.
مهسا - عبدالعلی‌زاده

سون سئودا

آه چکیرم
و آسیلیر دوداقلاریمدان
کورتاژ اولونموش سئوگی‌لر
و‌ سانجیر اوره‌ییمی
آرزولاریمین باشسیزلیغی
هارای
منی زامانین ایللَنمیش قوجاقلاریندا
بوراخین لوطفن!
و سؤندورون ایچیمین فانیسلارینی.
منی،
دووارسیز شهرلرین
سوناسیز بایقوشلاری دوغدو،
سارایلیغیم
گونش‌سیز گؤزلرین
آرازلیغیندا
دار آغاجلاردان آسلاندی.
آه چکیرم
زوغ آتیر گؤبه‌ییمدن
یالقیزلیق
و‌ توتور بیری‌سینی
بو یازغینی
سئوگی‌سیزلر مکتوبلاریندا
سیغیشدیرین لوطفن
داشلار قوجاغیندا
بوی آتمیش جانیمی
و قیسیرغان حیاتیمی.
اولسا،
رسیملر چیزین،
سئوگیلی‌لرین رئال اولمایان حیاتیندان،
یازین.
ساچلاریمدان آسلانان
آیه‌لر،
کیفسیمیش شهرلرین
پیغمبر اللری ایله
بارماقلاندی،
سویوندوم،
بوتون کدرلری.
میندارلاندیم
سون سئودانین آل قانیندا
آه چکیرم
تانری اوره‌یینه‌دک
و‌ ایتکین دوشورم
قوندارما جنّت‌لرین
قابارلی کوچه‌لرینده.
من
آیسیز گئجه‌لرین بایقوشویام
قاچقین سئوگیلیم.
چیینینده یووا سالمیش
بیر بایقوش.
تاپسانیز بیر گون منی
قامچیلایین،
قادینلیغیمین یالواریشلارینی
من بو گئجه
دفتریمین قبرستانلیغی‌یلا
قوجاقلاشیب
اولمایان سئوگیلیمین
اؤلمه‌یینی
مشق ائده‌جه‌یم.

https://t.me/Adabiyyatsevanlar


.

رسول قدیری

یوخسوللوق خطینین اوستونده یئرییه‌ردیم بیر زامانلار
بیلمیرم آیاغیم سوروشدو دوشدوم آشاغییا،
یوخسا خطی یوخاری چکدیلر...
ایندی همین خطدن آسلانمیش دورومدایام
آشاغی دوشموشکن،
بورالاری بیر گزیم دئدیم
یئددی قات‌دیر یوخسوللوق یاپیسی
أن یوخاری قاتدا،
سینیق-سالخاق وانئت سوروجولرینی گؤرورم
اونلارا،
ماشینلارینین بیرینجی دنده‌سیندن آرتیغی گرک دئییل
آددیم‌باشی زیبیل قابیلاردان وارلیلارین آرتیغینی گزیرلر
هردن ده بیر-بیری ایله یاخالاشیرلار
آلتینجی قاتدا،
ایشدن قووولموش ایشچیلر،
آیلیقلاری گئجیکمیش اینسانلار حیات ساواشیندادیرلار
بو کورونالی گونلرده،
اوشاقلاری درس اوخویا بیلمیرلر موبایل‌سیزلیقدان
بئشینجی قاتدا،
عاایله دولاندیران اوشاقلار،
کاغیذدسمالی ساتان اوغلانلار،
گول‌ساتان قیزلار دولانیر
دؤردونجو قاتدا،
داها آزیاشلی اوشاقلار گؤرورم،
ساققیز ساتماغا چالیشیرلار قووشاقلاردا
یئرآلما-یومورتاساتان بیر علیل ده گؤردوم
اوچونجو قاتدا،
بیر قاری گؤردوم جوراب دؤشه‌میشدی پیادا یولوندا
خیابانین او تاییندا،
بیر قوجا گؤردوم،
کیتاب-قلم ساتماغا چالیشیردی اوخومازلارا
ایکینجی قاتدا،
بیر باققال دوکانی وار ایدی
بیر قوجا ائوینین ایشیغینی گتیرمیشدی دسمال ایچینده
نئچه دنه چؤرکله ده‌ییشمه‌یه چالیشیردی اونو
دئییردی:
سالیم‌دیر واللاه،
باخ، هله ده ایستی‌دیر
ایندی آچمیشام اوتاقدان!
بیرینجی قاتدا دول بیر قادین،
آزیاشلی قیزی ایله کئچیردی مئیوه‌ساتان دوکانین قارشی‌سیندان
اوشاق موز ایسته‌دی
قادین مئیوه‌ساتانا یالواردی بیر دنه موز وئرسین اوشاغا
- جوزدانیم ائوده قالیب، پولونو گتیره‌رم- دئدی
مئیوه‌ساتان وئرمه‌دی
اوشاق آغلار،
قادین ایسه پؤرتموش اوز و قیزارمیش گؤزلرله ائوه قاییتدیلار
قیزجیغاز قولچاغی ایله اویناییردی قاپیلارینی دؤینده
قاپینی دا او آچدی اوزومه
آناسینی سوروشدوم
گئتدی چاغیرسین، آنجاق تک قاییتدی
- آنام یئلله‌نه‌جه‌یه مینیب‌دیر
نه قده‌ر چاغیریرام جاواب وئرمیر- دئدی
ایچری کئچدیم
قادین أن آشاغی خطدن آشاغییا ساللانمیشدی
أن آشاغی خطین آلتی،
مزارلیق‌دیر...


۳۰-آذر-۱۳۹۹

https://t.me/Adabiyyatsevanlar

گونلوک دفتریمدن بیرگون

اوشاق اولوب یوکسلمک!
محمد_عابدین_پور

قرنفیل کافه‌سینده بوگون ساعات 5دن 7یه‌جن هر هفته‌کی کیمین داستان جلسه‌سی وار ایدی، علی حسن‌زاده‌نین اجراسی ایله. علی موسازاده‌نین «پهروز» آددا قیسا حیکایه‌سینه گؤره دانیشیق اولاجاق‌ایدی. سونرا دا «داستان»نین چاغداش دونیادا گره‌یی حاققیندا قونوشاجاق‌ایدیلار. ماراقلی بیر قونو اولماسی اوچون سئویردیم قاتیلام.
دوزدو من هئچ واخت اؤزومو حرفه‌ای بیر یازار یا شاعیر سانمایاراق هردن‌بیر ذئوقی بیر ایشلر گؤرموشم، آما بو قدرده ده او قدر سیخینتیلار هر بیر طرفدن اوستومه هجوم گتیریب؛ سن سوروشما من ده دئمه‌ییم! سانکی یئر گؤی ال بیر اولوب من بو دونیادا تکجه سئودیگیم ایشی گؤرمه‌ییم، یادا یار-یاریمچیق گؤروم! ذئوقی ایش گؤردویمه رغمن گئنه ده بو جوابسیز سوال زامان زامان ذهنیمده یارانیر: «من بئله بیر دورمدا ندن بئله بیر ایشی گؤرورم؟!»
دئمک اولار بئله بیر سوال‌لا بلکه ده عمومی بیر سوالی خصوصی‌لشدیریرم: «نییه شعر، داستان، ادبی متن و... یازیرام؟ اصلن نییه ادبیاتلا ایلگی‌لنیرم؟» بیر حالدا کی منیم قونشوم -همن بو توکان قونشوم کی اونا دئدیگیمده قونشولوغون بیر آداب رسومی وار، سن رعایت ائله‌مه‌لیسن! چؤنوب او جیغ جیغ سسی ایله منه دئدی: نه یاخچی پیچاق سنین الینده دئییل هله، یوخسا فیلان بهمان... – گونو گوندن مالی مال اوستونه قالیر. صاباح بیریسی گون ترامپ کیمی رئیس‌جمهور اولماسادا حبیب‌زاده کیمین بو بدبخت شهرین خوشبخت نماینده احتمالی اولماسی چوخ دیر!! البت کی بونا علی موسازاده‌نین «آرش حیدری»دن ادیبان گوروپونا آتدیغی سس فایلدا یاخشی جاوابلار تاپماق اولار.
بئله بیر سوال‌لار هر بیر شاعیرله یازاری هپ دوشوندوردوگو کیمی منیم ده ذهنیمی زامان زامان مشغول ائدرکن اون اون‌بئش ایل بوندان قاباق قیسا بیر داستان شکیلینده اؤزونو عکس ائتدی. «بو کتاب ایلی دیر!» حیکایه دئمک اولار ایل‌لر بویو اؤز ایچیمده آپاردیغیم ساواشین سونوجو ایدی. بو اؤیکوده جوابی اوشاق اولماقدا تاپیرام. هر زادی بوراخیب اوشاق کیمی اویناماقدا. یازماغی اوشاغین اویناماغی کیمی گؤرمک. اوشاق کیمین داد آلیب لذت آپارماق. و یوکسلمک. او داستاندا هامیدان –لاب بئله سئوگیلیسیندن- منفی تپگی گؤرموش، هر یئردن الی اوزولموش ایکی اورکلی یازیچی قارداش، حیکایه‌نین گئدیشی کیمی دورغون حالا دوشموشکن بیر داها اوشاغا راسلاشدیقدا حرکته باشلاییر و یوکسه‌لیر.
هردن کامو سایاغی دا باخیرام بو مسئله‌یه. سیزیف‌ین بیهوده چکدیگی سونوج‌سوز آغیر زحمته اوخشادیرام، بو فرق ایله که او تانریلار طرفیندن محکوم اولموشدو آما منیم بو دونیادا سئودیگیم، باشاردیغیم و داد آلدیغیم اویناماق ائله بو دور، دئییرم! نه بیلیم بلکه ده ائله من ده بیر تهرلر بونا محکوم اولموشام؟
موسازاده بیر نفرین اورهان پاموکون رومانلاریندا پاراگرافلارین یاریم صفحه اولدوغونو شهرلی اولدوغونا نسبت وئردیگینی سؤیله دی. سانکی شهرلرین دئمه یه سؤزلری چوخ اولور! دئدیم وآللاه بیزیم توکانا نئچه ایل بوندان ببر قمیش آغیللی قوجا خانیم گلمیشدی پاموکو سول جیبینه سالاردی، اوغلونا خاور آلماسیندان ائولندیرمه سیندن دانشیردی، بیر پارگرافی یاریم ساعات چکدی! پاموکا نئیله یه جک، ایلک رومانینی یازاندا آتاسی اونا دینج بیر ائو توتور، هفته سونو باش وورور کم کسری اولماسین،سیگاریناجان گتیریر کی سیگار چکیب اوزون پارگرافلار یازسین! منیم ده آتام منی دانلاییر کتاب اوخودون، مقاله یازدین قونشون سنی اوسته له دی!  
آلتی‌یا بیر ربع قالیردی اوختایا زنگ آچدیم. دئدی من تراختیر پرسپولیس‌ین یاریشماسینا باخیرام. توپ قوتولسون گلرم قرنفیله. دئدیم ائه بوگون اوینورلار نئچه نئچه؟ دئدی هله‌لیک تراختیر بیر هئچه قاباقدی، 35 دیقه قالیر. توکانی باغلادیم قرنفیله ساری یولا دوشدوم. ایکیندی چاغی توکانا گلمه‌میشدن حب آلماق اوچون مرکزه گئتدیم، دؤننده ادیبان مؤسسه‌سینین قورجوسو ناصر رضایی‌نی گؤردم. سالاملاشیب گؤروشدک. دئدی: من جلسه‌یه گئدیرم سن توکانا. هاوا قارانلیقلاشاندا باغلا گل! ساعات دؤرد یاریم ایدی دوز. ساعات 6 دا قرنفیلده ایدیم. موبایلی ویبره‌یه قویوب ایچرییه گئتدیم. یئددی سککیز خانیم‌لا اوچ دؤرد آغا وار ایدی. علی‌نین داستانینا گؤره هله دانیشیردیلار. جواد ندیمی چای گتیردی. علی ایله خانیم پورشکر ندن چای گؤتورمه‌د‌یگمی سوروشدولار. مئیلیم یوخ دیر دئدیم. پروستاتدان دولایی ماوال یاخالاماسین دئیه اوردا بوردا و مخصوصن جلسه‌ده چای قهوه ایچمیرم. علی تزه‌جه باشلامیشدی قونونو آچا، توالته گئتمه‌یه مجبور قالدیم. توالتدن چیخالی موبایلین ویبره‌سی ووردو. سولماز ایدی. هارداسان؟ به تئاترا گئتمیرسیز؛ دئدی. سونای سنی گؤزلویور. دئدیم 8 ده باشلایاجاق. خانیم ملیحه هاشمی‌ ائشیکده اوتورموشدو. ایستیردیم سوروشوم کمکلیک لازیم دیر؟

 تانیمادیغیم بیر خانیم اونا سو گتیردی.
جلسه‌ده ده حالی هئچ خوش گؤرونموردی!
تزه‌جه جلسه‌ده اوتورموشدوم موبایلین ویبره‌سی قولتوق جیبیمی سیلکله‌مه‌یه باشلادی. آچمادیم. دالبادل تیتره‌ییردی، ال چکن دئییلدی. بیر داها دوروب ائشییه گئتمکدن چکینیردیم. باشقالاریندان سئومه‌دیگیم ایشی اؤزوم گؤرمک مجبوریتینده قالمیشدیم. بو دا منیم اؤزومه واخت آییریب جلسه‌یه گلمه‌ییم. سونوندا دیشاری چیخدیم. سولماز ایدی دئییردی سونای‌ین دوستو زنگ ووروب کی نماییش باشلاییبدی. دئدیم گلیرم. اوختای گلیب اوبیری سالوندا اوتورموشدو. اونونلا گؤروشوب دئدیم تراختور نئیله‌دی؟ دئدی بیر بیره اولدولار، ایندی وقت اضافه دی! دئدیم من گئدیرم سونایی گؤتورم گئدیم ارشادا، سن ده گل گئدک. دئدی فارسجا دیر. دئدیم هه. دئدی اوندا من گلمیرم. مرکزه‌جن بیرگه گلدیک. من ائوه، او دا باغا.
ارشادین سالونو دونن کیمی شولوق دئییلدی. دئمه جماعات پلاتوداکی نماییشلره باخیرلار. علی کبودچشمی گؤردوم دئدیم چوخ سئویردیم تورکو نماییشلره باخام تاسوفله قسمت اولمادی. دئدی گؤزل فاطما گؤزل ایش دیر ایسته‌سن بونا باخ. دئدیم یاریدا اولماز کی. دئدی بو ایکینجی ایجرالاریدی بیر داها ایجرا اولاجاق. دئدیم اوندا من بونا باخارام. سونایا دئدیم دئدی من ده ایستیرم ائله بونا باخام. 8 ده پلاتوداکیلار چیخدیلار. غلامرضا رضایی ایله عایله‌سی ده اوردا ایدی. گؤروشدوک. سوروشدوم نئجه ایدی بیندیز؟ چوخ بینمیشدی. اوغلو یاشار سئومه‌میشدی. تاسوفله گؤزل فاطما بیر داها اجرا اولونمادی و بیز رشت شهریندن گلن «خواب عمیق» نماییشینه باخدیق.
سویو، طبیعتی و خزر دنیزینی کیرلندیرن انسانا دنیزده یاشایان جانلیلارین محکمه قورماسی بدیع و گؤزل بیر ایده ایدی منجه، نه یازیق کی الدن گئتمیشدی. یازار عهده‌سیندن گله بیلمه‌ییب دوغرودا بیلمه‌میشدی. شخصیت سازیلار و دیالوقلار ضعیف ایدی و س. اویونجولارین اوشاق اولماسی یاخچی ایدی و دکور ایله صحنه طراحلیغینی دا سئودیم. خلاقیت گؤسترمیشدیلر هم طراحی صحنه هم ایسه نماییشی فیلم ایله تلفیق ائتمکده. نمنه عجب بو موزیکال دئییلدی. یالنیز نماییشین اولینده و سونوندا گیلکی ترانه پخش اولوندو. سونایدا سئومه‌میشدی بو تماشانی!              

           https://t.me/Adabiyyatsevanlar

بؤیوک تورک شاعری ناظم حکمت و تورک دنیاسی... 
پرفسور. دکتر علی کافکاسیالی
نوبل آکادمیک یایینجیلیک کتاب، آنکارا، 2023 
چئویرن: مجید تیموری فر (م. صفا) 

 600صحیفه لیک بو کیتابی آردی جیل اولاراق هرهفته چرشنبه گونو ادبیات سئونلر ده پایلاشاجاییق .
بیرینجی بولوم

حیاتینا قیسا بیرباخیش    **
   20- جی عصرده کُهنه دنیانین یئتیشدیردیگی ان بؤیوک صنعتکارلاردان بیری اولان ناظم ، نورا قووشان انسانلیغین حافظه‌سینده- مایاکوویسکی‌لر،آراقون‌لار و ائلوارت‌لار ایله برابر بشریّتین یادداشیندا ابدی‌لشه‌جک. 
(جمیل مئریچ) 
  
   ناظم حکمت، باباسی‌نین مالیکانه‌سینده باتی دیللرینده دانیشان ساوادلی والیدین‌لرین ائولادی اولاراق دنیایا گلیب. 
   اونون تحصیلینده بوتون عائله عضولری‌نین رُلو اولوب. بیر طرفده باباسی، یازیچی، شاعر، شرق دیللرینی بیلن مولوی تفّکرلو والی؛ دیگر طرفدن ایسه، اونا فرانسیز دیلینی و روس‌ رسّام‌لیغی اؤیره‌دن آناسی؛ بیر طرفدن ده، اونا فارسجا درسلر وئر‌ن درویش آدلی معلّمی؛ بیر طرفدن ده، اؤز تعبیرینجه، «اولو تورک سینه‌می غرورلا شیشیردن، منه قهره‌مان‌لیق، فداکارلیق درسی وئره‌ن، وطنیم، میلّتیم اوچون اؤلمه‌گین بؤیوکلویونو منه آشیلایان» و گنج یاشلاریندا شهید اولان عمی‌سی و نهایت، اونا ناغیل، خالق داستانلارینی دانیشان، خالق ماهنیلارینی اؤیره‌دن عایله نین قوللوقچولارینین اؤنملی رُلو اولموشدور. اؤزونون دئدیگی کیمی، او، اصلی-کرم، شیرین- فرهاد و کوراوغلو کیمی خالق ناغیللاریندان هم‌ ده، آنادولو قادینلاری‌نین سؤیله‌دیکلری قوشمالاردان و تورکولردن تأثیرلنه‌رک بؤیوموشدور.
  آناسی
عایشه جلیله خانیم، حسن انور پاشا ایله لیلا خانیمین قیزی ایدی. حسن انور پاشانین آتاسی فرید مصطفی جلال‌الدّین پاشا ایدی. جلال‌الّدین پاشا قاقاوز تورک اصیل‌لی لهستانلی کونت-کونستانتی بورزئسکی ایدی. پاشانین حیات یولداشی دا، عُمَر پاشانین قیزی  صیدّیقه (سافئت) خانیم ایدی.

فرید مصطفی جلال ‌الدین پاشا تورکولوق، حرب‌چی و کارتوگراف (خریطه مهندیسی)، عینی زاماندا تورک دیلی‌نین قراماتیکاسی‌نین مؤلّفی‌دیر. پولشا خالقی‌نین آزادلیق مباریزه‌سینده اشتراک ائتدیگینه گؤره تعقیب‌لره معروض قالیب، سونرا استانبولا قاچیب، اورادا آدینی و دینینی ده‌ییشیب. تورکّیه‌ده عُمَر پاشانین قیزی سافئت خانیملا ائولندی و بو ائولی‌لیکدن مشهور تورک دیلچی‌سی حسن انور پاشا دنیایا گلدی. 
 انور پاشا استانبولدا ائرئنکؤی‌ده «انور پاشا تورک-فرانسیز لیسه‌سیی» آدلی مکتب آچیب. گئجه و گوندوز 
(قاقاووز تورکلریندن شهید مصطفی جلال‌الدین پاشا)
پروگراملاری تکلیف ائد‌ن (پانسیون شکلینده) بو مکتبه طلبه‌لرین تورک اصیل‌لی اولماسینی و غیری-مسلمان اولمامالارینی طلب ائدیردی. بو مکتبده چوخلو دگرلی متخّصص‌لر یئتیشدیریلیب.    
   حسن انور پاشا (۱۸۵۷-۱۹۲۹) سلطان ۲-جی عبدالحمید دؤورونده عثمانلی اوردوسونون گؤرکملی نماینده‌سی و دؤورونون آپاریجی تورک میلّت‌چی‌سی ایدی. او، ۱۸۹۰-جی ایللرده سلطان ۲-جی عبدالحمید طرفیندن اسپانیا وطنداش محاربه‌سینی (ایچ ساواشی) ایشیقلاندیرماق اوچون آمریکا قیته‌سینه گؤندریلمیش، بورادا یارالانمیش، کوبادا معالجه آلمیش و داها سونرا وظیفه‌سینی تاماملایاراق استانبولا قاییتمیش‌دیر. تقاعُده چیخدیقدان سونرا ادبیّات عمومی مجموعه‌سی اوچون کُهنه تورکجه موضوعسوندا یازماغا داوام ائتدی.   
   او، تورک‌لرین دیلی و تاریخی ایله باغلی «تورک‌لرین منشایی حاقّیندا» باشلیغی ایله مقاله‌لر درج ائتدیرمیش‌دیر. او، تورک‌لرین دنیانین ان قدیم خالقلاریندان بیری اولدوغونو، دنیا دیللری‌نین اهمیّت‌لی بیر حیصّه‌سی‌نین تورکجه‌دن قایناقلاندیغینی و تورک‌لرین بیر چوخ آوروپا خالقلاری‌نین اجدادلاری اولدوغونو مدافعه ائدی.   
   او، آوروپادا تورک‌لرله باغلی اورتایا آتیلان ایرق‌چی یاناشمالاری تنقید ائد‌رک، آوروپانین و آنادولونون قدیم زامانلاردا دا، تورک تورپاقلاری اولدوغونو بیلدیره‌رک، تورک دوشونجه تاریخی اوچون ماراقلی فکرلر سسلندیریب. حسن انور پاشانین فکرلری گؤستریر کی، تورک تاریخی تئزی و ائرکن جمهوریّت دؤورونون گونش-دیل نظریّه‌سی داها اّول، عُثمانلی‌نین سونلاریندا انکیشاف ائتمه‌یه باشلامیشدیر.

(حسن انور پاشا مصطفی جلال‌الدین پاشانین اوغلو و ناظم حکمتین آناسی‌نین آتا طرفدن باباسی ایدی).     
 
   انور پاشا ایله رسّام سارا خانیمین ائولی‌لیگیندن ناظم حکمتین آناسی جلیله خانیم دنیایا گلیب. جلال‌الدین پاشا ۱۸۷۱-جی ایل اوکتیابرین ۱۰-دا چئرنوقورییا محاربه‌سی زامانی شهید اولوب.       
جلیله خانیم اؤزل تحصیل آلیب. فرانسیز دیلینی بیلیر، فورته‌پیانودا ایفا ائدیر و رسم چکیر.      

عایشه جلیله خانیم                                                                               
اونون آتاسی     
   حکمت بیگ، محمد ناظم پاشانین اوغلودور. محمد ناظم پاشا سلانیکی‌نین سون تورک والیسی ایدی.        
   او، وجدانلی و لیبرال بیر انسان ایدی. مختلف ایالتلرده قوبئرناتور (والی‌لیک) وظیفه‌سینده چالیشیب. شاعر و مد‌نی بیر مأمور ایدی. مولوی درگاهینا باغلی ایدی. عرب و فارس دیللرینی بیلیردی. ترجمه‌لریندن علاوه، «موهاتابا»، «یک آزار»، «عهد شهریاری»، «کربلا» کیمی اورژینال اثرلری وار. محمد ناظم پاشا ایله سامییه خانیمین ایکی قیزی و بیر اوغوللاری وار ایدی: «مئدیها»، «گؤزیده» و «حکمت».   
   ناظم حکمتین آتا طرفدن ننه‌سی لیلا خانیم فرانسیز اصیل‌لی محمدعلی پاشانین قیزی ایدی. ۱۲- یاشیندا حربی تعلیم گمیسی ایله استانبولا گلیر، کوماندیری ایله مباحثه‌دن سونرا دنیزه تول‌لانیر، تورک دنیزچیلری طرفیندن خلاص ائدیلیر و تورکیّه حربی دنیز آکادئمییاسینا قبول اولور. محمد علی آدینی آلاراق دینینی و ملیّت-ینی دَییشدی. تئزلیکله پاشا رتبه‌سینه یوکسلدی. 1878-جی ایلده برلین کُنگره‌سینده سلطانین نماینده‌سی کیمی اشتراک ائتدی. تخمینأ او واقتلار توپراقلاری قیسمأ مونتنه‌گرو و صِربی‌یایا وئریلمیش آلبانلار سیلاحلی مقاومته باشلادیلار. خالقی راضی سالماق اوچون گؤندریلن محمدعلی پاشا، اورادا شهید اولدو.
                                ( ناظم حکمتین آنا طرفیندن باباسی، مارشال محمدعلی پاشا)- (1878-1829)
   1876-جی ایل اسکوداردا دنیایا گَلَن حکمت بیگ، 1898-جی ایلده استانبولدا «مکتب سلطانی» بیتیرمیشدیر. او «بابعلی»‌ده خاریجی ایشلر ناظیرلیگینده و خاریجی مطبوعاتدا ترجمه‌چی کیمی چالیشمیشدیر. «سلانیکا» دا «امور اجنبیّه» اداره مدیری اولور. حکمت بیگ ایله، جلیله خانیم (4- اکتبر1900)-جی ایلده ائولنمیشلر.
                                                    حکمت ناظم (1932-1876)
ناظم حکمتین اوشاقلیغی     
   ناظم ۲۰ نوامبر ۱۹۰۱-جی ایلده «سالونیکی‌»ده آنادان اولوب. اونا باباسی ناظم و آتاسی حکمت‌ین آدلاری وئریلیب. ایلک قیرخ گونده بیر یاش بؤیوک گؤرونمه‌مک اوچون اونون دوغوم تاریخی ۱۵ یانوار ۱۹۰۲-جی ایل کیمی قئید ائدیلدی. 
ناظم حکمتین اوشاق‌لیغی (۱۹۰۷-حلب)                                                                 
  آتاسی حکمت بیگ ۱۹۰۵-جی ایلده غیری-قانونی سیاسی فعالیّت‌ده اشتراک اتهّامی ایله دیندیریلدیکدن سونرا دولت قوللوغو‌دان استعفا وئردی. حیات یولداشی عایشه جلیله و اوغلو ناظم حکمتی ده، گؤتوره‌رک «سالونیکی»دن آیریلاراق آتاسی والی محمد ناظم پاشایا قوشولماق اوچون حلب-ه گئتدی. کاواک (صنوبر) آغاجلاری بئجرمه‌یه چالیشسا دا، بونا نایل اولا بیلمه‌ییب.
   
ناظم حکمت دؤرد یاشیندا ایکن آناسی ایله.                                                           
    ۱۹۰۶- جی ایلده ناظمین بیر قارداشی دنیایا گلدی. تأسّف کی، «علی‌ابراهیم» آدلی بو اوشاق دیزانتئرییا (قانلی اسهال)دان دنیاسینی دییشیب. باباسی ناظم پاشا دیاربکیر والی‌سی تعین ائدیلدی. حکمت بیگ عائله‌سی ایله بیرلیکده اورایا کؤچدو. اونلار باشقا بیر کؤرپه گؤزله‌مه‌یه باشلادیلار. گؤزلری ایستی‌یه حسّاس اولدوغو اوچون حکمت بیگ آروادینی و اوغلونو گؤتوروب استانبولا کؤچور. اورادا وارلی بیر اورتاق ایله سود فئرماسی قوردو. قیزی «سامییه» ده، ۱۹۰۸-جی ایلده استانبول‌دا آنادان اولوب.   
   ناظم حکمتین آکادمیک حیاتی   
   ناظم ۱۹۰۷-۱۹۰۸- جی ایلده، فرانسیز دیلینده تحصیل وئرن اؤزل ابتدایی مکتبه داخل اولور. بیر ایل سونرا، «گؤزتپه‌»ده‌کی «داش‌مکتب» آدلی نمونه مکتبینه کؤچورولدو. اورادان دا «قالاتاسارای» لیسه‌سی‌نین حاضرلیق صینیفینه گؤندریلیب. تأسّف کی، مکتب حاقلارینی اؤد‌ه‌مکده چتین‌لیک چکیردیلر. بو سببدن، اونو داها صرفه‌لی تحصیل تکلیف ائد‌ن، «نیشانداشی» عنوانلی لیسه‌سینه یازدیردیلار. 
  

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ا بیاتی


بیر زامانلار (اوشاقلیق)
بیر زامان لار من اوشاقیدیم، نه غمیم واریدی
نه ده غم چکمیه بیر واختیم اولاردی
فیکیریم آنجاق کوچه ده، محله ده، تینده ایدی
گوزله یردیم کی، نه واخت محله دولاردی

یادیمدا، تاختادان دوزلدردیک آوتومات
محله ده دوشردی داوا داوا " پارتا- پارت"
او واخت کی اویونلار، دوقوردان دا، قشنگ دیر
کاش او گونلر الیمه بیر ده دوشئیدی

یادیما دوشدی اوشاقلیقدا کی گیزلن قاچ
گوزلیردیک، گوزونو کیمسه یومار، قاچ
یادا اوجوندا بیری نه ایسه گیزله دردی
سوروشاردی، دِنّن، هانسیندا، دئیم آچ


یا اوندا، یا بوندا، حالوا چوره ک توکاندا
اوشاقلار بو جورونه دوزلدردی کاماندا
بنوشه، بنوشه، آدام بنده دوشئیدی
کاش او گونلر الیمه بیر ده دوشئیدی...

https://t.me/Adabiyyatsevanlar

اوشاق ادبیاتی

بهروز مطلب زاده
پرویز بولبوله کیست؟

نام اصلی او "پرویز الدار اوغلو ممدوف" است.
اول آوریل سال ۱۹۸۵ در جمهوری آذربایجان شوروی در روستای بولبوله از روستاهای اطراف شهر باکو در خانواده ای علاقه مند به هنر موسیقی بدنیا آمد.
تحصلات ابتدائی خو را در در یکی از مدارس منطقه سوراخانی به پایان برد و بعد از آن فقط دوره متوسطه را به پایان برد و سپس به کار  خوانندگی روی آورد و بیشتر اوقات خود را به خوانندگی و به ویژه به اجرای ژانر موسیقی معروف به "میخانا" صرف کرد.
پرویز بولبوله، یکی از درخشان‌ترین چهره‌های موسیقی آذربایجانی است، که در سال‌های اخیر با اجرای سبک منحصر به فرد خود، دل بسیاری از شنوندگان خود را تسخیر کرده است.

در نوشته زیر که از ویکی پدیای آذربایجان نقل می شود، می‌توانید اطلاعات بیشتری در باره زندگی، خلاقیت هنری و برنامه‌های آینده پرویز بولبوله به دست آورید.
پرویز بولوبله کیست؟
پرویز بولبوله یکی از مشهورترین و محبوب‌ترین اجراکنندگان موسیقی مدرن آذربایجان است.
او بااجرای ژانر موسیقی"میخانه" در آذربایجان توانسته مخاطبان بسیاری را به سوی خود جلب کند.
پرویز بولبوله تنها یک هنرمند ساده نیست، بلکه هنرمندی است که مسائل جاری جامعه را در آثار خود منعکس می‌کند و حس مسئولیت اجتماعی دارد. او از نظر حفظ سنت‌های موسیقی آذربایجانی در دوران مدرن و انتقال آنها به نسل جوان از اهمیت ویژه‌ای برخوردار است.

آغاز فعالیت صحنه‌ای
پرویز بولبوله برای اولین بار در نوجوانی روی صحنه ظاهر شد. او با اجرا در رویدادهای محلی، عروسی‌ها و جشن‌های تعطیلات توانست طرفدارانی پیدا کند. آزادی و صداقت او روی صحنه با استقبال فراوان تماشاگران روبرو شد.

تجربه‌ای که او در سال‌های اولیه به دست آورد و عشق تماشاگران، انگیزه‌ای برای پرویز بلبل بود تا حرفه موسیقی حرفه‌ای خود را آغاز کند. او شروع به اجرا برای مخاطبان گسترده‌تری کرد و در دنیای هنر شناخته شد

اولین موفقیت‌ها و شناخته شدن
اولین موفقیت‌های پرویز بولبوله عمدتاً مربوط به آثاری است که او در ژانر میخانه خوانده و اجرا کرد است. سبک متمایز اجرا و رفتار صحنه‌ای بدیع او توجه شنوندگان را به خود جلب کرد.  او خیلی زود در شبکه‌های اجتماعی و رسانه‌ها شناخته شد.

صداقت و واقع‌گرایی از ویژگی‌های اصلی سبک موسیقی اوست. او در آثارش مسائل روزمره جامعه، روابط انسانی و جنبه‌های مختلف زندگی را منعکس می‌کند. این سبک به او اجازه می‌دهد تا ارتباط نزدیک‌تری با شنوندگان خود برقرار کند.

https://t.me/Adabiyyatsevanlar

اوشاق ادبیاتی

شاعیر: زهرا شفیعی مرواری
ترجمه: مرتضی مجدفر


ساری تور آتان
نئز- تئز تور آتیر.
                                              🕸️
یاشیل تور آتان
تئز- تئز تور آتیر.
                                               🕸️
قارا تور آتان
تئز- تئز تور آتیر.
                                                 🕸️
آنجاق هامیسی
آغ تور آتیرلار.

https://t.me/Adabiyyatsevanlar

اوشاق ادبیاتی

  بالاجا سارا مکتبه گئتمکدن قورخور!!‎  
  مجید تیموری فر  (م. صفا)

https://t.me/Adabiyyatsevanlar

اوشاق ادبیاتی

  بالاجا سارا مکتبه گئتمکدن قورخور!!‎  
  مجید تیموری فر  (م. صفا)

   مکتبلرین آچیلیش زامانی یئتیشسه‌ده، بالاجا سارا مکتبه گئتمک ایسته مه‌ییر،‌ چونکو او  آناسیندان آیریلماقدا چتین‌لیک چکیر و مکتبه گئدن ‌واقت، داواملی آغلاییر و راحاتسیز اولاراق، آناسیندان آیریلماماق اوچون الیندن گلَنی ائدیر. 
   آناسی اونا مکتبدن قورخماسی نین یئرسیز اولدوغونو آنلاداراق، هم‌ده، اورادا یئنی دوستلار قازانماق و داها یاخشی آنلار کئچیر مک، ها بئله یازیب- اوخوماق اصوللاری ایله بیرلیکده، گؤزل بیلگی لر الده ائتمه‌گینی سؤیله‌دی. 
  اونون مهربان آناسی گولباهار خانیم، سارانین گوزل ساچلارینی هوروب- تومارلایاراق، آرتیردی:
   -گؤزل قیزیم، سن بؤیوک بیر خانیم قیز اولان زامان، باشقالاریندان گئری قالماماق و سئودیگین ایشه دؤزلمک، هم ده یاخشی بیر یاشاییش قورماق و وطنه- ائله، فایدالی اولماق اوچون، درسلری‌نین چوخ واجب اولدوغونو بیلمه‌لی‌سن.
سارا قیز، آناسینی دینله‌مک قرارینا گلیر. او ائرته‌سی گون، مکتبه گئدیر و درسلرینی اویرنمه‌گه باشلاییر.
همن گون مکتبده، چوخ شیرین بیر قیز سارانین یانینا گلیر و اونونلا دوست اولا بیله‌جه‌گینی سوروشور.
سارا دا، اؤزونو تنها حیّس ائتدیگی اوچون دوستونا «البته» دئیه، جاواب وئریر.
   اونلار مکتبده باشقا دوستلاری ایله اویون اویناماغا، درسلرینده بیر-بیرلرینه کؤمک ائتمه‌گه، هم ده‌،، مکتبدن کناردا بیر- بیرلری ایله گؤروشمه‌گه باشلاییرلار.
   آنانین مصلحتلی سؤزلری ایله راضیلاشیب و اونلارادان فایدالانان سارا قیز، آناسی‌نین نه قده‌ر حاقلی اولدوغونو باشا دوشوبدور.
   ایندی ایسه، سارا دوشونورکی، مکتبلر چوخ یاخشی دوستلوقلار قورولدوغو و سئوگیلی معلّیم لردن، فایدالی بیلگیلر و ساواد اؤیرنمک اوچون، بیر گؤزل مکاندیر. او، مکتبه گئتمکدن، دوستلاری گؤرمکدن و کتاب اوخوماقدان راضی اولاراق، اؤزونو چوخ خوشبخت حئساب ائدیر.

https://t.me/Adabiyyatsevanlar

اوشاق ادبیاتی

شهرام_گلكار

آى‌تک

آى‌تک كوچه‌ميزين
ژيمناست قيزى‌دير.
ژئله‌نى چوخ سئوير، چوخ
ژاكئتی قيرميزى‌دير.
اوزون چكمه‌لرى‌يله
ژيمناست ژئستی توتور او!
اونون ٩ ياشی واردير
ژاندارمادان قوخمور او.

چادرالی_لئیلا' کیتابیندان_تبریز ١٣٩٢

https://t.me/Adabiyyatsevanlar

اوشاق ادبیاتی

کاووس خشنودی

آرزوی کودک کور

با الهام از شعر زیبای لامارتین شاعر توانای فرانسه

گویند غروب قرص خورشید
در مغرب آسمان چه زیباست
چشمک زدن ستاره در شب
چون چشمک عاشقان شیداست
آن آبی آسمان و ماهش
چون‌ ماهی نقره فام و دریاست
آن سرو‌ کنار جویباران
رونق ده عطر و بوی آنهاست
گویند که زلف بید مجنون
زینت گر دشت و باغ و صحراست
گویند که آسمان آبی
میدان پرستوان زیباست
آن سرو‌ کنار جویباران
همچون‌ دل من‌ بسی شکیباست
از دیدن این همه شگفتی
محرومم و گرچه جای غم هاست
ای کاش که روی مادرم را
یک بار ببینم این تمناست!

https://t.me/Adabiyyatsevanlar

اوشاق ادبیاتی


قارانقوشلار نییه هاچا قویروق اولور
(افسانه)
یازان : علی صمدلی
 کؤچورن : علی آغ گونئيلی  -  ابرازی
کتاب :‌ ژنرالین اوشاقلیغی  - ناغیللاربؤلومو

قارانقوشلار اوچاندا اونا فیکیر ويرین ، ائله بیل اوزون قویروقلارینی ایکی یئره بؤلوبسن ، آچیلمیش قایچینی خاطیرلادیر . دئییرلرکی ، لاپ قدیم زامانلاردا باشقا قوشلار کیمی قارانقوشلاریندا قویروقلاری اوچاندا چتیروار اولوب . ایندی کی قارانقوشلارین اولوباباسی نین ، اولو باباسی و اولو ننه سی نین ده اولو ننه سی ، دونیایا ایلک دفعه گلنده انسانلاردان اوزاق گزیر، اؤز یووالارینی تیکمک اوچون یئر آختاریرلار. اونلار ائله یئر آختاریرلالرکی، یووالارینا ، گلجک بالالارینا توخونان اولماسین . آنا قارانقوش  دئدی: 
ــ  گل انسانلارا پناه آپاراق ، اونلارین دام ـ  داشلارینین ساکیت بیر گوشه سینده اؤزوموزه یووا قوراق .
آتا قارانقوش اونون سؤزونه قولاق آسمیر . 
ــ انسانلاردان بیزه خطر توخونار، ــ  دئییر . 
اونلارچوخ گزیب دولاناندان سونرا، آتا قارانقوشون مصلحتی ایله یووالارینی قایادا تیکیرلر. 
یووا حاضیر اولور.، آنا قارانقوش یومورتلاییر . یومورتالارچوخالاندان سونرا، باشقا قوشلار کیمی اونلارین اوستونده کورت یاتیر. هئچ یانا ترپنمیر . بونو گؤرن آتا قارانقوش هر گون چؤل – باییرا دولاشیب آنا قارانقوشا یئم داشیییر. 
گونلرین بیر گونو کیچیک یومورتالار چاتلاییر. ایچیندن اتجی قارانقوش بالالاری چیخیر . اونلارا هله قارانقوش بالاسی دئمک اولمازدی . اوناگؤره کی ، نه آتالاریناد اوخشاییردیلار، نه ده آنالارینا . بونو قارانقوشلاردا حیس ائتمیشدیلر . اونا گؤره ده اتجی بالالارا چوخ تعجب له باخیردیلار . بو بالالارین ساپ ساری دیمدیکلری وارایدی . اونلار جیویلده یرک تئز- تئز دیمدیکلرینی آچیب یوموردولار . قارانقوشلار بو جیویلتیلردن باشا دوشوردولر کی ، بالالاری یئم ایسته ییر . آنا و آتا قارانقوش ال – آیاغا دوشوب اونلارا یئمک گتیرمَیَه باشلادیلار . اتجه قارانقوش بالالاری یئمی گؤزلرینه تَپیر ، بیر – بیرینه ماجال وئرمیرلر . بئلجه ، اونلار گونو – گوندن اته – قانا دولوب پروازلاشیردیلار . اوستلرینه توک کلدیکجه اؤز آتا – آنالارینا اوخشاییردیلار . بونو گؤرن آتا و آنا قارانقوش فرحله نیب ، سئوینیردیلر . بیرگون باخیب گؤردولر کی ، بالالاری تامامجا اونلار کیمی کیچیک دیمدیک ، دؤشو آلا ، اوزون قویروق قارانقوش اولوبلار. اونلار پروازلانیب یووادان چیخماغا حاضیرلاشیرلار . آتا و آنا قارانقوشون فرحی یئره – گؤیه سیغمیردی . آنجاق بو سئوینج لری چوخ سورمه دی .بیر گورزه ایلان داداندی اونلارین یوواسینا . بو سرت قایالاردان سورونه – سورونه اؤزونو یووایا یئتیردی . قارانقوش بالاسینین ان پروازینی چالیب گؤتوردو. آناو آتاقارانقوشلار فریاد قوپاردیلار . بالالار سس – سسه وئریب جیویلدشدیلر. سن دئمه ، گورزه ایلانلار قولاقدان کار اولورموشلار . آخشام دوشدو ، آنا قارانقوش همیشه اولدوغو کیمی، قانادلارینی سردی بالالارینین داوستونه ، آتا قارانقوش ایسه یووانین باشیندا سحره کیمی کئشیک چکدی . سحر آچیلدی ، باشقا قوشلار کیمی اونلار دا اؤزقوش یوخولاریندان اویاندیلار . بالالار.جیویلدشیب ایسته دی . آنا و آتا قارانقوش یئم دالینجا اوچوب گئتدیلر. گورزه ایلان یئنه قایالاردا سورونه – سورونه گلیب یووانی تاپدی . هاچا دیلینی اوزادیب بالالارین ان پروازینی آلیب آپاردی . اؤزلرینی یئتیرن آتا و آنا قارانقوشلار دیمدیکلرینده کی یئمی کنارا آتیب گورزه دن امداد ایسته دیلر . کاراوغلو ، کار گورزه یئنه ائشیتمدی اونلارین ناله سینی ، گؤرمدی اونلارین گؤز یاسلارینی . آخشام دوشدو ، آنا قارانقوش آتا قارانقوشا دئدی : 
ــ گل بالالاریمیزی بوردان گؤتورب قاچاق . ( یووادا جمی اوچ بالا قالمیشدی ) .
آنا قارانقوشون دئدییی آتا قارانقوشون آغلینا باتدی . اونلار صوبحون گؤزو آچیلاند هره سی بیر بالانی جایناغینا آلیب گؤیه قالخدیلار . هارا پناه آپاراجاقلارینی اؤزلری ده بیلمیردی . اوچدولار ، اوچدولار ، مئشه لر کئچدیلر . داغلار آشدیلار ، آخیردا بیر کندین اوستوندن کئچنده آنا قارانقوش دئدی : 
ــ  گل انسان اؤولادینا پناه آپاراق . بلکه اونلار بیزه بیر سیغیناجاق وئردی. 
آتا قارانقوش آز فیکیرلشدی ، چوخ فیکیرلشدی بیر جاواب وئرمدی . آنا قارانقوش ایسه تلسیردی . تلسیردی کی، بو بالاسینی اعتبارلی یئره قویوب، یووادا قالان بالانین دالینجا اوچوب . اونا گؤره صبری چاتمادی.، یورغونلوغونو بهانه ائدیب لاپ آشاغیدان اوچاراق :
ــ باخ ، گل بالالاریمیز او گؤرونن آغ داشلاردان بیرینین اوستونه قویاق ، سن کئشیک چک، من یووایا قاییدیم. آتا قارانقوش راضی الدو. اونلار آشاغی ائننده باخیب گؤردولر کی ، بونلار داش دئییل ، بیر سورو آغ قویوندور ، شیرین – شیرین اوتلاییرلار .

علاج سیز قالیب ، قویونلارین یانیندا الی چوماقلی چوبانا یاخیتلاشدیب اوندان امداد دیلدیلر .
چوبان بیر باخیشدان اونلارین ایسته یینی قانمیشدی. او، تئز چوماغینی یئره چالیب پاپاغینی آغزی یوخاری،اونون باشینا کئچیریب چکیلیب کناردا دوردو . قارانقوشلاراؤز بالالارینی چوبانین پاپاغینا قویوب نفس آلدیلار . اؤزلری ده دینجلدیلر ، بالالاریدا . آنا قارانقوش یولا دوشنده آتا قارانقوش اونوتک بوراخمادی . ایکیسی ده بیردن هاوایا قالخدیلار .
اونلار یووالارینا یئتیشنده آزغین گورزه آرتیق اؤزونو یئتیرمیشدی . او ، هاچا دیلینی اوزادیب هوجوما کئچدی . آتا و آنا قارانقوشلار دا اؤز ایتی دیمدیکلرینی ، ایتی و کیچیک جایناقلارینی ایشه سالدیلار . بو اؤلومله حیاتین موباریزه سی ایدی . قارت گورزه قایادا دوروش گتیره بیلمیر،آشاغی یا سوروشوب دوشور. یئنی دن اؤزونو جملشدیریب یوخاری یا یووایا طرف سورونوردو.قارانقوشلار ایسه ضربه نی ضربه اوستوندن ائندیریب  اونا گؤز آچماغا آمان وئرمیردیلر . گورزه قضبله نیب، فیسیلداییب اونلاری چالماغا فورصت آختاریردی . نهایت، او ، نؤوبتی هوجومدا آنا قارانقوشون قویروغوندان توتا بیلدی . آنا قارانقوش چیرپینیب اوندان خلاص اولدو . ایلانین آغزیندا اونون ایکی له له یی قالدی . گورزه داهادا قضبلندی . ایندی اونون گؤزلری حده قه سیندن چیخیب ، ساپ ساری زهر رنگینی آلمیشدی . او یووایا جان آتیب ، اؤز نؤوبتی اووونو قاپماغا تلسیردی . بو دفعه آتا قارانقوشو هوجوما کئچدی . آتا قارانقوش اونون او زهرلی گؤزلرینی جایناغلاری ایله دیدیب تؤکمک استه ییردی .ضربه توتارلی اولدو. آتا قارانقوشون ایتی جایناغی گورزه نین ساغ گؤزونه باتمیشدی . دونیا اونون گؤزلرینده قارالدی. اینیلده ییب سیزلادی ، آز قالدی جانسیز داش کیمی قایالاردان قوپوب دره یه دوشسون . اؤزونو جملشدیردی ، بوتون گوجونو توپلاییب یووایا دوغرو سوروندو. آنا قارانقوش آرتیق فورصت تاپیب سون بئشیک بالاسینی قالدیرمیشدی . ایندی یولا دوشمک اولاردی . آتا قارانقوشون ایسه قضبی سویوموشدو . او ، گورزه نین او بیری گؤزونوده کور ائتمک استه ییردی . او ، سون هوجوما کئچیب ضربه نی ائندیریر . ضربه سرراست ایدی . بونو گورزه نین فیسیلتیسیندان بیلمک اولاردی . اونو یاندیران بو ایدی کی ، بو دفعه ده اونون زهرلی دیشلرینه آتا قارانقوشون قویروغو کئچمیشدی . اوندان نه آز ، نه چوخ جمی ایکی للک قوپارا بیلمیشدی . ایندی او ، قضبیندن بو للکلری آغزیندا برک-برک توتاراق اؤز زهرینی سون داملالارینا کیمی اونون اوستونه بوشالدیردی . أرتیق اونون اوچون بو ایشیقلی دونیا یوخ ایدی هر طرف قارانلیق ایدی . آتا قارانقوش اونون او بیری گؤزونو ده تؤکموشدو . او ، قضبدن می ، آغریدان می قیوریلیب ، قیوریلیب کونده یه دؤندو و داش کیمی قایادان قوپوب سس سیز – گوی سیز دره یه یووارلاندی . قارانقوشلار ایسه هاوادا قاناد چالیردی . اونلار هاوادا قاناد چالاندا قویروقلاری آپ آیدین هاچالانیردی . بو هاچا قویروق قارانقوشلار چوبانین یانیندا امانت قویدوقلاری بالالاریرنین یانینا تلسیردی لر . 
چوبان کؤهنه پاپاغینی وچوماغینی قارانقوشلاراباغیشلاییب ، قویونلاری نین آردینجا چیخیب گئتمیشدی . قارانقوشلار بالالارینی چوبانین پاپاغیندا بسله ییب پروازلاندیریب اوچوردولار . و همین گوندن سونرا انسانلارا دوست اولدولار . اؤز یووالارینی انسانلارین لاپ قاباغیندا ، ائولری نین دامیندا ، دیه لرینده ، بالکونلاریندا تیکدیلر . قویروقلاری ایسه او او واختان هاچا قالدی . 
۱۹۸۴
 
https://t.me/Adabiyyatsevanlar

*پانتومییم آرینا شیلو*

*این نابغهٔ ۱۶ سالهٔ* *اوکراینی، پناهنده‌ای که در بورگاس زندگی می‌کند و دانش‌آموز مدرسه هنرهای نمایشی است، با اجراهای بدون کلامش میلیون‌ها نفر را مبهوت کرد! آرینا، قدرت هنر واقعی، را نشان میدهد.*
*چقدر زیبا نشون میده که باورها چطور دست های ما را برای آزادی بسته اند با داشتن و دانستن راه آزادی نمیتوانیم خود را از این باور ها رها کنیم با اینکه در چمدان خودش قیچی داشت ولی نتونست رهایی را باور کند حتی بعد از بدست آوردن راه حل همچنان باور های غلط دست و پایش رو بسته بودند.*

*بدترین نوع اسارت وقتی است که اسیر تفکرات غلط و خرافی خود باشی چون عمری را صرف جمع کردن باورها می کنی و زمان زیادی را صرف ذخیره سازی و حفظ باورهایی که بعضی غلط هستند به*
*هدر می دهی.*
*آزادی از زندان واقعی آسانتر از زندان خیال هائی است که در آن گرفتاریم*

*بندهایی که میتوانیم با راه حلی که در دستان خودمان است آزاد کنیم. خوبست قدری عمیق تر بیندیشیم و بی ارزشها و خرافات را رها کنیم.*

https://t.me/Adabiyyatsevanlar

بیرینجی جلد  اون دوردونجو بؤلوم


یوردومون سیرلری
یازان: رضا براهنی
چئویرن: ذکیه ذولفقار
اون‌ دوردونجو بؤلوم

#یوردومون‌سیرلری
#رضا‌براهنی
#ذکیه‌ذولفقاری
#حمیده‌رنجبر
#مهدی‌اختیاری
#جابرپورباقری
#bizimsəs
#بیزیم‌سس
حاضیرلایان: بیزیم سس
https://t.me/DinleBizimsesi
بیزه قوشولون برابر روایت ائدک
👇👇👇

@Raviyik

https://t.me/Adabiyyatsevanlar

«ایراندخت صابری»

- زمستان می‌گذرد
و‌ رو سیاهی به ذغال می‌ماند.

+ کدام ذغال؟
همان‌که زمانی،
چماق بود و فرو می‌آمد بر فرق آزادی؟

یا آنکه چوبش میز بازجو بود؟
یا میز دادگاهی،
یا حتی چکشی که پیکر عدالت را له می‌کرد؟

کدام یک؟
همان که در تاریخ ؛ دار بود برای هر کسی،
چون حسنک ؟

- این‌ها هم می‌گذرد..
جوجه‌ها را آخر پاییز می‌شمرند.

+کدام جوجه‌ها؟
همان که انسان اسیر در فقر و نابرابری دستش به آن نمی‌رسد‌؟
و فقط بوی آزار دهنده‌اش را می‌بلعد؟

بلند شد،
پنجره‌ی رو به باغ پر از درختان بی‌برگ را گشود..

بهار پشت کوههای برفی بود.
هنوز مانده بود تا برسد.
سوز می‌آمد،
سوز سرمای گرسنگی،
رنج،
بیکاری،
فقر

بهار را پشت کوههای یخ زده به اسارت گرفته بودند...


https://t.me/Adabiyyatsevanlar

میرزا" باقر حاجی زاده" دن بیر شکیل

https://t.me/Adabiyyatsevanlar