يامن بقتله صابح الشعب مقتول
في صالح الصماد ماعضم مصابه

اقول في ذكراه واقول ماقول؟
الله يلعن من غدر به وعابه

لازال حاضر لا ولايمكن يزول
ولا يئثر في حضوره غيابه

اخلاص فعل الخير في كل مفعول
أثار فعله حاضره بالنيابه

هومن حماها يوم حوم مئة غول
هو من بناها يوم كانت خرابه

وكان صالح سيف بالحق مسلول
ذاك الاسد حامت عليه الذيابه

رجال فعله فعل وان قال له قول
خطيب فصل القول ميز خطابه

عالم سقاه الله تبيان معمول
اديب يحتار الادب في ادابه

خاض الوغا واجتاز من هول لاهول
واسئل قمم مران واسئل شعابه

قائد محنك سيف بلهدي مسقول
جنب العلم ماغاب حضرة جنابه

من قال حب الشعب له سر مجهول
قلت التواضع فيه سر الاجابه

اعطاه ربي كل مقدار معقول
من كل شي.. حكمه وقدر و مهابه

قبول خلا كل شي منه مقبول
نيه سليمه بئس رحمه صلابه

صالح بعدله صابح الميل معدول
لبا الهدا واصبح له الشعب لابه

مافك حبله ذي مع الله موصول
نابه. حصد بذر الدعا والانابه

ارقا مثل في الزهد ذي كان ممثول
نموذج الايمان ذي يحتدا به

ولطيب قلبه ينفتح كل مقفول
مارد طلابه ولاصك بابه

الا بمحرابه عن الناس معزول
حاضر محاضر في سويح الحرابه

شيال حمل الشعب ماكان محمول
من شعبنا ذي كم تحمل غلابه

كل المسائل عقدها كان محلول
بيده يرجع كل شي لانصابه

قدم لنا المسئوليه جهد مبذول
صحح معانيها بصحه صوابه

مسئوليه لاكن بمايعني القول
نيل المناصب لم يكن في حسابه

مسئول امام الله ياكل مسئول
بالمسئله لازال مغرم صبابه

منصب رئيس الشعب بلعرض والطول
ماغيره ما غير غير ثيابه

بذر الجهاد اثمر وذا النصر محصول
صالح علي الصماد يجني ثوابه

يامن بقتله شعبنا الحر مقتول
الله يجبر شعبنا في مصابه

#الشاعر_عبدالكريم_مقبل

نحو صعده سبق شوقي ونا بعده
يوم روحت روحي روحت بعدي

صعده المرجله والمرجله صعده
والشرف والشهامه والوفا صعدي

ابن حيدان يوطا في وطن جده
اسئلك يا قمم حيدان عن جدي

شدني شوق يامران ماشده
ياغيوم السما شلي معي وادي

تشرغ اعيان في نضراتها حده
في بلاد الهدا والهادي المهدي

انتقص كل بيت القصف ماهده
كل مقصوف قدره يرتفع عندي

زرت قبر ابن بدر الدين والقهده
مجلسه منزله ياحرق في كبدي

اسئله واستميحه واستمع رده
كان جالس معي رغم ان انا وحدي

جرف سلمان نهدني مية نهده
شفت الايمان والنور الذي يبدي

اسئلك ياجبل مران عن مده
عاش فيها وعانا البدر ياحيدي

ويش سوا نضام الله لارده
ياحجر ياشجر مران كم جهدي

جرف سلمان قولي فوق من هده
ياشهود الحيود الشامخه ردي

واشهد الله ان نبقا على عهده
لك ولايا ولك يابن النبي عهدي

كلنا بعد ابو جبريل من بعده
قايدي وافتخر اني معه جندي

صعده التضحيه واحداث ممتده
عن وقايع جرت مدي لنا مدي

يوم.عبدالملك شال الالم وحده
وارتقت روح سيدي بدر ياسيدي

ياديار العلم والاصل والعمده
بشري وابشري بالله واشتدي

شدا باسك بنا يابدر في الشده
ياسليل الهدا ياخير من يهدي

الف لبيك ابو جبريل في الهده
روحنا لك فدا ياصادق الوعدي

صعده ارض العلم والنور في مهده
سيد الارض تشرق كلما يبدي

صعده البذل والايثار والنجده
مولد الحق ذي جائت بميلادي

ارض صالح علي الصماده ذي جهده
يد تبني ويداً بالعدو تردي

صانع المجد ذي ماينتهي مجده
صالح اعصار يقلع كل متعدي

بحر الاحسان في جزره وفي مده
روح الايمان قتله لا ولن يجدي

من ملك ود هذا الشعب من وده
ودي القاه يارب السما ودي


والحسن ضل ابو جبريل ياصعده
كم وكم من بطل عدي لنا عدي

صعده الفتح والانفال والسجده
الف صلىو على كمن فتا صعدي

صعده الحد كمن ليث في حده
لاتراجعت تكسر رجلي ويدي

عاد حد اليمن للركن ياجده
ياسعود الردا حدي ومتحدي

#الشاعر_عبدالكريم_مقبل

----- مــابه شي.ولاشي -------

ياسعودي لن نراشي. لا ولابانرتشي
عاصفتكم في تلاشي والتحالف طار فوش

من مشي. للسلم ولا عمر امه لا مشي
ياذيول امريك لن يمشي. قرارك لعنبوش

يالبراكين ارعشيهم يالاعاصير اكرشي
يالمسير ناقشيهم وادكميهم يعرفوش

والقسم لا اخرج. معاشي من بطون الداعشي
خبر اصلاحي وعفاشي يجهزله نعوش

يامارات المماشي مات من يعد يختشي
وسط حوشي من يحوشك من وحوشي من يحوش

جيشي العالم علينا يامريكا جيشي
من سعي في قتل جيشي شعبنا كله جيوش

حاولي عشي ورشي كل خاين مرتشي
لن نمشيها لمن حلو دمانا بالقروش

بعد تسع اعوام ماشي فايده لاتنتشي
ماتهشي يامواشي نجد قدامك وحوش

كل شي خلوه ضدي حشدو لي شي وشي
كن.مابه شي ولا شي. حلف ماهز الرموش

#الشاعر_عبدالكريم_مقبل
#إتحاد_الشعراء_والمنشدين

https://t.me/aboyahyaalshami

_قدس الكرامه____

صوت الكرامه ضج يالحر الكريم
و الـقــدس نـادا يا ملبـيـن الـندا

سـلام ربي يادوا القلب السليم
يامـحور الاحـرار ياسـم العـدا

ياقدس من دمنا المقدس لك سهيم
صنـعـا حـلب بـغـداد لبـنـان الفـدا

ياملتقى الامال في واقع اليم
ياقـبـلـه الثـوار لـن نـتـرددا

لباك ضم اقوام ماتقبل بضيم
احرار غير الله ماتخشى حدا

محور على نهج السراط المستقيم
نـهـج النـبـي والال واعـلام الهـدا

محور مقاوم قام با الحق المقيم
بالفـعـل والقـول المـئثـر له صـدا

فيلق صميم القدس ضربه في الصميم
لبـيـه من صنعا بـعيـدات المـدا

باقي مية مليون قاسم يا قسيم
والبدر نجمه في سما العزه بدا

مسيرة القرآن مسعاها عضيم
والامركه ضاعت مساعيها سدا

وتحت راية سيد الغر الحكيم
كمن فتى كرار بالنور اهتدا

بـ الحد بايرجع لنا الحد القديم
والعزم ياالركن اليماني ماهدا

لابدما العوجا بيدنا تستقيم
لنت الخبر ياقدس مكه مبتدا

ياما زم زم كون للخاين حميم
وامريك تتجرع مرارات الردا

هذا عدونا قاده ابليس الرجيم
والله قائدنا ونعم القائدَ

الله اكبر توجع القلب السقيم
تقلق مضاجع من تعدا واعتدا

والموت لسرائيل والحلف الذميم
والنصر للاسلام في نهج الهدا

#الشاعر_عبدالكريم_مقبل
#إتحاد_الشعراء_والمنشدين

https://t.me/aboyahyaalshami

الله واكبر زلزلت. مـن. تكبر
ياكل مسلم علي الصوت عليه

يامن تخالف صرخة الله اكبر
والله اكبر حق مانختلف فيه

والموت لمريكا وهي شر في شر
والموت لسرائيل هي نفسها هيه

لعنه على جمع اليهود المبعثر
من محكم القران والكل يتليه

والنصر للئسلام والهدي مصدر
برائه الله والنبي من معاديه

صرخه بئمر الله في الحج الاكبر
من قال بدعه في المساجد ينافيه

صرخة برائه حررت من تحرر
ترهب عدو الله تكشف مواليه

من وقعها كم وجه سود. وحمر
لن اليهودي داخله هي تغثيه

صرخة مداها جاوز البحر والبر
سلاح موقف هز طاغوت تعنيه

صرخة تحدد منهو الشر الاكبر
في الارض ذي واجب علينا تصديه

تضهر عدانا قول وافعال تضهَر
منهو عدو الله واجب نعاديه

نعلن سخطنا ضد مشروع منكر
يسعى لهلك الحرث والنسل ينهيه

صرخه تحدد منهم العن واحقر
قومً يعيشو في ضلاله وفي تيه

هم من طغى في الارض هم من تجبر
من عادو الاسلام نلحض تعديه

هم من غزا الافكار يامن تفكر
في هدي ربي من ملازم توعيه

من اسس الاجرام واحرق ودمر
لابد مانبني ثقافه تعريه

من كفر الايمان دينه مزور
من صنعهم يفتي بما قال واليه

عبيد من طول لحاهم وقصر
ذي يصبغ الزنار ولا يحنيه

كم من عبر ياكل مسلم تعبر
يكفيه من عدفيه ايمان يكفيه

هذه هي امريكا ولا جاكم الشر
هذه هي امريكا ومن قال منهيه

عن نشئـة الشيطان الاكبر تخبر
ياكل من قرن الشياطين يغويه

من يعرف امريكا ومن يجهل اكثر
ومن تغره با الداعيه وتغريه

عن نشئه الويلات تمثالها الحر
تاريخها الاسود وحاضر يحاكيه

يسئل جثث فيتنام والشعب الاحمر
يكشف حقيقة وجهها ذي تخبيه

ياكل مسلم شل راسك تحرر
مايرفع الله راس مسلم يوطيه

واسقي خفوقك بلهدا ماتيسر
ومازرعته داخل القلب تجنيه

واعوذ بلله من غوا من تحجر
قلبه أنى با الخبث ينطح بمافيه

يا انصار ربي والنبي سيف حيدر
يابلسم الاسلام والجرح يدميه

ياموطن الايمان يا السيف الابتر
وكل مسلم من هنا باننبيه

جهاد ولا ذل وانت المخير
اما يصفينا العدو او نصفيه

الحر حر ولو قتل او تحاصر
لبا الكرامه والكرامه تلبيه

والعبد عبد ولو بماله تحرر
يشري المذله بئس ما العبد يشريه

يا اعراب في ثوب الخيانه تبختر
العز غالي موطن العز يغليه

يوم النقا ياالمملكه يومك اغبر
هذا اليمن ياهذه الارض ياهيه

احنا لحلف العاصفه ريح صرصر
تنهيه من وجه البسيطه وتمحيه

واحنا جنود الله والله اكبر
والبدر قائدنا و لبيه لبيه
..................
#الشاعر_عبدالكريم_مقبل
#إتحاد_الشعراء_والمنشدين

https://t.me/aboyahyaalshami

ثوره الى آخر نفس

من ملهم الثوار ضد الضلم من نور الضلام
من شعله انوار النبوه والهدا ناخذ قبس

من مدرسه زيد الامام ابن الامام ابن الامام
واهم واعضم درس في ماضي وحاضر من درس

زيد الهدا طول المدا زيد الفدا دايم دوام
زيد المبشر والمطهر من براثيم الدنس

من لازم القران واصبح رمز قوه والتزام
زيد المبادي والثوابت لمع براق الغلس

جامع علوم الدين  يوم الجهل عم الانقسام
بذر الوصي ل اعضم نبي طابت ثماره ذي غرس

جده رسول الله من سماه زيد اعضم مقام
من واجه الطغيان...من بلواجب استشعر وحس

زيد البصيره والقيم قدوة من استبصر وقام
من ثورته  ثوره  نواصلها الى آخر نفس

والدين عزه في سنامه ليس عزه بالجام
مايرفع الله راس مسلم ذل راسه  وانتكس

مادام خيرنا العدو بلذل او سل الحسام
الله يعلن من ثلم سيفه وفي بيته جلس

والله ماتنفع صلاتك او زكاتك والصيام
لوما تجاهد في سبيل الله ياعبد اختنس

الدين متكامل ولو ماقام بعضه لن يقام
فلا تضن الدين صلي صوم و اهجعلك وبس

دين النبي دين التحرك للامام الى الامام
يامن تقدمتو با امتنا الى الجهل الاخس

دين السراط المستقيم ودين من فيه استقام
هذا اتجاه الحق والخط المبين من عكس


ياامه الاسلام باستسلام تبحث عن سلام
وكيف يهنا نوم عينك يوم خصمك ما نعس

راس العدو في القدس ذيله طال للبيت الحرام
وانجس عباد الله قادو ضدنا حلف النجس

هذا عدو الله في القران مافيها كلام
فلا تقل هذه سياسه او قد الامر التبس

ومن توالهم فهو منهم ولو صلى قيام
هذا عدوك واحذري يا أمتي . دق الجرس

يا امتي الاسلام لاترخي لصهيون الحزام
لاعذر امام الله يامسلم بالاعذار التمس

هذا سلاح الهدي والايمان قوه ماتضام
نهج التولي للنبي والال سيفك والفرس

هذا علم قايم في الدنيا ذي اقعدها وقام
عبدالملك في بسمته رحمه  ونقمه لاعبس

رمز الكرامه والمكارم والكريم ابن الكرام
نبع الهدا من وحي ماهو نبع من حرف ودس

قلب الهدا النابض عليه ازكى صلاتي والسلام
يا امتي يانبض قلبي والعدو للنبض جس

#الشاعر_عبدالكريم_مقبل
#إتحاد_الشعراء_والمنشدين

https://t.me/aboyahyaalshami

(( فجر سبتمبر ))

يافجر سبتمبر المشرق بروس القمم
يانار من نور فلتحرق جيوب الضلام

ياثورة الشعب ذي ثور بها واحتزم
وقادها رغم ضلم الليل بدر التمام

ثورة تحرر وعزه لمت الصف لم
ضد الوصايه وضد الذل والانقسام

صفت  نضام العماله ذي حكمنا وكم
شفنا سقوط اقنعه بسقوط راس النضام

واحد وعشرين سبتمبر بنت ما انهدم
واستئصلت من جسدنا الحر اصل الورام

ثوره على الضلم بلسم سم كمن سقم
هي ثوره الشعب ذي قاوم وقيم وقام

قامت علىالعدل والايمان ساس وقيم
قامت على منهج الاسلام حتى استقام

قمنا وقامت قيامه كل باغي ضلم
والحق لاقام ما يبقى لضالم مقام

منهج وأمه على المنهج وقائد علم
تمضي مسيره رسمها الله رب الانام

شعب وقياده حكيمه والله اكبر.حكم
في محكم الوحي ذي نرجع له الاحتكام

تسلم يد الحر يسلم دام دينه سلم
في الحرب والسلم لايمكن يذل ويضام

من سلم الخصم نحره ينحني للصنم
وتحت رحمه عدوه لا يدور سلام

ا وكل خاين تندم مايـفيد الندم
يوم الحقايق تكشف عام من بعد عام

شعب اليمن حر من خانه مجرد قزم
وابن الحلال المصفى بين ابن الحرام

والحرب منتو لها يا اهل الخيم والغنم
واحنا لها واهلها من عهد حمير وسام

قدام قدام والله مارجعنا قدم
ثورة كرامه وعزه يا الرجال الكرام

بانفتح القدس ونطهر بلاد الحرم
يانصر ولا شهاده ماسواهن حرام

ياثورة النور والعالم بوحل الضلم
تسري مسيرة تحرر  في اليمن للامام

بالواحد القاهر الجبار نقسم قسم
ماننثني لو تحول كل مبنى حطام

ماننحني لو فنينا عهد منا. وتـم
قد قالها الليث كلمه واحده .والسلام

#الشاعر_عبدالكريم_مقبل
#إتحاد_الشعراء_والمنشدين
#المولد_النبوي_الشريف1445هـ
؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

مرحبا يامولد الطهر النبي
يااااانبي الله يا أعضم. نبا

يادوا. قلبي و غاية. مطلبي
مرحبا يانور. عيني. مرحبا

رحبي يااااااكل مهجه رحبي
وابشري ياأرض في كل الربا

عاد ميلاااااد النبي اليعربي
من حباه الله اعضم ماحبا

سيدي طاها با أمي وابي
حب في قلبي تنما وارتبا

يادمايا في حناياي اكتبي
وصف حبي للنبي المجتبا

يامدادي خط يادمع اسكبي
يانبي لبيك روحي لك جبا

واحتفي ياشعبنا الحر الابي
با النبي رمز الهدايه والابا

#الشاعر_عبدالكريم_مقبل
#إتحاد_الشعراء_والمنشدين
#المولد_النبوي_الشريف1445هـ
؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

فـي مولـدك يا نـبـي الـكــون يتبـسمـا
و الارض تفرح ونفرح في يمـنا وشـام

والشمس ترسل حـرارة شوقها المفعما
للبحر ذي سال من فرحه دموع الغمام

يارشفة الماء من بعد اشتداد الضما
ياعافيه في بدنا بعد طول السقام

#الشاعر_عبدالكريم_مقبل

كيف نوصل لغزه _

ياربي الحمد لك والشكر لك يارب
ما البدر يسطع ومانجم العدو غارب

كيان صهيون قرب موتهم قارب
من يبعد اعصار من طوفان متقارب

وجاك طوفان الاقصى موجه الضارب
يامن دخلتو مع اسرائيل في قارب

حان الغرق والحرق بايصرب الصارب
والموت لمريك واسرائيل و الهارب

عاد النبا من سبا يا انبا تتضارب
لن نترك الحبل في الامه على الغارب

سم العماله بكاس الذل من يشرب
فالموت له ياعرب . ولا احلق الشارب

من حارب القدس حاربنا ومن حارب
معه منافق ويسئل ليه ما حارب

(صنعا بعيده وحلفك لليهود (اقرب
ياكيف نوصل لغزه وانت في مارب

#الشاعر_عبدالكريم_مقبل

قسمتو اسرائيل يالقسام
ياابطال قصو ضهرها قصا

ونعم بكم ونعم وسبع انعام
ياسور غزه ياحمى الاقصى

يااحفاد رافع راية الاسلام
وابن الوصي من بلجهاد اوصى


يوم انتصارك  سيد الايام
هزايم اسرائيل لاتحصى

ملطام زلزل جيشها ملطام
طوفان ناري عدهم واحصا

شفنا هشاشتها شللها التام
واقصيت جيش،ن قيل مايقصا

قدام يافخر العرب قدام
يابن فلسطين القدم عوصا

مادام حكام العرب خدام
والامر للطاغوت  لايعصا

ماشجعك غير الشعوب الخام
ومن تحرا الحق واستقصا

باشجعك بالدم والاقلام
والبعض ماشجع سوا البرصا......

محور مقاوم بالله  قام
بنيان . قاسم رصهم رصا

بغداد طهران اليمن والشام
والبدر قائد جبة الاقصى

نهاية اسرائيل هذا العام
عزران في تنكيلها  اتوصا

والقادم اعضم بيننا الايام
دام المريكي للفتيل الصا

#الشاعر_عبدالكريم_مقبل
#إتحاد_الشعراء_والمنشدين

https://t.me/aboyahyaalshami

رغم الالم والقلب ذي يبكي دم
الدم حامي والغضب متنامي

اطفال غزه والنسا تتفحم
ياعيني الحمرا حرام ا تنامي

مجازر اتهزت لها الصخر الصم
بيد الكيان الغاصب الاجرامي

كيان مجرم مش غريبه لا اجرم
غريب صمت العالم الاسلامي

وين الشعوب الثايره ماتنهم
يااحرار يانبض الخفوق الدامي

قدكل حاكم بالعماله ملزم
في شعبه التطبيع صار الزامي

ماقالت الصهيونيه قالو تم
حكام قالت بس حسب احكامي

بعض الدول مستسلمه كي تسلم
تبغى سلام بذل واستسلام ي

وبعضها بسم العرب تتقدم
متيهوده في بثها الاعلامي

والبعض لا أسمع ولا أتكلم
بالناعمه صارو كما الانعامي

ولارجل في نجد والله اعلم
ماعد تميز ساميه من سامي

في مملكه بالحق من يتكلم
تصدر عليه الحكم باالاعدامي

من حل دم احرارنا من حرم
على الشعوب الواجب الالزامي

اعطا اليهود اعطا صاغر مرغم
بالنفط سقاهم وشعبه ضامي

سلم لها الجزيه و ماعد يلزم
وسط الحرم ذاك الحرامي حامي

الى هنا ياهاجس الشعر اسلم
هاتو سلاحي ماتفيد اقلامي

#الشاعر_عبدالكريم_مقبل

,,,,,,,,,,,,,قمة العار,,,,,,,,,,

في قمه العار ذي ماتستره قمه
في قمة الصهينه  يارمة الحكام

لامرجله  لاشرف لادين لاذمه
تطبيع خسه عماله ذل واستسلام

وين التحالف ذي اعلن عاصفه حزمه
وين العرب ذي مضو بالسيف و الاقلام

ضد اليمن موطن الايمان والحكمه
ماشفت ضد اليهود اليوم قايم قام

هذا اليمن قد فعل هجمه ورا هجمه
ماذا فعلتو لغزه ايه الاقزام

كلام مايردع المجرم ولا جرمه
بمنتها اللطف يوصف منتها الاجرام

في قمة العار وصمة عاركم وصمه
خاتم بيد اليهودي بدئها وختام


لكل حاكم نتينياهو صدر حكمه
يحكم على كل ثائر حر بالاعدام

طهران ناموس الاسلام اصبحت سمه
بغداد صنعا حلب  غزه جنوب الشام

بحكم صهيون تحرير الوطن تهمه
لنصار والحشد . حزب الله والقسام

وين العرب ياعرب با الفعل والكلمه
وين الغضب والنخب والحرب حرب اعلام

ياكل مسلم امام البيت عكس اسمه
صهيوني الفكر والتشريع والاحكام

ياشعب نجد اتصلنا .خارج الخدمه
وخادم البيت الابيض لابس الاحرام

يا أردن العرب رغم انف الملك وامه
يامصر فرعون ماهو رمز للأسلام

ذا محور الحق قام الهمه الهمه
لانامت ا عيون من نوم  شعوب ونام

قومو بحكم العروبه واسقطو حكمه
والحكم للشعب ليس الشعب للحكام

الارض قريه وحنا بيت يا أمه
قال المثل كل بيت وداخله حمام

#الشاعر_عبدالكريم_مقبل

فىالموت لسرأئيل ياعالم حياة
والموت لمريكا على ايدينا .ثقو

مادامها بقدامها للموت جات
ياجند ربي طوقوها واخنقو

يابو يمن  هات المسير هات هات
دقو سفنها بالصواريخ  .  اطلقو

طاير ابايب حاملات الطايرات
ها و امطروها وارعدوها وابرقو

احنا حماة البحر من شر الطغاة
يامن بعنوان الحماة اتشدقو

ومن تعدا للغرق يرحب ميات
ا و من بطوق الامركه يتعلقو

هذه مقابرهم هنا قبر الغزاة
والبحر الاحمر نار حمرا .يحرقو

ضاقت على اسرائيل من كل الجهات
وفي المضيق انصار ربي ضيقو

بانغلق ابواب اليهود الموصلات
ولاسوانا يفتحو او يغلقو

لو يجمع العالم مع حلف الطغات
ياقدس حولك جند مايتفرقو

الله معنا ياجميع الأمعات
يامن شعرتو بالقلق.. زيد اقلقو

حامت على روس اليهود الحايمات
في ارض لن يبقو بها مهما بقو

ا وكذبة منـ النيل لانهر الفرات
الي كذبها هم  وهم من صدقو

لاشفت في الاقصا اثر شمه وقات
والله مايبقا اثرهم  .   . وثقو

لاتبردقو في غزه الشعث الحفات
في تل ابيب العاصمه بايبصقو

ثباتنا في الموقف الواحد ثبات
لاتسبقو لحداث يامن تسبقو

لن نعتق اسرائيل عاد الرد آت
واطفال غزه ياعربنا يزهقو

ياعُرب كمن شعب غارق في سبات
نجيتو الحكام وانتو تغرقو

يا امه الاسلام ذا طوق النجاة
هذه سفينه نوح لو تتعمقو

مسيرة القرآن والال الهداة
ياسعد قومً بالجهاد اتوفقو

الباطل اتعرا ومايقوا العراة
ان يزهقون الحق مهما ينهقو

هذا بياني وانتو اين البينات
والحق واضح وين ذي يتحققو

#الشاعر_عبدالكريم_مقبل

.( بـذور )

حرب داير قادها ليث الورا
سـيدي لاقـلها دوري تـدور

ذاك هو معنا التولي و البرا
والشعار الي تمثل في سطور

ذاك موقنا ولـن يتغيرا
قل لبو جبريل قائدنا الجسور

تحت امرك سيدي في ماترا
انت اشر ياولي واعرف امور

ندحر امريكا مع انجلتٓرا
نقبض اسرايل نقفز للنحور

نهجنا بالفعل والقول انبرا
ينحر اسرائيل وامريكا نحور

يافلسطين ابشري مهما جرا
مانبالي. حرب لايوم النشور

جرجنا ياجرح غزه مابرا
كيف نبرد والدما حرا تفور

كيف نعمى ياعرب واحنا نرا
كيف نعور عيننا لا الكل عور

من جهل عن بئسنا يتخبرا
بئسنا بالله ماهوشي غرور

شعبنا المقدام لن يرجع ورا
ياجموع الصهينه للخلف دور

لن تسيرو والمسير قد سرا
والبراكين اليمانيه تثور

جيش ابو جبريل لاالطاري طرا
لو يغيب الكل بانبقى حضور

قوم بعنا الروح والله اشترا
في رضا الباري ..تجاره ماتبور

دمنا في كل ميدان اثمرا
ونـ قُتِلنا والله ان احنا بذور

#الشاعر_عبدالكريم_مقبل

دولة امريكا خليط القذاره
والخبث و الرجس من كل قاره
والشياطين الكبار الكبار

والشذوذ العالمي والدعاره
يتخذ منها مقر الاداره
تمسخ الفطره ببارد وحار

غزوها لا كل قاره قراره
كل دوله بل مدينه وحاره
في البوادي والحضر دار دار

ذي سعت في طمس كمن حضاره
حرية نزع القيم القيم والطهاره
شرها في الارض زاد انتشار

مايجي منها سوا كل ضاره
ذي رصيد اجرامها في الصداره
ماضي اسود حاضره فىاحتضار

والحروب العالمي بالاماره
من سوا امريكا الذي شب ناره
ذي تصب الزيت في نار

والمريكي كن ذا الارض داره
من سكن فيها يسلم قراره
والضرايب والرخص والأجار

من دعم حرب الكيان ا بحراره
ضد غزه من يدعم حصاره
مالكسر ا حصاره ألا الحصار

من سعي في حربنا لادماره
انهياره حان.  حان انهياره
طالما بيد اليهود القرار

ذاك الامريكي وصانع قراره
رجس صهيوني يسير بمساره
والبريطاني بنفس المسار

من خساره توصله لاخساره
ياخسارة من يدور بمداره
دايره كم لف فيها ودار

فى الصراع الي يوسع أطاره
الهزايم ساحقه با انتضاره
في سواحل بحرنا اول شرار

دولة الشيطان شوف انتحاره
جاه جاه الموت جا با ختياره
ياشعار الموت لمريك صار

من قصف شعبي بمليون غاره
بسم حلف المملكه و الاماره
قد كشف و جهه جهارا نهار

حامل اسفار المريكي حماره
من عرب واعراب صارو جداره
لاضربناهم ضربنا حمار

حرب غزه ذي دخلنا غماره
غربلت وابقت رجال العساره
بينت لك كل نافع وضار

عبرت من رد فيها اعتباره
كل من له قدر زاد اقتداره
من تحدر زاد فيها انحدار

موطن الانصار ذي بانتصاره
نصر للأسلام جسد شعاره
بالقياده ذي تخط المسار

ارهب الشيطان الاكبر بناره
شعبنا ذي ناره اعضم مناره
تهدي العالم يمين ويسار

#الشاعر_عبدالكريم_مقبل
             

رجال  المجد

رجال المجد والتاريخ الامجد
وقائد مجد امتنا المجيده

وجيشه ذي تصدر كل مشهد
حماة  الدين وانصار العقيده

بفضل الله ذي وفق وايد
قيادتنا الحكيمه والرشيده

وسيد بالمواقف  قد تسيد
عميقه نضرته نضره بعيده

علم يشهد له العالم وتشهد
له افعاله والاقوال السديده

فذا ربانها في الجزر و المد
وذاك الند ذي ماشي  نديده

مع طوفان الاقصى حن وارعد
يهز  الارض  لاحنحن  رعيده

وصقر الجو ذي  حام ا وترصد
بتنكيل  العدو  عزز  رصيده
 
قعد للصهينه في كل مرصد
يحطم قيد غزه رغم قيده

بوعد الله ياشعبي توعد
عدوالله يصلاهم وعيده

نضام العالم الغربي  توحد
مع صهيون ياغزه الوحيده

ألا يادمي الحامي توقد
فكم من طفل يذبح من وريده 

وذي بالقتل لازاله مهدد
وذي من جور جوعه يرضع ايده

وتحت القصف والحضر المشدد
يعانون المعاناة الشديده

وكيف ارتاح يا الطفل المشرد
وياكمن شهيد ومن شهيده

مع صهيون شفنا الغرب حشد
وشفنا شعب غزه ذي تبيده

تنادي ياعرب تلقى مجرد
نضم تطبيع  خذلان ا ومكيده

وحاكم عبد لسرائيل عبّد
بلاده والشعوب امسو عبيده

مجازر بين من ساند وايد
مع اسرائيل كلن كاد كيده

وصوت الشارع البارد تجمد
ولا موقف ولاجمله مفيده

ومن ضد اليماني بلعدا مد
ولا موقف مع غزه نشيده

تحالف قطع اوصال الموحد
علاقاته مع امريكا وطيده

وموقف من تسعود قد تيهود
وعاصف عمر الاحقاد المديده

تعرو  وانكشف ماعاده ابعد
سياسه ولد زايد مش وليده

ومن يجهل وبن سلمان اكد
وتحريم الدعا للقدس بيده

بمليارات  للترفيه بدد
وغزه تنشد الحاجه الزهيده

أيا لبيه  يا غزه  تردد 
صداها من سقطره للحديده

ولستم وحدكم والله يشهد
معاكم بالعقيده والحدِيده

يمن ليمان يبشر به ويشتد
جيش القدس ذي بانستعيده

ورددنا الشعار و ماتردد
بترديده سوا ذي مايريده

ومن لازال بين الاخذ والرد
نقوله قولنا ذي مانعيده

بياض الوجه ولاوجهك اسود
قلو لصحاب الاوجاه العديده

علمنا حلحل  الوضع المعقد
وعلمنا القديمه و الجديده

ووحدنا  على موقف موحد
ومنهج حق لايمكن  نحيده

تئكدنا و أكدنا المؤكد
وجيناكم بالعلام الاكيده

هدفنا يالملاحه  قد  تحدد
ومن يجهل مرامينا نفيده

الى صهيون باب البحر موصد
ومن يصتاد في  العاكر نصيده

قسم لانجعل البحرين موقد
و منهو كفو  يبحر لا وقيده

مع محور مقاوم قام واقعد
حسين العصر  يثئر من يزيده

حسن نصر الله الحد المهند
وبغداد الولا  وابو عبيده

وخامنئي بجيش الهدي والهد
وياحيا   براعي كل  جيده

ونصر الله غايه كل مقصد
ونا  لولاه  مادون   قصيده

#الشاعر_عبدالكريم_مقبل

/موقف شرف/


يابدر وسع دايرة لستهداف
قد ايدك ربي بحس التهديف

باعصار في طياته الموت اصناف
اضرب ولاتحسب حساب التصنيف

ترجف طغاة الارض مافيك ارجاف
ياحق يدحق كيدهم و التزييف

مادام والمضلوم ماشاف انصاف
مايردع الضالم سوا حد السيف

قتلا بنار ا حصار قتلاه اضعاف
اجرام وصفه وصف  فاق التوصيف

يالموقف الدولي بلا اي ايقاف
مطلوب وقف القتل ليس التخفيف

يامسعف المقتول عن اي اسعاف
حقن الدما  ماهو  مجرد  تجفيف

نزف الدما في ضل حرب استنزاف
حرب الاباده مايكفه  تكييف

ياخسا كيان اسرفت في القتل اسراف
ياجرف  هاري  زاد فيه  التجريف

صرف المنايا امر  بيد الصراف
عبدالملك  والله  عليه  التصريف

فك الحصار. الان يا اطراف احلاف
ولا معانا ذي يفك التكتيف

طوفان بالفعل الموئثر طواف
لامر طيفه يعصد الوان الطيف

خُطاف فوق البحر حايم خَطاف
نتف سفنهم  والبوارج تنتيف

مايضرب الا في هدف حسب اهداف
ولا يسلم لك  على غير  الضيف

يانفط  .  فم الطفل في غزه جاف
يالمطبخ الدولي وصهيون الشيف

في ضلمنا ياعالم اجحفت اجحاف
لن نترك المضلوم  رغم التكثيف

موقف شرف يتصدره قوم اشراف
شرفهم الله بآل طه تشريف

هي قوه الله  بعدكل استضعاف
بالله لا با لكم  ولا  با لكيف

كانو ميه واضحو ميات الالاف
والله الف بين خيرة توليف

شعب الهدا معروف حكمه واعراف
قاده علم ماهو بحاجة تعريف

هذا ولي الله غيره ماخاف
يا امة الاسلام تحت التخويف

بايدن خليفه  ياهل الاستخلاف
والخلف حاكم للخوالف  ياحيف

ولّا يشرفكم نضم   تحت اشراف
صهيو مريكي وضفوهم توضيف

ذي يستخفو بالشعوب استخفاف
واوسخ من اتولا . ضروري تنضيف

شوف اليمن ذي منهم شاف و شاف
وكيف موقفنا و موقفهم  كيف

قامو قيامه ضدنا حلف اجلاف
تدمير قتل  حصار ضجه تعنيف

من شاف منهم  لجل غزه هفهاف
في جو حامي بادرو  بالتلطيف

ومن تولاهم / ولو حج ا وطاف
نفس القلوب الغلف نفس التغليف

الفكر واحد  ونبدا فيه ا خلاف
ساس انحراف النهج فكر  التحريف

الباطل اتعرا قناعة شفاف
والحق مايتحاج يابو العريف

أنصار  في سورة سبا والاعراف
قريش في رحلة شتاهم والصيف

#الشاعر_عبدالكريم_مقبل