Татарстан Республикасы фольклор музыкасы дәүләт ансамбле солисты Кадрия Исламованың «Йөрәктән - йөрәккә» дип аталган камера концерт-фатирнигы Татар китабы йортында үтүе хакында "Татар информ" хәбәр итә. «Җыр һәм шигырь – күңелдәге хисләрнең чагылышы. Ә инде күңелне балкыткан иң якты хис – ул бәхет. Ә нәрсә ул бәхет? Моны һәркем үзенчә аңлый һәм бәяли. Тик, ничек кенә булмасын, кеше дөньяга бәхетле булыр өчен туа бит. Кеше гомере буена әнә шул тылсымлы, кыйммәтле бәхет ачкычын эзли һәм үз юлыннан барганнар таба да. Ә язмыш юллары - һәркемнеке үзенеке. Тормыш юлында кояш балкыган матур көннәр булгандай, болыт каплаганнары да очрый. Тик күңелнең өмет утын сүндерергә һич ярамый. Җиде юл чатында кая барырга белми туктап калганда да, капма-каршы утырып, йөрәктән йөрәккә әйтелгән сүзләр җылыта», – дип башлады ул концерт дебютын. Алга таба чара Роберт Миңнуллин, Флёра Шәрипова, Рөстәм Яхин, Резида Әхиярова һәм башка танылган шагыйрьләр, композиторларның әсәрләре белән дәвам итте. «Концерт үткәрү идеясе көтмәгәндә барлыкка килде. Иҗат кешесе һәрвакыт эзләнүдә, үсештә булырга тиеш. Мин иҗатымда нәрсәнедер үзгәртер чак җиткәнен аңладым. Шуннан әлеге чараны оештырырга булдым. Фатирник форматы – тамашачылар белән якыннан аралашуны күзаллый торган форма. Ятлаган шигырьләрем дә, җырларым да күп кенә. Аларны барлагач, сценарий яздым һәм, тәвәккәлләп, оештыру эшенә алындым. Чараны әзерләүдә катнашкан һәркемгә рәхмәт сүзләре җиткерәм», – дип ассызыклады Кадрия Исламова...

Тулырак: https://kiziltan.ru/articles/kultura/2025-06-19/y-r-kt-n-y-r-kk-4281545

Санкт-Петербург дәүләт кино һәм телевидение институты "Моң" дебют фильмын төшерүгә кереште.
⠀
Фильмда рольләрнең берсен Туймазы театры актрисасы, БР һәм ТР атказанган артисты Рима Шаһит кызы Ключарева башкара.
«Моң» дебют проектының режиссеры - Бөтенроссия дәүләт кинематография институтының 44 нче Халыкара студентлар кинофестивалендә Гран-при иясе Софья Чигирова.
⠀
Фильм чит илдә эш тәкъдим ителгән Алина тарихын сөйли, ләкин китү өчен билетка акча җитми. Деменция белән интегүче әбисеннән ул аларның иске авылында күмелгән хәзинә турында белә. Ләкин аны табу җиңел булмаячак: авыл күптән су астында калган, ә әбинең хатирәләре ышанычсыз булырга мөмкин.
Проект РФ Мәдәният министрлыгы субсидиясе ярдәмендә тормышка ашырыла.

Стәрлебаш район үзәгендә язучы Зәки Зайнуллинның «41нең арбалы хатыннары»әсәренә нигезләнеп ясалган һәйкәленең тантаналы ачылышы булды. Шушы һәйкәл 400дән артык Стәрлебаш кешесе тырышлыгы белән дөнья күрде.

Тантаналы чарада Стәрлебаш район башлыгы Рахманголов Рөстәм Камил улы, Башкортстан Республикасы Профсоюзлар Федерациясы рәисе урынбасары Мәхмүтов Наил Мәҗит улы, тарих фәннәре докторы Зыязетдинов Рәфис Миңнегали улы һәм Бөтендөнья татар конгрессының Башкортстандагы вәкиле Альфред Әмир улы Дәүләтшин һәм башкалар катнашты.

Һәйкәлне әзерләүдә җанын һәм көчен сарыф иткән милләттәшләребез Ягъфәр Сәйгафәр улы Хисмәтуллин һәм Хисәметдин Шәрәфетдин улы Исмәгыйлев Бөтендөнья татар конгрессының рәхмәт хатлары белән бүләкләнде.

Бүген Чишмә районының Тәпәреш авылында зур сабантуй узды.
Быел бу бәйрәм җирлектә 16нчы тапкыр уздырылды.
⠀
Чарага республиканың төрле почмакларыннан кунаклар килде.
⠀
Яңгыр һәм җил булуга карамастан, беркем дә бу тантанадан китәргә ашыкмады. Артистлар сәхнәдә бер-берсен алмаштырып тамашачыларга шатлык бүләк иттеләр, ә алдынгыларны грамоталар һәм акчалата сертификатлар белән хөрмәтләделәр.
⠀
Сабан туе ат чабышы, көрәш, капчык сугышлы һәм башка уеннар белән үрелеп барды.
⠀
Җиңүчеләр грамоталар, кубоклар һәм микроволновка, пылесос, телевизор кебек кыйммәтле призлар белән бүләкләнделәр.
⠀
Бәйрәмдә Бөтендөнья татар конгрессының Башкортстандагы вәкиллеге һәм Казан кунагы, Бөтендөнья татар конгрессының махсус проектлар комитеты җитәкчесе Алмаз Хәлиуллин да катнаштылар.