💥🏠 Gəncədə yaşayış binasında partlayış olub, ölən var

Hadisə şəhərin Fikrət Əmirov küçəsində yerləşən binaların birində qeydə alınıb.

Yaşayış binasında mənzillərin birində baş vermiş partlayış nəticəsində ölən və xəsarət alanların olduğu bildirilir.

Hadisə yerinə yanğınsöndürən maşınlar və canlı qüvvə cəlb olunub.

🇮🇷🤝🇷🇺 Tehran Putinin səfərinə hazırlaşır!

📣 İran hökumətinin sözçüsü Fatimə Mühacirani açıqlayıb ki,
🔹 Vladimir Putinin İrana rəsmi səfəri ilə bağlı hazırlıqlara artıq start verilib.
🔹 Səfər hazırda planlaşdırma mərhələsindədir.

📌 Xatırladaq ki, aprelin 18-də İran Prezidenti Məsud Pezeşkian rəsmi olaraq Putini Tehrana səfərə dəvət etmişdi.

📆 Gözlər Kremldən gələcək dəqiq tarix açıqlamasındadır.

⚡️Mayın 13-ü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Səhər yarımadanın bəzi yerlərində qısamüddətli az yağış yağacağı ehtimalı var. Şimal-qərb küləyi əsəcək.

Havanın temperaturu gecə 14-16° isti, gündüz 21-26° isti olacaq. Atmosfer təzyiqi normadan aşağı 754 millimetr civə sütunu olacaq. Nisbi rütubət gecə 70-75 faiz, gündüz 55-60 faiz təşkil edəcək.

Azərbaycanın rayonlarında bəzi yerlərdə arabir yağıntılı olacağı, şimşək çaxacağı gözlənilir. Ayrı-ayrı yerlərdə leysan xarakterli intensiv və güclü olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Bəzi yerlərdə arabir duman olacaq. Qərb küləyi bəzi yerlərdə arabir güclənəcək.

Havanın temperaturu gecə 15-19° isti, gündüz 23-28° isti, dağlarda gecə 5-9° isti, gündüz 12-17° isti olacaq.

🇦🇿🇦🇿Azərbaycan Prezidenti Türkiyəni PKK-nın özünü ləğv etməsi münasibətilə təbrik edib

"Başda əziz Qardaşım, Türkiyə Respublikasının Prezidenti Rəcəb Tayyib Ərdoğan olmaqla bütün qardaş Türkiyə xalqını PKK terror qruplaşmasının özünü ləğv etmək və silahı yerə qoymaq qərarı münasibətilə ürəkdən təbrik edirəm".

Bu barədə Azərbaycan Prezidenti İlham Əliyevin "X" sosial hesabındakı paylaşımında deyilir.

"Əziz Qardaşımın bəyan etdiyi “Terrorsuz Türkiyə” hədəfinə çatmaqda vacib mərhələ olan bu hadisə dövlətçilik yolunda ölkədə aparılan qətiyyətli siyasətin nəticəsi, güclü liderliyin və sarsılmaz iradənin, milli birliyin və həmrəyliyin təntənəsidir. Alınmış qərarın tam icrası istiqamətində Türkiyə dövlətinə və xalqına uğurlar arzulayıram", - Prezident İlham Əliyev vurğulayıb.

Günaydın 🥰🥰

📢🌦️ Bu günün HAVA PROQNOZU – 13 may
📍 Ölkə üzrə hava: 28° isti, bəzi yerlərdə yağışlı

🌤️ Bakı və Abşeron:
▫️ Gecə: 14-16°
▫️ Gündüz: 21-26°
▫️ Arabir yağış gözlənilir.

🌩️ Bölgələrdə:
▫️ Şimşək, leysan, dolu ehtimalı
▫️ Yüksək dağlıq ərazilərdə sulu qar ola bilər
▫️ Gecə: 15-19°
▫️ Gündüz: 23-28°

🏔️ Dağlıq rayonlarda:
▫️ Gecə: 5-9°
▫️ Gündüz: 12-17°
🌫️ Arabir duman müşahidə edilə bilər.

☔️ Çölə çıxarkən çətiri unutmayın!

⚡️⚡️Mayın 12-də ayrı-ayrı vətəndaşların müxtəlif kiber üsulla 3500, 2000, 1457, 1000, 320, 180, 150, 93, 93, 39 manat və 31 dollar pul vəsaitləri bank kartlarından oğurlanıb.

🚓Bu barədə Daxili İşlər Nazirliyi məlumat yayıb.

⚡️Azərbaycanda oğurluğa görə cəzalar sərtləşir. Özgənin əmlakını gizli şəkildə oğurlamağa görə cəza müddətinin 2 ildən 3 ilədək artırılması gözlənilir.

🔖Elm və təhsil naziri Emin Əmrullayev: Xankəndidə daha bir məktəb açılacaq.

🎶 Xalq artisti Röya Ayxan “Səs Azərbaycan”da onu seçən xərçəng xəstəsi Qəşəm Cəfərovu ziyarət edib.

⚡️⚡️SSRİ bayrağı altında, sinəsində "Georgi lenti" ilə çıxış edən Saleh Səmədov Ağsaqqallar Şurasından çıxarılıb.

⚠️Azərbaycan təmsilçisi “Mamagama” qrupu Avroviziya - 2025"in ilk yarımfinal mərhələsində mübarizəni dayandırıb.

⚡️⚡️Azərbaycan Ordusunun mövqeləri atəşə tutulub

Mayın 13-ü saat 20:45-dən saat 21:30-dək Ermənistan silahlı qüvvələrinin bölmələri Gorus və Çəmbərək rayonları istiqamətlərində yerləşən mövqelərindən Azərbaycan Ordusunun mövqelərini atıcı silahlardan fasilələrlə atəşə tutub.

Bölmələrimiz tərəfindən qeyd olunan istiqamətlərdə adekvat cavab tədbirləri görülüb.