نعي + ابوذيات
19.8K subscribers
115 photos
6 videos
9 files
18 links
نعي + ابوذيات
Download Telegram
#نعـي

جروح العقيلة روحي لها الفداء

فشلة السوگ ... بعدها بوجه اخيتك فشلة السوگ
الميلوگ ... عليه نگال خويه الحچي الميلوگ
محروگ ... گلبي هضم وفراگ محروك
ايبوگ ...كل حيلي الشمر لو صاحني يبوگ
ــــــــــــــــــــــــــــــــــــــ
اخ عباس .. وي كل سوط اصيحن اخ عباس
وسف بس راس ... تضل يا سبع اهلنا وسف بس راس
تنداس ... يعالي الگدر اخ شلون تنداس
تنجاس ..وكت وعمامه العباس تنجاس
ــــــــــــــــــــــــــــــــــــــ
عزي من اذكره ... اشبع بچي عزي من اذكره
عباس كسره ... دخلتي اعله الزلم ...عباس كسره
ما يجبره ... حته الموت كسري مايجبره
حسرة .. عليك بكل نفس تنزرع .. حسرة
ـــــــــــــــــــــــــــــــــــ
شنسه من الحسين .. شني البيه ينسي شنسه من الحسين
ما والمه العين ... تفگده اصباح ابد ماولمه العين
مجسوم نصين .. ضهري من الهزل .. مجسوم نصين
ــــــــــــــــــــــــــــــــــــــ
مالايك الموت .. عله اطولك يانفل مالايگ الموت
وماضل بعد صوت .. بعد بيه بچي وماضل بعد صوت
بچي البسكوت .. يچمل الچمه لچمه .. بچي البسكوت
ــــــــــــــــــــــــــــــــــــــ
جا كونك اتگوم ... بعد هذا الحچي چا كونك تكوم
عباس يايوم .. من احشمك ماتجي عباس يايوم
موش ملچوم ... ماضل كتر بختك موش ملچوم
ــــــــــــــــــــــــــــــــــــــ
مگعاد اهلنا .. يجي يوم ويرد مگعاد اهلنا
مامش محنا .. بحنيت هلي مامش محنا
آه يا شملنا .. شيردك بعد آه ياشملنا

#اللهـم_عجـل_لوليـك_الفـرج
❤10😭8😢1💔1
#نعـي

مولاتي العقيلة تخاطب امير المؤمنين روحي فداهما :

تعنت لبوها لاويه الجيد
تگله يبو الكلفه يصنديد
امنا عليله وللدوه تريد
بلچن تخف ونتها وتهيد
تدري بمرضها ياعلي امچيد
لمن سمعها اتحسر الحيد
كالها وهو يصفگ الايد
كسر الضلع ماله دوه يفيد

#اللهـم_عجـل_لوليـك_الفـرج
😭18❤10💔5
#ابوذيـة

مثل احسين محد ....... عنده غيره
او رخيص الراح يخدم ... عِندَ غيره
حنين او آنه مامش ...... عندي غيره
گبل ما احچي يترسهن أديه .......

ابو فاطمة الطائي ...

#اللهـم_عجـل_لوليـك_الفـرج
❤10💔5😭5😢2
#نعـي

الزهراء تخاطب العقيلة
صلوات الله عليهما

عوفي الضوه بالبيت طافي
حتى يظل الخافي خافي
كافي اعله ابوج الضيم كافي
كافي لعليه يشوفه اخلافي
ودم صدري وضربت اجتافي

#اللهـم_عجـل_لوليـك_الفـرج
❤16😢3😭3
#فصيـح

أفـبعدَ فاطمة البتول ودفنها
بـالليل عينٌ لا تجود بمائها

فلقد قضت مكظومةً وتراثُها
ترنوه شزراً في يدي أعدائها

مضروبةً بالسوط حتى أنها
أبدت نحيبا من عظيم أذائها

مـسقوطةً لجنينها تُبدي أسىً
لأنـينها وجـداً عـلى أبنائها

فـلتبكها عـين المحب بمدمع
جارٍ كعين السُحبِ في إجرائها 

#اللهـم_عجـل_لوليـك_الفـرج
❤9😢1😭1
#نعـي

بگت مـن بعد أبوها ابحزن وبهم    
لـيل انـهار تبچي ادموع من دم

تحن والحسن يمها ايحن والحسين     
ولا هجعت من الون او غفت عين
الضلع مكسور منها او على المتنين      
أثـر مـعلوم ضرب السوط وسَّم

بـس تـلهج بـبوها اخلاف فگده      
او مـن اشـواگها الگبره تگصده
إعـله هـلحاله بگت ويـلاه مده      
لـمـا ويــاه وافـاها الـمحتم

ابـهظايمها او دمـعها الدايم ايسيل      
گضـت واشتنفع الحسرات والويل
مـظلومه او دفـنها صـار بالليل       
مـثل مـا وصـت الليث المشيم

دفـنها او مـن دفـنها رجع للدار       
وگعـد يـبچي الشفيه ابدمع مدرار
ركـن سوره الفگدها انهدم وانهار     
او گلـبه مـن الهظم والهم تجسم

عـشر تـيام ظـل گاعـد ابداره      
او نـاصب مـاتمه ابليله او نهاره
صـابر والگلـب تـلتهب نـاره       
الـضربة عـينها او ضلع التهشم

#اللهـم_عجـل_لوليـك_الفـرج
❤12😭4😢1💔1
#ابوذيـات

مـصايب فاطمه اعظامي بدنها
واشوف  البيت صار اظلم بدنها
او حـين الـغسَّلت بيدي بدنها     
كسر ضلعي كسر ضلع الزچيه

ابهظم وابضيم هالدنيه نعشها     
ولا يوم الدهر روحي نعشها
عله الشالوا ابليل اظلم نعشها     
او دفنها ابليل حماي الحميه

#اللهـم_عجـل_لوليـك_الفـرج
😭16❤8💔1
سُبْحَانَكَ لَا إِلَهَ إِلَّا أَنْتَ تُسَبِّحُ لَكَ الرِّيَاحُ فِي مَهَبِّهَا وَ السَّحَابُ بِأَمْطَارِهَا وَ الْبَرْقُ بِأَخْطَافِهِ وَ الرَّعْدُ بِأَرْزَامِهِ .
❤19💔2😢1
#نعـي

يـيمه ابگيـنه مـن عگبچ يتامه    
يـيمه الـدهر صـوبنه ابسهامه
يـيمه الـليل كـله مـا أنـامه    
وشوف اگبال عيني طولچ ايلوح

دحـاچيـني يـيمه او جـاوبيني    
يـاهو اخـلاف عـينچ يـسليني
يـصبرني ويـنشف دمـع عيني    
او يداوي اصواب دلالي والجروح

#اللهـم_عجـل_لوليـك_الفـرج
❤9😭4
#نعـي

بـنت الـنبي مـاتت ابـعلتها خفيه
وآجـرك الله يـا عـلي في هالرزيه

ظـلوا يتامه من بعدها حسن وحسين   
كلمن يگول امنه البتول خوي چا وين
نـادى اعلى المرتضى والطم الخدين   
آجـركـم الله يـا ولادي بـالزچيه

مـكسورة الأضـلاع واحزني عليها    
دهـري فـجعني بالنبي واليوم بيها
گوموا دعينوني او جيبوا النعش ليها  
او ظـلت نـواديها ابظلمه هالعشيه

(نصاري)
گضـت وامـصابها ما مر شبيهه   
بچوا سـبطينها او شـبگوا عليها
حــنـت آه شـبگتـهم بـديـها    
او هتف بالعرش نحيهم يبو احسين

يـحيدر شـيل سـبطين الـزكيه    
شـيل احـسين يـا حـيدر واخيه
ارضـها والـسمه حـنَّت سـويه    
الفگد بضعة الهادي او ينحب الدين

 (فائزي)
الله زيـنب نـايحه واتـصيح يـا باب    
لا تـدفنون امـنه البتوله تحت التراب
يـظلم عـليّه مـنزلي يـا داحي الباب     
الـدنيه عـلينه مـظلمه بـعد الـزچيه

شـالوا نـعشها والـنسه كلها ايتباچون   
او زينب تنادي يا علي دمشوا على هون
اضلوع منها امكسره يا بوي تدرون   
وايـامها كـلها گضـتها بـالعزيه

#اللهـم_عجـل_لوليـك_الفـرج
❤13😭8
#نعـي

عليها مـن تـصـب الماي بهـداي
خاف اظلوعها يعـورهـن الماي
بعدها آثار طبگات الجذع هاي
بصدر امي يبويه الخلفت داي

سيد حسين الياسري

#اللهـم_عجـل_لوليـك_الفـرج
😭11❤6😢6
#ابوذيـة

تون زهرت حياتي يوجعنها
وانه ادري اليوجعنها يوجعنها
اظلن يم كبرها يو اجي عنها
وانه ادري بزينب تريد الزجيه

#اللهـم_عجـل_لوليـك_الفـرج
😭14❤11
السلام عليكم اخواني هذا الرجل خادم الفقراء ويسعى بقضاء حوائجهم ليل مع نهار دون كلل او وملل والحالات عنده بالمئات

الي يريد مصدر موثوق للعطاء فهذا الرجال خير مصدر وكذلك ورع ومتقي جدا جدا في اختيار العوائل

وهذا رابط حساب صفحته على برنامج الفيس
https://www.facebook.com/share/18zNBB7rZ5/
❤10😢3
نعي لمولاي القاسم بن الإمام الكاظم روحي لهما الفداء 👇
😢2
نعي + ابوذيات pinned «نعي لمولاي القاسم بن الإمام الكاظم روحي لهما الفداء 👇»
#نعـي
الى مولاي قاسم الايمان والعطاء
صلوات الله وسلامه عليه

إبن موسى ابن جعفر غاب صوته
وين اهله وعمامه وين اخوته
لاحظرو ابعرسه ولا ابموته
شنهي من مصيبه الله واكبر

ابحزن گضَّه حياته وماتهنَّه
يون من عِلِّته ويزداد وَنَّه
مهموم وهَلَه ابعيدين عَنَّه
وگلبه مِن مَرار الهَم تُوجَّر

ننصب ماتمه ونقره المصيبه
ونبچي الفاطمه ابنيته الغريبه
يتيمه والگلب شاجر لهيبه
مِشه ودَلاَّلهه الفگده تُفَطَّر

الله يساعد المكسوره الاضلوع
الزهره اليامصيبه تجري الادموع
گلبهه امن النوايب دوم مفجوع
وبركان الدمع منها ايتفَجَّر

تنادي الزهره يولادي البعيدين
دوم اجري عليكم دمعة العين
واهون كل مصيبه مصيبة حسين
والزينب انوح وأنحب اكثر

سيد علي الموسوي

#اللهـم_عجـل_لوليـك_الفـرج
❤7😭6😢1
#أبوذيـات لمولاي
القاسم بن الإمام الكاظم روحي فداهما

الحــزن ياناس ساد الكون عمّاه
على القـــاسم يريت العين عمّاه
يسأله اعله النسب كل يوم عمّاه
مايدري ابن ســــــــــادات البريه

((للقاسم الغريب صلوات ربي عليه))

مايوم الفرض جازه وفاته
كسر گلبي تره مصابه وفاته
بقه بغربه لحد ساعة وفاته
الهواشم وين ساعات المنيه

حيدر بشار الدراجي

#اللهـم_عجـل_لوليـك_الفـرج
😭5❤1😢1💔1
#قريـض

لمولاي القاسم بن الكاظم
صلوات الله عليهما

ومشرّدٍ في الأرض وهي حلالهُ
ضاقت بهِ ذرعاً كحالِ القاسمِ
هذا أخو السلطان ماتَ بغربةٍ
رهنَ الأسى كأبيه موسى الكاظمِ
لا زالَ يعملُ ساقياً وهو الذي
جبريلُ يأتيه بهيئةِ خادمِ
حتّى قضى إثْرَ السقام وعينهُ
تجري على ابنتهِ العزيزةِ فاطمِ
يبكي عليها وهي بين حماتها
محجوبةٌ في فيء كهفٍ راحمِ
لهفي على ذاك الذي في كربلا😭
أضحت يتيمتهُ أسيرةَ ظالمِ😭
تُسبى وتُضربُ وهي جدُّ مروعةٌ😭
من شامتٍ تُهدى لآخر شاتمِ😭

علي عسيلي العاملي

#اللهـم_عجـل_لوليـك_الفـرج
😭8❤3💔3😢1
#أبوذيـة

يا اخ الرضا دخيلك سيدي 🙏

الوكت كل يوم اله صوله وجوله
على المامروا   أحبابه  وجوله
النشدوا نار  بضلوعه  وجوله
صعبه يگلهم انا ابن الزچيه

الشاعر حسن لعيبي الحريشاوي

#اللهـم_عجـل_لوليـك_الفـرج
😭11❤4
#نعـي
للامام القاسم
بن الكاظم عليهما السلام


على افراش المنيه ايلوج جثير اهموم ضاهدته
هذا اخر وداع اليــــــوم يعاين والدمـــع سكته
يعالج بالأجل والمـــوت ينوح وحاضـن ابنيته
خبرهه بنســـــــب جدهه والهم فصــــح سالفته
***
كالهم بعد هالحـيــــــــــن لازم احجـــي سالفتي
أنه موش الغريب وصار افصح بعد شخصيتي
اسمعوني يهالخيــــــرين اكلكم وين اهل بيتي
آنه اشفي العليـــــل الراد ياخذ طــرف جفيتي
***
أنه بعقلي علــــم ياسين راضــــع لبن المروه
أنه بجفي يفيض الخير ومني الضامي يتروه
اهلي امعزبين الضيف وابد مابردت الكهوه
اهلي ابيوتهم محراب اساس ومهبط التقوى
***
وبدأ يخبرهم عن نسبه وآبائه وهوه يبكي ويقول
***
انه ابن اللي ابد ميخيـــــــب طلابه
يرد فرحان كلمن كاصـــــــد البابه
والمهموم يفرج همـــــــــــه بعتابه
وانه ابن اللي الشفاء امن الله بترابه
***
أنه ابن المرتضى والطاهره الزهره
انه ابن اللي وكع عالرمله من مهره
تجوى بالشمس مذبوح من نحــــره
وخيل الاعوجيه ســـحكته بصدره
***
مكسـور ضـــلعه ابن الـــــذي مكســــــــــور ضلعه
ومكطوع اصبعه عاري وبالشمس مكـــطوع اصبعه
محـــــــــد يشلعه ورمحه بالكلــــب محــــــد يشلعه
مذبوحه ربــــعه ضحايه اعله الرمل مذبوحه ربعه


ابو علي الركابي

#اللهـم_عجـل_لوليـك_الفـرج
😭6❤3
#نعـي
لمولانا الغريب القاسم بن الكاظم صلوات الله عليهما


تقول الروايه كلما ذهب الى الفرات
ليملئ القربه للسقايه كان يحرك الماء
يمينا وشمالا ويبكي


وياك عندي شـــلون عتـــبه
عالـــغرف ماي ورجــــع ذبه
وعبدالله منك ليش محروم
يبســــت لهاته شنهي ذنبــه

حسين العطش منطاه مهلـه
وخــــله بدليله شلـــون علـه
تدريبه ضل مابين الخيـــول
مت عينـــك انتــه ما رحتـله

من شبت الخيمه اعله الازغار
يامـــاي غيـــر تهــفّت النـــــار
زينب تصـــــدلك والنساوين
انتــه الســـبب بالصار والدار

غريب ابــين ناس الما يعرفوني
انهدم لمن على اهلي يناشدوني
صبح ومســــيه مغورگه عيـوني
والضيــــــعوني وين يلگـــــوني

واتذكــــرتها  غربة عمــتي  اتذكـــــرتها
بالحبل عتها  شلون النــذل بالحبل عتها
والدايـــرتها  عيون الشماته دايـــــــرتها

صح غربتـني  الدنيه تــره   صح غربتني
محد ضربنـي  مدلل عشت   محد ضربني
ما لاح متنــي  سوط وحبل  ما لاح متني
مابشر سـبني وصيّـح علـيّ  ما بشر سبني

لعمتي ما گطعت الونّ -- بعدناي
الشماته نايها تعــزفــه -- بعد ناي
يحيف الدهر عن اهلي -- بعدني
وبالغربة عشت مثل السبيه

صــــحت ياربي گلبي -- قربه لحسين
اليضوگ امصاب رأسا -- قر بالحسـين
عـــــدل ريته واودي -- قربة لحسين
واوزع ماي لسكينه ورقيه


           
✍حيدر ابو كيان الفاطمي

#اللهـم_عجـل_لوليـك_الفـرج
❤12😭6😢2💔1