مرحـووووم ياريس الامجـاد
يا قالب الطيب واطـيب قلب
يــا قـائـد الـزحـف يـا سـجـاد
يابئـس فـاق الـحديـد الـصلـب
ثـااااااارك حــمـم نارهـا وقــاد
تسلب من الخصم روحه سلّب
يـهـنـالـك الـخـلــد يـا صـمـاد
و الويـل للكـلب و ابـن الكـلـب

#عبدالكريم_مقبل
#إتحاد_الشعراء_والمنشدين

https://t.me/aboyahyaalshami

من قصيدة العيد

عيدك مع الله في جبهاتك اعيادك
ياأطهر الخلق في أطـهر ميادينـه

الاجـر و الـعز و الـتـئـيـيدعـوادك
ياحامي الـدين ذي باقي عل دينه

لله درك ودر الـحر ذي قـادك
عبدالملك ربنا يحميه ويعينه

والحريه ثوب عزة زين بلادك
لاعاده الله خاين شوه الزينه

لاتحسب المرتزق من ضمن تعدادك
حدالسيوف الصوارم لينك وبينه

#عبدالكريم_مقبل
#اعيادنا_جبهاتنا
#إتحاد_الشعراء_والمنشدين

https://t.me/aboyahyaalshami

اصرخ بوجه الكفر يامومن
مامومن الا من صرخ صرخه

ترعدشياطين انسها والجن
ودوخ امريكا مية دوخه

صرخه من القران تنبع من
ينبوع صافي ضخ ماضخه

صرخه تبين كل متصهين
وتنضف اثار العدا الوسخه

ادت الى خول وقلق مزمن
سوت بروس اعدائنا شرخه

من وقعها اسرائيل تتمسكن
والنسر الامريكي رجع فرخه

اما التحالف ذي بعصفه حن
ا عصارنا باينفخه نفخه

#عبدالكريم_مقبل
#الذكرى_السنوية_للصرخة 1443هـ
#إتحاد_الشعراء_والمنشدين

https://t.me/aboyahyaalshami

تابع المجاراة عن تواجد القوات الامريكية في حضرموت عدوان واحتلال وانتهاك للسيادة اليمنية .

البداية للشاعر #بسام_شانع

الموت لامريكا على ساطيلها
محظور يا بحر المكلا حظر موت

الموت لامريكا ولاسرائيلها
بغتة وسكتة قلبية في كل صوت

تبت اياديها وجت باارجيلها
يا البيت الابيض لا نجونا ان نجوت

#ابوصالح_العملسي

لابد ماترحل وتسحب ذيلها
في السهل جند الله وتحت البحر حوت

بايلتهم قواتها ويزيلها
وينسف اصحاب المشالح والبشوت

ماحيلها في شعبنا ماحيلها
وبشر النجم السداسي بالخفوت

#عبدالله_محسن_جحاف

شعب اليمن قادر على ترحيلها
لاتفتكر إن المواني زرط حوت

بقوة المولى العلي انشيلها
على يد الأنصار هيبتها تموت

من حضنا جتنا إلى تنكيلها
من بين أيدينا أمانه ماتفوت

#الشاعر_فارس_الجعدالي

الموت لامريك والتحالف ذيلها
والموت لسرائيل وذي عاده سكوت

ومن في الداخل يشارك ميَلهاّ
قل له علينا العار لو نرجع فتوت

في حضرموت اوفي عدن بنجيلها
لو تختفي في البحر وتتحول لحوت

#حسين_شرويد

اليوم من ارضي وجب ترحيلها
لا عاد تستعجل قضيناها تموت

الجيش متأهب وغد نجي لها
وعروضنا ما هي فقط صوره وصوت

لا دقت الساعه جرس تحويلها
لا قاع صفصف كلها ترجع خبوت

#عبدالكريم_مقبل

هذه هي امريكا وهذا ذيلها
وذا مخططها وضح صوره وصوت

رخيلها ياجيشنا رخيلها
ياسيدي بلله خليها تفوت

الموت لمريكا بدا تفعيلها
وكل من يحيي املها بايموت

#ابوعبدالله_صالح_عنبل

اهل العمالات احذيه بأرجيلها
بهم تدوس الشعب واحيانا" تشوت

من تابعو توراتها و انجيلعا
ما يربطه بارضه سوى معوز و كوت

من لجل يتحايل على برميلها
وخان عيش الزاد في مقلأ الشفوت

#بندر_السقاف

الهيمنه طاحت وولأ جيلها
وطاحو اصحاب السمو واهل البشوت

الكل متلهف على تنكيلها
قوم الحميه والجرامل والمروت

الى جهنم جاهزين انحيلها
حرام مانترك لهم لحظه تفوت

#صالح_حسين

لابد ماترحل وآخر جيلها
الخزي باينحت محياها نحوت

باترحل امريكا ويقطع ذيلها
وماعاد باتلقى السعوديه شفوت!!

عند اليمن باينتهي تهويلها
من بعدما نقضي على حلف البشوت

#أبوالكرار_المجنحي

بانسحق أمريكا ونسحق ذيلها
لا يحسبونا من فعايلهم سكوت

قواتنا المستحدثه تفعيلها
يجتث لمريكي معا أصحاب البشوت

هاذا اليمن وتفهمو تحليلها
من جا لها غازي دفن وسط الخبوت

#ابويحيى_القهدة

استكملت قواتنا تشكيلها
ما باقي الا ان اليهوديه تموت

لا عد تجي با نقتحم ونجي لها
ولى زمان الخوف منها والسكوت

مسكين من قد خاف من تطبيلها
والواقع انها اوهن من اوهن عنكبوت

#ابوحنشل_قاريه

إنا فتحنا لك وجب ترتيلها
الفتح يوم الفتح الاكبر حضرموت

كل المناطق باتدفق سيلها
نحو الحضارم تجعل امريكا شفوت

هيهات هاذا المعركه تأجيلها
والأمركه نصرف لها أخــــر كروت

#مناع_شريم

اليوم امريكاء انتهي موديلها
الله اكبر فوقها يا كل صوت

والشر اسرائيل قريب نزيلها
حرام لا ندي ابتهن شوت شوت

هناء المسيره واليمن وصميلها
والحلف قرحنا ابوه اليوم اوت

#أبوحسين_العصري

عهدآ علينا يا وطن ترحيلها
ما دام جتنا يا تغادر أو تموت

من بعدما قص اليماني ذيلها
وشطط المشلح تبعها والبشوت

جتنا ولكن يا سواده ليلها
من قوم تشرب دمها كنه فروت

#شهاب_المتوكل

قولوا لأمريكا قسم ماحيلها
تحتل سنتيمتر داخل حضرموت

قواتها ذي دخلت جايي لها
كمن مقحقح حر يقلبها شفوت

من جندربي ذي تدفق سيلها
ذي للسواحل باتحرر والخبوت

#ابوعبدالله_صالح_عنبل

اهل العمالات احذيه بأرجيلها
بهم تدوس الشعب واحيانا" تشوت

من تابعو توراتها و انجيلها
ما يربطه بارضه سوى معوز و كوت

من لجل يتحايل على برميلها
وخان عيش الزاد في مقلأ الشفوت

#الشاعر_علي_الوزير

جاب الـلـه امريـكا قبـل نغـزي لـهـا
لنه يريـدانـهـا علـى ايـديـنـا تمـوت

ومـادام واحنـا قـد قـطـعنـا ذيلـهـا
راس الاذى بانقطعه في حضرموت

لا انصار ابو جبريل شـدت حيلـها
اخر خـبرللامـركة في احرو نـوت

#حسين_الدهمس

قولوا لها ترحل وتعطف ذيلها
وإلا قسم بالله لاترجع فتوت

لاعد تجي حنا الذي نأتي لها
اما تموت الامركة وإلا نموت

هذا اليمن ماحد يوقّف سيلها
تنظر لامريكاكبيت العنكبوت

#محمد_الروضي

لعنه على ذي تبع ترتيلها
صلى على المحراب لابد ماتموت

حنا لها قطاع طرق دربيلها
وحنا لها ميج الطواري بالخبوت

دمنا ودام الله نقلع تضليلها
لعنه على منهو دراها بالصموت

#جميل_الجنيد

ما حصلت أمريك من يحكي لها!
أن اليمن تصرخ لأمريكا تموت

وأن اليمن بالله شدّت حيلها
وما ترتضي عيش المذلة والسكوت

باتدعس أمريكا وتقطع ذيلها
ما دامها صبت على النار الزيوت

#ابتسام_شرف_المحطوري

مادام فينا عرق ينبض ...ويلها
من شب نار الحرب نكرفها زيوت

فجر المسيــره بايشتت ليلها
والبيت الابيض يقتسم عدت بيوت

#إتحاد_الشعراء_والمنشدين

https://t.me/aboyahyaalshami

يامن عرضت الويل واهوالها .عرض
احرق قلوب اعدا على ا لنار تعرض

ياجيش هز الارض بالطول والعرض
من طولها انت اطول ومن عرضها اعرض

قد العدو افلس ودور مية قرض
وعاداليمن في الصنع طول وعرض

ياسيدي عافاك.يا سيد الارض
شكل العدو للعافيه ماتقرض

ابشر بنا نكرض ابو حلفهم كرض
مادام واصل في حصاره وكرض

والنصر للاسلام بانفرضه فرض
والموت لسرائيل واجب ويفرض


#عبدالكريم_مقبل

#مونتاج
#فديو_DH
#زامل
《 دروب العز 》
‏ •••••••••••••••
☆ أداء | #عيسى_الليث
☆ كلمات| #عبدالكريم_مقبل
‏ •••••••••••••••
#وحدة_الإنتاج_الفني
https://t.me/ArtProductionUnit

مونتاج زامل #دروب_العز
اداء| #عيسى_الليث
كلمات / #عبدالكريم_مقبل
#وحدة_الانتاج_الفني الاعلام الحربي

تابع المجاراة الثانية عن (العرس الجماعي الثالث الذي ترعاه الهيئة العامة للزكاة لاكثر من عشرة آلاف عريس وعروس)..!!

البداية #ضيف_الله_سلمان

الايمان في شعب اليمن جسّده عطاه
وقوّة نسيج المجتمع في تكافله..

على منهج القران واعلامه الهداة
نفرنا جميعا كلن ابدى تفاعله..

قيادة حكيمة اسست(هيئة الزكاة)
مشاريعها صدّت مشاريع باطله..!!

#الشاعر_امين_الحارثي

وصلنا بآل البيت لامرفأ النجاه
بدرب الكرامه قافله بعد قافله

جعلنا ترابك يايمن قبر للغزاه
بقوة الهي والرجال المقاتله

بصدق الولاء ذي خطه الشعب من دماه
قلبنا موازين القوى والمعادله

#الشاعر_عزيز_الردماني.

وهذا التكافل يشهد الله من سماه.
وشعب اليمن تشهد وتشهد قبايله.

بأنه لوجه الله وحده ولا سواه.
بتوجيه ذي برهان قوله فعايله.

ومبروك للعرسان بالسعد والرفاه.
وعاشت قياده صادقه فـ المعامله.

#محمد_هزاع_البهلولي

دعوناه ذي يسمع لعبده إذا دعاه
عظيم الرجاء المعبود ما خاب سائله

رحمنا بهذا القائد الحر واصطفاه
على منهج القرآن والناس غافله

ولولاه بعد الله ما قامت الزكاة-
وكانت من اول جر منه وناوله .

#مانع_البوساني

بحِسن التولِِّي. كل شي با يصل مداه
من الخير.. والاحسان ماشي يماثلِه

وشعب اليمن. شمَّر علئ العزم وابتداه
وقاتَل بهِمَّه عاليه. ذي يقاتلِه

ثبتنا بقوَّه والوطن كُلنا فِداه
ومشوارنا في كل جبهه نواصلِه

#مروان_الشماع

بلاد اليمن تفرح ويتجهم الغزاة
إذا قارنوها في نتاج المعادلة

بغبة سنين القحط باندفع الزكاة
لعدة مصارف نصنع أهداف كاملة

نحصن شباب الشعب نهدي لهم حياة
ونبني وطن ميمون يحمي مفاصله

#ابوسياف_البيحاني

قياده حكيمه تعبد الله لا سواه
برؤية صحيحة للخلايق وعادله

يمنا المبارك فعل الصوم والصلاه
واداء زكاته قافله بعد قافله

متى مارجع الايمان باترجع الحياه
وتنزل من الرحمن رحمات واصله

#عبدالله_حسين_مسعود

ثمار المسيره أثمرة (هيئة الزكاة)
وايامها بالخير والجود حافله

تبرهن مواقفها في الواقع الاباه
بنور الهدى والحق وارقا معامله

فمن منهج القران با نعرف الحياة
وعيشه بلا قرآن لاشك فاشله

#ابوصالح_العملسي

لواء الحق ابوجبريل والشعب في لواه
تحـــزم هدى القران فاصــعب مراحله

بهـــيئة تطــبق سنــة الله في الحــياه
من الـــفرد يتـــكــون مع الوقت عايله

نفــضـنا غبار الـــفـــقــر برعـاية الزكاة
وذا الحرب بين الحق والشرك فاصله

#ماجد_المطري

تحيه من الأعمـــاق والقلب والشفـــــاه
صداهــــــــا يدوِّي في يمنــَّــا بكاملــــه

الى السيـــِّـد القايـــد مع هيئــــة الزكاه
ذي آثارهـــم في كل ميــــــدان ماثلـــه

بتحصيـن للشبـَّــان تكتب به النجــــــاه
من الناعمــــه والإنحرافــــات كاملـــــه

#ابو_ميثم_الزراع

هو الله ذي هيئ لنا شخص واصطفاه
قيادة وحبة فرض ماهو بنافلة

ومن خير ما أسس لنا هيئة الزكاة
اذي حلحلت للشعب اصعب مشاكلة

ولاهي اكتفت بالوعظ والذكر والصلاة
ولاميزّت رجال واقصت قبايلة

#عبدالكريم_مقبل

هدا الله يصلح واقع الناس في الحياه
وشعبي تفوق في المجالات كامله

صنع في خلال اعوام ذي ماصنع سواه
ورغم الحصار الجور قدم قوافله

وهذا بفضل الله واعلامنا الهدا
ومن باع من ربي ولاعاد راجله

#الشاعر_عيسى_الهروجي

الإيمان في شعب اليمن حقق انتماه
بمعنى صحيح القول من لسن قائله

بفضل الرجال الباسله حاميه حماه
مع الله ياحيا الاسود المقاتله

بروح التكافل والتراحم بذل دماه
بجود العطاء والتضحيه من يماثله

#شهاب _المتوكل

وحيا بشعب العز حياالذي بزاه
ولله دره دون اية مجامله

يضحي على ارضه ويرخص لها دماه
ويحمي من الغازين حده وساحله

ويبني ويتكافل ويبذل الى الزكاه
زكاته وهي تصنع بها افعال هايله

#مجيب_مقبنة

الاحسان في كل البلد لامَسَت مداه
وأثبت صنيع المحترم في تواصله

مسيرة على القرآن و البذل والزكاه
وأبناءها تسمو بحسن المعامله

ويخرج زكاة النفس والفطر في غِناه
وفي عرسِ هيئتنا أتم المعادله

#الشاعر_ابوحيدر_الحداد

بعلمه وابيمانه كسر شوكت الطغاه
وصخر مع الرحمن كامل قوافله

تعلى على كل الامم واعتلى علاه
بروح التولي في مسيرة مراحله

عليكم سلام الله ياهيئة الزكاة
من الشعب الايماني وكامل جحافله

#أبوفايد_علي_أبوشوصاء

مضينا مع اللْه ربنا الباري الإله
وخضنا المنايا والميادين شاعله

نخوض الوغى داخل وخارج وفي سماه
ونقلب لساح الحرب عاليه سافله

على الناعمه ياموت حوم مدى الحياه
هُنا شعب حكمه بل وإيمان كامله

#الشاعر_عمر_الأهدل

تحية اجلال منا لكم يا هيئة الزكاة
ونخص ابو نشطان ونشكر تفاعله

ومشكور من نسق وساهم. مع الرعاه
ومبروك يلعرسان من الشعب كامله

وحصن شباب الشعب بتحقيق كل مناه
وصفعه صفع الاعدا بضربات شامله

#إتحاد_الشعراء_والمنشدين

https://t.me/aboyahyaalshami

تابع المجاراة عن التواجد الامريكي والبريطاني في المهرة.

البداية #عبدالله_المسعدي

يا(قيصر)العصر يا(كسرئ)
شعب الكرامة نفد صبرة

واكــــــبادنا للقاء حـــــرّئ
واقلوبنا اقسئ من الصخرة

لن تنفع القـــــــــوة الكبرئ
كلا ولن تغنـــــــي الكثرة

وعــزة(الكهـف) و(الإســراء)
لاتهمـروا دخــــلة (المـهرة)

#عبدالكريم_مقبل

من ماجرا بل ومايجرا
قد كل شي بان ياخبره

ذي ماقرا امس بايقرا
بايعرف اليوم او بكره

في موطن الجنه الخضرا
مال للمريكي سوا قبره

لولا الخون كان ماتجرا
غازي يدنس ثرا شطره

لاالحرب ضاري فحنا اضرا
من شط ميدي الى المهره

واحنا نمر ساعة المهرا
لو تجتمع له مية هره

#الشاعر_ماجد_عبدالله_القادري

بالفاتحه نون والشورى
شعب اليمن لانفذ صبره

ياحوف يابلسم الخضرى
صنعاء اذا قد نفذ أمره

باتطرد الغزو والذمرى
يامهره العز والشهره

لو الجبال تنهدم صحرى
دفن الغزاة داخل الحفره

#عبدالقوي_البطل

في برنا اهوال والبحرا
تجعل قوى الحلف في حسرة

ومكايد الغزو والمكرا
تذبح قوى ابليس من نحرة

لو يبلغوا كوكب الشعرى
بلادنا طعمها مرة

والليل والشفع والوترا
مااهتز من غزوهم شعرة

#أبوصخر_الجوحمي

الشعب فالسلم والضراء
مع العلم. نمتثل أمره

وجه بنا. البحر والبرا
ونطرد الكفر لا وكره

لايمكن ان نرتضي الكفرا
يعبث بسيئون والمهره

ندحر جميع القوى دحرا
ومن غزانا أتى قبره

#حامد_النمري

اليل لاعود المسرى
الشاص نركب على ظهره

متعود العسر واليسرى
ياكسر ظهر العدو كسره

لاتكاشم البغم والمجرى
والله ماتنقذه حفره

ماعاد شارد ولااسرى
ماغير ميت حفر قبره

#الكرار_المشراقي

ارض اليمن نارهاحمراء
للمعتدي مثلما الجمره

ماطاغيه عنها تجراء
الا ودكته في نحره

ذي ماقراء عنها يقرا
من قبل ماتجعله عبره

قل للمريكان تتحرا
احذر تصدق لك الخبره

احتل لك في بلد اخرا
وشوف لك غيرهامهره

#يعقوب_الخمري

ازحف بقواتك (الكبرى)
ولف جيشك إلى (المهرة) .

وضُم جنبك من (إتجرى)
يغزي يمنَّا على (الجمره ) .

فالله قد حدد (المسرى)
وعزّ (الإسلام) في نصره .

لا ما أخذنا حقّنا (الأسرى)
وحق ذي ما (ألتئم) كُسره .

#ابراهيم_يحيى_المثنى

ماهو تجرَّا ولا استمـــرى
يا مسعدي داخل الــمهره

لو لا الخــون واهلها أدرى
شعب اليمن ماخرج بطره

لا سامحه الله ولايبـــــرى
من باع من رمـــــــلها ذره

احنا اليمن من جهل يقـرا
انصار في ساعة العــسره

#ابوهادي_صيفان

جيش اليمن يدعس الغدرى
من قايده منتظر امره

يطهر الارض والبحرى
وكل غازي حفر قبره

مايقبل الضيم والقهرى
وقلوبنا اقوى من الصخره

#إتحاد_الشعراء_والمنشدين

https://t.me/aboyahyaalshami

شهر الصيام اقبل وحل الخير كله يوم حل
والبدر نوره هل والدنيا سلام في سلام

والعزم فينا فل والايمان والحكمه دبل
وابليس يتكبل وتتكبل مشاريع الضلام

الشل ياهل الشل هذا عامنا التاسع دخل
قولو لحلف ابن ال. قسم لو نحترب مليون عام

#عبدالكريم_مقبل

🎞 زامل الوحدة خيرنا
اداء #عيسى_الليث 1444هـ
كلمات #عبدالكريم_مقبل
وحدة الإنتاج الفني | #الإعلام_الحربي
العيد 33 للوحدة اليمنية

https://t.me/aboyahyaalshami

🎼 #زامل (( ليث المعارك ))
ـhttps://youtu.be/f5k4uRWUPS4

• أداء | #أبو_البتول_الجرادي
• كلمات | #عبدالكريم_مقبل
••• دعواتكم للمجاهدين

؛•••••••••••••••••••
#زوامل_أنصارالله_القناة_الرسمية 
#تنفيذ_إتحاد_الشعراء_والمنشدين
🔰 https://T.me/zawamlAnsarAlllah

يامن عرضت الويل واهوالها  .عرض
احرق قلوب اعدا على ا لنار تعرض

ياجيش هز الارض بالطول والعرض
من طولها انت اطول ومن عرضها اعرض

قد العدو افلس ودور مية قرض
وابن اليمن في الصنع طول وعرض

ياسيدي   عافاك.يا سيد الارض
شكل العدو للعافيه ماتقرض

ابشر بنا نكرض ابو حلفهم كرض
مادام واصل في حصاره وكرض

الموت لسرائيل بانفرضه فرض
واللنصر للأسلام واجب ويفرض

#عبدالكريم_مقبل

تباها يا رسول اللّه بمـن في حبك اتباها
يمنا موطن انصارك يئكد لك على ذالك

فهذا صوتها الرجاج يا لبيه يا طه
ورجه فعلها الضجاج يهلك خصم متهالك

بذكرا مولدك نحيا وحياالله من احياها
يمنا فجر ميلادك يمزق ليلها الحالك

سواها اعراب تتباها بشر الخلق واسوأها
ولاغير اليمن يسلك مسالك نهجك السالك

مسيرة حق  بسم الله مجراها ومرساها
سفينه من ركب فيها نجا يا العالم الهالك


دول ماعد درينا منهو اسفلها من اعلاها
ممالك مادرينا منهو المملوك والمالك

رئيس الريس امريكا تعين حسب ماشاها
وصهيون الملك فوق الملك ماحد يقل مالك

#عبدالكريم_مقبل

يتقدم إتحاد الشعراء و المنشدين بأحر التعازي و أصدق المواساة الى الشاعر #عبدالكريم_مقبل وذلك في وفاة المغفور له بإذن الله تعالى والده سائلين الله تعالى ان يتغمده بواسع رحمته و ان يلهم أهله و ذويه الصبر و السلوان
و إنا لله و إنا إليه راجعون.

عنهم / رئيس الإتحاد
أ #ضيف_الله_سلمان

البحر الاحمر صار تحت المجهر
والفحص جاري للمحيط الهندي

غدة بني صهيون ثالوث الشر
في اليم لن يعبر وباها المعدي

والقائد المختص حذر وانذر
وقال من عيا علاجه عندي

لن ننكسر لاما حصاره يكسر
أ. نشد مادام اليهودي شدي

مادام دم احرار غزه يهدر
ماعاد باناخذ معه او ندي

خط الملاحه من..الى..خط احمر
يامن تعدا لاجهنم عدي

وضع التصدي للهجوم استنفر
يالامركه في وضعك المتصدي

صكع البوارج والسفن يتكرر
ردي علينا لااستطعتي ردي

من باتحيد يامحيد يا اعدر
يبن اليهودي. شلها من يدي

بالكف صكع الصكع بايمن وايسر
لامايدور العالم المتحدي

شوف العدو والوضع كيف اتغير
والصهينه في وضعها المتردي

في اليم كانت يمنا تتبختر
ترفع علمها تعتدي وتعدي

واليوم باعلام الدول تتنكر
مترقبه خيفه متى بانبدي

واحنا النماره لا العدو اتنمر
نعدي على العادي ولانستعدي

فينا عزايم قاهره لا تقهر
لويحشد العالم بكله ضدي

قل للقوا الكبرا عد الله اكبر
والبدر قائدنا مع الله جندي

واحنا جنوده سيدي لا أشر
رهن الاشاره. تحت امرك سيدي

ياعضم علم واعز واغلا واطهر
ا. وخير هادي في مناره تهدي

هذا حفيد المصطفى بن حيدر
عبدالملك تفداه فلذة كبدي

حيدر مع عشرين مليون اشتر
ياقدس لبيييه ابشري واشتدي

ياوعد بلفور .البدا. وعد اغبر
يقضي على حلم اليهود الوردي

محور رجال الله حيث اتمحور
لن يحرفه ذيل العدا المستعدي

ياسايق الكفر الكفر قد بنشر
والتعبيه يانجد ماعد تجدي

خل العساره قبلكم قرن اعسر
وش عد معك ياحلف لنذال ادي

مايتبع النذل الحقير الا حقر
ياهل العماله في الطريق المودي

مارعد على غزه على الكل امطر
ياامتي شلي معانا وادي

والموت لمريكا ولاجاكم شر
فستعجلي يالأمركه او هدي

فالموت لسرايل نجمه. يضهر
وشعاره الرعاد برقه صعدي

تطبيق نصه لا اقل ولا اكثر
والكل يستوعب ويفهم قصدي

ياعالم ادور بعد دجال اعور
هذا بياني قلت لك ماعندي

#عبدالكريم_مقبل

زامل | الوحدة خيارنا
https://youtu.be/-Hh9b3TXIsI
https://www.mmy.ye/271717
☆ أداء | #عيسى_الليث
☆ كلمات | #عبدالكريم_مقبل
‏ •••••••••••••••
خيارنا الوحدة
خيار الشعب كلمه واحدة
خيار مابعده
معمد بالدماء جف المداد

شعبي على عهده
وارضي واحده متوحدة
وحده ومن وده
في التشطير ويله ويل عاد

صنعاء , عدن , صعده
تقارب في الخطى المتباعده
بانحزم العده
بوجه الغزو ونعد العتاد

نجران بارده
وبارد الجنوب الشارده
والخصم بانفتك من قيده
ونصليه الوقاد

أرض اليمن حده
الى الركن اليماني حدده
حده الى ما بعد جده
حق لازم ان يعاد

شعب اليمن هذا نشيده
كل حر يردده
وذاك هو رده وهذا قائده
خير العباد

قاده الى مجده
وعاد الروح فيه وجدده
عبدالملك في درب جده
قادنا للبر قاد

مؤمن صدق وعده
ونعطيه الولاء ونعاهده
سرنا معه جنده
وشدينا العزايم للجهاد

شده على الكفار
للإسلام ألين افئده
وحنا هل الإيمان
واهل الجود والبأس الشداد

قل للعدو جهده
بلادي نار حمراء مؤصدة
ومن حفر قبره بيده
ذاك لحده في اتقاد
ـ•••••••••••••••
www.mmy.ye
● قناة عيسى الليث الرسمية على يوتيوب:
http://Youtube.com/c/IssaAllaith
● قناة عيسى الليث الرسمية على تيليجرام:
http://T.me/IssaAllaith
● حساب عيسى الليث الرسمي على تويتر:
http://twitter.com/IssaAllaith