🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺

البارت 11*الضابط يلتقي بزوجته*

خرج وصل المكتب ومحمد يتكلم مع الطبيب الشرعي : ايوه ايش صار
محمود: في شي غريب يا فندم
محمد : ايش كمان لايكون ضحك علينا ذي المره بقتله
محمود ضحك: لا مش كذا ي فندم بس الجثه ناقصه كليه وكبد وفي اثر خيوط تبع عمليات بس ركيكه وخياطه الجروحه كانت بطريقه عشوائيه
محمد رفع حواجبه : تجار اعضاء بشريه
محمود : بالضبط يا فندم
وقف ونزل عنده وساره معه تكتب اقوال المتهم
محمد جلس: سلمت اختك لتجار اعضاء بشريه؟
عادل ووجهه مضروب : مش كذا ي فندم
محمد رد ظهره للكرسي: اسمع كذبك؟
عادل: بعترف بكل شي قبل اسبوع من موت زهور جاء لي شخص وقال انه محتاج كلى لولده المريض وبيدفع اثنين مليون وانا كنت محتاج للفلوس قوي فجلست افكر وما حصلت غير زهور اتصلت لها قلت لها اني مريض قوووي واحتاج متبرع بكليه والمسكينه صدقت وقالت بتتبرع لي
قلت بتصل لك وانتي اخرجي وخذي ملابسك معك
وفعلا فعلت بس لما اخذتها هناك تفجاءت انه بيفعلو العمليه في عياده والله يافندم ماكنت عارف ايش بيحصل
اخذو كلتيها فعلا وبعدين قالو نزفت وماتت ودفنوها هم ودفعو لي خمسه مليون بشرط اني اسكت او بقتلوني
محمد بعصبيه: وانت بعت اختك ب خمسه مليون؟
عادل: هم هددوني كمان ما اتكلم
محمد مسكه برقبه: انت ماعندك اي ضمير؟ مافي داخلك اي احساس؟ المسكينه فكرتك تاعب وضحت بحياتها ودخلتها عياده وانت عارف انها مش للعمليات وغير كذا كنت تشتينا نسجل القضيه انها جريمه شرف؟
عادل : والله اني نادم
شاف لساره : كملتي تكتبي هاتي الملف بكمل التقرير
وحوليه لنيابه وكلمي الامن يبحث عن تجار الاعضاء هذول
وخلي ذا وامثاله يتعاقب
ورجع شاف له ب اسف: ياخساره ب اي وجهه با اكلم ابوك!
خرج ودخل مكتبه وهو يفكر كيف بيوصل الخبر لشايب المسن اللي متامل عود بنته الباره
قطعت سرحانه ساره دخلت وتركت الملف:هذا الملف يا فندم
ابتسم لها : تقدري تخرجي
خرجت وبدا يقراء ويعدل عليه دخل حسام ارتفع شاف له وكان شكله حسام متوتر
وجلس : يا فندم
محمد : ايوه
ورجع يكتب وهو حاس ان داخل حسام كلام
حسام: تعرف ذاك اليوم لما سالتك عن زمره دم داليا **
سكت
محمد ترك القلم من يده ورد ظهره ع الكرسي: حسام تكلم ايش في ؟
حسام بتوتر: بصراحه انا يعني .. بصراحه يا فندم ذاك اليوم لما قلت لي ان دم بنتك هو Ab ظهر سر له سنين هو انه داليا عندما توفت الدكتور قال لي انه المريضه نزفت دم كثير وزمره دمها نادره وهي B-
محمد وقف بسرعه: ايش تقول انت
وصل لجنبه وحسام وقف وبتردد: انا ما سكت بحثت عن الموضوع وتبين ان اللي ماتت مش داليا! !!
محمد بدهشه وصدمه مختلطه : كيف، ؟
ايش تقول؟
حسام: بحثت عن داليا وتبين انه دخلت مصحه نفسيه خمس سنين تقريبا وخرجت منها من فتره طويله وهي الان مدرسه واسمها هند عبد الله
محمد مندهش وحسام يكمل : بس هيه فاقده الذكره
محمد يتذكر كلام بنته * تشبهه الاستاذه هند قوي وحتى خالتي زينه تقول كذا *
فتح عيونه: استاذه بنتي
وبيخرج حسام وقفه : على فين
محمد : المدرسه حق بنتي
حسام: مححححمد اي مدرسه تفتح الان احنا الساعه 9 بعد العشاء
محمد بدا يستوعب: ايوه صح
حسام: بس ي فندم في شي كمان
محمد: تكلممممم
حسام: داليا فاقده الذاكره تماما ومابتعرفك ولازم ما تظهر امامها بصفتك الضابط لان الشخص الذي تسبب لها بهذه الحاله قتل طفل امامها واقنعها انه انت
مستحيل بتصدق انه انت
محمد جلس بتعب: حسام احكي لي كل شي بهدوء فهمني كل حاجه احس عقلي تشوش بجنن
.........
خلود كانت تسجر بمكتبها * محمد، انا بين اعد الثواني عد يا بطلي، متى نلتقي سوا،
شافت لصوره اللي امامها * شعلت الانتقام اللي كانت داخلي اطفائها حبك، ماكنت اتخيل ابدا ابدا اني بحب قاتل اخي *
رفعت الدخان للهواء وتنفحه*لازم ماتشوف ذي الصوره يا محمد ولازم ابقى خلود ذي في نظرك لازم ما تعرف انا اخت من *
........
بعد نص ساعه كان يحاول يستوعب
: انا لازم اشوف استاذه بنتي لازم اتاكد
حسام : كيف لوما شكيت بها
محمد: هي شافت صوره امها وبتقل لي انه بتشبهه استاذتهم هند وان خالتها بتحب الاستاذه ذي .. مش معقوله بتكون صدفه اكيد انها زوجتي
حسام: ما تقدر تقابلها يا محمد وما تقدر تقنعها انك ما قتلت طفلتها .. في حل واحد ان داليا تصدقك به وهو انه نوصل لشخص اللي كان يوريها صورتك وهي ع تواصل معه ويكلمها بنفسه ماعندنا غير ذاالحل
محمد وقف:مستحيل بخليها بعيده عني بعد ما حصلتها
حسام: وايش بتفعل يا فندم
محمد: لازم تكون امام عيني
التفتت له بتمعن: ليش صمت عن هذا كل ذا الوقت
حسام: ماكنت اشتي اعطيك امل في شي ويطلع وهم
جلس على الكرسي: والله اني حاسس انها مازالت تتنفس وماماتت
ورجع شاف له : اشتي اغير شكلي اقابله بصورتي شخص ثاني
حسام بيمزحه : احلق شنبك
محمد: وايش بيكون الفرق بيني وبينها
حسام يضحك
محمد يمازحه : انت لو

تحلق شنبك يا حسام بطردك
ورجع يشوف لحسام: طيب بحلق شنبي ولحيتي الخفيفه وكمان اشتي تدي لي جاكت طويل وشعر مستعار طويل وكوفيه بغير شكلي تمام
حسام: ههههههه المهم متاكد انها استاده داليا
محمد : قلبي بيقل لي هكذا حاسس انها هي يا حسام
ورجع شاف له: انا بوصل للي عملو هكذا ولا تقلقش مابدخل موده وهي تاعبه وب اشهر الحمل الاولى ولا بضغط عليها عارف انك قلقت ع ولدك بس نسيت اني اب يا حسام وعارف هذا الشعور
ابتسم بصمت
ورجع نادى لساره ودخلت شاف لها: اشتيك تتصلي بمكتب وزاره التربيه تعطيهم اسم مدرسه وخليهم يدو لك رقم المدير اتصلي له واعرفي لي كل شي عن الاستاذه هند عبد الله
ساره بتعجب: تمام
وشاف لحسام :اشتيك تعرف لي المشفى اللي كانت به هند وتاخذ عنوان اهلها وتديه لي
حسام : حاضر
محمد جلس وهو يفكر* هل هذا حقيقه؟ هل زوجتي ماماتت؟ *
..........
خرج من عند محمد وارسل لها رساله * بروح عند هيفاء اليوم ولو تعبتي او حصل شي اتصلي لي بسرعه *
شافت الرساله وتركت التلفون * ايش فيني احس بغيره داخلي؟ ليش ما اشتيك يجلس مع هيفاء؟ يعني وهي الواحده ما تقدر تهداء من الغيره حتى مع زوجها مافيش بالحياه هذه امان او كيف*

روح هو دخل وهيفاء سمعت صوت الباب وخرجت غلق وهو يشوف لها وهي تشرف له وفجاءه اقتربت وضمته وبكت: اسبوع يا حسام ولا تسال علي ولا كاني كنت زوجتك، اخذتك ذي موده مني
رفع وجهها: هيفاء محد اخذني منك وماعاد اشتيك تحتكي بموده ولا تجي البيت تهدديها
هيفاء رفعت حواجبها: مسرع لحقه تقل لك
حسام: مش هي والله
فكت ايدها وهو دخل الغرفه ودخلت بعده: الان انت من تحب بيننا؟ انا او هيه
حسام : ولا واحده خليني في حالي، اشتي راسي ذا يهداء جننتيني
هيفاء: ايوه بتحبها الان اكثر مني عشانها ام الولد
حسام : هيفاء بس طفشتيني بقوم اخرج
جلست : خلاص خلاص
........
اليوم الثاني
كان ما نام من الامس ولا عرف كيف ينام وهو يفكر با اول لقاء له مع زوجته ومش عارف ومتاكد من انها هي او اوهام
الصباح خلود وصلت بنته المدرسه
بعد نص ساعه من بدايه الدوم خرج بسياره مع واحد من رجاله
شاف وضحك: ماهو هذا ي فندم
محمد ضحك: كيف صار شكلي
الشرطي: لولا البس هذا كنت اقل انك صف تاسع
محمد: هههههههههه
وصل هناك بيدخل
الحارس شاف اللي معه بزي الامن واستغرب: خير في حاجه
محمد شاف له : لا ولاشي بزور بنتي هي هنا
الحارس وهو يشوف لشرطي: تفضل اكيد
دخل والشرطي جلس خارج
وساره ارسلت له * هند عبد الله استاذه شؤون اجتماعيه؛ معها بيت منفرد بعد ما توضفت، كانت عايشه في شقه بس خرجت منها بطلب من صاحب البيت، ماقدرت تحصل شقه عشان يرفضو يا اجرو الا لعوائل، لهذا استجرت بيت خاص *
شاف الرساله ورجع بيدور عليها بعيونه بس ما استغرق وقت طويل وكان بيسال عنها لولا انه حصلها امامه في ساحه المدرسه الكبيره فوق واحد من الكراسي وجالسه تقراء كتاب وقف بدهشه وبيحاور نفسه * انا الان اقف بين الحلم والحقيقه!
انا على بعد امتار قليله من حلم كان مستحيل حدوثه .. هي تقف امامي الان على بعد خطوات قصيره؛ تقراء كتاب ام تقراء دفتر لا اعلم حقنا ماذا تفعل؟
شعور غريب يجتاحني في هذه اللحظه تماما كاول مره رايت بها ابنتي، اشعر كإن قطعه اخر من جسدي تقف امامي، انها تبتسم لا اعلم ماذا تقراء، هناك ثمار تفاح على خديها الحمراوتين، والريح تجعلها تغمض عينيها حتى المنتصف؛ مازالت تلك الحفره في خديها عند ابتسامتها تبلعها تلك الخدين وكانها تحاول التهامها كقطعه حلوى، الشعور يجتاحني من كل الجوانب؛ لا اعلم ماذا اقول وكيف القي السلام عليها، السلام لا يكفي اود الكثير وما انا عاجز عنه اكثر،
النظر اليهها من كل الزوايا والسلام عليها او حتى تقبيل خديها لا يكفي؛ اشعر بشي يلتهمني من الداخل؛ اود ان القي بنفسي عليها وان انهار بالبكاء؛للحظات اخشى ان تختفي وان افزع فيكون حلما، اسال نفسي منذو الامس هل هذا خيال؛ اين انا الان من الحقيقه! ؛انها تحرك صفحات الكتاب وقلبي يتمزق شوقا اليها، ارجوك اعطيني مجال لحديث طويلا معك؛ يا ايتها النفس تماسكي كوني اكثر ثباتا.
🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺
البارت 12*قتل ام انتحار*

اقترب منها اخد الكرسي وجلست وانتبهت له : عفوا؟
محمد : انتي استاذه في هذه المدرسه؟
هند : ايوه تفضل
محمد : لا بس كنت بين ادور واحده هنا
هند: وحصلتها
محمد : ايوه
ورد ظهره على الكرسي تقدري تساعديني
هند : خير؟ في ايش
محمد: سمعت انك تعيشي ببيت منفرد لوحدك؟
التفتت لها : ماريك في حارس؟
هند بدهشه: حارس؟
محمد : ايوه ما تخافي وانتي لوحدك اخر الليل؟ انا بشتغل عندك حارس الليل كله ولا تقلقي بجلس بالحوش مابدخل وبنص راتب
هند شافت امامها: لا مشتيش
قاطعتهم طالبه كان معها ورقه : استاذه هند
اشتي توقعي لي خروج
داليا: ليش
الطالبه : امي مريضه اليوم راحت المشفى عندها ضيق بالتنفس وتسعل كثير وتاعبه قوي وطول الليل ما نامت
هند ابتسمت: اهاا الله يشفيها باقي شوي وكمل الدوام وروحتي وبكره غيبي وبجي ازوركم لبيت واشوف امك
البنت بنرفره غير واضحه: خلاص بكره قد هيه بخير
مشت وهو التفتت لداليا: ليش ماعطيتيها اذن؟
هند: باختصار لانها تكذب
محمد برفعه حاجب: وكيف عرفتي بثواني
هند: بحسب خبرتي بعلم النفس وبطالباتي هي تكذب لانه جاءبت تفاصيل ما سالتها بهم مثل انها مانامت وانها تسعل قوي كانت تكتفي تقل انها مريضه
ابتسم : تنفعي ضابط مباحث
هند : اكره الضباط جدا
محمد : ليش
هند: لان واحد منهم اسمه محمد قتل بنتي وعمرها يومين
التفتت لها : قتل بنتك ؟ طيب لا تعممي ؛حتى انا اكرهه البنات الجميلات لان واحده اخذت قلبي وشوفيني اتكلم معك عادي
رفعت حواجبه ووقفت: عن اذنك بمشي
ابتسم وطلع ورقه بها رقمه: هذا رقمي لو احتجتي حارس انا موجود؛ و با اي راتب انا قابل فيه المهم القي شغله اصرف بها على بيتي

ابتسم لها ومشي وهي تشوف بعده بتعجب وهو يكلم نفسه: وقفيني! ! قولي محمد! ! قولي لي لا تتزوج خلود بحرق نفسي؛ قولي احبك والقي نفسي بالجحيم من اجلك ..
وصل عند الباب والتفتت لها وهي ماشيه ورجع شاف امامه * لابد من يوم تعرفيني فيه *

.....
وصل المكتب دخل بتعب جلس ع الكرسي. دخل حسام: طلعت هيه
محمد: ايوه يا حسام هيه
حسام : والان كيف
محمد: هات الدكتوره النفسيه اللي تبعنا وخليها تجلس مع داليا وتفهم حالتها وتكتب لي تقرير عن حاله داليا وهل بتقدر تسترجع ذاكرتها
حسام : حاضر
وشاف له: اتصل بالعم ابو زهور نكلمه عن بنته
حسام: تمام
وهم يتكلم دخلت ساره : يا فندم في قضيه تحولت لنا بخصوص شاب انتحر بس اخته مش مقتنعه بهذا
محمد رد ظهره للكرسي: هاتي لي ملف القضيه وكمان اتصلي ب اخته تجي
ساره تركت الملف وخرجت وهو مسكه وبيقراء
..........
موده جالسه بالبيت وتكلم نفسها* امس ماجاش ويمكن اليوم ما يجيش؟ خايفه يرجع مثل اول ويكون يجيني يوم بالاسبوع؟
اوووف شكله بيحب هيفاء وانا ولاشي بحياته ولا حاجه انا مجرد انسانه تخلف له طفل وخلاص؟ *
.......
كان جالس بالمكتب عندما دخلت
محمد : تفضلي
جلست وشافت له :بتقدر تمسك قتله اخي او بتسجلها انتحار مثل البقيه
حسام : لا تقلقي انتي امام اكبر ضابط جنايات بالمنطقه
محمد ضحك وشاف لها: اشرحي لي ما حصل بفهمك منك
بالملف مكتوب ان المتهم انتحر في واحد من جبال صنعاء ب ببسي رمان مسمم
شافت له: انا اسمي هدى امي وابي عايشين خارج المدينه وانا معي اخي بندرس وجالسه عنده وهو متزوج ومعه طفله عمرها سنتين
بقول لك النواقض يا فندم؛ اولا اخي بيكره المرتفعات قوي مستحيل ما بيفكر بينتحر الا في جبل ممممستحيل عنده فوبيا منها وثانيا اخي يكرهه
الببسي الاحمر مستحيل يشربهه هو مايشرب الا اسوود، انا متاكدده انه ما انتحر اخي ايمانه قوي ومافيش معه مشاكل ويحب بنته يا فندم مستحيل بيفكر يتركها!
ليش بيعمل كذا اقنعوني يا ناس
محمد: طيب اهدائي شوي
بشرح لك؛ الببسي عليه بصمات اخوك فقط والمكان الذي كان فيه كان لوحده محد شاف حد معه والذي شافوه شهدو انه كان لوحد، يعني مافي ولا دليل انه في حد قتله كل الادله تشير الا انه انتحر
بس بعد كلامك بحاول اجد اجوبه لاسئلتك
هدى: يا فندم والله ما انتحر انا اعرف اخي
اخي مات مقتول مقتوول
محمد: هااتي الان اسماء اصحابه وكل شخص شفتيه معه وكمان نشتي تلفونه
هدى: حاضر بس تلفونه حصلته مكسور
محمد: هاتيه ولو مكسور
خرجت هو شاف لحسام : لما تدي تلفون اخوها مكن الفريق حقنا يطلعو كل شي منه ..
وخلي الطب الشرعي يشوف الجثه من جديد ويكتب تقرير كامل
حسام: تمام
محمد وقف وصل لعنده : اشتي ترسل ثلاثه رجال لبيت الاستاذه اليوم المساء اشتيهم يجننوها ويخوفوها تمام
حسام : حاضر
.............
خلود كانت جالسه مع صاحبتها : خايفه على محمد اشتي نتزوج بسرعه اخاف يقابل هند بالصدفه او شي انا ناويه اخلي داليا تكمل ذي السنه بذي المدرسه وبعد ما نتزوج وننقل بيتنا اغير مدرسه داليا
شافت لها بتمعن: خلود انتبهي محمد يشوفها تعرفيه محقق بينبش ورا كل حاجه ويطلع كل شي مخبى
و

قفت وبتوتر: بس عادك بتوتريني، انا ماصدقت خطبني عاد بيطير من يدي وكمان داليا داليا احسها بنتي وخايفه من خالتها هذه وموده يبعدوها عني او هند تفعل شي، محمد وداليا هم عائلتي ماقدرش اغامر بهم
.....: مش تقربتي من زينه لما عرفتي ان اختها تزوجت قاتل ابوك وبداتي تحكي لها بطولاتك في صيد الرجال وانتي تعرفي انها تكرهه اختها ودخلتي ب المهمه عشان تخلي الضابط يثق بك وتغدريه؟ مش كنتي مخططه تقتليه يا خلود
شافت لها: وهذا قتلني هو
....: ايش رده فعله لو يعرف من اخوك
خلود بعصبيه: يوووووه وانتي ما تطمني الواحد ابدا ؟ وبعدين كيف بيعرف اخي؟ ولا بيعرف هند ولا بيتركني! حرام ان الواحد يحب بالدنيا هذه
هذا بطلي تعرفي ايش يعني بطلي؟ ماشوف رجال غيره! تعرفي ايش يعني اني بعدت كل محباته عنه؟ بعدت عنه داليا وهي تحتوي شق من قلبه! عشان اخذه لي!
.... ....
وهو جالس بيراجع ملف اخو هدى
دخل حسام :ابو زهور هنا
محمد وقف: خليه يدخل
دخل ومحمد ساعده يجلس ع الكرسي
ابو زهور كان مبتسم ويشوف لمحمد: حصلت بنتي؟
محمد واقف امامه : كم معك عيال يا عم غير زهور؟وكيف علاقتك معهم
ابو زهور: معي ولدين وبنت وبصراحه هم في عالمهم وانا في عالمي ما نلتقي الا بالاعياد لولا ربي ادي لي زهور عوضتني عنهم
محمد : واضح انك ماتعرف عنهم شي والا كنت عرفت انه احتجزنا ابنك
ابو زهور بتعجب: ابني! ومن هو؟
محمد : عندي لك خبرين يا عم واحد حلو وواحد سيئ
الخبر الحلو انه بنتك زهور ماهربت مثل ما اتهموها وانه اخذ الملابس كانت مجرد تمويه
ابوها ابتسم : وين هيه
قاطعه محمد: والخبر الثاني انه بنتك زهور ماتت
ترك العكاز من يده وانضرب العكاز للارض: اييييش
محمد يكمل : بنتك وقعت ضحيه ل اخ ما يرحم وعصابه بيع الاعضاء البشريه
ابنك عادل باع بنتك بكم مليون وبدون اي تانيب ضمير
ابو زهور غمض عيونه ودموعه نزلت: يا الله اشكو حزني اليك!
محمد وقف جنبه : كلنا ميتين يا عم خلي ايمانك قوي وبنتك مازالت بذره وبتزهر بمكان افضل من الدنيا
........
موده جالسه على نار * اتصل اساله لو بيجي؟ او انتظر؟ لا لا بنتظر بشوف عقله فين بيوصله؟ استغلالي مثل محمد، محمد لما كان يحب داليا حد الجنان الا انه ماكان يظهر عليه فيهم ثبات! *
........
كان مرهق بيروح دخل حسام : يا فندم احنا عرفنا بيت هند هذه
محمد : طيب هات لي العنوان بمرهم الان وانا مروح
حسام : طيب وانا بروح الان
محمد اخذ عنوان بيت هند وخرج وحسام روح البيت
فتح بالمفتاح وهي بالصاله : سلام
موده وقفت : وعليكم السلام
وصلت جنبه وابتسمت : توقعتك بتكون عند هيفاء
بيتكلم وهو بيمشي:بكرخ بكون عند هيغاء
دخل الغرفه ودخلت بعده :حسام انا طفشت ليش اطر اقضي يوم لوحدي ؟
التفتت لها وبتعجب : من بيتكلم؟ شوفو الاستاذه موده اللي كانت تفعل لي منوم عشان ماتجلس معي يوم واحد
موده سكتت
اقترب منها : او قد بتحبيني؟
شافت له : من بتحب اكثر انا او هيفاء
حسام لف وجهه: اووووهو احنا وهذا السؤال طفشت منكن ولا احب واحده ارتاحين
جلس ع السرير وهي تشوف له :طز فيك انت وهيفاء يخلي لي الله ولدي
غطي وجهه وهي تتكلم : خلاص لا عاد تجي عندنا يالله اخرج عندها
حسام بعد يده وبنرفزه : موده؟ ذا بيتي اجي متى ما اشتي واروح متى ما اشتي لا انتي ولا هيفاء تتحكمين بي تمام!
سكتت
.............
دق هو الباب وفتح الابن وتفجاء: من
محمد : معك ضابط المباحث
فتح بتعجب ودخل هو: انا جاي اقلكم كم كلام واسالكم كم سؤال بخصوص بنتكم هند!
الولد بتعجب : تتفضل
محمد جلس :اشتي اسالك ايش حصل مع اختك وابنها فين؟
الولد: ابنها ماتت
محمد: وكيف عرفت
الولد: الممرضه جابت لنا ولد ثاني يوم كان ميت وقالت انه ولد اختنا
محمد : وانتو متاكدين انه ولد اختكم
الولد : يا فندم كان عمره ثلاثه ايام كل الاطفال مثل بعض
محمد في نفسه*حسبوها صح! * : طيب من اللي دخل اختك المصحه النفسيه
اخو هند : شخص تكفل بها
محمد: تععرفه
اخو هند: لا كل التواصل بيينا كان اتصال
محمد : طيب هو رجل او امراءه
اخو هند : لا الصوت كان صوت رجل
محمد بدهشه: رجل؟
اخو هند : ايوه بس مانعرفش من هو
محمد وقف: طيب ايش رايك لو اقول لك ان اختك ماتت قبل 10 سنين وانه ذيك مش اختك
الولد وقف بدهشه: يعني احساسنا صح انه مش بنتنا
محمد: ايوه، اختك ماتت وطفلها بجريمه قتل واحنا نحقق بالموضوع وبطلع لكم قاتل بنتكم
الولد جلس: من بيقتل اختي؟ اختي كانت مسالمه مافيش معها اعداء ولا حتى بتتصايح مع حد
محمد بيشوف امامه: القاتل ماكان هدفه اختك انما وصل من خلال قتلها لهدف ثاني بس ولا تقلق قاتل اختك بيعدم.
محمد خرج وهو يفكر * صوت رجل؟ من بيكون؟ من هو الذي تعمد يبعد داليا عني؟ *

🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺

البارت13*الضابط حارس لـ زوجته*

وصل بيته دخل وبنته كالعاده منتظرته اخذها في حظنه: داليا بنتي بعد اليوم مابكونش اجي للبيت بيكون معي شغل ووانام بالعمل
داليا: ليش ي بابا
محمد:تعرفي ابوك واصل بيشتغل وشغله صعب صح؟ ذي المره معي قضيه صعبه وضروري احلها
نزلت راسها: طيب
ضمها هو: بكون اجي وقت الغداء واتغدي معك تمام
.......
بعد منتصف الليل سمعت صوت بالباب نقزت
وماعرفت ايش تفعل فتحت الشباك تشوف ثلاثه في حوش بيتها
خافت قووي: ايش بيفعلو هذول بحوش بيتي
كانت تتجاهل طرق الباب ومش عارفه ايش تعمل
وتذكرت رقم الشخص الغريب
اخذته بسرعه ودقت عليه كان هو نايم
شاف الرقم وجاوب: ايووه
رده هيه: ادي لك عنوان البيت وتجي؟ بوضفك حارس من اليوم
ابتسم هو ووقف يلبس: هاتي هاتيه
غير شكله وملابسه لبس ملابس رثه وقديمه وجاكت اسود طويل ولبس شعر طويل وفوقه قبعه

وصل هناك فتحت له ودخل
وقال لها : بجلس هنا هاتي لي فرش وبطانيه
هند : تمام
دخلت وغلقت الباب وهو بالحوش شوي وخرجت له فراش
ورجعت شافت له وخرجت خنجر: امسك هذا عشان لو حصل شي تدافع عن نفسك
هو ابتسم وهو مغطي المسدس بالجاكيت حقه: تمام
هند بجديه: تعرف تقتل او ماشي
محمد سرح وهو يتذكر الشخص اللي هجم عليه وهو خارج من الجامع وكيف ذبحه بالخنجر
ورجع شاف لها: هاااه لا ابدا عمري ماقتل ولا استخدمت سلاح بحياتي انا شخص مسالم ما ادخل حتى بجدل ولا اعرف كيف اضارب
بس اقصد لما حد بيسمع ان معك حارس اكيد بيخاف شوي
ضضحكت: طيب
محمد شاف لها: حتى ما اعرف اذبح دجاجه
ضحكت وهو يشوف لها
شوي وخرجت واحده: هند جاء الجارس حقك
شافها واستغرب ووقف
هند : تعرفها؟
محمد بتعجب : لا؟
هند: غريبه. ذي صاحبتي كوثر وهي ممثله معروفه احنا تشاركنا ب اجار البيت واغلب الاحيان تجي تنام معي لو معها عمل بعيد عن بيتهم وقريب من هنا
محمد : اهاا
ورجع شاف امامه: مابين اشوفش مسلسلات اصلا
هند بتعجب: وفي حد ما يشوف مسلسلات
كوثر تشوف له ببتمعن: انا احس اني قد شفتك بس اعتقد كان معك شنب وشعر قصير؟
محمد برفعه حاجب: اكيد لا مشنا ممثل مثلك
هند:ع العموم انا داخله انام انتبهه للبيت
دخلت وكوثر تشوف له: تشرفت بمعرفتك ودخلت بعدها وغلقت وهو يفكر * صديقتها ذي ما تطمن*
دخلت بعدها : هند ذا الحارس من فين جبتيه
داليا بتعجب: ليش
كوثو: جسمه يبين قوي وشكله شديد وثابت
ما تلاحظي انه ماطولش يضحك معنا ولا لقيها فرصه ولا حتى يعرفني غير كذا نظراته جانبيه
احسه كذا شرطي او ضابط او عسكري او تاجر مخدرات او زعيم عصابه؟
داليا :ههههههه ولاشي من هذا يا كوثر
هذا واحد شفته بالمدرسه بيدور وضيفه وشكل حالته حاله
كوثر ضحكت
هند: بروح غرفتي انام تصبحي ع خير
كوثر : وانتي من اهله
جلست بالصاله وهي تكلم نفسها : شخصيته ملفته من اول لقاء؟
اقتربت من الشباك تشوف له وهو ملصي نار وجالس امامها ويحرك الحطب بعصا بيده
وهي تكلم نفسها : معقوله ذا جسد شخص عادي؟
ذا واضح محترف ملاكمه او مصارعه؟ احسه لو نلعب شد حبل بيووصلني بيت الجيران
.........
اليوم الثاني خرجت الصباح المدرسه وهوو نايم بالحوش
داليا ب ابتسامه : هههههيه ي انت
نقز وشاف لها
داليا : خلاص كمل دوامك تحب اكلم كوثر تخرج لك صبوح او لا
وقف هو: لا انا طالع
داليا. بتردد : طيب وين بيتك اقصد
قاطعها : لا تقلقي مابغدرك انا انسان ادور لقمه عيشي؛ واليوم بدي لك اختي تجلسي معها وتطمئني اكثر
ابتسمت: شكلك ذكي
خرج وهي تشوف بعده
.......
وصل المكتب وهو متعب جلس: ساره ايش صار بالتلفون حق اخر قضيه
مكنته ورقه: فندم هذي الارقام اللي كان يتصل بها اكثر شي
من ضمنها اخته هدى وكمان
اشرت لرقم: هذا اكثر رقم كان يتصل به مسجل با اسم اسماعيل
شاف لها : طيب ساره اتصلي له وقولي له معنا شي نشتي نوصله لك
وكلمي واحد من الرجال يقبله ويديه لهنا لا تقولي له تعال للامن او شي اخاف لو هو الذي قتله يهرب
ساره: حاضر ي فندم
بتخرج وقفها: ساره كلمي الدكتوره النفسيه تبعنا انه بخرج معها بعد المغرب لعند الشخص الذي كلمناها عنه
ساره: تمام
خرجت وهو يفكر* داليا ما تغيرت مازالت ذيك البنت اللي احبها واحب ابتسامتها ام بنتي الوحيده، ضروري ارجعها لي واعرف من فعل هكذا *

.........
قام الصبح وموده بالصاله : صباح الخير
ماردت
وصل جنبها : ايش مع الاستاذه موده اليوم؟
موده : الاستاذه موده او الاده الحامله لابنك موده؟
رفع حواجبه: ليش هذا الكلام من الصبح
موده: بس روح عند هيفاء بس حبيبه قلبك
حسام يحب ينرفزها: طيب طالما انتي تقلي روح عند هيفااء وهي تقل روح عند موده ماريكن اجمعكن في بيت واحد ولا عاد اروح عند واحده
التفتت له بعصبيه: ايش! ! ناقص تديها بيتي
ضحك : عن اذنك اكيد الضابط منتظرني بروح افطر معها
خرج وهي تشوف بعده : ذا استفزاززي كذا او كيف
.......
كان يتكلم معها: ايش صار
محمد: حرست له

ا امس البيت وادت لي خنجر بتقل تعرف تستخدمه او ماشي
حسام ضحك
محمد يكمل : ذكرت ذيك اللحظه ذاك عيسى السفاح ذاك الذي قتل 12 واحد في حي السلام
لما هاجمني من خلفي بعد صلاه العشاء وذبحته بالخنجر شبيه لحقها
حسام : هههههه حتى وهي بشخصيه ثانيه مازالت بريئه
محمد: انكرت معرفتي ب اي شي بس معها صاحبه بتعيش معها بنفس البيت ماعجبتني ابدا
حسام : الا على طاري عيسى ذاك ماعاد ظهر حد من اهله؟ يعني جثه بقيت ثلاث سنين وبعدين دفناها وللان ولا حد من اقاربه
محمد: لانه ب اختصار كل عائلته مجرمين وخافو نقبضهم اضافه الى ذالك انه كان في شريك معه بجرائم قتله وهو شكله من اهله
حسام : صح ساره اتصلت بصديق القاتل هذا الذي مات قريب اعتقد اسمه فراس
وقالت انه بيوصل الان
محمد : خلينا نبسر ما معه
........
هيفاء كانت جالسه مع صاحبتها : اشتي شي يخليها تسقط الطفل .. مشتيش تموت بس تنزل الجنين
صاحبتها: اعتقد انه في خلطات
هيفاء: هاتيها لي، اشتي طفلها يموت وتنقهر بعده
وهي اصلا علاقتها مع حسام مشي تمام هو كان واصل عندي
فبهذه الطريقه بحاول اقنع حسام انه هي ضرت ب ابنه عشان ما تحبه
صاحبتها: بس ي هيفاء حسام بيشتغل بالمباحث اكيد بيعرف
هزت راسها بالنفي: لا انا بحكم الخطه اهم شي الطفل ذا اللي مغتره به يموت
.......
دخل وجلس وهو متعجب: ماقلتم لي اجي للامن والا كنت جيت
محمد : صاحبك فراس ماتت تعرف صح
رد بهدوء: الله يرحمه ايوه
حسام: كيف ماتت
اسماعيل: قالو انتحر
محمد: وتصدق؟
اسماعيل: بصراحه يا فندم انا جارهم ومعرفتي معه كانت قويه صح بس مش انا اكثر واحد كنت اجلس معه هو اصحابه المقربين ثلاثه
حسام: من هم
اسماعيل : عمر وسامر وبشير
محمد شاف الورقه وارقامهم مسجله ورجع شاف له: انت ممنوع من مغادره المدينه لما نحل القضيه لو تفكر تهرب نقاطنا بتمسكك
اسماعيل وقف: ما بهربش يا فندم لاني ما عملت شي
خرج ومحمد شاف لحسام: هات لي الثلاثه هذول
حسام : حاضر
خرج ومحمد بيشوف جواله بيرن رقم خلود
اخذه : الوه
خلود :محمد انا وداليا اليوم بنروح بيتنا بتغدي معها وارجعها
محمد: طيب
خلود :وحشني صوتك
محمد: هههههههه مسرع قد وحشك صوتي؟
خلود: ما بتحسبش انت ايام الغياب
سكت شوي ورجع رد لها: طيب الان مشغول نتكلم بعدين
خلود: الله معك.
غلقت وهو يسال نفسه: اكيد شافت داليا بس ليش ما قالت لي؟ حتى تقل لي شبهها؟ بس كيف بتقلي وهي بتغار من داليا اصلا وهي عارفه وواثقه انه لو اشوف داليا او حتى شبهه داليا بتركها، هي داريه بالقلب الذي حبته!
ايش النهايه معش يا خلود؟
..........
كانت جالسه بالصاله تبكي
والشغاله ارسلت لحسام * موده بالصاله بتبكي من حين خرجت *
شاف الرساله وتنهد *وبعدين معش ي موده ؟ ايش قصتك! !*

دخل عند محمد : هوذا هم وصلو
محمد : دخلهم
حسام: الثلاثه مره واحده
محمد: الثلاثه ولوما نشتبهه بشي لكل حادث حديث
دخلو الثلاثه
محمد: اكيد تعرفو انكم هنا بسبب موت صاحبكم
عمر: طيب ليش وفراس مات منتحر
حسام قاطعه: اخته قالت انه ما كان يحب المرتفعات
بشير:هو ذا كلنا سرنا اماكن ما نحبها عمر ما يحب الاسواق والزحمه وسامر ما يحبش الحدائق والالعاب عنده فوبيا منهن وانا ماحبش السدود والشواطى وسرت السد الذي هنا؟
حسام : طيب اخته قالت كمان انه يكرهه الببسي الاحمر جدا وما يقدر يشربه
بشير: هاه من قال وانت صدقت هو كان واصل يشرب معنا ببسي احمر
سامر: من بيقتل فراس فراس انتحر كان عنده مشاكل عاطفيه
محمد ساكت ويشوف لهم
حسام: مشاكل عاطفيه مثل ايش
عمر: متزوج واحده ثانيه ومعه ولد ومايشتيش زوجته تعرف ومن هذا
حسام برفعه حاجب: والذي متزوج ثنتين ينتحر! !
محمد شاف له وضحك : ههههههه
بشير: يا فندم فراس مات منتحر اصلا محد كان عنده حين مات والا درينا الا يوم ثاني لوما حصلوه ناس
محمد : تقدرو تتفضلو بس خلو في بالكم انكم تحت رقابتنا وانه بنستدعيكم مره ثانيه
خرجو وهو وقف امام الشباك
حسام: ايش ي فندم القاتل واحد منهم؟
محمد: القاتل مش واحد منهم انما هم الثلاثه قتلوه
حسام رفع حواجبه
محمد: وانا عارف كيف عملو لوما خلوه يعتلي الجبل ذاك بس ناقصني دليل احاصرهم به
التفتت لحسام: فتشو تلفونه افحصوه فحص؛و
حساباته في كل المواقع هكروها
وهاتو لي كل حاجه لابد ان في دليل يدينهم!
حسام: حاضر
خرج وهو يشوف بعده :...
........
🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺
البارت 14*معرفه الضابط بخطبه زوجته !"

رجع البيت دخل وهي بالصاله ولاكانه في شي
جلس جنبها: مالك؟
موده التفتت بكبرياء: مالي؟
حسام: عيونك تبين تاعبه كانك بكيتي
موده ب استهزاء: ليش يهمك؟
رد ظهره: لا مايهمني
موده وقفت: طيب
دخلت غرفتها وغلقن بقوت وهو يشوف
مسح وجهه بيده: ذي كيف واحد يتعامل معها؟
..........
دخل بعد اذان المغرب كانت الدكتوره معه
فتحت داليا وشاف لها: هذي اختي
ابتسمت : اهلا ادخلي
دخلت وهو يشوف لها ورجع جلس فوق الفرش بالحوش
شوي ودخلت كوثر شافته وابتسمت: اوهو حارسنا وصل
مارد عليها
وصلت لعنده وجلست قريب منه: يا ابو الكبرياء!
قاطعها : ايش علاقتك ب الاستاذه هند؟
كوثر: صديقتي المقربه وكمان خطيبه اخي
التفتت لها بسرعه
كوثر: مالك شفت لي هكذا؟
محمد: خطيبه اخوك! !!
كوثر: يووووه لا تكون حطيت عينك عليها؟
محمد: ايش اسم اخوك
كوثر: خير ي bodyGuard ماتشتي منه؟
التفت يشوف امامه: مجرد فضول يا فنانه؟
كوثر وقفت: عصام اسمه
يالله بدخل اشوف هند عن اذنك
دخلت وهو شد يده على العصا وكسرها
ورجع اخذ تلفونه وابتعد شوي: حسام اشتيك تتطلع لي اخو الممثله كوثر هذه الطويله والرشيقه لو تعرفها
حسام: كوثر من فين تعرفها
محمد قاطعه: مش وقت .. طلع لي اخوها عصام هذا من تحت الارض بكره اجي المكتب وهو موجود
حسام: حاضر حاضر اهداء بكره تجي وهو بالمكتب

غلق وهو يحس النار بتحرق به شوي وخرجت الدكتوره مع داليا
شاف لداليا والغيره تشتعل داخله : عن اذنك يا استاذه بوصل اختي وارجع
داليا وهي مبتسمه: طيب ويشرفني اني تعرفت عليه
طلع السياره وطلعت الدكتوره معه:طمنيني يا دكتوره
الدكتوره: يا فندم حاله زوجتك صعبه وتذكر الشخصيات امر شبه مستحيل بنسبه لها ولو تشوف ابوها حتى ما تتذكره مثل حاله داليا تاثر بها الاماكن اكثر من الاشخاص لهذا حاول تاخذها الى اماكنها القديمه يمكن هذا الشي بيساعد في انها ترجع لشخصيتها
محمد كان ساكت
الدكتوره: لا تقلق بتتذكرك بس الموضوع يشتي له وقت! داليا بتعيش شخصيه غير شخصيتها ومقتنعه انها هيه صعب انك تصدمها وتقل لها انتي كذا وكذا لازم هي تتذكر بنفسها وبراحه
محمد وصلها لبيتها: طيب شكرا يا دكتوره شيماء تعبتك معي
الدكتوره ب ابتسامه: ابدا ي فندم تحت امرك با اي وقت
نزلت وهو يشوف بعدها ورجع شغله السياره ودمه يغلي * خطيبها؟ من وين طلعتي كوثر هذه واهلها؟*

وصل هناك البيت معصب واشعل نار بالحوش كالعاده وهو يفكر
كوثر تشوفه من شباك الغرفه : اكيد مش غلطانه الملامح هذه قد شفتها!
معقوله كلام هند؟ مجرد شخص بيدور عمل؟ والهيبه هذه كله كيف؟
.........
اليوم الثاني الصباح خرج بسرعه وصل المكتب وساره هنا
محمد : وين حسام
ساره: هذا اخو الممثله اللي تشتيه قد اخذناه وهو الان بالمكتب تحت
ماكملت كلامها الا وقد نزل بسرعه وصل فتح شافه ما تحمل مسكه من رقبته للجدار وضربه
عصام مش فاهم شي
ساره تحاول تهداء محمد: يا فندم اهدا
مسكه برقبته وعصام بتعب: انا ايش عملت
محمد فك ايديه: عادك ما عملت شي لو علمت شي ان قد قتلتك
الان اشتيك تبطل خطوبتك ب الاستاذه هند
عصام بتعجب : ليش؟
محمد بصياح: بدون ليش
ورجع التفتت له: تعرف وين زوجها
عصام: قالو مات
محمد: ما ماتش ما ماتش بس هي فقدت الذاكره والان احنا بنشتغل ونرجع لها ذاكرتها
واسمع
اقترب منه : مثل ما اديتك اليوم اقدر ارجعك الف مره انت بتبطل خطوبه هند بدون اي نقاش وكمان ما بتقول لها شي عن الذي حصل ولا حد بيعرف حتى اختك
عصام: اكيد مابتزوج واحده متزوجه
محمد : اخرج من امامي وتاكد انك تحت الرقابه
عصام خرج وهو منصدم
محمد جلس ع الكرسي بتعب
ساره اقتربت: يا فندم شفنا فديوهات غريبه بالتلفون تبع المقتول الاخير فراس
محمد بيحاول يهدا والتفت لها :عن ايش وريني
ساره قربت التلفون وبتوريه : في فديو لكل واحد من اصحابه مشين احس كانه كان يبتزهم بها
وكمان في فديو بيغير كل مجريات القضيه
..........
خرجت من غرفتها وتفجاءت به مازال بالصاله
شافت له بتعجب
قام هو ووصل لجنبها : فين تشتي توصلي؟
موده برفعه حاجب: مارحت عند هيفاء
مسكها هو بيده وبعصبيه: مره ثانيه ما تدخليش وتغلقي الباب وانا اكلمش
حاولت تبعد يدها ماقدرت وبتتكلم ب انفعال : ايش انا بالنسبه لك هاااه رد واحده تزوجتها عشان عزيزك؟
وبعدين حملت لك ب ابنك المنتظر وخلاص
حسام فك يدها :موده الحمل ماثر عليش وخليك حساسه قوي
لا تكونيش تفكري هكذا
شافت له ب انفعال والدموع تلمع بعيونها: سالتك الف مره تحبني وانت تتهرب من الاجابه ليش خايف تجرحني؟ عادي هو انا طول عمري احب ناس ما يحبوني طول عمري شريكه عمري ما كنت مالك
مسكت بيده : اعتبرها انانيه يا حسام بس كون ملكي كون لي حتى شهر كامل حتى لوما اولد
تقل انه الحمل خلاني حساسه طيب ساير حساسيتي
لا تحبني طيب بس لا تعتبرني مجرد شي يوصلك لغايتك
فك ي

ده منها : موده انتي تفكيرك كله غلط
خرج وهي تشوف بعده وتبكي : بيقهر بيقهررو ايش الغلط سهل يا حسام انا بوريك

خرج وتفكيره كله عندها ولا قادر يسوق فتح تلفونه شاف رساله من هيفاء امس * ليش ما جيت اليوم خلاص اخذتك؟ *
غلق التلفون : الله ياخذكن الثنتين

محمد استدعي الثلاثه المتهمين
وبيتكلم مع ساره ويشوف لهم : بلا لف ودوران انتو قتلتو صاحبكم
بشير: هه رجعنا لنفس الدوامه
محمد : اقول لكم ايش صار بالضبط
تجمعتم كلكم بحيله ذكيه انه كل واحد منكم يواجهه مخوافه ومثل ما ذكرتو سابقا كل واحد راح ل اكثر مكان بيكره ويصور منه ويرسله لكم الى قروبكم بالواتس
كل واحد فعل هكذا
بقي فراس انتو جبتم له ببسي احمر بحكم انه يكرهه
ولانه عنده خوف من المرتفاعات
تحديتوه يشرب الببسي في اعلى قمه جبليه هنا بالمنطقه
الولد على نيته اخذه وطلع الجبل وشربه وبعد دقائق فقط بدا مفعول السم ومات هناك كانه منتحر
عمر بيحاول يتكلم قاطعه: لو كان انتحر كان المفروض يكون خلط السم هناك لكن ماكان فيش اي اثر لسم حوله يعني السم كان وسط الببسي من المكان الذي حصل عليه
وكمان اللي عطيه كان لابس قفاز لهذا ظهرت بصمات فراس فقط
شافو لبعض وضحكو بمسخره
سامر: مجرد احتمالات بس حلوه
محمد يكمل : احنا حصلنا على تلفون الضحيه
جابته اخته وهو مسكور
مدري من لحق منكم يكسره
اخذناه وعرفنا كيف نخرج معلوماتنا منه ..
فحصنا كل حساباته ايضا بالمواقع هكرناها
سكتو
محمد: شفنا لكل واحد منكم فديو مشين واضح كان يهددكم به
كانو ساكتين
بشير تكلم: للان مافيش ولا اي دليل ضدنا
محمد اخذ تلفون ساره وشغل فديو ورفعه في وجههم : وبعد هذا الدليل بتعترفو بكل شي
انصدمو بالفديو
كان صوره لهم وهو يضحك* شباب شوفوني على الجبل الذي اتفقنا عليه انا الان في قمته وبيدي الببسي
وكان يشربه وهو يصور * وواجهت خوفي او لا
عمر تكلم انا شجاع ي شباب *

سكتو ومحمد يشوف لهم بهدوء
بشير بهدوا: كان ضروري يموت لانه كان يبتزنا كان يهددنا كل شوي
محمد وقف: كان يهددكم لانه كان انسان شريف
كان يعرف انكم بتستغلو البنات بكل الطرق وتهددوهن
لهذا هو استغلكم وهددكم
اي زله منكم ضد واحده ترجع عليكم
كان شريف
عمر: كان غبي! ماكان المفروض يتدخل بهذا الشي
سامر: اي زله مننا كان يمكنا بنشر الفديوهات بنشرهن
بشير: اقتلب محامي بنات
محمد: معكم محل الكترونيات كامل رجعتو تستخدمو بالطريقه هذه؟ وين النزاهه بالعمل ليش ما تعلمتو منه؟
عمر ساكت
محمد : القتل قليل عليكم!
ورجع شاف لساره : كلمي حد يجي ياخذهم واتصلي ل اخته تجي تستلم الجثه.
.............
هيفاء كانت مقهوره من حسام عندما دخلت صاحبتها
هيفاء: جبتي لي الذي طلبته
صاحبتها: ايوه جبته بس للمره الاخيره انصحك ابتعدي؟ مالك منها هوذا هي بعيد
قربي حسام منك احسن
هيفاء: اسكتي
صاحبتها: هذا خطير ما تظهر علامته صح بس ممكن تموت بسببه
هيفاا: المهم طفلها يموت
صاحبتها: مؤكد انه بيموت بس ي هيفاء اتمنى تراجعي نفسك
.........
وصل عند محمد ويبين شارد : قالت ساره غلقت ملف المتهمين الثلاثه
محمد: ايوه
وانتبهه له: مالك شارد موده بخير؟
حسام : بخير بخير بس صاارت تركز على كل كبيره وصغيره ومهتمه بكل شي افعله لكل التفاصيل الصغيره تعبتني معه
محمد ابتسم: استغل هذا الموضوع لصالحك
اكيد مع الحمل اصبحت حساسه وانت استغل ذي الحساسيه
حسام: بس تعبت يا فندم
.......
المساء روح عند داليا وصل فتحت له الباب وتبين زاعله بتدخل وقفها: مال وجهك مقلوب
داليا: مش شغلك
التفتت امامه واخذ العصى اللي بيحرك بها حطب النار بيده: شكل الموضوع عاطفي؟ تركك خطيبك او كيف
داليا وقفت وشافت له: ايش عرفك اني مخطوبه؟
محمد وهو مايشوف لها: كلمتني صاحبتك كوثر؟
داليا بنرفزه: ذا مش شغلك
محمد: مقهوره واضح كنتي تحبيه
داليا بعصبيه: مش حب ي اخبل مش حب انما قهر
انا ايش فيني باطل عشان تركني؟
التفتت لها وبيشوف لها بصمت
ورجع قال: يمكن مميزه
داليا ب استهزاء: وعشان مميزه تركني؟
وين الميزه ياربي؟ كنت متامله اخلف بنت بدل بنتي اللي ماتت احس صدري ضاق وفقدت الامل شكلي ما بكون ام ابدا
رفعت عيونها له ودموعها نزلت
وهو بيشوف لها وبرده فعل سريعه: لا
اقترب منها: لا تبكي
غطت وجهها ب ايديها الثنتين وهو رفع يده بيحاول يمسح دموعها او يهداءها ورجع نزل يده وشدها بقوه لانه مش قادر يقترب منها
وقفت هيه و
دخلت البيت وغلقت وهو مكانه وفي نفسه* داليا
ورجع شاف ليده وهي مشدوده* انا اسف كل ذا بسببي*
شوي ووصلت كوثر فتحت وشافت له : قد بتجي بدري
مارد عليه وصلت جنبه : ايش اسمك؟
محمد : فؤاد
كوثر وهي تحرك حواجبها: اممممم فؤاد فؤاد او محمد؟

🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺

البارت 15
*مبتز الممثله والضابط*

التفتت اليها بعنف: ايش بتقولي
اقتربت : ملامحك هي نفسها ملامح الضابط اللي تعرض لمحاوله اغتيال قبل فتره وشكلك عاشق للاستاذه هند وهذا مبرر لتغير اخي المفجاء رايه بالخطبه فجاءه بعد ما كلمتك امس
وقف ومسكها بفمها بقوه وردها ع جدار البيت: اياك ازيد اسمع كلامك ذا مره ثانيه لا تتوهمي وتجي تطبقي نظرياتك فوقي لو انا ضابط بجي اشتغل حارس وبملابسي هذي وبعدين ليش بخرب زواجه الاستاذه هند
وشد بيده وهي تتالم: ولا تعرف الاستاذه تطردني من عملي بتهمه كاذبه منك
فك يده وهي مسكت وجهها وكانت خايفه
وداليا خرجت : كوثر
شافت لداليا وب ابتسامه: اهلين
شافت لمحمد ودخلت وهو يشوف بعدها: مالها هذه ؟ ضروري احصرها بشي
.........
حسام روح عند هيفاء وكل تفكيره في موده
دخل: سلام
هيفاء ابتسمت: وعليكم السلام
وصل جلس وهو شارد شافت له: مالك
ابتسم لها: ولاشي
هيفاء تحب تعرف اكثر: لايكون في ابنك شي
حسام سكت
ورجع وقف: كانت تاعبه بروح اطمن عليها
خرج وهي جالسه مكانها وتحس نفسها بتحرق* تركني عشانها، عشان الولد هذا حسام خلاص نسيني؟ ططططييييييب *
وصل هناك دخل بيسال الشغاله قالت في غرفتها
فتح وهي امام التسريحه و التفتت له ووقفت
بعد الجاكيت وجلس على السرير
موده ساكته
وشاف لها: تعالي هنا
اشر لجانبه وراحت هي وجلست
وشاف لها: الان قولي لي من الاهبل اللي قال اني اشوفك ام لطفلي لا غير؟
... .....
خلود بعصببه: ولا عاد بيرسل لي حتى رساله؟ ايش قصته؟
.....: هو كذا محمد يزعم ماتعرفي طباعه؟
خلود: طيب بس حرام عليه يسال شاكه وخاااايفه قوي لو شك بشي بقضيتنا
....: مستحيل من فين بيعرف وهو ما بيروح مدرسه داليا وعاد بيعرف بعد دا الوقت وبعدين الشخص الوحيد الذي يعرف هو موده وموده مسستحيل تغامر بي
خلود: الان انا لما اخي كان يشتغل بالمخدرات وقتل 12 شخص على الاقل دفعه واحد وتعاونت معه في كل شي فعله، وبعد ما تعاوننا احنا سوا وبعدنا داليا عن حياه محمد واخذت بنتها لي وحبيتها وحبيت قاتل اخي معقوله بسمح له يروح من يدي؟
....: احنا عقدنا داليا منه وعرفناها صوره خاطئه عنه عشان لما تفكر تشوفه او تشوفه حتى بالغلط تكلمنا ويكون عندنا علم لا تقلقي لو شافته داليا اكيد كنا عرفنا
.......
موده تشوف له بصمت
اخذ يدها وقبلها وقال: انتي تحبيني؟
كانت ساكته
حسام: عتبتيني عشان سكوتي وانتي ساكته؟
سحبت يدها ووقفت : تركتني مقهوره بالصباح والان جاي تراضيني؟
حسام بنرفزه: موده تعبت معك ايش اعمل؟
موده: ولا تعمل شي انا الذي بعمل
فتحت الباب وخرجت
حسام بيحاول بهداء نفسه: سهل يا حسام تحمل تحمممل
..........
الصباح خرج من بيت داليا
وصل الشغل
ودخل حسام : يا فندم في قضيه تحولت لعندك
محمد: كمل
حسام جلس: القضيه على رجل مات اختناق طبعا اخوه رفع دعوه قتل في حق جارهم بحكم انه كان واصل على مشاكل معه
محمد : وايش اقوال جارهم هذا؟
حسام: انكر نكران قاطع وقال انه بري
محمد: هات لي الملف كامل بقراءه
حسام تركه وخرج
بيكلم ساره: الدكتوره النفسيه قابله زوجه الفندم
ساره: ايوه وقالت انه الموضوع يحتاج صبر من محمد ووقت وتحتاج تروح لاماكن كانت تعرفها لان الاماكن بتساعدها على الاستذكار اكثر من الاشخاص
حسام: اهااا
..........
هيفاء راحت عند موده فتحت له موده ورده وجهها: خير
هيفاء : الخير بوجهك يا قلبي مافي الا قلت اتطمن على ابن زوجي
موده جلست: بخير زوجك بيطمن عليه لا تقلقي
هيفاء جلست: مافيش شاي
موده صيحت لشغاله: هاتي لها شاي
هيفاء تشوف لها: وشغاله وكل شي
موده: اختصري؟
هيفاا: اشتي اتعرف عليش ممكن؟ اشتي نكون مثل الاخوات؟ عارف حسام كل همه عندك وعند الطفل وانا متقبله هذا الموضوع يا موده وحتى لو حبك حسام انتي تستاهلي ،ام انا واحده مخادعه
موده تشوف لها بتعجب و الشغاله
ادت الشاي وهيفاء تشوف لموده: ممكن كوب ماء؟
لو سمحتي؟ الشغاله شكلها مشغوله باالمطبخ
موده وقفت هيه دخلت المطبخ وهيفاء خرجت الاعشاب المطحونه وعملت قليل في شاي موده كانت تحاول تسرع وهي متوتره
رجعت وتركت لها الماء : اشربي
هيفاا: مثل ما قلت لك يا موده انا بتنازل لك عن حسام يكون يجي عندك حتى العمر كله
يكفي انه ماطلقني بعد كذبتي وقبل بي واحترمني
لانه يعرف مشاكلي مع زواجات اخوتي وكيف عامليني بعد موت امي
موده تستمع وهي تشرب الشاي
.........
كان محمد روح غير ملابسه ورجع بيت داليا
دخل وجلس بالحوش
سمع صوت نقاش مع كوثر
خرجت كوثر وهي متوتره وداليا تقل لها: كلمي الشرطه طيب يمكن حد يساعدك
محمد يشوف لهن
ورجع شاف لداليا: اقدر اساعدك يا استاده هند
داليا: ساعد كوثر
شاف لها بمعنى تكلمي
كوثر بتوتر: معجب بيزعجني رسائل و بيهددني اطلع معه او بيقتلني
محمد رفع حواجبه بغرابه
وكوثر التفتت له: بتقدر تساعدنا او بس حارس ع الفاضي
جلس بهدوء وهو

يشوف امامه: وايش يشتي
هند قاطعتها: ما بينفعناش ي كوثر ضروري نبلغ الشرطه الحارس مابيقدرش
كوثر تشوف لمحمد: مثل ماقلت لك معجب ..و عارف اني ساكنه هنا مع هند وخايفه يتهجم علي
هو عارف انه ساكنين لوحدنا
محمد قاطعها: كنتو لوحدكم
داليا: يوووه خايفه يهجم ع البيت هو وحد ويحصل شي
محمد بهدوء: ما بيجيش ادخلين نامين
داليا: بتقل رجل عصابه
محمد: علي بابا والاربعين حرامي او كيف اقل لكن ادخلين وليش وضفيتين حارس
كوثر دخلت وداليا تشوف لمحمد وهي مش واثقه ورجعت دخلت بعدها
وهو لصي نار بالحوش وجالس حولها
.......
كان متضايق منها وروح عند هيفاء اتصلت له موده وهي تبكي: حسام تعال انا تاعبه بموت
وقف: ايش
موده تركت التلفون من يدها
وهو خرج وهيفاء بالصاله لبس وطلع وهي ابتسمت
وصل اخذها المشفى بسرعه كان خايف ومتوتر يخسر ابنه الاول
خرجت الممرضه وهو متوتر: طمنيني؟
الممرضه: للاسف خسرنا الطفل والام مازلت في وضع صعب !
حسام بصدمه' ايش
الممرضه: الطفل بيتعوض ادعي للام
حسام جلس على الكرسي بقهر: الذي انتظرته سنين وبعد ما حسيته وصل راح من يدي!
...........
نقزين على صوت ضرب وصياح
داليا فزعت خرجت مع كوثر
داليا: ايش في
كوثر: الحارس! !
فتحت داليا الباب
وفي اثنين مضروبين بالارض وواحد ماسكه محمد من شعره ورافع راسه والسكين في حلقه بيذبحه
وهي شافت له بصياح: لااااااا لااااااا
رفع عيونه لها :....
.............
🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺
البارت 16
*من القاتل*

.

محمد شافها وارتبك وهو التفت يمسكه وضربه بكتفه مكان الرصاصه
محمد كشر وجهه ب الالم وضربه ب انفه وهو مسك انفه
وهن يشوفين
وخرج تلفون واتصل
الشرطي: ايوه ي فندم
محمد ادي له العنوان
كوثر : لمن بتتصل؟
محمد: الامن بيجو الان ياخذوهم
داليا بصدمه: كنت بتقتله
محمد وهو ماسك كتفه: مش قلتي استخدم الخنجر؟
دقائق قليله وجاء الامن اخذهم وهو جلس قريب من النار وضاغط ع كتفه
شاف يده وكلها دم
داليا بتوتر: كيف قدرت لهم الثلاثه
محمد شاف لكوثر: هذا مبتزك لا تقلقي ماعاد بتتعرضي لمضايقات
كوثر دخلت وداليا تشوف له: لو قتلوك كن انتبه لنفسك هذا تهور
ابتسم لها وهي دخلت
رجع يشوف امامه وكوثر خرجت
وصلت كوثر جنبه وبيدها شاش: افتح كتفك بشوف جرحك؟
محمد بتطنيش: ليش دكتوره؟
كوثر: لا ضابطه؟
درست اسعاف اولي
محمد شاف امامه
كوثر: خليني اشكرك!
محمد بعد الجاكت وفك الشميز وهي تشوف له
وفتح اعلى ذرعه
كوثر بدات تعقم الجرح: قبل ايام لما قالو تعرض الضابط محمد لحادثه اغتيال وطلع قال انه بخير والرصاصه جاءت في كتفه
محمد التفت لها بعنف
كوثر: اهداء اهداء جرحك افتك شوي
وشافت له: بعد الشميز كامل بلف لك الشاش
شاف لها وب اسنان مشدوده: كوثر روحي من وجههي
رفعت حواجبها: مش عشاني هو عشانك بلف الشاش يالله
بعد الشميز وهي لفت الشاش
كملت وشافة له: ذا الجسم الحديدي حق واحد عادي؟ هند صاحبتي ساذجه !
لبس الشميز وما يشوف لها
وقفت : مدري ايش قصتك بس انا الان بقدر انام وانا مطمئنه لانك موجود
ماشاف لها كمان وهي دخلت وغلقت شاف للباب: البنت ذي بتنتبه لكل التفاصيل وبدقه!

دخلت وداليا داخل شافت لها: ايش صار
كوثر: لفيت له شاش
داليا: لما شافني توتر والحيوان غدره
كوثر: ايوه
داليا: للان ماعرفت كيف قدر لهم الثلاثه وهو مسكين يعني مش حق مشاكل
كوثر تشوف لها بهدوء ورجعت ابتسمت: محد مسكين الا انتي ياصاحبتي
دخلت غرفتها وغلقت* ايش علاقه الضابط هذا ب هند؟
معقوله ضابط كبير مثل محمد يجي يشتغل حارس عادي عند هند كذا من فراغ؟
...........
حسام رجع من المشفى مقهور وذابل
دخل بيته وبيطلع الدرج وقفته وبتوتر: كيف زوجتك
شاف لها وبحزن: تاعبه ادعي لها وطفلنا خسرناه
بيطلع كمان قاطعته : اشتي اقل لك شي
شاف لها بمعنى قولي
الشغاله: بصراحه امس رحت مع زوجتك العياده وعملنا كل الفحوصات وطلعت كلها تمام والدكتوره قالت الطفل با احسن حاله
وطلبت منها موده تسمعها دقات قلب الجنين ووسمعت دقات قلبه وكانت مبسوطه جدا
الى اليوم جاءت زوجتك هيفاء وبعد ما طلعت بربع ساعه موده تعبت فجاءه
حسام عقد حواجبه ونزل وصل جنبها: هيفاء جاءت؟
الشغاله: ايوه
حسام: طيب اكلين شي شربين شي
الشغاله: طلبت شاي وجبت لها ومن بعد الشاي ذا تعبت موده
حسام: طيب كاسات الشاي وين
الشغاله بهدوء: غسلتها
حسام: اوووووف
طيب وين جلسين
اشرت له لصاله
وصل هناك لعند الطاوله الصغيره وبيشوف ولمح غبار بسيط لشي مطحون
اخذه بيده : ايش ذا؟
حاول يجمعهن وتجمعت قليل في وسط يده
اخذه وخرج
وصل لعند خبير اعشاب: ممكن اسالك عن هذاا الشي
خبير الاعشاب اخذهن في يده وحاول يفحصهن بس الكميه كانت قليله
حاول يميز من الرائحه ووجع شاف له: كيف حصلت عليهن؟
حسام: ايش هذول؟
رد بدهشه: هذول اعشاب ممنوعه
تسبب مشاكل عديده بس مشهوره انه لو شربتهم حامل تسقط مباشره
حسام رفع حواجبه
خبير الاعشاب: ممنوع نبيعهن او نصنعهن
هن مصنوعات من مجموعه اعشاب متخصصه بهذا الشي وخطيره كمان على متناولها
حسام حس نفسه دوخ
خرج من عنده وهو مصدوم : ايش بقول لموده لما تصحى وتسالني عن ابنها؟ انا السبب في موته! كنت اب فاشل لاول طفل لي؟ ماقدرت احميه!
.........
الصباح
خرج وهو طالع شافها
داليا : كيف قد انت
محمد: احسن
ورجع التفتت لها: مره ثانيه لما تسمعو صوت خارج ما تخرجينش لا تعرضين نفسكن للخطر
مشي وهي تشوف بعده
وصل المكتب
بعد الجاكيت والشميز احمر من فوق
ساره: سلامات ايش ذا
محمد : مش شي مهم يا ساره
افتك الجرح شوي
وشافت له: اخت المقتول جاءت واخذت الجثه وقلت لها ان مع اخوها ابن
ساره: ايوه وبكت قوي
وكمان العصابه اللي بتسرق الاعضاء كمان تم القبض عليهم وهم الان بالنيابه
محمد : حلو وحسام فين
ساره : حسام بالمشفى زوجته سقطت
محمد فتح عيونه بدهشه: ايش
ساره: للاسف
محمد: لاحول ولاقوه الا بالله ما لحق يفرح به
وموده كيف هيه
ساره: للان بالعنايه
محمد وقف: طيب المقتول الذي حولو لنا ملفه امس ايش صار
ساره: ايوه الطب الشرعي الذي تبعنا قال هو مات بسبب عدم وصول الاكسوجين الى الرئه بس السبب كان انه تعرض لغاز خانق لاكثر من ثلاث ساعات
محمد: يعني القاتل كان معه ب اخر يوم لابد انه التقي به
طيب من اخر ناس كان معهم اقصد جاره هل قابله اخر ييوم وهل معه عيال
ساره: ايوه جاره قابله اخر يوم وماعندهش عيال
اخر ثلا

ثه قابلوه كان جاره واخوه وزوجته
محمد: المشتبه واحد منهم
بكره استدعيهم لهنا ونتكلم
بس الان معي لك مهمه
ساره: ايش
محمد: اشتيش تخطفي لي اميرتي وحشتني قوي

ساره ضحكت: طيب
محمد: باخذها اتغدي معها ونرجع نسير نزور خالتها موده وابسر حسام لو يحتاج شي
ساره: تمام نخطف لك الاميره حقك
خرجت وهو يشوف بعدها :...
مسك التلفون واتصل لمدير الامن : الثلاثه اللي مسكتهم امس مشتيش يخرجو بسهوله لازم يتعاقبو بحيث انهم ما يكرروها
مدير الامن : حاضر
...........
ساره بتكلم خلود: الفندم قال اخطف له بنته
خلود: ليش
ساره: قال وحشته ماعاد بيجلس معها قوي هذي الايام هو مشغول ب اعمال كثيره
خلود: طيب يعني مابروحش اخذها
ساره: ايوه
...........
حسام كان ب الانتظار منتظر موده تخرج ويطمن عليها كان حاسس بالذنب
وكانت خاله محمد واخوه هناك
اتصل ل ابراهيم: ابراهيم موده بالمشفى كونو معها
ابراهيم: احنا بالمشفى اصلا قد كلمنا حسام
محمد: انا بجي مع داليا تمام
اوقف جنبهم
ابراهيم: تمام تمام
الدكتور خرج حسام راح له: كيف الان
الدكتور: تعدت مرحلخ الخطر وبنخرجها من العنايه تقدر تشوفها
حسام ابتسم: شكرا يا دكتور
..........
كانت بالمدرسه بعد انتهاء الدوام
جالسه تشوف لداليا وهي خارج وبتودع البنات : مدري ليش احب البنت هذه لهذا الحد ؛معقوله انا بين احب بنت قاتل بنتي ،لكن مايروحش بتدور الدوائر
حست حد ورها
التفتت وهي ابتسمت: كيف الاستاذه هند
هند ضحكت : مرحبا
زينه: جيت اشوفك واطمن عليك
هند: انا بخير الحمد لله
كانت تشوف لداليا ورجعت شافت لها: ليش ماقلتي لي ان داليا هي بنت الضابط اللي قتل بنتي
زينه بهدوآ:خفت تكرهي داليا
هند: مستحيل يا زينه مستحيل اكره طفله مالها ذنب
زينه سكتت وتشوف لها
هند التفتت لها: اكيد قتل امها هو واحد مجرم مابش عنده ذره رحمه
زينه ساكته
..........
كان جالس شارد عندما فتحت ودخلت وساره وراها
وقف هو وجلس ع ركبتيه وركضه لحظنه: حيا ببنتي
دداليا تضمه بهدو۽
محمد اخذها ووقف: وحشتيني قوي ي بنتي قوي
........
حسام دخل يشوف موده وقد بدات تصحى
وقف امامها
موده تشوف له: مال وجهكك هكذا ايش حصل
حسام: ولاشي بس خسرنا الطفل حقنا مش مشكله بنجيب غيره
موده بصدمه: ايش تقول انت! !
حسام بيحاول يهداءها: موده ..الذي اديه لنا بيدي غيره اهم شي انتي بخير
تحاول تتكلم خنقتها الدموع كانت تتكلم بطريقه مقطعه : كيف ي حسام .. عادنا امس رحت العياده وقالت لي الدكتوره انه كل شي تمام
نزلت دموعها: وزد سمعت دقات قلبه يا حسام
كنت منتظرته ااعد الايام وتمر على روحي
قاطعها: موده كل شي قدر ومكتوب ماقدرت افعل شي
موده: اكيد زوجتك لها علاقه من حين جاءت عندي ممرضت اكيد فعلت لي شي
شافت له ودموعها تنزل ب انفعال: خسرت طفلي يا حسام بسببك ولا انت الذي تستاهل تضحيه ولا انت الذي خليت لي ابني
وهي تبكي داليا فتحت ودخلت : خاله موده
التفتت لها وهي جريت لعندها وتضمها: خاله موده
موده وهي تبكي: داليا ابني مات يا داليا مااات
حسام عرف انه محمد خارج
خرج وشافه
محمد : ايش حصل يا حسام
حسام: الطفل مات وموده منفعله ومش قادره تتقبل الامر
محمد : الله بيعوضكم
حسام: الدكتوره كمان قالت هكذا بس من يقنع موده
حلو انك اديت داليا تنسيها شوي
محمد: ولايهمكك .. وخالتي وابراهيم وينهم مش كانو هنا
حسام: ايوه هم كانو هنا لسى روحو الان
عمتي بتروح تدي لها ملابس وبنروح سوا مع موده بيتنا
محمد مسك كتفه: الله يعوضك يا حسام ..
..........
المساء رجع بنته البيت وراح عند داليا
دخل وهي بالحوش
شافته وعدله جلستها
وصل امامها: خير يا استاذه فيك شي؟
داليا هزت راسها بالنفي: لا ابدا
محمد وهو بيشوف امامه: من حين بطلت خطوبتك وانتي زاعله
ضحكت بالخفيف: خطبتي مش هيه بالشي المهم خلاص انا وصلت الثلاثين كان معي طفله اخذها الله وراحت
جلس بعيد منها شوي: وما تفكري تنتقم من قاتل بنتك؟
ضحكت: هههههه سينريوهات انتقام عديدت تدور في راسي
تصور بنته تدرس عندي عرفت قريب
بس في شي داخلي لها مدري كيف
هي طالبه مثاليه مؤدبه وشاطره والكل يحبها
متفوقه في دراستها وهادئه معرفش كيف بنت مثل ذيك تكون بنت قاتل
بلع رقيه وهو يشوف لها
داليا: اول مره شفتها حسيت برابط عجيب بيننا
مدري كيف شعور لا يوصف ولا فهمته وللان مازلت عاجزه عن فهم مايحصل لي امامها
لما تجي وتقبض يدي احس كل اشاره عصبيه في يد بتضرب في قلبي، احس الطفله تنتمي الي
محمد ساكت
داليا التفتت له: وانت متزوج
محمد يشوف امامه: ايوه متزوج ومعي بنت واحده
بين اشوفها الدنيا ومافيها
داليا: ربي يخليها لك
محمد: يخليها لنا ان شاء الله لي انا وامها
داليا: عايشين سوا
محمد: لا امها تركتنا من فتره
داليا وقفت بتدخل البيت بس فضولها خليها تساله :
ليش تركتك وهل كنت تحبها
وقف ووصل امامها: ايش رايك لو اقل اني ماحبيت بنت ابدا غيرها، اول مره تعرفت عليها كانت تحتوي كل لطافه وبراءت الكون .. عيونها كان فيها لمعه سحريه خلتني انظر بس لها
لما ملكتها حسيت اني امتلكت كل شي
لما كنت

اقف امامها اشرد بشكل غير طبيعي
ولما تركتني اكتسرت بعدها وحسيت نفسي كل يوم اسحب نفسي لليوم الذي بعده!
فقدت طعم الحياه بعدها ومابقي الا المرار
استغربت من نظراته لها وقاطعته: ماعاد شفته بعد هذا؟
محمد وهو يقترب منها: الا شفتها شفتها
كانت تبتعد لما وصلت للجدار وهو امامها: شفتها بس كان لقاء صامت ماقدرت اعبر لها عن شي
كانت منصدمه من تصرفه وهو رفع يده بلا شعور يتلمس خدها: تمنيت المسها خفت لو تكون سراب او خيال
وصلت يده الى جنب خديها وقبل ما يلمسها وقفته وصحته ب كف قووي في وجهه ...

🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺

البارت 17
*ابن مدير الامن وتهمته*

نقز بكف قوي في وجهه وسحب يده
داليا بعصبيه: ايش مفكر نفسك بتعتدي علي او كيف
محمد: لا اعوذ بالله
داليا : كيف تتجرى ترفع يدك علي؟ مفكر مابقدر ادافع عن نفسي
ضحك بالخفيف: لا تقدري تقدري من انا امامك انتي سيده البيت
للحظه فكرتك هيه انا اعتذر!
داليا: ان تكررت هذه الحركه فبتطلع من البيت
محمد: اعتذر انا غلطت وتماديت اسف حقك علي اوعدك ما تككرر
دخلت البيت وغلقت بقوه وهو يشوف ببعدها
سحب نفس قوي : المطلوب مني اكون جماد!

جلس فوق فراشه ورد ظهره
دخلت كوثر شافته وابتسمت: سلام
مارد عليها
تركت شنطتها وفكه شعرها ووصلت جنبه: مالك بتتجاهلني؟
التفتت لها وشافها ورجع شاف امامه : ما تغريني
ضحكت برفعه حاجب: ومن يغريك يا ثقيل؟
محمد وهو مايشوف لها: زوجتي صاحب الوجهه البري والقلب الطيب
كوثر جلست امامه وبصوت واطي : زوجتك من يا فندم محمد لاتكون هند
قبل ما تكمل كلامها التفت بسرعه ومسك فمها: ما بتسكتي الا لما اكسره لك او اقتلع لسانك! !
فك يده وهي مسكت فمها:وانت عصبي هكذا واصل!
ماعاد باقي قدكسرته
كان ساكت
كوثر: الفضول ذابحني ايش علاقتك بهند وليش بتفعل هكذا وهي قالت انك قتلت طفلتها ليش قتلتها
التفتت لها ورجع شاف امامه: مش كل ما يسمع صحيح؟
كوثر: يعني ماقتلت بنتها؟
محمد : ايش ي فنانه بتمثلي علي دور المتحري
كوثر : لا اعوذ بالله هذا شغلك!
محمد شاف لها بنظرات جديه: كوثر خليك بعيد مني لا تلاحقي بعدي لانك ما بتخرجي لطريق ولا تلعبي لاني بعتبرك لعبه وانا طول عمري اكسر العابي ولا تحاولي تفهمي ما افعل لاني متاهه و ومن دخل فيني يتوه
رفعت حواجبها: اوهو وانا احب اتوه
وبعدين مستغربه انك خاطب الاعلاميه هذيك خلود وجاي هنا تحوم حولنا مدري حول هند
وخلود بذاك الجمال الا لو عرفت ان هند مدرسه بنتك وخفت تفعل ببنتك شي
لانه عارفه كمان ان عندك بنت صف رابع
مارد عليها
اقتربت هيه : ومن زوجتك المغريه هذي او مازلت عايش على طيف زوجتك الراحله؟
كان يشوف امامه بس ..ووقف اخذ حطب وبيشعل بهن النار ولا عبرها
ضحكت ورجعت وقفت: انت مستفز
دخلت البيت وغلق وهو شاف بعدها: مش اكثر منك!
.........
وصل دخل البيت وهو تاعب ومرهق ومتضايق
فتح وهي بغرفتها سمعت وخرجت: حسام
كانت مبتسمه
شاف لها بهدوء: الى هذي الدرجه يا هيفاء؟
عيشتيني بكذبه من 12 سنه ولوما الله كتب لي بطفل قتلتيه ليش؟ عطيني مبرر
انصدمت: انا متى
حسام: كيف فكرتي اني مابعرفش؟
كيف قدرتي تفعلي كذا؟ كنت انا وموده نعد الايام عد لما يجي
قولي لي ليش عملتي كذا
حاولت تتكلم قاطعها: لا تقولي غيره هذي مش غيره هذا اجرام .. هذا وكل واحده عايشه منكن في مكان لو كنتي معها ايش كنتي عملتي؟ وايش بتعملي اكثر من كذا؟
هيفاء بعد ماحست انها تحاصرت: وهي قتلت امها وابوها
حسام قاطعها: لما كانت صغيره جدها قتل جدتها وقتل نفسه امام عينها وحصلت موجهه عنف داخلها من الصدمه وحصل عنده مرض نفسي وتسبب بمقتل والديها تعالجت سنين ب المصحه وبعدين تعالجت بعد الصدمه لما استوعبت قتل والديها وانها بقيت وحيده
هي مريضه نفسيا وانتي مجرمه
هيفاء: وتقبل تكمل مع مريضه وتعيش معها
قاطعها: اقبل بمريضه وما اقبل بمجرمه
وكمل: لو كان حصل لموده شي كنت وصلتك للاعدم على هذه الجريمه وام حق ابني فسامحتك
ومن الان كل شي بيننا انتهى ومثل ما جيتي ب احسان روحي ب احسان وانتي طالق
مسكت يده بصياح: لا لا حسام لا خلاص اخر مره وعد ماعاد افعل شي
سحب يده: والبيت هذا خليه لك واعتبريه مهرك
واوعدك وجههي هذا ماعاد تشوفيه
خرج وهي تصيح بعده غلق الباب وجلست تبكي وراه
............
اليوم الثاني خرج موده مع هاله
وااعطيه محمد اجازه عشان يرتاح
كان جالس بالصاله وهو متعب
هاله: حسام اشتريت علاج موده ي ابني
شاف لها: ايوه ايوه نسيت ما امكنك
خرجه من جيبه ومكنها
اخذته وهو بالصاله ماعاد شافها من امس يحس بتانيب ضمير
مسك وجهه ب ايديه الثنتين :...
........
محمد كان بالشغل ويشوف لساره: المتهمين وصلو
ساره: تحت
محمد نزل
دخل على جار المقتول :بيقولو انك قتلته ؟
رد بقهر: والله ما قتلته صح بيننا مشاكل لكن ماتوصل للقتل
محمد: كل الادله عليك ولا معك حتى شاهد واحد
شاف له: معي الله سمع وشاف
محمد يشوف له بهدوء وطلع
ووبيكلم ساره: اخوه وزوجته فين
ساره زوجته هنا
محمد دخل:سلام
رده عليه
محمد : ايش صار مع زوجك ي اخت
وقراء اسمها *سعاد*
سعاد: ولاشي خرج وهو تمام جلس بالغرفه ماعاد فتحت الا وهو ميت
محمد:متى رجع البيت
سعاد: بعد الظهر
محمد يتذكر وقت الوفاه كان في المغرب
وقال لها بتعجب: وماخرجش خالص
سعاده : لا شاف جارنا هذا ودخل وماعاد خرج الا ميت
محمد : اهاا .. وليش دخل غرفته ليش ماخرج يتجابر معكم
سعاد: هو كان عنده ربو وانا بخرت الصاله والغرف لهذا جلس في غرفته
محمد وقف : واخوه وين كان

سعاد: بالبيت معنا
محمد شاف لساره: اخوه هنا
ساره تهز راسها: ايوه
محمد: دخليه
ساره نادته وامره يجلس: وين كنت وقت وفاه اخوك
رد وهو يشوف لسعاد ومحمد مركز عليهم: كنت خارج
محمد ضحك: اهاا
ايش رايكم ل. اقل انكم الاثنين قتلتوه؟
سعاد: احنا؟ واحنا ليش
محمد: اولا جاره مستحيل يقتله
لانه لو قلنا فعل له شي الى ملابسه كان المفروض يحدث الاختناق من الرائحه بالعصر
لكن الغاز كان وسط غرفته
وانتي اجبرتيه بجلس بها بحجه انك بتبخزي البيت
سعاد بصياح: وليش بنعمل كذا
محمد شاف لهم: لانكم الاثنين على علاقه
اخو القاتل وقف: بسك تهريج
محمد وصل الى جنبه ومسكته ب اكتفه وجلسه بقوه: قالت انك كنت داخل وقلت انك كنت خارج تعمدت اسال تفاصيل تافهه عشان اشوف التناقض
ثانيا نظراتك لها اول مادخلت تدل على وجود علاقه بينكم وتوتركم براي بعض يدل على انكم شريكين بالجريمه
المقتول مستحيل يككون ماتت من شخص من الخارج والدليل وقت الوفاه وسبب الوفاه
ظنيتو انه بترمو التهمه على جاركم وتقولو انه عرضه لغاز قاتل قبل ما يدخل البيت
بس وقت الوفاه لايمكن يدين الجار
كل الادله اصبحت ضدكم
اخو المقتول بعصبيه: كنت على علاقه معها ودفع لابوها مهر كثير عشان يزوجها له وزوجها ابوها غصب وانا وهي نحب بعض
مع الايام رجع حبنا اقوى وبقي هو حجر عثره امامنا
محمد رفع حواجبه: لهذا قررتو تقتلوه
سعاد: لانه كان عارف اني احب اخوه ومع ذالك تزوجني قلت له الف مره ما احبك واصر يعلقني ورفض يطلقني كان اناني
محمد: مش اكثر منكم
.........
المساء وهو ماقابلها في داخله امور كثيره وكلام كثير
خرجت هاله وهو بالصاله: بطلع انام طالع وانت خليك مع موده
حسام ابتسم لها : تمام
طلعت وهو وقف متوتر
دق الباب بهدوء ودخل وكانت نايمه جلس على الطرف السرير وبيشوف لها وبيكلم نفسه * عمري ما توقعت يا موده انه بحبك، صح كانت تصرفتك وكلامك طريقه مشيك وشكل وجهك ملفته، بس حب ماكان بداخلي ابدا، حسبتك مجرد خدمه فعلتها لصاحبي والان اكتشفت انك هديه منه ،
خفت امس عليك يا موده وحسيت نفسي تايهه عرفت شعور محمد لما اوهموه ان زوجته ماتت عشت الشعور للحظات قليله؛ رحمت الضابط الحديدي الي ما انهار الا على قلبه، احيانا مانعرفش نرتب الكلامات يا موده؛ وما اصعب من كتمان الحب الا البوح به. *
.......
كان هو خارج من المبنى عندما وقفه: يا فندم محمد
التفتت وتفجاء بمددير امن المنطقه :يا مرحبا
وصل عنده: اشتيك في كلمتين
محمد اشر له: ندخل المبنى
مسك يده: لا
محمد بتعجب: تكلم
مدير الامن : ابني اسمه ليث اتهم امس بجريمه قتل هو بري منها وانا والله عارف انه ماقتل ولكن شهادتي في حق ابني مجروحه
الملف بيتحول لك؛ والذي لبسو ابني التهمه لبسوه ب احترافيه وانا شاكك انهم عصابه بيع اشياء ممنوعه وتجار اطفال يشتو يتخلصو مني ويعاقبوني ب ابني، الملف بيتحول لك بكره الصباح وانا ما اطالبك الا بالعدل
انا عارف انك شخص نزيهه
محمد : تطمن طالما ابنك بري فبيطلع منها وانا مسكت قضايا معقده وجلست معلقه سنين والعدل بيظهر
ابتسم ومشي ومحمد يشوف بعده :...
🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺

البارت 18 *سلاح الجريمه *

وصل بيت داليا فتح باب الحوش و جلس بتعب فتحت هي الباب: هذا انت احسب من فتح
ابتسم لها وخرجت كوثر : حارسنا ملتزم بوقته
ورجعت خرجت داليا دخلت وهي ووصلت جمبه وجلست بهدو۽:ممكن اتكلم معك شوي
محمد : لا
ابتسمت هيه: طالما بتشتغل عند هند يعني بتسمعني
شاف امامه
كوثر : شخصيتك حلوه تصدق نفسي ادخلها في مسلسل وامثل فيه
مارد عليها
كوثر تشوف له: ذلحين من صدق. بتتزوج الحلوه ذيك خلود لو تشوف كيف اخوتي بيجننو عليها واقصى طموحهم نظره منها
مارد عليها
كوثر: بس واحد من اخوتي كان يحب هند وكان يطلع معها
التفت بقوه وهي ابتسمت: لا تصدق بس حبيت اعرف هل بيمر الامر مرور بالكرام بنسبه لك
او بتشتعل الغيره في داخلك
والان قلي واعترف لي انت بتحب هند؟ معقوله ضابط مثلك كبير يحب بنت عاديه مثل. هند؟ لا وايش خاطب خلود
ايش قصتك
محمد التفتت لها: ايش قصتك انتي معي؟
كوثر: معجبه
محمد: اذا ما قمتي الان برجعك كارهه.
ضحكت: وايش بتعمل
محمد: اخلي رجالي ياخذوك بكره لمبى الامن واسجنك شهر
كوثر وهي مبتسمه : طيب جرب
محمد :...
رجعت وقفت : تجنن وانت كذا مقيد بهند ما تقدر تروح ولا تطلع
ماشاف لها وهي دخلت وتشوف له وهي مبتسمه:..
..........
قامت وشافته نايم جنبها بملابسه
حاولت تقوم وهو صحي: موده
شافت له: فكرتك عند قاتله ابني
غمض عيونه ورجع شاف لها بهداوه: انا طلقتها!
التفتت له بسرعه: طلقتها ؟
حسام: ايوه
وقف وخرج وهي تشوف بعده :....
ورجعت رده ظهرها: طول ذي السنين وانا ساكته على موضوع داليا والان جربت حرقه فقدان الابن
عرفت شعور داليا والامر كان اقل منها تعقيد؟
هل محمد حصلها؟
..........
كان بمكتبه وهو يفكر ويقراء الملف تبع ابن مدير الامن * الان الولد لابسها لابسها؟ كل ماسحين البصمات ما شافو غير بصمته؟ وبصمات يده كانت على ازرت شميز المقتول وبصمته الوحيده عليه؟ يعني انه كان لبسه ورجع لبسه المقتول بعده ؟ القضيه معقده بس انا واثق ان مدير الامن قال الحقيقه وان ابنه بري؟ بس كيف بقدر انقذ الولد من حبل المشنقه المحكم على رقبته؟ *
دخلت ساره : يا فندم ابن مدير الامن المحتجز وصل الان وهو تحت
محمد وقف: طيب بنزل اسمع كلامه
نزل وصل هناك شافه وابتسم: كيفك يا ليت
كان متوتر: الحمد لله
محمد جلس: ابوك عزيز علي ورجال قد كلمته نزيه ومحترم وعند الحق مايعرف احد
وانا واثق انك ورثت من صفاته
ابتسم بالخفيف
محمد: الان جاوبني يا ليث بهدوء اعتبرني صديقك كون صريح معي عشانك انت
ليث: انا يا فندم مااععرفش المقتول اصلا ولا كيف دخل البيت
محمد: وكيف تفسر بصماتك على ازرار الشميز حقه؟
ليث:انا عاد كنت بعدت الشميز وخرجت
محمد: فين خرجت وانت بالبيت كنت واصل اشرح لي وكيف بيخرج القاتل ومعك حرس باب البيت ووين راح سلاح الجريمه لو في حد فعلا قتله؟
ليث: طيب ي فندم انا بتكلم بكل صراحه انا فعلت جمعه بالبيت وعزمت اصحابي كلهم دخلو 20 واحد واكثر
وقلت للحرس يتكتمو ع الموضوع لانه ابي مش عارف وهو مايحبش افعل ذي الاجتماعات بهذا الوقت
وبعدين دخلت الغرفه غيرت ملابسي
وخرجت بعد نص ساعات لما روحو كلهم دخلت الغرفه وانصدمت به لابس ملابسي ومقتول!
ماعرفت ايش اعمل ! والشرطه وصلت لانه حد بلغ علي
محمد شاف له شوي ورجع طلع ساره كانت بعده دخل المكتب حقه ودخلت وشاف لها: ساره هل البيت للان تحت الحراسه اقصد محد دخل له؟
ساره:ايوه
محمد: طيب بعمل له زياره اليوم
في شي لازم اتاكد منه ولازم محد يدخل وكمان ليث بيجلس عندنا قيد التحقيق ما بيخرجش
ساره: حاضر
..........
ليث كان محتجر عندما دخل لعنده حسام: ابن الفندم هارون هنا مابتفعل
ليث ساكت
حسام جلس: ابوك ررجال نزيهه لو انت مثله لا تقلق انت امام الفندم محمد كل القضايا تحتل ع يده
ليث: كل الادله ضدي
حسام: لا تقلق المجرم دئما ما يترك زله ومثل مايقول محمد تبقى روح المقتول تشير بالدلائل الى القاتل ف ام ان يموت او يتوجهه الى العدداله
ليث بندم: انا غلطان ابي حذرني هذه الايام من الاجتماعات قال انه ماسك قضيه صعبه وهددوه بي
وانا تهورت وما حسبت لكلامه حساب
الان لو اتهم بهذي الجريمه ما بعدمش بس انما ابي بيقال من شغله وهذا الذي يشتوه!
حسام وقف ومسكه من كتف: مثل ما ابوك وثق بالفندم حقنا انت كمان اوثق به وبنفسك وبتشوف كيف بتطلع منها
ليث: المقتول مات في غرفتي وملابسي فوقه وعليه بصماتي والحرس ماشفو اي حد مسلح خرج
والقتل كان بسكين حاااده وهم فتشو كل الذي خرجو ولاشافو شي انا لابسها لابسها
حسام ابتسم: بتشوف لوما يفك قيدك الفندم وتخرج براءه
خرج حسام وهو يشوف بعده
شاف ساره: الفندم داخل
ساره : ايوه
دخل وشاف محمد لابس لبس عسكري ثقيل اسوود: على فين يا فندم؟
محمد: بروح زياره للبيت الذي حصل القتل به
حسام: ليش
محمد: بتبسر ليش
اخذ المسدس وطلع وحسام طلع بعده
..

........
كانو يتكلموو: القضيه تحولت لمدير الجنايات محمد جلال
....: لا تقلق ي عثمان ابنه لابسها لابسها
عثمان ابتسم: مارايك اشتت انتبهه الضابط شويه لوما نكمل اخر طرف بالقضيه؟
ررئيس العصابه: كيف يعني
عثمان: كيف يعني ي سيدي
والتفتت له: الضابط هذا ضروري حد يوقفه عند حد! ! وضروري نشتت انتباهه شوي ومافيش غير بنته!
رئيس العصابه: بنته؟
عثمان: معه بنت صف رابع يشوفها الدنبا ومافيها افكر اقتلها واخليها تضيق عليه ويكرهه كل شي
اذا جلس مطلق هكذا ما نقدرش نتطمن منه!
رئيس العصابه : اقتلها ولو تقدر تقتله جنبها اقتله!
اذا خرج ليث هارون بيطلعنا من تحت الارض. وبنقتل
واذا اتهم ليث هارون بيقال من عمله وكل الملفات بتتلف وتتغلق!
ومحد بيقدر يخرج ليث الا لو كان محمد
وشكله واثق من نفسه ومثل ماقلت ان هارون راح له امس وطلب مساعده
لهذا وجب تشتييته ب اي طريقه حتى لو كانت على حسب بنته الوحيده
.........
دخل هو البيت مع حسام وكان البيت كله حرس. وشرطه
وجلس يبحث ويبحث
حسام قاطعه: فندم عن ايش تبحث
محمد ببيشوف تحت الطاولات: سلاح الجريمه يا حسام مازال هنا
دخل المطبخ بحث فيه ماحصل شي ورجع مسك الثلاجه ودفها شوي ،وشي وقع
دفها اكثر وابتسم وهو يشوف خنجر ملطخ بالدم موجود ورا الثلاجه وشاف لحسام: هذا دليل براءه ابن هارون
مسكه بقفازات بلاستيكيه: بصمات القاتل عليه
طبيعي يا حسام مابيقدر يخرج السلاح وفي حراس كثير عند الباب لهذا خبئها في مكان هنا ومنتظر اللحظه الحاسمه اللي ينسجن بها هارون وتسحب الشرطه حرسها من المكان ويجي يتخلص منه!
وقف وتركته وسط كيس بلاستيكي: لكن انا له بالمرصاد
حسام مندهش: والان ايش بتفعل ي فندم
شاف لحسام ب ابتسامه النصر: انا بقول لك ايش بتفعل ..
الان برجع المبنى اغير ملابسي واروح والصباح بقول لكم كل شي بالحرف
.........
كانت نايمه على فراشها مازالت مرهقه
دخل هو متعب شاف عمتها بالصاله: السلام وعليكم
هاله: وعليكم السلام
حسام: كيف قد هيه موده
ههاله: الحمد لله اليوم احسن قدنا افكر اروح بكره
بنت محمد جننتني حين ابوها مابيروحش ذي الايام قد عتجنن علي
حسام ضحك: هههه ان شاء الله
شاف لغرفه موده وهو متوتر دخل وهي نايمه سمعت صوت الباب وفتحت عيونها
شاف لها وغلق: اسف ازعجتك؟
موده بتعب: لا عادي
فتح الدولاب وهي تشوف له
ورجعت قالت: حسام؟
سكتت
والتفتت لها هو: ايوه؟
موده: الان قل لي انا بقدر اخلف مره ثانيه صح
كان اخذ ملابس ورجع تركهم من يده واقترب من السرير وهو بيشوف لها: طبعا يا موده اكيد عاد بنخلف ولد وبنت وثلاثه واربعه وعشره
شافت له: زعلت عليه؟
حسام: وهذا سؤال ينسائل؟ اذا مازعلت عليه ازعل ع من؟ مش انتظرت سنين اكون اب؟ زعلت يمكن اكثر منك بس بالنهايه لله ما اعطا ولله ما اخد
موده: احس اني مقهوره مدري كيف لما اتخيل انه راح اشتي ابكي اشتي اصيح
اتذكر لما سمعت دقات قلبه ي حسام ما تقدر تتصور كيف كنت مبسوطه وروحت وانا اعد والله اعد الايام عد لكن **
شافت له والدموع تجمعو
اقترب هو واخذها في حظنه: موده! خلاص لازم تنسي! لازم نبدا من جديد!
انا مش اقل حزن منك لكن واثق ان الله بيعوضني!
كانت هيه تبكي بصمت :..
..........
دخل وهي بالحوش وكانه منتظرته وشعرها مفتوح
رد وجهه بقرف
وصلت هي جنبه : اوووهو حارسنا بدا يقرف مني؟
جلس على فراشه وبيشوف امامه
اقتربت وقفها بيده: غطي شعرك وجسمك!
كوثر: هه! هو شعري وجسمي ملكي انا مالك دخل هذا حقي
قاطعها: وانا من حقي ما اشوف هذا القرف!
ولا عاد تلبسي لبس هكذا امامي!
كوثر جلست بجانبه وهو يشوف امامه : بتسوي لي نفسك العفيف؟
محمد: كوثر طيري من امامي الشياطين بيطايرو امام عيني مش ناقصك انتي
ضحكت: يعني انا شيطان
محمد: وايش بتكوني غير ذالك؟
كانت بتتكلم خرجت داليا : كوثر الحارس جاء
شافته: خلاص كوثر هيا ادخلي
وهو التفتت لداليا بيشوف لها
وكوثر تشوف له ورجعت قالت: ليش بتسرح وانت تشوف لها؟
سكت وهي دخلت وغلقت ورجع يشوف امامه وتلفونه رن
رده ب ابتسامه: ما تشتي حبيبه ابوها
داليا بعتب: بابا صار لك ايام ماتجي وجدتي هاله مع خالتو موده
وجلال ينام مع عمو ابراهيم وامه وانا بالدور اللي طالع لوحدي
محمد يشجعها: تخافي وانتي بنتي؟ انا بنتي ماتخاف
داليا: بابا والله وحشتني
صمت شوي وحس انه فعلا اصبح يغيب عنها كثير
يكفي امها غايبه لام نفسه: طيب ي بابا غلقي وانا بكلم عمك ابراهيم يخلي زوجته تنام معك لما ترجع جدتك
داليا : طيب بابا في جاكت مع صاحبتي عجبني ارسل لك صورته وتشتري لي مثله؟
محمد ابتسم: اكيد
داليا : تمام احبك
محمد ابتسم: وانا اكثر
......
اليوم الثاني الصباح
دخل ولبس ملابس امس .. الملابس العسكريه السودا
وكلم حسام: اشتيك تعلن ان ابن مدير الامن ليث هارون متهم بجريمه قتل واشتي تخرجه. وسط سيارات الى النيابه وكمان ترسل 10 وتوزعهم بالطريقه اللي اقول لك
حسام: طيب اجي معك
محمد: لا بروح لوحدي افعل الذي قلت لك
.......

كانت تشوف لها وهي تلعب مع البنات
وزينه جنبها : تحبي داليا
هند: قوووي
زينه: اليوم خميس وبكره جمعه هل بتشاقي لها
هند: والله ي زينه اني اشتاق لها
خلود دخلت من باب المدرسه وبتشوف لداليا : بنتي هيه نروح
داليا شافتها وابتسمت وراحت معها
مجرد ماخرجت من باب المدرسه
مشي شخصين على سياره وواحد خرج مسدسه وضربها رصاصتين
خلود بصياح: لااا بنتي! !!!!
هند وزينه سمعو الصوت ووقفو
هند حست انها داليا وقفت بخوف وفزع: داااليا
زينه: يمه بنت اختي لايكون حصل لها شي
خرجو ومنصدمين بها بين يدي خلود وهي مرميه
هند مسكتها على طول: داليا داليا
المدير بيكلم المشرفه: ايش في
المشرفه: بنت الضابط محمد في حد رميها رصاصيتين متفرقه
خرج بسرعه وشاف لخلود: اسعفيها ليش بتشوفي لها هكذا
خلود مصدومه
اخذها هو حظنه وشغل السياره
هند جلست جنب خلود: ايش في ايش صار
وهي ساكته
زينه مكنتها مفتاح السياره اللي سقط من يدها: شغلي السياره شغللللليها خلينا نشوف البنت ايش صار معها الحقي المدير بسرعه
#يتــــــــــــــــــبع👇
🌺ـــــــــــــــــــــــــــــــــــــــــ🌺
#نكمل_غدا_بأذن_الله ..
#اللهـم_صلي_على_سيدنا_محمد_ﷺ_وعلى_آل_سيدنا_محمد ...

🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
روايــــ📚ـــــة
#قد_سامــــح_الغصن_الرياح_لكنه_انكسر2
🌺ـــــــــــــــــــــــــــــــــــــــــ🌺
البارت 19* بنت الضابط في العنايه*

روحت مصدومه جلست بالحوش وهي ترتجف بقوه وجسمها كله يرجف وهي قابضه نفسها بقوه
دخلت كوثر وانصدمت من شكلها هذا تركت شنطتها من يدها ووصلت مسكتها: هند ايش في؟ هننند مالك
كانت تتكلم وهي ترجف: دددااالي دددال ددداااللللييا
هند مسكت ايدها وجسمها يرجف: اهدائي اهدائي ايش حصل من داليا!
هند برجف وصدمه: بب بننن بنت ال ال الضاااا بببط
ال ال ذذذذ ي ققققتتل بببننن تتتي
كوثر بدهشه: ايش، طيب مالها
هند وهي تشوف امامها ومازالت ترجف: حححححد ضضضربها رررصاصتييييين
كوثر نزلت يدها من ظهر هند وبصدمه: ايييش
داليا بنت الضابط محمد! !!
هند تهز راسها
كوثر حاولت تخليها توقف: طييب اهدئي اهدئي كل شي بيكون تمام
....
زينه كانت بالمشفى تروح وتجي وخلود جاالسه بالطارود تبكي بس
زينه تكلم نفسها * خليت اختي روحت وهي مصدومه الله اعلم كيف حالها، بس كان ضروري تروح لانه كانت بتفقد الوعي،
يالله الان داليا بين الحياه والموت ولاحد مننا عنده الشجاعه يكلم ابوها ولاحد بالمدرسه حقها ولا انا ولا خلود كيف نفعل .. يالله احفظ بنت اختي عافيها*

........
لما شاف البيت خاالي من الحرس
دخل وهو متوتر كان يشوف يمين ويسار وعلى وجهه لثام
دخل المطبخ حاول يسحب الثلاجه وسحبها بس وقف بدهشه عندما ماحصل ولاشي رجع بيهرب بس صدم به
محمد ب ابتسامه: جيت تدور الخنجر؟
شاف له وهو منصدم : صدقت انه حولنا ليث لنيابه؟ كل هذه كانت خطه للايقاع بك
كنت عارف انك بتجي وتحاول تتخلص من اخر دليل يدينكم! !
بعد ما لبستم ليث التهمه والان اكبر دليل ادان ليث اصبح دليل براءت! !
عثمان يشووف له بصدمه
محمد مسكه من رقبته: والان بتتفضل معي مكتب التحقيق!
.........
كوثر كانت خارج عندما خرجت الدكتوره شافت لها:طمنيني
الدكتوره: ضربت لها ابر منومات لانها تعرضت لصدمه عصبيه اذا صحيت وماتحسنت حتى قليل خذيها عياده نفسيه لانها تحت صدمه شديده!
كوثر هزت راسها: تمام والان متى بتصحى
الدكتوره : بعد كذا ست ساعات
كوثر: طيب شكرا
الدكتوره خرجت وهي تشوف بعدها: هل محمد عرف باللي حصل؟ وايش حصل لهند فجاءه
اخذت تلفونها : ما اعرف حتي رقمه رقمه في تلفون هند اوووف
بروح له للمكتب
..........
كان يتكلم مع ساره: ذلحين كيف نفعل
حسام:تشجعي وادخلي كلميه
ساره تفتح عيونها بقوه: مسستحيل ماقدرش اكلمه بخبر مثل هكذا
حسام: طيب ومن بيكلمه
ساره : انت
حسام: ماقدرش ذي وحيدته ي ساره يجنن عليها اايش بقول له انها حصلت رصاصتين ممابقدرش ابدا
ساره : اوووووف والان كيف
حسام حتى ابراهيم اتصل بيقل نكلمه احنا ماهو مايقدرش
ساره: انا الصدق بروح اشوفها قلبي بياكلني عليها قالو دخلت العنايه ع طول ووضعها صعب
حسام: واذاسالني عنش؟
ساره: قله راحت تشوف بنتك
حسان: المفروض اروح اشوفها انا وانتي تقلي لها
هكذا
نقزو عندما دخل : ايش فيكم
ردو بسرعه: ولاشي
دخل مكتبه وهم يشوفو
ساره: حسام ماينفعش ضروري يعرف
حسام: صح طيب كلميه
بعد مرور ثلاثه ساعات
كان مع حسام بيدي له ملف القتل وبراءه ليث وانه سلم عثمان للامن ومن خلال بيوصلو لرئيس العصابه
حسام شارد وجهه ذابل
محمد : ايش فيك اليوم اكلمك وترد غصب في شي موده فيها شي
قاطعه: لا لا ابدا
كان يحاول يتكلم وماقدر
محمد وقف: قد هو مغرب بروح
حسام برده فعل سريعه: ع فين
محمد ابتسم: بروح بيتي اليوم وحشتني بنتي قوي وامس اتصلت بتقل اني مقصر في حقها وماعاد بتشوفني وهو صدق
حسام بلع ريقه بصعوبه ومحمد خرج
شاف لساره: اشتريتي الجاكت الذي وريتك صورته
ساره :ايوه دقيقه
دخلت اخذته ومكنته وهو ابتسم: متحمس اشوف ابتسامه بنتي
خرج وحسام جلس ومسك راسه: اااف
وساره جنبه
كانت واقفه عند مبنى الامن: الضابط داخل اشتي اشوفه
الشرطي: ممنوع
كوثر: طيب حد قال له ان بنته بالعنايه
الشرطي :' لا مايعرفش
كوثر بعصبيه: وليش محد قال له حرام خلوه يشوفها
سكت
ووهي رجعت بعيد شوي ومنتظرت له يخرج
خرج
وساره وحسام بعده ولا حد قدر يتكلم وقفو عند البوابه وهي شافت له بدهشه وهو بشكل مختلف عن الشخصيه اللي بتحرس لهم البيت
كاان مازال بلبس العسكري الاسود الذي يظهر جسده المشدود واكتافه المرفوعه
وههي تشوف له بصمت

شافها وعرفها واقترب منها
وحسام بيكلم ساره: هذي كانها الممثله كوثر؟
ساره: ايوه وشكل الفندم يعرفها عشان طلب اخوها قبل فتره وضربها. وقصه كلها عندك
حسام: يارب تقل له وتفكنا من العذاب النفسي هذا
ساره: ايوه .. امس صورت له داليا جاكت وقالت تشتي مثله واليوم مكني اشتريه له لانه كان مشغول
المشكله ماقدرت اقل له انه هي مش بالبيت وانه تاعبه
حسام: بيقترب منها يارب تقل له
وصل هو وشد يدها بقوه وبيدفها: ايش بتفعلي هنا
تكلمت بسرعه: هند تاعبه حصلت صدمه عصبيه اليوم وعملنا لها منومات
فك يده بهدوء ودهشه: ووليش
كوثر بتردد : لانه
سكتت
محمد بعصبيه: لا

نه ايش
كوثر :لانه بنتك تعرضت لطلق ناري ودخلت العنايه امام عينها فشكلها تذكرت حادث وفاه بنتها. ..
محمد شاف لها بعدم استيعاب وعيونه تلمع
كوثر:قالت انه مرو جماعه على سياره وعملو لها رصاصتين والان بنتك مازالت بالعنايه وهند فعلنا لها منومات
سقط الكيس من يده: تكذبي !
كانت تشوف له وهو يشوف لعندها بس
ورجع سحبها من ذراعها لسياره : دليني ع مكان بنتي في اي مشفى بسرعه
دخلت وغلقت وهو شغل السياره وكانه مش بعوعيه
كان يمشي بالطرقات وداخله صوت يحاول يوهمه انه كذب
ساره وصلت مع حسام لعند جاكت داليا اخدته بيدها والتفتت لعند حسام والدموع في عينها: شكلها قالت له
وشافت لجاكت داليا: فلت الجاكت من يده! !
حسام بيمشي لسياره: بروح اشوفها
ساره: انتظرني خذني معك
........
وصل هناك انصدم ب ابراهيم على طول قبضه من شميزه وشد: ليش ما كلمتني
ابراهيم ساكت
محمد: وينها بنتي
اشر له لعنايه راح ووقف امام الحارس :لازم ادخل
الحارس: ماقدرش ي فندم ضروري اذن من الدكتور
محمد بعده بقوه ودخل
الحارس شاف ل ابراهيم : مانقدرش نوقفه
الدكتور وصل: هي بالعنايه ووضعها مايسمحش لزيارات
ابراهيم: حاولو تفهمو مانقدرش نوقفه
الدكتور سكت
وصله لغرفتها والحارس معه: هذي غرفتها
ومحمد فتح ودخل
اول ماشافها انصدم
حاول يقترب ووقف امامها
كان صدرها كله ملفوف بشاش وقصبه اكسوجين داخله من فمها
وجهاز القلب والاكسوجين والنبضات مشبوكه لجسدها الصغير
ماقدرش يتحمل جلس على ركبتيه : بنتي !
انا اسف ما كنت إب مثالي!
حرمت من كل حقوقك، اخذت امك عنك وعشتي من وعمرك يومين بدون ام، انا اسف عشان كنت انشغل عنك بالساعات وتجلسي تنتظريني لوقت متاخر هشان بس احظنك واقول لك اني جنبك!وتحسي ان معك اب
انا اسف كمان لانه ما ارجع لك دروسك ولا اسالك ايش عملتي اليوم
اسف لاني مشغول عنك والان بسببي انتي هنا
قبل سنوات لما امك جابتك لي قالت لي انت ظالم مدري كيف بيكون حياه بنتي عندك!
مسك ييدها ب ايده الثنتين ودموعه تساقطت عليهن: والان انتي هنا بسببي، انتي بين الحياه والموت بسببي، والله ل احرق الدنيا فوق من وصلوك ذي الحاله والله لو يحصل لك شي ل ادفنهم احياء؟
مسك خدها بيده بلطف:مافيش لحياتي اي معنى بدونك ي بابا قبل مماتجي كنت ماكان لحياتي اي لون او طعم انتي حياتي كلها ؛انتي انا بجسد ثاني انتي مش جزء مني انما قطعه من قلبي ووروحي
قبل ايديها : ماقدرش اتصور حياتي من دونك !

🌺ـــــــــــــــــــــــــــــــــــــــــ🌺
#يتــــــــــــــــــبع👇
🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮