صدقني انت بس محتاج ترجع تصلي
بالك انت يا صحبي لو رجعت صليت
هتلاقي صلاح في يومك وبركة في وقتك وهمة في جهدك وصحة لجسمك والأهم من كل دا الأخرة
بلاش يا صحبي تبقى تعبان وطالع عينك في الدنيا و سايب صلاتك يعني لا دنيا ولا آخرة ؟؟!!
ارجع صلي يا صحبي

يعني الحسنة بعشر وتكتب في نفس ذات الوقت
والسيئة واحدة بس وتكتب بعد 6 ساعات وتُمحى في حال ندمك على الذنب واستغفارك
وتقول هتدخل النار؟ طيب ازاي؟؟

﴿۞ نَبِّئْ عِبَادِي أَنِّي أَنَا الْغَفُورُ الرَّحِيمُ ۝ وَأَنَّ عَذَابِي هُوَ الْعَذَابُ الْأَلِيمُ﴾
— سورة الحجر: 49-50

﴿وَلَا تَيْأَسُوا مِن رَّوْحِ اللَّهِ﴾

﴿إِنَّ مَعِيَ رَبِّي سَيَهْدِينِ﴾

خلي دايمًا جواك يقين إن اللي بتدعي بيه ربنا هتلاقيه وأحسن الظن به سبحانه

أن تأتي متأخرًا خيرًا من أن لا تأتي

بروزها في دماغك اول ما تحس انك متأخر في حاجة

﴿وَاصْبِرْ وَمَا صَبْرُكَ إِلَّا بِاللَّهِ﴾

كلنا بتمر علينا حاجات صعبة وحاجات صعبة على الواحد إنه يحاول إنه يمر فيها حتى
ولكن خلي قدام عينك إن ربنا معاك ولن يتركك أبدًا واللي انت فيه حله موجود من قبل خلق البشرية كلها اطمن 🤍

«خَيْرُكُمْ مَنْ تَعَلَّمَ الْقُرْآنَ وَعَلَّمَهُ»
أبدأ اتعلم علشان تعلم علشان تبقى من خير الناس

أنت صح

الجملة دي قولها لأي حد بيجادلك وعايز يطلعك غلط وبص في عينه وانت بتقولها
وهتدعيلي

ـ
• من ابشع تغيّر أشكال النّاس بعد سماع أفكارِهم وآرائهم، المرءُ عقلاً وروحاً وقلباً مخبوءٌ تحت لسانه، إن تكلّم عُرِف قدره، وجُملة «تكلّم حتى أراك»

أعمق ممّا ظننتُ يوماً 🖤🖇️

عليكم بالذكر يا صحبة في هذه الايام

أرضى بالبلاء اللي انت فيه عشان كدا كدا هيعدي
فاطلع منه وانت واخد أجر بدل ما تطلع منه وانت تعبان على الفاضي

«يُقَالُ لِصَاحِبِ الْقُرْآنِ: اقْرَأْ وَارْتَقِ»
كل آية تحفظها اليوم، ترفع مقامك عند الله وتزرع نورًا لا ينطفئ في قلبك.

﴿وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ﴾
ما دام الله قد يسَّر القرآن، فلا تظن أن الحفظ بعيد عنك… البداية فقط تحتاج صدقًا مع الله.

صلاة الفجر يا صحبة

اللهم ارضى عنا وبارك لنا واحفظنا واهدنا واهدي بنا وارضى عنا يا رب العالمين 🥺🤍

إختر طريقك 🤍

بص يا صاحبي هقولك على حاجة
الصلاة مش أوبشن علشان تقول هصلي او مش هصلي
الصلاة حياة او موت
بلاش تكون تعبان وطالع عينك في الدنيا وكمان ما بتصليش
يعني لا دنيا ولا أخرة

بص هو انت مش قدامك خيار تاني غير انك تسعى يا صحبي
تسعى وتقع وتقوم تاني لحد ما تنجح
احسن ما تقعد حاطط ايدك على خدك ومبتعملش حاجة
قوم يا صحبي شوفلك مهارة تتعلمها

بكرا بعد المغرب هتكون اول ليلة في العشر الأوائل
أيام عليك أن تكثر ذكر الله فيها
وإن استطعت الصيام فصُم
وإن استطعت الإكثار في النوافل فافعل
واذكروا الله في أيامٍ معدودات

سبحان الله
الحمدلله
لا إله إلا الله
الله أكبر

لازم تدرك إنك انت في وقت معندكش فيه رفاهية الإكتئاب
ايوةزي ما بقولك كدا
الإكتئاب بقى رفاهية
إنك تقعد تتفرغ وقت علشان تكتئب يبقى دا اسمه رفاهية
قوم اسعى واشتغل على نفسك مبقاش عندك وقت

بعد قليل من الوقت سنبدأ في اول ليلة من الليالي العشر يا صحبة🥺🤍