🎶🎶🎶🎶🎶🎶🎶ا
💜ا🌹💜🌹💜🌹💜
💜💜💜💜ا
ا💜🔮💜🔮💜
🔮🔮🔮🔮🔮🔮ا
🔮 الـــروايــــــة 🔮
🔮رقـم ②③②🔮
🔮🔮🔮🔮🔮🔮ا
💜🔮💜🔮💜ا
ا💜💜💜💜
ا💜🌹💜🌹💜🌹💜
ا🎶🎶🎶🎶🎶🎶🎶

🍃🌼🍃🌼
🌼🍃🌼
🍃🌼
🌼
🌼 روايـ📔ــة مميــزة وحصريـة/
{ اشباه احباب }

✍ ياسمين امين 🌴

روايـة تحتوي ع
جزئين
الجـزء الاول
{ اشباه احباب 1 }
عدد بارتات الجزء الاول : 20 بارت

الجزء الثاني
{ قد سامح الغصن الرياح لكنه انكسر 2 }
عدد بارتات الجزء الثاني : 38 بارت

🌺نبــذة عن الروايـة🌺
رواية حب دراميه تتحدث عن فتاه قام عمها الطمعان بمال والدها ب اجراء عمليه تجميل تخفي ملامحها والتسلط ع ورث والدها وابعدها عن زوجها الذي يكون ابنه ... فهل سينجح؟

انتظروووونا من غدا باذن الله ......

🌺الروايـة مكتملة🌺
📚 t.me/ahgeel 📚
🍃
🌼🍃
🍃🌼🍃
🌼🍃🌼🍃

الجزء الاول
#اشــــــباه_احباب👇👇

ـ💐🍀🍂🍀🍂🍀🍂🍀🍂
ـ🍀🍂🍀🍂🍀🍂🍀
ـ🍂🍀🍂🍀🍂
ـ🍀🍂🍀
*ـ🍂رقـم الروايـة ②③②*

*📚روايــة بعنوان 📚*
*(( #اشباه_احباب 1🤦‍♀💔))*

📗#الـــــجزء_الاول 📗

*نوع الروايـ📚ـة:*
قصه حب دراميه تتحدث عن فتاه قام عمها الطمعان بمال والدها ب اجراء عمليه تجميل تخفي ملامحها والتسلط ع ورث والدها وابعدها عن زوجها الذي يكون ابنه ... فهل سينجح؟

بقلم الكاتبة المتالقـة✏️
✍ #يــاسمين_اميـن

🌱 اللهــجة : عاميــة 🌱

*♦️عدد البارت : 20 بارت♦️*

🌼رقــم الروايـة : ②③②🌼

🌟 عدد ايام العرض : يومان فقط 🌟

#تــــــــــابعووووووونا..........
💜📚💜📚💜📚💜
قناتنا على التلجرام👇👇
https://t.me/joinchat/AAAAAFdO1y-1PZ5SzX0BWg
📚
🍂📚
🍀🍂🍀
🍂🍀🍂🍀🍂
🍀🍂🍀🍂🍀🍂🍀
💐🍀🍂🍀🍂🍀🍂🍀🍂

سنبداء من غدا باذن الله

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌

اشباه احباب.

البارت الاول ...

في شوارع المدينه المكتضه بالسكان كانت تمشي وحيده وعيناها تذرف الدموع بلا توقف : ماصدقش انا ايش فعلت بنفسي معقوله انا خطبت له بنفسي! ! انا اخترت ل امير زوجته وهو حبيبي كيف فعلت هكذا كيف! ! انا بجنن بفقد عقلي! كيف افعل ارجع للبيت واسمع زغاريد عمتي والزفه اللي مشغلها عمي عشان يقهروني! ! او اجلس ادور ب الشوارع!! انا ضيعت من يدي اكثر شخص حبيته بحياتي كلها
التفتت يمين شافت منتزه والاطفال به يلعبو دخلت  وعيونها مازالت تذرف الدموع والذكريات تاخذها لليوم المشؤؤم في حياتها حاولت تمسك نفسها واشره لطفله اللي قابضه يدها وهي تحاول تستجمع نفسها امامها وطلبت منها تروح تلعب وهي بتنتظرها ع كرسي الخشب..مجرد ماذهبت انهارت بالبكاا وهي تتذكر

صحيت وبفزع وهي على سرير المشفى : يماما يا بابا وين انا
كانت تشوف حواليها
بسمه بنت عمها:اريام؟ انتي بخير اهدائي
حاولت تهداء وهي تشوف لها: ايش صار؟
بسمه ب اسف: ريوم انتي عملتي حادث مع اهلك للاسف! !
مسكت يدها وبشده: بابا وماما فين
نزلت راسها بحزن توحي ان الاخبار سيئه
اريام تهز يدها : بسممممه ردددددي
بسمه وبدون مقدمات: ماتووو
نزلت يدها بصدمه: ايييييش! !!
......
كانو هو يتكلم مع الدكتور خارج : كيف هي الان؟
الدكتور ب ابتسامه: الحمد لله هي تمام والطفل كمان بخير
رفع حواجبه بدهشه: طفل! !!
الدكتور: ايوه هي كانت باول اسبوع حمل لهذا الطفل نجى لو كان عمره فوق الششهر كان مات بسبب الحادث
عاد السؤال بدهشه: يعني هي حامل! !
الدكتور: ايوه
التفتت لغرفتها ودخل بصدمه :..
بسمه شافته وهو اشر لها تخرج
اريام كانت تبكي: وين اهلي
غلقت بسمه
وهو جلس:من حسن حظش انك حامل ب حفيدي والا كنت برميك الشارع
اريام بدهشه : ترميني وليش ترميني واهلي فين
رد بعجرفه واستهزاء: اهلك الله اعلم ب اي ارض يكونو
اريام ودموعها تنزل: كذاب طلعت كذاب وممثل كنت تشتي اموال ابي الان اهلي فين
عمها: اكيد قالت لش بسمه فعلو حادث
اريام: وكيف هم
عمها صابر بهزه راسه بشفقه: كيف بيكونو يعني ماتو! !
رده بصدمه: ايييييييش!! !
صابر يكمل : اسمعي وبعدين ابكي براحتك!
انتي الان مامعك خيار غير تروحي معنا البيت بما انك حامل بحفيدي وع اساس متي
ونعتبرك شخص جديد وانتي ع اساس متي مع اهلك وفي نفس الوقت بتقطعي علاقتك ب ابني! وبتكوني شخص جديد واسمك اسيل
اريام بصدمه: انت مجنون ايش بتقول ؟ فين اروح ب النهايه ذاك بيت ابي! !!
صابر : ابوك هه شكلك ماعندك علم ان ابوك كان عقيم! !
شافت له بعدم تصديق وايديها ترجف من الصدمه
صابر يكمل : ابوك ماكان يخلف بس كان يحب امك حبا شديد وامك كذالك او قصد مربيتك!
امك كانت تحب الاطفال حب شديد بعد علاج مطول
روح ابوك ذاك اليوم مكتئب ونقل ل امك الاخبار انه المشكله منه وانه مستحيل بيحصلو اطفال!
امك انهارت وهو طلب منها تتركه وتروح تتزوج بس رفضت وبشده وقالت اذا خسرت اني اكون ام مابخسرك انت كمان
وبقيت معه
وبعد ثلاث سنين
في حد جاء وتركك امام بيتهم لانه يعرف ان ماعندهم اطفال وبيهتمو فيك
وهم ماصدقو حصلوك واعتبروك بنتهم وربوك
وقف ويكمل امام صدمتها : بس اخي تمادى وصدق انك بنته لدرجه كتب كل املاكك ب اسمه وان مستحيل اقبل بلقيطه تاخذ اموال اخي وانا موجود! !
رده بتعب: وين اهلي ي كذاب
اقترب وبعصبيه: قلت لش مش اهلش ولا انا بين اكذب تقدري تسالي جارتكم وبتقل لش الحقيقه اللي اخفيت عنش لسنين! !! واهلك ماتو
التفت يمين شمال وشاف تلفونها
اخذه وكسره
صابر: لازم تنسي ابني لانه مستحيل بززوجهه بنت شوارع! !
وكمان بقول لك شي لو فكرتي تقلي لابني الحقيقه او تقنعيه انك زوجته بقول لك انك بتفشلي وقبل ماتفعلي شي مثل هذا ياليت تشوفي وجهك ب المرايا

خرج وهي منهاره بعده وقفت بصعوبه تحاول تشوف نفسها ب انعكاس الزجاج تبع شباك المشفى اول مافتحت الشباك وانعكست صورتها خافت لانه فكرت في شخص وراها التفتت ورا ماشافت حد وشافت الصوره تتحرك مثل حركتها
حاولت تستوعب وهي تحرك راسها والصوره المنعكسه تتحرك مثلها
رفعت يدها لوجهه بصدمه ويدها ترجف ومسكت ملامح وجهها وبصيح: لا لا ايش صار بوجههي! ! مستحيل تكون ذي انا مستتتتحييييل
........
كانت تتذكر وهي على احدى كراسي المنتزه والدموع تتساقط عندما مسكت كتفها امراءه كبيره بالسن: مالش ي بنتي؟
التفتت لها وعيونها غارقه بالدموع حاولت تتكلم بس اسكتتها دموعها الغير منتهيه :...
لاحظه حزنها وقالت: قلبك مكسور!
الدموع ما احسها تخرج من عيونك انما تنزف من قلبك!
رجعت ع. الكرسي: هل الشخص الذي تبكيه يستحق ي بنتي؟
هزت راسها بنعم ودموعها تنزل
مسكت يدها: اذا لا تبكي ولكن قاتلي! !
عندما توصلي لنفس عمري بتقولي الحياه قصيره قوي ليتني ماسكت!
اريام :....

الجده تكمل كلامها: بتقولي ليتنا تكلمت ليت وقلت لا
لو ماحبست الكلام بداخلي .. مابش ولاشي يستحق نعذب انفسنا بحبسه داخلنا .. المكبوت يبنتي بيجلس مكبوت ومحبوس داخل الانسان الوقت يخفف بس ما ينهي..

🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
اشباه احباب

البارت الثاني ..

ابتسمت للجده بعيون ذابله تملائها الدموع عندما وقفت وغادرت
قبضت ايدها بشده ومازالت ذاكرتها تاخذها بعيدا ...

تتذكر صراخها ذاك اليوم بعد ماشافتها وجهها
بسمه دخلت ومسكتها: ايش فيك
شافت لبسمه وعيونها مليانه دموع: ذا وجههي! ! هذي مش انا! ! ليش ما قلتي لي اني اصبحت شخص ثاني؟ !
بسمه : اريام اهدائي اهدائي اشرح لك
رده بصياح: ايش تشرحي! ! ايش عملتم بي!
بسمه: اريام اصلا بسبب الحادث تضرر وجهك ف ابي طلب من الدكتور يعمل لك عمليه تجميل ... وبعدين انتي مازلتي جميله
اريام: جميله او قبيحه ي بسمه انا اشتي وجههي

قاطع سرحانها عندما غمضت عيونها بسبب قطرات المطر المتساقطه شافت العيال يركضو الى امهاتهم
وعاده بسرحانها لوقت خروجها من المشفى..

دخلت البيت مع بسمه شافت كل اغراضها امامها
عمها صابر يتكلم : خذي ملابسك بتعشي ب االبيت الذي كان حق الحارس الذي داخل الحوش
اريام : عفوا؟
صابر : مثل ما سمعتي! ! انتي من الان مجرد شغاله هنا ع هذا الاساس بيعرفوك الناس! !
والطفل الذي ببطنك ان كان له نصيب يعيش يعيش وان مات بتخرجي من البيت وسيري دوري اهلك في اي شارع
بسمه قاطعته عندما حست بكلامه الجارح: بس ي بابا!!
قاطعها: محد له دخل وانتي اطلعي غرفتك
بسمه:بس! !
صابر: قلت مالك دخل بالنهايه مابش بينش وبينها اي رابط لا بنت عمك ولا بنت خالك
بسمه بقهر: زوجه اخي هذذا مش رابط
صابر: كانت زوجه اخوك! ! الان اخوك عازب لوما يجي ونزوجهه اللي احسن !!
اريام بقهر: حسبي الله عليك! !!
نزلت تاخذ ملابسها واام بسمه حاولت تاخذ معها
صابر: اتركيهن تاخذهن لحالها
ام بسمه: بس ي صابر البنت حامل وعادها خرجت من المشفى
صابر: لو له نصيب بيعيش! ! الله اعلم امه كم حاولو ينزلو وما نزلت
بسمه: يبه! !
قاطعها بعنف: بسمه يكفي نقاش يالله انتي واختش غرفتكن
رندا كانت تتفرج عليهم بسكته
ورجعت طلعت بعد بسمه
اريام مسحت دموعها واخذت شنطتها وخرجت وهو غلق الباب بعدها بعنف
ام بسمه: صابر ما تحس نفسك قاسي شوي
صابر: ولاقاسي ولا شي والا اسالك بالله من احق بورث اخي انا او الغريبه
قال وهو شاد يده بحقد: لا وعاده كتب لها كل شي وهو عارف انهي لقيطهه
ام بسمه: وانت ماقصرت تسببت بموتهم وماكففاك وغيرت وجهها وتحجتت بالحادث وبعدتها عن امير وهي حامل انت كذا بتظلم امير كمان
ابني يحبها يا صابر يجنن عليها من حين عرف بالحادث وهو يتصل باليوم عشر مرات قد قامت من الغيبوبه كيف هي*
صابر: بكره بتصل له واقل ماتت
ام بسمه: بينقهر وهو بالغربه ي صابر وماعنده احد انا ماتهمني اريام تروح في حريقه يهمني ابني ابني
صابر: بينسي مع الايام
ام بسمه: لو هو هنا سهل اقل شي اكون جنبه اواسيه بس لحاله ببلاد غريبه وانت عارف حبه لها وبتكون له صدمه ماصار له شهر من حين سافر
صابر: لا تزعجيني هدره اريام ماتت ماتت خلااااص
مشي وهي تشوف بعده : ياويلي على قلبك ي امير كيف عيعذبه لك ابوك ي وحيدي...
.........
دخلت الغرفه المنفصله غلقت الباب وتركت الملابس وجلست بتعب تذكرت اهلها وهي تبكي فتحت شنطتها طلعت صورهم وتمسح عليها بيدها: قبل اسابيع كنت اميره لما كنت ابي والان تشردت! ! لا عاد انا انا ولا انتم انتم ! بلحظات خسرت اسمي وملامح وجههي وابي وامي ولقب عائلتي .. اصبحت لا الشكل شكلي ولا اريام اسمي ولا انت ي ابي ابي ولا انتي امي ولا امير زوجي !!!
كيف انقلبت علي الحياه هكذا! !
االان صدق انت مش ابي؟ ممش كنت تضمني وتقول يا اريام ممهما ادعى الرجل الا انه مستحيل يحظن بطريقه هذي لشخص مش قطعه منه!
تذكرت امها وحنان امها تذكرت كلامها* ريومي لو تلفي الدنيا كلها ما تحصلي ام تحب بننتها مثل ما احبك لا الاامهات اللي يولدين والا الذي يرببين!

وهي تفكر وسط المطر اقتربت هي منها وكل ملابسها مبلوله وشعرها مبلول: ماما ما بنروحش مثلهم
التفتت ححواليها والكل غادرو او اسستظلو
وقفت وابتسمه ومسكت بيدها: بنروم يا روحي بنروح
وهي تمشي معها
سالتها: ماما ليش انتي مش موجوده في حفله عمو امير؟  هو اشتري لي فستان حلو قال عشان احضر حفلته!
رده وهي تتحاول تظهر غير الذي فيها: يا ماما ي لولو ماينفعش احنا نحضر حفله عمو امير لانه كل معازيمهم ناس كبار واغنياء واحنا يروحي مجرد شغالين عندهم !
ليلى: بس ي ماما قلت لش عمو امير اشتري لي فستان غالي وعزمني وكمان امه قالت لي ضروري ي ليلى تجي.
قطاعتها بععنف: ليلى خلاص انا قلت مانشتي نحضر عرسهم خلاص
ليلى: بس هي تحبني
اريام: تحبك ماتحبك مالنا دخل بهم احنا في حالنا وهم في حالهم
.........


🔮📚 @ahgeel 🔮🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌

اشباه احباب ..
الثالث

دخلت معها البيت وهي زاعله ..
اربام خرجت لها ملابس: البسيهم وانا بروح اعمل لهم العشا۽
ليلى ساكته وماردت اخذت ملابسها ولبستهم
اريام خرجت من الغرفه ودخلت البيت
فتحت وتفجاءه ب امير بالصاله
شافها ووقف: اسيل؟  كانه مارحتي الحفله؟
شافت له ودخلت المطبخ ودخل بعدها : لا مارحت اخذت ليلى الحديقه تلعب شوي
والتفتت له وبهدوء: وانت مسرع جيت؟

امير: جلست شوي ورحت بالنهايه هي خطبه مشو عقد عشان ادخل اشوفها ونطول ابي جالس معهم وامي وخواتي يكفو
التفتت لصحون اللي امامها: طيب
ورجعت شافت له
سرح هو وهو يشوف لها
اريام: خير؟
ابتسم: تعرفي ي اسيل اول يوم جيت به وشفتك وانتي كنتي ملثه ماكان واضح الا عيونك قلت انك اريام وانه مامتي لكن لما شفت وجهك ضحكت ع نفسي .. عيونك تذكرني بها مدري كيف
اسيل انا مش قادر انسي اريام حاولت بس مش قادر خطبتي اليوم ذكرتني ب اليوم الذي رحت فيه اخطب اريام الذكريات تحاصرني احس انه ماقدرش اتقبل ولا واحده غيرها
اسيل تخيلي شخص مكان له شغف بالنساء حب بنت واحده مايعرف غيرها اصلا راحت البنت ذي من يده كيف يتقبل غيرها! !!
التفتت له بحب :..
امير: انتي الشخص الوحيد اللي لما اكون معه ما اتذكرها لاني احس اني جالس مع اريام نفسها يمكن لانه عيونك تشبهها عيونك خضر وذا لون نادر في بلادنا وبنفس شكل عيونها لهذا احس اني جالس معها
خساره ي اسسيل لوما كنتي متزوجهه!  كنت تزوجتك
ضحك: كلمت ابي كذا
اريام وهي تجهز الشاي: ايش كلمته
امير: قلت له يبه زوج اسيل شكله ماعاد بيروحش من غربته. ماريك اخذها للمحكمه تبطل الزواج بحجه هجره واتزوجها
التفتت له بدهشه: وايش قال !!
امير: قال الله يكملك بعقلك هههه
اريام: وانت من جدك؟
امير ضحك : ههههه طبعا لا كنت امزح مش معقوله بفرق بينك وبين زوجك واحرم بنتك من ابوها بس عشان عيونك تشبه عيون زوجتي المتوفيه انا مش اناني لذي الدرجه!
سكتت:....
امير: ليلى وين هي
اريام: خارج
امير: عادي اروح اشوفها
اريام: عادي سير
خرج وهي تشوف بعده ورجعت ضربت يدها ب الجدار: اووووف اووووووف

خرج وهي دافيه بالبطانيه وشكلها زاعله دخل وغلق: مالها حبيبه عمها؟
ليلى شافت له ورجعت رده وجهها: امي ما خلتني اروح اشوف خطيبتك
جلس جنبها: وليش ي لولوتي؟
ليلى: عشان نحنا فقراء وانتم اغنياء
رفع حواجبه بدهشه: قالت لك كذا
ليلى: ايوه
امير: بس انا كنت جبت لك ملابس
ليلى: قلت لها مارضت
امير بيكلم نفسها* غريبه زوج اسيل في امريكا مثل ما يقولو ومع ذالك هجر بنت مثل القمر وزوجه مثل اسيل ليش؟  واسيل مازالت منتظرته ولا راضيه تتزوج هل هو يستاهل الانتظار او كيف؟ في شي مش معروف ب القصه *
قاطع سرحانه ليلى: لو ابي موجود اكيد ماكانت امي شغاله! ولا انا بنت شغاله
شاف لها: لو ابوك موجود كنتي اميره وفي حد يكون عنده ليلى وما يدللها!
.............
قبل اربع سنين ..
كانت المطبخ تطبخ وليلى جنبها تلعب عمرها سنتين
صابر دخل شافها ب الارض ومد يده ياخذها واريام سحبته من يديه :..
رفع حواجبه وقال: مالك؟  كل ماجيت باخذ حفيدتي منعتيني؟
وقفت في وجهه: حفيدتك! ! تصدق انا منصدمه من جد ليلى حفيدتك؟
صابر بعصبيه وصوت واطي: حفيدتي وغصب عنك هي بنت ابني هاتيها!
اريام بنفس عصبيته: لوما يعرف الناس كلهم انها حفيدتك او يعرف ابوها انها بنته في ذيك اللحظه بيحق لك تاخذها ام الان هي بنتي بنت اسيل وبس
خرجت من جنبه وهو شد يده بعدها وهو يشوف الى ليلى بحظنها ..

اخذت ليلى الغرفه اللي خارج حاولت تنومها وتروح تكمل عملها غرفتها كانت كلها العاب ليلى من جدها اللي مش راضي يعترف بها ..
............
بسمه كانت في شغلها هي دكتوره فيزيائيه تشتغل في عيادات التاهيل ..
كانت فاتحه الانترنت قبل ما يبدا الدوام وصلتها رساله من امير * بسمه انا راجع اليمن بعد بكره انا بكره مسافر*
قراءتها وابتسمت وفي نفسها* واخيرا ي اخي بتجي بعد ما مرت سنه ونص ع وفاه اريام
وقفت وهي تكلم نفسها وفاه اريام اللي ماتوفت اصلا بس ايش نقول من ابي وهي تتذكر ثاني يوم بعد اعلان وفاتها لما جمعهم* انا وانتين الثلاث بس الذي نعرف ان اريام ماماتتش وانا متصورش واحده منكن تخونني وتفضح السر لانه بنعدم بعدين .. انا مشتيش الكلام يخرج ابدا ولا مخلوق يعرف بالحادث *
قاطع سرحانها عندما دخلت زميلتها:في مريض روحي شوفيه
خرجت وكان في مقعد ع كرسي متحرك واخوه جنبه
وصلت : طيب اوقف وحاول تمشي خطوتين للجهاز
اخوه اشر لها انه مايشوف!
وكان هو شكله متنرفز
مدت يدها تمسك اعلا ذراعه وترفعه: طيب انا بساعدك اسفه معرفش انك ما تشوف
دفها هو بقوه : لا تساعديني مشتيش حد يساعدني
اخوه واقف بخجل من تصرفاته
اقتربت مره ثانيه: يالله حاول توقف
دفها مره ثانيه اشد لوما وقعت للارض: قلت لش مشتيش مساعده من احد

وقفت ومسكت اعصابها ومسكت ذراعه مره ثانيه: عارفه انك ماتحتاج مساعده وانا ما بين اساعدك انا اعمل عملي عملي يقل لي ان اي مريض يجي امسك بذراعه للجهاز
وقف معها ع الجهاز ويحاول يرفع رجله ببصعوبه شديده ويحركهن ..
بعد ساعه من المحاولات كان هو متعب جدا
جلسته ع الكرسي
وخرجت مع اخوه بعد ما طلبها: دكتوره انا اعتذر ع تصرفات اخي هو ماكانش عصبي كذا بس بعد الحادث اصبح متنرفز وما يشتيش يحس انه بحاجه لناس
بسمه: عادي ولايهمك بس ايش صار معه
اخوه يكمل: حادث سير وتضرر منه وفقد قدرته ع المشي او الرؤيه لكن قبل ايام اخبرنا الدكتور ان في امل انه يرجع يمشي بس يحتاج معالجه فيزيائيه ..
بسمه : ونظره؟
اخوه: مانعرفش اذا بيرجع يشوف او لا بس احنا مستمرين بالعلاج ع امل .. بس هو اغلب الاحيان يحاول يرفض
يا دكتوره اخي يائس جدا ان عاده بيرجع يمارس حياته الطبيعيه ارجوك لا تغضبي منه ولكن حاولي تساعديه
.............
بعد ما نمت ليلى خرجت وهي داخله البيت سمعتهم يتكلم: امير بيجي بعد بكره
وقفت عند الباب حست الدم تجمد بعروقها : امير بيجي!!
كيف بقابله! !!
كيف بشوفه !! اشتقت له! !
ايش رده فعله ع بنته !!!
كملت شغل البيت بسرعه وخرجت تشوف صديقتها الوحيده والذي تعرف سرها وصلت بفرح: امير بيجي ي دعاء امير بيجي
دعاء: طيب؟
بهتت ابتسامتها: كيف طيب
دعاء: وانتي مفكره انه بيوصل يضمك ويقل لك وحشتيني ؟
حبيبتي امير مفكرك ميته تفهميي ميته هو حتى مايعرفش ان عنده بنت
اريام بشغف: بكلمه بقول له كل شي
دعاء: مابيصدق
اريام : الا بيصدق بكلمه واللي يحصل يحصل
كانت تتكلم بتهور وجنون الى ان ضربتها كف ومسكتها من اكتافها: مجنونه! ! يا مجنونه ما بيصدقش شوفي شكل وجههك انتي شخص ثاني خااالص امير مفكرك ميته افهم انتي متي بنسبه له اصحي لازم تقنعي منه خلااااص اتركيه اخرجي من بيته افسخي زواجك منه وتزوجي عيشي حياتك لانه الرجال الذي تحبيه انتي بالنسبه له ميته تفهمي ميته !!!

🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
اشباه احباب


البارت الرابع ..

جلست ب انهيار: بس مستحيل انا مستحيل اقدر انساه انا عايشه ع امل انه يعرف الحقيقه ويرجع لي
دعاء: يمكن قد نسيك! !
اريام تهز راسها بالنفي: مستحيل! ! كيف بينسيني وانا حب حياته .. تخيلي ي دعاء شاب ماعنده علاقات مايحتك كثير مع البنات مايعرف بحياته بنت غير اريام بنت عمه الذي عاش طفولته معها والبقيه مثل السلام
سافر بدون مايكلمني حتى انه يحبني وانا كنت حبه ومن داخلي خوف يجي ويتزوج واحده ثانيه انتظرته خمس سنين وهو يدرس ببريطانيا واخذ اجازه وجاء وخطبني كنت وجهته الوحيده بعد ما تزوجنا قال لي انه حبني من الطفوله وانه انا اول حب في حياته واخر حب، كيف ينسيني بالله؟
محد ينسي يا دعاء لو حد حب واحده اسمها دعاء او اسمها اريام حتى وانا نسيها بيتذكرها في كل مره يسمع اسمها او حتى قراء روايه يذكر بها اسمها ،مثل ما انا ما نسيته هو اكيد ما نسيني!
دعاء مسكت كتفها: طيب خلاص لا ترهقي نفسك روحي اكيد ليلى قد صحيت وبتخاف وانتي مش جنبها
اريام: عمتي اذا خرجت من البيت تتفقدها كل شوي
دعاء: يحبوها!
هزت راسها بتعبير: جدا يحبوها جدا كلهم حتى جدها الكلب
دعاء: تتوقعي امير بيحبها مثلهم؟
اريام: مدري
ضحكت ب استهزاء: هه، كان نفسه ب اطفال قال لي قبل ما يسافر ،لو يعرف ما بتوسعه الدنيا .. تصوري ي دعاء حتى كان سميهم قال لو ولد احمد ع اسم صاحبه الذي مات
ولو بنت ليلى على اسم استاذته ب الابتدائي
دعاء: عشان كذا سميتيها ليلى؟
وقفت وهي تلبس عبايتها: ايوه
....    ......
المساء
اريام كانت بالمطبخ تجهز العشاء
ليلى كانت جنبها
دخلت بسمه واخذتها: اريام برد حرام عليش
صابر سمع صوتها ودخل ،التفتت له وتوتره
صابر: اريام من؟ ؟
ماعندنا ب البيت حد اسمه اريام؟
الظاهر نسيتي ي بسمه هذي اسيل
من اسسيييييل !!
اخوك بيجي بكره ان زد سمعت اسم اريام ب البيت هذا بيصير شي ثاني
بسمه ساكته وبتوتر:انا اسفه
اريام شافت له بقهر: مفكر لة غيرت وجههي واسمي ان ابنك بينسيني؟  مستحيل
صابر: لولا ليلى اني طردتك من البيت! ! لكن بتلتزمي بدورك!
خرج وهي تشوف بعده وقد عتنفجر :!!!
ببسمه شافتها واخذت ليلى وطلعت غرفتها
...........
اليوم الثاني الصباح بسمه كانت في شغلها
وصل الولد العصبي مع اخوه
اخوه : السلام وعليكم
بسمه :وعليكم السلام؛ وكانت مبتسمه
شافت له: كيفك اليوم
مارد عليها
حاولت تمسك اعلى ذراعه تساعده بعد يدها
شافت ل اخوه واخوه ياشر لها تحاول ..
حاولت مره ثانيه ووقف وهو متنرفز وقف بصعوبه
بسمه: حاول ترفع رجلك
حاول بصعوبه بس ماقدر
جاءه يإس وجلس ع الكرسي بيكلم اخوه: مهند رجعني البيت ليش بتعب نفسك! ! قلت لك انا مستحيل امشي
بسمه : من قال؟  طالما بتحرك اصابيعك يعني بتمشي يعني الاعصاب مازالت سليمه
رد بعنف: انتي اسكتي محد بيكلمك !! كلكم بتقولو كذا ، اهم شي عندكم تحصلو فلوس حتى لو تكذبو
ورجع يكلم اخوه: مهند قلت لك روحني تفهم! !
بسمه تنهده:اسمع خلينا نحاول عده مرات طيب ايش خاسر؟ واذا ما مشيت بهذا السنه بدفع لك كل ريال صرفته هنا ضعفين
سكت
شافت لمهند وخرجت معه : لا تقلف اخوك بيتعافى لو بس تتحسن حالته النفسيه شوي
مهند: هو كذا من سنه تعبنا معه
تنهده وهي تشوف له:حاولو شوفو اي حل
مهند خرج وهي رجعت تحاول معه وقف وكان هي ترفع رجله وتحاول تخليه يدوس عليها

بنهايه الدوم ارسل لها اخوه * سلام كيفك يا دكتوره ،اعرف الدوام انتهى بس ممكن تجلسي مع اخي ساعه لما اكمل شغلي؟ *
رده له براسله* تمام ولا يهمك *
غلقت التلفون واخذت كرسي وجلست جنب اخوه وهو على كرسيه المتحرك :..
سالها: كم الساعه؟
بسمه:12
رد: مش قلتي انه بتكملو الساعه 12؟  او لايكون ثقلت ع اخي وماعاد جاءش ياخذني
بسمه برده فعل سريعه: لا ابدا اصلا احنا بعد الدوم نجلس مع المرضى ساعه نسال عن مرضهم وكذا
سكتت
بسمه: ممكن اعرف اسمك!
رد بنرفزه: موجود ب الملف!
بسمه ضحكت:هههه وليش ماتقلي انت
ورجعت قريت ب الملف*معتز*
معتز: وعلى ايش بتضحكي ممكن افهم ايش المضحك بالموضوع؟
بسمه بهدوء: عمرك 27 متزوج يعني؟
معتز: لا مش متزوج
بسمه بتعجب: ليش؟ للان ماتزوجت
مارد عليها
كملت: وانا عمري 29 وللان ما تزوجت مثلك!
رفع حواجبه بتعجب :..
بسمه تكمل: اكيد بتسال ليش!  مابرد عليك مثل بقيه البنات واقل لك ماجاءش الشخص المناسب او اقل لك ما افكر ب الزواج بالعكس انا من وانا صغيره حلمي يكون عندي منزل واطفال كان حلمي اني اكون ربه بيت اكبر من اني اكون دكتوره
بس للاسف انا اقبح بنت بالعالم محد رضي يتزوجني!
معتز بعلامات تعجب ع وجههه: هه اقبح بنت بالعالم! !
بسمه رده وهي مبتسمه: ايوه اقبح بنت .. تعرف ايش اكثر مشكله تواجهها البنت انه كل اخوتها حلوين الا هي حتى لو جمالها عادي بتجلس تتقارن ب اخوتها ..

انا اخي واختي يجننو ماعاد انا لهذا لما كان حد يجي يخطبني ويشوف اختي رنده يقول اختها حلوه بس هي قبيحه ... حتى لما كنت صغيره كان كل الاطفال يحتقروني لاني سمره وكلهم بيض ... حركت ايدها بتوتر: ام الان انا بنظرهم معنسه !! انا يإسه انه بتزوج ويكون عندي اطفاال اشد من يإسك ان عادك بتمشي! !
معتز كان مندمج معها ومتفجاء
ورجعت سالتها: وانت ليش ماتزوجت وانت بهذه الوسامه يعني مش قبيح مثلي ،وضحكت
وهو تذكر *
ام معتز: هاه ايش قلت ب البنت
معتز: يمه شفتها انفها ماعجبني!
ام معتز: بنت مثل القمر وماعجبتك
افراح زوجه اخوه: وانت اي بنت نديها تطلع بها عيب قد بندي لك ملكات جمال
معتز: اشتي بنت جميله جميله ولا بها عيب مااتزوج الا اجمل بنت داخل المنطقه هذه*
نقز من سرحانه : هاه للان ماشفت البنت المناسبه
بسمه تنهده ورجعت ع الكرسي: مش شرط الحرمان يكون عباره عن رجلين ماتقدر ترفعها! !!
وشافت له : اخي معتز بتقدر تمشي اوعدك بهذا انت بس ثق بي
بلع ريقه بصعوبه وهو يستمع لها : لو الموضوع ثقه ي دكتوره فإن بعطيها لك
ابتسمت واخوه دخل : اسف لو تاخرت
بسمه : لا عادي
اخذ ممعتز وكلام بسمه يعيد نفسه داخله طلعه السياره ودخل وبدا يسوق قاطع صمتهم متعز بس ذي المره لا عصبيه ولا تذمر انما سال سؤال: مهند! ! ممكن اعرف كيف شكل الدكتوره
مهند بتعجب: طيبه وخلوقه جدا وبتحاول تساعدك الوحيده الذي كملت معك بالعلاج كل الدكاتره الاولين كانو يطفشو من معاملتك
معتز قاطعه: ماسالتك عن اخلاقها كيف شكلها هي منقبه او ككاشفه
مهند: لا كاشفه
معتز: طيب اوصف لي شكلها
مهند بتعجب: ليش؟ اممم شكلها بنت عاديه يعني مشي جميله وغمز له :لو تشتي علاقه مش من مودك ابدا
معتز: تصدقي انا بحياتي كلها ماشفت بنت عفويه وصريحه مثلها قالت انها ماتزوجت للان ليش!  لانها اقبح بنت بالكون !!!!!
مهند بتعجب: صدق! !
............  .......


🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌

اشباه احباب.

الخامس ..

كانت خارج البيت اشترت ملابس ليلى ودخلت والباب مفتوح
وهم بالصاله عرفت ان امير بيوصل دخلت المطبخ. وهو دخل البيت
سمعت ترحيبهم وتوترت من داخلها اختلطت مشاعرها اقتربت من باب المطبخ ومازال النقاب عليها
سلم ع ابوه وامه له له ثلاث سنين غايب
كانت هي تشوف له والدموع عبت عيونه وهو مبتسم مع اهله التفتت لها ووقف بدهشه وقال بدون انتباه : ارياام! !
صابر شاف لها
وبسمه وامه ساكتت
صابر ضحك: اريام من؟  هذي اسيل
التفتت لها: مالش متقبه بعدي النقاب وادخلي اعملي عشاء يالله
اريام بعده النقاب: حاضر
شاف لها وحس بخيبه امل وشاف ل ابوه: اسيل من !
صابر: اسيل شغاله عندنا .. رندا تزوجت وامك قد هي تاعبه وبسمه بتسير الشغل قلت بدي شغاله تهتم بالبيت
امير بخيبه: هاه
جلس بعد ما تغيرت ملامحه ورجع ضحك: لما شفت عيونها حسبتها اريام سبحان الله نفس العيون
صابر: يخلق من الشبه اربعين .. حتى صوتها يشبه صوت اريام كمان لانه كانت صاحبتها اصلا وكانت تجلس معها كثير عشان كذا تتكلم بنفس اسلوبها ونفس كلامها
امير شاف للمطبخ: صدق كانت صاحبتها
صابر يكمل: هي متزوجه ومعها بنت زوجها مغترب ب امريكا بس مايرسل لها فلوس لانه متزوج هناك بس يسال عليها من فتره لفتره
امير: وليش ما تطلق منه
صابر: قد قلنا لها هكذا بس قالت تحبه.
امير: هو صدق لقد حب الانسان اذتل.
..............
معتز بصاله بيتعشي مع اهله يتذكر كلام بسمه*كان اي حد يجي ويشوف رنده اختي يقل اختها حلوه وهي قبيحه * * احيانا مايكونش الحرمان بس رجلين مااتقدر ترفعها*
امه وزوجه اخوه مستغربات من صمته وهدوء اعصابه ع غير العاده
قاطع نظراتهن عندما قال: يمه انا لما كنت ابطل خطوباتي كنتي تقلي للبنات انه بسبب اشكالهن ماعجبتني او كيف
ام معتز: احيانا واحيانا لا
معتز: يعني انا كسرت خواطر ناس .. يمكن الحاله الذي انا فيه كانت عقاب من الله ع غروري!
افراح رفعت حواجبه بتعجب وشافت لمهند ومهند نفس الشي
افراح: الان بتتعافى ان شاء الله
معتز : تعرفي ي افراح الدكتوره قالت انه بمشي وبرجع لحالتي الطبيعيه خلال ذي السنه وذا وعد منها
افراح همست لمهند* ايش قصته. . كلهم بيقولو له هكذا اول مره احسه واثق من كلام حد *
مهند رد لها* الدكتوره ذي اثرت به مدري كيف قدرت *
افراح: ان شاء الله بترجع مثل قبل
معتز يكمل: مهند متى موعد دكتور العيون
مهند برفعه حاجب: الاسبوع الجاي
معتز بيحرك كرسيه المتحرك ب اتجاه غرفته اللي حافظ طريقها: طيب وتعال افعلي لي علاج العين
مهند وقف بتعجب: حاضر
افراح وامه يشوفين بعده
ام معتز: اول مره اشوف بداخله امل هكذا من حين فعل الحادث
افراح: انا منصدمه ي عمه ايش حصل
.........
اريام كانت تقدم العشاء وعيون امير عليها وهي قد روحها عتطلع عليه
ماعاد قدرت تجلس خرجت دخلت غرفتها وجلست جنب ليلى وبكت * يارب مفكرني ميته وانا امامه خلاص بجنن *

اليوم الثاني الصباح قامت بدري ودخلت المطبخ تطبخ
التفتت وهو وراها: صباح الخير
رده بتعجب وارتباك صباح النور
امير بدون مقدمات: كلميني على اريام
التفتت له بدهشه
امير: كلمني ابي انها كانت صاحبتك كلميني عليها اشتي اهداء شوي من داخلي
اريام: وايش اقول
امير: كانت تكلمك عني هل كانت تحبني
اريام ضحكت: اكيد كانت تحبك اصلا ماكان عنده سيره غيرك
ابتسم
اريام تكمل: كانت تحبك اكثر من نفسها وكانت مستعده تتنازل عن كل شي عشانك ... لما سافرت كانت منتظره رجعتك على احر من الجمر كانت تتخيل كيف بيكون اللقاء بس!
تعكر لونه :...
اريام حاولت تغير الموضوع: الان بسوي لك فطورك المفضل كلمتني بسمه عنه
امير: بسمه وين هيه
اريام: سارت الشغل
امير: اهاا
شاف لها شوي وخرج وهي تشوف بعده :...
...........
منهد تفجاء لما قام الصباح ياخذ معتز العياده انه جاهز وصاحي ومتفائل ويشتي يروح عكس كل مره
اخذه السياره وهو هادى ومزاجه رايق
وصل هناك دخل معه
شاف بسمه: سلام
بسمه : وعليكم السلام
شافت لمعتز: كيف حالك ي معتز
رد ب ابتسامه: تمام الحمد لله
مهند مبتسم
وهي تشوف لمهند مستغربه
معتز: ما بتساعدينش اوقف؟
ضحكت ومسكت اعلى ذراعه : يالله حاول يالله
استجع كل قوته وحاول يوقف ومهند يشوف
بسمه: حاول ترفع رجلك بتقدر اوثق بي
حاول مره ومرتين وبثالثه رفعها
مهند بتعجب: معتز! !!
بسمه: حلوووووو
معتز ابتسم وبيحاول يرفع الثانيه
بسمه : امسك بهذول
استند على مكان المشي
وهي رافقه مهند لخارج: في تقدم سريع بصراحه ع ححاله معتز المزاجيه متوقعته
مهند: اصلا من امس تحسنت حاله المزاجيه قوي وكان متفائل واول مره من حين فعل الحادث من سنتين يكون مبتسم واعصابه هادئه اكيد نفسيته انعكست ع مرضه
بسمه: بالطبع اكيد الحاله النفسيه لها دور كبير في مثل حالته..
مهند: شكرا لك يا دكتوره
خرج وهي تشوف بعده ودخلت عند معتز وهو يحاول يخطو حتى خطوه واحده وبالفعل نجح بصعوبه شديده

بعد ساعتين كان قدر يمشي ثلاث خطوات
مسكت ذراعه: يالله برجعك كرسيك عشان ترتاح
معتز: لا جلسيني ع كرسي عادي لما يجي مهند
بسمه: حاضر
كانت مساكه ذراعه بشده وهو يحاول يجلس ع الكرسي
جلس وجلست هي بتعب
بتشوف العياده قد كلهم روحو وهي كبيره تشبه النادي الرياضي
شوي ودخلت واحده

وقفت وسلمت عليها وهو يحاول يعرف من او يسمع شي
البنت بتتكلم مع بسمه: لا جيت ادي لش شوكلاته بما انه فردوس ولدت اليوم
بسمه مبتسمه: ايش جاءبت
البنت: ولد
بسمه: الله يهنيها
البنت بوقاحه: كنت بقول عقبالك بس فقدنا الامل قد كل صاحباتك مخلفات يالله احسن لش قدش ب للعياده احسن
بسمه تغيرت ملامحها
البنت : اسفه مش قصدي بس قد حتى الجيل الذي بعدش ي بسمه تزوجين
بسمه: طيب ماقلت شي عادي
البنت: ماريش تغيري شكلش شويه؟  مثلا افعلي ليزر يفتح بشرتك هوذا معكم فلوس .. افعلي تجميل ل انفك .. افعلي فيلر وانفخي خدودك غيري نفسش شويه لعاد باقي امل
بسمه: عفوا انا ماشكيت لك من شكلي ! انا راضيه بنفسي ياليت انتي كمان ترضي بنفسك بدل الهدره هذي والخرابيط
البنت خرجت ومعتز يسمع
وجلست جنبه ع ممسافه قصيره وهي مبتسمه: قالت صاحبتي ولدت
معتز : سمعت
بسمه مسكت التلفون: بتصل ابارك لها هذا الولد الاول بعد اربع بنات اكيد مبسوطه به
معتز: هذي البنت ايش تقرب لها
بسمه: اختها
وهي تدور الرقم
معتز: ممكن اقل شي واعذريني ع وقاحتي
بسمه ضحكت: قول بس انا متعوده ع وقاحتك معي
معتز ضحك : ههههههههههههههه دكتووووووره
كان يضحك بشكل هستري: ههههههههههه اانا وقح معك
بسمه مستغربه من ضحكته: تصدق تصورت انك ماتعرفش تضحك
معتز مسح وجهه وهو يضحك: هههه طيب دكتوره ممكن اكمل
بسمه :كمل كمل
معتز: يعني اخت صاحبتك ذي جاء وجرحتك ب الكلام وصاحبتك ذي حصلت شي انتي محرومه منه وهم الاطفال وانتي مازلتي مبتسمه كذا وبتتصلي لها تباركي لها وفرحه بموضوع ولدتها ليش؟ ممكن افهم ليش .. المنطق يقول انك تغيري من داخلك او كلام اختها يسد نفسك ويعكر مزاجك والذي اشوفه العكس ..
قاطعته: لو كنت انانيه لكن مش من حقي اكره الناس واتمنى لهم الشر عشان عندهم اشياء مش عندي! ! الحياه بسيطه ي معتز بسيط بس نتقبلها ونتقبل حياتنا الرضاء هو السعاده عشان كذا جزاء الله الصابرين ... شوف نفسك ي معتز كيف تقارحت فوق اخوك وفوقي بس عشان انت عاجز ومقعد او اعمى ماتشوف رغم اانه مالنا دخل بحالتك وانما بنحاول نساعدك بكل قوتنا ... ذي النقطه ي معتز لو تعمل بها مش بس بتشفى انما بتكون حياتك افضل وبتحصل ع الراحه اللي اغلب الناس محرومين منه .. قدر تعب وحب اخوك معك بدل من محاسبته على حاجات ماله دخل بها
معتز بلع ريقه بصعوبه والكلام ترك اثر في نفسه:.

🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌
اشبه احباب
البارت السادس


كانو كلهم بالصاله وهي تطبخ بالمطبخ وليلى جنبها عندما انكسر صحن كان بيد ليلى
التفتت لها بعصبيه وهي بكت
سمعو صوتها وقامو للمطبخ بسرعه فكرو بالبنت شي
صابر: ايش في
امير قام بعدهم وواقف بيشوف لليلى
اريام: مافي شي كانت تلعب بالصحن وانكسر وانا**
قطعتها ام امير بعنف: تلعب بالصحن لو اذت نفسها كيف تخليها تلعب ب ادوات المطبخ وهي طفله! !
اريام : والله لانه انا فاضيه قوي ما عرفت كيف اسكتها
صابر: هاتيها عندنا هوذا احنا مليان البيت
حاول ياخذها وهي اخذتها بسرعه: لا تسلم بنتي واعرف انتبهه لها
كانت بينهم نظرات قاتله قاطعهم امير: هاتي باخذها انا .. وبخرجها شوي يمكن البنت طفشت من جو البيت ماتنلام طفله وتحب تلعب وتخرج
اخذها من عندها: بمشيها شوي ونرجع
كانت سكته
وشاف ل اريام: ايش اسمها
اريام بتردد: ليلى!! !
فتح ععيونه بدهشه وقال بهدوء:ليلى!!
اريام تحاول تداري الموقف:اريام كانت تحب اسم ليلى قوي ولما عرفت اني حامل قالت ايش رايك تسميها ليلى وكان قبل ماتموت ب ايام فسميتها ليلي
امير : هاه
خرج معها وصابر شاف لها:المره الجايه بخذها غصب عنك
اريام: لو انت تقدر يا كذاب خذها وللمره الالف طالما ابوها مش عارف ،فهي بنتي انا لوحدي شروطك ذي مشيها على نفسك
التفتت تكمل طبخ وهو خرج منفعل منها ..
........  .....
روح مع مهند وهو بسياره بيفكر بكلام بسمه ورجع قال: مهند
شاف له: ايوه
معتز: بسالك لوما ذاك اليوم صيحت فوق الدكتوره لما جينا اليوم الثاني كيف استقبلتنا .. اقصد هل ابتسمت او كشرت
قاطعه: ههههه مهند الدكتوره خلوقه جدا بالعكس مجرد ماشافتك ابتسمت
معتز في نفسه: اسم على مسمى
مهند: ليش تسال! !
معتز: لانه لو كنت مكانها كنت عملت العكس
مهند: ههههههه لا تهتم

وصل البيت دخل بهدوء
وهو على الكرسي وهو مبتسم ومهند مبتسم
ونادي ع امه : يمممممه
خرجت بقلق: ايوه فيك شي
معتز ابتسم : لا .. بس بوريك شي
كانت جالسه تشوف لمهند ومهند يشوف لها بمعنى شوفي
معتز حرك ارجله الثنتين ورفعهم: يمه شوفي بدات اتحكم ب ارجلي
رفعت حواجبها: يووووه يبني واخيرااا
معتز : يمه الدكتوره قالت ان هذي اهم خطوه وانه بشفى قريب وبرجع اوقف ع ارجلي
افراح تهمس لمهند: غريبه مش يقول الدكاتره كذابين ومايصدقهم واي دكتور كنت تاخذه عنده يسبه ويتركه؟
مهند: انا نفسي مستغرب كيف قدرت تفك عقدته! !
ام معتز: يالله يالله الغداء جاهز يالله ... افتتحت نفسي ههه
معتز جلس وهم يتغدو قاطعهم: يمه مهند افراح انا اشتي اقل لكم شي
شافو له
معتز: انا احب اشكركم لانكم تحملتو نرفزتي وعصبيتي ومالكم دخل احب اشكر صبركم علي انا اسف لاني كنت ذي الفتره كلها اطلع غضبي فوقكم وعدم رضاي ع حالتي .. كنت انقهر لانكم تشوفو وانا لا لانه تمشو وانا لا .. كنت انقهر لاني مقعد لاني محتاج لكم غصب عني انا**
قاطعته امه: معتز لاتقول هكذا ي ابني انت قطعه من قلوبنا
مهند: لا تفكر ككذا انت اخي الوحيد اشيلك ع ظهري لو تطلب الامر
افراح: لا تاخد الامور بحساسيه كلنا هنا نخدمك واحنا راضيين
ابتسم وحرك كرسيه ب اتجاه غرفته
ام متعز شافت لمهند: مهند اخوك فيه شي
مهند: ماشي يمه بس مدري ايش بتقل له الدكتوره وخلته هكذا
افراح: مهند ذلحين هي دكتوره علاج طبيعي او دكتوره نفسيه؟
مهند: والله ي افراح انا بنفسي ماعاد عرفت بس اعتقد حتى لو دكتوره نفسيه ماكانت بتقدر تاثر بمعتز هكذا وتخرجه من حالته بذي السرعه! !
..........
المساء كان رجع من الشغل وفكره مضروب دخل وهي بالغرفه
رنده: اشتي اروح بيتنا بشوف اخي
وائل كان ساكت
رنده : قلت لك بروح بيت اهلي بكره
وائل: طيب انا قلت شي؟  او منتظره مني اقل شي عشان تسمعيني محاضرتك المعتاده؟ انا بنت تربيت بعز مثقفه متطوره ومواكبه للعصر، و كمان عارف ان ابوك هو اللي عزني وفتح لي سوبر ماركه واصلا ماكان بيزوجك بواحد مثلي لولا اني ابن اخته الذي ماتت؟  كلامك ذا انا حافظه!
رنده: يووه ي وائل بتفعل قصه عشان قلت بروح اشوف اخي؟ واصلا قد جاء اليوم سلم علي
وائل : شفته جاء كمان لعندي للماركه
رنده سكتت وهو شاف لها وبتمعن: وكانت معه بنت الخدامه حقكم و**
سكت ورجع اقترب منها : رنده! !
تصدقي لما كان اخذ البنت انتبهت لشي اول مره اركز عليه
رنده بتعجب: ايش؟
وائل: البنت تشبه اخوك ي رنده تشبه قوي .. لوحد يشوفهم ل اول مره بيفكرها بنته
رنده بتوتر: ههه الله يشفيك ابو ليلى ب امريكا
قاطعها: لاتنسي ان البنت ولدت بوقت يثبت ان امها كانت حامل لما كان اخوك هنا! ! اقصد يعني لايكون اخوك غلط معها و**
قطعته بعنف: الله يشفيك ي مريض .. اخي انسان مستقيم ومحترم لا تغلط عليه! !

سكت ورجع شاف لها: ناهي خلاص انسي بطلع اشوف اوراق الشغل والمطلوب والمش مطلوب
خرج وطلع غرفته اللي فوق اللي مغلقها بالمفتاح والافكار تلعب في راسه؟
لاتكون البنت بنت اريام؟  يمكن اريام كانت حامل ودخلت المشفى وكان الجنين عايش داخلها هي بتحصل وبعدين خلو اريام لوما ولدت البنت بعمليه ودفنوها لانها تعتبر ميته؟
لانه كل الذي حضرين العزاء قالين ماشافين وجهه الجثه واللي شككو بطولها ووزنها؟ وكمان الخدامه حق بيت عمي! ! جاءت بنفس الوقت اللي ماتت به اريام
في شي ياربي في شي
فتح الدرج حقه وشاف الصندوق وتذكر خاله ابو اريام * وائل انا مابقدرش اوثق بحد غيرك .. لكن هذا الصندوق مكنه اريام بعد ااموت وامانه لا تفتحه ولايوصل لحد غيرها ..
وائل: بعد عمر طويل يا خال.. طيب ي عم ليش ما تمكنها انت الان
ابو اريام: في بالصندوق ذا حقيقه ما بتتحملها اريام ولا عندي القدره ولا الشجاعه اوجهها *
رجع الصندوق مكنه وهو ييفكر: ايش بجلس اعمل ب الصندوق والبنت قد ماتت؟ لكن في شي في حاجه ناقصه! ! خالي ليش ما مكن خالي صابر خاصه وهو معيشه ببيت ع حسابه وفاعل له كل شي .. ليش مكني انا وليش الا بعد مايموت .. ليش اريام ماتت بدون محد يشوف شكلها وليش الوزن والطول كان مختلف .. واللي يحيرني انه لما سرت اسال بالمشفى متى ماتت قالو مافيش عندهم ميت بذا الاسم! !!! كمان ليلى ليلى كيف تشبه امير لهذا الحد !! معقوله امير غلط مع اسيل واريام ماتحملت الحقيقه وحاولت تفضحهم وهم قتلوها ؟!!في حاجه ناقصه والصندوق ذا ما بيروح من يدي الا لوما اتاكد مليون بالمائه انه اريام بنت خالي ماتت ....

............   ......


🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌

اشباه احباب

البارت السابع ..

بعد مرور اسبوع ..
  ام امير دخلت عند اريام المطبخ :بسمه ماقد جاءتش؟
اريام:لا
ام امير: يالله هاتي الغداء بسرعه وائل قد جاء وخلي. اكل لبسمه
اريام: تمام
قربت الغداء واجتمعو ليلى كانت مع امير ووائل يشوف لهم  ورنده تشوف لوائل
صابر شاف لليلى: تعالي اتغدي يالله باكلش انا
مد ايديه ياخذها
واريام اخذتها: ببتغدي معي بالمطبخ
ؤائل بيكلم نفسه* غريبه ليش دئما اسيل تمنع خالي من انه ياخذ ليلى؟ وكل مره بحجه؟ وليش خالي اصلا متعلق ببنت الخدامه لذي الدرجه!  *
صابر سكت وهي اخذتها وخرجت ...

.........
بسمه منتظره مهند يجي ياخذ معتز وتروح
وسالها هو:دكتوره 
بسمه كانت بتشوف لتلفون ورجعت شافت له: ايوه؟
معتز بيمازحها: لو تقدم لش اعمي عتتزوجيه؟
بسمه ضحكت: اكيد ع الاقل مايشوفش شكلي
معتز ضحك: ولو هو انا
بسمه بمزاح: انت اصلا مابقبل اتزوجك الا لو انت اعمي والا الناس عيجلسو يقارنو بيني. بينك بس اعمي بيقولو كل وواحد معه عيبه وبعدين**
سكتت
معتز بغرابه : وبعدين؟
بسمه: سالت مهند ليش ماتزوجت للان يعني لو كان عندك شخص تحبه واطفال كانت حالتك بتتحسن اكثر وقال لي انه انت كنت انسان متشرط ومحد اعجبتك
معتز بهتت ابتسامته: قال لش كذا! !
بسمه : ايوه
معتز: صح .. تعرفي ي دكتوره .. انا كنت طول حياتي اعمى عادنا بدات اشوف ذي الايام
بسمه بغرابه: قد بتشوف!!!
ضحك: لا لا اقصد بدات اشوف فعليا .. زمان كنت اشوف اشكال الناس بس ومظاهرهم ووهي كلها وههميه والان بس بدات اشوف صور الناس الحقيقه لما اختفت الملامح ظهرت لي دواخلهم
وهو بيتكلم وصل مهند : سلام
اخذ معتز وخرج وبسياره: الان بنروح عند الدكتور اتصلت له وقال انه بالعياده
معتز بدون اضافات: انت قلت ل الدكتوره اني رفضت البنات عشان اشكالهن؟
مهند سكت
معتز يكمل: مهند مش قلت لك البنت حساسه من ذا الجانب؟
مهند: سالتني وجاوبتها بصدق ليش بكذب!
معتز: كانك تشتي تبعدها عني؟
مهند : بصراحه اشوفك بدات تندمج معها قوي اخاف تعلقها بك ويرجع لك نظرك وتشوفها وما تعجبك وتكسر نفسها!
معتز: ياليت تكون تطبق تحليلات ع نفسك انا قاعده شاذه!
مااشبه بتفكيري احد فلا تتوقع تصرفاتي
مهند سكت
............
وائل خرج مع امير وقال بيرجع ياخذ رنده المساء
وهي كانت مع ابوها
وبتردد: وائل قال انه ليلى تشبه امير قوي وانه شافهم مع بعض واستغرب من الشبهه! وانه "وبتردد" يمكن غلط مع اسيل وذي بنته
صابر: وايش قلتي
رنده: قلت له انت مجنون ليلى ابوها ب امريكا
صابر : واقتنع؟
رنده سكتت
صابر: ضروري يقتنع يا رنده والا **
قاطعته : لا لا اقتنع طبعا
صابر: رنده الموضوع ذا مشتيش حد ينبش به لو وائل جلس يعيد به انا مطر اصفيه!
رنده بتوتر: يووووه يبه هو استغرب من الشبه بس وتكلم مره واحده بس ولا عادها ولاشي لا تكونش كذا
صابر سكت وهي تشوف له ومن داخلها *ليت انا ما تكلمت *
....... .....
بعد ما فحصه الدكتور جلس ع الكرسي: بصراحه انا مندهش!!  في تطور رهييب بالحاله ماتوقعت بيحصل بذي الفتره القصيره
معتز: يعني ي ددكتور!
الدكتور: طالما حالتك النفسيه متحسنه ذا الشي بينعكس وبشكل كبير على نظرك .. وطالما النتيجه مبشره جدا .. يعني في شي واحد بسيط بس بفعله وان شاء الله ترجع تشوف
مهند بفرح: صدق ي دكتور
معتز: ايش
الدكتور: بفعل لك عمليه بسيطه نقدر نفعلها بكره وبتجلس بالمشفى يومين فقط ونبعد الشاش
معتز : وكم نسبه نجاح العمليه
الدكتور: نسبه نجاح العمليه مع حالتك النفسيه ذي 90%
مهند: متاكد ي دكتور
الدكتور يهز راسه: متاكد! !
معتز في نفسه*واخيرا بشوف اقبح بنت بالعالم * وتذكر كلامها "اصلا انت مابقبل اتزوجك الا لو انت اعمي "
..............

🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 @ahgeel 👈👈👌

اشباه احباب

البارت الثامن ..

روحت معه البيت كانت ملاحظه عليه شارد،
بترتب ملابسها وتشوف له !
مازال مستمر في شروده وكانه بيفكر بشي قاطعة تفكيره: ب ايش بتفكر
وائل التفتت لها: هاه ولاشي
رنده:كيف ولاشي وانت سارح كذا
وائل عدل جلسته: ليش اسيل مابتخليش ابوش ياخذ ليلى ابدا كل ماحاول ياخذها اخذتها؟
رنده: عادي بنتها وهي حر وين الغريب بالموضوع
وائل: الغريب بالموضوع انه كيف واحد مثل ابوش بيهتم ببنت خدامه لدرجه مستعد ياكلها بيده ؟ ابوك ي رنده اللي الغرور عامي عينه!
رنده تركت الملابس من يدها: نهايتك بتجنن بسبب تفكيرك الاهبل هذا واذا ابي مغرور بس هو انسان ولاتنسى ان الطفل الوحيد في بيتنا هي ليلى وجاءت بعد سنين اكيد ابي بيكون اشتاق للاطفال!
سكت ومن داخله: مستحيل في شي نظرات اسيل ل امير حب واضح عكس نظرات امير اللي واضح بها الحزن والشوق انا مادرست علم نفش على الفاضي لو كان في علاقه بين اسيل وامير ووماتت اريام بسببها كان وضح ذا الشي ووكان مبين ع امير الندم مش الشوق والالم.. في ليلى شي اكيد ماحد يعرفه ولاشك ان رنده عارفه لانه لو مش مخبي شي ماكانت دافعت انما كانت استغربت مثلي .. انا الذي مجنني كيف بتشبه امير كيف عيونها حتى طباعها مثله!!!
رنده في نفسها : يارب تشيل ذا التفكير من رااسك قبل مايعرف ابي او يشك
..........   .......
اليوم الثاني راح مع اخوه العياده وصل ورحبت به وهو ساكت كانه في فمه كلام
شافت لمهند: اليوم ما بنساعد اخوك يوقف لانه بيوقف بنفسه
معتز برفعه حاجب : اوقف؟
بسمه: ايوه اوقف
معتز: بس ي دكتوره
بسمه: انت تحسنت جدا بتقدر محتاج تثق بنفسك وتحاول
مهند حاول يتكلم سكتته بيدها
معتز مسك ب ايده الثنتين الكرسي وحاول يوقف بس ماقدر
وبسمه تشوف
حاول المره الثانيه وارتفع شوي وفلت ايديه وقال بيإس : دكتوره !!
بسمه: حاول كمان ايش ورانا .. ثق بي بتقدر
مسك بالكرسي وحاول يوقف ذي المره ارتفع اكثر وبدات ايديه ترجف من شده الضغط
مهند بيشوف اخوه وهو خايف عليه ومتوتر ويحس انه تشتي تتعبه بس وقال بعصبيه: دكتوره بس انتي جالسه ترهقيه
وسط تهجمه الشديد والمنفعل ع الدكتوره
معتز وقف
مهند هدا۽ت اعصابه وشاف لمعتز بفرح: معتز! !
معتز : بتشوف ي مهند انا واقف ع ارجلي! !!!!!
انا واقف بدون اي مساعده! !!
بسمه مبتسمه ومتاثره! !!
............
امير كان بالصاله عندما سمع ليلى تبكي من المطبخ
دخل : مالها؟
اريام تتكلم وهي تطبخ: جالسسه تبكي تشتي ملوخيه!
امير شرد ورجع شاف لها: وليش ماتدي لها؟
اريام: انا قلت للغداء وبعدين قد ااكلت انا مش عارفه ليش بتحب الملوخيه هكذا الظاهره انه*** سكتت
امير: انه ايش
اريام في نفسها*الظاهر انه جاءت مثل ابوها *
امير شاف اريام ساكته اخذ ليلى لحضنه: خلاص هاتي لي انا وهيه حتى انا احب الملوخيه قوي
ورجع شاف ل اريام: انا وليلى تشابهه بحاجات كثير نحب نفس الاشياء ونكرهه نفس الاشياء
كانت ساكته وتشوف له عندما قاطعه ابوه اللي دخل فجاءه: يخلق من الشبه اربعين
امير ابتسم
صابر: ذلحين متى ناوي تتزوج وتدي لنا عيال وبنات مثل ليلى
اريام بلعت ريقها بصعوبه وهي تشوف ل امير
امير: مش وقته يبه مش وقته
اخذ ليلى وخرج
وصابر شاف لها: لا تتامليش بيتزوج بيتزوج
ماردت عليه ومن داخلها قلق وربكه
......  ......
نهايه الدوم بسمه منتظره عشان اخو معتز يجي ياخده
معتز بتردد: دكتوره!
بسمه شافت له: ايوه
معتز:بغيب يومين
بسمه بتعجب: ليش!
معتز: بروح مع اهلي مكان لمده يومين
بسمه: ترجع بسلامه
معتز سكت ورجع بتردد: دكتوره!
بسمه: معتز من الصباح احسك تشتي تقل شي قل ليش التردد
معتز: دكتوره بصراحه انا انا يعني لو اجي اتقدم لش بتقبلي تتزوجيني؟
بسمه شافت له بدهشه! !!!
معتز لما لاحظ صمتها: ادري بتقولي اعمي ومشلول وحالته حاله
بسمه بلعت ريقها بصعوبه: لا والله مش كذا ي معتز بس اقصد لاتكون تفكر حين كلمتك ان حلمي اكون ربه بيت شفقت حالي و**
معتز قاطعها: وقلت ذي معنسه اكيد بتقبل بي وكل واحد منا له عيبه .. لا ابدا
انا شفت فيك شخص ماشفته بحد بحياتي .. انتي شاغله كل تفكيري .. انا افكر فيك باليوم الف مره .. في داخلي لش شغف وحب بيتكاثر داخلي .. كرهت يوم الجمعه لانه اليوم الوحيد اللي ما تكوني فيه .. انتي العاده الوحيده اللي اتمنى ما تتغير في حياتي .. عشان كذا اشتيك معي
قاطعته: طيب نفترض رجع لك نظرك ورجعت تشوف وبعدين تشوفني وما اعجبك وتهجرني !! انا ماقدرش ارتبط فيك الا لو تتدي لي ورقه من الدكتور انك ماعاد تتشوف ابدا .. معتز انت حتى احلى مني انا لو وقفت امام يوم العرس كل شخص بيعلق الف كلمه بيقولو ذا الحلو كيف اخذ ذي الشينه!

معتز: لذي الدرجه متعقده من شكلك !!طيب انا ماعاد اشوف وانا اصلا اشوفك بقلبي مش بعيني
بسمه:معتز انت صدمتني! ! وهذا بس كلام لما تشوفني بيتغير رايك .. شوف مهند ايش قال وليش للان ماتزوجت ايش بيقولو الناس صبر صبر واخر شي اخذ هذه
معتز:مايهمني شي من كلامك هذا ولا تقوليش الناس ماتهمني الناس... طيب فكري عادي

انا منتظر ردك

مهند دخل يضحك ووهي سكت وشاف له: الله مش مصدق اخي اليوم وقف على رجله!
. ..........

🔮📚 @ahgeel 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮