Азат Адамян

Հարց.
- Աստվածաշնչում ասվում է, որ՝ «որովհետեւ կանչուածները բազում են, իսկ ընտրեալները՝ սակաւ»։ (Մտ 22:14)
Սա արդյո՞ք ազգերի վրա բնորոշվում է, եւ արդյո՞ք հայ ազգը ընտրյալ ազգ է:

Պատասխան.
- Դե հիմա, որ ես ասեմ հայ ազգն ընտրյալ ազգ է, ոմանք կարող է հավատան, ոմանք կարող է քմծիծաղ տան, բայց ես խորապես համոզված եմ, որ Հայ ազգն ընտրյալ ազգ է, այո՛:

Եթե ընտրյալ ազգ չլիներ, նախ Հայկի սերունդը չէր լինի, որ ընտրյալ էր: Հայկն ինքը ընտրյալ էր, եւ Հայկի սերունդը պետք է ընտրյալ լինի:

Եթե ընտրյալ չլիներ, երկու առաքյալներ Քրիստոսի չէին գա Հայաստան: (Քրիստոնեության առաջին սերմերը Հայաստան աշխարհում ցանեցին Սուրբ Թադեոս ու Բարդուղիմեոս առաքյալները: ):

Եթե ընտրյալ չլիներ, Գրիգոր Լուսավորիչ չէին ունենա, եւ առաջին քրիստոնյա ժողովուրդը չէին լինի:

Եթե ընտրյալ չլինեին, այս եզակի հայոց այբուբենը չէին ունենա:

Եթե ընտրյալ չլինեին, Գրիգոր Նարեկացի չէին ունենա:

Եթե ընտրյալ չլինեին, պատմության թատերաբեմից վերացած պիտի լինեին, ինչպես ուրիշ ժողովուրդներ որոնք վերացել են:

Մենք այսօր հին աշխարհի ամենահին ժողովուրդներից ենք: Ամենահին ժողովուրդն ենք: Մենք հրեա ժողովրդից ավելի մեծ ենք: Որովհետեւ Հայկը Աբրահամից մեծ էր: Աբրահամը հրեա ժողովրդի նախահայրն է:

Եւ ուրեմն, մենք գոյություն ունեցող ազգերի մեջ, ամենահնագույն ազգն ենք:

Ես այդ պոռոտախոսությունից հեռու եմ, որ 10 000. 25 000,
30 000… Էդպիսի պոռոտախոսություններից ես հեռու եմ: Բայց իբրեւ Հայկի սերունդ, ինձ համար Հայկը իբրեւ առասպելական անձնավորություն չի, առասպել չի: Ինչպես Աբրահամը առասպել չի: Եւ ուրեմն Հայկի ընտրյալ լինելու հանգամանքը գենետիկորեն շարունակվում է մեր մեջ: Եւ մենք պե՛տք է հասկանանք դա:

Բայց ընտրյալ լինելը երբեմն ծուռ են հասկանում: Երբեմն հասկանում են իրավունքի իմաստով: Իրավունք չի, պարտականություն է: Եւ պարտականությամբ ձեռք բերված իրավունք է: Եթե դու, քո պարտականությունը չես կատարում, ընտրյալ լինելուց էլ ես զրկվում, հետեւաբար զրկվում ես նաեւ իրավունքից:
Ուրեմն նախ եւ առաջ քո առաքելությունը պիտի կատարես, պարտականությունդ պիտի կատարես, որպեսզի լինես ընտրյալ եւ ունենաս իրավունք:

Դրա համար հայ մարդը վատ լինելու իրավունք չունի:
Հայը չի կարող լինել՝ հարբեցող, թմրամոլ, մարդասպան, գող, ավազակ, ստախոս չի կարող լինել: Չի կարող լինել հայը:
Եթե հայը իրեն այդպես է դրսեւորում, ուրեմն իր արյան մեջ թույն է մտել, ուրիշ, չգիտեմ երբ…

Հիմա եթե ասում եմ, որ հայը չի կարող լինել մարդասպան, սա զինվորին չի վերաբերվում: Զինվորը մարդասպան չէ: Մարդասպան նշանակում է, որ կողոպուտի, չգիտեմ ինչի, քինախնդրության, նախանձի, չգիտեմ ինչ հաշիվների, վիրավորվածության համար մարդ է սպանել: Ուրեմն հայը չի կարող լինել մարդասպան: Չի կարող լինել գող: Չի կարող լինել անբարոյական:
Այստեղ է ընտրյալ լինելը: Հասկանո՞ւմ ես:

Եթե դու չես կրում այն պատկերը, որ քո Հոր պատկերն է, դու չես կարող նրա զավակը համարվել: Եկեղեցու բոլոր հայրերն ասում են, երբ որ մենք ասում ենք՝ «Հայր մեր, որ երկնքում ես» պետք է այդ Հոր պատկերն ունենանք: Եթե չունենք, մեր աղոթքը գնում է նրան, ում պատկերն ունենք, եւ ով ընդհակառակը՝ խորխորատներում է:
Եթե մենք ունենք իբրեւ որդի նրա պատկերը, ուրեմն երբ որ Հայր մեր ենք ասում, ոչ թե Երկնքում եղող Հորն ենք դիմում, այլ ներքեւում եղող հորը:

Ուրեմն, ընտրյալ լինելու հասկացողությունը, իրավունք չի, պարտականություն է: Երբ որ դու իբրեւ հայ քո միջի լույսը խավարեցնում ես, դու կորցնում ես ընտրյալ լինելու հանգամանքը:
Եւ երբ որ կորցնում ես ընտրյալ լինելու հանգամանքը, պատժվում ես: Ոչ թե ինչ-որ մեկը քեզ պատժում է, դո՛ւ ես քեզ պատժում:

Որովհետեւ դու դառնում ես արդեն խաղալիք՝ ուրիշ ազգերի, ուրիշ պետությունների, ուրիշ թվացյալ մեծերի ձեռքին, եւ նրանք քեզ կոտորում են, գաղթեցնում են, սպանում են, շահագործում են, ցրում են… Որովհետեւ դու այն ընտրյալ լինելու պոտենցիալը կամ չես օգտագործում, կամ մսխում ես, կամ էլ իբրեւ իրավունք ես ուզում ծածանել, ինչը որ այդպես չէ:

Միքայել Սրբազան
#սրբազանիխոսքը

🙏5❤3💯2

238 views17:13