الگــــوم هــدت و بـــــمشاعل فازعة
وبيـن فرهــــود وحــــرگ متـــدافـعـة
&&&&&&&&&&&&&&&
أمدافع الهم بين فرهود وحرگ
وبالنهب والبوگ أبد ما تنلحگ
بالحلم هذا الأشوفة لو صدگ
ناس من درة شرف ما راضعة
&&&&&&&&&&&&&&&
هدت الـــماعدها غيرة ومستــــــــحى
وعـــــــالخيم دارت مثل طــوگ الرحى
وأحنا نسوان وزلمنــــا إمّـــذبحــــــــة
وضعنــــــة ما بين البقت والطالعة
&&&&&&&&&&&&&&&
بين هاي الـــــــچلبت بــــــأطفالها
وهاي الأحتـــــرگت بــنار إذيالــــــــها
وذيـــــــچة ركضت حشمت كفالــــــها
وهاي يـــــــم چثة ولـــــيها توادعة
&&&&&&&&&&&&&&&
يـــــــم وليـــها وكلــــــمن يـــمر يشـــــتمــت
وسوط يفتر يمــــها كل ما تلـــــتفت
لأ أخو اليفزع يــحاميها وأخــت
نوح وسياط وشتايم شابعه
&&&&&&&&&&&&&&&
شبعت من الشتم والــــــطگ والبـچي
راح فَــيٌَــــها الـــــــبية چانت ترتچــــــي
وســـــمعوها من الحچي الــــــما ينــــحچــي
وسمعــــــــوها الــــــــ قبل مَـــــحد سامعة
&&&&&&&&&&&&&&&
سمعـــوها الـــــــتســـتمع بس للــــــوحي
وچانت من الــــــظِـل أذا مَــر تستحي
هسة للـــــــسَـب لَـــــووچ صارت للــــــرِحـي
الـــــــرايحة تســـــــبها وتسبـــــها الــــــراجعة

أبو سجاد البزوني //

#اللهم_عجل_لوليك_الفرج