👉199 САВОЛ:Коррупция холатини Ким назорат килади

👉ЖАВОБИ: Ўзбекистонда коррупция­га қарши кураш борасида махсус қонун қабул қилинган, шунингдек, мамлакати­миз томонидан Бирлашган Миллатлар Ташкилотининг 2003 йил 31 октябрдаги Коррупцияга қарши конвен­цияси ратификация қилинган. 2008 йил 7 июлда ушбу Конвенцияга қўшилиш тўғрисида Ўзбекистон Республикаси қонуни қабул қилинган.

Ўзбекистон Республикаси­ жиноят қонунчилигида ҳам коррупцияга қарши жино­ят­лар учун жазо тайинлашга­ оид нормалар кўзда тутилган бўлиб, ушбу нормаларга мансабдорлик жиноятлари тўғрисидаги, хусусан, ҳокимият ёки мансаб ваколатини суи­истеъ­мол қилиш (205-модда), ҳокимият ёки мансаб вако­лати доирасидан четга чиқиш (206-модда), мансабга совуққонлик билан қа­раш (207-модда), ҳокимият­ ҳаракатсизлиги (208-модда), мансаб сохтакорлиги (209-модда), пора олиш (210-модда) ва бош­қа нормалар киради.

Хусусан, ,,Коррупцияга қарши курашиш тўғрисидаги" Ўзбекистон Республикасининг (ЎРҚ-419-сон 03.01.2017) Қонунида белгиланишича, коррупция тушунчасига қуйидагича таъриф берилган: - ,,шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш".

Шунингдек, мазкур қонуннинг 7-моддасига кўра, коррупцияга қарши курашиш бўйича фаолиятни бевосита амалга оширувчи давлат органлари қуйидагилардан иборат:

1. Ўзбекистон Республикаси Бош прокуратураси;
2. Ўзбекистон Республикаси Миллий хавфсизлик хизмати;
3. Ўзбекистон Республикаси Ички ишлар вазирлиги;
4. Ўзбекистон Республикаси Адлия вазирлиги;
5. Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти.

Демак, коррупцияга оид ҳуқуқбузарлик тўғрисида Сиз юқорида келтириб ўтилган давлат органларига ёки уларнинг ҳудудий бўлинмаларига мурожаат қилишингиз мумкин.

Биздан узоклашманг!
@advokat24uz

Jamiyatimiz va olamdagi iqtisodiy va siyosiy jarayonlar haqida xabardor boʻlish, bilimlarni oshirish maqsadida yaratilgan va nuqtai nazari erkin yoʻnaltirilgan oʻquvchilar maydoni.

T.me/iqtisod_va_siyosat

👉200 САВОЛ:Ассалому алайкум мен коллежда 7 йил ишладим мени штатлар жадвали қисқаарганлиги бўйича ишдан бушатишди.Лекин менга конпенсатсия туламаяпти кимга мурожат қилсам бўлади?

👉ЖАВОБ: Штатлар қисқариши натижасида ходим билан меҳнат шартномасини бекор қилиш ҳам (Меҳнат кодексининг 100-моддаси 2-қисми 1-банди) иш берувчининг ташаббуси билан бекор қилиш ҳисобланади.

Меҳнат шартномаси МК 100-моддаси иккинчи қисмининг 1-банди бўйича бекор қилинганда қуйидагилар тўланади (Буларнинг ҳаммасини ходимнинг сўнгги иш кунида қилиш керак):

1) огоҳлантириш муддати алмаштирилган тақдирда - меҳнат шартномасини бекор қилиш тўғрисидаги огоҳлантириш муддати тугашигача қолган вақтга мутаносиб равишда пуллик компенсация (МК 102-моддасининг иккинчи қисми);

2) ўртача ойлик иш ҳақидан кам бўлмаган миқдорда ишдан бўшатиш нафақаси (МКнинг 109-моддаси);

3) меҳнат шартномасини бекор қилиш кунига тегишли иш ҳақи (ҳисоб-китоб қилинади) (МКнинг 110-моддаси);

4) фойдаланилмаган барча йиллик асосий ва қўшимча таътиллар учун пуллик компенсация (МКнинг 151-моддаси).

5) огохлантириш муддати давомида бошқа иш қидириш учун ҳафтада камида 1 кун шу вақт учун иш ҳақи сақланган ҳолда ишга чиқмасликни

Иш қидириш даврида (меҳнат шартномаси бекор қилингандан кейин) ишдан қисқартирилаётган ходимнинг ойлик ишдан бўшатиш нафақасини ҳисобга олган ҳолда ўртача ойлик иш ҳақи сақланади, бироқ у 2 ойдан ошмаслиги керак (МКнинг 67-моддаси).

Шуни ҳам айтиб ўтиш керак, агар меҳнат шартномаси бекор қилинган кундан бошлаб 10 календар кун мобайнида Марказда иш қидираётган шахс сифатида рўйхатдан ўтган бўлса, Марказ берган маълумотномага биноан 3-ой учун ҳам олдинги иш жойидан ўртача иш ҳақи олиш ҳуҳуқига эга бўлади.

Демак, сизга ҳам берилиши керак
Шуни ҳам унутмангки, меҳнат тўғрисидаги қонун ҳужжатларини бузиш далиллари бўйича сиз ташкилотингиз ҳаракатларининг меҳнат қонунчилигига мувофиқлигини текшириш талаби билан Давлат меҳнат ҳуқуқ инспекциясига ёки меҳнат қонунчилигининг аниқ ва бир хилда ижро этилиши устидан назорат ва кузатувни амалга оширадиган прокуратура органларига мурожаат қилишга ҳақлисиз.

Биздан узоклашманг!
@advokat24uz

👉 201-САВОЛ: Дўкондан қадоғида 5 килограмм деб ёзилган шакар маҳсулотини сотиб олгандим. Аммо кўринишидан вазни камга ўхшади. Ишонч ҳосил қилиш учун назорат тарозисига тортиб кўрмоқчи бўлдим. Дўконда тарози йўқ экан. Аслида назорат тарозилари қаерларда ўрнатилиши керак?

👉 ЖАВОБ: “Истеъмолчиларнинг ҳуқуқларини ҳимоя қилиш тўғрисида”ги Қонуннинг 8-моддасига мувофиқ, истеъмолчи сотиб олинган маҳсулотнинг сифатини, бутлигини, вазни ва нархини текшириш ҳуқуқига эга.

Вазирлар Маҳкамасининг 75-сонли қарорида Чакана савдо қоидаларида 3 ва ундан ортиқ иш ўринига эга озиқ-овқат дўконларида 1 та назорат тарози, майдони 1500 кв.м ва ундан ортиқ бўлган савдо залларида эса иккита жойда назорат тарозилари ўрнатилиши белгилаб қуйилган.

Ҳар бир истеъмолчи ўзи харид қилган маҳсулотини мазкур назорат тарозиларида тортиб, текшириб олиши ҳуқуқига эга.

Шу билан бир қаторда Вазирлар Маҳкамасининг Ўзбекистон Республикасида савдо комплекслари фаолиятини ташкил этиш қоидаларига мувофиқ, бозорлар ва савдо комплекслари ҳудудида харидорлар учун қулай бўлган жойларда назорат тарозилари бўлиши лозимлиги белгиланган.

Биздан узоқлашманг!
👉 @advokat24uz

⚡️Ўзбекистон Республикаси Президенти Шавкат Мирзиёев “Ўзбекистон Республикасининг Фуқаролиги тўғрисида”ги Қонунни имзолади.

Қонунга кўра, 1995 йил 1 январга қадар Ўзбекистон ҳудудига кириб келган ва доимий пропискага ўтган, хорижий давлат фуқаролигини қабул қилмаган ҳамда ушбу Қонун кучга кирган кунга қадар Ўзбекистонда яшаш гувоҳномаси асосида истиқомат қилган шахс, истак билдирган тақдирда Ўзбекистон фуқароси деб тан олинади.

Бундан ташқари, ота-онаси (ёлғиз отаси ёки онаси) Ўзбекистон Республикасининг фуқаролари деб тан олинган бола ҳам юқоридаги асосларга кўра Ўзбекистон Республикасининг фуқароси деб тан олинади.

Амалдаги қонун 27 йил муқаддам қабул қилинган бўлиб, бугунги кун талабларига мутлақо жавоб бермайди.

Биздан узоқлашманг!
👉 @advokat24uz

Ассалому алайкум!
Якшанба - дам олиш кунингиз мазмунли ва мароқли ўтишини тилаймиз!

12 март куни каналимизда Прокуратура органларининг фаолияти бўйича берган сўровномага муносабат билдирган 3000 дан ортиқ юртдошларимизга ўз миннатдорлигимизни билдирамиз!

Қани кўрайлик-чи, суд тизимига қанча одам баҳо берар экан.

Бошланган кунингиз хайрли ўтсин!

Биздан узоқлашманг!
👉 @advokat24uz

👉202 САВОЛ:Мен хозир декретдаман.Мен декрет вактимда штатимни сакращения килишган.Энди ишка чикишга ариза ташласам,бўш урин йук бошка корхонага утасан дейди.Мен хеч тушинмай колдим.3 фарзандим бор мени ишдан чикариб юбора оладими олдинан рахмат..

👉ЖАВОБИ:Ходимни ишдан бўшатилиши ҳақида огоҳлантириш
иш берувчининг ташаббуси билан меҳнат шартномасини бекор қилиш босқичларидан биридир. Огоҳлантириш шакли ёзма бўлиши керак. Ходимнинг огоҳлантирилганлиги факти огоҳлантиришнинг иккинчи нусхасига у томондан қўйиладиган имзо билан тасдиқланади ва у иш берувчида қолади. Биринчи нусха ходимга топширилади.

Агар ходим касаллик ёки давлат ҳамда ижтимоий мажбуриятларни бажарганлиги сабабли ишда бўлмаса (МКнинг 165-моддаси), огоҳлантиришни топширишни ходим ишга чиққунига қадар кейинга қолдириш керак бўлади, чунки ушбу даврлар барибир огоҳлантириш муддатига киритилмайди.

Меҳнат шартномаси бекор қилинган кун иш берувчи буйруқ нусхасини ходимга бериши керак. Аммо аксарият иш берувчилар ходимни буйруқ билан таништириш билан чекланишади, унинг нусхасини қўлига беришмайди. Бу ғайриқонуний.

Демак, сизнинг декрет таътилида эканлигингизни инобатга олсак, сизга огоҳлантириш ишга чиқганингиздан кейин берилиши керак.

Шунинг учун фуқаролик судига ишга тиклаш бўйича даъво аризаси киритишингиз мумкин.

Биздан узоклашманг!
@advokat24uz

Меҳнатга лаёқатсизлик варақаси ҳақида

Меҳнатга лаёқатсизлик варақаси тиббий муассаса томонидан (мурожаат қилган ёки даволанган жойдаги) вақтинча меҳнатга лаёқатсиз шахсга берилади

Стационар шароитда фаолият юритадиган хусусий тизимидаги тиббий муассасаси ҳам меҳнатга лаёқатсизлик варақасини бериш ҳуқуқига эга.

Хизмат сафари ёки меҳнат таътилига кўра яшаш жойида бўлмаган шахсларга меҳнатга лаёқатсизлик варақаси (маълумотномаси) у вақтинча бўлган жойдаги тиббий муассасада расмийлаштирилади.

Ўриндошлик асосида ишловчи ходимга унинг асосий иш жойига бериладиган меҳнатга лаёқатсизлик варақасининг нусхаси берилади.

✅ Ходим қуйидаги ҳолатларда тиббий-меҳнат эксперт комиссиясига юборилади: ⬇️
👉 айнан бир касаллик бўйича меҳнатга лаёқатсизлик даври узлуксиз 4 ойни ташкил қилса;
👉 айнан бир касаллик бўйича меҳнатга лаёқатсизлик даври танаффус билан 1 йилда жами 6 ойни ташкил қилса;
👉 сил касаллиги биринчи марта аниқланганда, меҳнатга лаёқатсизлик даври камида 10 ойни ташкил қилса;
👉 силга қарши курашиш муассасасида ҳисобда турган беморда асосий касаллик кучайганда, вақтинча меҳнатга лаёқатсизлик бошлангандан кейин меҳнатга лаёқатсизлик даври камида 6 ойни ташкил қилса.

✅ Меҳнатга лаёқатсизлик варақаси бериш ваколати йўқ тиббий муассасалар: ⬇️
👉 тез тиббий ёрдам ва қон билан ишлаш хизмати;
👉 шифохоналарнинг қабул бўлимлари;
👉 суд-тиббий экспертиза муассасалари;
👉 пансионат ва санаторий-курортлар;
👉 физиотерапия, даволаш физкультураси муассасалари.

Ходим вақтинча меҳнатга лаёқатсиз бўлганда, унга иш ҳақининг 60 фоизидан 100 фоизигача миқдорда нафака туланади

✅ Вақтинча меҳнатга қобилиятсизлик нафақаси қуйидаги ҳолларда берилади: ⬇️
👉 вақтинча меҳнат қобилиятини йўқотиш билан боғлиқ касалликда (шикастланишда);
👉 санаторий-курортларда даволанганда;
👉 касалланган оила аъзосини парваришлаш зарур бўлганда;
👉 карантинда;
👉 сил ёки касб касаллиги туфайли вақтинча бошқа ишга ўтказилганда;
👉 меҳнат қобилиятини тиклаш ёки ясама аъзо (протез) қўйдириш учун реабилитация муассасаларига ётқизилганда.

Биздан узоклашманг!
@advokat24uz

Ўзбекистонда коронавирусга оид бир қатор қатъий чоралар белгиланди!

❗️16 мартдан барча давлат, нодавлат ва хусусий таълим муассасаларида, жумладан боғча, мактаб, коллеж, лицей ва ОТМларда муддатдан олдин таътил эълон қилинади ва ўқишлар тўхтатилади.

Биздан узоқлашманг!
👉 advokat24uz

Шифокор нима дейди?

Хитойнинг Шеньжень шаҳридан коронавирусни ўрганиш учун Ухань шаҳрига ўтказилган россиялик ёш шифокор уйига қўнғироқ қилиб, коронавирус хусусида тушунчалар берди.

Шамоллаганингизда тумов ва балғам кўчиши кузатилса, сиз коронавирусга чалинган эмассиз. Коронавирус пневмониясига чалинганларда тумовсиз қуруқ йўтал кузатилади. Бу, коронавирусни аниқлашнинг энг осон услуби.

Коронавирус иссиқликка чидамсиз бўлиб, 26-27 даражада ҳароратда ҳалок бўлади. Шунинг учун кўпроқ иссиқ чой ёки сув ичинг. Кўпроқ қуёш нури остида бўлинг.

Мутахассис маслаҳатлари:

1. Вирус хужайрасининг ҳажми катта бўлиб (400-500нм), оддий ниқоб билан ҳимояланиш имконини беради. Маска тақиб олсангиз, олдингизда коронавирус билан хасталанган одам аксирса ёки 3 метр узоқликдан ўтиб кетса ҳам вирус сизга юқмайди. Коронавирус хужайралари ҳавода учмайди.

2. Коронавирус металл буюмлар устида камида 12 соат яшайди. Шунинг учун металл буюмларга қўл теккизган бўлсангиз, қўлингизни яхшилаб совунлаб ювинг.

3. Коронавирус матоларда 6-12 кун яшайди. Оддий кир ювиш кукуни ҳам вирусни ҳалок этади. Қишки кийимларни вирусдан халос этиш учун қуёшда қуритиш кифоя қилади.

Коронавирус аломатлари:

1. Ангинада кузатиладиганга ўхшаган томоқ қуриши 3-4 кун давом этади.

2. Сўнг вирус бурун ичидаги суюқликка қўшилиб, трахея ва ўпкага ўтиб, ўпка шамоллашига олиб келади. Бу жараён 5-6 кун давом этиши мумкин.

3. Коронавирус пневмониясида юқори ҳарорат ва нафас олишнинг қийинлашиши кузатилади. Бурун битиш ғайриоддий бўлиб, сувда чўкаётгандай димиқтириш ҳиссини беради. Шундай аломатлар кузатилса, зудлик билан шифокорга мурожаат қилиш лозим.

Коронавируснинг олдини олиш:

1. Коронавирус, аксарият ҳолларда, касал бўлган одамларга тегиш натижасида юқтириб олинади. Шунинг учун қўлингизни тез-тез ювиб туринг.

2. Шунингдек, томоқни антисептика воситалари билан чайиб туриш тавсия этилади.

Имкон қадар ҳушёр ва эҳтиёткор бўлинг, кўпроқ чой ёки қайнаган сув ичинг (муҳими, озодаликка этибор беринг).

Биздан узоқлашманг!
👉 advokat24uz

Азиз дўстлар, коронавирус сабаб, савол-жавоб вақтинча тўхтатилади. 😂
Келаётган саволлардан ёки берилаётган жавоблардан вирус юқиб қолмасин деймиздаа 😂

***

Дўстлар, сўнги кунлардаги анчагина саволлар жавоб берилмасдан қолиб кетди. Бунга коронавируснинг асло алоқаси йўқ. Шунчаки, иш кўпайиб, вақт етмай қоляпди.
Саволларига жавоб берилмай қолган обуначиларимиздан узр сўраймиз!
Саволларингизни 👉 @advokat24uz_group гуруҳига юборишингиз мумкин.

Бундан ташқари бизнинг ҳамкор гуруҳларимизга ҳам саволларингизни йўллашингиз мумкин.
Бизнинг ҳамкор гуруҳлар:
👉 @yurist25012020
👉 @advokat_yordam

Ҳозирда фаолиятимизни ривожлантириш ва кенгайтириш учун ташкилий ва техник ишлар олиб борилмоқда. Бир-иккита лойиҳалар бўйича ҳамкорликни йўлга қўйиш устида сўзлашув ва келишувлар ташкил қилинди. Яқин кунларда бу ҳақда иншааллоҳ каналимизда эълон қиламиз.

Ҳурмат билан, 👉 @advokat24uz

Ваҳима тарқатганлик учун жиноий жавобгарлик мавжуд

Аҳоли орасида ваҳима чиқаришга қаратилган материалларни тайёрлаш ёки уларни тарқатиш мақсадида сақлаш 44 млн 600 минг сўмдан 89 млн 200 минг сўмгача миқдорда жарима ёки 3 йилгача ахлоқ тузатиш ишлари ёхуд 1 йилдан 3 йилгача озодликни чеклаш ёки 3 йилгача озодликдан маҳрум қилиш билан жазоланади.

Аҳоли орасида ваҳима чиқаришга қаратилган маълумотлар ва материалларни ҳар қандай шаклда тарқатиш 66 млн 900 минг сўмдан 89 млн 200 минг сўмгача миқдорда жарима ёки 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланади.

✅ Юқоридаги ҳаракатлар:

🔹 олдиндан тил бириктириб ёки бир гуруҳ шахслар томонидан;

🔹 хизмат мавқеидан фойдаланиб;

🔹 диний ташкилотлардан, шунингдек чет эл давлатлари, ташкилотлари ва фуқароларидан олинган молиявий ёки бошқа моддий ёрдамдан фойдаланиб;

🔹 оммавий ахборот воситаларидан ёхуд телекоммуникация тармоқларидан, шунингдек Интернет жаҳон ахборот тармоғидан фойдаланиб содир этилган бўлса, 5 йилдан 8 йилгача озодликдан маҳрум қилиш билан жазоланади.

Биздан узоклашманг!
@advokat24uz

Боғчада карантин бўлганда ота-она ишдан озод қилинадими?

Қонунчиликка кўра, боғчада ёки 6 ёшга тўлмаган болага ўрнатилган карантин даврида болага қараш учун ота-онасидан бирига ёки оиланинг бошқа аъзосига санитария-эпидемиология назорати маркази томонидан карантин белгиланган, лекин 14 календарь кунидан ошмаган муддатга меҳнатга лаёқатсизлик варақаси берилади.

Карантинда меҳнатга лаёқатсизлик варақаси Ўзбекистон Соғлиқни сақлаш вазирлиги ёки Қорақалпоғистон соғлиқни сақлаш вазирлиги ва соғлиқни сақлаш бошқармаларининг рухсати асосида эпидемиолог ёки санитар врач томонидан берилиши мумкин.

Биздан узоклашманг!
@advokat24uz

🧚‍♂Телеграмда психологияга оид канал кўп. Аммо мен анчадан бери кузатиб келадиган бир канални сизга тавсия қилмоқчиман.

⛺️У каналда малакали психоневропатолог инсонларни қандай сирли бошқариш, гипноз ва сухбатдошни ўзига оғдириш йўлларини ўргатади.

Каналга киринг афсусланмайсиз.👇👇

https://t.me/joinchat/AAAAAEjL9GH85oC8VtVBBA

Карантин даврида ишдан четлатилган ходимга нафақа тўланадими?

Конунчиликка кўра, агарда ходим карантин вақтида санитария-эпидемиология органлари томонидан атрофидаги шахслар орқали юқумли касалликка чалиниш хавфини олдини олиш мақсадида ишдан четлатилган бўлса давлат ижтимоий суғуртаси бўйича нафақа берилади.

Вақтинча меҳнатга қобилиятсизлик нафақаси меҳнатда майиб бўлган ва касб касаллигига чалинганда иш ҳақининг тўлиқ миқдорида, бошқа ҳолларда эса иш ҳақининг 60 фоизидан 100 фоизигача миқдорда туланади

Бундай нафақанинг энг кам миқдори меҳнатга ҳақ тўлаш энг кам миқдори (679 минг 330 сўм)нинг 35,2 фоизидан, яъни 239 минг 124 сўмдан оз бўлмаслиги ва нафақа ҳисоблаб чиқариладиган иш ҳақи миқдоридан ортиб кетмаслиги лозим.

Биздан узоклашманг!
@advokat24uz

Эпидемияга қарши кураш қоидаларини бузганлик учун жиноий жавобгарлик бор

Санитарияга оид қонун ҳужжатларини ёки эпидемияга қарши кураш қоидаларини бузиш, одамларнинг оммавий касалланишига олиб келса 11 млн 150 минг сўмдан 22 млн 300 минг сўмгача миқдорда жарима солиш ёки 5 йилгача муайян ҳуқуқдан маҳрум қилиш ёки 2 йилгача ахлоқ тузатиш ишлари ёки 1 йилдан 3 йилгача озодликни чеклаш ёхуд 3 йилгача озодликдан маҳрум қилиш билан жазоланади

Ўша қилмиш одамнинг ўлимига сабаб бўлса, 2 йилдан 3 йилгача ахлоқ тузатиш ишлари ёки 3 йилдан 5 йилгача озодликни чеклаш ёхуд озодликдан маҳрум қилиш билан жазоланади.

Ўша қилмиш одамларнинг ўлимига сабаб бўлса, 5 йилдан 8 йилгача озодликдан маҳрум қилиш билан жазоланади.

Биздан узоклашманг!
@advokat24uz

🍄 Кунлик аниқ мунажжим башоратлари

❤️Севги башоратлари

🌐 Туш таъбирлари

Каналга қўшилиш учун босинг👇👇👇

https://t.me/joinchat/AAAAAEWj5wRHoDgZFCrUEw

👉203 САВОЛ: Men birinchi guruh nogironiman yaxshash joyimdan 15 km ozoqqa ko'chib borganman ro'yxatda turgan joyimdan 14 gacha bo'lgan nafaqa va moddiy yordam olib turar edim endi mahalla kotibi o'zingiz turgan joyingizdan oling deydi. Yana qo'shimcha agar bersak ham bir ikki oydan keyin boshqa hujjat topshirasiz keyin beramiz deydi limitlar qay tartibda tasdiqlanadi o'zi shu masalada yordam bering!?Men nima qilay
(Орфаграфия сакланиб колган)

👉ЖАВОБ: Сизнинг мурожаатингиз юзасидан қуйидагича жавоб беришимиз мумкин.
Шуни айтиш керакки, кам таʼминланган оилаларга тайинланадиган ижтимоий нафақалар ва моддий ёрдамнинг қуйидаги турлари мавжуд:

- 14 ёшгача болалари боʻлган оилаларга нафақа;

- бола икки ёшга тоʻлгунга қадар бола парвариши боʻйича нафақа;

- кам таʼминланган оилаларга моддий ёрдам.

Вазирлар Маҳкамасининг 2013-йил 15-февралдаги 44-сон қарори асосида тасдиқланган “Кам таъминланган оилаларга ижтимоий нафақалар ва моддий ёрдам тайинлаш ва тўлаш тартиби тўғрисидаги Низом”га асосан 38-бандига асосан агар доимий яшаш жойи ўзгарган тақдирда тўхтатилади.

Тўловларни тўхтатиш фуқаролар йиғинининг (Комиссиянинг) тегишли баённомаси билан расмийлаштирилган қарори асосида амалга оширилади.

Лимитлар ҳақида айтадиган бўлсак, лимитлар Вазирлар Маҳкамасининг 2013-йил 15-февралдаги 44-сон қарори асосида тасдиқланган “Кам таъминланган оилаларга ижтимоий нафақалар ва моддий ёрдам тайинлаш ва тўлаш тартиби тўғрисидаги Низом”га асосан белгиланади.

Шуни айтиш мумкинки, 2 ойдан сўнг қайта ҳужжат дегани 14 ёшгача тўланадиган нафақа тўланадиган бола 14 ёшга тўлганлиги муносабати билан тугайди ва ундан кейинг нафақалар учун қайта ҳужжат тайёрлаш назарда тутилган.

Биздан узоклашманг!
@advokat24uz