Ուկրաինայի ճակատագիրը կկիսեն Ղազախստանը և Հայաստանը:

Դրա մասին էր Երևանի՝ երեկվա և օրեր առաջ Աստանայում նույն մարդու կողմից տրված ստուգիչ «համերգը», որին հաշտ լինելով երկու «էլիտաները» իրենց համերաշխությունը հայտնեցին ապագա աղետներին, նույն տրամաբանությամբ ինչպես 50 cent-ով(այստեղ խորհուրդ կա՝ հիսուն ցենտ) Արցախի զոհաբերմանը:

Միջակությունների(խոսքը մեծամասնության մասին չէ) համար այս ամենը դավադրապաշտություն է, մինչ այն պահը, երբ աղետն արդեն տան դուռն է թակում, ինչպես Ստեփանակերտում նստածների, որոնց մի ամբողջ պետություն և ժողովուրդ էր վստահված:

Ձեր՝ խղճի և ճշմարտության բանտարկյալ լինելն այլ բանի մասին է Սրբազան Հայր:

Կամ լսում ենք մարգարեներին և նմանվում ապաշխարող Նինվեին, կամ ենթարկվում սեփական կրքերին և արժանանում Սոդոմի ճակատագրին:
#սրբազանիխոսքը

«Եղբայրնե՛ր, չարչարանքների եւ համբերութեան որպես օրինակ ունեցեք մարգարեներին, որոնք խոսեցին Տիրոջ անունով»
Հակոբոս 5:10

Սրբազանի խոսքը կալանավայրից:

Սիրելիներ.

Լրացավ իմ կալանավորման 40-րդ օրը …

Փառք Ամենակալին, Սուրբ Հոգու զորությամբ առույգ եմ, կայտառ և ուրախ Աստուծով:

Այս ապօրինի բանտարկությունը ինձ ավելի մոտեցրեց և՛ Աստծուն, և իմ հավիտենական հայրենիքին և իմ սիրելի ժողովրդին:

Առաջ Աստված …

«Ողորմութեամբ Քով սատակեա՛ զթշնամիս իմ եւ կորո՛ զամենայն նեղիչս անձին իմոյ, զի ես ծառայ Քո եմ:»:

Սա էլ Սաղմոսաց գրքից՝ ուղղված անօրեններին:

Փառք Քեզ, Աստուած, փառք Քեզ, ամեն ինչի համար, Փառք քեզ …

05.08.2025թ.

Արդեն պաշտոնապես հաստատվեց օգոստոսի 7-8-ին Վաշինգտոնում սպասվող երկկողմ՝ Թրամփ-Փաշինյան և եռակողմ՝ Թրամփ-Փաշինյան-Ալիև հանդիպման լուրը, ինչի առաջին արտահոսքը եղավ Պետդեպում հավատարմագրված թղթակցից, որը «Թուրան» գործակալությունից է:

Պատահական չէր առաջինը «Թուրան» գործակալությունից սրա մասին լսելը, քանզի այս ամենն արվում է Մեծ Թուրանի համար, որի նպատակը Ռուսաստանին և Իրանին ճնշելն է:

«Խաղաղության ասպետ» Դոնալդ Թրամփը սրանով փորձում է ցույց տալ Ամերիկայի հեգեմոն դերն աշխարհում՝ կոնֆլիկտներ հրահրելով և լուծելով, և ուժեղացնում է իր ծայրահեղ դաշնակցին Թուրքիային՝ վերաձևվելով Մեծ Թուրանի:

Մեծ Թուրանի համար աշխատող ՀՀ իշխանություններն այս ամենի համատեքստում են հալածում Հայաստանյայց Առաքելական Սուրբ Եկեղեցուն, պատժում Հայկականության համար խոսողներին և գործողներին՝ արտոնություններ տալով թուրքականության համար գործողներին:

Աշխարհաքաղաքական դինամիկան, եթե այս տեմպը պահի Ադրբեջանի ուղղությամբ, ապա կարճ ժամանակ անց Ադրբեջանը ներքաղաքականում հասնելու է Հայաստանի 2018-ի փետրվար-մարտ կարգավիճակին:
Հարկ է նշել, որ դրան մեծապես պետք է նպաստի Հայաստանում իշխանափոխությունը, հակառակ պարագայում, նույնիսկ նման խնդիրն Ադրբեջանում կարող է ի վնաս Հայաստանի լինել:

Բոլոր արևմտամետների երազանքը գրեթե իրականանում է՝ Հայաստանը դառնում է թուրքական վիլայեթ, հրապարակային ամենավերջին բառերն են ասում Նիկոլին, բայց հոգիներում ցնծություն է, վերջապես կյանքի է կոչվում «100-ամյակն առանց ռեժիմի» կարգախոսը(ազատվում են Ռուսաստանից, իրենք մազոխիստ են, սիրում են թուրքի յաթաղանը):

ԼՏՊ-ի 2015 թվականի «կոդավորված ստրատեգիական պլանը», որին գրեթե բոլորն աջակցեցին.

«Դավալուից ցախավելը հեծած, «մեկ պլյուս մեկ» քայլերգը շուրթերին եւ Պուտինի հրաժարականի պահանջը կրծքի տակ, հասնում են Ազատության հրապարակ, ինքնահռչակվում որպես նոր բևեռ, ստորագրում քաղաքացիական պայմանագիրը, եւ շարժվելով դեպի Բաղրամյան 26, կյանքի կոչում «100-ամյակն առանց ռեժիմի» կարգախոսը»:

Հայաստանի կապիտուլացիան այս տեսքն ունի, երրորդ հանրապետության մահը:
Տղերքը չեն զոհվել, տղերքին զոհել են, որ թուրքի հետ «քիրվայություն» անեն:
Բոլոր արևմտամետ(թուրքամետ) հայերի երազանքը գրեթե կատարված է:

Make America great again(Հետ բերենք մեծ Ամերիկան), սա թարգմանաբար նշանակում է վերադարձնենք աշխարհի միաբևեռ կարգը, Ամերիկայի հեգեմոն դերով, և չեզոքացնենք միաբևեռ աշխարհին վտանգ սպառնացողներին(բազմաբևեռ աշխարհի հիմնական ճարտարապետ Ռուսաստան, ապա Չինաստան, Իրան և Հյ. Կորեա):

Այս նպատակով մեկ տարի առաջ այս օրերին ամերիկյան խորքային պետության կառավարիչները որպես ԱՄՆ 47-րդ նախագահի թեկնածու տեսան սիստեմից դուրս, էքսցենտրիկ Թրամփին, որը «հանուն» Ամերիկայի հեգեմոնիայի պատրաստ է խաղաղության «Նոբելյան մրցանակի» հավակնորդի «բարի դիմակ» կրողից մինչև «հիտլերյան բեղի» կրողի դեր խաղալու, ինչի փորձը վաղուց ունի:

Ամերիկյան հեգեմոնիայի վերադարձը երեք փուլով է արվում(դասական մոտեցում է, նոր բան չի հնարվել), առաջին փուլում միայն փափուկ ուժ, երկրորդ փուլում փափուկ ուժ, ուլտիմատումներ, ռազմական գործողություններ, հատուկ օպերացիաներ, երրորդ փուլում լայնածավալ պատերազմ բոլոր ուղղություններով:

Մեր դեպքում պետքարտուղար Ռուբիոյի բերանով մեկ ամիս առաջ լսեցինք ուլտիմատում այն մասին, որ իրենք են սանձում, որպեսզի Ադրբեջանը չհարձակվի, և այսօր արդեն թղթի վրա Հայաստանի կապիտուլյացիան՝ միակողմանի զիջումներով Ադրբեջանին, առանց որևէ փոխադարձ զիջման:

Ռուսաստանի դեմ Ուկրաինայով պատերազմը, տնտեսական սանկցիաները, հատուկ օպերացիաները, ազդեցության գոտիներում քաոտիկ իրավիճակ հրահրելը:

Իրանում կրկին նույնը. և ուլտիմատումներ և հատուկ գործողություններ(12-օրյա պատերազմ) և այլն:

Այս ամենն անում է «բարի դիմակով» Թրամփը, բայց մոտենում է երկրորդ փուլի ավարտը, որը կավարտվի Իրանի դեմ երկրորդ հատուկ գործողությամբ, ինչը կարող է նաև չավարտվել՝ վերածվելով լայնամասշտաբի՝ անցում երրորդ փուլի:

Երկու փուլերում հաջողության չհասած Թրամփն արդեն կհայտնվի «հիտլերյան բեղերով» և իր «բեղավոր գաղափարակիցների» հետ երեք ուղղությամբ(ուղղությունները վերևում նշվել են) աշխարհը կթաղի արյան մեջ:

Այդ երրորդ փուլի ժամանակ կհիշեք մեր հիմնական խնդիրներից մեկին՝ մոլորեցնողների ինստիտուտին, որոնք ավելի հայտնի են հինգերորդ և վեցերորդ շարասյուն անվամբ:
Հիմա ավելի հեշտ է իրենց ճանաչել, ում բերանից կլսեք՝ «ինքնիշխան ենք», «միջանցք չէ, ճանապարհ է», «այլևս կռիվ չի լինելու», «խաղաղությունը եկավ» և նման բովանդակությամբ արտահայտություններ, իմացեք՝ գործ ունեք վերը նշված «ինստիտուտի» անդամների հետ:

Որպես վերջաբան՝ մոտենում է Իրանի դեմ երկրորդ գործողությունը, որից անմասն չենք կարող մնալ:
Կից կտեղադրեմ այն նկարը, որտեղ կտեսնեք այն փաստաթուղթը, որով ռեգեոնալ պետություններին և տերություններին(Ռուսաստան, Իրան և ԱՄՆ ծայրահեղ դաշնակից Թուրքիա(Ադրբեջան)) լեգիտիմություն է տվել, Հայաստանի հետ իրենց հարաբերությունները պարզեն ուժով՝ երկիրը վերածելով մեծ ռազմադաշտի:

Այսօր Հայոց պատմության ամենակարևոր օրն է:
Ք.ա.՝ 2492 թվականի օգոստոսի 11-ից, Խոշաբի ճակատամարտով սկսվում են Հայոց պատմությունը և պատերազմը, որտեղ Հայկ Նահապետը հաղթեց Բաբելոնի արքա Բելին՝ հիմք դնելով Հայկականությանը, նախանշելով Հայոց առաքելությունը:
Ըստ Հայրերի՝ Հայոց պատմությունը և պատերազմը կավարտվեն միայն այն ժամանակ, երբ Նա Արևելքից գա:

«Քրիստոնյան չպետք է հանձնի»:
#սրբազանիխոսքը

Երրորդ հանրապետության մահը կայացած փաստ է, չորրորդի շինարարության ընթացքը տրված է, որը կա՛մ կլինի թուրքական վիլայեթի կարգավիճակ ունեցող հանրապետություն, կա՛մ իր առաքելությունը գիտակցող,, ինքնիշխան, ազատ, դաշնակիցներ և թշնամիներ ունեցող Հայրենիք:

Առաջինը «կայացնում են» քաղաքական գործիչները(որոնք նաև կանգնած էին երրորդ հանրապետության ապամոնտաժման հիմքում) առանց մեծ ջանքի, երկրորդի համար երեք խմբերի(բնական էլիտայի)՝ հոգևորականների, ուժայինների և տնտեսագետների համառ և միատեղ ջանքն ու կամքն է պահանջվում:

Հոգևոր հեղափոխություն, վերադարձ աստվածակենտրոնության:
Եկեղեցին այդ անվանում է մեղքի գերություն. իրական ազատությունն Արարչի կամքը կատարելն է:
#սրբազանիխոսքը

Մարդկության պատմության մեջ ամենածանր ոճիրներն արվել են ժողովրդի անունից՝ «ժողովրդի համար» լոզունգով:
Ո՛՛վ հայ ժողովուրդ, ծանր հանցանքը կրկին մեր վզին են փաթաթում: Հիմա ավելի պարզ փորձեմ շարադրել ստորև:

Տեսեք ինչ կարողացավ անել Հավաքական Արևմուտքը Հարավային Կովկասում իր հիմնական խաղացող Ադրբեջանի համար:

Աշխարհում կան տարածքներ, որ աշխարհաքաղաքական առումով շատ զգայուն են. Հայաստանը նույնպես ունի նման տարածք՝ Սյունիքը:

Սյունիքը պետք էր Արևմուտքին թուրանական աշխարհն իրար կապելու և միաժամանակ Ռուսաստանին ու Իրանին մեկուսացնելու համար:Եթե այս գործողությունն աներ Ադրբեջանը ռազմական ճանապարհով, կվտանգվեր իրենց հիմնական խաղացողի տարածքային ամբողջականությունը՝ ընդհուպ մասնատում:

Այս սցենարից խուսափելու համար Արևմուտքը գործի դրեց իր ամենաարդյունավետ և կործանիչ գործիքը՝ փափուկ ուժը, որով հայ ժողովրդի «ընտրած» իշխանությունն իր ձեռքով և «ինքնիշխան» իրավունքով Ադրբեջանին միացրեց Թուրքիային՝ դե յուրե կայացնելով թուրանական աշխարհը:

Կհիշեք ՝ Նիկոլը հաճախ է նշածիս մասին ուղիղ խոսել՝ասելով՝ եթե կառավարությունը սխալվում է, ուրեմն ժողովուրդն է սխալվում, քանի որ ժողովուրդն առանց ընտրակաշառքի «ազատ» և «արդար» ընտրություն է արել, այսպիսով կառավարությունն ինչ հակապետական և հակահայկական գործարք անի ,պատասխանատուն ժողովուրդն է:

Արդյունքում ժողովրդի անունից Նիկոլն առժամանակ լուծեց իր ֆիզիկական անվտանգության հարցը մինչև հաջորդ ֆորս մաժոր, որի ժամանակ Ադրբեջանը կփորձի իր խմելու ջրի հարցը լուծել:

իսկ մենք վազում ենք դեպի կործանում:
#սրբազանիխոսքը

«Եղբայրնե՛ր, չարչարանքների եւ համբերության որպես օրինակ ունեցեք մարգարեներին, որոնք խոսեցին Տիրոջ անունով»:
Հակոբոս 5:10

«Բազմաթիվ հոգևորականների անցած ճանապարհով եք ինձ անցկացնում։ Այն է՝ հանիրավի դատապարտվել, հալածվել և ազատազրկման մեջ գտնվել:
Շնորհակալ եմ Աստծուն, որ ինձ տվեց հնարավորություն հասկանալու, թե ինչպես կարելի է անազատության մեջ լինել լիակատար ազատ։ Չկա մի վայր, որտեղ Աստված ներկա չէ, այդ ինչպե՞ս պետք է մեկուսացնեք ինձ, որ զրկվեմ Աստծո ներկայությունից»:

Միքայել Սրբազան

Հետաքրքիր իրավիճակ է Հավաքական Արևմուտքի առանցքային պետություններից Իսրայելում. համազգային գործադուլ է, մոտ կես միլիոն քաղաքացիներ դուրս են եկել փողոց, նման իրավիճակում Նեթանյահուն երկու ճանապարհ ունի հրաժարական՝ կամ արտաքին ճակատ, ինչպես մի քանի անգամ ապացուցվել է՝ Նեթանյահուն ընտրում է երկրորդ տարբերակը:

«Տե՛ր, դատի՛ր նրանց, ովքեր դատում են ինձ,
Մարտնչի՛ր նրանց դեմ, ովքեր մարտնչում են իմ դեմ»:
Սաղմոս 34:1

...ես ցավում եմ ձեզ համար:
#սրբազանիխոսքը

Չորրորդ Հայաստանը երրորդ ճանապարհ չունի, կամ լինելու է Թուրքիայի ազդեցության գոտում(որը որոշ ժամանակ անց ունենալու է վիլայեթի կարգավիճակ),կամ ազատ և անկախ:

Հիմա արագացված գործընթաց է գնում դեպի վիլայեթացում գնացող Հայաստանի համար, և այս համատեքստում «նոր Հայաստանի» համար նոր վարչապետ և նոր կաթողիկոս են պատրաստում:

Եկեղեցահալած և սևագործ Նիկոլն ամեն կերպ օժանդակում է նոր կաթողիկոսի գործընթացին, որպեսզի որպես բոնուս օրակարգից հանվի նոր վարչապետի գործընթացը:

Մեր առաքելության ճանապարհի երեք մեծ հաջողությունները՝ Հայկի նետը, 301 թվականը և 451 թվականը:

Զատիկ կղզու բնակիչները և Հայոց առաքելությունից շեղված հայերը:

#սրբազանիխոսքը

Սա է Հայոց ազգային գաղափարախոսությունը, Հայկական երազանքը, Հայկականության անկյունաքարը:

«Ցանկացած հայ մարդ, երբ որ փնտրի Աստծո կամքը, ինքը կհասկանա, որ Աստված այդպես է կամեցել, որ ես ծառայեմ այս աշխարհագրական միջավայրում երկնքի արքայությունը ստեղծելու և պահելու, պահպանելու համար: Այդ է իմ առաքելությունը: Այս է Հայկական լեռնաշխարհ կոչվածը, Հայկական կենսատարածք կոչվածը երկնքի արքայությունը հաստատելու համար է իմ առաքելությունը, ոչ թե Հնդկաստանում կամ Չինաստանում բարեկեցիկ ապրելը, իմ առաքելությունն այս տարածքում բարեկեցիկ ապրելու միջոցով հոգևոր՝ երկնքի արքայությունը, Աստծո արքայությունը, վերջիվերջո մի միջավայր ստեղծել այս երկրի վրա, որտեղ երկնքի թագավորության մանրակերտը կա:
Սա է հայի առաքելությունը, այլապես ինչի՞ համար Հայկը նետահարեց Բելին»:

#սրբազանիխոսքը