اتحاد الشعراء والمنشدين الرسمية
19.2K subscribers
8.1K photos
6.79K videos
93 files
33.7K links
القناة الرسمية والوحيده لـ اتحاد الشعراء والمنشدين

لتواصل بنا على الرقم 774513233
Download Telegram
تابع المجاراة عن (موعد الحسم اقترب بإذن الله في جبهات مأرب)

#زيد_الخراشي

يقلق ويسنكر ويشجب من شجب
هذا وطنا كيف تشتوا نتركه

صغنا ملاحم بالدم الزاكي عجب
تبرى من الفتشوب والا الفبركه

منها هوى النجم السداسي واحتجب
وراح من عمر الولايات ابركه

#عبدالواسع_صايل_الغولي

الله اكبر ياصهاينة العرب...
ياالقوة المنهارة المتهالكة...

والمعتدي يبشر بسؤ المنقلب...
ونار حمراء من خشوم البلجكه ...

والشعب ثوّور مثل طوفان الغضب...
في صف واحد بنيته متماسكه...

#عبدالحكيم_ابوهاشم

النصر برقه لاح والوعد اقترب
وحلف واشنطن خرج عن مسلكه..!!

ثارت براكـين الأثـاره والغضب
والارض ضاقت بالعدوا في المملكه..!!

قريب نستأصل حثالات العرب
ومـن يعـادينا قسـم لا نهلكه..!!

#عبدالله_العباد

قل للدواعش جوكم اقحاح العرب
كمن صقر قرناس قابض موشكه

يتصيدوكم مثل ما صيد العقب
رصاصهم مابعدها الا التهلكه

زيتي وابو قبه وزاري فى الجعب
تفكفك أعظام الدواعش فكفكه

#الشاعر_ذيبان_صالح

شعب الفداء والتضحيه كامل وثب
ضد التحالف يهلكه ويفكفكه

من واجه الانصار فالميدان هرب
مقطوع ذيله والقواصف تربكه

الوعد وعد الله والنصر اقترب
على القوى المستكبره والمشركه

#تهاني_الحمادي

يالعنبوا قاعد تغيب و احتجب
بين الخوالف والرجال فالمعركه

بشاير النصر المؤزر تقترررب
والمرتزق يصلى جحيم التهلكه

بايمسي السيد بمارب يختطب
و انصار ربي باتصال المملكه

#ابوالهادي_موسى

في يوم واحد مابنيتوه اخترب
واحنا تعدينـا الـدروب المشوكة

بالأمس قد قلنا لحمال الحطب
ثار الـيمن هيهـات ما با نتركه

لاهنت ياراعي براكين الغضب
ولع بسلك الرد الاكبر و اشبكه

#ابوميثاق_النقعي

كلن تحزم بالنادق والجعب
حرام لوهو شبر مابانتركه..

مارب وطناياصعاليك العرب
والنصر قادم جِد ماهي فبركه..

وإحنارجال الموت ياكمن ذنب
عادالمجمع قدبدينانحبكه..

ّنَ_سِوَيَدِ_الُتُْهامٌيَ

الُـيـَلُ يَاقًـوَم ٌ الـُمٌــســِارَي َ وَشـِبّـبّ
انَصّرَ يَلُـمـٌْع وَالـُدِوَااْعـشِ ُهالـُكـُِه

فَيَ ارَضُ مٌارَبّ ٌخابّت ْ انَذَالُ الُْعرَبّ
وٌَخاب ّ مٌشِرَوَْع الُقًوَئ الُمـٌتْحُالُـفَُه

وَلُوَضُْع فَيَ كِل ُ الُمٌيَادِيَن َ اقًتـْلُـبّ
لُصّالُحُ الُانـَصـّار َ حُسـِم ٌ الُمٌْـعرَكِـة

#الذيب_الذيب

قل لسعودية وصل ذيما حسب
مأرب بأمر اللة قلب المعركة

رهانهم فاشل وكم ياكم حلب
من نفطهم ضخوة لأجل الامركة

الجيش متوجة شروره والكرب
من بعد مأرب من شرد مانتركه

#ابوعدي_الاسد

يا ارض مارب جوش رميان السلب
كمّن سميداع راس يهوى التكتكه

يدعس على خشم العدا من شب
ياويل غازينا دخل في المهلكـه

واليوم ياتاريخ سجل في مكب
نرمي نفايات الحلوف المشركه

#حافظ_الحماس

الله نـاصـرنا ووعـده اقترب
فينا ثقه بلله مش باالامـركـه

يامن بدا بجماد ردي في رجب
في شهرما اسلمت تلقى الدكتكه

بعدالبلق شفت المدينه تـقـترب
والغازي المحتل خسر المعركه

#ابوكيان_الهبل

النصربرقةلاح من بعد القتب
واليوم في مارب حنين المعركة

الله معانا ياصهاينةالعرب
واحنامع الله في طريقة نسلكة

الجيش اذي بالقرش مقطوع النسب
الغدبانلقا جماله باركة

#الشاعر_عبدالله_الحداد

ياناطق الأحرااار قد الوعد أقترب
لدحر الأكاذيب ودك زيف الفبركه

زف التباشير زف من مهد العرب
وعبر المسيرة أرعد بيان المعركه

حدثنا عن أعجاز مقاديم السلب
رجال مع الرحمن تبيد المشركه

#فواز_هادي

لاحت بروق النصروالفتح اقترب
في مارب اتجلا وربي حركه

والخصم بجيوشه وقواته هرب
من حالة الذله دعانا نتركه

النذل شفته بايولي لاقرب
والحر بايبتان وقت المعركه

#صدام_العزب

النصر قرب لا غرابة لا عجب
ياويل أبو كبسة وجيش الأنّتكه

في قادم الايام عاجل مرتقب
يفضح أكاذيب التحالف يربكه

منهو بجبل الله واثق ما أغتلب
ومن مع الشيطان الله يهلكه

#صلاح_الرمام

إحنا علينا بس نعمل بالسبب
واذا عملنا به كسبنا المعركة

من قال حقي مثلما قالوا غلب
محال مأرب للتحالف نتركه

سل ماس عنا يا غبي واسئل صلب
صور من الميدان ما هي فبركةِ

#ابووايل_عنبل

شوف الذهب طول الابد يبقى ذهب
ولا يأثر فيه زيف المملكه

مثل اليمن سيف العرب واصل العرب
ابطال تأسر خصمها او تهلكه

انصار دينه بالوغى تزفر لهب
والحق واضح وانتصاره تدركه

#ابوزيد_النعمي

شدوا الهمم شبوا براكين الغضب
يا شعبنا وانتم رجال الدكدكة

أنتم بني الإيمان هامات العرب
والخصم لو طار السما با ندركه

تحرير مارب يا رجال الله وجب
الثأر يا اهل الثأر ما با نتركه

#ابوثاير_الهمداني

الكل متعاهد على قلبن ورب
يطهرو مارب من الي انهكه

معادشي رجعه قد الواجب وجب
والعرض ما نرضى بغازي يهتكه

مادام واحنا قد بذلنا بالسبب
فالنصر من ربي قريبا ندركه

#إتحاد_الشعراء_والمنشدين

https://t.me/aboyahyaalshami
ضنا قد جار أصليناه من نار السعير

#الشاعر_علي_المحاقري

على خطى الكرار وآل البيت بـانمـضي كبار
على خطى عمار بن ياسر على الباغي نـثـــور

دام الزمن دوّار مابش خـوف لو تـصـبـح دمار
باييئس الكفار كما يئسوا من أصحاب القبــــور

#صلاح_الرمام

دامت بلا طيار تقصف كل ساعة في مطار
والقدس شب النار والبركان أشعل كل بئر

ومن يدمر دار في صنعاء ف يبشر بالدمار
على يد الأنصار يأتي الرد عاجل يا جبير

#الشاعر_أبورازح

شعب اليمن انصار صامد ماانحنى رغم الحصار
بقوه الجبار نتوافد كما الغيث الغزير

دقو جرس الانذار في وجه التحالف والجوار
ومملكه الاشرار بانوصل لها حان المسير

#الشاعر_ابو_حمزة_نشير

شعب اليمن اعصارطوفان المنايا باختصار
للمصطفى انصار في كل العصور مهما يصير

لو صار مهما صار واتشدد على الشعب الحصار
في الحرب سطرنا انتصارات والعدو عمره قصير

#بن_سويد_التهامي

عثر الزمن دوااار (والدنيا تجارب ) وختبار
بلغ بها⇇المنشار عبد امريك خادمها الاجير

شعب اليمن مغوار مايخشئ المخاطر ولحصار
ولوقت مهما جار (نصر الله يـاتي في الاخير)

#الشاعر_ابوحسين_الهمداني

حلف الردا البوار شاف الهزيمه والبوار
مافاده الدولار ولا الاسلحه واقوى الذخير

ويضن إن احصار شعبي من بحارة والمطار
بايهزم الانصار لا هيهات هذا مايصير

#شداد_حميد

من وحي الاستشعار ب اهداف المسيره والشعار
بايلفت الانظار هذا الشعب ب النصر الكبير

سرب المسير سار لا ابها ودمر للمطار
ولا اقدر الرادار يرصدها وهي فوقه تطير

#ابوالهادي_موسى

جينا نشل الثار في قصف الطفولة والحصار
ياحلف الاستكبار ما بحد سوى الباري كبير

نحوك لهيب النار و القاذف و زخات الشرار
والبرق والاعصار واليوم العبوس القمطرير

#ابووايل_عنبل

انصار و ابناء انصار ما هزتهم امواج البحار
هم شيعة الكرار مهما صار يا يوم الغدير

و الموت قبل العار والعزه وطن باهل الشعار
واذناب الاستعمار باتنهار والحلف الحقير

#الشاعر_امجد_الصانع

صلوا على المختار وادعو للذي يحمو الديار
كمن بطل كرار في الميدان ماله من نظير

داعس على الاشرار شامخ حيد رافع للشعار
لا ذل لا استكبار ماهمه سوى المولى القدير

#ابوصادق_الشيبري

جهاد واستبسال نجتث الحثالات الصغار
ذي ساندو الكفار تحاصرنا مع بول البعير

النصر للانصار في القران فوج الانتصار
والقاهر الجبار ايدهم في الفتح الكبير

#سمير_عوفان

صفارت الانذار دقت والسماء تشعل بنار
وشعبنا المغوار على الاشرار قد شب النفير

ياعار سبعين عار يعور لصغار قبل الكبار
لامانخذ بثار من سلمان والحلف الحقير

#تهاني_الحمادي

الليل ياالانصار ماباقي سوى فتح المطار
قد حلفهم منهار والله المهيمن والقدير

باتسمع الاخبار في بث المسيره والمنار
والقايد المغوار بايلقي خطابه بالنفير

#عبدالحكيم_ابوهاشم

لا شجب لا استنكار لا تنديد لا أية قرار
في نشرة الاخبار نسمعهم بتنكير النكير

بجرم الاستعمارمن قصف المواطن للديار
والرفض والاصرارعن فتح المنافذ للمسير

#الشاعر_ابوكرم_نشوان

لو تشخص الابصار والاكباد تعتصر اعتصار مانرتضي صرصار نجد ابليس
فراش الحصير

بعزم واستبصار والباري عليه الانتصار
هذا اليمن ي اقصااااار ذلتكم ولامعكم نصير

#ابوزكريا_المأخذي

قولوا لحلف الشر واذنابه خلاص فات القطار
محال نخضع او نفرط في السيادة لو نطير

لـو يـغـلـقوا كل الـمواني والـمنافذ والمطار
بانـتـجه افـواج للجبهات كبير ولا صغير

#نجيب_العوسة

للواحد القهار با نسجد مع كل انتصار
رغم الحصار اليوم ننتج قمح وذره والشعير

وحلفهم منهار وامريكا كلت كل الضمار
ياكم نصحنا الجار لا يلقي بنفسه في السعير

#أسامة_المعباء

القائد الكرار ذي حدد خطانا والمسار
والجيش والانصار ذي اكملوا درب المسير

وذي غزانا بلحصار جيشه قد ادبر بلفرار
والحلف اوشك بدمار من بأسنا اين با يسير

#ابومجاهد_العصيمي

هبة مع اللة سار كل نشمي في المسار
وفي خطا الكرار نسقيهم نقيع ال زمهرير

اتو باستكبار وواجهناهم ولاذو بلفرار
هجمة باستمرار عليهم.كسبنا النصر اوغيرة يصير

#الشاعر_ابوبراءة_الديلمي

حلف اليهودي طار وأصبح فاالهواء مثل الغبار بقدرة القهار رب العرش والحي الخبير

شعب اليمن مغوار درع الحيدره سيف الفقار وانصارة الأحرار ذي داسو على كم من حقير

#سيف_حسن_العامري

عان الله الانصار والحلف الغبي للخلف دار
سبحانه الجبار خلاها على الاعدا سعير

اشعل فتيل النار والشعب الابي شمر وثار
والخاين الغدار يلفظ في سباء النخس الاخير

#الشاعرذيبان_صالح

دارت على الاشرار نيران الحمى والشعب ثار
كيل المواجع صار فوق الحد والواقع خطير

ياعصبة الفجار جاكم حسمنا بعد اصتبار
بانبلغ الاوطار بفضل الواحد الحق القدير

#خليل_القرحي

انَصّارَ مٌُهمٌا صّارَ لُوَحُاصّرَوَا كِلُ الُبّحُارَ
وَالُلُُه ٌخلُقًنَا حُرَارَ مٌانٌَخضُْع لُكِمٌنَ حُقًيَر
َ
#إتحاد_الشعراء_والمنشدين

https://t.me/aboyahyaalshami
المجاراة اليوم عن الشهيد العظيم #الشاعر_همدان_السباء رحمة الله تغشاه الذي كرمة الله بالشهادة في ميادين الشرف والعزة )

البداية #الحمزة_المغربي

ما خلّد الاقـوال غـيـر الـفـعـال
ونعم بـشاعر بعد قوله فــعـَل!!

سـلـّم لسان الحال فينـا وقــال:
ابن السبأ همدان) اعظم مثــل

والشعر موقف في فعال الرجال
من طبـّقه لا جنة الله وصــل!!

الشاعر محمد الهلالي

ياحي من ذكره عطور المقال
وياحي من فعله يبلسم علل

في كل جبهه للمواقف رجال
وفي كل موقف للكرامه رجل

همدان مثل اسمه على الاصل دال
حكمة سباء.. والشعر مثل الهبل

#نشوان_الغولي

الحمد لك يا الله في كل حال.
يا من لك القدرة و حكم الأجل.

من فوق بقعا با نشد الرحال
يا سعد من هو بالشهادة رحل.

أصدق قصيدة في رجال الرجال.
من لسن شاعر في دماه اغتسل.

#الشاعر_أحمد_الخاشب

الفعل بعد القول عين الكمال
ما هي على ميزان رص الجُمل

والشعر في بعض المواقف جدال
واقوى مصاديق الكلام العمل

للناس في همدان اصدق مثال
وكل نمري في الوغى لم يزل..

#عبدالرحمن_الريامي

بالامس سلّ الحبر عذّب الجزال
همدان، وانجز بالقوافي عمل

واليوم سل السيف والدم سال
والنصر من دمه وصدقه نهل

مامال والفولاذ في الحرب مال
ولا انطرح راسه سوا للأجل

ضيف الله سلمان

شاعر مجاهد حيدري في القتال
واجه بايمانه تحالف دول..!!

وبالهدى حطم عروش الضلال
عند الشدايد في ثباته جبل..!!

وبالشهادة كرّمه ذو الجلال
(قيل اخل الجنة) ومنها دخل..!!

الشاعر احمد درهم

(ولا تقولوا) حَسْب ماالله قال :
(أموات) (بل أحياء) عَزَّ الأجَّل

درب الشهادة للحياة انتقال
من نالها مامات بس انتقل

بينه وبين (الله) حبل اتصال
سعى لها بإخلاص حتى وصل

ماقال بايجلس مع (أم العيال)
ولا تعَّذر بالحيَل والعِلَل.

#فارس_المعزبي

قُل إننا للشعر وإلّا القتال
وإضرب لهم بالشخص هذا مثَل

مع رجال الله شَدّ الرحال
وبالشهاده عند ربه رَحَل

شعر اليماني فِعْل ماهو مقال
والقول في شعر اليماني عمَل

وإيمانه الواعي يوازن جبال
ماينحني لو فوق راسه جبل

الشاعر مرتضى شريف

ألقى إلينا المفردات الجزال
واليوم يلقيها أمام الهبل

وانا اشهد انه شل حقه ونال
وبالقصايد والبنادق قَتَل

يحسن عزاكن يا حروف النضال
وعظم الله أجركن يا الجُمل

#ابومجاهد_الفروي

سبحانه الجبار (مولى الكمال)
ما يصطفي الا الذي قد كمل..

والله ما يختار الا رجال....
(باعوا) من الله قولهم والعمل

نود أن نقتل (لطيب المآل)
(مليون مرة) ولايمكن نذل!!

قليل تاخذنا (سنون النصال)
بدرب (همدان) الشهيد البطل

#أحمد_الغبسي

ياالله توفقنا لقول وفعال
نتبع قصايدنا بخير العمل

ونسألك ياالله في كل حال
تجعل لنا همدان مضرب مثل

والشاعر النمري مقام انذهال
في كل موقف مااعتراه الفشل

#ابواسماعيل_الجابري

سلام ياذي نال خير المنال
لبى النداء حيا بخير العمل

شاعر وحاجز موقفه فالقتال
يانمري العصر الوفي البطل

ثأرك علينا دين ما به محال
لك عهد منا نقد ماهو أجل

#الشاعر_ابو_ريدان_الجبري

همدان ذي لاقال ياذاك قال
وقوله اليوم ترجمه بالعمل

انا اشهد انه من رجال الرجال
المؤمنين ذي هزو اقوى الدول

يهناه هذا العز في كل حال
يوم ارتقاء بالعز شامخ بطل

#بلال_الصوفي

لبيك ياهمدان يا أغلى الرجال
يامن إذا ماقال كلمة فعل

ياذي شموخك من حيود الجبال
وأنت أبي مقدام شامخ بطل

ضحيت لاجل الله فوق الخيال
وأنت الذي روحه لربه بذل

#ابوثاير_الهداني

ياهاجسي هات المعاني جزال
عن الشهيد الحر ذاك البطل

همدان ذي بالشعر سطر نضال
وداخل الجبهات روحه بذل

سطر بطولاتهم بقول وفعال
نال الشهاده والشهاده فضل

#شاعر_بلاد_الروس

اكرم وانعم به وفيه زين الخصال
ازكى سلام الله عليه مالمزن هل

اوفاء بماعاهد وما رتل. وقال
هذا السباء همدان زين المقل

العهد منا بانواصل. للقتال
جهاد حتا النصر وربي بانصل

من خاض مضمار الكرامه والحلال
يستاهل التكريم. من الله الاجل

#ابوالهادي_موسى

اختارك الرحمن مولى الجلال
ياللي مواويلك تهز الجبل

تستاهل التمييز بين الرجال
والفوز بالجنه بخير العمل

حرفك بعون الله دك الضلال
وبندقك نكل بحشد الدول

#الشاعر_رايد_الخمري

به تضّرب الأمثال خير الأمثال
شاجـع قوي البــاس عمــره رتــل

اعظم مواقف فـي سبـــيله ولآل
واليوم عند الله مخـلص يــرحل

شاعر وله في الشعر موجه وقبال
وفي الشهاده جــسده بــحــلا امــل

#رشاد_النيساني

والله ما يــــهــدى لنا أي بال
إلا وقد كلن مــــــع الله اتكل

(ابو أسد) ياقوم شد الرحال
ما مات يا ربعي.. إلى الله انتقل

سادس سنه ثابت ثبوت الجبال
في موقعه، ما يوم جاء بالفشل

#علي_المحاقري

وانعم بمثلك بالقلم والنصال
شعره وسيفه في المعارك نهل

يهناك ( ياهمدان ) هذا الوصال
نلت الشهاده مثل كمن بطل

اختصك المولى بفضله وقال
من باع مني في سبيلي وصل


#إتحاد_الشعراء_والمنشدين

https://t.me/aboyahyaalshami
مجاراة عن (الطيران المسيّر)

البداية #ابوخالد_الطويل_الجهمي

يا ايها الاعراب ماهل طراطيع
لا تشتكوا مفروض تتحملوها

ان جاتكم بالفرد ولا مجاميع
قولوا نيازك وصبروا وجهلوها

#ضيف_الله_سلمان

بلغ مهافيف الخنا والدنابيع
غارة بغارة وانتو اتقبلوها..!!🤣🤣

قالوا بنحسمها في إثنين اسابيع
واتفاجئوا بأشياء ما اتخيلوها🤣🤣

#محمد_الروضي

حلت عليهم سود المشاريع
من حيث ماترقعت مزقوها

صماد طعفر كل المصاريع
والقدس اشعل نفط ابوها

#شاعر_بيحان_ابوليث

ياحمده اقسمنا بتلك المداميع
ان الفناء والخزي للي أنزلوها

ابكل دمعه .. بانجفف يانابيع
لما محازيم الحطب يحملوها

#ابوعلي_البريهي

ست إنقضت واليوم يشكوا مواجيع
قلنا لهم بس مارضوا يعقلوها

عاشوا وماتوا بالمريكي مخاديع
وأنصار ربي فوقهم زلزلوها

#نجيب_العوسة

خابت طموحات الردي والمشاريع
وأرض اليمن باتبلع اللي غزوها

لا فاده امريكا ولا فاد تطبيع
كاس المنايا اليوم يتجرعوها

#عبدالواسع_صايل_الغولي

من جور ضربتها تراهم مهاليع
وانوفهم بين التراب مرغوها...

ومن بقى منهم يسيروا ملاذيع
منها المنايا الكل يتجرعوها

#فايز_الحمزي

خابت اماني حلفكم والمشاريع
وارض اليمن مُحال تستعمروها

جنودكم افراد وقاده مصاريع
حتى الجُثث ماعادكم تدفنوها

#عبدالسلام_الزرغمي

القادم اعظم يبشروا بالمواجيع
واحنا رجال الله نحرق ابوها

من شب نار الحرب قد هم ملاذيع
والانصار بسم الله ذي يبتدوها

#محمد_المنصور

حنينها خلا التحالف ملاذيع
توصل لهم من حيث ما يوصلوها

دكت مصافي نفطهم والينابيع
لله در القوم ذي شغّلوها

#شاعر_اليمانيه

جيش التحالف من سببها ملاذيع
الطايرة ذي مقدروا يوصولها

حيا المسير ذي تزيل المواجيع
ونعم بمن قد صنعوا وارسلوها

#زكريا_الهادي

من كثرها قد نص جدة ملاذيع
كم يا محطه صالحه عطلوها

والمملكة كم جاء لها من مصاكيع
بالمختصر شعب اليمن خبلوها

#ابوعدي_الاسد

قول لهم هذه بداية فراقيع
مقذوقة امحوثي وما اتحملوها

#الشاعر_صالح_حسين

طار المسير والمواعز مصاريع
يقطع ضروع الشاه ذي يحلبوها

والقادم اعظم شر فيه المواجيع
و النوق باتحرق ونلعن ابوها

#ابوحسين_العرجلي

شني مزونش يالمسيرمجاميع
وصب صواريخش وهم يلقفوها

ذوقو شرب كاسات كانت مناقيع
وتذوقو طعم العناء وطعموها

#أبومجاهد_الفروي

ذوقوا عذاب الاوله يا مخاديع
ارض اليمن والله ما توصلوها

عاد المسير با تجي بالمجاميع
يا مملكة سلمان لو تسألوها

#ابوشاكر_المضماري

المعمعه حق القروم المعاميع
في جو ولا بر يتناولوها

ماينكر المصكاع غير المصاكيع
وان شي لهم غايه ولا يوصلوها

#أبوالمازن_عبدالله_الشريف

كم حيلهم يتحملوا من مصافيع
وآيات ربي كيف ما اتأملوها

من بعد سابع عام قصف ومطاليع
عجزوا مع صماد ما نزلوها

#منير_ثعيل

الحلف من قصف المسير ملاذيع
بدفاع الامريك ما اقدروا ينزلوها

تنزل على روس الأعادي مصاكيع
غارات بعد اليوم لن يجهلوها

#حافظ_الحماس

يامن اردت الحزم بشله مباليع
خذ مني الضربات تستاهلوها

اليوم ياسلمان جاك المصافيع
باالوجه من صماد استقبلوها

#علي_المحاقري

صماد في ينبع بيفتح ينابيع
وصل لها من قبل ما توصلوها

اما بنسبه لليمن يامخاليع
تحرم عليكم يالغزاه تدخلوها

#عبدالله_الحداد

صماد ثري الامريك منه مصاريع
كيف اليمان صنع متى حللوها

رغم الحصار عليه ياقوم جرابيع
ماعادها بشي حربكم طربلوها

#صدام_العزب

من المسير نصف الأعداء ملاذيع
من خوفهم في النوم يتحلموها

رؤوسهم حبلى جروح ومخاميع
بينطحوا الحيطان حين يسمعوها

#ابوالهادي_موسى

استقبلوا في كل ليله مصاكيع
استقبلوا غاراتنا استقبلوها

لااستنفرت ماتحرق الا ينابيع
قلنا لكم بالامس تتعقلوها

#بلال_الصوفي

غارات نارية تهز المجاميع
أهل اليمن للمملكة أرسلوها

قد أوقفت فيها جميع المشاريع
أما الكرة الارضية أذهلوها

#عبدالكريم_الصماط

ثار المسيّر فوق حلف الصلاكيع
يسقيهم الويلات يتجرعوها

لضى نخصصها لكم يامصاريع
كن تابعو يحيى سريع واسمعوها

#تهاني_الحمادي

قالوا في الاخبار باقي اسابيع
لاوسط صنعاء والقسم يوصلوها

صاروخيه تصكع وترمي الملاذيع
باتصبحوا يا انذال تتذكروها

#الشاعر_جبهان_حواش

يستاهلو حلف السكارا الملاذيع
هم ذي علئ ارواحهم دهللوها

والنفط ذي ينتج حقول وينابيع
قريب والانصار بايشعلوها

#نمري_عبدالله_مطر

والقادم اعظم يالملوك المباليع
وانصار ربي روسكم يحصدوها

جاك المسير با يدق الينابيع
عاد المطارات انتظر يشعلوها

#إتحاد_الشعراء_والمنشدين

https://t.me/aboyahyaalshami
المجاراة عن القوة الصاروخية والطيران المسير..

الشاعر #عابد_المدم

سلام يا سيف (الفقار) المطور
من اليمن إذهب إلى كل فرعون

أضرب بني صهيون في كل محور
وأطفال غزة خذ لهم غصن زيتون..

تاييد ربي فوق ما انته تصور
ووعد نصر الله للحق مضمون..

ضيف الله سلمان

قل للتحالف ذي علينا تهور
ياويل ويلك من تسابيح (ذا النون)

(نكال) يتحضّر و(بركان)ثوّر
و(ذو الفقار) يحنّ لابناء(صهيون)

واليوم عجل النفط في (نجد) خوّر
و(سعود) ملكه في خطى ملك (قارون).

في حربنا (الدجال الاعور) تعوّر
ومن سلم من نارنا عاد مجنون..!!

#الشاعر_ابوعدي_الحاكم

نورت يا البركان والبدر نوّر
(في راس تنوره) وفي (راس طحنون)!!

برج العماله طاح والسوق بوّر
ذي رد بن سلمان خاسر ومديون

يشرب بمارب غد واحد مفوّر
وبعدها يخرج على ظهر صالون

ابوهكام سخيم الحشيشي

قل للنظام العالمي المزوّر
ربي معه دستور بين وقانون

دستور واحد بالجماجم مسوّر
والباطل الملعون في الاصل كرتون

ومن تعدا الحق والا تهوّر
الرد واجب والنقاء حق مسنون

الشاعر حمزة المغربي

الحلف الامريكي من الويل غــوّر
وغارة الـلـّه تلحق الكاف والنـون!!

حــدّ اليـمـاني بالجماجم مســوّر
ولا لعزمه حـدّ يا اذنـاب شمعون!!

يا مفتي اسـرائيل والكلب الاعـور
لا تدعي الله يحرسك وانت ملعون!!

#ابوعدي_الاسدي

سلام بالستي يصل كل محور
على قوى الطغيان فكره ومضمون

يجتث للدجال سلمان الاعور
وعيال ناقص مشيخة ال طحنون

والنصر للإسلام والقادم اكبر
والموت لامريkـا ولاولاد شمعون

#ابويوسف_القاري

يا طايره تسري بلا كمبيوتر
بسم الذي سخرلنا مافي الكون

تقطع مدى ألفين كيلو وأكثر
وسرها في دم الأطفال مكنون

صدق الولاء بانصنع أكبر وأكبر
قولي لحيفا لاتقل غد مهدون

#شاعر_بلاد_الروس

كل السلاح الغربي الأن بور
وبالمسير والفقار سار مفتون

من شاف مانصنع تفاجئ وغور
فريد من نوعه بدقه وموزون

هذا جزا العدوان ذي قد تهور
واصبح الباغي في القبر متفون

#بلال_الصوفي

سلام ربي للسلاح المسير
ذي صير العدوان باكي ومحزون

ولكل صاروخ بالأعادي تفجر
وجاءهم من قبل ما فيه يدرون

وذل إخوان اليدومي وصعتر
أذناب أمريكا وخدام ص
هيون

#صالح_حسين

جاكم وعيد الله ياحلف بور
فيه الغضب والثار يطلب لشمعون

القدس والفقار نوعه مطور
ورجوم للشيطان منها تولون

الباس قوه فوق ماهو تصور
والريح تجري عكس مانتو تريدون

#خليل_قناف

حيا على خير( السلاح المسيّر)
والقدس والبركان للردع مضمون..!!

ودف ولد سلمان بالحلف الأدشر
وخابت البعران واحفاد شمعون..!!

كل (بفضل الله)يا انصار حيدر
والشعب (للتصنيع) شاكر ممنون..!!

#منير_ثعيل

با نحرق العدوان قادة وعسكر
ونطلع الامريك في الحرب مديون

الأنتكاسة عاقبة من تكبر
وعلى يدينا آخرة كل ملعون

بالله والصاروخية والمسير
با يخرج العدوان خاسر ومجنون

#عبدالقوي_البطل

مهما العدو في غزو شعبي تهوور
ملعون عند الله والناس ملعون

مادام شعبي ضد الانذال ثور
حاشا وكلا يعتري صفنا الهون

مايفلح الدجال والكلب الاعور
سلمان وابنه لو نضحي بمليون

#عارف_شرده

قوم يالمجنح وأعبر البحر والبر
مع المسيَّر دمرو حلف صهيون

خلي تحالف نجد واحفاد تتـشر
في رعب دايم واجعل الكل يبكون

فتحاً مبيناً مثلما فتح خيبر
والنصر للإنصار بالله مظمون

#زيد_ابن_علي_الحوثي

ومقذوف قاصف في سماهم تحدور
يـرمـي غريـزي دون تنشين وتوزون

وان صاح بركــان يسمعه منهو ادور
ويغيض وقعه الــــف مليون ملعون

تصنيع حـــربــي فـوق ماهـو تصور
ويطير حسه منها كـــــــــل مجنون

#ابوغزوان_الوحيشي

قولوا لبن سلمان مهما تجوﱠر..
من ردنا بٲمريك والا بص هيون..

لابد ما نسقيه قهوة محوﱠر..
بالموت ونقهوي بها الشيخ طحنون..

من مد رجله للمحانب تعوﱠر..
لو كان وبع ما غدى اليوم مديون..

#عبدالحكيم_ابوهاشم

راصد يحدد للمواقع وصـور
وذو الفقار جاهز للأطلاق مشحون..!!

يا محلا الصاروخ في الجور نوّر
كأنه لؤلؤ وياقوت مكنون..!!

يرسل تباشيره وحدد ودوّر
وبعد ضرباته من الصوت يبكون..!!

#شاعر_بيحان_ابوليث

بالله واكبر بالله اكبر واكبر
اصرخ وضيق عالملاعين ذا الكون

ياذوالفقار الليل رافق مسير
واحمل دماءنا نار فوق ابن صهي ون

#ام_زينب_الحسن

وتحالف الشر بعد كبره تعور
مايمنع البركان منه كل ملعون

مهزوز ناقص صار للشر محور
وصارتأديبه علينا حق مسنون

لازم يذوق المر هوذي تهور
وحنانرد الصاع للخصم مضمون

#وديع_داعر

سلمان من ظجة صواريخنا ادوّر
اما ابنه المهفوف قد سار مجنون

تُنسف مطاراته وحلفه تدهوّر
مغبون باتريوت وامريك مغبون

نصر التحالف يالنشامئ مزوّر
اما الحقيقه عكس والكل يدرون

#ابوالهادي_موسى

بلغ قرون الشر يا قاهر الشر
الله اكبر ثورت نكسر اقرون

يوم المسير يقتحم كل محور
بالسر ذي في داخل احشاه مكنون

ياصاحب البرج الطويل المعصور
جو بايدن ما با يفيدك ولا جون

#إتحاد_الشعراء_والمنشدين

https://t.me/aboyahyaalshami
تابع مجاراة عن ( معرض الشهيد القائد )

#محمد_الروضي

صنعنا بعون الله للبروج الناطحه
ماينسف قواها من البأس الشديد

ماعاد لها تعبث بالشعوب النازحه
من بعد هذا اليوم جينا بالوعيد

جينا وعزتنا تتباهئ بقوة جايحه
وتصنيع متمكن من اليمن السعيد

#ابوعدي_الاسد

له الحمد مالصماد تسري مروّحه
وما لهجم البركان في بأسه الشديد

وما الهندسه تبدع صناعات مطحطحه
إلى نجد ترسلهـا مشفّـر على البريـد

تقل للزهيمـر بــح يكفيك شرشحــه
نفثته شرورك قرن بانحصدك حصيد

#بلال_الصوفي

وجاءت لنا دوما بشارات مفرحة
وعمت بها البشرى على شعبنا السعيد

ضربنا قوى الغازي بتلك المجنحة
إلى أن رجع مهزوم من بأسنا الشديد

وهذا البيان الحق جينا نوضحه
ونسخه إلى الأحمر وهادي مع حميد

#قاسم_السقاف

بفضل المهيمن والعقول المصحصحه
صنع شعبنا وانتج وبايصنع المزيد

وتاييد الهي من كرامات الاضرحه
تفوق بلد الايمان وأصبح يمن سعيد

وحقق بجهده الف مغنم ومصلحه
من المعركه بايخرج الفائز الوحيد

#عبدالقوي_البطل

واينما تحرك سايق الشر نقنحه
في الحال يلقى ردها اقرب من الوريد

وزدنا مداها تصل حيث وكره ومطرحه
حجار سجيل ساقها بأسنا الشديد

يراها جهنم نار حمرا ولافحه
من ذو الفقار ذق طعمها ياولد يزيد

#شداد_حميد

حقائق جليه ب المشاهد موضحه
وقد وضحت للكل عن بأسها الشديد

صناعات ب البأس اليماني مصلحه
وفي كل يوم يمر وابداعها يزيد

وتوصل بدقه لا هدفها تقرحه
بتأييد رب الكون والمبدء المعيد

#الشاعر_حسن_المهدي

سفير اليمن للمعتدي قوله افصحه
بـ آيه وحكمه صاغ مكتوبه الفريد
..
وفي معرض القايد رسالات واضحه
بلن تنحني هامات الانصار للعبيد
..
ومن عاد يتلكّا في العوده انصحه
اذا ما حسم في موقفه يلقف الوعيد

#ابوشاكر_المضماري

منينه صنعنا كافة انواع الاسلحه
من الصف والتوبه والاعراف والحديد

ومنها قهرنا الحلف وابليس نبطحه
وندفن غرور الامركه داخل الخديد

والاجوى بنورالبدر صارت مصحصحه
وبالله نصنع قاذفات المدى البعيد

#ابوالهادي_موسى

و كفة رجال الله كفـه مـرجـحة
تبيد السعودي تقتلع قرنه المريد

وتصنيعنا ياتي بضربات مبرحة
اتت من معاني سورة النجم والحديد

صواريخ تحرق كل طاغي وتلفحه
وتقطع حبال الحرب واليد والوريد

#عبدالرحيم_منصور_العبدي

بدأنا من اللا صفر والأرض ناجحه
بمنهج من القرآن مرسوم من الشهيد

كسحنا دول عضمى كبيره وفاتحه
بقوة من الرحمن والمؤمن الوحيد

وذا اليوم صنعنا من انواع الاسلحه
ونضرب بهآ العدوان حتى يسر مديد

#عبدالله_الصوفي

صنعـنا المسير والكروز المجنحة
وحلف الردى اضحى مننا منهزم بليد

ومن معرض القائد قد الغرب ضابحة
وتنديد واستهجان من معرض الشهيد

#منيف_ثعيل

بفضل المهيمن والرجال المسبحة
بقوه فتحنا معرض القايد الشهيد

خلاص انتهى عهد الدفاع والممازحة
فيا ويل ويل الحلف من بأسنا الشديد

قسم لانخلي ارض الأحلاف قارحة
الين نملي جهنم صهاين وجنجويد

#ابوعلي_البريهي

مع الله شعبي له تجارات رابحه
وبآل النبي طه يمنا بقى سعيد

ومن صنعنا حلت على الغرب جايحه
ومنها رمينا كل شيطان(ن) مريد

هو الله قاصم من تعدى وذابحه
ووحده تعالى الله يفعل ما يريد

#ابوحسين

تمتجهل نصايحنا يوم كان نانصحه
تكبر تجبر هوه وشيطانه المريد

سما المملكه صارت لنا اليوم مفتاحه
علی اهدفها صماد يصيب المدی البعيد

وهذ بفضل الله لنا النصر فاتحه
تجلت لنا ايات خلقنا الحميد

#عبدالعزيز-الغرباني

عليه اتكلنا والصناعات ناجحه
صناعه يمانيه من العزم والحديد

صواريخ منها ريحة الموت قارحه
لها بأس من ربي وتدميرها شديد

قلوا للسعودي والقسم ما نمازحه
وجب كسر قرن ابليس واذنابه العبيد

#زيد_ابن_علي_الحوثي

والايـات فــي التصنيع بــانـت وواضحه
بمعرض سلاح الجـو لـمـوديـلـه الجديـد

والالـغـام تـحـت الـماء عـساكــر مسلحة
وقسم القناصة والدروع تعرف التسديد

#صنعاني_شحطة

صنعنا وطــــــــورنا صناعات ناجحه
بفضل القوي تصنيعنا نــــوعها فريد

بعضه بدون اجناح والبعض بأجنحه
صناعات نمبرون صنع شعبنا المجيد

وحلف العراء من صنعنا اليوم نابحه
نــــهـايت ملوك الشر والعهر والعبيد

#ابونجم_الدين_البارده

تعيش الصواريخ والمسير ب الاجنحه
وكل العتاد اللي حوى معرض الشهيد..!!

صواريخ مثل النار للوجه لافحه
تلقن رؤوس الكفر ضربات من حديد..!!

وصاحت على العدوان من الله صايحه
كما صاح رب الكون على الطاغيه يزيد.!!

#نجيب_العوسة

ولا ليله الاو المسيرمروحه
عللمملكه ترعد مطاراتها رعيد

وتتلاه ضربت ذلفقار المرجحه
وقدس المجنح ذ وب الصخر ولجليد

صناعه وخبرات العقول المصحصحه
رجال اليمن دي تصتنع كلماتريد

من افعالها المهفوف بانت فضايحه
وخلت عيونه تذرف الدمع والصديد

#راجح_بن_صبر

بفضله عظيم الشان وحده نسبحه
صنعنا وأعدينا وبانصنع المزيد

صواريخ بالستي مع ذات الاجنحة
شهب با نسلطها على الباغي المريد

#إتحاد_الشعراء_والمنشدين

https://t.me/aboyahyaalshami