Ամեն գնով խաղաղության գնալու վերջնարդյունքը լինելու է նոր ցեղասպանությունը:

Կրթությունն առանց դաստիարակության չարիք է, իսկ դաստիարակության արմատը հոգևոր է:

2․Ճանաչել իմաստութիւնն ու խրատը, իմանալ հանճարի խօսքերը,3․ ընկալել խօսքի բարդ դարձուածքները, հասկանալ ճշմարիտ արդարութիւնը եւ ուղղել իրաւունքը՝4․ պարզամիտներին խորագիտութիւն եւ երիտասարդներին միտք ու հանճար տալու համար,5․ որպէսզի, դրանք լսելով, իմաստունն աւելի իմաստուն լինի, իսկ հանճարեղը առաջնորդութիւն ստանայ,6․ թափանցի առակների եւ խորին ասոյթների մէջ, իմաստունների ճառերի եւ նրանց այլաբանութիւնների մէջ:
Առակներ 1-2:6

Բազմաբևեռ աշխարհի կայացման փաստից հետո, Իրանը պետք է ընտրություն կատարի՝ կամ գնում է մեծ պատերազմի, կամ թույլ է տալիս «գունավոր հեղափոխություն»:

Թրամփն անվանափոխեց «Պաշտպանության նախարարությունը», այլևս «Պատերազմի նախարարություն» կկոչվի, թերևս տնտեսությունն էլ անցում կատարի պատերազմի տնտեսության:

Աննախադեպ ոչինչ տեղի չի ունեցել, անցած դարի 30-ականներին նույնը Ռուզվելտի դեմքով էին անում խորքային պետության(deep state) կառավարիչները:

1929-1932 թթ. մեծ ճգնաժամն Ամերիկան կարող էր մարսել միայն համաշխարհային պատերազմով. 1935 թվականին՝ նախագահական ընտրությունների քարոզարշավի ժամանակ, նախագահի թեկնածու Ֆրանկլին Ռուզվելտը սնանկացած ֆերմերներին հուսադրում էր, որ ամեն ինչ լավ է լինելու՝ «ֆերմեր Ջոն դառնալու է ռազմարդյունաբերող Ջո, և ավելի մեծ լիություն է գալու Ամերիկա, քան նույն դարի 20-ականներին էր»:

Համաշխարհային քաղաքականությունը թևակոխում է պայքարի ավելի սուր և տաք փուլ՝ վերջին հնգամյակ(շատերն այս մեծ կռիվը՝ միաբևեռ աշխարհն ընդդեմ բազմաբևեռ աշխարհի, բաժանում են երեք փուլի՝ 2015-20, 2020-25, 2025-30):

Միքայել Սրբազանի ուղերձը՝ ԱԱԾ մեկուսարանից:

«Տեր, հույս ի՛մ և կյանք ի՛մ, ես ումից պիտի երկնչեմ
Տեր, իմ կյանքի ապավեն, ես ումից պիտի դողամ :
Գոհություն եւ փառք Ամենակալին իմ կյանքի վերջին 75 օրերին իր զորակցության եւ մխիթարության համար, առանց որի անհնար կլիներ դիմանալ աննախադեպ եւ աննկարագրելի անարդարության այն հորձանքին, որին ստիպված եղանք դիմակայել:
Շնորհակալություն նաեւ ձեզ, իմ սիրելիներ, բոլորդ, ովքեր ցավակից եք ինձ իմ կրած նեղությունների մեջ, որոնք բացարձակապես ոչինչ են մեր հայրենիքի կորստյան եւ մեր եղբայրների գերության տառապանքների հետ համեմատած: Համարում եմ, որ անգամ անհարմար է խոսել այդ մասին, երբ մեր արցախցի հայրենակիցները հայրենազրկված են, եւ մեր եղբայրները` գերության մեջ խոշտանգված:
Բացարձակ ապօրինի եւ շինծու հետապնդումը մի օր ավարտվելու է. բոլոր մեղավորները պատասխան են տալու այն օրենքի առջեւ, որի հանցավոր անտեսումով եւ ոտնահարումով դատում են ինձ հիմա:
Եւ ես, ինձ Աստծուց տրված իշխանությամբ, որն անցավոր չէ իրենց ժամանակավոր իշխանության հետ համեմատած, դատապարտելու եմ իրենց եւ իրենց համախոհներին ոչ թե ժամանակավորապես, այլ հավիտենական։
Քրիստոս ասաց՝ «Ներիր, որովհետեւ չգիտեն, թե ինչ են գործում»: Ես՝ Տիրոջ անպիտան ծառաս, համարձակվելու եմ ասել՝ «Մի ներիր, քանզի շատ լավ գիտեն, թե ինչ են անում»:
Մեր սերը եւ ողջյունները մեր սիրելի ժողովրդի զավակներին։
Իսկ վերջում կասեմ՝ «Եթե Տերը մեր կողքին է, ո՞վ կարող է լինել մեզ հակառակ»:
Պինդ մնացեք, Աստված մեզ հետ է»:

#սրբազանիխոսքը

Արցախը հայկական է:
#սրբազանիխոսքը

Խաչը մարտիրոսների պսակն է և նահատակների հաղթանակը,
Խաչը թագավորների թագն է և իշխանների իշխանությունը,
Խաչն այրերի շնորհն է և կանանց բարեզարդությունը,
Խաչը ծերերի ամրության ցուպն է և երիտասարդների իմաստության գավազանը:

Գրիգոր Տաթևացի

Շնորհավո՛ր, Խաչվերաց:

Սրբազանը...
Սեփականությունից ավելի կարևոր է Շուշի ունենալ, ավելի կարևոր է Բերձոր, Քարվաճառ, Նախիջևան, Կարս ու Արդահան ունենալ:

#սրբազանիխոսքը

«Եղբայրնե՛ր, չարչարանքների եւ համբերության որպես օրինակ ունեցեք մարգարեներին, որոնք խոսեցին Տիրոջ անունով»:
Հակոբոս 5:10

«Ես Աստծուց տրված իշխանությամբ դատապարտում եմ ձեզ, եթե դուք անմեղ մարդու դատապարտեք և դրա հատուցումը կտեսնեք․․․ ոչ ոք չի խուսափի Աստծո պատժից․․․ Ուրեմն ինձ Աստծուց տրված իշխանությամբ ես կդատապարտեմ բոլոր նրանց, ովքեր իրենց մատը կթաթախեն իմ անմեղության մեջ և կփորձեն այդ անմեղության հաշվին կայանալ կամ տուն պահել, այդ տունը կքանդվի»:

Միքայել Սրբազան

#սրբազանիխոսքը

Նոր ձևաչափ և խիստ բովանդակային զրույց:

https://youtu.be/T8QsbSHIdP0?si=4ygh8K7GuZ0MOhd2

«Քանզի անզգա անասունների պես մեռնում ենք ու չենք զարհուրում,
Կորչում ենք՝ ու չենք սարսափում,
Թաղվում ենք՝ ու չենք խոնարհում,
Տարագրվում ենք՝ ու չենք տագնապում,
Եղծվում ենք՝ ու չենք զղջում,
Մաշվում ենք՝ ու չենք հասկանում,
Պակասում ենք՝ ու չենք վերալրվում,
Քայլում ենք՝ ու չենք զգուշանում,
Գերվում ենք՝ ու չենք զգում»:
Նարեկ Բան ԾԵ

Հպարտություն՝ առաջին մահացու մեղք:

Դիտեցի կեղծ մարգարեի ճառը հանրայինում (հարցազրույց չէր, քանզի տրվում էր չտրված հարցերի պատասխան, և ակներև էր մշակված սցենարը խոսքով և դիմացի թղթերով) և որպես Հայաստանյայց Առաքելական Սուրբ Եկեղեցու հետևորդ իրավունք ունեմ հանրային մեկնաբանություն տալու լսածիս և տեսածիս, որի իրավունքը հենց ճառախոսն է արտոնել իր խոսքով-գործով:

Ճառի գլխավոր նպատակը եկեղեցու նվիրապետությունը քանդելն էր, շինարարության մասին որևէ խոսք չկար, միայն քանդելու մասին էր(դասական հեղափոխական, որոնց Դոստոևսկին ասում էր դևեր):

Ինչպես բոլորը դևերի(հեղափոխականներ) մոտ՝ կարմիր գծի պես անցնում էր «ժողովրդի անունից՝ ժողովրդի համար, նպատակն արդարացնում է միջոցը», գործելու սրբապիղծ սկզբունքը:

Հավաքական Արևմուտքի՝ կամ մեր թշնամու չորս չաստվածներն են՝ փառք, փող, իշխանություն և հեդոնիզմ:
Կթվա, թե թեմայի հետ աղերս չունեցող բան եմ հիշեցրել, բայց ուղիղ կապ ունի, քանզի ճառախոսը մի քանի տեղ փաստում է, որ ինքը ոչ թե բացարձակ ճշմարտության կրողն է, այլ Հավաքական Արևմուտքի իշխող գաղափարախոսության՝ մուլտիկուլտուրալիզմի(բազմամշակութայնության), և ճառում դուք կտեսնենք չորս չաստվածների փառաբանություն, ճշմարիտ Աստծու անունը շահարկելով:
Օրինակներից մեկը Գուգարաց թեմին նվիրված հատվածն է, որտեղ ճառախոսը տրտնջում է Գուգարեց թեմի գովելի կարգապահությունից, որտեղ թեմի առաջնորդը հետևողական է թեմի հովիվների նկատմամբ, որը ճառախոսի համար պարսավելի է, այն հանգամանքով, որ 21-րդ դարն է, չի կարելի ազատությունն անարգել, բայց հպարտությունից կուրացածը չի նկատում, որ հենց այդ մի հատվածում մերժում է ժամանակից և տարածությունից դուրս բացարձակ ճշմարտությունը՝ նշելով ժամանակ և տարածություն:

Հիմնականից բացի կարևոր տեխնիկական հանգամանքներ են ի հայտ գալիս, որտեղ երևում է այս ամենի նախապես լավ ու մանրամասն պատրաստված և ծրագրավորված լինելը և իշխանությունների հետ համաժամանակյա գործելու փաստը:

Եվ ամենավերջում հասնում է հպարտության կուլմինացիան՝ իրեն համեմատում է Հիսուս Քրիստոսի հետ, որպես առաջին նմանություն շեշտելով տարիքը, բայց այսքանով չի սահմանափակվում, սնափառության դևերը միջից խոսում են խաչելությունից և 21-րդ դարի ավելի քիչ վնասակար ոչ ժանգոտ մեխերից:

Կից նկարը Ռոդենի «Դժոխքի դարպասները» քանդակն է, որի քանդակելու ոգեշնչման աղբյուր է հանդիսացել Դանթե Ալիգիերիի «Աստվածային կատակերգության» առաջին մասը՝ դժոխքը, քանդակի ամենավերևում նստած «մտածողը» Դանթեն է, որը դժոխքի ամենաամեհի վայրում երեք մարդու էր դրել՝ Հուդա Իսկարիովտացուն, որպես երկնային միապետին մատնողի, և Կասիոսին ու Բրուտոսին, որոնք երկրային միապետությունը քանդեցին՝ սպանելով միապետին՝ հանուն աստվածամերժ, մարդածին հանրապետության:

Որպես վերջաբան տրամաբանական և ընկալելի կլիներ հիշեցնել Դանթեի հայտնի տողերը բարոյական ճգնաժամերի ժամանակ լռողների մասին, բայց այստեղ եկեղեցին է և եկեղեցու նվիրապետությունը, այդ պատճառով ավելի իմաստալից կլինի հիշել ավետարանական տողերը գաղջերի մասին, որոնք այս օրերին ոչ սառն են, ոչ տաք:

Թրամփն արդեն երրորդ անգամ Հայաստանն անվանեց Ալբանիա, նման պարագայում պետք է դիտարկել որպես դիտավորութուն, իսկ դիտավորության արմատը խորն է, ինչի մասին քանիցս անդրադարձել եմ՝ Հայաստանը Թուրքիային, Արցախն Ադրբեջանին(Իսրայելին) համատեքստում:

Հայոց պատմության օրացույցում մեկ սև օր էլ ավելացավ՝ սեպտեմբերի 19՝ հայաթափվեց Արցախը:

Այս օրը պետք է հիշվի ոչ միայն սգի օր, այլ նաև ամոթի, քանզի Հայաստանում իշխում էին մարդիկ, որոնք նպաստեցին այդ ամենին, իսկ հենց այդ օրերին հրճվանքով հետևում էին, թե ինչպես է թշնամին իր հատուկ ջոկատայիններով կազմակերպված կոտորած անում՝ թեթև զենքերով կիսազինված, սոված, գրեթե մեկ տարի շրջափակման մեջ եղած մեր հայրենակիցներին:

Ապաշխարություն՝ Արցախ վերադարձի միակ ճանապարհը:
Չկա փրկություն, առանց ապաշխարության:
#սրբազանիխոսքը

Ունեն երեք ընտրություն(գրառումը 2022-ի այս օրն է արվել):

ՆԱՏՕ-Իսրայել դաշինքն ընդդեմ Ռուսաստանի-Իրանի-Չինաստանի

Աշխարհը գնում է մեծ բախման, այդ ամենից առաջ մեծ բևեռներն իրենց պետական շահի «ժպտադեմ» կոմիսարներին՝ այս կողմ, այն կողմ են ուղարկում, վերջնական ճշտելու յուրայիններին և թշնամիներին:

Ցավոք, մենք լինելով ռազմական բախման գլխավոր կիզակետերից մեկում՝ Հարավային Կովկասում, դեռ ընտրություն չկատարած երկրների շարքում ենք և ունենք երեք ընտրություն. 1. «ընտրում ենք» մեզ անցյալում ցեղասպանած, այժմ ՆԱՏՕ-Իսրայել դարձած դաշինքին և դառնում թուրքական վիլայեթ(սա է ներկա իշխանության արտաքին քաղաքականության առաջնահերթությունը), 2. անհապաղ հասնում ենք իշխանափոխության, ընտրում ենք Ռուսաստան-Իրան-Չինաստան առանցքը, վերականգնում Հայաստանի լինելիության միակ երաշխիքը՝ Հայոց բանակը և պատրաստվում մեծ պատերազմին, 3. սա ամենասարսափելի սցենարն է՝ առանց դաշնակցի բախման էպիկենտրոնում, այս ուղղությունը ՆԱՏՕ-Իսրայել դաշինքի պլան բ է մեր մասով, այս սցենարի վերջնանպատակը՝ թողնել մեկ հայ՝ այն էլ թանգարանում:

Տերը պահապան Հայ ազգին և Հայոց աշխարհին:

Արձանագրենք. «Իրական Հայաստանում» անկախության օրը նշվում է սեպտեմբերի 19-ին՝ Արցախի հանձնման օրը:

2023 թվականի սեպտեմբերի 19-ին Ադրբեջանը չէր կարող հարձակվել Արցախի վրա՝ առանց Հայաստանի հետ համաձայնեցնելու, որով պետք է Ադրբեջանը վստահ լիներ, որ Հայաստանը չի խառնվելու այդ կոնֆլիկտին, քանզի խառնվելու դեպքում Ադրբեջանի համար անկանխատեսելի հետևանքներ կարող էին լինել:
Վերը նշված համաձայնության մասին պարզ դարձավ, երբ Նիկոլ Փաշինյանի և Արայիկ Հարությունյանի թիմերն իրար հետ պայմանավորված Արցախում թույլ տվեցին «իշխանափոխություն»:

Այս ամենի մասին հրապարակային գրել եմ 2023 թվականի սեպտեմբերի 9-ին, առ այն, որ Արայիկ Հարությունյանի նահանջը հրաժարականի տեսքով ծուղակ է, պայմանավորված պատերազմի պատասխանատուներ կարգելու համար:

Այսօր ՀՀ ԱԱԾ պատվիրակությունը գնացել է Հայաստանի թիվ մեկ սպառնալիք Ադրբեջանի մայրաքաղաք Բաքու՝ անվտանգության համաժողովի մասնակցելու, ինչ խոսք, այս ամենի սցենարի հեղինակ Հավաքական Արևմուտքի ցինիզմն անմրցելի է:

Այսպիսով, եկեղեցահալած, հակահայ իշխանությունները քայլ առ քայլ ի կատար են ածում «Արևմտյան Ադրբեջան» պրոյեկտը՝ «Իրական Հայաստանի» անվան տակ: