ድል የሚኖረው ከትዕግስት በኋላ ነው፡ ፈረጃትም የሚመጣው ከችግር/ከጥበት በኋላ ነው!!!

ለተንኮል ከሚሮጡ
ሰርተው ይለወጡ!
~
ዛሬ ያየሁት ጥቅስ ነው።
✍abufurat

አልሀምዱሊላህ ለሁሉም አስቀሪዎች ቃሪዖችን አስመዝግበን/አገናኝተን ጨርሰናል።
ከ 200 በላይ ቃሪዖች ተመዝግቦዋል። አላህ ከፈቀደ እንደዚህ በቻልነዉ ሰበብ እናደርሳለን።

ሁሌም እንደምላችሁ ቴክኖሎጂዉን ብቻዉን ማወቅ አዋቂ አያደርግም።ዲን ከሌለበት ሁሉም በበዜሮ ማባዛት ነዉ። የትም ብትሆኑ አላህ ፍሩ ነዉ።በምንም አይነት ሁኔታ ላይ ሆነን ከስራችን ከትምህርታችን ጎን ለጎን ለዲናችን ቦታ እንስጥ።
~
መልካም ግዜ✅

ለጧሊበል ዒልም!
~
መስመር የያዘ የዒልም ፍለጋ መንገድ ላይ መጓዝ የሚሻ ሰው ስንፍናን አሽቀንጥሮ ሊጥል ይገባል። ስለዚህ ለዚህ ቆርጠህ ከተነሳህ ራስህን አጫጭር ድምፆችና ቪዲዮዎች ላይ አትወስን። በስርአት ተከታታይ ረጃጅም ደርሶችን ተከታተል። "ረዘመብኝ" እያልክ ደርሶችን የምትሰላችና የምታሳልፍ ከሆንክ እወቅ ይሄ በቲክቶክ፣ በፌስቡክ reel እና በዩቲዩብ አጫጭር ቪዲዮዎች የተቀረፁ ሰዎች ባህሪ እንጂ በሶብርና በፅናት የታነፀ ትንፋሽ ያለው ጧሊበል ዒልም ባህሪ አይደለም።
=
የቴሌግራም ቻናል፡-
https://t.me/IbnuMunewor

የፈትዋ ፕሮግራም 👇👇👇

Share ✅
Subscrib ✅

https://youtu.be/5GX9v32VYgk?si=zPWZwmsc15oX_fx1

ልብ እየጠበበ ፣ ሆድ እቃ ሲሰፋ
ታዋቂ ሰዉ በዝቶ ፣ አዋቂ ሰዉ ጠፋ

منقول.

አኺል ከሪም✅
~
አኺ በጣም ብዙ ሀላፊነቶች አሉብህ እና ያገኘኸው ስራ ሳታማርጥ ስራ ምንም ይሁን ብቻ ሀላል ይሁን እንጂ አታማርጥ።
የሰዉ እጅ መጠበቅ እና የሰዉን ፊት እቺ ዱንያ ላይ ትልቁ ደስታ ምታጣበት ነገር ነዉ። አላህ ሙሉ አፊያ ከሰጠህ ታግለህ ያገኘኸው ስራ ለመስራት ሞክር! አኺል ከሪም የከተማ ልጅ ሆንክ የገጠር ለውጥ የለዉም የማትደርስበት ትላልቅ ስራ ስትመኝ ያለስራ ትኖራለህ። ብዙ ሀላፊነት አለብን እኮ የቤተሰብ፣ የትዳር፣ የልጆች እና ከቻልክ የኡማው ሀላፊነት እኛ ላይ ነዉ።
ጤና እያለዉ ለምኖ እንጂ ሰርቶ ያፈረ የለም። እመነኝ ከሰዉ እጅ መጠበቅ በቃ ሁሌም እራስህ የበታችነት እንዲሰማህ ያደርጋል። ደሞ ወንድ ሁን ትንሽ ባጣህ ቁጥር እጅህ ወደ ፉጡራን እንዳትዘረጋ፣ ወደ ፈጣሪህ እንጂ፣ ኢላሂ እየሞከርኩ ነው አሳካልኝ በለው።
አምስት አመት ተምሬ ተመርቄ ትንሽዬ ስራ መስራት አልፈልግም እንዳት። በቃ ተነስ እና ከራስህ ጋር ተነጋገር፣ 'ከሌለህ እኮ የሚወድህም የሚያከብርህም የለም'! ወንድ ልጅ ሲያጣ እኮ ነው ሴት ልጅ ውጪ የምትወጣው፣ አንተ ስታጣ ነው ትዳርህ የሚናጋው፣ አንተ ስታጣ ነው ሁሉም መስመሩ የሚስት። ያገኙትን ስራ ሳያንቁ መስራት ለዱንያ መስገብገብ እንዳይመስልህ። እንደውም ኢባዳ ሊሆንልህ ይችላል ኒያህ ካሳመርክ።
በል ተነስ ሰፈርህ ላይ አንተ መስራት የምትችለዉ ስራ አየት አየት አድርግ። ኒስጥሮ ነዉ? ወይስ ሸክም? ወይስ የቅጥር ስራ? ወይስ ጉዳይ ማስፈፀም? ወይስ ፓርኪንግ? ወይስ ምን?? በል ሰፈህ ላይ ብትጀምረው ካንተ ጋር የሚሄድልህ ስራ ጀምር!! እዛኔ አላፊው አግዳሚ "አላህ ያሳካለት" እያለ ዱዓው ያዘንብብሀል፣ እንዳትፈራ በፍፁም ፈሪና ሰነፍ መሆን የለብህም። እጄ ተላላጠ ልብሴ ቆሸሸ አሊያም ሰዉነቴ ከሳ፣ ጠቆርኩ ማለት የለብህም። በፍጹም!! እነዚያ ምልክቶች የወንድነትህ ማረጋገጫ ምልክቶች ናቸዉ። ይህ ሁሉ ስትጥር ግን አደራ በፍጹም ሱስ የሚባሉ ነገሮች እንዳትቀርብ። በቻልከው ልክ ለአኸራህ ቦታ ስጥ፣ ምክንያቱም በምትሰራው ስራ መብቃቃትና ሽኩር እንዲኖርህ ያደርጋል። በዛዉ ልክ በኸይር ነገር ቴክኖሎጂዉ መተዋወቁ አሪፍ ነዉ።አኺ አብሽር! በርታ በል!!

የአላህ መልእክተኛ (ﷺ)   እንዲህ ብለዋል፦ "አንድ ሰው ገመዱን ይዞ ወደ ተራራ ሄዶ የማገዶ እንጨት ተሸክሞ ቢሸጥና ፊቱን (ክብሩን) ከሰዎች ከመለመን ቢጠብቅ፣ እነሱ ቢሰጡትም ባይሰጡትም፣ ያ ለእሱ ከሰዎች ከመለመን ይበልጣል።" [ቡኻሪ ዘግበውታል]

ይቀጥላል…
ወንድምህ (Abuki)
ሼር✅
ቻናሉ ለመቀላቀል👇
t.me/abukiweb
t.me/abukiweb

ገንዘባችሁን አድኑ!
→
~ ብዙዎቻችሁ በተለይም በስደት ላይ ያሉ እህቶች እና ወንድሞች፤ በባንክ አካውንታችሁ ላይ ብር አስቀምጣችሁ ስድስት ወር፣ አንድ አመት አልፎም ከዚያ በላይ እንደተቀመጠ ታውቁ ይሆናል። ይህ ግን ቂልነት ነው። ገንዘብ ዝም ብሎ ሲቀመጥ ዋጋው እየቀነሰ እንጂ እየጨመረ አይሄድም። የዋጋ ንረት (inflation) የምትባለው ነገር ገንዘባችሁን በየቀኑ እየበላችው ነው። እናንተ ደግሞ ለዚህ ገንዘብ ደክማችኋል፣ ላባችሁን አፍስሳችሁበታል። ታዲያ ለምንድነው ውድ የደከማችሁበትን ገንዘብ ባንክ ውስጥ ዝም ብሎ እንዲቀመጥ የምትፈቅዱት??

• እስኪ በቀላል ምሳሌ ላስረዳችሁ። ዛሬ አንድ ሚሊዮን ብር ባንክ ብታስቀምጡ፣ ሀገራችን ላይ ባለው ከፍተኛ የዋጋ ግሽበት (የገንዘብ የመግዛት አቅም መቀነስ) ምክንያት ያ ብር ከአመት በኋላ አንድ ሚሊዮን ብር ሆኖ አይቀጥልም። የመግዛት አቅሙ በእጅጉ ይቀንሳል። ዛሬ በዛ ብር ልትገዙት የምትችሉትን መሬት፣ ቤት ወይም ወርቅ፣ በሚቀጥለው አመት በዚያው ብር በፍፁም ልታገኙት አትችሉም። ዋጋው እጥፍ ድርብ ሆኖ ይጠብቃችኋል።ይህ ማለት ሳታውቁት በየቀኑ እየከሰራችሁ ነው!

🔖መፍትሄው ምንድን ነው?
ምክሬ አጭርና ግልጽ ነው፤ ገንዘባችሁን ባንክ ውስጥ አታስቀምጡ፣ ዕቃ ላይ አውሉት! ምን አይነት ዕቃ ላይ ላውለው ለምትሉ፣ የማይበላሹና ዋጋቸው ከጊዜ ወደ ጊዜ የማይቀንስ ወይም የሚጨምር ንብረት ላይ ነው። 

ለምሳሌ…ቤት እና መሬት በሀገራችን በተለይ በከተሞች አካባቢ የቤትና የመሬት ዋጋ በፍፁም ወደኋላ አይመለስም። ሁሌም ወደ ላይ ነው የሚሄደው። ስለዚህ ገንዘባችሁን በዚህ ላይ ማዋል ከምንም በላይ አስተማማኝና ብልህነት ነው።አቅማችሁ በፈቀደው መጠን ትንሽም ብትሆን መሬት ገዝታችሁ ብታስቀምጡ፣ ከአመትና ሁለት አመት በኋላ ዋጋው እጥፍ ሆኖ ታገኙታላችሁ። መሬት አይበላሽም። በታማኝ የቤተሰብ አባል ወይም ወዳጅ ስም ገዝታችሁ ሰነዱን በስርዓት ማስቀመጥ ትችላላችሁ።

እንደዚሁ የተጠናቀቀ ወይም በመገንባት ላይ ያለ ቤት ግዙበት።አቅማችሁ ከፍ ያለ ከሆነ፣ በተለይ በሪል እስቴት አልሚዎች በኩል ቤት መግዛት ትችላላችሁ። ይህንን ስታደርጉ ግን የኩባንያውን ታማኝነትና የፕሮጀክቱን ህጋዊነት በደንብ ማረጋገጥ አለባችሁ። ቤት ከገዛችሁ በኋላ ወርሃዊ የኪራይ ገቢ እያገኛችሁ ገንዘባችሁ ስራ እንዲሰራ ማድረግ ትችላላችሁ።

📍ማሳሰቢያ: የትኛውንም የቤትና መሬት ግዢ ከመፈጸማችሁ በፊት በሀገር ውስጥ ባሉ ታማኝ ሰዎች አማካኝነት የባለቤትነት ማረጋገጫ ወረቀቶችንና ሌሎች ህጋዊ ሰነዶችን በሚመለከተው የመንግስት አካል ማረጋገጥ እጅግ በጣም አስፈላጊ ነው። ከሀሰተኛ ደላሎችና አጭበርባሪዎች እራሳችሁን ጠብቁ።

ሌላው ትርፋማ ያደርጋችኃል ብየ የማስበው ወርቅ ነው። ምክኒያቱም በአለም አቀፍ ደረጃ ዋጋውን የሚጠብቅ፣ ከዋጋ ግሽበት የሚከላከልልን ውድ ንብረት ነው።በምትኖሩበት ሀገር ህጋዊ በሆነ መንገድ ጥሬ ወርቅ ወይም ጌጣጌጥ ገዝታችሁ ማስቀመጥ ትችላላችሁ። ገንዘባችሁን ወደ ወርቅ ስትቀይሩት፣ የብር የመግዛት አቅም ቢቀንስም የወርቁ ዋጋ ግን አብሮ ይጨምራል። ስለዚህ ገንዘባችሁ ዋጋውን እንደጠበቀ ይቆያል።

• ውድ እህቶቼና ወንድሞቼ፣በተለይም በስደት ላይ ያላችሁ… በስደት ላይ ያለው ኑሮ ከባድ እንደሆነና እያንዳንዱ ሳንቲም በላብ የሚገኝ መሆኑን አውቃለሁ። ስለዚህ ያንን ውድ ገንዘባችሁን በዋጋ ግሽበት ለሚበላው የባንክ አካውንት አሳልፋችሁ አትስጡት። ዛሬውኑ ውሳኔ ወስኑ። በሀገር ቤት ካሉ ታማኝ ሰዎች ጋር ተመካክራችሁ ገንዘባችሁን ወደማይበላሽና ዋጋው ወደማይቀንስ ንብረት ቀይሩት። የዛሬ ድካማችሁ ለነገ ህይወታችሁ መሰረት እንዲሆንላችሁ ከልብ እመኛለሁ።

✏️ወንድማችሁ አቡ ሱፍያን

~
በዚህ ጉዳይ ቤት ለመግዛት ካሰባችሁ የትኛዉም ትንሽዬ ከተማ ቢሆን እንኳን ከመዘጋጃ ቤት ወይም ከከተማ አስተዳደር ህጋዊ ካርታ ከሌለዉ በገበሬ እጅ መግዛት የማይታሰብ ደረጃ ደርሶዋል።ምንም እንኳን ገበሬዉ ህጋዊ ቢሆንም ክህደት ሊፈፅም ይችላል።እንዳትሸወዱ‼️
ከገዛችሁ አይቀር ህጋዊ ካርታ ያለዉ መሆን አለበት። አምነዋለሁ፡ ዘመዴ ነዉ ብላችሁ በፍፁም ካርታ የሌለዉ ወይም የጨረቃ ቤት እንዳትገዙ። ደሞ የማታዉቁት ሰፈር ወይም ከተማ ሄዳችሁ ባትገዙ እመክራለሁ። እዛዉ በተወለዳችሁበት እና በኖራችሁበት ቅርብ ከተማ ግዙ ።

የቢዝነስ ፕላን/ 4 Pages Business Plan
በ4 ገፅ የቢዝነስ ፕላን እንዴት ማዘጋጀት ይቻላል?፦ በቀላሉ ሁሉንም መስፈርት ባሟላ መልኩ የቢዝነስ ፕላን እንዴት ማዘጋጀት እንደሚቻል በምሳሌ በ100ሺ ብር የሚሰራ የምርጥ ቡና ቢዝነስ ፕላን በአማርኛ አዘጋጅቻለሁ እስከመጨረሻው ተመልከቱት፤ ናሙናውን በመጠቀም ወደ የምትፈልጉት ቢዝነስ አይነት መለወጥ እንዲሁም ለሌሎች ማጋራት ትችላላችሁ።
"(እንደ ግዜዉና እንደ ቦታዉ ይለያያል)"
📝Muhammed Computer Technology

ማስታወሻ‼️
~
"የ ፍጡርን ላይክ ሳይሆን የ ፈጣሪን ላይክ ፈልግ ፣ አላህ ላይክ ያረገው በምድርም ላይክ እንዲደረግ ያረገዋልና ፣የቴሌግራም ወሬኛን ኮመንት ሳይሆን የ ዑለሞችን ኮመንት ፈልግ ፣ የኡለሞች ኮመንት ወደ አላህ ለሚወስድህ መንገድ እንደ ባትሪ ያገለግለሀልና፣ የሰው ልጅ ልብ በአላህ ቁጥጥር ስር ነች ፣እንደፈለገ ያገላብጣታል ፣ ዛሬ like ያረገህ ነገ unlike ሊያረግህ ይችላልና ፣ ዛሬ Join አድርግ ብሎ የላከልህ ነገ block ሊያረግህ ይችላልና ።"
👇
t.me/Abu_Osman1
t.me/Abu_Osman1

ብዙ ማዉራት ያስንቃል✅
ስለዚህ ንግግራችሁ ቆጥቡ‼️

በትንሹ ጀምሮ ብዙን የሚወስድ ወጥመድ!

በቅርቡ በማህበራዊ ሚዲያ እና በሌሎች የመገናኛ መንገዶች ላይ እየተበራከተ የመጣ አንድ አደገኛ የማጭበርበር ወጥመድ አለ። ይህ ወጥመድ ብዙዎችን አታልሎ ገንዘባቸውን እየቀማ ይገኛል። መጠንቀቅዎ እጅግ አስፈላጊ ነው!

ወጥመዱ እንዴት ይሰራል?
ይህ የማጭበርበር ዘዴ በጣም ብልህ እና ስነ-ልቦናዊ ነው። እንደሚከተለው ይጀምራል፡

የመጀመሪያው ፡
የማጭበርበሩ ሰለባ ሊሆኑ የሚችሉ ግለሰቦች በመጀመሪያ አነስተኛ ለእቃ ግዚና ሽያጭ ገንዘብ እንዲልኩ ይጠየቃሉ ። ይህንንም የሚያደርጉት እንደ አማዞን (Amazon) ካሉ ታዋቂ የኦንላይን መደብሮች እቃዎችን በመግዛትና መልሶ በመሸጥ ከፍተኛ ትርፍ እንደሚያስገኙ በመግለጽ ነው። ለምሳሌ 500 ብር እንዲልኩ እና ይህን ገንዘብ እንደላኩ ከተባለው በላይ (ለምሳሌ 700 ብር) ይመለስላቸዋል። ይህ እርምጃ ሰለባው በስርዓቱ ላይ እምነት እንዲጥል እና "እውነትም ይሰራል!" ብሎ እንዲያስብ ያደርገዋል።

ሁለተኛው ምዕራፍ የመጀመሪያው ሙከራ ስኬታማ ከሆነ በኋላ፣ የማጭበርበር አድራጊዎቹ  ይበልጥ ትልቅ ገንዘብ እንዲልክ ያበረታቱታል። ይህንን የሚያደርጉት ደግሞ "ገንዘብዎ እንዲጨምር ከፈለጉ የደረጃ ዕድገት (Level Up) ማድረግ አለብዎት" ወይም "ወደተሻለ ግሩፕ (Group) መግባት አለብዎት" በማለት ነው። ለምሳሌ 1000 ብር እንዲልኩ እና 1500 ብር እንደሚመለስላቸው ቃል ይገቡላቸዋል። እዚህ ጋር ግንኙነታቸው እየጠበቀ እና የውሸት የደህንነት ስሜት እየፈጠሩ ይሄዳሉ።

እንዲህ እያደረጉ– ገንዘብ በልተው መሰወር: ሰለባው በስርዓቱ ሙሉ በሙሉ ታምኖ በጣም ትልቅ ገንዘብ ሲልክ – ምናልባትም በሺዎች የሚቆጠሩ ብሮች – አጭበርባሪዎቹ ያለምንም ዱካ ይሰወራሉ። ስልካቸው አይሰራም፣ መልዕክት አይመልሱም፣ እና ገንዘብዎም አይመለስም! ((100,000 እስከ 200,000 የተበሉ ሰዎች እዚዉ ቻናል ላይ አሉ))

~
ይህ የማጭበርበር ዘዴ ዓለም አቀፍ ሲሆን በተለያዩ ቋንቋዎችና አገሮች ውስጥ ይከሰታል።  የማጭበርበሩ ዋና ዓላማ ሰዎች ቀላል ገንዘብ የማግኘት ፍላጎታቸውን ተጠቅሞ ገንዘባቸውን መዝረፍ ነው።

ራስዎን ከዚህ ወጥመድ እንዴት ይጠብቃሉ?

በአጭር ጊዜ ውስጥ ያለ ብዙ ጥረት ከፍተኛ ትርፍ የሚያስገኙ ዕድሎች እምብዛም እውነት አይደሉም። አንድ ነገር እውነት ለመሆን እጅግ በጣም ጥሩ መስሎ ከታየ፣ ምናልባት እውነት ላይሆን ይችላል።

'የእቃ ማሻሻጥ' ወጥመድ: ማንም ሰው ገንዘብዎን አስቀድመው ከፍለው እቃዎችን እንዲሸጡልዎ የሚጠይቅ ከሆነ ጥርጣሬ ያድርብዎ። ህጋዊ የኦንላይን ስራዎች ገንዘብ ሳይሆን ችሎታና ስራ ይፈልጋሉ።

ግፊት እና አስቸኳይነት: ገንዘብዎን በፍጥነት እንዲልኩ የሚገፋፉዎት ወይም "አቅርቦቱ ለጥቂት ጊዜ ብቻ ነው" የሚሉ ከሆነ ጥንቃቄ ያድርጉ። እውነተኛ ኢንቨስትመንቶች ለመወሰን ጊዜ ይሰጣሉ።

'የደረጃ ዕድገት' ወይም 'የግሩፕ ስም' ማታለል: ገንዘብ ከፍለው ወደተሻለ "ደረጃ" ወይም "ግሩፕ" እንዲገቡ የሚጠየቁ ከሆነ ይህ የማጭበርበር ግልጽ ምልክት ነው። ትክክለኛ ስራዎች የሚሸለሙት በብቃት እንጂ በክፍያ አይደለም።

ግልጽ ያልሆኑ ወይም ሚስጥራዊ የገቢ ምንጮች: ገንዘቡ እንዴት እንደሚመጣ ወይም የስራው ሂደት ግልጽ ያልሆነ ከሆነ ጥርጣሬ ሊኖርብዎ ይገባል። "ይሄ የኛ የውስጥ ሚስጥር ነው" የሚሉ አካላት ብዙ ጊዜ ለማጭበርበር ነው።

ከማያውቁት ሰው በድንገት ገንዘብ ለመላክ የሚቀርብልዎ ጥያቄ ካለ ሁልጊዜም እንደ አደጋ ምልክት ይዩት።

ምርምር ያድርጉ! ገንዘብ ከማስተላለፍዎ በፊት ስለ ግለሰቡ ወይም ድርጅቱ በደንብ ያጣሩ። በኢንተርኔት ላይ ስለእነሱ የሚወጡ መረጃዎችን ይፈልጉ።

ይህንን መረጃ ለጓደኞችዎ፣ ለቤተሰብዎ እና ለምታውቋቸው ሰዎች ሁሉ ያካፍሉ። ብዙ ሰዎች በእንደዚህ አይነት ማጭበርበሮች ሰለባ ከመሆናቸው በፊት እንዲያውቁት እና ራሳቸውን እንዲከላከሉ እናግዛቸው።

ቻናሉ ለመቀላቀል👇
t.me/abukiweb
t.me/abukiweb

ሁሉም ያሻው ጋር ደርሶ በመንገዴ ብዘገይም አያሳስበኝም። ሌሎች የሚፈልጉት ስኬት ላይ ሆነው እኔ ገና ራሴን ለማስተካከል እየተውተረተርኩ ብሆንም አያስጨንቀኝም። ህይወት ውድድር አይደለም። የራሴ መንገድ ፣ የራሴ ህልሞች፣ የራሴ እርምጃዎችና እንቅፋቶች አሉኝ።ከሌሎች የተለየ መንገድ ውስጥ ተፈጥሪያለሁ። ይህን እያነሳሁ ያኛውን እየጣልኩ ፣ በዚህ እየወደቅኩ በዚያ እያለፍኩ  መድረስ ባለብኝ ሰዓት እደርሳለሁ። ብቆም ወይም ብዘገይ ከፍቶብኝ ደግሞ አቅጣጫዬን  እንደ አዲስ ብለውጥ እንኳን አያስጨንቅም። ሁሉም ነገር በትክክለኛው ጊዜ ይመጣል።  እኔ እየወደቅኩም እየተነሳሁም እታገላለሁ። አላህ ደግሞ ከሚታገሉት ጋር ነው።  
ለነህዲየነሁም ሱቡለና!!
t.me/abdu_rheman_aman

ሰዉ እንደቤቱ እንጂ እንደ ጎበረቤቱ አይኖርም ይባላል✅✅

ብዙ ግዜ ሰዎች ማወቅ እና መማር ይፈልጋሉ ግን ለምንድነዉ ረጃጅም ቪድዮዎችና ደርሶች የሚሰለቹት??

ከዛ ደግሞ የሚገርመዉ ሞክሬ ነበር አልሆነልኝም ሲሉ ይሰማሉ‼️ድንቄም!!

ወደድንም ጠላንም ለማወቅ ጉጉቱ እስካለን ድረስ ረጃጅም ቪድዮዎች/ሙሀደራዎች ማየት ና ማዳመጥ መልመድ አለብን።ካልሆነ ግን ቀኑ ሙሉ Scroll እያደረጉ ግዜ ማባከን ነዉ የሚሆነዉ።

ለእዉቀት ትዕግስት ግድ ነዉ!!
@abukiweb

እንደ Upwork ,Linkedin … ባሉ ፕላትፎርሞች አንድ የተረጋገጠ ነገር አለ እሱም በሺዎች የሚቆጠሩ ስራዎች በየቀኑ ማስታወቂያ ይወጣል! ስራ ፈላጊዎች ግን በሚልየን የሚቆጠሩ ግለሰቦችና ቡድኖች/ድርጅቶች  ናቸዉ።

በአለም ዙርያ በሚልየን የሚቆጠሩና በጣም ልምድ ያላቸዉ ፣ በደንብ ሰርተዉ የሚያውቁ አመልካቾች ናቸዉ ወደዛ ፕላትፎርም የሚሄዱት ኢትዮጵያ ዉስጥ አሉ የምንላቸዉ ድርጅቶች እራሱ ከነዚህ እና መሰል ፕላትፎርሞች ነዉ የሚሰሩት።

እና
እኛ ጀማሪ ሆነን  የስራ  ማስታወቂያ የሚለጠፍባቸዉ ፕላትፎርሞች ስንሄድ  ግፊያዉ በጣም ከባድ ነዉ።" ባህር ዉስጥ ገብተን እንዳሰብነዉ ዋኝተን  ላንወጣ እንችላለን ምክንያቱም ባህሩ በትላልቅ አሳዎች ስለተሞላ።"

ስለዚህ አቅማችን በደንብ አጎልብተን ነዉ ወደነዚህ ፕላትፎርሞች መሄድ ያለብን ባይ ነኝ።
ከነዚህ በሚለይን  የሚቆጠሩ ስራ ፈላጊዎች ዉስጥ  ቋንቋ አቀላጥፎ የሚናገሩ የብዙ አመት ልምድ ያላቸዉ ናቸዉ ከነሱ ጋር ለመወዳደር ደሞ ትዕግስት አርገን ጡንቻችን ማፈርጠም አለብን።

ጠንከር በሉ ለማለት ነዉ ከሌሎች ተወዳዳሪዎች ለመሻል በደንብ እንማር ነዉ መልዕክቴ! በዩትዩብ፣በAi እና በዶክመኖቴሽኖች ታግዘን ብቁ ባለሙያ እስከምንሆን ታግሰን እንማር!እንጣር!
~
በፍፁም ተስፋ እንዳትቆርጡ ለማለት ነዉ በየዘርፋችሁ!!
@abukiweb

በጣም እየተስፋፋ ያለዉ የCBE ባንክ የማጭበርበሪያ  ዘዴ በጣም ጥንቄቄ ያስፈልጋል።አጭበርባሪዎች በተለያየ ዘዴ ማጭበርበሩ ቀጥለዋል‼️ ተጠንቀቁ ባጭሩ ከባንክ ቤት ነዉ የምንደዉለዉ የሚሉዋችሁ ሰዎች አትመኑ።

ያላወቁ አሳዉቁ(ሼር)✅
~
(Audio from Temkin Record
✅)

ቻናሉ ለመቀላቀል
t.me/abukiweb
t.me/abukiweb