يا اصحاب النضام البايت
وانتوا ياقيادة مبخوت

لا حد بالجنوبي شامت
ولا بالحكـومه مغفوت

يتحرك مع اول وآيت
بالثوب المخلع والكوت

من حيث السفرجل نابت
والتفاح الاحمر والتوت

يفعل قافيه ويشاوت
من شافه يزجّه ويشوت

ولا خير يبقا صامت
من قدام يقُتل ويموت

يتسمع قصايد ثابت
ويّصفق مع بن كاروت

ما مارب قد الشي فايت
والموضوع كله مكفوت

أما الكـُل يبقا سـاكت
ولا با يجي له طالوت

من خير البلاد القانت
لامنّقه ولاعد بسكوت

كم أرض السعيده عانت
من ضلم العدو الطاغوت

ماليـوم المجنح باغـتِ
والمحزم معبى باروت

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

تابع المجاراة الليلة نوعية والمطلوب من الجميع التفاعل والمشاركة..( #هويتنا_الايمانية_سر_صمودنا )


#عبدالواسع_صايل_الغولي

شعب اليمن مابايغمظ طرفه...
على الجرائم ذي بحق الاسلام...

أمامهم كل القوى منسوفه...
قداااام يا انصار الرسالة قدام...

نصر اليمن واضح عيان بنشوفه...
وجيشنا واحد مع جيش الشام

#عارف_شرده

صمود أسطوري ويصعب وصفه
في درب طه والوصي والاعلام

والمعتـــدي يبـشـر نمـرَّغ أنـفـه
ونحرر الأقصى وأرض الإسلام

والمرتزق لابــــد نكســـر لقـفـه
وكل غازي ندعـــسه بالأقـدام

#المنتصر_بالله

شعب اليمن لو راح منه نصفه
او اثلثينه ما قبل لستسلام

احنا نقاتلهم بشوق ولهفه
وهم يسوقوهم قطيع الأنعام

المرتزق ما يمشي الادهفه
ومحددة له مدت الاستخدام

#يحيى_مفلح

لازم يمنا يجتمع في صفه
ويعرف العالم بمعنى الاسلام

جهاد بالانفس وحتى حرفه
جهاد باذن الله ضد الاجرام

جهاد ماتهتز حتى طرفه
يهجم ومايعرف سوى للقدام

#اليماني_ابومازن

ما باقي الا يا نشاما دهفه
قدام يالابه صناديد قدام

الحلف الارعن بايلاقي حتفه
والنصر اليماني بايطوف الشام

#محمد_العمار

احنا الصواعق للعدو والرجفه
واحنا الزلازل ياحشود الاقزام

احنا المانايا في العنق ملتفه
صادر عليكم من بغمنا الاعدام

الجفن مايرتد فيني طرفه
الا وعرش النصر عندي إلزام

#عبدالقوي_البطل

نقطع جماح المعتدي ونلفه
ونجعله يفقد جميع الارقام

ماينفعه كبره ونفشة صوفه
الخبر قد بان من وراه وقدام

صرخة ولي الله تخفض كيفه
كنها قنابل تنفجر او الغام

#عايد_الخيل

من يجعل القرآن قبلة حرفه
وسيفه البتار فوق الإجرام

يهموا الأعداء كلمة لقفة
كما يهموا الشجاع المقدام

أما سعود فداعسين فوق أنفه
ومارب لنا والنصر هو للإسلام

#عبدالحكيم_ابوهاشم

الواحد المعبود سر الوقفه
مثل الجبال الراسيه والاعلام..!!

مـا همـنا سلمـان ولا حلـفه
من في سبيله ضل مثل الانعام..!!

الراس مقلم ويل ساعة قطفه
ما با نوقف واشهدي يا الأيام !!

#ابوفيصل_المهذري

خلاص تـــــــــم الان رغم انفه
وتم دعسه حيدري بن ظرغام..!!

الحلف هـاذا العـام اشر ضعفة
وصار غارق بيـن جند الاسلام ..!!

بــاذن ربــــي بايــــلاقي حتفة
والله واكبر فوق كيد الاجرام..!!

#محمد_البهلولي

يا اهل الكرامه والشرف والعفه
صمودنا واجب علينا والزام

يالبندق الشرمه ويا ابوعطفه
احكم على روس العداء حكم اعدام

واحنا سلاح ابن النبي في كفه
يضرب بنا الحلف الردي والحاخام...

#زيد_الخراشي

حلت بحلف المجرمين الرجفه
بما يديهم قدمت من اجرام

وكل طاغي سنة الله خلفه
يلحق بمن قبله (وتلك الايام)

سابع ملوك النفط موعد حتفه
على يدينا لاح في سابع عام

#مقبل_حسين_جرام

لازم نزيل أنجس وأخبث نطفه
سلالة آل سعود أوسخ حُكّام

إحنا حبال الشنق ذي ملتفه
باعناقهم أخذاً بثأر الأيتام

قولوا لهم تحرم علينا الوقفه
حتى نطهر أرض مكه والشام

#ابوإسلام_الحداء

احنا هل الفزعات واهل الوقفه
ما ننسحب مهـما تطـول الأيــام

با ندحر الغازي و ندعس لقفه
ونرّجع الأقصى لحضُن الإسلام

و ننشر الإســلام و نعــيد صـفه
رغماً على انُف العرب والأعجام

#نور_الدين_المقاتلي

عدوان في الجبهات لاقا حتفه
يشرب نقيع الموت من مونه خام

زُفَه بـ مــــ.ـــونات المعدل زُفه
ياقرم وازرع مـن حواليه الغام

(ا) ولبسه فستان لعب(الخفه)
يلعـــب عليه العام يتلوه العام


#إبتسام_شرف_المحطوري

صمودنا قوة وشاهر سيفه
في وجه أمريكا وكل الأقزام

هذا اليماني لاقتحم في خِفه
يزلزل الدنيا يدوس الإجرام

توقف له الساحة تقبل كفه
وتنحني الابرمز بين الأقدام

#حاتم_الاسدي

الكون في كفه وحّنـا كفـه
إبـا شجاعه بأس شده إقـدام

ماقالها القرآن محض الصدفه
يستبدل الله باليمـن للأقزام

إيمان حكمه الشرف والعفّـه
نبض الهويه شعبنـا والصمام

#الشاعر_سيف_حسن_العامري

رجح صمود الشعب وزن الدفه
من بعد صومه نال مالجله صام

واقع جلي يصعب لحرفي وصفه
عجّْز خيال اكبر رواة. الافلام

بهويته وتمسكه في. عرفه
اصبح لدين الله وامنه صمام

#أمين

مع النبي شعبي وقف في صفه
و المرتزق واقف بصف الحاخام

في كف طه دايم إحنا سيفه
يضرب بنا روما و حلف الاجرام

مهما تقاوى الشر بادي ضعفه
وابليس مع حلفه مجرد اقزام

ـ#الشاعر_صقر_هيسان

ماعاد ابى سوطي ولا ابغى نقفه
إلا المجمع وانتصار الاسلام

ماباقي الا يا نشاما دهفه
بقوة الله العليم العلام

سلمان في مارب كسرنا لقفه
واكل قفا التفاح سله شمام

#الشاعر_رايد_الخمري

اليــوم حــان الـرد جــاري نـسـفه
مابعـد هاذا الــعام غيـــر الأسلام

ومن هد سقف الـجار هـدوا سقفه
قولـــوا لإمـــريكا وكــــل الـــحــكام

ومن حـارب الأسـلام نخـرب صفه
قـانون قــــرآني ومنــــطق اعـــــلام

#إتحاد_الشعراء_والمنشدين

https://t.me/aboyahyaalshami

يشهد الله ياحيد البلق
ان لك قدر زايد واحترام

شد باسك بصبيان الطلق
سيل كارش يخليها حطام

دام رب السما ماشي قلق
وعدهم حان في شهر الصيام

بانجيهم من الصحرى سبق
بعد قايد مسيرتنا الهمام

قُل لسلطان ممنوع الحنق
ذه مقادير من رب الانام

والمجمع بزينات الحلق
بايسلم رضى ولا اقتحام

بعد ما جيش اخو نوره ذرق
روح الحلف من مشّرق وشام

ضرّ صعتر تنشاف المرق
والطمع فالمعسل والطعام

دق فالمملكه لاما اختنق
هو ويا آبنه وبنته والمدام

كُلهم فالفنادق والشقق
والمساكين يمسوا فالخيام

لاتقولوا حسابي مخترق
قُلت ماهو عليا والسلام

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

حلقت فوق المجمع واصربت
حاميه يا الربع من كل اتجاه

ودفت قوم العماله ودفت
يستحق البرد من ضيع دفاه

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

يا سلطان حاسب حاسب
لك دِينك وانا لي ديِني

بمراض الكلا والحالب
والفيروس لاتعديني

أحّلق لحّيتك والشارب
والّلحق زنبقه وافتيني

من زل السننّ والصايب
قُرُبه صار لايعنيني

شوف ابن العكُيمي حانب
لا كيني ولا عد ميني

فك الجوف واللحق مارب
والكُتلي نكّع والصيني

من شيعة علي بن طالب
ذاق الموت عينك عيني

لامس موجبه والسالب
وانجد فوق باص النيني

ماشي زد وقع ياغالب
من شهد الجباح اسقيني

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

الله ياهادي يشلك ينبزك
ويشل من ساند وشارك في غباك

ويشل اخو نوره وبن زايد معك
ويشل طارق والزبيدي والحراك

ويشل الاصلاح ذي بذاته أيدك
ويشل من عاده يحبك أو يبُاك

ويشلنا ذي ما شربنا من دمك
ساعة دخول العاصمه واحنا نراك

لاخير في حكمك ولا في دولتك
الله ياهادي اساله لاهداك

أبليتنا بالمؤتمر والمشترك
وابليت كل الشرق الاوسط من بلاك

لاعادنا مؤمن ولا مرتاح بك
ولا التحالف عاد هو  يشتي بقاك

كُل العرب صارت سمك ياكل سمك
عجنتها عجنه ولقيته قفاك

هذا المصايب كلها في ذمتك
واين با تقفّي من دعا هذا وذاك

كلمات / #الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

تابع المجاراة الى روح الشهيد المجاهد العظيم الذي وفّى
#ابوفاضل_طومر رحمة الله تغشاه..

#هادي_حسين_الرزامي

تشتي تسجل مواقف خالده تذكر
انظر لطومر وأمثاله من الوافين

نبغى المناهج من التدجين تتحرر
ونشوف لابطال فيها نهج للناشين

#الشاعر_كمال_الذيباني

طـومر..وانـشهــد سلالة مالك الاشــتر
مشــاهِده ماتصــدقها نــواة العــــــين

لو اكــتبـه شعــر مايكفــــيني الدفـــتر
تقــول هــذا الرجل ماهو من الالفـــين

#راجح_عامر

تاريخ الأبطال في كبد السماء يُحفر
والتضحية مهر عرس النصر والتمكين

أبطالنا قافلة تخوض بحر وبر
مسكين ذي ما لحق بالقافلة مسكين

#الشاعر_محمد_هزاع_البهلولي

موقف تسجل في التاريخ واتسطر
أعظم وفاء دونما غنه ولا تنوين

وجاء من وحي عاشوراء ولد طومر
مثل الرجل ذي أتى من قوم إل ياسين .

#زيد_الخراشي

ولاركــــب فــوق ضـهر الآنــــدكــروزر..
مثل احمر العين طومر قبله احمر عين.

ولاحمل مثل راس الحيدري طومر..
صاروخ مشحون كيماوي وهدروجين.

#أبويوسف_القاري

ماهي غريبه على من قدوته حيدر
ومن الهدى علمه عبدالملك وحسين

الملزمه من هدى الله وحدها تقدر
تصنع جبال وقنابل ذريه من طين

#عبدالغني_ضبعان

الله اكبر على من فوقنا اتكبر
واسقاه هاني مذله طعمها غسلين

انا اشهد انه حفيد الحيدر الاشتر
بعد المهمه اخذه الله لعليين

#ابومطلق_ابوشوصاء

مواقفك في صفيح الدهر باتُذكر
لانك مجاهد مع الرحمن وأحمر عين

ماهي غريبة على من قدوته حيدر
ماهي غريبة على من قايده احسين

#جمال_عوضه

مشهد حسيني يركع طالبين الشر
حيا الله انصار ربي والحواريين

ونعم بطومرشهيدالحق ماقصر
انقفد رفاقه وصار اليوم في عليِّين

#يحيى_الوحيشي

ذا المنهج الكربلائي ذي وضع جعفر..
عزة فداء تضحية ياكمن احمر عين..

جسد لنا طومر الاسلام فر وكر..
عليه صليت من يومي ليوم الدين.

#عبدالله_العباد

هذا ملك بس في هيئة بشر مظهر
ولا هو اصله ملك حتى ولو من طين

آيه من الله فعلن انت ياطومر
تجسدت خوة الأيمان فيك واللين

#أبو_بدر_الفرجة

انا اشهد ان الشجاعه والاباء طومر
والعز والمجد ملكه ماعتراه اللين

انا اشهد انه بطل مقدام ماقصر
سطر مواقف شامخه لايقه بالدين

#شاعرة_اليمن(العنقاء)

عز الله انه في سهام الضيم قد كسرّ
عظم الكلاب النابحة بذو حدين

شهامة شجاعة عِز نبراس ماصدر
هذه سمات الفذ والمرجلة والزين

#أبــوسجــاد_نــايف_الحــيــدري

مــوقــف مــعــا الله بادر به ولد طــومر
حتى أرتقى روحه ألطآهر جوار احسين

لله دٌرهِ أســــــــــال الله لــــه يــغــــفـــر
ويــجــعــله دآخــل الفردوس في عـلين

#الشاعر_محمد_قارية

أعظم مواقف شفتها والله في طومر
من وين نبداء بوصفه ياحروف من وين

ونعم(ببو فاضل)وفي مقدام ما قصر
خلّــــد بطولة وعزة للفداء والدين

#أحمد_الماوري

احترت في وصف ابوفاضل ولد طومر
بعد الذي قام به في يوم تسعة/اثنين

بمثل هذا #الذي_وفى ولا قصّر
باينتصر شعبنا والدين يبقى دين

#مراد_الشعوبي

في اليمن حيدر الكرار يتكرر ،،
أمثال هاني الذي وفّى ليوم الدين

جسّد معاني الشعار في لونها الأحمر ،،
كأن ربي نتق به مثل طور سنين

#الشاعرعلي_ناجي_حمادي

طومر اسد مقدام تاريخه اتصدر
يشهدالله يشهد للرجال الميامين

فالميادين طومررمثل عمار وحيدر
ماخضع يوم راسه للكلاب الملاعين

#ذوالفقار_سفيان

موقف بهذا العصر صار الاشهر
يوم الهدئ يصنع رجال(ن) واعين

وحين فاضل بالوفاء قد شمّر
سطر مواقف خارقة للتكوين

#ابوفيصل_المهذري

طومر مادراك ماطــــــومر وماطومر
مقدام مؤمن ولي تبع ابن بدر الدين

في المرازيق خـــــلى الحلف يتبعثر
من قوة ايمانه العظمـاء مع التمكين

#شاعر_بيحان_أبوليث

هذا نتاج الهدى وايات .. "واتدبر"
اتشوف سر الاباء في اشبال بدر الدين

ايات عظماء جليه واضحه تظهر
الصف والعصر والانفال هي والتين

#الشاعر_ماجد_نشير

يامرتزق بعد هذا اللعب باتخسر
خذها نصيحه ولاتلعب على الحبلين

في كل موقع ترا جيش اليمن سيطر
شل المواقع وحاصرها من الحالين

#مختار_حيدر

انشهد انه سقى الأعداءموت احمر
من دون محجاولاملجاولاتحصين

قل للذي ماتعبّر شوف واتعبّر
هذا هوالنصروالتسخيروالتمكين

#محمد_حزام_متاش

موقف عظيم الثقة بالله يتسطر
يجسد الانتماء الصادق وعمق الدين

سلام ربي على هاني ولد طومر
ورحمة الله عليه في كل ساع وحين

#حنين_الفرجي

وانشهد أنه شهيد الله به نفخر
من مثل طومر طمر بالله يالطقمين

مواقفه خلت الأبدان تتقشعر
ومنها الكل شاف النصر لفلسطين

#علي_درهم_المؤيد

ياكاتب الـدهـــر سطـــر بالقلــم سطـــر
في عصـرنا اليـوم عـادة كربلا وحسين

طومر في التضحيه قد شابه ابن الحر
وبالفــداء والبسـاله وهــب وابن القين

#الشاعر_صقر_هيسان

أنا اشهد انه نمر والله وقرن اعصر
قوه تعادل قطر والهند والبحرين

قلوا لنايف واخو تركي واخوبندر
يشاهدوا كيف طومر طار بالطقمين

#إتحاد_الشعراء_والمنشدين

https://t.me/aboyahyaalshami

مهداه للوالد اللواء مبارك المشن الزايدي قائد المنطقه العسكريه الثالثه حفظه الله
.......
سلام مخموس منا خاص لك يامبارك
في كل ليله ويوم

كيف انت يالقايد الشهم الابي كيف حالك
واخبارها والعلوم

تحرير وادي عبيده والبلق فـ انتضارك
حرّك عليها الطقوم

واحنا معك شد باسك مانخالف مسارك
لاما القيامه تقوم

في كل الاحوال يابوطارق احنا سلاحك
لاحان وقت العزوم

أشّر لنـا وابشر الليـله نحـقق مرامـك
في زحف ولا كموم

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

ياجنوب اليمن رحب وسهل بالاشتر
وانت ياحيد يافع قول حيا وسهلا

حان وقت اللقا مابين صنعاء ولودر
والحديده وشبوه والمخا والمكلا

غاب نجم العراده وابن هادي وصعتر
وانتهى عصر قيس ابن الملوح وليلا

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

قال ابوقيس وايش اخباركم ياهل مارب
فالنقاط التي جتّكم بصوره سريعه

بادره جات من نجل الامير ابن طالب
قيموها ولا داعي لكُثر القطيعه

لجل حقن الدما ضموا على شور صايب
واحمدوا ربكم ولا العواقب شنيعه

المواقف فرص ماهي بكبُر المناصب
غيروا وضعكم من نفس تاك الطبيعه

وانّكم باتضلوا مسخره للأجانب
فالنهايه مع اول باص عبر الوديعه

بايقع حلّق كامل للدّقَن والشوارب
أنتقآليّكم والشرعيه والشريعه

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

انا اشهد انـك يامحافـظ مـأرب
حققت الاستقلال والحـريـة

علي طعيمان سجله ياكاتب
في صفحة التاريخ حروف مظيه

من جهم تاج العز كمن شارب
أعسر قبيله فاليمن جبريه

قايد ومن شيعة علي بن طالب
وفـي مسيـرة حـق قـرآنـيه

في معركة مأرب فعلة الواجب
تشهد لك الجوبه مع العبديه

حررتها من كل خايـن عـايـب
عبيد اسـرائـيل الاجـرامـيه

حققت منجز ماحسب له حاسب
واخلصت للـه وآل طـه النيه

كُل المعارك مـ آنت منها غايب
نقلـه تسجـل بالـرقم نوعيه

مـاهزّتك قـوة تحالف خايب
ولا لهـب غــاراتــها الجـويـه

بإسم القراميش شابهم والشايب
ومديرها واسودها البريه

تستاهل التقدير منّا قاطب
وتستحق مليون الف تحيه

وابشر بربعك بالسلاح الضارب
فـي سلِم ولا معركـه حتميه

رجال في ساعة حماها اللاهب
تحطّـها وسّـط الكبد صدريه

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

تابع المجاراة الاولى عن الفرح والابتهاج في استقبال ذكرى المولد النبوي الشريف ودعوة للوحدة الاسلامية ..

#عزيز_الردماني

على المصطفى صلى كريم العطا العلام
وشعب اليمن صلى على كاشف الغمه.

ومولد رسول الله له شوق هذا العام.
من اول ربيع اول نفح في اليمن شمه.

وبالسندس الاخضر كسينا مدينة سام.
وزاد الضيا من مولد النور والرحمه.

وما بعده إلا نصر في الخاص ولا العام.
لأمه بذكرى مولد النور مهتمه.

#مقبل_جرام

رسول الهدى لبيـه مادامت الأعـوام
يدوم الولا لـه والوفا ينذكر باسمـه

فرحنا بفظل الله يتجاوز الارقـام
فنعمـة رسول الله مامثلها نعمـه

كـرم تضحيه احسان وايمان واستلهام ً
مشاعر بها نمتاز في مولد الرحمه

نحب النبي ونغيض اعدائه الأقـزام
بصرخاتنا والبأس والعزم والهِمّـه

#الشاعر_صقر_هيسان

بذكرى النبي بانحتفل عام يتبع عام
وفي كل مبنا بانسجل حروف اسمه

واذي لليهـ ـود الكافـ ـرين اصبحوا خدام
ولآجل الدراهم خانوا العهد والذمه

عليا الحرام ان عاقبتهم قرار اعدام
نهايه وخيمه كل حد بايخذ قسمه

على ايدي رجال الله باتدفن الاقزام
وباينجلي من شعبنا الهم والغمه

#عبدالله_الجرفي

لك الحمد ياربي على نعمة الاسلام
وعلمتنا في محكم اياتك الحكمه

نصرنا وحلف الشر متولي الخام
سقط في حفر غيّه والانصار في القمه

اذا ما احتفل بالمولد الا مدينه سام
فالاعراب ماباقي من الدين غير اسمه

#إبتسام_شرف_المحطوري

شعب اليمن منصور والنصر للإسلام
من يوم ماعظَّم المرتبط إسمه

باالواحد القهار ، من أفرض الأحكام
وانعم علينا الله وارسل لنا الرحمة

محمد رسول الله الروح والأنسام
فكيف مانفرح ونقدم الخدمة

#ابوقصي_العويري

مع عيد ميلاد الهدايه هجوسي قام
ورحّب وشارك وابتسم قلبه و فمّه

كتب فوق اساطير الورق كتب بالأقلام
ويرسّل مقالاته رسايل على رقمه

قلو لليهـ ـودي والمنافق من الحكّام
هنا شعب بلإيمان مخلوق والحكمه

هنا شعب جيشه دام في خدمة الإسلام
تمسّك بحبل الله والال والختمه

#ابوزكريا_المأخذي

عاجز عن التعبير واحتارت معي الأقلام
وهاجسي لا زال محتار في نظمة

لشهر فيه النور بدد ظلمة الظلام
بمولد الهادي ختام الرُسل للأمة

يا الله توفقني وتمنحني من الألهام
وتزيدني تسديد في التعبير والكلمة

فـ الشعر في حب الرسول وآله الأعلام
يحتاج فيه الشاعر التسليم في فهمه

#أحمد_الخاشب

حملنا رسول الله حقيقة بغير اوهام
وخضنا ميادين الوغى رافعين اسمه

تعدّا فرحنا بالنبي أزمنة واقوام
وفي يوم ميلاده وصل قمة القمة

ومن حبنا له ذي بلغ منتهى الأرقام
وحبه لهذا الشعب أرسل ولد عمه

نجسد ولانا واتباعه مدار العام
وعقبى لنا نلقاه في الحشر ونضمّه

#سعيد_الكهالي_الحداد

ثنعشر ربيع أول ولد فارس الاحلام
نبي الهدي من قارن اسم الإله اسمه

بهج نوره الصاطع وطاحت شرف واصنام
والاحبارشاغت بالخبر وانتشر علمه

وداهم يهـ ـود الحقد والخبث والأوهام
وحاكت مكايدها من الخوف والصدمة

على رغم أنف الحقد من وحي واستلهام
نشردعوة الإسلام بالوعي والحكمة

#شهاب_المتوكل

صلاتي وتسليمي على منبع الاسلام
محمدرسول الله ذي جالنا رحمه

ونعمه من الجبار مامثلها واكرام
يزكي جوارحنا ويبعد لنا الغمه

ويجلي عمانا والضلالات والاوهام
باشراق مرساله وتبيينه وعلمه

قسم لا نباهي به ونفخرمدى الايام
ونسحق معادينه وذي يجرحوا اسمه

#خيرالله_الخولاني

صلاتي لطه عد مافجت الغمام
وعد ماتقطر كل نطفه من الغيمه

فلبيك مناء انت ياخيرت الانام
بذكراك نحتفل بماتعتني الكلمه

مع الاوس والخزرج لك احفادها الكرام
على منهجك نمشي بنهجك على همه

ومن يمتسك في نهج طه حمل وسام
وسام الشجاعه وامتلك قمت الحكمه

#عبدالقوي_البطل

ياسيدي ذكراك في ذاكرتنا دام
نفرح بميلادك للخير والنعمة

ذي دامها ربي لنا امة الاسلام
بمحمد المبعوث في البشر رحمه

صلى عليك الله دايم مدى الايام
ومادام شعب الجود مشدود في عزمه

مع النبي والال باالذود والاقدام
يردع من اتعدا للدين والحرمة

#أبوهاشم_الحسيني

سلامي عدد قطر السماوات والغمام
على يوم ميلاده على هذه النعمة..!!

يمنّا احتفاء بك يامحمد على الدوام
ويفرح بفضل الله ويجسد الحكمة..!!

وفي مولد المختار يُكتب أولي الأقلام
وبك يارسول الله نوصل إلى القمة..!!

على رغم صمت الكل ماعد بقى كلام
سوى كلمة الأنصار في هذه الأمة..!!

#ابومحمد_العفاري

اليوم تطوى الصحف وتمسك الأقلام
في مولد المختار ذي انقذ الامه

ذكراه بسلم جروح للدين والاسلام
يحيي قيم عاليه ذي تكشف الغمه

بانحتفل بالهدى ونلغم الأوهام
نترجم القول بافعالنا والحكمه

صلى عليه الله ونستذكر الارحام
ونجاهد المعتدي من فوهة البغمه

#بدر_الكهالي

ومولد رسول الله يومه مدى الاعوام
هو اليوم الاعظم ذي نسف نوره العتمة

رسول الهُدى رب السماء الواحد العلام
الى كل الامة و البشر أرسله رحمة

وشعبي على خط الولآء للنبي مقدام
تولى النبي والآل من أعظم النعمة

هُدى الله ذي شعبي بخطه سرى قُدام
وفي جاهلي

من اول يوم شُفّنا الشيخ صعتر
دخل مارب وجانا حزب الاصلاح

الى ذاليوم واحنا كر في فر
معارك من يهرّ لاخلف صرواح

وصلّنـا بالبـلا والهـم والشّـر
وبيت المال فلّس واليمن طاح

ووضع الشعب في لحظه تدهور
وشفّنا الفقر في بطن السما لاح

ثلاثين عام لاما البنك صفر
وهم والمؤتمر واتباعه ارواح

عصابه قادها الدجال الاعور
وولآها اليمن خيره والارباح

ولا واللـه شفّنـا شـي تغيـر
ولامنجز تحقق غير الاجراح

معانا منّـهم جعفـر وشـوتـر
وحلقة زنبقه والشيخ طفاح

هديتهم ومنجز بيت الاحمر
خلال ايام فترت حُكّم شنواح

وذلحين الخبر لاحد تخبر
من اهل الشرعيه ضابح ومرتاح

تجدهم فالخليج من حر لا حر
قياده كلهم واصحابنا اشلاح

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

تابع المجاراة بعنوان دعوة جميع أبناء اليمن إلى وحدة الصف ومواجهة العدو المشترك .

#الشاعر_صقر_هيسان

باتشوف العدو فالتاليه يندم
بعد تحرير صافر هو ويالجوبه

صفنا صف واحد فوق بن ملجم
وسط مارب قطعنا اليوم عرقوبه

كل غازي ورب الكون مايسلم
بايقع فالفلج فتّه ومعصوبه

#ابوقصي_العويري

ياقبايل يمنّا داعيه يزهم
لمو الشمل وامشو بعد مكتوبه

كل غافل يعاود لله ويفهم
ينضر كتاب ربي وينطلق صوبه

عزنا والكرامه فيه لو نعلم
لا نخلي طغات الارض مرعوبه

#عبدالواسع_صايل_الغولي

في ال عمران في قول الله المحكم
اوامر الله بالتوحيد والتوبه

وحسبنا الله مولانا الذي انعم
باشياء علينا وكانت قبل مسلوبه

ونصرة الله ذي في البدع والمختم
اليوم تجلت حقايقها في الجوبه

#أبــورازح_الـقـعــود

رصو الصف ياشعب اليمن أفهم
ومن رفضها جعله يارجال نوبه..!!

صف واحد امام الحلف ذي اجرم
ننسف الحلف ذي حاقت به ذنوبه

واليماني في الجبهات موت ارقم
وأصبــح اليوم للتاريخ أعجوبه..!!

#ابوحمزة_المقاش

لا بتي يا رباط الجاش والمحزم
كلنا يد وحده جند محسوبه

شعب الايمان لازم بإرخا ينعم
والخصال الكريمه فيه منسوبه

يحرم الذل وانتو رددو يحرم
لا لقيتو المنافق قص من ثوبه

#ابوكنعان

أنهم بصوت التماتيك ياولي أنهم..
من بطن شيكي بصوت أثنعش مصحوبه

يصحي النوم وذي عادو غشيم أبكم..
من باع أرضه وربعه باع محبوبه

اليد بااليد وانت الروح وانا الدم..
التفرقه والشتات خدعه وأكذوبه

#الشاعر_عمر_الأهدل

يا الحيود المنيفه يا عيال العم
من إب وصعده وتعز لا مآرب الجوبه

الشمل لازم بحول الله با يلتَمْ
والمرتزق والسعودي ايامه محسوبه

قل للسعودي يمنّا عار ان يُهزَمْ
شوفوا المشاهد في نجران والخوبه

#فايز_الحمزي

مابقى شي سوى صف اليمن يلتم
دنقوا صوب هذا المعتدي صوبه

يارجال اليمن الكل يتحزّم
كل مؤمن يشّمر يارجال ثوبه

عيشة الذل فيها البهذلة والهم
والحياة في كرامة جد مطلوبة

#عبدالقوي_البطل

كلنا يد نبقى واحدة نسلم
من مكايد على الاسلام منصوبه

كلما اراد حلف الشر يتقدم
شافنا قوم امامه زاجيه هوبه

كم تمنى فلاحه في لقانا كم
كلما هم يلقى عكس محسوبه

#اشرف_الحسني

التوحد وجـب ذي ما عـلـم يعلم
نجعل امـريـك واسرائيل مغلوبه

ننتصر بـالـولا والتضحيه بـالـدم
لا نـكـن فـي يد الشيطان العوبه

دايــم الانتقاد ع السربلة والضم
وارضنا في يد العدوان مغصوبه

#شاعر_بلاد_الروس

كلنا كاالبنان اخوة واولاد عم
صف واحد من الساحل الى الخوبه

لجل هذا وواجب كلنا نهتم
بالجهاد راية التوحيد منصوبه

اعتلاها ابو جبريل واتوسم
قالها كلها تمت . ومحسوبه

#ابوحضاره_السويدي

لازم الشور ياشعب اليمن يلتم
من جنوب الوطن لا البقع لاالجوبه

كلنا اخوان يامارب عيال العم
ليش كلن على الثاني رجع زوبه

لا اتحد راينا والصف والمقدم
يوم لاطال والعدوان مغلوبه

#ابومحمد_السحاري

الاخا والتوحد شملنا يلتم
صف بنيان والعدان مرعوبه

قد وجب نتحد لاعذر للمسلم
ومن تغافل بواجب جاه عذروبه

شدو العزم والساعد مع المعصم
والئخا والتئاخي اليوم ترقوبه

#محمد_الميادين

بعد خط العلم والمنهج المحكم
وايه النصر والانفال والتوبه

بالتعاون نزيل احلام بن ملجم
والذي في يد الشيطان العوبه

#الشاعر_ابوحيدر_عامر

كل من فيه ذرت دين باينهم
نوحد صفوفنا طوبه على طوبه

بثقه بل قوي والله مانهزم
بان واجه عدانا دوم منكوبه

خبرو امريك عاجل قل ماتندم
بان خلي قواها كامل اعجوبه

#ابوسجاد_نايف_الحيدري

فرض واجب بهاذا الظرف نتراحم
ونتحد صف واحد ننقذ الجوبه

ونحرر ألشعب من عدوانه الاغشم
ذي قد تمادا من أشماله الى اجنوبه

با ابشع جرايم وذا العالم كأنه صم
بايحبط الله ما كادو وما جو به

#نواف_جميدة

صفنا صف واحد ياعيال العم.
ذه رساله لكم بالدم مكتوبه.

اليمن واحدة هيهات نتقسم.
من حرض لاعدن لاحوف للجوبه

نتحد كلنا في صف ونتقدم.
لاتصالح وعاد الارض منهوبه.

#عصام_المنجر

يارجال الوفا سوو الصفوف تلتم
وحدو صفنا كلين من صوبه

لانصدق علي محسن ولد ملجم
هو مجرد اداه في يد والعوبه

ذي لحق بعد امريكي قد اتندم
ف ازرقين القمامه تركياء ادو به

#الشاعر_عبدالله_الحداد

ببنيان مرصوص للميدان نتقدم
ندحر البغي من نجران لاالجوبه

نطهر الأرض من أنجاس ماتفهم
أنهم في يدين صهـ ـيوني ألعوبه

نقهر المجلس الأخرس ونتكلم
من خشوم البنادق نار مشبوبه

#حامد_النمري

من قعد ليس منا وبلاجذم
ومن لحق مرحبا والعز مطلوبه

حن مع الله وجند الله ماتهزم
قد نصرنا وحنا قلاال ف الخوبه

#عبدالكريم_صلاح

وحدة الصف فيها الكل با يغنم
نصر محتوم ضد الحلف وشعوبه

والرخاء با يجي والشعب يتقدم
نبني أرض اليمن طوبه وراء طوبه

شوفوا النحل إذا أتفرق وأتشرذم
با يضيع رحيقه ثم يعسوبه


#إتحاد_الشعراء_والمنشدين

https://t.me/aboyahyaalshami

والله لومازد رجع منا نفر
مانتركك يانفط صافر للغزاه

من حج في مكه ولبى واعتمر
وسط المجمع باينادي للصلاه

ومن بدين الله وقرآنه كفر
لابد مايسلم ويؤمن بالإله

يستاهل الغُربه من اتوجه قطر
ويستحق البرد من ضيع دفاه

ومن ترك عرضه لعُباد البقر
فالتاليه لابد مايلقى جزاه

ومن يبى صنعا مع وقت السحر
يذبها البيضا وفي صنعا مساه

وانا عليا اللقاه لادار الحجر
وافرش له الديوان واجهز غداه

ووجه ابوجبريل مايلقى خطر
ولايواجه مشكله طول الحياه

ومن وقف في وسط بيته واستقر
فّله أمان الله من كل اتجاه

ذا علم ابوناجي وذا راس الخبر
وكل ما عقله وما باله نواه

#الشاعر_صقر_هيسان
#الذكرى_السنوية_للشهيد 1443هـ
#إتحاد_الشعراء_والمنشدين

https://t.me/aboyahyaalshami

مجازر العدوان في شعب اليمن متواصلة
في ضل صمت العالم الغربي وحكام العرب

والعار يا للعار لا ظلت رصاصي غافلة
من حق لي مشروع اشله واخذه من بولهب

#الشاعر_صقر_هيسان
#إتحاد_الشعراء_والمنشدين

https://t.me/aboyahyaalshami

لاشفتوا القايد في السد ارتكز
فوعد صعتر فالفلج ماهو بزين

اترقبوا ياهل الجنابي والتوز
مفاجئة من فارس ارض الجنتين

ابن المشن ذي لا ارتفع راسه وفز
تركع غزاة الارض له في لحظتين

#الشاعر_صقر_هيسان
#إتحاد_الشعراء_والمنشدين

قوه آلهية منحنا الله جلة قدرته
لاقوه الا قوتك يالواحد الفرد الجليل

عروض ردت لليمن والشعب كله هيبته
من شافها جاه ارتفاع المعنوية ألف ميل

وآين بايجي سلمان وولاده وزايد واخوته
من بعد هذا العرض والتدريب اذي ماله مثيل

وايش با يسي ذي ماستطاع انه يإمن دولته
أمام هذا الجيش في بيحان ولا في ارخبيل

طموحنا اصبح نسقط العالم ونملك سلطته
بقوة الله والقيادة ليس هذا مستحيل

مابالكم ببن العليمي هو ومنهم زمرته
سبعه نفر واثنين (كاكولا) وواحد زنجبيل

فيهم ثلث ساعة وكلين بايعطف لحفته
ومن مدينة خور مكسر بايلذوا بالرحيل

#الشاعر_صقر_هيسان

أما تصلوا يادواعش عالنبي
وتسلموا في يوم ذكرى مولده

ومن مواردنا وحلف الاجنبي
توبوا ولا داعي لكثر العربده

ولا فابوجبريل قايدنا الأبي
لا قشكم واجتاح لاحد ينقده

قلوا لذي بخداعكم جالس غبي
يسئل علي عنا وطارق ينشده

ويسئل الخوبة ويتخبر دبي
كيف اللتهمنا اكبر جنود امجنده

#الشاعر_صقر_هيسان

بسم الله أول ضربة
بعد العصر يوم الجمعة

للساحل ومينا الضبة
شغلنا المسير قرعة

بسم الله حبه حبه
فالاولى وثاني طلعة

واللي ماحمد شي ربه
با تأتيه ثاني جرعة

#الشاعر_صقر_هيسان