🔴 “Huawei” və “China Unicom” telekommunikasiya şirkətləri Çinin Hebey əyalətinin Sünan rayonunda ilk 10G genişzolaqlı şəbəkəni işə salıblar.

Yeni şəbəkəyə qoşulmuş istifadəçilərdən birinin evində internetdən yükləmə sürəti 9834 Mbit/s-ə çatıb. Məlumat göndərmə sürəti 1008 Mbit/s təşkil edib, bu zaman gecikmə "sabit şəkildə" cəmi üç millisaniyə olub. - Mydrivers.

⚡️⚡️ Azərbaycanda bəzi rayonlarda şimşək çaxacaq, dolu düşəcək - PROQNOZ

Aprelin 21-də Bakı və Abşeron yarımadasında gözlənilən hava proqnozu açıqlanıb.

Milli Hidrometeorologiya Xidmətindən APA-ya verilən məlumata görə, aprelin 21-də Bakıda və Abşeron yarımadasında hava şəraiti dəyişkən buludlu olacaq, əsasən yağmursuz keçəcək. Mülayim cənub-şərq küləyi əsəcək.

Havanın temperaturu:
Gecə: 10-12° isti
Gündüz: 16-21° isti

Atmosfer təzyiqi: 761 mm civə sütunu

Nisbi rütubət:
Gecə: 70-75%
Gündüz: 50-55%

Azərbaycanın rayonlarında hava proqnozu

Havanın temperaturu:
Gecə: 6-11° isti
Gündüz: 20-25° isti

Dağlıq ərazilərdə:
Gecə: 2° şaxtadan 3°-dək isti
Gündüz: 8-13° isti

🔴 DİM orta təhsil səviyyəsi üzrə buraxılış imtahanı keçirib

Bu gün Bakı şəhərinin Sabunçu (I hissə), Xəzər (I hissə), Yasamal və Binəqədi rayonlarında, Sumqayıt (I hissə), Abşeron (I hissə), Gəncə (II hissə), Mingəçevir, Daşkəsən, Şəmkir (I hissə), Gədəbəy, Qəbələ, Oğuz, Lənkəran (II hissə), Cəlilabad (I hissə), Masallı (I hissə), Göyçay, Ucar, Şamaxı, Qobustan, Sabirabad, Neftçala, Hacıqabul, Xaçmaz (I hissə), Quba (I hissə), Füzuli, Beyləqan, Zəngilan və Cəbrayılda Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə buraxılış imtahanı keçirilib.

Bu barədə Dövlət İmtahan Mərkəzindən bildirilib.

İmtahan keçirilən şəhər və rayonlarda ümumilikdə 216 imtahan binası, 3963 imtahan zalı ayrılıb. İmtahanların idarə olunmasına 644 imtahan rəhbəri və ümumi rəhbər, 4946 nəzarətçi, 722 buraxılış rejimi əməkdaşı (mühafizə) və 216 bina nümayəndəsi ayrılıb.

İmtahanda 53 649 şagirdin iştirakı gözlənilirdi.

❗️❗️❗️Bakının Binəqədi rayonunda obyektlərdən birində güclü yanğın baş verib.

Hadisə yerinə yanğınsöndürənlər cəlb olunub.

‼️‼️ Bakı şəhərinin Binəqədi rayonunda yerləşən obyektdə baş vermiş yanğın Fövqəladə Hallar Nazirliyi qüvvələrinin çevik müdaxiləsi sayəsində məhdudlaşdırılıb

Bu barədə Fövqəladə Hallar Nazirliyi məlumat yayıb.

Hazırda yanğının tam söndürülməsi istiqamətində tədbirlər davam edir.

Əlavə məlumat veriləcək.

🔴Binəqədidə baş verən yanğın tam söndürülüb

⚡️DİM: 1 nəfərdə mobil telefon, 1 nəfərdə isə “ağıllı” saat aşkar edildiyi üçün imtahandan xaric edilib

🔴Bakıdakı yanğın zamanı beş avtomobil külə döndü

Anbarın qarşısında dayanmış "Toyota", "Mercedes", VAZ-2107 və "Hyundai" markalı minik avtomobillərinin yanar hissələri və "Opel" markalı minik avtomobilinin dam hissəsi yanıb.

🇦🇿Böyük Qayıdış: Sarıcalı və Ballıca kəndlərinə növbəti köç karvanı yola salınıb

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir.

Bu gün işğaldan azad edilmiş iki kəndə növbəti köç karvanı yola salınıb.

Ağdam rayonunun yenidən qurulan Sarıcalı kəndinə köç edənlər Respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir. Bu mərhələdə kəndə 34 ailə - 141 nəfər köçürülüb.

Eyni zamanda Xocalı rayonunun Ballıca kəndinə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir. Bu mərhələdə kəndə 21 ailə - 83 nəfər köçürülüb.

🚫🚫 Bakıda avtomobil piyadanı vuraraq öldürüb.

Hadisə Sabunçu rayonu, Heydər Əliyev adına Hava Limanının yaxınlığında qeydə alınıb. Yaşar Gözəlov idarə etdiyi "Opel" markalı avtomobillə yolu keçən Ağarahim Rəhimovu vurub. Piyada xəstəxanaya yerləşdirilsə də, onun həyatını xilas etmək mümkün olmayıb. Faktla bağlı cinayət işi başlanılıb.

☄️Bütün ərzaqlar yanıb

⚡️⚡️⚡️⚡️⚡️ Roma papası Fransisk vəfat etdi