غُصه :

بالگاع دگ راسه الگلب من القهر
مايگدر يطلع دموع الكربله

من الناگه ذب روحه وترك درب الضعن
وماكمل بدرب السبي اويه العايله

غلطان آنه واعترف بس الذنب
مايمحي حب اللي يحب من داخله

من حنطتك يابو علي ماينشبع
وآنه الحمامه الجايعه ومعلعله

ماطول بالريه نفس اتنفسك
بدونك هوى ريتي فلا تستقبله

تدري ابتعادي سيدي مو عن عمد
عن غفله والله وروحي بيها امبهذله

ناعور حزني ماوكف لمصيبتك
واركض واكلهم سيدي رايح اله

من ذنبي اشرد واحتمي بمجلس عزه
عشگي العزه وموبيدي هاي المسأله

يمدلل الدله التصب بخدمتك
معقوله تترك روحي لاوحوش الفله !

ماترضه عالحبك يگولون البشر
محبوبه عافه واطرده من منزله

بعيوني شايلك عذر ويه النعي
يطلع اوعدك من جروح امسلسله

ماريد في وهضمتي تدور شمس
چانت حرارتها سهم من حرمله

چانت تچوي بكل جمال بلا غطه
ولون الشباب الدمه سايل تاكله

انت اكبر من تعاقب المثلي حشه
يالمنذبح ومذبح بحزنه المله

حبك ستر وانت اللي ماتهتك ستر
وعايش عذاب الستره راح ابمقتله

أملني لتگلي بعد ما لك عذر
ابنك منو غيرك ابو يتحمله

من يوم طفك وآنه عايش منطفي
وگلبي فقط لمصايب الطف عازله

جوه العيون احمل رماد من الخيم
مو من سهر هذا السواد الشايله

هذا آنه مولاي وبعد بيك ارتجي
حُر ثاني تنظرلي ورحمتك تشمله .

احمد العبادي

تهدمت والله اركانُ الحنان
قالَ الحسينُ باكياً عندَ البتول

والروحُ يا اماه ماعادت تُطيق
العيشُ والانفاس صارت في ذبول

أترحلينَ غاضبه عن الحياة ؟!
تباً لناسٍ اغضبوا قلبَ الرسول

حينَ انكسرتِ انكسر نورُ النهار
واضلموا الكونَ عديمينَ العقول

يامن على الايتام والناسُ الضِعاف
شمساً بقيتي طالعه دونَ افول

لا تغمضيها عينكِ كي لا اموت
الخيلُ إِن اغمضتيها فوقي تجول

وقعُ الفجيعه ناهشاً بين العِضام
والدمعُ حتى من عباراتي هطول

في عَتبةِ الدارِ فراشاتً تنوح
جائت على فراشةٍ ماتت تقول

ماذنبي والدُخانُ اول ما اراه
لا وجهَ أُمٍ بل ارى وجهَ العذول

كانَ العُواءُ عالياً عندَ الهجوم
لم تنسمع صرخاتُ ارواحاً تزول

ياكوثراً اعطاهُ خَلّاقُ العباد
الى العبادِ رحمةً فيها الوصول

والرحمةُ لم تُرحمُ ياحسرتاه
مكسورةَ الاضلاعِ عاشت في نحول

غيرَ الهجومِ والتعدي والدماء
الم تكُن في راسهم غيرُ حلول !!!

احمد العبادي

ياسيدة كل البشر والدنيا بايدچ
تحسبيني ارجو يام حسن احد عبيدچ
ادري انه يافاطمه ما راح افيدچ
بس انتي عطفچ مايهد گلب اليريدچ

للمحسن وكسر الضلع
مابطلت عيني دمع
شاعلچ ايامي شمع
وامصابچ الحزني نبع

الچ بيه لوعه ومتاعب گلب
يمن بيها نازل عذاب الغرب
دماء واعادي ومدامع تصب
وعظيمه بايادي رجس تنضرب



اصرخ واون .. بيه الحزن .. لامايچن
…………………………………………………………….
من ينطبگ جفني تجي صوره اليمه
صورة مره بحقها ارتكب الكافر جريمه
وافتحها عيني وانتفض بكلمة هضيمه
يحرگون بيت البي علي ومرته العضيمه

احزاني لا ماتنتهي
لطمي مواساتي بهِ
صفعه على الوجه البهي
خلتني بدموعي التهي

الزچيه الوجها تعدى الصفع
الغدر والخيانه اثاري طبع
المقامه يساوي مقام الشسع
من الكوثريه ينزل الدمع

تركوا كسر .. ماينجبر .. طول العمر
………………………………………………………………
يافاطمه باسمچ انه قايم عزائي
والطم الچ لطم النجف والكربلائي
وشور و طبر هامه الچ وآنه فدائي
ومو عالاهل لايدچ ترى يعود انتمائي

مولاتي غيرچ ماردت
آنه على اعتابچ طحت
لو ما رحمتچ چا متت
اصغير على ايديچ اكبرت

اضل بسوادي وعزاء اللطم
شيكفه نحيبه الفگد گلبه أم
مصابچ غزاني ويدگ بالعظم
وبچيت العذابچ دمع منهضم

حرگوا حطب .. والثاني طب … أُمنه ضرب
…………………………………………………………………….
باسمچ اعوذ من الدمع ال بي مصالح
يالماتركتيني ابد بالدنيا سارح
مديتي ايدچ من چنت باخطائي طايح
ومجدي يم بابچ اضل ولا ما ابارح

امجدي واستجدي العطف
وانتي الترستيني لطف
فضلچ ابد ماينوصف
خليتي وزني ما يخف

نجاة المُقصر يفاطم مدد
لگيتچ حلول بنزول الشدد
الرحمتچ دليلي بضياعه سجد
العذاب بطريقچ حلاوة شهد

باسم الجرح … يبدي الصبح … للمنجرح
……………………………………………………………………..
متغربه عن ديرتچ ومالچ مُناصر
والحالتچ كل الخلگ سود المشاعر
وهالغربه بابنچ حاوطت من حاطه عاشر
يذبحون نحره وتنجمع فوگه الحوافر

واخته غريبه بكربله
وتهم بامان العايله
تحاول تجيله وتوصله
اوداع ورسايل شايله

يزهراء عيالچ سبوهم سبي
عليهم ينوح بحسافه النبي
اليگود ببناته يشوفه اجنبي
وعليهن يحامي ولا طالبي

يام الحسن .. ضاع الضعن .. وتغربن

احمد العبادي

نحو الحسين اليتجه … يشوف البياض بكل ليل
ونور الله يطبع بالوجه … وتنزل عليه قوه وحيل
وبين البشر من ينده … وي جيته يفوح الهيل
بس لازم يضل منتبه … لاتنسحگ نيته بخيل

لازم يحاوط نيته بالدمعه
وعن خدمته اقوى ظرف ميمنعه
درب الحسين البي مشه توفيقه
ولو راح توفيقه بعد شيرجعه

الحب دمع راد
بالدمعه يزداد
وكل لطمه بليل
تصبحله ميلاد
………….………………………………………………………
اليتمسك بدرب اللطم …. يصعد على سُلم خير
وحاجاته يم مُحيي العظم … ماينذل بحاجة الغير
وحُر و ابي ما ينحكُم … بالدنيا يصبح كالطير
ولابليس اشد واعند خصم … وتسهل اموره ابلا ضير

بخيط الحسين شكم فتگ متخيط
وراجع عدل شكم شخص متخربط
هنياله كلمن حصه حصل منه
وويه اليخدمونه گعد متوسط

وبرشفة الشوگ
نتعلى ليفوگ
و الطاف الاحسين
حول الگلب طوگ
……………………………………………………………………….
لو خادم حسين انكتب … اسمك على السان الناس
ناسك يشوفونك ذهب …. واهلك يشوفوك الماس
واختك تشوفك الها أب … وضي خوتك من عباس
بس كون تتحلى بأدب … يصير الوجودك مقياس

واليحضر بمجلس عزاء الضامي
يصبح شخص صاحب مبادئ سامي
ماتعبر افكاره اعلى شط الباطل
چي عنده عالشط غالي واگع دامي

عالشط وگع حيد
وبغربته اوحيد
خنساعد حسين
لاغربته تزيد
……………………………………………………………………..
المن صغره متربي بعزه … كون بكبرته ميزل
وجرح الحسين يفززه … كلما وصل گلبه الغل
بعقله المخيم فارزه … تفصله عن افكار الكل
الحب يوآدم موجزه … شي بي عذاب ويشغل

مايندم اليحرگ شبابه الخيمه
يشارك حبيبه بكل عذابه وضيمه
من طاحوا ارجال الفواطم ويلي
ركضن حوافي بنص عذاب الهيمه

ضلن بلا اخوان
والهيمه دخان
ومن جابوا النوگ
الحادي عدوان
………………………………………………………………………
هايه رسالة فاطمه … چانت يخوتي الخدام
ام الكتل گلبه الضمه … وفوگ الترب جسمه ينام
تريد الخدم متحزمه … ومايرتخي بيوم احزام
وتبقى بگلبنه مؤلمه … ذكرة مره بنص الشام

والحافظ اعله دموعه ياهنياله
بيوم القيامه فاطمه تبراله
تگله انت يمي يالبچيت الابني
ال عاري ضل وسحگته الخياله

المحد بچه اعليه
وبالغربه واليه
وبقسوه سلبوه
لمحبس من ايديه .

احمد العبادي

ام البنين امن انخاچ
تنحل عگدتي بيمناچ
انتي العلي الله اهدآچ
واهديتي النه العباس

كاتب امانيي وجاي
يرزقني غيرة الوفاي
وابقه انكسر يم الماي
ما ارتوي مثل الناس

ام الوفة ام الغيارة
نور العرش انتي وخضارة
عندي حلم كل يوم اعيشه
يايوم اجي الگبرچ زيارة
………………………………………………….
انتي التملكين الكون
كلشي الحنانچ ممنون
مديتي النا الماعون
وصحتي بعد ميضل جوع

انبل نبيلة اعله الگاع
جابت بطنها الأسباع
چفچ نقذ كلمن ضاع
وهو الرفع كل مرفوع

الربت ال عرفت تربي
طول العمر مالكته گلبي
من اختنگ بس الها امشي
بغيره وعطف ترسملي دربي
………………………………………………..
حُرمه النخاها ميحير
اتطلع النبي من البير
يامن شغلتي التفكير
باوصافچ وخير ايديچ

بدوية ومربية اشيوخ
لون الوفه عدهم طوخ
العنچ كتب حگه يدوخ
نور الله ملتم اعليچ

بالطف الچ طلعوا فوارس
اصگور وگضوا كل الفرايس
وتونسوا بالعركه كلش
واحد صُبح للثاني واهس
…………………………………………..
بفضلچ بقينه عدلين
ترتبينه لو ساح الطين
ماعدنه غيرچ تدرين
يامن صنعتينه ارجال

منچ اخذناه الحيل
وسوينه مجلس بالليل
بي نذكرچ وانشم هيل
يامدرسة للابطال

عطر الورد عطرچ يفوقه
يابت اصل وكلش خلوقه
منچ اخذ اخلاقه عباس
يم سيده يترك حقوقه
………………………………….
موسى ارتبك يم فرعون
ومافاده موقف هارون
والخله حچيه يفهمون
شي منحتم فيضچ كان

متدخله بهواي اشياء
وانتي الدواء الكل داء
وعندچ تفاسير اسماء
ضلت لغز بالقرآن

چي عالمه وگدها يعرفوچ
اهل الكساء منهم يقربوچ
يافاطمه واسمچ سبب كان
خُلفة علي كلهم يحبوچ

احمد العبادي

ابي ابي
ها يا ابي .. يا صاحبي … آنه الحسين

ابي ابي
بعد وكت … لو غمضت … تعميلي عين

ابي ابي
ياشدتي .. من حيرتي .. مربط الادين

گوم بويه .. هاك ايدي .. وهاك روحي ولاتضل شابع اذيه
تدري باچر .. ابقه حاير .. وآنه ابو واحتاج ابو بالغاضريه

اگعد بويه اريدك تبقى وياي
من يبقى الرضيع بعازة ماي
حسينك لو تتركه يموت هواي
……………………………………………………
اسف اسف
ياللاسف … دمك نزف … ها يالحنين

اسف اسف
هذا الوضع … بين الجمع … عالي الونين

اسف اسف
ابو الحسن … خانه الزمن … يطلب مُعين

شلون طايح .. الچان حيله .. قالع البيبان وامبچي الاعادي
وآنه اشوفن .. بعده حالي .. تكثر التسليبي بالطف الايادي

يالمطبوره منك هامه شلون
نرجع للي جيتك ينتظرون
جيتك هيچي بويه تعمي عيون
…………………………………………………
علي علي
صوت اعتله .. للثاكله .. الوسط الديار

علي علي
شنهل دمه .. يافاطمه .. شوفي اللي صار

علي علي
بنيتك تون .. ونار الحزن … مامنها نار

آخ زينب .. شلون تنحب … چنها بالطف گاعده وتنحب عليه

اعليك تبچي ..وآنه ابچي ..لجرحك وجرحي وجرح زينب سويه

ايتام ويتمنه بي تكميل
أُمنه وهسه ابونه جاي يميل
اذانه الزمان وبعده يعيل
…………………………………………………
دمع دمع
ماضل دمع .. يوم الضلع .. گاضي الدموع

دمع دمع
عمري يمر .. حد الشمر .. وكسر الضلوع

دمع دمع
فوگي ندي .. ياوالدي … واختي تلوع

حسين حاير .. دمه فاير … گاعد يون العلي وتمر جروحه

يدري لمن .. يروح حيدر … يواجه الآلاف كلها بطرگ روحه

ياحيدر دخيلك صاح حسين
زينب لو عفتنه تروح الوين
للشام واخوها يذبحه البين
……………………………………………………
بده بده
يذبل علي .. مو لاولي .. وزاد الرعب

بده بده
يدنه الاجل .. من الفحل .. گاضي الصعب

بده بده
يوم الطبگ .. يدنه ويدگ .. باب الگلب

صاح حيدر .. راح ارحل .. الله كان بعونكم يعيالي كلكم

وراح نحضر ..بكل رزيه .. نغطي كل مكتول نحضر آنه وامكم

وحسين اعله خوته صاح بصوت
هذا الموت وراه هواي الموت
تابوت و وراه يجر تابوت .

احمد العبادي

تنهدت يوم الاجاها الكوفه
وچانت من الخوف هالتنهيده

الجاي مسلم يعني مو اي مسلم
فاشل ابن ازياد كل تحشيده

خوش صياد ونهرهم وافر
ومن شبچته ماتفر اي صيده

شال حتى الگاع من جواهم
والرگاب اختنگت بعربيده

ادخيله من صاح ودخيل عيونه
عيونه نار وصوته چان ارعيده

سم ضربته وتكتل الضاگاها
وفوگه فوگه الموت مامش هيده

يبيد جيش الكوفه مسلم قادر
ويعبر الجيش الطفوف يبيده

ماي بس مو ماي عادي بطبعه
ماي نار وماحصل تجميده

ومن يخلي خصمه ينزع ثوبه
عمه حيدر يعني ماهي اجديده

ولايفكر يشرد الضل عاري
گبل فادت هسه لا متفيده

امعود اعله العركه ميهم بيها
وسيف حمزه نافخ بتعويده

الجيش كله الگابله مو گده
كالعجينه صاروا ابين ايده

وفرح مسلم بالعطش من صابه
هو هذا الشي الچان ايريده

عركة العطشان بيها ملوحه
ملوحة العباس ويه اعضيده

يعارك ويصرخ فداء احبابي
من تضل جثتي بدماها اوحيده

والخلود يبوس شسع انعاله
شما اتخلد هذا مو تخليده .

احمد العبادي

ماريد اصير من اليحبونك
يكفيني اصير من اليخدمونك
حبك چبير وآنه مو گده
الحبك صدگ بالطف وگع دونك
……………………………………….
كلمة احبك اخجل احچيها
تريد و انه الماعنده ينطيها
ورده وسقيها من سقي آخر
شافت وهب من دمه يسقيها
………………………………………….
وين آنه عن الطاحوا بحبك
المثلي شيوصله ويدخل الگلبك
الف انعم الله لو صرت خادم
بالاربعين ايعزب بدربك
……………………………………………
يا حب اريده يحطني في حجرك !
وذنبي سهام ونابته بصدرك
چم مره اتوب وتزلف التوبه
ال انطه حق التوبه بس حُرك
………………………………………………
آنه اعله حبك حيلي ميكفي
وبعده بيميني ماوگع چفي
بقمة وفائي وكلشي ما اعرف
بس ابو فاضل يعرف يوفي
………………………………………………..
ال بايه الاولى وخايف اصعدها
خاف الخدامه آنه مو گدها
شحال الاخيره البيها حُب عابس
هم اگدر آنه القاصر اشهدها ؟!
……………………………………………………
ما گول احبك مو لان ما حب
اعرف احب وگلبي متعذب
لاچن اخاف احچيها واتعاتب
الحب امانة برگبة اللي يحب
……………………………………………………..
ولو انت تحكم بالعشگ بيه
وتكتبلي احب بكل صفو نيه
من حب حبيب الشايب بحبك
ارزقني واترس گلبي روحيه
………………………………………………………..
يا سيدي حبك يحب دمعه
انت الحبيب المنكسر ضلعه
لو اوصل الحبك اذن لازم
بكل مجلس اشعل روحي كالشمعه
…………………………………………………………
حب الغريب المنذبح ضامي
حب السليب ال عالترب دامي
مو عادي هالحب والله مو عادي
لو عشته ابچي حتى باحلامي .

احمد العبادي

تحول المجنون عاقل كلمته و خير
وعالجبل چانت علومه اتعلم الطير

ابو الشيعة  دخيل اسمه الصادق بي بحار انوار
ترس گاع الله من علمه وماخله البشر يحتار
الجنه ابين اصابيعه و ناهي و آمر اعله النار
ولون حارب عدو فديوم يحارب چن علي الكرار


حامل لواء دين الله بيمينه
وكل العذاب حل بغضب عينه
سلما لمن سالم ابو السجاد
ونار وحرگ ال عادوا احسينه

عايش صح چان بس روحه بمشهد ثاني
مشهد بي نار  وحرمة من الخيل  تعاني
********************************************
استدل بحبه  عنه بلايه تشكيك
وامشي ياگلبي اعله دربه خل يربيك

رقة گلبه ماتنفذ لأن متصله بالزهراء
شكثر عينه على الخدام ويبعد عنهم الاهواء
ورث من والده الباقر علمه التارس الارجاء
و ورث من عنده دمعاته عالصاحوهن بأسماء

من والده وارث حزن يلهب
عايش الم عثرة جدم زينب
الصادق يقيم چان العزاء دومه
وبالطف يعيش گلبه لمن ينحب

شگد ينحب چان لو ناعي يذكره بعمته
ونحر العطشان واللعبت خيل بجثته من الخيل  تعاني
******************************اولى من نفسي لگيته بيه كل حين
بفضله صارتلي عقيدة ومبدأ ودين

ما كان ابي شيعي لو ما  هو شاء بهاي
محبة جعفر الصادق تطهرنا كانها الماي
امام الطائفة المهموم گلبه بينه حيل هواي
لحد موته ويوصي ابنه بُني عالشيعة صير فياي

الله يتم  نوره بأهل  بيته
الكاظم حفظ من والده اوصيته
طب للسجن خوفا على الشيعه
وفوگ الجسر ضل وحده تاليته

بالسم ويلاه اب وابنه تولوهم
چم آه بآه كل الوآدم آذوهم وحرمة من الخيل  تعاني
***********************والچبيره البيه تهضم گبره مهدوم
سيدي  حتى  بمماته باقي  مظلوم!!!

عجيبه  گبره مو جنة ! ليش الجنة مايردون؟!
بدل مايهدموه مفروض نعمة ربهم يشكرون
بس شنحچي وي انذال كلشي يخص علي يعادون
ورغم هذا نرد نبنيه نگول  وباچر يشوفون

لا مايضل گبره على حاله
شيخ الزلم ماتتركه ارجاله
حتى وإن طال الصبر لابُد
رب الفرج يفرج على آله

والمهدي يفور دمه من الظلموا ناسه
لابد يعود والظالم يگطع راسه .

احمد العبادي

الدمعه اعله الجرح ماتكفي للمثلي
اخذني للجرح يا ماخذي من اهلي
يحسين آنه گلبي اعله الخيم يغلي
ونار اخيامك بنص مهجتي امخلي

وجه السلام … انت ومقام .. لازم الك عالي
ليش اعله گاع … مرمي وضياع .. ضل خدرك الغالي
وبكل سكوت … تتلاشى موت … وتعاين التالي
تشوف البلاء … صب عالنساء … واتصيح اعيالي

مطروح وبعينك شمس
عاميتك وتصرخ همس
اتگول طفوها الخيم
بس محد بصوتك يحس
…………………………………………………………………….
اعله اديه ورجلي اجي من اسمع الناعي
واهتم ابعزاك اكثر امن اوضاعي
ماعندي وجع و اوجاعك اوجاعي
وبس الصوبك يضل مبحر اشراعي

همت بهواك … يامن وراك … ضل خدرك يعاني
عبدك باديك … وتدفعني ليك … ياسيدي احزاني
شكلي الحزين .. ناتج ونين … عالصاحت اخواني
جابولي نوگ … ينطرني سوگ … شمسويه هسه آني !

واتراب صار اعله العبي
وتركض ركض بنت النبي
المضمومه چانت بالنظر
مضموم چان الها السبي
…………………………………………………………………….
السچينك رگبتي مادها وممنون
يانور الگمر ياقصة المجنون
مستسلملك و وياك وين اتكون
وبدربك اطب ابلايه شوف اعيون

البابك اروح … شايل جروح … من جرحك النازف
انت الجمال … الضل عالرمال … وامعذب وناشف
ابكل مكان … شفت الزمان … صايح الك آسف
بس شيفيد … وعسكر يزيد … صدرك خسف خاسف

تجرحني وابچيلك عمر
يالذابحك سيف الشمر
ما ادري ابچيلك دمع
لو اصهر عيوني صهر
………………………………………………………………………
اطير بتك جنح لو انت تدعيني
اعله درب زيارتك يالساكن بعيني
مو بچاي زين ومن تبچيني
الام الفاگده ماتلحگ اونيني

بدلالي نار … يشعلها ثار … عبدالله وادموعه
محد رواه … مات بضماه … يذبحني موضوعه
وامه الرباب … آ يالرباب … من تشبگ ضلوعه
يلطخها دم … ذبحة سهم … وتشبگه مفجوعه

من يامصيبه امشي الك !
يالمنفجع انت وهلك
اي رحمه بالطف ماشفت
ورحمه انت ربك ارسلك
…………………………………………………………………
لاتطلق سراح سنيني من ايدك
الحرية كلها بقيد تقييدك
آنه بحالي ادري وحيل مافيدك
بس خليني ابقى بداعت اعضيدك

يالعايروك … بطيحة اخوك … وگالوا بقه الوحده
ظهرك حنوه … ومن طيحوه … طحت انت بالشده
والصوبه من … رحت وتون … شفته بلا يده
وگتله اخوي .. ياعطر ابوي … حسينك منو عنده !!!

آنه انتمي الحزن النهر
وكل كسري من كسرة ظهر
حسين اعله اخوه ابو الفضل
وابچي الضهور المنتظر .

احمد العبادي

https://t.me/afoopf

حزني ودموعي القتيل
جثته محد يشيل
عالتُرب دمه يسيل …. وآحسيناه

استنصر ومحد اجاه
والنهر يبچي الضماه
وصرخت اخيامه وراه …. وآحسيناه

طاح الماله اخوان اتنصره
طاح وطيح گلب الزهره
صدره الگاعد بي عرش الله
موش بوحده انداس بعشره

وليه تولوه
وهدومه سلبوه
ماحددو شي
ابكلشي ضربوه
…………………………………………………………………
ابچي عاليبچي ويگول
مو انه سبط الرسول ؟!
اتجازه معقوله بخيول ! ….. وآحسيناه

حيرته بانت عليه
وگام يعصرهن اديه
ماكو اي ناصر يجيه ….. وآحسيناه

ويا ويلي من دار بعينه
وعاين وصلت يمه اسكينه
ضم دموعه وحيرة گلبه
بس ضلت رجفات ايدينه

فت گلبي مولاي
محد رواه ماي
انصاره عالگاع
وجيش العده هواي
…………………………………………………………………….
شگد حنين ومارعوه
حيله گاضي وصارعوه
ومن جواده طيحوه ….. وآحسيناه

وهو يدري من يطيح
ينسبي خدره ويصيح
اوداعة الله يالذبيح …… وآحسيناه

جرحه النار ال ما اطفيها
من ادموع عيوني اسگيها
حسين الشايف اخته اگباله
تركض واتهد ناس اعليها

شلون اهده وارتاح
وفوگ الترب طاح
محبوبي عريان
وروس اهله بارماح
…………………………………………………………………..
امصابه مامثله مصاب
خله گلب اهله بعذاب
وضلت اتصيح الرباب ….. وآحسيناه

رد الي وليدي الرضيع
الطايح بصفك صريع
تبچي وتبچي الجميع …… وآحسيناه

وراسه يجاوب لام عبدالله
ايگلها اوليدچ رايح غفله
لمن مات اتيبس دمي
وكاسر ظهري موته اشثگله

يالوعة الروح
التبچي اعله مذبوح
بحضانه فديوم
اوليده مذبوح
………………………………………………………………………
انتظر وكت العزاء
باشتياقي للبكاء
حتى اعيشن كربلاء …. وآحسيناه

حتى اعيش الهم واشوف
الكافل بلايه چفوف
ويصرخ ابين الالوف …. وآحسيناه

ويركض صار حسين بلوعه
يصيح خويه وتجري دموعه
لاتتركني بهالطف وحدي
حسينك عگبك ماكو ضلوعه

ومابين الاخوان
محتاره نسوان
تشوف العدو جاي
وبايده نيران .

احمد العبادي

ما انساه فضله وخيره وعطفه علي
ما انساه يوم المد ايدينه لادي
ما انساه حسيني المات وما روه مي

ما انسه افضاله
الدايسته خياله
الطايح على الغبره
ويهم على اعياله
………………………………………………………………
عشت وياه حب ولوعه ودمعه ونار
عشت وياه وماخلاني بيوم احتار
عشت وياه ما مختار وهو اختار

جاباني يم بيته
ومجلس حُسينيته
ال ما اذه اي واحد
والدنيا مآذيته
………………………………………………………………..
كلشي انطاه ليه وصرت بحبه چبير
كلشي انطاه وعاري ينام وهو امير
كلشي انطاه وضل بالحومه امتعبه هجير

ضيمه شعل ناري
بالحر جسد عاري
ودمه بقه يسائل
من ياخذ بثاري !
………………………………………………………………..
ماشفناه آنه وگلبي وگلبي هواه
ماشفناه لمن مات بايده ضناه
ماشفناه بس ابچيت وصوتي نعاه

اسمه سبب نوحي
وفاتح اله اجروحي
للحرگوا اخيامه
گمت احرگ بروحي
………………………………………………………………..
من شداه شوگي الوجهة وآنه جريح
من شداه ويلي بكل اوقاتي اصيح
من شداه عايش بس بحبه ذبيح

مستعره انفاسي
والطف سكن راسي
عالضامي ويقاتل
حيل الامر قاسي
……………………………………………………………
يا اختاه لمن صاح وناوي قتال
يا اختاه واخته بحضني تگله تعال
يا اختاه هاي اللحظه بگلبي نبال

حيل انوجع بيها
من يلزم ايديها
ويگلها ابريني
الذمه ويوصيها
……………………………………………………………
واويلاه صرخة امه الزهره عليه
واويلاه تحضن بي وتبوس اديه
واويلاه خافت خاف الداسه يجيه

هالمشهد بعيني
امدد احسيني
وامه تگله اكعد
بسك تبچيني

احمد العبادي

https://t.me/afoopf

انصارك اتذكرت بهذا المشي وجيتي اعليك
زاروك گبل القتل واستشهدوا بين ايديك
وبهالزيارة ادركوا شأن اللذي گاصد ليك

عرفوا شنو الزياره
ربحانه هالتجاره
گالوا هنيئا ال كل
شخص رأى المناره

بَخٍ بَخٍ لمن ، يمك اجه وأأتمن
واشتم عطر تُربتك
ويتلاگه وي ام حسن
………………………………………………………………
سلمٌ لمن سالمك وحربٌ لمن يگطع ماي
انصارك بهالحچي اتقربوا ليك هواي
والزارك بهالنهج من كربله الاولى جاي

العارف بحق امامه
ومأدب بكلامه
بهاي المسيره لوسار
تحصله الف كرامه

عابس اسس درب ، صحوة عقل والگلب
واليمشي بي يتخذ
منهج تره ال طاعه حب
………………………………………………………………….
يمشي حبيبك اجه يحسيني وي هالزوار
وروحه تبث العزم بالگاصدك ليل انهار
ويحمي اللي عايف اهل ويكون حارس عالدار

ويراقب الخواطر
ويحارب الظواهر
حارس مشينه بامرك
حبيب ابن مضاهر

شايل بامرك سجل ، ويسجل الممتثل
بقانونك وعفتك
ويرجع اللي يزل
…………………………………………………………………..
ابكل مسيحي عطر رشه وهب يوم الطف
ويبين بهالمشي بموكب مسيح امن اصطف
وعيسى ابن مريم اجه واعله الوفه هذا أشرف

واجتمعت الطوائف
واختلفت المواقف
كلمن يخدمك بلون
وكلمن هتافه هاتف

حبك تره بكل بشر ، وجرحك ترك بي اثر
واللي تدنه وصل
واللي تبعد خسر .

احمد العبادي

https://t.me/afoopf

تشوفه ورد ؟ اجمل ورد
تشوفه رعد ؟ اي ترتعد
بيدك تخاف وتنسعد …. يامحلا عباس

ازداده جمالاً بالحرب
عيونه الجميله تبث رعب
وصوته ترى يوگف الگلب …… يامحلا عباس

يامحلا لونه وياجمال عيونه
يامحلا رده من هله ينادونه
بعيني ، جوابه للذي ايوصونه
وشايل خيام حسينه فوگ متونه

رب الجمال الغاضب
ادخيله سعيره اللاهب
لا ما اخون احسيني
عالرايه بالدم كاتب
……………………………………………………………………..
بين النجوم الساطعه
چان الگمر ما اروعه
امضوي الخيم والمشرعه … يامحلا عباس

باهر عدوه بهيبته
طب عالنزال بكشخته
خضره ورهيبه اعمامته …. يامحلا عباس

يامحلا عطره من تحركه الهويه
عطره يغير للعدو چم نيه
اليشتمه گله ادخيلك ارضه اعليه
انقذني من اوهامي هاك ايديه

فدوه الصفات الكافل
بيهن عدوه امقاتل
بس عطره هز عدوانه
وگالوا بعد منقاتل
…………………………………………………………………….
شمحلاته من صابه الزعل
والغيره طفحت وارتجل
من مهره ويشوفو جبل …. يامحلا عباس

مثل الشمس كله ضوه
فوگ العده من هز لوه
ماكلهم وذبهم نوه …… يامحلا عباس

رب الشجاعه الصارمه المهيوبه
رب الترافه التنقري ومكتوبه
لو حرمه يمه عطشت يشگ ثوبه
اشلون اذا زينب ترى المتعوبه !

طالع ركض شيكضه
ويخفگ شهامه بنبضه
گصده الفرات وجابه
هو وجروفه وارضه
……………………………………………………………………….
من يعرگ ايصب مي ورد
ومن يحچي كل حچيه بمجد
مايحچي حي الله وسرد …… يامحلا عباس

كض الحصار وكسره
وذب العطش بالمگبره
بي مفخره للمفخره ….. يامحلا عباس

تارس عيون ام الفضل واتگله
عباس ياگلبي وصرت كل اهله
وامه تصيح ابني مامش مثله
يشمر الماي بنص عطش من قبله ؟؟!

واحنه انترسنه بحبه
ونتمنى ندخل گلبه
ومنه اليحصل نظره
يشوف العجيب بدربه .

احمد العبادي

العالية العلوية ، فاطمه يازهراء
الراضية المرضية ، فاطمه يازهراء
هي التصفي النية ، فاطمه يازهراء

صحوة دليلي الغافي ، فاطمه يازهراء
انجافيها بس متجافي ، فاطمه يازهراء
فدوه الاسمها الدافي ، فاطمه يازهراء

ابد ما ، انسه فضلها
بالالطاف ، جابتني الها
والادموع ، الها اهلها
ال على الگاع ، طايح حملها

اثنين الها اعله الارض
واحد طفل طاح اببغض
وواحد چبير ومن وگع
بصدره حوافرهم ترض
…….……………………………………………………
ام وحنينه اعلينه ، فاطمه يازهراء
من نبرد اتبچينه ، فاطمه يازهراء
هي الضوه الهادينه ، فاطمه يازهراء

بكثر العطف معروفه ، فاطمه يازهراء
ابعد بعيد اتشوفه ، فاطمه يازهراء
بالكوثر الموصوفه ، فاطمه يازهراء

مثل ماي ، فوگ الحياره
تصب خير ، وتسوي چاره
شكو ليل ، صارت نهاره
واهي اببيت ، ماتطفه ناره

ماتطفه نار اهل الحزن
والفاطمه كلشي يون
لاذت وره الباب برعب
وانقتلت بكلمة وإن
…………………………………………………………………
هي الرحيمه بحالي ، فاطمه يازهراء
ام الحسين الغالي ، فاطمه يازهراء
واعليها كل آمالي ، فاطمه يازهراء

هي الهوى الاشتمه ، فاطمه يازهراء
ترستني حب ورحمه ، فاطمه يازهراء ‏
والشيعي تحفظ دمه ، فاطمه يازهراء

اذا خاف ، گلبي بقضيه
اجي بساع ، صوب الزچيه
انه احتاج ، ايدچ لاديه
يزهراء ، حني عليه

اتوسلچ يالحايره
يالدم ضلوعچ ناظره
وماصحتي آه من الوجع
وضليتي همچ حاسره
………………………………………………………………….
ميزتني عن الوآدم ، فاطمه يازهراء
انطتني اسم الخادم ، فاطمه يازهراء
شكرا جزيلا فاطم ، فاطمه يازهراء

ولمن يمر مقتلها ، فاطمه يازهراء
روحي القهر يشعلها ، فاطمه يازهراء
ليش النذل يوصلها ! ، فاطمه يازهراء

وسط جيش ، ضلت وحدها
ورى الباب ، بس دمعه عدها
اتعبت حيل ، خلص جهدها
الى أن ، طرحت ولدها

ياويلي يالزهره اشكثر
شفتي شمر يابو شمر
وردة انسگت بيد النبي
وتالي اذبلت بيد الغدر .

احمد العبادي

راحلة
بهاي الليالي فاطمة راحلة
وگبل الجفن لا ينطبگ
ماتت بچي اعليها وقهر عايلة
ياموت عوف الوالدة
هدها صغيره اعله الگبر
وبيا ذنب ترحل الك ؟!
وياهو خطيته شايلة !
الروح بيها امعذبه
وكاس الفرح ما شاربه
يتمرجل اعليها اللذي
يم الزلم ماله مكانه شاربه
اهوايه خافت فاطمة
والخوف بين عالوجه
شالت ملامحها حچي
احزن بعد من البچي
عرفت تطيح بهالمسه
وماعرفت اعليمن تطيح وتنتچي
ال هدمت اصنامهم هي وعلي
متهدمه اليوم وتون
اتريد تمشي ولو مشت
ويه المشي لازم تون
واصل خبرها للسمة
وليها الملائك نازلة
يدرون چم يوم وبعد
تصير الزچيه راحلة
لاتبچي يمها ياعلي
يبچيها بچيك ياعلي
والضلعه مكسور وبچه
يموت من كثر الوجع
يموت لو صوته طلع
يموت لو لله ركع
يموت ويموت اشكثر
لو صوت اطفاله التون
ونهم سمع
الجنة مكسورة ضلع
واعظم رسول يصب دمع
القرآن آياته اجن
للكوثر يعزن لأن
الكوثرية الهائلة
متأذية حيل وللگبر راحلة
امحضره اگماط الطفل
ممحضره ليه الچفن
شصار ماتدري وشكو
شبساع اجه اعليها اللهب
وشجابه هو وزوجته ابو لهب
وشبساع جمعوا هالحطب
ثاري الحقد سابق اثر
مضموم ليها من زمن
كل الحروب الماضيه
تدفع ضريبتها ام حسن
باچر اذا تطلع شمس
تطلع لچن ماكو ضوه
چي لابسه اسود على
الراحت حزينه وسائلة
شمسويه آنه وانكتل !
واثمنطعش عامي عليمن راحلة ؟!

صعب حبي وصعب هالشوگ
اطير الجوه مو ليفوگ
حتى اندل هوى المعشوگ
ابو صدر اللذي مسحوگ

الصمت هو اللغة بحبي
وعن الناس اكض گلبي
فقط لحسيني والربي
بهايه افكاري متربي

احتراقي بلايه اي دخان
واتروى من اضل عطشان
لاجل الضامي والعريان
وبلايه اهل واخوان

من كل منزل اتحسس
الأمان بكربلاء وبس
وبس اهناك اتنفس
يم المنسلب محبس

بسفر دائم تضل الروح
بكل مجلس عزاء اتنوح
على المن الگفه مذبوح
وجسد فوگ الارض مطروح

التنازل هو سر الحب
وتخلع نفسك من اتطب
ابچي وكلشي لاتطلب
حسينك شيبه متخضب

ذوب وكل صلب مرفوض
واذبل من اتريد اتخوض
حب الجربه محضوض
اتشربه الزهره من الحوض

لتباوع على الوياك
شوف اللازمه بيمناك
وردد دوم انه بحماك
ياعباس واتنخاك .

احمد العبادي

سر المحبة السيدك العطشان
لا تحچي بيها يم اذن ياهو الچان
لو عنها تفصح يم عقل بعض الناس
ايكفرونك وتطلع عبد للأوثان

ياگلبي اريدك تفتهم كلش زين
اسكت سكوتك ياخذك يم احسين
وهي الدموع بخفية محلاها اتصير
وعيني ببچيها تبتعد عن كل عين

كل الحوائج تنقضي بالكتمان
معناها لاتحچي ابد يم انسان
لمن تريد اتواسي گلب الزهراء
ومن تحترگ حاول تضم الدخان

من تحچي ممكن تنفتن بالآراء
وممكن يگلبي ايعودوك اعله ال لا
وهي المحبة الطاعة والطاعة ب اي
وثبتوها لانصار بارض عاشوراء

اتعلم وابقه استمع عن الشوگ
ولاتحچي عن طعم العشگ مهما اتضوگ
خليك معدوم ابحضور الموجود
ولتكثر بكلمة انه ، و تعله الفوگ

خلي مُرادك سيدك موش الناس
ولتقيس روحك واطلع امن المقياس
اليستغني يغني ربه ويمده اضعاف
استغني عن نفسك تلاگي العباس .

احمد العبادي

ياعلي ياعلي لاترحل اليوم انتظر
ياعلي ياعلي لاتنطي فرصه للقبر
ياعلي ياعلي تتوسلك ام الخدر
…………………………………………………….
لاترحل بساع طول ياعلي فدوه
ماترحم الگاع بهلك لو شافتك تهوه
خليك الي اشراع دخيلك ياعلي وتچوه
لو غمضت ضاع عمري ومالي اي قوه

والدي والدي انت وحبيبي وعزوتي
والدي والدي ماترضه تنزل دمعتي
والدي والدي عگبك يتانيني الشمر
……………………………………………………………
حنيتك وياي خلت خاطري يسأل
انت الچنت ماي تقبل وردتك تذبل !
من بالدمه جاي شفتك وآنه ادور حل
گدامك ادماي لو بيها تضل تعدل

والألم والألم ياريته الي ماصار الك
والألم والألم يوجع دليلي وبي هلك
والألم والألم حط بوسط گلبي الجمر
………………………………………………………………..
اتركنه ياموت تلحگ تاخذ وتشبع
هاك اسمع الصوت صرخة والدي اتوجع
ماعطلك فوت لكن النه لا ترجع
ماعندي تابوت يلمله واحد اتگطع

لاتجي لاتجي وارحل يموت ولاتجي
لاتجي لاتجي وشلذتك من البچي !!
لاتجي لاتجي جيتك تهد حيل الصبر
………………………………………………………………….
ياوالدي العين شافت موتك وصبت
واشرتله الايدين ارحل يمنه لاتثبت
چي ادري بي زين ابد مايكتفي ويشمت
من بعدك حسين اعله نحره كل جرح ينبت

منهو الي منهو الي لو فارگت اب واخو
منهو الي منهو الي من يحرگ اخيامي العدو
منهو الي منهو الي لو اركض ابحر الضهر
…………………………………………………………………..
ايتامك اتريد اتشوفك ياعلي وتفرح
گوملهم وعيد عليهم چفك اليمسح
من تصبح ابعيد هجرك يكسر ويذبح
لايوصل العيد ريته ولا صُبح صبَّح

يافرح يافرح !!! وحيدر علي راسه انطبر
يافرح يافرح هذا الحزن يكسر ظهر
يافرح يافرح ماضل فرح عد هالعُمر

((احمد العبادي))