مافي تسريبات ، لا تقعد تقول تسريبات مثل اختبار القدرات والتحصيلي ، السبس مختلف تمامًا ، أنت كأنك قاعد تعطي مستقبلك حق واحد ماذاكر ولا شيء وينقبل ، والي ذاكر كل شيء وكرف نفسه كرف ماينقبل والسبب التسريبات ، حتى لو صادف سؤال واحد بس ماراح يمشي الوضع ، لكذا التسريبات ماتطلع الازبعد النتايج ، وغالبًا الي يعطون التسريبات هم الي بايعينها ، ليه داخلين سبس أجل ؟!
الاختبار يمنع فيه التسريبات ع أساس واحد يسهر ويسأل ويذاكر ماينقبل ومقابل هذا واحد يلعب طول الوقت والأسئلة بجيبه يروح يجاوب ويطلع وهو مقبول .... غالبًا في السبس ماحد يسرب أسئلة الكل يكون خايف ، حتى سالفة اصحاب ومدري شنو اعرف ناس مو بس اصحاب اخوااان ، وكل واحد بيوم ماعطى الثاني لأن مو مساعدة ذي ، ساعدنا بما فيه الكفاية وان شاء الله ماقصرنا معكم ، والسبس كانت فترة مذاكرته طويلة ، في هذي الحالة التسريبات مالها داعي أبدًا لأنك المفروض ختمت الملازم والكتب ودرست انجليزي تمام ، ولكن اذا كان واحد طول وقته يشاهد ومايعرف وش يسوي وقبل الاختبار بكم يوم ، ف هذي مشكلته المفروض راجع نفسه بدل مايقعد يشاهد ويلعب يقدر يجاوب على الأسئلة ، القروبات للسبس راح نقفلها
ولكن الي يبي تسريبات يبحث عنها بنفسه وتذكر انك (قاعد تعطي مستقبلك وتعبك ومذاكرتك واحد ثاني بدون مايسوي شيء)

بالتوفيق لك....

@X_Ali_21

بسم الله الرحمن الرحيم
من جد وجد ومن زرع حصد

غدًا تبدأ فترة الاختبارات لبعثة ارامكو
ومنعًا لتسريب الأسئلة الذي سيضر مسربه أولًا بفقدانه لفرصته في المنافسة وتأهيل شخص غير كفؤ بدلًا عنه
سيتم قفل مجموعة المحادثة حتى نهاية فترة الاختبارات
وجميع الأسئلة سيتم جمعها بعد نهاية الفترة أيضًا بإذن الله

وسنستمر معكم بمشيئة الله خلال هذه الفترة بالعديد من الفعاليات من الأسئلة الأكثر تكرارًا إلى الكلمات الإنجليزية الأكاديمية

بالنسبة لأسئلتكم في الرياضيات أو الإنجليزي خصصنا لكم بوت تواصل t.me/Acdh_cppBot وسيتم الرد عليكم بأقرب وقت بإذن الله من قبل المشرفين

لن يضيع لمجتهدٍ نصيب
وفقكم الله

ملخص لمواضيع تتكر كل سنة لا تدخل اختبارك إلا بعد ماتكون فاهمه بالكامل
وفقكم الله جميعًا.

للتواصل @Acdh_cppbot

ℹ معلومات عامة عن الاختبار :

- مو لازم تطبع ايميل الاختبار ، يكفي من الجوال

- الاختبار بيكون على اجهزة مثل ايباد او لابتوب

- بيكون فيه مؤقت يبين لك الوقت

- بالنسبة لقاعات البنات ، بيكون فيها رجال مراقبين

- مافيه فاصل بين القسمين ، تخلص من الرياضيات و تبدأ الانجليزي و تقدر تخلص الرياضيات قبل ٣ ساعات لكن ما بيزيد وقت الانجليزي

- بيعطوك مسودة تحل عليها

- ممنوع تجيب معاك اكل ، هم بيعطوك ماي

اللهم يسر الاختبار على بقيه الطلاب المختبرين في يوم ٢١ و ٢٢ و ٢٣ ، اللهم كن معهم وقت النسيان؛ فذكرهم وكن معهم وقت السؤال؛فأجبهم واشرح صدورهم ويسر امورهم واحلل عقدة من السنتهم

لا تنسون بقيه الطلاب المختبرين من دعواتكم كما كانو يدعون لكم 🙏🏻💛

اهلًا
- مدة الاختبار 4 ساعات، ساعة و نصف انقلش و الباقي ماث
- بيبدأ الاختبار بقسم الانقلش و بعده بريك ١٠ دقائق تالي قسم الماث
- اذا فصل الانترنت عليك تكلم الدعم او تدخل رابط زوم اللي بيرسلونه اليوم مع العلم ان حتى لو فصل الانترنت الاجابات تبقى محفوظة عندهم و الوقت ما بيروح عليك بيوقف عند نفس الوقت اللي فصل فيه الانترنت
- الاختبار مكون من ٦٠ سؤال ماث و ٦٠ سؤال انقلش و مشابه للحضوري في المستوى
- مافيه افضلية الى اللي اختبر حضوري او عن بعد نفس فرصة القبول
- إذا اجتزت الاختبار بإذن الله بيكلموك عشان تختبر حضوري، (احتمال كبير ما تنرفض بعد الحضوري لانه بس للتأكيد من انك انت اللي حليت الأسئلة)
- بالنسبة للبنات ف المراقبين بنات بس يُفضل تلبسوا الحجاب اذا بغيتوا
- الليلة رح يرسلون لكم ايميل فيه برنامج متصفح تحملوه و كتيب تعليمات و رابط الاختبار
- بالنسبة لكلام موظفة ارامكو قالت يُفضل تدخلوا رابط الاختبار بدري ٧:٣٠ عشان لو صار فيه عطل او اي شي لا سمح الله يمديكم تتفادونه
- نظام التشغيل للكمبيوتر
ويندوز: ٧ او ٨ او ٨.١ او ١٠
IOS: ١٠.١٠ او اي اصدار اعلى
- يشترط وجود كاميرا (و رح يخلونكم تصوروا وجهكم و المكان حواليكم بزواية ٣٦٠ درجه و بطاقة الاحوال والمسودة من الامام و الخلف)
-و يشترط وجود مايكروفون و يكون هو و الكام مشغلين طول الاختبار
- بالنسبة للمسودة في قسم الماث يسمح لكم ب ورقتين فقط و في نهايه الاختبار نصورهم من جديد من الامام و الخلف
- في شخص سأل عن الاكل، ممنوع الاكل بس الموية مسموحة
- الاسئلة في الماث بتجي مكتوبة باللغتين
- تقدر تطلع قبل لا يخلص الوقت
- القبول يوصلنا مع اللي اختبروا حضوري في نفس الوقت بس ما حددوا الوقت متى
فالكم القبول إن شاء الله

مهم لجميع المختبرين عن بعد 👆

🔺المختبرين عن بعد
ملف الارشادات للاختبار 👆
ووصل معه بالايميل رابط الاختبار

فترة الاختبارات خلصت ولله الحمد
النتائج بتطلع خلال 14 يوم من آخر اختبار
يعني في ( 6 June ) كـ حد أقصى و ممكن تطلع قبل هذا التاريخ

⚠ الرفض بدأ يوصل