Чодакда дачамизда ҳар куни ушбу булбул ва бошқа қушларни овози билан уйғонамиз.Сизларга ҳам илиндим.

#music

Sevmagan, sevmagan,
U meni mendayin sevolmagan.
Sevmagan, sevmagan,
Balki u sevgini tushunmagan.

@mittihaqiqatlar

Ғалаба боғи

Ғалаб боғи чин маънода тарих кўзгусидир. Келажагимиз пойдевори тарихдан бошланади. Уруш даҳшатларини, воқеаларини, оқибатларини билган ёшларимиз тинчлик нақадар улуғ неъмат эканлигини билади. Барчани қувонтирган ҳолат, бу боғ оддий боғ эмас. Ғалаба боғи ўзининг экспозицияси чуқур ўйланган ҳолда вужудга келган.Бу боғ фақат байрам куни учун барпо этилмаган,балки халқимиз маънавиятини юксалтириш учун,тарихни билиш ва эъзозлаш, келажак учун хизмат қилади.Ёшларни ватанпарвар қилиб тарбиялайди.Тарихни ўрганилмаган саҳифалари очилади.
Ўзбек аёлининг бардоши,матонатини кўрсатиб берган Зулфия ая Зокирова ҳамда урушдан қайтмаган беш нафар фарзанди,уларнинг бева қолган келинларига бағишланган "Матонат мадҳияси" ёдгорлик мажмуаси эса инсон матонатига,букилмас иродасига ҳамда уларга бўлган чинакам эҳтиромни ифодасидир.Президентимизнинг қилган ташаббуси,қилган сайи харакатларини маънавиятимизда туб бурилиш ясади десак муболоға бўлмайди.Бу байрамда фақат уруш қатнашчиларини бориб кўриш ва тақдирлаш билан чекланиб қолмай,ўша давр ҳолатини ҳам юракдан ҳис этишга,тинчлик деган олий неъмат қадрини англамоққа хизмат қилмоқда.
Барча экспонатлар, хайкаллар, хужжатлар маъшум урушга дахлдор. Хали биз ўрганишимиз керак бўлган қанча жасоратлар, тақдирлар бор. Бу ғалаба боғи ана шундай эзгу ишга хизмат қилади.

Ҳилола Иброҳимова

БЕГИМ, СИЗНИ ХУДОЙИМ…

Бегим, Сизни Худойим расо қилиб яратган,
Кимларнидир ўйчану сизни кулиб яратган.
Ногаҳон бериб қўйиб бу ақлни, камолни,
Ўзи ҳам рашк, ҳасадда тўлиб-тўлиб яратган.

Қия тушган нигоҳни армонга йўймагайсиз,
Қиз қалбига севмоқни осонга йўймагайсиз,
Қийнамангиз, у ўзи ўртангувчи бир бағир,
Бу бағирни кенгликда осмонга йўймагайсиз,

Сиз худдики Фарҳодсиз, Ширин қайдадир, бегим,
Орзуларим дилда-ю нолам найдадир, бегим.
Сиз десам бар тутқазмай сочилган ўйларимдай,
Бу тонг қаро сочларим майда-майдадир, бегим,

Сизни мен ўзимга ҳам лойиқ кўрмам, рости гап,
Ўзгага бермоқ эса тушимга кирмас ухлаб.
Ўзга билан кетсангиз, равон йўллар қолмасин,
Бегим, иккиланмасдан ер юзин ташланг михлаб.

Михнинг, тиғнинг заҳрини сезмай ёниб бораман.
Ишқ зардобли шаробдир, қониб-қониб бораман.
Ҳеч ким билан сирлашмай, ҳеч кимсага тутмай май,
Ўз қоним билан ўзим алвонланиб бораман.

Ҳайратларда қотгайсиз мени кўрганда ул дам,
Ёнингиздаги совуқ сулувдан совурсиз ҳам,
Сизни обдон музлатгач, ўзим қайтарман, чунки
Бунгача йўқ садоқат, бундан сўнг ҳам бўлур кам.

Ўзга тортмам, чексам ҳам шунча жv абру жафони,
Ўзгага ҳам бермасман, сиздек бир бевафони!

Бегим, Сизни Худойим расо қилиб яратган…

Ҳалима Худойбердиева

https://t.me/joinchat/AAAAAFaPz2DMeZA82e6RUQ

Видеони кўриб, бир оз бўлса-да, коронавирусни унутасиз!

​​21 май - марҳум хушовоз санъаткор Охунжон Мадалиев туғилган сана.

ЙИҒЛАДИМ
Юракнинг бир банди узилган кеча,
Асрлар қадарли чўзилган кеча,
Чимилдиқ ичида сенинг ўрнингда
Ўзга бир келинчак сузилган кеча,
Йиғладим, йиғладим, йиғладим...

Тақдирму бошимда ўйнаган қамчи,
Сочингми армоним учган арғамчи.
Чорлагандай бўлар кимдир олисдан,
Наҳотки сенмисан ўшал алдамчи.
Билмадим, билмадим, билмадим.

Бошимни боғлашди, боғландим, жоним,
Қалбимни доғлашди, доғландим жоним,
Сенинг ҳузурингга бормоқчи бўлиб,
Неча бор чоғландим, чоғландим, жоним,
Бормадим, бормадим, бормадим...

Мухтор Комил
@mittihaqiqatlar

АДИБЛАР ХИЁБОНИ – МАЪНАВИЯТ МАНЗИЛИ
Адабиёт устунлари ҳисобланган машҳур ёзувчи ва шоирлар сафида ижод нафасини ҳис этиш. Пойтахтимизда янги ташкил этилган Адиблар хиёбонида бўлиш инсонга ана шундай тасаввур, туйғулар бахш этади. Аслида бу борадаги режа 2017 йил 3 февраль куни давлатимиз раҳбарининг мазкур боққа ташриф чоғида бегиланган эди. 8 гектардан зиёд майдонда Алишер Навоий, Бобур, Огаҳий, Бердақ, Муқимий, Фурқат, Беҳбудий, Авлоний, Чўлпон, Қодирий, Тўлепберген Қайипбергенов, Ибройим Юсупов, Александр Файнберг сингари атоқли намояндаларнинг сиймоси яратилди. Давлатимиз раҳбари таъкидлаганидек, адабиёт халқнинг юраги, элнинг маънавиятини кўрсатади. Шу маънода, Адиблар хиёбони адабиёт, маърифат ва маданият масканига айланади, бу ерда талабалар, ўқувчилар иштирокида очиқ дарслар, маърифий тадбирлар ўтказилади.
Президентимиз яна бир хайрли ташаббусни илгари сурди, яъни “Адиблар хиёбони” деб номланган интернет портали ташкил этиш. Унда мумтоз ва замонавий асарларнинг электрон нусхалари, ёзувчи ва адабиётшуносларнинг маҳорат сабоқлари жамланади. Портал ўзбек, инглиз ва рус тилларида фаолият кўрсатса, ундан хорижлик мухлис ва мутахассислар ҳам фойдаланиши имконияти яратилади.
Бир манзилда икки маънавият ошёни. Гап шундаки, Адиблар хиёбони ёнидаги бино реконструкция қилиниб, бу ерда Тошкент шаҳри музейини ташкил этилди. Пойтахтимиз шу вақтга қадар ўзининг музейига эга эмас эди. Ушбу маскан 2200 йиллик тарихга эга бўлган ҳудуднинг қадим ўтмиши, урф-одат ва анъаналари, илм-фани, маданияти ва санъатини ўзида акс эттиради. Ҳозирча бу ерда мингга яқин экспонатлар бор. Лекин 2200 йиллик тарихни ўрганиш музейни янада бойитади. Музей Адиблар хиёбони ёнида ташкил этилгани бежиз эмас. Адабиёт ва тарих – булар ҳамиша бири бирини тўлдириб, бойитиб боради.

Ҳилола Иброҳимова

ЯХШИЛИКЛАР КАЛИТИ-КИТОБ
Китоб-инсон маънавиятини юксакликга кўтарадиган мўъжизавий, қудратли куч. Китоб-қалб чироғи. Юракга қувват бергувчи, орзу-умидлар сарчашмасидир. Руҳимизнинг энг ширин озиғи ҳам аслида китоб. Китоб-энг яқин дўстинг. У билан бирга яшайсан, қувонасан, изтироб
чекасан. У сени теран фикрлайдиган, кенг дунёқарашга эга бўлган, қалбан бой инсонга айлантиради. Китоб - ўтмиш ва келажак ўртасидаги маънавий кўприк. Китоб ўқиш орқалигина биз юксак тарақиётга эришамиз.Тафаккур қасрига кирмоқ учун китоб ўқимоқ ва уқмоқ керак. Ҳаётни англамоқ учун китоб ўқимоқ керак. Китобга ишонинг, севинг, мўъжизалар калити қўлингизда.
Ҳилола Иброҳимова

АВФ – МАЪНАВИЙ ЖАСОРАТ

Жамият деган жуда ажойиб, ўзига хос тушунчамиз бор. Яъни кенг жамоатчилик вакиллари, турфа одамлар, шунга яраша феьл-атвор ва дунёқарашлар жамланмаси.... Демак буларни битта тартибга солиб турувчи қоидалар зарур бўлади жамиятга. Буни эса қонунчилик бажаради. Тартиб-қоидалар, қонунларнинг бузилиши одатда жазо чоралари билан тўхтатилади. Жазони ижро этиш муассасалари эса, афсуски ҳеч қачон бўш бўлмаган. Аслида, ҳеч ким жиноятчи бўлиб туғилмайди, демак бунинг сабабини ана шу жамиятнинг ичидан, маънавий таназзулдан излаш керак. Инсон мавжуд қонунларни бузиши ёки жиноятчига айланишига қадар бўлган тарбия алоҳида бир мавзу. Мен ҳозир тиканли симлар ортида ўтирган маҳбусларнинг кейинги ҳаётида аҳамият касб этувчи чоралар ҳақида гапирмоқчиман. Агар моҳиятига назар ташлайдиган бўлсак, кечиримлилик тушунчасининг замирида ҳам катта маънавий жасорат бор. Давлатимиз раҳбарининг куни кеча эълон қилган “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармони ҳам ана шу жасоратнинг яққол намоёнидир. Зеро, бу билан турли хил ҳаётий шарт-шароитлар таъсирида нотўғри йўлларга кириб қолган, ҳозирги кунда ўз қилмишидан пушаймон бўлиб, тўғри хулоса чиқарган фуқаролар ҳам жамиятимизнинг тенг ҳуқуқли аъзоси эканлигидан келиб чиқиб, улар учун яна бир бор инсонпарварлик намунаси кўрсатилмоқда.
Бундай бағрикенглик сиёсати алоҳида бир шахсни кечириб, жазони ижро этиш муассасасидан озодликка чиқариш билан чекланиб қолмайди, балки бундай шахсларга оиласи олдидаги маънавий қарзини узиш ва мамлакат равнақига ҳисса қўшиш учун имконият беришни ҳам ўзининг мазмунига қамраб олади.
Авф этилган 258 нафар фуқаро. Шунча тақдир, уларнинг ортида яна қанча яқинлар, жигарбандлар. Бугун нафақат кўплаб хонадонлар, балки бағирлар, кўнгиллар ҳам тўлмоқда.
Маънавий комиллик йўлидаги интилишларда эса ҳамиша “Жаҳолатга қарши маърифат” ғояси ҳамроҳ бўлиб қолаверади.

Ҳилола Иброҳимов
Республика маънавият ва маърифат маркази мутахассиси

Охирги дарс

Короновирусли офат
Етиб келди бизларга
Бирлашсак биз ўзамиз
Маърифатла енгамиз

Вирус сабаб болажон
Боролмадик мактабга
Лекин онлайн дарслар
Етиб келди ёрдамга.


Устоз кўрган шогирдлар
Билимга чанқоқ ёшлар
Қўймас китобни бир зум
Сизни кутар оқ йўллар

Уйда қолган болажон
Расм чизар чин дилдан
Қўл ювиш эсдан чиқмас
Ниқоби ёддан чиқмас

Ўзбегимнинг ўғлони
Барчинойи Зумради
Илмда ҳам биринчи
Ҳотамтойлик одати

Фанларнинг гултожиси
Харфлар сизга муштоқ
Ўргандингиз ўқишни
Алифбе бўлди ўртоқ

Ёзуви йўқ элни хеч
Бўлмайди келажаги
Ҳуснихатда биринчи
Асранг она тилимни

Одобнома ўргатди
Салом алик олишни
Катталарга хурматни
Гўзал ҳулқу аҳлоқни

Гудбай хайр,нелло салом
Сизга қизиқ бу фаним
Сўзлашсангиз шу тилда
Тил билган кони фойда

Тил билган эл билади
Улғайсангиз кўрасиз
Дунё кезиб юрт кезиб
Мағзини ҳўп чақасиз

Ота она дилбанди
Устозларнинг қувончи
Юртбошига чин йўлдош
Элга бўлинг елкадош

Хайр энди ўқувчим
Дарсларимиз тугади
Олиб қанча бешларни
Сиз аълочи, биринчи

Сизга оқ йўл тилаймиз
Заб этинг илмларни
Соғ танда соғлом ақл
Унутмангиз китобни

Ўзбегимнинг эртаси
Юртимнинг чин меваси
Яйраб, ўйнаб, кулингиз
Бахт иқболдир эртангиз.

Ҳилола Иброҳимова