Діни блог һәм продюсерлік орталық

Елімізде сапалы видеоконтент ұсынатын діндар блогерлер, мемлекеттік қызметтен тыс жас ұстаздар мен қарымды қаламгерлер қарасы көбейді. Құдайға шүкір дейміз. Дегенмен оларға жүйелі түрде жағдай жасап беретін «продюсерлік орталықтар» аса қажет деп ойлаймын.

Дұрыс идеология тарататын инфлюэнсерлер шынымен де көп. Бірақ олардың басым бөлігі күнкөріс қамымен басқа істерге көңіл бөлуге мұқтаж болып отыр. Сол үшін ең болмағанда ай сайын тұрақты түрде минималды жалақы беріп отыратын продюсерлер керек-ақ.

Ол үшін продюсер адал кәсіппен айналысушы тұлғалармен келісе отырып, тауарларына жарнама жасау, қызметкерлеріне діни консультация беру опциясын қарастыру керек. Өзара діни контент жүргізетін коммъюнити құруға да тырысу қажет. Белгілі бір уақытта бәрінің басын қосып, семинарлар өткізу, танымдық ақпараттар беріп отыру деген секілді істерді неге жасамасқа? Соны жасау керек…

Қаңтар айы басталғалы 4 кітап, 2 ғылыми зерттеу, 5 ғылыми мақала оқыдым.

Жылдың басы жақсы басталды. Енді тек тұрақтылық керек.

(әр ғылыми зерттеу кемі 150 бет)

КЛЕРИКАЛДЫ МЕМЛЕКЕТ

Бұл тұрпатта мемлекет дінді басқарады һәм белгілі-бір дінге қолдау көрсетеді. Бұл жүйеде мемлекет халықтың басым көпшілігі нанатын дінге қолдау көрсетіп, бір дінге құқықтық тұрғыдан артықшылық беріп, бұл дінге қайшы келетін өзге сенімдердің насихатталуына жол бермейді. Төл тарихымыздағы «Жеті жарғы» заңында ислам дініне ресми қолдау білдіріп, өзге діндерге өткендерді ру мүшесі мәртебесінен айыру жазасы болған. Бұл хандық дәуірде біздің еліміздің осы клерикальді сипатты ұстанғанын көрсетеді.

📜Мемлекет және дін арақатынасы: Қазақстандық модель; 29-30 бет

"ЗАЙЫРЛЫ" СӨЗІ

Бүгінгі күні біз қолданып жүрген "зайырлы" термині орыс тіліндегі "светский" сөзінің аудармасы болып табылады. Бұл сөз араб тіліндегі "әз-зәһир" сөзінен шығады. "Зайырлы" сөзі біздің тілімізде "анық", "көрнекі", "белгілі" деген мағыналарды білдіреді.

📜Мемлекет және дін арақатынасы: Қазақстандық модель; 38 бет

Жұма мүбарак болсын!

Тахауи ақидасына заманымызда жазылған ауқымды түсіндірмелердің бірі.

Авторы — ОАР Даруль-ильм Закария ілім ордасының директоры Мүфти Рида әл-Хақ.

Қазіргі қоғамның беті

Көркем мінез жайлы сөз айтатындардың көбі бастарынан бір сөз асыра алмайды✅

Тақуалық жайлы сөз айтатындардың көбі сүннет намаздарын үзірсіз оқымай қоя салады✅

Дүниеге қызықпаңдар деп уағыз айтатындардың көбі ақша үшін өз әріптесін жұмыстан кетіруге дайын✅

Тоқал жайлы сөз айтатындардың көбінде бір ғана әйел✅

Білім алу парыз дейтіндердің көбі әрбір мұсылман білуі тиіс (ғилмул хәл) болған ілімнің өзін білмейді✅

автобуста жарым адам сияқты күліп отырмын. себебі мына жазбаны оқыдым😂

ҚР Қылмыстық Кодексi
174-бап.

Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру

1. Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыруға, азаматтардың ұлттық ар-намысы мен қадiр-қасиетiн не дiни сезiмдерiн қорлауға бағытталған қасақана әрекеттер, сол сияқты азаматтардың дiнге көзқарасы, тектiк-топтық, ұлттық, рулық немесе нәсiлдiк қатыстылығы белгiлерi бойынша олардың айрықшалығын, артықшылығын не толыққанды еместігін насихаттау, егер бұл іс-әрекеттер жария немесе бұқаралық ақпарат құралдарын, телекоммуникация желілерін және онлайн-платформаларды пайдалана отырып, сол сияқты әлеуметтiк, ұлттық, рулық, нәсiлдiк, тектік-топтық немесе дiни алауыздықты насихаттайтын әдебиетті немесе өзге де ақпарат жеткiзгiштердi дайындау немесе тарату жолымен жасалса, – екі мыңнан жеті мыңға дейінгі айлық есептік көрсеткіш мөлшеріндегі айыппұл салуға не екі жылдан жеті жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланады.

➖➖➖

Ғаламторда Ислам діні туралы аузына келгенді оттайтындарға қатысты)

Тек ғаламтор емес, көшеде де хиджаб туралы балағат сөздер айтатындар болса, осы баптың аясында қаралады.

Былайша айтқанда, діни сезімді қорлау заң аясында қараластырылуы тиіс.

Телеграмда кең таралған ұрлық — пост ұрлау)

Ағайын, дұға етіп қойыңыз.🙂

Хамикошке сынақ келіп қалып жатыр

Алланы еске алмайтын бос сөздерді азайтыңдар. Себебі, Алла еске алынбаған, зікір етілмеген бос сөз жүректі қатайтады. Әрі адамдардың арасында Алладан ең алысы — жүрегі қатты адам.

Сахаба Абдулла ибн Омар رضي الله عنه

Имам Әбу Ханифаның (رحمه الله) сеніміне қарсы келетін сенім — адасу.

Имам Зәһид әл-Кәусари (رحمه الله)

Жұмыста тұрған қазынамыз.

Тура жолдың имамы атанған Әбу Мансур әл-Матуридидің (رحمه الله) "Тәуиләту әһли әс-сунна" атты тәпсір еңбегі.

Бұл баспа 10 томдық түрі.

Одан басқа, Стамбул қаласындағы зерттеушілердің шығарған түрі бар.

Кейде уағызда "Пәленше ғалым не деген?" деп айтып жатады ғой. Сонда ішімнен "тәжуидін білмейтін жамағат ғалым түгіл ғалымның не айтқанын қайдан білсін" деп ойлап қоямын...

نصيبك في حياتك من حبيب
نصيبك في منامك من خيال

Шейх Саид Камалидің (حفظه الله) дәрісінен

Қысқаша айтқанда, бұл дүниедегі біреуге деген махаббатың, жақсы көруін құдды түсіңдегі сағым, елес секілді.

Бұл дүниеде бауырыңды, досыңды, жұбайыңды жақсы көресің. Оларға деген махаббат болады. Бірақ, ол махаббат түс секілді. Түсіңде қаншама ғажап нәрселерді көргеніңмен, оянған сәтте ол түстің ақиқат еместігін білесің.

📜Мемлекет және дін арақатынасы: Қазақстандық модель

👤Бауыржан Есмахан, Мұхан Исахан.

Ұстаз Олжас Бейсенәлі айтқандай, бұл кітапты әр дін маманы (теолог, имам) оқу керек.

Себебі бұл кітапта ҚР-ның діни ұстанымы, зайырлылық түсінік, зайырлылықтың Қазақстандық нұсқасы, діни заңнамалардың өзгеру кезеңдері, мемлекеттің тәуелсіздік алған уақытта діни сенім бостандығына қатысты жіберген қателіктері мен оны түзету жолдары туралы нақты ақпараттар бар.