روايتيـن مميزتان ..
الكل يشاركنا بالتصويت 👆👆

🌸😍🌸😍🌸😍🌸

اخـواني المتابعيـن سيتـم نشـر
روايـة📚 #زهـــرة ضاميــة🥀
بـقلم الكـاتبة ✍ شبهة امي

*ع قناتنا عل التلجرام ..*
*🌺 t.me/ahgeel 🌺*

🌺😍🌺😍🌺😍🌺

📜
📚 😍
قصتنا 📖 🖌 القادمة

..
الاحداث وتفاصيلها من الماضي الجميل
مهما وصل عمر الانسان يظل متعطش للاهتمام والحب
زهره تلك اليتيمه التي زوجت بابي ناصر الستيني
هل تجد زهره ما تتعطش اليه من حب واهتمام عند زوجها ابو ناصر
وابو ناصر لما ظل بلا زواج طوال سنوات عمره ..

ما قصة خالد ووالده الذي يصر على زواجه كشرط اساسي لمتابعة دراسته ..

من هي هدى ولما لا تحب زهره ولما مصره على تدمير زواجها من ابو ناصر ..

عائلة ابو فيصل وام حسين وام امجد ما دورهم في حياة زهره
كل ذالك واكثر ستجدونه تحت تفاصيل واحداث قصتنا القادمة ..

#تـــــابــعـــــونــــــــــا. ..

#الموعد : الاحـد ..
2020 / 09 / 20

قصتنا 📔 القادمة ..
📚 t.me/ahgeel 📚

🌼🍃🌺🍃🌸🌺🍃🌸
🍃🌸🍃🌺🍃🌸
🌺🍃🌸
🍃
🌺ملخـــص الروايــة🌺

اسـم الرواية📚 #زهـــرة_ضـامـية🥀


#نوعـها: لامبالاة وضمير ميت
ومهما وصل عمر الانسان يظل متعطش للاهتمام والحب ❤️

💙اللهــجة : خليــــجيـة💙

رقــم الروايـــة : ⑤②②

اسم الكاتبة✏️ #شبـهة_امـي✏️

📗عدد الاجزاء : 16جزء📗

عدد ايام العرض : ثلاثة ايام

🔮الرواية مكتملة🔮

🍃روايـــة 🌺حصــرية ومميزة🌺
🌹💜🌹💜🌹💜🌹ـ💜
https://t.me/joinchat/AAAAAFdO1y-1PZ5SzX0BWg

🍃📚 @ahgeel 📚
🌺🍃🌸
🍃🌸🍃🌺🍃🌸;
🌼🍃🌺🍃🌸🍃🌺🍃🌸

🌻🍃🌻🍃🌻
🍃🌻🍃🌻

{ زهــــــــــــــــرة ضــــــــــــــامـــــــيــــــة }

🍃🌻🍃🌻
🌻🍃🌻🍃🌻

📚 😍 📜

#نبذة_عن_القصة ...

📖🖌 t.me/ahgeel 🌻🍃

* زهره تلك اليتيمه التي زوجت بابي ناصر الستيني
هل تجد زهره ما تتعطش اليه من حب واهتمام عند زوجها ابو ناصر
وابو ناصر لم ظل بلا زواج طوال سنوا ت عمره

*من هو أحمد وأي دور يلعبه في قصتنا ؟

* ما قصة خالد ووالده الذي يصر على زواجه كشرط اساسي لمتابعة دراسته ..

* من هي هدى ولما لا تحب زهره ولما مصره على تدمير زواجها من ابو ناصر ..

عائلة ابو فيصل وام حسين وام امجد ما دورهم في حياة زهره ..

كل ذلك واكثر ستجدونه تحت تفاصيل واحداث
* زهره ضاميه *

🌻📖🖌 t.me/ahgeel 📚🌻
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻 قـــــــصــ 📖 ــــــــــة....
#زهرة_ضـامية

🌻 الكـــا🖋تـــبــة : شبيهة أمي

🍃🌻🍃🌻
🌻🍃🌻🍃🌻

📚 😍 📜


نتمنى لكم متابعة شيقة
مع أحداث قصتنا شاكرين كل من تفاعل معنا في تقييم الرواية السابقة وايضا" كل من يتفاعل معنا ..

👩 : كيف سيتم العرض ؟

👱‍♀ : سيكون العرض على النحو التالي :

1⃣ - سيتم عرض القصة في الاوقات صباحا" ومساء" ..

2⃣ - القصة عدد الاجزاء 17 جزء سيتم عرضها خلال ثلاثة ايام ..

3⃣ - سيتم عرض 6 اجزاء يوميا" عشان متابعينا الكرام ..

4⃣ - يوم الثلاثاء بيتم تنزيل القصة ..

#فأهلا_وسـهلا

بكم متابعينا اﻷعزاء...

#تـابعونا..

🌻📖🖌 t.me/ahgeel 📚🌻
🍃🌻
🌻🍃🌻
🍃🌻🍃🌻
🌻🍃🌻🍃🌻

🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#زهـــرة_ضــاميــة🥀

🌱 #بدايـة_الجزء_الاول🌱
😍ــــــــــــــــــــــــــــــــــــــــــ😍
1
: كم تبي
: اللي تجيبه
:امسك هذي عشرة ريال ماهنا غيرها
ونزل الشنط
التفت وناظر اللي جالسه
ورى يله انزلي وصلنا
"تفحصت البيت من برى بنظري
شفت بيت متواضع جدا
نزل هو قبلي وفتح لي
باب السياره وانتظرني انزل
نزلت وانا متمسكه بغطاي
خايفه يطيره الهوا
نزل سواق الاجره الشنط
وحطهن عند الباب البني
: ادخلي
وشال شنطه وانا شلت
الشنطه الثانيه
:حياك الله في بيتك
زهره بحيا : الله يحييك
ابوناصر : تعالي اوريك حجر البيت
دار بي في بيته ودخلني
غرف البيت وكان عباره عن حوش كبير وثلاث غرف ومطبخ بطرف الحوش
حمامين واحد داخل البيت والثاني في الحوش ..

معهم من كانو لي الاهل

في بيت مجاور
: يمه يمه
ام فيصل : وهي ترفع عيونها لبنتها جنان
:نعم
جنان : يماه جارنا ابو ناصر
ام فيصل : وش فيه ؟
جنان بحماس : شفته على السطح
ام فيصل بصوت غاضب
: يا عيبااه تويقين على الرجال في بيته افرضي احد شافك وش بيقولون
بنات ابو فيصل في السطوح يترزن
جنان بتضيع السالفه
: يمه ابو ناصر دخل بيته ومعه حرمه
ام فيصل بشهقه: ايش حرمه!!
جنان: أي والله ومعهم شنطتين كبار ودار فيها البيت
ام فيصل ما حبت تتمادى مع بنتها :بس خلاص
ويا ويلك لو ادري انك وايقتي من السطوح مره ثانيه يا عوبا وروحي جهزي العشا ابوك لا جاء من صلاة المغرب يبي العشا جاهز
جنان بتذمر : يمه اليوم ماهو دوري اليوم دور سلمى
ام فيصل : طيب روحي
قولي لها تجهزه
..

ابو ناصر طالع لصلاة المغرب
وانا جالسه في غرفة النوم
دارت عيوني على جدران
غرفة النوم الخضرا القديمه
والمطرحه اللي مطبقه في طرف الغرفه
والمخده الطويله الساتان
والزوليه الحمرا المخططه بأسود
وخيوطها متأكله من القدم
كل هذا ما همني حاسه اني في قصر بصوت فيه نغمة الراحه والفرح
" يالله واخيرا صار لي
بيتي الخاص الحمد لله
فتحت شنطتي الاولى
شفت ملابسي الجديده
وتحسستها بسعاده
اول مره يكون عندي شي جديد
سعيده انا بحياتي هنا
على انها اول ليله لي
بس حاسه ان الجاي
احلى ان شاء الله

*

في بيت مجاور اخر
:ستي بتقولك هاتي من الحلاوة اللي جابها البارح ابويا
مهجه : روحي قولي لستك ان ابوكي ما جاب حاجه البارح يظهر انها خرفت
فتو بتعجب : ياماما تبغي اقول لستي هادا الكلام
مهجه واقفه فوق الغساله
وبصوت ساخر
: ايوا يا حبيبتي روحي
راحت فتو وبكل براءه الاطفال
: ستي ستي
امي تقولك ابويا ماجاب
حاجه يظهر انك خرفتي

انتفضت ام امجد وبكل ثقل وزنها الثقيل قامت من سريرها واستندت على عصايتها وببطئ وهي تعدل طرحتها البي ضا على راسها

: فينها امك يا فتو امك بنت الاصول انا خرفت والا هيا مخبيه الحلاوه عني
فتو : امي في الحوش
تغسل الهدوم
ام امجد : يا مهجه
يامهجه فينك يا بنت اخويا انا خرفت انا تقولي عني هادا الكلام
الحق مو عليكي الحق على ولدي اطلب منو الحاجه وبدل ما يديني هيا ...
مهجه قاطعت عمتها
: يا عمتي يا عمتي اشبك تصرخي فيا ولدك ماجاب حلاوه والله ماجاب يعني انا حخبيها عنك

ام امجد ترفع عصاها
في وجه مهجه : اسمعي
حركاتك وصوتك العالي
ما حيخوفوني انا عارفه انك تبغيني ازعل واروح عند بنتي مريم في الطايف بس بعينك هادا بيت ولدي ما حطلع منو الا على قبري سامعه
مهجه :ترفع عيونها على فوق
وتاخذ نفس وتخرجه
وب عقل وطولة بال : اللهم طولك ياروح انتي
يا عمتي ظالمتني والله انا ولا لحظه فكرت بالهرجه هادي
دخل امجد من باب البيت وكالعاده
سمع صوت امه وزوجته العالي
: ايش بكم ايش الهرجه
مهجه بتعب : تعال وقل لعمتي
انت جبت البارح حلاوة والا لا
ام امجد بصوت عالي :تعال يا ولدي
ونزلت عينها على الكيس اللي مع ولدها
: ايش هادا اللي معاك ؟
امجد ب ابتسامه : هادي الحلاوه اللي تحبيها يا امي
مهجه ب فرحه شفتي
يا عمتي انك ظلمتيني
ام امجد ب ابتسامه خجوله : سامحيني يا بنتي انتي عارفه اني ست كبيره واحيانا عقلي يفوت
مهجه في نفسها " احيانا
دايما تفوتي والنتيجه علقه على راسي
: عمتي الله يخليكي
لنا انت بركة هادا البيت وانا ما ازعل منك
فتو : ستي اديني من الحلاوه
ام امجد تمد يدها داخل الكيس وتعطي لحفيدتها حلاوتها المفضله
امجد يغمز لمهجه ويهمس لها " شكرا
ممتن لها لتحملها عمتها الكبيره النسايه والصعبه في التعامل

..

في المسجد
السلام عليكم ورحمة الله
السلام عليكم ورحمة الله
انفضت جماعة المصلين
وفرغ المسجد الا من بعض الرجال
: ابو فيصل استنى شوي
: هلا ابو ناصر
وتبادلو السلام
ابو فيصل : ما شاء الله غايب من كم يوم وينك ياجارنا
ابو ناصر بوجه معبس ومهموم
: رحت يم العم ناصر
وبكل هم نطقها "" وحلف الا يزوجني وزوجني البارح ..

ابو فيصل تفاجأ باللي قاله جاره بس فرح بنفس الوقت
: مبرووووك تزوجت
عل البركه منك المال ومنها العيال
ابو ناصر بهم : الله يسامحه ورطني والا انا وين والعرس وين
ابو فيصل حاول يغير من نفسية ا

بو ناصر
:لا ياخوي لا تقول كذا يمكن يكون هالزواج خير لك تفاءل بالخير
ابوناصر بعدم اقتناع هز راسه : يمكن
ابو فيصل ترى عشاكم عندنا بكره
ابو ناصر : ماله داعي يا بو فيصل
ابو فيصل : العشا ماهو لك العشى للعروس
خلها تتعرف على ام فيصل والبنات
ابو ناصر بتفكير
( أي خلها تعرف على ام فيصل وبناتها )
:خلاص تم بس لا تكلف الله يرحم والدينك
ابو فيصل : ما علينا من هالكلام
شلون ناصر ال...
ابو ناصر: بخير يا سبحان الله صار نسخه من ابوه
الله يرحمه يوم شفته دمعت عيني غصب ..

..

رجعت بي الذكرى لذاك اليوم اللي تغيرت فيه حياتي
: زهره العمه ام ناصر تبيك
زهره تركت اللي في يدي
ولبست منديلي على شعري ورحت بسرعه

العمه ام ناصر هي اكبر زوجات ابو ناصر التاجر
وهي اللي تتولى امور البيت ومن فيه من خدم
دقيت الباب ودخلت

"السلام عليكم عمتي طلبتيني
ام ناصر جالسه على كنب وثير
ولابسه ثوب مزموم من تحت الصدر ويدها تملاها الاساور الذهبيه
12 اسواره من النوع الثقيل
وخاتم بفص ازرق
وسلسال حلبي معلق بنحرها ينتهي بتعليقه ضخمه معشقه بأالماس حر
شعرها مفروق بالنص ومغطى بطرحه حرير
بكل طيبه : تعالي يازهره تعالي اجلسي جنبي
وبنفسها تقول" الله يصلحك ياناصر
وش لون اقولها هالخبر
وياربي مالقيت الا ابو ناصر !!
زهره بحيا جيت وجلست جنبها
ام ناصر تحسس خاتمها
بيدها وتفره يمين يسار
: كم عمرك الحين يازهره
رديت بحيره : والله مدري كم عمري ياعمه
ام ناصر با ابتسامه رحيمه وبتفكير عميق
: اممم انتي يازهره يوم يتوفون اهلك كنتي بعمر خمس سنوات
والحين كملتي عندنا ثلاثين سنه
" زهره ابتسمت وبنفس الوقت خفت قلبي نغزني من هالكلام مادري ليش
ام ناصر تكمل مهمتها الثقيله على نفسها
: اسمعي يازهره عمك ناصر زوجك

" شهقت ودمعت عيني عارفه اني ماأقدر أعارض او حتى أبين اني معارضه او حتى أسأل عن اللي زوجوني له
ام ناصر حاسه بالذنب
وبتقوم بواجبها على اكمل وجه مع بنتها اللي ربتها
: مبروك يا زهره ومهرك
وجهازك على عمك ناصر لا تخافين انا بجيب لك اللي تبين واكثر ..
" مسحت عيوني وبخضوع
ابتسمت : الله لا يخليني منكم يا عمه ..
ام ناصر:يوم الخميس بتروحين مع رجلك بنسوي لك عرس ونفرح فيك
صعقت " بعد بكره عرسي
بعد بكره عرسي
نبضات قلبي تتسارع واحساس عجيب اول مره احس فيه ..

..

ابو فيصل منسدح على فراشه
وبنته تهمز رجوله
وام فيصل ترتب وعقلها
في الحرمه اللي شافتها جنان مع ابو ناصر
ياترى من هي اللي اعرفه ان ابو ناصر ماعنده احد يزوره كانت حصه
الله يرحمها هي اللي دايم تجيه هي وبناتها
:ام فيصل
:يماااه
انتبهت ام فيصل من افكارها على صوت جنان
" يمه ابوي من اليوم يكلمك وانتي مسرحه
ام فيصل تبسمت باحراج : هلا يابو فيصل
ابوفيصل : اقولك ترى ابوناصر تزوج
ام فيصل بتعجب :ماشاء الله تزوج تزوج !!
ابو فيصل ضحك
:ههههاي والله تزوج ويقول ناصر ال.... زوجه غصب لو تشوفين وجهه تقولين ميت له احد
ام فيصل ناظرت بنتها جنان : يمه خلاص روحي نامي وسكري الباب وراك ..

طلعت جنان وهي ما تبي
تطلع تبي تعرف تفاصيل
زواج ابو ناصر جارهم ..
كملو كلامهم ابو فيصل
وام فيصل وعلمها بعزيمته لهم بكره ورحبت وهلت ام فيصل بضيوفها
وانحل لغز الحرمه اللي
كانت مع ابو ناصر بالنسبه لام فيصل

..

: تعالي يمه
: مانمت يا ولدي
: لا والله ما جاني نوم كنت افكر بابو ناصر
احس اني تعجلت يوم زوجته زهره
ام ناصر جت وجلست جنبه وهي تبي تهون عليه ..
الزواج وصار وماله داعي الكلام فيه لا تعجلت ولا تفكر فيه انت سويت فيه خير خله يمكن الله يرزقه بولد وزهره بعد خلاص خلها تشوف حياتها بعيد عنا
هالبنت طيبه مره
والبنات هنا اخذات حقها
وهي ولا عمرها اشتكت ..
مسح على وجهه : يارب ما اكون غلطان بس اليوم الصبح وهو جاي يودعني حسيت انه مهموم اكثر منه فرحان
ام ناصر لوت فمها بسخط
: ماعليك منه من يوم كان يشتغل مع ابوك وهو كذا معبس وشايل هموم دنيا الا انت وش اللي خلاك تزوجه زهره بالذات ..
ناصر بكل صراحه
: ام خالد ابلشتني تقول زوجها زوجها وما فكت عني الا يوم علمتها اني زوجتها ..
ام ناصر بغضب وبنقمه
على ام خالد (شريفه
: الله يصلحك صحيح اني ابي زهره تتزوج بس كان علمتني عن شريفه وزنها عليك
ام ناصر تفرك يدينها ببعض :اه يالقهر من يوم دخلت شريفه هالبيت وهي حاطه نقرها من نقر زهره المسكينه ..


ناصر حب راس امه : يمه خلاص تكفين انا حاس بالذنب من ناحية ابو ناصر لا تشيليني هم زهره بعد ..
ام ناصر وقفت بتطلع من الغرفه : ادعي ربك ان زهره تتقبل ابوناصر
وترضى بالعيش معه وعسى ربي ييسر امرهم ..

_

كح كح
شهق بقوة وهو يكح
ركضت زهره تعطيه كاس ماء
زهره : سم اشرب
ابو ناصر :كح كح
اخذ الكاسه وشرب
ورجع انسدح بفراشه
زهره
" واقفه عند رجوله وأتأمل هالانسان اللي قدامي نايم من بعد صلاة العشا ورفض يتعشى من السندويشات اللي جابهن لي
حاولت انام ما قدرت البيت حار وما فيه الا مروحه وحده
في سقف الغرفه
ومزعجه تدور ولها صرير مزعج
منسدحه بفراشي اللي في طرف الغرفه
غمضت ع

يوني بس مع التفكير
ترجع تفتح واخر شي قررت اني اجلس
وجت عيني على وجه ابو ناصر
"نايم وشكله تعبان اكيد بيكون تعبان رجال كبير
و بتفكير عميق
" ياترى كم عمره
"اممممم يمكن يكون عمره 60 سنه
كح ح وقطع عليها كحت ابو ناصر ..

..

اوهوه علينا ايش بك يا حرمه اهجدي خلينا نعرف ننام
مهجه خبطته على كتفه : لا تقلي حرمه انا ليا اسم وبعدين انا ابغى اعرف من فين جبت الفلوس دحينا تقلي
احمد ببرود : بعت السياره
مهجه طلعت جنونها
: اش اش اش بعت السياره
واحنا كيف حنسافر لجده انت عارف كم باقي على اجازة الصيف
احمد بعصبيه : ايوه بعت السياره خلاص
والسنه هادي جالسين ما حنسافر
مهجه فصلت اسلاك عقلها وتخصرت : نعم نعم ماحنسافر ليه يا خويا حسافر يعني حسافر والا شاطر تسفر امك كل سنه رجلي على رجل عمتي زي هيا ماحتروح انا كمانا حروح زيها
امجد صوته بدى يعلى
: يا حرمه اهجدي وعيب
ترفعي صوتك عليا
مهجه بعدم عقلانيه : حرفع صوتي وامد يدي كمان لو لزم الموضوع
امجد رد عليها برد واحد
كف قوي على وجهها ..
مهجه ردت عليه بكف
بس هو مسك يدها ولواها ورى ظهرها : تمدي يدك اكسرها لكي واعلقها
في رقبتك سامعه يابقره
مهجه رفعت صوتها بالصراخ والشتم
:انا بقره يارمه انا بقره ياعرة الرجال
وتبادلو الشتم والسب وبالصوت العالي وما راعو مشاعر الجيران ..

..

سلمى وهي تسد اذنها
: وش هالازعاج والله ما يستحون كل كم ليله كذا
عيب عليهم هو يضرب
وهي تصرخ وهو يسب وهي ترد عليه تعبت والله منهم
هناء تتمسخر :لا واللي ادهى وامر لا جت زياره عند امي تقول يابنات صوتكم يوصل لعند
غرفتنا انا وجوزي ابو فتوو
جنان : هههههه من زينه
عاد ابو فتو اللي لا كشخ كشخ لبس وزار وفانيله علاقي
سلمى وهناء بضحك مشترك ههههههههههه
سلمى : والله ما أرحم الا الضعيفه بنتهم كل ما تضاربو جت عند ابوي تستنجد فيه ..
هناء :خخخخخخ
ما انسى يوم يجي
عبد الله وعمي يخطبوني ونامو عندنا ..
سلمى قطعت عليها كلامها : ايه ذيك الليله يا فشيله بس
هناء وخجل فعلي وهي تسترجع الموقف : والله فشيله صدق
وقفت عند باب المقلط وتصرخ يا عمي ابو فيصل الحق ابويا ضرب امي والسبب ستي وانا اجر فيها ابيها تتحرك من قدام الباب لايصحون
وهي ماشاء الله عليها مثبته رجولها بالارض
سلمى وجنان : ههههههههه
هناء : ويا فشيله عبدالله
بعد ما تزوجنا بفتره
يسألني وش سالفة البنت
اللي كانت تستنجد بعمي ابو فيصل

..

مع صياح الديك واشراقة شمس الصباح
كان يمارس عادته الصباحيه تجهيز القهوة كان مايشرب قهوة كثير بس يحب يسويها يتسلى فيها
شال دلته وفنجاله وتوجه لفراش تحت نخلته اليتيمه اللي تتوسط حوش بيته
جلس وصب لنفسه فنجال شرب فنجاله الاول
وارتكى وجالت عيونه في بيته وتفاصيله وركز على شباك غرفة النوم
" ( ياربي شسوي بهالمسلمه اللي بلاني فيها عمي ناصر ))
ما يعرف عنها شي غير اسمها وانها يتيمه ومربيتها العمه ام ناصر
رفع بصره للسما ودعا من كل قلبه
" يارب يارب انت اعلم بحالي يارب استر علي قبل مماتي

زهره
"وعيت من النوم وكل عظمه تشتكي وتصرخ من الوجع بحياتي ما نمت على الارض انا لازم اقوله يشتري لي سرير ما اقدر على كذا
دخلت الحمام وتوضيت واحساسي بالذنب عظيم تأخرت بصلاة الفجر
والسبب سهرتي مع المروحه اللي تسولف علي طول الليل لا انا اللي نمت ولاهي اللي بردت علي
صليت ورحت فتحت شنطتي
وطلعت لي جلابيه خفيفه
أتبرد فيها بهالصبح الحار
وغيرت وطلعت اشوف وينه عريس الغفله زين الشباب
شفته جالس تحت النخله وعنده دلته
زهره : السلام عليكم
ابو ناصر : وعليكم السلام

"سكت ما ادري وش اقول
ابو ناصر يناظر في كل مكان الا انا ..
فجأه نطق ابو الهول
قصدي ابو ناصر
: الليله عشانا عند جارنا ابو فيصل بعد صلاة العشا تكونين جاهزه
تبسمت وقلت : طيب ان شاء الله
ورجع الصمت مره ثانيه
رجع نطق ابو الهول
ابو ناصر: جيبي لك فنجال عشان تتقهوين ..



رحت ودخلت المطبخ وصعقت من منظره مطبخ قديم مافيه حتى دولاب
هو حوض المغسله الحجر
وعليه المواعين مجمعه
جلت بعيني ادور فنجال قهوه
لقيت فنجالين وكلها مشطبه اطرافها
لقيت كاسة شاي وغسلتها
ورحت عند ابو ناصر بالحوش
ناظر الكاسه اللي في يدي وسألني ما لقيتي فناجيل قهوه
"الا لقيت بس مشطبه وانا ما اشرب بفنجال مشطوب
هز راسه وبنفسه " بدينا من الحين بتطلع عذاريبي بعينها الله يستر"
"ومديت يدي اتناول من الدله عشان اصب لنفسي ..
حلف علي " والله ما تصبين انا اصب لك ..
غصبا عني ارتسمت على وجهي ابتسامه عريضه
والله ابو الهول ذرب
" اول مره بعد كذا انا اقهويك
سألته " تحب قهوتك الصبح بدري كذا
ابو ناصر : أي اصلي الفجر واقعد بالمسجد الى الاشراق واجي للبيت واتقهوى تحت هالنخله ..
" طيب متى تبي فطورك؟
ابو ناصر :مع القهوه والا بعدها بشوي ..
ساد الصمت
مدري ليش ماخذه راحتي معه اسولف واتحرك شعور بالراحه وانا معاه هذا اللي حاسته يمكن عشانه رجال كبير يمكن ملامحه السمحه هي اللي مطمنتني ودي انه يتكلم يعلمني عن نفسه شوي ..
رشفت رشفات من قهوتي
فجأه قام م

ن مكانه وطلع ساعته من جيبه الفوقي
وتأملها دقيقه
كأنه يدقق بالوقت
" اسمعي يا....
رديت بسرعه وانا اوقف قدامه
" زهره اسمي زهره
رد ابو ناصر " معليش انا نسيت اسمك ما تعودت ومع الايام ما بنسااهان شاء الله
تردد شوي وبعدها قال :اسمعيني انا عارف ان البيت خرابه وقديم وما ينفع للسكن وانتي متعوده على عيشة القصور بس انتي شوفي وش تبين تغيرين وانا اوديك للمحلات ونشتري اللي تبينه ..
"ابتسمت بامتنان له : شكرا يا بو ناصر متى ما تبينا نروح انا جاهزه انا شفت المطبخ يبيله اشياء كثير وبعد غرفة النوم محتاجين سرير ..
ابوناصر بقلبه " هه تبي سرير اول البشاير
وانهى الكلام بقوله
:خلاص باكر الصباح ان شاء الله نروح وخذي كل اللي خاطرك تشترينه والحين اسمحي لي بطلع تبين شي من برى ..
زهرة : سلامتك بقوم اشوف ايش ناقص البيت

: يا بوي الله يخليك لي افهمني انا ما جلست هنا كذا انا قاعد اخذ خبره وللحين باقي لي الدكتوراه
ناصر : اقولك معك لين اخر هالسنه تنهي امورك وتجي ..
خالد: يابوي الله يرحم والدينك اسمعني انت ليش تبيني ارجع فهمني بس ..
ناصر بصوت حازم: تجي يعني تجي
خلاص كم سنه وانت بعيد ومن دون اسباب ترجع يله مع السلامه ..
وقفل ناصر التلفون
والتفت على زوجته شريفه وبنبره شديده
: شوفي من هالحين اعلمك ما اقبل أي واسطه له يرجع يعني يرجع ..
شريفه وهي تنفخ على اظافرها الطويله الملونه باحمر : ياربي وش فيك على هالولد خله علامك مستعجل عليه للحين ما خلص دراسته
ناصر يتلمس جيوب ثوبه وهو واقف: انا ابيه يرجع ابيه جنبي ابيه يتزوج راح عمره وهو يدرس
بضحكه : هالحين كل هالصجه عشان تبيه يتزوج شف ياناصر الزم ما علي سعادة ولدي وهو سعادته ومطلبه دراسته لا تنكد عليه ..
طلع من الغرفه وهي تلحقه
ناصر: ممكن اتغاضى عن رجعته لو تزوج
شريفه : لوت فمها ما اعتقد بيوافق بس ببلغه بشرطك
ناصر :انا رايح للمكتب وفي الليل عندي عشا عمل ..
شريفه رجعت لغرفتها وجلست تتفرج على التلفزيون
"اكيد بيمر العجوز امه ويبلغها بمستجداته كالعاده ..
خالد بيأس " ياربي من ابوي ماهو قادر يفهمني انا ما ابي ارجع هالحين يعني كل هالسنين وانا هنا ادرس من يومني بالمتوسط ولا عمره احتج او اعترض يجي هالحين يوم وصلت لاهم مرحله
(الدكتوراة ) ولا تخصصي دقيق ومهم وماهو موجود باي مكان انا لازم ارجع اكلمه
انسدح وحط يده على عيونه بيستعد للنوم
دق تلفون البيت
" ياربي منهو المزعج اللي داق على هالوقت
رفع السماعة : الوووو
ام خالد" السلام عليكم خلودي بعد عمري ..
خالد فز من سريره وجلس " يا هلا وغلا بام خالد اللي لا سمعت صوتها تهون علي الدنيا بكل ما فيها من مشاكل ..
ام خالد بحب وبحنان : شلونك ابوي شلون دراستك عساك مرتاح
خالد تنهد من اعماقه : يمه انا بخير الحمد لله بس اكيد عرفتي ابوي وش طلب مني
ام خالد بضحكه بارده : اي دريت اصلا يكلمك وانا عنده شف هو يبيك ترجع ومصر على رايه ..
خالد يشد شعره ويصر على اسنانه : يمه والله حرام يعني هالحين يومني قربت احقق حلمي يبني ارجع
وبيأس: شجاه علي ما عمره تكلم معي بالاسلوب وفجأه طلبه ذا ..
ام خالد: اسمع قبل شوي كلمته وعرفت ليش يبيك ترجع
خالد بلهفه لمعرفة السبب : ليش
ام خالد:يبيك تتزوج ..
خالد بابتسامه باهته : يمه من صدقك الحين هذا كلام ابوي والا كلامك ..
ام خالد بحب وبتملك : انا يا خلودي ودي انك تتوفق في حياتك وتكمل دراستك والا الزواج وغثاه لاحق عليه " وبقلبها هو انا مجنونه ازوجك عشان تاخذك بنت ابليس عني ..


خالد: يمه يعني ابوي لا تزوجت بيخليني اكمل دراستي هنا ..
ام خالد بنرفزه : ايه هذا شرطه بس انت ما عليك منه سوي اللي براسك مصيره بيرضى
خالد: يمه حبيبتي انتي وابوي اهم واغلى من خلق ربي ورضاكم عندي اساسي وسبب توفيقي من الله
ام خالد بخوف وبهمس: يعني بتوافق على طلب ابوك ..
خالد بحيره : مدري يمه افكر واكلمه واشوف وش بيقولي ..
ام خالد بخيبة امل عارفه انه في النهايه اكيد بيرضخ لرغبة ابوه : شف انا معاك واعرف اني ما يهمني بالدنيا غيرك انت واختك

"يمه وين رايحه
ياولدي الليله فيه عشى عند بيت ابو فيصل وتوها دقت ام فيصل تعزمني ..
حسين:يمه هالحين تبين تروحين
وهو يناظر الساعه
يمه الساعه 3 الظهر باقي شوي ويأذن العصر ..
ام حسين وهي تغطي وجهها : عادي ام فيصل متعوده علي اجيها بأي وقت
حسين يهز رأسه بيأس " مستحيل امي تقر ببيتها مستحيل
بعذر ابوي تزوج عليها
دخلت مثل العاصفه الهوجا : يمه شوفي لك حل مع ام حسين
" ام فيصل تشرف على تجهيزات العزومه
: جت ام حسين
سلمى بتأفف : ايه جت العله
ام فيصل : عيب يمه ام حسين اكبر مني
سلمى وبصوت فيه ملل:عارفه بس تراني طفشت منها كل ما شافتني تدعي علي بالموت ..
ام فيصل جت جنب سلمى وبحنان : يمه تراها ما تقصدك تقصد طبينتها ..
سلمى : ادري بس تراعي مشاعري مو كل ما شافتني " تغير صوتها مثل ام حسين وتقلدها "" يعلك الموت يا سلمى يا علك ما تهنين بمنامك ولا زادك ..
ام فيصل : خلاص مادام عارفه طنشي وارتاحي..

فجأه طبت عليهم ام حسين المطبخ وشافت سلمى وبدت موشحها لا تذكرت طبينتها : عساك للموت يا سلمى ..

طلعت سلمى وهي تتأفف بصوت عالي
وام حسين تتبعها بنظرها وبكل براءه تسأل ام فيصل : وش فيها بنتك تنافخ ..
ام فيصل : ههههههههه خفي على بنتي كرهتيها اسمها

..
عند زهرة ..

"ياربي من هالحاله
اذن العصر وعريس الغفله ما شرف وين راح وتركني
قمت وصليت العصر
وبعدها رحت لشناطي ادور وش بالبس الليله بعشى جيراننا
فتحت الشنطه وشفت فستان زواجي
"هههه
رفعته قدام عيوني وتحسست قماشه الوردي
بالله ذا فستان عروس
يفشل مدري منين جابته العمه شريفه
" ما انسى وجه عمتي ام ناصر يوم شافتني وانا لابسته
ام ناصر بتساؤل : زهره وش هاللي لابسته
ناظرت بالعمه شريفه ابيها تتكلم
ناظرتني وقرصت عينه بتوعد لي لو تكلمت
" بالله وش تبيني اقول مدري شقول العمه شريفه للاسف تكرهني وبكل وضوح ما تجاملني ابدا
درت بفستاني اتباهى فيه وكأنه اجمل فستان
: شرايك يا عمه بالله مو حلو يجنن علي صح ..
ام ناصر على بالها الفستان من ذوق زهره : يا ماشا الله وش زينه عليك وبوست خدودي وحشرت بكفي شي مدري وشهو
انا صكيت كفي عليه بقوه عشان ما تشوفه العمه شريفه
وجلست انتظر مباركة البنات ..
..

من بعد صلاة العشاء

زهرة : ياربي هذا وين راح
ماسكه عباتي وجالسه
انتظر ابو ناصر
قلق والله
اكيد انه ناسي اني في البيت استناه
قمت احرك رجولي شوي احسها تخدرت من كثر ما جلست وانا انتظره
وقفت عند مراية المغسله اتفقد روجي وكحل عيوني اتأمل ملامحي السمرا برضا اول مره اشوف نفسي حلوه يمكن عشان نفسيتي مرتاحه ..
سمعت صوت الباب وهو يفتح
وشفته يدخل
ابو ناصر : السلام عليكم
رديت عليه : وعليكم السلام وينك وين رحت الله يهداك قلقت عليك
ابو ناصر بحرج : معليش السموحه تعطلت السياره علي
رديت عليه : اهم شي انك بخير
ابوناصر يتهرب بعيونه عني : جاهزه
رديت عليه : ايه جاهزه
ابوناصر بعجله : دقيقه بغير ثيابي
ودخل داخل البيت وانا انتظره
بالحوش والنسمه تلعب
\بشعري
دقايق طلع ابو ناصر وهو كاشخ كشخة شيبان
يالله كتمت ضحكتي يا حليله كاشخ والله
لابس ثوب بني بعز الصيف ووبشت بنيه وشماغه البرتقالي ..
طبعا كله مجعد وغير مكوي
: يله مشينا نطقها وهو يمشي قدامي
"تأملته وتعجبت هذا من صدقه يبي يروح للناس على هالشكل
: ابوناصر ليه ما قلت لي اكوي لك ملابسك عطنياها خليني اكويها ..
ابو ناصربعد نظره سريعه على ثيابه : ماله داعي تأخرنا على ابو فيصل امشي امشي ..
وطلعنا من البيت

..

هناء يا هناء
علامك ما تردين
هناء بنص ابتسامه : هلا ام حسين امري وش تبين
ام حسين ترفع فنجال القهوه : جديده هالفناجيل اول مره اشوفها متى شريتوها ما شفتها قبل كذا ؟
سلمى بصوت حاد ترد على ام حسين : أي جديده وش عندك ؟
هناء وهي كاتمه ضحكتها : سلمى عيب عليك
سلمى : وانا صادقه لازم تعرف عن كل شي ..
ام حسين رشفت فنجالها كله وناظرت سلمى : سليم هاك فنجالكم ما نبيه
وحذفت سلمى فيه
سلمى تفادت الفنجال
اللي طاح وارها والحمد لله ما انكسر
سلمى مصعوقه من حركة ام حسين
وتهمس لهناء: شفتي شفتي انها مجنونه انا قايله لكم ..
😍ــــــــــــــــــــــــــــــــــــــــــ😍
#الـى_هنا_ينتهي_الجزء_الـ1⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼