و مبدئيا و اعتمادا على وصولي للحلقى الرابعة بس

التشخيص الاولي لشخصية " مختار "

هو فصام + اضطراب شخصية

بس ازا السيناريست مو اخد استشارة نفسية

بكون تقييمنا كلو حقو فرنكين😅

في حدا باعت سؤال عالصراحة

عم يحكيلي

انو بلش الشوب و بلش البوط يطلع ريحة شو الحل

تصور انو اديه مخجل الموضوع
حتى باعت عالصراحة

اول شي مانو عيب الموضوع
امر بصير عند كتار
و عادي اتس اوك

عندك كتير شغلات تعملن صديقي


اولاً اغسل البوط بمسحوق غسيل
عالبارد مشان ما يفك تلزيق البوط و تدفعلك
٣٠٠ الف ...

بعد ما غسلتو .. يفضل تنشفو تمام و تبخ فيه خل ابيض ...

ازا ما مشي الحال

رد غسلو و استعمل مضاد فطري بخاخ بعد الخل

هيك منكون انتهينا من البوط

منجي للاهم ...
لو المشكلة عم تتكرر بكذا بوط

لازم تستشير طبيب كرمال يوصفلك مضاد فطري تستخدمو .

و بشكل عام للوقاية بودرة فيا اوكسيد الزنك
او بودرة الاطفال

حطا بالجراب و بالبوط عالخفيف كل فترة
كرمال ما يصير رطوبة

و حافظ ع نظافة الجورب و الاقدام
و يعطيك العافية

+ كل بوط تعرض لمية المطر وجب غسيلو و تنشيفو

تعليق إصدار الأحكام

سماع ممتع

ييييييي ما بستاهل كل هاد و الله

شكرا كتير

هيك بكون انا يللي عم يتلقى الفضل
شكرا كتير عالدعم 🥺🥺❤❤❤

ويلكم ❤❤❤

🔴》 شــاع في الآونـة الأخـيرة ...

أن شخـصية " مخـتار " مصـابة بمـرض الذهـان ..

رأيت العـديد من الصفــحات تنـشر هذا الخـبر ..

و هذا عـارٍ عن الصـحة

في الطـب النفـسي ... الذهـان عـرض و لا يمكننا تسمية مـرض على انه ذهـان ...

لتقـريب الوصـف ... هنـاك الكثـير من الأمـراض ترفـع حـرارة الجـسم

فالحـرارة هنا هي عـرض لعـدة أمـراض ...

و ليست مـرض بحد ذاته ...

كذلك الذهـان هو مجـموعة من الاعـراض و ليس مـرض بحد ذاته

تشخـيص مـرض مخـتار هو الفـصام ... و الذي يسمى في الانجـليزية سـكيـتزوفرينيا ...

و ليس انفـصام شخـصية أو شـيزوفرينيا

فهذه تسمـيات قـديمة تم حـذفها .

و في الفصـام نجد أعـراض " ذهـانية " ...

لكن الذهـان يمكن أن يكون موجود في كثير من الحـالات ...

كالفصـام

كالخـرف

الزهـايمر

و أمـراض الذاكـرة و غيرها

و قد تسـببه أد وية أو مـواد .

بالنسبة لمخـتار .. الفـصام ورا ثي .. سببه الور اثة أما البيـئة و الطفـولة القـاسية حفزت ظهـور المـرض

و من منظـور شخـصي لا أستبعد وجود اضــطراب شـخصية لديه إضافة لمـرضه .

أخيـراً : الأخـوة الأربـعة لديهم إشكال نفـسي و ليس فقط مخـتار
و هذا يرجح كلاً من القـصة الورا ثية و البيئية .

أما الاعتـلال فهو السـايكـوباتية و ليـس الذي في شخـصية مختار يتوافق مع الاعتـلال .

✒ د. ادهم بكر

منشوري على منصة فضفضة

نجيب محفوظ

🔴》 دخلت مريضة سبعينية ع قسم الاسعاف ...

تعرضت لسقوط و ظهرها عم يألمها ..

قلتلن رفعوها عالسرير ..

صريخا واصل لآخر الدنيا

فجأة بيهدا الصراخ ... دغري انتبتهت
و إذ عم تحاكي حفيدا يللي عم يرفعا عالسرير

" ع مهلك مشان ظهرك يا حبيبي "

الله ع لطف الأمهات الذي لا يغيره الألم ❤

🤣🤣🤣🤣🤣

ع قولة شو " و الله فلان وقفلي "

و لازم وقف لفلان ...

و ع قولة ما عزموني و لازم يعزمني فلان

و كمان ع قولة لا تعمل هيك ما بصير و عيب

و اوعا تشتغل هي الشغلة لان ما بتناسبك
او ما بتناسب عيلتك او او ...

اوك في كتير قصص بتعمل قيمتنا الاجتماعية ..
و في كتير أمور هي يللي بتعطيك صفات ..

و ما لازم تخالفا او عالاقل تماشا معها
و لما بدك تخالفها
لازم تكون سمعان فويس
متى اخالف رأي المجتمع

المهم بعد كل هاد

بينك و بينك حالك بالسرير آخر الليل

اتذكر انو التقييم الافضل بيتناسب مع كمية الخير ل فيك و عكساً مع كمية الاذى ل بتعملو

بال ٢٠١٣ و تحديدا ب ١/ ١ / ٢٠١٣ حوالي خمسة الصبح ... متوجهاً الى معهد البكالوريا

عملت حادث ع موتوري ...
بحيث للاسف وقفت سيارة بعرض الطريق نتيجة عطل و ما شفت غير داخل فيا ..

انكسرت شوية عظام ع شوية سنان ع جروح بالوجه و الاصابع ..

صحيت الساعة تسعة بالمشفى حوليي عيلتي و عم اهذي ...

كنت ممتن لكم المساعدات يللي تلقيتا .. من الطاقم الطبي و للعيلة و الاصدقاء ...


مبارح بقا بعد اكثر من ١١ سنة ....

أنقذت بالغ عمرو ١٨ من اعتداء عنيف
وصل للمشفى بجروح عديدة و طعنات و كسور
و نزوف شديدة ..

بقيت أكتر من ساعتين .. لخرجتو بحالة مستقرة

كنت مبسوط كتير لانو حسيت اني رديت الجميل ..

يمكن هي الدنيا هيك ما منحسن نعطي الخير للجيدين ل قدمولنا ... يمكن حدا غيرنا يعطين

بس اكيد عنا خير و لازم نعطيه لمستحقينو .

من المهم معرفته ..

أنو اللطف بالسلوك و التعاطف

و ليس بتحدثك اللهجة اللبنانية .

مصطفى محمود

شكلا ... موجة جديدة ... موجة شو ...

كوورووعنا يا معلم

و بحب ذكرك ... انو يمكن يكون عندك عدوى ... بس ما عندك رشح و لا سعال و لا شي ... غير تعب عام و الام ...

بحب ذكرك كمان انو في اعراض هضمية و ممكن تكون كتير قاسية
اعراض هضمية .. جايز تكون البداية فيا ...

الاهم ... انو مزاجك بينزل و ممكن تصير انفعالي و عصبي و خلقك يديق ...

مو لانو ابنك كب كاسة الشاي

و لا لانو حبيبك تاخر بالرد عليكي

و لا لانو علامتك ٧٠ بدل ٧٦

و لا لانو االبقدونس ب ٣٠٠

انت مزاجك نازل بدون اسباب تتعلق بالدنيا ... غالبا تتعلق بمرضك

بس مرحلة و بتزول ...

و ازا كنت مريض نفسي او عندك مشاكل نفسية ...

طبيعي كتير لما تكورن ... تحس حالتك انتكست ...

لا تراجع الطبيب النفسي لحتى تطيب اخي

و لا تكتر دوا من حالك و تقول لازم ارجع زيد الجرعة .. مش بهارات اندومي الموضوع .

و حب التهاب ما تاخد

و لا ابر روس

و لا ابر ثلاثية برضايي ع الغوالي ...

و لا تعمل شي .. غير تاخد سيتامول و ترتاح ...و تكتر سوائل

و انشالله اسمع حدا اخد حب التهاب

انا شو قلت ؟؟؟ حب التهاب ما تاخد ..

يعني متحور جديد ؟

لا هاد المتحور عمرو اربع سنين .. بس شكلو شادد همتو .. من اذار

مش خطير .. بس صبور

طب ايمت راجع المشفى ؟

داق نفسك كتير

حسيت في شي ضاغط ع صدرك

تغير لون أصابعك ازرق رمادي

صرت تخربط و تشوش ذهنك

عم تضلك نايم

و هلأ يعطيك العافية

أصلا مبين مين يللي مو نايم من تلت ايام 🤣

مين قلك ؟؟؟

و الله قرأت عالنت

طيب ارجع و شفلي اسم الموقع ..

اممم عنب بلدي

طب ما من اسمو مبين

بصير نبيت ... بصير عرق بلدي .. بصير ملبن

بس مو خرج يحكيلنا طب 🙂

مش ايا حكي عالنت بيتاخد فيه .

ع كل حال ... المثال هاد كمان بوضحلنا مغالطة مهمة
بتستخدمها الناس

هي مغالطة التسمية ... انك تستدل ع جوهر شي من اسمو

الاسم ما بيوصف الجوهر و ليس من المنطق انو تستدل ع ماهية شي من مسمى فقط

رغم انو المثال ل حكيتو و الفكرة صحيحة إلا إني استخدمت مغالطة لوصلتو و هاد مرفوض منطقيا


كمان البوست الاخير فيس فيو اشكال و كمان محد انتبه

🔴》 أيمن زيدان و كل خبرتو ...
قال ما بحسن قول عن حالي مرجعية فنية 😅

عنا اسم الله الواحد مرجعية لحالو و لعيلتو و محلل سياسي و ناقد فني و موسيقي
و طبيب و شاعر
و رجل دين