نهج الهدى والحق ساكن كياني
وانا وابو عطفة عقدنا الصداقة

مسرج مجهز للتحدي حصاني
والشعر في الميدان جاري سياقه

اشق لي في المعمعة درب ساني
جندي مع الله رخصتي والبطاقة

تقبض على جمر المنايا بناني
والصبر عندي كالعسل في مذاقه

والعزم رمحي والشجاعة سناني
ولي مع التاريخ سبق وعراقة

لو با يجي في حربنا كون ثاني
ماعاقنا في نهج ربي اعاقة

والباس يعرف في الضمير اليماني
ما يختلف في شدته وانطلاقة

يغرف من القران عذب المعاني
حتى ارتقى فوق المعالي وثاقه

يدوس في ساح الشرف كل جاني
جانا وشاف الموت يسحق رفاقه

جاهل عن الشعب العظيم اليماني
لي شد فوق المستحيلة براقه

يشتي يزاحم ف الحضارة مكاني
وهو مع التاريخ ماله علاقة

حتى تخبط وافتشل ف الرهاني
يستاهل الي جاه لجل الحماقة

شاعر الاحرار #ابو_العباس
#يوم_الولاية_الأغر 1443هـ
#إتحاد_الشعراء_والمنشدين

https://t.me/aboyahyaalshami

الفرق واضح بين قوم الولاية
وبين قوم الامركة والولايات

قوم الولاية في مسار الهداية
رغم المخاطر والعناء والصعوبات

وذي مع امريكا رضو بالغواية
ودخلو كل العرب في صراعات

ومن تبعهم ضاع في درب تايه
ماعاد يصدق لا مواعظ ولا آيات

شاعر الاحرار #ابو_العباس
#يوم_الولاية_الأغر 1443هـ
#إتحاد_الشعراء_والمنشدين

https://t.me/aboyahyaalshami

الكون في عيد الغدير
مشرق وصبحه مستنير
واحنا نقول عبر الأثير
علي علي خير البشر 

منقول من نص الكتاب
لا شك فيها لا ارتياب
ومن عصى يوم الحساب
خالد مخلد في سقر 

قال النبي هذا علي
للدين والأمه ولي
والحق والنهج الجلي
يحميه في وقت الخطر 

فاتح حصون المشركين
خيبر وفي غزوة حنين
وإذا السيوف اتقابلين
ما حد على حربه قدر

واحنا تقبلنا ولاه
نرفع على الدنيا لواه
والشعب ما يرجع وراه
لوما بقي فينا نفر 

قل للعمالة والغزاة
شعب اليمن طاهر ثراه
من يقربه يلقى جزاه
تنكيل دايم مستمر 

واحنا تولينا الهداه
طه وابن عمه وراه
وأحفاده الطهر الأباة
من ينصر الحق انتصر 

والمعتدي تبت يداه
لابد ما يلقى فناه
في حربنا ربي رماه
بين المصايب والقدر

شاعر الاحرار #ابو_العباس
#يوم_الولاية_الأغر 1443هـ
#إتحاد_الشعراء_والمنشدين

https://t.me/aboyahyaalshami

الوضع سابر

ان قلت لي يا صاح كيف الاجواء
فالوضع سابر والدلايل قوة

ما يحترم ف الناس غير الاقوى
واحنا صنعناها بحزم وقسوة

وعزومنا تنطح ذوات الانواء
وصمودنا في كل ثاير قدوة

بالحق واعلام الهدى والتقوى
دسنا غرور المعتدي والنشوة

جانا وحطينا براسه مكوى
حتى شخب بدماه مثل الرغوة

وسلاحنا يعشق جموعه يهوى
حوط بها واتجمعت في زوة

كمن كتيبة في المعارك ولواء
راحت على سور المنايا لكوة

تمتص من دميانها ما يروى
وتدقها دق العجم في خطوة

هذا جزاء من هو علينا يغوى
جعله على تربة وطنا فدوة

العجم نواة التمر

شاعر الاحرار #ابو_العباس
#إتحاد_الشعراء_والمنشدين

https://t.me/aboyahyaalshami

من نهج زيد نقتفي اثرا
ونعانق الامجاد والظفر

ونصارع العدوان في ثقة
بالله والحق الذي انتشر

كم ارعدو في الحرب كم زحفوا
وتفرقو من باسنا شذرا

في ثورة عصماء لا تبقي
للظلم قائمة ولا اثرا

زيدية في النهج شامخة
والمجد من ابوابها عبر

قطعت يد الاشرار وانتقلت
نحو الخلود وخيرها تترى

وعلى جبين الدهر قد رسخت
ولنصرها شعب الاباء حضر

يهوى جهاد الكفر مندفعا
وعلى الهدى والدين ما فتر

حتى هوى كيد الطغاة بلا
اثر وقام الحق وانتصر

ومسار آل البيت يجمعنا
ونشد في تعظيمه الوتر

شاعر الاحرار #ابو_العباس
#إتحاد_الشعراء_والمنشدين

https://t.me/aboyahyaalshami

المجاراة عن تواجد القوات الامريكية في حضرموت عدوان واحتلال وانتهاك للسيادة اليمنية .

البداية للشاعر #بسام_شانع

الموت لامريكا على ساطيلها
محظور يا بحر المكلا حظر موت

الموت لامريكا ولاسرائيلها
بغتة وسكتة قلبية في كل صوت

تبت اياديها وجت باارجيلها
يا البيت الابيض لا نجونا ان نجوت

#ضيف_الله_سلمان

واحنا كشفنا بالهدى تضليلها
في معركة عن قرب ماهي بالرموت..!!

ياويلها قواتها ياويلها
كل المناطق في يمنّا (حضرموت)..!!

با ننتقم منها ونقصف فيلها
بطاير (الهدهد) جزا قصف البيوت..

#ابو_العباس_مفلح

صرخة بها الامة تحصن جيلها
من باطل ااامريكا على مر الوقوت

ما قال نتفرج ونرضى ميلها
ربي ونجعل شر باطلها يفوت

اما تحدينا هوس تضليلها
والا فقد احسن لنا منها نموت

#فارس_المعزبي

يارافض الصرخة .. وجَب تفعيلها
وإلا فبا تقرح كما الباقين أوت..!!

اصرخ ولا تقلق على توصيلها
به من يوصلها لهم من غير فوت..!!

الامــركه والصهينــه ترحيلهــا
من ارضنا واجب ولو ركله وشوت..!!

#ابوسياف_البيحاني

باجيلها أمريكا نعم باجيلها
وارد من جاء منهم وسط التبوت

وشرعيتهم بايقع تبديلها
الواقع احرق مامعاها من كروت

متى رجال الله تسرج خيلها
يموت ذي طبع مع سبت السبوت

#ذوالفقار_سفيان

لا تحلم أمريكا سوا تنكيلها
منا بقوه با ترجعها فتوت

ولا تفكر مننا تـقبـيلها
نحيا بعزتنا ولا نرضى السكوت

والله ما تلقى سوا تقتيلها
فالجو والساحل وفي وسط الخبوت

#ابوزكرياء_يحيى_مفلح

قد حان يالابطال نقطع ذيلها
نلعب بها مثل الكره ياقوم شوت

اتت وحان اليوم قطع ارجيلها
القشه اللي بيتها كالعنكبوت

ماعاد تدري صبحها من ليلها
لاقد ضغطنا صوبها زر الرموت

جريح الحرب #رفيق_زرعان

با نقتل امريكا وننسف عجلها
من بعد ما نحرق لها كل الكروت

ونقيد اسرائيل في اغلالها
وبيتها اوهن من بيوت العنكبوت

جيش اليمن في البأس مثل جبالها
تشهد لهم كل الصحاري والخبوت

#ابراهيم_الشرفي

قـــل للـمـمــالــــك لا تـجـرجــر ذيلها
فـي بَـرّنــا والـبـحــر حتمــاً با تموت

مـا حـيـلـهـا لـلـشـعـب ذا مـا حيلها
فـي كـل جبهه فَـتّـهـا شـعـبـي فتوت

تعطُف مـن ارضي الآااان قبل نجيلها
واحنا رجال احرار ما نرضى السكوت

#ابوفتح_الاشول

الموت لامريكا وموت عميلها
نحرق ابوها بعد ما احركنا الكروت

يوم ان حضر للموت في تفصيلها
دخولها محضور من جاها يموت

بحر المكلا لليمن يشكي لها
ويقول نار الغزو زادوها زيوت

#عبدالقوي_البطل

إن طولت نبعث بعزرائيلها
يكتب فناها ساعة احنا مانفوت

لاعندها برجالنا تسري لها
كالسيل نبهتها بباس الله بهوت

نهجم على الافعى ونقطع ذيلها
وقوة امريكا نحتحتها حتوت

#ابورصيد_المرهبي

الموت لا أمريكا و قطع ارجيلها
لو حاولت تدخل بلادي او تفوت

و الموت لا إسرائيل بداء تفعيلها
وأطلقها من وسط غزه باالريموت

و انصار ربي ارسلت سجيلها
على حقول النفط وابار الزيوت

#شاعر_بلاد_الروس

مابايكون في حضرموت اكليلها
ولاتعيش بين المذلة والسكوت

الموت باتلقا وذا تحصيلها
في المكلا والصحاري والخبوت

ايلا المقابر بايتم تحميلها
حرام ماتدخل بلادي أو تفوت

#الشاعر_ابومقدام_الخمري

تخسى قوى امريكا وذي داعي لها
وكل من معها مسيْر بالرموت

قولوا لها قد شعبنا ناوي لها
ماهي سوى قشه كخيط العنكبوت

عاد اليمن للحرب يدهج سيلها
دفعه ورى دفعه نشوت الخصم شوت

#براق_المنبهي

أحلامهم باينعكس تأويلها
في البحر والا في الصحاري والخبوت

ياويلها من بطشنا ياويلها
ياجند ربي شوت جند أمريك شوت

عدن رهينه خانها تحليلها
اليوم صارت تجني اثمار السكوت

#أبوعساف_الدهمي

مادام سـيـدنا الـعـلم صـاحي لها
فعدها وجبة عشاء في بطن حوت

يـعني قــبـل ما نـبـدأ بـترحيلها
لــزوم نـبـني مـن جـماجمها بـيوت

وتــذكـر الـنشـرات في تـحـليلها
إن الـيمن تـحرق بـها كل الـكروت

#ابويوسف_القاري

ارض اليمن محمي ب ابوجبريلها
ورجال تجعل من متارسها بيوت

باتدعس الحيه وتقطع ذيلها
وتشوت باقيها على الشطئان شوت

من حرفوا توراتها وانجيلها
ما اثروا فينا برقص اهل البشوت

بلبل النصر #حسن_المهدي

وانعم بمن للنخوه اسرج خيلها
وفي خديد المرجله صلى قنوت

دفعات كـ الايات في تنزيلها
متواتره تزرت بها امريكا زروت

ومن دلال الجود ينفح هيلها
فزعه بها الموساد يتلاذع شروت

#امين_التركي

المعركه قـــد صـــــدّرت تحليلها
هيهات ياشعب المذله والسكــــوت

وين قوة الاشــــرم و وينه فيلها
طير الابابيــــل مرتــدي زنه وكوت

باتخرج امريكا سحوب من ذيلها
ماشي لها في ارضنا مشرب وقوت

#يحيى_الوحيشي

‏ما زالت امريكا وكل أرجيلها..
في دايرة صرخاتنا حتى تموت..

من قــــبل قـــــلناها وبا نأتيـــلها..
نحرق ورقها والضفيرة والكروت..

في حضرموت الموت با يركي لها..
منهاجنا زيدي وهيهات السكوت..

#إتحاد_الشعراء_والمنشدين

https://t.me/aboyahyaalshami

احتار فينا حلف يتكون من انجاس البشر
واحتار فينا المال واحتارت جميع الاسلحة

نعد ونبادر ونتقدم اذا الوضع انفجر
ونشرشح اذناب الضلالة والعمالة شرشحة

نقلب دجاهم صبح من كثر المعابر والشرر
واهدافهم تسقط كما تسقط حبوب المسبحة


ما نرهب الكثرة ولا الفارق ولا كف القدر
فاحنا مع الباري تجارتنا كبيرة مربحة

واعوذ بالرحمن من ذله ومن قتل الجعر
راحو بها الاعداء على كل الصعد والاجنحه

يروح فيها جيشهم وسط المهالك لا مفر
النار تعدي به ومن شدة لظاها تلفحه

ما فادته الاحداث والا فادته كل العبر
جبهة تشرد به وجبهة من بغمها تمسحه

لنه مع الشيطان يلعب لا حضر جنبه حضر
ويتركه يلقى مصيره والمعارك تفضحه

وارض اليمن فيها رجاجيل المنايا والظفر
باقدامهم داسو على باطل عبيد المصلحة

شاعر الاحرار #ابو_العباس

لنا الفخر انا يا زمن قوم الاستشهاد
ودرب الش هادة بالجماجم رصفناها

وقاداتنا من عند الاشتر الى الصماد
على نهجها صاغو ملاحم وصغناها

ومنا التحدي والخطر ناله الاجهاد
وكل الشدايد بالعزيمة كسرناها

دروس الشه ادة تنشرح والعطاء يزداد
وفي مدرستنا الحيدرية شرحناها

ومن غادرونا بالشهادة على الميعاد
فقد عززو فينا كرامة حفظناها

لهم عهد ما نترك خطاهم ولا ننقاد
لباطل ولا جتنا المواجع محيناها

وتاريخنا تاييد لاهل الهدى واسناد
وكم يا رعاية من عطاء الله لمسناها

وصرنا بعون الله لكل العرب رواد
وروح المس يرة من دمانا بزيناها

وكم يا معارك داهمتنا بلا استعداد
ولكننا في كل جولة ربحناها

واذا العز غالي في ثرانا وسعره زاد
بغالي الدماء هو والكرامة شريناها

واذا النار ساقت في اللقاء نارها الوقاد
جعلنا لهبها في عدانا وسقناها

وفي الحرب ما يقدر على صدنا صداد
ومن روس الاعداء ف التصدي مليناها

ندوس المخاطر بالقدم صامدين شداد
ولا احنا نبالي لا رمتنا رميناها

شموخ الوطن منا ارتقى والصمود انعاد
وعادت لنا امجاد الزمن واحتويناها

صناديد يشهد حربنا والورى شهاد
وقوات الاعداء لي غزتنا فنيناها

نبادر مع الله في لقانا وفي الاعداد
واذا جت علينا المعركة ما خشيناها

نذرنا نفسنا تهيئة في عمل وجهاد
وروس المعالي بالعزيمة رقيناها

وصرنا على حب الوطن قوم الاستشهاد
نصدر ملاحم بالبنادق حكيناها

شاعر الاحرار #ابو_العباس
#إتحاد_الشعراء_والمنشدين

https://t.me/aboyahyaalshami

شيعي يا ارضنا ذكرى محمد
وارسلي منا التهاني والتحية

خلي العالم بهذا اليوم يشهد
اكبر استعراض فرحة عالمية

اليمن قارب مع ربي وسدد
وانطلق يحيي معه ذكرى نبيه

مولده عزز سعادتنا وجدد
واجتمعنا تحت راية حيدرية

ذابت الاحزان واعتى البغي الاسود
راح من فوق اليمن وانزاح غيه

واليماني في مساره ما تردد
والقضية عادها نفس القضية

ما انفصل عن منهجه والا تمرد
والمخاطر في طريقه ملتوية

ما انفصل عن داعي الله لا دعى حد
او تراجع عن لقاء الباطل شوية

خاضها والجو بسلاح العداء سد
والجحافل والحشود العسكرية

وانطلق يلطم عدو الله ف الخد
لطم فيه الموت جاهز والمنية

ان تصدى دوخ الغازين في الصد
وان هجم داس الجموع السامرية

شاعر الاحرار #ابو_العباس

من عجة الاحداث جينا والتحدي مشرأب
والحافظ الله من بلاء احوال الزمان المتعبة

هو من تولانا بعطفه والمعارك تلتهب
وافرغ علينا اصبر يوم الوضعية متقلبة

به نقترب للنصر ولروس المعالي نقترب
واليه شدينا العزايم نحتزم ونصول به

والى مسار الحق واهله وآل طه ننتسب
وكل عون ونصر لله المهيمن ننسبه

في حرب سبع سنين لقينا العدو المغتصب
اهوال منها الارض صارت بالدماء متصببة

القاع تنلهب ودانات القذايف تنسكب
ورجالنا حرقى على كل الصعد متأهبة

دكيكها صاخب يخلي اقسى حجر منها رطب
والكون يتعجب وسكان الثرى متعجبة

شاعر الاحرار #ابو_العباس

شربنا الوفاء من بطولات طومر
وذقنا حلى العز من تضحياته

و باخلاصنا صار يكبر ويكبر
ونكبر معه كننا هو بذاته

عبرنا الزمن والثرى جمر يبغر
ونار العداء تنطلق بانفلاته

وكنا على حملها مثل الاشتر
وهباتنا كاملة في صفاته

اعزاء بعزة محمد وحيدر
وعزة رجال الشموخ وحماته

مع الله تهون المصاعب وتصغر
نهدد عدو الوطن في حياته

معه صفنا للعلى ما تعثر
نحقق لشعب اليمن منجزاته

قطعنا معه عهد بالدم ينشر
وتصميم ما تنثني مجرياته

اذا دقدق الحسم والحرب صفر
نواجه بعزم وشرف واستماتة

يد الموت منا تطال اي منكر
ومن حارب الحق والدين شاته

شاعر الاحرار #ابو_العباس
#إتحاد_الشعراء_والمنشدين

https://t.me/aboyahyaalshami

عقلي وقلبي وروحي صابها الاندهاش
والناس من تضحية طومر وباسه ذهول

والشعر لا تنقدوني بالهواجيس طاش
لو با اكتبه من دماء جسمي ولب العقول

انسان توقف له الهمة ويبقى النقاش
حوله الى ما يقوم الروح باذكى الحلول

حاز الوفاء والشهامة واستبان الغماش
لي كان جاثم على وجه الحقيقة يطول

هو هكذا من يحب الحق والا بلاش
مواقفه تدحض الباطل ونهجه يزول

لا قام به مثل طومر فاسكتي يا كلاش
فسلاح الايمان اقوى من سلاح الفلول

ماذا جنيتي على رمز الوفاء وش بلاش
شهي د يعرف بسيما التضحية والفعول

ما انحا ش يوم المعابر تندفع بانحناش
وتريد موته وهو خلف الش هادة يصول

لا ما لمع وهج نارش في دماءه وعاش
وعاش موقف يخلد سيرته والفصول

باقدام يرفع لشعبه في الصمود انتعاش
لاما تقوم الكرامة والمخاطر تزول

شاعر الاحرار #ابو_العباس
#إتحاد_الشعراء_والمنشدين

يا دهر وقف وانحني يا بطولات
فاهل اليمن للعز والفخر غاية

صرنا نشاهد في الميادين آيات
واخلاص ابو فاضل على الناس آية

صنديد في درب الوفاء والمهمات
يعجز بوصفه كل وصف وحكاية

نهج الم سيرة في جميع المسارات
يصنع وفاء مدرار ماله نهاية

من مدرستها صاغ طومر قرارات
ومن دمه يمتاز صدق الولاية

سرنا عليها ما عرفنا انكسارات
ولا سقط للحق ف الحرب راية

والحمد لله كل عام انتصارات
ولا تحقق للطواغيت غاية

هيهات نرضى الذل هيهات هيهات
واحنا على درب الولاء والهداية

نمشي على رغم الظروف الشديدات
نبني مداميك الكرامة بناية

حتى تعود التضحية بالفتوحات
والارض تنفي كل مجرم وتايه

شاعر الاحرار #ابو_العباس
#إتحاد_الشعراء_والمنشدين

خلوني امشي في رضا الله والاعلام
ويش دخلكم في رغبتي والتزامي 

حياتنا الدنيا  بلا نهج  الاسلام
يموت فيها الفرد والقلب ضامي

كيف الحياة بدون قادات الالهام
يعيش تهديد العدو في تنامي

والظلم طابع والغوى جوها العام
والذل يغشى كل قلب انهزامي

لكن بفضل الله مع بدر الاسلام
عاش الهدى وانزاح نهج الظلامي

الي بني تاريخها فوق الآكام
واخرج ظفرها في الحدب واللكامي

والي بعون الله والالطاف عزام
صنديد شاجع ليث ثاير عصامي

خير البشر من زبدة اقحاح الاقوام
يشر لهم بدع الصلاة والختامي

لا قلت الرجلة فهم اصلها الخام
وان زاد سعر العز زادو تسامي

واذا افتخر ذيل العروبة فهم هام
وبهم رفع ربي على الكون هامي 

هم للوفاء جنحان في الارض لا حام
وللتحدي كفه الي تحامي

وللحقايق شمس تذهب بالاوهام
وتبدد احلام الغوى الانقسامي

وللمعارك نار من كل الاحجام
يذوق لاهبها العداء والضرامي

تصفي ادران القذارة والاقزام
من جمر ما يرحم عميل وحرامي

في صفهم شعب السمو سم الاجرام
لا خاضها وضعه تمام التمامي

صاخت له اسماع العراقين والشام
ومن يرى ف الوضع حق القيامي

له فعل رسخ جذره الدم والدام
الي يدمدم ناطحات الغمامي

وبصر فيه النصر قدام قدام
ما تبصر الا الحسم في يوم دامي

لا وقفه حاجز ولا حقل الالغام
ولا مصدة جيش مجرم هلامي

يفجعه صرخة لها عدة اقسام
وهجوم كاسح للأباة الكرامي

لا شافهم بين القلل والثرى هام
من قبل يصبح في المعارك ركامي

والفضل لله جل ملكه والانعام
اهدى لنا بالحق بدر التمامي

شاعر الاحرار #ابو_العباس

بعد طول الليالي وارتفاع الانين
واشتداد المظالم في عموم الحياة

قام فجر الهدى والنور سيدي حسين
ينزع الظلم ذي مدد علينا وذاه

فجر فيه الكرامة فيه دنيا ودين
فيه عزة على الكافر ومن في لواه

فيه تعلن براءة من قوى الكافرين
وابن الاسلام يتمسك  بدين الاله

فيه تبقى المواقف شامخة ماتلين
والثقة في معية ربنا لا سواه

ارشد الناس من نهج الكتاب المبين
والحقايق تجلت واضحة  في هداه

واخرج الحق  من ظلمة  سواد السنين
يعتزي به من  استبصر ونال ارتقاه

فيه الاخلاص فيه التضحية واليقين
فيه مشروع يتفوق على ما سواه


من هدى شخص للقران الاعظم قرين
اتباعه مؤكد مثل فرض الصلاة

نور في الارض يمشي عند ربي امين
زاده الله بصيرة شاملة واجتباه


كان قران ناطق يخرج العالمين
من ضلالة محيطة بالغة منتهاه

وانبرى كل مجرم في قتال الحسين
مندفع في ركاب الكفر تبت يداه

وانطلق في لقاهم ليث ما يستكين
ما حسب حشدهم والا تراجع وراه

يقتبس من خطى اجداده ليوث العرين
لي تحدو مجاميع العصاة الطغاة

يصنع النصر مرفوع الثقة والجبين
ما دخل ريب في نفسه ولا شك جاه

وارتقى بالشهادة قايد المؤمنين
وانتصر منهجه والشر لاقى جزاه

عم نوره وشكل منهج الثايرين
تشتعل كل مهجة ثايرة من دماه

واصبح الشعب يتحدى قوى المجرمين
واليمن يقتفي مبداه  من قيطباه

شاعر الاحرار #ابو_العباس

صرخة التحرير للقدس ترفع
من ثرى الشعب العظيم اليماني

عكس ما جيش الضلالة توقع
با نجي له في شموخ وتفاني

نرفض الحل الردي والمرقع
ذي جعل كل العروبة تعاني

لا نفع فيها ولا عاد ينفع
زمرة التطبيع والارتهاني

لا نهض كمن عريبي وسنع
مثل ابو نصر الشعف والمداني

واغبرت من كل سنتي مربع
نار ما تهدا وتنكيل ساني

فوق قطعان الكيان المجمع
تشعطه وتعذبه في ثواني

وينما اتراجع من الموت وقع
في جحيمه والردى والهواني

واستوى الميدان يلطم ويصكع
يخرج اطماع العداء والجناني

حرب فيه الموت ينزل ويطلع
والمنايا فيه والطعم ثاني

واليماني في مساره توسع
ف الشرف والتضحية الاولاني

ينتهي من خان دينه وطبع
والتحق في ركب عدوان داني

ما معه في هذه الارض موقع
عاد به كمن فلان الفلاني

شاعر الاحرار #ابو_العباس

وان لنا في نصرة الحق شاهد
وللنصر يا اقصى مسار وموعد

ويوما به يرتاح من كان مؤمن
وتفنى مجاميع الضلال وتخمد

وعز باغلى ما لدينا نصونه
ويبقى على مر الزمان مخلد

ليبقى لنا في دورة الدهر هيبة
وذكر على كل الورى يتجدد

شاعر الاحرار #ابو_العباس

🎞 مشاركة الشاعر | #ابو_العباس_مفلح
في الفعالية المركزية لإحياء الذكرى السنوية لـ #الشهيد_القائد في #خولان_عامر بـمحافظة #صعدة

#شهيد_القرآن
#السيد_حسين_بدرالدين_الحوثي
#إتحاد_الشعراء_والمنشدين
#شاهد_أخبار_محافظة_صعدة

https://t.me/aboyahyaalshami

المجاراة بعنوان المجاعة التي يعانيها إخوتنا المحاصرين في #غزة والتخاذل العربي والدولي المزري.

البداية #عبدالرقيب_الوجيه

ماتت من الجــوع و"الأوباش"ماتوا خنوع
لابد مِن يــوم تفنيـهــم ذنــوب"القــطـــاع"

سيل الدِّماء فوق ما سالت سيول الدموع
حجة وشاهد عـلى "أذناب اليهود الرعـاع"

#أبويوسف_القاري

ذي ماقتل بالطواير او بذات الدروع
يقتل من الجوع والأنذال حوله شباع

اهل الترف والمذله يأكلوا كل نوع
وتموت الاطفال في غزه عطاشى جياع

وذي ماقتل باسلحة لاعدا ولامات جوع
يموت بالقهر يوم الصوت ماله سماع

#جبر_المسعدي

الذل مشروع مستقبل قصار الشروع
والعز مزروع فينا والصراع الصراع

والقدس موضوع قايم تحت عوج الضلوع
يشد أزر الشجاعيه بموقف شجاع

والسبت له شوع فأسرائيل مثل الربوع
في درب ذي ناعم البيضاء وشرقي رداع

شاعر الاحرار #ابو_العباس

بقيادة السيد الي قاد كل الجموع
والشعب حوله بذل موقف قوي واستطاع

وان ما جعلنا مريكا في انحدار ووقوع
ومن وقف خلفها ضايع يعاني الضياع

وان حقق السبت بعض الشي فيوم الربوع
يوم المهالك على واقع بني قينقاع

#عماد_العملسي

من يعبدو الات والعزة وتعبد يسوع
قد افسدو في البلاد ومالهم من شفاع

تبا لحكام لاتؤمن سوى باالركوع
نامو منام العوافي واهل غزة جياع

#الشاعر_نضال_حُميد

غزه تنادي ضماير تحت عوج الضلوع
أين العرب يسندونا في خضم الصراع

ماتت وذابت قيمهم مثل ذوب الشموع
واتبخر الدين ذي ردوا عليه القناع

يالعنبو من رضي بالذل ولا الخضوع
وباح أرضه وعرضه للنصارى وباع

#شداد_حميد

لي قلب يشعر ويبكي دم خلف الضلوع
من ما بيحصل بغزه منذ بدء الصراع

.اثنين مليار خاضع يا زمان الخضوع
بانت حقيقة عروبتهم وطاح القناع

دام اليمن فالسماء لا تحلمو ب الطلوع
تبقى السماءف السماء والقاع ف القاع قاع

#حسين_شرويد

سكان غزه مواجعهم تِلّج الضلوع
كنهم ضحيه تناهشها قطيع الضباع

زاد الرضيع الضريع وعابدين اليسوع
تسد جوعه بنار القصف دون انقطاع

تباً لامه لها حكام ترضى الخضوع
في الآخره ما لهم خارج جهنم ذراع

#فارس_المعزبي

القلــب موجــوع حنَّاتـه تهــز الضلـوع
والراس مرفـوع لكـن فيه بعض الصُـداع

من جوع مصنوع في غزة لفرض الركوع
وصمت مدفـوع من جانب بنـي قينقاع

#محمود_الجنيد

إكسر يد الغرب واقطع ذيلها والفروع
وانزع حقوق اهل غزة بالسيوف إنتزاع

إدعس برجلك حوارات الخنا والخنوع
وإرزع كيان الجـرائم واقتلعه إقتلاع

ليل المعاناة خيّم في الكبد والضلوع
واطفال غزة فريسه في لقوف الضباع

#ابوشوامخ_الوعل

رغم المواجع ورغم الفقر تأبى الركوع
والعالم الغير منصف خان فيها وباع

ومجلس الخوف قرر لهلها بلقنوع
من الدواء والغذاء قرر بحجز المتاع

اقسم بمن انزل الانجيل ورسل يسوع
ان اليمن بايسي من أجلها ما استطاع

#مقبل_جرام

ماتوا من الجوع لكن رافضين الركوع
لغير ربي و الاعراب ادمنت لنصياع

للصيهنه تنحني حكامهم في خضوع
باعوا الكرامة وهي ذي عمرها ماتباع

#جـمال_عـوضه

إحباط مزروع مابين الرئه والضلوع
بكل منطوع مالبى اهل غزه وطاع

وراس مرفوع لااتقدم حرام الرجوع
قائدلمشروع قرأني هجوم اودفاع

ماكل دنبوع له باهل العروبه فروع
والاصل مقطوع ماله بالحميه متاع

#خليل_قابيل

اطفال غزه من الخذلان تسكب دموع
يا سادة الحكم بعد اليوم بان القناع

في يوم هبت على غزه اخس الجموع
الامه اتملصت والذل والصمت شاع

لا بارك الله فيمن يرتضي بالركوع
ولا اصلح الله حكام المجون الرعاع

#أبوحاتم_عكه

منكر جريمه وعار وعيب هذا الخضوع
لاحقر وأقذر وأسوأ قوم في ذالبقاع

الطفل يربط على بطنه وفوق الضلوع
حجر وياكل من اوراق الشَّجر كل ساع

والشرق الاوسط على غزةبخيره مَنُوع
ماحد وقف غير هذا الشَّعب موقف شُجاع

#ناجي_القطيبي

ماتو مساكين تحت الطايرات والدروع
والخانعين يحلمو بالموت في كلّ ساع

ذي طبّعو فوق دمّ اطفال مثل الشّموع
الدّور جايي عليهم في خظمّ الصراع

#ابومالك_الكوماني

اطفال يكوي شواها الجوع تحت الضلوع
أمام أمة تعيش الذل والأنصياع

يا الله يامن لك المأوى وليك الرجوع
غزة بيد العرب تدمى والاقصى يباع

#الشاعر_أمين_الحارثي

يالنهده الي مواجعها تشل الظلوع
فوج براكين با تجعل من الحيد قاع

نحمل مع العز والناموس شده وجوع
لأن القضيه قضيتنا وساس الصراع

#حمزه_الديلمي

وقــــــــوع كثرة ضحايا فاق حد الوقوع
وارواح تنزف دمـــــاء والجرح زاد اتساع

من عاش ماله دوا من مات قد مات جوع
وعالــــم اليــ؟ـوم غارق في بحور الضياع

داعـي ثكالى وصوت اشحب وطفلاّ جزوع
مـــاله سوا الله والشعب العزيز الشجاع

جريح الحرب#رفيق_زرعان

تباد غزة على ضوء القمر والشموع
ولحمها في محلات الحضارة تباع

والعرْب موتى حوالين اليهودي ركوع
وزاد غزة يساطر لجل ذاك السواع

والأرض تبكي مع غزة وجاها صدوع
بس العرب امة المليار مثل البعاع

#اتحاد_الشعراء_والمنشدين

https://t.me/aboyahyaalshami

امة لها في العز راس القمة
وفي الكرامة روحها واحشاها

لا صفر الميدان شدو الهمة
يسوم راس الخصم من ملقاها

قامت بواجب دينها مهتمة
واتصدرت كل الصعد مبداها

وبعون مولى العرش سمت بسمه
في صنع  واقعها  ودحر اعداها

سبحانه الي به تزول الغمة
واذيال واشنطن ومن والاها

واكبر تفضل  منه واكبر نعمة
نعمة قيادة طاهرة زكاها

نبصر به الواقع ونعرف حجمه
ونواجه اعتى غطرسة واقواها

عبدالملك راس الوفاء والحكمة
قايد مسيرة خالدة بابناها

واقف مع ربي بمعنى الكلمة
واعظم مسارات الهدى واسماها

فيه الشرف والمرجلة والحشمة
ما يكفي اسياد البشر واوفاها

صارت يمنا فوق فوق القمة
من وقفته لي تعرفو معناها

البحر رهن امره وتحت الخدمة
وردودنا في خدمته مسراها

وامر اليهودي صار تحت الجزمة
اشعل حروبه واليمن طفاها

واحنا علينا نهزمه وندمه
ونحطم اسفل دولته واعلاها

لا ما يعود الامن بعد البسمة
لاطفال غزة والهدوء يغشاها

شاعر الاحرار #ابو_العباس
#اتحاد_الشعراء_والمنشدين

https://t.me/aboyahyaalshami