╏#الـبــــ( 4 )ـــــــــارت*
➖➖➖➖➖➖➖➖➖
#بقلم☜ #امل_احمد♡♬♡
زينب : ياربي شو متوتره اليوم النتائج وحاسه حالي رح ارسب
قمر : تفائلو بالخير تجدوه نحنا تعبنا وسهرنا ودرسنا واجتهدنا وان شاء الله ربنا مابيضيعلنا تعب
زينب : امين يارب بس هاد الاستاز ماني مرتاحه شوفي كيف كل مابيفوت لعنا بيجحرني بعيونه
قمر : شكله معجب 😌
زينب : تضربي انتي وهالاستفقاده اي قومي لنشوف ازا نزلت النتائج
قمر : يالله
زينب : لك شوفي مين اجا مو هاد اخوكي ينال
قمر : وينو ؟؟ اي والله هاد اخي واشرتلو ب ايدها انا هوووون اخي
قرب ينال لعندهم : صباح الخير
زينب وقمر صباح النور
ينال : طلعوا النتائج
زينب بقلق : لسه 😥
اطلع يامن لزينب بنظره تفحصيه سريعه من فوووق لتحت… اي ان شاء الله ربي مابيضيعلكم تعب
قمر : شو جابك اخي
ينال : شو جابني لك اطلعي هونيك بتعرفي شو جابني
اطلعت قمر ب اتجاه ماعم يئشرلا ينال شافت امها وابوها واخوانها كلهم موجودين وعم يستنوا النتائج
ركضت قمر لعندهم وحضنت امها .. ليش جيتو ماما هلأ بتطلع النتائج وكنت رح اجي للبيت دغري
ام ينال : لك والله ماعندي صبر اقعد انطر بنتي
ابو ينال : شو مطولين النتائج
وديع : ليكن عم يعلنو تعول بسرعه نروح
راح الكل مع قمر يلي شافت الكشف وطلعت وعيونها بالارض
طارق : شو صار معك اختي
قمر : 😔
ثائر : احكي قمر ليش ساكته
قمر : 😔
وديع : لتكوني رسبتي
قمر : 😔
وسيم : انطقي ام خدود حاج تلعبي ب اعصابنا
قمر : 😔
ينال بصوت حنون : شو صار معك ياقمري
قمر : 😔
ابو ينال وام ينال ماطلع معهم الحكي وفهموا انها قمر رسبت
ابو ينال : معلش بنتي بتعوضيها السنه الجايه
ادايق الكل وحبسوا الغصه جواتهم بس قمر بلشت تضحك وتنط اناااا نجحت نجحت نجحت
ام ينال : لك الف مبروووووووك بنتي لولولوللللييييي 🎉🎊🎉🎊🎉🎊🎉🎊🎉🎊🎉🎊🎉🎊🎉🎊
بلشوا اخوانها يحضنوها ويهنوها وشي يغني الناجح يرفع ايدو وشي يصفر وشي يلعبلا بخدودها وشي يرش الورد عليها وقمر الدنيا مو واسعيتها من الفرحه
┬──┬┬──┬┬──┬
🔥🔥🔥🔥🔥🔥
بركن بعيد عم تطلع عليهم ونار الغيره عم تاكلها اكل .. عم تلعن حظها يلي خلاها بعيون الناس بنت حرام ولازم تكون بعيده عن الناس وماتفرح متل باقي البنات
حط ايدو على كتفها ليطالعها من شرودها
ثائر : شو صار معك بيسو
بيسان : نجحت 😔
ثائر : ايه الف مبروووووووك وليش الحلو زعلان
بيسان : انت رحت بالاول لعند قمر و
قاطعها فورا : بيسو .. قمر اختي مو عدوتك قمر طيبه وبتحبك رغم كلشي صار
بيسان : انا مابدي حدا يحبني
ثائر : بس انا بحبك
فتلت حالها لتروح بس للحظه استوعبت الكلمه يلي حكاها ثائر رجعت خطوه لورى والدهشه بعيونها
بيسان : شو حكيت
ثائر : ايه بحبك يامجنونه
بيسان : بتحبني ولا بتعطف علي
اطلع ثائر ببيسان وسكر نص عيونو… . اممممم لشو اعطف عليكي مو شايفك لا خرسه ولا طرشه لا حوله ولا كتعه ومانك مشلوله… .. لك ليكون فيكي عاهه وماني منتبه
بيسان : بلا غلازتك ثائر
ثائر : بحب عيونك يلي سحروني بحب هي الابتسامه وهي النظره بحب صوتك بحب طولك بعشق كل شي فيكي بيسان
بيسان : بس بتحب قمر اكتر مني
كان ثائر ذكي جدا وحريص على كلمه بيحكيها مابدو يخسر بيسان وبالوقت نفسه قمر اخته يلي اغلى من ضي عينه
ثائر : ليكي بيسو شو رأيك اعزمك اليوم عالعشا وهونيك منحكي اكتر واكتر
بيسان : طيب
وصل قيس وكان بيتلفت شمال ويمين عم يدور بعيونو على بيسان و دليلته بالعشق… عيونو اول ماشافت شافت قمر واجريه لوحدها ساقته لعندها
قيس : الضاهر اني تأخرت
التفتت قمر وشافت قيس قبالها بلش وجهها يحمر ودقات قلبها تتسارع وانفاسها تتخربط… قـ قيس ❤️
قيس : الف مبروك قمر ومد ايدو وسلم عليها
✿♡احتضن كفها وغاصت عيناه بمقلتيها كانت كالطفله الشقيه تتراقص على اوتار قلبه هو لايعلم انها تحبه وهي لاتعلم انه تعدى مرحلة العشق وتاهت ابتهالاته في محراب عيناها ✿♡
بيسان : انت هون خالو
انتفض قيس وعرف انه هاد الهدوء يلي بيسبق العاصفه
قيس : حبيبة خالو كنت عم دور عليكي طمنيني شو صار معك
بيسان : اعتقد عرفت يلي بيهمك بالازن منك
راحت بيسان وهي عم تفكر بطريقه تخلص فيها من قمر… كانت مقتنعه انه حياتها رح تصير جنه بس تتخلص منها وحتكون وحدها محور اهتمام الكل
قمر : هيه ليش بتكرهني لهدرجه انا شو عملتلها
قيس : انا بعتزر نيابه عنها وصدقيني بيسان طيبه بس بدها شوية وقت لتقدر تنسى الماضي
قمر : انا ابدا مو زعلانه منها بالعكس زعلانه عليها ياريت تهتم فيها اكتر قيس
قيس : تكرمي ♡
┬──┬┬──┬┬──┬┬──┬
ببيت قمر كانت الافراح 🎊 وصوت الاغاني معبيه الحاره ناس فايته وناس طالعه عم يهنوا قمر ويباركولها بنجاحها
قمر : عملت يلي تفقنا عليه اخي
ثائر : يالله رايح لعندها
قمر : لاتخليها تحس بشي
ثائر : لاتوصي حريص بس ياريت تتصلي لقيس خليه يجي لهون وفهميه على كل شي لحتى ارجع
قمر بتوتر : ا ا انا اتصل لقيس 😰
ثائر : شبك انخطف لونك اختي
قمر : هاه لل لا لا ولاشي بس يعني مامعي رقم قيس
ثائر : اي لكا

ن خدي سجليه عندك واول مايكون الوضع تمام ابعتيلي مسج اكتبي فيه Ok 👌 وانا رح افهم
قمر : تمام اخي يالله روح وماتتأخر
ثائر : اوك سلام
دخلت قمر لغرفتها ودقات قلبها عم تخفق بشده مسكت موبايلها وعم تطلع بالرقم وايدها عم ترعش وهي بتكبس على كبسة الاتصال
اخدت نفس واستنت الرد
قيس : الو
قمر : مـ مرحبا قيس كيفك
قيس : قـــمــــر !!
قمر : كيف عرفت صوتي
قيس بقلبه : لانه محفور بقلبي وعقلي
لا ابدا بس مافي بالعاده تجيني معاكسات وبعدين صوتك مميز
مطت قمر شفتها بعدم رضا : لا والله انا ماعم عاكس انا بس كنت بدي….
قيس : عم امزح ولو
قمر : قـــيــــس
اختل توازنه وترنح وقت سمع اسمه طالع من بين شفتيها غمض عيونو وحاول يتماسك… معك قمر
قمر : ممكن تجي لعنا
قيس بشك : اجي لعندكم ؟؟ خير في شي بيسان زعجتك شي
قمر : لا لا ابدا خلص بس تجي بفهمك
قيس : فهميني هلأ
قمر : دخيل الله شو عجول
قيس : ههههه رديتيلي ياها يعني
قمر : هههه هيك شي
قيس : قـــمــــر
دقات قلبها ماعادت هدت وحست بتيار سخن عم يسري بعروقها
نـ نعم قيس
قيس : في شي كنت بدي قلك ياه من مده ومتردد
قمر : شو هالشي
وقف قيس من مكانو وبلش يمشط شعرو الغزير ب اصابعو وهو متوتر ومو عارف كيف يبلش
قمر : الو انت معي قيس
قيس بصوت يادوب مسموع .. ماعمري كنت الا معك
قمر : شو ماسمعتك
قيس : عم قول انتي اطيب قلب عرفته بحياتي
قمر : هاد يلي بدك تخبرني ياه
قيس ايه
وبقلبه… ♬♬ أ أقول احبكي ياقمري آهٱ لو كان بإمكاني ..♬♬
قمر : وانت كمان كتير طيب قيس
وبقلبها ♡♬انا لا احبك فقط ، بل استند عليك وكأنك اكثر الاشياء ثباتاً في هذا العالم ♬♡
┬──┬┬──┬┬──┬┬──┬
وصل لعندها وزمرلها لحتى تنزل لعندو وتجلس مكانه يستناها
بعد خمس دقايق بتنزل بيسان وكأنها ملاك نازل من السما بفستانها الاحمر يلي واصل لعند ركبتها وشعرها المفرود على كل ضهرها ومزين بمشبك ذهبي ناعم مع ميك آب خفيف بيلائم نعومتها
وصلت لعندو وهي بتمشي بخجل اما ثائر ترجل فورا من السياره ليفتحلها الباب وعيونو ماعم تنشال عنها
بيسان : مسا الخير
ثائر : مسا الورد ل احلى ورده بالوجود طالعه بتاخدي العقل
بيسان بخجل : ميرسي ثائر
ركبت بالسياره ولحقها ثائر يلي قلبه كان عم يخفق بشده وماعم يهدي وطلعوا للمطعم
بيسان : غريبه
ثائر : شو الغريب
بيسان : تارك قمر بهيك مناسبه مو هي كمان نجحت
ثائر : قمر من اهتماماتي ومن واجبي كون معها بكل وقت واطلع بعيونها… بس اليوم مميز لانه بس لاميرتي
ابتسمت بيسان ابتسامة رضا يمكن كلام ثائر ارضا غرورها وخلاها تحس انها بحياته اهم من قمر
وصلو للمطعم وفاتت مع ثائر كأنهل اميره والفرحه واضحه بعيونها
بيسان : كأنه المطعم مسكر
ثائر : لا مابعتقد
بيسان : شوف كيف الاضويه طافيه ومافي حدا لك انا بعرف حظي مو مكتوبلي افرح وانبسط 😔
قرب ثائر لعند بيسان ومسكها من ايدها وسحبها معه لجوا بدون مايحكي حرف
بيسان : ثائر خلينا نرجع
ثائر : ليش نرجع
بيسان : مو شايف المكان عتمه وفاضي
بلشت اناره خافته تضوي بصالة المطعم وموسيقى هاديه ♬♬ تطلع لتعبي السكون يلي بالمكان
ثائر : تسمحيلي بهالرقصه
ابتسمت بيسان ولفت ايديها ع رقبة ثائر يلي فورا حاوطها من خصرها وضمها لصدرو
بقي يرقص معها وعيونهم متعلقين ببعض… . وحس برنة جوالو اطلع فيه وابتسم ورجع كفى رقصته
ثائر : بحبك بيسو
زاحت. عيونها عنه بخجل وردت عليه بهمس
بيسان : وانا كمان
ثائر : انتي كمان شو
بيسان : خلص لاتخجلني
ثائر : كرمالي احكيها
بيسان : بحبك ارتحت
طلع علبه من جيبته وطال منها دبله كانت دبله منقوش عليها نص خريطة العالم
ثائر : تقبلي تتزوجيني
بيسان : بقبل…
قدم لهآ خاتم خطوبة منقوش عليه نصف خريطة العالم وأخذ هو النصف الثاني كأنه يخبرهآ : " تعالي لنقتسم العالم " 💙😌
ثائر : بوعدك كون سندك
بيسان : وقمر
ثائر : شبها قمر
بيسان : مو انت سندها
مسك ثائر كف بيسان وباسو بحنيه واطلع بعيونها
شوفي بيسان كف القمر بتكون اختي والاصابع مابتتفرق ابدا عن الكف
بيسان :……
ثائر : شوفي انتي كمان عندك كف
بيسان : بس ماعندي اخوه يحبوني
ثائر وهو عم يعد اصابع بيسان
هاد انا وهدول ولادنا… مو شرط الكف ينربط مع الاخوه .. احيانا عيله مترابطه بتكون كمان كف القمر
بيسان والدموع بعيونها : انا كتير بحبك ثائر
ثائر : وانا بعشقك وهلأ ممكن لبسك المحبس
بيسان : مارح تتركني بيوم
ثائر : مـا حبيـتكك لأتخـلى عـنكك ، مـعكك لآخـر تـنـهـيدة 😴♥️..!
لبسها الخاتم وباسها من جبينها
وفجأه بتضوي الاناره بكل المطعم وبيطلع الكل وهنه بيصفقوا بحراراه وسعاده
بيقرب قيس لعند بيسان وبيحضنها وبيفتل فيها وهي متشبته فيه بقوه وبتبكي من الفرحه
قيس : مبروك ياقلب خالو
بيسان : الله يبارك فيك خالو
قيس : وهلأ صار دوري لحتى اتأهل حاجتي عامل امك وابوكي
الكل :ههههههههه
قرب ابو ينال وام ينال وباركوا لثائر وبيسان
ينال : مبروووك اخي
ثائر : الله يبارك فيك اخي عقبالك
اطلع ينال بزينب وقال… ان شاء الله قريبا…

قريبا جدا ❤️
طارق : والله وطلعت رومانسي ولا
ثائر : ليش حكولك ماعندي قلب متلك
طارق : هههه هيك لكان طيب اساسا تارك الرومانسيه ل اهلها
وسيم : مبروك اخي
ثائر : حبيبي وسيم عقبال مانفرح بتخرجك
وسيم : يالله كم شهر وبتفرح لكان
وديع : والله مو مصدق عيوني جد اخي صار عريس لك تعا لحضني ابو جواد
ينال : نعم نعم ابو جواد انا نسيان اني الكبير ولا
ثائر : هههههه صحيح انت الكبير ربي مايحرمني منكم
كانت بيسان طايره من الفرحه وهيه شايفه الكل مهتم فيها وعم يدللها وعيونها عم تلمع بدمعة فرح عارمه
قمر : مبروك اخي مبروك بيسان
حضن ثائر قمر بقوه وغمرها بحب وحنيه وطبع عجبينها بوسه
لك عقبال ما افرح فيكي اميرتي الصغيره
قمر : تسلم اخي
هالتصرف ابدا ماعجب بيسان وبدل ماترد على مباركة قمر قامت سحبت ثائر وتعلقت برقبته وبلشت ترقص معه وهي تطلع بطرف عينها على ردة فعل قمر بس قمر ابدا ماكانت مزعوجه منها وتمنتلها ايام بيضه متل التلج
قيس : عمي جواد ممكن استغل هالمناسبه السعيده واتشرف بطلب ايد الانسه قمر
رجف قلب قمر وتخبت ورى طارق يلي مسكها من خدودها وبلش يفرك فيهم : لك يسلملي الخجلان
ابو ينال : انا مارح لاقي احسن منك لبنتي بس خليني اخد رأيها ورأي اخواتها
قيس : اكيد عمي
بيسان والبراكين جواتها : بدك تاخدي خالي مني لك الله لايهنيني ازا بخليكي تتهني 🔥🔥🔥
┬──┬┬──┬┬──┬
ينال : صباح الخير قمر شفتيلي موبايلي ⊙﹏⊙
قمر : صباح الورد اخي ليكو تحت مخدتك يارب ماتنحرم من هالعاده
ينال : هههههه لو كان بحياتي حدا كنت اهتميت للموبايل بس للاسف حياتي فاضيه
ام ينال : وليش فاضيه ابني اتعلم من اخوك ثائر وشوفلك بنت حلال يلي تسر قلبك وخاطرك
ينال وهو بيحك شعرو : اممم شكلك فتحتي موضوع كنت رح افتحه معك ست الكل
ام ينال : خير ابني
وسيم : الهيئه اخي الكبير قرر يتأهل
وديع : شو اخي نويت
ينال : ههههه تقريبا
نزل ابو ينال الجريده من ايدو واطلع بينال يلي كان واقف وخجلان… ومين سعيدة الحظ ابني
ثائر : اكيد ليلى السيكرتيره
وسيم : العمااااا ازا هالحكي مزبوط
وديع : لك هي حوله شو بدك بهالعلقه
ينال : هيك يعني استلمتوني ع ضحك ومسخره انا الحق عليي يلي حكيت
ام ينال : حاجتكم انت وياه اتركوا اخوكم بحاله… .. اي ابني في وحده معينه ببالك
ينال : ايه امي
ام ينال : مين هيه
ينال : والله يا امي انا حابب ارتبط بزينب
ام ينال : رفيقة قمر
ينال : هيه بزاتها
وسيم بقلبه : زينب 💔
ابو ينال : والله يازين ماخترت ابني
قمر بفرررح : يااااااي هاد احلا خبر بسمعه يعني زينب رح تصير مرت اخي شووووووو حلووووووووو هالخبر الف مبروووووووك اخي
ينال : هههههههه على شو مبروك مو بس توافق العروس اول
قمر : محلاها وماتوافق
ثائر : مو كأن البنت صغيره عليك
ام ينال : يوه شو صغيره اساسا كنت بدي اخدلو بنت 14
لمين بنت ال 14 بالله
التفت الكل لطارق يلي يادوبه فايق من النوم ومو فهمان شي
قمر : اخي ينال بدو يخطب
طارق : اوف اوف بشوف فرطت مسبحتكم انت وياه ومين تعيسة الحظ
ينال : تضرب انت وحكيك
وديع : زينب رفيقة قمر اخي
طارق : زينب زينب 🤔 لك والله هالبنت مافي منها ان شاء الله تكون من نصيبك اخي
ينال : تسلم اخي
قمر : شو رأيكم ساويلكم قهوه قبل ماتطلعوا ع شغلكم
طارق : المنيحه مابدها سؤال اختي
بيسمعوا صوت الباب انفتح وانطرق بقوه
ام ينال : بسم الله شو في
وديع : شكله وسيم طلع من البيت
ثائر : شبو معصب
وديع : علمي علمك
┬──┬┬──┬
عم يمشي بالشارع والدنيا مسوده بعيونه كل اماله واحلامه تبخرت بلحظه
زينب زينب مالقيت الا زينب ياينال خلص ماعاد في بنات بالدنيا
لك كنت عم عد الايام والشهور لحتى اتخرج واشتغل وروح اخطبها ليش كسرتلي قلبي ليش 💔
┬──┬┬──┬┬──┬
مرق اسبوع وصار موعد كتب كتاب ثائر وبيسان وقمر وقيس
ام ينال : يالله بنتي جاهزه لنروح عالصالون
قمر : ايه امي جاهزه
طارق : تعي لعندي قمر
قمر : نعم اخي
حضن طارق قمر ونزلت دمعه من عينه
مو مصدق انك كبرتي وصرتي عروس… لك ايمت كبرتي قمر
قمر بتبكي : قد ماكبرت رح ابقى الطفله يلي بتتحامى بضهر اخوانها
طارق وهو بيمسح دمعتها : لك انتي طفلتي المدلله والله ازا بسمع انه بيوم زعلك رح احسب الله ماخلقه
ابو ينال : لك بعدها ماكتبت كتابها وعم تقوي عينها تروك اختك ولا
طارق : ههههههه عم حيطها علم بس
ابو ينال : تعي قربي لعندي كف القمر
قربت قمر من ابوها وحطت راسها ع صدرو وبلشت تبكي
ابو ينال : ليش عم تبكي بنتي لسه اليوم خطوبه مو عرس
قمر : انا بحبك كتير بابا
ابو ينال : وانا بحبك ياروح ابوكي ..شوفي بنتي اليوم اسمك رح ينربط مع اسم زوجك كوني اله الزوجه الصالحه والام بحنيتها والاخت بخوفها والصديقه بنصحها واتزكري بنتي طول ما بتحترمي زوجك وبتقومي بواجباتك الله رح يرضى عنك وزوجك ونحنا رح نفتخر فيكي
قمر : ان شاء الله بابا… ونزلت باست ايدو وحضنته بقوه
ام ينال : لك اليوم خطوبه مو عرس شبكم رح تخلوني ابكي هه وانا ازا بلشت ابكي مابسكت 😭😭
وديع : كله ولا ست

الحبايب تبكي قومي ام خدود روحي مع امك عالصالون وحاجتك غلبه
ام ينال : وينو ثائر
وديع : راح يوصل خطيبته للصالون وبعدا رح يروح يجهز امورو لكان ياعمي عريس اوعدنا يارب
ام ينال : ان شاء الله بفرح فيكن كلكن يا امي
طارق : فيهن هنه انا انسوني
ابو ينال : ماحزرت بس نخلص من خطوبة اخواتك رح نشوفلك بنت حلال حاجتك عناد
طارق : بس اطمن عكل اخواتي بفكر اتزوج
ام ينال : لاتتعب حالك معه جواد ابنك راسه يابس
طارق : هلأ هيك يابنع الحنان
ام ينال : اي هيك وهلأ شرف وصلنا للصالون
طارق : وليش مايشرف قيس باشا شو من اولها
قمر : لا مافي داعي انا بدي انت توصلني اخي ☺️
طارق : لك مو على راسي شرفي قدامي ياست العرايس
┬──┬┬──┬┬──┬
قاعده بكل غرور وماده ايدها لفنية الاظافر يلي كانت عم تبردلا اظافرها وتعملا مونكير وبوديكير وبطرف عينها لمحت قمر وحماتها فايتين للصالون
بيسان : اهلين مرت عمي تأخرتو
ام ينال : حبيبة قلبي كيفك
بيسان : داعيتلك مرت عمي
ام ينال : لابقى تناديلي مرت عمي من اليوم ورايح بتناديلي امي ماشي
بيسان : حاضر امي
قمر : كيفك بيسان
بيسان : اهلين 😒
اخدو الصبايا قمر وبلشوا يجهزوها
اما بيسان كانت ناطره فرصه لتفوت على غرفة الغيار يلي فيها البدلات
قمر : لو سمحتي بدي ميكاب ناعم وخفيف
هديل (البنت يلي بتشتغل بالصالون) بس انتي عروس لازم مكياج صاخب ولا شو خاله
ام ينال : خليها ع راحتها بنتي وبعدين قمر اسم على مسمى مو بحاجة مكياج تقيل
بيسان : احممم وانا بدي ميكاب خفيف
هديل : يوه مو قلتي بدك الوان الخمري والدهبي
بيسان : هاه ايه بس غيرت رأيي بدي لون دهبي مع درجات الزهر
هديل : اي تكرموا صبايا
خلصت بيسان مكياجها قبل قمر وصار وقت تفوت لغرفة الغيار
استغلت انشغال الكل واخدت من شنتتها كيس وفاتت بسرعه وسكرت الباب من جوا
بيسان : وهلأ رح نشوف كيف قمر خانوم رح ترقص احلا رقصه مع شوك الصبر والقريص 😈
┬──┬┬──┬
ام ينال : ياحبيباتي طالعين بتاخدو العقل اسم الله يحرسكن
كانت قمر لابسه بدله موف ع قد الجسم من فوق وبتتوسع تدريجا لتحت مع مكياج هادي من درجات الموف وشعراتها ع طول ضهرها بتسريحه ناعمه وتاج ناعم
كلشي فيها كان بسيط وناعم لبسها مكياجها اكسسواراتها حتى ابتسامتها يلي بغمازات كانت ناعمه وبتسحر القلب
اما بيسان لبست بدله نفاشه بلون خمري مفتوحه من الضهر مع تسريحه خلابه ومكياج شبه ناعم واغلى انواع الاكسسوارات زينت فيهم اصابيعها ورقبتها وايديها
كانت بيسان ب احلى طله بس جمالها وانوثتها ماقدور يغطوا عالجانب الاسود يلي بقلبها
اخيرا طلعوا الصبيتين كل وحده بسيارة عريسها وام ينال طلعت مع طارق وانطلقوا للصاله
┬──┬┬──┬
قيس : مو مصدق انك قاعده حدي وبعد شوي حتصيري مرتي
قمر بخجل : وانا كمان
مسك قيس ايد قمر وباسها من كفها
ربي مايحرمني منك
قمر : ولا منــــ ااااخ اي اي
قيس : شبكي
قمر : مابعرف حسيت شي غزني بضهري
قيس : ليكون في دبوس عالق بتيابك
قمر : مابعرف هلأ بس نوصل بخلي زينب تشوف
قيس : اساعدك بشي
قمر : لااااا قصدي زينب بتساعدني شكرا قيس (⌒▽⌒)
ابتسم قيس وكمل طريقه للصاله
┬──┬ وبالسياره التانيه ┬──┬
ثائر : بحبك بيسان اخيرا رح تصيري مرتي وحلالي
بيسان : وانا بحبك ثائر بحبك اكتر من روحي
ثائر : سلامة روحك
بيسان : ياريت عملنا حفلة خطوبتنا لحالنا يعني ليش حفله مشتركه
ثائر : حبيبتي بوعدك بالعرس رح تكون حفله خاصه ورح تكوني انتي بس الاميره فيها
بيسان : يعني اليوم ماني اميره
ثائر : لك انتي اميرة كل النجمات
──██──────
وصلو للصاله وزفوهم بزفه تليق فيهم وبعدا اجا الشيخ كتب كتاب العشاق على بعض
ودخل المعازيم وبلشت الحفله والكل فرحان الا قلب كان مكسور ومجروح
وسيم بقلبه : يا الله شو طالعه حلوه يا زينب ليش القدر حرمني منك ليش 💔
♬♫♪◖(● o ●)◗♪♫♬
قيس : هلأ صرتي مرتي وحلالي لك انا بحلم ولا بعلم
قمر : ازا كان حلم يارب مافيق منه
قيس : لك علم حبيبتي والله علم وباسها من جبينها‏
طالما أنت هنا بجانبي أنا لا يهمني ما يحدث للعالم لا يهمني كيف نبدو أو كيف سنكمل هذا الطريق كل ما يهم هو أن نبقى معاً .. !💛
وسحبها من ايدها برقه لرقصة سلو
♡♬♡♬
ثائر : مبروك اميرتي
بيسان : مبروك عليي انت
ثائر : مبسوطه بيسان
بيسان : كتيررر ..ولمحت قيس وقمر بيرقصوا سلو
تعا نرقص حبيبي وشبكت ايديها برقبته وبلشت تتمايل عليه وتطلع على قمر وهي تحك بضهرها وجسمها وكأنها جربانه
بيسان بقلبها : ههههههههههه اي ارقصي حبيبتي ارقصي لسه ماشفتي شي
♬♫♪◖(● o ●)◗♪♫♬
قيس : شبكي قمر شو صرلك
قمر : ااااخ يا امي في شي عم يغزني
قيس : لك اهدي شوفي الناس كيف عم يطلعوا فيكي
ثائر : شبكي اختي
قمر : لا ولا شي اخي كان في دبوس علقان بالبدله وشلتو
ثائر : اي تمام
بلشوا الناس يتهامسوا ويطلعوا بقمر بنظرات استغراب
┬──┬┬──┬
زينب : خاله سعاد شبها قمر
ام ينال بتضرب ع خدها : لك ولي شو صرلا البنت هلأ ماكان فيها شي
زينب : لك شوفي كيف عم تحك حالها وكأنها من سنه مو م

تغسله
ام ينال : اضرب عليكي يابنتي
راحت زينب لعند قمر بسرعه وهمستلا تطلع معها
زينب : لك شوووو صرلك انجربتي وانتي بساحة الرقص
قمر وهي بتحك وتهرش بحالها : لك ااااخ كل جسمي عم يحكني ويغزني الحقيني زينب
زينب : افتلي ضهرك لشوف
مدت زينب ايدها وطالعتها بسرعه
اااخ العما بدلتك كلا شوك وقريص
قمر : ومن وين اجا الشوك والقريص
زينب : مو وقت الحكي اشلحي بدلتك بسرعه قبل ماحدا يشتلق
┬──┬┬──┬┬──┬
قمر : لك شووو هاد البدله كلا شوك شو الحل هلأ
زينب : اهدي حبيبتي انا نازله للصالون يلي تحت الصاله رح استأجر بدله واجي فورا
قمر والدموع بعيونها : دخيلك لاتتاخري ولي على امتي على هالمصيبه
زينب : توكلي ع الله عشر دقايق وراجعتلك ابقي هون اي
قمر : ع اساس فيني اتحرك 😥
……… ..
طلعت زينب ولقت بوجهها ام ينال وطارق ووسيم ووديع وينال وعيونهم عم تتسائل شو القصه
ام ينال : شوفي لك بنتي شبها قمر
زينب : الهيئه في حدا معبيلا بدلتها شوك وقريص
ام ينال : ولييي ولييي على امتي
زينب : اهدي خاله وحاولي غطي ع غياب قمر انا نازله للصالون يلي تحت شوف ازا في بدله مناسبه ومارح اتأخر
ام ينال : الله يرضى عليكي يابنتي بسرعه دخيلك
هزت زينب راسها ونزلت عالدرج بسرعه ولحقها وسيم
♬♫♪◖(● o ●)◗♪♫♬
خلصت رقصة السلو واتجه العرسان لمكانهم وقعدو اما قيس كان عم يحرك كرافته شمال ويمين وهو مختنق
ينال : اهدى صهري هلأ بتجي قمر
قيس : لك وينهااا شو صرلا
ينال : بعدين بفهمك هلأ حاول تبتسم وتبين طبيعي وكأنها قمر فاتت عالتواليت
قيس : طيب ماشي
بنظرة شماته كانت تطلع لمكان قمر الفاضي وهي بترسم ابتسامة النصر ومن داخلها حاسه انها كسبت هالجوله وكسرت شوكة قمر قدام قيس بهيك يوم
♬♫♪◖(● o ●)◗♪♫♬
زينب : اختي ازا بتريدي بدي استأجر هي البدله
البياعه : على عيني بس ممكن هويتك لو سمحتي
ضربت زينب ع جبينها لانها نسيانه شنتتها بالصاله… طلعت من المحل بسرعه لتجيب هويتها وشافت وسيم واقف وعاطيها ضهره
زينب : وسسسيم
وسيم : ايه حبيبتي
زينب : نعم !!!!
وسيم : بعتزر منك فكرتك اختي قمر
زينب : مو مشكله معك هويه
وسيم : اي معي
زينب : عطيني ياها بسرعه
تناولت الهويه وفاتت للمحل واستلمت البدله
زينب : بست وسيم
وسيم : اي نعم
زينب : شو رأيك هي مناسبه
وفردتها عحالها لتاخد رأيه وماكانت عارفه انها عم تفتح جرح بعدو بينزف
بيطلع فيها وعم يتخيلها بيوم خطوبتهم لابسه البدله ومتجهه لعندو ليرقصوا رقصتهم سوا ويلبسها المحبس
بيحبس انفاسه وبيمنع دمعته انها تنزل
ا ا ايه ايه كتير حلو
زينب : لكان يالله بسرعه نرجع عالصاله
( ˘ ɜ˘) ♬♪♫
قمر : شووو صار معك
زينب : معقول ارجع وايدي فاضيه جبتلك احلا من البدله يلي كنتي لابستيها وبلون يتناسب مع مكياجك واهم شي بلا قريص هههه يالله بسرعه البسي
قمر : ربي مايحرمني منك يارفيقتي
┬──┬┬──┬┬──┬
ثائر : لك صهري صار وقت تلبيس المحابس وينها قمر
قيس :…… .
بيسان : 😈😈
قمر : انا هون اخي
بيلتفت الكل عليها وهي عم تتوجه لعند قيس وطالعه احلا من الاول
قيس : لك شوووو هاااااد 😍😍
ثائر : لك يسلملي القمر هي البدله احلا بكتير من الاولى
قمر : ههههه حبيت غير شكل 😉
طبعا مافي داعي قلقكن عن البراكين والزلازل والاعاصير يلي كانت بعيون بيسان وهي مبحلقه بعيونها وعم تطلع بقمر يلي سلبت كل الموجودين بجمالها
🔥🔥🔥🔥🔥🔥🔥🔥🔥
…… .
قيس وهو عم يلبس قمر المحبس
يارب ادوم ايامنا سوا ♡♬
قمر : ونبقى عطول جامعنا الهوى♡♬
وبصوت واحد .. يارب ادوم يارب ادوم ♡♬♡♬
┬──┬┬──┬
زينب : متأكده انك ورا هالشي يابيسان وانا مارح يهدالي بال لاكشفك على حقيقتك
ينال : احمم عم تحاكي حالك
زينب : ههههه
ينال : كيفك زينب
زينب : الحمد لله منيحه
ينال : ماصحلي باركلك بالنجاح ان شاء الله الف مبروك
زينب : الله يبارك فيك
ينال : وشو حابه تدرسي
زينب : نفسي كون محاميه لهيك رح ادرس حقوق
ينال : ممم تخصص حلو موفقه يارب
زينب : تسلم
ينال : وبالمناسبه طالعه متل القمر بيوم التمام
زينب بخجل : شكرا ☺️
ينال : عقبال مانفرح فيكي
اطلعت زينب على طارق يلي ماكان حاسس على وجودها اصلا
ايه ان شاء الله… الله كريم وعقبال عندك كمان
ينال : ان شاء الله قريبا 😍
┬──┬┬──┬┬──┬
* #يتبــــــــــــــــ؏.👇📚..*

*📖 ╏ڪـــــــــف الــــقـمـــــــــر🌕⚜️*
*📖╏#الـبــــ( 5 )ـــــــــارت*
➖➖➖➖➖➖➖➖➖
#بقلم☜ #امل_احمد
متل كل صباح بعد الموشح الصباحي والضحكات بينزل كل واحد لشغله بس هالنهار مارح يكون متل باقي الايام… خلونا نشوف القدر شو بعد مخبي لعيلة جواد
( ˘ ɜ˘) ♬♪♫( ˘ ɜ˘) ♬♪♫
ثائر : صباح الخير عماد
عماد : اهلين معلم يسعد صباحك
ثائر : شبك قالب خلقتك من على بكرة الصبح
عماد : مافي شي معلم انسى… بتحب اعملك قهوه
ثائر : لا بحب تقعد هون وتقلي شو صاير معك
عماد : خلص معلم مافي شي انا بس مزعوج شوي
ثائر : من شو لك احكي فضفض مو نحنا اخوه
عماد : واعز ان شاء الله
ثائر : لكان انضرب على قامتك ورح اعمل كاستين قهوه وتعال نحكي على رواق
عماد : ب امرك
┬──┬┬──┬
زينب : صباح الخير ياحلوووو
قمر : يسعدلي هالصباح كيفك حبيبتي
زينب : منيحه الحمد لله ههههههههه
قمر : وضربه تخلع رقبتك
زينب : ههههههه والله كل ما اتزكر منظرك كيف كنتي تهرشي حالك بالحفله بيغط ع قلبي 😂😂😂
قمر : حاج ولي لاتخليني سكر الخط بخلقتك 😡
زينب : هههه خلص سكتت بس وينك حاسه انه في حدا اتقصد يعمل هالشي لينزع فرحتك
قمر : حدا متل مين
زينب : امممممم مابعرف هيك مجرد احساس
قمر : لا احساسك غلط هاد اكيد المحل يلي جبت منه البدله عفن ووسخ وطارق بدو ياني قدم فيهن شكوى
زينب : لا ولو خطي يمكن الغلط مو من عندن وبعدين انا بعرفه لهاد المحل سمعته متل المسك
قمر : يضرب هو وسمعته وتضرب صاحبته معه
زينب : خلص روقي ولو
قمر : زينب حبابه معلش اطلب منك طلب
زينب : ايه حبي شو
قمر : بتروحي عالصالون وبتجيبلي هويتي وفي الي كم غرض تركتن هونيك .. ماعاد الي نفس ارجع لعندن
زينب : تكرم عينك ومن مره بمر بسلم البدله التانيه وبجيب هوية وسيم
قمر : عم عزبك معي
زينب : كلك غلبه شو بساوي يعني
قمر : تضربي
زينب : ههههه عم امزح ولو… صحيح نسيت خبرك
قمر : شو
زينب : يوم الاربعاء حفلة خطوبة رفيقتنا هبه وطلبت مني اعزمك شو منروح !!!
قمر : ايه ليش لا بس لاخد ازن بابا
زينب : تمام… والله والشله عم تنخطب وحده ورى التانيه وشكلي رح عنس
قمر : اي لا ماحزرتي كلا كم يوم وجايين اهلي يخطبوكي
رجف قلب زينب وماعاد طلع معها الحكي
قمر : الو… وين رحتي وليه
زينب : مـ معك معك
قمر : هههههه اي لكان جهزي حالك لتكوني مرت اخي
زينب :…… .
قمر : هههههههه يالله سلام كنتنا
زينب : ا ا الله معك
نزلت الموبايل وضمته لقلبها وهي عم تاخد نفس ومغمضه عيونها
♡ اخيرا رح نكون لبعض طارق… اخيرا حسيت بحبي ♡♡♡♬♫♪◖(● o ●)◗♪♫♬
ثائر : ايه سيد عماد هات ماعندك
عماد : يامعلم قلتلك مافي شي
ثائر بعصبيه : بتعرفني مابحب كرر السؤال اكتر من مره احكي شو في
عماد : بدون زعل
ثائر : لك احكي لعيتلي قلبي
عماد : انت مقتنع بالخطوه يلي خطيتها
ثائر : مافهمت اني خطوه
عماد : خطوبتك من بيسان وياريت خطوبه انت كتبت كتابك عليها
اتغيرت معالم وجه ثائر وبلش الدم يغلي بعروقه
ثائر : اطلع فيي عماد
عماد :… ايه
ثائر : صار بينك وبين بيسان شي
عماد : اعووووووذ بالله شو عم تحكي معلم
ثائر : بس انت بعظمة السانك حكيتلي انه كان نفسك توصلا وكان بينكم فوتات وطلعات
عماد : صح كلامك بس والله العظيم مالمستها
ترك كاسة القهوه وقام وحط ايديه بجايبه وهو هم يروح ويجي بالمحل وفي افكار بشعه بدور براسه
عماد : انا ماكنت بعرف انك ناوي ترتبط فيها ولو بعرف كنت نبهتك لانه هي وحده
ماكمل جملته كان ثائر ماسكه من بلوزته ولازقه بالحيط ومسلط عيونو عليه والشرار بيطلع منهم
حسك عينك تجيب سيرة مرتي ع السانك فهمت
عماد : فـ فهمت معلم فهمت
نترو من بين ايديه وعطاه ضهره وصرخ بصوت عالي
وهلأ انقلع شوف شغلك وحاول ماتخليني المحك
عماد : ب امرك… وبقلبه… ياربي شو رح تندم ياثائر انا حاولت نبهك وانت مابدك تسمع تسطفل
تركه وطلع وهو مزعوج من تصرفه
اما ثائر كان عم يحاول يطرد هالافكار البشعه يلي علقت براسه
لا لا مستحيل تكون هيك… بعدين انا الي فيها من الساعه يلي ارتبطنا سوا والماضي كله مابيهمني يلي بيهمني انه بيسان معي وبتحبني وانا بحبا
مسك موبايلو وفورا دق لبيسان وبعد الرنه التالته ردت وصوتها مبين انه بعدها نايمه
بيسان : الو
ثائر : فيقتك ي روحي
بيسان : اهلين حبيبي يسعد صباحك💓
ثائر : ياصباح الورد والياسمين لاحلا بنوته بالكون…
بيسان : اشتقتلك
ثائر : وانا اكتر ي روحي… اعملي حسابك الساعه 2 رح مر اخدك لعند اهلي لنتغدا سوا
ماعجب بيسان الحكي بس حاولت تبين انها مبسوطه
ايه شو عليه حبيبي امرك 😒
ثائر : لكن بشوفك حياتي باي
بيسان : باي
♬♫♪◖(● o ●)◗♪♫♬
قمر : ماما اخي ثائر اتصل وحكا انه رح يجيب معه بيسان عالغدا
ام ينال : ايه اهلين وسهلين لكان يالله نشهل شغل البيت ع بكير ونبلش تحضير الغدا
بقيت قمر واقفه مكانها بخجل وهي منزله عيونها بالارض وعم تفرك اصابيعها
ام ينال : شبكي بنتي
قمر : و ولاشي امي بس… انا… كنت… يعني… انه… .
ام ينال : ههههههه اتصلي لقيس واعزميه عالغدا
ابتسمت قمر وحضنت امها

وبوستها وراحت ركض لغرفتها واتصلت بقيس
قيس : يا احلا صباح الورد لاحلى ورده
قمر : وافرض مو انا يلي عالخط
قيس : لك انا بسمع انفاسك قبل ما اسمع صوتك
قمر بخجل : حاج قيس
قيس : لك تسلمي لقلب قيس
قمر : اممممم شو عندك اليوم الساعه تنتين
قيس : عندي موعد مع حبيبتي
قمر : نعم ؟؟!!!
قيس : هههههه شبك بقصد انتي
قمر : لا والله
قيس : لك اي والله كم حبيبه عندي انا
قمر : وشو عرفك انه رح قلك تعال عالغدا
قيس : انو غدا انا قلت بس موعد شفتي ليكك عزمتيني عالغدا وانا قلبي مابيتحمل ومافيي ارفضلك طلب لهيك تكرمي ي روحي رح كون عندك عالموعد
قمر: هههههه بجد مو طبيعي انت مجنوووون
قيس : مجنون فيكي
قمر :…… .قيس كان مجنون ليلى
قيس : ايه بس انا مجنون قمر يلي سحرتني من اول نظره
قمر : حاج تخجلني قيس
قيس : يسلملي الخجلان
قمر : بتحب شي معين عالغدا
قيس : انا بس اطلع بعيونك يشبع
قمر : بحـــ
قمــــ اااااااااااا ررررر وينك يابنت
قمر : ولي امي عم تندهني
قيس : ماتوقعت من حماتي تكون هادمة ل اللحظات الحلوه
قمر : هههه بشوفك حبيبي
قيس : شو قلتي
قمر : بشوفك
قيس : ايه يلي بعدا
قمر : ح ب ي ب ي
قيس : اااااه شو طالعه من تمك حلوه لك انا يلي بموت فيــــ
لك قمـ ااااااااا ررر
قيس : روحي لمرت عمي قبل ماطلقك حبيبتي روحي
قمر : هههههه سلام ماتتأخر
قيس : بأمر عيونك انا
♬♫♪◖(● o ●)◗♪♫♬
زينب : مرحبا يا انسه انا جيت لرجع البدله واستلم هوية قمر جواد
هديل : اهلين حبيبتي تفضلي ارتاحي بس تكه
زينب : تمام
راحت البنت ورجعت ومعها كيس فيه اغراض قمر وهويتها
زينب : يسلمو حبيبتي بالازن
هديل : لحظه يا انسه
زينب : نعم
العروس التانيه رجعت البدله واستلمت هويتها بس نسيت هاد الكيس فيكي تسلميها ياه
اطلعت زينب بالكيس كان عباره عن كيس ورق وبداخله كيس بلاستيك صغير للتغليف ومعبى شوك وقريص وعلبة زغيره فيها حلق وسنسال عليه حرف B
زينب بقلبها : لك شو هاد يلي بالكيس ؟؟
ايه تمام حبيبتي رح وصلون يعطيكي العافيه
طلعت من الصالون وراحت للصالون التاني سلمت البدله واستلمت هوية وسيم ومشيت لتركب تاكسي بس لمحت محل عطاره وخطرت ببالها فكره
زينب : السلام عليكم ياعم
البياع : وعليكم السلام بنتي تفضلي
زينب : من بعد امرك ممكن تقلي شو هاد .. وطلعت كيس البلاستيك المغلف
اطلع البياع عاللي جوات الكيس وحكا لزينب… ممم هاد قريص وفي اشواك من شجر الصبار مطحونه
زينب : وهالشي لو لمس جسم الانسان بيعمله حكه
البياع : اكيد بنتي بيعمل حكه ووخز متل الابر وتهيج بالجسم ازا كانت البشره حساسه
كزت زينب ع اسنانها وفهمت انها بيسان كانت ورى الشي يلي صار مع قمر وهلأ صار لازم تثبت هالشي بالدليل لانه لا الحلق ولا السلسه دليل كافي
♬♫♪◖(● o ●)◗♪♫♬
كان قاعد ورى مكتبه وقدامه متهم عم يستجوب فيه
طارق : اعترف ولاتصدعلي راسي شلون فتت عالبيت وليش قتلتها
المتهم : وووالله ياسيدي برئ صدقني
طارق : الهيئه بدك توجعلي راسي وانا مو جاي عبالي عصب… ياعسكررررري
بيوقف قدامه العكسري وبيأدي التحيه… امرك سيدي
طارق : خدلي هالعينتين خلوه يتفسح والمسا بشوفوا
المتهم : ياسيدي دخيلك الا الفسحه خلص رح اعترف بكل شي
طارق : اي هيك هه من اول ضروري تخليني عصب
تعا يا ابني خود اقواله وابعتلي ياه بعد ساعه
بيريح راسه عالكرسي وبيطالع سيجاره وبيبلش يدخن بهدوء
دق دق
طارق : تفضل
العكسري : احترامي سيدي في وحده طالبه تشوفك وبتحكي انها من معارفك
استغرب طارق ونزل حواجبه بعدم فهم وقال .. خليها تتفضل
العسكري : امرك سيدي… تفضلي يا اختي طارق بيك ناطرك
فاتت لعندو بتوتر وبخطوات بطيئه والخوف باين عليها
مرحبا طارق بيك
طارق :… .. زينب ؟؟
♬♫♪◖(● o ●)◗♪♫♬
لبست فستان موف ناعم لتحت الركبه وفردت شعراتها ع طولهم وحطت ميكاب خفيف وكانت آخر لمسه رشة عطر وبهيك بتكون جاهزه لتستقبل قيس
ابو ينال : مين هالبنت الحلوه
وسيم : مابعرف ابي شكلا غلطانه بالعنوان وجاي لعنا
ينال : شو هالحلاوه اختي
مطت قمر شفايفها بعدم رضا وحطت ايديها ع خصرها : يعني ماكنت حلوه من قبل
ام ينال : تقبري قلبي انتي احلا الصبايا
وسيم : ايه سعاد خانوم كبري براسها لانه ناقص خدودها نفخ هههه
مسكت المخده وبلشت تركض ورى وسيم لحتى تضربه ووسيم يركض ليهرب منها
قمر : مين ام خدود ولا انا بفرجيك وين بدك تهرب خوووود
رمت المخده بكل قوتها واجت لزق بوجه بيسان يلي جسمها انتفض نفض وكانت على شوي رح تهجم على قمر وتقلع عيونها
قمر : وليييي اسسسسفه حبيبتي ماكان قصدي
ثائر : شو هاد يلي عملتيه
قمر : بعتزر منك اخي والله مو بقصدي
بيسان : ههههههه معلش حبيبي قمر بتتصرف متل الاطفال بدها تعليم لتعرف تتصرف ك ليدي ناضجه
ثائر : تعي لنفوت لجوا واطلع بقمر يلي وجهها ماعاد اتفسر من الخجل ونكشلا شعراتها
قمر : اخييييي لااااا
ثائر : هههههههه هيك خالصين
بيسان : لا شو خالصين تعي لهون ومسكت قمر من شعرها وبلشت تنكشلا فيه بغل ع اسااااس انها بتمزح
بيسان : اي هه هيك خالصين طالعه بتفل

جي هههههه
الكل : ههههههههه
مساء الخير
التفتت قمر وراها لتشوف قيس،واقف ومصدوم من منظرها
حطت ايدها على تمها وركضت لغرفتها ورمت حالها عالتخت وبلشت تبكي
الوضع بالصاله كان طبيعي الكل اخد يلي صار انه مزح وقيس بلع دهشته واشترك معهم بالضحك بس قمر حست انها بيسان تعمدت تعمل فيها هيك
قيس : عمي بتسمحلي فوت نادي لقمر
ابو ينال تفضل ابني
دق عالباب بس ماردت عليه فتحو شوي شوي ودخل وقمر
كامره راسها وعم تبكي
قيس : ليش حبيبي بيبكي
اطلعت قمر بقيس وتجمعت الدموع بعيونها وماحست بحالها الا وهي بحضن قيس
قمر : انا اسفه كان بدي قابلك بغير شكل بس يلي صار انه
قيس : هشششش يلي صار انه انتي بحضني هلأ
حست قمر عحالها وحاولت تبعد عن قيس بس كان حاضنها بقوه وماقدرت تفلت حالها من حضنه
قيس : ياريت يصير هالشي كل يوم لتجي لحضني بس بدون بكي مابحب شوفك عم تبكي
قمر : انا اسفه مابعرف كيف رميت حالي بحضنك خلص قيس ممكن تبعد شوي
قيس : لا
قمر : لو سمحت قيس
قيس : ابدا
قمر : حاج قيس هلأ بيفوت حدا من اهلي
قيس : انتي مرتي يامجنونه وبلش يقرب منها اكتر وقلبها عم يخفق بشده وهي حاسه انفاسها الملتهبه عم تلفح وجهها لينزل بكل هدوء ويطبع بوسه على خدها
قمر : خلص قيس
رجع باسها بحد تمها
قمر : قـ قيس خـ خلص
قرب اكتر وكان رح يتعمق بالبوسه اكتر
بيسان : اوووووووه سوري شكلي جيت بوقت غير مناسب .حكتها بصوت عالي
اتلعثمت قمر وبعدت بسرعه عن قيس بس قيس كان اذكى من انه يخلي بيسان تحرجو
قيس وهو عم يضم قمر : ايه جيتي بوقت غير مناسب عم صالح خطيبتي في مانع
بيسان : لا ابدا 🔥..وفتلت حالها لتطلع
اي صحيح عمي ومرت عمي بدن ياكي قمر .. يالله بالازن
♬♫♪◖(● o ●)◗♪♫♬
♬♫♪◖(● o ●)◗♪♫♬
ام ينال : يالله قمر تعي لنجهز السفره…
رتبت قمر حالها بسرعه واخدت نفس واطلعت بقيس بكل حب وطلعت معه لبرا
قمر : امي طارق ووديع لسه ما اجو
بيسان : ايه شو يعني اناا مافيي انطر والله جوعانه مرت عمي قصدي ماما
قمر : بس
ام ينال : حاج اتبسبسي بنتي اخوكي وديع عندو مناوبه بالمشفى وطارق شوي وبيوصل الحقيني عالمطبخ
قمر : حاضر امي
ينال : امي انا نازل للسوبرماركت جيب كولا بدك جيبلك شي معي
ام ينال : سلامتك امي بس جيب عصير فريش لابوك لانه مابيشرب غازات
ينال : امرك ست الكل
استغلت فرصة انه ينال طلع ومابقي الا وسيم وابو ينال… . رسمت على وجهها حزن مزيف وراحت لعند ثائر
بيسان : 😔
ثائر : شبك ي روحي
بيسان : ولا شي
ثائر : بيسو ي قلبي انا مابحب عيد السؤال مرتين احكي شبك
بيسان : دخلت لعند قمر لقيتها بوضع مو تمام مع خالو
ثائر : شووو كيف يعني مو تمام
بيسان : خلص انسى اصلا هنه كاتبين كاتبهم ومابيعملو شي حرام
مسكها من ايدها وسحبها عالبرنده
ثائر : وهلأ فهميني شو شفتي
بيسان : عم قلك انسى حبيبي
ثائر بعصبيه : بيساااان لاتخليني جن عليكي
بيسان : كانو حاضنين بعضن بطريقه مقرفه ونازلين على بوس وحركات مابتسوى تنعمل قبل يوم العرس وهي عم تتغنجلو وتقلو بخاف احبل بيكفي هيك ؟؟
شد ثائر على كتافها والنار عم تطلع من عيونه
انتي شوو عم تخبصي قمر مابتعمل هيك مستحيل حتى لو كان خطيبها
بيسان : اااخ عم توجعني شو دخلني انا ليكا اختك عندك روح اسئلا
ثائر : 🔥🔥🔥🔥
بيسان بمكر : ماتزعل مني ثائر بس توقعت تربايتكن لقمر انظف هيك
جن جنون ثائر وفات متل التور الهايج ومسك قمر وضربها كف متل فراق الوالدين خلاها توقع عالارض
قمر : ااااااااااااااااه !!!
ام ينال : لك شوووووو صرلك ثااااااائر
ثائر : مسكها من شعرها وضربها كمان كف خلاها تترنح بين ايديه وهو بيصرخ فيها قوومي يامحترمه يامربايه شو مابقى تصبري للتزوجي بدك توطي روسنا
قمر بتبكي : شـ شوو عملت انا دخيلك اتركني .. يااااابي
ام ينال : تروووووك اختك… الحقني ياجواااااااد
دخل قيس وهجم على ثائر ليخلص قمر من بين ايديه وضربه بوكس افقدو توازنه ورجع ثائر هجم عليه وعلقت بيناتهم
ابو ينال : ثاااائر ترووك صهرك ولا
حاول وسيم يفزع بينهم بس ماقدر كانو التنين متل التيران الهايجه وتحول المطبخ لحلبة مصارعه
ثائر : والله لاطلع بروحك ياكلب
قيس : لك جنيييييت انت شبك اهدددددى
ثائر : رح اطلق اختي ورجلك فوق رقبتك عم تفهم ياوااااطي
قيس : طلق مييين يا مجنون ليش الشغله بكيفك ولا قمر مرتي وماحدا بيجبرني طلقها
ثائر : لك بدك اطلقاااااا ان قلت اي وان قلت لا… ولا ناطر لتحبل منك وبعدها اطلقها
صارت ام ينال تضرب على وجهها وتصرخ وبيسان تبكي بكا مصطنع اما قمر كانت واقفه مكانها مصدومه وماعم تتحرك
وسيم : اخيييي كرماااال النبي تركووو وفهمني شو صرلك
ابو ينال : ثائر عم قلك تررررروك صهرك والا بغضب عليك
سحب ثائر سكين ودفش عنه ابوه واخوه وسيم وبكل عزمه وجه طعنه لقيس
قمر : لااااااااااااااااااااااااا دخيلك لاتقتلوووووو دخيلك يا اخييييي لااااااا لاااااااا
كان ثائر بهاللحظه مكوم عالارض عم يفرك دقنه مكان لكمة طارق يلي فات بالوقت المناسب وماسمح لسكينة ثائر تنغرس ببطن قيس
طارق : انت جنييي

ييت
ثائر : بعدووووو عني محدا يدخل فيييي لك بدي اطلع بروح هالواطي يلي ماحترم البيت اللي دايس بساطه
بيفوت ينال من برا وبيرمي الكيس يلي ب ايدو وبيركض عالمطبخ ليشوف ثائر وقيس واصله بينهم للشيطان الرجيم وثائر ماعاد حدا قدر يهديه
ينال : لك شووووو في اصواتكم واصله لاخر الشارع شبك ثائر
ثائر : بدي اقتلوووو واشرب من دمو وبيرجع بيتناول سيخ حديد وبيهجم على قيس بس هالمره وسيم وطارق وينال بيمنعوه وبيطالعوه من المطبخ بالقوه
……
ثائر : لك تركوووووووني تركووووووني عم قلكم
طارق : ربطوا منيح ينال لحتى يهدا ويفهمنا شو القصه
ينال : اي ماشي… . خود وسيم شد هالحبله من عندك
قمر : باااااااباااااااا
ام ينال : جواااااد شو صرلك رد عليي كرمال الله
بيلتفت الشباب لابوهم يلي كان واقع ب ارضه وماعم يتحرك بيركضوا لعندو وبيحاولو يصحوه بس عبث
طارق : ابي ابي رد عليي ابيييييييي
… لك اطلبووووو الاسعاف بسررررررررررررررررعه
┬──┬┬──┬
ـــ بالـــمـــشفــى ـــ
طارق : طمني وديع كيفو ابي
وديع بحزن : ازمه قلبيه حاده 😔
ام ينال : وليييي على امتي ولي على طولي انا
بيحضن ينال امه وبيحاول يهديها وهو منهار… اهدي امي كرمال الله
طارق : كيف وضعوا هلأ
وسيم : فينا نشوفوا
وديع : وضعوا مو مستقر حاليا النوبه يلي اجته كانت قويه… لك بس بدي افهم شو صار لحتى ابي يصير فيه هيك تركته الصبح وهو متل الغزال وكان ضغطه طبيعي
وسيم : علقت خناقه بين اخوك ثائر وقيس
وديع : شوووو ليش وكيف ؟؟
وسيم : مابعرف كان يحكي مع بيسان فجأه راح عالمطبخ وبلش يصرخ ويكسر
طارق : كان عم يحكي مع بيسان قلتلي
وسيم : ايه .. وبعدها بلش يضرب قمر وقيس ماتحمل وهجم عليه وصار اللي صار
وديع وطارق : شوووو ضرب قمر ؟؟؟؟
ينال : ليش لحتى يضرب قمر وانت كيف سمحتلو
وسيم : حاولت امنعه بس كان بحاله عصبيه مو طبيعيه
وديع : وثائر وينو هلأ
طارق : تركناه مربوط بالبيت
وديع : وقمر وينها
التفت الاخوه على بعض وكأنهم عم يسألو نفس السؤال : قمر وينها ؟
┬──┬┬──┬┬──┬
قيس : ليش هيك عملت ثائر
ثائر : ليش بعدك هون ياواطي لك فكني ان كنت رجال
بيسان : حاج خالو كرمال الله روح من هون
قيس : رح فكك بس بالاول بدي تجاوبني على سؤالي
ثائر : شو كنت عم تعمل انت وقمر بغرفتها ياعديم الشرف احكي ان كنت رجال
صفن قيس ببيسان يلي نزلت راسها بالارض وماعاد طلع صوتها.. ورجع بزاكرته لورى تحديدا وقت فاتت عليهم بيسان وبلشت تعلي صوتها ليسمعوها اللي برا
قيس : ثائر بدي اسألك سؤال وقبل ماتجاوب رح كون فاكك
ثائر :…… .
قرب قيس وبلش يفك بثائر وهو عم يسأله
لو سمعت انها اختك بيوم عابت وتعرت من ثوب الحيا لازم انت تستر عليها وتغطيها .. وقمر تربايتكم ولو عابت بيكون الغلط فيكم انتو او ممكن حدا منكم غلط وربنا عم يعاقبكم ب اختكم
صحيح حضنت قمر وبستها من خدها بس هاد مابيعني اني مو محترم البيت يلي انا فيه… يمكن انت نسيت انك حضنت بيسان وعلى عيني قبل ماتخطبها وماسكتت لاني بلا شرف سكتت لاني بعرف ثائر رجال وغرضه شريف… ثائر حامي عرضي ومسند ضهري
وهلأ سؤالي هوي : وقت رخيت ادانيك لمره لتحكي بعرض اختك صدقتها فورا .. ياترى مين ابقالك اختك ولا مرتك ؟؟؟؟
ثائر :…………
قيس: ليكني فكيتك ثائر وليك السكين بالمطبخ وليكني واقف مكاني مارح اتحرك
لو عندك ذرة شك فيي او ب اختك اقتلني وماتتردد
✿✿✿
غمض ثائر عيونو وبلشت زكرياته مع قمر تمر قدامه متل شريط سينمائي .. من وهي طفله كانت بس تزعل من واحد من اخوانها تركض لعندو وتشكيلو لياخدلا حقها .. تزكر وقت كان يجيبلها الشوكلا ويخبيهم تحت قميصه لحتى مايشوفوا وسيم وكم مره غفيت على صدرو بليالي الشتى وهي خايفه وتجي تحتمي بحضنه من صوت البرق والرعد
✿✿
“ الأخت شئ مختلف، تشعر
وكأن اللّه أعطاك روحٌ أخرى في الدنيا ،
لاشيء يشبه أن تكون لك أُخت ،
لاشيء أبداً.”💜
✿✿
نزلت دمعته على خده وبلش يصرخ اااااااخ يا اختي سامحيني قمرررررررررر قمرررررررر
قيس : اهدى ثائر كلشي بيتصلح واطلع ببيسان نظرة توعد خلتها تتجمد مكانها
ثائر : وينو ابي شو صرلو بدي روح شوفوا انا السبب باللي صار انا السبب
فجأه بيرن تليفون البيت الارضي وبيرد قيس
قيس : الو
طارق : قيس ؟؟ لك انت شو عم تعمل عندك ؟ وينو ثائر
بيطلع قيس بثائر وبيرد بكل هدوء على طارق : ثائر هون عم احكي انا وياه .. طمني كيفو عمي نحنا كنا جايين لعندكم هلأ
طارق : مابدي شوف ثائر حاليا ابي اجته ازمه قلبيه بسببه
قيس : الظفر مابيطلع من اللحم شبك طارق وان شاء الله عمي بيقوم بالسلامه غمه وبتزول
طارق : عطيني قمر من عندك
بتتغير ملامح وجه قيس وبتتوسع عيونه .. ليش قمر مو معكم
طارق : شلون مو معنا ليش هيه مو بالبيت
قيس : لا مو هون
طارق : كيف مو بالبيت انا جاي فورا
… .
ينال : شو في اخي
وسيم : وينها قمر
طارق : عم يحكي قيس انها مو بالبيت
ام ينال : وليييي وين بدها تكون راحت البنت
طارق : رايح شوفها وانت وديع انتبه لامك وابوك
ينال ووسيم : جايين معك
… .
ثائر

: شو في شبها قمر
قيس : عم يحكي طارق انها مو بالمشفى
ثائر : شووووو لكان وينها
قيس : خليني انزل لتحت وشوف ازا كانت بره تكه وراجعلك
بيطلع قيس وبتقرب بيسان من ثائر وبتبلش تبخ سمها
بيسان :اهدى حبيبي انت الحق عليك بسرعه عصبت وماخليتني فهمك
ثائر :………
بيسان : لاتخاف هلأ بتلتقى قمر وين بدها تروح يعني يمكن راحت لعند شي حدا تفضفضله
اطلع ثائر ببيسان وهو عم يتفحص ملامحها
ثائر : كل هالشي بتكرهي قمر
بيسان : ا انا ل ليش اكرهها بالعكس بحبها لقمر من صمصومة قلبي
حط ثائر راسه بين ايديه وبلش يبكي… انا كيف هيك اتسرعت ومديت ايدي على قمر لك بعمري ماعملتها اااخ ياربي
بيسان : ماتلوم حالك حبيبي اي حدا محلك وقت يشوف اخته فلتانه رح……
ثائر : اخرررررررررررسي
بيسان : الي بتقلي اخرسي
وقف ثائر ومسك بيسان من ايدها بقوه : ايييييه الك وسيرة اختي ازا بترجعي تجيبيها ع السانك رح قصلك ياه عم تفهمي
بيسان وهي عم تبكي : شفت انك بتحبها اكتر مني
ثائر : لك هييييي اختي هي رووووووحي لك هي كف القمر ماحلك تفهمني انه حب الاخت بيختلف عن حب الزوجه لك انتي شووووو معجونه من مية كيد وحقد
بيسان : بتشكرك ثائر انا طالعه من حياتك للابد وبوعدك مارح تشوف وجهي بعد اليوم
♬♫♪◖(● o ●)◗♪♫♬♬♫♪◖(● o ●)◗♪♫♬
حملت شنتتها وطلعت والتقت بقيس ع الباب
دور عليها لحبيبة قلبك منيح اي… وفتلت حالها ومشيت وهي مو شايفه قدامها…
لك العمااا شووو حظها هالبنت لو ماتعب هالزفت يلي اسمو جواد ووصلة طارق ع اخر لحزة لكنت اليوم خلصت من قمر وثائر وقيس بضربه وحده بس حظهم بيفلق الصخر…… . انا لازم غير خطتي واتصرف قبل ما انكشف لازم
┬──┬┬──┬┬──┬┬──┬
بيوصل الشباب عالبيت وبيلاقوا ثائر وقيس قاعدين بيتصلوا عالاهل ورفقاة قمر
طارق : مابينت
قيس : لا مالها اثر
ينال : لك شلون ماحسينا عليها
وسيم : بس شفت ابي مرمي عالارض انشل تفكيري ونسيت قمر
مسك طارق ثائر من قميصه ولزقه بالحيط وبلشو الشباب يهدو بطارق يلي كان عم يغلي من الغضب
ازا صار لابي او اختي شي رح ادبحك ب ايدي هدول عم تفهمني
ينال : حاااج طارق تروك اخوك
قيس : طارق تعال معي شوي لجوا انت ووسيم وينال ووديع
فاتو مع قيس يلي بلش يحكيلهم اللي صار وكيف بيسان حسنت تخلي ثائر يفقد اعصابه لدرجة انه مد ايدو على قمر
ينال : يعني بيسان السبب !!!
وسيم : ماتزعل مني صهري بس هالبنت مارتحتلا بالاخص كرهها لقمر واضح
قيس : مابلومك وسيم حتى انا بلشت افقد اعصابي من تصرفاتها
بيبعد عنهم طارق ليرد على اتصال
طارق : اي زينب
زينب : شو صار معك واجهتها
طارق : صارت كتير امور زينب وابي تعب وقمر مالها اثر
زينب : شوووو كيف هيك صار
طارق : كله من تدبير هالشيطانه بيسان
زينب : طيب البصمات يلي عالكيس اللي جبتلك ياه طلعو لبيسان
طارق : ايه لبيسان وكنت جاي وناوي اكشف اوراقها قدام الكل بس لقيت القيامه قايمه بالبيت
زينب : وثائر شو رح يعمل بس يعرف
طارق : اااااخ لك ثائر اليوم ضرب قمر بسبب كزبه من بيسان
زينب : لك الله يكسر……… اسفه طارق
طارق : ولا يهمك كلنا انفعلنا
زينب : طارق انت لازم تتحرك بسرعه قبل ماتخسر حدا من عيلتك لاسمح الله
طارق : والله بطلع بروحها
زينب : حاول تهدي حالك واعرف كيف تتصرف وانا رح شوف ازا قمر عند وحده من رفقاتنت وانت طمني اول ب اول ماشي
طارق : ان شاء الله… سلام
┬──┬┬──┬
وسيم : هي امي ؟
طارق : لا هي معرفة… تعوا نشوف ثائر
طلعوا لعند ثائر يلي كان ماسك صورة قمر وعم يبكي
ينال : روق اخي اكيد انزعجت من الشي يلي صار وطلعت تشم هوا
وسيم : بعد ماشافت ابوك بهي الحاله مابعتقد انها طلعت تشم هوا اكيد هيه قريبه
وديع : صح كلامك وسيم
قيس : انتو اخوانها وبتعرفوا طبعها اكتر مني فكرو معي بلكي وصلنا لحل
وسيم : انشل تفكيررررري ياربي
ينال : لشو بدك توصل قيس
قيس : هلأ وقت كانت قمر تزعل او تبكي وين كانت تروح
وديع : كانت تهرب لحضن ثائر
ثائر : 💔💔💔💔
قيس : طيب ازا زعلت من ثائر مثلا لمين ممكن تلجئ
وسيم : لزينب ؟؟
طارق : لا قمر ماعمرها حكت عنا لحدا حتى لو زينب
ثائر : انا عرفت وين قمر
طارق : وين؟؟
قيس : شو ثائر وينها
مارد عليهم وقام بخطوات بطيئة ونفس مكسوره ودمعات عالخد وفتح غرفة ابوه وامه
انصعق الكل وقت شافوا قمر قاعده عالتخت وضامه اجريها لصدرها وحاضنه مخدة ابوها وعم تهز حالها يمين شمال ودموعها بعرض وجهها
ينال : اختيييييي
وسيم : قمر ي روحي شو صرلك
قيس : ردي عليي قمر
بلش طارق يخبط ع وجهها بشويش لحتى تحس عليهم لانه كان واضح عليها انها بحالة صدمه نفسيه
وديع : بعدو هيك… . قمر اختي عم تسمعيني قمر قمر
كانت اصواتهم عم تعمل صدى داخلها بين الوعي واللا وعي
✺✺قمر✺ قمر ردي✺ قمر اختي ردي عليي…✺ قمر حبيبتي ردي… ✺قمر قمر…✺ قمر ✺✺
غصه بقلبها وجرح عميق وخوف والم كلها اجتمعت مره وحده داخلها
ثائر : قـ قـ قمر اختي سامحيني حبيبتي
بتطلع قمر بثائر وعيونها جاحظين ع اخرهم وبتبلش تصرررخ بأعلى صوت… .. لااااااااااااااااااااا بعد عن

ي لاتقتلني انا خايفه منك بعد عني لاتقتلني يا بااااباااااااااا يامااااااامااااااااا
بيحضنها طارق ليهديها وهي بتصرخ وتصرخ…… لاااااا تقتلنيييييييييي لاااااااااا……..
وكأنها بدها اطالع الخوف يلي زرعه ثائر جواتها
وديع : امسكها منيح طارق رح اعطيها ابرة مهدئ
بيحاول طارق يثبتها ورغم عضلاته بس حركة قمر ماكان قادر يسيطر عليها وحدو
طارق : امسكها من عندك قيس وانت وسيم امسك رجليها انت وينال لاتخلوها تتحرك لتاخد الابره
اخيرا بيقدر وديع يعطيها ابرة المهدئ وبيتصل عالاسعاف فورا
┬──┬┬──┬┬──┬┬──┬
ثائر: كرماااال الله وديع اعمل شي ماااابدي قمررر تموووووت
وديع : اهدى اخي مو شايف حالة امك خلص حاج تبكي قدامها
طارق : كيف صارت قمر وشو طلع معها
وديع : انهيار عصبي سببه صدمه نفسية
اطلع طارق ب ثائر : الضاهر قلب اختي اتئزى كتير لحتى نهارت بهالشكل
ينال : مو وقت هالحكي طارق خلينا نطمن على اختك وابوك
قيس : متى فينا نفوت لعندها
وديع : حاليا هيه نايمه لاني زودتلها جرعة المهدئ وبس تفيق مابدي تتعرض لاي توتر يأثر على نفسيتها
طارق : سمعت شو حكا ثائر
ثائر : لك هيييي اختي قطعه من روحي انت من كل عقلك بتفكر اني ممكن ائزيها
طارق بعصبيه : انت مابتفكر انت ازيتها وخلصت
ينال : طارق حاج تضغط على اخوك بيكفي يلي هو فيه
طارق : ويلي نحنا فيه مو هو والست بيسان سببه…
ثائر : بيسان مادخلها انا يلي فهمت غلط
لا ياثائر كلامك مو صح… بيسان الها كل الدخل
اطلع الكل لجهة الصوت ليشوفوا زينب واقفه والدموع عم تتجمع بعيونها
زينب : خبرو طارق عن الشي يلي عرفناه
ثائر : شو في
زينب : انا رح قلك شو في… . بيوم خطوبتكم الست بيسان حطت لقمر قريص وشوك ببدلتها بس لحتى تنزع فرحتها واطالعها بالخجله
ثائر : شو ؟؟
قيس : يعني بيسان ورى هالعمله
زينب : اي والكيس وقع تحت ايدي بالصدفه واخدتو لطارق وكشف ع البصمات هيه نفسها بصمات بيسان
قيس : كنت بعرف انها حقوده بس مو لهي الدرجه
وسيم : اخي بترجاك ما بدنا هالانسانه تفوت لعيلتنا
ينال : عم تنخر فيك متل مابينخر السوس بالخشب اصحى اخي
اطلع ثائر بقيس يلي كان خجلان من افعال بنت اخته
ثائر : انا فعلا طالعتها من حياتي… وشلح المحبس من ايدو وحطوا ب ايد قيس وسكر عليه… صدقني حاولت كون الها السند والصدر الحنون بس هيه مابدها… بيسان طالق طالق طالق
قيس : قرارك بمحله ثائر وانا ابدا مو زعلان منك انا زعلان عليها دائما حاولت اصلحها بس عبث
وسيم : خلص سكرو عالسيره اجت امي
ام ينال : كيف صارت قمر
بتحضنها زينب وبتطلع ب وديع ليفهم عليها : قمر منيحه خاله بس ضغطها نزل من الرعبه يلي اكلتها ماهيك دكتور وديع
وديع : ها… . ايه ايه صح ضغطها نزل
♬♫♪◖(● o ●)◗♪♫♬♬♫♪◖(● o ●)◗♪♫♬
بتمر الساعات والكل على اعصابه خوف وقلق وحيره
وديع : امي ابي فاق فيكي تروحي تشوفيه
ام ينال : الف الحمد لله ياربي
وديع : ازا سألك عن قمر قوليلو انها بالبيت
ام ينال : ماشي ابني
وسيم : استني امي جاي معك
ينال : وانا جاي معكم
بيقعد عالكرسي وهو حاطط راسه بين ايديه وبتنزل دمعته على عرض وجهو متل كأنو طفل صغير
طارق : عم تبكي ثائر
ثائر وعيونو صار لونهم احمر : لك لااااا ماعم ابكي انا عم اشكو زماني يلي غدر فيي 😔
طارق : قوم اخي
ثائر : لوين
طارق : لعند قمر
ثائر : بس ؟
طارق : لاتبلش اتبسبسلي قوم
ثائر : بس بعدا نايمه
طارق : حاكيها اخي حاكيها ورح تسمعك
حط قيس ايدو على كتف ثائر وهزلو براسو ليفوت لعند قمر
وبعد تردد وخوف اخيرا فات لعندها
كانت متل الملاك نايمه و شعرها الاسود الغزير مفرود ع مخدتها
قرب منها وقعد حدها… مسك ايدها وباسها وبلش يطلع بوجهها ويحكي معها وهو عم يزيح خصلات شعرها
♬♫♪◖(● o ●)◗♪♫♬
بتعرفي شوو ؟؟؟ بوجودك عرفت شو يعني محبة ...
عرفت شو يعني الله بحبني إذا عشت بالحب فيه ...
بضحكتك ؟! عملتيني كون التفاؤل و الأمل لكل مكسور ، كون البلسم لكل مجروح
بعطائك ؟! علمتيني خلي إيدي اليمين شغالة ، ولو مو شي مادي ، اعطي كل شي ، اعطي ضحكة ، اعطي سعادة ، اعطي فرحة ..
بتفاؤلك ؟!علمتيني انو مافي حزن ، علمتيني ما ابكي غير لله ، ما ازعل إلا إذا قصرت بعبادة...
بطيبتك ؟!علمتيني معنى ( حسن الخلق ) ، و عرفت شو هو الدين ، و عرفت شو هي الشريعة السامية ... أنت اللي اسمها بيتردد دوم بسجود الشكر لرب العالمين لأنو بعتلي اياكي ... لما جيتي على هالدنيا ... عرفت ليش أصحاب الذهب و الفضة و الألماس بحافظوا على هالأشياء لأنو الجوهرة اللي فيكِ ما بكفيها قلب بس ليحفظها عرفتك وانتي صغيرة و نشأتي تحت تربيتنا و تربية أخلاقك الراقية نشأت بحب سماوي بطير فيني لأعلى سماااا نشأتي و أنتي متشربة قيمك اللي بتحثينا علين دائماً ما بخلتي عليي ولا يوم بأي شي بفيدني ... حتى وانتي اصغر مني كنتي القدوه بحسن تعاملك
لك قمر انتي مو بس اختي انتي بنتي .. سامحيني لأني مديت ايدي عليكي ياريت ايدي انكسرت قبل مافكر مدها عليكي ي روحي
فيقي قمر مابدك تتخبي بحضني جبتلك الشوكلا يلي بتح

بيها هلأ بيجي وسيم بياكلها
اااااخ يا اختي شو محتاجك شو محتاج اسمع منك كلمة اخي كرمال الله فيقي حاج تتدللي على خيك يلي بيحبك .. انا طلقت بيسان مو لانها بس سيئه وبتكرهك… طلقتها لاني وقت بدي ارتبط بدي ارتبط بوحده تشبهك… تشبهك بطيبتك وحبك وتسامحك وحنيتك
قمر عم تسمعيني اختي بترجاكي فيقي واحكيلي سامحتك والله عم اتعزب وحاسس بالندم ياعمري
قمر… . ام خدود… كف القمر
... ❤️❤️
* #يتبــــــــــــــــ؏👇📚...*

📖 ╏ڪـــــــــف الــــقـمـــــــــر🌕⚜️*
*📖╏#الـبــــ( 6 )ـــــــــارت*
➖➖➖➖➖➖➖➖➖
#بقلم☜ امل احمد
بقيت قمر يومين وهي على نفس الحال ورافـضه تحكي مع اي حد
قيس : صباح الخير ي قمري كيفك اليوم
قمر :……
قرب قيس لعند قمر وحط ايدو حوالين كتافها… . لايمت هالحال قمر انتي مو بس عم تعاقبي ثائر .. عم تعاقبي نفسك وتعاقبينا كمان
قمر :… ..
قيس : كرمالي حبيبتي احكي اي شي
قمر :……
دق دق…
قيس : تفضل
بتفوت زينب وهي حامله معها حلويات يلي بتحبها قمر
زينب : صباح الخير اخي قيس كيفا قمر اليوم
بيتأفف قيس بضيق وبيهز راسه والله تعبت معها ومو قابله تتجاوب ابدا
زينب : ممكن تتركني معها لو سمحت
قيس : خدي راحتك انا رايح شق على عمي جواد
بيطلع قيس وبيترك الباب مشقوق
زينب : شو قموره وبعدين معك
قمر :… .
زينب جبتلك الحلويات يلي بتحبيهم يالله افتحي تمك
قمر :… .
زينب : ماكنت بعرف انك انانيه… لك شو يعني بدك تموتي حالك وتموتي امك وابوكي طقيق عليكي شوفي وجهك بالمرايا كيف كان وكيف صار
قمر :……… ..
┬──┬┬──┬
وديع : اها صهري انت هون صباح الورد
قيس : اهلين وديع
وديع : شبك…
قيس : قمر ماعم تتجاوب معي ب اي شكل من الاشكال حاولت معها بس رافضه تحكي
وديع : طول بالك صهري الصدمه يلي تعرضتلا كانت قاسيه عليها… بدها شوية وقت لتقدر تتجاوز هالمحنه
قيس : الله يسمع منك… كيف صار عمي
وديع : عمك صحته حديد بس ماعم يبطل سؤال عن قمر وكأنه حاسس انه صايرلا شي
قيس : مارح تخبروه
وديع : حاليا لا بس لتتحسن صحته شوي تانيه
قيس : ان شاء الله
وديع : يالله بالازن بدي شق على قمر قبل ماروح عالبيت
قيس : ازنك معك وانا رايح شوف عمي بس تخلص خبرني لنطلع سوا
وديع : مشي صهري بشوفك
┬──┬┬──┬┬──┬┬──┬
كان على وشك يفوت لعند قمر لوقت سمع زينب عم تحكي معها وقف حد الباب وبلش يسمع كلامها
┬──┬┬──┬┬──┬
زينب : بتتزكري وقت تعاهدنا مانخبي شي على بعض… .بصراحه انا خبيت عليكي
انا بحبو لطارق بحبو كتير مابعرف ازا هو كمان بيبادلني هالشعور بس وقت بيكون قريب مني بحس نار شاعله جوات قلبي
قــمـــر :… ..
✿✿…
كان وديع عم يسمع كلام زينب وانصدم وقت عرف انها بتحب طارق
وديع : زينب بتحب طارق ؟؟؟
لك العماااااا ينال ناوي يخطبها وهي قلبها مع اخوه… انا لازم اتصرف قبل ماتوقع الفاس بالراس
✿✿
………………
زينب : وانتي كمان محظوظه بحب قيس الك مابتتصوري اديه كان خايف عليكي وناطف قلبه ليسمع منك كلمه
قــــمـــر :… ..
زينب : حتى اخوانك ينال وثائر وطارق ووديع ووسيم مشغول بالهم عليكي واكلين همك… .. اي وافرضي اكلتي من اخوكي كف شو فيها والله انا اكله اتل من اخواني لشبعانه
قــــمــــر :…… .
زينب : لك فكري ب امك وابوكي حرام عليكي شبكي قمررررررر
دق دق
بتمسح دمعتها بسرعه وبتقعد عالكرسي… تفضل
وديع : صباح الخير
زينب : صباح النور اخي وديع
وديع : كيفك زينب
اطلعت زينب بقمر بحسره ونزلت راسها للارض… والله مو منيحه 😔 ايمت قمر رح ترجع متل اول شتقتلها
وديع : اطمني اختي قمر بخير وهيه من داخلها كتير قويه وعندها اراده وبعمر كف القمر مارح يفرط بالاصابع يلي حضنهم طول هالسنين بكل الحب
زينب : الله كريم اخي وان شاء الله بترجعلنا ام خدود من جديد
┬──┬┬──┬┬──┬
هدى : صباح الخيرات وسيم وينك صرلك يومين غايب وماعم تحضر محاضراتك
وسيم بتعب : يسعد صباحك هدى وشكرا لسؤالك عني .. كان عندي شوية ظروف
هدى : لك لشو عم تشكرني نحنا رفقه…
وسيم : تسلمي هدهد
هدى : اممممم مدام بلشت ادلعني معناته تفضل ليكو دفتر المحاضرات كتبتلك كل الملخصات لحتى مايفوتك شي احفظ هاللطش
وسيم : ههههه والله ماقصدت عموما انتي ام الكرم والواجب وانا بستاهل 😉
هدى : سسسسئيل يالله بشوفك
وسيم : بشوفك
┬──┬┬──┬┬──┬
طلع من غرفته متل العاده مضيع موبايلو وعم يدور عليه
ينال : ثائر دقلي لاعرف وين هالزفت صرلي ساعه عم دور عليه
ثائر : لو كانت قمر هون فورا بتلاقيه 😔
اطلع ينال لثائر يلي ماعاد اكل ولاشرب ولا راح عشغلو كلامه قليل ودائما سرحان
ينال : قمر رح ترجعلنا اخي لاتقسى عحالك هيك
ركا ثائر راسو عالحيط واطلع بالسقف وعيونو مليانين دموع : ماتصورت بيوم امد ايدي عليها وكون سبب بحالتها هي ماعم اقدر سامح نفسي لك ينال
ينال : شي وصار اخي وقمر اكيد رح تسامحك وتنسى كل شي بس انت لازم تكون قوي وتواجه غلطك وتحاول تصلحه وحاجتك قعده بالبيت وندب متل النسوان قوم لناكل لقمه وننزل عندك عالمحل اشتقت للغليز عماد
لمعت عيون ثائر اول مانزكر اسم عماد وحط راسو بين ايديه وبلش يفرك بشعرو… لك عماااااد عماد حاول ينبهني بس انا غبي وماسمحتلو حتى يكمل كلامه
ينال : ينبهك من شو
ثائر : قوم معي اخي
┬──┬┬──┬┬──┬
لبست فستان اسود للركبه ومكشوف من عند الكتاف وتشيكت وحطت مكياج صاخب مابينحط بالصبح ابدا فردت شعرها ع ضهرها براحته واخر لمسه رشت بارفان وحملت شنتتها واطلعت بحالها نظره اخيره عالمرايا وطلعت من غرفتها
بيسان بصوت عالي : ميندااااا مينداااااا
ميندا : امرك

ياخانوم
بيسان حضريلي كاسة نسكافيه بسرعه وجيبيلي ياها عالصاله وخلي ابو توفيق يحضر السياره بسرعه رح اطلع بعد عشر دقايق
قيس : ولوين العزم ان شاء الله
اطلعت بيسان بقيس يلي كان واقف وحاطط ايديه بجيابه ونظراته مابتوحي بالخير
ببسان : ا اهلين خالو… . روحي انتي جهزي النسكافيه
ميندا : والسياره ياخانوم
بيسان : لك رووووووحي من وجهي هلأ
ميندا : امرك
قيس : ازا مالقيتي حدا تخربيلو حياته بتتفششي بالخدم…
بيسان :… ..
قرب منها قيس ورمقها بنظره من فوق لتحت : شو هاد يلي لابستيه وليش هيك عامله بوجهك ؟؟ لوين رايحه ..!!!!
بيسان : ابدا حاسه حالي ضعفانه شوي وبدي روح للدكتور
قيس وهو بئشر ب ايدو من فوق لتحت… بهالمنظررر !!!!
بيسان : ايه عادي انا مو طفله لحتى تحاسبني
قيس : فعلا مو طفله… يلي بتخطط وبتنفذ وبتعمل كل هالمكائد والحيل ابدا مو طفله… .
نزل لعندها وصار وجهو قبال وجهها وحكا بهمس .. ياترى هالمره لشو عم تخططي بيسان خانوم
نفضت بيسان حالها وحملت شنتتها لتطلع
قيس : استني
لفت وجهها عليه وحطت ايدها ع خصرها : امـــــر ؟
قيس : ثائر بعتلك هي… اي وبلغني قلك انك طالق طالق طالق
حط الدبله عالطاوله وتركها وطلع لغرفته
بقيت بيسان تطلع بالدبله وعيونها رح تطلع من محلهم من الصدمه
ماتوقعت ثائر يطلقها بهالسهوله… .مسكت الدبله واطلعت فيها بعصبيه وغضب وكزت ع اسنانها والحقد عم يتجمع بعيونها
انا اطلقني يا ابن جواد… وكرمال مين كرمال قمر ؟؟؟ لك شووو مفكر حالك ليكون مفتكرني قاتله حالي عليك ياحقير… بسيطه ان ماخليتك انت وعيلتك تبكوا بدل الدموع دم مابيكون اسمي بيسان 🔥🔥
┬──┬┬──┬┬──┬┬──┬
وصل ثائر وينال عالمحل لعند عماد واول ماشافهم قام وتوجه لعندهم بسرعه
عماد : اهلين معلمي شغلت بالي عليك
ثائر : اهلين عماد
ينال : كيفك عماد
عماد : الحمد لله تمام تفضلو لساوي قهوه واجي
راح عماد ليعمل قهوه وقلبه عم يخفق بشده… خايف يكون ثائر شاف بيسان وهيه طالعه من المحل ومايعطيه فرصه يشرحله
عماد : العمااا على هالعلقه .. هلأ شو رح يخلي ثائر يصدق اني قلعتها .. يارب استر يارب
حط تلات فناجين عالصينيه وكاسة مي ورجع لعند الشباب
عماد : لك والله منووور ينال تفضل احلا فنجان قهوة ☕️
ينال : اي والله يسلموون عماد
عماد : تفضل معلم
ثائر : حط الصينيه من ايدك واقعد هون لشوف
بلع عماد ريقه وبلش يتصبب عرق
عماد بقلبه : وقعت وماحدا سما عليي لك والله بدي خبرك عطيني فرصه بس هالمره……
ثائر : وين شارد
عماد : هاه معك معك معلم .. الشغل كتير تمام وعلى كيفك امبيرحه وصلت بضاعه جديده ورتبتها مكانها وهي الدفتر دونت عليه كل شــــ
ثائر : هششششش ماعم اسألك عن الشغل
ينال : شبك مو على بعضك عماد
عماد : ابدا ضغط شغل والمعلم ثائر بيعرف النسوان وغلبتهن
ينال : الله يعينك لك انا مافيي اتحمل اخود واعطي وفاصل مره
عماد : ههههه وبالاخير بتقلك بلف لفه وبرجعلك ومابعود بشوفها
ينال : ههههه
انتبه عماد انه ثائر مو لابس محبسه بس ماحب يسألو وقرر بينه وبين حاله يبلش هو بالحكي قبل مايسأله ثائر عن شي ليضمن انه مايتعرض لمشاكل
عماد : معلم بدي خبرك شي
ثائر : انسى اي مواضيع هلأ وركز معي
عماد : بس يامعلم انا
ثائر : شو سمعت
عماد : متل مابدك
سحب ثائر سيجاره وبلش ينفث فيها وباين عليه العصبيه
ثائر : من كم يوم كنت بدك تقلي شي بخصوص بيسان
عماد : ااه انا .. اي صحيح
ثائر : شو كنت بدك تحكي هات لشوف
اطلع عماد بينال وبعدا بثائر وسكت
ثائر : احكي يلي عندك ينال مو غريب
عماد : بدي الامان
اطلع ثائر وينال ببعضهم ورجع ثائر يسحب بالسيجاره ويطلع دخان من صدرو بكل غضب
احكي وعليك الامان
عماد : شو ينال !!
ينال : عليك الامان عماد انا مابنسى وقفتك بيوم مشكلة قمر
اخد عماد نفس واستجمع قوته وبلش يحكي
عماد : قبل اي شي رح احكيه بدي زكرك اني حاولت نبهك وانت رفضت صح معلم
ثائر : مزبوط كلامك كمل
عماد : هاد ياسيدي كنت بدي قلك انه بيسان مابتلبقلك لاهي من توبك ولا انت من توبها
ثائر : احكي بوضوح اكتر لافهم عليك
عماد : صحيح انا ماقربت عليها ولا لمستها بس كان اسلوب الاغراء بالجسد اسلوبها وكمان برجع زكرك بيوم موضوع اختفاء الانسه قمر لمحتلك بهيك شي
ثائر : كمل
عماد : بيسان مريضه وبتتعالج عند طبيب نفسي وانا كنت لاحظ عليها وقت تعصب او تحقد عحدا ماتهدى لتشوف دم
ينال : دم !!"
عماد : ايه دم حتى لو كان دم جاجه المهم تشوف دم ومستحيل تترك ضحيتها الا ادمرها… حاولت كتير صير من زلمها بس بصراحه اسلوب حياتها كان بيخوف
ثائر : فعلا ماهديت لحتى شافت دم !!!!
ينال : شو قصدك اخي
ثائر : لما اتضاربت انا وقيس ببداية المشكله كانت بيسان تحاول ب اي طريقه تخليني افقد اعصابي لاتهجم على قمر ووقت علقت مع قيس ماحاولت تفزع بيناتنا ولما تعب ابي ونقلوه عالمشفى كان في اثار دم بالمطبخ بسبب جروح مني ومن قيس… ..
ينال : ايه
ثائر : ايه وقت طلع الكل اجت لعندي وكانت هاديه وعم تحاول تلاطفني بالحكي
عماد : قدرت تخليك تفقد ا

عصابك وشافت دم بس لو مافقدت اعصابك شو كان رح يهديها !!
ينال وثائر : !!!!!!!!!
عماد : لهيك معلمي كنت بدي نبهك من هي النقطه بيسان مو بعقلها ابدا ووقت تزعل بتئزي وازاها بيكون كبير .. كبير كتير
رجع ثائر ولع كمان سيجاره وصفن بكلام عماد
ثائر : يعني وقت تعرف اني طلقتها رح تجن وتحاول تئزيني او تئزي حدا من عيلتي ؟؟
عماد : انت طلقتها ؟
ثائر : ايه
عماد : قيس طلب منك اطلقها
ثائر : لاا ابدا قيس كان واقف معي بهالخطوه
عماد : لهيك بدها تقتل قيس
ثائر وينال : شووووووووو
┬──┬┬──┬┬──┬
طارق : اخي ليش بدك اطالع قمر من المشفى خليها يومين تانيين
وديع : هيك افضل لصحتها ونفسيتها اخي اطمن قمر رح تكون بخير
ام ينال : وابوك ايمت رح يطلع
وديع : بفضل ابي يبقى كمان كم يوم ليبقى تحت المراقبه الطبيه لاني مابدي يتعرض لاي تعب او جهد او زعل يخليه يرجع ينتكس مره تانيه
طارق : طيب اخي انا رايح للقسم هلأ عندي شغل مهم انتبه لقمر
وديع : بعيوني اخي
┬──┬┬──┬┬──┬┬──┬
ثائر : وانت شو عرفك انها ناويه تقتل قيس
عماد : قبل ماتوصلو لهون كانت عندي
ثائر : الحقيره وشو كان بدها منك
عماد : بدها اقتل قيس
ثائر : وانت شو قلتلا
عماد : رفضت وقلعتها وطبعا طلعت وهي تهدد وتتوعد
ينال : الموضوع مابينسكت عنه
ثائر : رح توافق تقتل قيس عماد
عماد : نعم !!!! 😲
┬──┬┬──┬┬──┬
دخلت عالبيت بكل هدوء عم تطلع بكل ركن وبكل زاويه وبس اجت عينها عالمطبخ ركعت ع ركبها وحطت ايديها ع وجهها وصرخت
لاااااااااااااا رح يقتلوووووو كرمال الله لاتخلوه يقتل قيس
وديع : اهدي حبيبتي اهدي… اطلعي فيي قمر ثائر وقيس كانو عم يمزحوا وماحدا بدو يقتل حدا ايه حبببتي
قمر : هـ هـ هوه هوه… السكين هــوه
ام ينال : ياروحي يا امي تعي لحضني هلأ بعملك شي دافي تشربيه وبنتفرج عالتلفزيون
قمر : هــ هـــ هوه
فات وسيم وشاف قمر قاعده ب ارضها ووديع وامه عم يحاولو يهدوها… قرب لعندها وحضنها وبقي غامرها بحضنه لهديت بين ايديه
وسيم : حمدلله عالسلامه ام خدود جبتلك معي حاجات طيبه بس رح اخد منها ايه
قمر : جبتلي شوكلا
وسيم : لك ايييه شوكلا وشيبس وكل شي بدك ياه
اطلع وديع على وسيم وهو مبسوط من تصرفه السريع وكيف قدر بسهوله يمتص خوف قمر
وسيم : يالله تعي لحتى تفوتي ترتاحي بغرفتك
ام ينال : قومي بنتي قومي الله يحن عليكي وعلى اخواتك
قمر : اخواتي
وديع : ايه اخواتك نحنا .. ماشتقتيلنا
قمر : 😭
وديع : تعي لحضني ي روحي ماعاش من ينزل دمعه من عيونك
وسيم : بما انها ست البنات عم تدلع ف انا رح احملها لغرفتها
وديع : اووووه فكره حلوه وانا رح رش عليكن الورود
ام ينال بتبكي : لك الله مايحرمكن من بعض
دخلوها لغرفتها وبقيت امها معها تلاطفها وتلاعبها لحتى ماترجع تحس بالخوف
وسيم : خايف ازا شافت ثائر ترجع تنهار
وديع : هالاحتمال وارد جدا بس لابد منه
وسيم : وازا رجعت انصدمت
وديع : لازم تاكل كمان صدمه تخليها تطرد الصدمه يلي جواتها
وسيم : يعني متل مابتحكي امي خوفه بتطرد خوفه
وديع : بالزبط
وسيم : اترك هالموضوع عليي لكان
┬──┬┬──┬┬──┬
ثائر : شو رأيك بفكرتي طارق
طارق : منطقيا مناسبه خصوصا انه رح نتعامل مع وحده مختله ومو متوازنه عقليا
عماد : بس خايف تعرف اني عم اضحك عليها
طارق : بس انت مارح تضحك عليها
عماد : كيف يعني
طارق : مو بدها تشوف جثة قيس ودم
عماد : ايه
طارق : هالشي رح يصير بس بالاول رح استدعي قيس واشرحله الخطه
استقطع حديثهم موبايل ينال يلي رن
ينال : الوو اي امي… والله جد الف الحمد لله يارب احلا خبر بسمعه اليوم… .. .. كيف…… اها… اي امي ماشي فهمت… ماشي رح حل الموضوع.. انتبهي على قمر
طارق : شو في
ينال : اختك قمر صارت بالبيت والحمد لله حكت
ثائر : الحمد لله 😭
عماد : حمدلله عسلامتها
ينال : الله يسلمك
طارق : كأنه بتمك حكي ينال
اطلع ينال بثائر ونزل راسه : بصراحه خايفين على ردة فعل قمر بس تشوف ثائر
ثائر : 💔
عماد : احسن حل يفوت ثائر وقيس عندها وبهيك بتنصدم
طارق : لا والله فيهم نحنا بدنا نطالعها من هالحاله ولا نزيد الطين بله
عماد : ستي الله يرحمها كانت تحكي خوفه بتطرد خوفه
طارق : ستك شو بتشتغل
عماد : دايه 😌
طارق : مبدأيا اخفولي هالعينتين من وجهي بلا ما ابعتوا لستو
الكل : هههههه
ثائر : 😔
ينال : روق اخي قمر قلبها كبير ومستحيل تقسى ع واحد فينا
ثائر : يارب
ينال : رح اتصل بقيس لحتى يلاقينا بالبيت
طارق : كأنه فكرة خوفه بتطرد خوفه خرطت مشطك
ينال : بصراحه اي😅
طارق : 😕
┬─┬──┬┬──┬
وصلو عالبيت وهنه خايفين من ردة فعل قمر وقت تشوف ثائر
ثائر : خلص بلا مافوت انا
قيس : قوي قلبك لازم ننهي هالموضوع بقا
ينال : جاهزين
قيس : اي
طارق : والله ازا بيصير لقمر شي لادفنكم بحد ستو لعماد
♬♫♪◖(● o ●)◗♪♫♬
بقلوب عم تخفق وخطوات حذره فات طارق وينال وثائر وقيس لعند قمر يلي كانت هاديه وما ابدت اي ردة فعل
طارق : حمدلله عالسلامه اختي
قمر :… .
ينال : كيف حاسه حالك ي روحي
قمر :…… .
قيس : حبيبتي انتي منيحه

قمر :… ..
ثائر : اختي انا 💔 انا اسف سامحيني 😔
قمر :…… .
بلشوا يطلعوا ببعض نظرات استغراب ..وبعد شوي فاتت امهم ومعها وديع وجايبين معهم الشاي وقالب كيك
طارق بهمس : امي شبها قمر
ام ينال : شبها عين الله عليها
طارق : !!!!!!
نخز ينال ثائر ليبلش بالخطه يلي اتفقوا عليها
وفجأه
مـــفــــاااااااااااااااجــــأه
💫🎊🎉💫🎊🎉✨🎊🎉💫🎊🎉🎊🎉🎊🎉🎊🎉🎊🎉
🎊🎉🎊🎊🎉🎊🎉🌠
ثائر : شووو في
ينال : بسم الله الرحمن الرحيم
قيس : شو عم بيصيررر
اما طارق سحب فردو وبلش يدور ع مصدر الصوت
كان وسيم ماسك بطنو وفارط من الضحك على مناظرهم
وديع : ههههه والله واكلتوها
ام ينال : هههههههه
طارق : يخررررب بيتك موتني رعبه هههههه
ينال : مو قلنالك خوفه بتطرد خوفه ليكك طردت 500 خوفه لقدام
قيس : ههههههه والله مجنون
وديع : لا وسيم طلع وارث شغلة العلاج من ابي الله يشفيه والله وكيلكم رعب قمر رعبه خلاها تصفرن
الكل : ههههههههههههههه
اطلع ثائر بقمر يلي كانت تطلع فيه وهي عم تبكي بصمت
ركض لعندها وغمرها بحضنه وبلش يبكي بصوت عالي… سااااامحيني اختي سامحيني ياضي عيني
قمر : مسامحتك اخي لك انا مالي غيركن بالدنيا
ثائر : لابقى تبكي ماعاد بدي شوف دمعه بعيونك ي روحي
قمر : يعني مابتعرف اني ام دميعه ومالي سلطه على دمعتي
رجعها لحضنه ليحسسها بالامان متل ماكان يحسسها وهي صغيره
نزلت دمعاتهم لتغسل قلوبهم اللي مابتعرف الحقد ولا الكره
‏- "فحضنتها حُضن الضعيف وبكت،
كم حزناً مر عليها وما اشتكت!
ما عمرها حتى على الجدار اتّكت،
تضحك منذ عرفتها واليوم أبكتني حين بكت.."
- 🌸🍃
(◕‿◕✿)
على انغام فيروز كانت قمر عم تعمل القهوه الصباحيه وتغني معها بصوتها الحنون
♬♬♬♡♡♬♬♬♡♡♬♬
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا و لا يزعل حدا
أنا لحبيبي و حبيبي إلي
وسيم: وانا لمين 😢 لك حبوني معكن والله بقعد عاقل 😭
قمر : ههههههه لك انت حبيب قلبي
وسيم : يسعدلي هالصباح اللي بريحة القهوه فواح
قمر : وصباحك ابو السوم شو فاقو اخواتي
ثائر : معقول شم ريحة قهوتك ومافيق
قمر : صباحك ورد اخي
قرب منها وباسها من خدها وهو عم يلعب بشعراتها… صباح الورد والياسمين والحبئ والزمبئ لك يامحلا صباحي لما يبلش بطلتك ي روحي
غمرة راسها بحضنه واطلعت فيه بكل حب وحنيه… لك ربي مايحرمني منك ولا من حنيتك
وديع : هالله هالله شو هالرومانسيه انت واختك من على الصبح
وسيم : تعا اخي اقعد حدي حجزلتك مقعد بالسطر الاول
وديع : ههههههه اي كتر خيرك
ثائر : لك غيرانين من اختكم الصغيره
وسيم : انا غار من ام خدود لك شوف شوف كيف خدودها شبه الطبق
وديع : انتبه بلا ماتلاقي الطبق الطائر بنص خلقتك هلأ
قمر : مممم مارح رد عليكم اساسا انتو بتغيرو مني ومافي قهوه هه 😛
وديع : لادخيلك الا القهوه خلص حرمنا
بيفوت طارق وهو حامل جريدة الصباح وعم يقرأ الاخبار
وسيم : طب احكي صباح الخير
طارق : تضرب انت وصباحك
وديع : هههه بلش القصف الصباحي
قمر : صباحووو كابتن طارق
بيطلع فيها طارق بطرف عينه وبينزل الجريده من ايدو
لك انوو تعي تعي لهون ياصبااااح الخيرات والليرات شو هالصباح الحلو هاد
قمر : ☺️
وسيم : لاااا هيك تخنتوها راعو شعوري شوي انا بعدني صغير
ثائر : انت اسمك قمر شي
وسيم : لا
ثائر : لكان انقبر ونقطنا بسكوتك 😂
وسيم : 😏
ماشاء الله عليكن الله يحميكن من عيني ولا يحرمني من هاللمه الحلوه لك صباح الفل عليكن
قمر : يسعد صباحك امي
ثائر : اهليييين ست الكل تعي حدي تعي بشوف وجهك منور اليوم يخزي العين
وديع : اكيد مو رح يطلع ابي
ام ينال : استحي ولا
الكل : هههههههه
وسيم : ايمت رح تسجلي بالجامعه قمر
قمر : كمان شوي جايه لعندي زينب ورح رتب معها
وسيم : زينب جاي لهون
قمر : اي اخي في شي
وسيم : ها لا لا شو بدو يكون في يعني يالله اودعناكم
ام ينال : شو ينال ايمت رح نروح لنخطبلك زينب
ينال : بس يطلع ابي بشوفو وبنقرر امي
اطلع وديع بطارق يلي كان قاعد ومشغول بالجريده يلي معه…
وديع بقلبه… معقول مو حاسس بحب زينب الك… وانا شلون رح فهم ينال انها البنت بتحب اخوه ياربي شو هالمشكله هي
┬──┬┬──┬
ام ينال : قمر بنتي شوفي مين عالباب
بتنشف ايديها بسرعه من الجلي وبتروح ركض عالباب… ياامي ماحلك تحفظي دقة زينب
زينب : السلام عليكم
قمر : وعليكم السلام
بتتجمع الدموع بعيون زينب وبتحضن رفيقتها وهي مو مصدقه انها طلعت من الحاله النفسيه يلي كانت فيها
قمر : حاج ولي رح تبكيني
زينب : لك ياااعمررري مو مسدقه عيوني الف حمدلله عالسلامه
قمر : الله يسلمك تعي فوتي لجوا يالله
بتفوت زينب وبتسلم على ام ينال
ام ينال ; اهلا وسهلا بنتي ماتواخزيني مطره روح عالمشفى لعند ابو ينال مابدي وصيكي بقمر
زينب : خدي راحتك خاله وقمر بعيوني
ام ينال : تسلميلي يارب
زينب : خاله بكرا حفلة خطوبة هبه رفيقتنا بالمدرسه ممكن اخد قمر معي
بتطلع قمر ب امها : شو امي ؟؟؟
ام ينال : انا شخصيا ماعندي مانع بس وقت يجي ابوها واخوتها بنسأ

لهم
زينب : حاضر خاله
ام ينال : يالله سلام حبيباتي
زينب وقمر : الله معك
وبعدها بيبلشوا البنات حكي وكركره
قمر : ايمت رح نروح نسجل بالجامعه وليه
زينب : انا رح سجل بكلية الحقوق
قمر : حقوق !! مو ع اساس ندرس بيولوجيا ؟؟
زينب بتلعثم : فكرت فيها ولقيت الحقوق اقرب لقلبي
قمر بمكر : الحقوق ولا طارق ؟
زينب : شـ شـو خص طارق ؟؟
قمر : ولي دبه انا صحيح كنت ضعفانه ومو حاسه على شي بس كلامكم كنت اسمعه وافهمه
بتنزل زينب راسها بخجل وبتبلش تلعب ب اصابيعها : يعني الصراحه انا… ..
قمر : انتي عشقانه لشو الخجل
زينب : لك هسسس وطي صوتك
قمر : زينب في شي لازم تعرفيه من هلأ
زينب : خير شو في
قمر : اخي ينال حاطط براسه يتقدملك وحكا للكل والكل موافق
انصدمت زينب وحست بخيبة الامل لأن ينال بالنسبه الها مجرد اخ وبس
زينب : وطارق شو رأيو
قمر : موافق 😅
زينب : 😔
قمر : مو وقت دموعك هلأ ازا فعلا بتحبي طارق لازم ادافعي عن حبك
زينب : كيف ادافع عن حبي ويلي بحبو مو حاسس فيني
قمر : رح يحس بس انتي اعطي اشاره لقلبك يتحرك
زينب : اعطي شوو لك كيف بدي اعمل هيك شو رح يحكي الناس عليي
قمر : لا تسمعي لحدا لما بقلك تخلي عنو ببساطة ...
لاتردي للي بيحكيلك بروح واحد وبيجي عشرة غيرة
لما رح يدوب قلبك بليالي الفراق
هنن ما رح يكونو جنبك !
هنن ما رح يتوجعو عنك !!
دافعي عن حبك مرة و مرتين و تلاتة
حاولي تنقذيه ﻵخر دقيقة ...
ﻵن مو كل يوم منلاقي حدا نحبو ..
مو اي حدا منقدر نعيش معو الحب
مو اي حدا منقدر نخليه سر الضحكة و دوا الدمعة
هل حدا هو شخص واحد .. ولله مو كل يوم منلاقي حدا نحبو ..
┬──┬┬──┬┬──┬┬──┬
ثائر : ايه طارق خبرت قيس بالموضوع
طارق : لا بعدني ماخبرته
ثائر : وشو ناطر
طارق : انت ليش بصلتك محروقه هلأ بيوصل قيس وبفهمه كل شي ولا بدك خبرو هيك خبر عالموبايل يلي احتمال يكون مراقب !!
حك ثائر راسه : امممم صح معك حق فاتتني هي
طارق : اتصل لعماد وينال خليهم يجوا لحتى اشرح الخطه للكل
ثائر : تمام
┬──┬┬──┬┬──┬
واقفه بالصاله وماسكه ب ايدها صورة طارق وعم تتأمل فيها وتتحسسها ب اصابعها
وسيم : احممم
التفت زينب وبس شافت وسيم قبالها انتفضت ووقعت الصوره من ايدها وانكسر البرواز
وسيم : انتبهي زينب
زينب : انا انا اسفه
بيطلع وسيم عالبرواز المكسور وبيشوف صورة طارق وبيجي بزاكرته كيف كانت زينب واقفه عم تتأمل الصوره وبعيونها نطرة حب وعشق
وسيم : بتحبيه
زينب :……… .
بتطلع قمر على الصوت لتشوف وسيم عم يلم القزاز يلي نكسر وزينب واقفه مصدومه وحاطه ايديها على تمها
قمر: شو صار… اخي شو رجعك عالبيت
اطلع وسيم بزينب بحزن وقال : يمكن قدري ساقني لارجع عالبيت
زينب : بالازن منكم
قمر : لوين ولي لك زينب زينب
وسيم : اتركيها اختي
قمر : ليش شو صار
بيرفع وسيم صورة طارق بوجه قمر وايدو عم ترجف .. زينب بتحبو لطارق
قمر : اي اخي بتحبو
بيلكم الحيط بكف ايدو بقوه لك كييييييييف هيك مابتعرفي انه اخوكي ينال بدو يخطبها وانا… ..
قمر : انت شو ؟؟
وسيم : انا كنت بدي ساعد ينال
قربت قمر من وسيم وسحبته من ايدو وقعدو عالكنبه وهي عم تفركله ايدو
قمر : اخي الحب بس يدق قلوبنا مابيستئزن .. زينب كانت تحبو لطارق من قبل مايفكر فيها ينال
وسيم : مافكرتي بينال لك جنيتي انتي قمر
قمر : بالعكس اخي عم فكر فيه والله وعم فكر بزينب وشو رح يسير لو تزوجو انت احسبها معي ياترى بتزبط تتزوج وحده قلبها مع اخوك
وسيم : اكيد لا
قمر : عدا عن هيك اخي في فرق كبير بالعمر بيناتهم
وسيم : العمر مادخلو ازا كان في حب
قمر : صح كلامك بس ازا ماكان في حب رح تدمر حياتهم .. ينال اكبر من زينب بشي 11 سنه يعني هو رجل ناضج وبيتحاج زوجه اكتر نضج من زينب
وسيم : بس ماكان هاد رأيك وقت اقترح ينال خطوبتو من زينب
قمر : لاني كنت حابه زينب تكون لواحد منكم اخي وهي قلبها مع طارق
وسيم : وطارق بيحبها
قمر : طارق مامعه خبر بشي ابدا
بيفرك وسيم جبينه وبيبلش يهز ب اجرو بتوتر : لك فهميني شلون بدك تقنعي ينال يغير رأيه بخطوبته من زينب وبنفس الوقت تقنعي طارق يلي مابيحبا اصلا انه يتزوجها
قمر : انا مارح اعمل شي اخي خليها للاقدار
وسيم : وازا ماحصلت عهاد ولا هاد
قمر : بيكون مالها نصيب اخي
وسيم : وليش مايكون نصيبها معي
قمر : انت بتحب زينب !!!!!
بيغمض وسيم عيونو بأسى ومابيرد بحرف
┬──┬┬──┬┬──┬┬──┬
طارق : فهمتوا الخطه شباب في حدا عندو اي سؤال
عماد : ايه انا بدي اسألك
طارق : تفضل
عماد : هلأ وقت مثل اني عم اطعن قيس مو لازم ينزل منه دم !!
ثائر : لك تضرب بهالمخ شو سميك
عماد : الله يسامحك معلم
ينال : طبيعي قيس رح يكون مجهز بكيس فيه ماده بلون الدم بينفجر وقت تغرس السكين ببطنه
ثائر : ياخوفي يغرسها بجد
عماد : لا ولو
طارق : عماد اي غلطه رح يضيع كل شغلنا بالهوا
عماد : خلص معلم اعتمد ع الله ثم عليي
طارق : ونعم بالله وهلأ فيكم تنصرفوا وبس اعطيك الاشاره بتكون عندي عماد
عماد : تمام
طلعو ينال وثائر وعماد من عند طارق