نبدا بنشر الرواية

🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الاول🌱
😍ــــــــــــــــــــــــــــــــــــــــــ😍

.في بيت ابو عمر كالعاده صياح عبيد ونجلا واصل لاخر الحاره
نجلا :عبيييييدووووه قسم لو ما تجيب شاحني اوريك
عبيد: ههههههههه ضحكتيني اقول افرقينا بريحه طيبه احسن لك لا قسم اقطعه وانتي تشوفين
نجلا:فيك خير قطعه قسم لعلم علي يصلخ جلدك هات ي غبي ي متخلف
عبيد :انا المتخلف هاه و(قطعه اثنين )
نجلا:يممممممممممممه الله ياخذك ي همجي
وفجاءه دخلت ام عمر تركض : العين تطرئك انت وياها شو بكن اصواتكن واصله اخر الحاره شو صاير
نجلا :يمه شوفي قطع شاحني وهي تبكي
ام عمر :عبيد ي مأوص شو ساوت لك اختك لحتى تأطع شاحنا كم مره صرت قايله لك ما ترقب عليها شو انته
عبيييد:يوه كل ذا عشان البكايه هاذي خلي ...وانقطع كلامه على صوت علي
علي:عبيييد ي ثور
عبيد:بسم الله وش بك تصارخ كن حنا ذابحين لك احد
علي وهو جاي مسرع وعقاله في يده ومسك عبيد من اذنه:كم مره اقول لا ترفع صوتك على امي وتنافخ عليها هااه كم مره انت ما تفهم
عبيد:اترك اذني ماني اصغر عيالك ولا انت ولي امر
نجلا جت مسرعه وتبكي :علي شوفه قطع شاحني
عبيد :احسن
ما حس الا بضرب عليه فيه بالعقال وهو يصارخ وعلي يضرب وامه تحاول تفرق بينهم
شوي الا عمر وعياله داخلين :خير خير ي جماعه وش ذي الاصوات وبدا يفرق بينهم وفرق بينهم
علي وهو يتنهد من العصبيه :اقسم بالذي خلق النفس من النفس لو تتعرض لنجلا او امي ثاني مره لذبحك ولا اعدك عايش
عبيد :أ... وسكته عمر وهو يقول :خلصنا انت الثاني روح على غرفتك كل يوم صياح ومشاكل
طلع عبيد وهو يتحلطم ويسب وطلع علي لغرفته والباقين جلسوا في الصاله يسولفون ويتقهوون
.
٠٠
عند ام محمد : ريم يمه تعالي تعالي تقهوي معي
ريم :ابشري ي جده بس اقفل من شيخه واجي
ام محمد :على راحتك
ريم : ‏الو شيخه
شيخه :نعم جعلك الذيب وين طسيتي تهذرين
ريم :جعلك انتي بالذيب ي الدبا كنت اكلم جدتي ي المنتفخه
المهم قولي لي كلمتي نجلا وينها غاطه
شيخه :اقول انطمي ماغيرك المنتفخه اصلا انا ملح وقبله ي العصلا
ريم :اوه اهو علينا اخلصي وش صار على نجلا
شيخه :ابد ي شيخه متطاقتن مع عبيد وقاطع شاحنها
ريم : والله ي عبيد ودك تربطينه بماسورة كهرب وتخلينه تصكه الشمس كود يعقل ويريحنا
شيخه:هههههههه هذا انتي يامي هذا انتي لو بيفيد فاد فيه طق علي اللي كل صبح وعشيه لكن الطق في الميت حرام ما يفهم
ريم :يوه بسم الله علي ذا كل ما شاف احد طقه موب صاحي حشا خسارة الحلا اللي عليه النفسيه
شيخه :حرام عليك ي خبله قسم انه يجنن بس لا تنرفز يرفع الضغط
ريم :ي شيخه فكينا منه قسم اني اخاف منه وتقرقع ركبي لاسمعت طاريه
شيخه :عشانك ماتعرفينه والا ي زينه
ريم :خلاص درينا انه راضع معكم ويصير اخوكم وتعرفينه صجتينا فيه ترا قومي انقلعي اروح اغسل مواعيني واتقهوى مع جدتي ..
.
٠
عند علي انقلب بعد ما انزعج من بدر فوق راسه وهو يالله يفتح عيونه من النوم
علي:خير خير الواحد مايعرف ينام في ذا البيت جنون انتم والا اخوان هااه
بدر:لا حول ولا قوة الا بالله انت وشبك تهاوش ماجيت حب فيك قم رد على طراد ما قعد احد ما دق عليه عشان ترد عليه حضرة المدير علي
علي:قل امين الله يعدمني اياك على اهون سبب
بدر :قل استغفر الله باقي وراي حياه بعيشها
علي يقلده:اننننننن قم طس وصك الباب
دق جواله ورد :خير قامت القيامه ..
طراد :طلعة روح العدو حتى طلعت ي رجل نفسي في يوم كذا نفسي لو ادق عليك مره بس مره وترد بسرعه من دون ما اروح ادقدق على المسلمين جوالاتك عشر وكلها على الفاضي
علي :من حلال ابوك هي علمني من حلال ابوك وبعدين وش عندك مدقدق على الخلق
طراد :الشرهه ماهي عليك على الحمار اللي يدق عليك بيعزمك للعشاء لكن نم نومة اهل الكهف ي رب
علي : اب اب اب ما عرفت الزعول والنفسيه وين عشاك بس
طراد :من عاشر القوم المهم تذكر المطعم اللي عشانا فيه سعود تعال هناك
علي:سلام
طراد بعد ماسكر علي في وجهه جعلك النزله يسكر في وجهي وانا عازمه لكن هييين ي ابو قصه
٠
.
عند ريييم وهي تغسل في المواعين :جعل ذي المواعين تنكسر كلها عشان ارتاح ي ربي. ما كأن وراي شغل غيره حياتي كلها مطبخ ي ويل قلبي متى ربي يرزقني بشغاله وافتك تفاجأت بالصوت اللي يقول وراها :تبين شغاله تحضر تحت رجلك مليون شغاله بس انتي قولي تم وافقي
التفت ريم برعب :وجع اطلع برا لا انادي جدتي
مشعل وهو يضحك ويقرب منها:نادي ابوي لو تبين ريم انتي لي طال الزمن اوقصر
ريم دفته وهي تصيح: تخسي ..
مشعل مسكها بشعرها:اخسي هاه طيب ي ريم ذا الكلام ماخوذ حقه بس اصبري
جلست ريم تصيح وهي تدفه فكها وهو يرميها :نشوف ياليتيمه نشوف وطلع ..

ريم هي تبكي بحرقه:حسبي الله عليك ي مشعل حسبي الله عليك الله يحرق قلبك مثل ما حرقت قلبي آه يمه آ

ه يبه ليتكم عايشين كان ما تجرأ ذا الوسخ يتعدا علي زاد بكاها وهي تقول :مالي سند يبه مالي سند يمه
قطع عليها صوت جوالها ردت وهي تبكي :نجلاء
نجلا :بسم الله ريم وش فيك وش صاير ليه تبكين جدتك فيها شي
ريم وهي تبكي :لا
نجلا برعب:اجل وش بك
ريم بصياح وهي تشاهق :من مشعل .
نجلا برعب :وش به وش سوا لك تكلمي
ريم :يضايقني ي نجلا توه طقني وهددني اني بتزوجه
نجلا بعصبيه:خير الدنيا على كيفه هو وين جدتك عنك وليش يدخل عليك وانتي مانك محرم له
ريم :جدتي راحت معزومه عند جارتها ومدري كيف دخل
نجلا :ريم ضروري تلقين له حل هذا كلب صدقيني ما يخليك بحالك
ريم :وش بيدي ي نجلا انا حتى جدتي مقدر اقولها انتي تدرين بعد وفاة امي جدتي صارت متعلقه بخالي واذا قلت لها بتقول لخالي وتصير مشاكل ويفترقون وحزتها بتموت جدتي غبنه
نجلا :وش بتسوين بتسكتين لين يدمرك .
ريم :والله مدري ي نجلا ربي بيفرجها
نجلا:الله يعينك حبيبتي ريم انتبهي لنفسك ولا تهملينها طيب
ريم :طيب
٠
.
وعند علي كان نازل من الدرج وهو يدندن ايام حلوه كانت ايام حبك وقطع عليه نجلا وهي تقول الله يعينك وانتبهي لنفسك حبيبتي ريم اول ما سمع اسم ريم خفق قلبه بقوه وخاف من نبرة نجلا وجا مسرع : نجلا
نجلا:علي انت هنا
علي :اي توني جيت وش فيها ريم تقولين الله يعينك وانتبهي لنفسك فيها شي
نجلا :هاه لا لا بس شوي تعبانه
علي:طول عمرها تتعب ما سمعت نبرتك تغيرت زي الحين وش فيها
نجلا:‏والله ما فيها شيء ي علي بس تعبانه يالله بروح اساعد امي وراحت ركض قبل يحشرها
كمل علي طريقه وهو ضايق وحاس فيه شي ركب سيارته واتجه للمطعم
٠
.
عند شيخه
كانت ماسكه ريماس ولاويه يدها ومثبته راسها على الجدار وتعض فيها
ريماس :شيخه فكيني احترميني انا اختك الكبيره ومتزوجه
شيخه وقشتها منفوشه :اختي الكبيره من قالك تفصلين البلاستيشن علي هاااه وترجع تعضها
ريماس:آهه يمه الحقيني ذبحتني .
دخل ناصر وهو حاط يدينه على راسه: وش ذا حشى بعارين
ريماس :علم هاذي خلها تفكني ذبحتني
ناصر:هش شيخه هش اووه وش تسوين
شيخه وهي تنافخ :وخر عني انت الثاني هاذي كفو تفصل البلاستيشن علي هاه
ناصر :اعوذ بالله كل ذا عشان بلاستيشن اجل لو تذبح لك ورع وش بتسوين
ريماس :نويصر وجهد فكني منها ذبحتني
ناصر :‏شيخة تعوذي من ابليس وفكي البنت وماعاد تعيدها
شيخه :والله لو تعيدينها لا ايتم عيالك تسمعين 'وجع
ناصر:ريماس هنيك السلامه انكتب لك عمر جديد ههههههههههه
شيخه :شكلك تبي تنجلد انت بعد
ناصر :ابدا سلام عليكو
٠
.
عند علي وهو جالس يخبص بالاكل وسرحان
طراد :هييييييي اوووه ي اهل الفضاء علي
علي:بسم الله الرحمن انت مريض ي رجل ما تعرف ترخي صوتك وتنادي لازم كل العالم تدري انك تنادي
طراد :لي ساعه انادي فيك وانت ما حولك احد قلي وش اخبار الفضائيون
علي ببلاهه:اي فضائيون ؟
طراد بضحكه استهزاء:ههه اللي انت سرحت معهم
علي وهي معفط وجهه:الله يعل كبدك على ثقل الطينه اللي عندك
طراد وهو يضحك:ههههههه المهم خير وش فيها ريم
علي وهو منفس :سلام قولاً من ربٍ رحيم وش دراك ان ريم في الموضوع
طراد وهو متكي :شف انت مايردك عن الاكل الا حاجتين ي ريم ي الشركه وبما انه الشركه تمام فالموضوع ريم انطق ي باشا وش السالفه
علي :آآخ ي طراد اخ قلبي اكلني عليها احس فيها شي واليوم سمعت نجلا تكلمها وهي تقول الله يعينك انتبهي لنفسك
طراد وهو مفهي :في ذمتي ان عقلك سلم على زحل انت خبل بالله خبل يالله انك معطي العقول تكرم عليه بنص مانبي اكثر الرجال معاد به عقل نسال الله السلامه
علي وهو متضايق:خير ي ثقيل الطينه وش صاير وش بك
طراد :علي انت صادق هاذي كلمه ينشغل بالك منها هاذي حتى انا اقولها لك
علي:ماهي ذي القضيه نبرة نجلا غريبه توضح ان فيه مصيبه انا اعرف نجلا
طراد :علي روقنا لو فيها شي بندري اكيد
علي بستهزاء:من انت يوم تدري ابوها والا من اقصى قرايبها
طراد بفشله:يعني انت بتدري وجع
علي :ارتاح بس
طراد:والله مدري وش له تدخل نفسك بذي السالفه
علي:ي طراد كم مره صرت شارح لك ي طراد انا احسها امانه عندي ما انسى اليوم اللي بلغونا بوفاة اهلها كانت صغيره كنا نلعب ما كانت تدري وش الخبصه كانت دايم تجي عندي وتسالني عن اهلها ماكنت اقدر اجاوبها كنت كل مره اتلعثم اذكر يوم مشعل قالها اهلك ماتو شكثر زعلت وبكت وجتني تبكي بحرقه ما انسى دموعها يوم قالت انا خايفه مسكت يدي ي طراد وقالت لا تخليني حلفت ما خليها لو اتخلى عن روحي معي سلسالها باقي معي باقي في قلبي حبها والله باقي تبيني اسلى وانسى اي هم لها ..

طراد :مدري وش اقول بس الله يزينها
علي .طراد قم
طراد :بسم الله وين ما خلصنا عشا
علي :قم تكفى بروح اشوفها اخاف فيها شي تكفى
طراد:يوه علي علي فكنا من ذي السالفه لا تضيعنا وتضيع نفسك بطل وريحنا
علي:طراد بتجي معي والا اروح شوفها انا
طراد:ي عل......قاطعه علي سلام عليكم
نقز طراد ومسكه:تعال خلاص بروح معك عسى مالي خلاص
علي وهو يضمه:ي بعد حي

ي وميتي ي طراد
.
.
عند ريم كانت منهاره بغرفتها وتبكي ماتدري وش تسوي مالها حيله تحتال بها
في الجهه الثانيه كان علي على الشباك ويراقبها وهو ميت قهر وطراد ماسك السلم :هاه وش فيه
علي:كنت حاس قلت لك قلت لك فيها شي
طراد:وش شفت
علي نقز من فوق :طراد ريم منهاره فيها شي لازم اعرفه لازم طراد :وكيف بتعرف
علي: اسمع انا بروح ادق الباب بسوي حالي جاي اسلم وامشي واول ما تطلع ريم من الغرفه تنط انت وتحط جوالي الثاني في الغرفه وتتصل من جوالك عليه وخل الخط مفتوح طيب
طراد بخوف :صاحي انت وان شافني احد وانا انقز غرفة البنت وش بيصير
علي :محد بيشوف اخلص
عطاه الجوال وراح ودق الباب ودق سمع صوتها وهي تجاوب
ريم:مين
علي:انا علي ولد عبدالرحمن
ريم خافت وش يبي ذا بعد:نعم وش بغيت
علي وهو ضايق على صوتها المبحوح من البكا: ام. محمد موجوده
ريم بضيق :لا ماهي فيه
علي :زين سلمي عليها
ريم :زين
علي:ريم
ريم على طول :خير
علي:بلا مواخذه حبيت اسالك عن اخبارك ان شاء الله انك بخير من زمان عنكم
ريم بسرعه وخوف :الحمدلله بخير مع السلامه
تنهد علي ورجع لطراد وقال :هاه وش صار معك
طراد :دخلته بس عسى ماتشوفه وش صار معك
علي:جدتها مو في البيت عشان كذا ما دخلت
طراد :زين اختصرت علينا مشوار
علي :اتصلت على الجوال عشان نسمع وش فيه
طراد :ايه بس خلنا نروح السياره بلاش تحس علينا
علي :يالله
.
٠
عند ريم رجعت غرفتها وهي تبكي وينك يمه وينك يبه والله خايفه والله مابي اعيش الا معكم ليتكم ترجعون ليتكم ماتركتوني ورحتوا ليتكم ما خليتوني هنا انا تعبت تعبت تعبت اشوف كل الناس فرحانه بأهلهم الا انا ياليت ربي يأخذ روحي وارتاح من ذا العنا كله ي رب كل ما طلع لي احد الاقي حاله معوج اااخ ي صعبها عيشة اليتيم
٠
.
عند علي اتكى راسه على مرتبة السياره وقفل الخط وقال: ي جعل كل هم يوجعها فيني تكفى ي طراد دور لي حل اساعدها فيه تكفى والله دموعها علي صعبه والله
طراد بأسى :والله مدري
علي: ليتني اقدر اسوي شي والله لسويه
طراد: تبي الصراحه تقدر وتقدر تطلعها من ذا كله وتعيشها العيشه اللي هي تبيها وتعوضها
علي باستغراب :كيف
طراد :ماهي صعبه تزوجها
علي بقلة حيله :صاحي انت وش اتزوجها
طراد بقل صبر: ودامك مانك متزوجها ليه صاجنا فيها كل يوم والثاني وش يمنع ما تتزوجها
علي :طراد اللي يشوفك يقول ما تدري وش اعاني منه مابي اتزوج ريم الا لين اتعالج مابي اظلمها
طراد:علي ي عيني اللي انت تعاني منه من ربي محد له تدخل لو ربي كتب لك شفاء بتشفاء وفك نفسك من الوساويس
علي: صعبه صعبه ي طراد صعبه
طراد :الله يهديك علي البنت ما بتنتظر والنصيب يمشي اخاف تروح عليك وتموت علينا انت
علي :لا ان شاء الله افتح فمك بخير .
طراد:شف من يتكلم توك دفنتنا بسابع ارض من الكآبه
علي :ي ربي امش امش خلني اروح قسم مخنوق
٠
.
في بيت الجد حاكم
الجد حاكم :ي عبد العزيز
عبد العزيز :لبيه ي جدي
الجد :تعال تعال دق لي على اخو نجلا وينه غاط(علي )
عبد العزيز :ابشر .....وهذا رقم اخو نجلا
الجد :عطني اشوف
٠٠٠٠٠٠٠٠٠٠
عند علي دق جواله :ي حي ذا الصوت.
الجد :الله يبقيك لكني زعلان عليك واجد
علي :افا وانا اخو نجلا وش بدر مني
الجد: صار كذا يمر الاسبوع لا تدق ولا تشقر
علي: والله اللي خلا لي العيون هاذي اني امس بغيت اطلع لكن اجلتها لين اقضي شغلي ونجيكم كلنا بالاجازه وانت خبرك الحين حتى اخواني وعيال عمي عندهم اختبارات
الجد :انا ماعلي منهم انا ابيك تجيني انت
علي :على خشمي اجيك بكره
الجد : سلام عليكم
طوووووووط
علي :نفسي مره جدي يخليني اقول مع السلامه طايح فيني تسكير فالوجهه هذا وهو يحبني اجل لو يكرهني وش بيسوي
طراد بنص عين :اسم الله عليك اما انته الطبع ذا عندكم وراثه لا تقولون سلام ولا تقولون مع السلامه
علي بنص عين :والله عاااد ما شوف احد يستاهل نقوله مع السلامه
طراد :ذابحني حب سلامك
علي :قم قم خل عنك الكلام وخلنا نروح لشباب
٠
.
عند الجد
العمه صيته :ماشاء الله رد عليك وليد امه
الجد :ايه رد
العمه صيته :مابغى اللي يشوفه يقول ماسك ادارة الراجحي كلها بلكات يركبها فوق بعض
عبد العزيز :ي خاله وش بك علي عنده شركه ومحلات في التصميم والبناء والمقاوله ..

صيته :هههههه الله لا يبلانا ضحك عليكم ولد السوريه مثل امه يوم ضحكت على ابوه
العمه ساره:استغفري ي صيته ولا تاخذين ذنوب الناس في رقبتك كفايه عليك ذنوبك
صيته:وانا عند ربي صادقه
الجد :وش ضحكت عليه فيه
صيته بتفاخر:ضحكت عليه وخلته يتزوجها ويطلعها من الفقر والمزبله فالغناء بعد ما كانت خدامه صار يخدم عليها بعد ما كانت ما تاكل الا خبز يابس صارت تحتار من انواع الاكل اللي تحضر لها في بيت اخوي
الجد بصرخه:محد ضحك على احد واسمعيني زين ي صيته الكلام ذا معاد ابي اسمعه تسمعين والا لا
صيته بزعل :اسمع اسمع افا ي. ابوي بديت الغريبه على بنتك وقامت تسوي نفسها تبكي
الجد :لا حول ولا قوة الا بالله
ساره :لا تهز بدنك

ي ابوي الله يهديها صيته دايم تعيد وتزيد في ذا الكلام
الجد :الله يهديها
٠
.
عند ريم كانت جالسه تكوي وهي تفكر وش يبي علي يوم جاء لجدتي وش عنده يسال عني اعوذ بالله ناقصني ذا النفسيه يكمل علي مابقى من حياتي مسوي طيب وشايل همي الله ياخذه ...استغفر الله وش اقول انا الله يخليه لاهله ويفكني شره
قطع عليها جدتها :ريم يمي
ريم :لبيه ي جده
الجده:انتي تعبانه
ريم:لا ي جده
الجده:اجل وش فيه وجهك مشحب
ريم :مانمت زين ي جده. وفي خاطرها تقول(ليتك تشوفين ولد ولدك وش سوى فيني )
الجده:ها روحي نامي
٠
.
عند نجلا اللي كانت ماسكه بدر وتقرقرعليه: ي رجال طعني وخلنا نخطب لك ذي البنت وربي ي بدر لتحب راسي لا شفتها
بدر بزهق:لا حول الله ي شيخه وربي لو يجيني احد يخطبك لاحب راسه واقول اخذها بلاش
نجلا قرصته قرصه قويه بدر:وجع ي عجوز وش ذا
نجلا :احسن تستاهل اجل انا عله ولا ناقصني شي هاه يوم تزوجني ببلاش
بدر :لا ي حبيبتي عليك طولة لسان تجيب امراض الدنيا لكن ماعليه شوفي من مصادقه شيخه اللي كل شبر في قاموس سب وشتم وضرب وطولة لسان وطولة يدين اللهم ي كافي
نجلا بشهقه:اهئ ي ويلك لو تسمع شيخه ان تجلدك لين تساوي الارض
بدر :اعرفها اجل ما اعرفها
دخلت عليهم نوره:سلام
الكل :عليكم السلام
دخلو عيال نوره يركضون لبدر:هلا هلا وغلا
مشعل وغيث :اشتقنا لك خالي بدر وين خالي علي
بدر :علي والله مدري وينه
نجلا :وجع مافيه سلام لي ي قليلين الخاتمه
عبيد جاء من بعيد: مافيهم عقول ان كان سلمو على متخلفه مثلك
نجلا :انت انكتم محد اخذ رايك ..
نوره:يالله متى بتفكونا من المشاكل
نجلا :انا كافيه خيري شري شوفي ذا الهمجي
اريام: هلا وغلا ي الله حييها مابغيتي تنورينا
وجلسوو يسولفون
٠
.
عند علي كان جالس يفكر والافكار تاخذ فيه وتودي ومايدري وش بيسوي في مشكلة ريم وشايل هم الطلعه لجده في المزرعه قطع عليه تفكيره سعود:علوش وين وصلت ي الخوي
علي:هلا سعود ابد مافيني شي جالس افكر
سعود:خير وش تفكر فيه عسى الشركه مافيها خلاف
علي :لا ابدا بس موضوع بسيط وينحل
سعود :يعني مانك معلمني تراي خويك من زمان
علي:ادري ي سعود بس مافيني شي صدق
سعود بضيق:حتى لو فيك شي طول عمرك تخبي همك وتشيل هموم الناس مدري متى بتترك فرصه لنا نساعدك
علي :ي سعود ي حبيبي انتم اخوياي معلوم بتساعدوني بس فعلا مافيه شي
سعود :واضح ان احنا بنساعدك انت حتى يوم فتحت الشركه ماخليتنا نساعدك ب ولا ريال ولا نشيل عنك حمل
علي بتنهيده: ي سعود انت تدري اني ما احب احد يساعدني انا احب اسوي كل شي بنفسي
سعود بقلة حيله:مدري وش اقولك لكن الله يفرجها عليك ..قوم الحين خلنا نتعشى ونوسع صدورنا
علي :يالله
٠
.
في مجلس ابو طراد
ابو طراد :الا ي ابو عمر ماحلك تزوج عيالك علي وبدر ماشاء الله كبروا وكل واحد يوقف التيس على زنده
ابو عمر :والله انه ودي ي ابو طراد لكن عجزت فيهم بدر قل مقدور عليه لو نبي نخطب له بيوافق لكن الدبشه علي كل ما قلت له شي قال انا ما كونت نفسي وانا ما استعديت
ابو طراد:والله اللي المفروض تزوجه علي مدير على راس شركه وربي منعم عليه من فضله
ابو عمر بستهزاً: علي يتزوج خير ان شاء الله
ابو طراد :وش يمنع
ابو عمر :مدري كل ما اطري له الزواج وهو يصرف ويرتبك مدري وش بلاه
ابو طراد:يزينها الله وتزين
٠
.
من بعد الساعه ٢ اتجهوا الكل ينامون وكل واحد يحلم بمستقبل جميل الا عيون ابطالنا علي وريم
عند علي كان منسدح على رجل طراد في وسط زحمه اصوات الشباب اللي يضحك واللي يغني واللي يرقص واللي يلعب واللي نايم وهو غارق بتفكيره فالجامحه (ريم) سماها الجامحه لانها تخاف منه وماتحبه ولا شافته تهرب ولا تحب تقعد معه ولا يعرف وش السبب رجع بذاكرته لقبل اعوام تذكر وهي صغيره ماكانت تفارقه كانت تحب تلعب معه كانت تنخاه اذا خافت كان معها حتى يوم بلغوها بوفاة امها وابوها شاف وشلون تعلقت فيه وبكت ..

شاف كيف طلبت منه مايخليها كافح بعمره كله عشانها ياما هرب من المدرسه عشان يصبح عليها ياما تهاوش مع مشعل عشانها وياما انضرب عشانه يسرق من ابوه فلوس عشان يجيب لها اللي نفسها فيه تذكر يوم اللي قرر ابوه يكمل دراسه في امريكا وياخذ عائلته معه شكثر بكى ش كثر اشتاق لها تذكر يوم رجعوا ولقاها تتغطى عنه وصارت تخاف منه بسبب تغير شكله وصوته وعصبيته ومشاكله مع الكل وانه ما يتفاهم مع احد وشافت شلون يضرب اخوانه وخواته واللي يطيح بيده وشلون اذا عصب يدفن اللي قدامه حتى لو هو ابوه وخافت منه زياده وصار عندها وسواس انه بيضربها وبيذبحها مع انه يعصب على الدنيا ولا يعصب عليها تذكر وشلون كافح وبدا من الصفر واغترب عشان يبني لنفسه المستقبل وش كثر تعب عشان يبني الشركه ويصير له اسم وسمعه وفلوس عشان يعوض ريم عن كل شي ومع ذلك ما تحبه وتكرهه تنهد تنهيده طويله وغمض عيونه فتح على صوت طراد وهو يناديه :علي
علي :هممم
طراد:وش فيك للحين تفكر فيها
علي: بظل افكر فالجامحه لين ربي يجمعني فيها
طراد:علي عندك فرصه ع

ندك فرصه تجتمع بها
علي:ادري بس مستحيل اظلمها
طراد:تظلمها بأيش العيشه معك احلى من اي شي في الدنيا
علي تربع وهو يقول : ي طراد وش بك عجزت تفهمني انت تحسب اني ماودي اتزوجها اليوم قبل بكره وابري قلبي بشوفها بس ي طراد انا عقيم عقيم محد يرضى بالعقيم
طراد بنرفزه :علي هذا من ربك وبعدين وش دراك انها ماهي راضيه
علي :كل بنت تبغى تتزوج ويجيها عيال من عايف الخلف ي طراد
طراد :مدري متى بتفتح مدري
٠
.
عند الجامحه (ريم)
كانت ضايقه وتفكر كيف تفتك من مشعل اللي مابيخليها في حالها والا امه اللي ما تواطنها وكل شوي طالعه لها بمصيبه
غمضت عيونها وغفت ٠٠٠٠بعد حوالي ربع ساعه فزت على ضربة الباب
ريم :يمه
ام مشعل :وصمه ياليتيمه انتي عندك ام عشان تنادين امك
ريم بخوف : الله يرحم امي ..وش بغيتي ي خاله
ام مشعل : ‏تخلخلت عظامك ياليتيمه
ريم بحزن:الله يسامحك ي خاله
ام مشعل :لا تقولين خاله ي غبيه
ريم :وش اقول
ام مشعل :تقولين سمي مدام انتي مثلك مثل الشغاله
ريم بدموع:امري وش بغيتي
ام مشعل:وين ملابسي اللي عطيتك تكوينهم
ريم :بغرفتك ي خاله
ام مشعل:انتي ما تفهمين
ريم :اسفه
ام مشعل وهي تصفق الباب وراها :وجع
طاحت ريم على فراشها تبكي من القهر وتبكي اليتم وتبكي العناء وتبكي قلة الحيله
سمعت صوت جدتها :ريم يمه
ريم :نعم
جدتها:وش فيك وش صاير
ريم:ولا شي ي جده بس بطني يوجعني
جدتها :اسم الله عليك يمه وش فيك وشو منه
ريم :مدري شكله برد ي جده
جدتها :قومي يمه اوديك المستشفى
ريم:لا لا ي جده انا طيبه خلاص خف وبنام
جدتها :ام مشعل وش تبي هناء
ريم:اعطتني علاج وراحت
جدتها :الله يجزاها خير ..هيا نامي ي بنتي
طلعت الجده وقابلها ابو مشعل :خير يمه وش مصحيك ذي الحزه
ام محمد :ريم ي عوينتي صايبها برد وتتلوى من بطنها
ابو مشعل :اوديها يمه المستشفى
ام محمد ؛تقول ماتبي عطتها ام مشعل علاج وبتنام
ابو مشعل: زين
.
.
عند علي رجع للبيت وهو مهلوك من التفكير وتعبان
اخذ شور ولبس وطفى النور توجه للسرير ارتخى يرفع اللحاف الا اللي نط عليه وصرخ بوجهه انفجع علي وخر بسرعه وحاول يثبته وهو يسمي ويقرا راح ركض وشغل اللمبات بعد ماطاح مليون مره وقام ولع النور وشاف نجلا طايحه على السرير وتضحك نشف دمه من الخرشه وعصب وجاها معصب نقزت نجلا ووقفت وقالت انا في وجهك ي اخو نجلا هدى
علي بعد ما سمع كلمتها قال :تعالي ي غبيه انتي خبله لو انك اخذتي عقلي وتوفيت من الفجعه وش بتسوين
نجلا وهي تضربه على صدره : ماخبرتك خرشه ي اخو نجلا.
علي وهو يشد اذنها:انتي متى بتبطلين ذب الحركات قسم بالله لو تعيدينها لذبحك
نجلا وهي تضحك وتضمه :خلاص توبه ي زقرت ولو روقنا علوش
علي ابتسم بطرف فمه وقال:خير وش عندك ؟
نجلا راحت تجلس وحطت رجل على رجل وقالت: ابد مشتاقه لك
علي بنص عين:نجييل قسم بالله شياطين الجن والانس راكبتني اخلصي وش عندك
نجلا بطلت تتسيمج يوم شافته مطنقر: طيب بس تجاوب بصدق
علي :انطقي
نجلا :وش وداك بيت ام محمد
علي ببلاه :من ام محمد
نجلا :جدة ريم بطلت الحين تعرفها
علي :ايييييه عرفتها وبعدين وش دخلك ازورهم والا ما ازورهم
نجلا :جد علي وش وداك
علي :كنت قريب منهم وتذكرت يوم تقولين تعبانه قلت اروح اشوفهم اشقر عليهم من زماان عنهم
نجلا : ولو انك قابلت مشعل اللي انت ماتطيقه وش بيكون موقفك جاي اتطمن على ريم وجدتها
علي:وش علي منه ايه جاي اتطمن عليهم تراهم من لحمنا ودمنا وريم يتيمه وحنا اهلها ضروري كل شوي نشقر عليهم ونشوف وش يبون ...

نجلا :ما اتوقع ريم تحتاج شي منك انت بالذات
علي رفع حاجبه:وش معنى كلامك
نجلا بصدق : علي ي حبيبي وش فيك انت تدري وتعرف زين ان ريم ترتعب منك وحتى لو محتاجه شي مستحيل يقولون لك هذا واحد .. اثنين انت تعرف انك لو تقابلت انت ومشعل بتصير بينكم مشاكل وانتم خلقه ما تدانون بعض
علي بعصبيه: ليه وش فيني انا كافر والا ظالم وبعدين انتي جايه هنا تخوفيني من مشعل وتسمين بدني بالكلام المهزوز هذا
نجلا بخوف :لا والله بس انا اقولك كذا
علي بنفس العصبيه:وليه ان شاء الله ريم ترتعب مني
نجلا :مدري مدري بس تخاف منك
علي بصراخ :قومي انقلعي برا
نجلا :ب... علي بصراخ اقوى اطلعي
طلعت نجلا ركض وجلس علي بعصبيه وهو بيموت من القهر انا وش سويت عشان تكرهني كذا وش سويت عشان تخاف مني وش سويت رمى نفسه وهو يتنهد سمع صوت الاذان وكبر وهلل وتعوذ من ابليس وقام يتوضي بيروح يصلي
٠
.
عند شيخه كانت تكلم نجلا وهي تفصفص
شهقت وقالت: وليه عصب ؟
نجلا :مدري ي شيخه قسم بغيت اموت بغى يقضي علي عصب وطلعت عروقه وحمر وجهه
شيخه بشك : ‏اموت وأعرف ليه كل ما جبنا طاريء ريم أنها تخاف منه يعصب ويقلب الدنيا
نجلا : تهقين فيه سبب
شيخه ::اقص يدي اذا مافيه سبب
نجلا :تهقين يحبها
شيخه :مدري بس لا تقولين لاحد لين نتاكد
نجلا:وحتى لو تاكدنا ما بنقول لاحد
شيخه :ايه ..ي ويل ريم لو نقول ا. لها احتمال يحبك ممكن تموت
نجلا: ‏مدري ليش تكرهه و ت

خاف منه مع انه طيب
شيخه :ريم تخاف من عصبيته تعرفينها ما تحب احد يصرخ عليها او يضربها وريم خوافه
نجلا : ‏يا زين علي قدام مشعل و ام مشعل
شيخه :صادقه لكن طسي خل اصلي وانام
٠
.
عند ريم كانت جالسه على سجادتها وتبكي وتدعي ربي يسهلها ويفكها من مشعل وامه انهارت من البكى وانسدحت على السجاده لمت رجولها وجلست تبكي لين غفت
٠
.
اما علي كان محروق قلبه عليها وياكل بنفسه يبي يعرف سبب كره ريم له مع انها كانت اقرب له من وريده
رجع البيت وهو ضايق قابل امه على الباب
ام عمر :علي ياموه شو بك شوبوه وشك مصفر هيك
علي بضيق:ولا شي يمه تعب نوم بس
ام عمر : علي ياموه ايدي على راسك والنبي كباسك تألي شو بك
علي وهو ينزل ويبوس يد امه :والله ولا شي يمه انا طالع انام كم ساعه وراي شغل
ام عمر :نوم العوافي تأبرني
طلع علي الدرج وهو يجر نفسه جر ماله خلق احد ولا له خلق شي ابدا قابل بوجهه نجلا كشر في وجهها ومشى دخل الغرفه ورمى بنفسه على السرير تقلب للجهه اليمنى من السرير ومد يده وفتح الدرج اللي جنب السرير طلع علبه وطلع منها سلسال مكتوب عليه الجامحه لبسه في رقبته وجلس كالعاده تاخذه الذكريات وتجيبه لين غفى
٠
.
في غرفه بعيده عن ابطالنا كانت الجوهره ماسكه صوره لعلي
وتحلم انها تعيش معه ببيت واحد وتدعي ربها انه يحبها ويتزوجها زي ماتحبه لدرجة انها وصلت في حبه للجنون ومستعده تخاطر بأي شي عشانه ومن جانب اخر عشان فلوسه
اخذت جوالها ودقت رقمه وماجاها رد ورجعت تدق ومارد
وتنهدت وقالت سقى الله ذاك اليوم اللي بشوفك جنبي
٠٠

على الساعه ٧ ونص الصباح بدوا يصحون الكل وكل واحد يتجهز بيروح لدوامه
عند ريم كانت تلبس وتجهز ودموعها ما وقفت ابد لمت نفسها ولبست العبايه وطلعت للباص برا وهي مو متحمله اي كلام
٠
.
اما عند علي صحى على صوت نجلا وهي تصحي فيه
نجلا :علي يالله قوم انا اسفه والله ماعاد اعيد الكلام اللي قلت
علي رفع راسه وهو يحاول يتذكر وش تعتذر منه سرعان ما كشر وقال:حصل خير كم الساعه
نجلا :٧ ونص وش رايك توديني الجامعه يالله علوش دخيلك
علي بقلة حيله :البسي اسم انك على طريقي
نجلا :يلا
علي :تعالي تعالي وينك رايحه طلعي لي ملابس عشان اتروش
نجلا وهي ميله فمها:انا مدري ليش ما تخلي الخدامه تطلع لك
علي:موب شغلك وخلصي عشان ما نتاخر يالله وراي اجتماع مهم
نجلا:ثوب وشماغ
علي وهو متوجهه للحمام :ايه
بعد نص ساعه نزل علي ولقى اهله يفطرون
ام عمر:علي ياموه تعى ياموه سم بالله واكسر السفره معنا
علي :لا لا يمه مستعجل وبروح والتفت لنجلا:جاهزه
بدر بنص عين:وش عندك ي سبع البرمبى بتوصلها اخبرك تنتحر قبلها بليله
علي التفت لبدر:بدر والله والله مالي خلق حل عني خلني اتيسر
عبيد بهمس :موب غريبه عليك يالنفسيه دايم منفس
علي:وش تقول انت ..
عبيد :سلامتك
نجلا جات مسرعه وهي خايفه تقلب هوشه:علي علي يالله انا جاهزه
وطلعوا وصلها لين باب الجامعه وعلى نزلتها وقف باص ريم عرف الباص وجلس يناظر شافها نزلت وهي تدف عمرها دف وباين ماهي ابد رايقه لاحد تنهد وصد وهو ضايق كان نفسه ينزل وياخذها بيدها ويضمها ويوخر عنها الضيم اللي فيها انتبهت نجلا له ونزلت وهي شاكه فيه خصوصا بعد ماشافت السلسال اللي معه وخباه اول ماقام ..

حرك علي وراح لدوامه دخل الشركه وتوجه لغرفة الاجتماع وسلم وجلس وبدوا الموظفين يعرضون عليه وهو ولا حولهم انتبه طراد للوضع وبدا يتدارك الوضع لين خلص الاجتماع
٠
.
اما عند البنات ريم ونجلا وشيخه تجمعوا كالعاده في الجامعه ومن سلام ومن كلام لاحظوا ان ريم ضايق خاطرها
نجلا :ريم وش فيك
ريم :ولا شي ابد مشاكلي المعتاده
شيخه:بعدها ام مشعل تضايقك
ريم نزلت دموعها :امس ي بنات دخلت علي الليل تصارخ بغيت انجن
نجلا بأنفعال :ليه وش عندها
ريم:تسأل عن ملابسها المكويه
شيخه :وخير وانتي ليش تكوين لها
ريم :وش اسوي ي بنات انا مقدر احارشها وانتم تدرون اني ماودي تصير مشاكل وافرق جدتي عن خالي
نجلا:ولعنه اجل تسكتين لين تذبحك هي ولدها
شيخه :ريييم لين متى هاه انتي تدرين اذا ماتخلصتي منهم الحين والله ما تخلصين منهم
رييم :خلاص ي بنات خلاص خلوني اروح لقاعتي
شيخه:لي متى بتهربين
ريم :مع السلامه وراحت وتركتهم
شيخه :قسم بالله نفسي اروح اذبحهم
نجلا:شيخه بقولك شي
شيخه شرقت بالعصير :وش فيه الله ياخذك وش ذا النبره
نجلا:علي
شيخه :وش فيه مات
نجلا :وجع لا الله لا يقوله
شيخه:اجل وش به
نجلا: اشك انه يحب ريم اليوم لما رحت اصحيه لقيت في رقبته سلسال ومخبي التعليقه في يده وقبل شوي يوم وصلني صادف باص ريم وتعلقت عيونه فيها لدرجة اني اكلمه ما يسمعني ونزلت ريم وعيونه شاخصه فيها لين دخلت وبعدين تنهد وصد وهو ضايق
شيخه وهي مفهيه :نجلا ضروري نفتش غرفته
نجلا بشهقه: يممممه صاحيه انتي تبينه يذبحنا
شيخه :ومن قالك انه بيدري بندخل بالسر
نجلا:لا لا لا وربي لو تموتين تبينه يذبحني خلقه عصب علي امس ومارضى علي بسهوله عاد انتي تعرفينه ابوي و

هو ابوي ما يقدر يمسك غرض له
شيخه:انا بفتش يعني بفتش بس صبرك علي
٠٠٠٠٠

اما علي كان مستند على كرسي المكتب ويناظر سلسال الجامحه اللي بيده جاه طراد من وراه :علي روقنا ي ابوي وش بك منفس ما انت حلو كذا
علي:افكر بحل يريحني ويريحها شفتها اليوم ي طراد ماهي طيبه انا شاك شاك ان مشعل ماذيها
طراد ويهز راسه بأسى:استغفر الله انت وش بك كل موضوع تدخل مشعل ي علي موب عشانك تكرهه كل شي تدخله فيه
علي:والله ي طراد هو سبب كل مشاكلها
طراد :استغفر الله خلاص ي شيخ بس دخيلك روق ما احب اشوفك كذا
علي بنص ابتسامه:ليتني الاقي حل
طراد :بنلقى بس سم بالله وقوم خل نروح نطحن في مطعم زين ونفل ابوها ولك مني سفره على حسابي
علي : هههههه لا دخيلك مالي خلق اسافر
طراد:الا بتسافر وطرق بعد وش رايك
علي :ي رجل ريحني بس
طراد:خلصنا حجزت التذاكر ومنها نمر نشوف لنا كم دكتور لحالتك يمكن وربي يستجيب لدعاء
علي:اذا كذا ماعندي مانع
طراد وهو يبوس خده:ايييه دخيييل الضحكه اللي من زمان عنها
دهورتنا الجامحه يلد
علي: هههههههههههه. بطل ي رجل وامش
٠٠٠

عند الجد حاكم صاحي من الصباح ومجهز القهوه والشاهي والحليب والفطور ويستنى علي ومرت الساعه والساعتين ومر نص اليوم وعلي ما جاء وجت صيته
صيته:قايله لك يبه قايله لك مهوب جاي ولد السوريه بس يصرفك وانت ما سمعت كلامي وبديتهم علي
الجد وهو ضايق :اسكتي اسكتي ي صيته اسكتي
ساره :ماعليه يبه اكيد انه مشغول عبد العزيز يقول ما دخل واتس ولا سناب ولا يرد على الرسايل والاتصالات
الجد :خير ان شاء الله خير
صيته :بلا هرج فاضي وشهو السناب والخرابيط من يبي له عذر دوره ولقاه
ساره :يبه هو قالك امس انه مشغول وبيحاول يجي
عبد العزيز ا:ايه ي جدي حتى العيال ينادونه بالقروب ما يرد
الجد:عسى خير عسى خير
٠٠٠

عند علي وطراد كانوا جالسين في مطعم وداخلين جو بالاكل والسوالف وصوت الضحك واصل اخر المطعم وعلي ناسي انه مواعد جده يجيه وزاد جاهم سعود وبعض اصحابهم وماعاد حسوا بنفسهم وبوقتهم ونسى علي جده ونسى حتى مشاكله
٠٠٠

اما البنات رجعوا كل وحده لبيتها وكل وحده طارت على سريرها بتنام بعد يوم متعب الا ريم اللي كانت مهلوكه من البكى زاد عليها اوامر ام مشعل اللي تستنى الفرصه عشان تسم بدن ريم بكم كلمه وتذكرها بيتمها وقلة حيلتها ومشعل اللي مثل امه ما يطوف اي فرصه من دون مايتحرش في ريم بكلامه ونظراته وابو مشعل اللي مايدري عن تصرفات ولده وزوجته وجدتها اللي تحسب كل الناس يحبون ريم زيها وما يضرونها بدلت ملابسها ودخلت على المطبخ تسوي الغدا وهي بتموت تعب ومع ذلك اختصرت على نفسها مشاكل ام مشعل وهي جالسه تحرك في الغدا دخلت عليها جدتها :ريم ي امي روحي نامي اتركي الغدا اسويه انا
ريم:لا ي جده انا احب اسويه انتي ارتاحي
الجده: بس ي امي انتي تعبانه من الدوام روحي نامي
ريم في خاطرها انا حاصلي انام الليل عشان انام النهار:لا ي جده انا كذا مرتاحه
الجده:براحتك ي حبيبتي ..

طلعت الجده وكملت ريم كرفها من طبخ وغسيل جهزت الغدا ولبست جلالها وطلعت تحضر السفره خلصت وراحت بتدخل المطبخ تحضر الاكل وهي داخله ماحست الا باليد اللي سحبتها
ريم فزت:يماااااه
مشعل وهو يسكر فمها :قصري حسك ي قلبي
ريم وهي تبكي :فكني فكني ي كلب فكني
مشعل :هونك على عمرك ترا ماارضى عليك المضره
ريم دفته وراحت تركض لغرفتها وتبكي في قمة حزنها تفاجات بالباب اللي انفك ريم خافت على بالها مشعل وفزت
ابو مشعل :ريم علامك ي ابوي
ريم :ولا شي خالي بس تعبانه شوي
ابو مشعل وهو يقرب لها :وش فيك تبين المستشفى
ريم :لا بس بنام وارتاح
ابو مشعل قرب وضمها ضمه غريبه استغربتها ريم من خالها عمره ماضمها حتى بوفاة امها وش عنده الحين ..
ابو مشعل :تعالي ارتاحي تعالي
ريم :لا لا ي خالي انا بنام لحالي
ابو مشعل وهو يتنفس بسرعه :لا لا معليك انتي تعالي نامي في حضني انا مثلك ابوك
ريم بخوف :لا ي خالي مابي انام بروح اتغدا
ابو مشعل بدا يعرق ويقرب :تعالي تعالي بكلمك شوي
ريم :خالي وش فيك وخر عني
ابو مشعل:ريي ..قطع عليهم جدتها ريم
ريم التفت برعب:جدتي
ابو مشعل :يمه
الجده :وش فيكم وش فيك. ياريم تبكين
ابو مشعل بارتباك:أأ
ريم بسرعه:انا ي جده شفت فار وخالي جاء بيذبحه بس مدري وين راح ..انا بروح معك لغرفتك لين يموت الفار وراحت ركض لجدتها وهي مرعوبه وخايفه
٠٠٠

بعد المغرب صحت نجلا على صوت شيخه وهي تصايح فوق راسها :قوووومي نومه هل الكهف قووومي قوممي
نجلا:بسم الله شيخه و فيك
شيخه نقزت فوق السرير وتربعت:قومي بنفتش غرفة علي
نجلا :فيك لقافه لكن ارتاحي مفتاحها مع علي
شيخه:بخيبة امل لااااااا وش ذا النحاسه
علي من وراهم:وش بك وش نحاسته
شيخه خافت :هاه ا ا
علي وهو يشدها من اذانيها ويسلم عليها :طيب سلمي وش بك مفهيه وش مسويه مصيبه
شيخه وهي خايفه: لا ولا شي بس كنت ااا ايه كنت اقول نجلا خل نجتمع وندق على ريم تجي معنا بس قالت ريم تعبانه ولا ترد
نجلا على طول ر

كزت على علي وعلي انقلب وجهه :وش فيها صار لكم يومين تقولون تعبانه
شيخه: تعب نف ...قاطعتها نجلا:حمى وصخونه
علي عطى نجلا نظره :شيخه وش كنتي تقولين
شيخه بارتباك:ابد اقول تعب نفسي من الصخونه
علي بشك :اهااا ..تعالوا نتقهوا مع امي يلا ..واخذ المخده ورماها على نجلا قومي انتي بسك نوم
نجلا:ااااي طيب الحين اقوم
طلع علي وقف ورا الباب بيسمع وش يقولون لانه حاس انهم يخبون
شيخه طاحت على السرير:اوووف بغينا ننكشف
نجلا :غبيه انتي وش تعب نفسي
شيخه :وانا صادقه ريم تعبانه نفسيا ومتبهذله
نجلا :واذا مالقيتي الا علي تقولين له ذا الكلام الحين بيحطها بمشعل
شيخه باندفاع:ومشعل هو السبب مو كأنه مأذي ريم هو وامه
نجلا قصري صوتك ..

عند علي كان دمه فاير وهو يسمع الكلام بصعوبه مسك نفسه لا يدخل عليهم لف ونزل بسرعة البرق وسط ناداءات امه وهو كايش ومتوجه بشره لمشعل
٠٠

عند نجلا وشيخه نزلوا يدورون علي ما حصلوه
نجلا:امي وين علي
ام عمر :والله ياموه ما بعرف شو صارله نزل من فوء معصب كتير وشوه مابيتفسر حمل حاله وطلع ومابيرد عليه
شيخه التفت على نجلا ونجلا بعد كلهم خافو انه سمعهم
وظلوا خايفات والقهوه ما تنزل من حلوقهم
٠٠٠

اما عند ريم. كانت طول الوقت خايفه وجالسه بجنب جدتها ونظرات ام مشعل بتاكلها وابو مشعل بعد قطع الصمت الحاد صوت الصراخ برا كلهم فزوا وطلعوا لقوا علي ماسك مشعل ونازل فيه ضرب ومحد يدري وش السبب وعلي معصب لدرجه انه ماعاد يشوف قدامه ومشعل بين يدينه جثه وجت الشرطه ويالله يالله فرقوهم واخذوهم اثنينهم لسجن ومشعل في حاله يرثى لها
٠٠٠

في الشرطه كان علي واقف ومشعل مجلسينه عشان حالته كسيفه والكل موجود ابو عمر وعياله وطراد وابوه وابو مشعل
بعد تحقيقات واعترافات اقر علي انه ضربه ولسبب شخصي يرفض التصريح عنه وبعد مشاورات بين العوايل وواسطات علي قدر يطلع علي بكفاله والتعهد بعدم التعرض لمشعل
نقلوا مشعل على المستشفى وهو يشوف الموت على قد وجعه وعلي طلع
ابو عمر بعصبيه:صاحي انت صاحي وش ذا اللي سويته وش السبب اللي يخليك تقتحم ابن عمك هاه تكلم
علي بكل برود: لو بقول السبب قلت عند الضابط
ابو عمر:انت بتذبحني لا متى اداري فيك وفي مشاكلك لمتى
ابو طراد :ابو عمر هدي الله يهديك خلنا نفهم
علي :مافيه شي ينفهم سلام عليكم
ابو عمر :عللييي.....عم السكوت بعد صوت الكف اللي انطبع على خد علي الكل تفاجاء وانصدم رجعوا على صوت ضحكة علي: ههههههه جزاك الله خير وبحسره وبحه في صوته ..لكن والله لو تموتني ما اخلي الكلب
ومشى وتركهم ولحقه طراد وبدر اخذ ابوه وراحوا البيت
وسط انهيار في كلا الطرفين ..

عند ريم مازالت واقفه عند الشباك وترجف وخايفه ومن هااللحظه انعدمت ثقتها من كل الرجال وحل الخوف محلها
راحت تركض وانرمت بحضن جدتها وجلست تبكي وسط بكى ام مشعل وجدتها على مشعل والدعاوي اللي يدعونها على علي
٠

عند علي كانت معصب ومطنقر وقلبه محروق التفت لطراد
ومسك يده :ي طراد يأذيها هو وامه ي طراد ي طراد الله العلام وش بيكون سوا فيها ي طراد ااااااه اااااه ي طراد ااااه
طراد لازم لازم اسوي شي مستحيل اخليها تقعد عنده هو وامه ي طراد تكفى تكفى ي طراد ساعدني
طراد بقهر على اخوه وصديق عمره:علي مافي الا حلين ي انك تفضح مشعل او انك تتزوجها واذا فضحت مشعل بتنفضح ريم وبكذا يكون حلك الوحيد تتزوجها وتستر عليها وتطمن قلبك
علي بحيره وتفكير جلس وحط راسه بين يدينه لا ارادي طرى له مبسم الجامحه طرا له كيف تنتخي به في اشد ظروفها وقف وقال:طراد انا بتزوجها خلاص مستحيل اقدر اتحمل جلستها مع مشعل في بيت واحد
طراد وهو يضم علي :عين العقل ي اخوك عين العقل ي اخو نجلا
توجه علي لبيتهم وهو في راسه يتكلم مع ابوه لانه مستحيل عاد يقدر يتحمل
٠

عند ابو مشعل كان جالس عند راس ولده وهو يفكر بالسبب اللي يخلي علي يطقه هو يدري ان علي مجنون ولا يحب مشعل بس ما عمرها وصلت معهم لذا الشكل صحى من سرحانه على صوت ونين مشعل ابو مشعل :مشعل مشعل يبه قوم
مشعل :ااااه يبه يدي يدي
ابو مشعل بإسى :اييه ايييه يا ابوك مكسوره مكسوره الله يكسر يد اللي كسرها
مشعل:تكفى يبه اخذ حقي منه اخذ حق ولدك
ابو مشعل :بنشوف يبه بنشوف انت ارتاح الحين
سمعوا صوت جوال ابو مشعل :الو
ام مشعل :تكفى طمني عن ولدي حي والا مات
ابو مشعل :حي حي ي ام مشعل وهذا هو جنبي وشوي طالعين
ام مشعل :بكلمه بكلم ولدي بكلمه
ابو مشعل :طيب...مشعل يبه خذ امك
مشعل :يمه
ام مشعل:ي عين امك الله ياخذه ويسوي فيه عبره لجميع خلقه ومستقوي ولد السوريه لكن هين انا ارد حقك يمه
وسكرت وراحت تلبس عبايتها وطلعت مع تاكسي
٠٠

في بيت ابو عمر شيخه ونجلا مفجوعات من اللي صار وخايفات وابو عمر جالس هو وعياله في الصاله والكل موجود
ام عمر :دخيلك ي ابو عمر الك وينوه ابني دخيلك وينوه علي ليش تركتوه يروح لحاله
ابو عمر بنرفزه :ولدك ما خلا فيني عقل مدري متى بيكبر ويعقل ٢٦سنه وانا اقول كل يوم يكبر ويعقل

لكن لااااا ماعمره تعدل وبرد قلبي دايم مفشلني فالله وخلق الله
ام عمر وهي تبكي: لك ريتوه يكفني شو ظالمينه والله علي طيب ومابيطلع منو العاطله
عمر :يمه الله يهديك هدي وخلي الموضوع يعدي علي مع طراد وتوني مكلمه ويقول جايين البيت
وعلى كلامهم الا يدق الباب فتح عبيد دخل علي وهو حامل الشر في عيونه
ام عمر :علي يامو ي حبيبي وضمته وهي تبكي لشو عملت هيك شو بك شو مسوي لك هاللي ما تربى
علي باس راس امه:مافيني شي يمه خير خير
ابو عمر وقف وهو ضغطه مرتفع :شرفت يا مدير علي شرفت ي كبير
علي جاء يبوس راس ابوه ودفه ابوه :وخر عني وخر لين تقولي ليش سويت كذا
علي انكسر خاطره وضاااق:طيب يبه تعال للمكتب اقولك
مشى ابو عمر وعلي وراه ودخلوا المكتب وسكروا الباب وشيخه ونجلا بيموتون من الخوف
ابو عمر :قول انطق انطق ي معلم
علي بأسى:يبه الموضوع طويل لكن الحين ابي اقولك اني ابتزوج
ابو عمر وهو يصيح:هذا وقتك هاااه الحين تقولي وش السبب اللي بينك وبين مشعل
علي :يبه انا ابي ريم ودريت ان مشعل يبيها وضقت ورحت بكلمه وهب فيني وضربته
ابو عمر حذفه بالاوراق:انت مجنون كل ذا عشان بنت
علي والدموع في عينه:تكفى يبه لا تردني
ابو عمر تصنم وانفجع قام وجاء له ومسكه من كتوفه:علي انت تتكلم صدق
علي :تكفى. يبه اذا ماتزوجتها بموت
ابو عمر انفجع من كلامه علي طول عمره ما لاحظ عليه مثل ذا الاشياء طول عمره كان همه شغل وروحات وجيات
ابو عمر هدى وقال :روح نام وبكره يحلها حلال
طلع علي وتوجه لغرفته وقبل يروح لغرفته توجه لغرفة نجلا فتح الباب لقاها جالسه على السرير وشيخه قد راحت دخل وسكر الباب وقف قدامها وهو مكتف يدينه نجلا كانت بتموت من الخوف وتدري ان علي مابيخليها لين تتكلم
علي : انتي عارفه عن ايش باسال لذلك انطقي ولا تغلبيني
نجلا : ا ا
علي بهمس يخوف وعيونه حمرا:اتكلمي بدون لف دوران وش مسوي مشعل لريم
نجلا بخوف :كان يضايقها كل يوم ومايخليها براحتها
علي وهو خايف يطلع اللي براسه مزبوط :كيف يعني
نجلا فهمت : يعني كان يهددها انه بيتزوجها وكل يوم يفجعها ويضربها
علي بقلة حيله :لمسها والا لاا
نجلا :لا لا لا
علي وهو يغمض عيونه ويشد على مسكة السرير ارتاح من جهه وقلب شب من جهه اجل يضربها اللي ماتربى ..
تفاجوا بضرب على الباب واصوات نزلوا مسرعين لقوا ام مشعل شايله شرها وجايه تصايح :وينه وينه ابن ××××
عمر مسك علي :خير ي مره وش تبين
ام مشعل وهي اطالع علي:ابي اشرب من دمه الكلب ذا اجل انت كفو ي ولد السوريه تضرب ولدي
علي بصراخ :اقصري حسك ولد السوريه اللي ماهوب عاجبك يكفنك ويكفن ولدك معك
ابو عمر :علللللي انتهينا اطلع فوق
علي :يب ...اخذه عمر غصب وطلعه فوق لغرفته
ابو عمر:خير ي ام مشعل عيب عليك حنا اهل
ام مشعل:هذا وحنا اهل سويتوا كل اللي سويتوه اجل لو احنا اعداء وش بتسوون
ام عمر:اسمعي وليه احملي حالك واطلعي من هون
ابو عمر :اقصري الشر ي ام مشعل وتوكلي على الله طول عمرهم العيال بينهم مشاكل
طلعت ام مشعل وهي تهدد وتتوعد في علي ولا بقى ولا كلمه ماقالتها
٠٠

عند الجده ام محمد كانت جالسه وريم منسدحه في حضنها دخلت عليهم ام مشعل وهي تهاوش
ام محمد :وين رحتي
ام مشعل :رحت بشرب من دمه
ام محمد :دم مين
ام مشعل :علي والله لطلع كل قطره من دم ولدي من عيونه
غمضت ريييييييم عيونها وهي تبكي وترجف وجدتها تسمي عليها
٠٠

اما عند علي بعد ما دخل غرفته قفل الباب وتوجه لغرفه صغيره في غرفته طلع المفتاح وفتح الباب على طول داهمه ريحة عطرها اللي هو اشتراه وصار يرشه في ذي الغرفه اللي كلها ذكريات لريم وله وعلى نفسه لما يجي ينام فكل مايفتح الغرفه يتشبع صدره بريحة عطرها توجه للوحه مغطاه وكشفها لوحه رسم فيها ريم وكل يوم يطل عليها سحب اللوحه الثانيه اللي كانت عباره عن طفلين جالسين تحت الشجر وهاذي اللحظه كانت احد ذكريات علي مع ريم سحب الدرج وطلع البوم صور عن طفولته مع ريم وصار يقلب بين الصور وهو مره يبتسم ومره يموت قهر وحزن وسحب درج وطلع اسكارف تبع ريم طاح منها مره واحتفظ فيه لفه على رقبته وانسدح بين ذكرياته وفكره توديه وفكره تجيبه غفى بين حوسته ولا حس بنفسه
٠٠

اما عند نجلا كانت تكلم شيخه وترتجف
شيخه:والله يا نجلا مدري وش اللي بيصير بعد توقعته يحبها بس مو لذي الدرجه
نجلا وهي مرعوبه: قسم ما شفتي عيونه والا تموتين
شيخه :انا ماني متطمنه اذ علي يحبها كذا وهي تكرهه بشكل عجيب كيف بيصيرون مع بعض
نجلا :مدري مدري قسم بالله اني شوي واموت
شيخه:انتي ما كلمتي ريم
نجلا :لا قلت لين نشوفها بكره في الجامعه
شيخه:ايه احسن
نجلا :يالله خل اروح انام ترا راحت روحي على كثر الاحداث الليي صارت لي اليوم
شيخه :يالله
٠٠

ناموا الكل والهدوء عم بيوت ابطالنا وفي بيت ام محمد
كانت ريم تراودها كوابيس علي مشعل ام مشعل وابو مشعل
فزت من نومها وهي تصرخ وترجف ..

أم محمد بفجعه :ريم يمه علامك
ريم وهي تضم جدتها وخايفه ترجف:جده انا خايفه خايفه بم

وت
ام محمد بسم الله عليك وش فيك سمي بالله
ريم مالها صوت الا تبكي وجدتها تقرا عليها بعد نص ساعه غفت وهي ترجف
٠٠

عند علي فز قلبه وانتفض صحى على وجع رقبته لم نفسه ورجع اغراض اللي معه وهو يرجف :اعوذ بالله وش فيني ارجف عسى خير عسى خير ..انشغل تفكيره على ريم وهو خايف عليها مايدري كيف يوصلها واحتار نفسه يسمع صوتها بخير فيها شي
تعوذ من ابليس وراح يتوضي صلى ركعتين وجلس يدعي ربه يسهل له رجع للغرفه الصغيره وطلع عطر ريم تعطر فيه ورجعه سكر الباب وقفله واتجه لسريره انسدح وجلس يفكر لين نام وهو صامل بكره يحل موضوع ريم
٠٠

من بكره الصبح اتجهزوا البنات وراحوا الجامعه وريم داومت رغم انها تعبانه بس تبي تهرب من البيت اما عند علي نزل لابوه وهو كله امل
ابو عمر :تعال يا علي تعال
علي :سم يبه
ابو عمر:ي ابوي انت غلطت يوم طقيت مشعل الحين لو نروح نخطبها من خالها محد موافق لك
علي بانفعال :مو على كيفه نخطبها من ام محمد
ابو عمر:اجلس وصل على النبي
علي:عليه الصلاة والسلام
ابو عمر :خلنا نتروا شوي لين يهدي الموضوع ويطيب مشعل عشان ما نواجه مشاكل
علي:بس يبه..قاطعه ابوه وهو يمسك كتفه :لا تخاف ريم لك بس اصبر شوي ..وبعدين انت ليه ما هرجت من زمان ليه
علي :كنت ابي اوصل لحد معين في تكوين نفسي بس الحين ماهمني
ابو عمر :يحلها ربك قوم انت الحين وتيسر لشغلك
علي :بس
ابو عمر :علي خلصناا
علي قام وطلع وتوجه لسيارته وبعدها توجه لشركه دخل وهو ضايق بدا يراجع الملفات وهو ضايق دخل عليه طراد:علي سلام وش صار معك
قام عليه من كرسيه وجلس قدام طراد :كل شي زفت
طراد طاح قلبه :وش فيه قلت لابوك
علي:قلت بس قال اني اخطيت بضرب مشعل والمفروض نستنى لين يطيب زفت الطينه ثم نروح نخطب
طراد:من ذي الناحيه صادق مستحيل يزوجونك وانت بغيت تذبح ولدهم
علي:لا والله وش رايك اروح احب راسه واقول اسف حبيبي انا لو ذبحته قليل فيه ...
😍ــــــــــــــــــــــــــــــــــــــــــ😍
#الـى_هنا_ينتهي_الجزء_الـ1⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼

🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الثاني🌱
🍒ـــــــــــــــــــــــــــــــــــــــــ🍒

طراد: اوك معك حق بس ريم اغلى كان خطبت وتملكت وبعدين طقيته
علي وهو متنح في طراد:انت غبي ي ابني
طراد:لا بس اعلمك
علي:ليتك سكت على نفسك
طراد وهو يضحك ويقرب من علي ويضمه :الله يفرجها عليك ي اخوي علي وهو يرجع يشد على طراد:ايه احس مشتت ولا اني عارف نفسي محتاج وقفتك ي طراد
طراد شد عليه بقوه وبعد صمت قال طراد:علي ؟
علي :لبيه
طراد:لبيه حاج بس ماكنك مغير عطرك
علي وبتنهيده:هذا العطر بعتمده من اليوم ورايح
طراد :بس استغربت هداوته طول عمرك عطوراتك قويه
علي:هذا عطر ريم ابيها قريبه حتى من انفاسي
طراد سكت شوي وقال:الله يعطيك اللي في بالك ويريحك ي اخوي هذا على ماقيل من الحب ما قتل
ضحك علي ورجع يجلس محله
سكت طراد شوي ثم نقز جنب علي :قم بسرعه قم
علي:بسم لله وش فيك
طراد :قم وانت ساكت
علي قام معه سحبه طراد وركبوا السياره وتوجهوا لطريق يعرفه علي زين ويرتاح فيه كثير وصلوا للمكان ونزل علي ونزل طراد وقف علي واخذ نفس طويل وقال:تعرف اللي يروقني ي طراد
طراد :جلس يضحك وفتح الباب الخلفي وطلع كرتون مويه واخذ قلم
علي التفت وهو يضحك :طراد بعد جايب مويه
طراد:افا عليك ماشفت شي ..سحب كيس كبير من ورا
علي وهو مفتح عيونه على الاخر:انت مجنون صح مجنون حتى بخاخات الثلج جايبها
طراد رمى على علي كرتون فاضي وقال:خذ جمع عدتك لا تخسر في حرب النفوس ي معلم
المكان كان في الثمامه كان علي وطراد كل ما تضايقوا او تعبوا من الحياه يجون الثمامه ويجيبون كرتون مويه وبخاخات ثلج ويقسمونها نصين ويبداون يرشون على بعض لين يتعبون
بدوا يفتحون المويه فتحه صغيره من فوق بالقلم ويجهزون العده
وبدا كل واحد يرش على الثاني لين انهد حيلهم اثنين وماتو لعب وضحك بعد ما خلصوا رجعوا لسياره وهم مهلوكين ورجعوا لبيوتهم وكل واحد تروش ونام من التعب
٠٠٠

اما عند البنات كانوا متجمعات عند الكفتيريا بالجامعه
شيخه :ريم وش فيك قولي
نجلا :ريم
ريم بدت تنهار وجلست تبكي : ماتوقعت كل الرجال كلاب ماعاد عندي ثقه في احد
نجلا طاح قلبها خافت انها درت ان علي درا ان مشعل يتحرش فيها:ليه
ريم قعدت تبكي وحكت لهم كل اللي صار معها امس وكانوا منفجعات ما توقعوا ابو مشعل بذي الوقاحه حتى هم بكوا من الصدمه ومهمومات لان حياة ريم ماعاد تنضمن في ذا االبيت

٠٠٠
علي:يعني الحق علي
طراد :ومرتين وتبي تغديني عزيمه وتعشيني رضوه
علي : وجع اي والله وجع عفيه بطن
سعود دخل:كني اشم ريحة عزيمه
علي:اووووه جاء عاد اللي ماتكفيه مفطحات
سعود :اذكر اللي ي زلمه ولو بناكل من خيرات الله
علي :وش عنده السوري
سعود وهو يضحك:تضامن مع امك
علي :هههههه وحذف عليه المناديل
طراد: يالله وين بتغدينا
علي:قم قامت قيامتك قم ..وضحك وهو يقلد امه ويقلدهم :العين تطرأك شو بطيني وكزاب ..
٠٠

اما ريم كانت حايسه في العزايم والقهواي والرجال داخلين طالعين يزورون مشعل وهمومها اللي ما تنتهي ومن كثر ماهي مكروفه قالت:والله والله وهذا حلفان احاسب عليه اول واحد يدق الباب ويخطب لا اتزوجه لو انه سكار نكار وافتك من العيشه هاذي ..
٠٠

عند علي فجاء وهو جالس يتغدى تذكر جده وانه واعده قبل يومين يزوره سحب الجوال وهو مستعجل وشرق وشرب مويه والعيال يخبطون عليه ومايدرون وش السالفه
طراد:بسم الله وش فيك وش صاير
علي :يوه نسيت جدي
طراد :اي جد
علي:كم عندي جد انا جدي حاكم
طراد:وش فيه
علي:هماني كلمته قبل يومين وعدته اني ازوره
طراد:اوف يومين ..عز الله ماسوت خير الجامحه
سعود :من الجامحه
علي بسرعه:فرسي فرسي اللي في مزرعة جدي
سعود بشك:وليه ما سوت خير
علي وهو يخز طراد :يقصد ما ظفرت لان لها يومين ماهي نشيطه
سعود :ايه
طراد ساكت طول الهرجه وعلي اخذ التلفون وظل يدق على جده وجده مايرد عليه :اوه هذا مابيرضى لين اجيه بنفسي
طراد :روح له طيب
علي:وين ي شيخ ناسي زياره ابو مشعل
سعود شرق:من بيزور ابو مشعل
علي وهو يتكي وبنص عين:انا خير في شي
سعود :غريبه وش صاير من البقره اللي حجت
طراد:شايف كيف
علي:ولا شي بس عشان خاطر ابوي وجدي
سعود وهو يستهبل:ايه قول جذيه ي معود طيح قلبنا
علي وطراد مع بعض:قلبنا هههه
علي :انت ثبت على لغه كل لغات العالم سوت حادث معك
طراد :قلبنا
علي:الله يهديك بس انت وحماسك الغير منضبط
.
.
عند الرادارات شيخه ونجلا
شيخه :احلفي
نجلا :والله
شيخه:وش صاير علي بيزور مشعل اكيد اخوك ولى عقله
نجلا:انتي شايفه لكن على ماقيل لجل عين تكرم مرج عيون
شيخه :وش رايك اجيك وننفض غرفة علي
نجلا :ايه تعالي اليوم امي بتدخل تنظفها لانها صايره مزبله
شيخه: يالله بلبس واجي
نجلا :استني لين يروحون وتعالي لانه اذا شافنا مع بعض بيمسكنا تحقيق
شيخه :ايه صح ..

بعد ٣ ساعات جو ا

بو عمر وعياله كلهم للبيت وبدوا يجهزون
عند نجلا كانت جالسه تستنى علي في غرفته دخل علي وهو يضحك اول ماشافها ناظرها وصد ودخل وهو ينزل اغراضه ولا معطيها وجهه نجلا:علي
علي:.......
نجلا :علي رد علي
علي ساكت وهو محروق
نجلا بدموع:علي لا تسوي كذا الله يخليك
علي ما تحمل دموعها ولف بسرعه:ليش ليش ي نجلا ما تكلمتي من قبل ليش ما قلتي لي
نجلا بكى ودموع: وش اقولك وحتى لو قلت لك وش في يدك تسوي بصفتك ايش
عليي بعصبيه:وش بسوي بحرقهم بصفتي ايش هاااه بصفتي ايش انتي عمياء ي نجلا عمياء سكت وهو يتدارك وضعه : روحي الحين خليني البس
نجلا:ماروح لين تسامحني
علي:نجلا روحي
نجلا ببحه بكى :مابي
التفت علي وضمها وهو يمسح دموعها :خلصنا عاد مسامحينك يالله عشان تعرفين اني سامحتك طلعي اغراضك
نجلا بضحكه:على خشمي ي اخو نجلا
علي وهو يضربها بخفيف في خشمها:عليه الشحم ي اخت علي
وراح يتروش وهي راحت تطلع اغراضه
بعد نص ساعه جهزوا كلهم وطلعوا ودقت نجلا على شيخه تجي
٠٠

عند ابو مشعل كان يحتري ابو عمر وعياله ومشعل ساكت بيشوف اخرتها معهم
ابو عمر بصوت جهوري:السلام عليكم ..طريق ي ولد
ابو مشعل :اقلط اقلط ي ابن عمي
بعد سلام وكلام وسؤال عن الحال
ابو مشعل :ولو اني زعلان على علي بالحيل
ابو عمر :مافي زعل ان شاء الله كل اللي صار عتب عيال عم
مشعل :والعتب بذا الشكل
علي :انت اللي نرفزتني وخليت خلقي يطلع
مشعل :وش سويت انا
ابو عمر يتدارك الوضع :حصل خير هذا انتم اخوان حبايب قوموا حبوا خشوم بعض ويحصل خير
علي التفت بسرعه لابوه ومشعل بعد
ابو عمر وهو يغمز لعلي :يالله الله يرضى عليكم يالله
قام علي وسط ذهول اخوانه وابو مشعل ومشعل بعد مد يده لمشعل وقومه وحب خشمه وهو كاره بس يشوف ريم بين عيونه
مشعل من الصدمه تنح والعيال بعد ابو عمر :يالله ي مشعل
قرب مشعل في ذهول وهو حاس انه هدوء ماقبل العاصفه
وحب خشم علي استاذن علي باسم ان عنده شغل وهو كاره ذي الروحه من الاساس
٠٠

اما عند ريم كانت بتموت من الرعب من يوم درت ان علي فيه
وتتخيل في بالها انه بيهجم عليها في اي لحظه
سمعت صوت نحنحه برا وفزت شافته واقف جنب سيارته ويكلم واضح انه متنرفز شافت شلون شكله يفجع وهو متنرفز قالت في نفسها هذا وهو متنرفز اجل لو معصب كيف بيصير شكله فجاءه حسته يناظر الشباك وساكت شافت ملامح وجهه ارتخت ولمعت عينه وباين انه شافها صرخت وخرت بسرعه وهي مرعوبه
وزادت رعبتها ام مشعل بصراخها:انتي مجنونه كل شي تصرخين عليه
ريم :اسفه بس بس
ام مشعل :انكتمي مابي اسمع حسك
٠٠

عند علي كان يكلم طراد وهو بيموت من القهر كيف يحب خشم الغبي مشعل كيف وبين ماهو معصب حس فيه عيون تناظره التفت وهو يدعي انها الجامحه تنح يوم شافها وفهى معها ونسى طراد والجوال والسيره كلها ونسى مشعل ومصايب مشعل
وطراد يصيح على الجوال فز علي على صوت طراد:عليييي
علي :وجع وجع
طراد :وين رحت
علي بهيمان :شفتها تناظرني ي طراد
طراد بزهق:يوه علينا ياخي فكنا ولو يوم من سيرتها
علي بزعل:وش ذا الكللام ي طراد
طراد:انا اسف بس طفشت خلاص غير السيره
علي بزعل :مع السلامه وطوووط
عند طراد بغى يبكي ياخي من ناحيه ريم وبلعناها اما التسكيره في الوجه مابلعناها
٠٠٠

عند ريم جلست تفكر في علي ورعبه قالت بخاطرها احس الرجال ذا وراه مصايب وعمايل الله يستر لا يكون شافني
تذكرت كيف كان لما كان صغير كان حنون عليها ولا يعرف العصبيه كيف كان دايم يحميها من كل شي قبل وبعد ما توفوا اهلها تنهدت وقالت:وش اللي غيرك ي علي
٠٠

عند الملاقيف نجلا وشيخه دخلوا غرفة علي بحجة انهم يرتبونها وبدوا بالتفتيش اول ماطاحت نجلا على السلسال اللي مكتوب عليه الجامحه وصرخت:شيخه الحقي
شيخه جت تركض وطاحت وقامت :وش فيه
نجلا :شوفي السلسال اللي اقولك
شيخه: وش مكتوب عليه
نجلا:مكتوب الجامحه
شيخه:وش يعني
نجلا :مدري بس اكيد يخص ريم
شيخه :اكيد يالله دوري بعد
كملوا تفتيش ومالقوا شي
نجلا:احس لو بنفتش الغرفه الصغيره هاذي بنحصل بلاوي
شيخه:وانا بعد بس مافي مفتاح
نجلا :ايه دايم في جيبه
شيخه بخيبة امل :يالله نطلع
نجلا :يلا خليني نرجع السلسال ونطلع قبل يجي
٠٠

عند علي رجع البيت وماهو معطي فرحته لاحد جاء مسرع لامه وضمها حيل وطلع ركض وامه تضحك وقابل نجلا وشيخه عند باب غرفته وقف فجاءه :خير وش عندكم في الغرفه
نجلا:قالت لي امي انظف غرفتك انا وشيخه
علي :ايه ناظر شيخه..وقال مابتسلمين ي دبا
شيخه ضحكت وجت تسلم عليه:احسبك زعلان
علي :هههههه انا اقدر ازعل عليكم
شيخه :انفدااااك
علي:تعالو تعالو ابيكم
شيخه ونجلا التفتوا لبعض وخافوا علي :تعالوا مافيه شي ..

دخلوا معه وارتصوا على الكراسي الموجوده وجلس علي على السرير واخذ نفس وقال:اسمعوني زين اي مشكله تصير من بعد اليوم مع ريم تنقال لي بحذافيرها ولاينقص ولا حرف
شيخه :وليه وش انت من ريم عشان تنقال لك امورها
علي :اعد خطيبها
شيخه ونجلا صاحوا مع بعض :نععععععععععم
علي :وجع ا

خروا اصواتكم
نجلا:كيف يعني
علي :في ذي اليومين بتقدم لخطبتها وابي منكم تعرفون وشو له تكرهني
شيخه ولا كلمه كانت هاديه هدوء غريب ونجلا زيها
علي :هييييه انتي وهي
شيخه بفغاره : انت تتزوج ريم
علي:ايه ريا عندك شي قوليه
شيخه:ولا شي لكن الله يحفظ عقلها
علي بهواش :ليه
شيخه:بصراحه البنت تخاف منك حتى من سيرتك كيف بتتزوجها اصلا عندها رعب منك
علي :اقدر افهم ليه
شيخه:مدري كذا
علي يحاول يهدي:اذا الخوف مافيه مشكله ينحل لكن طال الزمن والا قصر ريم ماهي الا لي ويلا توكلوا
طلعوا وكلهم مسبوهين نجلا وشيخه ومتنحات
نجلا :سمعتي اللي سمعته
شيخه:على قد ماني فرحانه على قد ماني منصدمه
نجلا :وش مفرحك بالموضوع
شيخه:يعني علي مهما عصب الا انه حنون ويجنن بيحبها وبيسعدها وقولي شيخه ماقالت
نجلا بتفكير:مدري بس الاكيد ان ريم بتنجلط هذا اذا وافقت على علي
شيخه:اتوقع اذا ما بتوافق ترحمي على علي
نجلا :مدري وين كان مخبي ذا الحب كله
شيخه:تبين الصدق احسهم مره لايقين على بعض
نجلا:اقولها تيس تقول احلبيه ي بنت البنت تكره علي كيف تبينها تتزوجه
شيخه:بتتزوجه وتشوفين
٠٠٠

من بكره الصبح اول ما صحى علي اخذ ابوه وراحوا لجده حاكم يراضونه ويقنعونه طول الخط وعلي متحمس حماس رهيب لدرجه ان ابوه كان مستغرب من حالة علي طول عمره الصعب القاسي اللي اخر انسان اتوقعه يحب ويعشق طول عمره غرقان في شغل ودايم معصب ودايم فيه ضيقه كيف قدرت بنت توها ٢١سنه تجيب راسه كيف وصلوا ودخلوا المزرعه وتوجهوا للجد اللي كان عند فرس علي الجامحه
ابو عمر:سلام عليكم
علي:مسه بالخير يالغالي
الجد رحب بابو عمر وتجاهل علي درا علي انه زعلان
علي :افا والله وانا خيال الجامحه زعلان علي ي تاج راسي جعل مالي عمر يوم زعلت
التفت جده عليه بعصبيه:لا تدعي على نفسك امك تبيك
علي وهو يبوس راسه ويده:وانت ماتبيني ي تاج راسي
ابو عمر وهو يضحك:حاصلك يبه اتغانم الفرصه ترا ذي الايام مشاعر علي جياشه
علي:ايه تغانم الوصل وعندي لك بشاره
الجد :قبل كل شي تفسر المصايب اللي انت مسويها
علي :ابشر على خشمي
وشرح له كل شي بستثناء ان مشعل مضايق ريم وعاتبه جده حيل بس رضى يوم قال تراضينا وهو مستغرب ان علي يراضي مشعل اللي مايطيقه
علي بفرحه:والحين بتسمع وش بشارتي
الجد :قول لا عدمتك
علي :يالله تستانس اخيرا بتفرح فيني وبتشوفني عريس
الجد حاكم :قول والله
علي وهو يضحك:وربي
ابو عمر :وجاينك نبيك تروح تخطب لنا البنت
الجد حاكم:ابشر ويبشر اخو نجلا ..لكن ماقلت لي من هي اللي راضي عليها ربي
علي وهو يضحك وعيونه تلمع فرح:ريم بنت عبدالله الله يرحمه
الجد:زين ما اخترت ادب واخلاق وجمال ابشر بعزك بكره نروح
علي في نفسه والله اني خابر والا وش جاب راسي:ايه بتروح وتنام عندنا وبكره من الصباح نروح
جده:ابشر لعيناك ي اخو نجلا
علي :انا بدخل اسلم على اللي داخل
واستاذن وراح الجد:وش غير الاحوال
ابو عمر :والله ي ابوي مدري لو تشوف وش صار فيه ما تصدق ماصدقت ان علي بيحب ويحب ريم اللي مثل الريشه
الجد :الله يوفقه ما كنت ناوي اسامحه لين علمني بخبره اللي يسر ..
ابوعمر:بيني وبينك يبه خايف ان ابو مشعل مايعطيه ثم والله لايموت
الجد:وليش مايعطيه علي رجال كلن يتمناه وفوق ذا توه عمره٢٦وعنده اموال ماهي عند احد بعمره وكله من تعبه
ابو عمر:يقول علي ان مشعل يبيها فاكيد ما بيعطي علي ويخلي بنته
الجد :غصب عليه بيعطي مهوب علي اللي ينرد شي في خاطره
٠٠

عند علي سلم على الجميع جاء بيطلع وجت صيته
صيته :جيت ي ولد السوريه
علي:لاحول ولا قوة الا بالله هذا شي مايخصك
صيته : ههههههه ما يخصني ي ولد امك
علي طلع من جنبها وهو ماوده يخرب فرحته بريم راح لفرسه اللي يحس انه جاء الوقت اللي يبشره بقدوم سميته اقبل على فرسه وبكل مهاره ركب الفرس وانطلق فيها وهو يحكي له وجع قلبه وفرحة سنينه قابل الهوا وكنه يقوله يشيل شوقه ويوصله للجامحه
اللي اسرت علي اللي ماعمره التفت لمره اقبل على ابوه وجده وهو لو يوزعون فرحته على البلاد كفت ووفت نزل من فرسه بكل مهاره وتوجه لابوه وجده وببتسامه:تحبون نمشي
الجد :اصبروا خلونا نتغدى ونروح
ابو عمر : اللي تامر فيه ..

عند ريم خلصت شغلها وراحت تريح عند جدتها وهي في قلبها شي مقلقها ولا تدري ايش انسدحت عند جدتها وغفت حلمت ب علي جاي لها من بعيد يركض وضمها وقال لها واخيرا يالجامحه فزت ريم برعب وهي خايفه تعوذت من ابليس وراحت تشرب مويه وكانت تفكر في الحلم الغريب العجيب وفي الاسم اللي ناداها فيه علي صحت من سرحانها على احد ماسك كتفها لفت بسرعه وشافت ابو مشعل: خالي وش تبي
ابو مشعل وهو يقرب بزياده:ولا شي ابي اشوفك
ريم لزقت بالبراده وهي ترجف :خالي وخر حرام اللي انت تسويه وخر
ابو مشعل :وش الحرام انتي كلك حلال
ريم دفته وراحت تركض لجدتها وتدعي ربي يرسلها اي احد يفكها من ذي المصيبه كيف كيف خالي يتحرش فيني انا الاقيها منه والا من ولده والا زوجته
٠٠

بعد العصر حرك علي وجده

وابوه من المزرعه متوجهين لبيت ابو عمر وعلي متحمس وصورة ريم ما فارقت عينه وصلوا بعد ما نشف حلق ابوه وجده من كثر مايصرخون عليه يهدي السرعه دخل علي البيت وقابله عمر وضمه وقابله بدر وضمه وقاابله عبيد وضمه وكلهم انصدموا صحوا على صوت ابوهم وهو يضحك :سلموا على جدكم ي عيال
سلموا كلهم وهم يسمعون دندنة علي بصوته الشجي يغني
علي:غني يمه غني وارقصي بكره ولدك بيصير عريس
ام عمر بصدمه:شو ياموه بتحكي الصدق
علي وهو يمسكها بيدينها ويدور فيها:ايه يمه ايه
ام عمر :والله والله لاخطب لك بنت بيحكوا فيها كل العالم
علي :مايحتاج تخطبين البنت جاهزه وهذا جدي جاي بيخطبها لي بكره
ام عمر بزعل :شو ياموه وانا اخر من يعلم
علي وهو يبوس راسها:لا ي قليبي بس الشغله مستعجله انتي فرديها وروقي ولا تخربين فرحتي
امه وهي تبوسه:ومين بنت الحلال
علي:ريم بنت عبدالله الله يرحمه
ام عمر:لك ربي يحفظها لك يخزي العين شو مرتبه وحركه
علي :افا عليك مانجيب الا الطيب
ام عمر:الله يوفقك ياموه ويكتب لك نصيب
علي :اميين
نزل علي مسرع مثل البرق واخوانه مستغربين
ضحك ابو عمر :سكروا افواهكم وباركوا لاخوكم بكره بنخطب له
اللي شرق واللي ضحك واللي اتشنج
بدر:يمه علي بيتزوج وش صاير الشمس طالع من الغرب
علي:ما راح ارد عليك لكن احسن بسبقك وانت خلك خلل في حضن امك
بدر: قوم قوم قال خلل الله يخلي لي امي اللي تدلعني
عمر :ماشاء الله مبروك ي علي
علي وهو يبوس خده:الله يبارك فيك ي ذوق
عبيد:مبروك الله يتمم لك
قرب له علي :قوم مابيها ناشفه كذا ضمني وبارك لي
عبيد يضمه:مبروك
علي:عقبالك
استاذن علي بيروح لطراد وراح ركض لطراد وكسر باب البيت دق
طلع ابو طراد مستغرب:علي خير يبه شصاير
علي بفشله:ابد بس ابي طراد
ابو طراد : الله يهديك وانت طول عمرك طاير اركد الحين انادي طراد بس ادخل ‏تقهوى
علي:تسلم تقهوى معك العافيه بس انا مستعجل
ابو طراد:اجل ادخل صحه انت مالي خلق اطلع الدرج مافيه احد
طلع علي بعد ما اخذ له ابو طراد طريق وراح ركض فتح باب الغرفه وشاف طراد نايم في العسل والجو بارد والظلام واللحاف طاير عنه جاا يركض ونط على طراد: قوم قم بارك لي
طراد من الخرشه طاح من فوق السرير وكب المويه وجاء بيقوم وزلق وطااح ثاني مره وعلي ميت ضحك على السرير ..
طراد : لعنه انت ي تنفس ي يطير عقلك مره وحده اتزن ي رجل اتزن
علي وهو مازال يضحك:اول شي بسم الله عليك ثاني شي ماجور كان اوجعك شي ثالث شي ابشرك بكره بروح اخطب جبت جدي هذا هو بالبيت
طراد نسى وجعه ونط على علي وطاح هو وياه :مبروك الله يتمم لك تزوجها ي رجل والله لذبح ضحيه
علي وهو يدفه:قوم عني بس قال ضحيه
طراد :ايه يبه هاذي الاخبار اللي توسع الصدر وقف على السرير وقام يقلد ام علي :اوويها وعلوش بدو يتجوز اوويها والحمدلله كنو عتق رقبه واوويها موووتوا يالحساد غيره كلووووش ههه

علي:هيا قوم ي ام زكي وروح خذ لك دش بسوي عشاء بالاستراحه خل نروح نهيص ونرقص
طراد وهو يتوجه القبله: ياربي تمم عليه الروقان وتخليه يعشي فينا ويغدي ي رب
علي حذفه بالمخده وهو يضحك : عجل والا بكنسل
طراد :افا عليك برق
بعد نص ساعه جهز طراد وطلع هو وعلي
٠٠٠

عند ريم كانت تراسل نجلا وشيخه في قروبهم وقالت لهم عن حلمها وقامت شيخه تلمح لها عشان ماتنصدم :يمكن بتتزوجين علي
ريم برعب ؛لا ي شيخه وش ذا الفال
نجلا :ليه
ريم :والله اخاف منه وماعاد اصلا اثق بكل الرجال ما افكر اتزوج اصلا
شيخه بتسرع:ايه عشان تخللين عند خالك وولده وكل يوم واحد يوريك اصناف العذاب
ريم:وش اسوي يعني
نجلا :ريم حبيبتي اذا جاك عريس كويس تزوجي. احسن من عيشتك اللي تجيب الضيم كفايه عليك التحرشات من خالك والا مشعل يهون امره
شيخه وهي تحاول تقنع ريم بالزواج: ي ريم تراك تدرين انك مهدده بشرفك من خالك وولده لكن تزوجي سريع وانستري قبل تنفضحينن بشي مالك فيه ذنب .....

ريم بخوف:لا تقولوا كذا ي بنات وربي تخوفوني
نجلا :احنا مانخوفك احنا نفتح عيونك عشان ما تتورطين
جلست ريم تفكر بينها وبين نفسها وقالت اهم شي اطلع من ذا البيت لو اتزوج زبال اهم شي الستر
٠٠٠

عند علي سواء عشاء كبير في الاستراحه ولم اصحابه كلهم ونزلو كلهم رقص وغناء واكل ولعب وماقصروا
٠٠

من بكره الصبح صحى علي من بدري وراح يحلق ويتهندم ويتعطر ويكشخ ورجع البيت وصحى كل. اللي بالبيت
وهو بيموت من الحماس
جده :علي اركد اركد لا تصير خفيف
بدر يضحك:ااااه ي ربي لو درينا الزواج بيهبلك علينا والله ما نزوجك
نجلا وهي متكيه على كتف بدر ونعسانه :انت صاحي تراك بس بتخطب وماتدري يعطونك والا لا مسوي كل هالهليله ومصحي المسلمين من الصباح
علي:انتي بالذات انكتمي ي نفسيه ي عدوة الفرح
نجلا وهي تكش عليه:مالت حتى مالت اجل عدوة الفرح
شوي الا نوره وعمر جايين وبعيالهم
عبيد :الله حتى ذولي صحيتهم
علي وهو يضحك ويقوم يسلم:اهلا اهلا ادخلوا
عمر وهي قافله معه:والله لو ما توخر لا بدله على راسك انخبلت في عقلك انت

تراها خطبه خطبه انت انهبلت وانت ما تزوجت اجل لو بتتزوج وش بتسوي
علي :شوفوا اليوم براحتكم مسحوا بكرامتي الارض ماعندي مشكله يوم مفتوح
وكنهم ما صدقوا استلموه كلهم
٠٠

عند ريم صحت من بدري وفي قلبها قلق خالها قالها تنظف المجلس بيجي رجال وقامت تنظف وتغسل وتصلح قهوه وشاهي
بعد ربع ساعه
جا الجد حاكم وابو عمر وعلي وباقي اخوانه
ابو مشعل: يالله حيهم
الجد : البقى كيفك وكيف مشعل
ابو مشعل :الحمد لله كلنا نشكر الله
الجد حاكم :الحمدلله ..وين هي ام محمد خلها تجي بنشوفها ونسلم عليها
ابومشعل :ابشر
وراح ينادي امه وجاء هو وياها وبعد السوال والسلام
الجد حاكم :اول شي سبب زيارتنا اليوم نتطمن على مشعل ومن بعدها نبي نطلب يد كريمتكم ريم لولدي علي
ابو مشعل وام محمد مستغربين :كيف
ابو عمر:بصراحه يا ابو مشعل علي يوم قرر يخطب اصر ابوي عليه انه ما ياخذ الا ريم وريم بنت الف واحد يتمناها ونتشرف لو اخذناها لعلي
ابو مشعل :والله انا تفاجات وماكنت اتوقع ذا الموضوع علي يشرفني ازوجه وماينرد لكن البنت لها ولد خالٍ يبيها
الجد حاكم:ولد خالها لا شغل ولا مشغله
ابو مشعل :يرزقه ربي
الجد :لا توقف نصيب البنت ي ابومشعل والا وش رايك ي ام محمد
ام محمد:والله انا اشوف دام النصيب جاء ليه نرده خاطري افرح بها قبل اموت
ابو مشعل :لكن ....
قاطعه علي :ابو مشعل لا هنت ابيك بكلمة راس برا
الكل تفاجاءو وخافوا علي :لو سمحت
قام ابو مشعل ووقف هو وعلي في الحوش
علي :اسمعني زين ي ابو مشعل كلنا ندري ان ولدك عاطل وما منه فود وتدري زين اني اذا ماخذت ريم بابتليك في نفسك انت ولدك واطلع لك مصايب بتموت ما لحقت اخرها وتعرفني مجنون واسويها لكن اذا استهديت بالله واعطيتني البنت يوم الملكه بتاخذ في يدك ٥٠ الف ريال وملكية دور كامل في عمارتي اللي بالعليا ومحل من محلاتي اللي انا فاتحها وارض وش رايك
ابو مشعل بفجعه بكمية الاغراءات اللي بعمره كله ما جمع حق المحل بس فكيف بيجي كل ذا
علي :هاه وش قلت تعطي
ابو مشعل :ااا بس
علي : ولمشعل ٣٠الف وش قلت
ابو مشعل :هاه
علي :نقول تم
انعمت عين ابو مشعل اللي كان عايش على التقاعد وفجاءه تجيه كل هاذي الاموال :تم
ورجعوا وعلي ابتسامه شاقه وجهه
ابو مشعل :تم وعلى بركة الله
الكل كانوا متسغربين التغيير المفاجئ بس سكتوا وباركوا
الجد :ابو مشعل ما ودك تاخذ راي البنت
ابو مشعل وهو خايف ان ريم ترفض وتضيع عليه الفلوس :البنت رايها من رايي لكن بشوف
وراح :ريم ريم
ريم بخوف :نعم
ابو مشعل:اسمعي ترا علي خطبك مني وانا وافقت وعلى ذا الاساس بتوافقين لو اسمع كلمة لا بذبحك حتى لو جت امي بتقولين اللي يشوفه خالي
ريم :بس ..مسكها ابو مشعل من شعرها :مافيه بسبسه اذا قلتي لا او اني اجبرتك قسم بالله لذبحك
ريم وهي تبكي :طيب

رجع ابو مشعل وقال : ابشركم جت الموافقه والبنت تقول رايها من راينا علي نقز من الفرحه وده يصيح بس ماسك نفسه والكل بارك له وسلم عليه وحددوا الملكه بعد يومين من دون حفله بس عشاء وكلن يتيسر لين الزواج
طلع علي من الفرحه ودق على كل الناس وبشرهم ما وصل بيتهم الا طراد معه :علي
علي وهو يضحك: بارك لي ي طراد بارك لي
طراد وهو يضمه ويضحك: مبرك مبروك ي اخوي الله يكتب لك خيرها
علي وهو يضم طراد:كلها خير كلها
طراد:قلي قلي وش صار بالضبط
علي :تعال في المجلس
علم علي طراد بكل السالفه وطراد متنح:نعم
علي :والله
طراد :صاحي انت تعطي ذا الكلب كل ذا علي حنا مالقيناها في الشارع تعبنا
علي :جعلها فدا ريم هي بس تجي لو يبي الشركه ياخذها
طراد:علي صادق
علي :والله
طراد:لا حول الله انهبلت رسمي
علي : ااه ي كثر ما راح من هم على قلبي بكره اول ما اصحى بروح لطبيب وبشوف وش صار

طراد:وخله يكشف على عقلك يمكن يلاقيه محترق
علي :انت وش بك المفروض تفرح لي
طراد :انا فرحان بس ليه كل ذا كان مسكته وصفقته وخليته يوافق غصب
علي :ومن قالك اني بعطيه كل ذا بعطيه الدور و٥٠الف بس دفعة بلا
طراد:ايوه واللي قبل شوي
علي:كانت مجرد اغراء
طراد :من متى وانت بذا الخبث علي اقولك ترا ذا الحب ماسوى خير فيك
علي وهو ينسدح على الكنب :ياليت الايام تركض بس لين يجي يوم الزواج وتوقف هناك
طراد وهو يبوس يده وجه وقفى. :يالله لا تزغ بعقولنا على العموم مبروك وانا بروح انام هلكت وانا في الشركه وبعض الناس يخطبون
علي:خذ راحتك ابوي خذ راحتك
٠٠٠

اما عند ريم كانت بحاله يرثى لها كانت تبكي وتبكي وجدتها عندها :يمه خلاص اذا ماتبينه نرده
ريم بخوف من ابو مشعل:لا بس انا فقدت امي وابوي ماعليك ي جده روحي نامي وانا بنام
راحت الجده وريم قفلت الباب واستمرت في بكاها اخذت جوالها ودقت على نجلا: الو نجلا.
نجلا:هلا ريمه كيفك
وفي ذي اللحظه دخل علي على نجلا وسالها من شافها ارتبكت سحب جوالها وشاف الاسم وضرب قلبه بقوه وعطى نجلا بعد مافتح الاسبيكر
ريم وهي تشهق:نجلا وينك
نجلا بارتباك وهي تناظر علي:موجوده وش فيك انتي ؟
ريم وهي تبكي :علي

علي ي نجلا
نجلا :وش فيه
ريم :خطبني خطبني ي نجلا خطبني
نجلا :طيب وش فيك المفروض تفرحين انك انخطبتي
ريييم :نجلا وش فيك كنك ما تدرين اني اكرهه
علي غمض عيونه بقوه وسكت واشر نجلا تسال ليه
نجلا:ليه طيب.
ريم :موب وقتك تكفين تكفين اقنعي اخوك يخليني تكفين نجلا انتي تمونين عليه
علي اشر لها تقول طيب نجلا:ابشري اكلمه بس خليه يجي
علي قام وطلع وسكرت نجلا واتصلت على شيخه وقالت لها اللي صار شيخه دقت على ريم:سلام
ريم :هلا شيخه سمعتي شصار فيني
شيخه بهواش: مجنونه انتي احمدي ربك انك بتتزوجين وتفتكين من عيشة خالك
ريم :بس انا مابي علي
شيخه :ومن تبين ان شاء الله ريم تكفين افهمي اذا ما تزوجتي علي بتاخذين مشعل اللي انتي عارفه بلاويه ولا بتخلصين لا من ابوه ولا امه ولا احكي لك عن سواد العيشه اللي بتشوفينها اسمعيني ي قلبي وافقي على علي لا يغرك شكله وعصبيته والله حنون وينحب وصدقيني ي ريم لا يحطك بعيونه واذا تثقين فيني تزوجيه والله بتشكريني لا يغرك صراخه هو يصارخ علي انا ونجلا ويضربنا بس يرجع يعتذر ويراضينا ولا تنسين ان الزوجه غير وبتحبينه وبيحبك
ريم وهي تبكي :بس خايفه
شيخه :شوفي ي ريم انا ونجلا وراك مستحيل نخلي علي ياذيك ووراك جدي حاكم وابو عمر والدنيا ما انتي لحالك
ريم :مدري مدري
شيخه :صلي ركعتين واستخيري
ريم :ان شاء الله
شيخه:يالله حبيبتي تصبحين على خير وحطي كل ظروفك قدامك واتخذي قرارك على اساسها
سكرت شيخه وراحت ريم تتوضي وتصلي حست براحه بس فيها خوف ..

من بكره الصبح طلع علي على المستشفى وقابل الدكتور وجلس يساله عن حالته كشف عليه الدكتور
الدكتور :شوف ي علي احنا لنا سنين نعالج وفيه تحسن بسيط جدا لكن انا في اخر مؤتمر حضرته في امريكا في علاج يناسبك هناك بنجربه ونشوف وان شاء الله خير
علي :واتشافى ي دكتور
الدكتور:نقول ان شاء الله
طلع علي وهو قلبه مقسوم نصين قسم فرحان انه في علاج وفرحان بريم وقسم حزين متوتر خايف ما يلاقي علاج وتنكسر علاقته بريم
٠٠

وبعد يومين من الاحداث جاء اليوم المنتظر يوم الملكه وكان علي في الشركه يضبط ملكية الدور لابو مشعل وال٥٠الف
وطلع وراح البيت وهو مستانس وفرحان
٠٠

اما عند ريم كانت تجهز وهي حزينه وخايفه وكانت شيخه عندها وتدعمها وتقويها وكانوا الناس متجمعين ببيت ابو مشعل
٠

على الساعه ٨ العشاء جاء الشيخ وملك لهم والكل يبارك وفرحان ومشعل شابه بصدره نار وحالف ينتقم منهم ويخرب زواجهم
وابو مشعل على جمر ينتظر الفلوس والمالكانات وعلي محد في فرحته وتوتره وريم حاله ثانيه كل ما تصلح شكلها يخرب من البكي والبنات يدارونها والكل يحسبها فاقده امها وابوها بس
رفضت يدخل علي يلبسها الشبكه تكدر خاطر علي شوي بس مو مهم عطى امه تلبسها هي وجده حاكم
دخل الجد حاكم ولبسها بمساعدة ام عمر وهي ترجف وخايفه سلم عليها وطلع اما علي كان ضايق شوي ومرتاح من جهة انها صارت نصيبه جاء ابو مشعل :اقول ي علي ي ولدي انت باقي على وعدك
علي وهو ضايق:ايه ايه تعالي بكره الشركه
ابو مشعل :ان شاء الله
ما ارتاح علي واخذ جواله وقال لنجلاء تكلمه عند الباب هي وشيخه جو الثنتين
شيخه:مبروك علوش
علي :الله يبارك فيكم وعقبالكم
شيخه :امين
ضربها علي بشويش على راسها وقال:انا بزوجك بيدي بس خليني اخلص من مصيبة راسي الحي
نجلا:وش بغيت
علي :اسمعوا ريم وين
شيخه :في غرفتها
علي : عندها احد
نجلا :بشك وش تبي
علي :انطقي
شيخه :لا
علي : زين روحي فكي الشباك وانا اجي واول ما ادخل اطلعوا وقفلوا الباب بحجة ريم تغير
نجلا مسكت يد علي:لا دخيلك لا تدخل علي حرام البنت خايفه تبي تزيدها خوف
علي:ما راح اسوي شي بشوفها بس وبحاول اتفاهم معها والله ما سوي شي يخوفها
نجلا:لا لا ي علي
شيخه :روح ماعليك انا افتح
راح علي لشباك وكانت غرفة ريم شباكها مفتوح واللي بيتسلق بيقدر يدخل تلطم علي ورفع ثوبه وبدا يتسلق لين وصل الشباك
عند ريم كانت جالسه على السرير وضامه رجولها وتبكي وشيخه جنب الشباك ونجلا جنب الباب وخايفه
شيخه:ريم خلاص لمتي هذا البكى ما خلصوا دموعك
ريم زادت وشيخه فكت الشباك لعلي ونقز ودخل الغرفه رفعت راسها ريم على خبط رجول علي بالارض تشنجت تماما يوم شافته ونطت بتهرب ومسكها علي وسكر فمها وجلست تضربه على صدره وتدفه وهو ضامها بقوه ويحاول يثبتها
علي:ريم ريم خلاص هدي ما راح اسوي لك شي بس بكلمك بس
ريم ريم
وريم ما تسمعه تبكي وتضربه وعجز فيها مايسكتها اشر لنجلا وشيخه يطلعون ويقفلون الباب. وطلعوا
علي :ريم حبيبي هدي والله ما اسوي لك شي بس ابي اكلمك وريم مستمره في الضرب والبكى ما لقى علي حل يسكتها فيه الا حل واحد لانها لو جلست تصارخ بتلم الناس عليهم ..وبسرعة البرق سحب يده وحطه بفمها وانقطع صوت ريم لما ثبتها ..
تنحت ريم وانصدمت وعلي كان مقصده يسكتها ما درا انه زاد الطين بله طاحت ريم بين يدينه مغمى عليها انفجع علي وخاف
حاول يصحيها ما صحت جلس يدور مويه مالقى رفع جواله يدق على شيخه وه

و يرجف :شيخه جيبي مويه وتعالي بسرعه
شوفي انفتح الباب وجت شيخه ومعها نجلا قفلت الباب شيخه ونجلا صرخت وسكرت فمها شيخه وجلست تبكي نجلا ذبحتها ذبحتها ي علي
علي بهمس:انكتمي ما صار لها شي شوية اغمى ودوخه من البكى شيخه ترش على وجه ريم مويه وعلي جالس على ركبه وريم طايحه بحضنه رفعت راسها شيخه بتسائل ولاحظت روج ريم على يد علي طاحت المويه من يدها وحطت يدها على فمها
ضربته على صدره وهي تبكي بعد:على اساس بتكلمها على اساس ما بتسوي لها شي
علي حاول يتدارك الوضع بس كلهم منهارات حاول يسكت شيخه لين سكتت وفهمها السالفه ورفعوا ريم على السرير وبدوا يصحونها بالمويه والعطر اما نجلا كانت جالسه بزاوية الغرفه وساكته وعلي وشيخه يصحون ريم بعد عدت محاولات صحت ريم واول ماشافت علي بكت زياده علي قال لشيخه انه بيروح وهي تدق على امه تدق على ابوه يسعفها هزت شيخه راسها ونقز علي من الشباك وصلح شماغه وتهندم وهو خايف وحاول يكون طبيعي جاا يمشي والجوال باذنه ويحاول يضحك اول ما وصل لاحظ طراد تغير وجهه :وش صاير وش ذي المويه اللي عليك ..

علي بارتباك :بعدين اقولك تعال نجلس وجلسوا شوي ويدق جوال ابو عمر وسمعوا الصياح والبكى جوا ودروا ان ريم اغمى عليها ودخلوا ودخل علي اول واحده وبسرعة البرق حمل ريم بين يدينه وغطاها بعبايتها وطلع فيها وهي مثل الجثه طلع من بينهم كلهم والكل منفجعع واسعفوها بسرعه واخذوها للمستشفى ودخلوها وعلي يرجف عند الباب والكل عنده ومحد يدري وش السالفه الا علي وساكت وطراد شاك فيه
بعد ربع ساعه طلع الدكتور وتجمعوا عليه وقال لهم :انهيار عصبي وارهاق وان شاء الله بتصير احسن
علي حط يدينه على راسه وهو يرجف شافه ابوه وجا :علي اذكر الله بسيطه ان شاء الله
حمر وجه علي وعرق وبانت عروق جلس على الكرسي وهو يتذكر كل اللي صار ما توقعت تخاف مني كذا ليه وش سويت ليه
بدوا الناس يرجعون لبيوتهم بعد ما تطمنوا على ريم وجت جدتها تبكي وقالت انها لها يومين تبكي فاقده اهلها ومع ارهاق الجامعه اغمى عليها وطراد مسك علي. :انطق وش فيه وش صار ؟
رفع راسه علي : انا السبب انا السبب
طراد وهو يهزه :وش سويت
علي قاله و طراد حط يده على راسه :انت صاحي هااااه صاحي انت زدت الطين بله ي غبي بتصير عند البنت عقده منك قالت ما تبي تشوفك خلصنا ما تبي تشوفك لازم تسوي مصيبه
علي وهو منهار: كان قصدي اكلمها بس ما طاعت كنت ابي اسكتها
طراد وهو يضرب على الطاوله :تقوم تقفل فمها ي غبي اكيد خافت
علي : احسبها بتسكت احسبها بتسكت
طراد :لا حول الله
علي :وش السوات وش السوات.
طراد:السوات انك تقوم تنقلع منها لو صحت البنت وانت في المستشفى بتموت والناس بيفهمون انك السبب
علي :مقدر
طراد:وش ما تقدر تبي تذبحها انت
علي :لا
طراد :قم من هنا وانا اعرف واحد هنا يطمنا عنها كل شوي
علي :بس طراد
طراد: خلصنا عاد
قام علي وهو يدف نفسه دف ويحاول يداري طراد وراح وجلس في الاستراحه وكل خمس دقايق يسال عنها
٠٠

عند نجلا وشيخه كانوا منهارات
نجلا:قلت لكن ما سمعتوني ذبحتوا البنت
شيخه :والله ما توقعتها تخاف لذي الدرجه ولا توقعت علي بيسوي كذا
نجلا وهي تشاهق:ويلي عليها كل اللي حواليها عوج
شيخه :انا بدق على علي بشوف كيفها ودقت :الو علي
رد علي وصوته رايح :هلا شيخه
شيخه وهي تبكي :كيف ريم
علي وهو ضايق :قالوا انهيار عصبي وارهاق وبتطلع خلال ٢٤ساعه
شيخه :لا تروح لها تكفى
علي بألم :طيب ...شيخه
شيخه :نعم
علي :انا اسف والله العظيم كان قصدي اسكتها بغيت اكلمها بس ما طاعت
بكت شيخه:حصل خير. لكن الله يستر من عواقبها
سكرت وعلي ضايق وزعلان توجه لمسجد المستشفى وجلس يصلي ويدعي ان ربي يسهل عليه ويزيل خوف ريم
٠٠

بعد ٢٤ ساعه طلعت ريم وهي منهاره ولا قالت ولا كلمه ولا علمت باللي صار دخلت غرفتها انسدحت وهي تتذكر كل شي
زاروها نجلا وشيخه ولا رضت تكلمهم وزعلانه عليهم وحاولوا يفهمونها وهي ما تتكلم
٠٠

عند علي كان جالس دخل عليه طراد :لا متى بتظل كذا
علي ببرود:وش تبيني اسوي
طراد :قوم فز على حيلك وغير ذي الحاله
علي :ما راح اسوي شي لين احل ذي المصيبه
طراد:قوم معي وتعال خذ دش وصحصح وروق وروح زورها من بعيد بس لا تجيها خلك بالمجلس ماله داعي الشك
علي التفت :بس انا خايف
طراد :تعوذ من ابليس وروح واللي عقد روس الحبال يحلها
قام علي ولبس وجاب ورد وجاء سلم على ابو مشعل وعطاه الورد وطلع رجع للبيت وطلع لوحه وبدا يرسم منظرها وهي طايحه بين يدينه وفي حضنه وكتب تحتها ليلة لقى ذبلت بها الجامحه طلع من الغرفه وراح ينام وهو ما حوله نوم بس يداري نفسه
٠
.
عند ريم كانت متخذه الصمت موقف لها ولا تكلم احد عينها على الشباك وساكته زاروها نجلا وشيخه ولا رضت تكلمهم وزعلانه عليهم دخل ابو مشعل وهو معه الورد حطه في حضنها :وقال هاذي من علي
ريم ارتجف داخلها وظلت ساكته
طلعوا كلهم وسكروا الباب
رفعت ريم الباقه وهي تناظرها كانت جميله حيل وريم تحب الورد بكت حيل :ليه ي علي تس