لاتفتحلي بابك بس ** لتخليني ادگ غيره
الحيره حيره يم الناس ** وحلوه اببابك الحيره
اعيش بنظرتك مولاي ** وجرحك اغرگ اببيره
وجهي من رماد اخيام ** انرسمت كل تعابيره
يرب اسباب اليلطمون ** وغرام العاشگ تثيره
يراس اعله الرمح مشدود ** ويفييلك جنح طيره
************
على اعمالي اذا اتچيت ** اطيح شما ردت انهض
انه بختي بعزائك دوم ** يبو صدر الظلُم منرض
الدمعه المنك اتصب ليك ** ترجعلي السجل ابيض
گلبي برحمتك يحسين ** نفس غرگان حيل انكض
احب الشاله جرح النوگ ** والماشله حيل ابغض
ماناصفها زينب ليش ** كلشي لا زمن لا حض
*********
لتطلعني يامولاي ** من هاجس قصوري وياك
اعوذوا من الانه سويت ** خدمتي سيدي بحماك
يالمگابل نهر عطشان ** ويروّي الماي صار اضماك
بحرت ومركبي من اوراق ** والك اوصل گمت انخاك
يواگع من مهر عالگاع ** وجمر چنه التُرب لاگاك
بسبع حصوات ارجمه كون ** دليلي لو قبل ينساك
***********
فوگ الخوف خوفي يصير ** اذا لاسامح الله بيوم
بچيت وماكو بيه دموع ** واذا فوگي الجزع ميحوم
اخافن چي اعرف الحب ** اذا دام الدموع اتدوم
جفاء الدمعه من العين ** دلالة عن عشگ ملثوم
وانه المن عشگه روحه تكون ** وبچفوف العشگ ملموم
اتطشر اذا ضليت ** بلا دمعه السلب لهدوم
***********
يشمس وآنه تحتك ماي ** لتبخرني يامولاي
ابقعر الزجاجه ابقيت ** گبل لا عرفك آنه هواي
ماريد ارجع بعمري ** واريد اتحزم اعله الجاي
اصير اويه الضعن رحال ** ولدموع الطفل بچاي
ويمسحوگ السحگ ياريت ** موبعضاك لابعضاي
واجيب امي تون اعليك ** وتسوي عليك فياي .

احمد العبادي

جايك جايك بمدمع
ولهلي ما اريد ارجع
اريد الروحه روحه تصير
وروحي بعتبتك تطلع

جايك والجروح تهيج
مارايد حلول الضيج
رايد كون احس السوط
شنو آلامه بالتنديج !؟

جايك من طريق ابعيد
بس ماماشي بالتهديد
ياويلي على ال بالشام
اعتبروا سبيهن عيد

جايك جية الخجلان
زاير مرتخي وشبعان
ماتدفعني روس ارماح
ولا جوه الشمس عطشان

جايك يا گلب متعوب
ما فكر تطيح اذنوب
افكر مثلك من الگاك
اطيح اعله الوجه مگلوب

جايك ثوبي كله طين
ومتاني اللقاء يحين
حتى الطم عيوني اگبال
شباچك يبو الطيبين .

احمد العبادي

للسلطان علي ابن موسى الرضا:

يارحيم بكل گلب حب الحسين
وادخل الجنة اذا تمسكلي ادين
من ضريحك روحي تستسقي الغرام
وآنه اعمى وگبتك صارتلي عين

يا امام * گلبه ضام * للخيام *  هوايه جروح
ليك اجيت * توسليت * بيه ريت * يدوم النوح

يا ايها السلطان ارزقني الدموع
يا ايها العطشان كون اصرخ والوع
واتمنى اسمي يصير العبدُ الجزوع
*****
انت اختار المسافة والطريق
وانت حددلي اتجاهي والرفيق
آنه جثه وانت حاملها اعله اديك
وين ما تشمرني راح ارضى واطيق

ارتجيك * روحي بيك * دوم اجيك * مدنگ الراس
ياحنان * يا امان * يامكان * يفيض احساس

باسم الجواد انخاك ياجرح الجواد
خايف امل بيوم من لبس السواد
اشمر علي مولاي نيران ورماد
*****
ياغريب وتدري باحوال الغريب
سيدي خليني من عندك قريب
من فتات جروحك اشمرلي جروح
تفزز دموعي على دمع التريب

التريب * الغريب * السليب * الجوه الخيل
لجله كون * العيون * بلايه لون * وتبقى بليل

يالتكسرك مولاي نسمة كربلاء
وجبت العمر محزون وتقيم العزاء
وباذنك بعدها تدور صرخات النساء
***
عندي منهاج وعلي دومي مشيت
من احس بروحي بردت وارتخيت
يالرضا صوبك احط عيني واگول
فدوه لاتنهيني يالباسمك بديت

صنع اديك * وآنه ليك * يالعليك * ايامي تسير
الدليل * والسبيل * للذليل * البي تقصير

من الرضا التدبير للحب گمت اصيح
وعطفه عطف عباس باب اعله الذبيح
والباقي  بالاخلاص والمنهج صريح
***
يالرحمتك ماتحددها السطور
ولطفك الماينتهي اثلج صدور
لاتراويني صبح مابي عذاب
وبالمصيبة العظمى ارد ابقى ادور

بالعذاب * گلبي ذاب * واغتراب * مگضي اليوم
النساء * بلا رجاء * والعناء * يدور اغيوم

الركضت اخت لحسين مابين الرجال
الصرخة وجع اطفال من نغز النبال
ريت العمر خلصان المن عمري طال  !   . 

احمد العبادي

اجني وعالترب دم من اخوهن ضال
وويه الدم حچن وتشكن من الحال
********
اجني من السبي وبعده الدمه اعله الگاع
دم الضعنه مسبي مايروح بساع
وصاحن هالاجينه تطمنوا يسباع
بس بينه نقص نسوه وعُمر واطفال
********
اجني الكربله وانعادت المأساة
وحبات الرمل شو صارن مرايات
بيهن منعكس كل العذاب الفات
ومن عين السبيه اعله الرمل شلال
*******
وگفن عاينن وتذكرن لحسين
تحت دوس الفرس ويحرك الايدين
چنه يگول اركضن والحزن بعدين
اركضن لاتهد اعله الخيام ارجال
********
اجني ومن اجن متغيرات هواي
العبي حمره وگلب من عنده تايه راي
وطاحن عالترب واعليه يطشن ماي
وهني يصيحن يمن بيك العطش چتال
**********
بَچّن نوگهن لمن نعن والله
وحتى النوگ صاحن ويلي واويلاه
گبل الشام والطف هالضعن محلاه
بس هسه الضعن كل في وقاره انشال
***********
نعايات اجني وخازنات ادموع
ومو بس عالنعي اتطور الموضوع
بيهن روحهن گامت يناس اتموع
واجن يموتن من الهم نساء الآل
*********
ويفور الترب كلما نعيهن زاد
لن بدمه غيره المنكسر لُفاد
عاد الضيم كله هالضعن من عاد
ويذبح بالشهم هذا النعي لو طال .

احمد العبادي

هاي المرحله الماردنه نوصلها
وهاي المشكله المانگدر نحلها
كون سنينه الحلوات نسألها
فرگتنه الطويله  هايه تعقلها !
********
آنه اختك واجيت انعاك يحسيني
وعلى گبرك لطلع الروح من عيني
بس فراگك من الصار يآذيني
وعالموت شكثر فگدك يوازيني
******
وداعت ضحكتك يالبيها عمري يطول
علة موت گلبي بطيحتك معلول
شگد صيحنه  عنك تبتعد لخيول
بس صياحنه ضل يمشي للمجهول
*********
من شفتك قبر  صحت القبر محلاه
وصحت نزلوني يلا بالقبر وياه
الكل عمري يجي واركضله اتلگاه
يتلگاني ردته  هسه وين الگاه
*******
آخ شگد تعب مرانه يالمظلوم
خويه الصار بينه مايصير بگوم
نسوانك عليهن حرموه النوم
وبلايه هضم مامر عليهن يوم
**********
يحسين الحچي بگلبي ثگيل هواي
المهم هسه جبتلك هايه طاسة ماي
شكلك ضامي ضل يمشي الطريق وياي
گوم تروه ياروحي وامل دنياي    . 

احمد العبادي

علي بعد النبي _ هو خيرُ وصي
********
على قول النبي.... من يوصي بعلي
يعني هو الولي .... وغيره ماكو بعد

الخلافة الة _ هو راعي العُلا
عالي المنزلة _ ومايشبهة احد

وصى النبي بعلينه _ يعني القضيه لينه
خل تسمع المدينه _ بس حيدر ولي

شما سوت السقيفه _ حيدر يضل خليفه
والعترته الشريفه _ فدوه آنه وهلي
*********
على هو الصدگ _ گلبي باسمه يدگ
چان اذا يختنگ _ للنبي يهب هوى

بالحرب والشدد _ طه ينشد مدد
ياعلي المعتمد _ وللجروح الدوه

من ينشده حبيبه _ بسيفه النصر يجيبه
في طلة المهيبة _ العالم صفن

حيدر عجايب الله _ واعليه الهة صلى
محد دنه ووصلة _ شما دار الزمن
*********
النبي بالسمه _ حدده الفاطمه
شافه خوش ازلمه _ وماكو غيره الكفو

بالكلافة يشع _ وللرسالة درع
بصغره كلش سبع _ وبامره داخ العدو

ياهو اللي مثله خاطَر _ نايم يواجه الشر
روحه الحبيبه معبر _ ماهمه الخطر

روح الرسالة هو _ وگفاته بيها حلوه
وطه يشوفه تچوه _ وذراع واثر
*********
بحبه ديني اكتمل _ هو خير العمل
بالسمه شگد وصل _ اسمه جوه العرش

نعمة الله علي _ رحمة الله علي
قدرة الله علي _ وطاعه انس ووحش

الله اعله ارضه راده _ يتسلم القياده
ويعرفه بعباده _ ويحقق هدف

بس حقدوا الجماعه _ الماعدهم اي شجاعه
محد مقامه راعه _ ياويلي ووسف
*********
الرسول انقتل _ سمته ام جمل
وبعده حيدر ذبل _ من المصايب ترى

داره فوگه احترگ _ وابنه بالدم غرگ
وماكو خَيّر عرگ _ وانكر اعله الجره

ومرته انكسر ضلعها _ وماكف جري دمعها
وتالم الوضعها _ كل ليله ويون

ناح اعله حزنه آدم _ قام اعله طفله مآتم
كل القهر يعالم _ من كلمة وإن .

احمد العبادي

ظلمه المدينه _ السمه حزينه
وجرى دمعها _ احن حنينه

هاي ام ابيها _ ترجف اديها
يرحل تشوفه _ الگلبه عليها

موات النبي موات هالليله
وفاطم گاعده گدامه تبچيله
من يمشي علي يمشي ويتچيله
سموه والم سمهم هدم حيله

رسول الله انغدر
الرسالة في خطر
واهل بيت النبي
يتانيهم قهر
*********
شيسد فراغه _ رب البلاغه
الله اعله دينه _ صاغه صياغه

اي وآ محمد _ لو جفنك انسد
شحال الزچيه _ من الگلبه اسود

عگب هايه بعد ماضن اكو اصعب
لو مات النبي خد فاطمه يُضرب
وفدك ميراثها من عدها هم تُغصب
المدينة عگبه دار اوحوش ماتنطب

نبي الحق والعدل
اذا ما ضل عدل
السقيفه تبتشر
وسعاده لكل نذل
*********
روحه عليله _ ويدري برحيله
بنيته تعاني _ بقصه طويله

قصة هضيمه _ حُرمه يتيمه
يوگع ابنها _ بابشع جريمه

الماتگدر على فراگه اهل بيته
الچانت لليتامه سفره خاچيته
الامين الصادق المعروفه تسميته
راح يموت راحت منه عافيته

العليه صلى العرش
قريب اعله النعش
اعله حاله منهضم
الانس ويه الوحش
*********
وهي المصيبه _ وكلش عجيبه
بآخر وداعه _ روحه غريبه

من عنده تنفر _ اصحابه وتقر
ان مايوصي _ بل هو يهجُر

باخير ايامه زادت كلش الغربه
لان متعوب منه اتبرت الصحبه
ونسوا كل الحچي لنگال بالخطبه ( خطبة الوداع)
علي اعلينه ولي گالوا فلا اننصبه

مُدبر مقتله
ومُخطط كلشي اله
يقتلون النبي
وتهج العايله
*********
شعُظم الرزيه _ ابو الزچيه
الهادي الخليقه _ جته المنيه

وناحت خديجه _ وصارت حريجه
بگلب اليحبه _ وماشي بطريجه

لبن عمه علي ضل ينحب بحرگه
يگله وياي ضل ويرجع يشبگه
انه البعدك غريب ومنوخذ حگه
وعلي بيتي يطه الوادم اتحرگه

يطه انتظر
اندعيلي بالصبر
اذا زينب مشت
تحت سوط الشمر .

احمد العبادي

دخيل النام بفراش النبي بليلة
الشرس من گد رعبها ينهدم حيلة
الرسالة بلا علي چا طاحت بميلة
الدين يطيح حيدر يركض يشيلة

ابد ماهم بالاسيوف
علي بافعاله معروف
عبد بالشدة ميعوف ... شحال الشدة هايه في رسول الله

الكُفر ضل منه مصدوم
شلون وجايه هالنوم
وقتل فوگه بده يحوم .... كفو منك علي صايح عرش الله

علي ادخيله ... علي احچيله ... يشيعي كلشي لبگلبك

علي ناصر ... علي قادر .... يقرب روحك الربك

علي غيره ... علي سيره ... تترسه بالفخر دربك
*********
اهو ظهر الرسول وصارمه الباشط
وعلى مود النبي كل فارس يزامط
على سيفه شرط من الصغر شارط
ابد مترد اذا مو من دمه ناگط

الحبيبة قرة العين
يسويها ابو حسين
ينام امچانه مرتين ..... وثلث مرات لاعشره وبعد اكثر

علي مايرهبة الموت
ولاكثرة علو الصوت
علي فاتح حلگ حوت .. ومُخلص يونس وماخذ گلب لاشتر

علي الاشجع ... علي الاروع ... علي الماتشبهة اشباهة

علي التچوة ... علي القوة ... وابو الوگفة ومدد طه

علي الغاية ... وهو الراية ... الگمر بالحومة شالاهة
*********
توكل يامحمد گله وتطمن
وراك گلوب احبابك فقط يمشن
السيوف تلوحك بطخه تره يحلمن
اذا لاحنك آنه چا بعد المن !

توكل وآنه بگفاك
وتره تلگاني وياك
دليلك آنه واحماك .... وانه نورك اذا فوگك اجت ظلمه

انه الحاضر فلا غيب
الي من الله تنصيب
تشيب الناس ماشيب .... وانه الكل ناس تُخلق انوجد رحمه

علي لامع ... علي راجع ... علي ماينتهي ويخلص

علي قائد ... علي زايد ... يزيد بكلشي ماينگص

علي ذخري ... علي شعري ... وانه اطلب عونته بكل نص
*********
حفظ دم الرسول وفرح الأُمة
علي من يوم يومه منوجد رحمه
ابد ماشفنه والله بغيرته زلمه
لجل دين العدل كلش رخص دمه

بدون سلاح وينام
بمكان مترس ازلام
تشيل سيوف واسهام ... دخيلك ياعلي اشايل گلب انت !

دخيلك يا ابو تراب
يالبچفك شلت باب
اعجزت توصله الاصحاب .. يالبافعالك البي خسه سودتنه

علي علة .. بگلب ثُلة .. گلبهم منترس خسه

علي صامد ... علي واحد ... وابد ماينخلق نفسه

علي طيبة .. علي هيبة ... علي باسمه حچت خرسه
*********
الاسلام العلي مديون كل عُمره
وتبوس القبلة جبهة والد الزهره
وشرط يشكر علي ال بالحجة والعُمره
وترى ماعنده دين الگال ما شكره

اليشكره اكمل الدين
علي عاجن شكو طين
علي احساب اللي ميتين .. السؤال اعله الصلاه هم يعني عن حيدر

الصراط بايده مولاي
وانه الگاضيها دنياي
اصيحن ياعلي وياي .... اريدنك تضل حتى اخدم المنبر

علي الهمه ... علي الخدمه .. تجي من عنده للخادم

علي برفعه .. على السبعه ... اليحصره بمرتبة واهم

علي اكثر ... علي اكبر .. چبير وعالي عالوآدم .

احمد العبادي
https://t.me/afoopf

أسير الموت
وهمومك الك تابوت
تباوع للخيم وتموت
تفكر بالعطش وتموت
تدور عن اخو وتموت
تشم عبدالله من نحره وحسافه تموت
وحدك باقي بين الجيش
ماعندك ظهر يحميك
رايح للحرب عطشان
ومچلبه الفواطم بيك
مگلوبه القلوب اعليك مگلوبه
يعادونك ذنب واعليه محد يطلب التوبه
ذبحوا اكبرك مولاي
وعباسك وگع عالماي
وانت المقتلك مشاي .. يمتى تبين الحوبه !
تتلمس تراب الگاع وتشوفه
هم يرحم جسد مطروح ؟!
وتگل للشوچ هم ترحم خدر مذبوح ؟!
هم ترحم جدم يركض مخافة ونوح
جدم من الجمر مجروح
جدم حرمة تنادي بصوتها المبحوح
شگل للنار حتى من الخيام تروح
تصبر نفسك وعينك نهر يحسين
ماتگدر تضم سر وفضيحه العين
يالمحزم عليك بكل عذابه البين
ومحد عاملك بانصاف
لا مره ولا مرتين
ضلع الزهره من شافك بچالك دم
ماعندك سگف والدنيا تمطر هم
وگلب الگاع من گد ضيمك اتهشم
يالتحشم عرب مابيهم اليهتم
يوجه العيد
صاحت امك اعله الطف بعد شتريد
مايكفيك باقي بهالمعارة اوحيد !
وصاحت چي تباوع عالجروح تزيد
اريد تقل جروح اوليدي لا ماريد
لجروحه يمر بلسم
يالرادك ذبح من راسك لرجليك
باچر لو نوايا الشوم گربت ليك
من توگع خلاف الناس كله اعليك
ياهو اليگطع المنحر
وياهو اليسلبك بالبر
وياهو اليگدر يسوي نقص بايديك
يبو الوگفات شو ردولك الوگفات
بوگفة خيل فوگك وشبعت ارفسات !
مو وسفه الك وسفات
وآدم ماشية بدرب العمى وداسوك
تطلب رحمه ضليت وفلا رحموك
لاهضموك
هضموك بحرگ بيت الخدر هضموك
هضموك بركاض اختك غصب هضموك
شگد اذوك
تهج نسوانك تباوعهن يخلوك
تجيك من الخيم عطابة الكاروك
يافص الذهب وبنص ترب طموك
مارحموك .

احمد العبادي
https://t.me/afoopf

ورى الباب
بقت فاطم تتاني مُغيث ، وشعل ناره الدليله خبيث
ورى الباب
تنوح الطاهره وتريد ، يضل چف الاعادي ابعيد
ورى الباب
قيامة قامت من النوح ، وطفل من الرعب مطروح
ورى الباب
الدماء السايلات هواي ، ومرة حيدر تدور راي

ليش الزچيه هجموا اعليها
چا هي حرمه وشنهي بيديها
وبيا ذنب يسقط جنين الها
وبيا ذنب وآدم تبچيها

ام الحسين وحسين انكسر ليها
ام الحسين يبچي جوه رجليها
ام الحسين متچتف محاميها
*********
ورى الباب
عيال الزهره وسط الدار ، وعليهم جايه تركض نار
ورى الباب
اجه الطف واجتي النوگ ، وگلب زينب بقه محروگ
ورى الباب
انسمع صوت البچي والآه ، و ولافاد العدو وياه
ورى الباب
يزيدون العصر وتزيد ، الزچيه ال ون وابد متهيد

نزلت دموع الزهره يا ويلي
كون الحزنها ينهدم حيلي
وكون بنواعي ابدي مصباحي
واعله النواعي ينختم ليلي

دار الرسول وبناسه احترگ داره
دار الرسول محد راعى مگداره
دار الرسول واعليه شَنّوا الغاره
*********
ورى الباب
يفضه الزهره الحگي تصيح ، احس روحي اويه جسمي تطيح
ورى الباب
واجت فضه وتشوف الحال ، مرة اعليها تهد ارجال
ورى الباب
مصيبة اعليها ناح الكون ، وانه من اسمعها ميت كون
ورى الباب
عظيمه امصيبة الزهراء ، وبده من عدها عاشوراء

هاي المصيبة العُظمى لجروحي
المن عدها ابدي وابچي مذبوحي
بباب المخيم يشتعل گلبي
بباب الزچيه تشتعل روحي

من الزهره نار ونار من الخيم بيه
من الزهره نار تبچيني اعله مسبيه
من الزهره نار ترسم للجرح نيه
*********
ورى الباب
تگله الزهره آني وگال ، وإن وعاند الچتال
ورى الباب
السفيه الماله قيمه وجاه ، بعذابة الزهرة شبعت آه
ورى الباب
بحربهم شارك البسمار ، جرحها وانحسب غدار
ورى الباب
يصيح آه بگلب محروگ ، العليه باب الخشب مطبوگ

ماريد اكثر حچيي ماينفع
كون الاكثره اعليها بس مدمع
وتبقى عقيدة روحي وآمالي
يصلب عدوها المهدي من يطلع

لابد يعود لابد يرجع الغايب
لابد يعود وقاتل فاطمه يحاسب
لابد يعود وشُعلة من الغضب جايب .

احمد العبادي
https://t.me/afoopf

برحمة سيدي مچلب
چف عطشان كض الحْب
حبيته وبعد ماحب
وبعد للدنيا ماحَسب
اجيه خيمه وعلى اعتابه غرام تشب
و الله شكثر يمه الهوى طيب
يعزبلي بهدوء البال وبدمعه تربيني
ولعزوبيته ماتوصل اعزوبية امعزب
برحمة سيدي مچلب
غريب ومن يجي مسافر يمه مايحس غربه
كل احنه عطشناله  وهو الساقي والجربه
ازوره وارجع البيتي موكلي نقص بيه
جسمي وياي بس روحي تبقى مچلبه بالقبه
من صغري وعرفت حسين
رحمه الكل شخص مذنب
والراحه بمشينه وياه
من دونه الدرب مُتعب
انولدت وامي تتمنى
تسميني باسم موكب
وعشت ورگه ضعيفة حال
وشما هوية فوگي اتهب
برحمة سيدي مچلب
صار جناحي وبزوده احلق  عالي واتقدم
وصار احلامي وبطفه  شما اصفله اتحلم
ومن دونه  صرت اعلم
آنه شما گلت اگدر اگدر عالفشل واندم
بحسين الحياة الوان وسوده تصبح بدونه
والنور التشوفه الناس نابع من ضوه عيونه
وهذا الكون لو تدرون
هو بالاصل كونه
واتحير تفاصيله
ومن لونه العرش لونه
الحاله هايه عشناها وباوعنها شوف العين
تتغير حياتك من تحب حسين
والتغيير حيل هواي
بحيث اتگوم تبچي من تشوف الماي
وتضل باي درب تمشيه
تتحله بأدب مشاي
وردك لا ارادي يصير من اختك تطلبك شي
تدگلها الصدر وتگول ابشري وآنه الچ وفاي
بشخصك كربله اتاثر
وبدمع العشگ تكتب
برحمة سيدي مچلب
الله شوسع صدره
اذا واحد يريد بيوم يتركه ويعبر الغيره
هم برحمته يعبره
ويضل فاتحله مية باب ويبعثله نسايم شوگ
ترجعه الوعيه وتغيره
وعاليرجع فلا يعتب
برحمة سيدي مچلب
مي ساخن على جلدي وگع مره وذكرت النار
بچيت هواي ساعتها وصرت متوتر ومحتار
خفت والهده گلبي حسين
خفت والصفى فكري حسين
خفت واللي زرع بيه امل ثاني وجود حسين
على المچوي ثلج يسكب
صبح هو الگشر واللب
حبيبي ودومي اله اندب
برحمة سيدي مچلب   . 

احمد العبادي

ضل فكر يكلبي شلون   تقدم الفاطمه خدمه
وابعد من شكو احداث   عليها الناس ملتمه
ولتنشف دموعك جيف   المحسن مانشف دمه
طفل طاح وعكب لحضات   لكه امه طايحه يمه

ليشغلك احد 
ولا لحظه تبرد  ، زهرة محمد  ... نزف دمها

تجاوزوا الحد 
في سطرة الخد  ، وفوك الالف يد  .. تألمها

ياكلبي اتعب
  وعالزهره انحب  ... قبل الفوات

زهرة ابوها
العن عدوها  .... الحد الممات

لجل الزجيه
عيش القضيه ..... وضل بثبات
*****
هذا ياكلب دربك   لا تمشي درب غيره
ثارك لا تتركه يضيع  وخلك دوم ابو غيره
ولون بديرتك خذلان  هاجر واترك الديره
الزهره ناصر الزهراء     تتكفل تدابيره

ضلت ورى الباب
مرية ابو تراب ، تترجى الاجناب  ... يعوفوها

وجان الوكت نار 
وموصي بسمار  ، مكسوره بالدار   .. يخلوها

الدمعه اعله خدها
وشافت ولدها   ... عالعتبه طاح

يوجع كسرها
نار بصدرها   .... ومن الجراح

تمشي اعله اديها
ومحد عليها   ..  اسم الله صاح
*****
صاحب للحزن خليك   يكلبي من الفرح ابعد
ولو هو الحزن شيفيد   شيكفي ياهضم ويسد
اذا مولاتي الزهراء     نفسها يطلع وميرد
واذا حيدر بقى محتار   بحر هايج فلا يركد

ومن ونها يسمع 
ابمشية يوكع ، وجن روحه تطلع  .. على مريته

ال وياها عمره
جان احلى عشره ، شافاها زهره  .. شبه ميته

حيد المدينه
مجتفين ادينه  ... مثل الاسير

هواي ابتلائه
وصاحت سمائه    ... امصابك جبير

هالشده صعبه
يعز اعله ربه   .... دمع الامير
*****
بجه اعليها شعاع النور  وعبير الدنيا ناح الها
مره مهنايه جانت حيل  وفلا اي حيره توصلها
بابوها مشيمة جانت    وحُب حيدر يدللها
تاليها رجال ونار   على غفلة تقابلها

الام الحنينه
عاشت حزينه ،  ومن المدينه  ... يطلعوها

وزادوا عليها
باعوا عليهة  ،  وحتى بجيها  ... يمنعوها

شكد عذبوها
لا مارعوها  .... بنت الرسول

ريح الخيانة
جرحت  امانة   .... آ يالبتول

الفضه صاحت
وبسرعه طاحت   ... خذها الذبول
*****
اركض يا كلب عالثار  لحد ما تخلص انفاسك
وصيح بكل اذن ويلاه  وانشر هضمة احساسك
وانبض عالدمع كل يوم  وحشم عالدمع ناسك
وادخل للعزاء مجروح   ومدنك خجل راسك

بين خشوعك
والطم ضلوعك  ، لتكض دموعك ... على الزهره

لتشافي جرحك
خلي يذبحك ، ياكلبي انصحك  ... الف مره

اشعل جمرتك
وكبر حسرتك  ... والبس سواد

ردلك محرم
من اول الدم  ... واول رماد

وفاطم تباوع
وين اللي جازع  ... واعلن حداد   .

احمد العبادي

قال سليم قلت ياسلمان
هل دخلوا ولم يك استئذان

ضيم الزجيه هذا نسمعه
وكلما نسمعه انطيحله دمعه
روح المواسي مشعوله شمعه .. يازهراء

زهرة محمد ينزف عطرها
حسره ثكيله الحسره بصدرها
وآدم اجانب جفهم سطرها  .. يازهراء

هجموا عليها
جتفوا وليها  وصاحت يبويه يبويه يبويه

كومك اجوني
ولية ولوني  وينك يبويه يبويه يبويه
*****
فقال اي وعزة الجبار
وما على الزهراء من خمار

اي يعني صارت والزهره حارت
الدنيا عليها ياويلي جارت
وكل المدينه عالزهره دارت  ... يازهراء

قصتها قصه ترستنه غصه
تمشي وجسمها ضل محني نصه
الحاقد ضميره محد يكرصه  ... يازهراء

باسمج يفاطم
كل المآتم وباسمج نواسي نواسي نواسي

اسمج نشوفه
تنزف حروفه  تنزف مآسي مآسي مآسي
*****
لكنها لاذت وراء الباب
رعاية للستر والحجاب

لاذت ولكن دخلوا عليها
ذبوا مشاعل حركت اديها
ومن تبجي محد يرحم بجيها  ... يازهراء

كل الزوايه دم بيها صاير
والزهره صاحت هل من مناصر
تحس بصدرها لجمة حوافر  ... يازهراء

مقهوره طاحت
يافضه صاحت   وينج تعالي تعالي تعالي

مكسوره آني
وكلش اعاني   هايه  الليالي الليالي الليالي
*****
فمذ رأوها عصروها عصره
كادت بنفسي ان تموت حسره

ريت العصرها عاصر ضلوعي
وينشف دمعها وتنزل دموعي
مولاتي هي والها خضوعي  ... يازهراء

الزهره انظرلها امي الحنينه
والميته امه تضل تجري عينه
ويحسها خنكه كلهن سنينه  .. يازهراء

آنه اعله امي
خل يجري دمي  والطم عيوني عيوني عيوني

ريت بعزية
لجل الزجيه  ميت لكوني لكوني لكوني
*****
نادت أيا فضة اسنديني
فقد وربي اسقطوا جنيني

والهضمه هايه من البدايه
ابن الزجيه يشوف النهايه
صاحت يحيدر كتلوا ضنايه  ... يازهراء

وارد اسال آنه جا ذنبه شنهي
المحسن يظالم وايامه تنهي !
يالطمي خلك دوم اعله وجهي  ... يازهراء

وبكلبي ناره
لا موشراره  ناره جبيره جبيره جبيره

مايكضي ونها
روحي بحزنها صارت اسيره اسيره اسيره  .

احمد العبادي

يم الرضا السلطان
ماتبقى اي احزان
يمه الأُنس
وتطلع شمس ..  تدلينه بالعطشان

كل الفصول اوياه
تبان بسماها الآه
يرزق جرح
للمنذبح  ... ومحد اجه وغطاه

اتمنى اجي وانكسر يم بابه مرتين
مره بغرامي اله ومره اعله الاحسين  ... يم الرضا السلطان

بس باسمه عشت الفرح ماعندي افراح
ولو يمه ابجي احس بدموعي ارتاح   .... يم الرضا السلطان

من يخفك دلالي اعله اسمه
من عطره يوديلي بنسمه
والكبه تطلعلي بنجمه   .
*********
كل امنيات الروح
كلبي الحبيبه يروح
واحجي اله
عن كربله  .. وعن عشكي للمذبوح

ورقه انطويت وجيت
ويمه انفتح ياريت
ويقره الحجي
بحبر البجي   ... اوصل اله اتمنيت

ياخذني يمتى اله مل كلبي الافراك
وهو العشك بالبعد والزهره خنّاك  ... يمتى اجي وارتاح

عيوني ابد ماتمل من دمعة الليل
صدري غده مختنك جن داسته الخيل  .. يمتى اجي وارتاح

ماقرر منتظره يقرر
وشيقرر راح اسجد وشكر
وهم افرح لو اوصل متأخر  .
*********
عالساعه اباوع دوم
هلبت يخلص يوم
ويبدي صبح
بي ينشرح  .. صدري بهوى المعصوم

هاجس غرامي اجبير
سر مايحمله البير
خاف الرضا
اعلي مارضا   ... كاتلني هالتفكير

معقولة ماراد اجي وعاقبني مولاي
يابلوتي لو صدك هالخاطره هاي   ... واويلي واويلاه

محلفه انه بالمشت مجبوره عالنوك
يرضا علي سيدي ويرحمله مخنوك  ... واويلي واويلاه

جم اصبع عضيته ونادم
عن عمري الضاع اويه الوآدم
وممحافظ اعله اسم الخادم   .
*********
خاف اعجز وماطوف
وخاف اعمى عن الشوف
ومايكتمل
حلم الطفل  ... العايش اله ملهوف

يمتى اسدل الاستار
ويمه اعيش انهار
مملي بوجع
عاللي وكع  ... ضامي وسط كفار

وابجي اضل عن قرط جان باذن روح
ترفة شكثر بس وسف طبتها الاجروح   ... هذا القرط راح

راح القرط والدمه حار ونزل حار
ومن الدمه ترتعب وتخاف الاصغار   ... هذا القرط راح

راح اخلط كل شوكي بنوحي
وللضامن ارد احجي جروحي
وآنه ادري يحط جمره بروحي   .

احمد العبادي

انه كلش رجيج الاسمك وطاريك
ودمعي اعليك من ركضة لهب اسرع

هلكد ما يدور براسي حزنك ضال
اليغني كبالي جن ينعالي كمت اسمع

ماتولي شكثر بس ماصحت ويلاه
مثل ويلاهي هايه اعليك يمكطع

سر عيوني انت الماتعرفه الناس
وتطلع روحي وانت المني مايطلع

البّس مرايتي حزني واعوف البيت
وللمجلس اروح بكسرتي امنكع

طلع شعر الجماجم شايب اعله الصار
بجسمك ياللي جسمك يابس اتوزع

غايص بالخيول وللهوى مشتاك
وماضل حيل بيك وتشكف وتدفع

صُراخ السيف عالي وعالنحر من صاح
ابدا ماسكت الا والدماء تلمع

انه غيمه الك وكت الشته والصيف
وباوجاع اللطم ياصفنتي اتمتع

اعمى وبالعصى اموجد درب الاجروح
وكل الخوف من دربي اخاف اطلع

اديه اتزلك تكض النفس وتطيح
والزمها عدل من يمك اتربع

يحسين آنه لجلك راغب الايام
ونهر دمي اعلموك سيدي ينبع

شيرجع الزمن وافدي الخيم بالروح
جوعان افتداء ويمتى راح اشبع !

احمد العبادي

گلب مايعرف الخوف
زلم گدامه ميشوف
شُمر حدر الاخو چفوف ابوفاضل

اصيل و ابن اجاويد
وجماله يشبه العيد
صبي وبگنطره يصيد ابوفاضل

غيور وغيرته تنضح نضح منه
واليشوفه ترى چن شايف الجنه
اليضن الخير بي يبشر حسن ضنه
هذا ابن الاصيله السولفت عنه

ابوفاضل ابوفاضل شرس ماينلوي اذراعه
ابوفاضل ابوفاضل كتيبة يطيح بساعه
ابوفاضل ابوفاضل احبه وبس الة الطاعه
••••••••••••••••••••••••••••••••••••••••••••
احب وگفاته وياي
واحب صولاته عالماي
عليه حيل الحچي هواي ابوفاضل

ابد مايشبه الناس
مثالي هواي عباس
شهم من جدمه للراس ابوفاضل

دخيل المن زعل شمرت لهب عينه
يشوف الجيش نمله تدوسه رجلينه
اذا واحد سال بيت الوفة وينه
اگله بكربلاء امجاور حسينه

ابوفاضل ابوفاضل نبض للي وگف نبضه
ابوفاضل ابوفاضل الذهب يسجدله والفضه
ابوفاضل ابوفاضل اذا هد محد يكضه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ملتها افكاره الاخيام
وغضب من صغره عالشام
غلب ماغلبته ايام ابوفاضل

اذا دگ صدره لحسين
يجيبه برمشة العين
النهر مچتوف الايدين ابوفاضل

منو المثله وسط طگ الحرب يأمر
رجل فوگ الرجل حط وگعد ينطر
النهر من العدو يم الخيم يعبر
مُهيبة عيونه حيل وگلبه المجمر

ابوفاضل ابوفاضل حلم كل خيمه عطشانه
ابوفاضل ابوفاضل الابشر ساكنه السانه
ابوفاضل ابوفاضل تچلب الغيره بردانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا دگ بطن الاحصان
الامر معناها خلصان
وبعد ماتبقى عدوان ابوفاضل

الاخرس گله حياك
تخلص الصعبه يمناك
دخيل الچفه رباك ابوفاضل

يسوي دائره ويحوط العايل
ويضل محصور يتوسل بابوفاضل
دخيل الجربه ذيچ ال عالظهر حامل
تسيل دموم يمها وميها ما سايل

ابوفاضل ابوفاضل الدخيله تطول الشارب
ابوفاضل ابوفاضل مثل حيدر اسد غالب
ابوفاضل ابوفاضل اشوفه قاضي ويحاسب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اشتعل غيره لمن شاف
العزيزه گامت اتخاف
لاجلها كتل آلاف ابوفاضل

رمقهم نظره چن نار
برعبها العسكر احتار
برعبهم صاروا احجار ابوفاضل

طفح عرگ الهواشم والسمه احمرت
وبالقطب الجنوبي البارده احترت
الرگب طش الخرز بالمعركه اطشرت
والوجوه البعيده من الجرى اصفرت

ابوفاضل ابوفاضل غزاهم وانتعش ضعنه
ابوفاضل ابوفاضل بوجوده احنه ماضعنه
ابوفاضل ابوفاضل شنسولف يمه يسمعنه ٠

احمد العبادي

https://t.me/afoopf

وگفتهن تفت الگلب
نسوان ماتعرف حرب
وهاي السلاسل من غرب
بثنين ألمهن ينضرب

التانن يجيهن ما اجه
والهيمه كلش مزعجه
اويه العادي ماينفع رجه
لا رحمه يدرن منهجه

شيسون النسوان چا شيسون
فوگ الترابه گاعدات يفكرن
لو صاحن شراح الجواب يسمعن
سكتن سبايا لو خواتي بشرن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
چانت خيمهن عامره
ابزود سبع الگنطره
هسه الخيام امجمره
والخوه دم امطشره

ماعدهن اليفزع ركض
مچويهن اتراب الارض
لمة عدوهن ماتفض
الجيش كله منتفض

كل البلاء اگبال همهن هين
شلون زينب من خدرها تبين !
سمعت حچي كلش خشن مو لين
وما واحد من الحاوطوها احنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شيقنّع اسياط الشمر
مايحتمل ضيم الخدر
يكفيهن الداسن جمر
وهن شيريدن بس ستر

شيخلص النسوه بعد
ها ياعلي صاحن مدد
لو بيهن الشام انفرد
بدربه يقلن بالعدد

بيهن يموتن من عذاب الحادي
وبيهن تصَيّح وين مجد اجدادي
السادي عليهن عالبشر ماسادي
يمشن واخوهن بس نحر ليغادي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
چانن اميرات بخيم
وفوگاهن يرفرف علم
والدنيا كلها الهن خدم
بنيات المطيح الصنم

شوازاهن وصعدن هزل
شمدلي اديهن بالحبل
وهسه اذا يبچي طفل
يخافن يسكتوه بالنبل

عدهن طفل لمن بچه صب دمه
وليهسه ممصدگه اللي صاير امه
وسفه ربيبات الستر والحشمه
اعليهن زلم من كل دول ملتمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر اذا رد هالضعن
لهله وسكن دور الوطن
شينسي گلبه هالمحن
وبيا بچي يعيش الزمن

شيسولف المسبي يرد
وعن اهله بالطف مبتعد
واللي يسمعه ينمرد
گلبه على فگد الولد

لام البنين متربات يردن
مايحچن وياها بحضنها يونن
ويلي لون الثاكلات التمن
من گد بچيهن الحجاره يفطرن .

احمد العبادي

الف وتسعمية جرح
و ويه خيامك ألفين

كل هذا ويشيلك رمح
من الحومه مو شيل ايدين

والذب على جروحك ملح
ماتدري بالخدّر وين

كون بعذابك انذبح
يوميه ضامي يحسين

وكون الگلب يبقى اسيرك
والغيره آخذ من وزيرك
رايد قليلك مو كثيرك
يامنقذي ودوم استجيرك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بچه السمه دم النحر
لمن طلع كلش حار

وهالدم حمل كومة صور
وكل صوره بيهن تذكار

الركز بدمك نظر
بي لوعة امصاب الدار

بي دم ضلع من انكسر
جرح الضلع لاحت نار

آه شكثر حزنك اخذني
مية كسر حبك كسرني
يبن البچت وتصيح ابني
الحگلي العدو بناره حرگني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مادور الراحه ابد
چي انت ابد مامرتاح

واتمنى من نحرك بعد
وماخذ رگبتي الذباح

يحسيني انت من المهد
الروحي القفل والمفتاح

ياللي على صدره گعد
ارذل بشر لمن طاح

باچي الك من عمري لحظه
وكلما فرح يوصلني ارفضه
ليش الفرس صدرك يرضه
وصدرك عرش والله يحفظه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماضن ابد مثلك يمر
بالدنيا واحد متعوب

عاين على اخيامه جمر
وضل بوجع گلبه يلوب

ياللي نزفت ومنقهر
ومنك عدوك ميتوب

يگلبوك مره اعله الصدر
ومره اعله ظهرك مگلوب

واختك تمر من عندك تصيح
ياضيعتي صرخة بوسط ريح
وفوگك دمع من اختك يطيح
وياغيرتك وي دمك اتسيح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماينشف اعليك الدمع
ولاتنگطع آه الروح

وحتى بمنامي ضل يشع
من عندي طفك ميروح

بنومي واشوفك منمنع
من الماي وابنك مذبوح

ودمه بچفوفك يرتفع
ويلطخ الدم اللوح

دم الطفل مامثله اي دم
حيلك عليه طاح وتهدم
سن حرمله بحزنك تبسم
وبهالجرح گلبك تهشم .

احمد العبادي

كون دمعه تصير كل الوآدم
وتوگع اعله احزان راهب هاشم

السجن للمجرم وللبايگ
هذا مو گدره وابد ما لايگ
شسوه هو وحتى داره يفارگ
بياذنب وبيا جرُم متحاكم !

منحرم كل عمره من اعياله
واليزوره ينصدم من حاله
چفه من گد التعب ماشاله
وشفته بيضه چنها شفة صايم

ضويه محبوسه بظلام هوايه
ضيم حاله يتعب النَعّايه
مبين يودع ومنيته جايه
وغير هالشي كلمن يضن واهم

محد يحس جرحه من يعاني
يگوم من ظالم يطيح بثاني
والخروجه الشيعه كلها اتاني
ولو خرج ابحالته الله العالم

السلاسل گيدت كل طوله
وتفتر اسياط الاعادي حوله
وفوگ سم ايامه سم دسوله
بزاده والموته يتاني الحاكم

وينهم خل تلفي كل اعزازه
الغايب مطلعينه بس اجنازه
مگيده والچتف اهلها بعازه
گوم شيله يالامام القائم .

احمد العبادي

https://t.me/afoopf