Бүген, Балаларны яклау көнендә, "Нур" театры студиясенең татар төркеме "Заман" ресторанында чыгыш ясады. ✨🌷
Ресторанның нәни кунаклары өчен җырлар һәм шигырьләрдән төзелгән бәйрәм концерты тәкъдим ителде. Үз чиратында, ресторан хезмәткәрләре студиячеләргә өчпочмаклар хәзерләү буенча осталык дәресе һәм күбекле дискотека бүләк итте. Төркемнең кураторы Айгөл Юлъякшина "Заман" рестораны хезмәткәрләренә "Нур" театры исеменнән һәрвакытта да хезмәттәшлеккә һәм уртак проектлар оештыруга әзер булганнары өчен Рәхмәт хаты тапшырды.🤍

Казанда төрки халыкларның «Нәүрүз» XVII Халыкара театр фестивале кысаларында Уфа "Нур" татар дәүләт театры Камал театрының яңа бинасында «Туташ» спектаклен тәкъдим итте.

Казан тамашачысы беренче татар актрисасы Сәхибҗамал Гыйззәтуллина-Волжскаяга багышланган спектакльдән соң күңелләре тулып, елый-елый кул чапты. Күпләр "Туташ" драмасының бик уңышлы килеп чыгуын ассызыклады.

Уфа “Нур” татар дәүләт театры артистларын һәм җитәкчелеген чын күңелдән котлыйбыз!

Театр алдагы көннәрдә дә яктылыкка, нурга илтсен!

🇷🇺БӘЙРӘМ БЕЛӘН!
12 июньдә ил халкы мөһим дәүләт бәйрәмен - Россия көнен билгели, ә уфалылар һәм башкала кунаклары шәһәр көнен дә бәйрәм итә.
Россия көне - ул закон һәм гаделлек нигезендә булдырылган азатлык, гражданлык тынычлыгы һәм татулык бәйрәме. “Туган ил” төшенчәсе исә безнең һәркайсыбыз өчен кече Ватаныбыздан - без яшәгән, эшләгән, гаилә корган, балалар үстергән урыннан башлана.
Шәһәр көне - аның барлык буын вәкилләрен бер гаиләгә берләштерүче матур чара. Башкала халкын бу искиткеч бәйрәм белән чын күңелдән тәбрик итәбез. Иртәгәсе көнгә ышаныч, тынычлык һәм татулык, эшләрегездә уңышлар һәм яхшы бәйрәм кәефе телибез!

XXV Федераль Сабантуй быел Якутиядә уза.
Илебезнең төрле почмакларыннан милләттәшләребез бәйрәм чараларына җыелды.

Бөтендөнья татар конгрессының Башкортстандагы вәиллеге җитәкчесе Альфред Дәүләтшин дә Якутиягә аяк басты.

Бәйрәм чаралары кысаларында Советлар Союзы Герое, күренекле татар шагыйре Муса Җәлил бюстына чәчәкләр салынды.

Чәчәк салу тантанасында Васил Шәйхразыев, Саха (Якутия) Республикасы Хөкүмәте Рәисе урынбасары Сергей Местников, РФ Дәүләт Думасы депутаты Айдар Метшин, Приморье крае губернаторы аппараты һәм Приморье крае Хөкүмәте җитәкчесе Диләрә Маликова, Түбән Кама районы башлыгы һәм Түбән Кама мэры Радмир Беляев, Бөтендөнья татар конгрессы Милли Шура рәисенең беренче урынбасары— Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров, Омск өлкәсе Хөкүмәте Рәисе урынбасары Иван Колесник, шулай ук Россия Федерациясенең төрле төбәкләреннән татар иҗтимагый берләшмәләре делегацияләре катнашты.

Чәчәкләр салу Бөек Ватан сугышы елларында һәлак булган, әмма татар халкының батырлыгы, ныклыгы һәм рухи көче символы буларак тарихта мәңгегә калган герой-шагыйрь истәлегенә тирән хөрмәт һәм ихтирам билгесе булды.

Муса Җәлил бюсты тантаналы рәвештә 2023 елның 31 октябрендә ачылды. Ул вакытта Якутиягә Татарстаннан Васил Шәйхразыев җитәкчелегендәге рәсми делегация килде. Монумент җирле татар җәмәгатьчелеге, бөек шагыйрь һәм көрәшче истәлеген хөрмәтләүчеләр өчен мөһим мәдәни һәм рухи символга әверелде.

Бюст авторы — Татарстан Республикасының атказанган сәнгать эшлеклесе, Санкт-Петербург дәүләт кино һәм телевидение институтының компьютер графикасы һәм дизайн кафедрасы доценты Винера Абдуллина. Ул шулай ук Санкт-Петербургтагы Татар Дворяннары Җыелышы һәм Россия рәссамнар Берлегенең Санкт-Петербург бүлеге әгъзасы булып тора. Скульптор үз эшендә шагыйрь образын герой буларак кына түгел, ә иҗаты әлегә кадәр илһамландыручы нечкә сүз рәссамы буларак та тапшырган.

Муса Җәлил һәйкәленә чәчәкләр салу тантанасы Сабантуйның мәдәни программасының мөһим чарасы булды, татар халкының тарихы, мәдәнияте һәм рухи кыйммәтләре арасындагы аерылгысыз бәйләнешне искә төшерде.