Չարյաց արմատը մեզանում է, որը կամ արմատախիլ կանենք և կկազդուրվենք, կամ անարդարության և անբարոյականության մետաստազները կխժռեն բոլորիս:
#սրբազանիխոսքը

Սրբազանի հոգեցունց խոսքը կալանավայրից

Փառք Քեզ Աստված, փառք Քեզ, Յաղագս ամենայնի, Տեր, փառք Քեզ...

Կրկին գոհություն Ամենակալին, որ անարժանիս արժանի դարձրեց անցնելու քավության և փորձության այս ճանապարհը, միշտ իմ կողքին լինելով և Սուրբ Հոգով մխիթարելով: Որտեղ նեղությունն է, այնտեղ նաև Տիրոջ մխիթարությունն է:

Քաջալերվեցեք, քանի որ Տերը միշտ հաղթում է: Հաղթելու է նաև այժմ՝ գուցե և ինձ նման անարժան ծառաների միջոցով:

Սակայն կարծում եմ, որ չի ներելու ողորմելի կամակատարներին, ովքեր շատ էլ լավ գիտեն, թե ինչ են անում .... Բոլորին անխտիր, ովքեր իրենց արատավորել են անարդարությամբ և կանխակալությամբ, սպասում է Կանոսսան*՝ լավագույն դեպքում: Եվ եթե կրկին զորանաք, կրկին պարտվելու եք, զի Աստուած ընդ մեզ է:

Արևմուտքը միշտ փայլել է իր ցինիզմով:
Հայ ժողովրդի դեմ հոգևոր-մշակութային պատերազմ է վարում հայ հարկատուների հաշվին: Նաև այս համատեքստում պետք է դիտարկել եկեղեցուն հալածելը:

Ստորև օրինակը. պոռնկության քարոզ հայ ժողովրդի շրջանում, հայ ժողովրդի գումարով:

1933-39 թվականները շատ նման են մեր ժամանակներին. այն ժամանակ աշխարհի հիմնական խաղացողների՝ Արևմուտքի և ՍՍՀՄ-ի սևագործը Հիտլերն էր:Հիտլերի գործունեության հիմքում ընկած էր պայքարն ընդդեմ կապիտալիզմի և կոմունիզմի:

Արևմուտքը Հիտլերին սնուցում էր կոմունիզմի դեմ պայքարելու համար, ՍՍՀՄ-ը փորձում էր պայմանավորվել Հիտլերի հետ, որպեսզի նրա պայքարի ուղղությունը փոխի դեպի կապիտալիզմ:

Մեր օրերի սևագործն Էրդողանն է, որի մոտ ավելի լավ է ստացվում(երկու բևեռներից էլ կարողանում է զենք ձեռք բերել), քան Հիտլերի:

Նախորդ դարի մեծ խաղացողների խաղի վերջնահաշիվը թե ինչ եղավ, բոլորս գիտենք: Այս խաղի վերջնահաշվում ևս հնարավոր է՝ տարբերություն չլինի նախորդ խաղի նման:

Պատճառն այն է, որ նախորդ դարում Հիտլերի ընդդեմ գործելու պատճառը պանգերմանիզմն էր, մեր օրերի Էրդողանինը՝ պանթուրքիզմը:

Եվ ցանկացած օգնություն և հնարավորություն նրանք օգտագործում են հանունի, ոչ թե ընդդեմի:

02.08.2021թ.

Ահա քո քրոջ՝ Սոդոմի անօրենությունն այս էր. հպարտություն, հացի կշտություն և անհոգ ծուլություն կար իր ու իր աղջիկների մեջ, բայց աղքատի ու կարիքավորի ձեռքը չզորացրին: Գոռոզացան ու Իմ առջև պղծություն արեցին. ուստի լավ համարեցի նրանց հեռացնել:

Եզեկիել 16:49-50

Ուկրաինայի ճակատագիրը կկիսեն Ղազախստանը և Հայաստանը:

Դրա մասին էր Երևանի՝ երեկվա և օրեր առաջ Աստանայում նույն մարդու կողմից տրված ստուգիչ «համերգը», որին հաշտ լինելով երկու «էլիտաները» իրենց համերաշխությունը հայտնեցին ապագա աղետներին, նույն տրամաբանությամբ ինչպես 50 cent-ով(այստեղ խորհուրդ կա՝ հիսուն ցենտ) Արցախի զոհաբերմանը:

Միջակությունների(խոսքը մեծամասնության մասին չէ) համար այս ամենը դավադրապաշտություն է, մինչ այն պահը, երբ աղետն արդեն տան դուռն է թակում, ինչպես Ստեփանակերտում նստածների, որոնց մի ամբողջ պետություն և ժողովուրդ էր վստահված:

Ձեր՝ խղճի և ճշմարտության բանտարկյալ լինելն այլ բանի մասին է Սրբազան Հայր:

Կամ լսում ենք մարգարեներին և նմանվում ապաշխարող Նինվեին, կամ ենթարկվում սեփական կրքերին և արժանանում Սոդոմի ճակատագրին:
#սրբազանիխոսքը

«Եղբայրնե՛ր, չարչարանքների եւ համբերութեան որպես օրինակ ունեցեք մարգարեներին, որոնք խոսեցին Տիրոջ անունով»
Հակոբոս 5:10

Սրբազանի խոսքը կալանավայրից:

Սիրելիներ.

Լրացավ իմ կալանավորման 40-րդ օրը …

Փառք Ամենակալին, Սուրբ Հոգու զորությամբ առույգ եմ, կայտառ և ուրախ Աստուծով:

Այս ապօրինի բանտարկությունը ինձ ավելի մոտեցրեց և՛ Աստծուն, և իմ հավիտենական հայրենիքին և իմ սիրելի ժողովրդին:

Առաջ Աստված …

«Ողորմութեամբ Քով սատակեա՛ զթշնամիս իմ եւ կորո՛ զամենայն նեղիչս անձին իմոյ, զի ես ծառայ Քո եմ:»:

Սա էլ Սաղմոսաց գրքից՝ ուղղված անօրեններին:

Փառք Քեզ, Աստուած, փառք Քեզ, ամեն ինչի համար, Փառք քեզ …

05.08.2025թ.

Արդեն պաշտոնապես հաստատվեց օգոստոսի 7-8-ին Վաշինգտոնում սպասվող երկկողմ՝ Թրամփ-Փաշինյան և եռակողմ՝ Թրամփ-Փաշինյան-Ալիև հանդիպման լուրը, ինչի առաջին արտահոսքը եղավ Պետդեպում հավատարմագրված թղթակցից, որը «Թուրան» գործակալությունից է:

Պատահական չէր առաջինը «Թուրան» գործակալությունից սրա մասին լսելը, քանզի այս ամենն արվում է Մեծ Թուրանի համար, որի նպատակը Ռուսաստանին և Իրանին ճնշելն է:

«Խաղաղության ասպետ» Դոնալդ Թրամփը սրանով փորձում է ցույց տալ Ամերիկայի հեգեմոն դերն աշխարհում՝ կոնֆլիկտներ հրահրելով և լուծելով, և ուժեղացնում է իր ծայրահեղ դաշնակցին Թուրքիային՝ վերաձևվելով Մեծ Թուրանի:

Մեծ Թուրանի համար աշխատող ՀՀ իշխանություններն այս ամենի համատեքստում են հալածում Հայաստանյայց Առաքելական Սուրբ Եկեղեցուն, պատժում Հայկականության համար խոսողներին և գործողներին՝ արտոնություններ տալով թուրքականության համար գործողներին:

Աշխարհաքաղաքական դինամիկան, եթե այս տեմպը պահի Ադրբեջանի ուղղությամբ, ապա կարճ ժամանակ անց Ադրբեջանը ներքաղաքականում հասնելու է Հայաստանի 2018-ի փետրվար-մարտ կարգավիճակին:
Հարկ է նշել, որ դրան մեծապես պետք է նպաստի Հայաստանում իշխանափոխությունը, հակառակ պարագայում, նույնիսկ նման խնդիրն Ադրբեջանում կարող է ի վնաս Հայաստանի լինել:

Բոլոր արևմտամետների երազանքը գրեթե իրականանում է՝ Հայաստանը դառնում է թուրքական վիլայեթ, հրապարակային ամենավերջին բառերն են ասում Նիկոլին, բայց հոգիներում ցնծություն է, վերջապես կյանքի է կոչվում «100-ամյակն առանց ռեժիմի» կարգախոսը(ազատվում են Ռուսաստանից, իրենք մազոխիստ են, սիրում են թուրքի յաթաղանը):

ԼՏՊ-ի 2015 թվականի «կոդավորված ստրատեգիական պլանը», որին գրեթե բոլորն աջակցեցին.

«Դավալուից ցախավելը հեծած, «մեկ պլյուս մեկ» քայլերգը շուրթերին եւ Պուտինի հրաժարականի պահանջը կրծքի տակ, հասնում են Ազատության հրապարակ, ինքնահռչակվում որպես նոր բևեռ, ստորագրում քաղաքացիական պայմանագիրը, եւ շարժվելով դեպի Բաղրամյան 26, կյանքի կոչում «100-ամյակն առանց ռեժիմի» կարգախոսը»:

Հայաստանի կապիտուլացիան այս տեսքն ունի, երրորդ հանրապետության մահը:
Տղերքը չեն զոհվել, տղերքին զոհել են, որ թուրքի հետ «քիրվայություն» անեն:
Բոլոր արևմտամետ(թուրքամետ) հայերի երազանքը գրեթե կատարված է:

Make America great again(Հետ բերենք մեծ Ամերիկան), սա թարգմանաբար նշանակում է վերադարձնենք աշխարհի միաբևեռ կարգը, Ամերիկայի հեգեմոն դերով, և չեզոքացնենք միաբևեռ աշխարհին վտանգ սպառնացողներին(բազմաբևեռ աշխարհի հիմնական ճարտարապետ Ռուսաստան, ապա Չինաստան, Իրան և Հյ. Կորեա):

Այս նպատակով մեկ տարի առաջ այս օրերին ամերիկյան խորքային պետության կառավարիչները որպես ԱՄՆ 47-րդ նախագահի թեկնածու տեսան սիստեմից դուրս, էքսցենտրիկ Թրամփին, որը «հանուն» Ամերիկայի հեգեմոնիայի պատրաստ է խաղաղության «Նոբելյան մրցանակի» հավակնորդի «բարի դիմակ» կրողից մինչև «հիտլերյան բեղի» կրողի դեր խաղալու, ինչի փորձը վաղուց ունի:

Ամերիկյան հեգեմոնիայի վերադարձը երեք փուլով է արվում(դասական մոտեցում է, նոր բան չի հնարվել), առաջին փուլում միայն փափուկ ուժ, երկրորդ փուլում փափուկ ուժ, ուլտիմատումներ, ռազմական գործողություններ, հատուկ օպերացիաներ, երրորդ փուլում լայնածավալ պատերազմ բոլոր ուղղություններով:

Մեր դեպքում պետքարտուղար Ռուբիոյի բերանով մեկ ամիս առաջ լսեցինք ուլտիմատում այն մասին, որ իրենք են սանձում, որպեսզի Ադրբեջանը չհարձակվի, և այսօր արդեն թղթի վրա Հայաստանի կապիտուլյացիան՝ միակողմանի զիջումներով Ադրբեջանին, առանց որևէ փոխադարձ զիջման:

Ռուսաստանի դեմ Ուկրաինայով պատերազմը, տնտեսական սանկցիաները, հատուկ օպերացիաները, ազդեցության գոտիներում քաոտիկ իրավիճակ հրահրելը:

Իրանում կրկին նույնը. և ուլտիմատումներ և հատուկ գործողություններ(12-օրյա պատերազմ) և այլն:

Այս ամենն անում է «բարի դիմակով» Թրամփը, բայց մոտենում է երկրորդ փուլի ավարտը, որը կավարտվի Իրանի դեմ երկրորդ հատուկ գործողությամբ, ինչը կարող է նաև չավարտվել՝ վերածվելով լայնամասշտաբի՝ անցում երրորդ փուլի:

Երկու փուլերում հաջողության չհասած Թրամփն արդեն կհայտնվի «հիտլերյան բեղերով» և իր «բեղավոր գաղափարակիցների» հետ երեք ուղղությամբ(ուղղությունները վերևում նշվել են) աշխարհը կթաղի արյան մեջ:

Այդ երրորդ փուլի ժամանակ կհիշեք մեր հիմնական խնդիրներից մեկին՝ մոլորեցնողների ինստիտուտին, որոնք ավելի հայտնի են հինգերորդ և վեցերորդ շարասյուն անվամբ:
Հիմա ավելի հեշտ է իրենց ճանաչել, ում բերանից կլսեք՝ «ինքնիշխան ենք», «միջանցք չէ, ճանապարհ է», «այլևս կռիվ չի լինելու», «խաղաղությունը եկավ» և նման բովանդակությամբ արտահայտություններ, իմացեք՝ գործ ունեք վերը նշված «ինստիտուտի» անդամների հետ:

Որպես վերջաբան՝ մոտենում է Իրանի դեմ երկրորդ գործողությունը, որից անմասն չենք կարող մնալ:
Կից կտեղադրեմ այն նկարը, որտեղ կտեսնեք այն փաստաթուղթը, որով ռեգեոնալ պետություններին և տերություններին(Ռուսաստան, Իրան և ԱՄՆ ծայրահեղ դաշնակից Թուրքիա(Ադրբեջան)) լեգիտիմություն է տվել, Հայաստանի հետ իրենց հարաբերությունները պարզեն ուժով՝ երկիրը վերածելով մեծ ռազմադաշտի:

Այսօր Հայոց պատմության ամենակարևոր օրն է:
Ք.ա.՝ 2492 թվականի օգոստոսի 11-ից, Խոշաբի ճակատամարտով սկսվում են Հայոց պատմությունը և պատերազմը, որտեղ Հայկ Նահապետը հաղթեց Բաբելոնի արքա Բելին՝ հիմք դնելով Հայկականությանը, նախանշելով Հայոց առաքելությունը:
Ըստ Հայրերի՝ Հայոց պատմությունը և պատերազմը կավարտվեն միայն այն ժամանակ, երբ Նա Արևելքից գա:

«Քրիստոնյան չպետք է հանձնի»:
#սրբազանիխոսքը

Երրորդ հանրապետության մահը կայացած փաստ է, չորրորդի շինարարության ընթացքը տրված է, որը կա՛մ կլինի թուրքական վիլայեթի կարգավիճակ ունեցող հանրապետություն, կա՛մ իր առաքելությունը գիտակցող,, ինքնիշխան, ազատ, դաշնակիցներ և թշնամիներ ունեցող Հայրենիք:

Առաջինը «կայացնում են» քաղաքական գործիչները(որոնք նաև կանգնած էին երրորդ հանրապետության ապամոնտաժման հիմքում) առանց մեծ ջանքի, երկրորդի համար երեք խմբերի(բնական էլիտայի)՝ հոգևորականների, ուժայինների և տնտեսագետների համառ և միատեղ ջանքն ու կամքն է պահանջվում:

Հոգևոր հեղափոխություն, վերադարձ աստվածակենտրոնության:
Եկեղեցին այդ անվանում է մեղքի գերություն. իրական ազատությունն Արարչի կամքը կատարելն է:
#սրբազանիխոսքը