#نعي
لسان حال مولاتي زينب
لما صعدت فوق. التل وهي تنظر الى الحسين فتراه بتلك الحاله
كاني بها تقول
فوك الترب و يميل راسه
بعدة عدل والخيل داسة
الحافر بصدرة حين جاسة
فوك العطش يخنگ انفاسه
جاوين اخوته او وين ناسه
وتركض تحشملة عباسه
وتكله جيب وياك طاسه
امن العلكمي تبرد احساسه
وحسين جان العذب كاسه
تفطرت شفته وذبل ياسه
والرمل حار وكام باسه
عالتلة و الدمعة اتلاله
وحشمت لحسين العيالة
وبصوت اسمعة يصيح لاله
لحدر الحوافر شنهي حاله
ساعة وشوف الشمر جاله
فوك الرمح و الراس شالة
يهل المراجل و البساله
فزعو على اخيام الجلاله
وحسين حركو كل دلاله
طش الضعن كلمن مشالة
كريم الدراجي
#اللهم_عجل_لوليك_الفرج
لسان حال مولاتي زينب
لما صعدت فوق. التل وهي تنظر الى الحسين فتراه بتلك الحاله
كاني بها تقول
فوك الترب و يميل راسه
بعدة عدل والخيل داسة
الحافر بصدرة حين جاسة
فوك العطش يخنگ انفاسه
جاوين اخوته او وين ناسه
وتركض تحشملة عباسه
وتكله جيب وياك طاسه
امن العلكمي تبرد احساسه
وحسين جان العذب كاسه
تفطرت شفته وذبل ياسه
والرمل حار وكام باسه
عالتلة و الدمعة اتلاله
وحشمت لحسين العيالة
وبصوت اسمعة يصيح لاله
لحدر الحوافر شنهي حاله
ساعة وشوف الشمر جاله
فوك الرمح و الراس شالة
يهل المراجل و البساله
فزعو على اخيام الجلاله
وحسين حركو كل دلاله
طش الضعن كلمن مشالة
كريم الدراجي
#اللهم_عجل_لوليك_الفرج
😭14👍8😢3❤2
#أبوذية
يشـايل راس اخـوتي تان ماتان
شيهود الكلب من بجاي مات أن
ضمي وعيونك الحلوات ماتان
ومتربه خدودك الجانت ضويه
هادي الصالحي
#اللهم_عجل_لوليك_الفرج
يشـايل راس اخـوتي تان ماتان
شيهود الكلب من بجاي مات أن
ضمي وعيونك الحلوات ماتان
ومتربه خدودك الجانت ضويه
هادي الصالحي
#اللهم_عجل_لوليك_الفرج
😭17👍8❤3💔3
#ندبة
يبو جروح الچبيره شلونها جروحك..؟
بعدك تبچي و مذبلك تعب نوحك...؟
بعدك ما تعرف تنام ..... و طيوفك جمر وخيام
بعدك من يجيك الليل تگعد تبچي وي روحك💔
مثلك ماكو غربه ولا الغريب الصار
انصارك تدور ما يصح انصار
ناس لسانهم سيف اليشد يمناك
ونوايا گلوبهم ضمت لدارك نار
چا حگگ اذا تتعب و اذا تحتار
انت شضال بيك و ما يرحمونك
يل موت اهدعش معصوم بعيونك
گواك الله يالمتعوب....چا هوه الحزن چمدوب
تمشي بگاعك ومهموم ما لاگي اليعرفونك
شلونك ردت اگلك و الذنب مانع
ألا انت و غلاتك للنشد سامع
گاطع بيك، اتعبك ،ماذي روحك حيل
بس انته الحنين البيه ما گاطع
اللهم أرحم امنية شائق يتمنى💔
ابو نوح الكناني
#اللهم_عجل_لوليك_الفرج
يبو جروح الچبيره شلونها جروحك..؟
بعدك تبچي و مذبلك تعب نوحك...؟
بعدك ما تعرف تنام ..... و طيوفك جمر وخيام
بعدك من يجيك الليل تگعد تبچي وي روحك💔
مثلك ماكو غربه ولا الغريب الصار
انصارك تدور ما يصح انصار
ناس لسانهم سيف اليشد يمناك
ونوايا گلوبهم ضمت لدارك نار
چا حگگ اذا تتعب و اذا تحتار
انت شضال بيك و ما يرحمونك
يل موت اهدعش معصوم بعيونك
گواك الله يالمتعوب....چا هوه الحزن چمدوب
تمشي بگاعك ومهموم ما لاگي اليعرفونك
شلونك ردت اگلك و الذنب مانع
ألا انت و غلاتك للنشد سامع
گاطع بيك، اتعبك ،ماذي روحك حيل
بس انته الحنين البيه ما گاطع
اللهم أرحم امنية شائق يتمنى💔
ابو نوح الكناني
#اللهم_عجل_لوليك_الفرج
👍17💔10😭10❤2😢1
#أبوذيات
لمولاي زين العابدين روحي فداه
عمتي والحرم بس آني ويهان
وطحت بيدين ناس اصحاب ويهان
واحد حط عله الخيمات ويهان
او واحد سلب عصاتي امن اديه
رحت للشام وآنه گيود بيداي
وعله الناگه الهزيله اگطعت بيداي
بغرب ومصاب وآنه النوب بيه داي
واكلف داي عماتي السبيه
نخيتك بويه كلي ليش ماييت
حزين وبيه احس الكاع ماييت
رحت ويه الظعن مو عدل ماييت
لأن روحي بكت بالغاضريه
سيد غالب الرضوي الكربلائي
#اللهم_عجل_لوليك_الفرج
لمولاي زين العابدين روحي فداه
عمتي والحرم بس آني ويهان
وطحت بيدين ناس اصحاب ويهان
واحد حط عله الخيمات ويهان
او واحد سلب عصاتي امن اديه
رحت للشام وآنه گيود بيداي
وعله الناگه الهزيله اگطعت بيداي
بغرب ومصاب وآنه النوب بيه داي
واكلف داي عماتي السبيه
نخيتك بويه كلي ليش ماييت
حزين وبيه احس الكاع ماييت
رحت ويه الظعن مو عدل ماييت
لأن روحي بكت بالغاضريه
سيد غالب الرضوي الكربلائي
#اللهم_عجل_لوليك_الفرج
😭11👍10😢8💔6❤1
#نعي
راسك يخويه حين شفته
تلعب عصه ايزيد اعله شفته
انه ذاك الوكت وجهي لطمته
صديتله بحرگه وندهته
من شلت ايمينك يالضربته
من شافي النذل لمته
شتمني وتعدتله شتمته
#اللهم_عجل_لوليك_الفرج
راسك يخويه حين شفته
تلعب عصه ايزيد اعله شفته
انه ذاك الوكت وجهي لطمته
صديتله بحرگه وندهته
من شلت ايمينك يالضربته
من شافي النذل لمته
شتمني وتعدتله شتمته
#اللهم_عجل_لوليك_الفرج
😭11👍7❤2
#نعي مفجع
مولاتي العقيلة روحي فداها
ارْكوب الجمَل مالِيش حيله
او حدّاينه جاسي دِليله
ايْحثِّ السَره انْهاره اوْيه ليله
او لو ذعَّر الناگه الهزيله
او طاح الطفل ياهو اليشيله
و اعله النهر نایم چفیله
و أنا مرَه امحيَّره ابعَيله
و امنين اجيب اليهِد خيله
او يوصل لعد حامي دخيله
ابوادي النجف دمعه يسيله
او يصيح يا شیخ الجبيله
يشيَّال الِحْمول الثجيله
بنتك عگب عِزها ذليله
*ميرزا عادل أشكناني*
#اللهم_عجل_لوليك_الفرج
مولاتي العقيلة روحي فداها
ارْكوب الجمَل مالِيش حيله
او حدّاينه جاسي دِليله
ايْحثِّ السَره انْهاره اوْيه ليله
او لو ذعَّر الناگه الهزيله
او طاح الطفل ياهو اليشيله
و اعله النهر نایم چفیله
و أنا مرَه امحيَّره ابعَيله
و امنين اجيب اليهِد خيله
او يوصل لعد حامي دخيله
ابوادي النجف دمعه يسيله
او يصيح يا شیخ الجبيله
يشيَّال الِحْمول الثجيله
بنتك عگب عِزها ذليله
*ميرزا عادل أشكناني*
#اللهم_عجل_لوليك_الفرج
💔9👍8😭6❤1
#نعي
فشلة السوگ ... بعدها بوجه اخيتك فشلة السوگ
الميلوگ ... عليه نگال خويه الحچي الميلوگ
محروگ ... گلبي هضم وفراگ محروك
ايبوگ ...كل حيلي الشمر لو صاحني يبوگ
ــــــــــــــــــــــــــــــــــــــ
اخ عباس .. وي كل سوط اصيحن اخ عباس
وسف بس راس ... تضل يا سبع اهلنا وسف بس راس
تنداس ... يعالي الگدر اخ شلون تنداس
تنجاس ..وكت وعمامه العباس تنجاس
ــــــــــــــــــــــــــــــــــــــ
عزي من اذكره ... اشبع بچي عزي من اذكره
عباس كسره ... دخلتي اعله الزلم ...عباس كسره
لا ما يجبره ... حته الموت كسري لا مايجبره
حسرة .. عليك بكل نفس تنزرع .. حسرة
ـــــــــــــــــــــــــــــــــــ
شنسه من الحسين .. شني البيه ينسي شنسه من الحسين
ما والمه العين ... تفگده اصباح ابد ماولمه العين
مجسوم نصين .. ضهري من الهزل .. مجسوم نصين
ــــــــــــــــــــــــــــــــــــــ
مالايك الموت .. عله اطولك يانفل مالايگ الموت
وماضل بعد صوت .. بعد بيه بچي وماضل بعد صوت
بچي البسكوت .. يچمل الچمه لچمه .. بچي البسكوت
ــــــــــــــــــــــــــــــــــــــ
جا كونك اتگوم ... بعد هذا الحچي چا كونك تكوم
عباس يايوم .. من احشمك ماتجي عباس يايوم
موش ملچوم ... ماضل كتر بختك موش ملچوم
ــــــــــــــــــــــــــــــــــــــ
مگعاد اهلنا .. يجي يوم ويرد مگعاد اهلنا
مامش محنا .. بحنيت هلي مامش محنا
آه يا شملنا .. شيردك بعد آه ياشملنا
#اللهم_عجل_لوليك_الفرج
فشلة السوگ ... بعدها بوجه اخيتك فشلة السوگ
الميلوگ ... عليه نگال خويه الحچي الميلوگ
محروگ ... گلبي هضم وفراگ محروك
ايبوگ ...كل حيلي الشمر لو صاحني يبوگ
ــــــــــــــــــــــــــــــــــــــ
اخ عباس .. وي كل سوط اصيحن اخ عباس
وسف بس راس ... تضل يا سبع اهلنا وسف بس راس
تنداس ... يعالي الگدر اخ شلون تنداس
تنجاس ..وكت وعمامه العباس تنجاس
ــــــــــــــــــــــــــــــــــــــ
عزي من اذكره ... اشبع بچي عزي من اذكره
عباس كسره ... دخلتي اعله الزلم ...عباس كسره
لا ما يجبره ... حته الموت كسري لا مايجبره
حسرة .. عليك بكل نفس تنزرع .. حسرة
ـــــــــــــــــــــــــــــــــــ
شنسه من الحسين .. شني البيه ينسي شنسه من الحسين
ما والمه العين ... تفگده اصباح ابد ماولمه العين
مجسوم نصين .. ضهري من الهزل .. مجسوم نصين
ــــــــــــــــــــــــــــــــــــــ
مالايك الموت .. عله اطولك يانفل مالايگ الموت
وماضل بعد صوت .. بعد بيه بچي وماضل بعد صوت
بچي البسكوت .. يچمل الچمه لچمه .. بچي البسكوت
ــــــــــــــــــــــــــــــــــــــ
جا كونك اتگوم ... بعد هذا الحچي چا كونك تكوم
عباس يايوم .. من احشمك ماتجي عباس يايوم
موش ملچوم ... ماضل كتر بختك موش ملچوم
ــــــــــــــــــــــــــــــــــــــ
مگعاد اهلنا .. يجي يوم ويرد مگعاد اهلنا
مامش محنا .. بحنيت هلي مامش محنا
آه يا شملنا .. شيردك بعد آه ياشملنا
#اللهم_عجل_لوليك_الفرج
😭17👍8❤5😢3💔1
بالخرابه اشما تسلهم عيني
تنلـچـم مدلـوله وتصحيني
هاي تستاحش من الظلمه وتنز
وذيچ تغفه وجرح يلچمـهـا وتـفز
وتگعد ام عبد الله (كـاروكه) تهز
يگـلـهـا مـا در صـدرچ ترضـعـيني ؟!!
ـ اشوه عدنه الليل يسترنه الظلام
حته لا تبرالـنـه عـيـون الـحـرام
وين ذيچ اديارنه وذيـچ العـمام
اهنا يهاشم مـوتـه لـو ناسـيـنـي
ـ اثنين واثمانين يتشكن سوه
والجرح ـ گص الحبل ـ يردن دوه
ذبلن امن الشمس وسموم الهوه
ونه اشما اطوي الدرب يطويني
ـ احنه من صيارنه ابيت الوحي
امن الحچي حته ويَ اهلنه نستحي
سمعت اهل الكوفه صوتي وصايحي
خاف ما تدري العده ميسريني
ـ انه الما چانت خيالي تشوفه
شافـتـه وسمـعتني اهل الكوفه
اعله الهزل وايدي بحبل مچتوفه
بالـطبـل ودفـوفــهـا اتـلاگـيـنـي
علي بويه هنا يكشاف الكرب
شگد بعد للشام كون امشي درب
الموت ريته ولا يعرفوني الغرب
وروس اخوتي يا علي تماشيني
عزيز الفيصلي
#اللهم_عجل_لوليك_الفرج
تنلـچـم مدلـوله وتصحيني
هاي تستاحش من الظلمه وتنز
وذيچ تغفه وجرح يلچمـهـا وتـفز
وتگعد ام عبد الله (كـاروكه) تهز
يگـلـهـا مـا در صـدرچ ترضـعـيني ؟!!
ـ اشوه عدنه الليل يسترنه الظلام
حته لا تبرالـنـه عـيـون الـحـرام
وين ذيچ اديارنه وذيـچ العـمام
اهنا يهاشم مـوتـه لـو ناسـيـنـي
ـ اثنين واثمانين يتشكن سوه
والجرح ـ گص الحبل ـ يردن دوه
ذبلن امن الشمس وسموم الهوه
ونه اشما اطوي الدرب يطويني
ـ احنه من صيارنه ابيت الوحي
امن الحچي حته ويَ اهلنه نستحي
سمعت اهل الكوفه صوتي وصايحي
خاف ما تدري العده ميسريني
ـ انه الما چانت خيالي تشوفه
شافـتـه وسمـعتني اهل الكوفه
اعله الهزل وايدي بحبل مچتوفه
بالـطبـل ودفـوفــهـا اتـلاگـيـنـي
علي بويه هنا يكشاف الكرب
شگد بعد للشام كون امشي درب
الموت ريته ولا يعرفوني الغرب
وروس اخوتي يا علي تماشيني
عزيز الفيصلي
#اللهم_عجل_لوليك_الفرج
💔17👍9❤6😭1
#نعي
كأني بالسان حال العلويات
من خلصت زلمنه صاحو ابصوت
مات حسين سلبوهن خواته
ركبونه ابهزل جي تعرج اتنود
لذالك خوله طاحت من بناته
لأول مره غربه انشوف بالعين
ابن العم كبل ما شايفاته
نشم ريحة شماته ابكل الدروب
وثجيله أهواي جلمات الشماته
حادينه يوكف النوك بالسوك
وكبل ياسوك احنه الطاباته
تصدنه اعيون جنها امراشك اسهام
الخذن ثلثين جبد الذابحاته
أنعم الله اعله العبايه صارت افراش
ابخرابه الليل كعده بايتاته
كرار ابو مهدي المالكي
#اللهم_عجل_لوليك_الفرج
كأني بالسان حال العلويات
من خلصت زلمنه صاحو ابصوت
مات حسين سلبوهن خواته
ركبونه ابهزل جي تعرج اتنود
لذالك خوله طاحت من بناته
لأول مره غربه انشوف بالعين
ابن العم كبل ما شايفاته
نشم ريحة شماته ابكل الدروب
وثجيله أهواي جلمات الشماته
حادينه يوكف النوك بالسوك
وكبل ياسوك احنه الطاباته
تصدنه اعيون جنها امراشك اسهام
الخذن ثلثين جبد الذابحاته
أنعم الله اعله العبايه صارت افراش
ابخرابه الليل كعده بايتاته
كرار ابو مهدي المالكي
#اللهم_عجل_لوليك_الفرج
👍13😭7❤4😢1
#أبوذية
أنه الما كفَّت احزاني دواوين
ونه البلطف جرح ضيَّع دواوين
آنه اول هاشميه اتطبَّ دواوين
ابعمر خمسين مچتوفات اديه
سيد علي عبد الزهرة الناجي
#اللهم_عجل_لوليك_الفرج
أنه الما كفَّت احزاني دواوين
ونه البلطف جرح ضيَّع دواوين
آنه اول هاشميه اتطبَّ دواوين
ابعمر خمسين مچتوفات اديه
سيد علي عبد الزهرة الناجي
#اللهم_عجل_لوليك_الفرج
👍14❤6
#أبوذية
اسهام اليسر بالدلال فتن
ومصايبجن لعد احشاي فاتن
يربات العفاف شلون فتن
بين اجناب مابيهم حميه
لأحد خدام الحسين عليه السلام
#اللهم_عجل_لوليك_الفرج
اسهام اليسر بالدلال فتن
ومصايبجن لعد احشاي فاتن
يربات العفاف شلون فتن
بين اجناب مابيهم حميه
لأحد خدام الحسين عليه السلام
#اللهم_عجل_لوليك_الفرج
😭8❤7👍4
خـرابه واظلـــــم انهار البنیه
ومن تعب الدرب نامت رقیه
ــــــــــــــــــــــــــــــــــــــ
گـــــعدن شــــوط من الیل ناحن
وکـل وحده ابکتر یاویلی طاحن
عـــــود الظــــیم باچر یستراحن
بـــــاچر یـــــوگفن بــین آل امیه
ــــــــــــــــــــــــــــــــــــــ
بــاچر عـــــسه بـــــاچر لایجیهن
اشکبرهه وگفت المجلس علیهن
اگـــــبال اعیونهن ینطگ ولیهن
وتلـــــعب خیزران ابـــن الدعیه
ــــــــــــــــــــــــــــــــــــــ
عـــــله اتراب الوساده نومتهن
وبـــــجناح الـــزچیه حومتهن
تلـــولی اعله الجروح الأمتهن
واهیه امساهره الونه الخفیه
ــــــــــــــــــــــــــــــــــــــ
نـــــص الیـل لـــــن طفله ابحلمهه
الوساده اتراب واتصیح امن المهه
ملـــح جاس ابجرح منهه ولچمهه
وبحـــــت صــوت عبرتهه الشجیه
ــــــــــــــــــــــــــــــــــــــ
طفله امن التعب ناحل جسمهه
ورده وذبــــل امن الحر رسمهه
بعـــــد محــد یعارفهه اباسمهه
نسبـــــوها رقـــــیه الخــارجیه
ــــــــــــــــــــــــــــــــــــــ
غدت تبچی عله ابچاها الخرابه
وغـــــفه بــجروحه ملح الترابه
تـــــهز الشام لو صاحت یه بابا
تـــــرانی شــــوفتک عنت علیه
ــــــــــــــــــــــــــــــــــــــ
تـــــنادی وین ماشوفچ یعمه
ابـــوی اهنا یجی ودینی یمه
یــــشابگنی واشبگنه واشمه
ورشله ادموع عینی واهلیه
عزيز الفيصلي
#اللهم_عجل_لوليك_الفرج
ومن تعب الدرب نامت رقیه
ــــــــــــــــــــــــــــــــــــــ
گـــــعدن شــــوط من الیل ناحن
وکـل وحده ابکتر یاویلی طاحن
عـــــود الظــــیم باچر یستراحن
بـــــاچر یـــــوگفن بــین آل امیه
ــــــــــــــــــــــــــــــــــــــ
بــاچر عـــــسه بـــــاچر لایجیهن
اشکبرهه وگفت المجلس علیهن
اگـــــبال اعیونهن ینطگ ولیهن
وتلـــــعب خیزران ابـــن الدعیه
ــــــــــــــــــــــــــــــــــــــ
عـــــله اتراب الوساده نومتهن
وبـــــجناح الـــزچیه حومتهن
تلـــولی اعله الجروح الأمتهن
واهیه امساهره الونه الخفیه
ــــــــــــــــــــــــــــــــــــــ
نـــــص الیـل لـــــن طفله ابحلمهه
الوساده اتراب واتصیح امن المهه
ملـــح جاس ابجرح منهه ولچمهه
وبحـــــت صــوت عبرتهه الشجیه
ــــــــــــــــــــــــــــــــــــــ
طفله امن التعب ناحل جسمهه
ورده وذبــــل امن الحر رسمهه
بعـــــد محــد یعارفهه اباسمهه
نسبـــــوها رقـــــیه الخــارجیه
ــــــــــــــــــــــــــــــــــــــ
غدت تبچی عله ابچاها الخرابه
وغـــــفه بــجروحه ملح الترابه
تـــــهز الشام لو صاحت یه بابا
تـــــرانی شــــوفتک عنت علیه
ــــــــــــــــــــــــــــــــــــــ
تـــــنادی وین ماشوفچ یعمه
ابـــوی اهنا یجی ودینی یمه
یــــشابگنی واشبگنه واشمه
ورشله ادموع عینی واهلیه
عزيز الفيصلي
#اللهم_عجل_لوليك_الفرج
👍15😭7❤2💔2
ع الوجه كمنه نحط جفوفنه
للستر خاف الغريب يشوفنه
ــــــــــــــــــــــــــــــــــــــ
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
ــــــــــــــــــــــــــــــــــــــ
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
ــــــــــــــــــــــــــــــــــــــ
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
ــــــــــــــــــــــــــــــــــــــ
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
ــــــــــــــــــــــــــــــــــــــ
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
ــــــــــــــــــــــــــــــــــــــ
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
ــــــــــــــــــــــــــــــــــــــ
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
ــــــــــــــــــــــــــــــــــــــ
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
ــــــــــــــــــــــــــــــــــــــ
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
ــــــــــــــــــــــــــــــــــــــ
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه
رائد الناشي
#اللهم_عجل_لوليك_الفرج
للستر خاف الغريب يشوفنه
ــــــــــــــــــــــــــــــــــــــ
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
ــــــــــــــــــــــــــــــــــــــ
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
ــــــــــــــــــــــــــــــــــــــ
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
ــــــــــــــــــــــــــــــــــــــ
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
ــــــــــــــــــــــــــــــــــــــ
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
ــــــــــــــــــــــــــــــــــــــ
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
ــــــــــــــــــــــــــــــــــــــ
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
ــــــــــــــــــــــــــــــــــــــ
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
ــــــــــــــــــــــــــــــــــــــ
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
ــــــــــــــــــــــــــــــــــــــ
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه
رائد الناشي
#اللهم_عجل_لوليك_الفرج
😭10👍8💔3❤2
#نعي
يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام
شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام
وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام
ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام
ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام
وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام
بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام
✍️حسين حمدان الدلفي
#اللهم_عجل_لوليك_الفرج
يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام
شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام
وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام
ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام
ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام
وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام
بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام
✍️حسين حمدان الدلفي
#اللهم_عجل_لوليك_الفرج
👍18💔3❤2
#تراث
مجيء هند للخربة
هند لبست حللها اولفت ليهم
لمن بالخرابه اسمعت بيهم
وراها الجاريه او طبت عليهم
او زينب غدت من عندها اتكتم
ــــــــــــــــــــــــــــــــــــــ
زينب نادت ام چلثوم اختها
عرفتي المجبله اعلينا انشدتها
تگلها لا يزينب معرفتها
گالت هاي عدنه گبل تخدم
ــــــــــــــــــــــــــــــــــــــ
على الكرسي اگعدت يم السبايه
اونشدت زينب انتوا بيا اولايه
ملوك انتوا بوطنكم يو رعايه
او زلمكم ليش عافتكم ابها الهم
ــــــــــــــــــــــــــــــــــــــ
تگلها امن المدينه احنه لفينه
تگلها المدن كثره يا مدينه
صاحت يثرب البيها نبينه
اوبيه اتشرفت عالبيت الاعظم
ــــــــــــــــــــــــــــــــــــــ
گامت هند اوعلى الگاع گعدت
ابيثرب واهل يثرب حين سمعت
تناشدها غدت والعين دمعت
عگب ما صلت اعلى النبي الاكرم
ــــــــــــــــــــــــــــــــــــــ
عن بيت ارد انشدچ صاحت اهناك
ليل انهار تخدم بيه الاملاك
راعيه الذي بالحرب فتاك
اوبي زينب واهلها بيه چلثم
ــــــــــــــــــــــــــــــــــــــ
تگلها ابيت من عده اشتريدين
عليه صول يزيد او هدمه البين
اوذاك اباب گصرج راس الحسين
وانه زينب البيّه الضيم وسم
ــــــــــــــــــــــــــــــــــــــ
من سمعت هند لطمت على الراس
اوصاحت وين الاكبر شارب الچاس
اوعنكم وين ابوفاضل العباس
والعريس وينه اوين مسلم
ــــــــــــــــــــــــــــــــــــــ
تگلها بكربلا تموا رميه
ضحايه امطرحين اعلى الوطيه
واجينه اعلى الهزل يسره اوسبيه
او عدنه غير هالوجعان ماتم
الشاعر المرحوم
السيد عبد الحسين الشرع
#اللهم_عجل_لوليك_الفرج
مجيء هند للخربة
هند لبست حللها اولفت ليهم
لمن بالخرابه اسمعت بيهم
وراها الجاريه او طبت عليهم
او زينب غدت من عندها اتكتم
ــــــــــــــــــــــــــــــــــــــ
زينب نادت ام چلثوم اختها
عرفتي المجبله اعلينا انشدتها
تگلها لا يزينب معرفتها
گالت هاي عدنه گبل تخدم
ــــــــــــــــــــــــــــــــــــــ
على الكرسي اگعدت يم السبايه
اونشدت زينب انتوا بيا اولايه
ملوك انتوا بوطنكم يو رعايه
او زلمكم ليش عافتكم ابها الهم
ــــــــــــــــــــــــــــــــــــــ
تگلها امن المدينه احنه لفينه
تگلها المدن كثره يا مدينه
صاحت يثرب البيها نبينه
اوبيه اتشرفت عالبيت الاعظم
ــــــــــــــــــــــــــــــــــــــ
گامت هند اوعلى الگاع گعدت
ابيثرب واهل يثرب حين سمعت
تناشدها غدت والعين دمعت
عگب ما صلت اعلى النبي الاكرم
ــــــــــــــــــــــــــــــــــــــ
عن بيت ارد انشدچ صاحت اهناك
ليل انهار تخدم بيه الاملاك
راعيه الذي بالحرب فتاك
اوبي زينب واهلها بيه چلثم
ــــــــــــــــــــــــــــــــــــــ
تگلها ابيت من عده اشتريدين
عليه صول يزيد او هدمه البين
اوذاك اباب گصرج راس الحسين
وانه زينب البيّه الضيم وسم
ــــــــــــــــــــــــــــــــــــــ
من سمعت هند لطمت على الراس
اوصاحت وين الاكبر شارب الچاس
اوعنكم وين ابوفاضل العباس
والعريس وينه اوين مسلم
ــــــــــــــــــــــــــــــــــــــ
تگلها بكربلا تموا رميه
ضحايه امطرحين اعلى الوطيه
واجينه اعلى الهزل يسره اوسبيه
او عدنه غير هالوجعان ماتم
الشاعر المرحوم
السيد عبد الحسين الشرع
#اللهم_عجل_لوليك_الفرج
👍14❤8😭5
#أبوذية
تعبت وتعبت لتعبي إبلهم
ويتامة احسين صرت امهم إبلهم
مامش ماي بعيون إبلهم
يبسنه من العطش انه ورقيه
سيد محمد الهاشمي
#اللهم_عجل_لوليك_الفرج
تعبت وتعبت لتعبي إبلهم
ويتامة احسين صرت امهم إبلهم
مامش ماي بعيون إبلهم
يبسنه من العطش انه ورقيه
سيد محمد الهاشمي
#اللهم_عجل_لوليك_الفرج
😢17👍5💔5❤2😭2
#أبوذية
مثل حيرتي وياك حسين من حار
اضمك من عطش من خيل من حار
حشمتك لجن من گمت من حار (منحور)
شبت واشتبهت النسوان بيه
علي محسن الزيادي
#اللهم_عجل_لوليك_الفرج
مثل حيرتي وياك حسين من حار
اضمك من عطش من خيل من حار
حشمتك لجن من گمت من حار (منحور)
شبت واشتبهت النسوان بيه
علي محسن الزيادي
#اللهم_عجل_لوليك_الفرج
💔12👍7😭6❤4
#نعي
مولاتي رقية روحي فداها
ظني الطشت بيه ماي بارد
ثاريه راسك چان گاعد
شفت برگبتك ثلمة ارماح
كلساع تندار علة واحد
ـ_
تعبان راسك والضمة اهواي
وماضايگ من العاشر افياي
بالگوة من شفتك عرفتك
متغير من الضيم والماي
ــ____
يابو التراچي امتوني زرگة
اتلاگينة بس مو خوش ملگة
ماعرف أعاتب واعتب عليك
لاتنشم ولا بيك شبگة
ـ_
كتلك بطيت وگتلي محتام
يومية ادورج بين الأيتام
خلف الضعن تمشين والشال
راسي برمح يركض لكدام
ـ_
علة اعيوني اشوفنج بعيدة
وكلساع اصيحن يالشهيدة
مبيوگ صوتي وسكتة الاصياح
بيمن يأشر الماهي ايدة
ـ_
انـدارلـج كـل مـا عـثـرتـي
والـگـة الرمح ماكل رگبتي
كل ساعة طايحلج ع الگاع
وتتبلل اخدودي بدمعتي
حسن الترابي
#اللهم_عجل_لوليك_الفرج
مولاتي رقية روحي فداها
ظني الطشت بيه ماي بارد
ثاريه راسك چان گاعد
شفت برگبتك ثلمة ارماح
كلساع تندار علة واحد
ـ_
تعبان راسك والضمة اهواي
وماضايگ من العاشر افياي
بالگوة من شفتك عرفتك
متغير من الضيم والماي
ــ____
يابو التراچي امتوني زرگة
اتلاگينة بس مو خوش ملگة
ماعرف أعاتب واعتب عليك
لاتنشم ولا بيك شبگة
ـ_
كتلك بطيت وگتلي محتام
يومية ادورج بين الأيتام
خلف الضعن تمشين والشال
راسي برمح يركض لكدام
ـ_
علة اعيوني اشوفنج بعيدة
وكلساع اصيحن يالشهيدة
مبيوگ صوتي وسكتة الاصياح
بيمن يأشر الماهي ايدة
ـ_
انـدارلـج كـل مـا عـثـرتـي
والـگـة الرمح ماكل رگبتي
كل ساعة طايحلج ع الگاع
وتتبلل اخدودي بدمعتي
حسن الترابي
#اللهم_عجل_لوليك_الفرج
❤10😭9👍8💔1
#نعي
السيده رقيه تكلم والدها الحسين 😭
وتلاگينه ابحلم بـس انه و أنته نشوف
توك چـنـت يمي وغترتك خضـــــــره
تَــــــوك شربتني مـــــن جمــالك ماي
توك صحت بســـــمي واعــرف النبره
جابـــوك بطشت چاما خـــذتني وياك
عَمّـــتي تگـــلي سفره متت بالــــسفره
جبتلك طف بواچـــي والمــلاگه الحار
مـــثل ملگت الچَــويه بأيد والجـــــمره
جبتلك مطر گلبي المـــا يــعرف الغيم
عذابـــات ودرب والهــــــــزله والعــثره
ردت اغـــفه وخــــيالك گعـــد الميتين
وفـــزيت اعـــله رسمك والعمــر شمره
بعدهي بخدي مسحت چفك المملوح
عشگ المسحه خضر بالـــوجن صـطره
بعـــــدنه نسولف انه ويــاك عن حسين
وصاحولك اجــــتك خـــــيلهم عــــشره
يچنــــك نفــــس ريتي اختنگ يـــا بوي
اشمك بــــس مخـــــيم تطـــلع الحسره
انه بنص الشــــمع خيـــــط وكلتني النار
انـــــه بلــــياك عبـــــره وخلــــفت عبره
يمــالك كل حواسي من السهوله الموت
االموت بدون وجهـــك ينحـــسب نصره
الجمره أطيبْ بس يچوي يظــل فرگاك
اخــــذني ويـــــاك دمعه وداعــه الزهره
عبد زينب
محمد الابراهيمي
#اللهم_عجل_لوليك_الفرج
السيده رقيه تكلم والدها الحسين 😭
وتلاگينه ابحلم بـس انه و أنته نشوف
توك چـنـت يمي وغترتك خضـــــــره
تَــــــوك شربتني مـــــن جمــالك ماي
توك صحت بســـــمي واعــرف النبره
جابـــوك بطشت چاما خـــذتني وياك
عَمّـــتي تگـــلي سفره متت بالــــسفره
جبتلك طف بواچـــي والمــلاگه الحار
مـــثل ملگت الچَــويه بأيد والجـــــمره
جبتلك مطر گلبي المـــا يــعرف الغيم
عذابـــات ودرب والهــــــــزله والعــثره
ردت اغـــفه وخــــيالك گعـــد الميتين
وفـــزيت اعـــله رسمك والعمــر شمره
بعدهي بخدي مسحت چفك المملوح
عشگ المسحه خضر بالـــوجن صـطره
بعـــــدنه نسولف انه ويــاك عن حسين
وصاحولك اجــــتك خـــــيلهم عــــشره
يچنــــك نفــــس ريتي اختنگ يـــا بوي
اشمك بــــس مخـــــيم تطـــلع الحسره
انه بنص الشــــمع خيـــــط وكلتني النار
انـــــه بلــــياك عبـــــره وخلــــفت عبره
يمــالك كل حواسي من السهوله الموت
االموت بدون وجهـــك ينحـــسب نصره
الجمره أطيبْ بس يچوي يظــل فرگاك
اخــــذني ويـــــاك دمعه وداعــه الزهره
عبد زينب
محمد الابراهيمي
#اللهم_عجل_لوليك_الفرج
😭13👍8❤6💔2
#ابوذيات
لمولاتي رقية روحي فداها
ينوگ بعلي امن اتمريـن جدماي
خل يسمع رقيه تصيـح جدماي
ونوبه اتصيح اذاني ونوب جدماي
ونوبه اتصيح متني ونوبه اديه
ابوج الشمر نحره شكثـر بيداج
وجم حافر ركض للجسد بيداج
هذا حسين ظل بس راس بيداج
موتي اوياه وخل الضيم اليه
علي محسن الزيادي
#اللهم_عجل_لوليك_الفرج
لمولاتي رقية روحي فداها
ينوگ بعلي امن اتمريـن جدماي
خل يسمع رقيه تصيـح جدماي
ونوبه اتصيح اذاني ونوب جدماي
ونوبه اتصيح متني ونوبه اديه
ابوج الشمر نحره شكثـر بيداج
وجم حافر ركض للجسد بيداج
هذا حسين ظل بس راس بيداج
موتي اوياه وخل الضيم اليه
علي محسن الزيادي
#اللهم_عجل_لوليك_الفرج
😭19👍9❤2💔2