Ватан

Қўз мунчоқлар тақиб қўяй қўлларга
Чўп тушмасин тимдек қора кўзларга
Исириқлар тутатай бешикдаги боланга
Кўз текмасин, энди гўдак ватанга

Бирор захмат етмас энди Исломга
Гард юқмасин дейман, дўстим имонга
Йўллар очиқ,кўнгил қўйгил илмга
Кўз текмасин, энди зиё ватанга.

Тан беришди бугун сени шонинга
Момолар ҳам дуо қилар эгамга
Яхши ният- ярим давлат-тилакка
Қўз текмасин, энди она ватанга.

Ҳамма хавас қилар йўлчи юлдузга
Дунё шерик бўлди сендек қувончга
Осмонлар ҳам бағир очар қуёшга
Қўз текмасин,энди жаҳон ватанга.

Тошлар чиқди еяаётган ошингдан
Не балолар ёғилмади бошингдан
Талаб кетди, айирдилар борингдан
Кўз текмасин, энди тарих ватанга.

Жадидларинг нолалари-дорларда
Усмонинг ҳам ётолмади гўрларда
Шахид кетган э воҳ,қанча мардларда
Кўз тегмасин, энди тўзим ватанга.

Кўл чўзасан ёнингдаги дўстинга
Суюнасан, мехмон келса уйингга
Ўхшаб кетдинг,ғойибдаги хизрга
Кўз тегмасин, энди мангу ватанга

Баракалар ёғиб турсин хирмонга
Тандирларинг тўлиб турсин нонларга
Кавсар суви оқиб турсин боғларга
Кўз тегмасин, энди жаннат ватанга.

Қанча дилгир кўз тутгандир бағрингга
Тупроғингни тафоб айлар кўзига
Сажда қилиб,бошим эгиб пойингга
Кўз тегмасин, энди каъбанг ватандир.

Ҳилола Иброҳимованинг ижод намуналаридан.

Турли рангдаги адраслар. Бир метри 7 минг сўм.