🔴» هـل أنت صيـدلاني / طالـب صيدلـة مُحـب للعِلـم و العمـل و فرفـوش ؟!

إن كُنت كذلك .. فنحن في انتظـارك لتكون جزءاً من فريق صيادلـة مـيددوز الفرافيش و الرائعين 😄

كُل ما تحتاجه هو CV يُعبر عنك و عن مهاراتك و خبراتك .. و سوف نكون في انتظارك عبر #الواتسـاب على الرقم التالي : 0988419558 ( تنويـه : هذا الرقم للـ HR لذا يُنصح بتجنب الاتصال و الاكتفاء برسالة الواتساب لعدم إيقاظ الوحش النائم بداخله 😬 )

يكفي أن تُرسل لنا سيرتك الذاتية ، مع رسالة لطيفة مثلك تحوي على اسمك و سنتك الدراسية و محافظة الإقامة الحالية .. و اترك اكتشاف الفرمشاني الخارق بداخلك لنا ❤️

إن كُنت مستعداً لاكتشاف عالم الصيدلة و رسم أثرك الخاص بِه .. فنحن بانتظارك ابتداءاً من اليوم و حتى يوم الجمعة القادم بتاريخ 10-05-2024 ..

بالتوفيـق للجميـع ❤️

فويس عن التطوع داخل الميد

هو غير كافي

بس يعني كم نقطة حبيت احكيهن

الامر المبشر انو ح كون مسؤول عن يللي اتطوعو🤣

ما بعرف اذا مبشر او لا 🤣🤣

يا الله دخيلك ...

حدا بيعرف كيف بقشرو البيض المسلوق ..؟؟

بدون ما يطير نص البياض ؟؟؟

طبعا اكيد خطرلك تقلي حط ملح و اغليه اكتر و قشرو تحت المي و بردو ..

بس لانو حسستك اني ضعيف و ما عندي معرفة بالبيض 🤒

و انت قررت تجيب معلومات سمعانها من ستك ...

بس فعليا هي المعلومات ما خضعت للاختبار و لا للتدقيق و للفحص

...

عيب نحنا بال ٢٠٢٤ لسا نجيب معلومة من مدري وين ..
و نحكي ..

يا صديقي ... بالتجربة العلمية

لازم لما نعيد التجربة مليون مرة .. تطلع نفس النتيجة

هاد العلم ...

اما حكي و سوالف و جارنا جرب زيت مكدوس لسرطان الثدي

و الماسة و حليب لحصاة قرن الوعل ..

و متة بتعمل سرطان درق

هاد حكي حقو تلت فرنكات ...

فرنكين ...

المهم ... سمعان شي ؟؟ ببيتمان .. سمعان بماكجي ؟؟

معناتو شو قارئ عن البيض و سلق البيض ؟؟

تجربتك ثمينة عاطفياً و انا مقدرها بس و الله بالعلم ما مندخل المشاعر بالتجربة العلمية المجردة

ع كلن رح اصدمك و قلك :

البيض النص سلقة مو شرط يهلك قلبك ليتقشر

البيض يللي بيتبرد دقيقة بعد السلق تقشيرو اسهل
و ازا تبرد اكتر من هيك بصير صعب تقشيرو

تقشير البيض تحت المي أفضل

البيض التازة مو دائما اصعب بالتقشير

تثقيب البيض ما بخليه اسهل للتقشير

اما اضافة الملح فهو لسبب اهم من التقشير هو انو ازا صار و انكسرت البيضة فما بيفرط البياض كتير ... و بخلي البيض يصير اسرع

بائع البوشار أيضا انسان مجتهد .. و يستحق الاحترام .. هو انسان نبيل ..

عامل البلدية و الاستاذ المقاعد ... و المجند ذو البدلة المغبرة .. و الفلاحون ..
و جارك الذي يذهب إلى دوامه يومياً بكيس مشقوق ..

سمان الحارة ..

و تلك التي أفنت عمرها بتحضير اللبن و بيعه .. و الخياطة ..
من أجل إطعام أولادها

النبل لا يتعلق بصاحب المطعم الفلاني الفاخر .. بل ربما بالسيدات الللاتي يقطعن الخضار في مطعمه

الاطفال كذلك الأمر .. هم بشر لديهم مشاعر و ادمغة و حقوق...
و يستحقون معاملة طيبة .. سأهتم بهم في كل لقاء .. تاركاً لغيري
الاهتمام باصحاب المعامل و التجار ...

بينما يرى البعض .. أن التفوق محصور بمشاهير السوشال ميديا
و أصحاب الثروات ...

انا بشوف انو عمل ستي ل كانت تفيق من وش الصبح تعمل الخبز
ليفطروا ولادها هو الاصالة

✒ د.ادهم بكر

كل ما في الأمر أنني أحتاج جسارتك ..

أنا لا أعيب خوفك .

عن سلافة معمار
و عظمة سلافة
و شخصيتا و تفوقا

النجومية مش بس واسطات .. الوعي ابو الكل

الفويس انطلاقا من مقابلتا الاخيرة

حين نتحدث عن الاستماع ..
او بالأحرى فن الاستماع ..

يجب أن نميز بين

السمع

و الاستماع

و الإصغاء

يجب ان نعرف ان المستمع يقوم بدور المرآة التي تعكس أفكارنا مشاعرنا مخاوفنا .. الخ

و كم منا من يحلم بالمرآة السحرية التي تجيب عن الأسئلة 😉

التجربة العلمية لو تم تكرارها مليون مرة
ستعطي نفس النتيجة ..

غير هيك بتكون هبد

ما بتنزل دمعة التوبة إلا ع خد المؤمن الشجاع

القديس شربل

🔴》 هل تعلم

يكون بعض الأشخاص أكثر جاذبية مع النظارات الشمسية لأن الثقة في حد ذاتها تعتبر جذابة.

تضيف النظارات الشمسية تناسقًا للوجه، وهو أمر جذاب بصريًا.

🔴》 فويس فيه الكثير من الأسى قريباً

🔴》حصل قبل قليل ..

طبيب العظمية يللي معي بالاسعاف طلب من المريض يجيب جبس ليجبرلو رجلو ...

المريض رجع بعد نص ساعة و معو نص كيلو " شمينتو بيضا "

و عم يحكيلو للدكتور " كيف بتقلي غالي ؟ بخمس الاف جبتن " 😂😂

طبعا معروف انو اللفائف الجبسية ما بتكون مسحوق و انما قماش مبلل بكبريتات الكالسيوم .

يكتر خيرن شباب العظمية تبرعولو بحق الجبس ❤

✒ د. ادهم بكر

حتى هـ.ـتـلر ... كان طـفـل بـريء يستحق الرعـاية .

للمرة المليون و ومية ..

انا مش اداة للاستخدام

و مش انسان قاعد فاضي

تجي تفضفضلي و تحكيلي و تشكي و لازم اسمع

او يكون عندك مشكلة و لازم حلا من باب إنساني


ببساطة هي حدودي و انا بحطا و احتراما واجب مش فضل

معجوق كتير و ما عندي وقت ..

حابب تاخد خدمة .. قدم مقابلا

أما بنت صرلي ٣ سنين بعرفا .. ما بتحكي غير لكا تكون تعبانة ..

مو تقول ادهم مو انساني .. قول انا عم استغل انسانية ادهم

هيك بتنحط الحدود .. و هيك بتبقى بسلام

عيب كتير ... ابعت متل هي الرسالة كل شهر
عيب ...

هلأ بيبعتلي حدا .. بقلي ادهم انت معصب

لا لا انا بعرف دير مشاعري و ليكني قاعد و مرتاح

بس مهم حسسك بغلط لما تعملو مع حدا تاني

الطب مهنة انسانية

المرضى هنن ل نزعوها و جابو شوكولا 🤣

وك ريتو يؤبرني الزوق 🥺❤

صادق من يخالفونك

لانكم ستكملون بعضكم

لانك ستتعلم اشياء جديدة

لانك ستتعلم تقبل الاخر

ابحث عن الجديد .. ستبقى كما انت ما دمت تبحث عن المشابه

اما حياتك الثانية التي تنتظرها .. فها هي قد بدأت للتو .. و كل يوم تبدأ ..
الخيار لك

لا تدرسوا طب
مشان ما تنزلو ٩ كيلو و يصير منظركم هيك

صورة غدر نهاية المناوبة الرابعة


و هابي عيد يا مقاومين ❤