Сәлимгәрәй мөфти хатынының вафаты
Уфаның карт бикәләреннән Фатыйма бинте Сөләйман Тәфкилевә мәрхүм Сәлимгәрәй мөфтинең зәүҗәсе, 19 нчы июньдә вафат булып, 20 сенә дәфен кылынды.
Мәрхүмә зәүҗе кеби хәйрат иясе вә изгелек сөюче бер хатын булып, кырык-илле мең сум торырлык бөтен йорт вә йорт урыннарын беренче мәчет-җамигының мәдрәсәсе һәм руханилары файдасына вакыф итеп, 1910 нчы сәнәдә тасдыйк иттермеш иде. Хәзерге көндә бу вакыф әмляк ике мең ярым сум сәнәви варидат китерәдер.
Ошбу изгелекләренә мокабил, беренче мәхәлләнең попечительләре мәрхүмәне зәүҗе Сәлимгәрәй мөфти янына мәчет-җамиг ихатасында дәфен итәргә сорап, эш йөрттеләр һәм әйләндереп чыгарганнар иде.
Шуңа бинаән зәүҗе янына, аның шимал ягына дәфен ителде.
Җиһангир хәзрәт кабере өстендә бер-аз сүзләр сөйләде, аның тәрҗемәи хәлен вә кылган изгелекләрен зикер итте. Шунда сөйләнгән тәрҗемәи хәлгә бинаән, мәрхүмә хәзерге көндә 80 яшендә, 25 ел мәрхүм Сәлимгәрәй мөфти берлә бергә тереклек иткән, 1885-енче елда аннан тол калган, әхлаклы, простой вә мал тота белүче бер хатын булып, малларын бер дә исраф итмәгән вә саклап китереп, менә шулай хәйратка калдырган, вә үзенә мәңгелек изге исем алган бер хатындыр.
Дәфен көнендә хәйратка тотарга бер мең сум васыять иткән, һәм моннан тыш беренче мәхәлләнең имамы берлә мөәззиненә бишәр йөз сум акча васыять итеп калдырганлыгы ишетелде. Мөфти хәзрәт Солтанов та җеназасында хазир булды.
Иң якын варисларыннан Касим өязе, Курский дигән авылда (асыл ватаны шул авыл икән) бертугма (ана башка) ике энесе бар икән. Уфадагы варислары аннан ераграк һәм хатын-кыз таифалардандыр. Җиһазлары вә йорт әсбапларыннан башка икенче урыннарда мирас булып калган имениесе юк. Банкта 20-30 мең сумнар акчасы барлыгы ишетелде. Уфадагы нәсәпләренә һәркайсына шәригать буенча (болар мирастан мәхрүмнәр иде) икешәр, өчәр мең сум акча васыять иткән. Хадимнәренә кадәр үзе сәламәт вакытта сумма билгеләп, һәркайсын ризалаткан.
Ошбу эшләр мәрхүмәнең тәдбирле һәм акыллы бер хатын икәнен күрсәтәләр. https://avatars.mds.yandex.net/get-altay/14093276/2a00000191905d0a6c2619a698fb9d29062c/XXXL

Уфада Камал театрының күптән көтелгән гастрольләре башланып китте.

Кадерле "Татарча диктант" акциясен урыннарда оештыручылар һәм диктант язучылар! Үзегезнең регионда (район, шәһәр, авылда) һәм чит илләрдә узган диктант турындагы хәбәрләрегезне Бөтендөнья татар конгрессының массакүләм мәгълүмат чаралары сәхифәләрендә (рәсми сайт, ВКонтакте төркеме, Телеграм-канал) күрергә теләсәгез, түбәндәге шартларга туры китереп, безгә мәгълүмат юллый аласыз.
    1.Диктант кайда узды?
    2.Диктантның төп оештыручысы кем? (оешма/учреждение/яки аерым бер шәхес)
    3.Диктант язуда  күпме кеше катнашты?
    4.Текстны укучы лектор кем иде.
    5.Текстыгыз ахырында #татарчадиктант2025 хештегы куеп, хәбәрегезне әлеге постка комментарий итеп язып җибәрегез.
    6.Һәм, әлбәттә, горизонталь форматта фотолар (1-4 фото). Чара турында 1-2 минуттан да озын булмаган видеолар булса тагын да яхшы.
Барыгызга да уңышлар һәм яхшы кәеф теләп, Бөтендөнья татар конгрессының Башкарма комитеты📝

“Раббым Аллаһ. Мин сиңа ялкаулыктан, тәкәбберлек сыйфатыннан, җәһәннәм утыннан һәм кабер газабыннан саклауны сорап сыенам”.
Имам Мөслим хәдисләр җыентыгыннан.
⠀
Җомга мөбарәк булсын, милләттәшләр, дин кардәшләр!
⠀
Фотода Уфа районы Чернолес авылындагы мәчет.
⠀
На фото мечеть, расположенная в деревне Чернолесовский Уфимского района.

Бу көн килеп җитте, дуслар!

14, 15 һәм 16 ноябрь көннәрендә Дөньякүләм
«Татарча диктант» акциясенә кушылабыз!

Быелгы акция бөек татар мәгърифәтчесе Каюм Насыйриның 200 еллык юбилеена багышлана, шуңа күрә Башкортстан өчен текст аның иҗатыннан алынды.

✍️14-16 ноябрь көннәрендә 10:00 сәгатьтә «ТНВ Татарстан», «ТНВ Планета», «Хозур ТВ» телеканалларында, шулай ук «Болгар радиосы»нда
диктант уку эфиры оештырылачак.

Диктантны төрле урыннарда офлайн мәйданчыклар булдырып оештыручылар байтак, афәрин! Әле сез дә оештыручы буларак та кушыла аласыз.

Акция турында тулырак мәгълүматны diktant.tatar сайтында табарга мөмкин.

Президент Владимир Путин Указы белән Башкортстанның һәм Татарстанның халык артисты, танылган җырчы Айдар Галимовка "Русиянең атказанган мәдәният хезмәткәре" исеме бирелде.

Чын күңелдән котлыйбыз!