب

:وين وين
ناظرتهن بقرف
:رايحه غرفتي عندكن اعتراض
ام بدر: طبعا الغدا اليوم عليك يالله خلصيه قبل يجي ابو بدر ثم يسود عيشتك
ام بندر تحذف ام بدر بالمناديل : ليه ذكرتيها كان خليتيها تندبغ بعد اليوم
ام بدر : هي بتندبغ ان كان ماهو عشان الغدا عشان دخلت غرفة خالتي وكلمت بالتلفون
ناظرتهن بحقد الله ياخذهن يعرفن شلون يقهرني
ما يحبن بعض ولا يتفقن بس عندي يتفقن ويصيرن سمن على عسل
ورحت للمطبخ اشوف وش اسوي لهم سم هاري عشان يبلعونه ..

..

يماااه ابشرك نجحت
وجبت ممتاز
ام فيصل : مبروك يا قلبي اصبري خليني اتصل على منيره دامها بالمدرسه تبشرنا بنتيجة زهره
واتصلت ام فيصل على منيره وبشرتها بنجاح زهره
بتقدير مقبول
جنان : لاا مقبول
ام فيصل : المهم مكتوب بالشهاده ناجحه
ضحكت جنان :صادقه والله يمه بالله خليني انا اتصل عليها ابشرها
ام فيصل تمد السماعه لها يله خذي فرحيها ..

..
والله نجحت
جنان : والله ناجحه قبل شوي علمتنا منيره بس التقدير لك عليه
زهره : اهم شي نجحت ولو على الحافه
جنان : يلله استعدي بنحتفل عندك
زهره بفرحه : الله يحييكم يا قلبي

♪♪♪
#لتذكير

زهرة عمرها 30 بالضبط ..
احمد في اواخر الثلاثينات .. وخواته هدى وهيا اكبر منها برضو ^^ ..
البارح سافرت عمتي عند خالد
بعد ما تعبت ودخلوها المستشفى
وقررو يسفرونها امريكا عند خالد وتتعالج عنده
خلصت عدتي من اسبوع بالضبط
والان استعد للاختبارات النهائيه
مرت عمتي سلمت علي وبكتني ودعتني كأنها ماراح ترجع
تعبها الحمد لله بسيط ومقدور عليه بس زياده في الاطمئنان
كانت جايبه معها اكبر صدمه لي جت معها شريفه كان فيها شي متغير ما اعرف وشهو بس كأنها راضيه علي ماطولو عندي
وقبل ماتطلع شريفه قالت لي
اعرف ماتوقعتي تشوفيني واعرف انك اكيد مستغربه جيتي
انا جايه اتسامح منك يازهره الله يعفو عني
زمان كنت اتعمد اضايقك وادور عليك الزله
اتمنى تسامحيني وتنسين اذيتي لك واليوم حبيت اجي مع عمتي ام ناصر واتسامح منك وتراني فرحانه لك يومك كملتي دراستك واصلي والله يوفقك

قلت لها بابتسامه صادقه بعد دقيقة استيعاب : مسامحه يا ام خالد جيتك بيتي اليوم مسحت كل اللي كان
شريفه : الله يجزاك خير يا زهره والله من طيبتك
غطت وجهها وقالت لاتتأخرين علينا وخلينا نشوفك في امان الله
قلت لها في امان الله وحفظه
و طلعت مع عمتي
وقفت اتعبر بحال شريفه
سبحان من يغير ولا يتغير ..

..

تعبت يا صياح فكني. من الازعاج كل يوم تجي تصرخ علينا وحنا مابنسكت لها
بس ماعادت هذي حياه رضيت على ام بدر وام بندر رضيت عليهن جعلهن الجنه عند الذيبه هدى
صياح :يماه وش اسوي اكثر ضرب وماني مقصر هواش ماعاد يفيد وحبس حبستها شوفيها من دخلت بيتي ما عتبت البيت
ام صياح : شفلك حل ماتنطاق مرتك الذيبه ما تنطاق ..
..

:سلومتي جاهزه بنروح نجيب ابوي وجدتي من المطار
سلمى : جاهزه وشيري بعد كملت
شيري : جاهزه
استقبلنا ابوي وجدتي وابوي راح عند فريزا وجدتي معانا في بيتنا
وسوت جدتي فحوصاتها وننتظر النتايج
جدتي مثلي ما تقبلت فريزا وكانت جدا رسميه معاها وابوي كل يوم وهو ساحبها معاه فرض عين
لازم نستقبلها ونحسن الاستقبال
وفي يوم جاء ابوي لحاله
وسألته جدتي : وين مرتك
رد ابوي بضيق : في البيت
جدتي : غريبه ما جبتها
ابوي بضيق واضح : تعبانه وتتعذر منك يمه
جدتي : بسلامتها
دخلت علينا سلمى بالقهوه والقدوع
وجلسنا نتقهوى
ناظرني ابوي وقال : ها متى تبشرونا بحمل سلمى
سلمى نزلت راسها وصنمت وانا تفاجأت بسؤال ابوي
: يبه ان شاء الله لاصار حمل بشرناك للان ربي ما كتب شي
جدتي ناظرت سلمى وزادت من احراجها : عسى يا بنتي ما تبلعين من هالحبوب اللي يقولون تمنع الحمل
سلمى بصوت خافت ومخنوق من الحيا : لا ياجده ما اخذت حبوب
ابو خالد : طيب ليه للحين ما حملتي
سلمى بصوت باكي : للان ما امر ربي يا عمي
خالد : يبه الله يهداك احرجتها
فزت سلمى وطلعت تركض انا عارف ان الموضوع مسبب لها قلق من فتره بس هي ساكته وانا ساكت ما ني مستعجل

جدتي : يبه خالد ودها لدكتورة خلها تشوف وش السالفه يمكن محتاجه علاج والا شي
خالد : جده تونا لنا 9 شهور وانا ماني مستعجل
ابوي : بس انا مستعجل ابي اشوف عيالك
خالد : طيب يبه ان شاء الله يصير خير ..
وحاولت اقفل الموضوع ..

اقولك وارثه كل حلال زوجها
ضحك بسخريه : الله يا حلال زوجها وش عنده بالله ابو ناصر الا هالبيت الخرابه وسيارته القرمبع
خلف : والله هذا اللي وصلني والناس ما تتكلم من فراغ اكيد السالفه لها اساس ولا يقولون صغيره بعد تخيل صغيره وغنيه وارمله يعني الخطاطيب ماراح تلحق عليهم عشان كذا بستنى كم يوم وبخطبها يمكن توافق علي واصير زوجها واتهنى بالمال والجمال
صياح : لا تحلم كثير على ايش بتوافق عليك انا اللي بخطبها ونشوف توافق والا لا
خلف : يا الحقير انا اقولك عشان تاخذها مني!!!!
صياح : انا ما قلت اني باخذها منك ان وافقت عليك والا بجرب حظي حتى انا
خلف يمسح بطنه بعد قرصة جوع : اقولك ما عندك عشا جوعان
صياح:ابشر وش تبي بس
خلف: ابي كبسه لحم
صياح : هالحين اوصي لك عليها ..
..

: نايمه نااااااايمه ما تشوف ولا تحس انت عارف الساعه كم يومنك تطلب كبسه هالحزه
صياح : قومي بلا كثر بربره قومي صلحي لنا كبسه وياويلك تزيدين عن ساعه
قمت وانا اتحلطم والنوم بعيوني احد يسوي هالوقت كبسات الا اللي ناوي يتسحر الساعه ثلاث الفجر ياجعله سم هاري ياصياح ..

..
قمت وكلي حماس
مذاكره وحافظه اليوم الاخير من الاختبارات النهائيه شربت كوب الحليب واخذت عباتي وتوجهت للمدرسه وانا ماشيه حاسه في احد يتبعني
التفت الشارع فيه حركة سيارات وناس
بس احساسي ان في احد يلحقني عجلت بالمشي
والتفت واشوف واحد وراي بمسافه بسيطه شكله ما يطمن
حاط يدينه في جيوبه وناسف شماغه بطريقة مبهدله. ويشحط بمشيته يسحب رجوله سحب
خفت منه وحاولت ما اتلفت مره ثانيه وصلت للمدرسه
معقوله ماكان يلحقني وانا من خوفي تهيأ لي ..
حاولت اتناسى خوفي ودخلت الاختبار وكان سهل جدا
وبعد اربع ساعات طلعت من المدرسه رايحه بيتي
كان الشارع فاضي ما فيه احد
مشيت بسرعه قبل لا اوصل بيتي شفت الرجال المريب واقف على جدار البيت شافني عدل وقفته كملت مشي ولا كأني شايفته.
بس قلبي كنه طبول من الخوف
التفت لقيته ماشي وراي
ياويلي وش هالبلوه
وصلت بيت ام فيصل ودقيت الباب بسرعه وخوف
ام فيصل : مين
: انا زهره
فتحت الباب دخلت بسرعه وصكيت الباب بنفسي
ام فيصل علامك يا بنتي
زهره بصوت متقطع من الخوف : في رجال يلحقني
ام فيصل : بفزعه رجال اصبري
لبست عباتها واخذت العجرا حقت ابو فيصل وطلعت تشوف الرجال اللي لاحق زهره
ناظرت ما شافت احد ودخلت
زهره بخوف : ام فيصل لا تروحين له تكفين
ام فيصل بقوة : والله لو اني شفته اني لا اضربه بالعجرا
زهره ابي اقعد عندك لمن يأذن الظهر وبعدها بروح بيتي
ام فيصل : والله ما تطلعين من عندي الا وانتي متغديه
اجلسي خلينا نفطر سوى
وخذي راحتك ابو فيصل في محله ما يجي الا بعد صلاة الظهر ..
الساعه 12 الظهر
وصلت هيا عند بيت خالي الله يرحمه وشفت واحد واقف عند البيت
: لا تنزلين قلتها لهيا
نزلت من السياره سلمت عليه
:خير يا خوي فيه شي
ناظرني وقال :لا ليش تسأل
قلت له :وش عندك واقف هنا هذا بيت عايله لا عاد اشوفك واقف هنا لو سمحت
ناظرني وما تحرك
قلت له بقوه : هذا بيت حرمه ارمله وانت بوقفتك تجيب لها الكلام.
قال بكل قلة ادب :وانت وش دخلك ظف وجهك وتقلع
عصبت ومسكته من ثوبه وحذفته على الطريق : انت اللي تقلع
وان شفتك مره ثانيه واقف هنا حشيت رجولك حش
ودقيت الباب على بيت خالي ما احد رد ..
استمريت ادق الباب ومافي احد فتح قلت لهيا مرت خالي ماهي فيه
يمديها مسيرتن على احد امشي ارجعك لبيك وانا ارجع لها عشان انزل الاغراض
هيا : اسمع انا بنزل عند ام فيصل وانت رح للصلاه وان مارجعت بعد الصلاه خلاص رجعني بيتي ..
اتفقنا ارجع لها بعد الصلاه وهيا نزلت لبيت ابو فيصل ..

سلم الامام وشفت احمد
ناديته وسألته عن احواله
وتوجهنا للبيت قالي ان اخته عندنا ينتظرون مرت الشايب الله يرحمه
: تفضل للقهوه عندي لك سالفه
احمد: تم
جلسنا في المجلس وحنا ننتظر القهوة قلت له : قبل يومين جاني واحد من الجيران يبي يتقدم لمرة خالك الله يرحمه
احمد عقد حواجبه : يتقدم لها يعني يتزوجها
ابو فيصل : الله الله
احمد رفع حاجب وقال : طيب وانا وش دخلني خله يتقدم
ابو فيصل : قلت اعلمك وان كان جينا للصدق انا اشوف انك انت الاولى وذاتا ان بينكم شراكه على ما قالي ابو ناصر الله يرحمه
احمد ضحك بغرابه :كانها تبي تتزوج الله يسهل لها اما انا مالي بالحريم وذاتا مرت خالي
ونفظ راسه قرفان وهو يتخيل انه ماخذ العجوز
ابو فيصل : اللي يريحك اجل بخلي ام فيصل تشاورها
احمد قام وشال مفاتيحه : بالتوفيق يارب ..
: هيا يله امشي نروح بيتي
وطلعنا مع بعض للبيت وفتحت الباب
الا احمد طالع من بيت ابو فيصل وجاي علينا
دخلت البيت وتركتهم برى
سلم احمد وقال بنرفزه
: خذي لي طريق بدخل الاغراض
قالت لي هيا : وش سالفته هاللي تهاوشت معاه
وعلمتها ويني وش صار بيني وبينه
قالت : يا ويلي لا يكون اللي لاحقها اليوم من المدرسه ..

قلت : ليه في احد لاحقها
قالت هيا : ايه ويوم شافته لاصق في بيتها راحت لبيت ابو فيصل ..
حطيت الاغراض وقلت لهيا يله امشي اوصلك لبيتك
قالت ثواني اعلم زهره انا مشينا
غابت دقايق ورجعت ركبت السياره
قلت لها : ما دريتي مرة خالك انخطبت
شهقت هيا وقالت : خساره
قلت لها : ليه
قالت :كنت اتمنى انت اللي تاخذها
قلت بقرف :عسى تبيني اخذها عشاننا شراكه وانا الاولى
ضحكت هيا : ايه ما فيها شي
قلت لها : انسي اصلا انخطبت واكيد بعد يومين بتتزوج وتروح مع زوجها وننفك من همها ومسؤليتها ..
..
اتصلت هيا بعد المغرب تبارك بالخطبه
قلت لها : ما ابي اتزوج عقب ابو ناصر
هيا : ليه يا قلبي توك صغيره
قالت: اخاف يجي واحدن طمعان ويبي المال والحلال واتبهدل معاه عقب ابو ناصر وحنيته علي ما اظن بالقى احد مثله
هيا : الله يكتب لك الخير تراني قلت لاحمد عن اللي لحقك والله اعلم انه هو اللي هاوشه احمد
زهره : يوه ليه تذكريني الحين وش بيخليني انام
مرعوبه والله
هيا: سكري بابك عليك وخلي التلفون جنبك وما عليك شر واي شي دقي لو انه نص الليل
زهره بصدق : مشكوره ياهيا والله انك اخت وغاليه عساني ما انحرم منك
هيا تضحك : ولا منك يالله تصبحون على خير ..
..
هيا اتصلت على احمد
قلت له :شف يا احمد الحين انت ما عندك مشكله ليه ما تتزوج حالك حال أي رجال ..
احمد منسدح وحاط يده تحت راسه ومسترخي عل الاخر
: الحمد لله ما عندي مشاكل بس وين ابلقى اللي تكون زوجه وفاهمه ايش هي الحياه وتعيني على ديني ودنياي
هيا : موجودة بس انت وافق
احمد يتمسخر :من هالنادره
هيا: زهره
احمد اعتدل جالس وضحك قال لهيا :من جدك والا زعلانه علي وتبيني اراضيك
هيا وبكل صدق:شف على بلاطه مثل ما يقولون هي انخطبت واليوم جاء ثاني لابو فيصل وخطبها وردتهم تقول ما تبي تتزوج
احمد بملل : خلاص خليها لا تتزوج وتقعد على سجادتها احسن لها
هيا :طيب شرايك دامك ما تبي العرس الا بشروطك الغريبه وهي كل يوم ترد خطابين ليه ما تتزوجها تعقد عليها بكذا تقطع على الخطاب وانت تلقى لك مره تراعيك وتنتبه لك
ضحك احمد وبقوه وقالت هيا :مع السلامه بناام
وانت فكر بكلامي زين ..

..
بعد مده من الزمن
وصلت بيتي لقيت صياح واقف برى سلمت عليه بكل خياسة نفس
ما اطيقه وكل ما شفته اتذكر قهر خالي وقهري بس مضطر اتحمله
قالي بعد السلام وبكل صفاقه
مرت خالك لو اخطبها توافق
ناظرت في هالانسان العديم الاحساس
قلت له الحين انت متعني وجاي لي عشان تخطبها
وش قالوا لك ولي امرها انا وبعدين ما استحيت على وجهك متزوج اختي وتجي تدور عرس وخطبه عندي صياح والله ثم والله ان شفتك مره ثانيه حولي لا تلوم الا نفسك انقلع الله يقلعك
ودخلت بيتي وصفقت الباب وراي
ماشاء الله ما امداها تخلص العده الا والخطاب هلو عليها
اكيد ان الناس عرفت بالورث والا وش اللي يرغبهم فيها غير ورثها ..
..

رفعت التلفون ومن دون شعور دقيت عليها
رن التلفون وطول ما انرفع
وبعدين جاني صوتها : الو
كانت نايمه
اويلاه على صوت العجوز
نفضت الفكره من راسي
وقلت لها : شوفي يا مرة خالي ان خطبك صياح ووافقتي لا تلومين الا نفسك
سكتت شوي
وقالت : وانت وش صفتك يومك تقول هالكلام لو سمحت لا تعدى حدودك
صرخت عليها : جاك العلم والله ان اخذتيه يا ويلك انتي واياه ..
سكتت فجأه وقالت :بسم الله الرحمن الرحيم
وهي خايفه
قلت لها :وش فيه
قالت : في احد بالحوش
اسمع مشيته بالحوش
قلت لها بحميه : صكي الباب على نفسك يا خاله ولا تفتحين لو فيه موتك
انا الحين جاي
وقفلت التلفون وتوجهت لبيتها ..

..

امي مهجه تعبانه كتير
انا دحينا حخدها للمستشفى خذي بالك من فتو
ام امجد بقلق : اجري قوام وديها وانا وفتو نتخالص
بسرعه راح لغرفتهم وسند مهجه المتألمه
وركبها السياره وتوجه فيها للمستشفى ..
مهجه : اآآآآه يا ربي حاولد يا امجد بسرعه بسرعه
امجد مرتبك وبكل سرعه يحاول يلحق على مهجة عشان ما تولد بالسياره
صرخت بقوه وعضت يد امجد اللي كانت في يدها
: امجد الواد جي
وفعلا سمع صوت بكاء الطفل
في نفس اللحظه اللي وقف امام الطوارئ
ونزل يركص واستقبلوه وقالهم ولاده
وفتح الباب ونزل شماغه ولف الطفل فيه
وكان يبكي ومهجه اغمي عليها من التعب
ركضو فيها وكملو اجرائتها
وجهزوها لدخول الغرفه
بعد ساعه اتصل امجد في امه : ابشرك يا امي حمزه وصل
ام امجد بفرحه وصوت متهدج بالفرح
: مبروك يا حبيبي مبروك ويتربى في عزك وعز امه
وكيفها مهجه
ضحك امجد : مهجه ولدت في السياره يا اومي
ام امجد : وي ايش بو مستعجل ولدك وكيفها موهجه
امجد : بخير يا حبيبتي دحينا استئذنك يا اومي حطمن عليهم
ام امجد : في حفظ الله يا ولدي
توجه امجد لمهجه وسلم على راسها بامتنان كبير : كيفك يا حبيبتي
موهجه بتعب : الحمد لله كيف الصغير ما شفتو
الين دحينا
امجد : ارتاحي يا حبيبتي ونامي وبكره ان شاء الله تشوفيه وتشبعي منه بعدين كدا تعملي فيا وفي سيارتي
خجلت مهجه : اسفه حبيبي
امجد : لا تتأسفي ياحبي السياره دوبها اللي تباركت ههههههه يله اسيبك دحينا عشان ترتاحي ..

كنت نايمه وفي امان الله
دق التلفون وطنشته بس اللي متصل مصر ورفعته
طلع احمد الشيخ احمد الغثى كله
قعد ينافخ علي ويتهدد وما است وعبت شيبي
بعدين استوعبت وقهرني باي صفه يكلمني هو وجهه
اصلا من قاله اني بتزوج من الاساس عقب ابوناصر
ما ابي احد ما ابي
وانا اكلمه سمعت صوت احد طمر من فوق الجدار
سميت ورحت اشوف من الشباك وكان الحوش في لمبه اضاءتها خفيفه
شفت زول
سميت وانتبه لي احمد اللي كان معي في المكالمه
احمد قال : لا تفتحين الباب الحين بجي
تأكدت اني مقفله الباب وطفيت النور وجلست وانا الخوف ياكلني اكل
ياويلي من هو ذا
سمعت الباب يفتح
وسمعت ضرب وهواش مكتوم
شفت زول اسود وقف عند غرفتي
تملكني الخوف وحسيت قلبي بيوقف
الا اسمع صوت هيا : زهره افتحي انا هيا
فتحت الباب بسرعه وبعدها ما اتذكر شي ..
دق علي احمدالساعه 2 ونص الليل
قالي ألبسي عباتك دقيقه وانا عند الباب
قلت له وانا على عيوني النوم : وش فيه
قال : فيه حرامي في بيت خالي امشي خلينا نلحق على الحرمه
وبسرعه استئذنت من زوجي ووصل احمد ورحت معاه
وصلنا في وقت قياسي لبيت زهره ودخلنا بمفتاح مع احمد وكان فيه واحد في حوش زهره فعلا كان سكران
ويدور بالبيت وهو مترنح
انا توجهت لغرفة زهره وناديتها خليتها تفتح لي الباب
ومن خوفها المسكينه اول ما شافتني اغمي عليها
فاقت بعدها بوقت بسيط
وهي تنتفض من الخوف ..
احمد كان تصرف مع السكران اللي طلع من جيرانهم (خلف)
جيت عنده قلت وش سويت فيه
قال : حذفته عند الزباله الكلب
هيا :عسى محد شافك وانت تطلعه من البيت
زفر بسخط وقال : الا ابوفيصل حس على اصواتنا وطلع لي وعلمته انه هو اللي كان يلاحق زهره يالله اقعدي انتي عندها هالليله وبكره ربي بيدبرها ..
..

هيا تكفين ما تزعلين والله انتي واخوك على راسي بس ما ابي اتزوج
هيا بود ونفس صافيه :لا مانا بزعلانه كل شي يا قلبي بهالدنيا نصيب
والله يوفقكم ويسعدكم انتم الاثنين
يله انا بقفل الحين وان شاء الله احاول اني اجيك بكره
: هيا الله يسعدك لا تضغطين على نفسك خليك مع زوجك وعيالك ..
هيا بحب : والله اني ما اضغط على عمري
زوجي وطول وقته بمزرعته وعيالي
مع عيال عمهم وعمانهم
بالعكس انا احب اجي اتسلى عندك
زهره بضحكه حلوة: دام كذا تعالي كل يوم

..

تكفين يا ام صياح بابشرها
ام صياح تضحك من قلبها : ام حسين مااخبرك
تحبين الشر
ام حسين : والله يا ام صياح مع هالحرمه
احب اصير ام الشر كله
تستاهل من ينكد عليها
ناديها خليها تجلس معنا
ام صياح تنادي بدور و امرتها تنادي هدى ..

بعد نص ساعه
دخلت عليهم وهي تقول ياشر اشتر
وقفت عند باب الغرفه وتخصرت بوقاحه
وقالت بصوت عالي وقح : نعم بغيتي شي
ام صياح : اي اجلسي معانا طول الوقت وانتي لابده بغرفتك
هدى جلست وهي عارفه ان في سالفه بتسمعها ما دام ام حسين موجوده
قالت ام حسين لأم صياح : ولدك قالك انه خطب
ام صياح سوت نفسها متفاجئه: لا يا وخيتي ما قالي.
هدى بنرفزه : من قالك انتي يا عجوز قريح
ام حسين : اقطعي واخسي انتي عجوز قريح
و انا لا كلمتك تكلميني بس انا كلامي لام صياح انتي ام صياح ؟؟؟
وبعدين اللي خطبها وحدتن تعز علي واغليها كنها بنتي خطب زهره فديتها
فزت هدى كنها مقروصه
وهجمت على ام حسين وخنقتها بعباتها : يا عجوز السوء الله ياخذك و ياخذ زهره كانها من يوم عرفتها وهي منكدتن
علي الله ياخذها الله يقلعها
دفتها ام حسين بقوه : يا عقربه وخري عني ليتها وافقت عشان تموتين بحسرتك وقهرك
ام صياح : هدوه انقلعي لا بارك الله فيك فشلتيني مع ام حسين ..
هدى صارت ترغي وتزبد من قهرها قلبت عليهم صينية القهوه و الشاي
وتطاير اللي فيها بس الحمد لله كانت شبه بارد و الا كان انحرقن عجايزنا اللطيفات ..

وطلعت من الغرفه وهي توعد صياح
الشين الكلب الحقير والله لا انكد عليك ياابن الكلب
ام حسين و ام صياح ناظرن بعض وانفجرن ضحك
ام حسين مستانسه لقت النتيجه اللي تبيها تبي تقهر هدى : خلها تستاهل ياما قهرت زهره
ام صياح : ول عليها نسره بغت تغولك الله يعين ولدي عليها
ورجعن يضحكن على هدى ..

من قالت لي هيا انها رفضت وانا جاني اصرار مجنون اني اتزوجها مدري يمكن ابي افتك من همها
غريب شلون افتك من همها وانا بتزوجها
أي لا تزوجتها اول شي ضمنت ان صياح الكلب لايمكن يفكر يخطبها
وثاني شي انا انتبه لها و اكون ولو بالاسم زوج حامي لها لين الله ياخذ امانته
اليوم هيا يوم قلت لها مصدقه عمرها العجوز
زعلت
والصراحه اني استغربت من زعل هيا
ياربي ليش الزعل عجوز وهذا الواقع

من دون تفكير
اتصلت عليها وكانت الساعه 11 ليلا بس ما ردت
رجعت دقيت مره واثنين وثلاث بس محد رد
قلقت عليها من بعد ذيك الليله خفت نط هذاك المعفن مره ثانيه
رجعت اتصلت وردت اخيرا الليدي زهره : السلام عليكم
زهره با استغراب : وعليكم السلام
احمد : مسيتي بالخير
زهره : مسيت بالنور
احمد وبدون مقدمات : انا يا خاله عارف انك
ما تبين العرس ولا تفكرين به وانا ترني مالي بالحريم
زهره قاطعته بسخريه : زين انك عارف يا ولدي
احمد : ممكن تخليني اكمل كلامي
زهره ودها تقفل التلفون : تفضل
احمد : حنا بيننا مصلحه ان كان الشراكه اللي بيننا والا كرهنا للزواج مره ثانيه بس بقولك شي وانتي بعدها فكري ان جاز لك ترى بكره بجيب المملك ونملك ..

زهره عظت على لسانها
كانت بتقوله مصدق عمرك بس سكتت
وكمل احمد: وإلا لا جاك عريسن مقبول
لا سكار ولا نكار تزوجيه
زهره وهي كارهته وكارهه اسلوبه : أي وش عندك من علم ..
😍ــــــــــــــــــــــــــــــــــــــــــ😍
#الـى_هنا_ينتهي_الجزء_الـ②⓵

#نكمل_غدا_باذن_الله..

#اللهـم_صلي_على_سيدنا_محمد_ﷺ_وعلى_آل_سيدنا_محمد
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼

🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#زهـــرة_ضــاميــة🥀

🌱 #بدايـة_الجزء_الــ③⓵🌱
😍ــــــــــــــــــــــــــــــــــــــــــ😍
13

احمد حس بالسخريه من نبرة صوتها : والله يا مرت خالي لولا انك حرمه وحدانيه ومالك والي والا ماكان ناظرتك
ولا فكرت اني في يوم اتزوجك
بس عهدن علي ان يكون زواجنا حبر على ورق وانتي امي وانا ولدك

زهره عجزت تسكت وقالت
بسخريه اكبر من اول
: ايه قلت انت ولدي وانا امك تصدق اقنعتني اقول يا ولدي ليه ماتروح ترقد وتخليني ارقد وتنسى تخريفك اللي قلته زواج ما ابي وانت بعد ليش هالاصرار ..
احمد عرف انها تمسخر عليه وعصب الا احترق من العصبية : شوفي يامرت خالي انا والله لولا ازعاج هيا واصرار ابوفيصل والا ولا عمري شوفي ولا للحظه ممكن افكر فيك ياربي عجوز بس انا هذا كله وفاءً مني لخالي الله يرحمه اللي كنتي غاليه عنده والا انتي شكلك ما تستاهلين ...
زهره من زعلها صكت التلفون بدون ولا كلمه
احمد انقهر منها ولو هي قدامه كان خنقها
قعد يناظر بالسماعه
ويرجعها على اذنه ويكلم نفسه : صكت التلفون بوجهي طيب يا عجوز النار ..

..
وجع وجع وجع

يا ربيه هالانسان كنه الجريش من ثقل طينته
قال ايش انتي امي وانا ولدك وقال ايش زواجنا حبر على ورق
كش على هاك الوجه
قد جدي ويقول امي ..
حسيت بحراره من كلامه رحت للمطبخ وابي اشرب مي بارد اطفي قهري منه
ما ابي احد يعكر علي مزاجي اليوم
طلعت النتيجه والحمد لله نجحت وبتقدير جيدجدا
بكره ان شاء الله جاراتي معزومات عندي
وقمت اجهز سفرتي لبكره ..

..
من بعد ما رمى ابوي كلامه ذاك اليوم سلمى
اعتصمت في غرفتنا دخلت الغرفه لقيتها تصيح
جلست جنبها وحضنتها : لا تزعلين يا عمري
ابوي وجدتي شفقانين على ولد تعرفين عقلية الناس الكبار إلا ولد ومتناسين وجود شوشو
اخذت سلمى منديل ومسحت انفها وقالت بتأثر : معاهم حق انا بنفسي قلقانه لنا تسع شهور وكل شهر اقول هالشهر رفعت وجهها لي
: سليم هونيها و تونا يا قلبي تونا ولك وعد مني ان تمت هالسنه وما الله كتب لك حمل نروح ونفحص انا وانتي وصكي اذانك عن كلام ابوي اما جدتي صدقيني
قبل لا اطلع قالت لي تسامح لي من سلمى والله مالي وجه بس ابوك الله يسامحه
فتح السيره وانا تلقفت معاه توكم يا ولدي والله لايحرمني شوفة عيالكم ..
ارخت راسها على كتفي
:خالد اذا رجعت جدتك برجع معاها الله يخليك
خالد: ابشري كم سلمى عندي
تعلقت برقبتي : شكرا شكرا حبيبي
قلت : شكرا حاف
نطت وحبت راسي وخدي
:مشكور دكتور خلودي ..
مسكت يدها ووقفتها
تعالي ننزل عندي جدتي ابوي راح ونزلنا
عند جدتي وسلومتي كنها فرفشت شوي ..

..

وين طس الله ياخذ زوله
مقهورة انا ياخذ علي ومن ! زهره
زهره الحراميه
اللي نهبت ورثنا عساها ما تتهنى
جالسه تستناه عند باب البيت من داخل عشان تشوفه لادخل
انتظرت وانتظرت الى ان غفت عيني مدري كم نمت
حسيت باحد يضحك عند راسي رفعت عيني لقيت الثنائي الغبي
واحده واقفه وشايله ولدها الصغير
والثانيه تناظرني
قمت على حيلي
ام بدر : وش عندك مرابطه هنا
رديت عليها : مالك دخل
ام بندر: ياحرام شكلك تستنين ابو بدر
تراه من ساعه وهو واصل
دخل و شافك وهو اللي علمنا عنك انك
منبطحه هنا
ام بدر بلهجه حازمه : لا عاد اشوفك منبطحه
بالصاله انا عندي عيال كبار
استحي على وجهك
سفهتهن واتجهت لداخل البيت
: اول دريتن ان زوج الندامه خطب
"كنت ابيهن يساعدني عليه ويفشن غلي فيه
ضحكت ام بدر و ام بندر
: بالله خطب ما تزوج ؟؟
دايم يتزوج دون خطبه اكيد انها بنت ناس
اللي يخطبها اول صياحوه
ولعت هدى : لا والله بنت كلاب مالت عليكن من حريم كني بشرتكن يا مال الماحي ..
ام بندر : اللي يمحاك

وبعدها كل وحده دخلت غرفتها وهي دورت صياح مالقته رجعت لغرفتها
لقته نايم ولا يحس بنفسه
راحت له وسحبت اللحاف عنه
يازفت انا تخطب علي
انا ومين يا حظي تخطب زهره
قام على صراخها
وش فيك انتي اللهم سكنهم مساكنهم
هدى: ماتدري شفيني
انا اقولك وش فيني فيني اني عرفت انك خطبت زهره
ضحك صياح بكل برود : وخطبتها وش اللي مزعلك وما وافقت ارتاحي
هدى بقرف : ومن زينك وزينها انت كلب وهي كلبه الله لا يوفقكم
صياح طلعت عفاريته : انا كم مره قايل لك لا تدعين علي ولا ترفعين صوتك هاا
هدى بشراسه : ابي أرفع صوتي واهينك وادعي عليك عسى الله ياخذك
صياح بشراسه :سدي حلقك عساك للمرض اللي يشيلك انا وين ابتليت فيك والله لو ما علي شرط ان ما اطلقك
كان من زمان طلقتك ورميتك عند اخوتك
هدى : عارفينك منت برجال ورمة الرجاجيل
سكار نكار
صياح صار يضرب فيها اقطعي حسك اقطعي حسك
ضربها الى ان كسرها ..
مر اسبوع بحلوه ومره

اسبوع من الوحده
في النهار احاول اشغل نفسي ومن بعد المغرب يذبحني الهدوء ما تعودت أكون وحيده دايم حولي احد
الليله
معزومه عند ام فيصل على العشا بنتهم سلمى جتهم وعمتي بعد رجعت
لبست ورحت لهم وتعشينا وانا راجعه للبيت
لقيت رجال جالس على باب بيتي
ياويلي شكله هذاك اللي كان يلحقني وانا ار