🇷🇺БӘЙРӘМ БЕЛӘН!
12 июньдә ил халкы мөһим дәүләт бәйрәмен - Россия көнен билгели, ә уфалылар һәм башкала кунаклары шәһәр көнен дә бәйрәм итә.
Россия көне - ул закон һәм гаделлек нигезендә булдырылган азатлык, гражданлык тынычлыгы һәм татулык бәйрәме. “Туган ил” төшенчәсе исә безнең һәркайсыбыз өчен кече Ватаныбыздан - без яшәгән, эшләгән, гаилә корган, балалар үстергән урыннан башлана.
Шәһәр көне - аның барлык буын вәкилләрен бер гаиләгә берләштерүче матур чара. Башкала халкын бу искиткеч бәйрәм белән чын күңелдән тәбрик итәбез. Иртәгәсе көнгә ышаныч, тынычлык һәм татулык, эшләрегездә уңышлар һәм яхшы бәйрәм кәефе телибез!

XXV Федераль Сабантуй быел Якутиядә уза.
Илебезнең төрле почмакларыннан милләттәшләребез бәйрәм чараларына җыелды.

Бөтендөнья татар конгрессының Башкортстандагы вәиллеге җитәкчесе Альфред Дәүләтшин дә Якутиягә аяк басты.

Бәйрәм чаралары кысаларында Советлар Союзы Герое, күренекле татар шагыйре Муса Җәлил бюстына чәчәкләр салынды.

Чәчәк салу тантанасында Васил Шәйхразыев, Саха (Якутия) Республикасы Хөкүмәте Рәисе урынбасары Сергей Местников, РФ Дәүләт Думасы депутаты Айдар Метшин, Приморье крае губернаторы аппараты һәм Приморье крае Хөкүмәте җитәкчесе Диләрә Маликова, Түбән Кама районы башлыгы һәм Түбән Кама мэры Радмир Беляев, Бөтендөнья татар конгрессы Милли Шура рәисенең беренче урынбасары— Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров, Омск өлкәсе Хөкүмәте Рәисе урынбасары Иван Колесник, шулай ук Россия Федерациясенең төрле төбәкләреннән татар иҗтимагый берләшмәләре делегацияләре катнашты.

Чәчәкләр салу Бөек Ватан сугышы елларында һәлак булган, әмма татар халкының батырлыгы, ныклыгы һәм рухи көче символы буларак тарихта мәңгегә калган герой-шагыйрь истәлегенә тирән хөрмәт һәм ихтирам билгесе булды.

Муса Җәлил бюсты тантаналы рәвештә 2023 елның 31 октябрендә ачылды. Ул вакытта Якутиягә Татарстаннан Васил Шәйхразыев җитәкчелегендәге рәсми делегация килде. Монумент җирле татар җәмәгатьчелеге, бөек шагыйрь һәм көрәшче истәлеген хөрмәтләүчеләр өчен мөһим мәдәни һәм рухи символга әверелде.

Бюст авторы — Татарстан Республикасының атказанган сәнгать эшлеклесе, Санкт-Петербург дәүләт кино һәм телевидение институтының компьютер графикасы һәм дизайн кафедрасы доценты Винера Абдуллина. Ул шулай ук Санкт-Петербургтагы Татар Дворяннары Җыелышы һәм Россия рәссамнар Берлегенең Санкт-Петербург бүлеге әгъзасы булып тора. Скульптор үз эшендә шагыйрь образын герой буларак кына түгел, ә иҗаты әлегә кадәр илһамландыручы нечкә сүз рәссамы буларак та тапшырган.

Муса Җәлил һәйкәленә чәчәкләр салу тантанасы Сабантуйның мәдәни программасының мөһим чарасы булды, татар халкының тарихы, мәдәнияте һәм рухи кыйммәтләре арасындагы аерылгысыз бәйләнешне искә төшерде.

Татарстан Республикасы фольклор музыкасы дәүләт ансамбле солисты Кадрия Исламованың «Йөрәктән - йөрәккә» дип аталган камера концерт-фатирнигы Татар китабы йортында үтүе хакында "Татар информ" хәбәр итә. «Җыр һәм шигырь – күңелдәге хисләрнең чагылышы. Ә инде күңелне балкыткан иң якты хис – ул бәхет. Ә нәрсә ул бәхет? Моны һәркем үзенчә аңлый һәм бәяли. Тик, ничек кенә булмасын, кеше дөньяга бәхетле булыр өчен туа бит. Кеше гомере буена әнә шул тылсымлы, кыйммәтле бәхет ачкычын эзли һәм үз юлыннан барганнар таба да. Ә язмыш юллары - һәркемнеке үзенеке. Тормыш юлында кояш балкыган матур көннәр булгандай, болыт каплаганнары да очрый. Тик күңелнең өмет утын сүндерергә һич ярамый. Җиде юл чатында кая барырга белми туктап калганда да, капма-каршы утырып, йөрәктән йөрәккә әйтелгән сүзләр җылыта», – дип башлады ул концерт дебютын. Алга таба чара Роберт Миңнуллин, Флёра Шәрипова, Рөстәм Яхин, Резида Әхиярова һәм башка танылган шагыйрьләр, композиторларның әсәрләре белән дәвам итте. «Концерт үткәрү идеясе көтмәгәндә барлыкка килде. Иҗат кешесе һәрвакыт эзләнүдә, үсештә булырга тиеш. Мин иҗатымда нәрсәнедер үзгәртер чак җиткәнен аңладым. Шуннан әлеге чараны оештырырга булдым. Фатирник форматы – тамашачылар белән якыннан аралашуны күзаллый торган форма. Ятлаган шигырьләрем дә, җырларым да күп кенә. Аларны барлагач, сценарий яздым һәм, тәвәккәлләп, оештыру эшенә алындым. Чараны әзерләүдә катнашкан һәркемгә рәхмәт сүзләре җиткерәм», – дип ассызыклады Кадрия Исламова...

Тулырак: https://kiziltan.ru/articles/kultura/2025-06-19/y-r-kt-n-y-r-kk-4281545

Санкт-Петербург дәүләт кино һәм телевидение институты "Моң" дебют фильмын төшерүгә кереште.
⠀
Фильмда рольләрнең берсен Туймазы театры актрисасы, БР һәм ТР атказанган артисты Рима Шаһит кызы Ключарева башкара.
«Моң» дебют проектының режиссеры - Бөтенроссия дәүләт кинематография институтының 44 нче Халыкара студентлар кинофестивалендә Гран-при иясе Софья Чигирова.
⠀
Фильм чит илдә эш тәкъдим ителгән Алина тарихын сөйли, ләкин китү өчен билетка акча җитми. Деменция белән интегүче әбисеннән ул аларның иске авылында күмелгән хәзинә турында белә. Ләкин аны табу җиңел булмаячак: авыл күптән су астында калган, ә әбинең хатирәләре ышанычсыз булырга мөмкин.
Проект РФ Мәдәният министрлыгы субсидиясе ярдәмендә тормышка ашырыла.