📢📢Bakıda marşrut avtobusunda insident olub.

Bu barədə görüntülər sosial şəbəkələrdə yayılıb.

Hadisə "Koroğlu" metrostansiyasının yaxınlığında, 172 saylı xətt avtobusunda qeydə alınıb. Naməlum kişi avtobusa daxil olaraq, sərnişini döymək istəyib. Lakin digər sərnişinlərin müdaxiləsi nəticəsində onun qarşısı alınıb.

İddialara görə, kişi qızını həmin avtobusda oğlanla görüb və buna görə də qızını döymək istəyib.

⚠️⚠️Sosial şəbəkələrdə naməlum qadının digər şəxsə qarşı qeyri-adekvat hərəkətlərini əks etdirən görüntüləri yayılıb.

Bu görüntülər polis tərəfindən araşdırılıb.

DİN-dən bildirilib ki, görüntüdə əks olunan şəxslərin Binəqədi rayonunda yaşayan qonşular olduğu müəyyənləşib:

“Hər iki şəxs əqli qüsurludur. Onların sağlamlıq vəziyyəti nəzərə alınaraq barələrində profilaktik tədbirlər görülür”.

📢📢“Qovmuşdum ki, gəlmə...” | Cəsədi kürə atılan 16 yaşlı qızın atası hər şeyi danışdı

⚡️Sabirabadda qətlə yetirilərək Kür çayına atılan 16 yaşlı Nuranənin toy görüntüləri.

⚠️⚠️Yığmamız dünya çempionatına xal itkisi ilə start verib.

A qrupunda yer alan Elşad Quliyevin komandası Bəhreynlə qarşılaşıb. Görüş 1:1 hesablı heç-heçə ilə yekunlaşıb.

Millimizin qolunu 15-ci dəqiqədə Mirmehdi Rzayev, rəqibin qolunu isə 25-ci dəqiqədə Ahmed Antar vurub.

Azərbaycan seçməsi növbəti matçını mayın 23-də Slovakiya seçməsinə qarşı keçirəcək.

🇪🇺"Tottenhem" UEFA Avropa Liqasının çempionu olub.

🏴󠁧󠁢󠁥󠁮󠁧󠁿İngiltərə təmsilçisi 41 il sonra Avropada kubok qazanıb.

🇦🇿🇮🇱 Azərbaycan XİN İsrailə başsağlığı verib

"Vaşinqtonda dəhşətli hücum nəticəsində həlak olan iki israilli diplomatın ailələrinə və İsrail dövlətinə dərin hüznlə başsağlığı veririk". Bu barədə Azərbaycan XİN sosial mediada paylaşım edib.

"Biz qorxu və parçalanma səpmək istəyən bu qorxaq zorakılıq aktını qətiyyətlə pisləyirik", - qeyd edilib.

Qeyd edək ki, ABŞ-nin paytaxtı Vaşinqtonda İsrail səfirliyində çalışan iki nəfər güllələnərək öldürülüb. Şübhəli bilinən şəxs saxlanılıb.

📢📢Emin Ağalarov hər konsertdən nə qədər qazanır? - Prodüser AÇIQLADI

Müğənni Emin Ağalarov hər konsertdən 7 milyon rubl qazanır.

Bu barədə prodüser Sergey Dvortsov “Passion” portalına açıqlamasında bildirib. Dvortsovun sözlərinə görə, Ağalarov "təxminən Lepslə eyni" qazanır.

"Amma təbii ki, o, estradadan çox biznesdən qazanır. O, kifayət qədər yaxşı, nüfuzlu iş adamıdır, uğurludur. Ona görə də, necə deyərlər, ona pul lazım deyil", - prodüser bildirib.

🔴Ukraynanın xarici işlər naziri Andrey Sibiqa Azərbaycana səfər edəcək

Məlumata görə, səfər mayın 25-nə planlaşdırılır.

Səfər çərçivəsində Ukrayna XİN başçısının Azərbaycan xarici işlər naziri Ceyhun Bayramov və digər bir sıra dövlət rəsmiləri ilə görüşlərinin keçirilməsi gözlənilir.

⚡️⚡️Bu il Azərbaycanda Qurban bayramı iyun ayının 6-da qeyd olunacaq.

⚡️⚡️Sabah Azərbaycanda hava 31°-dək isinəcək.

Bakıda və Abşeronda əsasən yağmursuz olacaq, havanın temperaturu gecə 15-17° isti, gündüz 24-29° isti təşkil edəcək.

Rayonlarda da yağıntısız hava gözlənilir.

Havanın temperaturu gecə 13-18° isti, gündüz 26-31° isti, dağlarda gecə 5-10° isti, gündüz 15-20° isti olacaq.

🇹🇷🇹🇷Türkiyənin Bursa şəhərində faciə: 7 yaşlı Nur atasının idarə etdiyi traktorun altında qalaraq həyatını itirib. Qızının əməliyyat otağından çıxmasını gözləyən ata, dəhşətli xəbəri eşidəndə ağrıdan yerə yıxılıb.

⚠️⚠️⚠️ Bakıda narkotik satılan yaşayış binası mühasirəyə alındı: ŞOK GÖRÜNTÜLƏR

Bakının Yasamal rayonunda yerləşən yaşayış binalarından birinin blokunda naməlum şəxslərin narkotik vasitə istifadə etməsi, digər qeyri-adekvat hərəkətləri ilə bağlı sosial şəbəkələrdə yayılan görüntülər araşdırılıb.

DİN-in mətbuat xidmətinin bölmə rəisi Nurlan Əliyev bildirib ki, həmin görüntülərin əks olunduğu yaşayış binasında narkotik aludəçilərinin intensiv hərəkəti ilə bağlı məlumatlar Rayon Polis İdarəsinin əməkdaşları tərəfindən yoxlanılmaqla ərazi müşahidəyə götürülüb. Müəyyən edilib ki, həmin binada olan mənzillərin birində narkotik satışının təşkili ilə bağlı əsaslı şübhələr var.

Davam etdirilən tədbirlərlə narkotiklərin qanunsuz dövriyyəsi ilə məşğul olan 38 yaşlı Elgün Əliyev saxlanılaraq həbs edilib. Ondan 1 kiloqram 550 qram narkotiv vasitə heroin, 1 kiloqram 300 qram psixotrop maddə metamfetamin  və elektron tərəzi aşkarlanaraq götürülüb.

Yaşayış binası ətrafında profilaktik tədbirlər diqqətdə saxlanılır.

📢📢📢Çexiyada DƏHŞƏT: Ata yeni doğulmuş əkiz övladlarının 43 sümüyünü qırıb

Çexiyanın Breqslav şəhərində 26 yaşlı kişi yeni doğulmuş əkiz oğlanlarını sistemli şəkildə zorakılığa məruz qoyduğu üçün 5 il müddətinə azadlıqdan məhrum edilib.

Məhkəmə atanı övladlarına qarşı işgəncə və zorakılıq törətməkdə təqsirli bilib. O, uşaqları sadəcə sakitləşdirməyə çalışdığını və xəsarətlərin təsadüfən baş verdiyini desə də, məhkəmə-tibbi ekspertiza qırıq və travmaların ağır və davamlı xarakter daşıdığını təsdiqləyib. Körpələrin qabırğaları, körpücük sümükləri, ətrafları və kəllə sümükləri qırılmışdı.

Ata cəzanın ədalətsiz olduğunu iddia edib və vəkilləri onun şərti cəza ilə azadlığa buraxılması üçün vəsatət qaldırıblar. Lakin bu müraciət Ali Məhkəmə tərəfindən rədd edilib.

Uşaqların anası da məhkəmə qarşısına çıxarılıb, lakin zorakılıqda birbaşa iştirakı sübut olunmadığı üçün bəraət alıb. Bununla belə, prokurorluq onun lazımi yardım göstərmədiyinə görə məsuliyyətə cəlb olunması imkanını araşdırır.

Cinayət baş verəndə uşaqlar cəmi 6 həftəlik olublar. Hazırda körpələr nənələrinin himayəsində və sosial xidmətlərin nəzarətindədirlər.